हनुमत यादव,गौर, ०८ असोज । रौतहट जिल्लाको सदरमुकाम गौरमा अव्यवस्थित फोहरले वातावरण दुर्गन्धित बन्दै गएको छ । गौरमा प्रवेश गर्ने मुख्य सड़क छेउमा नगरपालिकाले अव्यवस्थित रुपमा फोहरमैला थुपार्ने गरेका कारण वातावरण दुर्गन्धित भएको छ । गौर समनपुर सड़क खण्ड अन्तर्गत गौर नगरपालिका वड़ा नम्बर ५ स्थित हनुमान मंदिर देखि पूर्वमा सड़क किनारमा फोहर थुपार्ने काम भइरहेको हुँदा वातावरण खराब भई स्वास्थमा असर पर्ने अवस्था बनेको र आवतजावत गर्नेलाई नाक थुन्नु पर्ने अवस्था उत्पन्न भएको छ ।
गौरदेखि सिरसिया, गंगा पिपरा, समनपुर जाने मुख्य सड़क रहेकोले सड़क किनारमा नगरपालिकाले अव्यवस्थित रुपमा भण्डारण गर्ने गरेको फोहर मैलाको दुर्गन्धले स्वास्थ्यमा नकारात्मक प्रभाव पार्ने जोखिम बढेको छ । पुलदेखि करिब ५० मीटरसम्म नगर भित्रबाट दैनिक रुपमा निस्कने फोहर अव्यवस्थित तरिकाले फालिने कार्य गरिएको छ । बाटोको छेउमा सड़ने तथा नसड़ने फोहर अव्यवस्थित रुपमा फालिएकोले बिहान र बेलुका बढी दुर्गन्ध दिने गरेको स्थानीयहरुले बताएका छन ।
फोहर फालिएको ठाउँमा नाक थुनेर हिड्नु पर्ने बाध्यता सृजना भएको बाटो हिड्ने बटुवाहरुको भनाइ रहेको छ । कुहिने र नकुहिने फोहर
फरकफरक ठाउँमा व्यवस्थापन गर्नु पर्ने अवधारणा ल्याउन नसकेका गौर नगरपालिकाले अव्यवस्थित रुपमा फोहर फाल्ने गरेकोले त्यसको असर स्वास्थ्यमा पर्ने चिकित्सकहरुको कथन रहेको छ । सडको वस्तुको दुर्गन्धले स्वास्थ्यमा असर गर्नुको साथै विभिन्न किसिमको रोगको
संक्रमण हुने खतरा बढेको छ ।
स्वच्छ साफा नगर बनाउने गौर नगरपालिकाका नगर प्रमुख शम्भु साहको यस्तो कार्यले दुर्गन्धित नगरको रुपमा पहिचान हुने अवस्था आउन सकिन्छ । सडक किनार सफा हुनुपर्नेमा अनावश्यक रुपमा फोहर थुपार्नुले नगर कुरुप हुने भएकोले फोहरको उचित व्यवस्थापन गर्ने तरफ नगर प्रमुखले ध्यान दिनु पर्ने आवश्यकता रहेको जनमानसको भनाई रहेको छ ।
जनकपुरधाम, ८ असोज । राष्ट्रपति रामचन्द्र पौडेलले जानकी मन्दिरको दर्शन एवं पूजाआजा गरेका छन् ।
सोमबार जनकपुरधामस्थित जानकी मन्दिरमा उनले अखण्ड दीप प्रज्ज्वलन गर्नुका साथै सीता माताको माइतीघर दर्शन, अखण्ड कीर्तन दर्शन एवं प्रसाद ग्रहण गरे ।
मन्दिरमा राष्ट्रपति पौडेललाई जानकी मन्दिरमा मूल महन्त रामतपेश्वर दासले स्वागत गरे ।
सोमबार दिउँसो राष्ट्रपति पौडेलले जनकपुरधाममा निर्मित महेन्द्रनारायण निधि मिथिला संस्कृति केन्द्र सभाहलक उद्घाटन गर्ने कार्यक्रम रहेको छ ।
इन्दीप कोइराला,बारा, ८ असाेज ।
दुधौरा खोलाबाट बालुवा उत्खनन गरेर जादै गरेको १० ट्याक्टरलाई प्रहरीले आईतबार नियन्त्रणमा लिएको छ । बाराको जीतपुरसिमरा उपमहानगरपालिका वडा नं. ३ बजनीस्थित खटिएको प्रहरी टोलीले दुधौरा खोलाबाट बालुवा उत्खनन गरी जीतपुर तर्फ जाँदै गरेको अवस्थामा ट्याक्टरलाई प्रहरीले नियन्त्रणमा लिएको हो ।
प्रहरीले साँझ ८ वटा र दिउँसो दुई वटा गरी १० वटा ट्याक्टरलाई प्रहरीले नियन्त्रणमा लिएको जिल्ला प्रहरी कार्यालय बाराले जनाएको छ । जिल्ला प्रहरी कार्यालय, बारा, कलैयाका प्रवक्ता प्रहरी नायव उपरीक्षक दधिराम न्यौपानेका अनुसार प्रहरीले ना.२.त.५९९७, ना.२.त.९७१३, ना.२.त.९९४४, ना.२.त.९८७९, ना.३.त.४४१२, ना.४.त.७१५८, ना.४.त.४३७१, ना.५.त.४५४० लाई साँझ साढे ५ बजे पक्राउ गरेको हो ।
त्यसैगरि जीतपुरसिमरा ४ स्थित दुधौरा खोलामा ना.७.प.४५३६, प्र.०३–००१.त.३९२१ न.गरी जम्मा १० वटा ट्रयाक्टरलाई दिउँसो नियन्त्रणमा लिएको हो । बालुवा लोड भएका ट्रयाक्टरलाई रोकी चेकजाँच गर्दा कुनै पनि आधिकारिक पत्र तथा सिफारिस नभएकोले आवश्यक कारवाहीको लागि बालुवा सहित ट्रयाक्टर नियन्त्रणमा लिई कानूनी कारवाहीको प्रकृया अगाडी बढाईएको प्रवक्ता न्यौपानेले प्रेस नोट मार्फत जानकारी गराएका छन् ।
काठमाडौं, ८ असोज । धारिलो हतियार प्रहार गरेर हत्या गरिएको अवस्थामा बाराको दशगजा क्षेत्रमा एक नेपालीको शव फेला परेको छ।
पचरौता नगरपालिका-१ पिपरपातीका ३३ वर्षीय अमरेश कुमार सिंहको शव हत्या गरिएको अवस्थामा फेला परेको बारा प्रहरीले जनाएको छ।
अमरेश कुमारको शरीरमा पछाडिबाट धारिलो हतियारले प्रहार गरेको अवस्थामा शव फेला परेको बाराका प्रहरी उपरीक्षक सुरेश प्रसाद काफ्लेले बताए।
सिंहले सशस्त्र प्रहरी बल, नेपालको सशस्त्र प्रहरी जवानमा पाँच वर्ष जागिर गरी छोडेका थिए सशस्त्रको जागिर छोडे पछि उनले केही महिना भारतको बरहर्वा र नेपालको पिपरपाती नाकामा रक्सी पसल समेत सञ्चालन गरेका थिए।
सिंह रक्सी पसललाई छोडेर अहिले गाउँमै खेतीपाती गर्दै आएका थिए। सिंहको हत्याको अनुसन्धानको सिलसिलामा भारतीय नागरिक राहुल साह र सामलाल महतोलाई नियन्त्रणमा लिइएको प्रहरीको भनाइ छ।
सर्लाही, ८ असोज । सर्लाहीको विष्णु गाउँपालिकामा भारतीय नम्बर प्लेटको मोटरसाइकलको ठक्करबाट एक महिलाको मृत्यु भएको छ।
विष्णु गाउँपालिका–६ स्थित भित्री सडकमा बीआर ३०एडी ९८७२ नम्बरको भारतीय मोटरसाइकलले ठक्कर दिँदा स्थानीय ३५ वर्षीया सुनिता देवीको मृत्यु भएको हो।
पैदल हिँडिरहेकी सुनिता मोटरसाइकलको ठक्करबाट सिकिस्त घाइते भएकी थिइन्। घाइते सुनितालाई उपचारका लागि प्रादेशिक अस्पताल मलंगवामा पुर्याएपछि उपचारको क्रममा उनको मृत्यु भएको जिल्ला प्रहरी कार्यालयले जनाएको छ।
ठक्कर दिने मोटरसाइकलसहित चालक सोही ठाउँका १८ वर्षीय आकाश मण्डल प्रहरी नियन्त्रणमा रहेका छन्।
काठमाडौं, ९। असोज साफ अन्डर १९ च्याम्पियनसिपमा नेपालले आज माल्दिभ्ससँग प्रतिस्पर्धा गर्दैछ ।
दशरथ रंगशाला, त्रिपुरेश्वरमा सो खेल दिउँसो साढे १ बजेदेखि शुरु हुनेछ ।
जारी खेलमा नेपाल र माल्दिभ्सबीच जो विजेता हुन्छ, त्यो टिम सेमिफाइनलमा पुग्ने छ।
शनिबार भएको पाकिस्तान र माल्दिभ्स बीचको खेल १–१ गोलको बराबरी खेलेपछि पाकिस्तानलले सेमिफाइनलमा आफ्नो स्थान सुरक्षित गरेको हो।
इस्लामबाद, ९ असोज । पाकिस्तानको सर्वोच्च अदालतले पूर्व प्रधानमन्त्री इमरान खानलाई पञ्जाब प्रान्तको अटक जेलबाट रावलपिण्डीको ग्यारिसन सहरको अदियाला जेलमा सार्न आदेश दिएको छ।
तेहरिक ए इस्लाम पार्टीका नेतासमेत रहेका पूर्वप्रधानमन्त्रीलाई उच्च सुरक्षा मानिएको अदियाला जेलमा राख्न इस्लामावाद उच्च अदालतमा याचिका दायर गरिएको थियो।
उच्च अदालतका मुख्य न्यायाधीशले इमरान खानलाई अटक जेलबाट रावलपिंडीको अदियाला जेलमा सार्न निर्देशन दिएका हुन् । ७० वर्षीय इमरान खानलाई तोशखाना भ्रष्टाचार मुद्दामा अगस्ट ५ देखि अटक जेलमा राखिएको थियो । इस्लामावाद उच्च अदालतले उनको सजाय निलम्बन गरे पनि गोप्य कागजात चुहावटको मुद्दामा उनलाई अटक जेलमा राखिएको थियो।
आधिकारिक गोप्य कानून अन्तर्गत एक विशेष अदालतले गोप्य कागजातहरू लीक गरेको मामिलामा इमरान खानको रिमान्ड सेप्टेम्बर १३ बाट बढाएर सेप्टेम्बर २६ सम्म पुरयाइएकाे छ । इस्लामावाद अदालतले पूर्वप्रधानमन्त्रीलाई तीन वर्षको जेल सजाय सुनाएको छ र अधिकारीहरूलाई अडियाला जेलमा राख्न आदेश पनि दिएको छ। इमरान खान पक्राउ परेदेखि नै अटक जेलमा राखिएका छन् ।
विशाल बस्नेत/ महोत्तरी, ९ असाेज ।
मधेशको चुरे काक्षमा पानी पुनर्भरण गर्ने उदेश्यले बनेका ताल र पोखरीहरु पछिल्लो समय पर्यटकीय केन्द्रको रुपमा विकास हुँदै गएका छन ।
सर्लाहीको बागमती नगरपालिकामा बनेको बहुचर्चित भरत तालको निर्माणले पर्यटकिय हिसावले मात्र आकर्षण बनेको छैन, किसानहरुको लागि समेत उपयोगी सावित बन्दै गएको छ । चुरे अतिक्रमणका कारण पानीका मुहानहरु सुकिरहेको जनगुनासो बढीरहेको वेला स्थानिय सरकारले समेत रिचार्ज पोखरी र ताल निर्माणमा ध्यान दिन थालेका छन ।
यसै सन्दर्भमा महोत्तरीको उत्तरवर्ती क्षेत्र बर्दिबासमा बन्न लागेको मधेश कै सवैभन्दा ठूलो तालले स्थानिय सरकारहरु चुरे संरक्षणमा संवेदनशील वन्दै छन भन्ने बिषयलाई प्रमाणित समेत गरेको छ । बर्दिवास-३ स्थित पुछर पाटुमा रहेको नदी उकास जग्गा अतिक्रमण भैइरहेको गुनासोलाई मध्यनजर गर्दै स्थानिय सरकारले विशाल पर्यटकिय तालको गुरुयोजना अगाडि बढाएको हाे । जसका लागि प्रारम्भिक चरणमा काम गर्न नगरले २० लाख बजेट समेत बिनियोजित गरिसकेको
रातु नदीको छेउमा नै रहेको उक्त ठाउँ झण्डै ३ किलोमीटर वरपरसम्म फैलिएको छ । रातु नदीकाे नदी उकास जग्गालाई उपयोग गर्दै मधेश कै सवैभन्दा ठुलो ताल निर्माण गर्न लागिएको नगरपालिकाले जनाएको छ । बर्षौदेखी हकभोग गर्दै आएका जग्गालाई समेत मुआब्जा प्रदान गर्ने र पानीको समस्यालाई समेत ताल बनाएर होल्ड गर्दा पानीको अभाव समेत परिपुर्ति हुने भएकाले तालको परिकल्पना गरिएको नगरप्रमुख प्रल्हाद कुमार क्षेत्रीले वताए । २०५० को दशकमा आएको बाढीले ताल निर्माण गर्ने भनिएको ठाउँमा बगर बनाएको थियो । स्थानियहरुले थप बाढीले असर नपुर्याओस भन्ने उदेश्यले केही साल, सिसौको बिरुवा रोपे तापनी त्यस्को उचित संरक्षण हुन सकेको थिएन । रातु नदिको दायाँबायाँ किनारामा राष्ट्रपती चुरे संरक्षणले बलियो तटबन्धन गरे पछी उक्त जग्गालाई स्थानियहरुले नै अतिक्रमण गर्दै आएका छन ।
चुरे जलाधार संरक्षणमा चुरे क्षेत्रमा तालतलैया र पोखरी बनाए पछिल्लो समय बढदै गएको पानीको समस्यालाई न्यूनीकरण गर्न सकिने बताउदै मधेश प्रदेश वन तथा वातावरण मन्त्री रमेश प्रसाद कुर्मीले पनि नगरको पवित्र उदेश्यमाथी हातेमालो गर्ने प्रतिबद्धता जनाएका छन । गत अाइतबार मात्रै स्थलगत अवलोकन गरेका मन्त्री कुर्मीले पारिस्थितिक प्रणालीलाई सन्तुलन बनाई राख्न र चुरे संरक्षण गर्न यस्ता खाल्का कामहरुको जरुरी भएको वताए ।
यता महोत्तरी जिल्ला वन कार्यालयका कार्यालय प्रमुख सन्तोष यादवले पनि बनको अधिकार क्षेत्रमा आईपरेका कामहरुमा सहजीकरण गर्ने बताएका छन । मधेशमा नै सवैभन्दा ठुलो तालको निर्माणले पर्यटन क्षेत्रमा श्रीबृदी हुने सरोकारवालाहरुको बिस्वास छ । नदी उकास जग्गाको नाममा चरम अतिक्रमणको चपेटामा पर्दै आएको यस क्षेत्रमा नगरको गुरुयोजनाअनुसार ताल निर्माण भए स्थानियहरुको आयआर्जनमा मात्र हैन, नगरको समेत मुख्य आयस्रोत बन्न सक्ने अनुमान गरिएको छ ।
वडा अध्यक्ष बिराट बिष्टले विशाल मानवनिर्मित ताल बनाउने बिषयमा वडावासीहरुसगँ पारम्भिक छलफल अगाडी बढाईसकिएको जानकारी दिए छ । न्युज कारखाना
काठमाडौं, ९ असोज । काठमाडौंमा आन्दोलनरत राहतका शिक्षकहरुसँग नेपाली कांग्रेसले बार्ता गर्ने भएको छ ।
नेपाल शिक्षक महासंघले सरकारसँग हालै गरेको सहमति प्रति असन्तुष्ट जनाउँदै आन्दोलनरत शिक्षकहरुसँग कांग्रेसले बार्ता गर्न लागेको हो ।
बार्ताका लागि कांग्रेसले शिक्षकहरुलाई सानेपास्थित केन्द्रिय कार्यालयमा बोलाएको छ ।
सागर संगम ठाकुर रौतहट असाेज ७ गते
रौतहटको गरुडामा प्रभु साह नेतृत्वको आम जनता पार्टी निकट आईटी आर्मीको गरुडा नगर भेला सम्पन्न भएको छ । शनिबार जिल्लाको गरुडा नगरपालिकाकाे गरुडामा अमिन्द्र यादवको अध्यक्षतामा आईटी आर्मीको ५१ सदस्यीय नगर कमिटी गठन गरिएको हो ।
आजपाका जिल्ला इन्चार्ज त्रिभुवन साह ‘अमर’, आईटी आर्मीका प्रदेश अध्यक्ष नरेश तुराहा, जिल्ला इन्चार्ज बालाशंकर कुशवाहा, जिल्ला नेता रविन्द्र यादव, रामशरण यादव लगायतका नेताहरुको राेहवरमा नगर कमिटी गठन गरिएको छ । आजपाले देशमा ‘बैकले मनोमानी ढंगले लिएको व्याज रकम फिर्ता गर्न संघर्ष गरौ,
आईटी आर्मीलाई आम जनताको सेवामा समर्पित गरौं’ भन्ने मूल नाराको साथ नगर भेला सम्पन्न गरिएको जिल्ला ईन्चार्ज साहले जानकारी दिनु भयो । साहले अहिलेकाे संबिधान गण्डा संबिधान भएकाले याे संबिधानलाई अन्तयष्टि गर्नु पर्ने बताउदै आएका छन् ।
