काठमाडौँ । स्पेनका कार्लोस अल्काराज जारी विम्बल्डनको पुरुष सिंगलको फाइनलमा पुगेका छन् ।
शुक्रबार राति सम्पन्न सेमिफाइनल खेलमा अल्काराजले रुसका डानील मेडभेडेभलाई ७-६, ६-३, ६-४, ६-४ को सेटले पराजित गरेका थिए । पहिलो सेटमा हार बेहोरेका अल्काराजले त्यसपछिका तीन सेट लगातार जितेर फाइनलमा पुगेका थिए । २१ बर्षिय अल्कराज विम्बल्डन पुरुष सिंगलको डिफेन्डिङ च्याम्पियन समेत हुन् ।न्युज कारखाना
आरके श्रीवास्तव, राैतहट,२८ गते असार । मधेश प्रदेशको अधिकांश पालिकाका करिब सबै विद्यालयमा प्रथम त्रैमासिक परीक्षा संचालन भइरहेको छ । केही पालिकाले परीक्षा संचालन गर्नको लागि विद्यालयहरुलाई रकम विनियोजन गरेको भए पनि अधिकांश विद्यालयले परीक्षाको औपचारिक पूरा गरिरहेका छन् । रौतहटका केही पालिकाले प्रथम त्रैमासिक परीक्षाको समय तालिका म्यासेन्जरमा उपलब्ध गराएर समयमै परीक्षा सम्पन्न गर्न ह्वीप जारी गरेका छन् । नगरपालिकाले निशुल्क परीक्षा लिन ह्वीप जारी गरेर न कापी उपलब्ध गराउँछन् र न त प्रश्नपत्र नै । सक्षम विद्यालयहरुले प्रश्नपत्र उपलब्ध गराउने र विद्यार्थीलाई कापी दिएर परीक्षा लिए पनि अधिकांश विद्यालयले भने केवल औपचारिकता पूरा गरेका छन् । कक्षाका सारा विद्यार्थीलाई आफूले घरबाटै लिएर आएको पानामा उत्तर लेख्नुपर्ने र शिक्षकले घरबाट बनाएर ल्याएको प्रश्नलाई बोर्डमा लेखिदिने गरेका छन् । शिक्षकले बोर्डमा लेखेको प्रश्नपत्रको भरमा परीक्षार्थीले उत्तर दिँदा दुई घन्टाको परीक्षा आधा घन्टामै सकिने र एकले अर्कोको कापी हेरेर सार्न सकिने अवस्था हुन्छ । पालिकाहरुले विद्यालयलाई विद्यार्थीसित परीक्षा शुल्क पनि उठाउन नदिने र प्रश्नपत्र तथा कापी केही पनि उपलब्ध नगराउने भएपछि परीक्षाकै बिजोग भएको देखिएको छ । पालिका र सरकार दुवैले परीक्षाको नाउँमा विद्यार्थीलाई ठग्ने बाहेक केही नगरेको बुद्धिजीवीहरुले आरोप लगाउने गरेका छन् । सरकारले निशुल्क शिक्षा भने पनि माध्यमिक शिक्षा परीक्षाको परीक्षा शुल्क विद्यार्थीसित असुल्ने गरेको छ तर विद्यालयले लिने परीक्षाको लागि कुनै पनि शुल्क लिन नपाउने निर्देशन जारी गरेर कक्षा ९ सम्मको परीक्षाको व्यवस्थापन र संचालनमा हस्तक्षेप गरेको छ । अधिकांश विद्यालयसित कुनै आन्तरिक स्रोत नभएको अवस्थामा एक वर्षमा तिनओटा परीक्षा संचालन र व्यवस्थापन गर्न कुनै पनि हालतमा नसकिने भएकोले परीक्षाको औपचारिकता मात्र पूरा भइरहेको शिक्षकहरुको भनाइ छ । परीक्षामा खट्ने कर्मचारी, परीक्षामा लाग्ने साधन, कापी परीक्षण, प्रश्नपत्र र कापी आदिमा लाग्ने न्युनतम खर्च न त पालिकाले दिएको छ र न त परीक्षार्थीसित नै उठाउन दिइएको छ । अधिकांश पालिकाले सोझै निर्देशन दिएर प्रथम त्रैमासिक परीक्षा संचालन गराएकाले विद्यालयहरुले पनि परीक्षाको औपचारिकता पूरा गरिरहेको पाइएको छ । असार मसान्तसँगै मधेश प्रदेशका अधिकांश विद्यालयहरु एक महिनाको लागि बन्द हुँदै छन् । एक वर्षमा ४५ दिन विद्यालय बन्द रहने नियमानुसार एक महिनाको वर्षे बिदा अधिकांश पालिकाहरुले दिँदै छन् । रौतहटको गौर नगरपालिकाले साउन १ देखि भदौ २ गतेसम्म पालिकाका सबै विद्यालयमा गर्मी तथा वर्षे बिदा दिइने सूचना जारी गरिसकेको छ र भदौ ४ गतेदेखि नियमित रुपमा पठनपाठन हुने सूचना सबैको जानकारीको लागि जारी गरिसकेको देखिएको छ । भदौ ३ गते रक्षा बन्धन परेको हुनाले मधेश प्रदेशका अधिकांश विद्यालय भदौ ४ गतेदेखि संचालन हुने देखिएको छ । मधेशका सामुदायिक विद्यालयसँगै अधिकांश संस्थागत विद्यालयले पनि प्रथम त्रैमासिक परीक्षा संचालन गरिरहेको पाइएको छ ।
आरके श्रीवास्तव, राैतहट,२८ गते असार । केही दिनदेखि हरेक दिन पानी परिरहेको छ । वर्षाको प्रवृत्ति कस्तो रहेको छ भने चार पाँच घन्टा पानी पर्छ र रोकिन्छ । चार पाँच घन्टा पानी पर्दा पनि केही बेर मात्र हो भारी वर्षा हुने, हैन भने सामान्य वर्षा हुने र सिमसिम पानी परिरहने देखिएको छ । यसले गर्दा रौतहटका खोलाहरु मुख्य रुपमा बागमती, बकैया तथा लमाहामा बाढी त आएको छ तर खोलाको पानीले खोलाको किनारलाई नाघेको छैन ।
मुख्य गरी पहाड र उत्तरी क्षेत्रको जंगलमा परेको पानीले खोलाको सतह बढाएको हो । वर्षाको पानी यति धेरै भइसकेको छ कि खेतमा रोपाईँ गर्न सजिलो होओस् । गैरी खेतहरुमा पानी भरिएको छ तर सबै ठाउँमा रोपाइँको लागि उपयुक्त पानी परिसकेको छैन । खोलामा बाढी आइसकेकोले खोलाको किनारमा रहेका गाउँमा बासिन्दाहरुलाई भने निकै डर लाग्न थालेको छ ।
खोलाको बाढीले किनारको कटान सुरु गरिसकेकोले किनारका बासिन्दाहरुलाई डर लाग्न थालेको हो । बकैया नदीको तटबन्धमा बाढीको पानीको धक्का दिन थालेको छ । बाढीले नदीको किनारलाई काट्दै जाँदा तटबन्ध चर्किन थालेको छ । 
तटबन्धलाई बाढीले काटेर लगेपछि गाउँमा बाढीको पानी पस्ने र त्यसले ठूलो क्षति पु¥याउने त्रास मौलापुर र बौद्धिमाई नगरपालिकामा व्याप्त रहेको छ । निरन्तर परिरहेको पानीले खोलामा जसरी बाढीको संकेत गर्दछ, स्थानीयबासीलाई बाढीजन्य क्षतिको त्रासले सताउन सुरु गर्दछ ।
मध्यरौतहटको पश्चिमी रौतहटसित लाइफलाइन बनिसकेको मौलापुरस्थित बकैया नदीको पुल पनि चर्केको देखेर स्थानीय त्रसित बनेका छन् । बिचैमा चर्केको पुलको माथिल्लो भाग चर्केको हो कि तलसम्म चर्केको हो ? प्राविधिक जाँच हुनु जरुरी भएको स्थानीयको भनाइ छ । पुलको अर्धपश्चिमी भागमा चिरा परेको देखिएको छ । तटबन्ध र पुल दुवैमा चिरा परेको देखिएपछि स्थानीयमा गत वर्षहरुको भन्दा बढी त्रास देखिएको छ । पहिलोपटक पुलमा पनि चिरा देखिएको हो । 
वर्षाको सुरुमै समस्या देखा परेपछि सम्बन्धित निकायको ध्यान जानुपर्ने स्थानीयवासीको माग रहेको छ । पुल र बाँधको निर्माण तथा मरम्मत र यिनीहरुको प्राविधिक पक्षसित सरोकार राख्ने निकायले उचित समयमा ध्यान दिएर मरम्मतको तत्काल पहल गर्नुपर्ने स्थानीयवासीको आग्रह रहेको छ । बकैया नदीको तटबन्धमा चिरा परेपछि रौतहटको सुरक्षा निकायको पनि ध्यान तानिएको छ । मौलापुर नगरपालिकाकी नगर प्रमुख रिनाकुमारी साहसहितको टोलीले स्थलगत निरीक्षण गरिसकेको छ । स्थलगत निरीक्षण गर्दा समस्या तत्काल समाधान गर्नुपर्ने देखिएको नगर प्रमुख साहको भनाइ छ । 
नदीमा बाढी बढिरहेको र तटबन्धलाई नोक्सानी पु¥याइरहेकोले सम्भव भएसम्म छिटो मरम्मत गर्नुपर्ने साहको माग पनि रहेको छ । तटबन्धको मरम्मत नगरपालिकाको क्षमता र क्षेत्र दुवै भन्दा माथि रहेकोले यथाशीघ्र बलियो मरम्मतको काम गर्नुपर्ने स्थानीयको माग छ । साथै तटबन्धतिर खोला फर्किरहेकोले खोलाको तीव्र बहाव भएको ठाउँमा बलियो संरचना निर्माण गर्नुपर्ने माग पनि स्थानीयबासीको रहेको छ । विगतका वर्षहरुको भन्दा केही पहिले वर्षा भइरहेको तथा गत वर्षहरुभन्दा बढी वर्षा हुने चेतावनी आइरहेकोले स्थानीयहरुमा अझ बढी त्रास देखिएको हो । तटबन्धको कटान हुँदा दर्जनौँ गाउँमा समस्या पर्ने भएकोले स्थानीयमा त्रास देखिएको हो ।
राैतहट,२८ गते असार । शुक्रबार बिहान चितवन जिल्लाको भरतपुर नगरपालिका २९ सिमतालमा पहिरोले दुई बसलाई त्रिशुलीमा बगाएको खबरले पूरा मधेशमा शोकमा डुबेको छ । वीरगंजबाट काठमाडौँतर्फ गइरहेको एन्जल डिलक्स बसमा रहेका दुई दर्जनभन्दा बढी यात्रुले अनेक सपना बुनेका थिए । देशको राजधानी पुगेर अनेक काम गर्नुपर्ने तथा पेसा र रोजगारमा लागेर आफ्नो र सन्तानको भविष्य सपार्ने सपना देखेका थिए । आधा दर्जनभन्दा भारतीय नागरिकहरु पनि विभिन्न सपना बुन्दै काठमाडौँको यात्रा गरिरहेका थिए । काठमाडौँबाट अनेक काम सिध्याएर गणपति डिलक्समा फर्किरहेका थिए करिब अढाई दर्जन नागरिक । विभिन्न काम सकेर घरतिर फर्किरहँदा मनमा हुने उत्साहको ठेगान हुँदैन । काठमाडौँबाट मधेशतिर फर्किने बसका यात्रुको एउटै सोचाइ हुन्छ – मुग्लिन कटेपछि अब कुनै ठुलो दुर्घटना हुँदैन । ढुक्कसित निदाएर यात्रा गर्न सकिने अवस्था भने मुग्लिन कटेपछि नै हुने गरेको यात्रुहरुको अनुभव छ । मुग्लिन कटेपछि अबको केही घन्टामा घर पुगिन्छ भन्ने मिठो आशामा यात्रीहरु निदाइरहेका थिए । काठमाडौतिर गइरहेको वीरगंजको एन्जल डिलक्स र काठमाडौँबाट फर्किरहेको गणपति डिलक्स भरतपुर नगरपालिका २९ स्थित सिमतालमा एकले अर्कोलाई क्रस गर्दै थिए । सोही अवस्थामा माथिबाट आएको पहिरोले दुवैलाई त्रिशुलीमा खसाल्यो । त्रिशुलीमा खसेका दुवै बस शुक्रबार साँझसम्म फेला परेका छैनन् । दुवै बसमा रहेका चारदेखि पाँच दर्जन यात्रुको पनि अत्तोपत्तो लागेको छैन । काठमाडौँबाट रौतहटतिर आइरहेको गणपति डिलक्स बसबाट हाम फालेर तिन यात्रुले ज्यान जोगाएका छन् । तिनका आफन्तहरु बसमै थिए । असार २८ को बिहान मधेश प्रदेशमा कालो उज्यालो लिएर आयो । त्रिशुली नदीमा रौतहट र पर्सा जिल्लाको बस खसेर बेपत्ता भएको खबर सञ्चार माध्यममा सार्वजनिक भएसँगै रौतहट र पर्सासँगै मधेश प्रदेशमा नै शोकको लहर व्याप्त भएको छ । करिब तिन वर्ष पहिले रौतहटबाट पोखराको लागि छुटेको बस त्रिशुलीमा खसेको थियो । उक्त बसमा पनि रौतहटका दर्जनौँ मानिस थिए । केही परीक्षार्थी थिए शिक्षकका । निम्न माध्यमिक तहको शिक्षक परीक्षा दिन पोखरा जाँदै थिए । त्रिशुलीमा बस खसेको दुई वर्षभन्दा बढी बितिसकेको भए पनि त्यसमा हराएकाहरुको अहिलेसम्म पत्तो लागेको छैन । शुक्रबार बिहान साढे तिन बजेदेखि त्रिशुलीमा हराइरहेका दुई ओटा बसको अवस्था अज्ञात रहँदा सिंगो मधेश चिन्तामा डुबेको छ । नियमित काठमाडौँ यात्रा गर्नेहरु अहिले निकै त्रासमा देखिएका छन् । काठमाडौँ जानको लागि कुन बाटो उपयुक्त होला ? वर्षा याममा सबै बाटोमा पहिरो जाने भएकोले सर्वसाधारणले यथाशीघ्र द्रूतमार्गको निर्माण हुनुपर्ने अपेक्षा गर्न थालेका छन् । द्रुतमार्गको निर्माण हुन थालेको लामो समय बितिसकेको भए पनि अहिलेसम्म संचालनमा आउने छाँटकाँट नहुँदा सर्वसाधारणमा यसप्रति झन् चासो बढेको हो । द्रुतमार्ग पहिरोरहित हुने र बढी सुरक्षित हुनुका साथै एक डेढ घन्टामै यात्रा गर्न सकिने भएकोले धेरै सुरक्षित र विश्वसनीय हुने सर्वसाधारणको विश्वास रहेको छ । हरेक दिन हजारौँ यात्री काठमाडौँ आवागमन गर्ने गर्दछन् । मधेश प्रदेशको हरेक जिल्लाको सदरमुकामदेखि काठमाडौँसम्म दर्जनभन्दा बढी रात्री बस चल्ने गरेका छन् । सडकको सुविधा विस्तार भएसँगै मधेश प्रदेशको हरेक जसो बजारबाट काठमाडौँको लागि रात्री बस चल्न थालेको छ । हजारौँ यात्री काठमाडौँको आवतजावत गर्ने मधेश प्रदेशमा अहिले शोकसँगै त्रास व्याप्त भएको छ । रौतहटको बौधिमाई नगरपालिकाको इनर्वा र गरुडा नगरपालिकाको सिसवा गाउँमा भने कसैको घरमा चुलो बलेको छैन । गणपति डिलक्स बसमा यिनै दुई गाउँका यात्री रहेका थिए । एकै गाउँका नौ जना गणपति बससँगै बेपत्ता भएका छन् । वेपत्ता भएका मानिसको घरपरिवार, आफन्त तथा टोल छिमेकमा निकै त्रास देखिएको छ ।
काठमाडौँ । हाल देशभर मनसुनी वायुको प्रभाव रहेको छ । मनसुन न्यून चापीय रेखा सरदर स्थानभन्दा उत्तरतर्फ रहेको छ ।
हाल कोशी र मधेश प्रदेश लगायत देशको पहाडी भू-भागमा साधारणतया देखि पूर्णतया बदली रही बाँकी भू-भागमा आंशिक देखि साधारणतया बदली रहेको छ। कोशी, बागमती, गण्डकी, लुम्बिनी र कर्णाली प्रदेशको थोरै स्थानहरुमा हल्का देखि मध्यम वर्षा भइरहेको छ।
आज दिउँसो देशभर साधारणतया बदली रहने छ । कोशी, मधेश, बागमती, गण्डकी र लुम्बिनी प्रदेशका धेरै स्थानहरूमा साथै कर्णाली र सुदूरपश्चिम प्रदेशका केही स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। कोशी, बागमती र गण्डकी प्रदेशका एक-दुई स्थानमा भारी वर्षाको सम्भावना रहेको छ।
त्यस्तै आज राती देशभर साधारणतया देखि पूर्णतया बदली रहने छ । कोशी, मधेश, बागमती, गण्डकी, लुम्बिनी र सुदूरपश्चिम प्रदेशका थोरै स्थानहरूमा साथै कर्णाली र प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। कोशी, मधेश र गण्डकी प्रदेशका एक-दुई स्थानमा भारी वर्षाको सम्भावना रहेको छ । न्युज कारखाना
आजमिति २०८१ साल असार २९ गते शनिवार तदअनुसार जुलाई १३ तारिख, नेपाल संवत ११४४ (चिल्लागा) उत्तरायणं ग्रिष्म ऋतु शुक्ल सत्तमी तिथी, हस्त नक्षत्र, । परिध योग । चन्द्र राशि कन्या । यो शत्रु विरुद्ध कार्यको लागि शुभ योग हो ।
अभिजित् मुहूर्त: बिहान ११:४२ देखि १२:३७ सम्म,
• काठमाण्डौंमा सुर्योदय: बिहान ०५:१६
• सुर्यास्त: बेलुका ०७: ०३ बजे
मेष (चु, चे, चो, ला, लि, लु, ले, लो, अ) आज समय शुभ छ । पारिवारिक सम्बन्ध सुदृढ बन्नेछ । व्यापार र व्यवसायका क्षेत्रमा उन्नति प्रगतिको वातावरण बन्नेछ । सामाजिक क्षेत्र र नोकरीबाट मानसम्मान मिल्नेछ । विदेशको काममा सफलता मिल्नसक्छ । खर्च भने बढ्न सक्छ ।समय शुभ छ उपयोग गर्नुहोला ।
शुभ रगं ः सेतो
शुभ अंक ः ७
बृष (इ, उ, ए, ओ, बा, बि, बु, बे, बो) आज समय राम्रो छ । पराक्रम बढ्नेछ । श्रमको उचित मूल्याङ्कन हुनेछ । पढाइमा प्रगति हुनेछ । मिष्ठान्न भोजनको अवसर प्राप्त हुने योग छ । प्रेममा सफलता हुनेछ । समग्रमा दिन राम्रो छ ।
शुभ रगं ः निलो
शुभ अंक ः ७
मिथुन (का, कि, कु, घ, ङ, छ, के, को, ह) आज समय ठीकै छ । मनमा उत्साह र उमङ्गको कमी देखिन सक्छ । सवारी चलाउँदा ध्यान दिनुहोला । राज्यपक्ष र सरकारी काममा विलम्ब हुनेछ । सामाजिक प्रतिष्ठा कायम राख्न थोरै बोलेको राम्रो हुन्छ । प्रेम तथा परिवारमा विवादबाट बच्नुहोला ।
शुभ रगं ः रातो
शुभ अंक ः ६
कर्कट (हि, हु, हे, हो, डा, डि, डु, डे, डो) आज समय शुभ छ । परिवारजनको साथले नयाँ आशा पलाउनेछ । प्रेम तथा दाम्पत्य सुखमा रमाउने समय छ । रमाइलो यात्रा गर्ने अवसर प्राप्त हुनेछ । एउटै कामबाट दोहोरो लाभ मिल्नसक्छ । खुशि मिल्नसक्ने समय छ ।
शुभ रगं ः पहेलो
शुभ अंक ः २
सिंह (मा, मि, मु, मे, मो, टा, टि, टु, टे) आज समय ठिकै छ । शरिरमा आलस्यता आउनसक्छ । सङ्कटको सामना गर्दै उपलब्धी हासिल गर्नु पर्नेछ । कडा मिहिनेतपछि गरिएको कामबाट लाभ हुने सम्भावना छ । शत्रुपक्ष सकृय हुनेछन् । प्रेम तथा परिवारमा अनावश्यक जिद्धी नगर्नुहोला ।
शुभ रगं ः पहेलो
शुभ अंक ः ५
कन्या (टो, प, पि, पु, ष, ण, ठ, पे, पो) आज समय राम्रो छ । मनमा सामान्य चिन्ता भएतापनि दाम्पत्य जीवन सुखद् तथा समृद्ध बन्ने देखिन्छ । आम्दानी प्रशस्तै बढ्नसक्छ । सन्तानबाट सुख प्राप्त हुनसक्छ । विपरीत लिङ्गी मित्रसँग मन फुकाएर आफ्ना कुरा राख्न सकिने समय छ ।
शुभ रगं ः पहेलो
शुभ अंक ः २
तुला (र, रि, रु, रे, रो, ता, ति, तु, ते) आज समय मध्यम छ । परिवारिक माहोल राम्रो रहनेछ । प्रेममा अनावश्यक झगडा हुनसक्छ । शिक्षामा मन नजान सक्छ । स्वास्थ्यमा ध्यान दिनुहोला ।
शुभ रगं ः हरियो
शुभ अंक ः १
वृश्चिक (तो, ना, नि, नु, ने, नो, या, यि, यु)
आज समय मध्यम छ । नयाँ ठाउँमा आर्थिक लगानी गर्दा ध्यान दिनुहोला । काममा ढिलाई हुनसक्छ । प्रेममा अनावश्यक मनमुटावबाट बच्नुहोला । पारिवारलाई समय दिनुहोला । दिँउसोबाट तपाइमा उर्जा थपिनेछ । हतारमा निर्णय नगर्नुहोला ।
शुभ रगं ः रातो
शुभ अंक ः ९
धनु (ये, यो, भ, भि, भु, ध, फा, ढ, भे) आज समय राम्रो छ । प्रतिस्पर्धामा विजयी हुने योग छ । कार्यक्षेत्रमा अरुले गरे भनेका कुरामा चित्त नबुझ्न सक्छ, प्रेम तथा पढाईमा आज राम्रो छ । रमाइलो यात्राको छ । स्वास्थ्य सबल रहने छ । काममा संघर्ष हुनेछ । खर्च बढ्न सक्छ ।
शुभ रगं ः हरियो
शुभ अंक ः ४
मकर (भो, ज, जि, खि, खु, खे, खो, गा, गि) आज समय मध्यम छ । स्वास्थ्यमा सामान्य समस्या आउन सक्छ । बोल्दा विचार पुर्याउनुहोला । मनमा चिन्ता रहनेछ । प्रेम तथा परिवारमा विवाद हुन सक्छ, सतर्क हुनुहोला ।
शुभ रगं ः वैजनी
शुभ अंक ः ६
कुम्भ (गु, गे, गो, सा, सि, सु, से, सो, द) आज समय राम्रो छ । मिहेनतको फल मिल्नेछ । पारिवारिक सुख मिल्नेछ । प्रेम तथा साथिभाईबाट सहयोग मिल्न सक्छ । स्वास्थ सुधार हुने छ ।
शुभ रगं ः निलो
शुभ अंक ः ८
मीन (दि, दु, थ, झ, ञ, दे, दो, च, चि) आज समय ठिक छ । आँट र साहस बढ्नेछ । कार्य पुर्ण हुनसक्छ । बौद्धिकताको प्रशंसा हुनेछ । प्रेम तथा परिवारमा शान्ती मिल्नेछ ।
शुभ रगं ः पहेलो
शुभ अंक ः ४
राशिफलमा राम्रो नराम्रो जे लेखेको भएका पनि तपाई आफ्नो नियमित कार्यबाट विचलित नहुनुहोला । राशिफल भनेको तपाईँको जन्मकुण्डलीमा रहेको चन्द्रमाको राशिलाई लिएर हाल भएका ग्रहहरूको अबस्थालाई हेरेर तयार गरीएको हुन्छ । जन्मकुण्डलीको अन्य आठ ग्रहको अवस्था युती, दृष्टि, भाव, उच्च, नीच, आदि कुराहरूले फरक पर्न सक्छ । निर्णय गर्दा तपाईंको आफ्नै अन्तर्ज्ञान र निर्णय प्रयोग गर्न सधैं महत्त्वपूर्ण छ।
राशिफल लेखक युवा ज्योतिष जनक खड्का, ज्योतिष परामर्श केन्द्रको सञ्चालक समेत हुन्। उनि वैदिक ज्योतिषका विज्ञ मानिन्छन् ।न्युज कारखाना
काठमाडौँ । ईङल्याण्डले वेस्ट इन्डिजविरुद्धको टेस्ट सिरिजमा विजयी शुरुवात गरेको छ । वेस्ट इन्डिज विरुद्धको टेस्ट सिरिजको पहिलो खेलमा ईङल्याण्डले एक इनिंग र ११४ रनले जित हासिल गरेको छ ।
यस टेस्टमा वेस्ट इन्डिजले पहिला ब्याटिंग गर्दै १२१ रन बनाएको थियो भने ईङल्याण्डले आफ्नो पहिलो इनिंगमा ३७१ रन बनाएको थियो । टेस्टको तेस्रो दिन आज वेस्ट इन्डिज आफ्नो दोस्रो इनिंगमा १३६ रन मात्र बनाएर अल आउट भएपछि ईङल्याण्ड एक इनिंग र ११४ रनले विजयी भएको हो ।
यो खेलमा खेलेसँगै ईङल्याण्डका तिब्र गतिका बलर जेम्स एन्डरसनले क्रिकेटलाई अल बिदा गरेका छन् ।
४१ बर्षिय एण्डरसनले यस टेस्टको पहिलो इनिंगमा एक र दोस्रो इनिंगमा ३ विकेट लिएका थिए । उनले ईङल्याण्डक लागि कुल १८७ टेस्ट खेल्दै ७०४ विकेट लिएका छन् । उनी टेस्ट क्रिकेटको इतिहासमा सर्बाधिक विकेट लिने तिब्र गतिका बलर हुन् ।
यस टेस्टमा डेभ्यु गरेका ईङल्याण्डका बलर गस एटकिन्सनले पहिलो इनिंगमा ७ र दोस्रो इनिंगमा ५ गरि कुल १२ विकेट र खेलको प्लेयर अफ द म्याच बनेका छन् । न्युज कारखाना
काठमाडौँ । प्रधानमन्त्री पुष्पकमल दाहाल प्रचण्ड पदमुक्त भएका छन् ।
शुक्रबार प्रतिनिधि सभाको बैठकमा पेश गरेको विश्वासको मतको प्रस्तावको पक्षमा केवल ६३ मत मात्र परेपछि प्रधानमन्त्रीले संसदको विश्वास गुमाएसँगै पदमुक्त भएका हुन् । विश्वासको मतसम्बन्धि प्रस्तावको विपक्षमा १९४ मत परेको थियो । त्यस्तै मत दिन्न भन्ने पक्षमा एक सांसदले मत दिएका थिए ।
आजको मतदान प्रक्रियामा २५८ सांसदले भाग लिएका थिए ।
प्रधानमन्त्रीले संसदबाट विश्वासको मत गुमाएसँगै सरकार पनि ढलेको छ । अब संघीय संसद सचिवालयले सरकारले विश्वासको मत गुमाएको जानकारी राष्ट्रपति रामचन्द्र पौडेललाई गराएसँगै राष्ट्रपतिले नयाँ सरकार गठनको आव्हान गर्ने छन् ।न्युज कारखाना
काठमाडौँ । प्रधानमन्त्री पुष्पकमल दाहाल प्रचण्डले विश्वासको मत गुमाएका छन् ।
शुक्रबार प्रतिनिधि सभाको बैठकमा पेश गरेको विश्वासको मतको प्रस्तावको पक्षमा केवल ६३ मत मात्र परेपछि प्रधानमन्त्रीले संसदको विश्वास गुमाएका छन् । विश्वासको मतसम्बन्धि प्रस्तावको विपक्षमा १९४ मत परेको थियो । त्यस्तै मत दिन्न भन्ने पक्षमा एक सांसदले मत दिएका थिए ।
आजको मतदान प्रक्रियामा २५८ सांसदले भाग लिएका थिए ।
प्रधानमन्त्रीले संसदबाट विश्वासको मत गुमाएसँगै सरकार पनि ढलेको छ । अब संघीय संसद सचिवालयले सरकारले विश्वासको मत गुमाएको जानकारी राष्ट्रपति रामचन्द्र पौडेललाई गराएसँगै राष्ट्रपतिले नयाँ सरकार गठनको आव्हान गर्ने छन् ।न्युज कारखाना
