धादिङ, ६ भदौ ।
यात्रुवाहक बस त्रिशुलीमा खसेको छ। काठमाडौंबाट पोखराका लागि हिँडेको बस धादिङको गजुरी–२ स्थित त्रिशुली नदीमा खसेको हो ।
खबर प्राप्त हुनासाथ पुगेको प्रहरीले उद्धार कार्य गरिरहेको छ भने क्षतिको विवरण आइसकेको छैन ।
काठमाडौं, ६ भदौ ।
नेपाल सरकार मन्त्रिपरिषद् बैठकले प्रधानमन्त्री पुष्पकमल दाहाल प्रचण्डको न्यूयोर्क भ्रमणलाई स्वीकृत गरेको छ ।
बुधबार बसेको मन्त्रिपरिषद् बैठकले संयुक्त राष्ट्रसंघको महासभामा भाग लिन न्यूयोर्क जान प्रधानमन्त्री प्रचण्डलाई स्वीकृति प्रदान गरेको सरकारकी प्रवक्ता तथा सञ्चार तथा सूचना प्रविधिमन्त्री रेखा शर्माले जानकारी दिइन् । यो निर्णयसँगै प्रधानमन्त्री प्रचण्ड नेपाली प्रतिनिधिमण्डलको नेतृत्व गर्दै न्यूयोर्क जान बाटो खुलेको छ ।
यही भदौ अन्तिम साता प्रधानमन्त्री प्रचण्ड राष्ट्रसंघको ७९ औँ महासभामा भाग लिन अमेरिकाको न्यूयोर्क जान लागेका हुन् । सेप्टेम्बर १० देखि अमेरिकाको न्यूयोर्कमा महासभा हुँदै छ ।
काठमाडौं, ६ भदौ ।
सरकारले गायक स्वर्गीय जेबी टुहुरेलाई ‘जनगायक’ को उपाधि दिने निर्णय गरेको छ ।
बुधबार बसेको मन्त्रिपरिषद बैठकले प्रगतिशील गायक टुहुरेलाई ‘जनगायक’ को उपाधि दिने निर्णय गरेको सरकारकी प्रवक्ता तथा सञ्चार तथा सूचना प्रविधिमन्त्री रेखा शर्माले जानकारी दिइन् ।
उनका अनुसार पर्यटनमन्त्रालयको प्रस्तावमा मन्त्रिमरिषद् बैठकले सो निर्णय गरेको हो ।
काठमाडौ, ६ भदौ ।
प्रि-ओपन सेसनमा नेप्से सूचक ०.८१ विन्दुले बढेको छ । यससँगै सूचक २०१६.७९ अंकमा आएको छ । ८१ हजार २२६ रुपैयाँभन्दा बढीको सेयर कारोबार भएको छ । १६ कम्पनीको २२३ कित्ता सेयर कारोबार भएको हो ।
यो सेसनमा कुल २१ पटक सेयर कारोबार भएको हो । ९ कम्पनीको भाउ बढ्दा ३ वटाको मूल्य घटेको छ । बाँकी कम्पनीको मूल्यमा कुनै पनि परिवर्तन भएको छैन ।
काठमाडौं, ६ भदौ ।
एकीकृत समाजवादीको केन्द्रीय समितिको बैठक बुधबार पनि जारी छ । मंगलबारबाट ललितपुरको बालकुमारीमा सुरु भएको बैठकमा अध्यक्ष माधवकुमार नेपाल र महासचिव घनश्याम भुसालले प्रस्तुत गरेका विभिन्न प्रतिवेदनमाथि छलफल भइरहेको छ ।
उक्त प्रतिवेदनमामाथि केन्द्रीय सदस्यहरुले आ–आफ्ना धारणा राख्न सुरु गरेका छन् । मंगलबारको बैठकमा राजनीतिक प्रतिवेदन, लेखा आयोग र निर्वाचन आयोगको प्रतिवेदन पेस गरिएको थियो । सोही प्रतिवेदनमा छलफल भइरहेको हो ।
काठमाडौं, ६ भदौं ।
कोशी प्रदेशका मुख्यमन्त्री उद्धव थापाले लिएको बिश्वासको मत अबैधानिक मान्दै नेकपा एमाले सर्वोच्च अदालतमा मुद्धा दर्ता गराउँदै छ ।
संविधान र कानुनविपरीत सभाध्यक्षको भोटले प्रदेशसभाबाट गत सोमबार मुख्यमन्त्री थापाले विश्वासको मत लिएको भन्दै एमालेले सर्वोच्च अदालतमा मुद्धा दर्ता गराउन लागेको हो ।
एमाले प्रमुख सचेतक रेवतीरमण भण्डारीले मुख्यमन्त्री थापाले असंवैधानिक रूपमा लिएको विश्वासको मतको विरोधमा मुद्दा आज दर्ता गराउने जानकारी यसअघि नै दिईसकेका छन् ।
‘हाम्रो कानुनी लडाइँ र संसद्भित्रको प्रतिवाद जारी नै रहन्छ, हामी फेरी पनि अदालत जादैँछौं’ उनले भने ।
यसअघि पनि तत्कालिन सभामुख बाबुराम दाहालको मतसहित मुख्यमन्त्रीमा थापा नियुक्ती भए पछि एमाले अदालत पुगेको थियो । सभामुखको मतसहित पहिलो पटक मुख्यमन्त्री भए पछि सर्वोच्च अदालतले त्यसलाई मान्यतालाई खारेज गरेको थियो ।
पछि पुनः सभामुखलाई राजिनामा दिलाएर दोस्रो पटक मुख्यमन्त्री भएका थापाले विश्वासको मत लिदाँ सभाध्यक्षको मतसमेत जोडे पछि एमाले फेरी पनि सर्वोच्च अदालतमा मुद्धा दर्ता गराउन लागेको हो ।
काठमाडौ, ६ भदौ ।
नेपाल धितोपत्र बोर्डको पाइपलाइनमा १२ वटा कम्पनीले आईपीओ निष्कासन गर्न अनुमति पर्खेर बसेका छन् । जसमध्ये ३ वटा कम्पनी हाइड्रोपावर समूह अन्तर्गतका छन् । बाँकी सबै रियल सेक्टरका कम्पनीहरु हुन् ।
बोर्डले गत आर्थिक वर्षमा ४२ वटा कम्पनीलाई आइपीओ जारी गर्न अनुमति दिएको थियो । जसमध्ये २९ वटा हाइड्रोपावर कम्पनीहरुले अनुमति प्राप्त गरेका थिए । बाँकी इन्स्याेरेन्सदेखि रियल सेक्टरका कम्पनीहरु थिए । गत वर्ष हाइड्रोपावर कम्पनीहरुले लगातार अनुमति पाएका कारण पनि हाल स्वीकृति पर्खेर बस्नेको संख्यामा कमी आएको हो । धितोपत्र बोर्डका प्रवक्त मुक्ति नाथ श्रेष्ठले हाइड्रोपावर कम्पनीहरुले चाहिने कागजपत्र समयमा बुझाएकाले यिनीहरुको छिटो काम हुने गरेको बताउँछन् ।
उनले अरु कम्पनीहरुले आवश्यक कागज पत्र बुझाउन समय लगाउने गरेको बताए । त्यसैले यिनीहरुको प्रक्रिया ढिलो हुने गरेको उनको भनाई छ । त्यसो त, यो चालु आर्थिक वर्षको पहिलो महिना हो । अरुले पनि विस्तारै अनुमति पाउने छन् । यस अवधिसम्म सोनापुरले मात्र आइपीओ निष्कासनको अनुमति पाएको छ ।
स्वीकृति कुरेर बसेका मध्ये प्रायः अन्य समूह अन्तर्गतका कम्पनीहरु छन् । ७ वटा कम्पनी यस क्षेत्रका छन् । २ वटा उत्पादन तथा प्रशोधन समूहका छन् । जस अन्तर्गत सर्वोत्तम र रिलायन्स स्पिनिङ मिल्सले बुक बिल्डिङ विधिमार्फत आईपीओ जारी गर्ने अनुमति मागेका हुन् । हाल टिभी, औषधि लगायतका कम्पनीहरुले साधारण सेयर निष्कासन गर्न अनुमति मागेका छन् ।
काठमाडौं, ६ भदौं ।
मन्त्री परिषद बैठक सुरू भएको छ ।
सिंहदरवारस्थित प्रधानमन्त्री तथा मन्त्रीपरिषदको कार्यालयमा मन्त्री परिषद बैठक सुरू भएको हो ।
नागरिक उडययन, संस्कृति तथा पर्यटन मन्त्री सुदन किराँतीको पिताको निधनमा अन्तिम श्रदाञ्जली दिन ललितपुर पुगेका प्रधानमन्त्री पुष्पकमल दाहाल प्रचण्ड त्यसलगत्तै मन्त्रीपरिषद बैठकका लागि आइपुगेका हुन । बैठक नियमित हो ।
वासिंग्टन डिसी, ६ भदौं ।
अमेरिकाका पूर्व राष्ट्रपति डोनाल्ड ट्रम्पले जर्जिया चुनावमा धाँधली गरेको आरोपमा बिहीबार आत्मसमर्पण गर्ने भएका छन् ।
ट्रम्पले सामाजिक सञ्जाल पोस्टमार्फत यो जानकारी दिएका थिए । उनले लेखेका थिए कि उनलाई कट्टर वामपन्थी जिल्ला वकिल फानी विलिसले गिरफ्तार गर्नेछन। जर्जिया चुनावमा छेडछाड गरेको र चुनावी नतिजा उल्ट्याउन खोजेको आरोपमा डोनाल्ड ट्रम्प र अन्य १८ जना विरुद्ध गत हप्ता अभियोग लगाइएको छ ।
डोनाल्ड ट्रम्पलाई १२ वटा ठगी, अपराध र जर्जियामा २०२० चुनावको पराजयलाई उल्टाउने प्रयास गरेको आरोप लगाइएको छ। ट्रम्पसँगै उनका पूर्व वकिल रुडोल्फ जिउलियानी र ह्वाइट हाउसका पूर्व प्रमुख अफ स्टाफ मार्क मेडोजसहित अन्य १८ जनामाथि पनि ठगीमा संलग्नता रहेको आरोप छ। यस अवस्थामा ट्रम्पले २ लाख डलरको बन्ड तिर्नुपर्नेछ।
जर्जिया मामिला पछिल्लो पाँच महिनामा डोनाल्ड ट्रम्पमाथि लगाइएको चौथो अभियोग हो। मिडिया रिपोर्टमा भनिएको छ कि ट्रम्प र उनका १८ आरोपी सहयोगीहरूलाई शुक्रबार आत्मसमर्पण गर्ने समय सीमा थियो। अब ट्रम्प आफैंले सामाजिक सञ्जालमा बिहीबार नै आत्मसमर्पण गर्ने बताएका छन् । ट्रम्पले फुल्टन काउन्टी जेलमा आत्मसमर्पण गर्नेछन्।
ट्रम्पको आत्मसमर्पणका लागि अदालतले तयार पारेको कागजातमा यी सर्तहरू लगाइएको छ, जसमध्ये एउटा सर्त भनेको ट्रम्पले अन्य अभियुक्त, साक्षी वा पीडितलाई धम्की वा धम्की नदिने, सामाजिक सञ्जालमा समेत ट्रम्पले उनीहरू विरुद्ध केही गर्ने छैनन् । तपाईलाई यो बताउ कि ट्रम्पले २०२४ मा हुने अमेरिकी राष्ट्रपति चुनावको लागि आफ्नो उम्मेदवारी प्रस्तुत गर्दैछन् र रिपब्लिकन पार्टीबाट मुख्य उम्मेदवार हुन्।
काठमाडौं, ६ भदौं ।
प्रधानमन्त्री पुष्पकमल दाहाल प्रचण्डले श्रद्धाञ्जली दिन ललितपुर पुगेका छन् ।
संस्कृति, पर्यटन तथा नागरिक उड्डयन मन्त्री सुदन किरातीका पिता हर्कबहादुर राईको पार्थिब शरीरमा श्रद्धाञ्जली अर्पण गर्न प्रधानमन्त्री दाहाल ललितपुर पुगेका हुन ।
मन्त्री किराँतीका ७६ बर्षिया पिताको आज बिहान निधन भएको थियो ।
