रामअधार प्रसाद यादव,राैतहट,०५ गते फाल्गुन । 

रौतहट क्षेत्र नम्बर ३ मा नेपाली कम्युनिस्ट पार्टीकाे तर्फबाट प्रतिनिधि सभा सदस्य पदकी उम्मेदवार पुनम यादवले आज गरुडा नगरपालिकाका विभिन्न वडामा घरदैलो कार्यक्रम सम्पन्न गरेकी छन् ।

गरुडा नगरपालिका अन्तर्गत अमरपट्टी, लक्ष्मीपुर र पोठ्याही क्षेत्रमा आयोजित घरदैलो कार्यक्रममा उनले मतदातासँग प्रत्यक्ष भेटघाट गर्दै उनीहरूका समस्या तथा सुझावहरू सुनेकी थिइन् । स्थानीय बासिन्दाहरूले खानेपानी, सडक, शिक्षा र स्वास्थ्य सेवा लगायत आधारभूत सुविधामा सुधार आवश्यक रहेको बताएका थिए ।

घरदैलोको क्रममा मतदाताहरूले विगतमा निर्वाचित भएर गएका नेताहरूले चुनाव जितेपछि क्षेत्रतर्फ फर्केर नआएको भन्दै असन्तुष्टि व्यक्त गरेका थिए । “चुनावका बेला मात्रै आउने, जितेपछि फर्केर पनि नहेर्ने प्रवृत्तिले जनता निराश भएका छन्,” एक स्थानीयले गुनासो गरे ।

उम्मेदवार यादवले जनताको अपेक्षा र भरोसालाई प्राथमिकतामा राख्दै निरन्तर क्षेत्रमै सक्रिय रहने प्रतिबद्धता व्यक्त गरिन् । उनले विकास, सुशासन र जनताको सीधा पहुँच सुनिश्चित गर्ने आफ्नो मुख्य एजेन्डा रहेको बताइन् ।

घरदैलो कार्यक्रमलाई स्थानीयवासीले सकारात्मक रूपमा लिएको र आगामी दिनमा पनि यस्ता कार्यक्रमलाई निरन्तरता दिने तयारी गरिएको उनका समर्थकहरूले बताएका छन् ।

 

बज्जिकाञ्चल संवाददाता,राैतहट,०५ गते फाल्गुन ।
आगामी फाल्गुन २१ गते हुने प्रतिनिधि सभाको निर्वाचन नजिकिँदै जाँदा गोविन्द चौधरी (छाता छाप) को चुनावी अभियान रौतहट–३ मा थप उत्साहका साथ अघि बढिरहेको छ । जनता समाजवादी पार्टी, नेपाल (जसपा नेपाल) का तर्फबाट प्रतिनिधि सभा सदस्य पदका उम्मेदवार एवं पूर्व मन्त्री तथा संविधानसभा सदस्य चौधरीले आज गुजरा नगरपालिकाको वडा नं. ५ अन्तर्गत लक्ष्मीपुर, इस्लामपुर र हरिहरपुरमा घरदैलो कार्यक्रम सम्पन्न गर्नुभएको छ ।

पूर्व वडा अध्यक्ष आरिफ मियाँ दर्जीको नेतृत्वमा आयोजित घरदैलो कार्यक्रममा स्थानीयवासीको उल्लेखनीय सहभागिता देखिएको थियो। चौधरी गाउँमा पुग्दा सर्वसाधारणले फूलमाला र खादा लगाएर भव्य स्वागत गरेका थिए । गाउँका टोल–टोलमा देखिएको उत्साह र समर्थनले रौतहट–३ मा परिवर्तनको संकेत देखिएको सहभागीहरूको भनाइ थियो ।

कार्यक्रममा मधेस प्रदेश सांसद अबुल कलाम आजाद, जसपा नेपाल रौतहटका पूर्व अध्यक्ष श्यामबिहारी यादव,राष्ट्रिय सभा सदस्य पुजा चाैधरी,नेता रामप्रवेश दास लगायतका नेताहरूको पनि उपस्थिति रहेको थियो । उनीहरूले घरदैलोमार्फत मतदातासँग प्रत्यक्ष संवाद गर्दै चौधरीलाई विजयी गराउन आग्रह गरेका थिए ।

स्थानीय मतदाताहरूले “अब तपाईं आइसक्नुभएको छ, हामी मतदान गरेर जिताउँछौं” भन्दै प्रतिबद्धता जनाएका थिए । घरदैलो अभियानका क्रममा विकास, रोजगारी, शिक्षा र स्वास्थ्यका मुद्दामा छलफल भएको र जनताको साथ उत्साहजनक रहेको चौधरी निकट स्रोतले जनाएको छ ।
रौतहट–३ मा चुनावी माहोल तातिँदै जाँदा गोविन्द चौधरीको सक्रियता र जनसमर्थनले प्रतिस्पर्धा थप रोचक बन्ने देखिएको छ ।

फाेटाे फिचर:

आरके श्रीवास्तव,राैतहट,०४ गते फाल्गुन ।
रौतहट । आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै रौतहट क्षेत्र नम्बर ३ बाट जनता समाजवादी पार्टी नेपाल (जसपा) का प्रतिनिधि सभा सदस्य पदका उम्मेदवार, पूर्व मन्त्री तथा संविधानसभा सदस्य गोविन्द चौधरीले आफ्नो चुनावी प्रचारप्रसारलाई थप तीव्र बनाएका छन् ।

निर्वाचन आयोगको कार्यतालिका अनुसार औपचारिक रूपमा प्रचार सुरु भएसँगै चौधरीले कटहरिया नगरपालिका–२ हथियाहीबाट घरदैलो अभियान प्रारम्भ गरेका थिए । त्यसलगत्तै उनले जमुनिया र छेदिचोक क्षेत्रमा पनि घरदैलो कार्यक्रमलाई निरन्तरता दिएका छन् ।

बाजागाजा सहित समर्थकहरूको उल्लेख्य सहभागितामा भव्य रूपमा सञ्चालन गरिएको अभियानका क्रममा चौधरीले मतदाताहरूको घरदैलोमा पुगेर पम्पलेट वितरण गर्दै आफ्नो चुनाव चिन्ह ‘छाता छाप’ मा मतदान गर्न आग्रह गरेका छन् ।

आफ्नो अन्तिम चुनाव रहेको उल्लेख गर्दै उनले मतदातासँग भावनात्मक अपिलसमेत गरेका छन् । “यो मेरो अन्तिम चुनाव हो, तपाईंहरूको साथ र समर्थनले क्षेत्रको विकासलाई नयाँ गति दिन चाहन्छु,” उनले भने ।

जमुनिया र छेदिचोकमा स्थानीय बासिन्दासँग प्रत्यक्ष संवाद गर्दै चौधरीले विगतमा गरेका विकासका कामहरूको चर्चा गरेका थिए । आगामी दिनमा शिक्षा, स्वास्थ्य, सडक तथा रोजगारीका क्षेत्रमा थप काम गर्ने प्रतिबद्धता उनले व्यक्त गरे ।

घरदैलो अभियानमा स्थानीय नेता–कार्यकर्ता तथा युवाहरूको उत्साहजनक सहभागिता देखिएको थियो । रौतहट–३ मा चुनावी गतिविधि बढेसँगै क्षेत्रको राजनीतिक माहोल दिनानुदिन तातिँदै गएको छ ।

आरके श्रीवास्तव,राैतहट,०३ गते फाल्गुन ।
राैतहट । आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै गोविन्द चौधरी ले आज राैतहट क्षेत्र नम्बर ३ अन्तर्गत गुजरा नगरपालिकाको कनकपुरमा मतदाता भेटघाट गरेका छन् । जनता समाजवादी पार्टी नेपाल (जसपा नेपाल) का तर्फबाट प्रतिनिधि सभा सदस्य पदका उम्मेदवार रहेका चौधरीलाई स्थानीय बासिन्दाले आत्मीय स्वागत गरेका थिए ।

भेटघाटका क्रममा स्थानीय मतदाताहरूले बालचनपुरदेखि जंगलसहिया जोड्ने सडक निर्माण चौधरीकै पहलमा सम्भव भएको स्मरण गर्दै आभार व्यक्त गरे । उनीहरूले भने, “त्यो सडक बनेपछि यहाँका गाउँहरूका लागि साँच्चिकै लाइफलाइन बनेको छ । जनताले तपाईंको योगदान भुलेका छैनन्।”

स्थानीयका अनुसार सडक निर्माणसँगै यातायात, व्यापार–व्यवसाय, स्वास्थ्य तथा शिक्षामा सहज पहुँच स्थापित भएको छ । वर्षौँदेखि कच्ची बाटो र कठिन यात्राबाट गुज्रिरहेका बासिन्दाहरूले अहिले सहज आवागमनको अनुभूति गरिरहेका छन् ।

उक्त अवसरमा उम्मेदवार चौधरीले आफू जनताको सेवामा सधैँ प्रतिबद्ध रहेको उल्लेख गर्दै अधुरा विकास योजनाहरू पूरा गर्ने प्रतिबद्धता व्यक्त गरे । “जनताको विश्वास नै मेरो शक्ति हो । विकास र समृद्धिको यात्रालाई अझ तीव्र बनाउनेछु,” उनले भने ।

कनकपुरमा देखिएको जनताको उत्साह र समर्थनले राैतहट क्षेत्र नम्बर ३ मा चुनावी माहोल थप तातेको छ । स्थानीयहरूको भनाइ अनुसार, विकासको जग बसाल्ने नेतृत्वलाई पुनः अवसर दिनुपर्ने समय आएको छ ।

 

रौतहट, २ फागुन ।
रौतहटको मौलापुर नगरपालिकाको पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरमा मधानी महायज्ञ आजदेखी सुरु भएको छ । भगवान शिवपार्वतीको बिवाह उत्सवको रुपमा मनाइने मधानी महायज्ञ तीनदिनसम्म विभिन्न कार्यक्रम सहित चल्नेछ ।

मौलापुर नगरपालिकाको आयोजना भइरहेको मधानी महायज्ञको आज शिवपार्वतीको बरात यात्रा निष्केको छ । नेपालमै प्रत्येक बर्ष पतौराधाममा भगवान शिवको बरात यात्रा निष्केको हो ।

बरात यात्रामा आम जनता पार्टी (आजपा)का अध्यक्ष एवं पूर्वमन्त्री प्रभु साह, मौलापुर नगरपालिकाका मेयर रिना साह सहित नेपाल र भारतका हजारौं भक्तजनको सहभागिता रहेको थियो । बसहामा शिव सवार रहेको सो बरात यात्रामा भगवान ब्रह्मा, बिष्णुसंगै ५६ कोटदेवता सहित बोलवम कवरियाका साथै स्थानीयहरु सहभागि रहेका थिए ।

मौलापुर नगरपालिका पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचीमा सूचिकृत गराउने संकल्प सहित सुरु भएको मधानी महायज्ञ तीन दिनसम्म चल्ने मौलापुर नगरपालिकाका मेयर रिना साहले जनाएकी छन् ।

‘मधानी महायज्ञको आज पहिलो दिन हो । यहाँ विशेष पुजा हुन्छ । नेपाल सहित विश्वमा भगवान शिवको बरात यात्रा यहाँ पहिलो होला । मधानी महायज्ञमा नेपाल सहित भारतका दर्शनार्थीहरुको भिड लाग्ने गर्छ । यसले दुबै देशको सम्बन्ध अझै बलियो बनाउँने विश्वास छ । मधानी महायज्ञ नेपाल–भारत सम्बन्धको सेतु बनेको छ’, मौलापुर नगरपालिकाका मेयर साहले भनिन् ।

प्रत्येक बर्ष भगवान शिव पार्वतीकोको विवाह उत्सवको रुपमा मनाईने मधानी महायज्ञले धर्म, संस्कृतिको संरक्षण समेत हुने गरेको मेयर साहले जनाएकी छन् । नेपाल र भारतका लाखौं दर्शनार्थीहरु दर्शन गर्न यहाँ आउँने भएकाले त्यसले दुई देशको सम्बन्ध अझै बलियो बनाउँने विश्वास उनले व्यक्त गरिन् ।

सो अवसरमा बिभिन्न शिवमण्डलीका बीच नै कडा प्रतिस्पर्धा समेत हुने कार्यक्रम छ । मधानी महोत्सव हेर्नेको भिड लागेको छ । नेपाल र भारतका दर्शनार्थीहरु पतौराधाममा मधानी महायज्ञ हेर्न आएका छन् । हाती, घोडा सहित भक्तजनहरु बरात यात्रामा सहभागि भए ।

मौलापुर स्थित पतौरा महादेव मन्दिरलाई विश्व सम्पदा सूचिमा सुचिकृत गराउँने संकल्प सहित मधानी महायज्ञ हुदै आएको छ । सो अवसरमा भगवान शिव पार्वतीको बिवाहको सबै विधि प्रक्रिया हुनुका साथै अन्य खेलकुद, सांस्कृतिक कार्यक्रम समेत हुने गरेको छ ।

बर्षौ पहिला शिवको मुर्ति फेला परेको थियो । त्यसपछि पुरातत्व विभागले उत्खनन गरेको थियो । उत्खनन गर्दै गर्दा त्यहाँ ऐतिहासिक रुपमा महत्वपुर्ण मन्दिर लगायतका बस्तुको फेला परेको थियो । त्यसपछि लगाातार उत्खनन हुदै गएपछि गुप्तकालिन बस्तुहरु फेला परेकाले पालिका त्यसको संरक्षण गर्न तर्फ लागेको छ । हजारौं बर्ष पुराना मन्दिर सहित बिभिन्न बस्तु फेला परेपछि त्यसलाई विश्वसम्पदा सूचिमा सूचिकृत गर्नुपर्ने माग उठदै आएको छ ।

मधानी महायज्ञमा नेपाल र भारतका लाखौं सर्वसधारणको सहभागिता हुने र त्यसका लागि आवश्यक शान्ति सुरक्षा लगायतको तयारी सुरक्षा निकायले पुरा भएको जनाएको छ ।

आरके श्रीवास्तव,राैतहट,०२ गते फाल्गुन ।
रौतहट । आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै जनता समाजवादी पार्टी, नेपाल (जसपा नेपाल) का उम्मेदवार गोविन्द चौधरीले रौतहट क्षेत्र नम्बर ३ अन्तर्गत फतुवा विजयपुर नगरपालिकाका विभिन्न गाउँमा चुनावी प्रचारप्रसार तथा मतदाता भेटघाट कार्यक्रम सञ्चालन गरेका छन् ।

पूर्व मन्त्री तथा संविधानसभा सदस्य समेत रहेका चौधरीले आज फतुवा विजयपुर नगरपालिकाको फतुआ, हर्षाहा, विजयपुर, खैरा र बुनियाद गाउँमा घरदैलो कार्यक्रम गर्दै मतदातासँग प्रत्यक्ष संवाद गरेका हुन् । भेटघाटका क्रममा उनले आफूलाई “छाता” चुनाव चिन्हमा मतदान गरी विजयी गराउन आग्रह गरे ।

कार्यक्रमलाई सम्बोधन गर्दै चौधरीले भने, “यो मेरो अन्तिम चुनाव हो । मैले विगतमा जस्तै आगामी दिनमा पनि रौतहट क्षेत्र नम्बर ३ को विकास, समृद्धि र जनताको अधिकारका लागि निरन्तर काम गर्नेछु । एकपटक फेरि अवसर दिनुहोस्।”
उनले शिक्षा, स्वास्थ्य, सडक पूर्वाधार, रोजगारी सिर्जना तथा सामाजिक सद्भावलाई प्राथमिकतामा राखेर काम गर्ने प्रतिबद्धता व्यक्त गरेका छन् ।

यस क्रममा स्थानीय मतदाताहरूले चौधरीप्रति सकारात्मक प्रतिक्रिया जनाउँदै क्षेत्रको विकास र परिवर्तनका लागि सक्षम नेतृत्व आवश्यक रहेको बताए । “परिवर्तनको एक मात्र विकल्प गोविन्द चौधरी नै हुन्,” भन्दै उनीहरू विश्वस्त रहेको प्रतिक्रिया दिएका थिए ।

फतुवा विजयपुर क्षेत्रमा चौधरीको चुनावी अभियान दिनप्रतिदिन सक्रिय बन्दै गएको र विभिन्न समुदायबाट उल्लेखनीय समर्थन प्राप्त भइरहेको निर्वाचन जन परिचालन समितिका संयाेजक रामप्रवेश दासले जानकारी गराएका हुन् ।

आरके श्रीवास्तव,राैतहट,०१ गते फाल्गुन । 

रौतहट । आगामी फागुन २१ गते तय गरिएको प्रतिनिधि सभा निर्वाचनलाई केन्द्रमा राख्दै रौतहट क्षेत्र नम्बर–३ मा राजनीतिक गतिविधि तीव्र बन्दै गइरहेको छ । यसै सन्दर्भमा (जसपा नेपाल) का प्रतिनिधि सभा सदस्य उम्मेदवार ले गुजरा नगरपालिका–३ सिमरामा मतदाता भेटघाट तथा पार्टी प्रवेश कार्यक्रम आयोजना गर्नुभएको छ ।

कार्यक्रमका क्रममा सिमराका आम जनता पार्टीका नेता तथा वडा प्रत्याशी उमाशंकर प्रसाद तिवारी आफ्ना सयौँ समर्थकसहित जसपा नेपालमा प्रवेश गर्नुभएको छ । त्यस्तै, गुजरा नगरपालिकाको मेयर पदकी प्रत्याशी रहेकी नेतृ राजेश्वरी बन्ठा पनि दर्जनौँ महिलासहित जसपा नेपालमा समाहित हुनुभएको बताइएको छ ।

नवप्रवेशीहरूलाई उम्मेदवार गोविन्द चौधरी तथा पूजा चौधरीले माला, टीका र खादा लगाएर स्वागत गर्नुभएको थियो । स्वागत मन्तव्यका क्रममा नेताहरूले नवआगन्तुकहरूलाई बधाई दिँदै आगामी निर्वाचनमा पार्टीलाई विजयी बनाउन एकताबद्ध भएर लाग्न आग्रह गर्नुभयो ।

कार्यक्रममा जसपा नेपालका केन्द्रीय सदस्य चुल्हाई राय यादव, गुजरा नगरपालिकाका नगर प्रमुख सन्तलाल चौधरी, जननिर्वाचन परिचालन समितिका संयोजक रामप्रवेश दास ,रामदरेश दास लगायतका नेताहरूको उपस्थिति रहेको थियो । वक्ताहरूले क्षेत्रीय विकास, सुशासन र समावेशी राजनीतिलाई प्राथमिकता दिने प्रतिबद्धता व्यक्त गर्दै छाता चुनाव चिन्हमा मतदान गर्न मतदातालाई आह्वान गरेका थिए ।

रौतहट–३ मा विभिन्न राजनीतिक दलका नेता तथा कार्यकर्ताहरू जसपा नेपालमा प्रवेश गर्न थालेसँगै चुनावी वातावरण झन् सक्रिय र उत्साहपूर्ण बन्दै गएको स्थानीयहरूले बताएका छन् ।

बज्जिकाञ्चल संवाददाता,राैतहट,०१ गते फाल्गुन । 

राैतहटकाे ईशनाथ नगरपालिकास्थित श्री जनता माध्यमिक विद्यालय औरैयाकाे प्रधानाध्यापक भीखर प्रसादलाई आज सम्मान तथा बिदाई गरिएकाे छ । शिक्षण पेशाबाट अनिवार्य अवकाश हुनु भएकाे प्रधानाध्यापक प्रसादलाई आज एक कार्यक्रमकाे बिच सम्मान तथा बिदाई गरिएकाे हाे ।

ईशनाथ नगरपालिकाकी नगर प्रमुख काैशल्या देवीकाे प्रमुख आतिथ्यमा विद्यालय प्राङ्गणमा आज सम्पन्न कार्यक्रम मार्फत वहाँकाे सम्मान तथा बिदाई गरिएकाे विद्यालयकाे शिक्षक संजय कुमार यादवले जानकारी दिनु भयाे । माध्यमिक तहकाे गणित शिक्षककाे रूपमा शिक्षण सेवामा प्रवेश गर्नु भएकाे वहाँ अस्थायी र स्थाथी गरी झण्डै २९ वर्ष सेवा गरी अनिवार्य अवकाश हुनु भएकाे हाे ।

विद्यालयकाे माध्यमिक तहकाे सामाजिक शिक्षक राम विश्वास मुखियाले सञ्चालन गर्नु भएकाे साे कार्यक्रममा ईशनाथ नगरपालिकाकाे याेजना शाखा प्रमुख इशराजुल खान, शिक्षा शाखाकाे निरंजन सिन्हा, स्थानीय समाजसेवी डा• निरज सिन्हा, प्रमोद कुमार यादव, विद्यालय व्यवस्थापन समितिकाे अध्यक्ष लालबाबु प्रसाद यादव, पूर्व अध्यक्ष रामवचन साह, वि व्य स सदस्य नारायण महताे, चन्दा देवी, मा वि डुमरियाकाे प्रधानाध्यापक दिपक मेहता, मा वि घिउराकाे प्रधानाध्यापक चन्देश्वर यादव, मा वि मठियाकाे प्रधानाध्यापक अरविन्द साह, मा वि बन्जरहाकाे प्रधानाध्यापक नारायण साह लगायतकाे विशेष उपस्थित रहेकाे थियाे ।

अवकाश हुनु भएकाे प्रधानाध्यापक प्रसादकाे याेगदानकाे कदर गर्दै विद्यालय परिवार र विद्यार्थीहरूले अबिर, फूलमाला र गम्छा ओढाएर सम्मान गरेकाे थियाे । विद्यालयकाे माध्यमिक तहकाे विज्ञान शिक्षक खुर्शिद आलममे स्वागत् मन्तव्य राख्नु भएकाे साे कार्यक्रममा बाेल्ने बक्ताहरूले प्रधानाध्यापक भीखर प्रसादकाे शिक्षा र विद्यालयप्रतिकाे याेगदान तथा सेवा भागकाे खुलेर प्रशंसा गरेकाे थियाे।

कार्यक्रमकाे समापन पछि वहाँलाई विद्यालयकाे शिक्षक तथा विद्यार्थीहरूले स- सम्मान घरसम्मै पुर्याएकाे थियाे ।

आरके श्रीवास्तव, रौतहट,०१ गते फाल्गुन ।

राैतहट । आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै रौतहट क्षेत्र नम्बर ३ मा चुनावी गतिविधि तीव्र बनेको छ । यसैक्रममा जनता समाजवादी पार्टी (जसपा) नेपालका प्रतिनिधि सभा सदस्य पदका उम्मेदवार गोविन्द चौधरी (छाता छाप) ले आज गरूडा नगरपालिका–५ महम्मदपुरमा मतदाता भेटघाट तथा घरदैलो कार्यक्रम सम्पन्न गरेका छन् ।

मेयर प्रत्यासी अनिल यादवको नेतृत्वमा आयोजित घरदैलो कार्यक्रममा स्थानीय बासिन्दाको उल्लेखनीय सहभागिता देखिएको थियो । घरदैलोका क्रममा मतदाताहरूले “तपाईं चुनावमा नहुँदा हामी अलगअलग थियौं, तपाईं आएपछि फेरि एकजुट हुन थालेका छौं” भन्दै समर्थन व्यक्त गरेका थिए ।

कार्यक्रमलाई सम्बोधन गर्दै उम्मेदवार चौधरीले आफू ३५ वर्षअघि ‘आम छाप’ बाट चुनाव जितेको स्मरण गर्दै अहिले ‘छाता’ चुनाव चिन्ह लिएर जनताको सेवामा पुनः आएको बताए । “विगतमा जस्तै अहिले पनि जनताको भरोसा र एकताले नै जित सुनिश्चित गर्छ,” उनले भने ।

उक्त कार्यक्रममा जसपा नेपालका नेता चुल्हाई राय यादव सहित स्थानीय नेता तथा कार्यकर्ताहरूको उपस्थिति रहेको थियो । त्यस्तै गुजरा नगरपालिकाकाे वडा नम्बर ३ बलुआ टाेलमा उम्मेदवार चाैधरी मतदाताहरू सँग भेटघाट गरेका छन् ।

रौतहट–३ मा चौधरीको सक्रियता बढेसँगै चुनावी माहोल थप तातेको स्थानीयहरू बताउँछन् ।

 

काठमाडौं, २९ गते माघ ।
आम जनता पार्टी (आजपा)ले शुक्रबार चुनावी घोषणापत्र सार्वजनिक गर्दैछ । प्रतिनिधिसभा सदस्य निर्वाचन २०८२ का लागि घोषणापत्र लेखनकार्य सम्पन्न भएकाले पत्रकार सम्मेलन गर्दै घोषणापत्र सार्वजनिक गर्न लागिएको हो ।

काठमाडौंको भृकुटीमण्डप स्थित रिपोर्टर्स क्लबमा शुक्रबार बिहान ११ बजे पत्रकार सम्मेलन गर्दै घोषणापत्र सार्वजनि गर्ने कार्यक्रम रहेको आजपा कार्यालय सदस्य रविन्द्र सिंहले जनाएका छन् ।

आजपा अध्यक्ष प्रभु साह, नेता ऋषी धमला लगायतको विशेष उपस्थितिमा घोषणापत्र सार्वजनिक गर्न लागिएको छ । लुटकारी व्यवस्था, दलाल दलतन्त्र, भ्रष्टाचार, सरकारपिच्छेको कर आतंक बिरुद्धमा संघर्ष गर्दै आएको आजपाले शासन व्यवस्थामा आम जनताको सहभागिताका लागि आन्दोलन गर्दै आएको पार्टी हो ।

अहिलेको व्यवस्था नै खराब भएकाले मुलुकको अवस्थामा पनि खराब भएको निष्कर्ष सहित आजपाले भ्रष्ट, दलाल एवं लुटकारी व्यवस्थाको आन्दोलन गर्दै आएको छ । जेनजी आन्दोलनलाई खुलेर समर्थन गर्ने र सो आन्दोलनलाई संस्थागत गर्नुपर्ने आवाज उठाउदै आएका आजपा अध्यक्ष साहले जेनजी आन्दोलनका हत्यारा, भ्रष्टाचारीलाई कारवाही हुनुपर्ने बताउदै आएका छन् ।

उनले जेनजी आन्दोलन हाईज्याक भएको बताउदै जेनजी आन्दोलनका हत्यारा, भ्रष्टाचारी, हाईज्याकरका बिरुद्धमा आवाज उठाउदै जेनजी आन्दोलनलाई संस्थागत गर्न खोज्ने आजपाका उम्मेदवारलाई मतदान गर्नुपर्ने चुनावी भेटघाट, छलफलमा भन्दै आएका छन् । २१ फागुनमा हुन गइरहेको प्रतिनिधिसभा निर्वाचनका लागि सार्वजनिक हुने आजपाको घोषणापत्र कस्तो आउँने भन्ने चर्चाको बिषय बनेको छ ।

‘अब की बार जनता सरकार’ भन्दै साहले दलतन्त्र बिरुद्धको संघर्षलाई सफल बनाउन, जनतालाई देशको मालिक बनाउन र आधुनिक नेपाल निर्माण गर्ने अभियानमा सहभागि हुनका लागि सबैलाई मोवाईलमा मतदान गर्न अपिल समेत यसअघि गरेका छन् ।

स्थिरता, सुशासन, बदलाव र विकास, जनउत्तरदायी–लोकतान्त्रिक अभ्यास, सिस्टम सुधार, सुशासनको आधार, दलतन्त्र विरुद्ध आम जनताको सरकार हुनुपर्नेमा साहले जोड गर्दै आएका छन् ।

बज्जिकाञ्चल संवाददाता,राैतहट,२९ गते माघ । 
रौतहट । आसन्न फागुन २१ गतेको प्रतिनिधि सभा चुनावले विस्तारै गाउँ शहर तातिदै गएको छ । चुनावी प्रचार र घदैलो कार्यक्रममा अहिल रौतहटका उम्मेवादरहरु व्यस्त रहेको देखिन्छ । सोही क्रममा रौतहट क्षेत्र नं. १ बाट कुनै वेला आफनै पार्टीको संविधान सभा सदस्य रहेकी नेतृ रम्भा देवि संग आफ्नो पक्षमा मतदान गर्ने गौर उहाँकै निवासमा पुग्दै जनता समाजवादी पार्टी नेपालका रौतहट क्षेत्र नं. १ का उम्मेदवार योगेन्द्र राय यादवले अनुरोध गरेको हो ।

मधेश र मधेशी अधिकारको मुदा स्थापीत गराउनमा तपाईको पनि अहम योग्दान भएकोले त्यस मुदालाई स्थायीत्व र प्रभावकारीता गराउने छाता छापमा मतदान गर्न उम्मेदवार योगेन्द्र राय यादवले आग्रह गरे ।
मधेश आन्दोलको उपलब्ध र अधिकारको पुर्ण प्राप्तीको लागि हामी अगाडी बढीरहेकोले यसपालीको चुनाव मधेशी स्तीत्व जोगाउँने लडाईमा रहेकोले कुनै पनि हालतमा मधेशी जनताले जसपा नेपाललाई भुलाउने छैन भन्ने मेरो विश्वासा रहेको उम्मदवार यादवले घरदैलो गर्ने क्रममा संचारकर्मीहरु संग बताए । आफु र आफ्ना पार्टीले सधै मधेशी अधिकार प्राप्तीको लागि लडिरहने मधेशी जनताको एक मात्र भरोसा र अस्थाके केन्द्र रहेकोले हामी यस पाली बहुमतले संसदमा पसने बताए ।

उम्मेदवार यादवले, आज विहिवार गौर सदरमुकामको मुख्या बजारमा आम सर्वसधारण सहित व्यपारी वर्गमा जसपाको नेता बाबुलाल साह, अनिल सिंह, किरण ठाकुर, पुर्व मेयर विरेन्द्र यादव, पुर्व जिल्ला अध्यक्ष श्यामविहारी यादव, गौर नपा वार्ड नं. १का पुर्व अध्यक्ष भरत साह गौर नपा अध्यक्ष संजिव केसरी लगायत आफ्न सकडौ समर्थकका साथ आफ्ना एजेन्डा सहित घर घर पुगेर आफ्नो पक्षमा मतदान गर्ने आग्रह गरेका छन् । यस पालीको चुनावमा रौतहट क्षेत्र न.. १ मा नेकपाका माधवकुमार नेपाल, नेपाली काग्रेस अनिल कुमार झा, नेकपा एमालेका अजय कुमार गुप्ता, जसपा नेपालका योगन्द्र राय यादव र राष्ट्रिय स्वतन्त्र पार्टीका राजेश चौधरी गरि पाँच जना विच कडा प्रतिशप्रधा हुने देखिन्छ ।

वीरगंज, २८ माघ । आम जनता पार्टी (आजपा)का अध्यक्ष तथा पूर्वमन्त्री प्रभु साहले सत्ता जोगाउन जेनजी युवाहरुको हत्या गर्ने केपी ओली र आरजु देउवाहरू अनि सत्ता पाउनको लागि युवाहरुलाई उक्साउने रवि लामिछाने र बालेन शाहजस्ता दुवै अतिवादीहरुबाट देशलाई जोगाउनुपर्ने बताएका छन् ।

उनले भने, ‘जेनजी पुस्ताले देशमा सुशासन कायम गर्न, भ्रष्टाचारीलाई कारबाही गर्नको लागि सचेततापूर्वक आन्दोलन गरे, तर सत्ता जोगाउन केपी ओलीहरुले गोलीको वर्षा गराए, युवाहरुको हत्या गराए, अनि उता युवाहरुलाई बलिको बोको बनाएर सत्तारोहण गर्ने रवि लामिछाने र बालेन शाहहरुबाट यो देशलाई बचाउनुपर्छ । दुवै अतिवादीलाई कारबाही हुनुपर्छ ।’

उनले भदो २३ र भदौ २४ गतेको जेनजी आन्दोलनपछिको घटनाको छानबिन गर्न गठित जाँचबुझ आयोगको औचित्यमाथि पनि प्रश्न उठाए । सुशीला कार्की नेतृत्वको सरकारको आयु नै सकिने बेला भईसक्दापनि सो सरकारले बनाएको जाँचबुझ आयोगले काम गर्न नसक्नु भनेको आयोगको असफलता भएको साहको आरोप छ ।

आज (बुधबार) वीरगंजको छपकैयामा आयोजित चुनावी कार्यक्रमलाई सम्बोधन गर्ने क्रममा पूर्वमन्त्री साहले आयोग जेनजी आन्दोलनका हत्यारा केपी ओलीहरूसँग डराएको प्रमाणित भइसकेको पनि स्मरण गराए । उनले भने, ‘आयोगले तत्कालिन सरकारको नेतृत्वमा बसेका र युवाहरुलाई ताकि ताकि गोली हान्न आदेश दिनेहरुसँग बयान लिनपनि डरायो, घरघरमा गएर चाकरी गरेको देखियो, प्रेमी–प्रेमिकाबीचको पत्राचारजस्तो गरियो, यताबाट प्रश्न सोध्ने र उताबाट उत्तर दिने काम गरियो, यो जेनजी आन्दोलनमा शहादत प्राप्त गरेका शहीदहरुको अपमान हो । यो आयोग निकम्मा भइसकेको छ । जेनजी आन्दोलनका हाईज्याकर सुशीला कार्कीहरुको सेवामा लागेको छ । जेनजी पुस्तालाई हत्या गरेर भएपनि सत्ता जोगाउन चाहने ओली प्रवृत्ति र जेनजीलाई मर्न उक्साएर सत्ता प्राप्तिको भोक जागेका रवि र बालेनहरुबाट देशलाई जोगाउनुपर्छ । यो सुशीला सरकार दुवै अतिवादीहरुको सेवामा खटिएको छ ।’

सुशीला सरकारको आयु नै जम्मा ६ महिना तोकिएर चुनावको मिति आईसक्दापनि जाँचबुझ आयोगले प्रतिवेदन बाहिर ल्याउन नसक्नु आन्दोलनमा ज्यान गुमाएका शहीदहरुको अपमान भएको साहको आरोप छ । उनले भने, ‘म यही मञ्चबाट सुशीला कार्कीलाई भन्न चाहन्छु–तपाईंको नेतृत्वको सरकारको आयु नै सकिने बेला भईसक्यो, तर तपाईंले गठन गरेको आयोगको म्याद चाहीँ लम्बिएको लम्बिएछ, किन यस्तो कुकर्म गर्नुहुन्छ । आयोगले प्रतिवेदन तयार भईसक्यो भनेर यसका पदाधिकारीले सार्वजनिक रुपमा बोलिसकेका छन्, अनि त्यो प्रतिवेदन सार्वजनिक गर्न के को समय चाहिन्छ ? सार्वजनिक गर्नुहोस ।’

साहले अहिलेको चुनाव जेनजी आन्दोलनको आलोकमा हुन गईरहेकोले नेपाली जनताले भदौ २३ र भदौ २४ गतेको यथार्थ जान्न चाहेको भन्दै तत्कालै जाँचबुझ आयोगको प्रतिवेदन सार्वजनिक गर्न माग गरे ।

उनले अहिलेको निर्वाचनमा जनताले असल नेताको खोजी गरेको भन्दै नक्कली नायकको भ्रम फिजाएर जनमत लिने कोशिस भएको भन्दै न्यायप्रेमी जनताले आफ्नो विवेक सही तवरले प्रयोग गर्नेमा आफू विश्वस्त रहेको बताए । उनले गरिव, निमुखा, भुईंमान्छेको न्यायको लागि लड्ने पार्टीलाई नै जनताले माया गर्ने भन्दै यो निर्वाचनमा अतिवादी, लोकप्रियतावादी र नक्कलीहरु पराजित हुने दाबी गरे । उनले भने, ‘अहिले लडाईं सत्यवादी र शक्तिवादीहरुबीच भईरहेको छ । हामी संख्यामा होईन, सत्यमा विश्वास गर्छौं । जनताले न्याय दिनुहुनेछ भन्ने विश्वास छ ।’

आरएन पटेल,राैतहट,२८ गते माघ । 

आजपा (आम जनता पार्टी) का केन्द्रीय सदस्य बिगु पासवान जनता समाजवादी पार्टी (जसपा) नेपालमा प्रवेश गरेका छन। बुधबार मधेश प्रदेशको राजधानी जनकपुरधाममा आयोजित एक कार्यक्रमका बीच जसपा नेपालका वरिष्ठ नेता शरत सिंह भण्डारी तथा महिला नेतृ एवं पूर्व मन्त्री सुरिता साहले टिका, माला र गम्छा ओढाएर उनलाई विधिवत् पार्टीमा स्वागत गरेका हुन् ।

पार्टी प्रवेश गराउँदै वरिष्ठ नेता भण्डारीले पासवानलाई पार्टीमा स्वागत गर्दै शुभकामना दिएका छन् । साथै नेता पासवान मधेश आन्दोलनबाट खारिएका, कर्तव्यनिष्ठ र क्रान्तिकारी नेतृत्व क्षमतायुक्त युवा नेताका रूपमा रहेको उनले प्रशंसा गरेका छन। उनले भने, “बिगु पासवान जस्ता समर्पित र संघर्षशील नेताको आगमनले पार्टी संगठन थप मजबुत हुनेछ र मधेशको मुद्दालाई अझ सशक्त रूपमा उठाउन मद्दत पुग्नेछ।”

नवप्रवेशी नेता पासवानले आफूले मधेश, मधेशी, दलित, मुस्लिम, अल्पसंख्यक तथा पिछडावर्गको अधिकारका लागि निरन्तर संघर्ष गर्ने प्रतिबद्धता व्यक्त गरे। उनले समग्र उत्पीडित समुदायको हक-अधिकार सुनिश्चित गर्न जसपा नेपाल नै उपयुक्त राजनीतिक शक्ति रहेको बताए।
साथै उनले रौतहट निर्वाचन क्षेत्र नं. ४ मा जसपा नेपालका उम्मेदवार राजकुमार दास तत्मालाई विजयी गराउन कुनै कसर बाँकी नराख्ने अठोट व्यक्त गरेका छन। “अबको अभियान रौतहट-४ मा जसपा नेपाल जिताउने अभियान हो,” उनले भने।

पार्टी प्रवेश कार्यक्रमलाई मधेश केन्द्रित राजनीतिक ध्रुवीकरणको महत्वपूर्ण घटनाका रूपमा हेरिएको छ। जसपा नेपालले यसलाई संगठन विस्तार तथा चुनावी रणनीतिका दृष्टिले सकारात्मक उपलब्धि मानेको जसपा नेपालका उम्मेदवार राजकुमार दासको भनाई रहेको छ।

बज्जिकाञ्चल संवाददाता,बारा, माघ २८ गते । 

 

आम जनता पार्टी (आजपा) का प्रतिनिधि सभा सदस्य उम्मेदवार विजय यादव ‘निर्विज’ले आज बारा जिल्लाको कोल्हवीस्थित निर्वाचन परिचालन सम्पर्क कार्यालयमा बारा निर्वाचन क्षेत्र नं. १ का मतदातासामु आफ्नो चुनावी प्रतिबद्धता पत्र सार्वजनिक गर्दै चुनावी अभियानलाई नयाँ ऊर्जा दिएका छन् ।

देशमा बढ्दो निराशा, भ्रष्टाचार, दलाली प्रवृत्ति र कमजोर शासन व्यवस्थाको अन्त्य गर्दै जनताको प्रत्यक्ष शासन स्थापना गर्ने लक्ष्यसहित यादवले “अबकी बार जनता सरकार” भन्ने मूल नारालाई आफ्नो अभियानको केन्द्रमा राखेका छन्। उनले जनताको जीवनस्तर सुधार, विकास निर्माण, सुशासन र समृद्ध बारा निर्माणका लागि ठोस र व्यवहारिक योजनासहित चुनावी मैदानमा उत्रिएको बताएका छन्।

बारा–१ का लागि २३ बुँदे जनमुखी प्रतिबद्धता

उम्मेदवार यादवले सार्वजनिक गरेको प्रतिबद्धता पत्रमा बारा जिल्लाको समग्र विकासका लागि निम्न प्रमुख एजेन्डाहरू समेटिएका छन्: पर्यटन तथा ऐतिहासिक पहिचान

ऐतिहासिक सिम्रौनगढ क्षेत्रलाई विश्व सम्पदा सूचीमा सूचीकृत गराउन पहल पातालगंगा क्षेत्रलाई व्यवस्थित पर्यटकीय गन्तव्यको रूपमा विकास आर्थिक र औद्योगिक विकास भन्सार स्थापना तथा व्यापार प्रवर्द्धनका लागि सशक्त पहल जडीबुटी तथा स्थानीय स्रोतसाधनको आधुनिक व्यवस्थापन,निजगढ अन्तर्राष्ट्रिय विमानस्थल शीघ्र निर्माणका लागि निर्णायक पहल,शून्य कर नीति मार्फत उद्योग र उत्पादन प्रवर्द्धन,कृषि आधुनिकीकरण तथा किसानका लागि पेन्सन व्यवस्था,युवा रोजगार अभियान

“हर हातमा हुनर” अभियानमार्फत युवालाई सीप र रोजगार

पूर्वाधार विकास,हरेक गाउँमा राजमार्ग तथा कृषि सडक विस्तार,घर–घरमा नाला र बस्ती–बस्तीमा ढल व्यवस्थापन

निःशुल्क विद्युत सेवासहित मजबुत ऊर्जा पूर्वाधार

हरेक खेतमा आधुनिक सिंचाइ सुविधा

आवास तथा शहर विकास,ल्यान्डपुलिङमार्फत व्यवस्थित नयाँ शहर निर्माण,गरिब, दलित र भूमिहीनका लागि आवास र जमीन सुनिश्चितता,शिक्षा, स्वास्थ्य र प्रविधि

गुणस्तरीय शिक्षाका लागि आधुनिक शैक्षिक पूर्वाधार

प्रत्येक नगरमा मोडेल अस्पताल स्थापना

मजबुत इन्टरनेट संरचना तथा निःशुल्क वाइफाइ सेवा

सामाजिक सुविधा,घर–घरमा ग्यास चुलो र सिलिन्डर व्यवस्था,हरेक नगरमा खेलमैदान तथा खेलाडीका लागि उच्च सुविधा

“जनताको आवाज संसदमा पुर्‍याउने मेरो संकल्प हो”

प्रतिबद्धता पत्र सार्वजनिक गर्दै उम्मेदवार यादवले भने,

“बारा–१ का जनताको पीडा, आवश्यकता र अपेक्षालाई संसदमा पुर्‍याएर समाधान गर्नु मेरो पहिलो जिम्मेवारी हुनेछ। अबको निर्वाचन परिवर्तन र जनताको सरकार निर्माण गर्ने ऐतिहासिक अवसर हो।”

उनले जनताको विश्वास र समर्थन बिना परिवर्तन सम्भव नहुने उल्लेख गर्दै आगामी निर्वाचनमा मोबाइल छापमा मतदान गरी अभियानलाई बलियो बनाउन मतदातालाई आग्रह गरे।

आजपा उम्मेदवार विजय यादव ‘निर्विज’को प्रतिबद्धता पत्र सार्वजनिक भएसँगै बारा–१ मा चुनावी माहोल थप सक्रिय, उत्साहित र परिवर्तनमुखी बन्दै गएको देखिएको छ।

उक्त कार्यक्रममा आम जनता पार्टीकी महिला नेतृ तथा समानुपातिक उम्मेदवार उपाध्यक्ष एलिजा गौतम, समानुपातिक उम्मेदवार रञ्जु चौधरी, बारा जिल्ला अध्यक्ष राजकिशोर साह, सचिवालय सदस्य रामशरण यादव लगायत नेताहरूको उपस्थिति रहेको थियो।

आरके श्रीवास्तव,राैतहट,२८ गते माघ । 

रौतहटको फतुवा विजयपुर नगरपालिकाको वडा नम्बर १ अन्तर्गत बैरगनिया र गम्हरिया तथा वडा नम्बर २ को सितलपुरमा जनता समाजवादी पार्टी (जसपा) नेपाल क्षेत्र नम्बर ३ बाट प्रतिनिधि सभा सदस्य पदका उम्मेदवार गोविन्द चौधरीले चुनावी प्रचारप्रसार अन्तर्गत घरदैलो तथा मतदाता भेटघाट कार्यक्रम सम्पन्न गरेका छन् ।

सो अवसरमा उम्मेदवार चौधरीले स्थानीय मतदातासँग प्रत्यक्ष संवाद गर्दै क्षेत्रको विकास, शिक्षा, स्वास्थ्य, कृषि तथा रोजगारीका विषयमा आफ्ना योजना प्रस्तुत गरेका थिए । उनले जनताको आवश्यकता र सुझावलाई आफ्नो प्राथमिकतामा राख्दै समृद्ध क्षेत्र निर्माणका लागि आफू प्रतिबद्ध रहेको बताएका छन् ।

कार्यक्रममा जसपा नेपालका नेताहरू रामप्रवेश दास, चुल्हाई राय यादव, विन्देश्वर राय यादव, राजाबाबु साह लगायतका नेता तथा कार्यकर्ताहरूको सहभागिता रहेको थियो। सहभागी नेताहरूले पार्टीका नीति तथा कार्यक्रमबारे जानकारी गराउँदै उम्मेदवार चौधरीलाई विजयी गराउन आग्रह गरेका थिए ।

घरदैलो अभियानका क्रममा स्थानीयवासीहरूले विभिन्न समस्या तथा अपेक्षाबारे धारणा राखेका थिए । उम्मेदवार चौधरीले ती समस्याहरू समाधानका लागि सम्बन्धित निकायसँग समन्वय गर्दै काम गर्ने प्रतिबद्धता व्यक्त गरेका छन् ।

जसपा नेपालले क्षेत्र नम्बर ३ मा आफ्नो संगठन सुदृढ बनाउँदै चुनावी अभियानलाई तीव्र बनाएको जनाएको छ ।

 

प्रेमचन्द्र झा,राैतहट,माघ २८ गते । 

रौतहट । जय मातृभूमि पार्टीका केन्द्रीय सहअध्यक्ष राम शरण पाण्डेले पार्टीका उम्मेदवार रञ्जित पटेललाई विजयको माला लगाउँदै आशीर्वाद दिएका छन्। यमुनामाई गाउँपालिका–जेठरहियामा आयोजित भेटघाट तथा अन्तरक्रिया कार्यक्रममा उनले फागुन २१ गते हुने निर्वाचनमा पार्टीका उम्मेदवारलाई मतदान गर्न आग्रह गरे।
कार्यक्रममा महासचिव गोविन्द गिरी, पूर्व एसएसपी तथा केन्द्रीय सदस्य महावीर प्रसाद मल्ल, सबिता झा, गौरव जोशी लगायतका नेताहरूको उपस्थिति रहेको थियो। यस्तै माधवनारायण नगरपालिका–मिठुअवा र दुर्गा भगवती गाउँपालिका–भलोहीयामा समेत चुनावी कार्यक्रम सम्पन्न भएको जनाइएको छ।
अन्तरक्रिया कार्यक्रममा स्थानीय बासिन्दाहरूले शिक्षा, स्वास्थ्य, कृषि, रोजगारी लगायतका क्षेत्रमा भोगिरहेका समस्याहरू उठाएका थिए। उनीहरूले स्थानीय तहमा कायम भ्रष्टाचार र कुशासनका कारण गरिबी तथा अशिक्षा मौलाएको गुनासो गरेका थिए।
कार्यक्रममा उठेका प्रश्नहरूको जवाफ दिँदै महासचिव गोविन्द गिरीले आफ्नो पार्टीको मूल सिद्धान्त ‘नेपालवाद’ रहेको उल्लेख गर्दै जनताको विश्वास पाएर उम्मेदवारलाई विजयी गराए सबै समस्या समाधान गरेर देखाउने दाबी गरे।
पार्टीले आगामी निर्वाचनलाई लक्षित गर्दै विभिन्न स्थानमा जनभेटघाट तथा अन्तरक्रिया कार्यक्रमलाई तीव्रता दिएको जनाएको छ।

आरके श्रीवास्तव,राैतहट,२६ गते माघ । 

रौतहट । रौतहट क्षेत्र नम्बर ३ बाट जनता समाजवादी पार्टी (जसपा) का उम्मेदवार तथा पूर्वमन्त्री गोविन्द चौधरीले देवाहीगोनाही नगरपालिका–९ धरहरीमा आयोजित चुनावी विशेष कोणसभालाई सम्बोधन गरेका छन् ।

मतदाता भेटघाटपछि आयोजित सभालाई सम्बोधन गर्दै चौधरीले जनताको आग्रह र चाहनाअनुसार आफू उम्मेदवार बनेको स्पष्ट पारे । उनले भने, “जनताको विश्वास र आग्रहकै कारण म उम्मेदवारी दिएको हुँ । तपाईंहरू निश्चिन्त रहनुहोस्, यो लडाइँको अन्तिम छोरसम्म म डटेर उभिनेछु ।”

आफूलाई सहयोग र साथ आवश्यक रहेको बताउँदै उनले मतदातासँग भावुक अपिल गरे । “यस्तो नहोस् कि म अगाडि बढूँ तर पछाडि कुनै सेना नै नरहोस्,” भन्दै उनले मतदातासँग साथ र समर्थन मागे ।

चौधरीले आगामी दिनमा आफूविरुद्ध विभिन्न किसिमका जालझेल, भ्रम र दुष्प्रचार हुन सक्ने भन्दै त्यसप्रति सचेत रहन आग्रह गरे । “कुनै पनि गलत हल्ला, बदनामी वा दुष्प्रचारमा विश्वास नगर्नुहोला,” उनले भने ।

आफ्नो राजनीतिक जीवनबारे उल्लेख गर्दै उनले ३५ वर्षअघि जस्तै अहिले पनि आफू इमानदार रहेको दाबी गरे। “अलिकति बुढो भएको छु, तर तपाईंहरू साथमा हुनुहुन्छ भने म पहाड र बाघसँग पनि लड्न तयार छु,” भन्दै उनले आत्मविश्वास व्यक्त गरे ।

आफूमाथि ‘विकाउ भएको’ भन्ने हल्ला फैलाउने प्रति   लक्ष्यित गरि प्रतिक्रिया दिँदै चौधरीले भने, “मभन्दा बढी सम्पत्ति कसको छ ? कसैलाई  मसँग आँखा जुधाउने हैसियत छैन् । त्यसैले यस्ता हल्लामा विश्वास नगर्नुहोला ।”

विकास निर्माणका सन्दर्भमा उनले २०४८ सालमा निर्वाचित भएपछि गरुडा–झाझपुल–कटहरिया सडक खण्ड निर्माण गराउन सफल भएको बताए । साथै गरुडामा श्रीराम सुगर मिल गरूडामा आफूले स्थापना गराएको दाबी गर्दै त्यससम्बन्धी भ्रम फैलाइएकोप्रति आपत्ति जनाए ।

सभाको अन्त्यमा चौधरीले दुवै हात जोड्दै मतदातासँग आफूलाई जिताउन आग्रह गरे । “यसपटक आर–पार नै होस्,” भन्दै उनले आफ्नो पक्षमा मतदान गर्न अपिल गरे । कार्यक्रममा अन्य वक्ताहरूले पनि चाैधरी नै राैतहट ३ मा परिवर्तन मजबुत जग भएको भन्दै छाताछापमा मतदान गर्न आग्रह गरेका थिए ।

 

प्रेमचन्द्र झा,राैतहट,माघ २६ गते । 

रौतहट। बौधिमाई नगरपालिकाका मेयर प्रदीप यादवले स्वास्थ्यकर्मी अनिल साहलाई दुर्व्यवहार गरेको दाबी गर्दै स्वास्थ्यकर्मीहरूले विरोध जनाएका छन्। घटनाको विरोधमा सम्पूर्ण स्वास्थ्यकर्मीहरू आन्दोलनको तयारीमा रहन आह्वान गरिएको छ।
स्वास्थ्यकर्मीहरूले मेयर यादवको व्यवहारलाई आपत्तिजनक र कर्मचारीको मर्यादाविपरीत भएको बताएका छन्। “कुनै पनि जनप्रतिनिधिले कर्मचारीमाथि दुर्व्यवहार गर्न पाउँदैन,” भन्दै उनीहरूले उक्त कार्य अस्वीकार्य भएको स्पष्ट पारेका छन्।
स्वास्थ्यकर्मी पक्षले बौधिमाई नगरपालिकाका मेयर, प्रमुख प्रशासकीय अधिकृत तथा स्वास्थ्य संयोजक समयमै कानुनको दायरामा नल्याए कडा आन्दोलनमा उत्रिने चेतावनी दिएका छन्। साथै, विभिन्न संघ–संगठनहरूसँग समन्वय भइरहेको र त्यसकै आधारमा आगामी आन्दोलनका कार्यक्रम सार्वजनिक गरिने जनाइएको छ।
यस विषयमा नगरपालिकाको तर्फबाट औपचारिक प्रतिक्रिया आउन बाँकी रहेको छ।

आरके श्रीवास्तव,रौतहट,२६ गते माघ ।
आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै रौतहट क्षेत्र नम्बर ३ बाट जनता समाजवादी पार्टी (जसपा) नेपालका प्रतिनिधि सभा सदस्य पदका उम्मेदवार गोविन्द चौधरी (छाता छाप) ले आज धरहरी, गोनाही र उचिडिह गाउँमा प्रचार–प्रसार तथा मतदाता भेटघाट कार्यक्रम गरेका छन् ।

भेटघाटका क्रममा स्थानीय मतदाताहरूले उम्मेदवार चौधरीलाई २०४८ सालको चुनाव आमछापदेखि नै चिनिरहेको बताउँदै उनको लामो राजनीतिक अनुभव र निरन्तर सक्रियतालाई स्मरण गरेका थिए । मतदातासँगको संवादमा उम्मेदवार चौधरीले कुनै पनि किसिमको लोभ–लालचमा नपर्न आग्रह गर्दै भने, “चुनाव नजिकिँदै जाँदा धेरै जना विभिन्न प्रलोभन लिएर आउन सक्छन्, तर त्यसमा नफस्नुहोस् ।”

उनले यसपटक जनताले वास्तविक परिवर्तन चाहेको उल्लेख गर्दै भने, “परिवर्तनको एक मात्र बलियो विकल्प मेरो उम्मेदवारी हो । मेरो जितका धेरै आधार छन्—मेरो आफ्नै समुदायको पूर्ण साथ र समर्थन, लामो समयदेखि साथमा रहेका राजनीतिक सहयात्रीहरूको सहयोग, र तपाईं मतदाताहरूको विश्वास ।”

मतदाताहरूको साथ र सहयोग रहेमा यसपालि रौतहट–३ मा परिवर्तन निश्चित हुने दाबी गर्दै उम्मेदवार चौधरीले छाता छापमा मतदान गर्न अपिल गरेका छन् ।

आरके श्रीवास्तव,राैतहट,२५ गते माघ ।
आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै रौतहट क्षेत्र नम्बर ३ बाट जनता समाजवादी पार्टी (जसपा) नेपालका प्रतिनिधि सभा सदस्य पदका उम्मेदवार गोविन्द चौधरी (छाता छाप) ले गुजरा नगरपालिकाको वडा नम्बर २ चोचामा मतदातासँग भेटघाट गरेका छन् ।

सो अवसरमा आयोजित कोणसभालाई सम्बोधन गर्दै उम्मेदवार चौधरीले आफ्नो उम्मेदवारीको विषयमा उठाइएका प्रश्नहरूको स्पष्ट जवाफ दिएका छन् । उनले भने, “सबैलाई जिज्ञासा छ—गोविन्द चौधरी जीवनको उत्तरार्धमा किन चुनावमा आएका हुन् ? जेन–जीको समयमा किन युवालाई मौका दिएनन् भनेर विपक्षीहरूले प्रश्न उठाइरहेका छन् । तर म स्पष्ट भन्न चाहन्छु, म युवाहरूकै जोडबलमा चुनावी मैदानमा आएको हुँ । युवाहरूले नै मलाई अघि बढ्न प्रेरित गरेका हुन् ।”

उनले विगतका दुई निर्वाचनमा स्वास्थ्यका कारण सक्रिय भूमिका खेल्न नसकेको स्वीकार गर्दै भने, “मैले अघिल्ला दुई चुनावमा स्वास्थ्यका कारण लड्न सकिन । यो मेरो कमजोरी थियो । तर अहिले म जिम्मेवारीका साथ फर्किएको छु ।”
आफ्नो राजनीतिक इतिहास स्मरण गर्दै चौधरीले २०४८ सालको प्रतिनिधि सभा निर्वाचनमा नेपाली कांग्रेसका विद्रोही उम्मेदवारका रूपमा विजयी भएको उल्लेख गरे । उनले भने, “त्यो कार्यकाल केवल ढाई वर्षको मात्र रह्यो । त्यतिबेला राज्यसँग पर्याप्त बजेट थिएन, तर पनि मैले आफ्नै पहलमा बाटोघाटो निर्माणजस्ता विकासका कामहरू अघि बढाएँ ।”
चौधरीले अनुभव, इमानदारी र युवाको साथ मिलेर रौतहट–३ मा परिवर्तन सम्भव हुने विश्वास व्यक्त गर्दै मतदातालाई छाता छापमा मतदान गर्न आग्रह गरे ।

कार्यक्रममा स्थानीय युवा, अगुवा कार्यकर्ता तथा सर्वसाधारणको उल्लेख्य सहभागिता रहेको थियो ।

आरके श्रीवास्तव,राैतहट,२४ गते माघ । 

रौतहट क्षेत्र नम्बर ३ बाट जनता समाजवादी पार्टी (जसपा) नेपालका उम्मेदवार तथा पूर्व मन्त्री गोविन्द चौधरीले चुनावी अभियानलाई तीव्र बनाएका छन् । सोही क्रममा उनले शनिबार फतुवा विजयपुर नगरपालिका वडा नम्बर १० को दुधिअवा तथा वडा नम्बर ८ काे लक्ष्मिनिया र बडहडवामा मतदातासँग भेटघाट तथा घरदैलो कार्यक्रम गरेका छन् ।

भेटघाटका क्रममा उनले सक्षम र इमानदार नेतृत्व भए मात्र क्षेत्रको समग्र विकास सम्भव हुने बताएका छन् । विगतका वर्षहरूमा अपेक्षित विकास हुन नसकेको उल्लेख गर्दै उनले यसपटक परिवर्तनको पक्षमा मतदान गर्न मतदातालाई आग्रह गरेका छन् ।

लामो समयपछि आफू पुनः चुनावी मैदानमा उत्रिएको बताउँदै चौधरीले जनताको विश्वास र सहयोग आवश्यक रहेको धारणा व्यक्त गरेका छन् । उनले आफ्नो चुनाव चिन्ह ‘छाता’ रहेको जानकारी दिँदै आगामी फाल्गुन २१ गते हुने प्रतिनिधिसभा निर्वाचनमा जसपा नेपाललाई मतदान गर्न मतदातासँग अपिल गरेका छन् ।

चौधरीले यसपटक रौतहट–३ का जनतामा परिवर्तनको स्पष्ट चाहना देखिएको दाबी गर्दै विकास, रोजगारी र समावेशी नेतृत्वका लागि आफ्नो उम्मेदवारी रहेको बताए ।

प्रेमचन्द्र झा,राैतहट,माघ २४ गते । 

रौतहट। रौतहट क्षेत्र नम्बर–२ मा प्रगतिशील लोकतान्त्रिक पार्टी (प्रलोपा) का उम्मेदवार अशोक जयसवाल यतिबेला चुनावी चर्चाको केन्द्रमा रहनुभएको छ। हालै गठन भएको प्रलोपा पार्टीमा अध्यक्ष परिषद्का सदस्यसमेत रहनुभएका जयसवालले वैकल्पिक राजनीति, सुशासन र भ्रष्टाचारविरुद्धको एजेन्डाका कारण स्थानीय मतदाताको ध्यान तान्न सफल देखिनुभएको छ।
लामो समयदेखि पुराना राजनीतिक दलहरूको प्रभावमा रहेको रौतहट–२ मा पछिल्लो समय मतदाताहरूमा असन्तुष्टि बढ्दै गएको देखिन्छ। यही परिस्थितिमा जयसवालले अघि सारेको नयाँ वैकल्पिक शक्तिको अवधारणाले विशेष गरी युवा र सचेत मतदातालाई आकर्षित गरेको स्थानीय विश्लेषकहरूको भनाइ छ।
जयसवाल माओवादी जनयुद्धका शहीद परिवारका सदस्य हुनुहुन्छ। माओवादी पार्टी परित्याग गरी नयाँ राजनीतिक धार निर्माणमा सक्रिय भएकाले स्थानीयस्तरमा उहाँलाई ‘विद्रोही’ र ‘परिवर्तनको संवाहक’का रूपमा हेरिएको छ। त्याग र राजनीतिक पृष्ठभूमिले उहाँप्रति सहानुभूति र विश्वास बढाएको बताइन्छ।
प्रगतिशील लोकतान्त्रिक पार्टीले सार्वजनिक गरेको ८ बुँदे संकल्प र भ्रष्टाचारप्रति शून्य सहनशीलताको नीतिले पनि मतदातामाझ सकारात्मक सन्देश प्रवाह गरेको छ। जयसवालको नेतृत्वमा भइरहेका चुनावी सभाहरूमा भ्रष्टाचारमुक्त प्रशासन, प्रशासनिक ढिलासुस्तीको अन्त्य, र शहीद परिवारको सम्मान जस्ता मुद्दा प्राथमिकताका साथ उठाइँदै आएका छन्।
वैकल्पिक राजनीतिक धारलाई मजबुत बनाउने क्रममा बाबुराम भट्टराई र जनार्दन शर्मा जस्ता नेताहरूको वैचारिक समर्थन तथा रास्वपाका पूर्व नेता सन्तोष परियारसँगको सहकार्यले युवाहरू ‘आँखा’ चुनाव चिह्नप्रति आकर्षित भएको देखिन्छ।
स्थानीय सञ्चारमाध्यमहरूका अनुसार यसपटक रौतहट–२ मा अघिल्लो निर्वाचनका विजेता किरण साहसहित पुराना राजनीतिक शक्तिहरूलाई जयसवालले कडा टक्कर दिने सम्भावना देखिएको छ। निर्वाचन मिति नजिकिँदै जाँदा जयसवालले घरदैलो अभियानलाई तीव्र बनाउँदै प्रत्येक गाउँमा संगठन विस्तार गरिरहनुभएको छ।
चुनावी माहोल तातिँदै जाँदा रौतहट–२ मा वैकल्पिक राजनीतिले कस्तो परिणाम ल्याउने हो भन्ने चासो बढ्दो छ।

आरके श्रीवास्तव,राैतहट,२४ गते माघ । 

रौतहट जिल्लाको गुजरा नगरपालिकामा आगामी निर्वाचनलाई लक्षित गर्दै नगरस्तरीय निर्वाचन परिचालन तथा प्रचारप्रसार समिति गठन गरिएको छ । पूर्व वडा अध्यक्ष मो. आरिफ मिया दर्जीको अध्यक्षतामा ४५ सदस्यीय समिति गठन गरिएको हो ।

समितिले जनता समाजवादी पार्टी नेपाल राैतहट क्षेत्र नं. ३ का लोकप्रिय उम्मेदवार गोविन्द चौधरीलाई छाता छापमा मतदान गरी अत्यधिक मतका साथ विजयी गराउने उद्देश्य लिएको छ । संघीयता, समावेशिता तथा मधेशका सम्पूर्ण जनताको अधिकार सुनिश्चित गर्न र जनताको सशक्त आवाज संसदसम्म पुर्‍याउने लक्ष्यसहित समिति गठन गरिएको जसपा नेपालका युवा नेता पुनित रामले जानकारी गराएका हुन् ।

नवगठित समितिले घरदैलो अभियान, जनसम्पर्क, प्रचार–प्रसार तथा निर्वाचन व्यवस्थापनका विभिन्न गतिविधि सञ्चालन गर्ने जनाएको छ । स्थानीय स्तरमा संगठनलाई मजबुत बनाउँदै मतदातालाई सचेत गराउने कामलाई प्राथमिकतामा राखिने समितिका पदाधिकारीहरूले बताएका छन् ।

समितिका अध्यक्ष मो. आरिफ मिया दर्जीले लोकतन्त्र सुदृढीकरण र जनअधिकारको संरक्षणका लागि उम्मेदवार गोविन्द चौधरीको विजय आवश्यक रहेको उल्लेख गर्दै सबैलाई एकताबद्ध भएर अभियानमा जुट्न आग्रह गर्नुभयो ।

 

आरके श्रीवास्तव,राैतहट,२३ गते माघ । 

रौतहट । फतुवा बिजयपुर नगरपालिका–२ शितलपुरस्थित दलित टोलमा सडक ढलान सम्पन्न भएपछि स्थानीय बासिन्दाहरू खुशी भएका छन् । वडा स्तरीय योजना अन्तर्गत सम्पन्न भएको सडक ढलानले वर्षौंदेखि रहेको आवतजावतको समस्या समाधान भएको स्थानीयको भनाइ छ ।

वडा अध्यक्ष अनिरुद्ध यादव सञ्जयको सक्रिय पहल र लगनशीलतामा उक्त सडक ढलान गरिएको हो । सडक ढलान सम्पन्न भएपछि स्थानीयहरूले वडा अध्यक्ष यादवलाई धन्यवाद दिएका छन् ।

वडा अध्यक्ष यादव निर्वाचित भएलगत्तै सो टोलको सडकमा ग्राभेल हालेर अस्थायी रूपमा भए पनि आवागमन सहज बनाएका थिए । त्यस समयमा उनले दलित टोलका बासिन्दासँग पक्की सडक निर्माण गर्ने वाचा गरेका थिए, जुन वाचा उनले अहिले पूरा गरेका छन् ।

सडक ढलानपछि दलित टोलका बासिन्दाहरूले वर्षायाममा हिलो र धुलोका कारण भोग्नुपरेको समस्याबाट राहत पाएको बताएका छन् । स्थानीयका अनुसार अब विद्यालय जाने बालबालिका, वृद्धवृद्धा तथा बिरामीलाई आवतजावत गर्न सहज भएको छ ।

सडक ढलानपछि प्रतिक्रिया दिँदै वडा अध्यक्ष अनिरुद्ध यादव सञ्जयले भने,
“वडाका सबै समुदायको समान विकास मेरो प्राथमिकता हो । निर्वाचनका बेला जनतासँग गरेका वाचा पूरा गर्नु मेरो दायित्व हो । शितलपुर दलित टोलका बासिन्दाले लामो समयदेखि भोग्दै आएको समस्या समाधान गर्न पाउँदा म खुशी छु । आगामी दिनमा पनि आवश्यकताका आधारमा पूर्वाधार विकासका काम निरन्तर अघि बढाइनेछ ।”

 

 

अभिमनु पटेल,रौतहट, २३ माघ ।

रौतहट जिल्लाको बौधिमाई नगरपालिकामा जनप्रतिनिधिद्वारा कर्मचारीमाथि गम्भीर दुर्व्यवहार भएको आरोप लागेको छ।

नगरपालिकाका मेयर प्रदीप राय यादवले आफ्नै पालिकामा कार्यरत एक स्वास्थ्यकर्मीलाई कुटपिट तथा गालीगलौज गर्दै करिब एक घण्टासम्म शौचालयमा थुनेको घटना सार्वजनिक भएको हो।
घटनामा बौधिमाई नगरपालिका वडा नम्बर- ६, पिपरिया टोलस्थित स्वास्थ्य चौकीमा कार्यरत पाँचौँ तहका सिएमए (CMA) स्वास्थ्यकर्मी अनिल साह पीडित भएका छन्।

सर्लाहीको बसवरिया गाउँपालिका- गोनरवाका स्थायी बासिन्दा साहलाई क्षयरोगसम्बन्धी एक औषधि नगर प्रहरीलाई नदिएको भन्दै मेयर यादवले अशोभनीय शब्द प्रयोग गर्दै कुटपिट गरेको र पदको दुरुपयोग गरी शौचालयमा बाहिरबाट ढोका बन्द गरेर थुनेको आरोप पीडितले लगाएका छन्।

करिब एक घण्टापछि त्यहाँ उपस्थित अन्य जनप्रतिनिधि तथा कर्मचारीहरूको पहलमा साहलाई शौचालयबाट बाहिर निकालिएको थियो। त्यसपछि मेयर यादव र स्वास्थ्यकर्मी साहबीच दुबै तर्फबाट हातपात तथा गालीगलौज भएको पीडित पक्षको भनाइ छ। स्थानीयका अनुसार मेयर यादव विगत पौने चार वर्षको कार्यकालमा पटकपटक विवादमा मुछिँदै आएका छन्।

उनले यसअघि पनि निमित्त प्रमुख प्रशासकीय अधिकृत, योजना शाखा प्रमुख, स्वास्थ्य शाखा प्रमुख, सचिव, जिन्सी शाखा प्रमुख र पशु शाखा प्रमुख लगायत कर्मचारीहरूलाई कुटपिट, दुर्व्यवहार, कोठा तथा शौचालयमा थुन्ने जस्ता घटनाहरूमा संलग्न भएको आरोप लाग्दै आएको छ।

स्थानीय तहलाई जनताको हकअधिकार सुनिश्चित गर्ने थलो बनाउनु पर्ने भएपनि बौधिमाई नगरपालिकामा विकासभन्दा बढी विवाद, मुद्दा, झगडा र त्रासको वातावरण सिर्जना भएको पीडित पक्षको गुनासो छ। मेयरले पदको धाकधम्की देखाएर सर्वसाधारण र कर्मचारीलाई तर्साउने, सामान्य विषयमा पनि विपक्षीमाथि मुद्दा दर्ता गराउने, आफूअनुकूल नचल्ने कर्मचारीमाथि तानाशाही शैली अपनाउने गरेको आरोप लगाइएको छ।

घटनाका क्रममा प्रमुख प्रशासकीय अधिकृत, स्वास्थ्य संयोजक, सहसंयोजक, उपप्रमुख, वडा अध्यक्ष मुक्तिनारायण, नरेन्द्र कुमार सिन्हा तथा नगर प्रहरीको उपस्थितिमा समेत मेयरको व्यवहारको खुलेर विरोध गर्न कसैले साहस गर्न नसकेको भन्दै पीडित अनिल साहले आफू अत्यन्त पीडित र दुखित भएको बताएका छन्। यस विषयमा नगर प्रमुख यादव सँग सम्पर्क गर्न खाेज्दा सम्पर्क हुन् सकेन् ।

आरके श्रीवास्तव,राैतहट,२३ गते माघ । 

रौतहट क्षेत्र नम्बर–३ बाट जनता समाजवादी पार्टी (जसपा) नेपालका तर्फबाट उम्मेदवार तथा पूर्व मन्त्री गोविन्द चौधरीले आज देवाही गोनाही नगरपालिका अन्तर्गत वडा नम्बर–६ कर्कच र वडा नम्बर–५ टिकुलीयामा मतदातासँग प्रत्यक्ष भेटघाट गरेका छन् ।

भेटघाटका क्रममा उम्मेदवार चौधरीले लामो समयपछि आफू पुनः चुनावी मैदानमा उत्रिएको उल्लेख गर्दै मतदातासँग सहयोगको अपिल गरेका थिए । “यो मेरो अन्तिम पटकको चुनाव हो, यसमा मलाई साथ दिनुहोस्,” भन्दै उनले स्थानीय मतदातालाई भावनात्मक आग्रह गरेका छन् ।

कार्यक्रममा जसपा नेपालका नेताहरू ईश्वरिप्रसाद यादव, रामप्रवेश दास, राजाबाबु साह,विजय पटेल,धर्मेन्द्र पटेल  लगायतका नेता तथा कार्यकर्ताहरूको उल्लेख्य उपस्थिति रहेको थियो । नेताहरूले पार्टीको नीति, कार्यक्रम र आगामी योजनाबारे जानकारी गराउँदै जनसमर्थन जुटाउने प्रयास गरेका थिए ।

स्थानीय मतदाताहरूले उम्मेदवार चौधरीसँग प्रत्यक्ष संवाद गर्ने अवसर पाएकोमा खुशी व्यक्त गर्दै आफ्ना समस्या र अपेक्षाहरू समेत राखेका थिए ।

आरके श्रीवास्तव,मधेस,२३ गते माघ ।
महोत्तरी । महोत्तरी निर्वाचन क्षेत्र नम्बर ३ बाट जनता समाजवादी पार्टी (जसपा) नेपालका तर्फबाट प्रतिनिधि सभा सदस्य पदकी उम्मेदवार युवा नेत्री डा. मिनाक्षी ठाकुरले जलेश्वर नगरपालिका–८ रमौलमा मतदाताहरूसँग छलफल गरेकी छन् ।

छलफलका क्रममा डा. ठाकुरले आफू उम्मेदवारको हैसियतले मात्र नभई मतदाताकी छोरी र चेली बनेर आएको बताइन् । “म एउटा चिकित्सक हुँ । म यहाँ उम्मेदवार बनेर होइन, तपाईंहरूकी छोरी बनेर आएकी हुँ,” उनले भनिन्, “मधेस तपाईंहरूको विश्वास र भरोसामा आएको छु।”

मधेस बलिदान र संघर्षको भूमि भएको उल्लेख गर्दै उनले ती बलिदानको आधा शक्ति महिलाको योगदान रहेको बताइन् । “अब समय आइसकेको छ । महिला चुल्हो–चौकामा मात्र सीमित छैनन्, सहनशीलतामा मात्र होइनन्, हरेक क्षेत्रमा महिला सक्षम छन्,” उनले जोड दिइन् ।
डा. ठाकुरले महिलाको हक, अधिकार र सम्मानको संरक्षणका लागि सबै एकजुट हुन आग्रह गर्दै आफ्नै छोरीलाई अवसर दिन मतदातासँग अपिल गरिन् । साथै, सबैलाई छाता छापमा मतदान गर्न आग्रह गरिन् ।

कार्यक्रममा युवा नेता सुशिल राउत, मधेस प्रदेश सरकारकी शिक्षा तथा संस्कृति मन्त्री रानी शर्मा तिवारी, युवा नेता प्रदीप पाठकको उपस्थिति रहेको थियो ।
यसैक्रममा डा. ठाकुरले वडा नम्बर १२ थारूआहीमा पनि पुगेर मतदाताहरूसँग भेटघाट तथा छलफल गरेकी थिइन् ।

आरके श्रीवास्तव,राैतहट,२३ गते माघ ।
रौतहट । रौतहटको बौधीमाइ नगरपालिकामा एचपिभी (HPV) खोप सम्बन्धी पालिका स्तरीय सरोकारवालालाई लक्षित अभिमुखीकरण कार्यक्रम सम्पन्न भएको छ । नगरपालिकाको स्वास्थ्य शाखाकाे आयोजनामा सम्पन्न उक्त कार्यक्रम नगरप्रमुख प्रदीप यादवको प्रमुख आतिथ्यतामा सम्पन्न भएको हो ।
कार्यक्रममा नगरपालिकाका स्वास्थ्य संयोजक तारकेश्वर पटेलले एचपिभी खोपबारे सहजीकरण गर्दै नेपालमा पाठेघरको मुखको क्यान्सर महिलाहरूका लागि गम्भीर स्वास्थ्य चुनौतीका रूपमा रहेको जानकारी गराए । उनले प्रस्तुत तथ्यांक अनुसार नेपालमा दैनिक औसत ४ देखि ५ जना महिलाको पाठेघरको मुखको क्यान्सरका कारण मृत्यु हुने गरेको बताए । एचपिभी खोपले उक्त क्यान्सरबाट ९० प्रतिशतभन्दा बढी सुरक्षा प्रदान गर्ने उनले स्पष्ट पारे ।

सहजीकरणका क्रममा संयोजक पटेलले एचपिभी खोपको लक्षित समूह मुख्यतया १० वर्ष उमेरका बालबालिका रहेको जानकारी दिए । नेपालमा विगतमा विद्यालय तहमा कक्षा ६ देखि १० सम्मका छात्राहरूलाई यो खोप लगाइसकिएको उल्लेख गर्दै उनले माघ २५ गतेदेखि २८ गतेसम्म पुनः खोप अभियान सञ्चालन हुने जानकारी गराए ।

कार्यक्रमका प्रमुख अतिथि नगरप्रमुख प्रदीप यादवले एचपिभी खोप अभियानलाई सफल बनाउन सबै सरोकारवालाले आ–आफ्नो ठाउँबाट सक्रिय सहयोग गर्नुपर्ने आवश्यकता औंल्याए । नगरपालिकाको तर्फबाट अभियान सफल पार्न पूर्ण साथ र सहयोग रहने प्रतिबद्धता उनले व्यक्त गरे ।
त्यस्तै, उप–प्रमुख प्रमिला देवीले पनि एचपिभी खोप अभियानलाई सफल बनाउन आफ्नो भूमिका प्रभावकारी रूपमा निर्वाह गर्ने प्रतिबद्धता जनाइन् ।
कार्यक्रममा प्रमुख प्रशासकीय अधिकृत उदयशंकर चौधरीले खाेप सञ्चालन हुने सम्बन्धि जानकारी गराउन सहभागीहरू लाई अनुराेध गर्नु भयाे ।

साे अवसरमा विभिन्न वडा अध्यक्षहरू, सशस्त्र र जनपद प्रहरीका प्रतिनिधि, सञ्चारकर्मी तथा अन्य सरोकारवालाहरूको उल्लेख्य उपस्थिति रहेको थियो ।

आरके श्रीवास्तव,राैतहट,२३ गते माघ ।

रौतहट । रौतहट जिल्लामा महिलामा देखिने पाठेघरको मुखको क्यान्सर रोकथामका लागि एचपिभी (HPV) खोप अभियान दुई चरणमा सञ्चालन गरिने भएको छ । राष्ट्रिय खोप कार्यक्रम अन्तर्गत स्वास्थ्य कार्यालय रौतहटको आयोजनामा जिल्ला प्रशासन कार्यालयको सभाहलमा जिल्ला स्तरीय खोप समन्वय समिति तथा सञ्चारकर्मीहरूका लागि अभिमुखीकरण कार्यक्रम सम्पन्न गरिएको हो ।

जिल्ला समन्वय समिति रौतहटका सभापति राम अयोध्या राय यादवको अध्यक्षतामा सम्पन्न कार्यक्रममा विश्व स्वास्थ्य संगठन (डब्लुएचओ) का चिकित्सक डा. सुरेश सुक्लाले पाठेघरको मुखको क्यान्सरको वर्तमान अवस्था, जोखिमका कारणहरू तथा एचपिभी खोपको महत्वबारे जानकारी गराउनुभएको थियो । उहाँले किशोरावस्थामै एचपिभी खोप लगाउँदा भविष्यमा हुने क्यान्सरको जोखिम न्यूनिकरण गर्न सकिने स्पष्ट पार्नुभयो ।

स्वास्थ्य कार्यालय रौतहटका प्रमुख राजेश सिंहका अनुसार एचपिभी खोप १० देखि १४ वर्ष उमेर समूहका किशोरीहरूलाई लक्षित गरी प्रदान गरिनेछ । विद्यालयमा अध्ययनरत कक्षा ६ देखि १० सम्मका छात्रा तथा विद्यालय नजाने सोही उमेर समूहका किशोरीहरूलाई समेत खोप सेवा उपलब्ध गराइने जानकारी उहाँले दिनुभयो । गत वर्ष पनि याे खाेप अभियान सञ्चालन भएको थियो । त्यसमा छुट भएका र कक्षा ६ अध्ययन गर्ने छात्राहरूलाई खाेप दिईने छ ।

कार्यक्रमलाई सम्बोधन गर्दै प्रमुख जिल्ला अधिकारी दिनेश सागर भुसालले खोप अभियान सफल बनाउन स्थानीय तह, स्वास्थ्यकर्मी, शिक्षक, अभिभावक र सञ्चारकर्मीहरूको समन्वय आवश्यक रहेको उल्लेख गर्नुभयो। सबै पक्षको सहकार्यमा खोप कार्यक्रम प्रभावकारी रूपमा सञ्चालन हुने विश्वास व्यक्त गर्नुभयो ।

स्वास्थ्य कार्यालय रौतहटले दिएको जानकारी अनुसार पहिलो चरणमा माघ २५ गतेदेखि फतुवा विजयपुर, बौधिमाई, मौलापुर, गढिमाई, ईशनाथ, परोहा, देवाही गोनाही तथा राजपुर नगरपालिकामा एचपिभी खोप सेवा सञ्चालन गरिनेछ ।

त्यसैगरी दोस्रो चरणमा फाल्गुन ०१ गतेदेखि चन्द्रपुर, गुजरा, वृन्दावन, गरुडा, माधव नारायण, गौर, कटहरिया र राजदेवी नगरपालिका साथै यमुनामाई र दुर्गा भगवती गाउँपालिकामा खोप अभियान सञ्चालन गरिने जनाइएको छ ।

नेपाल सरकारले २०८१ माघ–फागुन महिनामा देशभर एचपिभी खोप अभियान सञ्चालन गरेको स्मरण गराउँदै स्वास्थ्यकर्मीहरूले यस अभियानले दीर्घकालीन रूपमा महिलाको स्वास्थ्य सुरक्षामा महत्वपूर्ण योगदान पुर्‍याउने विश्वास व्यक्त गरेका छन् ।

कार्यक्रममा सभापति राम अयोध्या राय यादवले एचपिभी खोप अभियानलाई किशोरीहरूको जीवन सुरक्षासँग जोडिएको महत्वपूर्ण पहलको रूपमा व्याख्या गर्दै हरेक किशोरीले सुरक्षित र स्वस्थ भविष्य पाउन खोप अनिवार्य रहेको धारणा राख्नुभयो ।

स्वास्थ्य कार्यालय रौतहटका सूचना अधिकारी अनिल कर्णको सञ्चालनमा भएको कार्यक्रममा प्रहरी उपरीक्षक सिताराम रिजाल, सशस्त्र प्रहरी उपरीक्षक रामहरि अधिकारी, अनुसन्धान उपनिर्देशक कुमार बुढाथोकी, स्वास्थ्य कार्यालयका राजकुमार साह, संजय झा लगायत स्वास्थ्यकर्मी, सञ्चारकर्मी तथा सरोकारवालाहरूको उपस्थिति रहेको थियो ।

आरके श्रीवास्तव,राैतहट,२२ गते माघ । 

राैतहट क्षेत्र नम्बर ३ मा जनता समाजवादी पार्टी (जसपा) नेपालबाट प्रतिनिधि सभा सदस्य पदका उम्मेदवार तथा पूर्व मन्त्री गोविन्द चौधरीले जनसम्पर्क अभियानलाई तीव्र बनाएका छन् । यसै क्रममा उनले आज फतुवा विजयपुर नगरपालिका–११ अन्तर्गत बुटवा र राँगी गाउँमा मतदातासँग प्रत्यक्ष भेटघाट गरेका छन् ।

भेटघाटका क्रममा उम्मेदवार चौधरीले स्थानीयवासीका समस्या, आवश्यकता र अपेक्षाहरू ध्यानपूर्वक सुनेका थिए । उनले विकास, रोजगारी, शिक्षा, स्वास्थ्य र कृषिका विषयमा आफ्ना योजनाबारे जानकारी गराउँदै जनताको साथ र विश्वास आवश्यक रहेको बताए ।

अहिलेसम्म चौधरी राैतहट–३ अन्तर्गतका धेरैजसो गाउँ र बस्तीमा पुगिसकेका छन् । स्थानीय तहसम्म पुगेर मतदातासँग प्रत्यक्ष संवाद गर्ने उनको अभियानले जनस्तरमा सकारात्मक सन्देश प्रवाह भएको देखिन्छ ।

स्थानीयवासीहरूले पनि उम्मेदवार चौधरीको सक्रियता र सरल व्यवहारको प्रशंसा गर्दै यसपटक परिवर्तनको अपेक्षा व्यक्त गरेका छन् ।

आरके श्रीवास्तव,रा‌ैतहट,२२ गते माघ । 

रौतहट जिल्लाको फतुवा विजयपुर नगरपालिका–२, सितलपुरमा दीर्घकालीन खानेपानी समस्याको समाधानतर्फ महत्वपूर्ण कदम चालिएको छ । वडामा खानेपानी सञ्चालनका लागि आवश्यक ओभरहेड ट्यांकी निर्माण कार्य सुरु गरिएको सो वडाका वडा अध्यक्ष अनिरुद्ध यादव (सञ्जय) ले जानकारी दिनुभएको छ ।

उक्त आयोजनाका लागि संघीय सरकारबाट ९० लाख रुपैयाँ बजेट विनियोजन भएको वडा अध्यक्ष यादवले बताउनुभयो । चालू आर्थिक वर्षभित्रै ओभरहेड निर्माण सम्पन्न गरी खानेपानी सेवा सञ्चालनमा ल्याउने लक्ष्य रहेको उहाँको भनाइ छ ।

अहिलेसम्म कलको पानीको भरमा जीवनयापन गर्दै आएका सितलपुरवासी अब शुद्ध र सुरक्षित खानेपानी पिउन पाउने भएका छन् । यस आयोजनाबाट हजारौं स्थानीय नागरिक लाभान्वित हुने अपेक्षा गरिएको छ ।

स्थानीयवासीहरूले यस उपलब्धिको श्रेय वडा अध्यक्ष यादवलाई दिएका छन् । उहाँको अथक पहल र निरन्तर प्रयासका कारण यो योजना सम्भव भएको उनीहरूको भनाइ छ । वडा अध्यक्षमा निर्वाचित भएदेखि नै यादवले वडावासीका सेवा–सुविधालाई चुस्त, दुरुस्त र प्रभावकारी बनाउने लक्ष्यसहित काम गर्दै आउनुभएको छ ।

खानेपानी मात्र होइन, उहाँले शिक्षा, कृषि र पूर्वाधार विकासका क्षेत्रमा पनि उल्लेखनीय योगदान दिनुभएको छ । विशेषगरी मावि सितलपुरमा गुणस्तरीय शिक्षाको वातावरण सिर्जना गर्न सफल हुनुका साथै कृषि बाटो, सिँचाइ र विद्युतिकरणका कार्यहरू पनि अगाडि बढाइएको छ ।

स्थानीयवासीहरूका अनुसार वडा अध्यक्ष यादवको सक्रिय नेतृत्वमा सितलपुर वडामा विकासका कामहरू क्रमशः अघि बढिरहेका छन्, जसले समग्र वडाको जीवनस्तर उकास्न सहयोग पुर्‍याउने विश्वास लिइएको छ ।

बज्जिकाञ्चल संवाददाता,राैतहट,२१ गते माघ । 

रौतहट । विश्व क्यान्सर दिवसको अवसर पारेर रौतहट क्षेत्र नं. ३ बाट प्रतिनिधि सभा सदस्य उम्मेदवार तथा नेपाली कम्युनिष्ट पार्टीकी नेतृ पुनम यादवले उक्त क्षेत्रमा क्यान्सर अस्पताल निर्माणलाई आफ्नो प्रमुख प्राथमिकतामा राख्ने प्रतिबद्धता व्यक्त गरेकी छन् ।

क्षेत्रका विभिन्न स्थानमा आयोजित भेटघाट तथा अन्तरक्रिया कार्यक्रममा बोल्दै नेतृ यादवले क्यान्सरजस्तो गम्भीर रोगको उपचारका लागि स्थानीय बासिन्दा हाल अन्य जिल्ला वा राजधानीसम्म धाउनुपर्ने बाध्यताको अन्त्य गर्न क्षेत्रमै सुविधासम्पन्न अस्पताल आवश्यक रहेको बताइन् । “समयमै उपचार नपाउँदा धेरैले ज्यान गुमाउनुपरेको यथार्थ हामी सबैले देखिरहेका छौँ,” उनले भनिन्।

उनले क्यान्सरसम्बन्धी जनचेतना अभिवृद्धि, नियमित स्वास्थ्य परीक्षणको संस्कार विकास र उपचारमा सहज पहुँच सुनिश्चित गर्नुपर्नेमा विशेष जोड दिइन् । “समयमै परीक्षण र उपचारको पहुँच बढाउन सके धेरै अमूल्य ज्यान बचाउन सकिन्छ,” उनको भनाइ थियो।

स्वास्थ्य सेवा सबै नागरिकको आधारभूत अधिकार भएको उल्लेख गर्दै यादवले रौतहट–३ मा स्वास्थ्य पूर्वाधार सुदृढीकरण अपरिहार्य रहेको बताइन् । स्थानीय समुदाय, स्वास्थ्यकर्मी र सरोकारवाला निकायबीचको सहकार्यबाट मात्र दीर्घकालीन र प्रभावकारी समाधान सम्भव हुने उनले विश्वास व्यक्त गरिन् ।

विश्व क्यान्सर दिवसले दिएको सन्देशलाई आत्मसात गर्दै नेतृ यादवले स्वस्थ समाज निर्माणका लागि जनचेतना, स्वास्थ्य सेवामा पहुँच र पूर्वाधार विकासलाई समान प्राथमिकताका साथ अघि बढाउनुपर्ने आवश्यकता औँल्याइन् ।

आरके श्रीवास्तव,राैतहट,२१ गते माघ । 

संघीयता, सुशासन, समृद्धि र समाजवादको मूल नारासहित जनता समाजवादी पार्टी, नेपालले प्रतिनिधि सभा निर्वाचनलाई लक्षित गर्दै रौतहट क्षेत्र नं. ३ अन्तर्गत क्षेत्रीय निर्वाचन परिचालन समितिको कार्यालय उद्घाटन गरेको छ ।

कटहरिया बजारमा अवस्थित उक्त कार्यालयको उद्घाटन प्रतिनिधि सभा सदस्यका उम्मेदवार गोविन्द चौधरीले गर्नु भएको हो । उद्घाटन समारोहमा पार्टीका स्थानीय नेता, कार्यकर्ता तथा शुभेच्छुकहरूको उल्लेख्य उपस्थिति रहेको थियो ।

उद्घाटन कार्यक्रममा उम्मेदवार चौधरीले लोकतन्त्र सुदृढीकरण, सुशासनको प्रत्याभूति र जनताको जीवनस्तर उकास्ने उद्देश्यका साथ जनता समाजवादी पार्टी निर्वाचन मैदानमा उत्रिएको बताउनुभयो । उहाँले रौतहट क्षेत्र नं. ३ का जनताको समस्या समाधान र समावेशी विकासका लागि प्रतिबद्ध भएर काम गर्ने प्रतिवद्धता व्यक्त गर्नुभयो ।

कार्यक्रममा वक्ताहरूले आगामी निर्वाचनमा छाता छापमा मतदान गरी गोविन्द चौधरीलाई विजयी गराउन सबैलाई एकताबद्ध भएर लाग्न आह्वान गरेका थिए ।

उक्त कार्यालयमार्फत निर्वाचन अभियानलाई प्रभावकारी बनाउने, जनतासँग प्रत्यक्ष संवाद गर्ने तथा पार्टीका नीति तथा कार्यक्रम घर–घरमा पुर्‍याउने उद्देश्य राखिएको पार्टीले जनाएको छ ।

 

प्रेमचन्द्र झा,राैतहट,२१ गते माघ । 
रौतहट । नेपाल प्रहरी प्रधान कार्यालय, प्रदेश समन्वय विभागका विभागीय प्रमुख प्रहरी अतिरिक्त महानिरीक्षक डम्बर बहादुर बि.क.ले अनुगमन भ्रमणको क्रममा जिल्ला प्रहरी कार्यालय रौतहटको अनुगमन गर्नुभएको छ।
अनुगमनका क्रममा प्रहरी अतिरिक्त महानिरीक्षक बि.क.ले जिल्ला प्रहरी कार्यालयका कार्यालय प्रमुखसहित उपस्थित प्रहरी कर्मचारीहरूलाई जिल्लाको समग्र शान्ति सुरक्षा व्यवस्थापनलाई थप सुदृढ र प्रभावकारी बनाउन निर्देशन दिनुभयो। उहाँले मिति २०८२ फागुन २१ गते हुने प्रतिनिधि सभा सदस्य निर्वाचनलाई निष्पक्ष, भयरहित र शान्तिपूर्ण रूपमा सम्पन्न गर्न विशेष सुरक्षा योजना बनाई कार्यान्वयन गर्न निर्देशन दिनुभयो।
यसका साथै जिल्लाभित्र रहेका सीमा नाकाहरूमा कडा चेकजाँचको व्यवस्था मिलाउन, प्रहरी परिचालनलाई प्रभावकारी बनाउन, सुरक्षा जाँचमा कडाइ गर्न तथा उच्चकोटीको प्रहरी आचरण प्रदर्शन गरी नेपाल प्रहरीको प्रतिष्ठा अभिवृद्धि हुने गरी जिम्मेवारीपूर्वक कार्यसम्पादन गर्न आवश्यक रहेको बताउनुभयो।
अनुगमनका क्रममा उहाँले आपराधिक गतिविधि नियन्त्रण, नागरिकमैत्री प्रहरी सेवा र व्यावसायिकता अभिवृद्धिमा विशेष ध्यान दिनुपर्नेमा जोड दिनुभएको जिल्ला प्रहरी कार्यालय रौतहटले जनाएको छ।

आरके श्रीवास्तव,रौतहट,२१ गते माघ ।
रौतहट निर्वाचन क्षेत्र नम्बर ३ बाट जनता समाजवादी पार्टी (जसपा) नेपालका तर्फबाट प्रतिनिधि सभा सदस्य पदका उम्मेदवार गोविन्द चौधरी (चुनाव चिन्ह: छाता छाप) ले आज फतुवा विजयपुर नगरपालिका वडा नम्बर ४ टेंग्राहा क्षेत्रमा मतदाताहरूसँग भेटघाट गरेका छन् ।

स्थानीय तहमा आयोजित उक्त भेटघाट कार्यक्रममा उम्मेदवार चौधरीसँगै जसपाका पूर्व प्रदेश सांसद रामकिशोर यादव लगायत पार्टीका अन्य नेताहरूको पनि सहभागिता रहेको थियो । भेटघाटका क्रममा स्थानीय मतदाताहरूले आफ्ना गुनासा, समस्या तथा अपेक्षाहरू राखेका थिए भने उम्मेदवार पक्षले ती विषयमा ध्यानाकर्षण भएको प्रतिक्रिया व्यक्त गरेको जनाइएको छ ।

उम्मेदवार चौधरीले स्थानीय तहमा पुगेर नागरिकसँग प्रत्यक्ष संवाद गर्नु लोकतान्त्रिक अभ्यासको हिस्सा भएको बताउँदै आगामी दिनमा पनि विभिन्न स्थानमा यस्ता भेटघाटलाई निरन्तरता दिने जानकारी दिएका छन् ।

 

प्रेमचन्द्र झा,राैतहट,माघ २१ गते । 

रौतहट। जिल्ला प्रहरी कार्यालय रौतहटका प्रहरी उपरीक्षक (एसपी) सिताराम रिमालले तस्करी, अपराध र अवैध गतिविधि कुनै पनि हालतमा सह्य नहुने स्पष्ट पारेका छन्। बुधबार जिल्ला प्रहरी कार्यालय रौतहटले आयोजना गरेको परिचयात्मक तथा भेटघाट कार्यक्रममा बोल्दै एसपी रिमालले प्रहरी इमान्दार र व्यवसायिक भएर काम गरे दाग नलाग्ने दाबी गर्दै आफ्नो विगतको ट्र्याक रेकर्ड राम्रो रहेको बताए।

उनले जनताको अपेक्षाअनुसार काम गरिरहेको उल्लेख गर्दै अश्लील गीत–संगीत बजाइने डिजे नियन्त्रण, बाकस बोकेर भागेको स्थानमा विशेष निगरानी तथा निर्वाचन सुरक्षाप्रति उच्च सतर्कता अपनाइने बताए। जेन्जि आन्दोलनका क्रममा लुटिएका हतियार प्रयोग हुन सक्ने आशंका रहेकाले आगामी निर्वाचन चुनौतीपूर्ण रहेको उनको भनाइ थियो।
एसपी रिमालले मोटरसाइकल दुर्घटना तथा सवारीसाधन प्रयोगमा देखिएको लापरबाही नियन्त्रण गर्न प्रहरी निगरानी, सचेतना र कारबाहीलाई थप प्रभावकारी बनाइने जानकारी दिए। “प्रहरी सुते अपराध बढ्छ, प्रहरी जागे अपराध घट्छ,” भन्दै उनले अपराध नियन्त्रणका लागि जाहेरीका आधारमा जघन्य अपराधीलाई कस्टडीमा राखेर कारबाही गरिएको दाबी गरे। गैर–व्यवसायिक काम नगरेको र प्रहरीबाट पत्रकारलाई आवश्यक सबै सूचना प्रदान गरिने पनि उनले स्पष्ट पारे।
चुनावविरोधी गतिविधि रोक्न जुनसुकै सुरक्षाका उपाय अपनाइने बताउँदै उनले सामाजिक सञ्जालको दुरुपयोग पनि ठूलो चुनौतीको रूपमा रहेको उल्लेख गरे। होली पर्वलाई समेत निर्वाचन सुरक्षाको दृष्टिकोणबाट संवेदनशील रूपमा हेरिएको उनको भनाइ थियो।

कार्यक्रममा नेपाल पत्रकार महासंघ रौतहटका अध्यक्ष सञ्जय कार्कीले प्रहरी “प्रहरीकै हैसियतले” काम गर्नुपर्ने धारणा राखे। वरिष्ठ पत्रकार प्रभात कुमार झाले नेपाल लजदेखि जिल्ला प्रहरी कार्यालयसम्म टेम्पु पार्किङ गरिएको, भारतीय गाडी राजनीतिक दलले झण्डासहित प्रयोग गर्नु दुखद रहेको तथा अवैध मदिरा उत्पादन गर्ने कारखाना ठाउँ–ठाउँमा रहेकोतर्फ प्रहरीको ध्यानाकर्षण गराए।
त्यस्तै पत्रकार चञ्चल झाले प्रहरी व्यापारीका साथै सर्वसाधारण जनताको सुरक्षामा निष्पक्ष रूपमा काम गर्नुपर्ने बताए। प्रविणकुमार शर्मा, विना श्रीवास्तव, यादव राज पुरी, आलोक पाण्डेय, राकेश यादव, ओमप्रकाश यादव, प्रविण टिबडेवाल र रविन्द्र साहलगायत पत्रकारहरूले बाकस बोकेर भागेको स्थानमा प्रहरी अझ सजग हुनुपर्ने सुझाव दिएका थिए।
कार्यक्रममा पत्रकार र प्रहरीबीच जिल्लाको शान्ति सुरक्षा, अपराध नियन्त्रण र निर्वाचन सुरक्षाका विषयमा खुला छलफल भएको थियो।

आरके श्रीवास्तव,राैतहट,२१ गते माघ । 

रौतहट क्षेत्र नम्बर ३ बाट जनता समाजवादी पार्टी (जसपा) का तर्फबाट उम्मेदवार गोविन्द चौधरीले आज फतुवा विजयपुर नगरपालिका वडा नम्बर ३ अन्तर्गत मेवा गाउँमा मतदातासँग भेटघाट गरेका छन् ।

भेटघाट कार्यक्रममा जसपा नगर कमिटी अध्यक्ष जयमंगल यादव, गुजरा नगरपालिकाका नगरप्रमुख सन्तलाल चौधरी, जननिर्वाचन परिचालन समितिका अध्यक्ष रामप्रवेश दास,हरदेव यादव लगायत पार्टीका नेताहरूको उपस्थिति रहेको थियो । उनीहरूले आगामी निर्वाचनमा जसपाको चुनाव चिन्ह छाता छापमा मतदान गर्न मतदातालाई आग्रह गरेका थिए ।

सो अवसरमा उम्मेदवार चौधरीले आफ्ना पुराना मित्रहरू पुरुषोत्तम मिश्र, पूर्व वडा अध्यक्ष दिपनारायण साह लगायत स्थानीय व्यक्तित्वहरूसँग आत्मीय भेटघाट गरेका थिए ।

भेटघाटका क्रममा एक जना मतदातासँग कुराकानी गर्दै उम्मेदवार चौधरीले आफू “मंगनी राम भोट माग्न आइसकेको” उल्लेख गर्दै समर्थन र मत दिन आग्रह गरेका थिए ।

जसपा उम्मेदवार चौधरीले क्षेत्रको विकास, समावेशी राजनीति र जनताको अधिकारका विषयलाई प्राथमिकतामा राखेर चुनावी अभियान अगाडि बढाइरहेको बताइएको छ ।

 

आरके श्रीवास्तव,रौतहट,२० गते माघ ।
रौतहट निर्वाचन क्षेत्र नम्बर ३ बाट जनता समाजवादी पार्टी (जसपा) नेपालका तर्फबाट प्रतिनिधि सभा सदस्य पदका उम्मेदवार गोविन्द चौधरीले मतदाता भेटघाट कार्यक्रमलाई तीव्रता दिएका छन् ।

सोही क्रममा उम्मेदवार चौधरीले गुजरा नगरपालिका वडा नम्बर १ अन्तर्गतका मनहर्वा, रंगपुर र कोठियार गाउँ तथा देवाही गोनाही नगरपालिका वडा नम्बर ९ धरहरीमा पुगेर स्थानीय मतदातासँग प्रत्यक्ष भेटघाट गरेका हुन् । भेटघाटका क्रममा उनले मतदाताका समस्या, गुनासा र अपेक्षाहरू ध्यानपूर्वक सुनेका थिए ।
मतदातासँगको संवादमा चौधरीले- “जनताले अनुभूति गर्ने खालको विकास र सुशासन मेरो मुख्य एजेन्डा हो,” उनले भने, “रौतहट–३ का जनताको भरोसामा खरा उत्रिने प्रतिबद्धता व्यक्त गर्दछु।”

स्थानीय बासिन्दाहरूले लामो समयदेखि प्रतिनिधित्वको अभाव महसुस गरेको भन्दै यसपटक परिवर्तनको अपेक्षा गरेका छन् । भेटघाट कार्यक्रममा स्थानीय नेता–कार्यकर्ता तथा सर्वसाधारणको उल्लेख्य सहभागिता रहेको थियो ।
जसपा नेपालका उम्मेदवार चौधरीले आगामी दिनमा पनि क्षेत्रका विभिन्न गाउँ–बस्तीमा पुगेर मतदाता भेटघाट कार्यक्रमलाई निरन्तरता दिने जानकारी दिएका छन् ।

आरके श्रीवास्तव,राैतहट,२० गते माघ ।
रौतहट । फतुवा विजयपुर नगरपालिका वडा नम्बर ८ अन्तर्गत रहेको श्री माध्यमिक विद्यालय विजयपुरमा आजदेखि खेलकुद सप्ताह औपचारिक रूपमा सुरु भएको छ । विद्यालय परिसरमा आयोजित एक कार्यक्रमका बीच फतुवा विजयपुर नगरपालिकाका प्रमुख प्रशासकीय अधिकृत मदन थापाले खेलकुद सप्ताहको उद्घाटन गरेका हुन् ।

उद्घाटन समारोहलाई सम्बोधन गर्दै प्रमुख प्रशासकीय अधिकृत थापाले खेलकुदले विद्यार्थीहरूको शारीरिक, मानसिक र सामाजिक विकासमा महत्वपूर्ण भूमिका खेल्ने बताए । उनले अनुशासन, सहकार्य र नेतृत्व विकासका लागि यस्ता प्रतियोगिताहरू आवश्यक रहेको उल्लेख गर्दै नगरपालिकाको तर्फबाट विद्यालयको शैक्षिक तथा अतिरिक्त क्रियाकलापमा निरन्तर सहयोग रहने प्रतिबद्धता जनाए ।

तीन दिनसम्म सञ्चालन हुने खेलकुद सप्ताहमा भलिबल, फुटबल, कबड्डी, हाई जम्प, लङ जम्प, चकलेट रेसलगायत विभिन्न खेलहरू समावेश गरिएको विद्यालयका प्रधानाध्यापक शंकर राय यादवले जानकारी दिए । उनका अनुसार प्रतियोगितामा विद्यालयको ईसीडीसीदेखि कक्षा १० सम्मका विद्यार्थीहरूको सहभागिता रहनेछ । विजेता खेलाडीहरूलाई पुरस्कार स्वरूप सिल्ड र प्रमाणपत्र प्रदान गरिने व्यवस्था गरिएको उनले बताए । प्रतियोगिता चार वटा हाउस रेड,ग्रिन,येलाे र ब्लु बिच विभिन्न खेलहरू हुनेछन् ।

कार्यक्रममा नगरपालिकाका शिक्षा तथा प्रशासन शाखा प्रमुख मुकेश साहले खेलकुदलाई शिक्षाको अभिन्न अंगको रूपमा विकास गर्नुपर्नेमा जोड दिए । उनले विद्यार्थीहरूको प्रतिभा पहिचान र प्रोत्साहनका लागि विद्यालयस्तरमै यस्ता गतिविधि विस्तार गर्न आवश्यक रहेको बताए ।

त्यसैगरी वडा नम्बर ८ का वडा अध्यक्ष नितेश चौधरीले विद्यालयमा खेलकुद सप्ताह आयोजना हुनु खुशीको विषय भएको बताउँदै वडाको तर्फबाट आवश्यक सहयोग गर्ने प्रतिबद्धता व्यक्त गरे । उनले स्वस्थ विद्यार्थी नै समृद्ध समाजको आधार भएको उल्लेख गरे ।

उक्त अवसरमा नगरपालिकाका शिक्षा शाखाका अर्का प्रतिनिधि विवेक यादव, जनपद प्रहरी तथा सशस्त्र प्रहरीका प्रतिनिधिहरू, शिक्षक, अभिभावक तथा विद्यार्थीहरूको उल्लेख्य उपस्थिति रहेको थियो ।

बज्जिकाञ्चल संवाददाता,राैतहट,२० गते माघ ।

रौतहट जिल्लाको यमुनामाई गाउँपालिका–सरूअठाका प्रथम गाउँपालिका अध्यक्ष तथा नेकपा नेता, प्रखर वक्ता श्रीप्रसाद मुखिया बिनको गएराति असामयिक निधन भएको छ । स्वास्थ्यमा एक्कासी समस्या आएपछि उपचारका लागि अस्पताल लैजाने क्रममा हृदयघातका कारण उहाँको निधन भएको पारिवारिक स्रोतले जनाएको छ ।

उहाँको निधनले यमुनामाई गाउँपालिका मात्र नभई सम्पूर्ण रौतहट जिल्ला र राजनीतिक क्षेत्रले एक अनुभवी, कर्मठ तथा जनउत्तरदायी नेतृत्व गुमाएको छ । जनप्रतिनिधिका रूपमा उहाँ सधैं जनताको आवाज बुलन्द रूपमा उठाउँदै स्थानीय विकास, सुशासन र सामाजिक न्यायका पक्षमा सक्रिय रहनुहुन्थ्यो । उहाँका योगदानहरू जनतामाझ सदैव स्मरणीय रहने स्थानीयवासीहरूले बताएका छन् ।

स्वर्गीय मुखिया बिनको निधनप्रति विभिन्न राजनीतिक दल, जनप्रतिनिधि, सामाजिक संघ–संस्था तथा शुभेच्छुकहरूले गहिरो दुःख व्यक्त गर्दै श्रद्धाञ्जली अर्पण गरेका छन् ।

यस दुःखद घडीमा शोकसन्तप्त परिवारजन, आफन्त, सहकर्मी तथा समर्थकहरूप्रति गहिरो समवेदना व्यक्त गरिएको छ। दिवंगत आत्माको चिरशान्तिको कामनासहित ईश्वरले परिवारलाई यो अपूरणीय क्षति सहन सक्ने धैर्य प्रदान गरून् भन्ने प्रार्थना गरिएको छ ।

हनुमत कुमार यादव,गाैर,१९ गते माघ । 

रौतहट जिल्लाको राजदेवी नगरपालिका–७ मुडवलवामा सञ्चालित नेमधारी बासुदेव नमुना माध्यमिक विद्यालयले विविध शैक्षिक, खेलकुद तथा सांस्कृतिक कार्यक्रम आयोजना गर्दै आफ्नो ६६औँ स्थापना दिवस तथा वार्षिकोत्सव भव्य र सभ्य रूपमा सम्पन्न गरेको छ।

वि.सं. २०१७ माघ १९ गते प्राथमिक विद्यालयको रूपमा स्थापना भएको यस विद्यालयले सप्ताहव्यापी कार्यक्रममार्फत वार्षिकोत्सव मनाएको हो। समारोहको अवसरमा खेलकुद प्रतियोगिता, कविता वाचन, कला तथा सांस्कृतिक प्रस्तुति लगायतका गतिविधि सञ्चालन गरिएका थिए ।

विद्यालय प्रांगणमा आयोजित मुख्य समारोहमा प्रमुख अतिथि पूर्व संविधानसभा सदस्य रम्भा देवी यादवले नेमधारी चौधरी र बसुदेवी चौधरीले गाउँका छोरी–बुहारीलाई शिक्षित बनाउने उद्देश्यले आफ्नो सम्पत्ति दान गरी स्थापना गरेको विद्यालय आज जिल्लामै शिक्षाको क्षेत्रमा दोस्रो स्थान हासिल गरेकोमा खुशी व्यक्त गरिन्। उनले विद्यालयमा केटाभन्दा छोरीहरूको सहभागिता बढी देखिनु समाज शिक्षातर्फ उन्मुख हुँदै गएको सकारात्मक संकेत भएको उल्लेख गरिन्। विगतमा छोरी घरको काममा सीमित रहने र छोरा मात्रै विद्यालय जाने सोच अहिले परिवर्तन भएको बताउँदै यसलाई समाजको उपलब्धि भएको धारणा राखिन् ।

त्यस्तै, राजदेवी नगरपालिकाका प्रमुख प्रशासकीय अधिकृत विकाउ कुमार यादवले वर्तमान समयमा शिक्षा सबैका लागि अपरिहार्य रहेको बताउँदै अभिभावकलाई आफ्ना छोराछोरीलाई नियमित विद्यालय पठाउन आग्रह गरे। शिक्षा प्राप्त भए घरपरिवार र समाज दुवै शिक्षित र सचेत बन्ने उनको भनाइ थियो।

नेपाल रेडक्रस सोसाइटी, जिल्ला शाखा रौतहटका सभापति राजकिशोर प्रसाद यादवले आफ्ना पूर्वजले छाप्रोबाट सुरु गरेको विद्यालय आज नमुना विद्यालयको रूपमा विकसित भई भौतिक पूर्वाधार र शैक्षिक गुणस्तरमा फड्को मारेको देख्दा गर्व लागेको बताए।

कार्यक्रममा विद्यालयका प्रधानाध्यापक रविशंकर प्रसाद यादवले वार्षिक प्रगति प्रतिवेदन प्रस्तुत गर्दै शैक्षिक तथा भौतिक विकासका आधारमा विद्यालय जिल्लामा दोस्रो र देशभर चौथो स्थान हासिल गर्न सफल भएको जानकारी गराए। सो अवसरमा ३२ वर्षदेखि निरन्तर सेवा पुर्‍याउँदै आएका वरिष्ठ शिक्षक जितेन्द्र प्रसाद यादवलाई दीर्घ सेवा पदक प्रदान गरी सम्मान गरिएको थियो। साथै अन्य शिक्षक, शिक्षिका र कर्मचारीलाई समेत सम्मान गरिएको विद्यालय प्रशासनले जनाएको छ।

विद्यालय व्यवस्थापन समितिका अध्यक्ष रामेश्वर प्रसाद यादवको सभापतित्वमा सम्पन्न समारोहमा विभिन्न खेलकुद प्रतियोगितामा विजयी विद्यार्थीहरूलाई पुरस्कार वितरण गरिएको थियो। टेकनाथ खतिवडाले सञ्चालन गरेको कार्यक्रममा विद्यार्थीहरूले बाजागाजा तथा विभिन्न भेषभूषासहित मार्चपास प्रदर्शन गरी कार्यक्रमलाई थप आकर्षक बनाएका थिए।

समारोहमा विद्यालय व्यवस्थापन समितिका पदाधिकारी, पूर्व अध्यक्ष, सेवा निवृत्त प्रधानाध्यापक, शिक्षक–शिक्षिका, अभिभावक तथा स्थानीयवासीको उल्लेख्य उपस्थिति रहेको थियो।

आरके श्रीवास्तव,राैतहट,२० गते माघ ।

कटहरिया । रौतहट जिल्लाको कटहरिया बजारमा अवस्थित माही मेमोरियल पब्लिक स्कुलले बालबालिकाको प्रारम्भिक शिक्षालाई लक्षित गर्दै पिजी कक्षा (प्ले ग्रुप) सञ्चालनमा ल्याएको छ । विद्यालयका फाउन्डर राजाबाबु साहका अनुसार सरस्वती पूजाको शुभ अवसर पारेर औपचारिक रूपमा उक्त कक्षाको शुभारम्भ गरिएको हो ।

नवसञ्चालित पिजी कक्षामा साना बालबालिकाको शारीरिक, मानसिक तथा बौद्धिक विकासलाई ध्यानमा राखी आधुनिक र बालमैत्री शिक्षण पद्धति अपनाइएको छ । कक्षामा टिभीमार्फत शैक्षिक गेम देखाइने, डिजिटल स्लेटको प्रयोग गरिने तथा विभिन्न खेलकुद सामग्रीको व्यवस्था गरिएको छ, जसले बालबालिकालाई खेल्दै सिक्ने वातावरण प्रदान गर्ने विश्वास विद्यालयले लिएको छ ।

विद्यालय व्यवस्थापनका अनुसार पिजी कक्षामा अनुभवी तथा मायालु शिक्षक–शिक्षिकामार्फत बालबालिकालाई सुरक्षित, रमाइलो र सिकाइमैत्री वातावरणमा राखिनेछ । अभिभावकको बढ्दो अपेक्षा र बालबालिकाको गुणस्तरीय प्रारम्भिक शिक्षाको आवश्यकतालाई मध्यनजर गर्दै यो कक्षा सञ्चालनमा ल्याइएको फाउन्डर साहले बताउनुभयो ।

स्थानीय अभिभावकहरूले पनि अत्याधुनिक सुविधा सहितको पिजी कक्षा सञ्चालनमा आएकोमा खुशी व्यक्त गरेका छन् । माही मेमोरियल पब्लिक स्कुलले यस पहलबाट बालबालिकाको उज्ज्वल भविष्य निर्माणमा महत्वपूर्ण योगदान पुर्‍याउने अपेक्षा गरिएकाे छ ।

आरके श्रीवास्तव,राैतहट,१९ गते माघ । 

रौतहट–२ का कांग्रेस उम्मेदवार डा. फिरदोस आलमद्वारा सामाजिक सञ्जालको अराजक गतिविधिप्रति खेद

रौतहट क्षेत्र नम्बर २ बाट नेपाली काँग्रेसका उम्मेदवार डा. फिरदोस आलमले सामाजिक सञ्जालमार्फत फैलाइँदै आएको अराजक, उत्तेजक तथा गालीगलौजपूर्ण गतिविधिप्रति गम्भीर ध्यानाकर्षण जनाएका छन् ।

डा. आलमले सामाजिक सञ्जाल फेसबुक तथा टिकटकजस्ता प्लेटफर्म प्रयोग गरी समाजमा द्वेष फैलाउने, जनतालाई उत्तेजित बनाउने, अश्लील तथा उच्छृंखल सामग्री पोस्ट गर्ने कार्यप्रति खेद प्रकट गर्दै यस्ता गतिविधिमा संलग्न व्यक्तिहरूलाई तत्काल पक्राउ गर्न सम्बन्धित निकायसँग जोडदार माग गरेका छन् ।

उनले दोषीलाई प्रचलित कानुन बमोजिम हदैसम्मको सजाय दिनुपर्नेमा जोड दिँदै सामाजिक सद्भाव, शान्ति र लोकतान्त्रिक मूल्य–मान्यताको रक्षा गर्न राज्य संयन्त्र जिम्मेवार ढंगले अगाडि बढ्नुपर्ने बताएका छन् ।

डा. आलमले सामाजिक सञ्जालको दुरुपयोगले समाजमा गलत सन्देश जाने भन्दै सबै नागरिकलाई जिम्मेवार र मर्यादित अभिव्यक्ति प्रयोग गर्नसमेत आग्रह गरेका छन् ।

आरके श्रीवास्तव,राैतहट,१८ गते माघ ।
राैतहटकाे गुजरा नगरपालिका अन्तर्गत सिमराभवानीपुर बजारमा ६४९ औँ शिरोमणि गुरु श्री रविदास जन्मोत्सव समारोह भव्य रूपमा सम्पन्न भएको छ । चमार कल्याण समाज नेपालद्वारा आयोजित उक्त कार्यक्रममा उत्साह, श्रद्धा र सामुदायिक एकताको अनुपम दृश्य देखिएको थियो ।

हवन–जापबाट सुरु भएको कार्यक्रम नगर परिक्रमा सहित अघि बढेको थियो । परिक्रमाका क्रममा गुरु रविदासको जयजयकार गर्दै सहभागीहरूले सामाजिक सद्भाव र समानताको सन्देश प्रवाह गरेका थिए । कार्यक्रममा चमार समाजका अगुवा, बुद्धिजीवी, युवाहरू तथा स्थानीयवासीहरूको उल्लेख्य उपस्थिति रहेको थियो ।

समारोहको अध्यक्षता चमार कल्याण समाज नेपालका उपाध्यक्ष पुनीत रामले गरेका थिए । कार्यक्रमका प्रमुख अतिथि गुजरा नगरपालिकाका नगर प्रमुख सन्तलाल प्रसाद चौधरी तथा विशिष्ट अतिथि चन्द्रपुर अस्पतालका संचालक सुबास चौधरी रहेका थिए ।

वक्ताहरूले १५ औँ शताब्दीका महान सन्त गुरु रविदासको जीवन, दर्शन र समाज सुधारमा उहाँले पुर्‍याउनुभएको योगदानमाथि प्रकाश पारे । जातीय विभेद, छुवाछुत र अन्यायविरुद्ध आवाज उठाउँदै मानव समानता, श्रमको सम्मान र प्रेमको मार्ग देखाउने गुरु रविदासको शिक्षा आज पनि उत्तिकै सान्दर्भिक रहेको उनीहरूको भनाइ थियो । “मन चंगा तो कठौती में गंगा” जस्ता वाणीले समाजलाई सकारात्मक सोच र आत्मशुद्धितर्फ प्रेरित गर्ने उल्लेख गरियो ।

अध्यक्षीय मन्तव्यमा पुनीत रामले गुरु रविदासको शिक्षाले समुदायलाई आत्मसम्मान, एकता र चेतनाको मार्गमा अघि बढ्न प्रेरणा दिएको बताए ।
प्रमुख अतिथि सन्तलाल प्रसाद चौधरीले विभेदरहित समाज निर्माणमा गुरु रविदासको सन्देश महत्वपूर्ण रहेको भन्दै मानवताको मूल्य आत्मसात गर्नुपर्नेमा जोड दिए ।
विशिष्ट अतिथि सुबास चौधरीले गुरु रविदासका विचारले नयाँ पुस्तालाई सही दिशा दिने उल्लेख गर्दै शिक्षित, सचेत र एकताबद्ध समाज निर्माण आजको आवश्यकता भएको बताए ।
कार्यक्रममा सांस्कृतिक प्रस्तुति, शुभकामना आदान–प्रदान र सामुदायिक अन्तरक्रियाले समारोहलाई थप अर्थपूर्ण बनाएको आयोजकले जानकारी दिएका छन् । कार्यक्रममा अतिथिहरू लाई सम्मान पनि गरिएको थियोे ।

फाेटाे फिचर:

आरके श्रीवास्तव,राैतहट,१७ गते माघ । 

रौतहट  । नेपाली कम्युनिष्ट पार्टी (नेकपा) कटहरिया नगरपालिका अन्तर्गत २२५ सदस्यीय नगर स्तरीय निर्वाचन परिचालन समिति भव्य रूपमा गठन गरिएको छ ।

आगामी निर्वाचनलाई लक्षित गर्दै गठन गरिएको उक्त समितिको अध्यक्षतामा मेयर प्रत्यासी नसरूदिन अंसारी चयन भएका छन् भने सह–संयोजकको जिम्मेवारी भूपेन्द्र महतोले पाएका छन् ।

समिति गठन कार्यक्रममा पार्टीका स्थानीय नेता, कार्यकर्ता तथा शुभेच्छुकहरूको उल्लेखनीय उपस्थिति रहेको थियो । समितिले निर्वाचन अवधिभर पार्टीको नीति, कार्यक्रम तथा उम्मेदवारहरूको पक्षमा संगठित रूपमा प्रचार–प्रसार तथा परिचालनको कार्य गर्ने जनाइएको छ ।

यसैबीच, रौतहट क्षेत्र नम्बर ३ बाट प्रतिनिधि सभाका लागि पुनम यादवले उम्मेदवारी दर्ता गरिसकेको जानकारी पनि कार्यक्रममा दिइएको छ । पार्टीले क्षेत्रीय तथा नगर स्तरमा संगठनलाई थप सशक्त बनाउँदै निर्वाचनमा प्रभावकारी भूमिका खेल्ने विश्वास व्यक्त गरेको छ ।

आरके श्रीवास्तव,राैतहट,१७ गते माघ ।
रौतहट क्षेत्र नम्बर ३ का नेपाली काँग्रेसका उम्मेदवार रामकृपाल यादवले पत्रकारहरू सँग कुराकानी गर्नु हुँदै भावुक अभिव्यक्ति दिएका छन् । उनले शिक्षण पेशा तथा स्थायी जागिर त्यागेर राजनीतिमा आएको बताउँदै यो निर्णय व्यक्तिगतभन्दा बढी सामाजिक उत्तरदायित्वबाट प्रेरित भएको स्पष्ट पारेका छन् ।

यादवले भने, “मैले शिक्षण पेशा छोडेर आफ्ना छोरा–छोरीमाथि अन्याय गरेको जस्तो लाग्न सक्छ, तर मेरो परिवारमाथि अन्याय हुँदा पनि समाजमाथि अन्याय नहोस् भन्ने सोचले राजनीतिमा आएको हुँ ।” उनले देशमा अमेरिकाजस्तो नेतृत्व खोज्ने हो भने त्यस्तै सचेत र जिम्मेवार मतदाता तथा नागरिक पनि आवश्यक पर्ने धारणा राखे ।

 

आफूले ठूलो साहसका साथ राजनीतिमा प्रवेश गरेको उल्लेख गर्दै उनले यो चुनाव आफू मात्र होइन, क्षेत्र नम्बर ३ का जनताका लागि पनि “अग्निपरीक्षा” भएको बताए । “मतदाताले मलाई सेवकका रूपमा काम गर्ने अवसर दिनुहुन्छ कि शासक बन्न खोज्ने व्यक्तिलाई रोज्नुहुन्छ, त्यो निर्णय अब जनताको हातमा छ,” उनले भने ।

धेरैले आफूले जागिर छोडेर राजनीतिमा आउने कल्पना नगरेको स्मरण गर्दै यादवले राजनीति पैसा र शक्तिको खेलमा सीमित भए राम्रो सोच भएका र समाज निर्माणको अभियानमा लाग्न चाहने व्यक्तिहरू अघि नबढ्ने चेतावनी दिए । उनले नयाँ र पुरानोको बहसमा केही पुरानै अनुहार नयाँको आवरणमा आउने गरेको टिप्पणी पनि गरे ।

“हामी युवा नेतृत्वको सोचसहित परिवर्तन र सुशासन खोज्दै आएका छौं,” यादवले भने, “यसपटक क्षेत्र नम्बर ३ का प्रत्येक नागरिकले बदलाव चाहेका छन् ।”

पहिले आरामदायी जीवन बिताइरहेको उल्लेख गर्दै उनले अहिले जनतामाझ दौडधुप गरिरहेको बताए । “मैले पेशा छोडेको छु भने अवश्य नै मेरो भित्र समाजका लागि केही गर्ने दृढ सोच छ,” उनले भावुक हुँदै थपे ।

आरके श्रीवास्तव,रा‌ैतहट,१६ गते माघ ।
रौतहट निर्वाचन क्षेत्र नम्बर ३ बाट जनता समाजवादी पार्टी (जसपा) नेपालका तर्फबाट प्रतिनिधि सभा सदस्य पदका उम्मेदवार गोविन्द चौधरीले आज (शुक्रबार) गरूडा नगरपालिका वडा नम्बर ७ पिपरियामा मतदातासँग प्रत्यक्ष भेटघाट गरेका छन् ।

भेटघाटका क्रममा स्थानीय मतदाताहरूले आफूहरूले सांसद भएको अनुभूति गर्न नसकेको गुनासो गरेका थिए । शिक्षा र स्वास्थ्यजस्ता आधारभूत क्षेत्रमा अझै पनि क्षेत्र पछाडि रहेको भन्दै उनीहरूले असन्तुष्टि व्यक्त गरे । पिपरिया पुल अहिलेसम्म पनि निर्माण हुन नसक्नु विकासको स्पष्ट उदाहरण भएको मतदाताहरूको भनाइ थियो । “हामी परिवर्तन चाहन्छौं,” उनीहरूले बताएका थिए ।

मतदाताको जिज्ञासा र गुनासोको जवाफ दिँदै उम्मेदवार चौधरीले परिवर्तनको चाहना जनतामै रहेको उल्लेख गरे । “जनताको आग्रह र चाहनाका कारण नै मैले उम्मेदवारी दिएको हुँ,” उनले भने, “यदि तपाईंहरूलाई लाग्छ म परिवर्तन गर्न सक्छु भने मलाई मत दिनुहोस् । यो मेरो अन्तिम प्रयास हो।”
गोविन्द चौधरीले आफू जनताबाटै बनेको नेता भएको उल्लेख गर्दै भने, “गोविन्द चौधरीलाई जनताले गोविन्द चौधरी बनाएका हुन् । तपाईंहरूले चाहनुभयो भने परिवर्तन अवश्य सम्भव छ।”

कार्यक्रममा गरूडा नगरपालिकाका मेयर प्रत्यासी अनिल यादवसहित जसपा नेपालका अन्य नेता तथा कार्यकर्ताहरूको उपस्थिति रहेको थियो ।

आरके श्रीवास्तव,रौतहट,१६ गते माघ ।
रौतहट निर्वाचन क्षेत्र नम्बर ३ बाट नेकपा (एमाले) को तर्फबाट प्रतिनिधि सभा सदस्य पदका उम्मेदवार कुन्दन कुशवाहाले आफ्नो चुनावी एजेन्डाबारे पत्रकारहरूसँग जानकारी गराएका छन् ।
कटहरिया गाविसका पूर्व अध्यक्ष जादाेलाल महतोका छोरा कुशवाहा २०७४ सालको मधेस प्रदेश सभा निर्वाचनमा रौतहट क्षेत्र नम्बर ३ (ख) बाट निर्वाचित भएका थिए । हाल उनी कटहरिया नगरपालिकाको वडा नम्बर ४ का स्थायी बासिन्दा हुन् ।
पत्रकारहरू सँग बोल्दै कुशवाहाले सूर्य चिन्ह लिएर एमालेमा प्रवेश गरेपछि आफूले पदसमेत गुमाउनुपरेको स्मरण गरे । “तर पद गयो भन्दैमा जनताप्रतिको दायित्व कहिल्यै घटेन,” उनले भने, “रौतहट क्षेत्र नम्बर ३ का ४४ वटै वडाका हरेक समुदायको दुःख–सुखमा म सधैं साथ दिँदै आएको छु ।”
अब संघीय सांसदको रूपमा चुनावी मैदानमा उत्रिएको उल्लेख गर्दै उनले सबैको साथ र सहयोगको आवश्यकता रहेको बताए । “यो क्षेत्रको समग्र विकास कसरी सम्भव हुन्छ भन्ने विषयमा म स्पष्ट छु,” उनले भने, “जनतासँग मेरो आग्रह छ—मलाई एक पटक अवसर दिएर जाँच गर्नुहोस् ।”
‘किन तपाईंलाई भोट दिने?’ भन्ने पत्रकारको प्रश्नको जवाफ दिँदै कुशवाहाले विकासका हरेक मोडालिटीमा आफू सक्रिय रहने दाबी गरे । “प्रदेश सांसद हुँदा कटहरियालाई मलाही–कटहरिया–समनपुर र धनसरदेखि इनरवा, नरकटिया हुँदै कटहरियामा प्लस सडक बनाउने काम मैले नै गरेको हुँ,” उनले भने, “केही नेताले यसको श्रेय आफूले लिएको प्रचार गरिरहेका छन्, तर त्यो सत्य होइन् ।”
कटहरियाको व्यापारिक विकासका लागि समेत आफू निरन्तर काम गरिरहेको उनको भनाइ छ । उनले क्षेत्रको मुख्य समस्या सरकारको पैसा व्यक्तिहरूले दुरुपयोग गर्नु रहेको आरोप लगाए । “नाम मात्रको विकास भइरहेको छ,” उनले भने, “जनता विकास भएको भ्रमबाट बाहिर निस्कन जरुरी छ । यी सबै सत्य चाँडै जनतामाझ आउनेछ।”
अन्त्यमा कुशवाहाले मतदातालाई आफूलाई मत दिएर परीक्षण गर्न आग्रह गर्दै रौतहट क्षेत्र नम्बर ३ लाई वास्तविक विकासको बाटोमा लैजाने प्रतिबद्धता व्यक्त गरेका छन् ।

आरके श्रीवास्तव,राैतहट,१६ गते माघ । 

रौतहट । रौतहट क्षेत्र नम्बर ३ बाट जनता समाजवादी पार्टी (जसपा)का उम्मेदवार गोविन्द चौधरीले आज गरुडा नगरपालिका वडा नम्बर ७ भिमडाबरमा मतदाताहरूसँग भेटघाट गरेका छन् । स्थानीय मतदातासँग प्रत्यक्ष संवाद गर्दै उनले आफ्नो चुनावी एजेन्डा र भावी योजनाबारे जानकारी गराएका थिए ।

उक्त कार्यक्रममा गरुडा नगरपालिकाका मेयर प्रत्यासी अनिल यादवको नेतृत्वमा स्थानीय नेता तथा कार्यकर्ताहरूको उल्लेखनीय उपस्थिति रहेको थियो । कार्यक्रममा बोल्दै उम्मेदवार चौधरीले विकास, सुशासन र जनताको अधिकारका लागि आफू प्रतिबद्ध रहेको उल्लेख गर्दै आगामी निर्वाचनमा छाता छाप मा मतदान गर्न मतदातासँग आग्रह गरे ।

भेटघाट कार्यक्रममा स्थानीय मतदाताहरूले विभिन्न समस्या तथा अपेक्षाहरू राखेका थिए । उम्मेदवार चौधरीले ती समस्या समाधानका लागि संसद्मा सशक्त रूपमा आवाज उठाउने प्रतिबद्धता व्यक्त गरे। कार्यक्रम सौहार्दपूर्ण वातावरणमा सम्पन्न भएको जनाइएको छ ।

आरके श्रीवास्तव,राैतहट,१५ गते माघ । 

गरूडा । जनता समाजवादी पार्टी (जसपा) नेपालबाट रौतहट निर्वाचन क्षेत्र नम्बर ३ का उम्मेदवार गोविन्द चौधरीले आफूले कसैलाई समर्थन गर्ने भन्ने हल्लालाई कडा शब्दमा खण्डन गरेका छन् ।

बिहीबार गरुडा नगरपालिका वडा नम्बर ६ पोठियाहीमा आयोजित मतदाता भेटघाट कार्यक्रममा बोल्दै चौधरीले भने,

“आम जनतालाई गोविन्द चौधरीको आवश्यकता थियो, जनताको आदेशमै मैले उम्मेदवारी दिएको हुँ। अफवाहको पछि नलाग्न म सबैलाई आग्रह गर्दछु।”

उनले चुनावी मैदानमा आएपछि एक इन्च पनि पछि नहट्ने स्पष्ट चेतावनी दिँदै भने,“मेरो लागि सबैभन्दा ठूलो सम्पत्ति मेरो इज्जत र प्रतिष्ठा हो। चुनावमा आइसकेपछि म एक इन्च पनि पछाडि हट्दिन।”

आफूले आजसम्म कसैको समर्थन नगरेको दाबी गर्दै चौधरीले  आफ्नो राजनीतिक इतिहास हेर्न चुनौतीसमेत दिए ।

“मेरो इतिहास हेर्नुहोस्, मैले कहिल्यै कसैको समर्थन गरेको छैन् । म स्वस्थ नभएकाे कारण यसअघिका चुनावमा उठ्न सकिन् ।”

उनले केही तत्वहरूले भ्रम र अफवाह फैलाएर भ्रामक प्रचार गरिरहेको आरोप लगाउँदै त्यसप्रति कडा आपत्ति जनाए ।

कार्यक्रममा जसपा नेपाल रौतहट निर्वाचन क्षेत्र नम्बर ३ का जननिर्वाचन परिचालन समितिका संयोजक रामप्रवेश दास, गरुडा नगरपालिकाका मेयर प्रत्यासी अनिल यादव लगायत जसपा नेपालका स्थानीय नेता तथा कार्यकर्ताहरूको उल्लेखनीय उपस्थिति रहेको थियो ।

गोविन्द चौधरीको यो स्पष्ट र आक्रामक अभिव्यक्तिले रौतहट क्षेत्र नम्बर ३ को चुनावी माहोल थप तातिएको छ ।

हनुमत कुमार यादव,गा‌ैर,१५ गते माघ । 
‎
‎गाैर । रौतहट जिल्लाको राजदेवी नगरपालिका–७, मुडवलवामा निर्माण हुन लागेको करिब ७ करोड रुपैयाँ लागतको कन्वेन्सन सेन्टरको विधिवत रूपमा शिलान्यास कार्यक्रम सम्पन्न भएको छ । धार्मिक तथा सांस्कृतिक विधिअनुसार सम्पन्न उक्त कार्यक्रममा जग्गादाता तथा स्थानीय जनप्रतिनिधिहरूको उल्लेखनीय उपस्थिति रहेको थियो ।

‎
‎कन्वेन्सन सेन्टर निर्माणको पहिलो चरणअन्तर्गत चालु आर्थिक वर्षमा ३ करोड ३० लाख रुपैयाँ बराबरको निर्माण कार्य अघि बढाइने नगरपालिकाले जनाएको छ। उक्त निर्माण कार्यका लागि आवश्यक जग्गा पाँच जना स्थानीय जग्गादाताले निःशुल्क दान गरेर उदाहरणीय योगदान दिएका छन् ।
‎
‎जग्गादाताहरूको सम्मानस्वरूप नगरपालिकाले शिलान्यास कार्यक्रममा उनीहरूलाई नै पूजाआजा गराई विधिवत रूपमा कार्यक्रम सम्पन्न गरेको हो । यस कार्यले स्थानीय तहमा विकासप्रति देखिएको सहकार्य, त्याग र सामाजिक उत्तरदायित्वको भावनालाई उजागर गरेको सहभागीहरूले बताएका छन् ।
‎
‎निःशुल्क जग्गा दान गर्ने व्यक्तिहरू विजय शंकर प्रसाद यादव (वडा अध्यक्ष), रुपलाल राय यादव, जितेन्द्र प्रसाद यादव, अमरेन्द्र कुमार यादव, अनिल कुमार यादव रहेका छन् ।
‎
‎नगरपालिकाका अनुसार कन्वेन्सन सेन्टर निर्माण सम्पन्न भएपछि स्थानीय तहमा विभिन्न सामाजिक, सांस्कृतिक, शैक्षिक तथा औपचारिक कार्यक्रम सञ्चालन गर्न सहज हुने अपेक्षा गरिएको छ । यस परियोजनाले क्षेत्रीय विकासमा टेवा पुग्ने विश्वास लिइएको छ ।

आरके श्रीवास्तव,राैतहट,१५ गते माघ ।
गरुडा । रौतहट निर्वाचन क्षेत्र नम्बर ३ बाट जनता समाजवादी पार्टी (जसपा) नेपालका तर्फबाट प्रतिनिधि सभा सदस्य पदका उम्मेदवार गोविन्द चौधरीले आज बिहानै गरुडा नगरपालिका–५ मा अवस्थित ऐतिहासिक तथा प्रसिद्ध शिवनगर महादेव मन्दिरमा पुजाआजा तथा दर्शन गर्नुभएको छ ।

उहाँको पूजा–अर्चना मन्दिरका महन्थ कृष्णदेव गिरीले विधिपूर्वक गराउनुभएको थियो । धार्मिक आस्थाको केन्द्र मानिने उक्त मन्दिरमा दर्शनपछि उम्मेदवार चौधरीले मन्दिरको संरक्षण, विकास तथा प्रवर्द्धनका लागि आफूले विगतदेखि नै पहल गर्दै आएको र आगामी दिनहरूमा पनि निरन्तर सहयोग रहने प्रतिबद्धता व्यक्त गर्नुभयो ।

उक्त अवसरमा जसपा नेपाल रौतहट निर्वाचन क्षेत्र नम्बर ३ का जननिर्वाचन परिचालन समितिका संयोजक रामप्रवेश दास, गरुडा नगरपालिकाका मेयर प्रत्यासी अनिल यादवलगायत जसपा नेपालका स्थानीय नेता तथा कार्यकर्ताहरूको उल्लेखनीय उपस्थिति रहेको थियो ।

धार्मिक, सामाजिक तथा जनसेवामूलक कार्यमा निरन्तर सक्रिय रहँदै आएका उम्मेदवार चौधरीको यस प्रकारको सहभागिताले स्थानीयवासीबीच सकारात्मक सन्देश प्रवाह भएको सहभागीहरूले बताएका छन् । चुनावी भेटघाटको व्यस्ततालाबीच पनि धार्मिक स्थलमा पुगेर आस्था प्रकट गर्नुले उहाँको संस्कार, मूल्य र समुदायप्रतिको सम्मान झल्काउने उनीहरूको भनाइ छ ।

आरके श्रीवास्तव,राैतहट,१४ गते माघ । 

कटहरिया । प्रेस चौतारी नेपाल रौतहट शाखाको आज बुधबार बसेको बैठकले स्वर्गीय फणिदेव महतको स्मृतिमा पत्रकारिता पुरस्कार स्थापना गर्ने निर्णय गरेको छ । सो पुरस्कार सञ्चालनका लागि अक्षयकोष स्थापना गरिने निर्णयसमेत बैठकले गरेको चाैतारी राैतहटका सचिव मुकेश कुमार साहले जानकारी गराएका हुन् ।

अक्षयकोष स्थापनाका लागि नेकपा (एमाले) को तर्फबाट रौतहट क्षेत्र नं. ४ का उम्मेदवार रामजी साहले २५ हजार रुपैयाँ सहयोग गर्ने घोषणा गर्नुभएको छ । यस्तै, प्रेस चौतारी नेपाल मधेश प्रदेशका इन्चार्ज तथा केन्द्रीय सदस्य अच्युत पौडेलले नगद ५ हजार रुपैयाँ सहयोग गर्ने घोषणा गर्नुभएको छ ।

प्रेस चौतारी नेपाल रौतहट शाखाले अक्षयकोष स्थापना कार्यमा सहयोग गर्ने सम्पूर्ण सहयोगदाताप्रति धन्यवाद व्यक्त गरेको छ । साथै आगामी दिनहरूमा शाखाले पत्रकारिताको व्यावसायिक विकास, क्षमता अभिवृद्धि तथा थप परिस्कृत र रचनात्मक गतिविधिहरू गर्दै जाने प्रतिबद्धता जनाएको छ ।

स्व. फणिदेव महत स्मृति पत्रकारिता पुरस्कारले जिल्लामा क्रियाशील पत्रकारहरूलाई प्रोत्साहन गर्ने विश्वास लिइएको छ ।

 

आरके श्रीवास्तव,राैतहट,१४ गते माघ ।
रौतहट क्षेत्र नम्बर ३ बाट जनता समाजवादी पार्टीका उम्मेदवार गोविन्द चौधरीले आज गुजरा नगरपालिकाको वडा नम्बर ७ अन्तर्गत परसवा, पल्टुवा र खतबैया गाउँमा मतदातासँग प्रत्यक्ष भेटघाट तथा अन्तरक्रिया गरेका छन् ।

भेटघाटका क्रममा पूर्व मन्त्री समेत रहेका उम्मेदवार चौधरीले आफू जनताको निरन्तर आग्रह र चाहनाका कारण उम्मेदवार बनेको स्पष्ट पार्दै चुनाव जितेपछि क्षेत्रवासीको साझा सहभागितामा सर्वपक्षीय सचिवालय गठन गर्ने प्रतिबद्धता व्यक्त गरेका छन् । उक्त सचिवालयले विकास बजेटको पारदर्शी सदुपयोग, योजना तर्जुमा तथा कार्यान्वयनमा सक्रिय भूमिका खेल्ने उनले बताए ।

उनले हालको निर्वाचन प्रणालीमा सुधार आवश्यक रहेको धारणा राख्दै भने, “जनताले जिताएपछि म जनताको आवाज बन्छु, जनताको प्रतिनिधिको रूपमा इमानदार भएर काम गर्छु।” चौधरीले विकास, सुशासन र जनउत्तरदायी नेतृत्व आफ्नो प्राथमिकता हुने पनि उल्लेख गरे ।

भेटघाटमा सहभागी स्थानीय बासिन्दाहरूले गोविन्द चौधरीले पदमा नरहेकै अवस्थामा पनि जनताका पक्षमा उल्लेखनीय काम गर्दै आएको भन्दै प्रशंसा व्यक्त गरेका छन् । उनीहरूले “अहिलेसम्म जितेका जनप्रतिनिधिहरूले जति काम गर्न सकेनन्, चौधरीले पदमा नहुँदा पनि त्यति नै जनताको सेवा गरेका छन्” भन्ने प्रतिक्रिया दिएका थिए ।
स्थानीय तहमा उनको सक्रियता, सरल स्वभाव र जनसम्पर्कले मतदातामा सकारात्मक सन्देश गएको देखिन्छ । चुनाव नजिकिँदै जाँदा रौतहट–३ मा राजनीतिक माहोल थप रोचक बन्दै गएको छ ।

आरके श्रीवास्तव,राैतहट,१३ गते माघ । 

रौतहट निर्वाचन क्षेत्र नम्बर ३ मा जनता समाजवादी पार्टी (जसपा) नेपालका तर्फबाट प्रतिनिधि सभा सदस्य पदका उम्मेदवार गोविन्द चौधरीले घरदैलो अभियानलाई विस्तारै अघि बढाउँदै लगिरहेका छन् । चुनाव नजिकिँदै जाँदा उनले मतदातासँग प्रत्यक्ष भेटघाट गर्दै आफ्नो चुनावी एजेन्डा र प्रतिबद्धता राख्न थालेका हुन् ।

यसैक्रममा मंगलबार गरूडा नगरपालिका वडा नम्बर ५ लक्ष्मीपुरमा आयोजित भेटघाट कार्यक्रममा उम्मेदवार चौधरीले स्थानीय मतदातासँग संवाद गरेका थिए । भेटका क्रममा उनले आगामी निर्वाचनमा जसपा नेपालको चुनाव चिन्ह ‘छाता’मा मतदान गर्न आग्रह गरेका छन् ।

कार्यक्रममा चौधरीसँगै गरूडा नगरपालिकाका मेयर प्रत्यासी अनिल यादव, कटहरिया नगरपालिकाका मेयर प्रत्यासी एवम् जननिर्वाचन परिचालन समितिका संयाेजक रामप्रवेश दास,गरूडा ५ का पूर्व वडा अध्यक्ष जयमंगल यादव लगायत जसपा नेपालका नेता तथा कार्यकर्ताहरूको उल्लेखनीय उपस्थिति रहेको थियो । उनीहरूले घरदैलो अभियानमार्फत जनताको गुनासो सुन्नुका साथै विकास, रोजगारी र समावेशी प्रतिनिधित्वका विषयमा पार्टीको धारणा प्रस्तुत गरेका थिए ।

स्थानीय बासिन्दाहरूले पनि उम्मेदवारसँग प्रत्यक्ष भेटघाट हुन पाएकोमा खुसी व्यक्त गर्दै आफ्नो क्षेत्रका समस्या समाधानका लागि स्पष्ट प्रतिबद्धता अपेक्षा गरेका छन् । जसपा नेपालका उम्मेदवार चौधरीले जनताको सुझाव र विश्वासकै आधारमा समृद्ध र न्यायपूर्ण समाज निर्माण गर्ने प्रतिवद्धता व्यक्त गरेका छन् ।

आरके श्रीवास्तव,राैतहट,१३ गते माघ । 

रौतहट क्षेत्र नम्बर ४ बाट जनता समाजवादी पार्टी (जसपा) को तर्फबाट प्रतिनिधि सभा सदस्य पदका उम्मेदवारको रूपमा राजकुमार दास चुनावी मैदानमा छन् । उनका चुनाव चिन्ह छाता रहेको छ ।

उम्मेदवार दासले आफ्नो चुनावी अभियानको क्रममा शिक्षा, स्वास्थ्य, रोजगारी, कृषकको समस्या समाधान, पूर्वाधार विकास र सुशासनलाई मुख्य प्राथमिकतामा राख्ने बताएका छन् । उनका अनुसार, क्षेत्रको दिगो विकास र जनताको जीवनस्तर सुधारका लागि यी क्षेत्रहरूमा विशेष ध्यान दिने योजना रहेको छ ।

दासले मतदातासँग प्रतिवद्धता जनाउँदै भने, “हामीले आम जनताको आवश्यकता र समस्या बुझेर तिनको समाधानमा काम गर्नेछौँ । शिक्षा, स्वास्थ्य र रोजगारीका अवसर सिर्जना हाम्रो पहिलो प्राथमिकता हुनेछ।”

उनको उम्मेदवारीले क्षेत्रीय राजनीतिमा नयाँ प्रतिस्पर्धा थपेको छ भने स्थानीय जनता पनि आगामी चुनावमा आफ्नो मताधिकार प्रयोग गरी विकासमुखी उम्मेदवार चयन गर्ने तयारीमा छन् ।

आरके श्रीवास्तव,राैतहट,१३ गते माघ । 

रौतहट क्षेत्र नम्बर ४ बाट नेकपा एमालेका प्रतिनिधिसभा उम्मेदवार रामजी साहले चुनावी अभियानलाई तीव्र बनाएका छन् । चुनाव चिन्ह सूर्य छाप लिएर मैदानमा उत्रिएका साह हाल गाउँ–गाउँ पुगेर मतदातासँग प्रत्यक्ष भेटघाट गर्दै आफ्ना योजना र प्रतिबद्धता साझा गरिरहेका छन् ।

घरदैलो कार्यक्रममा बोल्दै उम्मेदवार साहले गरुडा स्थित लामो समयदेखि बन्द रहेको श्रीराम सुगर मिल सञ्चालनमा ल्याउने प्रतिबद्धता व्यक्त गरेका छन् ।
उनले भने, “यदि जनताले मलाई जिताएर संसद् पठाउनुभयो भने बन्द रहेको श्रीराम सुगर मिल पुनः सञ्चालन गर्नु मेरो प्रमुख उद्देश्य हुनेछ । यसले स्थानीय रोजगारी सिर्जना गर्नुका साथै क्षेत्रको आर्थिक गतिविधि चलायमान बनाउनेछ।”

उनका अनुसार सुगर मिल सञ्चालन भएमा उखु किसान, मजदुर, व्यवसायी र युवा सबैलाई प्रत्यक्ष फाइदा पुग्नेछ । स्थानीय स्तरमै रोजगारी सिर्जना भई वैदेशिक पलायन पनि कम हुने विश्वास उनले व्यक्त गरेका छन् ।

घरदैलो अभियानमा सहभागी स्थानीयवासीहरूले पनि विकास, रोजगारी र उद्योग सञ्चालनजस्ता मुद्दा उठाउने उम्मेदवारलाई साथ दिने प्रतिक्रिया दिएका छन् । साहको सरल स्वभाव, स्पष्ट दृष्टिकोण र स्थानीय समस्याप्रतिको चासोले मतदाताहरू आकर्षित भएको देखिन्छ ।

नेकपा एमालेले अघि सारेको समृद्ध नेपाल, सुखी नेपाली को नारालाई व्यवहारमा उतार्न आफू प्रतिबद्ध रहेको बताउँदै साहले रौतहट–४ लाई औद्योगिक र आर्थिक रूपमा सबल बनाउने लक्ष्य राखेको बताए ।

चुनावी सरगर्मी बढ्दै जाँदा उम्मेदवार रामजी साहको घरदैलो अभियानलाई स्थानीय तहमा सकारात्मक रूपमा हेरिएको छ ।

 

आरएन पटेल, रौतहट, माघ १२ गते।
रौतहट क्षेत्र नं. ३ प्रतिनिधि सभा सदस्य पदका उम्मेदवार तथा जनता समाजवादी पार्टी नेपालका कुशल नेतृत्वकर्ता गोबिन्द चौधरीले गरुडा नगरपालिका वडा नं. ०५ अन्तर्गत लक्ष्मीपुर र झाझपुल चोकमा स्थानीय देवतुल्य जनताहरूसँग आत्मीय भेटघाट गरेका छन।
भेटघाटका क्रममा उम्मेदवार चौधरीले क्षेत्रबासीहरूसँग प्रत्यक्ष संवाद गर्दै “जनता समाजवादी पार्टी नेपालको चुनाव चिन्ह छाता छाप ” मा मतदान गर्न आग्रह गरेका छन। उनले आगामी फागुन २१ गते हुने प्रतिनिधि सभा निर्वाचन निर्णायक अवसर भएको उल्लेख गर्दै समग्र क्षेत्रको विकास, समानता र समृद्धिका लागि जसपा नेपाल नै एक मात्र भरपर्दो विकल्प रहेको बताए।
उम्मेदवार चौधरीले वर्षौं वर्षदेखि चल्दै आएको अन्यायपूर्ण र शोषणमूलक शासन प्रणाली तोडेर विकास र समृद्धिको नयाँ बाटो खोल्न जनता समाजवादी पार्टी नेपालको साथ, समर्थन र एकताबद्ध सहभागिता अपरिहार्य रहेको धारणा व्यक्त गरेका छन।
स्थानीय बासिन्दाहरूले पनि उम्मेदवार चौधरीको विकासप्रेमी सोच, सरल व्यवहार र स्पष्ट दृष्टिकोणको प्रशंसा गर्दै सकारात्मक प्रतिक्रिया दिएका छन। भेटघाट कार्यक्रमले क्षेत्र नं. ३ मा जसपा नेपालको चुनावी अभियानलाई थप उत्साह र बल पुगेको तथा चुनावी जनलहर बढेको स्थानियहरूले बताएका छन।

आरके श्रीवास्तव,राैतहट,११ गते माघ । 

रौतहट निर्वाचन क्षेत्र नम्बर ३ बाट जनता समाजवादी पार्टी (जसपा) नेपालको तर्फबाट प्रतिनिधि सभा सदस्य पदका उम्मेदवार गोविन्द चौधरीले चुनावी भेटघाटलाई तीव्रता दिएका छन् ।

आइतवार कटहरिया नगरपालिका वडा नम्बर ३ बिर्ती प्रष्टोमा उनले पूर्व गाविस अध्यक्ष भन्टु साह बनियासँग भेटघाट गरेका हुन् । भेटघाटका क्रममा उनीहरूबीच समसामयिक राजनीतिक अवस्था तथा चुनावी माहोलको विषयमा छलफल भएको थियो ।

भेटका क्रममा पूर्व गाविस अध्यक्ष बनियाले गोविन्द चौधरीलाई स्वच्छ छविका, इमान्दार र निष्ठावान् उम्मेदवारको रूपमा प्रशंसा गरे । उनले गोविन्द चौधरीले आफ्नो राजनीतिक जीवनमा कसैबाट एक पैसा पनि नलिएको उल्लेख गर्दै हालका धेरै नेताहरूले राजनीति मार्फत ठूलो सम्पत्ति आर्जन गरेको भए पनि चौधरीले भने आफ्नै लाखौंको सम्पत्ति बेचेर राजनीतिमा लगानी गरेको बताए ।

कार्यक्रममा जसपा नेपालका नेता रामप्रवेश दास र खेना राय यादवले पनि आफ्नो विचार राख्दै गोविन्द चौधरीलाई जनताको पक्षमा काम गर्ने योग्य उम्मेदवारका रूपमा समर्थन व्यक्त गरेका थिए ।

स्थानीयस्तरमा यस्ता भेटघाट र संवादले चुनावी गतिविधि थप सक्रिय बन्दै गएको देखिन्छ ।

 

हनुमत कुमार यादव,गाैर,११ गते माघ । 
‎गाैर । रौतहट नेपाली कांग्रेसका सक्रिय नेता रामेश्वर प्रसाद यादवले पार्टी परित्यागको औपचारिक घोषणा गरेका छन् । उनले पार्टीको आन्तरिक निर्णय प्रक्रिया, टिकट वितरण प्रणाली र जनभावनाप्रति देखिएको असंवेदनशीलताप्रति असहमति जनाउँदै यो निर्णय लिएको बताएका छन् ।
‎
‎रौतहट जिल्लाको साविक गा.वि.स. मडलबा वडा नं. १ हाल राजदेवी नगरपालिका वडा नं. ७ का स्थायी बासिन्दा यादव लामो समयदेखि नेपाली कांग्रेसको संगठन निर्माण र जनआन्दोलनमा सक्रिय रहँदै आएका थिए । उनले २०६६ सालको जनआन्दोलनमा सक्रिय भूमिका निर्वाह गर्नुका साथै २०६८ र २०७१ सालमा सम्पन्न निर्वाचनहरूमा पार्टीका उम्मेदवारलाई विजयी गराउन महत्वपूर्ण योगदान पुर्‍याएको उल्लेख गरेका छन् ।

‎
‎यादवका अनुसार नेपाली कांग्रेस प्रतिनिधि सभा क्षेत्र नं. १, रौतहटको क्षेत्रीय कार्यसमितिको कार्यालयबाट २०८२/०५/०४ गतेको पत्र तथा २०८२/०६/२६ गतेको निर्णयअनुसार मिति २०८२ फागुन २७ गते हुने निर्वाचनका लागि उनको नाम क्रम संख्या २ मा सिफारिस गरिएको थियो। तर Gen Z को भावना र स्थानीय जनअपेक्षालाई बेवास्ता गर्दै सिफारिस सूचीबाट कसैलाई पनि टिकट नदिई पार्टी नेतृत्वले एकल निर्णय गरेको आरोप उनले लगाएका छन् ।
‎
‎उनका अनुसार यस्तो निर्णयले जनताको चाहना सम्बोधन नगरेको स्पष्ट देखिएकाले बाध्य भएर पार्टी परित्याग गर्नुपरेको हो । उनले वर्तमान राजनीतिक अवस्था, देश र जनताको मागअनुसार परिवर्तनलाई आत्मसात गर्दै अब नयाँ राजनीतिक यात्रातर्फ अघि बढ्ने बताएका छन् ।
‎
‎यादवले आजको मितिबाट औपचारिक रूपमा नेपाली कांग्रेस पार्टी परित्याग गरेको जानकारी प्रेस विज्ञप्तिमार्फत सार्वजनिक गर्दै सबैलाई सूचित गरेका छन् ।
‎
‎उनले विज्ञप्तिको अन्त्यमा ‘जय देश, जय मधेश’ भन्दै आफ्नो प्रतिबद्धता जनाएका छन् ।

आरके श्रीवास्तव,राैतहट,१२ गते माघ ।

आगामी फाल्गुन २१ गते हुने प्रतिनिधि सभाको निर्वाचनमा नेपाली कम्युनिस्ट पार्टीको तर्फबाट रौतहट निर्वाचन क्षेत्र नम्बर ३ मा पुनम यादव उम्मेदवार बनेकी छन् । महिला उम्मेदवारको रूपमा उनको उम्मेदवारीले स्थानीय राजनीतिमा महिला सहभागिता र नेतृत्वको विषयलाई थप सशक्त बनाएको छ ।

उम्मेदवारी घोषणा गरेसँगै यादवले रोजगारी, शिक्षा र स्वास्थ्यलाई आफ्नो प्राथमिक एजेन्डा बनाउने बताएकी छन् । विशेषगरी युवालाई स्थानीय स्तरमै रोजगारीका अवसर सिर्जना गर्ने, गुणस्तरीय शिक्षामा पहुँच विस्तार गर्ने तथा आधारभूत स्वास्थ्य सेवालाई सुलभ र प्रभावकारी बनाउने विषयमा उनले जोड दिएकी छन् ।

सामाजिक र सांस्कृतिक गतिविधिप्रति चासो राख्ने यादव बलिउडका सेलिब्रेटी तथा सन्त–महन्तहरूसँगको लगावका कारण पनि चर्चामा रहेकी छन् । उनका अनुसार विभिन्न क्षेत्रका व्यक्तित्वबाट प्रेरणा लिनुले सार्वजनिक जीवनमा सकारात्मक दृष्टिकोण विकास गर्न मद्दत पुग्ने गर्दछ ।

स्थानीय विकास, समावेशी नीति र सामाजिक न्यायका सवाललाई केन्द्रमा राखेर अघि बढ्ने प्रतिबद्धता व्यक्त गरेकी पुनम यादवको उम्मेदवारीलाई रौतहट–३ मा अर्थपूर्ण राजनीतिक उपस्थितिका रूपमा हेरिएको छ ।

आरके श्रीवास्तव,रौतहट,११ गते माघ ।
कटहरिया । जनमत पार्टीको तर्फबाट रौतहट निर्वाचन क्षेत्र नम्बर ३ मा प्रतिनिधिसभा सदस्य पदका लागि प्रवेज आलमले उम्मेदवारी दिएका छन् । उनले आफ्नो उम्मेदवारीलाई जेन–जी आन्दोलनको देन भएको बताउँदै देशमा युवामाथि भइरहेको उपेक्षाविरुद्ध चुनावी मैदानमा उत्रिएको बताएका छन् ।

उम्मेदवार आलमले देशमा युवाका लागि न रोजगारीको व्यवस्था भएको न त स्पष्ट नीति नै रहेको आरोप लगाए । “युवालाई सधैं आश्वासन मात्र दिइयो, त्यसै कारण आज युवाहरू विदेश जान बाध्य छन्,” उनले भने ।

कटहरिया नगरपालिका वडा नम्बर ६ फतेपुर निवासी प्रवेज आलम आफू यही क्षेत्रको स्थायी बासिन्दा भएको उल्लेख गर्दै स्थानीय समस्यालाई नजिकबाट बुझेको दाबी गर्छन् । उनका अनुसार युवाको रोजगारी, शिक्षा र स्वास्थ्य उनका प्रमुख चुनावी एजेन्डा हुन् ।

“म नेता भएर भाषण गर्ने होइन, सामान्य नागरिकको छोरा बनेर काम गर्न चाहन्छु,” आलमले बताए । विगत ७ वर्षदेखि समाजसेवामा सक्रिय रहँदै आएको र कोरोना महामारीको समयमा राहत सामग्री वितरण लगायतका काम गरेको उनले जानकारी दिए ।

उनले जनतासँग जनमत पार्टीको चुनाव चिन्ह हर्न छापमा मतदान गरी सहयोग गर्न अपिल गर्दै विशेषगरी युवालाई विश्वास गर्न आग्रह गरेका छन् । “नेता बदलौँ, बदलाव ल्याऔँ । जनताले चाहे अवस्था बदलिन सक्छ,” उनको भनाइ छ ।

आरके श्रीवास्तव,राैतहट,१० गते माघ । 

रौतहट निर्वाचन क्षेत्र नं. ३ अन्तर्गत मौलापुर नगरपालिका–८ सोनरनियामा जनता समाजवादी पार्टी (जसपा) नेपालको चुनावी प्रचार–प्रसार तथा मतदाता भेटघाट कार्यक्रम सम्पन्न भएको छ ।

जसपा नेपालको प्रचार–प्रसार विभाग क्षेत्रीय सचिवालयको आयोजनामा सम्पन्न कार्यक्रममा पार्टीका केन्द्रीय नेता, स्थानीय कार्यकर्ता तथा सर्वसाधारणको उल्लेख्य उपस्थिति रहेको थियो । कार्यक्रममा रौतहट क्षेत्र नम्बर ३ बाट प्रतिनिधि सभा सदस्य पदका उम्मेदवार गाेविन्द चाैधरी सहभागी भएका थिए ।

उनी पूर्व सांसद तथा पूर्व मन्त्रीसमेत भइसकेका अनुभवी राजनीतिक व्यक्तित्व हुन् । कार्यक्रममा उनले विगतमा आफूले गरेका काम, संसदीय अनुभव तथा क्षेत्रको विकासका लागि उठाइएका मुद्दाबारे जानकारी गराएका थिए ।

स्थानीय जनतासँग प्रत्यक्ष संवाद गर्दै उनले शिक्षा, स्वास्थ्य, कृषि, रोजगारी र पूर्वाधार विकासलाई प्राथमिकतामा राखेर काम गर्नुपर्ने धारणा राखेका थिए । कार्यक्रममा सहभागी स्थानीय बासिन्दाहरूले क्षेत्रका समस्या, आवश्यकता र अपेक्षाबारे आफ्ना विचार व्यक्त गरेका थिए । साे कार्यक्रममा पूर्व प्रदेस सांसद रामकिशाेर यादव पनि सहभागी थिए ।

जसपा नेपालको प्रतिनिधि सभा सदस्य पदको चुनाव चिन्ह छाता छाप रहेको छ । आगामी फाल्गुन २१ मा हुने चुनावमा छाता छापमा मतदान गर्न आग्रह गरेका थिए । कार्यक्रम शान्तिपूर्ण र सौहार्दपूर्ण वातावरणमा सम्पन्न भएको जनाईएको छ ।

 

आरके श्रीवास्तव,राैतहट,१० गते माघ । 

रौतहट जिल्लाको कटहरिया नगरपालिका–३ स्थित प्राथमिक विद्यालय बडेडवामा चार कोठे नयाँ विद्यालय भवन निर्माण हुने भएको छ । मानव स्रोत विकास केन्द्र र कटहरिया नगरपालिकाको साझेदारीमा करिब ५५ लाख रुपैयाँको लागतमा उक्त भवन निर्माण गर्न लागिएको हो ।

विद्यालयका प्रधानाध्यापक राअयोध्या यादवका अनुसार शैक्षिक पूर्वाधार सुदृढ गर्ने उद्देश्यले भवन निर्माण प्रक्रिया अघि बढाइएको हो । नयाँ भवन निर्माण भएपछि विद्यालयको पठन–पाठन वातावरण थप व्यवस्थित हुने अपेक्षा गरिएको छ।

सरस्वती पूजाको अवसर पारेर नगर प्रमुख अजय प्रकाश जयसवाल र उपप्रमुख रिता देवी यादवले संयुक्त रूपमा भवनको शिलान्यास गरेका छन् । कार्यक्रममा विद्यालय व्यवस्थापन समिति अध्यक्ष दिनानाथ यादवसहित स्थानीय समुदायका प्रतिनिधिहरूको उपस्थिति रहेको थियो ।

कटहरिया नगरपालिकाका कार्यपालिका सदस्य मनोज जयसवालको पहलमा यो योजना अघि बढेको बताइएको छ । स्थानीय तह, विद्यालय र समुदायबीचको सहकार्यबाट शैक्षिक पूर्वाधार विकासमा योगदान पुग्ने सहभागीहरूको धारणा थियो ।

निर्माण कार्य तोकिएको समयभित्र सम्पन्न गरी बालबालिकालाई सुरक्षित र सहज अध्ययनको वातावरण उपलब्ध गराउने लक्ष्य राखिएको विद्यालय प्रशासनले जनाएको छ ।

 

आरके श्रीवास्तव,राैतहट,१० गते माघ । 

गरूडा ।  प्रत्येक वर्षझैँ यस वर्ष पनि रौतहट जिल्लामा देशकै सम्भवतः सबैभन्दा ठूलो ग्रामीण काठ फर्निचर मेला शुक्रबारदेखि औपचारिक रूपमा शुरु भएको छ । श्रीपञ्चमीको पावन अवसर पारेर नेपाल विश्वकर्मा बजार समिति जयनगरको आयोजनामा गरुडा नगरपालिका–१ जयनगरमा काठ तथा फलामका सामग्रीको विशाल फर्निचर मेला सञ्चालनमा आएको हो ।

नेपाल विश्वकर्मा लोहार संघका अध्यक्ष विवेक शर्माका अनुसार २०६५ सालदेखि निरन्तर रूपमा आयोजना हुँदै आएको यो मेला हरेक वर्ष विस्तार हुँदै गइरहेको छ । ग्रामीण क्षेत्रमा लाग्ने यो मेला आकार, व्यापार र सहभागिताका हिसाबले देशकै ठूलो ग्रामीण फर्निचर मेलाका रूपमा परिचित हुँदै गएको छ ।

प्रत्येक वर्ष श्रीपञ्चमीदेखि शुरु भई झण्डै दुई महिनासम्म चल्ने यस मेलामा घरायसी प्रयोजनका काठका फर्निचरका साथै कृषिसँग सम्बन्धित फलामका विभिन्न सामग्री बिक्रीका लागि राखिएको छ। मेलामा पलङ, डाइनिङ सेट, कुर्सी, खाट, खटिया, चारपाई, बेञ्च, ढोका, टेबल, ड्रेसिङ टेबल, झ्याल, दराज, बालबालिकाका खेलौना लगायत घरायसी प्रयोगका प्रायः सबै प्रकारका काठका फर्निचर उपलब्ध छन् । त्यसैगरी फलामका कोदालो, हँसिया, कुटो, बञ्चरो, खुकुरीलगायतका सामग्री पनि बिक्रीका लागि राखिएका छन् ।

मेलामा रौतहट, सर्लाही, महोत्तरी, बारा, पर्सा लगायत विभिन्न जिल्लाका दुई सयभन्दा बढी फर्निचर व्यवसायीले आफ्ना सामग्री बिक्रीका लागि ल्याएका छन् भने फर्निचर आउने क्रम अझै जारी रहेको समितिले जनाएको छ । यसका साथै नेपालका विभिन्न स्थानबाट मात्र नभई भारतको बिहार प्रान्तबाट समेत उपभोक्ता तथा व्यापारीहरू आएर घरायसी प्रयोग र पुनः बिक्रीका लागि फर्निचर खरिद गरिरहेको देखिन्छ ।

व्यवसायीहरूका अनुसार जयनगर फर्निचर मेलामा अन्य स्थानको तुलनामा २५ प्रतिशतभन्दा बढी सस्तोमा फर्निचर उपलब्ध हुने गर्दछ । आफ्नै काठ प्रयोग गरी स्थानीय सीप र श्रमबाट फर्निचर निर्माण गरिने भएकाले मूल्य तुलनात्मक रूपमा सस्तो पर्ने उनीहरूको भनाइ छ । यही कारणले गर्दा विवाहमा दाइजोका लागि फर्निचर खरिद गर्नेहरू तथा सस्तो र गुणस्तरीय सामान खोज्ने उपभोक्ताको पहिलो रोजाइ यो मेला बन्दै गएको छ ।

मेलामा बिक्री गर्नका लागि विश्वकर्मा लोहार समुदायले २–३ महिना अघिदेखि नै फर्निचर निर्माणको काम शुरु गर्ने गर्दछन् । दिनरात खटेर बनाइएका ती सामग्री मेलामा बिक्री गरेर उनीहरूले राम्रो आम्दानीसमेत गर्दै आएका छन् ।

मेलाबाट रौतहट, सर्लाही, बारा, पर्सा, धनुषा, काठमाडौँ, पोखरा, विराटनगर, जनकपुरलगायत नेपालका विभिन्न भाग तथा भारतको बिहार प्रान्तका सीतामढी, पूर्वी चम्पारण, मुजफ्फरपुर र पटनासम्म फर्निचर ढुवानी हुँदै आएको छ ।

यातायातको सहज पहुँच, गुणस्तरीय सामग्री र सस्तो मूल्यका कारण जयनगरको फर्निचर मेला उपभोक्ता र व्यवसायी दुवैका लागि आकर्षणको केन्द्र बन्दै गएको समितिको दाबी छ । हरेक वर्ष मेलाको विस्तारसँगै कारोबार पनि बढ्दै गइरहेकोले आगामी दिनमा यसलाई थप व्यवस्थित र प्रविधिमैत्री बनाउने तयारी भइरहेको समितिले जनाएको छ ।

काठमाडौं, १० माघ ।

आम जनता पार्टी (आजपा)का अध्यक्ष तथा पूर्वमन्त्री प्रभु साहले देशलाई जेनजी आन्दोलनको हत्यारा, दमनकारी, भ्रष्टाचारी र हाईज्याकरहरुबाट बचाउनको लागि देशभक्त र राष्ट्रवादी शक्तिहरुबीच एकताको खाँचो औंल्याएका छन् ।

उनले केपी ओली, आरजु राणा र रमेश लेखकहरुले जेनजी आन्दोलनमा दमन गरेको र युवाहरुको हत्या गरेको भन्दै एउटा कित्तामा राखेका छन् । उता, जेनजी आन्दोलनको बलमा जेलबाट भाग्ने रवि लामिछाने र आन्दोलन कब्जा गराउने बालेन शाह हाईज्याकरको रुपमा देखिएको साहको टिप्पणी छ । उनले देशलाई छद्यमभेषी र नक्कली नेताहरुबाट बचाउनको लागि पनि यो निर्वाचनमा जनताले सही तवरले मत जाहेर गर्नुपर्ने तर्क गरे ।

जेनजी आन्दोलनको मर्म र भावनालाई वर्तमान सरकारको नेतृत्वकर्ता सुशीला कार्की र उनको सरकारमा बसेका मन्त्रीहरुले एकपछि अर्को गरेर कुल्चिने काम गरेको साहको आरोप छ । आम जनता पार्टीको बागमती प्रदेश कमिटीको आयोजनामा आज (शनिबार) काठमाडौंको प्रज्ञा भवनमा बसेको निर्वाचन परिचालन समितिको बैठकलाई सम्बोधन गर्दै उनले यस्तो बताएका हुन् ।

गैरदलीय सरकारमा बसेर कुलमान घिसिङ, महावीर पुन, जगदीश खरेल र बब्लु गुप्तालगायतले जेनजी आन्दोलनलाई नै धोका दिएको र अहिले लोकप्रियताको हावा चलेको मौकामा संसद् छिर्ने सपना देखेको उनको आरोप छ । आजपा अध्यक्ष साहले भने, ‘एकथान मन्त्री खानको लागि जेनजी आन्दोलनको मर्म र भावनालाई कुल्चिन मिल्छ ? प्रधानमन्त्रीजीले यो सरकार निर्दलीय भन्नुभएको थियो, तर उहाँले रास्वपाका क्याडरलाई भर्ती गर्नुभएको रहेछ, अहिले त पुष्टि भयो नि, जेनजी आन्दोलनमा शाहदात प्राप्त गरेका परिवार अहिले पनि पीडामा हुनुुुहुन्छ, उहाँहरुले न्याय पाउनुभएको छैन, तर आन्दोलनमा कुनै योगदान गरेकाहरुले धमाधम अवसर लिएर बीचमै आफ्नो दायित्व भूलेर चुनावमा उत्रिएका छन् ? के यस्तै कुकर्म देख्न र नैतिकता नभएकाहरुको राजनीति हेर्नको लागि जेनजीहरुले आन्दोलन गर्नुभएको थियो ? एकचोटी सोच्न आग्रह गर्छु ।’

उनले कुलमान घिसिङ, रवि लामिछाने र बालेन शाहले देशलाई कहिल्यैपनि सही दिशा र नेतृत्व प्रदान गर्न नसक्ने ठोकुवा गरे। उनीहरु तीनै जना कोही भ्रष्ट, कोही ठग र कोही अनाडी (केही पनि नजान्ने) रहेको भन्दै साहले उनीहरुको पछि भीड देखाएर शक्ति आर्जन गर्न खोज्नु हाँस्यास्पद भएको बताए ।

उनले अहिले रास्वपाले भावी प्रधानमन्त्रीको रूपमा अघि सारेका बालेन शाह पनि नक्कली मान्छे र परिक्षण भैसकेको व्यक्ति भएको भन्दै भ्रममा नपर्न सुझाव दिए । उनले बालेन शाहले काठमाडौंको मेयर हुँदा मधेशबाट श्रम गर्न आएका मधेशी समूदाय, भुईंमान्छे र निमुखालाई खेद्ने काम गरेको र अहिले चुनावको मुखमा मधेश झरेर म मधेशको छोरा हुँ भनेर नक्कली भाषण गरेको आरोप लगाए ।

उनले भने, ‘काठमाडौंको मेयर पदमा विराजमान हुँदा तरकारी, फलफूल बेच्नेहरुको साईकल खोस्ने को थियो ? कवाडीहरुको उठीबास लगाउने र साईकल चोरिदिने को थियो ? यहाँ फूटपाथमा केही गर्छु भन्ने गरिव आमा, दिदीबहिनीलाई लेखेट्ने को हो ? उखु किसान चिसोमा खाली खुट्टा माईतीघरमा आन्दोलनमा आउँदा नाक, मुख नदेखाउने अनि जनकपुर झरेर म फुर्सदमा थिईनँ भन्ने ? त्यत्रो मिटरब्याज पीडितहरु न्याय माग्न मार्चपास गर्दै खाली गोडा काठमाडौं आए, तर मधेशको छोरा भनाउँदो बालेनले पीडितलाई भेट्ने फुर्सद पाएन, आरती साहको परिवारले न्याय माग्दा पनि उसले फुर्सद पाएन । यहाँ छठघाट बनाउन दिएन, अनि उसले मधेश झरेर म मधेशको छोरा हुँ भनेर मधेशी जनतालाई बेवकुव बनाउने ?’

काठमाडौंको मेयरमा बस्दा बालेनले जनतासँगको सम्बन्ध नै स्थापित गर्न नसकेको र खोपीको देउता बनेर बसेको भन्दै यस्ता व्यक्तिले राजनीति गर्छु र जनताको सेवा गर्छु भन्ने आँफैमा अपत्यारिलो हुने उनको टिप्पणी छ ।

आजपा नेता धनकुमारी थापाको अध्यक्षता सम्पन्न कार्यक्रममा जनादेश पार्टीका अध्यक्ष रमण कर्ण, आजपा सहअध्यक्ष तिलक थापामगर, नेता एंव वरिष्ठ पत्रकार ऋषि धमला, उपाध्यक्ष एलिजा गौतम लगायतको सहभागिता रहेको आजापा सचिवालय सदस्य सुभाष साहले जनाएका छन् ।

 

आरएन पटेल, रौतहट, माघ १० गते ।
बसन्त पञ्चमी तथा विद्या की देवी सरस्वती पूजाको पावन अवसरमा रौतहट जिल्लाको बौधिमाई नगरपालिका वडा नं. २, इनर्वामा सञ्चालनमा रहेको ज्ञानकुञ्ज इंगलिश बोर्डिंग स्कूलमा भव्य सांस्कृतिक कार्यक्रमको उद्घाटन कार्यक्रम सम्पन्न भएको छ। सरस्वती पूजा २०८२ को अवसरमा विद्यालयका बालबालिकाहरूले प्रस्तुत गरेको सांस्कृतिक कार्यक्रम, स्पीच तथा नाटकीय प्रस्तुतीको शुभ उद्घाटन बौधिमाई नगरपालिकाका पूर्व नगर प्रमुख तथा जनता समाजवादी पार्टी नेपाल, रौतहटका जिल्ला अध्यक्ष राजीव रंजन यादवले गरेका हुन।
कार्यक्रममा प्रमुख अतिथि यादवले बसन्त पञ्चमीको महत्वबारे चर्चा गर्दै विद्यालयले प्रत्येक वर्ष आयोजना गर्दै आएको यस्ता सांस्कृतिक, स्पीच तथा नाटकीय कार्यक्रमहरूले विद्यार्थीहरूमा शिक्षाप्रति रुचि र सिर्जनशीलता बढाउने बताए। उनले शिक्षा मानव जीवनको “तेस्रो आँखा” भएको उल्लेख गर्दै शिक्षाले केवल साक्षर मात्र नभई आत्मनिर्भर नागरिक बनाउने भएकाले अभिभावक, शिक्षक-शिक्षिका तथा विद्यार्थीहरूले यसको महत्व बुझेर अघि बढ्नुपर्नेमा जोड दिए।

विद्यालयका फाउन्डर तथा प्रिन्सिपल जयराम प्रसाद गुप्ताले विगत दुई दशकदेखि ज्ञानकुञ्ज इंगलिश बोर्डिंग स्कूलले इनर्वा तथा आसपासका क्षेत्रहरूमा शिक्षाको उज्यालो फैलाउँदै आएकोप्रति युवा नेता दिलीप कुमार पटेल उर्फ राजकिशोर पटेलले बताए। उनका अनुसार विद्यालयबाट अध्ययन पूरा गरेका धेरै विद्यार्थीहरू आज विभिन्न सरकारी तथा गैरसरकारी निकायमा सफलतापूर्वक कार्यरत छन। साथै विद्यालयले शिक्षाप्रति खेलको उक्त भूमिकाको लागि विद्यालयको निरन्तर उन्नति र प्रगतिको युवा नेता पटेलले शुभकामना व्यक्त गरे।

त्यस्तै बौधिमाई-२ का पूर्व वडा अध्यक्ष रामबाबु प्रसाद कुशवाहाले विद्यालय परिवारको प्रशंसा गर्दै गीतमार्फत अभिभावक र विद्यार्थीहरूलाई शिक्षाको महत्वबारे सन्देश दिएका थिए। उनले यस विद्यालयले विगतमा मधेश प्रदेश स्तरीय कार्यक्रममा प्रथम स्थान हासिल गरी नगरपालिका तथा वडाको गरिमा बढाएको उल्लेख गरे।
स्थानीय समाजसेवी तथा पूर्व वडा सदस्य शंकर प्रसाद गुप्ताको अध्यक्षतामा सम्पन्न कार्यक्रममा रौतहट जिल्लाका पूर्व उपसभापति तथा हाल प्रतिनिधि सभा सदस्य निर्वाचनमा रौतहट क्षेत्र नं. २ का जसपा नेपालका उम्मेदवार राम अशिष राय यादव, समाजसेवी अशोक प्रसाद पटेल, वडा सदस्य रामध्यान पटेल, स्थानीय विजय प्रसाद पटेल, रामाकान्त कुमार पटेल, दीपकराज पटेल लगायत विद्यालय परिवार, अभिभावक, बुद्धिजीवी र शिक्षाप्रेमीहरूको उपस्थिति रहेको थियो।

आरके श्रीवास्तव,राैतहट,१० गते माघ । 

कटहरिया । आज भेटेरिनरी अस्पताल तथा पशु सेवा विज्ञ केन्द्र, रौतहटको आयोजनामा कटहरिया नगरपालिका–८ अन्तर्गत पिप्रा पोखरियामा निःशुल्क पशु स्वास्थ्य शिविर कार्यक्रम सम्पन्न भएको छ । स्थानीयवासी, जनप्रतिनिधि तथा सरोकारवालाहरूको उल्लेखनीय उपस्थितिमा उक्त शिविर सञ्चालन गरिएको थियो ।

शिविरमा पशु चिकित्सक, प्राविधिक टोली तथा स्थानीय जनप्रतिनिधिहरूले सक्रिय र सहयोगी भूमिका निर्वाह गरेका थिए । शिविरमार्फत पशुपालक किसानहरूलाई खोरेत तथा पि.पि.आर. रोग विरुद्धको खोप सेवा, गोबर परीक्षण, रोग निदान तथा उपचार र दूध परीक्षणजस्ता सेवाहरू निःशुल्क रूपमा उपलब्ध गराइएको थियो ।

यो पशु स्वास्थ्य शिविर कटहरिया नगरपालिकाका वडा नम्बर ३, ८ र ९ गरी तीन वटा वडाका विभिन्न स्थानहरूमा आयोजना गरिएको थियो । सो अवसरमा वडा नम्बर ३ का वडा अध्यक्ष श्यामाकान्त यादव र वडा नम्बर ९ का वडा अध्यक्ष रूपेश यादवले पनि शिविर सफल बनाउन सहयोग पुर्‍याएका थिए ।

कार्यक्रमका क्रममा वडा नम्बर ८ का वडा अध्यक्ष समिश विक्रम शाहले पशुपालक किसानहरूको आयआर्जन र जीविकोपार्जनमा पशु स्वास्थ्य सेवाको ठूलो महत्व रहेको बताउँदै यस्ता निःशुल्क शिविरहरूले किसानलाई प्रत्यक्ष लाभ पुग्ने धारणा व्यक्त गर्नुभयो । उहाँले आगामी दिनमा पनि पशु सेवा सम्बन्धी कार्यक्रमहरूलाई निरन्तरता दिन वडा कार्यालय सधैं सहकार्य गर्न तयार रहेको उल्लेख गर्नुभयो ।

स्थानीय किसानहरूले शिविरबाट समयमै उपचार र परामर्श पाउन पाएको भन्दै आयोजकप्रति आभार व्यक्त गरेका छन् ।

बज्जिकाञ्चल संवाददाता,रा‌ैतहट,०६ गते माघ । 

कटहरिया । प्रतिनिधि सभा सदस्यका लागि रौतहट निर्वाचन क्षेत्र नम्बर ३ मा आम जनता पार्टीका अध्यक्ष प्रभु साहले वारेसमार्फत उम्मेदवारी दर्ता गराएका छन् । मुख्य निर्वाचन अधिकृतको कार्यालयमा उनका प्रतिनिधि (वारेस) मार्फत उम्मेदवारी दर्ता गरिएको हो ।

यसअघि सोही क्षेत्रबाट प्रभु साह चार पटकसम्म प्रतिनिधि सभा सदस्यमा निर्वाचित भइसकेका छन् । लामो समयदेखि रौतहट–३ को राजनीतिमा प्रभावशाली भूमिका निर्वाह गर्दै आएका साहको पुनः उम्मेदवारीसँगै क्षेत्रको राजनीतिक प्रतिस्पर्धा थप चर्किने अपेक्षा गरिएको छ ।

मनाेनय पछि प्रतिक्रिया दिदै उनले भने राैतहटकाे गाैरव बढाउने हाे । याे इतिहास पुनः दाेहाेरिने छ भने आफू विश्वस्त रहेको बताए ।

उम्मेदवारी दर्तापछि स्थानीय कार्यकर्ता तथा समर्थकहरू उत्साहित देखिएका छन् । निर्वाचन कार्यतालिका अनुसार अब उम्मेदवारहरूको नामावली प्रकाशन, दाबी–विरोध तथा अन्तिम नामावली प्रकाशनपछि चुनावी प्रचार–प्रसार तीव्र हुने निर्वाचन कार्यालयले जनाएको छ ।

हनुमत कुमार यादव,गाैर,०६ गते माघ । 

आगामी फागुन २१ गते हुने प्रतिनिधि सभा निर्वाचनका लागि रौतहट क्षेत्र नं. १ मा आज उम्मेदवारी दर्ता प्रक्रिया औपचारिक रूपमा सम्पन्न भएको छ । मुख्य निर्वाचन अधिकृतको कार्यालयमा विभिन्न राजनीतिक दल तथा स्वतन्त्र उम्मेदवारहरूले मनोनयन दर्ता गराएका छन् ।
‎
‎उम्मेदवारी दर्ता गर्ने प्रमुख उम्मेदवारहरूमध्ये नेकपा एमालेबाट अजय गुप्ता, नेकपाबाट पूर्व प्रधानमन्त्री माधव कुमार नेपाल, नेपाली कांग्रेसबाट अनिल झा, जनता समाजवादी पार्टी (जसपा) बाट योगेन्द्र यादव तथा राष्ट्रिय स्वतन्त्र पार्टी (रास्वपा) बाट राजेश चौधरी लगायतका उम्मेदवारहरु मनोनयन दर्ता गराएका छन् ।
‎
‎मनोनयन दर्तापछि उम्मेदवारहरूले संक्षिप्त मन्तव्य राख्दै लोकतान्त्रिक प्रक्रियाप्रति प्रतिबद्धता जनाएका थिए । नेकपा एमालेका उम्मेदवार अजय गुप्ताले विकास, सुशासन, स्थायित्व र रौतहट लाई बाढी प्रभावित मुक्त क्षेत्र बनाउने आफ्नो प्रमुख एजेन्डा रहेको बताउँदै जनताको विश्वास जित्ने दाबी गरे ।
‎
‎त्यसैगरी नेकपाका उम्मेदवार माधव कुमार नेपालले संविधानको रक्षा, लोकतन्त्रको सुदृढीकरण र सामाजिक न्यायका लागि आफू उम्मेदवार बनेको उल्लेख गरे । उनले रौतहटको समग्र विकासका लागि दीर्घकालीन योजना अघि सार्ने प्रतिबद्धता व्यक्त गरे ।

‎
‎नेपाली कांग्रेसका उम्मेदवार अनिल झाले समावेशी विकास, शिक्षा, स्वास्थ्य र रोजगारीलाई प्राथमिकतामा राख्ने बताउँदै जनताको मतबाट परिवर्तन सम्भव हुने विश्वास व्यक्त गरे ।
‎
‎जसपाका उम्मेदवार योगेन्द्र यादवले मधेसका मुद्दा, पहिचान र अधिकारको सुनिश्चितताका लागि आफ्नो उम्मेदवारी रहेको बताउँदै जनतासँग प्रत्यक्ष संवाद गर्दै अघि बढ्ने धारणा राखे ।
‎
‎रास्वपाका उम्मेदवार राजेश चौधरीले पुराना राजनीतिक अभ्यासको अन्त्य गर्दै नयाँ सोच र पारदर्शी राजनीतिमार्फत जनताको सेवा गर्ने प्रतिबद्धता जनाए ।
‎
‎मनोनयन दर्ता प्रक्रिया शान्तिपूर्ण रूपमा सम्पन्न भएको निर्वाचन कार्यालयले जनाएको छ । उम्मेदवारी दर्तासँगै रौतहट क्षेत्र नं. १ मा चुनावी सरगर्मी बढ्दै गएको छ भने आगामी दिनमा चुनावी प्रचार–प्रसार थप तीव्र हुने देखिएको छ ।
‎

‎
‎ हनुमत कुमार यादव,गाैर,०६ गते माघ । 

प्रादेशिक अस्पताल गौर रौतहटलाई ५० बेडबाट १०० बेडमा स्तरोन्नति गरिनुका साथै मधेश प्रदेशमै न्यूनतम सेवा मापदण्ड (Minimum Service Standards – MSS) कार्यान्वयनमा मधेश प्रदेशमै पहिलो स्थान हासिल गर्न सफल भएको छ ।
‎
‎न्यूनतम सेवा मापदण्ड कार्यान्वयन कार्यक्रमअन्तर्गत अस्पतालको अनुगमन, मूल्याङ्कन तथा समीक्षा गोष्ठि आज गौरमा भव्य रूपमा सम्पन्न भएको छ । उक्त कार्यक्रम अस्पताल व्यवस्थापन समितिका अध्यक्ष अवधेश यादवको अध्यक्षतामा सम्पन्न भएको हो ।
‎
‎कार्यक्रममा अध्यक्ष यादवले अस्पतालको स्तरोन्नतिले रौतहटसहित सीमावर्ती जिल्लाका नागरिकलाई गुणस्तरीय स्वास्थ्य सेवा उपलब्ध गराउन महत्वपूर्ण योगदान पुग्ने बताउनुभयो । “५० बेडबाट १०० बेडमा स्तरोन्नति हुनु भनेको केवल भौतिक विस्तार मात्र होइन, सेवाको गुणस्तर, पहुँच र विश्वासको विस्तार हो,” उहाँले भन्नुभयो । साथै उहाँले न्यूनतम सेवा मापदण्ड सफलतापूर्वक कार्यान्वयन गर्न सहयोग गर्ने सम्पूर्ण स्वास्थ्यकर्मी तथा सरोकारवालाप्रति आभार व्यक्त गर्नुभयो ।

‎
‎कार्यक्रममा बोल्दै मे. सु. मुरारी ठाकुरले न्यूनतम सेवा मापदण्ड कार्यान्वयनले अस्पतालको सेवा प्रवाह, व्यवस्थापन र बिरामीमैत्री वातावरणमा उल्लेखनीय सुधार आएको उल्लेख गर्नुभयो । “मधेश प्रदेशमै पहिलो स्थान प्राप्त गर्नु गौर अस्पतालका लागि गौरवको विषय हो, यसले अन्य अस्पताललाई पनि प्रेरणा दिनेछ,” उहाँको भनाइ थियो ।
‎
‎जनस्वास्थ्य अधिकृत राजेश सिंहले न्यूनतम सेवा मापदण्डले अस्पतालमा सेवा, सरसफाइ, औषधि व्यवस्थापन र मानव स्रोतको प्रभावकारी उपयोग सुनिश्चित गरेको बताउनुभयो । “यस उपलब्धिले सरकारी स्वास्थ्य संस्थाप्रति जनताको विश्वास अझ बलियो बनाएको छ,” उहाँले उल्लेख गर्नुभयो ।
‎
‎अस्पताल व्यवस्थापन समितिका सदस्य ओमप्रकाश साह मधेशीयाले गौर अस्पतालको यो सफलता सामूहिक प्रयासको परिणाम भएको बताउँदै आगामी दिनमा अझ प्रभावकारी र विशेषज्ञ सेवाहरू विस्तार गरिने प्रतिबद्धता जनाउनुभयो । “अबको लक्ष्य भनेको सेवा मात्र होइन, सेवाको निरन्तर गुणस्तर सुनिश्चित गर्नु हो,” उहाँले भन्नुभयो ।
‎
‎कार्यक्रममा प्रदेश बाट आएका संबन्धीत निकायका प्रतिनिधि, स्वास्थ्यकर्मी, कर्मचारी, सरोकारवाला निकायका प्रतिनिधि तथा स्थानीय व्यक्तित्वहरूको उपस्थिति रहेको थियो ।

आरएन पटेल, रौतहट, माघ ०६ गते ।
जनता समाजवादी पार्टी नेपाल रौतहट क्षेत्र नं. २ का प्रतिनिधि सभा उम्मेदवार राम अशिष राय यादवले आज निर्वाचन कार्यालय लौकाहामा औपचारिक रूपमा आफ्नो मनोनयन दर्ता गराउनुभएको छ ।
मनोनयन दर्ता कार्यक्रममा जसपा नेपाल रौतहटका केन्द्रीय, प्रदेश तथा स्थानीय तहका नेता-कार्यकर्ता, जनप्रतिनिधि, युवा तथा महिला संगठनका प्रतिनिधिहरूको उल्लेखनीय उपस्थिति रहेको थियो ।
जसपा नेपालका उम्मेदवार यादवले लोकतान्त्रिक विधि र संविधानअनुसार निर्वाचनमा सहभागी हुँदै जनताको अधिकार र पहिचानको लडाइँलाई अझ सशक्त बनाउने प्रतिबद्धता व्यक्त गरेका छन ।
उम्मेदवार यादवले मनोनयनपछि सञ्चारकर्मीहरूसँग कुरा गर्दै रौतहट क्षेत्र नं. २ का जनताको विकास, सुशासन, सामाजिक न्याय र समावेशी लोकतन्त्र आफ्नो मुख्य एजेन्डा रहेको बताउनुभयो । उहाँले जनताको भरोसा र समर्थनका साथ निर्वाचनमा विजय हासिल गर्ने विश्वाससमेत व्यक्त गर्नुभयो ।
मनोनयन दर्ता कार्यक्रम शान्तिपूर्ण र उत्साहपूर्ण वातावरणमा सम्पन्न भएको छ। जसपा नेपालले आगामी निर्वाचनलाई जनताको पक्षमा निर्णायक बनाउने लक्ष्यसहित संगठनात्मक रूपमा अघि बढिरहेको पार्टी नेताहरू तथा जिल्ला अध्यक्ष राजीव रंजन यादवले बताएका छन।

आरके श्रीवास्तव,राैतहट,०६ गते माघ । 

रौतहट क्षेत्र नम्बर २ मा जनमत पार्टीको तर्फबाट सोनु कुशवाहाले उम्मेदवारी मनोनयन दर्ता गराउनुभएको छ । मनोनयन दर्ता पश्चात उहाँले युवाको आवाज संसदसम्म पुर्‍याउने, भ्रष्टाचारविरुद्ध दृढ रूपमा उभिने तथा जनताको अधिकार, विकास र सुशासनका लागि निडर भएर काम गर्ने प्रतिबद्धता व्यक्त गर्नुभएको छ ।

 

कुशवाहाले आफू जेन–जी युवाको प्रतिनिधिका रूपमा चुनावी मैदानमा उत्रिएको बताउँदै देशको राजनीति अब नयाँ सोच, पारदर्शिता र जवाफदेहिताको दिशामा अघि बढ्नुपर्ने आवश्यकता औंल्याउनुभयो । युवाको ऊर्जा र विचारलाई नीति निर्माणको केन्द्रमा राखेर काम गर्ने उहाँको भनाइ छ ।

जनमत पार्टीले रौतहट क्षेत्र नम्बर २ मा युवा नेतृत्वलाई अघि सार्दै परिवर्तनको सन्देश दिन खोजेको जनाएको छ । स्थानीय स्तरमा सक्रिय युवाहरू र मतदातामाझ कुशवाहाको उम्मेदवारीले नयाँ बहस र उत्साह सिर्जना गर्ने अपेक्षा गरिएको छ ।

आरके श्रीवास्तव,राैतहट,०६ गते माघ । 

कटहरिया । रौतहट–३ बाट नेपाल काँग्रेसका तर्फबाट प्रतिनिधिसभा सदस्यका लागि आगामी फाल्गुन २१ गते हुने निर्वाचनमा रामकृपाल यादवले मनोनयन दर्ता गराएका छन् । शिक्षण पेशाबाट राजनीतिमा प्रवेश गरेका यादवको उम्मेदवारीले स्थानीय राजनीतिक वृत्तमा नयाँ तरंग ल्याएको छ ।

 

मनोनयन दर्ताका क्रममा यादवले जेन–जी आन्दोलनले आफ्नो मन छोएको उल्लेख गर्दै देशमा रूल अफ ल र सुशासन कायम गर्न पढेलेखेका व्यक्तिहरू राजनीतिमा आउनुपर्ने आवश्यकता औँल्याए । “पढेलेखेका मान्छे यदि राजनीतिमा आएनन् भने उनीहरूमाथि मुर्खले शासन गर्छ,” उनले भने।

यसअघि पार्टीको शुभेच्छुक संस्थाको जिम्मेवारी सम्हाल्दै आएका यादवले उक्त जिम्मेवारी छोडेर सक्रिय राजनीतिमा आएको बताए । उनले आफूलाई एकपटक मौका दिन आग्रह गर्दै जनताको विश्वास र समर्थनले मात्र देशमा सकारात्मक परिवर्तन सम्भव हुने धारणा व्यक्त गरे ।

 

उनको उम्मेदवारीले रौतहट–३ को चुनावी प्रतिस्पर्धा थप चर्किने अपेक्षा गरिएको छ ।

आरके श्रीवास्तव,राैतहट,०६ गते माघ । 

कटहरिया । रौतहट निर्वाचन क्षेत्र नम्बर ३ बाट राष्ट्रिय स्वतन्त्र पार्टी (रास्वपा) को तर्फबाट रविन्द्र पटेल धिरजले मनोनयन दर्ता गराएका छन् । आगामी प्रतिनिधिसभा निर्वाचनलाई लक्षित गर्दै उनले आज निर्वाचन अधिकृतको कार्यालय कटहरियामा पुगेर आफ्नो उम्मेदवारी दर्ता गराएका हुन् ।

 

यसअघि २०७९ सालमा सम्पन्न प्रतिनिधिसभा निर्वाचनमा पनि उम्मेदवार बनेका धिरजले ८ हजार ५८ मत प्राप्त गरेका थिए । अघिल्लो निर्वाचनमा अपेक्षित परिणाम नआए पनि यसपटक जनतामा परिवर्तनको चाहना अझ प्रबल देखिएको उनको भनाइ छ ।

क्षेत्र नम्बर ३ का स्थानीय मतदाताहरूले भ्रष्टाचारविरुद्ध कडा आवाज उठाउने उम्मेदवारलाई मतदान गर्ने प्रतिक्रिया दिएको धिरजको दाबी छ । “अब पुरानै शैलीको राजनीति स्वीकार्य छैन, इमानदार र जवाफदेही नेतृत्व चाहिएको छ,” स्थानीय एक मतदाताले प्रतिक्रिया दिए ।

 

रास्वपाले सुशासन, पारदर्शिता र भ्रष्टाचारविरुद्ध शून्य सहनशीलताको नीतिलाई प्रमुख एजेन्डा बनाउँदै आएको छ । सोही एजेन्डालाई लिएर आफू जनतामाझ जाने धिरजले बताएका छन् ।

 

अब रौतहट क्षेत्र नम्बर ३ मा विभिन्न दलका उम्मेदवारबीच कडा प्रतिस्पर्धा हुने अनुमान गरिएको छ ।

आरके श्रीवास्तव,राैतहट,०६ गते माघ । 

कटहरिया । रौतहट–३ मा नेपाली कम्युनिस्ट पार्टी (नेकपा) को तर्फबाट पुनम यादवले आधिकारिक रूपमा मनोनयन दर्ता गराएकी छन् । मनोनयन दर्तापछि प्रतिक्रिया दिँदै उनले आफू निर्वाचित भएमा रौतहट–३ लाई विश्व स्तरमा चिनाउने गरी काम गर्ने प्रतिबद्धता व्यक्त गरिन् ।

पुनम यादव सन्त–महन्त तथा बलिउडका ठूला–ठूला सेलिब्रेटीसँग नजिक मानिन्छिन् । यही अन्तर्राष्ट्रिय तथा राष्ट्रिय पहुँचलाई प्रयोग गर्दै उनले क्षेत्रको समग्र विकासमा नयाँ सम्भावना खोल्ने बताइन् ।

उनका अनुसार आफू निर्वाचित भएमा विशेषगरी तीन वटा प्राथमिक क्षेत्रमा केन्द्रित भएर काम गरिनेछ । ती क्षेत्रहरू रोजगारी, शिक्षा र स्वास्थ्य रहेका छन् । रोजगारीका लागि युवालाई स्वदेशमै अवसर सिर्जना गर्ने, शिक्षामा गुणस्तर सुधार तथा पहुँच विस्तार गर्ने, र स्वास्थ्य सेवामा आधुनिक सुविधा तथा सहज उपचारको व्यवस्था गर्ने उनको योजना रहेको छ ।

 

मनोनयन दर्ताका क्रममा उनका समर्थकहरूको उल्लेखनीय उपस्थिति देखिएको थियो । समर्थकहरूले पुनम यादवको उम्मेदवारीले रौतहट–३ मा नयाँ राजनीतिक सन्देश जाने विश्वास व्यक्त गरेका छन् ।

 

स्थानीय स्तरमा विकास, अन्तर्राष्ट्रिय पहिचान र जनमुखी योजनालाई जोड दिँदै अघि बढ्ने पुनम यादवको प्रतिबद्धताले आगामी निर्वाचनमा रौतहट–३ को राजनीतिक माहोल थप रोचक बन्ने देखिएको छ ।

आरके श्रीवास्तव,रा‌ैतहट,०६ गते माघ । 

कटहरिया । रौतहट क्षेत्र नम्बर ३ मा जनमत पार्टीको तर्फबाट प्रवेज आलमले आफ्नो मनोनयन दर्ता गराएका छन् । लामो समयदेखि सामाजिक सेवामा निरन्तर सक्रिय रहँदै आएका आलमको उम्मेदवारीले स्थानीय राजनीतिक गतिविधि थप चर्किएको छ ।

मनोनयन दर्ताको प्रक्रिया सुरु भएसँगै यस क्षेत्रबाट हालसम्म आलमसहित ६ जनाले आफ्नो उम्मेदवारी दर्ता गराइसकेका छन् । विभिन्न दल तथा स्वतन्त्र उम्मेदवारहरूको सहभागिताले आगामी निर्वाचन प्रतिस्पर्धात्मक हुने संकेत देखिएको छ ।

सामाजिक सेवामार्फत पहिचान बनाएका आलमले स्थानीय विकास, शिक्षा, स्वास्थ्य तथा रोजगारीका विषयलाई प्राथमिकतामा राख्दै जनताका समस्या समाधानका लागि आफू उम्मेदवार बनेको बताएका छन् । मनोनयन दर्तापछि समर्थकहरूबीच उत्साह देखिएको छ ।

निर्वाचन नजिकिँदै जाँदा रौतहट क्षेत्र नम्बर ३ मा राजनीतिक सरगर्मी अझ बढ्ने अपेक्षा गरिएको छ ।

आरके श्रीवास्तव,राैतहट,०६ गते माघ । 

कटहरिया । रौतहट क्षेत्र नम्बर ३ मा नेकपा एमालेको तर्फबाट कुन्दन कुशवाहाले मनोनयन दर्ता गराएका छन् । उहाँ निर्वाचन अधिकृतको कार्यालयमा दलबल सहित स्वयम् उपस्थित भई मनोनयन दर्ता गराउनुभएको हो ।

मनोनयन दर्तापछि प्रतिक्रिया दिँदै कुशवाहाले यस क्षेत्रको निर्वाचन सत्य र तथ्यको लडाइँ भएको बताउनुभयो । उहाँले विदेशी हस्तक्षेप बढ्दै गएको दाबी गर्दै त्यसको विरुद्ध नेकपा एमालेको संघर्ष रहेको उल्लेख गर्नुभयो । “यो क्षेत्रमा सत्य–तथ्यको लडाइँ छ । विदेशी हस्तक्षेप बढेको छ । त्यसको विरुद्ध नेकपा एमालेको लडाइँ छ । मेरो उम्मेदवारी पनि त्यही लडाइँको हिस्सा हो,” उहाँले भन्नुभयो ।

उहाँले आफ्नो उम्मेदवारी युवाहरूको आह्वानमा अघि बढेको समेत बताउनुभयो । युवाहरूले परिवर्तन र स्वच्छ राजनीतिका लागि आफूलाई अघि सार्न आग्रह गरेकाले उम्मेदवारी दिएको उहाँको भनाइ छ ।

कुन्दन कुशवाला २०७४ सालको निर्वाचनमा मधेस प्रदेश सभामा निर्वाचित भइसकेका अनुभवी नेता हुनुहुन्छ । राजनीतिक अनुभव र क्षेत्रप्रतिको परिचयका कारण उहाँको उम्मेदवारीलाई रौतहट क्षेत्र नम्बर ३ मा अर्थपूर्ण रूपमा हेरिएको छ ।

 

आरके श्रीवास्तव,राैतहट,०६ गते माघ । 

कटहरिया । रौतहट निर्वाचन क्षेत्र नम्बर ३ मा प्रतिनिधिसभा सदस्यका लागि मनोनयन दर्ता प्रक्रिया जारी रहेको छ । हालसम्म ६ जना उम्मेदवारले मनोनयन दर्ता गराएका छन् ।

मनोनयन दर्ता गराउनेहरूमा आजपाका तर्फबाट प्रभु साह, नेकपा (एमाले) का कुन्दन कुशवाहा, नेपाल मजदुर किसान पार्टीकी रेखा कुमारी पटेल, जनमत पार्टीका सेख प्रवेज आलम, स्वतन्त्र उम्मेदवार राजेश साह तथा मंगोल नेशनल अर्गनाइजेसनका तर्फबाट उत्तर बहादुर राना रहेका छन् ।

निर्वाचन अधिकृत अवधकिशोर कुशवाहाका अनुसार मनोनयन दर्ता प्रक्रिया तोकिएको कार्यतालिका अनुसार शान्तिपूर्ण रूपमा अघि बढिरहेको छ । उहाँले आवश्यक कागजातसहित उम्मेदवारहरू मनोनयन दर्ताका लागि निर्वाचन कार्यालयमा उपस्थित भइरहेको जानकारी दिनुभयो ।

रौतहट क्षेत्र नम्बर ३ को निर्वाचन कार्यालय कटहरिया नगरपालिकामा रहेको छ । आगामी दिनमा मनोनयन जाँच, दाबी–विरोध तथा उम्मेदवारको अन्तिम नामावली प्रकाशन गर्ने कार्यक्रम तय भएको निर्वाचन कार्यालयले जनाएको छ ।

राैतहट,माघ ६ गते । 

प्रभु साह नेतृत्वको आम जनता पार्टी (आजपा) बाट बारा निर्वाचन क्षेत्र नं. १ मा आम जनता पार्टीका केन्द्रीय अध्यक्ष प्रभु साहका  स्वकीय सचिव विजय यादव ‘निर्विज’ले औपचारिक रूपमा आफ्नो उम्मेदवारी घोषणा गर्नुभएको छ। विगत छ वर्षभन्दा बढी समयदेखि पार्टी संगठन सुदृढीकरण तथा जनसेवामा सक्रिय रहँदै आउनुभएका यादव अनुभव, इमान्दारिता र जनउत्तरदायी सोचसहित चुनावी मैदानमा उत्रनुभएको हो।

उम्मेदवारी घोषणा कार्यक्रममा बोल्दै यादवले बारा–१ का आम जनताको चाहनालाई केन्द्रमा राख्दै जनताको दुःख–सुखमा सधैं साथ दिने प्रतिबद्धता व्यक्त गर्नुभयो। उहाँले भ्रष्टाचारविरुद्ध कुनै सम्झौता नगरी अडिग रूपमा उभिने, विकास र सुशासनलाई प्राथमिकतामा राखी प्रभावकारी आवाज उठाउने स्पष्ट धारणा सार्वजनिक गर्नुभयो।

यादवले बारा १ लाई पछाडि पार्ने विगतका अभ्यासको अन्त्य गर्दै शिक्षा, स्वास्थ्य, पूर्वाधार, रोजगारी र सामाजिक न्यायका क्षेत्रमा ठोस परिवर्तन ल्याउने आफ्नो मुख्य लक्ष्य रहेको बताउनुभयो। “अब भाषण होइन, परिणाममुखी कामको आवश्यकता छ,” भन्दै उहाँले जनताको विश्वास नै आफ्नो सबैभन्दा ठूलो शक्ति भएको उल्लेख गर्नुभयो।

आम जनता पार्टीले बारा–१ मा लामो समयदेखि व्याप्त विकासको असन्तुलन, सुशासनको अभाव र जनसमस्याको समाधानका लागि सक्षम, निष्ठावान र संघर्षशील नेतृत्व आवश्यक रहेको बताउँदै विजय यादव ‘निर्विज’लाई आधिकारिक उम्मेदवारका रूपमा अघि सारेको जनाएको छ।

पार्टीका अनुसार बारा–१ मा अब परिवर्तन अपरिहार्य भइसकेको छ। “जनताको भरोसा, आम जनता पार्टी” भन्ने नाराका साथ मोबाइल चिन्हमा मतदान गर्न पार्टीले सम्पूर्ण मतदातालाई आग्रह गरेको छ।

 

रौतहट, ६ माघ ।
संविधानसभाका सदस्य एवं जनता समाजवादी पार्टी नेपाल (जसपा) कार्यकारिणी समिति सदस्य आत्माराम साहले पार्टी परित्याग गरेको घोषणा गरेका छन् ।

जसपा परित्याग गरेका साह आम जनता पार्टी (आजपा)मा प्रवेश गरेका छन् । आजपा अध्यक्ष एवं पूर्वमन्त्री प्रभु साहले आज उनलाई आजपामा प्रवेश गराउदै पार्टीमा स्वागत गरेका छन् ।

आजपा प्रवेश गरेका साह २१ फागुनमा हुने प्रतिनिधिसभा सदस्य निर्वाचनमा बारा क्षेत्र नं. २ बाट उम्मेदवार भएका छन् । उनी आज बारा २ बाट उम्मेदवारी दर्ता गराउदैछन् । ईन्जिनियर समेत रहेका साह मधेस प्रदेशकै स्वच्छ एवं चर्चित नेता हुन् ।

उनी विगत लामो समयदेखी जसपा अध्यक्ष उपेन्द्र यादव निकट रहेर काम गर्दै आएका थिए । बाराको गंजभवानीपुर निवासी साहलाई बारा २ बाट आजपाले टिकट दिएपछि सो क्षेत्रका आम जनता उत्साही छन् ।

आरके श्रीवास्तव,राैतहट,०५ गते माघ । 

रौतहट । नेपाली कम्युनिस्ट पार्टीबाट टिकट नपाएपछि रविन्द्र पटेल धिरजले रौतहट निर्वाचन क्षेत्र नम्बर ३ बाट राष्ट्रिय स्वतन्त्र पार्टी (रास्वपा) को तर्फबाट उम्मेदवारी दिने घोषणा गरेका छन् ।

सामाजिक संजाल मार्फत आफ्नो सार्वजनिक भनाइमार्फत उनले देशमा न्याय, सुशासन र वास्तविक परिवर्तनको माग अझै जीवित रहेको उल्लेख गर्दै विगतको जेन–जि आन्दोलनमा युवाहरूले दिएको बलिदान व्यर्थ जान नदिन आफू सत्यको पक्षमा दृढतापूर्वक उभिएको बताएका छन् । “माथिबाट पटक–पटक दबाब, धम्की र डर देखाइए पनि मेरो संकल्प कमजोर भएको छैन,” उनले भनेका छन्।

पटेलले रौतहट–३ मा हत्या, हिंसा, भ्रष्टाचार र दण्डहीनताको राजनीतिलाई अन्त्य गर्न निर्णायक समय आएको दाबी गर्दै भोलि कटहरियामा शुभेच्छुक, समर्थक र नागरिकहरूको सल्लाह, सुझाव र आशीर्वादका आधारमा औपचारिक निर्णय लिने बताएका छन् । उनले जनताको आवाज सदनसम्म पुर्‍याउने उद्देश्यसहित राष्ट्रिय स्वतन्त्र पार्टीबाट उम्मेदवारी दिने प्रतिबद्धता व्यक्त गरेका छन् ।

“यो लडाइँ हिंसाको होइन, यो लडाइँ मतपत्र, विवेक र जनताको एकताबाट इतिहास लेख्ने लडाइँ हो,” पटेलले आफ्नो भनाइमा उल्लेख गरेका छन् । रौतहट–३ मा अब नयाँ सोच, नयाँ नेतृत्व र जनउत्तरदायी राजनीतिबाट परिवर्तन सम्भव हुने उनको दाबी छ ।

२०७९ सालको प्रतिनिधिसभा निर्वाचनमा रविन्द्र पटेल धिरजले ८ हजार ५८ मत प्राप्त गरेका थिए । यसपटक उनले काठमाडौं महानगरपालिकाका मेयर बालेन साह र राष्ट्रिय स्वतन्त्र पार्टीका सभापति रवि लामिछानेले अघि सारेको वैकल्पिक राजनीतिबाट प्रेरित भएर चुनावी प्रतिस्पर्धामा होमिने बताएका छन् ।

उनले अन्त्यमा सबैलाई एकजुट हुन आह्वान गर्दै “परिवर्तन सम्भव छ, यदि हामी सबै एकजुट भयौँ भने,” जय घण्टी ।

भन्दै आफ्नो भनाइ टुंग्याएका छन् ।

 

आरके श्रीवास्तव,राैतहट,०५ गते माघ । 

रौतहट । चमार कल्याण समाज नेपाल, केन्द्रीय समितिका उपाध्यक्ष पुनित रामको अध्यक्षतामा रौतहट जिल्लाभरिका चमार समुदायका अगुवा, जनप्रतिनिधि, नेता–अभियन्ता, महिला नेतृ, विभिन्न संघ–संस्थामा आवद्ध पदाधिकारी, बुद्धिजीवी, कर्मचारी/शिक्षक तथा पत्रकारहरूको बैठक सम्पन्न भएको छ ।

रौतहट क्षेत्र नं. ३ अन्तर्गत गुजरा नगरपालिका वडा नं. ८ स्थित केवल राम सुरत क्याम्पसको प्राङ्गणमा सम्पन्न उक्त बैठकले सन्त गुरु रविदासको जन्मजयन्ती भव्य रूपमा मनाउने सर्वसम्मत निर्णय गरेको छ ।

बैठकको निर्णयअनुसार यही आउँदो मिति २०८२ माघ १८ गते गुजरा नगरपालिका वडा नं. ९, सिमरा भवानीपुरको बजार प्राङ्गणमा सन्त गुरु रविदासकाे जन्मजयन्ती भव्य कार्यक्रमका साथ मनाइनेछ ।

कार्यक्रमलाई सफल बनाउन विभिन्न उपसमिति गठन गर्ने, समुदायस्तरमा व्यापक सहभागिता सुनिश्चित गर्ने तथा सामाजिक सद्भाव, समानता र गुरु रविदासको शिक्षालाई जनजनमा पुर्‍याउने उद्देश्यले विविध कार्यक्रमहरू आयोजना गरिने निर्णय गरिएको छ ।

बैठक सफलतापूर्वक सम्पन्न भएको जानकारी रामले दिनुभएको हो ।

 

आरके श्रीवास्तव,राैतहट,०५ गते माघ । 

रौतहट । आगामी फागुन २१ गते हुने प्रतिनिधि सभा सदस्य निर्वाचनमा रौतहट क्षेत्र नम्बर ३ मा नेकपा एमालेको तर्फबाट पार्टी केन्द्रिय सदस्य कुन्दन कुशवाहाले उम्मेदवारी दिने भएका छन् । पार्टीको निर्णयअनुसार, उनले उक्त क्षेत्रबाट उम्मेदवारको रुपमा टिकट प्राप्त गरेका हुन् ।

कुन्दन कुशवाहा एक अनुभवी नेता हुनुहुन्छ र पार्टीका विभिन्न महत्त्वपूर्ण जिम्मेवारीहरूमा काम गर्नुभएको छ । उहाँको नेतृतवमा पार्टीले रौतहटमा अझ प्रभावकारी रूपमा उपस्थिती जनाउने विश्वास गरिएको छ । उहाँको उम्मेदवारीसँगै रौतहट क्षेत्र ३ मा नेकपा एमालेको आधार सुदृढ गर्ने र पार्टीका नीति र दृष्टिकोणलाई जनतासम्म पुर्याउने लक्ष्य रहेको छ ।

नेता कुशवाहालाई बधाई र शुभकामना व्यक्त गर्दै, पार्टीका नेता र कार्यकर्ताहरूले आगामी निर्वाचनमा ठूलो समर्थनको आशा व्यक्त गरेका छन् ।

आरके श्रीवास्तव,राैतहट,०५ गते माघ । 

राैतहट । निर्वाचन क्षेत्र नम्बर ३ को केन्द्र रहेको कटहरियामा आज सर्वदलीय बैठक सम्पन्न भएको छ । निर्वाचन आयोगको कार्यतालिका अनुसार माघ ६ गते हुने उम्मेदवारहरूको मनोनयन दर्ता सम्बन्धमा केन्द्रित रही बैठक आयोजना गरिएको हो ।

बैठकमा मनोनयन दर्ताको समय बिहान १० बजेदेखि साँझ ५ बजेसम्म रहने, उम्मेदवारले अनिवार्य रूपमा सम्पत्ति विवरण बुझाउनुपर्ने तथा मनोनयन दर्ताका क्रममा कार्यालयभित्र ५ जनाभन्दा बढी प्रवेश गर्न नपाइने विषयमा विस्तृत छलफल भएको निर्वाचन अधिकृत उपसचिव अवधकिशोर प्रसाद कुशवाहाले जानकारी दिनुभयो । उहाँका अनुसार बैठकमा उपस्थित सबै दलका प्रतिनिधिहरूले ती विषयमा सहमति जनाएका छन् ।

 

बैठकमा सहभागी जसपा नेपालका नेता विजय चौधरीले दलहरूले निर्वाचन आचारसंहिता कडाइका साथ पालना गर्नुपर्ने, मनोनयन दर्ताका क्रममा भिडभाड गर्न नपाइने तथा शान्तिपूर्ण वातावरण कायम गर्नुपर्ने विषयमा समेत छलफल भएको जानकारी गराउनुभयो ।

 

सो अवसरमा सहायक निर्वाचन अधिकृत जोखिम ठाडा मगर, निर्वाचनमा खटिएका कर्मचारीहरू,ईलाका प्रहरी कार्यालय कटहरियाका प्रमुख प्रहरी नायब निरिक्षक धर्मेन्द्र पाैडेल,सशस्त्र प्रहरी बलका रामबहादुर अयर तथा अन्य सरोकारवाला व्यक्तिहरूको सहभागिता रहेको थियो ।

 

निर्वाचनलाई निष्पक्ष, शान्तिपूर्ण र व्यवस्थित रूपमा सम्पन्न गराउने उद्देश्यले यस्ता सर्वदलीय बैठकहरू उपयोगी हुने सहभागीहरूको भनाइ रहेको छ ।

आरके श्रीवास्तव,राैतहट,०५ गते माघ ।

रौतहट ।  जसपा नेपाल पार्टीका पूर्व राष्ट्रिय उपाध्यक्ष तथा संविधान सभा सदस्य गोविन्द चौधरी रौतहट निर्वाचन क्षेत्र नं. ३ बाट आगामी निर्वाचनमा उम्मेदवारी दिने निश्चित भएका छन् ।

रौतहट क्षेत्र नं. ३ मधेस आन्दोलनको राजनीतिक चेतना, संघर्ष र पहिचानको प्रतीक क्षेत्र मानिन्छ। यहाँका आदिवासी, जनजाति, दलित, मुस्लिम, अल्पसंख्यक, महिला, युवा लगायतका समूहका अधिकार, संघीयता, समावेशिता, सुशासन तथा सामाजिक न्यायका लागि निरन्तर उठाउँदै आएका नेता गोविन्द चौधरी स्वच्छ छविका, राजनीतिक रूपमा अनुभवी र संघर्षशील नेता हुन् ।

पूर्व केन्द्रिय उपाध्यक्ष चौधरीले राजनीतिक जीवनभर कुनै पनि प्रकारको बदनामी वा विवादबाट टाढा रहँदै जनताको विश्वास जित्दै आएका छन् । उनका अनुभव र संघर्षले रौतहट क्षेत्र नं. ३ का जनता, कार्यकर्ता र समर्थकहरूबीच ठूलो उत्साह र समर्थन सिर्जना गरेको बताइएको छ ।

उम्मेदवार चौधरीको उम्मेदवारी घोषणासँगै क्षेत्र नं. ३ का सम्पूर्ण नेता, कार्यकर्ता र क्षेत्रबासीहरुलाई सचेत रहन र सक्रिय सहभागी हुन आह्वान गरिएको छ ।

 

आरके श्रीवास्तव,राैतहट,०५ गते माघ । 

रौतहट । नेपाली कम्युनिस्ट पार्टी (नेकपा) ले रौतहट निर्वाचन क्षेत्र नम्बर ३ बाट पुनम यादवलाई उम्मेदवारका रूपमा अघि सारेसँगै यस क्षेत्रमा चुनावी माहोल थप तातिएको छ । पार्टीबाट औपचारिक रूपमा टिकट पाएपछि क्षेत्र नम्बर ३ को प्रतिस्पर्धा झनै रोचक र कडा हुने देखिएको छ । पुनम यादव सम्भवतः यस क्षेत्रमा पहिलोपटक सशक्त महिला उम्मेदवारका रूपमा चुनावी मैदानमा उत्रिन लागेकी हुन् ।

 

पुनम यादव अभिनेता तथा विभिन्न सन्त–महात्मासँगको निकट सम्बन्धका कारण चर्चामा रहँदै आएकी छन् । कलाकार र धार्मिक व्यक्तित्वहरूसँगको लगावकै कारण उनी सर्वसाधारण माझ लोकप्रिय रहेको बताइन्छ । यही सामाजिक पहिचान र लोकप्रियताले उनलाई उम्मेदवार बनाइएको भन्ने चर्चा स्थानीय स्तरमा चलिरहेको छ ।

 

यद्यपि, टिकट वितरणसँगै नेकपा रौतहट क्षेत्र नम्बर ३ भित्र आन्तरिक असन्तुष्टि सतहमा आएको छ । नेकपाका नेता रामाकान्त चौरसियाले सामाजिक सञ्जालमार्फत खुला असन्तुष्टि व्यक्त गरेका छन् । उनले क्षेत्रीय भेलाको निर्णयलाई बेवास्ता गर्दै केन्द्रबाट उम्मेदवार थोपरिएको आरोप लगाएका छन् ।

 

चाैरसियाका अनुसार क्षेत्रीय भेलाले प्रतिनिधि सभाका लागि धिरज पटेल, बिन्देश्वर यादव र रामभरोस यादवलाई सिफारिस गरेको थियो । तर ती सिफारिसलाई लत्याउँदै पुनम यादवलाई टिकट दिइएको भन्दै उनले प्रश्न उठाएका छन् ।

 

उनलाई कुन प्रक्रिया र कुन आधारमा टिकट दिइयो भन्ने विषय अहिले रौतहट क्षेत्र नम्बर ३ मा मात्र होइन, समग्र राजनीतिक वृत्तमै व्यापक चर्चाको विषय बनेको छ । पार्टी नेतृत्वको निर्णयले आगामी दिनमा नेकपाभित्रको आन्तरिक समीकरण र चुनावी रणनीतिमा कस्तो असर पार्ला भन्ने चासोसमेत बढेको छ ।

 

टिकट वितरणपछि देखिएको असन्तुष्टि व्यवस्थापन गर्न नसके नेकपाका लागि यो क्षेत्र चुनौतीपूर्ण बन्न सक्ने विश्लेषकहरूको भनाइ छ । यद्यपि, सशक्त महिला उम्मेदवारको आगमनले भने यस क्षेत्रको चुनावी बहसलाई नयाँ मोड दिएको छ ।

आरके श्रीवास्तव,राैतहट,०५ गते माघ । 

रौतहट क्षेत्र नम्बर ३ बाट प्रतिनिधिसभा निर्वाचनमा नेकपा एमालेको तर्फबाट उम्मेदवारी दिने तयारीमा रहनु भएका नेकपा एमालेका केन्द्रीय सदस्य कुन्दन कुशवाहाले औपचारिक रूपमा आफ्नो उम्मेदवारीबारे जानकारी गराउनु भएको छ ।

कुशवाहाका अनुसार आगामी फाल्गुन २१ मा हुुने निर्वाचनमा  नेकपा एमालेको पार्टी केन्द्रीय सचिवालयको निर्णयअनुसार रौतहट क्षेत्र नम्बर ३ मा प्रत्यक्षतर्फको टिकट सुनिश्चित भइसकेको छ । “पार्टीको निर्णयअनुसार मलाई प्रत्यक्षतर्फ उम्मेदवार बनाइएको छ। पार्टी र जनताको विश्वासलाई जितमा बदल्न म पूर्ण रूपमा प्रतिबद्ध छु,” उहाँले बताउनु भयो ।

उहाँ २०७४ सालको निर्वाचनमा मधेस प्रदेश सभामा निर्वाचित भइसकेका अनुभवी नेता हुनुहुन्छ । विगतको राजनीतिक अनुभव र संगठनात्मक सक्रियताका कारण यस क्षेत्रका कार्यकर्ता तथा समर्थकहरू उत्साहित देखिएका छन् ।

कुशवाहाले मनोनयन दर्ताका लागि आफू पूर्ण रूपमा तयार रहेको पनि स्पष्ट पार्नु भएको छ । “आगामी निर्वाचनमा रौतहट क्षेत्र नम्बर ३ बाट नेकपा एमालेको विजय सुनिश्चित गर्न सबैसँग सहकार्य गर्दै अघि बढ्नेछु,” उहाँको भनाइ छ ।

यसैबीच, नेकपा एमाले रौतहट क्षेत्र नम्बर ३ ले पार्टी केन्द्रीय सचिवालयको निर्णयअनुसार कमरेड कुन्दन कुशवाहालाई प्रत्यक्षतर्फ टिकट सुनिश्चित भएकोमा अग्रिम बधाई तथा शुभकामना व्यक्त गरेको छ । पार्टीले आगामी निर्वाचनमा कुशवाहाको नेतृत्वमा सशक्त प्रतिस्पर्धा हुने विश्वास व्यक्त गरेको छ ।

आरके श्रीवास्तव,राैतहट,०४ गते माघ । 

जेनजी २.० का राैतहट अध्यक्ष सोनु कुशवाहा जनमत पार्टीमा प्रवेश गरेका छन् । केही दिनअघि जनमत पार्टीका राष्ट्रिय अध्यक्ष डा. सीके राउतले उनलाई औपचारिक रूपमा पार्टीमा स्वागत गरेका थिए ।

 

जेनजी २.० का अध्यक्षका रूपमा कुशवाहाले केवल विरोधमा सीमित नभई विभिन्न सामाजिक तथा सार्वजनिक सरोकारका विषयमा सम्बन्धित निकायको ध्यानाकर्षण गराउँदै सकारात्मक अभियान सञ्चालन गरेका थिए । उनको पहलमा परोहा नगरपालिकाका विद्यालय तथा अस्पतालहरूमा उल्लेखनीय सुधार आएको बताइन्छ । यस्तै, बौधीमाई नगरपालिकामा पनि उनले सुधारमुखी अभियान चलाएका थिए ।

 

पार्टी प्रवेशपछि ईशनाथ नगरपालिकाको औरैया क्षेत्रमा जनमत पार्टीका नेता तथा कार्यकर्ताहरूले कुशवाहालाई स्वागत तथा सम्मान थिए । आईटी इन्जिनियर, समाजसेवी एवम् गायकसमेत रहेका कुशवाहा आगामी राैतहट निर्वाचन क्षेत्र नम्बर २ बाट प्रतिनिधि सभा सदस्य पदका लागि उम्मेदवार बन्ने तयारीमा छन् । उनी जनमत पार्टीकै तर्फबाट निर्वाचन लड्ने मुडमा रहेको बुझिएको छ ।

 

हाल कुशवाहाले गाउँ–गाउँमा पुगेर स्थानीय जनतासँग प्रत्यक्ष भेटघाटलाई तीव्र बनाएका छन् । सोही क्रममा बन्जारहा गाउँमा स्थानीय जनतासँग विशेष भेटघाट कार्यक्रम सम्पन्न भएको छ । कार्यक्रममा स्थानीयले विकास, शिक्षा, स्वास्थ्य र रोजगारीका विषयमा आफ्ना धारणा राखेका थिए ।

स्थानीय तहदेखि राष्ट्रिय राजनीतिसम्म सक्रिय भूमिका खेल्दै आएका कुशवाहाको जनमत पार्टी प्रवेशलाई राैतहटको राजनीतिक परिवेशमा अर्थपूर्ण रूपमा हेरिएको छ ।

आरके श्रीवास्तव,राैतहट,०४ गते माघ । 

रौतहट । आज आइतवार र भोलि सोमबार रौतहटको राजनीतिक वातावरण निकै रोचक बनेको छ । प्रतिनिधिसभा निर्वाचनका लागि दलहरूले टिकट वितरण प्रक्रिया सुरु गरेसँगै जिल्लाको चुनावी माहोल अर्को चरणमा प्रवेश गरेको छ ।

 

निर्वाचन आयोगले माघ ०६ गते उम्मेदवारहरूको मनोनयन दर्ता गराउने कार्यतालिका सार्वजनिक गरेसँगै दलहरू थप दबाबमा परेका छन् । तोकिएको समयभित्र उम्मेदवारको टुंगो लगाउनुपर्ने भएकाले राजनीतिक गतिविधि झनै तीव्र बनेको हो ।

 

रौतहटका चारवटै निर्वाचन क्षेत्रमा निर्वाचन कार्यालय स्थापना भइसकेको छ । कार्यालय सञ्चालनमा आएसँगै राजनीतिक दल, उम्मेदवार र कार्यकर्ताहरू थप सक्रिय देखिएका छन् । चिया पसलदेखि टोल–टोलसम्म चुनावी चर्चा चर्किएको छ ।

 

नेकपा एमालेले रौतहट जिल्लाका चारवटै निर्वाचन क्षेत्रमा आफ्ना उम्मेदवारहरूको टुंगो लगाइसकेको छ । एमालेका तर्फबाट उम्मेदवारहरू यस प्रकार रहेका छन् । निर्वाचन क्षेत्र नम्बर १ : अजय गुप्ता,क्षेत्र नम्बर २ : शैलेन्द्र साह,क्षेत्र नम्बर ३ : कुन्दन कुशवाहा र क्षेत्र नम्बर ४ : रामजी शाह रहेका छन् ।

एमालेले उम्मेदवार घोषणा गरेसँगै चुनावी प्रचार–प्रसारको तयारीलाई तीव्र बनाउने संकेत दिएको छ ।

 

उता नेपाली काँग्रेसमा भने पार्टीको केन्द्रीय तहमा देखिएको विवादको असर रौतहटमा स्पष्ट देखिएको छ । कसले टिकट पाउने भन्ने विषयमा अझै टुंगो नलाग्दा काँग्रेसका कार्यकर्ता अन्योलमा परेका छन् । सम्भावित उम्मेदवार र समर्थकहरू केन्द्रको निर्णयको प्रतिक्षामा छन् ।

 

अन्य राजनीतिक दलहरू पनि मनोनयन दर्ताको मिति नजिकिँदै जाँदा आफ्ना उम्मेदवार छनोटको अन्तिम तयारीमा जुटेका छन् । केही नयाँ दलहरूले भने यसपटक नयाँ अनुहार खोजी गर्दै स्थानीयस्तरमै छलफल र परामर्श गरिरहेका छन् ।

 

माघ ०६ गतेको मनोनयन दर्तापछि रौतहटमा उम्मेदवारहरूको औपचारिक तस्वीर स्पष्ट हुने र चुनावी प्रतिस्पर्धा थप चर्किने अपेक्षा गरिएको छ ।

आरके श्रीवास्तव,राैतहट,०३ गते माघ । 

रौतहट । नेकपा एमालेले आगामी फाल्गुन २१ गते हुने प्रतिनिधिसभा निर्वाचनका लागि देशैभरिका उम्मेदवार टुंगो लगाउने क्रममा रौतहट जिल्लाका चारै निर्वाचन क्षेत्रमा उम्मेदवार टुंगो लगाएको छ । पार्टी स्राेतका अनुसार क्षेत्र नम्बर १ मा अजय गुप्ता, क्षेत्र नम्बर २ मा शैलेन्द्र साह, क्षेत्र नम्बर ३ मा कुन्दन कुशवाहा र क्षेत्र नम्बर ४ मा रामजी शाह उम्मेदवार रहेका छन् ।

क्षेत्र नम्बर १ का उम्मेदवार अजय गुप्ता यसअघि २०७९ मा  सम्पन्न प्रतिनिधिसभा निर्वाचनमा पूर्वप्रधानमन्त्री माधवकुमार नेपालसँग केही मतान्तरले पराजित भएका थिए। यसपटक गुप्ताले पुनः चुनावी प्रतिस्पर्धामा उत्रँदै क्षेत्रको विकास र जनसमस्यालाई प्रमुख एजेन्डा बनाउने बताएका छन् ।

त्यस्तै क्षेत्र नम्बर ३ बाट उम्मेदवार बनेका कुन्दन कुशवाहा २०७४ सालको निर्वाचनमा मधेस प्रदेश सभामा निर्वाचित भइसकेका अनुभवी नेता हुन् । प्रदेशस्तरको अनुभव बोकेका कुशवाहाले संघीय संसदमा पुगेर मधेसका मुद्दालाई अझ सशक्त रूपमा उठाउने प्रतिबद्धता व्यक्त गरेका छन् ।

क्षेत्र नम्बर २ का शैलेन्द्र साह र क्षेत्र नम्बर ४ का रामजी शाहलाई पनि पार्टीले संगठन मजबुत बनाउने र स्थानीय जनताको विश्वास जित्न सक्ने उम्मेदवारको रूपमा अघि सारेको जनाएको छ ।

नेकपा एमालेले रौतहटमा यसपटक चारै क्षेत्रमा जित हासिल गर्ने लक्ष्यसहित चुनावी तयारी तीव्र बनाएको छ । पार्टी नेताहरूका अनुसार संगठन परिचालन, जनसम्पर्क र विकासमुखी एजेन्डामार्फत मतदाताको समर्थन जुटाइनेछ ।

 

आरके श्रीवास्तव,राैतहट,०३ गते माघ । 

रौतहट । प्रतिनिधि सभा सदस्य निर्वाचन २०८२ का लागि रौतहट जिल्लामा कायम मतदाता, मतदान स्थल र मतदान केन्द्रसम्बन्धी विवरण सार्वजनिक भएको छ । जिल्ला निर्वाचन कार्यालय रौतहटका अनुसार जिल्लाभर कुल ४ लाख ३६ हजार ६११ मतदाता रहेका छन् ।

 

रौतहट जिल्लामा ४ वटा प्रतिनिधि सभा निर्वाचन क्षेत्र रहेका छन् । ती क्षेत्रमा जम्मा १५७ वडा, २७७ मतदान स्थल र ५४१ मतदान केन्द्र तोकिएका छन् ।

 

निर्वाचन क्षेत्रगत रूपमा हेर्दा निर्वाचन क्षेत्र नं. ४ मा सबैभन्दा बढी १ लाख १० हजार ३१४ मतदाता रहेका छन् । यस क्षेत्रमा ३० वडा, ६१ मतदान स्थल र १३४ मतदान केन्द्र छन् । यसपछि निर्वाचन क्षेत्र नं. २ मा १ लाख ८ हजार ८७२, निर्वाचन क्षेत्र नं. १ मा १ लाख ८ हजार ७२६ र निर्वाचन क्षेत्र नं. ३ मा १ लाख ८ हजार ६९९ मतदाता रहेका छन् ।

लैंगिक आधारमा हेर्दा रौतहट जिल्लामा पुरुष मतदाता २ लाख ४० हजार २६७ र महिला मतदाता १ लाख ९६ हजार ३४३ रहेका छन् । अन्य लिङ्गका मतदाता १ जना मात्र रहेको जिल्ला निर्वाचन कार्यालयले जनाएको छ ।

 

निर्वाचन क्षेत्र नं. १ मा ६० हजार २६९ पुरुष र ४८ हजार ५९७ महिला मतदाता छन् । निर्वाचन क्षेत्र नं. २ मा ६१ हजार १९४ पुरुष र ४७ हजार ६७८ महिला, निर्वाचन क्षेत्र नं. ३ मा ५९ हजार ९६८ पुरुष र ४८ हजार ७३० महिला तथा निर्वाचन क्षेत्र नं. ४ मा ५८ हजार ८३६ पुरुष र ५१ हजार ४७८ महिला मतदाता रहेका छन् ।

 

जिल्ला निर्वाचन कार्यालय रौतहटका अनुसार तोकिएका मतदान स्थल र केन्द्रमा आवश्यक पूर्वतयारी समयमै पूरा गरी निर्वाचनलाई स्वच्छ, निष्पक्ष र शान्तिपूर्ण रूपमा सम्पन्न गरिनेछ ।

आरके श्रीवास्तव,राैतहट,०३ गते माघ । 

रौतहट । कानु हलवाई समाज महासंघ नेपाल तथा कानु समाज कल्याण समिति जिल्ला रौतहटको आयोजनामा जागरण सभा एवं सम्मान समारोह भव्य रूपमा सम्पन्न भएको छ । रौतहटको मौलापुरमा आयोजित उक्त कार्यक्रममा प्रमुख अतिथिका रूपमा राजकुमार साहको उपस्थिति रहेको थियो ।

 

कार्यक्रमको अध्यक्षता कानु समाज कल्याण समिति जिल्ला रौतहटका अध्यक्ष सर्फलाल गुप्ताले गर्नुभएको थियो । कार्यक्रममा पूर्व मन्त्री ज्वाला साह, बाबुलाल साहलगायत विभिन्न विशिष्ट व्यक्तित्वहरूको उल्लेखनीय उपस्थिति रहेको थियो ।

सो अवसरमा भारत छापरा विधानसभाकी नव निर्वाचित विधायक छोटी कुमारी साह कानुको विशेष उपस्थिति रहेको थियो । हालै सम्पन्न निर्वाचनमा भोजपुरीका चर्चित गायक कलाकार खेसारीलाल यादवलाई पराजित गर्दै विजयी भएकी विधायक साहलाई कार्यक्रममा भव्य स्वागत तथा सम्मान गरिएको थियो । कार्यक्रममा सम्बोधन गर्दै उनले कानु समुदायले शिक्षामा विशेष जोड दिनुपर्ने आवश्यकता औंल्याइन् ।

 

कार्यक्रममा देशभरबाट कानु समुदायका प्रतिनिधि तथा सदस्यहरूको सहभागिता रहेको थियो । साथै छिमेकी राष्ट्र भारतबाट समेत कानु समुदायका व्यक्तिहरूको उल्लेखनीय उपस्थिति देखिएको थियो । कार्यक्रममा कानु समुदायका जनप्रतिनिधि, विभिन्न सामाजिक व्यक्तित्व तथा पत्रकारहरूलाई पनि सम्मान गरिएको थियो ।

 

कानु समुदायको एकता, जागरण र शैक्षिक तथा सामाजिक विकासलाई केन्द्रमा राखेर आयोजना गरिएको यस कार्यक्रमले समुदायभित्र सकारात्मक सन्देश प्रवाह गरेको आयोजकले जनाएका छन् ।

आरके श्रीवास्तव,रौतहट, २ गते माघ ।

आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै रौतहट जिल्लामा निर्वाचन अधिकृतको कार्यालय स्थापना गरिएको छ । जिल्लाका चारवटै निर्वाचन क्षेत्रमा शुक्रबारदेखि निर्वाचन अधिकृतको कार्यालय सञ्चालनमा आएको जिल्ला निर्वाचन कार्यालयले जनाएको छ ।

 

रौतहट निर्वाचन क्षेत्र नम्बर ३ काे कटहरिया नगरपालिकाको कार्यालयमा निर्वाचन अधिकृतको कार्यालय स्थापना गरिएको छ । यस क्षेत्रमा निर्वाचनलाई व्यवस्थित, निष्पक्ष र प्रभावकारी रूपमा सम्पन्न गर्न आवश्यक सम्पूर्ण तयारी अघि बढाइएको जिल्ला निर्वाचन कार्यालयका प्रमुख छोटेलाल दासले जानकारी दिनुभयो ।

 

निर्वाचन क्षेत्र नम्बर ३ का लागि उपसचिव अवध किशोर प्रसाद कुश्वाहा निर्वाचन अधिकृतको जिम्मेवारीमा खटिनुभएको छ । उहाँको नेतृत्वमा निर्वाचनसम्बन्धी प्रशासनिक, प्राविधिक तथा व्यवस्थापकीय तयारीलाई तीव्रता दिइएको जनाइएको छ ।

 

यसैबीच, निर्वाचन क्षेत्र नम्बर १ का लागि सदरमुकाम गौरस्थित आन्तरिक करदाता सेवा कार्यालयमा निर्वाचन अधिकृतको कार्यालय स्थापना गरिएको छ भने निर्वाचन क्षेत्र नम्बर २ का लागि परोहा नगरपालिकास्थित कृषि, पशु तथा पन्छी सेवा केन्द्रमा कार्यालय सञ्चालनमा ल्याइएको छ । यस्तै, निर्वाचन क्षेत्र नम्बर ४ का लागि चन्द्रपुर नगरपालिका–५ मा निर्वाचन अधिकृतको कार्यालय स्थापना गरिएको छ ।

 

अन्य क्षेत्रहरूमा पनि निर्वाचन अधिकृतका रूपमा निर्वाचन क्षेत्र नम्बर १ मा जिल्ला न्यायाधीश मनोज केसी, निर्वाचन क्षेत्र नम्बर २ मा इजलास अधिकृत सिताराम खड्का तथा निर्वाचन क्षेत्र नम्बर ४ मा उपरजिस्ट्रार उद्धव ढोडारी खटिनुभएको जिल्ला निर्वाचन कार्यालयले जनाएको छ ।

अर्जुन यादव,रौतहट,२९ गते पुस ।

रौतहट जिल्लाको देवाही गोनाही नगरपालिकामा नयाँ प्रमुख प्रशासकीय अधिकृतका रूपमा पवन कुमार केशरीले औपचारिक रूपमा कार्यभार सम्हालेका छन्। नगरपालिकामा आयोजित एक संक्षिप्त तर अर्थपूर्ण कार्यक्रमबीच नगर प्रमुख प्रेमलाल साह र उप–प्रमुख परनिया देवी पटेलको रोहवरमा प्रमुख प्रशासकीय अधिकृत केशरीले पदभार ग्रहण गरेका हुन्।

कार्यभार ग्रहण कार्यक्रममा नगरपालिकाका विभिन्न शाखाका कर्मचारी, स्थानीय राजनीतिक दलका प्रतिनिधि तथा सरोकारवालाहरूको उल्लेखनीय उपस्थिति रहेको थियो। कार्यक्रममा बोल्दै नगर प्रमुख प्रेमलाल साहले नयाँ प्रमुख प्रशासकीय अधिकृतलाई सफल कार्यकालको शुभकामना व्यक्त गर्दै नगरपालिकाको समग्र विकास, सुशासन र सेवा प्रवाहलाई अझ प्रभावकारी बनाउने दिशामा सहकार्यको अपेक्षा व्यक्त गरे। उप–प्रमुख परनिया देवी पटेलले पनि नगरवासीको हितलाई केन्द्रमा राखी पारदर्शी र जवाफदेही प्रशासन सञ्चालन गर्न आग्रह गरिन्।

नव नियुक्त प्रमुख प्रशासकीय अधिकृत पवन कुमार केशरीले आफ्नो जिम्मेवारीप्रति प्रतिबद्धता जनाउँदै नगरपालिकाको प्रशासनिक कार्यलाई चुस्त, प्रभावकारी र जनमैत्री बनाउने बताए। उनले कर्मचारीहरूबीच समन्वय, नियम–कानुनको पालना र सेवा प्रवाहमा गुणस्तर अभिवृद्धिलाई प्राथमिकतामा राख्ने स्पष्ट पारे। साथै, स्थानीय तहमा देखिएका समस्या समाधानका लागि जनप्रतिनिधि, कर्मचारी र समुदायसँग मिलेर काम गर्ने प्रतिबद्धता व्यक्त गरे।

हनुमत कुमार यादव,गाैर,२७ गते पुस । 
‎
‎गाैर ।  राष्ट्रिय एकता दिवसको अवसरमा रौतहट जिल्लाको सदरमुकाम गौरस्थित प्रादेशिक अस्पताल गौरमा रक्तदान कार्यक्रम भव्य रूपमा सम्पन्न भएको छ । अस्पतालका अध्यक्ष अवधेश यादवको सक्रियतामा आयोजित उक्त कार्यक्रम अस्पताल प्रशासनको समन्वयमा विभिन्न सामाजिक संघ–संस्था, स्वास्थ्यकर्मी तथा स्थानीय युवाहरूको उल्लेखनीय सहभागितामा सम्पन्न भएको हो ।
‎
‎कार्यक्रममा अस्पतालका चिकित्सक तथा कर्मचारी, स्थानीय जनप्रतिनिधि, समाजसेवी र सर्वसाधारणले उत्साहपूर्वक रक्तदान गरेका थिए । रक्त अभावका कारण बिरामीहरूलाई उपचारमा समस्या नहोस् भन्ने उद्देश्यले आयोजना गरिएको यस कार्यक्रमले आपतकालीन अवस्थामा उपचाररत बिरामीहरूको जीवन बचाउन महत्वपूर्ण सहयोग पुग्ने विश्वास लिइएको छ ।
‎
‎कार्यक्रमलाई सम्बोधन गर्दै प्रादेशिक अस्पताल गौरका अध्यक्ष अवधेश यादवले रक्तदान मानव जीवनसँग प्रत्यक्ष जोडिएको महान् कार्य भएको उल्लेख गर्दै भने, “रक्त अभावकै कारण कुनै पनि बिरामीले ज्यान गुमाउन नपरोस् भन्ने हाम्रो उद्देश्य रहेको बताए । राष्ट्रिय एकता दिवसजस्तो महत्वपूर्ण दिनमा आयोजित यस कार्यक्रमले समाजमा मानवीय सेवा र एकताको सन्देश प्रवाह गर्छ भन्ने कुरा व्यक्त गरे । उनले यस्ता कार्यक्रमलाई विभिन्न पालिका, संघ-संस्था, सकृय युवा संग समन्वय गरी निरन्तरता दिने प्रतिबद्धता पनि व्यक्त गरे ।
‎
‎त्यसैगरी कार्यक्रममा मन्तव्य राख्दै मे.सु. मुरारी ठाकुरले स्वस्थ व्यक्तिले नियमित रूपमा रक्तदान गर्नुपर्ने आवश्यकता औँल्याउँदै भने, “रक्तदान महादान हो । थोरै समय र इच्छाले अरूको जीवन बचाउन सकिन्छ । यस किसिमका कार्यक्रमले स्वास्थ्यप्रति सचेतना बढाउनुका साथै समाजमा सहयोगको भावना मजबुत बनाउँछ ।
‎
‎प्रादेशिक अस्पताल गौरका व्यवस्थापन पक्षले सामाजिक उत्तरदायित्वलाई आत्मसात गर्दै भविष्यमा पनि यस्ता सामाजिक तथा मानवीय कार्यक्रमलाई निरन्तरता दिने जनाएको छ । राष्ट्रिय एकता दिवसको अवसरमा सम्पन्न यस रक्तदान कार्यक्रमले समुदायमा सकारात्मक सन्देश प्रवाह गर्नुका साथै आपसी सहकार्य र एकताको भावना अभिवृद्धि गरेको वे. स. स. ओमप्रकाश साह मधेशीयाको भनाइ रहेको छ ।
‎

आरएन पटेल, रौतहट,पुस २६ गते ।

रौतहटको गौरमा DOTIM परिसंघको जिल्ला स्तरीय भेला तथा बृहत् अन्तरक्रिया कार्यक्रम सम्पन्न भएको छ।दलित, पिछडावर्ग, थारु, आदिवासी तथा अल्पसंख्यक समुदायको संगठनात्मक सशक्तीकरणका लागि DOTIM परिसंघ (Dalit, Oppressed, Tharu, Indigenous and Minority) को रौतहट जिल्ला स्तरीय भेला तथा बृहत् अन्तरक्रिया कार्यक्रम आज गौरमा सम्पन्न भएको छ।
गौरस्थित श्री रामजानकी धर्मशालामा सुरु भएको उक्त कार्यक्रम जनता समाजवादी पार्टी नेपाल (जसपा नेपाल) रौतहट जिल्ला समितिको विस्तारित बैठकको निर्णयअनुसार आयोजना गरिएको हो ।

कार्यक्रमको उद्घोषणा तथा सञ्चालन DOTIM परिसंघका महासचिव शशिकपुर मियाँले गर्नुभएको छ भने DOTIM परिसंघका केन्द्रीय संयोजक चन्देश्वर पासवानले अध्यक्षता ग्रहण गर्नुभएको थियो।
कार्यक्रममा जसपा नेपालका राष्ट्रिय अध्यक्ष तथा प्रमुख वक्ता माननीय उपेन्द्र यादव प्रमुख अतिथिका रूपमा सहभागी हुनु भएको थियो। यस्तै जसपा नेपालका पदाधिकारीहरू विशिष्ट अतिथिका रूपमा उपस्थित थिए, जसमा सहअध्यक्ष रकम चेम्जोङ, उपाध्यक्ष गोविन्द चौधरी र केन्द्रीय कार्यकारणी सदस्य राम किशोर यादव रहेका थिए।
कार्यक्रमका सल्लाहकारहरूमा डा. पि.के. (पुरुषोत्तम) ठाकुर (प्रमुख सल्लाहकार) तथा पूर्व मन्त्री योगेन्द्र राय यादव सहभागी हुनु भएको थियो।
त्यसैगरी DOTIM परिसंघका सह-संयोजकहरू पंचराम तामाङ (आदिवासी), डा. मोफिज सिद्दीकी (मुस्लिम) र रामआश्रय चौधरीले पनि कार्यक्रममा आसन ग्रहण गर्नुभएको थियो।

कार्यक्रमकै क्रममा DOTIM परिसंघको रौतहट जिल्ला समिति काशीराम पासवानको अध्यक्षतामा २१ सदस्यीय समिति चयन गरिएको हो। कार्यक्रममा वक्ताहरुले चयन भएका नव गठित DOTIM परिसंघ रौतहटका सम्पूर्ण पदाधिकारीहरुलाई बधाई तथा शुभकामना व्यक्त गरेका छन।

कार्यक्रममा दलित, पिछडावर्ग, थारु, आदिवासी तथा अल्पसंख्यक समुदायको राजनीतिक सहभागिता, संगठन विस्तार, अधिकार संरक्षण तथा प्रतिनिधित्व सुदृढीकरणका विषयमा गहन छलफल हुने आयोजकले जनाएको छ। सहभागी वक्ताहरूले समावेशी लोकतन्त्र र सामाजिक न्यायको स्थापनाका लागि यी समुदायहरूको सशक्तीकरण अपरिहार्य रहेको धारणा व्यक्त गरेका छन।
DOTIM परिसंघमार्फत पार्टीभित्र रहेका उत्पीडित तथा सीमान्तकृत समुदायलाई संगठित गर्दै उनीहरूको आवाज नीति निर्माण तहसम्म पुर्‍याउने उद्देश्यले कार्यक्रम आयोजना गरिएको जसपा नेपाल रौतहट जिल्ला अध्यक्ष राजीव रंजन यादवले बताएको छ।
कार्यक्रममा पार्टीका केन्द्रीय, प्रदेश तथा जिल्ला तहका नेता-कार्यकर्ता, विभिन्न समुदायका प्रतिनिधि तथा स्थानीय अगुवाहरूको उपस्थिति रहेको थियो।

आरके श्रीवास्तव,मधेस,२६ गते पुस । 

जनकपुरधाम । जनकपुर वडा नम्बर २४ बसहियास्थित श्री गोगल प्रसाद नमुना माध्यमिक विद्यालयमा शिक्षा तथा संस्कृति मन्त्रालय, मधेश प्रदेशद्वारा आर्थिक वर्ष २०८१/०८२ अन्तर्गत निर्माण गरिएको २ कोठे पक्की भवनको उद्घाटन गरिएको छ ।

आज सम्पन्न उद्घाटन कार्यक्रममा प्रमुख अतिथिका रूपमा शिक्षा तथा संस्कृति मन्त्री रानी शर्मा तिवारीको सहभागिता रहेको थियो ।

उद्घाटन कार्यक्रममा बोल्दै प्रमुख अतिथि मन्त्री तिवारीले शिक्षा क्षेत्रमा पूर्वाधारको सुदृढीकरणले सिकाइ वातावरणलाई अझ सहज, सुरक्षित र प्रभावकारी बनाउने विश्वास व्यक्त गर्नुभयो । उहाँले विद्यालय भौतिक पूर्वाधारको विकाससँगै गुणस्तरीय शिक्षामा समेत ध्यान दिन आवश्यक रहेको उल्लेख गर्नुभयो ।

कार्यक्रममा विद्यालय व्यवस्थापन समिति, शिक्षक, विद्यार्थी, अभिभावक तथा स्थानीय जनप्रतिनिधिहरूको उपस्थिति रहेको थियो । नयाँ भवन निर्माणपछि विद्यार्थीहरूलाई अध्ययन–अध्यापनमा थप सहजता हुने अपेक्षा गरिएको छ ।

 

काठमाडौं, २५ पुस
काठमाडौं क्षेत्र नं. ९ को सांसद पदका प्रत्याशी इरस श्रेष्ठ आम जनता पार्टी (आजपा)मा प्रवेश गरेका छन् । २०७९ को आम प्रतिनिधिसभा निर्वाचनमा श्रेष्ठ काठमाडौं क्षेत्र नं. ९ बाट ‘लौरो’ चुनाव चिन्हबाट प्रतिस्पर्धा गरेका थिए ।

काठमाडौंको कोटेश्वर स्थित आजपाको केन्द्रीय कार्यालयमा आज श्रेष्ठ सहित दर्जनौं नेताहरुले आजपामा प्रवेश गरेका हुन् । आजपा अध्यक्ष एवं पूर्वमन्त्री प्रभु साहले श्रेष्ठ सहितका नेताहरुलाई पार्टीमा प्रवेश गराउदै सफल राजनीतिका लागि शुभकामना दिए ।

श्रेष्ठ सहित रौतहटको गुजरा नगरपालिकाका सामाजिक व्यक्तित्व तथा युवा प्रतिभाहरू नेयाज देवान, मो. साफिक, फिरोज देवान, समिम मिया, जाबेद हुसैन, बच्चे बाबु, हाफिज मह्मद, जुनैद देवान, मो. काबिर लगायतकाले पार्टी प्रवेश गरेको आजपा सचिवालय सदस्य सुभाष साहले जनाएका छन् ।

पार्टी प्रवेश कार्यक्रममा आजपा कार्यालय सदस्य सुधिर यादव, प्रवक्ता चन्द्रभुषण साह, आजपा नेताहरु बिजय यादव, बबिता यादव लगायतको विशेष सहभागिता रहेको थियो । श्रेष्ठ आजपा प्रवेश गरेसंगै २१ फागुनमा हुने प्रतिनिधिसभा निर्वाचनमा काठमाडौं क्षेत्र नं. ९ बाट सांसदको उम्मेदवार हुने चर्चा छ ।

आरके श्रीवास्तव,राैतहट,२५ गते पुस ।
राैतहट । गुजरा नगरपालिकामा जलवायु जोखिम तथा संकटासन्नताका लागि सामुदायिक उत्थानशील परियोजना अन्तर्गत जलवायु परिवर्तन नीति मस्यौदा २०८२ माथि छलफल तथा साझेदारी कार्यशाला सम्पन्न भएको छ ।

ग्रामीण विकास केन्द्र नेपाल र अक्सफाम नेपालको सहकार्यमा आयोजना गरिएको उक्त कार्यशाला २०८२ साल गुजरा नगरपालिकाको सभाहल सिमराभवानीपुरमा सम्पन्न भएको हो ।
कार्यशालामा जलवायु नीति मस्यौदा २०८२ का विषयमा विस्तृत छलफल गरिएको थियो । नीति निर्माण प्रक्रियाको दोस्रो चरणका रूपमा आयोजित कार्यक्रममा प्रशिक्षकका रूपमा बिमल घिमिरे र समी कुँवर रहनु भएको थियो भने कार्यक्रम उद्घोषण ज्योती फुयाल मिश्रले गर्नुभएको थियो ।
आरडीसी नेपालका बोर्ड सदस्य नरवदा लामाको अध्यक्षतामा सम्पन्न कार्यक्रममा गुजरा नगरपालिकाकी उपप्रमुख रत्ना लामा प्रमुख अतिथिका रूपमा सहभागी हुनुहुन्थ्यो । साथै प्रमुख प्रशासकीय अधिकृत शान्ति विक, नगरपालिकाका जनप्रतिनिधि, कार्यपालिका सदस्य, शाखा प्रमुखहरू, सब–डिभिजन कार्यालयका प्रतिनिधि, सामुदायिक वन उपभोक्ता समूह, कृषि समूह तथा सहकारी, जलवायु अनुकूलता तथा विपद् व्यवस्थापन समितिका सदस्यहरूको उल्लेखनीय सहभागिता रहेको थियो ।

कार्यक्रमको उद्देश्यबारे आरडीसी नेपालका संयोजक (जलवायु जोखिम तथा संकटासन्नताका लागि सामुदायिक उत्थानशील परियोजना) चिरञ्जीवी महतोले जानकारी गराउनुभएको थियो । उहाँका अनुसार विगत १० महिनादेखि गुजरा नगरपालिकामा परियोजना सञ्चालनमा रहेको छ भने जिल्लाको चन्द्रपुर नगरपालिकामा पनि सो परियोजना कार्यान्वयन भइरहेको छ ।
परियोजनाले कृषि, जैविक तटबन्धन तथा महिला सशक्तीकरण संवाद केन्द्र सञ्चालनजस्ता क्षेत्रमा काम गरिरहेको जानकारी दिइयो । गुजरा नगरपालिकाको वडा नम्बर ५ हरिहरपुर र वडा नम्बर ३ सिमरीमा परियोजनाका गतिविधि सञ्चालन भइरहेको बताउँदै उद्घोषक मिश्राले सिमरीमा जलवायु अनुकूलन गाउँ निर्माणका लागि आवश्यक नीति तथा नियम निर्माण गरी सोही आधारमा परियोजनाका कार्यहरू अघि बढाइएको जानकारी दिनुभयो ।
कार्यशालामा सामाजिक परिचालक सालिम गाैहर, कृषि प्राविधिक सचिन्द्र यादवलगायत संस्थाका कर्मचारीहरूको समेत उपस्थिति रहेको थियो । सहभागीहरूले जलवायु परिवर्तनका स्थानीय प्रभाव, अनुकूलन रणनीति र नीति मस्यौदामा समेटिनुपर्ने विषयहरूबारे सुझाव तथा गुनासो प्रस्तुत गरेका थिए ।

संजय सहनी,राैतहट,२४ गते पुस । 

​हजमिनिया । रौतहटको राजदेवी नगरपालिका-५, हजमिनिया दरबारका २४ वर्षीय उमेश महतो विगत केही समयदेखि ब्लड क्यान्सरसँग लडिरहेका छन् ।
आर्थिक अवस्था अत्यन्तै कमजोर भएका कारण उपचारमा समस्या परिरहेको बेला ‘हेल्प मधेशी परिवार’ र समाजसेवी प्रकाश थारुले उहाँको जीवन रक्षाका लागि तत्परता देखाएका छन् ।

बिहीबार आयोजित एक कार्यक्रमका बीच समाजसेवी प्रकाश थारु संग गएका स्थानीय समाजसेबी नबिन सिंह ,पत्रकार संजय सहनी ,कन्हैया पटेल सहितको टोलीले ‘हेल्प मधेशी समाज’ बाट संकलित २४,५०० रुपैयाँ पीडित उमेश महतोलाई हस्तान्तरण गरेको छ ।

छोराको ज्यान बचाउन आमा प्रमिला देवी महतोले आफ्नो भएको एउटा घडेरी समेत ७ लाखमा बिक्री गरेर उपचार सुरु गर्नुभएको छ। “म जसरी पनि छोरा बचाउन चाहन्छु, सबैको सहयोग चाहियो,” भन्दै उहाँले भक्कानिँदै सहयोगको अपिल गर्नुभएको छ।

छोरा क्यान्सरसँग जुधिरहँदा पनि स्थानीय जनप्रतिनिधिहरूले कुनै वास्ता नगरेको र कोही हेर्न समेत नआएको अवस्थामा समाजसेवी थारु ‘भगवान’ बनेर आएको भन्दै बुवा फेकन महतोले खुसी व्यक्त गर्नुभयो।
​
उमेशको उपचारका लागि अझै ४/५ जति रकमको खाँचो रहेको छ। उहाँलाई सहयोग गर्न चाहने सहयोगी मनहरूले सिधै तलको बैंक खातामा रकम जम्मा गर्न सक्नुहुने स्थानीय समाजसेबी नबिन सिंहले अपिल गर्नु भएका छन् ।
​खातावालाको नाम: उमेश महतो (Umesh Mahato)
,​खाता नम्बर: २६२०१००७९५५८८९०००००१
​बैंकको नाम: नेपाल बैंक लिमिटेड, राजदेवी शाखा रहेको छ।

​समाजसेवी प्रकाश थारुले उमेशको जीवन रक्षाका लागि देश तथा विदेशमा रहेका सम्पूर्ण नेपालीहरूलाई सहयोगको अपील गर्नुभएको छ।

हनुमत कुमार यादव,गाैर,२२ गते पुस । 
‎
‎रौतहट । सघन सहरी विकास कार्यक्रमअन्तर्गत प्रदेशीक अस्पताल गौर, रौतहटका लागि निर्माणाधीन अस्पताल भवनको निरीक्षण गरिएको छ । निरीक्षण कार्यक्रम प्रदेशीक अस्पताल विकास समितिका अध्यक्ष अवधेश यादवको अध्यक्षतामा सम्पन्न भएको हो ।
‎
‎निर्माणाधीन भवनलाई निर्धारित समयभित्र गुणस्तरीय रूपमा सम्पन्न गरी अस्पताललाई हस्तान्तरण गर्ने उद्देश्यले अनुगमन गरिएको अध्यक्ष यादवले जानकारी दिनुभयो । उहाँले निर्माण कार्यमा कुनै पनि किसिमको लापरवाही स्वीकार्य नहुने बताउँदै समयसीमा र गुणस्तर दुवैमा कडाइका साथ ध्यान दिन निर्देशन दिनुभयो ।

‎
‎अनुगमन कार्यक्रममा सघन सहरी विकास कार्यालय वीरगञ्जका इन्जिनियरहरू, प्रदेशीक अस्पताल गौरका मेडिकल सुपरिटेन्डेन्ट डा. मुरारी ठाकुर, जिल्ला प्रशासन कार्यालय रौतहटका प्रतिनिधि, जनस्वास्थ्य कार्यालय नि. प्रमुख प्रशासकीय अधिकृत राजेश सिह, ओम प्रकाश साह मधेशीया, निर्माण कम्पनीका ठेकेदार तथा अन्य प्राविधिक टोलीको सहभागिता रहेको थियो ।
‎
‎निरीक्षणका क्रममा भवनको संरचना, निर्माणको प्रगति, प्रयोग गरिएका सामग्रीको गुणस्तर तथा सुरक्षाका मापदण्डहरूबारे विस्तृत छलफल गरिएको थियो । प्राविधिक टोलीले निर्माण कार्य सन्तोषजनक गतिमा अगाडि बढिरहेको जानकारी गराउँदै तोकिएको समयभित्र काम सम्पन्न गरिने प्रतिबद्धता व्यक्त गरेको छ ।
‎
‎निर्माण सम्पन्न भएसँगै प्रदेशीक अस्पताल गौरको सेवा प्रवाह थप प्रभावकारी हुने र रौतहटसहित आसपासका जिल्लाका नागरिकले गुणस्तरीय स्वास्थ्य सेवा प्राप्त गर्ने अपेक्षा गरिएको छ ।

फाेटाे फिचर:

‎

आरके श्रीवास्तव,राैतहट,२२ गते पुस । 

रौतहट । रौतहट निर्वाचन क्षेत्र नं. २ मा छिट्टै क्रिकेट स्टेडियम निर्माण हुने भएको छ । मधेश प्रदेशका खेलकुद मन्त्री ई. बसन्त कुशवाहाले जेनजी २.० रौतहटका अध्यक्ष तथा युवानेता सोनु कुशवाहासँगको भेटघाटका क्रममा उक्त स्टेडियम निर्माणका विषयमा औपचारिक प्रतिबद्धता व्यक्त गर्नुभएको हो ।

भेटका क्रममा मन्त्री कुशवाहाले रौतहटमा खेलकुद पूर्वाधार विकासको आवश्यकता औंल्याउँदै क्रिकेट स्टेडियम निर्माणलाई प्राथमिकतामा राखिने बताउनुभयो । साथै, छिट्टै नै प्रस्तावित स्थलको फिल्ड भिजिट गरिने र आवश्यक प्रक्रिया अगाडि बढाइने आश्वासन पनि दिनुभएको सोनु कुशवाहाले जानकारी दिनुभयो ।

यो महत्वपूर्ण पहल युवानेता सोनु कुशवाहाको सक्रिय प्रयास र निरन्तर पहलका कारण सम्भव भएको बताइएको छ । लामो समयदेखि रौतहटमा व्यवस्थित खेलकुद संरचनाको अभाव महसुस हुँदै आएको अवस्थामा क्रिकेट स्टेडियम निर्माणको प्रतिबद्धताले स्थानीयवासी तथा युवाहरूमा उत्साह थपेको छ ।

निर्माण सम्पन्न भएपछि रौतहटका युवाहरूमा खेलकुदप्रति रुचि र सहभागिता बढ्नुका साथै राष्ट्रिय तथा अन्तर्राष्ट्रिय स्तरका खेलाडी उत्पादनमा समेत टेवा पुग्ने विश्वास लिइएको छ । स्थानीय सरोकारवालाहरूले यस पहललाई रौतहटको खेलकुद विकासतर्फको ऐतिहासिक कदमका रूपमा लिएका छन् ।

आरके श्रीवास्तव,राैतहट,२२ गते पुस । 

सार्क जर्नलिस्ट फोरम इन्टरनेशनल (भारत च्याप्टर) को कार्यक्रम नालंदा भारतमा रौतहटका दुई जना पत्रकार सम्मानित भएका छन । संगठनका नेपाल च्याप्टर मधेश प्रदेशका सदस्य रहेका रौतहट जिल्ला निवासी स्थानीय न्यूज मिडिया प्रा. लि. का सञ्चालक तथा स्थानीय पोष्ट साप्ताहिक पत्रिकाका प्रधान सम्पादन राज नारायण पटेल ( आरएन पटेल ) तथा सी. एच. खबरका सञ्चालक पत्रकार चन्दन कुमार महतो नालन्दा अंतर्राष्ट्रीय सहभागिता समागम सम्मान- २०२६ द्वारा सम्मानित भएका हुन ।

भारतको बिहारस्थित नालन्दा खुला विश्वविद्यालयमा पुष २० र २१ गते आयोजित अन्तराष्ट्रिय मातृभाषा पत्रकार सम्मेलनको अवसरमा सो सम्मान गरिएको हो ।कार्यक्रममा नेपालका १२ जना पत्रकार सहित सार्क क्षेत्रका विभिन्न मुलुकका पत्रकारूलाई नालन्दा अन्तराष्ट्रिय अवार्ड प्रदान गरेको छ ।
सार्क जर्नलिष्ट फोरमका अध्यक्ष राजु लामा, नेवा पत्रकार राष्ट्रिय दबूका केन्द्रीय अध्यक्ष नृपेन्द्रलाल श्रेष्ठ, एभीन्यूज खबरका राजु नापित, पर्सा बिरगंजका मधेश प्रदेश संयोजक चयन भएका सदाब मलिक, दिपेन्द्र प्रजापति,अभिलाष गुप्ता, शैलेश गुप्ता, राजन कुमार सिंह र सुभास राम लागायत बाराका श्यामल गिरी सहित नेपाली पत्रकारहरूलाई अवार्ड तथा सम्मान पत्रले सम्मानित गरिएको हो । मातृभाषाको पत्रकारिताको विकासमा योगदान पुर्‍याए वापत ती पत्रकारहरूलाई अवार्ड सम्मान पत्र प्रदान गरिएको आयोजकले बताएको छ  ।

आम्रपाली काला साहित्य सम्मेलन वैशाली बिहार तथा मानवाधिकार टुडेको आयोजनामा सम्पन्न कार्यक्रममा बंगलादेश र भारतका पत्रकारहरूलाई समेत अवार्डद्वारा सम्मान गरिएको छ ।
सार्क जर्नलिस्ट फोरम बिहारका अध्यक्ष तथा मानवअधिकार टुडेका सम्पादक शशि भूषण कुमारको अध्यक्षतामा सम्पन्न उक्त कार्यक्रममा अन्तर्राष्ट्रिय संस्कृति संवाहिका डा. सरिता बुद्धू, नेपालबाट सार्क जर्नलिस्ट फोरमका अन्तर्राष्ट्रिय अध्यक्ष राजु लामा, तथा थाइल्याण्डका प्रतिनिधि डा.पी. सी. चन्द्रा लगायत विदेशबाट करिब तीन दर्जन अन्तर्राष्ट्रिय अतिथिहरूको सहभागिता रहेको थियो । सम्मेलनमा ‘पत्रकारिता र मानवअधिकार एक वैश्विक चुनौति’ विषयमा सहभागीहरूले छलफल गरेका थिए ।

कार्यक्रमबारे जानकारी दिँदै सार्क जर्नलिस्ट फोरम बिहारका अध्यक्ष तथा मानवअधिकार टुडेका सम्पादक शशि भूषण कुमारले यो सम्मेलन बिहारमा आयोजना भएको चौथो अन्तर्राष्ट्रिय सम्मेलन भएको बताउनु भयो । यसअघि विगत तीन वर्षभित्र वैशालीमा तीनवटा अन्तर्राष्ट्रिय मातृभाषा सम्मेलन सफलतापूर्वक सम्पन्न भइसकेका उनले बताए ।

सार्क राष्ट्रका करिव दुई सयजना पत्रकार सहभागी सम्मेलनमा अन्तर्राष्ट्रिय सहभागिता, मातृभाषा, संस्कृति र पत्रकारिताको सुदृढीकरणमा केन्द्रित सम्मेलनले नेपाल-भारतसहित विभिन्न देशबीच आपसी समझदारी र सहकार्यलाई थप मजबुत बनाउने अपेक्षा गरिएको छ । डा.पी. सी. चन्द्रा लगायत विदेशबाट करिब तीन दर्जन अन्तर्राष्ट्रिय अतिथिहरूको सहभागिता रहेको थियो।
दोस्रो दिन सहभागीहरूलाई नालन्दा विश्वविद्यालयका ऐतिहासिक भग्नावशेषहरूको अवलोकन तथा भ्रमण गराइएको थियो । यस क्रममा नालन्दाको ऐतिहासिक महत्त्व, शैक्षिक परम्परा र प्राचीन वैभवको रुपमा रहेका नालन्दा खण्डर अवलोकन गराई त्यसबारे जानकारी गराइएको थियो ।

आरके श्रीवास्तव,राैतहट,१७ गते पुस । 

रौतहट । रौतहटको राजपुर नगरपालिकाको प्रशासकीय भवनको छतमा स्वचालित साइरन सेट (Automated Siren Set) जडान गरिएको छ । आपतकालीन सूचना प्रवाह, विपद् पूर्वसूचना तथा समुदायको सुरक्षा सुदृढ गर्ने उद्देश्यले उक्त साइरन जडान गरिएको हो । यो प्रणाली रेन  परियोजनाको सहयोगमा स्थापना गरिएको नगरपालिकाले जनाएको छ ।

स्वचालित साइरन प्रणालीमार्फत विभिन्न प्रकारका जोखिम र आपतकालीन अवस्थाका लागि फरक–फरक आवाज (सिग्नल) प्रयोग गरिनेछ । प्रणालीमा चराको आवाज, ध्यानाकर्षण, एकाग्रता लगायतका संकेत समावेश छन् । यसैगरी बाढी, जनावर आक्रमण, आगलागी, मेघगर्जन/चट्याङ तथा पहिरो जस्ता विपद् संकेतका लागि छुट्टाछुट्टै साइरन कोड निर्धारण गरिएको छ । नगरपालिकाका अनुसार “एक नम्बर, एक आवाज—सयौंको सुरक्षा” भन्ने अवधारणाअनुसार यो प्रणाली सञ्चालन गरिनेछ ।

साइरन सक्रिय गर्न नगरपालिकाले मेसेज बक्स खोल्ने, नम्बर डायल गर्ने तथा एस.एम.एस. पठाउने जस्ता सुविधासमेत व्यवस्था गरिएको जनाएको छ । यसले आकस्मिक अवस्थामा छिटो सूचना प्रवाह भई नागरिकको ज्यान जोगाउन सहयोग पुग्ने विश्वास लिइएको छ ।

नगर प्रमुख डा. राजिक आलमले विपद् व्यवस्थापनमा पूर्वसूचना प्रणाली अत्यन्तै महत्वपूर्ण रहेको उल्लेख गर्दै राजपुर नगरपालिका जोखिमयुक्त क्षेत्र भएकाले स्वचालित साइरन समयमै सूचना दिन प्रभावकारी हुने बताए । “साइरन बजाउनुहोस् र जीवन बचाउनुहोस् भन्ने सन्देशसहित यो प्रणाली लागू गरिएको हो,” उनले भने ।

प्रमुख प्रशासकीय अधिकृत बैजु ठाकुरले यो प्रणाली नगरको समग्र विपद् जोखिम न्यूनीकरण योजनाको महत्वपूर्ण हिस्सा भएको बताए । उनले रेन परियोजनाको सहयोगमा स्थापना भएको प्रणालीको नियमित परीक्षण, सञ्चालन र नागरिकलाई साइरन संकेतबारे जानकारी गराइने जानकारी दिए ।

नगरपालिकाले आगामी दिनमा वडा स्तरसम्म यस्ता पूर्वसूचना प्रणाली विस्तार गर्न जानकारहरूले सुझाव समेत दिएका छन् ।

 

आरके श्रीवास्तव,राैतहट,१७ गते पुस । 

रौतहट । फतुवा विजयपुर नगरपालिकाले विद्युत् महसुलको बक्यौता नतिरेसम्म नगरपालिकाबाट सञ्चालन हुने कुनै पनि योजनाको सम्झौता नगर्न निर्देशन दिएको छ ।

नगर कार्यपालिकाको कार्यालय, लक्ष्मीनिया (दो), रौतहटबाट मिति २०८२/०९/१७ गते जारी गरिएको पत्रमार्फत प्रमुख प्रशासकीय अधिकृत मदन थापालाई यस्तो जानकारी गराइएको हो । पत्रमा नगरपालिकाको विद्युत् महसुल लामो समयदेखि बक्यौता रहेको उल्लेख गर्दै सो बक्यौता पूर्णरूपमा नतिरेसम्म हाललाई यस कार्यालयबाट कुनै पनि योजनाको सम्झौता कार्य नगराउन आग्रह गरिएको छ ।

कार्यवाहक नगर प्रमुख अमवेया खातुनले हस्ताक्षर गरेको उक्त पत्रमा नगरपालिकाको आर्थिक अनुशासन कायम गर्न तथा बक्यौता चुक्ता गराउन यो निर्णय लिइएको जनाइएको छ ।

नगरपालिकाको यस निर्णयपछि चालु तथा आगामी योजनाका सम्झौताहरू अस्थायी रूपमा प्रभावित हुने देखिएको छ । विद्युत् महसुल बक्यौता छिटो चुक्ता भएपश्चात् मात्रै योजना सम्झौता प्रक्रिया अघि बढाइने नगर स्रोतले जनाएको छ ।

आरके श्रीवास्तव,राैतहट,१५ गते पुस । 

औरैया । ईशनाथ नगरपालिकाले अत्यधिक जाडोका कारण विद्यार्थीहरूको स्वास्थ्यमा असर पर्न सक्ने भन्दै नगरभित्रका सम्पूर्ण विद्यालयहरूमा तीन दिनको जाडो विदा दिएको छ ।

नगर कार्यपालिकाको कार्यालय अन्तर्गत शिक्षा, युवा तथा खेलकुद शाखाले जारी गरेको सूचनाअनुसार सामुदायिक विद्यालय, मदरसा तथा संस्थागत निजी विद्यालयहरूमा मिति २०८२ साल पुस १६ गतेदेखि १८ गतेसम्म तीन (३) दिनको जाडो विदा दिइएको हो । उक्त विदा वर्षे विदाबाट कट्टा हुने गरी व्यवस्था गरिएको नगर शिक्षा अधिकारी नन्दकिशोर गुप्ताले जानकारी दिएका छन् ।

हाल केही दिनदेखि मधेश प्रदेशसहित रौतहट जिल्लामा चिसो अत्यधिक बढ्दै गएको र साना बालबालिका तथा विद्यार्थीहरूको स्वास्थ्यमा नकारात्मक असर पर्न सक्ने अवस्थालाई मध्यनजर गर्दै यो निर्णय गरिएको नगरपालिकाले जनाएको छ ।

सूचनाको अवगतार्थ नगर प्रमुख, उप–प्रमुख तथा प्रमुख प्रशासकीय अधिकृतलाई समेत जानकारी गराइएको छ । नगरपालिकाले चिसो मौसममा विद्यार्थीहरूलाई आवश्यक सावधानी अपनाउन विद्यालय तथा अभिभावकहरूलाई आग्रह पनि गरेको छ ।

ईशनाथ नगरपालिका शिक्षा, युवा तथा खेलकुद शाखाद्वारा जारी यस सूचनापछि नगरभित्रका सबै विद्यालयहरूमा तीन दिनसम्म पठनपाठन स्थगित हुने भएको छ ।

बज्जिकाञ्चल संवाददाता,राैतहट,१५ गते पुस । 

रौतहट । फतुवा विजयपुर नगरपालिकाले चिसो अत्यधिक बढ्दै गएपछि नगर क्षेत्रभित्र सञ्चालित सम्पूर्ण सामुदायिक, संस्थागत विद्यालयहरूमा तीन दिनका लागि जाडो बिदा घोषणा गरेको छ।
नगर कार्यपालिकाको कार्यालय फतुवा विजयपुरद्वारा जारी सूचना अनुसार केही दिनयता जाडो अत्यधिक बढ्दा विद्यालय जाने बालबालिकाहरूको पठन–पाठनमा असहजता हुनुका साथै स्वास्थ्यमा गम्भीर असर पर्न सक्ने अवस्था देखिएको भन्दै बिदा दिने निर्णय गरिएको हो ।
कार्यालयले २०८२ पौष १६ गते बुधबारदेखि २०८२ पौष १८ गते शुक्रबारसम्म विद्यालयहरू पूर्ण रूपमा बन्द रहने जनाएको छ। यस अवधिमा विद्यालयमा कुनै पनि शैक्षिक गतिविधि सञ्चालन नहुने स्पष्ट गरिएको छ ।
नगरपालिकाले सबै विद्यालय प्रशासनलाई उक्त निर्णय कडाइका साथ कार्यान्वयन गर्न अनुरोध गरेको छ। साथै, मौसमको अवस्था अनुसार आवश्यक परे थप निर्णय गरी पुनः सूचना जारी गरिने समेत जनाएको छ । सूचना नगरपालिकाका प्रसाशन प्रमुख मुकेश साहद्वारा हस्ताक्षरित र कार्यालयको आधिकारिक छापसहित जारी गरिएको हो ।

आरके श्रीवास्तव,रौतहट,१३ गते पुस ।

विजयपुर । रौतहटको फतुवा विजयपुर नगरपालिकामा आइतवार बसेको कार्यपालिका बैठक कुनै ठोस निष्कर्षबिना सकिएको छ । बैठकमा प्रस्तुत गरिएका एजेन्डाहरूमा सहमति जुट्न नसकेपछि निर्णयविहीन बनेको हो । छलफल अधुरै रहेकाले ती विषयहरू आगामी कार्यपालिका बैठकमा पुनः छलफल गर्ने सहमति भएको छ ।

प्रमुख प्रशासकीय अधिकृत मदन कुमार थापाले बैठकमा हिउँदे नगरसभा, विद्युत महसुल, कार्यालय व्यवस्थापन तथा विविध सम्बन्धी एजेन्डा प्रस्तुत गरेका थिए । बैठकको अध्यक्षता कार्यवाहक नगरप्रमुख अम्बेया खातुनले गर्नुभएको थियो । यसअघि पुस ११ गते सम्पूर्ण कार्यपालिका सदस्यहरूलाई पत्र काटी बैठकका लागि डाकिएको थियो र नगरपालिका कार्यालयमै बैठक बसेको थियो ।

हिउँदे नगरसभा सम्बन्धमा कुल बजेटको ६० प्रतिशत खर्च भइसकेपछि मात्र नगरसभा गर्न सकिने कानुनी प्रावधान रहेकाले यस विषयमा तत्काल निर्णय हुन सकेन । नियमअनुसार कसरी प्रक्रिया अघि बढाउने भन्नेमा थप छलफल आवश्यक देखिएपछि यो विषय पनि अर्को बैठकमा लैजाने निर्णय गरिएको छ ।

विद्युत महसुलका विषयमा नेपाल सरकार, अर्थ मन्त्रालयको परिपत्र अनुसार विद्युत महसुल नतिर्न भनिएको उल्लेख गरिएको छ । कार्यवाहक नगरप्रमुख अम्बेया खातुनले हालसम्म कुनै बजेट सञ्चालनमा नरहेको बताउँदै आवश्यक निर्णय सबैको एकमतमा गर्नुपर्ने धारणा राख्नुभयो । उहाँले परिपत्र जारी हुनु अघिसम्मको विद्युत महसुल मात्र तिर्न सकिने बताउनुभएको छ, जसमा वडा अध्यक्षहरू सहमत रहेको जनाइएको छ । उनले कार्यपालिका बैठक नबाेलाउने गरेको आफूमाथि आराेप लगाउँछन् तर बैठक हुँदा वडा अध्यक्षहरूले उपस्थितिमा समेत हस्तान्तरण गर्दैनन् । यसरी नगर्नुपर्ने हाे ।

बैठकबारे जानकारी दिँदै फतुवा विजयपुर नगरपालिका वडा नम्बर–२ का वडा अध्यक्ष अनिरुद्ध प्रसाद यादव ‘सञ्जय’ले विद्युत महसुलका लागि २ करोड रुपैयाँ बराबरको बजेट समानिकरण अनुदानबाट छुट्याइएको र सो रकम आन्तरिक स्रोतमा इन्ट्री गरिएको दाबी गर्नुभयो । उहाँले उक्त बजेट कार्यवाहक नगरप्रमुखले आफ्नै शीर्षकमा राख्न लगाएको आरोपसमेत लगाउनुभयो ।

तर कार्यवाहक नगरप्रमुख अम्बेया खातुनले आरोपलाई निराधार भन्दै अस्वीकार गर्नुभएको छ । वडा अध्यक्ष यादवले कार्यालय व्यवस्थापनका लागि बजेट उपलब्ध रहेको र हिउँदे अधिवेशन ६० प्रतिशत बजेट खर्च भएपछि मात्र गर्न मिल्ने नियमअनुसार आफूहरू छलफल गर्न तयार रहेको बताउनुभयो ।

बैठकबाट कुनै ठोस निर्णय ननिस्किएपछि नगरपालिकाका महत्त्वपूर्ण विषयहरू अर्को कार्यपालिका बैठकमा पुनः छलफल गरी टुंग्याउने तयारी गरिएको छ ।

आरके श्रीवास्तव,राैतहट,१३ गते पुस । 

गरुडा । देशकै अग्रणी इन्टरनेट सेवा प्रदायक सुविसु इन्टरनेट गरूडा र चन्द्रपुर शाखाले आफ्नो २५ औँ वार्षिकोत्सवको अवसरमा सामाजिक उत्तरदायित्व अन्तर्गत रौतहटको गरुडा नगरपालिकामा रहेको श्री बंशीराम जयसवाल अनाथालयलाई सहयोग गरेको छ ।

सुविसु इन्टरनेटले अनाथालयमा आश्रित बालबालिकाहरूको दैनिक जीवन सहज बनाउन दैनिक उपभोग्य खाद्यान्न सामग्री सहयोग गर्नुका साथै इन्टरनेट सेवा निःशुल्क रूपमा जडान गरिदिएको हो ।

सहयोग कार्यक्रममा रिजनल मैनेजर सुनिल ठाकुरको नेतृत्वमा सुविसु इन्टरनेटको टिम सुविसु गरूडाका सेल्स सुपरभाइजर नन्दकिशोर यादव ,चन्द्रपुरका शाखा प्रबन्धक बासु उपाध्याय र सुविसुका अन्य कर्मचारीहरू अनाथालयमा पुगेर सामग्री हस्तान्तरण तथा इन्टरनेट जडान कार्य सम्पन्न गरेको थियो ।

कार्यक्रमका क्रममा सुविसु इन्टरनेटले ग्राहक सन्तुष्टिलाई प्राथमिकतामा राख्दै समाजप्रति आफ्नो दायित्व निर्वाह गर्दै आएको उल्लेख गरिएको छ । कम्पनीले भविष्यमा पनि यस्ता सामाजिक कार्यलाई निरन्तरता दिने प्रतिबद्धता जनाएको छ ।

स्थानीय स्तरमा गरिएको यस सहयोगले अनाथालयमा बसोबास गर्ने बालबालिकाहरूको शिक्षा, सूचना पहुँच र दैनिकीमा सकारात्मक प्रभाव पार्ने अपेक्षा गरिएको छ । सामाजिक उत्तरदायित्वमार्फत समुदायसँग सहकार्य गर्दै अघि बढ्नु सुविसु इन्टरनेटको प्रशंसनीय पहल भएको स्थानीयवासीहरूको प्रतिक्रिया छ ।

आरके श्रीवास्तव,राैतहट,१३ गते पुस । 

रौतहट । निजगढ–तिलगङ्गा सामुदायिक आँखा अस्पताल र राजपुर नगरपालिकाको सहकार्यमा आज निःशुल्क आँखाको मोतियाबिन्दु शल्यक्रिया हुने बिरामीहरूसँग भेटघाट तथा समन्वय कार्यक्रम सम्पन्न भएको छ ।

राजपुर नगरपालिकाका नगरप्रमुख डा. राजिक आलम स्वयं निजगढ पुगेर तिलगङ्गा आँखा अस्पतालका चिकित्सक डा. रिता गुरुङसँग भेट गरी नगरपालिकाको तिलगङ्गा आँखा प्रतिष्ठानसँगको सहकार्यलाई थप प्रभावकारी बनाउने विषयमा छलफल गर्नुभएको हो ।

नगरप्रमुख आलमका अनुसार यस कार्यक्रमअन्तर्गत ६३ जना बिरामीको मोतियाबिन्दु शल्यक्रिया निःशुल्क रूपमा भइरहेको छ । आर्थिक अभावका कारण उपचारबाट बञ्चित हुन नपरोस् भन्ने उद्देश्यले नगरपालिकाले आँखा उपचारलाई उच्च प्राथमिकतामा राख्दै आएको उहाँले बताउनुभयो ।

नगरप्रमुख आलमले स्वास्थ्य सेवालाई नगरपालिकाको मुख्य दायित्वका रूपमा लिँदै आगामी दिनमा पनि यस्ता निःशुल्क स्वास्थ्य कार्यक्रमलाई निरन्तरता दिइने प्रतिबद्धता व्यक्त गर्नुभएको छ ।

कार्यक्रमबारे जानकारी दिँदै प्रमुख प्रशासकीय अधिकृत बैजु ठाकुरले नगरपालिकाले स्वास्थ्य क्षेत्रमा गुणस्तरीय सेवा सुनिश्चित गर्न दीर्घकालीन योजना अनुसार काम गरिरहेको बताउनुभयो ।
“नगरप्रमुखज्यूको नेतृत्वमा स्वास्थ्य सेवालाई पहुँचयोग्य, पारदर्शी र प्रभावकारी बनाउँदै लगिएको छ। तिलगङ्गा आँखा अस्पतालसँगको सहकार्यले राजपुरका नागरिकले गुणस्तरीय उपचार पाउने विश्वास छ,” प्रमुख प्रशासकीय अधिकृत ठाकुरले भन्नुभयो ।

यस पहलबाट राजपुर नगरपालिकाका विपन्न तथा ज्येष्ठ नागरिकहरू प्रत्यक्ष रूपमा लाभान्वित हुने अपेक्षा गरिएको छ । केही दिन अघि राजपुर नगरपालिका आँखा शिविर सञ्चालन भएको थियोे जसमा त्यहाँका नागरिकहरूले आँखा चेकजाँच गराउने अवसर पाएका थिए ।

 

प्रेमचन्द्र झा,राैतहट,पुस १३ गते । 

राैतहट ।फतुवा विजयपुर नगरपालिका वडा नम्बर १ स्थित दलित प्राथमिक विद्यालय गम्हरियामा विद्यालय व्यवस्थापन समितिको अध्यक्ष र विद्यालयको नाम परिवर्तनलाई लिएर विवाद भएको छ। हालका अध्यक्षले आफू अझै अध्यक्षकै रूपमा रहन पाउनुपर्ने माग गर्दै आएका छन् भने वडाध्यक्ष विजय यादवले षडयन्त्रपूर्वक दलित समुदायका प्रतिनिधिलाई अध्यक्ष पदबाट हटाउन खोजेको आरोप लागेको छ।
स्थानीयका अनुसार यो विवाद फतुवा विजयपुर नगरपालिकामा मात्र सीमित नरही गत वर्ष सामाजिक सञ्जालमा समेत व्यापक चर्चा भएको विषय हो। यसैक्रममा हाल विद्यालयको नाम समेत परिवर्तन गरिएको छ। पहिलेको नाम परिवर्तन गरी ‘सितामाई दलित प्राथमिक विद्यालय गम्हरिया’ राखिएको छ।

नगरपालिका शिक्षा शाखाको समन्वयमा समाजसेवी शम्भु त्रिपाठीले आर्थिक सहयोग लगानी गरी विद्यालयको नाम परिवर्तन गरिएको बताएका छन्। उनले आफ्नी आमाको नाम जोडेर विद्यालयको नाम ‘सितामाई दलित प्राथमिक विद्यालय गम्हरिया’ राखिएको स्पष्ट पारेका छन्।
तर विद्यालयको नाम परिवर्तन र अध्यक्ष पद सम्बन्धी निर्णयप्रति स्थानीय समाजसेवी बाबुलाल यादवसहित स्थानीय दलित समुदायले असन्तुष्टि जनाएका छन्। उनीहरूले दलित समुदायको सहमति बिना नाम परिवर्तन गर्नु र दलित प्रतिनिधिलाई नेतृत्वबाट हटाउने प्रयास हुनु आपत्तिजनक भएको बताएका छन्।
स्थानीय दलित वर्गले यस विषयमा निष्पक्ष छानबिनको माग गर्दै विरोध जनाइरहेका छन्। उनीहरूको माग छ—दलित समुदायको पहिचान, अधिकार र सहभागितालाई कमजोर बनाउने कुनै पनि निर्णय स्वीकार्य नहुने।
यस विषयमा नगरपालिकाको आधिकारिक धारणा आउन बाँकी रहेको छ।

आरके श्रीवास्तव,रा‌ैतहट,१२ गते पुस । 

रौतहट । कटहरिया नगरपालिका वडा नम्बर ९ स्थित ज्योति डिस्टिलरीमा शनिबार बिहान भएको शक्तिशाली विस्फोटमा मृत्यु हुने व्यक्तिको नाम खुलेको छ । डिस्टिलरीमा रहेको बोइलर विस्फोट हुँदा घटनास्थलमै एक जनाको मृत्यु भएको छ भने छ जना कामदार घाइते भएका छन् ।

मृत्यु हुनेमा कटहरिया–८ बलुवा निवासी लक्षमन राय यादव रहेका छन् । घाइते हुनेमा कटहरिया–८ पिप्रा पोखरिया निवासी बिगन राय यादव, बलिराम राय यादव, रहमत आलम, कैलाश माली, प्रमजित राय यादव, जगदिश राय र गरूडा–५ महम्मदपुर निवासी मुकेश राय रहेका छन् ।

 

घटना स्थलमा खटिनु भएका इलाका प्रहरी कार्यालय कटहरियाका प्रहरी वरिष्ठ नायब निरीक्षक (सई) धर्मेन्द्र पौडेलले जानकारी दिनुभयो । प्रारम्भिक जानकारी अनुसार विस्फोट अत्यन्तै शक्तिशाली भएकाले डिस्टिलरी परिसरमा ठूलो क्षति पुगेको छ । घाइतेमध्ये केहीको अवस्था गम्भीर रहेको बताइएको छ । गम्भीर घाइतेहरूलाई थप उपचारका लागि वीरगञ्जतर्फ लगिएकाे छ ।

सई पौडेलका अनुसार घटनाबारे विस्तृत अनुसन्धान भइरहेको छ भने दुर्घटनाको कारण खुल्न बाँकी रहेको छ ।

घटनापछि स्थानीयवासीमा त्रास फैलिएको छ। सुरक्षाकर्मीले घटनास्थललाई नियन्त्रणमा राखेर थप क्षति नहोस् भन्न सुरक्षा व्यवस्था कडा बनाएका छन् । साथै, प्रहरीले घटनास्थलमा मुचुल्का उठाउने कार्य समेत गरिरहेको छ।

फाेटाे फिचर:

आरके श्रीवास्तव,राैतहट,१२ गते पुस ।

रौतहट । रौतहट जिल्लाको कटहरिया नगरपालिका वडा नम्बर–९ स्थित ज्योती डिस्टिलरीमा शनिबार बिहान ठूलो दुर्घटना भएको छ । डिस्टिलरीमा रहेको बोइलर विस्फोट हुँदा घटनास्थलमै एक जनाको मृत्यु भएको छ भने पाँच जना कामदार घाइते भएका छन् ।

प्रारम्भिक जानकारी अनुसार विस्फोट अत्यन्तै शक्तिशाली भएकाले डिस्टिलरी परिसरमा क्षति पुगेको छ । घाइतेमध्ये केहीको अवस्था गम्भीर रहेको बताइएको छ । गम्भीर घाइतेहरूलाई थप उपचारका लागि वीरगञ्जतर्फ लगिँदै गरिएको छ ।

इलाका प्रहरी कार्यालय कटहरियाका प्रहरी बरिस्ठ नायब  निरीक्षक (सई) धर्मेन्द्र पौडेलले आफू घटनास्थलमा पुगिसकेको र घटनाबारे विस्तृत अनुसन्धान भइरहेको जानकारी दिनुभएको छ । घटनाको कारण, मृतक तथा घाइतेको पहिचान खुल्न बाँकी रहेको प्रहरीको भनाइ छ ।

घटनापछि स्थानीयवासीमा त्रास फैलिएको छ भने सुरक्षाकर्मीले घटनास्थललाई नियन्त्रणमा लिई थप क्षति हुन नदिन सुरक्षा व्यवस्था कडा बनाएका छन् । घटनाबारे थप विवरण आउन बाँकी रहेको छ ।

‎हनुमत कुमार यादव,रौतहट, ११ गते पुस ।

रौतहट जिल्लाका उखु किसानहरूले उद्योगबाट समयमै उखु खरिद नहुनु र भुक्तानीमा चरम ढिलासुस्ती भइरहेको भन्दै गम्भीर असन्तुष्टि व्यक्त गरेका छन् । आफ्ना जायज मागहरू सम्बोधन गर्न आग्रह गर्दै किसानहरूले जिल्ला प्रशासन कार्यालयमार्फत सरकारसमक्ष ज्ञापन पत्र बुझाएका छन् ।
‎
‎किसानहरूले अन्तरजिल्ला उखु ढुवानीमा लगाइएको कथित सिन्डिकेट तत्काल खारेज गर्न माग गर्दै कडा आपत्ति जनाएका छन् । उनीहरूका अनुसार हालै बाबा बैजुनाथ चिनी उद्योगको नाममा गरिएको सम्झौताले रौतहटका किसानलाई अन्य जिल्लाका चिनी उद्योगमा उखु लैजान रोक लगाइएको छ, जसले किसानहरूलाई थप पीडित बनाएको छ ।
‎
‎किसानहरूको भनाइ अनुसार विगतका वर्षहरूमा रौतहटका किसानहरूले आफ्नो उखु बारा जिल्लाको रिलायन्स सुगर मिल, सर्लाहीको इन्दु शंकर चिनी उद्योग तथा महोत्तरीको एभरेष्ट सुगर मिल जस्ता उद्योगहरूमा उप–केन्द्र (काँटा) मार्फत सहज रूपमा बिक्री गर्दै आएका थिए। तर यस वर्ष अघोषित सिन्डिकेट लागू गरिँदा किसानलाई अन्य जिल्लाका उद्योगमा उखु लैजान स्थानीय प्रशासन र केही स्वार्थ समूहले अवरोध गरिरहेको गुनासो गरिएको छ ।
‎
‎किसानहरूले प्रतिस्पर्धात्मक बजारमा आफूलाई पायक पर्ने र समयमै भुक्तानी दिने उद्योग छनोट गर्न पाउनु आफ्नो संवैधानिक अधिकार भएको उल्लेख गर्दै हालको व्यवस्थाले ढुवानीमा सास्ती, आर्थिक शोषण र खेतमै उखु सुक्ने अवस्था सिर्जना गरेको बताएका छन् ।
‎
‎ज्ञापन पत्रमा अन्तरजिल्ला उखु ढुवानीमा लगाइएको रोक तत्काल हटाउन, सरकारले घोषणा गरेको प्रतिक्विन्टल ७० रुपैयाँ अनुदानमध्ये बाँकी रहेको ३५ रुपैयाँ रकम अविलम्ब किसानको बैंक खातामा जम्मा गर्न माग गरिएको छ । उक्त अनुदान रकम विगत लामो समयदेखि रौतहटका हजारौं किसानले नपाएको किसानहरूको भनाइ छ ।
‎
‎त्यसैगरी स्थानीय चिनी उद्योगहरूले समयमै तौल र चलानी (पुर्जी) वितरण नगर्दा किसान थप मारमा परेको भन्दै कुनै पनि दबाब वा प्रभाव बिना सहज रूपमा उखु तौल गर्ने व्यवस्था मिलाउन माग गरिएको छ । सरकारले तोकेको न्यूनतम समर्थन मूल्यभन्दा कममा उखु खरिद गर्ने वा विभिन्न बहानामा रकम कट्टा गर्ने उद्योगहरूलाई कारबाहीको दायरामा ल्याउनुपर्ने माग पनि किसानहरूले गरेका छन् ।
‎
‎पसिना बगाएर उत्पादन गरेका किसानलाई सडकमा आन्दोलन गर्नुपर्ने अवस्था अन्त्य हुनुपर्छ, ज्ञापन पत्रमा उल्लेख गरिएको छ, कृषि प्रधान देशको गरिमा जोगाउन किसानको पेशागत सुरक्षा र सम्मानको ग्यारेन्टी गरिनुपर्छ ।
‎
‎किसानहरूले प्रशासनले आफ्ना मागहरूलाई गम्भीरतापूर्वक लिई तत्काल समाधानका लागि पहल गर्ने विश्वास व्यक्त गरेका छन् । तर ४८ घण्टाभित्र माग सम्बोधन नभए र बेवास्ता गरिएमा रौतहटभरिका किसानहरू कडा आन्दोलनमा उत्रिन बाध्य हुने चेतावनी दिएका छन् ।
‎
‎रौतहट किसान संघर्ष समितिका अध्यक्ष रकेश यादवद्वारा हस्ताक्षरित उक्त ज्ञापन पत्र प्रधानमन्त्री तथा मन्त्रिपरिषद् कार्यालय, मुख्यमन्त्री तथा मन्त्रिपरिषद् कार्यालय मधेश प्रदेश, जिल्ला समन्वय समिति रौतहट तथा उखु उत्पादक किसान संघलाई बोधार्थ पठाइएको छ ।
‎
‎किसानहरूले समयमै समस्या समाधान नभए जिल्लाभर आन्दोलन चर्काउने चेतावनी दिँदै सरकार र सरोकारवाला निकायको गम्भीर ध्यानाकर्षण गराएका छन् ।

आरके श्रीवास्तव,राैतहट,११ गते पुस । 

रौतहट । रौतहट जिल्लाको मौलापुर नगरपालिका वडा नम्बर–३ गम्हरियामा रहेको श्री माध्यमिक विद्यालय गम्हरियाको विद्यालय प्राङ्गनभित्र अवस्थित जिर्ण अवस्थाका भवनका कोठाहरू डाँक बढाबढ प्रक्रियामार्फत बिक्री गरिएको छ ।

विद्यालय परिसरमा रहेका जस्ता पत्ताले छाएका ट्रस ब्लक संख्या ३ र टालीले छाएको १ कोठा गरी जम्मा ४ कोठाको डाँक बढाबढद्वारा ठेक्का प्रक्रिया सम्पन्न भएको हो । उक्त ब्लक बिक्रीका लागि विद्यालयले न्यूनतम ६ लाख ४५ हजार रुपैयाँबाट डाँक बढाबढ सुरु गरेको थियो ।

डाँक बढाबढ प्रक्रियामा ठेकेदार अनिलकुमार साह, हरिन्द्र राय यादव लगायत अन्य ठेकेदारहरूको सहभागिता रहेको थियो । प्रतिस्पर्धात्मक डाँक बढाबढमा सबैभन्दा बढी रकम ८ लाख २५ हजार कबोल गर्ने ठेकेदार अनिलकुमार साहलाई ठेक्का प्रदान गरिएको विद्यालयका प्रधानाध्यापक चन्देश्वर साहले जानकारी गराएका हुन् । अर्का प्रतिस्पर्धी ठेकेदार हरिन्द्र राय यादवले ८ लाख २० हजार रुपैयाँसम्म मात्रै डाँक बढाउन सकेका थिए।

विद्यालयका प्रधानाध्यापक  साह, विद्यालयका लेखापाल, मौलापुर नगरपालिकाका शिक्षा सह–संयोजक धर्मेन्द्र कुमार साहको उपस्थितिमा ठेक्का प्रक्रिया पारदर्शी रूपमा सम्पन्न गरिएको जनाइएको छ । साथै कार्यक्रममा विद्यालयका शिक्षक–शिक्षिका, सुरक्षाकर्मी, पत्रकार, अभिभावक, जनप्रतिनिधि तथा शिक्षाप्रेमी भद्रभलादमीहरूको उल्लेखनीय उपस्थिति रहेको थियो ।

यसअघि पुस ०६ गते तेस्रो पटक प्रकाशित सूचनाअनुसार आज पुस ११ गते शुक्रबारका दिन वडा नम्बर–३ का कार्यवाहक वडा अध्यक्ष पचिया देवीको अध्यक्षतामा डाँक बढाबढ कार्यक्रम सम्पन्न भएको हो ।

कार्यक्रममा वडा सदस्य राकेश बैठा, वडा प्रत्यासी राजकिशोर यादव, अभिभावक रामनरेश प्रसाद कुशवाहा तथा पूर्व विद्यालय व्यवस्थापन समिति अध्यक्ष जरनइल राय यादव लगायतको उपस्थिति रहेको थियो ।

विद्यालय प्रशासनले जिर्ण संरचना हटाएर विद्यालयको भौतिक विकास र सुरक्षित शैक्षिक वातावरण निर्माणमा सहयोग पुग्ने विश्वास व्यक्त गरेको छ ।

अर्जुन यादव,रौतहट,१० गते पुस ।

रौतहटको बौधिमाई नगरपालिकामा लागू औषध दुव्र्यसनविरुद्ध विशेष जनचेतनामूलक कार्यक्रम सम्पन्न भएको छ। जेन्जी २.० र जिल्ला प्रहरी कार्यालय रौतहटको संयुक्त आयोजनामा तथा समुदाय–प्रहरी साझेदारीअन्तर्गत सञ्चालन गरिएको उक्त अभियानको उद्देश्य लागू औषध दुव्र्यसनको रोकथाम र नियन्त्रणका उपायबारे जनचेतना फैलाउनु रहेको थियो।

नगर प्रमुख प्रदीप कुमार यादवको अध्यक्षतामा सम्पन्न कार्यक्रममा प्रमुख अतिथिका रूपमा प्रमुख जिल्ला अधिकारी दिनेश सागर भुसालको उपस्थिति रहेको थियो। कार्यक्रममा लागू औषधले समाज, विशेषगरी युवापुस्तामा पार्ने नकारात्मक प्रभाव, यसको कारण तथा रोकथामका उपायबारे विस्तृत छलफल गरिएको थियो।

कार्यक्रमकै क्रममा प्रहरी उपरीक्षक रविन कार्की र प्रमुख जिल्ला अधिकारी भुसालले बौधिमाई नगरपालिका अन्तर्गत पर्ने बन्कुल बजार क्षेत्रमा संयुक्त अनुगमन गरेका थिए। अनुगमनले बजार सुरक्षा, व्यापारिक गतिविधि तथा समग्र शान्ति–सुरक्षाको अवस्थाबारे अवलोकन गरेको जनाइएको छ।

यस्तै, वडा नंम्बर ५ कोपवाको सामुदायिक भवनमा कक्षा ८, ९ र १० मा अध्ययनरत सामुदायिक विद्यालयका विद्यार्थी तथा शिक्षक–प्रधानाध्यापकहरूको उपस्थितिमा जनचेतनामूलक प्रशिक्षण कार्यक्रम आयोजना गरिएको थियो। कार्यक्रममा प्रहरी नायव निरीक्षक तेजप्रताप सिंहले लागू औषधका प्रकार, असर, कानुनी प्रावधान तथा बच्ने उपायबारे जानकारी गराएका थिए।

कार्यक्रममा जेन्जी २.० का जिल्ला संयोजक सोनू कुशवाहा, सशस्त्र प्रहरी, राष्ट्रिय अनुसन्धान, नगर उपप्रमुख, प्रमुख प्रशासकीय अधिकृत, वडा अध्यक्षहरू, शिक्षक, सुरक्षाकर्मी तथा सयौँ विद्यार्थीहरूको सहभागिता रहेको थियो। सहभागी वक्ताहरूले लागू औषधमुक्त समाज निर्माणका लागि परिवार, विद्यालय, समुदाय र राज्यको संयुक्त भूमिका अपरिहार्य रहेकोमा जोड दिएका थिए।

आरके श्रीवास्तव,रा‌ैतहट,०९ गते पुस । 

रौतहट । उँखु किसानहरूमाथि सिन्डिकेट (जिल्लाबन्दी) लगाइएको आरोप लगाउँदै रौतहटको फतुवा बिजयपुर नगरपालिका–९ स्थित बिजयपुर बजारमा उँखु किसानहरूले भेला आयोजना गरी कडा आक्रोश व्यक्त गरेका छन् । किसानहरूले सरकारले घोषणा गरेको अनुदान रकम समयमा नदिएर शोषण गर्न खोजेको र चिनी उद्योगीहरूले पनि उँखु आफ्नो जिल्ला बाहिर बेच्न नपाउने गरी सिन्डिकेट लगाएको आरोप लगाएका छन् ।

किसानहरूले आफ्ना मागहरू बेवास्ता गरिए थप कडा कदम चाल्ने चेतावनीसमेत दिएका छन् । उँखु उत्पादक संघ रौतहटका अध्यक्ष अशोक यादवले उँखु किसानहरूले भोग्दै आएको जिल्लाबन्दीका कारण किसानहरू ठूलो मारमा परेको बताए । उनले किसानका लागि खुला बजार हुनुपर्ने माग गर्दै एक जिल्लाबाट अर्को जिल्लामा उँखु बेच्न नपाउने व्यवस्था सरासर अन्याय भएको जिकिर गरे ।

फाईल फाेटाे

“अन्नदाता किसानको पीडा अब बेवास्ता गर्न मिल्दैन,” यादवले भने, “किसानले आफ्नो उत्पादन जहाँ बढी मूल्य पाउँछन्, त्यहीँ बेच्न पाउने अधिकार सुनिश्चित हुनुपर्छ ।”
सिन्डिकेटको विषयमा उनले स्पष्ट रूपमा भने, “उँखु किसानमाथि लगाइएको जिल्लाबन्दी सरासर अन्याय हो । पसिना बगाएर फलाएको उँखु आफूले चाहेको जिल्लामा बेच्न पाउनु किसानको मौलिक अधिकार हो । यो सिन्डिकेट तत्काल खारेज गरिनुपर्छ ।”

अनुदानका विषयमा बोल्दै यादवले सरकारले घोषणा गरेको प्रति क्विन्टल ३५ रुपैयाँ अनुदान अब आश्वासनमै सीमित नराखी तत्काल किसानको खातामा जम्मा गर्न माग गरे । “कुनै बहाना नगरी अनुदान रकम तुरुन्त किसानको खातामा हालिनुपर्छ,” उनले जोड दिए ।

यस विषयमा बाबा बैजुनाथ सुगर मिलका सञ्चालक बैजु बाबरासँग प्रतिक्रिया लिँदा उनले सिन्डिकेटको कुरा निराधार भएको दाबी गरे । “हामीले किसानलाई कसरी सहज हुन्छ भन्ने मात्रै चाहेका हौं,” उनले भने, “जिल्लामै सञ्चालित मिलमा उँखु ढुवानी गर्दा खर्च कम लाग्छ, जसले किसानलाई नै फाइदा हुन्छ ।”

उनले उन्नत जातको उँखु बिउमा अनुदान दिइएको उल्लेख गर्दै प्रति कठ्ठा १० हजार रुपैयाँका दरले सहयोग गरिएको बताए । “समग्रमा किसानलाई सहज र राम्रो कसरी हुन्छ भन्ने हाम्रो उद्देश्य हो,” बाबराले भने, “प्रत्येक जिल्लाका चिनी मिलले आफ्नै जिल्लाका उँखु किसानलाई समयमा भुक्तानी गर्नुपर्छ । यसरी गर्दा मिल फाइदामा जान्छ र मिल फाइदामा गयो भने किसानलाई पनि फाइदा हुन्छ ।”

उँखु किसानहरूले भने खुला बजार, जिल्लाबन्दीको अन्त्य र अनुदानको तत्काल भुक्तानी नै आफ्ना मुख्य माग भएको स्पष्ट पारेका छन् ।

आरके श्रीवास्तव,राैतहट,०९ गते पुस । 

रौतहट । नेपाली कांग्रेसका महाधिवेशन प्रतिनिधि ज्ञानेन्द्र यादवले उखु किसानहरूले भोग्दै आएको सिन्डिकेट (जिल्लाबन्दी) र अनुदान रकमको ढिलासुस्तीप्रति गम्भीर ध्यानाकर्षण गराएका छन् । किसान सङ्घर्ष समितिको तर्फबाट बिजयपुर बजारमा आयाेजित सभामा बोल्दै यादवले किसानका जायज माग तत्काल सम्बोधन गर्न सरकारसँग आग्रह गरेका हुन् ।

“सम्पूर्ण आदरणीय किसान दाजुभाइ तथा दिदीबहिनीहरू, सञ्चारकर्मी मित्रहरू र महानुभावहरू,” भन्दै आफ्ना कुरा राखेका यादवले अन्नदाता किसानको पीडा अब बेवास्ता गर्न नहुने स्पष्ट पारे । उनले किसानले आफ्नो उत्पादन जहाँ बढी मूल्य पाउँछन्, त्यहीँ बेच्न पाउने अधिकार सुनिश्चित गर्नुपर्ने बताए ।

सिन्डिकेटका विषयमा यादवले भने, “उखु किसानमाथि लगाइएको जिल्लाबन्दी सरासर अन्याय हो । पसिना बगाएर फलाएको उखु आफूले चाहेको जिल्लामा बेच्न पाउनु किसानको मौलिक अधिकार हो । यो सिन्डिकेट तत्काल खारेज गरिनुपर्छ।”

अनुदानका विषयमा बोल्दै उनले सरकारले घोषणा गरेको प्रति क्विन्टल ३५ रुपैयाँ अनुदान अब आश्वासनमा सीमित नरहनुपर्नेमा जोड दिए । “कुनै बहाना नगरी अनुदान रकम तत्काल किसानको खातामा जम्मा गरिनुपर्छ,” यादवले माग गरे ।

यादवले अन्त्यमा चेतावनी दिँदै भने, “यदि हाम्राे यी जायज मागहरूलाई बेवास्ता गरियो भने किसान सङ्घर्ष समिति थप कडा आन्दोलनमा जान बाध्य हुनेछ ।” किसानको हक–हितका लागि निर्णायक कदम चाल्नुपर्ने उनको भनाइ छ ।

 

काठमाडौं, ९ पुस ।
आम जनता पार्टी (आजपा) का अध्यक्ष एंव पुर्वमन्त्री प्रभु साहले बयान लिनुपर्ने जेनजी हत्यारा, भ्रष्टाचारीलाई सरकारले रातो कार्पेट ओछ्याएर चाकडी गरिरहेको बताएका छन ।

काठमाडौंको कमलादीस्थित नेपाल प्रज्ञाप्रतिष्ठानमा आज (बुधबार) बसेको आजपाको केन्द्रीय कमिटीको बैठकलाई सम्बोधन गर्दै साहले प्रधानमन्त्री सुशिला कार्की जेनजी हत्यारा, भ्रटाचारीसंग बसेर चिया सम्वाद थालेकोमा आक्रोश व्यक्त गरे ।

`अन्तरिम सरकार जेनजी हत्याराहरुको सेवामा समर्पित छ, बयान लिनुपर्नेहरुलाई रातो कार्पेट ओछ्याएर चाकडी गरिरहेको छ,´ आजपा अध्यक्ष साहले भने, `जेनजी आन्दोलन दमनकारी (ओली सरकार) र अपहरणकारी (सुशीला सरकार) ले युवाहरुको रगतको अवमूल्यन गरे । आज दुबै चिया चर्चामा ब्यस्त हुनुहुन्छ ।´

केपी ओलीको अहंकारको कारण मुलुक खरानी भएको बताउदै उनले ओलीको अझै धाक, धम्की नरोकिएको बताए । सचेत नेपाली जनताले यसलाई नजिकबाट नियाँलिरहेको र आगामी निर्वाचनबाट जवाफ दिने तयारीमा रहेको साहले बताए ।

तर सुशीला सरकारले चुनाव नगराउने खेलमा लागेको आशंका उनले व्यक्त गरे । सुशील सरकारले यदि चुनाव नगर्ने सोचेको छ भने सरकारमा बसेकाहरुले २१ फागुनपछि देश छोडेर भाग्ने दिन आउने उनले बताए ।

`संसद् पुनःस्थापनाको नाटकमञ्चन बन्द नगरे जनताले प्रतिकार गर्नेछन् । चुनावबाहेक निकासको अर्को बाटो छैन । त्यसैले तोकिएकै मितिमा निर्वाचन गर्नुको विकल्प छैन,´ आजपा अध्यक्ष साहले भने, `सरकार आँफै चुनावी वातावरण बनाउने कुरामा असफल भइसक्यो, नसक्ने हो भने हात उठाउन म अनुरोध गर्दछु ।´

वर्तमान सरकारले मुलुकलाई ढुंगे युगमा धकेलेको उनले बताए । `सबै देशसँगको सम्बन्ध टुटाएको छ, राजदूतहरु फिर्ता गरेर त्यसको सुरुवात गर्यो´ उनले भने ।
अमेरिका, चीनलगायत देशले यस्तो विषम परिस्थितिमा नेपालबाट आ आफ्ना राजदूत फिर्ता बोलाउनु समिक्षाको विषय भएको टिप्पणी उनले गरे ।

सरकारमा बसेर राजनीतिकदल बनाउने र उम्मेदवार खोज्दै घरदैलो गर्नेहरुको निर्वाचन कसरी सम्पन्न गर्नेतर्फ ध्यान नभएको उनले बताए । `नयाँ र विकल्प दिन्छु भन्नेहरु पनि लोकप्रिय अनुहारको खोजीमा घरदैलोमा हिँड्न थाल्नु दुःखद् हो,´ आजपा अध्यक्ष साहले भने ।
चुनावको मौका छोपेर राजनीतिमा आउने र दल खोल्नेहरुले देश र जनताको बरेमा गम्भीर नभएको बताउदै उनले उनीहरु लोभले राजनीतिमा लागेको बताए ।

बैठकले अगामी निर्वाचनको रणनीतिको बारेमा छलफल गर्दै उम्मेदवार छनोटको मापदण्ड बारेमा छलफल हुने लगायतका एजेन्डाहरु रहेको आजपा सचिवालय सदस्य बालकृष्ण सापकोटाले जनाएका छन् ।

हनुमत कुमार यादव,राैतहट,०९ गते पुस । 

रौतहट । जिल्ला प्रशासन कार्यालय रौतहटले बढ्दो शीतलहर र चिसो मौसमका कारण नागरिकको जनजीवन प्रभावित हुन सक्ने भन्दै सर्वसाधारणलाई उच्च सतर्कता अपनाउन आग्रह गरेको छ ।

प्रशासनले जारी गरेको सूचनामा हाल जिल्लामा अत्यधिक चिसो, कुहिरो र शीतलहर बढ्दै गएकाले विशेषगरी बालबालिका, ज्येष्ठ नागरिक, गर्भवती महिला, सुत्केरी, अपाङ्गता भएका व्यक्ति, विपन्न तथा पछाडि परेका समुदाय बढी जोखिममा रहेको उल्लेख गरिएको छ । यस अवस्थाबाट बच्न आवश्यक सावधानी अपनाउन सम्पूर्ण जिल्लावासीलाई अनुरोध गरिएको छ ।

सूचनाअनुसार चिसोबाट जोगिन न्यानो कपडा प्रयोग गर्ने, घर बाहिर खुला स्थानमा लामो समय नबस्ने, सम्पूर्ण शरीर ढाक्ने गरी सफा र बाक्लो लुगा लगाउने तथा ऊनी सिरक, कम्बल जस्ता साधन प्रयोग गर्न सुझाव दिइएको छ । साथै, समय–समयमा तातोपानी तथा पौष्टिक झोल पदार्थ सेवन गर्न पनि प्रशासनले आग्रह गरेको छ ।

त्यसैगरी, आगो ताप्दा वा विद्युतीय उपकरण प्रयोग गर्दा उच्च सतर्कता अपनाउन, बालबालिका तथा वृद्धवृद्धाको हेरचाहमा विशेष ध्यान दिन, र चिसोका कारण देखिने ज्वरो, रुघाखोकी, दम, खोकी लगायतका समस्या देखिएमा तुरुन्त नजिकको स्वास्थ्य संस्थामा सम्पर्क गर्न भनिएको छ ।

सूचनामा पशुपन्छीलाई पनि चिसोबाट जोगाउन सुरक्षित स्थानमा राख्ने, गोठ सफा र न्यानो बनाउने तथा बिरामी परेमा नजिकको पशु चिकित्सालय वा पशु सेवा शाखामा सम्पर्क गर्न अनुरोध गरिएको छ ।

यातायात सुरक्षालाई मध्यनजर गर्दै कुहिरो तथा हुस्सु लागेका बेला सवारी साधन चलाउँदा गति सीमित राख्न, अनिवार्य रूपमा फग लाइट बाल्न, हेलमेट र सुरक्षा सामग्री प्रयोग गर्न समेत प्रशासनले निर्देशन दिएको छ ।

जिल्ला प्रशासन कार्यालयले स्थानीय तह, विद्यालय, क्लब तथा सामाजिक संस्थाहरूसँग समन्वय गरी शीतलहरसम्बन्धी जनचेतनामूलक कार्यक्रम सञ्चालन गर्न आह्वान गर्दै नागरिकको जीवनयापन सहज बनाउन सबै पक्षको सहयोग आवश्यक रहेको जनाएको छ ।

आरके श्रीवास्तव,राैतहट,०८ गते पुस ।
रौतहट । शान्ति सुरक्षा सुदृढीकरण तथा अपराध नियन्त्रणमा उल्लेखनीय योगदान पुर्‍याएको भन्दै इलाका प्रहरी कार्यालय शिवनगर, रौतहट दरबन्दी भई इलाका प्रहरी कार्यालय चन्द्रनिगाहपुरमा कार्यरत प्रहरी सहायक निरीक्षक निलेश पाठक २०८२ साल मंसिर महिनाको ‘उत्कृष्ट प्रहरी’ को रूपमा चयन हुनुभएको छ ।

विभागीय मूल्य–मान्यता, आदेश–निर्देशनको पालना गर्दै व्यवसायिक, लगनशील र कर्तव्यनिष्ठ ढंगले कर्तव्यपथमा तल्लीन रही उच्च मनोबल र साहसका साथ जिम्मेवारी निर्वाह गरेको मूल्याङ्कनका आधारमा उहाँलाई उत्कृष्ट प्रहरी घोषणा गरिएको जिल्ला प्रहरी कार्यालय राैतहटले जनाएको छ ।

प्रहरी सहायक निरीक्षक पाठकले मिति २०८२ मंसिर ५ गते रौतहटको चन्द्रपुर नगरपालिका वडा नं. ६ स्थित फरार प्रतिवादी रामेश्वर राउतलाई पक्राउ गर्न सफल हुनुभएको थियो । त्यसैगरी मिति २०८२ मंसिर ९ गते चन्द्रपुर नगरपालिका वडा नं. ४ स्थित सवारी साधनको प्रतीक्षामा रहेका दिनेश कुमार कोलीलाई नक्कली गुट्खा तीन बोरा सहित पक्राउ गरिएको थियो ।

 

त्यस्तै मिति २०८२ मंसिर १३ गते विशेष सूचनाका आधारमा चन्द्रपुर नगरपालिका वडा नं. ४ का भोला साह कलवारलाई चेकजाँच गर्दा निजको साथबाट लागूऔषध खैरो हिरोइन १९० मिलिग्राम बरामद गरी पक्राउ गर्न सफल हुनुभएको थियो । मिति २०८२ मंसिर १४ गते लागूऔषध खैरो हिरोइन बेचबिखन गरिरहेको अवस्थामा चन्द्रपुर नगरपालिका वडा नं. ६ निवासी राजेश राईलाई पनि पक्राउ गरिएको थियो ।

यसैगरी मिति २०८२ मंसिर १६ गते चोरी–डकैती गरी फरार रहेका आस महमद, विशाल महर्जन, नवराज झा, अतुलेश दास र शुभम कुशवाहालाई सिसिटिभि फुटेजको विश्लेषण गरी चन्द्रपुर नगरपालिका वडा नं. ५ स्थितबाट पक्राउ गर्न सफल भई प्रहरीको छवि उच्च बनाउने कार्यमा महत्वपूर्ण भूमिका निर्वाह गर्नुभएको छ ।

उक्त उत्कृष्ट कार्यको उच्च मूल्याङ्कन गर्दै जिल्ला प्रहरी कार्यालय रौतहटका कार्यालय प्रमुख प्रहरी उपरीक्षक रविन कार्कीले प्रहरी सहायक निरीक्षक निलेश पाठकलाई २०८२ साल मंसिर महिनाको ‘उत्कृष्ट प्रहरी’ घोषणा गर्दै प्रशंसा–पत्र प्रदान गर्नुका साथै उहाँको व्यक्तिगत तथा व्यवसायिक जीवनको सफलताको शुभकामना व्यक्त गर्नुभएको छ ।

आरके श्रीवास्तव,रौतहट,०७ गते पुस । 

राैतहट । मधेस प्रदेश मिडिया काउन्सिलका कार्यवाहक अध्यक्ष सुरेश यादवले पत्रकारलाई प्रोत्साहन गर्ने उद्देश्यले पत्रकारिता पुरस्कार विधेयक तत्काल पारित गरी कार्यान्वयनमा लैजाने पहिलो प्राथमिकता रहेको बताउनु भएको छ । रौतहटको चन्द्रनिगाहपुरस्थित होटल गौतममा आयोजित सञ्चारमाध्यमको अवस्था र चुनौती विषयक एक दिवसीय गोष्ठीमा बोल्दै उहाँले यस्तो जानकारी दिनु भएको हो ।

अध्यक्ष यादवका अनुसार दोस्रो कामका रूपमा पत्रकार अभाव र समस्यामा रहेकाहरूलाई तत्काल राहत दिन पत्रकार कल्याण कोष स्थापना गरिँदैछ । यो वर्षभित्रै यी दुवै काम सम्पन्न हुने उहाँको भनाइ थियो ।

 

तेस्रो प्राथमिकताका रूपमा उहाँले पत्रकारितामा लेखन संस्कृति कमजोर हुँदै गएको स्वीकार गर्नुपर्ने अवस्था आएको उल्लेख गर्नुभयो । “कपि–पेस्ट पत्रकारिता लेखन संस्कृतिको कमजोरीको उपज हो,” भन्दै यसलाई सुधार गर्न लेखन वृद्धि कोष स्थापना गरिने जानकारी दिनुभयो । मिडिया काउन्सिलले यस वर्ष यी तीनवटै काम सुरु गरिसकेको र अन्तिम चरणमा पुगेको उहाँले बताउनुभयो ।

चौथो कामका रूपमा सामाजिक सञ्जाल र फेसबुके पत्रकारिताको दुरुपयोग कम गर्न अनलाइन सञ्चारमाध्यमको वर्गीकरण गर्ने प्रक्रिया अघि बढाइएको अध्यक्ष यादवले स्पष्ट पार्नुभयो । मिडिया काउन्सिलले मधेस प्रदेशका ६ वटा जिल्लामा यस्ता कार्यक्रम सम्पन्न गरिसकेको जानकारी पनि दिनुभयो ।

 

पत्रकारको अर्थतन्त्र मजबुत बनाउने विषयलाई गम्भीरतापूर्वक लिइएको बताउँदै उहाँले लोककल्याणकारी विज्ञापन व्यवस्थापनका लागि कार्यविधि बनाएर अघि बढ्ने प्रतिबद्धता व्यक्त गर्नुभयो । यी सबै काम सफल बनाउन नेपाल पत्रकार महासंघको सक्रिय सहयोग आवश्यक रहेको उहाँको भनाइ थियो ।

विश्वसनीयता कायम भए मात्र व्यवसायिक पत्रकारिता सम्भव हुने उल्लेख गर्दै अध्यक्ष यादवले आमसञ्चार प्राधिकरणमार्फत प्रेस पासको व्यवस्था गरिने, जसले वास्तविक पत्रकारको पहिचान सुनिश्चित गर्ने बताउनुभयो ।

 

कार्यक्रमका प्रमुख अतिथि प्रदेश सांसद युवराज भट्टराई ‘समिर’ ले सञ्चारमाध्यमका समस्या र चुनौतीबारे आफू जानकार रहेको बताउँदै पत्रकारितामा स्पष्ट मापदण्ड आवश्यक रहेको धारणा राख्नुभयो ।

 

गोष्ठीमा नेपाल पत्रकार महासंघ रौतहटका पूर्व अध्यक्ष प्रेमचन्द्र झा र नेपाल पत्रकार महासंघ सर्लाहीका अध्यक्ष ओमप्रकाश ठाकुरले आ–आफ्ना जिल्लाको पत्रकारिताको अवस्था र चुनौतीबारे कार्यपत्र प्रस्तुत गर्नुभयो ।

कार्यक्रममा नेपाल पत्रकार महासंघ मधेस प्रदेश अध्यक्ष श्याम बनजराले पनि याे विषयमा आफ्नो धारणा राख्नु भएको थियोे । नेपाल पत्रकार महासंघ राैतहटका अध्यक्ष सञ्जय कार्कीले पनि सञ्चारमाध्यमकाे अवस्था र चुनाैतीकाे बारेमा आफ्नो धारणा राख्नु भएको थियोे ।

कार्यक्रमको पृष्ठभूमिबारे मिडिया काउन्सिलकी सदस्य बन्दना झाले अवस्था सुधार गर्न सकिने बताउनुभयो । गोष्ठीका क्रममा सहभागी मिडिया सञ्चालकहरूलाई समूहमा विभाजन गरी सुझाव संकलन गरिएको थियो । कार्यक्रममा राैतहट र सर्लाहीका मिडिया सञ्चालकहरूकाे सहभागीता रहेको थियो ।

कार्यक्रम सञ्चालन मिडिया काउन्सिल मधेस प्रदेशका प्रशासकीय प्रमुख ओमप्रकाश कटुवालले गर्नुभएको थियो ।

राष्ट्रिय गानबाट सुरु भएको कार्यक्रममा ज्ञात–अज्ञात सहिदहरूको सम्झनामा एक मिनेट मौन धारण गरिएको थियो । सहभागी मिडिया सञ्चालकहरूलाई मिडियाको काममा सहयोग पुर्‍याउने उद्देश्यले एक–एक थान ब्याग प्रदान गरिएको थियो ।

 

बज्जिकाञ्चल संवाददाता,रौतहट, ५ पुस ।

जनमत पार्टीका कार्यकारिणी समिति, केन्द्रीय कमिटी सहित विभिन्न जिम्मेवारीमा रहेका दर्जनौं नेताहरु पार्टी परित्याग गरी आम जनता पार्टी (आजपा)मा प्रवेश गरेका छन् ।

आजपा अध्यक्ष एवं पूर्वमन्त्री प्रभु साहको गृहनगर रौतहटको मौलापुर नगरपालिकाको पतौरा बजारमा आयोजित एक कार्यक्रमका बीच नेताहरु जनमत पार्टी परित्याग गर्दै आजपामा प्रवेश गरेका हुन ।

यसरी पार्टी प्रवेश गर्नेहरुमा जनमत पार्टीका कार्यकारिणी समिति सदस्य सुनिल यादव, केन्द्रीय सदस्य सियाराम जयसवाल, केन्द्रीय सदस्य विनोद यादव, सांस्कृतिक जनमत संघका केन्द्रीय सदस्यद्धय दिपक बैठा, रामबाबु यादव रहेका छन् ।

यसैगरी जनमत पार्टी बाराका सदस्य एवं सुवर्ण गाउँपालिकाका इन्चार्ज कामेश्वर मुखिया, देवताल गाउँपालिका अध्यक्ष संदिप यादव, महागढीमाई नगरपालिका सचिव राजेश यादव, देवताल गाउँपालिका सचिव कौशल कुशवाहा, वडा नं. ६ का वडा अध्यक्ष कपिलदेव पण्डित, महागढीमाई नगरपालिका वडा नं. ६ का पूर्व वडा अध्यक्ष कुबेर यादव, सचिव हरिन्द्र यादव, बारा जिल्ला सदस्य उमाशंकर दास, पुन्देव चौरसिया, पतौरा ९ का वडा अध्यक्ष सविन्द्र यादव लगायतका नेताहरु आजपामा प्रवेश गरेका छन् ।

जनमत पार्टी परित्याग गरी आजपा प्रवेश गर्ने नेताहरु बारा जिल्ला क्षेत्र नं. २ का बढी रहेका छन् । पछिल्लो समय जनमत पार्टी परित्याग गर्दै आजपामा प्रवेश गर्ने नेताहरुको संख्या बढदै गइरहेको आजपा सचिवालय सदस्य सुभाष साहले जनाएका छन् ।

उनीहरुलाई आजपा अध्यक्ष एवं पूर्वमन्त्री प्रभु साहले टिका, माला, अबिर लगाएर पार्टीमा स्वागत गरेका छन् । आजपामा स्वागत गर्दै उनले सफल राजनीतिक भविष्यको शुभकामना व्यक्त गरेका छन् ।

यसअघि जनमत पार्टीका केन्द्रीय सदस्यहरु विक्रमबहादुर बम, उदयपुर जिल्ला इन्चार्ज पुष्पराज भण्डारी, तिलक भण्डारी सहितका नेताहरु गत बुधबार आजपामा प्रवेश गरेका थिए ।

जनमत पार्टी परित्याग गरी आजपामा प्रवेश गर्ने नेताहरुले जनमतले मुलुकको नेतृत्व गर्दै नेपाली जनताको आवश्यक्ता, चाहना पुरा गर्न नसक्ने भएकाले आफूहरुले आजपामा प्रवेश गरेको जनाएका छन् ।

आजपाले लिएको रणनीति, उठाउदै आएको मुद्धाले मुलुक र नेपाली जनताको पक्षमा रहेको र आजपाले मुलुकको नेतृत्व गर्दै समृद्धिको स्पष्ट खाका सहित अगाडी बढेकाले आजपामा प्रवेश गरेको उनीहरुले जनाएका छन् । आजपाको नेतृत्व, नीति, विचार नै अहिलेको आवश्यक्ता भएकाले अन्य नेतालाई समेत उनीहरुले आजपामा गोलबद्ध हुन आह्वान गरेका छन् ।

 

आरके श्रीवास्तव,राैतहट,०५ गते पुस । 

रौतहट । आउँदो फाल्गुन २१ गते हुने प्रतिनिधि सभा निर्वाचनको तयारी तथा छलफलका लागि नेपाली कांग्रेस रौतहट निर्वाचन क्षेत्र नं. ३ को क्षेत्रीय भेला आज कटहरिया बजारमा सम्पन्न भएको छ ।

भेलामा प्रतिनिधि सभा निर्वाचनका विषयमा व्यापक छलफल गरिएको थियो । सो क्रममा नेपाली कांग्रेस रौतहटका जिल्ला सभापति जितेन्द्र यादव (शुनिल) ले आउँदो प्रतिनिधि सभा चुनावमा आफू उम्मेदवार नबन्ने घोषणा गरेका छन् । सभापति यादवको उक्त घोषणापछि भेलामा सहभागी नेताहरूले प्रतिनिधि सभा सदस्यका लागि नाम सिफारिस प्रक्रिया अघि बढाएका थिए ।

नाम सिफारिसका क्रममा नेपाल शिक्षक संघका अध्यक्ष रामकृपाल यादव, ज्ञानेन्द्र यादव, वाल्मीकि यादव, ओमप्रकाश जयसवाल लगायतले प्रतिनिधि सभा सदस्य पदका लागि आ–आफ्नो नाम प्रस्ताव गरेका थिए । जयसवाल यस अघि पनि संघिय सांसद पदका प्रत्यासी हुन् ।

भेलामा सहभागी वक्ताहरूले पार्टी संगठन सुदृढ बनाउँदै चुनावमा एकताबद्ध भएर अघि बढ्नुपर्नेमा जोड दिएका थिए । साथै, क्षेत्र नं. ३ मा नेपाली कांग्रेसको जित सुनिश्चित गर्न सबै कार्यकर्ता र नेताहरू मिलेर काम गर्नुपर्ने निष्कर्ष निकालिएको थियो ।

आरके श्रीवास्तव,मधेस,०५ गते पुस । 

महोत्तरी । लोकतान्त्रिक समाजवादी पार्टी नेपाल (लोसपा नेपाल) महोत्तरी निर्वाचन क्षेत्र नं. ३ को क्षेत्रीय भेलाले पार्टीका राष्ट्रिय अध्यक्ष महन्थ ठाकुरलाई प्रतिनिधि सभा सदस्य पदका लागि प्रत्यक्षतर्फको उम्मेदवारका रूपमा सर्वसम्मतिले एकल नाम सिफारिस गरेको छ ।

क्षेत्रीय भेलाको निर्णयसँगै पार्टीका नेता–कार्यकर्ताहरूले ठाकुरलाई हार्दिक बधाई दिँदै आगामी निर्वाचनमा विजयको अग्रिम शुभकामना व्यक्त गरेका छन् । भेलामा सहभागी वक्ताहरूले मधेशको अधिकार, पहिचान र सम्मानका लागि निरन्तर संघर्ष गर्दै आएका ठाकुरको नेतृत्व आज पनि जनतामाझ विश्वासिलो रहेको बताए ।

महन्थ ठाकुर यसअघि सोही निर्वाचन क्षेत्रबाट दुई पटक संघीय सांसदमा निर्वाचित भइसकेका अनुभवी नेता हुन् । सरल जीवनशैली, सिद्धान्तनिष्ठ राजनीति र स्वच्छ छविका कारण उनी ‘सन्त नेता’का रूपमा चिनिँदै आएका छन् । सत्ता राजनीतिमा अवसर हुँदा पनि मन्त्री पदप्रति आकांक्षा नराखी आफूभन्दा अन्य दर्जनौं नेतालाई मन्त्री बन्न सहयोग गरेको उनको राजनीतिक आचरणलाई पार्टीभित्र मात्र होइन, आम जनताले पनि सकारात्मक रूपमा लिएका छन् ।

“मरे तो मुक्ति, जिए तो मधेश” भन्ने चर्चित नारासहित मधेश आन्दोलनको अगुवाइ गरेका ठाकुरको राजनीतिक विचार र प्रतिबद्धता अहिले पनि जनस्तरमा चर्चामा रहेको छ । पार्टीका नेताहरूले महोत्तरी–३ मा ठाकुरको उम्मेदवारीले लोसपा नेपाललाई थप बलियो बनाउने र मधेशी जनताको मुद्दा फेरि सशक्त रूपमा संसदमा उठ्ने विश्वास व्यक्त गरेका छन् ।

 

आरके श्रीवास्तव,राैतहट,०५ गते पुस ।

रौतहट । राजपुर नगरपालिकामा कार्यरत हल्का सवारी चालक रोज कमरूल होदा (शेख कमरूद्दिन) को असामयिक निधन भएको छ । उहाँको मिति २०८२/०९/०४ गते राति करिब ९ बजे निधन भएको नगरपालिकाले जनाएको छ ।

स्व. होदाको निधनप्रति राजपुर नगरपालिका परिवारले गहिरो शोक व्यक्त गर्दै शोकसन्तप्त परिवारजनप्रति हार्दिक समवेदना प्रकट गरेको छ। नगर कार्यपालिकाको कार्यालय, राजपुर नगरपालिकाबाट जारी सूचनाअनुसार मिति २०८२/०९/०६ गते आइतबार नगरपालिकाको कार्यालय तथा मातहतका सबै कार्यालयहरूमा शोक विदा दिइएको छ ।

नगरपालिकाका प्रमुख प्रशासकीय अधिकृत बैजु ठाकुरद्वारा हस्ताक्षरित सूचनामा स्व. होदाको योगदानप्रति सम्मान व्यक्त गर्दै शोक विदा दिइएको व्यहोरा सबैलाई जानकारी गराइएको छ ।

यसैबीच, राजपुर नगरपालिकाका नगरप्रमुख डा. राजिक आलमले सामाजिक सञ्जालमार्फत शोक सन्देश व्यक्त गर्नुभएको छ । उहाँले लेख्नुभएको छ, “राजपुर नगरपालिकाको हल्का सवारी चालक रोज कमरूल होदा (शेख कमरूद्दिन) को असामयिक निधनले हामी सबै स्तब्ध भएका छौं । उहाँको आत्माको चिर शान्तिको कामना गर्दछौं र शोकाकुल परिवारमा धैर्य धारण गर्ने शक्ति प्राप्त होस् भनी प्रार्थना गर्दछौं।”

स्व. होदाको निधनले नगरपालिकामा शोकको वातावरण छाएको छ । स्थानीय तहका कर्मचारी, जनप्रतिनिधि तथा स्थानीयवासीहरूले उहाँलाई एक इमानदार र कर्तव्यनिष्ठ कर्मचारीका रूपमा स्मरण गर्दै श्रद्धाञ्जली अर्पण गरिरहेका छन् ।

आरके श्रीवास्तव,राैतहट,०५ गते पुस । 

रौतहट । नेपाल विद्युत प्राधिकरण मौलापुर वितरण केन्द्रले मौलापुर सब–स्टेसनदेखि हर्षाहा सब–स्टेसनसम्मको ३३ केभी प्रसारण लाइनमा बुस कटिङ तथा मर्मत कार्य गर्नुपर्ने भएकाले मिति २०८२/०९/०५ गते शनिबार विद्युत् आपूर्ति अवरुद्ध हुने जनाएको छ ।

प्राधिकरणका अनुसार शनिबार बिहान १० बजेदेखि बेलुका ५ बजेसम्म मौलापुर सब–स्टेसनबाट प्रसारण हुने सम्पूर्ण क्षेत्रको विद्युत् सेवा बन्द रहनेछ । मर्मत तथा सुधार कार्य सुरक्षित र प्रभावकारी रूपमा सम्पन्न गर्न लाइन अवरुद्ध गर्नुपरेको प्राधिकरणले स्पष्ट पारेको छ ।

यद्यपि, तोकिएको समयभन्दा अगाडि नै कार्य सम्पन्न भएमा निर्धारित समयभन्दा पहिल्यै लाइन सञ्चालन गरिने पनि सूचनामा उल्लेख गरिएको छ । यसबाट प्रभावित उपभोक्ताहरूलाई आवश्यक पूर्वतयारी गर्न नेपाल विद्युत प्राधिकरणले अनुरोध गरेको छ ।

उक्त सूचना जिल्ला प्रशासन कार्यालय, गौर तथा मधेश प्रदेश प्रादेशिक कार्यालय, जनकपुर लाई बोधार्थ पठाइएको छ ।

नेपाल विद्युत प्राधिकरण मौलापुर वितरण केन्द्रले असुविधाप्रति क्षमायाचना गर्दै उपभोक्ताको सहकार्यका लागि आग्रह गरेको छ ।

काठमाण्डौ – मधेश प्रदेशका मुख्यमन्त्री कृष्णप्रसाद यादवले विश्वासको मत पाउनुभएको छ । हिजो बसेको प्रदेशसभा बैठकमा उपस्थित सबै सदस्यहरूले उहाँलाई विश्वासको मत दिएका हुन् ।

उहाँको पक्षमा प्रदेशसभाको पूरै ९२ मत खसेको थियो । उहाँलाई सत्तापक्षका सबै दल र प्रमुख प्रतिपक्षी नेकपा एमालेसहितका दलले समेत विश्वासको मत दिएका हुन् ।

६ दलीय गठबन्धनको समर्थनमा नेपाली कांग्रेस संसदीय दलका नेता यादव मंसिर १९ गते मुख्यमन्त्री नियुक्त हुनुभएको थियो । उहाँले मंसिर २१ गते पद तथा गोपनीयताको शपथ लिनुभएको थियो । सभार उज्यालाे

हनुमत कुमार यादव,राैतहट,०३ गते पुस । 
‎
‎रौतहट । रौतहटको सदरमुकाम गौर स्थित रहेको करदाता सेवा कार्यालय खारेज गर्ने निर्णयविरुद्ध जिल्लाका व्यापारीहरूले विरोध प्रदर्शन गरेका छन् । रौतहट वाणिज्य संघको आयोजनामा जिल्लाका विभिन्न स्थानबाट आएका व्यापारीहरू एकजुट भएर उक्त निर्णयविरुद्ध सडकमा उत्रिएका हुन् ।
‎
‎प्रदर्शनकारीहरूले करदाता सेवा कार्यालय खारेज गर्ने निर्णयले स्थानीय व्यापारी, उद्योगी तथा करदाताहरूलाई गम्भीर समस्या पर्ने भन्दै सरकारसँग निर्णय फिर्ता लिन माग गरेका छन् । उनीहरूको भनाइमा करदाता सेवा कार्यालय खारेज हुँदा कर सम्बन्धी सेवा लिन टाढा जानुपर्ने बाध्यता सिर्जना हुने र यसले समय तथा खर्च दुवै बढाउनेछ ।
‎
‎र्‍यालीका क्रममा व्यापारीहरूले सरकारविरुद्ध कर कार्यालय सार्न पाइदैन ,व्यापारी दिन पाउदैन र अर्थमन्त्री मुर्दावाद सहितका नाराबाजी गर्दै करदाता सेवा कार्यालय यथावत् राख्न माग गरेका थिए । रौतहट वाणिज्य संघका अध्यक्ष रविन्द्रनाथ गोपाल सहितका पदाधिकारीहरूले स्थानीय स्तरमै सेवा उपलब्ध गराउनु सरकारको दायित्व भएको उल्लेख गर्दै करदातामैत्री नीतिको आवश्यकतामा जोड दिएका छन् ।
‎
‎वाणिज्य संघले सरकारले आफ्नो निर्णय पुनर्विचार नगरे आन्दोलनलाई अझ सशक्त बनाउने चेतावनीसमेत दिएको छ । उक्त कार्यक्रम लाई अगाडिको लागि बिहान शुक्रबार करदाता सेवा कार्यालय अगाडि धर्ना दिन र विरोध प्रदर्शन का लागि वाणिज्य संघ रौतहटले सम्पूर्ण व्यापारी संग आफ्नो व्यापार बंद गरी आउन आग्रह समेत गरेका छन् । हाल प्रदर्शन शान्तिपूर्ण रूपमा सम्पन्न भएको र कुनै अप्रिय घटना नभएको प्रहरीले जनाएको छ ।
‎

बज्जिकाञ्चल संवाददाता,राैतहट,०३ गते पुस । 

रौतहट । जलवायु जोखिम तथा संकटासन्नताको लागि सामुदायिक उत्थानशील परियोजना अन्तर्गत शुक्रबार चन्द्रपुर नगरपालिका र सरोकारवाला निकायबीच बृहत छलफल कार्यक्रम सम्पन्न भएको छ ।
अक्सफाम नेपालको आर्थिक सहयोग तथा ग्रामीण विकास केन्द्र (आरडिसी नेपाल) को आयोजनामा चन्द्रपुर नगरपालिका भित्र जलवायु परिवर्तनका कारण पर्न सक्ने सम्भावित प्रभाव तथा त्यसको न्यूनीकरणका उपायबारे छलफल गरिएको हो ।
चन्द्रपुर नगरपालिकाकी उपप्रमुख जयमाला चौधरीको अध्यक्षतामा सम्पन्न छलफल कार्यक्रममा जलवायु परिवर्तनले कृषि, वन, पूर्वाधार, जनस्वास्थ्य तथा जीविकोपार्जनमा पार्दै आएको असरका विषयमा सहभागीहरूबीच गहिरो विमर्श गरिएको थियो । साथै ती असरहरू कम गर्न सकिने सम्भावित उपाय, सुधार गर्नुपर्ने पक्ष तथा यस क्षेत्रमा नगरपालिकाले हालसम्म गरिरहेको प्रयासबारे समेत व्यापक छलफल भएको थियो ।
कार्यक्रममा चन्द्रपुर नगरपालिका अन्तर्गतका चन्द्रपुर नगरपालिकाको उपप्रमुख, प्रशासकीय अधिकृत, वडाका वडाअध्यक्षहरूवडा सदस्य , वन उपभोक्ता महासङ्घ, जलधार तथा भूसंरक्षण, संघर्ष युवा क्लब महिला समूह ,  तथा सामुदायिक वनका पदाधिकारीहरूको सहभागिता रहेको थियो भने डिभिजन वन कार्यालय रौतहटका प्रतिनिधिहरूले वन संरक्षण, जलवायु अनुकूलन तथा विपद् जोखिम न्यूनीकरणमा वन क्षेत्रको भूमिकाबारे धारणा राखेका थिए ।
त्यसैगरी चन्द्रपुर नगरपालिकाका विभिन्न शाखा प्रमुख कर्मचारीहरूको सक्रिय सहभागिता रहेको छलफल कार्यक्रममा ग्रामीण विकास केन्द्र नेपाल (आरडिसी) की उपाध्यक्ष ममता झा स्वागत मन्तव्य र परियोजनाको संयोजक चिरञ्जीवी महत्व ले परियोजनाको उद्देश्य, हालसम्मको प्रगति तथा आगामी कार्ययोजनाबारे जानकारी दिइन ।
छलफलबाट स्थानीय तह, वन क्षेत्र, सरोकारवाला निकाय तथा समुदायबीच सहकार्यलाई अझ सुदृढ गर्दै जलवायु जोखिम न्यूनीकरण र सामुदायिक उत्थानशीलता अभिवृद्धि गर्ने निष्कर्ष निकालिएको आरडिसी नेपालले जनाएको छ ।

आरके श्रीवास्तव,राैतहट,०३ गते पुस । 

रौतहट । जेन जी २.० रौतहट जिल्ला संयोजकसहितको टोलीले इनरवा स्थित भी आधारभूत विद्यालयमा देखिएको शैक्षिक तथा व्यवस्थापकीय अव्यवस्थाप्रति गम्भीर ध्यानाकर्षण गराउँदै प्रधानाध्यापकलाई ज्ञापन पत्र बुझाएको छ ।

ज्ञापन पत्रमा पछिल्लो समय विद्यालयमा अव्यवस्थित वातावरण, कक्षाकोठाको नियमित अनुगमनको अभाव, समयतालिकाको अव्यवस्था तथा शिक्षक–विद्यार्थी सम्बन्धमा देखिएको दूरीका कारण विद्यार्थीको भविष्यमा नकारात्मक असर परिरहेको उल्लेख गरिएको छ । यस्ता समस्याले विद्यालयप्रतिको विश्वास कमजोर हुनुका साथै विद्यार्थीको शैक्षिक प्रगति र मनोबलमा गम्भीर प्रभाव पारेको जेन जेड २.० को भनाइ छ ।

ज्ञापन पत्रमार्फत विद्यालय सुधारका लागि १० बुँदे माग प्रस्तुत गरिएको छ । जसअन्तर्गत विद्यालयको समग्र अनुशासन, स्वच्छता र दैनिक व्यवस्थापन कडाइका साथ लागू गर्नुपर्ने, शिक्षक समयमै उपस्थित नभए कारबाही गर्ने, कम्प्युटर तथा विज्ञान प्रयोगशाला र पुस्तकालयको व्यवस्था, खानेपानी र शौचालयको सुधार, कक्षाकोठामा मोबाइल प्रयोग निषेध, स्यानेट्री प्याडको व्यवस्था, दिवा खाजामा पौष्टिक आहार समावेश, विद्यालयमा लागू पदार्थ नियन्त्रण, बालविकास कक्षामा कार्पेटको व्यवस्था तथा शिक्षक–विद्यार्थीको पोशाक र कपाल व्यवस्थापन गर्नुपर्ने माग समेटिएका छन् ।

जेन जी २.० ले सुरक्षित, अनुशासित, गुणस्तरीय र विद्यार्थीमैत्री शैक्षिक वातावरण निर्माण नै साझा उद्देश्य रहेको बताउँदै प्रधानाध्यापकले ज्ञापन पत्रलाई गम्भीरतापूर्वक लिएर तत्काल सुधारका ठोस कदम चाल्ने विश्वास व्यक्त गरेको छ ।

ज्ञापन पत्र जेन जी २.० रौतहट जिल्ला संयोजक सोनु कुशवाहाको नेतृत्वमा बुझाइएको हो ।

आरके श्रीवास्तव,राैतहट,०३ गते पुस । 

रौतहट । लोकतान्त्रिक समाजवादी पार्टी नेपाल (लोसपा) ले केन्द्रीय कार्यालयको निर्देशन बमोजिम आगामी २०८२ फाल्गुन २१ गते हुने संसदीय निर्वाचनका लागि रौतहट जिल्लामा थप उम्मेदवार सिफारिस गरेको छ ।

लोसपा जिल्ला अध्यक्ष भरत साहका अनुसार मिति २०८२ मंसिर २६ गतेमा भएको निर्णयअनुसार केही संसदीय क्षेत्रमा उम्मेदवार छनोट थप गरिएकाले प्रत्यक्ष तथा समानुपातिक तर्फ उम्मेदवारको नामावली केन्द्रीय कार्यालयमा पठाइएको हो ।

सिफारिसअनुसार संसदीय निर्वाचन क्षेत्र नं. १ बाट प्रत्यक्षतर्फ बाबुलाल साह, अनिल सिंह र मुकेश झा रहेका छन् भने सोही क्षेत्रमा समानुपातिकतर्फ राजदेवी नगरपालिका–८ का जितेन्द्र कुमार पण्डित (कुमहार) को नाम सिफारिस गरिएको छ ।

संसदीय निर्वाचन क्षेत्र नं. २ बाट प्रत्यक्षतर्फ गौर नगरपालिका–९ का अरुण कुमार सिंह सिफारिस भएका छन् । क्षेत्र नं. ३ बाट प्रत्यक्षतर्फ कटहरिया नगरपालिका–८ का राजु कुमार श्रीवास्तवलाई उम्मेदवारका रूपमा अघि सारिएको छ ।

त्यसैगरी, संसदीय निर्वाचन क्षेत्र नं. ४ बाट प्रत्यक्ष तर्फ भाग्यनारायण तिवारी तथा समानुपातिकतर्फ गढीमाई नगरपालिका–४ का कुमार सानु साह सहितका नाम सिफारिस भएका छन् ।

उक्त निर्णय केन्द्रीय उपाध्यक्षद्वय निलम बर्मा र बाबुलाल साह, केन्द्रीय सदस्य रामप्रवेश दास, लोसपा मधेस प्रदेश सचिव ओमलोक पटेललगायत पार्टीका नेता तथा कार्यकर्ताहरूको उपस्थितिमा भएको जिल्ला अध्यक्ष साहले जानकारी दिए ।

उनका अनुसार समानुपातिक तर्फ निलम बर्मा,प्रभा सिंह, इन्दु दास लगायतका नामहरू सिफारिसमा समावेश छन् ।

राैतहट,पुष ०१ गते ।
प्रतिनिधि सभा निर्वाचन क्षेत्र नं. १ रौतहटको क्षेत्र स्तरीय बैठक विभिन्न प्रस्तावहरूमाथि व्यापक छलफल गर्दै सम्पन्न भएको छ। मंगलवार बसेको बैठकले संगठन विस्तार र आगामी निर्वाचन तयारीलाई केन्द्रमा राख्दै महत्त्वपूर्ण निर्णयहरू गरेको छ।

बैठकको निर्णयअनुसार रौतहट निर्वाचन क्षेत्र नं. १ मा जनमत पार्टीका केन्द्रीय सदस्य विकास कुमार यादवको संयोजकत्वमा १४ सदस्यीय क्षेत्रीय कोर टिम गठन गरिएको छ। गठित कोर टिमलाई संगठन सुदृढीकरण र चुनावी गतिविधि व्यवस्थापनको प्रमुख जिम्मेवारी दिइएको छ।

त्यसैगरी, प्रतिनिधि सभा निर्वाचन क्षेत्र नं. १ बाट जनमत पार्टीका राष्ट्रिय अध्यक्ष माननीय डा. सी.के. राउत, देवेंद्र मिश्र, बृजभूषण प्रसाद सिंह तथा सुरेन्द्र ठाकुरको नाम प्रत्यक्ष उम्मेदवारका रूपमा सिफारिस गरिएको छ।

बैठकले पार्टीको क्षेत्रीय सम्पर्क कार्यालय रौतहटको पिपरा बजारमा स्थापना गर्ने निर्णयसमेत गरेको छ। उक्त कार्यालयलाई संगठन सञ्चालन, बैठक व्यवस्थापन तथा जनसम्पर्कको केन्द्रका रूपमा प्रयोग गरिने जनाइएको छ।

कोर टिमले बूथ स्तरीय मूल समिति, महिला समिति तथा युवा दस्ता गठन गरिसकेको जानकारी दिइएको छ। साथै, जहाँ गठन हुन बाँकी छ, ती सबै बूथहरूमा सात दिनभित्र समिति गठन गरी सक्रियताको मूल्यांकनसहितको गठन प्रतिवेदन र मूल्यांकन प्रतिवेदन कार्यालयमा पेश गर्न कोर टिमका सदस्यहरूलाई जिम्मेवारी तोकिएको छ।

पार्टी नेतृत्वले बैठकका निर्णयहरूले संगठनलाई थप सशक्त बनाउने र आगामी निर्वाचनमा प्रभावकारी रूपमा प्रस्तुत हुन सहयोग पुग्ने विश्वास व्यक्त गरेको छ।

आरएन पटेल,रौतहट, पौष ०१ गते
जनता समाजवादी पार्टी (जसपा) नेपालले रौतहट जिल्लाका विभिन्न प्रतिनिधि सभा निर्वाचन क्षेत्रबाट प्रत्यक्षतर्फ उम्मेदवारका रूपमा एकल नाम सिफारिस गरेको छ। मंगलवार छुटाछूटै निर्वाचन क्षेत्रमा कार्यक्रमको आयोजन गरि पार्टीले जनभावनालाई मध्यनजर गर्दै अनुभवी र जनप्रिय नेताहरूलाई अघि सारेको भन्दै यस निर्णयलाई जिल्लामा सकारात्मक रूपमा हेरिएको छ।

जसअनुसार प्रतिनिधि सभा निर्वाचन क्षेत्र नं. १ बाट पूर्व राज्यमन्त्री योगेन्द्र राय यादव, क्षेत्र नं. ३ बाट जसपा नेपालका केन्द्रीय उपाध्यक्ष तथा पूर्व माननीय गोविन्द चौधरी र क्षेत्र नं. ४ बाट जेन्जी युवाहरुको चाहना अनुरूप युवा नेता राजकुमार दासलाई प्रत्यक्षतर्फ एकल उम्मेदवारका रूपमा सिफारिस गरिएको हो।

पार्टी नेतृत्वका अनुसार सिफारिस भएका तीनै जना नेता अनुभवी, ऊर्जावान तथा जनतासँग गहिरो सम्बन्ध भएका व्यक्तित्व हुन्। उनीहरूलाई नेतृत्वको जिम्मेवारी प्राप्त भएमा रौतहट जिल्लामा शिक्षा, स्वास्थ्य, पूर्वाधार, रोजगारीलगायतका क्षेत्रहरूमा ठोस र दीर्घकालीन सुधार हुने जसपा नेपालको दाबी छ।

स्थानीय तहका नेता तथा कार्यकर्ताहरूले पार्टीको यो निर्णयले जिल्लामा सकारात्मक सन्देश प्रवाह भएको प्रतिक्रिया दिएका छन्। एकल नाम सिफारिसले पार्टीभित्रको एकता मजबुत बनाउने र आगामी निर्वाचनमा सशक्त रूपमा अघि बढ्न सहयोग पुग्ने उनीहरूको विश्वास छ।

जसपा नेपालले जनताको चाहना र आवश्यकतालाई केन्द्रमा राख्दै उम्मेदवार चयन गरिएको जनाएको छ। पार्टीले आगामी दिनमा जनमुखी एजेन्डासहित जनताको घरदैलोमा पुगेर संगठन विस्तार तथा राजनीतिक अभियानलाई तीव्रता दिने तयारी गरिरहेको कार्यालय सचिव दिनेश कुमार यादवले बताएको छ।

जसपा नेपाल रौतहट जिल्ला अध्यक्ष राजीव रंजन यादवले सिफारिस भएका सबै उम्मेदवारहरूलाई हार्दिक बधाई तथा शुभकामना व्यक्त गर्दै आगामी निर्वाचनमा पार्टीको एजेन्डा र जनताको आवाजलाई सशक्त रूपमा प्रतिनिधित्व गर्ने विश्वास व्यक्त गरेका छन।

 

आरके श्रीवास्तव,राैतहट,०१ गते मंसिर । 

रौतहट । जनता समाजवादी पार्टी नेपाल (जसपा नेपाल) ले आगामी प्रतिनिधिसभा निर्वाचनका लागि रौतहट निर्वाचन क्षेत्र नं. ४ बाट राजकुमार दास तत्माको नाम एकल रूपमा सिफारिश गरेको छ ।

पार्टीको क्षेत्रीय तथा जिल्ला तहका नेताहरूबीच भएको विस्तृत छलफल र सहमतिपछि तत्माको नाम एकल सिफारिश गरिएको हो । पार्टी स्रोतका अनुसार, राजकुमार दास तत्मा लामो समयदेखि जसपा नेपालको संगठन निर्माण, जनसम्पर्क विस्तार तथा सामाजिक गतिविधिमा सक्रिय रहँदै आएका नेता हुन् ।

स्थानीय तहमा राम्रो जनाधार, जनताका समस्याप्रति संवेदनशीलता तथा पार्टीप्रतिको इमान्दार निष्ठाका कारण उनको नाममा सर्वसम्मत सहमति जुटेको पार्टी नेताहरूले बताएका छन् । जसपा नेपाल रौतहटले निर्वाचन क्षेत्र नं. ४ मा पार्टीको पकड अझ मजबुत बनाउन सक्ने सक्षम, लोकप्रिय र जनउत्तरदायी उम्मेदवारका रूपमा तत्मालाई अघि सारेको जनाएको छ ।

पार्टीका अनुसार क्षेत्रीय र जिल्ला तहबाट गरिएको उक्त सिफारिश अब केन्द्रिय समितिमा पठाइनेछ । केन्द्रिय समितिको निर्णयपछि अन्तिम उम्मेदवारको टुंगो लाग्ने बताइएको छ ।

यसैबीच, पार्टीका स्थानीय नेताहरूले राजकुमार दास तत्माको उम्मेदवारीले रौतहट–४ मा जसपा नेपालको चुनावी रणनीतिलाई थप बल पुग्ने विश्वास व्यक्त गरेका छन् ।

 

आरएन पटेल,२९ गते मंसिर । 
रौतहट। जनता समाजवादी पार्टी (जसपा) नेपाल रौतहट प्रतिनिधि सभा निर्वाचन क्षेत्र नं.–२ को समन्वय समिति (क्षेत्रीय) भेला आज बौधीमाई नगरपालिका–४, इनरवारीमा विधिवत रूपमा सम्पन्न भएको छ ।

भेला जसपा नेपाल रौतहटका जिल्ला अध्यक्ष राजीव रन्जन यादवको अध्यक्षता तथा केन्द्रीय कार्यकारिणी समिति सदस्य एवं पूर्व प्रदेश सांसद रामकिशोर प्रसाद यादवको प्रमुख आतिथ्यमा सम्पन्न भएको हो ।

भेलामा वक्ताहरूले पार्टी संगठन सुदृढीकरण, आगामी राजनीतिक रणनीति, जनआधारित आन्दोलन तथा क्षेत्रीय गतिविधिबारे विस्तृत विचार–विमर्श गरेका थिए । साथै पार्टीलाई जनताको मुद्दासँग अझ नजिक लैजान कार्यकर्ताहरूले सक्रिय र जिम्मेवार भूमिका निर्वाह गर्नुपर्नेमा जोड दिइएको थियो ।

कार्यक्रममा पार्टीका नेता–कार्यकर्ता, जनप्रतिनिधि तथा स्थानीय कार्यकर्ताहरूको उल्लेखनीय उपस्थिति रहेको थियो । भेलाले संगठन विस्तार र जनसम्बन्ध सुदृढीकरणमा महत्वपूर्ण योगदान पुर्‍याउने अपेक्षा गरिएको छ ।

आरके श्रीवास्तव,राैतहट,२९ गते मंसिर । 

रौतहट । सामुदायिक विद्यालयमा सञ्चालन हुने दिवा खाजा कार्यक्रमको गुणस्तरमाथि प्रश्न उठिरहेका बेला रौतहटको मौलापुर नगरपालिकाले शिक्षालाई पहिलो प्राथमिकतामा राख्दै उदाहरणीय अभ्यास प्रस्तुत गरिरहेको छ। नगरपालिकाको शिक्षा शाखाले तयार पारेको शेड्युलअनुसार नियमित र गुणस्तरीय दिवा खाजा सञ्चालन हुँदै आएको छ ।

आईतवार मौलापुर नगरपालिका वडा नम्बर ३ स्थित श्री माध्यमिक विद्यालयमा विद्यार्थीहरूलाई शुद्ध दुधबाट तयार गरिएको खिर खुवाइएको थियो । शेड्युलअनुसार कहिले खिर, कहिले चना–चिउरा, त कहिले मासु–चिउरा वा अण्डा खुवाइँदै आएको प्रधानाध्यापक चन्देश्वर साहले बताए । यसले विद्यार्थीको पोषण सुधारसँगै विद्यालयमा नियमित उपस्थिति बढाउन सहयोग पुगेको उनको भनाइ छ ।

नगरपालिकाका शिक्षा सह–संयोजक धर्मेन्द्र कुमार साहका अनुसार दिवा खाजा कार्यक्रम पारदर्शी र अनुशासित ढंगले सञ्चालन भइरहेको छ ।
“शिक्षा शाखाबाट जारी गरिएको तालिकाअनुसार नै दिवा खाजा सञ्चालन गरिरहेका छौं, गुणस्तरमा कुनै सम्झौता गरिएको छैन,” उनले भने।

दिवा खाजासँगै समग्र शिक्षामा गरिएको लगानी पनि उल्लेखनीय रहेको नगरप्रमुख रिना कुमारी साहले बताइन् । मौलापुर नगरपालिकाले कुल बजेटको करिब ४० प्रतिशत शिक्षा क्षेत्रमा खर्च गर्दै आएको उनले जानकारी दिइन् ।
“२०७४ सालमा निर्वाचित हुँदा नगरपालिकामा दुईवटा मात्र माध्यमिक विद्यालय थिए, अहिले ६ वटा माध्यमिक विद्यालय सञ्चालनमा छन्,” नगरप्रमुख साहले भनिन् ।

गुणस्तरीय शिक्षामा मौलापुर नगरपालिकाले मधेस प्रदेशमै उत्कृष्ट सम्मान प्राप्त गरिसकेको उनले उल्लेख गरिन् । शिक्षक अभावका विषयमा शिक्षा मन्त्रालयलाई पटक–पटक दरबन्दी अनुसार शिक्षक पठाइदिन आग्रह गरिए पनि पर्याप्त शिक्षक नआएपछि नगरपालिकाले आफ्नै स्रोतबाट एक सयभन्दा बढी नगर शिक्षक भर्ना गरी विद्यालय सञ्चालन गरिरहेको उनको भनाइ छ ।

भौतिक पूर्वाधारतर्फ मौलापुर नगरपालिकाले शिक्षा क्षेत्रमा उल्लेखनीय लगानी गरेको छ । हालसम्म १५० भन्दा बढी कक्षा कोठा निर्माण भइसकेका छन् । विद्यालयका लागि जग्गा खरिददेखि नमूना भवन निर्माणसम्मका काम सम्पन्न भई मौलापुरको शैक्षिक भौतिक पूर्वाधार देशमै नमूना बन्दै गएको नगरप्रमुखको दाबी छ ।

यसैबीच मौलापुर नगरपालिकाका प्रमुख प्रशासकीय अधिकृत रामबाबु साहले शिक्षामा पहुँच विस्तारका लागि प्राविधिक शिक्षालाई विशेष प्राथमिकता दिइएको बताए । उनका अनुसार सिभिल इन्जिनियरिङ र जियोमेट्रिक इन्जिनियरिङतर्फ डिप्लोमा तहको शिक्षा मौलापुर नगरपालिका अन्तर्गतका छोरी–बुहारीका लागि शतप्रतिशत निःशुल्क व्यवस्था गरिएको छ ।
“छात्रहरूका लागि भने २५ प्रतिशत छात्रवृत्ति प्रदान गरिरहेका छौं,” प्रमुख प्रशासकीय अधिकृत साहले बताए ।

उनले विगतमा माध्यमिक तहमा अध्ययनरत विद्यार्थीहरूका लागि ल्यापटप वितरण गरिएको जानकारी दिँदै डिजिटल शिक्षामा पनि नगरपालिकाले जोड दिएको स्पष्ट पारे ।

दिवा खाजा कार्यक्रमदेखि बजेट, छात्रवृत्ति, शिक्षक व्यवस्थापन र भौतिक पूर्वाधारसम्म शिक्षाको सबै पक्षमा गरिएको लगानीका कारण मौलापुर नगरपालिका सामुदायिक शिक्षाको क्षेत्रमा अन्य स्थानीय तहका लागि अनुकरणीय उदाहरण बन्दै गएको स्थानीयको भनाइ छ ।

आरके श्रीवास्तव,राैतहट,२९ गते मंसिर । 

रौतहट । रौतहटको राजपुर नगरपालिकाले सोमबारदेखि आफ्नै नवनिर्मित प्रशासकीय कार्यालय भवनबाट औपचारिक रूपमा सेवा प्रवाह सुरु गरेको छ । राजपुर नगरपालिका स्थित राजिक चोकमा निर्माण सम्पन्न भएको भवनको नगरप्रमुख डा. राजिक आलमले विशेष समारोहबीच विधिवत् उद्घाटन गरेपछि सेवा सञ्चालनमा आएको हो ।

उद्घाटन समारोहलाई सम्बोधन गर्दै नगरप्रमुख डा. आलमले नगरवासीको इच्छा, मेहनत र चाहनाअनुसार निर्धारित समयमै प्रशासकीय भवन निर्माण भई उद्घाटन गर्न पाउँदा खुशी व्यक्त गरेका छन् । विगतमा सानो र अस्थायी कोठाबाट जेनतेन सेवा दिनुपरेको अवस्थाको स्मरण गर्दै उनले अब आफ्नै भवनबाट सेवा सुरु हुनु राजपुर नगरपालिकाका लागि महत्वपूर्ण उपलब्धि भएको बताए ।

नगरको विकास क्रमशः अघि बढिरहेको उल्लेख गर्दै नगरप्रमुख आलमले शिक्षा, स्वास्थ्य, सडक तथा भौतिक पूर्वाधार क्षेत्रमा उल्लेखनीय सुधार हुँदै आएको जनाए । नगरवासीको निरन्तर साथ र सहयोग प्राप्त भएमा राजपुर नगरपालिकालाई नमूना नगरपालिकाका रूपमा विकास गर्ने प्रतिबद्धता पनि उनले व्यक्त गरे ।

कार्यक्रममा निमित्त प्रमुख प्रशासकीय अधिकृत बैजु ठाकुरले नयाँ भवनबाट सेवा सुचारु भएसँगै सेवा प्रवाहलाई थप व्यवस्थित, छिटो र पारदर्शी बनाइने बताए। प्रशासनिक कामकाजलाई एकीकृत संरचनाबाट सञ्चालन गर्दा सेवाग्राहीमैत्री वातावरण सिर्जना हुने र जनताको गुनासो तथा कामकारबाहीमा ढिलासुस्ती नहुने उनको भनाइ थियो ।

समारोहमा राैतहटका प्रमुख जिल्ला अधिकारी दिनेशसागर भुसालले नयाँ प्रशासकीय भवनबाट सेवा सुचारु भएकोमा राजपुरवासीलाई बधाई दिँदै जनताको कामकाजमा कुनै पनि ढिलासुस्ती नगर्न सुझाव दिए । पायक पर्ने स्थानमा भवन निर्माण भएकाले सेवाग्राहीका विगतका झन्झटहरू क्रमशः हट्दै जाने र सेवा प्रवाह थप प्रभावकारी हुने अपेक्षा उनले व्यक्त गरे ।

उद्घाटन समारोहमा नगर उपप्रमुख जमिला असगरी, नेपाल प्रहरीका एसपी रबिन कार्की, सशस्त्र प्रहरीका एसपी रामहरी अधिकारी, राष्ट्रिय अनुसन्धानका उपनिर्देशक कुमार बुढाथोकी, नेपाल पत्रकार महासंघका अध्यक्ष संजय कार्की, डा. कौशर आलम, वडा नं. १ देखि ९ सम्मका वडाध्यक्षहरू, जिल्ला समन्वय समितिका सदस्यहरू, नगर तथा वडा सदस्यहरू, विभिन्न क्षेत्रका व्यक्तित्वहरू र उल्लेख्य संख्यामा स्थानीय बासिन्दाहरूको उपस्थिति रहेको थियो ।

साथै, उद्घाटन अवसरमा नगरप्रमुख, उपप्रमुख, प्रमुख जिल्ला अधिकारी, प्रमुख प्रशासकीय अधिकृत, सुरक्षा निकायका प्रतिनिधि, वडाध्यक्षहरू, निर्माण व्यवसायी, सञ्चारकर्मी लगायत विभिन्न क्षेत्रका व्यक्तित्वहरूलाई सम्मान गरिएको नगरपालिकाले जनाएको छ ।

नगरपालिकाका लेखा अधिकृत मनोज कर्णका अनुसार करिब ५ करोड ७२ लाख रुपैयाँको लागतमा नयाँ प्रशासकीय भवन निर्माण सम्पन्न भएको हो ।

आरके श्रीवास्तव,राैतहट,मंसिर २८ गते । 

रौतहट । नेत्र ज्योती आँखा हस्पिटल प्रा. लि., गरुडा नगरपालिका–४, रौतहटको प्राविधिक सहयोगमा कटहरिया नगरपालिका–८ (पिप्रा पोखरीया) मा निःशुल्क आँखा शिविर सम्पन्न भएको छ । तिलगंगा आँखा हस्पिटल, काठमाडौंको आयोजनामा मिति २०८२।०८।२८ गते आइतवार बिहान ९ बजेदेखि दिउँसो ३ बजेसम्म शिविर सञ्चालन गरिएको थियो ।

शिविरमा आँखा परीक्षण गराउँदा ४२ जनामा मोतियाबिन्दु फेला परेको वडा कार्यालयका कर्मचारी मुकुन्द यादवले जानकारी दिएका छन् । उनका अनुसार अन्य दर्जनौँ सेवाग्राहीले सामान्य आँखा परीक्षण, औषधि तथा परामर्श सेवा लिएका थिए ।

स्थानीय आयोजक तथा कटहरिया नगरपालिका–८ का वडा अध्यक्ष समिश विक्रम शाहले ग्रामीण तथा विपन्न समुदायका नागरिकहरूका लागि आँखा शिविर अत्यन्त आवश्यक रहेको बताए । “आर्थिक अभाव र जानकारीको कमीका कारण धेरै नागरिक उपचारबाट वञ्चित हुने अवस्था छ,” उनले भने, “यस्ता शिविरले समयमै रोग पहिचान र उपचारमा सहयोग पुग्ने भएकाले आगामी दिनमा पनि निरन्तरता दिन पहल गरिनेछ।”

वडा अध्यक्ष शाहले शिविर सफल बनाउन सहयोग गर्ने तिलगंगा आँखा हस्पिटल, नेत्र ज्योती आँखा हस्पिटल, स्वास्थ्यकर्मी, स्वयंसेवक तथा स्थानीयवासीप्रति धन्यवाद व्यक्त गरे । उनले मोतियाबिन्दु पहिचान भएका बिरामीहरूको शल्यक्रियाका लागि आवश्यक समन्वय गरिने पनि जानकारी दिए ।

आरके श्रीवास्तव,राैतहट,२८ गते मंसिर । 

रौतहट । रौतहट जिल्लाको राजपुर नगरपालिकामा निर्माण सम्पन्न भएको प्रशासकीय कार्यालय भवनको औपचारिक समुद्घाटन कार्यक्रम मिति २०८२ साल मंसिर २९ गते बिहान ११ बजे नगर प्रमुख डा. मो. राजीक आलमको प्रमुख आतिथ्यतामा सम्पन्न हुने भएको छ ।

नगरपालिकाको सेवा प्रवाहलाई अझ प्रभावकारी, व्यवस्थित र जनमुखी बनाउने उद्देश्यले निर्माण गरिएको यस भवनले नगर प्रशासनलाई एउटै छानामुनि समेट्दै नागरिकलाई छिटोछरितो सेवा प्रदान गर्ने अपेक्षा गरिएको छ ।

नगर प्रमुख डा. मो. राजीक आलमले प्रशासकीय भवन नगरको दीर्घकालीन विकास यात्राको महत्वपूर्ण आधार भएको बताउँदै, “यो भवन केवल संरचना मात्र नभई सुशासन, पारदर्शिता र उत्तरदायित्व सुदृढ गर्ने माध्यम हो । अब नागरिकले एकै स्थानबाट गुणस्तरीय सेवा पाउने वातावरण बनेको छ,” भन्नुभयो ।

त्यस्तै, प्रमुख प्रशासकीय अधिकृत बैजु ठाकुरले भवन सञ्चालनसँगै प्रशासनिक कार्यसम्पादनमा उल्लेखनीय सुधार आउने विश्वास व्यक्त गर्दै, “नयाँ भवनले सेवा प्रवाहको समय घटाउने, कर्मचारीबीच समन्वय बढाउने र अभिलेख व्यवस्थापनलाई आधुनिक बनाउनेछ । यसले नागरिक सन्तुष्टि अभिवृद्धि गर्न महत्वपूर्ण भूमिका खेल्नेछ,” भन्नुभयो ।

नगरपालिकाले उक्त ऐतिहासिक तथा महत्वपूर्ण कार्यक्रममा आम जनसमुदाय, सञ्चारकर्मी तथा सरोकारवाला सबैलाई गरिमामय उपस्थितिका लागि हार्दिक अनुरोध गरेको छ । कार्यक्रमले राजपुर नगरपालिकाको प्रशासनिक सुदृढीकरण र विकास यात्रामा नयाँ आयाम थप्ने विश्वास लिइएको छ ।

आरके श्रीवास्तव,राैतहट,२७ गते मंसिर । 

रौतहट जिल्लाको मध्य भाग सुकदेव चोकमा रहेको डा. मधुरेन्द्र यादवद्वारा सञ्चालित नेपाल तराई सिटी हस्पिटलले अत्याधुनिक सी–आर्म मेसिन जडान गरी औपचारिक रूपमा सेवा सुरु गरेको छ । यस प्रविधिबाट हड्डी–जोर्नी, शल्यक्रिया तथा ट्रमा केयरमा उपचार अझ सुरक्षित, छिटो र प्रभावकारी हुने अस्पतालले जनाएको छ ।

 

रियल–टाइम एक्स–रे सुविधायुक्त सी–आर्मले अपरेशनका क्रममा तुरुन्तै सही निर्णय लिन सहयोग पुर्‍याउने विश्वास व्यक्त गरिएको छ । आज सञ्चारकर्मीहरू सँग कुराकानी गर्दै अस्पतालका सञ्चालक डा. मधुरेन्द्र यादवले आधुनिक, विश्वसनीय र सुलभ उपचार समुदायसम्म पुर्‍याउनु हस्पिटलको प्राथमिकता रहेको बताए ।

यसैबीच, स्थानीय नागरिकको स्वास्थ्य सेवा सहज र किफायती बनाउने उद्देश्यले हस्पिटलले पुस १ गतेदेखि माघ १ गतेसम्म विशेष शल्यक्रिया सेवा सञ्चालनमा ल्याएको छ । यस अवधिमा बचेदानी, एपेन्डिक्स, हर्निया, हाइड्रोसिल, बावसीर/भगन्दर तथा सिजेरियन जस्ता अपरेसनहरू अत्यन्त न्यून शुल्कमा उपलब्ध गराइनेछन् ।

अनुभवी चिकित्सक टोली, आधुनिक अपरेसन थिएटर, डिजिटल तथा भिडियो एक्स–रे सुविधासहित नेपाल तराई सिटी हस्पिटलले आगामी दिनमा पनि नयाँ स्वास्थ्य प्रविधि र सेवा विस्तार गर्दै जाने प्रतिबद्धता जनाएको छ । सीमित समयका लागि लागू यो विशेष अफरको लाभ लिन इच्छुक बिरामीलाई समयमै सम्पर्क गर्न अस्पतालले अनुरोध गरेको छ ।

आरके श्रीवास्तव,राैतहट,२७ गते मंसिर । 

रौतहट । रौतहटको वृन्दावन नगरपालिका–८ मा सञ्चालित कुन्ती इट्टा उद्योगमा आजदेखि भट्टी बाल्ने काम सुरु गरिएको छ । प्रहरी प्रशासनले इट्टा पोल्ने कार्य तत्काल सुरु नगर्न निर्देशन दिएपछि त्यहाँ कार्यरत कामदारहरू प्रतिकारमा उत्रिएका छन् ।

इट्टा उद्योगसँग आफ्नो रोजीरोटी प्रत्यक्ष रूपमा जोडिएको बताउँदै कामदारहरूले उद्योग सञ्चालनमा अवरोध नलगाउन माग गरेका छन् । इट्टा व्यवसायी संघले प्रहरी प्रशासनसँग मिलेर इट्टा पोल्ने कार्यमा रोक लगाउन खोजेपछि आफूहरू आक्रोशित बनेको कामदारहरूको भनाइ छ ।

उद्योगमा कार्यरत सबिर अन्सारीले भने, “मेरो पूरा परिवार यही इट्टा उद्योगमा निर्भर छ । यहाँ काम गरेर आएको पैसाले घर चल्छ । उद्योग चलेन भने तलब कहाँबाट पाउने ? परिवार कसरी पाल्ने ? प्रहरी र संघ मिलेर हामीमाथि दमन गर्न खोजिरहेका छन् । यदि उद्योग चल्न दिइएन भने हामी जे पनि गर्न तयार छौं ।”

कामदारहरूका अनुसार हाल आर्थिक मन्दीका कारण रोजगारीको अभाव छ । इट्टा उद्योग सञ्चालन भए सयौँ श्रमिकले रोजगारी पाउने उनीहरूको दाबी छ । सरकारले इट्टा सञ्चालनका लागि निश्चित समयसीमा तोकेको भए पनि मौसम प्रतिकूल भई पानी परेमा उद्योगीहरूले लाखौँ रुपैयाँको क्षति बेहोर्नुपर्ने अवस्था रहेको उनीहरू बताउँछन् । यस्तो क्षतिमा न त कतैबाट क्षतिपूर्ति पाइने, न त सहयोग नै हुने गरेको गुनासो छ ।

इट्टा उद्योग सञ्चालकहरूले सहयोग गर्न नसक्ने अवस्था भए कम्तीमा काम गर्न दिने वातावरण बनाउन सरकार र सम्बन्धित निकायसँग आग्रह गरेका छन् । उनीहरूले उद्योग सञ्चालनमा अनावश्यक अवरोध नलगाई श्रमिकको जीविकोपार्जनलाई ध्यान दिनुपर्नेमा जोड दिएका छन् ।

आरके श्रीवास्तव,रा‌ैतहट,२६ गते मंसिर । 

गरुडा (रौतहट) । रौतहटको गरुडा नगरपालिकामा रहेको श्री नमूना माध्यमिक विद्यालय, गरुडा बैरियाले विद्यार्थीको सिर्जनात्मक र बौद्धिक विकासलाई लक्षित गर्दै ‘बुक फ्री फ्राइडे’ अवधारणाअनुसार नमूना काम गरिरहेको छ।

यसै अवधारणाअन्तर्गत हरेक शुक्रबार विद्यालयमा हैण्ड राइटिङ्ग तथा चित्रकला प्रतियोगिता आयोजना गरिएको छ । प्रतियोगितामा कक्षा १ देखि ५ सम्मका विद्यार्थीहरूबीच चित्रकला तथा कक्षा ६ देखि १० सम्मका विद्यार्थीहरूबीच हैण्ड राइटिङ्ग प्रतियोगिता सम्पन्न भएको थियो । प्रतियोगितामा उत्कृष्ट प्रदर्शन गर्ने विद्यार्थीहरूलाई पुरस्कारसमेत प्रदान गरिएको विद्यालयले जनाएको छ ।

विद्यालयका प्रधानाध्यापक प्रभु राउत पटेलका अनुसार विद्यालयको वार्षिक कार्ययोजनाअनुसार प्रत्येक शुक्रबार पुस्तकविहीन अतिरिक्त क्रियाकलाप सञ्चालन हुँदै आएको छ । उहाँले भन्नुभयो, “विद्यार्थीहरूको सर्वाङ्गीण विकासका लागि वादविवाद प्रतियोगिता, हाजिरी जवाफ, मिनिङ्ग कम्पिटिसन, चित्रकला, हैण्ड राइटिङ्गजस्ता विविध अतिरिक्त क्रियाकलापहरू नियमित रूपमा गर्दै आएका छौँ। यसले विद्यार्थीहरूको आत्मविश्वास, सिर्जनशीलता र सिकाइ क्षमतामा सकारात्मक प्रभाव पारेको छ।”

यस कार्यक्रमले सामुदायिक विद्यालयका विद्यार्थीहरूलाई उत्साहित बनाएको र कक्षाबाहिरको सिकाइमा रुचि बढाएको प्रधानाध्यापक पटेलले बताउनुभयो । प्रतियोगितामा शिक्षकहरूको पनि सक्रिय सहभागिता रहेको थियो ।

त्यसैगरी विद्यालय व्यवस्थापन समितिका अध्यक्ष सन्तोष साहले विद्यालयले सुरु गरेको ‘बुक फ्री फ्राइडे’ जस्ता कार्यक्रम प्रशंसनीय रहेको उल्लेख गर्दै यस्ता क्रियाकलापले सामुदायिक विद्यालयप्रति अभिभावक र विद्यार्थीको विश्वास बढ्ने बताउनुभयो ।
उहाँले भन्नुभयो, “पाठ्यक्रमसँगै अतिरिक्त क्रियाकलापमा जोड दिनु आजको आवश्यकता हो । विद्यालयले थालेको यो पहललाई निरन्तरता दिन व्यवस्थापन समिति पूर्ण रूपमा सहयोग गर्न तयार छ।”

विद्यालयको यस पहलले विद्यार्थीहरूको बौद्धिक, सिर्जनात्मक तथा व्यक्तित्व विकासमा महत्वपूर्ण योगदान पुर्‍याउने अपेक्षा गरिएको छ ।

आरके श्रीवास्तव,राैतहट,२६ गते मंसिर । 

रौतहटबाट नियमित रूपमा प्रकाशित हुँदै आएको स्थानीय पोष्ट साप्ताहिक पत्रिका पछिल्लो समय पाठक मात्र होइन, नवसर्जकहरूबीच पनि अत्यन्त लोकप्रिय बन्दै गएको छ । हरेक सोमबार प्रकाशन हुने यस पत्रिकाले नव प्रतिभालाई प्रोत्साहन गर्ने उद्देश्यले पृष्ठ ७ मा “नव सर्जक साहित्य चौतारी” शीर्षकअन्तर्गत कविता, लेख तथा साहित्यिक रचनाहरूलाई प्राथमिकताका साथ प्रकाशित गर्दै आएको छ ।

यस पहलपछि नव साहित्यकारहरूमा लेखनप्रतिको उत्साह बढ्दै गएको छ भने उनीहरूले आफ्ना रचना नियमित रूपमा पत्रिकामा पठाइरहेका छन् ।

शुक्रबार स्थानीय पोस्ट साप्ताहिक का प्रकाशक तथा सम्पादक आर.एन. पटेल रौतहटको गरुडा स्थित माध्यमिक विद्यालय गरुडामा पुगेर विद्यार्थीहरूको हातमै पत्रिका वितरण गर्नुभएको थियो । आफ्नै कविता र लेख पत्रिकामा प्रकाशित भएको देख्दा विद्यार्थीहरू अत्यन्तै खुशी देखिन्थे ।

विद्यालय व्यवस्थापन समिति अध्यक्ष सन्तोष साहले विद्यार्थीहरूलाई पत्रिका वितरण गर्दै लेखन क्षेत्रमा अगाडि बढ्न प्रेरणा दिनुभएको थियो । उनले स्थानीय पोष्ट साप्ताहिकले विद्यार्थी तथा नवसर्जकहरूको सिर्जनालाई निरन्तर स्थान दिँदै आएकोमा प्रशंसा गर्दै पत्रिकाप्रति धन्यवाद ज्ञापन गर्नुभयो ।

स्थानीय प्रतिभाको पहिचान र साहित्यिक विकासमा स्थानीय पोस्ट साप्ताहिकले खेलेको भूमिकाले आगामी दिनमा अझ धेरै नवसर्जक जन्मिने अपेक्षा गरिएको छ ।

 

आरके श्रीवास्तव,राैतहट,मंसिर २६ गते । 

रौतहट । नेपाल सरकारका ऊर्जा, जलस्रोत तथा सिँचाइ, भौतिक पूर्वाधार तथा यातायात तथा शहरी विकास मन्त्री एवं उज्यालो पार्टीका नेता कुलमान घिसिङले ऐतिहासिक शिवनगर महादेव मन्दिरमा पुग्न पाउँदा अत्यन्तै खुशी लागेको बताएका छन् ।

शिवनगर महादेवको संरक्षण तथा सम्बर्द्धन आवश्यक रहेको उल्लेख गर्दै मन्त्री घिसिङले यस विषयमा सरकार प्रतिबद्ध रहेको स्पष्ट पारे । “यो मन्दिरका लागि सम्बन्धित निकायमा म पहल गर्नेछु,” उनले भने ।

स्थानीय नागरिकले उठाएका तीन प्रमुख विषयहरूमध्ये वर्षौंदेखि बन्द रहेको गरुडास्थित श्रीराम सुगर मिल र खानेपानी समस्याबारे ध्यानाकर्षण गराइएको बताउँदै मन्त्री घिसिङले खानेपानी विषय आफ्नो मन्त्रालयअन्तर्गत नपरे पनि सम्बन्धित मन्त्रालयसँग समन्वय गरी समाधानका लागि पहल गर्ने प्रतिबद्धता जनाए । शिवनगर महादेव, विश्वकर्मा मन्दिर लगायतका धार्मिक स्थलको संरक्षणका लागि विशेष पहल गर्ने उनको भनाइ थियो । उनले निर्वाचनपछि बन्ने सरकारमा अवसर दिए आवश्यक सबै काम अघि बढाइने आश्वासन पनि दिए ।

मन्त्री घिसिङको शिवनगर आगमनमा स्थानीयवासीले भव्य स्वागत गरेका थिए । सो अवसरमा उनले शिवनगरस्थित शिवमन्दिर, विश्वकर्मा मन्दिर र गन्निनाथ गोविन्द मन्दिरलगायतका मन्दिरमा पूजा–अर्चना गरे ।

कार्यक्रममा प्रखर वक्ता विवेक शर्माले गरुडास्थित बन्द रहेको श्रीराम सुगर मिल सञ्चालन, खानेपानी समस्या तथा अन्य स्थानीय मुद्दाबारे मन्त्री घिसिङको ध्यानाकर्षण गराएका थिए । जेनजी युवाहरूले मन्त्री घिसिङलाई उपहारस्वरूप गीता प्रदान गरेका थिए भने नेपाल विश्वकर्मा लोहार संघले सम्मानपत्रद्वारा सम्मान गरेको थियो ।

शर्माको नेतृत्वमा मन्त्री घिसिङ शिवनगर पुगेका हुन् । सोही क्रममा मन्त्री घिसिङले रौतहटको बागमती नदीस्थित बडहर्वा घाटमा रहेको निर्माणाधीन पुलसहित अन्य पुलहरूको अनुगमन गर्ने कार्यक्रम रहेको विवेक शर्माले जानकारी दिएका छन् । यस राैतहटकाे चन्द्रपुरमा पनि एक कार्यक्रममा उनी सहभागी भएका थिए ।

आरएन पटेल,रौतहट, मंसिर २५ गते ।

रौतहटको परोहा नगरपालिका- ७, ८ नरकटियाका दलित समुदाय र पीडित परिवारले जग्गा हडपिएको आरोपसहित पटवारी नरेश प्रसाद पटेलविरुद्ध कडा कारवाहीको माग गर्दै गौरमा विरोध प्रदर्शन गरेका छन् ।
“दलितको जग्गा लिखाउने पटवारी नरेश पटेललाई कारवाही गर”, “झुटा मुद्दा लगाउनेलाई कारवाही गर”, “हाम्रो मुद्दा दर्ता गर”, “दलितमाथि शोषण बन्द गर” जस्ता नारासहितको प्रदर्शन घण्टाघर चोकबाट सुरु भई जिल्ला प्रहरी कार्यालय हुँदै जिल्ला अदालतको गेटसम्म पुगेको थियो।

आज भन्दा करिब चार वर्षअघिको घटनाबाट सुरु विवाद परोहा नपाको वडा नं ७ नरकटियाका सुरेन्द्र महरा चमारले चार वर्षअघि गाउँकै नरेश प्रसाद पटेल (पटवारी)सँग ८ लाख १० हजार रुपैयाँ ऋण लिँदै आफ्नो ८ कठ्ठा १५ धुर जग्गा दृष्टिबन्धक राखेको बताउँदै आएका छन्। महराका अनुसार ऋण लिएपछि एक वर्षमै करिब साढे ७ लाख रुपैयाँ फिर्ता गरे पनि पटेलले दृष्टिबन्धक फुकुवा नगरी उल्टै उक्त जग्गा आफ्नो श्रीमतीको नामबाट अन्य व्यक्तिलाई बिक्री गरिदिए।
महराले केही जग्गा बिक्री गरी रकम चुक्ता गरिसकेको र बाँकी जग्गा हडप्ने प्रयास गरिएको आरोप लगाउँदै गाउँमा पटक-पटक बसेका छलफलबाट पनि समाधान नभएपछि आफू बाध्य भएर अनुचित लेनदेन सम्बन्धी मुद्दा दायर गरेको बताए।
प्रहरीद्वारा पक्राउ, अदालतमा सुनुवाइ:
जिल्ला प्रहरी कार्यालय रौतहटले मंसिर २ गते पटेललाई अनुचित लेनदेनसम्बन्धी कसुरमा पक्राउ गरी मुद्दा चलाएको छ। उनी हाल प्रहरी हिरासतमा छन्। आज मंसिर २५ गते जिल्ला अदालत गौरमा सुनुवाइ तोकिएकै दिन पीडित तथा स्थानीय दलित समुदायले न्याय र छानबिनका मागसहित अदालत गेटअघि धर्ना बसेका छन।

नेपाल दलित समाज परोहा-७ र ८ का प्रतिनिधिहरूले घटनाको निष्पक्ष छानबिन, पीडित सुरेन्द्र महरालाई जग्गा फिर्ता दिलाउनुपर्ने र पटेलमाथि कानूनअनुसार कडा कारवाही हुनुपर्ने माग गरेका छन्।
उनीहरूले दलित समुदायमाथि हुने शोषण, दमन र आर्थिक ठगीका घटनामा कडाइका साथ कानुनी उपचार हुनुपर्ने भन्दै सरकार, प्रशासन र न्यायालयको ध्यानाकर्षण गरेका छन।

आरके श्रीवास्तव,राैतहट,२२ गते मंसिर । 

राैतहट । मधेस प्रदेशका नव–नियुक्त मुख्यमन्त्री कृष्ण प्रसाद यादवले नेपाली काँग्रेसले सदियौँदेखि प्रजातन्त्र स्थापनादेखि विकास निर्माणसम्म उठाएका कदमहरू सफलतापूर्वक कार्यान्वयन हुँदै आएको बताएका छन् । कटहरियामा आयोजित शुभकामना तथा सम्मान कार्यक्रमलाई सम्बोधन गर्दै उनले काँग्रेसका काम र प्रतिबद्धतामाथि प्रदेशवासीले विश्वास गर्नुपर्ने धारणा राखेका छन् ।

मुख्यमन्त्री यादवले भने, “नेपाली काँग्रेस त्यति नै बोल्छ, जति गर्छ । हामी अरूजस्तो हावादारी पार्टी होइनौं । जनताको दुःख–सुखमा सदैव साथ दिन हामी प्रतिबद्ध छौँ।” उनले जनताको आवश्यकतालाई पहिचान गर्दै छलफल र संवादमार्फत काम गर्ने आश्वासन पनि दिए ।

कार्यक्रममा नेपाली काँग्रेस रौतहट क्षेत्र नम्बर ३ का सभापति तथा कटहरिया वडा नम्बर ५ का वडा अध्यक्ष सर्फलाल गुप्ताले कटहरियामा ईलाका प्रशासन कार्यालय र मालपोत कार्यालयको सेवा केन्द्र स्थापना गरिदिन आग्रह गरेका थिए । सो अनुरोधबारे मुख्यमन्त्री यादवले प्रक्रिया मिलाइ अध्ययन गरी छिटो सेवा केन्द्र ल्याउन पहल गर्ने प्रतिबद्धता जनाए ।

कटहरियामा भएको कार्यक्रमले स्थानीयस्तरमा प्रशासनिक सेवा विस्तारप्रति आशा दिलाएको सहभागीहरूले बताएका छन् । साे कार्यक्रममा नेपाली काँग्रेसका नेता कार्यकर्ता र शुभचिन्तकहरूले फुलमाला र गमछा ओढाएर बधाई तथा शुभकामना व्यक्त गरेका थिए  । साे कार्यक्रममा मधेस प्रदेश सरकारका पूर्व अर्थमन्त्री सुनिलकुमार यादव (जितेन्द्र) ,नव नियुक्त मन्त्री जंगी राय यादव सहितका नेताहरू सहभागी रहेका थिए ।

 

बज्जिकाञ्चल संवाददाता,रा‌ैतहट,२२ गते मंसिर । 

राैतहट । सामुदायिक रेडियो प्रसारक संघ नेपाल, मधेश प्रदेशको चौथो साधारण सभा सोमबार मौलापुर पिकनिक पार्कमा सम्पन्न भएको छ । कार्यक्रममा सहभागी वक्ताहरूले समुदायिक रेडियोहरूको वर्तमान चुनौती, पत्रकारिता क्षेत्रको दायित्व र सुधारका आवश्यकता बारे विभिन्न धारणा राखेका थिए ।

 

कार्यक्रमका मुख्य अतिथि पूर्वमन्त्री तथा आजपा अध्यक्ष प्रभु साहले समुदायिक रेडियोहरूले पछिल्ला वर्षहरूमा भोगिरहेको समस्याहरूप्रति सरकार जिम्मेवार बन्नुपर्ने बताए । आन्दोलनका बेला महत्वपूर्ण भूमिका खेलेका पत्रकारप्रति राज्य उदासीन देखिनु दुःखद भएको उनले उल्लेख गरेका थिए ।

 

विशिष्ट अतिथि तथा आम सञ्चार प्राधिकरणका अध्यक्ष जितेन्द्र खड्गाले पत्रकारहरूको जीवन बीमा, क्षमता विकास तालिम लगायत पत्रकार हितमा केन्द्रित कार्यक्रमहरू चालु रहेको जानकारी दिए। पत्रकारितामा आचारसंहिता र पेशागत मर्यादा पालनाकाे आवश्यकता उनले जोड दिए । त्यस्तै मिडिया काउन्सिल मधेस प्रदेशका कार्यवाहक अध्यक्ष सुरेश यादवले पनि रेडियोले भाेग्नु समस्याका बारेमा आफ्नो धारणा राख्नु भयो ।

 

नेपाल पत्रकार महासंघ रौतहट शाखाका अध्यक्ष संजय कार्कीले रेडियोहरूले अब परम्परागत शैलीमै सीमित नभई आधुनिक प्रविधि अपनाएर सामग्रीको गुणस्तर उकास्नुपर्ने सुझाव दिए ।

 

देवही गोनाही नगरपालिकाका नगर प्रमुख प्रेमलाल साहले पत्रकारहरू ‘अवाजविहीनको आवाज’ भएको उल्लेख गर्दै जनताका समस्यालाई तथ्य र प्रमाणका आधारमा प्रस्तुत गर्न पत्रकारहरूलाई आग्रह गरे। कुनै पनि समाचारले कसैलाई अनावश्यक रूपमा अन्यायमा नपार्नुपर्ने उनले स्पष्ट पारेका थिए ।

 

संघकी प्रदेश अध्यक्ष उपसना तिवारीले धेरै समुदायिक रेडियोहरू आर्थिक र प्राविधिक कठिनाइबाट गुज्रिरहेको बताए । संघले सुरक्षा, स्थायित्व र सुदृढीकरणका लागि निरन्तर पहल गरिरहेको उनले जानकारी गराइन् । प्रदेश सरकारले विज्ञापन तथा अन्य कार्यक्रममार्फत सहयोग पुर्‍याइरहेको पनि उनले उल्लेख गरिन् ।

 

कार्यक्रममा रौतहट एफएमका चंचल झा र महोत्तरीका निरञ्जन साहले स्थानीय रेडियोहरूले सामना गरिरहेका चुनौती र सम्भावित समाधानबारे आफ्ना विचार प्रस्तुत गरे।

कार्यक्रमको सञ्चालन संघका सचिव प्रकाश मैनालीले गरेका थिए । साे कार्यक्रम राैतहटका सामुदायिक रेडियोकाे प्रतिनिधि र पत्रकारहरूकाे सहभागीता रहेको थियो ।

 

रौतहट, २२ मंसिर ।
आम जनता पार्टी (आजपा)का अध्यक्ष एवं पूर्वमन्त्री प्रभु साहले नेताहरुको लुट, भ्रष्टाचार र ऋण आतंकले नेपाल ग्रेलिष्टमा परेको बताएका छन् । ग्रेलिष्टबाट नेपाललाई बाहिर निकाल्न नसके ब्ल्याक लिष्टमा पर्ने उनले बताए ।

पर्सा जिल्लाको डक़ैला बहुअरी बाजारमा आज (सोमवार ) आजपा पर्सा क्षेत्र नं. २ को क्षेत्रिय भेलालाई सम्बोधन गर्दै अध्यक्ष साहले ऋणैऋणले नेपालको अर्थतन्त्र ध्वस्त भएको बताए ।

‘नेपाल जस्तो सानो मुलुकमा नेताहरुको लुट, भ्रष्टाचार तथा ऋण आतंकले नेपाल ग्रेलिष्टमा परेको छ । नेपालको बार्षिक बजेट १९ खर्ब तर बैदेशिक ऋण २८ खर्ब पुगेको छ । हरेक नेपाली जन्मिदै एक लाख ऋणको भारी टाउँकोमा बोकेर जन्मिनुपर्ने अवस्था छ । ग्रेलिष्टबाट दुई बर्षभित्रमा बाहिर निकाल्नुपर्ने बाध्यता छ तर १० महिना बित्दा समेत कुनै प्रगति छैन् । सरकार यस बारेमा गम्भिर रहेको देखिदैन । ग्रेलिष्टबाट बाहिर नेपाललाई निकाल्न नसकिए भोली नेपालको अवस्था झनझन कमजोर बन्ने निश्चित छ,’ आजपा अध्यक्ष साहले भने ।

नेपाल जस्तो सौन्दर्यपूर्ण, प्रकृतिकले धनी, जल, जंगल, जमिन राम्रो भएको मुलुकको अर्थ अवस्था बलियो र शक्तिशाली हुनुपर्ने बताउदै नेताहरुको लुट, भ्रष्टाचारले मुलुकको अर्थतन्त्र ध्वस्त हुदै गएको टिप्पणी उनले बताए । नेपाललाई विश्वकै धनी र शक्तिशाली मुलुक बनाउन सकिने गरी प्रकृतिले बरदान दिएको भए पनि नेताहरुले त्यसलाई लुटेर आफ्नो निजी सम्पती बनाएको साहले बताए ।

‘ऋणैऋणले नेपालको अर्थतन्त्र ध्वस्त भएको छ । सरकार पिच्छेको कर आतंकले उधोग, व्यापारव्यवसाय चौपट भएको छ । नेपाल विश्वमै एक शक्तिशाली र बलियो अर्थतन्त्र हुने गरी प्रकृतिले बरदान नै दिएको छ हामीलाई । तर नेताहरुले त्यसलाई लुटेर आफ्नो निजी सम्पती बनाएका छन,’ आजपा अध्यक्ष साहले भने, ‘नेपालको नदीनाला, खोला बेचेका छन, जल, जंगल, जमिन बेचेका छन । त्यसलाई नेपाल र नेपालीको हित हुने गरी, अर्थव्यवस्था बलियो बनाउने गरी प्रयोग नगरी निजी सम्पती जस्तै ठानेर मुलुक लुटेर नेताहरुले अर्थतन्त्र ध्वस्त बनाए । आम जनता जाग्ने, उठने र यस्ता भ्रष्टहरुलाई लखेटने बेला आएको छ ।’

आरके श्रीवास्तव,राैतहट,२२ गते मंसिर । 

रौतहट । बौधीमाई नगरपालिकामा सेवा प्रवाहमा भइरहेको अव्यवस्था, कर्मचारीको लापरवाही र जनताप्रति गैरजिम्मेवार व्यवहारका कारण जेनजी २.० ले आज नगरपालिका प्रमुखलाई ज्ञापन–पत्र बुझाउँदै तत्काल सुधारको माग गरेको छ ।

रौतहट जिल्लाका संयोजक सोनु कुशवाहा सहितको टोलीले बुझाइएको ज्ञापन–पत्रमा नगरपालिकामा जनताले दैनिक रूपमा भोगिरहनुपरेका समस्याहरू गम्भीर रूपमा अघि सारिएको छ । सेवाग्राहीले घण्टौँ प्रतीक्षा गर्दा पनि कर्मचारीहरू कार्यालयमा समयमै उपस्थित नहुने, काममा ढिलाइ गर्ने र जिम्मेवारी नलिने घटनाले जनतामा तीव्र असन्तुष्टि बढेको उनीहरूको भनाइ छ ।

जेनजी २.० ले राखेका प्रमुख मागहरू बायोमेट्रिक/डिजिटल हाजिरी प्रणाली कडाइका साथ लागू गर्ने र ढिलाइ–हाजिरीमा स्पष्ट कारबाही गर्ने,कार्यालय समय पूर्ण रूपमा नगरपालिका परिसरमै बस्ने कडा निर्देशन जारी गर्ने अनधिकृत होर्डिङ बोर्ड नियन्त्रण तथा व्यवस्थापन रहेका छन् ।

 त्यस्तै छाडा पशु व्यवस्थापनमा नगरपालिकाले तत्काल कदम चाल्ने, शिक्षामा निःशुल्क र न्यायपूर्ण पहुँच सुनिश्चित गर्न निजी तथा सार्वजनिक विद्यालयमा कानुनअनुसार छात्रवृत्ति वितरण र शुल्क व्यवस्थापनमा कडाइ,नगरक्षेत्रका स्वास्थ्य चौकी र अस्पतालहरूमा सुधार — सरसफाइ, औषधि सामग्री, चिकित्सकीय उपकरण, स्वास्थ्यकर्मीको उपस्थिती, फोहोर व्यवस्थापनदेखि विश्रामकक्ष, शौचालय र पिउने पानीको गुणस्तरसहित सेवा सुधार गर्न माग रहेका छन् ।

ज्ञापन–पत्रमा महिलाहरू, बालबालिका, वृद्धवृद्धा लगायत सबैका लागि सजिलो र सम्मानजनक सेवा सुनिश्चित गर्न विशेष ध्यान दिन आग्रह गरिएको छ । साथै, सेवा सुधारका लागि जनगुनासो सुन्ने प्रभावकारी प्रणाली अविलम्ब सञ्चालन गर्न पनि माग गरिएको छ ।

स्थानीय तहप्रति विश्वास पुनःस्थापित गर्न माग

ज्ञापन–पत्रमा नगरपालिका प्रणालीमा देखिएको अनियमितताले जनताको विश्वास कमजोर बनाएको भन्दै,

“कर्मचारीको अनुशासन, हाजिरी, सेवा प्रवाह र कार्यालय व्यवस्थापनमा तत्काल सुधार अनिवार्य छ,”
भनेर जेनजी २.० ले स्पष्ट रूपमा आफ्नो धारणा राखेको छ ।

उनीहरूले नगरपालिकाले यस विषयलाई गम्भीरतापूर्वक लिएर आवश्यक कदम चाल्ने अपेक्षा व्यक्त गरेका छन् ।

आरके श्रीवास्तव,राैतहट,२२ गते मंसिर । 

राैतहटकाे फतुवा बिजयपुर नगरपालिकामा सोमबार नयाँ प्रमुख प्रशासकीय अधिकृत मदन थापालाई कार्यवाहक नगरप्रमुख अम्बेया खातुन र उनका श्रीमान् मोहम्मद सेराजले औपचारिक रूपमा स्वागत गरेका छन् ।

कार्यालयमा स्वागत कार्यक्रममा कार्यवाहक नगरप्रमुख खातुनले नयाँ सीएओको थापालाई नगरपालिकाको नियमित कामकाजलाई तीव्रता दिन स्पष्ट निर्देशन दिएकी छिन् । उनले लामो समयदेखि अलमलमा परिरहेका प्रशासनिक काम व्यवस्थित रूपमा अघि बढाउने अपेक्षा व्यक्त गरिन् ।

नव नियुक्त प्रमुख प्रशासकीय अधिकृत मदन थापाले कार्यालय व्यवस्थापन, सेवा प्रवाह र कर्मचारी समन्वयको विषयमा चासो व्यक्त गर्दै सबै कर्मचारीसँग राय–सुझाव समेत लिएका थिए । थापाले आफ्नो नेतृत्वमा नगरपालिका “सेवाग्राहीमैत्री र प्रभावकारी” ढंगले सञ्चालन हुने प्रतिबद्धता जनाए ।

यसअघि म्याद थपका माग गर्दै करार कर्मचारीले लामो समयदेखि कार्यालयमा तालाबन्दी गरेका थिए । आइतबार म्याद थप गर्ने सहमति भएपछि तालाबन्दी खुलेको थियो र नगरपालिका पुनः सञ्चालनमा आएको छ ।

तालाबन्दी हटेपछि अब नगरपालिका सुचारु हुँदै जाने अपेक्षा नगरवासीमा देखिएको छ । कार्यवाहक नगरप्रमुख खातुन, सेराज र प्रमुख प्रशासकीय अधिकृत थापाको सक्रियतासँगै विकास तथा सेवा वितरणका काम तीव्र गतिमा अघि बढ्ने विश्वास गरिएको छ ।

रौतहट, २१ मंसिर । आम जनता पार्टीका अध्यक्ष तथा पूर्वमन्त्री प्रभु साहले जेन–जी आन्दोलनले देशको गौरव बढाएको भन्दै यो आन्दोलनलाई अपराधीकरण नगर्न प्रधानमन्त्री सुशीला कार्कीलाई चेतावनी दिएका छन् । सुशासन कायम गर्न र भ्रष्टाचार अन्त्यको लागि नेपालको जेनजी पुस्ताले सडकमार्फत विद्रोह गरेर दुई तिहाईको सत्ता ढालेको भन्दै साहले यस्तो आन्दोलनको गौरव गर्नुको साटो अहिलेको सरकारले जेन–जी आन्दोलनकारीलाई धरपकड गर्ने र मुद्दा लगाउने काम गरेको भन्दै आक्रोश पोखेका हुन् ।

आम जनता पार्टीको निर्वाचन क्षेत्रीय भेला रौतहट–४ चन्द्रपुर–७ नयाँ बस्तीमा आयोजित कार्यक्रमलाई सम्बोधन गर्दै पूर्वमन्त्री साहले प्रधानमन्त्री कार्कीलाई जेनजी आन्दोलनलाई विद्रुपीकरण गर्ने र आन्दोलनमा सहभागी साहसी युवाहरुलाई प्रताडित गर्ने काम तत्काल बन्द गर्न चेतावनी दिएका हुन् ।

साहले भने‘गत भदौ २३ र २४ गते नेपालमा जेनजी आन्दोलन भयो । जनेजीको नेतृत्वमा जनविद्रोह भयो । दुनियाँमा यो आन्दोलनेले देशको गौरव बढाएको छ । नेपालको इतिहासमा दुई दिनमा सत्ता उलटपुलट गरेको यो पहिलो आन्दोलन हो । यसले सबै रेकर्डलाई तोडेको छ । म यही मञ्चबाट जेनजीहरुलाई सलाम भन्न चाहन्छु । तपाईं जेनजीहरुले नेपालको गौरव बढाउनुभएको छ । भ्रष्टाचारीलाई चकनाचुर गर्ने जेन–जीहरु सम्मानित हुनुपर्ने हो, तर, अहिले यहाँ उल्टै जेनजीहरुलाई अपमानित गरिएको छ । लुक्नुपर्ने स्थिति बनाईएको छ । म सुशीला कार्कीलाई सोध्न चाहन्छु–जेनजी आन्दोलन महान थियो कि नाजायज थियो ? तपाईं त यही जेनजी आन्दोलनबाट प्रधानमन्त्री बन्नुभयो, तर जेनजी युवालाई हत्कडी लगाउनुभएको छ, यो गलत हो । तपाईंले जेनजी आन्दोलनकै बेलामा भ्रष्टाचारीलाई कारबाही गर्नुपर्छ भन्नुभएको थियो, तर अहिले प्रधानमन्त्रीको कुर्सीमा विराजमान भएर ती महान जेनजीलाई हत्कडी लगाउनुभएको छ, भ्रष्टलाई सम्मान गर्नुभएको छ, प्रधानमन्त्रीज्यू तपाईंको यो दोहोरो चरित्र किन ? यो दोहोरो चरित्र अब चल्दैन ।’

उनले प्रधानमन्त्री कार्कीलाई ऐतिहासिक जेन–जी आन्दोलनलाई संस्थागत गर्न र उनीहरुको माग सम्बोधन गर्न सुझाव दिए । उनले भने,‘तपाईं त अहिले उल्टै नेताहरुको चाकडीमा लाग्नुभएको छ, तिनै चोर नेताहरुको इशारामा हिँडिरहनुभएको छ । यो हामीलाई स्विकार्य छैन । जेनजीलाई सताईराख्नुभएको छ, यो हर्कत दुनियाँलाई मन परेको छैन । यो सुधार गर्नुहोस ।’

उनले भदौ २३ गते जेनजी युवाहरु र अवोध बालबालिकामाथि गोली हानेर ताकि ताकि हत्या गरेपछि भदौ २४ गते प्रतिक्रियास्वरुप जनविद्रोह भएको टिप्पणी गरे । उनले भने,‘शान्तिपूर्ण आन्दोलनमा सहभागी भएका जेजनीहरुको हत्या नभएको भए, र अवोध बच्चाहरुमाथि गोली नबर्साएको भए भोलिपल्ट जनविद्रोह हुँदैन थियो, यो तोडफोडको सम्भावना थिएन । जुन आमाबुवाको आफ्ना बच्चाहरु मारिएका छन्, जसको कोख रित्तिएको छ, उनीहरुलाई एकपटक सोध्नुहोस त । तोडफोड त जेनजीहरुको हत्याको विरुद्धमा उत्पन्न जनविद्रोहको प्रतिक्रिया हो । हत्याभन्दा ठूलो अपराध तोडफोड हो त ? अब जेनजीहरुको बेहाल बनाउने काम स्विकार्य छैन ।’

उनले वर्तमान सरकार नै जेनजी आन्दोलनको बलमा बनेको भन्दै आफ्नो जग नबिर्सिन प्रधानमन्त्री कार्कीलाई चेतानवी दिए । उनले भने,‘यो सरकारको स्वामित्व कसले लिने ? सुशीला सरकार जेनजी आन्दोलनले बनाएको भनेर दुनियाँलाई थाहा छ, प्रधानमन्त्री र राष्ट्रपति त लखेटिएका थिए, सेनाको सहारामा लुकेर बसेका थिए, अहिले आएर तपाईंले मलाई राष्ट्रपतिले प्रधानमन्त्री बनाएको भन्ने ? कि त तपाईं म जेनजीलाई चिन्दिनँ भन्नुहोस । होईन भने नैतिकता देखाउनुहोस ।’

साहले आफूहरु अब ठूलो आन्दोलनमा होमिएको भन्दै भ्रष्टाचारविरुद्धको लडाईं जितेरै छोड्ने घोषणा गरे । उनले भ्रष्ट र चोर नेताकै कारण देशको मुहार परिवर्तन नभएको दाबी गरे । उनले भने,‘नेपाललाई यो हालतमा पुर्याउने यिनै चोर नेता र दलहरु हुन् । नेतातन्त्र र भ्रष्ट अनि दलाल दलतन्त्रको कारण देशको यो हालत भएको छ । म लोकतन्त्रको लागि लडेको छु भन्नेलाई एकपटक सोध्नुहोस, तपाईंले के गर्नुभयो भनेर ? अहिले नेताको आसेपासे मालामाल, जनता लाचार भएका छन् । मनोमानी र लुटतन्त्र गर्नेलाई लखेट्ने बेला आएको छ । छद्यभेषीलाई चिन्नुपर्छ ।’

साहले हिजो मधेश समृद्ध रहेको इतिहास सुनाउँदै आज मधेशवादी दलकै कारण मधेश उजाड भएको आरोप लगाए । सिंगो देशलाई पाल्ने अन्नको भण्डार मधेश आज कमजोर बनाउने काम यहाँका शासक मधेशवादी दलले गरेको उनको आरोप थियो । उनले भने,‘मधेशलाई यो हालतमा पुर्याउने काम यिनै मधेशको ठेकेदारी गर्नेहरुले पुर्याएको हो, यिनीहरुलाई अब सोध्ने बेला आएको छ । यी छद्यभेषीको नकाब उतार्नुपर्छ ।’

उनले सिंगो देशबाट नै भ्रष्टाचार उखेलेर फाल्ने भनेर आफूहरुले संकल्प गरेको उद्घोष गरे । उनले भने,‘हामीले केही संकल्प गरेका छौं । भ्रष्टाचार उखेलेर फाल्छौं । दलतन्त्र उखेलेर फाल्छौं । अहिले चुनावको बेलामा नयाँ दलहरु च्याउ उम्रिएझैं उम्रिएका छन् । हामीले त चुनाव सकिएपछि पार्टी बनाएको हो । संसदबाट मात्रै लडेर हुँदैन भनेर पार्टी बनाएको हो । हामी लगातार तीन वर्षदेखि भ्रष्टाचारविरुद्ध लडेका छौं । भ्रष्टाचारीको मनोवल गिराउन र जनताको मनोवल बढाउन लडेका छौं । कर आतंकविरुद्ध लडेकै हो । नेपालमा दुनियाँको महँगो कर नेपालमा छ । दुनियाँमा जिडिपीको २० प्रतिशतमात्रै कर लिईन्छ, तर नेपालमा जिडिपीको ३५ प्रतिशत कर लिईन्छ । आम्दानीको ठूलो हिस्सा सरकारले लिएपछि के प्रगति हुन्छ?’

साहले मौलापुरमा कर आतंक बन्द गर्नुपर्छ भनेर आफूहरुले ‘शून्य कर’ को नीति लागु गरेको र सफल भएको सुनाए । उनले भने,‘हामीले यहाँ एक रुपैयाँ पनि कर लिएका छैनौं । मौलापुरले जनताको लिने होईन, जनतालाई दिने काम गरेको छ । मौलापुरले देशमा एउटा मोडेलको काम छ । समृद्धिको जग हासिल गर्नेछौं । नेपालमा प्रकृतिले हामीलाई स्वर्ग दिएको छ । तर, नेताहरुको कुकर्मले देश नर्क बनाए । बयोवृद्धमात्रै छन् । युवाहरु पलायन हुनुपरेको छ । यो अवस्थाको अब अन्त्य गरिनुपर्छ ।’

उनले नेपालमा दलतन्त्रको चरम विद्रुपीकरण रहेको भन्दै सबैले आफ्नो पालामा देश लुट्ने काम गरेकोले आज देश र जनताको अवस्थामा परिवर्तन नआएको दाबी गरे । उनले भने,‘आज कुनैपनि चोर नेताले आफ्नो पालामा भ्रष्टाचार भयो भनेर भन्दैन् । पार्टीका नेताहरुले त मिलिजुली लुटेका छन् । ७६१ सरकारमा कुनै न कुनै दल सरकारमा छन् । सबै भागबण्डा गरिरहेका छन् । लुटिरहेका छन् । यो व्यवस्था आउँदा जम्मा ३ खर्ब ऋण थियो । आज २८ अर्बभन्दा माथि ऋण छ । यो देशमा आज एउटा बच्चा जन्मिनेबित्तिकै एक लाख ऋण लाग्छ । तपाईं हामीले अब सोध्ने बेला आयो, यी चोर नेतालाई कि तपाईंले लिएको कर्जाको पैसा के गर्नुभयो ? १९ खर्ब बजेट छ, तर ऋण २८ खर्ब छ । मुलुक अहिले एफटिएएफको ग्रे–लिष्टमा छ । २ वर्षको समय छ । यो अवधिमा ग्रे–लिष्टबाट निस्किन सकिएन भने मुलुक ब्ल्याक–लिष्टमा जान्छ । अनि देशको अवस्था के हुन्छ ? यो विषयमा अब चोर नेतासँग यो स्थितिको बारेमा सोध्नुपर्छ । भ्रष्टाचार, कर्जा, करको आतंक किन भयो भनेर चोर पार्टी र यसका नेताहरुलाई सोध्नुपर्छ ।’

उनले अहिले गरिव जनताका छोराछोरीले खाडी मुलुकमा दुःख गरेर कमाएर देश पठाउने गरेको तर यही देशमा लुटेन उच्चपदस्थले सन्तान र सम्पत्ति विदेश पुर्याएको भन्दै आक्रोश पोखे । उनले अब लुटेरा अनि भगौडा वर्गको भण्डाफोर गर्नुपर्ने आवश्यकता औंल्याए । उनले देशको सत्ताको चाबी दलाल र भगौडाको हातमा रहेको भन्दै उनीहरुबाट त्यो चाबी खोसेर जनताको हातमा ल्याउने उद्घोष गरे । उनले भने,‘सत्ताको चाबी अब विचौलिया र दलालको हातबाट खोसेर जनताको हातमा ल्याईछाड्छौं ।’

उनले नेपालको इतिहासमा रौतहटले जहिल्यैपनि अग्रणी भूमिका खेलेको स्मरण गराए । उनले भने,‘यो देशको परिवर्तनको आन्दोलनमा रौतहटले अग्रणी भूमिका खेलेको छ । जब जब देशमा संकट आईपरेको छ, यो जिल्लाले जुरुक्कै उठेर निकासको लागि भूमिका खेलेको छ । अब फेरि हामी नयाँ इतिहास कोर्नेछौं । यही जिल्लाले नयाँ इतिहास बनाउनेछ ।’

बज्जिकाञ्चल संवाददाता,राैतहट,२० गते मंसिर । 

राैतहटकाे बौधिमाइ नगरपालिकाका सामुदायिक विद्यालयहरूमा जेनजी २.० का जिल्ला संयोजक सोनु कुशवाहाको नेतृत्वमा अनुगमन कार्य सम्पन्न भएको छ । अनुगमनका क्रममा विद्यालय व्यवस्थापनदेखि भौतिक पूर्वाधारसम्मका महत्वपूर्ण विषयहरूमा सुधार आवश्यक रहेको निष्कर्ष निकालिएको छ ।

टिमले विद्यालयहरूमा सरसफाइको अवस्था कमजोर रहेको, शौचालयको अभाव, सेनेटरी प्याडको सहज पहुँच नहुँदा विद्यार्थी विशेषगरी किशोरीहरू प्रभावित भएको तथा विज्ञान प्रयोगशाला स्तरोन्नतिको आवश्यकता देखिएको जनाएको छ ।

विद्यार्थीहरूले खेलकुद सामाग्री अभावबारे राखेको मागलाई सम्बोधन गर्दै संयोजक कुशवाहाले आवश्यक सामग्री उपलब्ध गराउन समन्वय गर्ने आश्वासन दिएका छन् । यस विषयमा बौधिमाइका नगर प्रमुख प्रदिप यादवले पनि विद्यालय सुधारका लागि छिट्टै आवश्यक व्यवस्थापन गर्ने प्रतिबद्धता व्यक्त गरेका छन् ।

युवा सक्रियताको माध्यमबाट अघि बढाइएको शिक्षा सुधार अभियान परोहा र बौधिमाइ क्षेत्रका युवाको निरन्तर सहयोगका कारण थप प्रभावकारी बन्दै गएको स्थानीयहरूले बताएका छन् ।

आरके श्रीवास्तव,राैतहट,२० गते मंसिर । 

रौतहट । खाप र बंकुल मार्ग हुँदै सञ्चालन हुँदै आएको छोटी भन्सार नाका केही समयदेखि अवरुद्ध भएपछि जेनजी २.० समूहले नाका तत्काल पुनः सुचारु गरिदिन माग गरेका छन् । जिल्ला भन्सार कार्यालय गौरका प्रमुख भन्सार अधिकृत विकास कुमार रजकलाई ज्ञापनपत्र बुझाउँदै उनीहरूले दैनिक जनजीवन, व्यापार–व्यवसाय तथा आपूर्तिमा देखिएको गम्भीर अवरोधका कारण नाका खुला गर्नु अपरिहार्य भएको बताएका छन् ।

रौतहट जिल्ला संयोजक सोनु कुशवाहाले नेतृत्व गरेको टोलीले आएको ज्ञापनपत्रमा भन्सार नाका बन्द हुँदा कृषि तथा नाशिने वस्तु ढुवानी रोकिएको, स्थानीय व्यापारीको आय–व्ययमा ठूलो असर परेको र सर्वसाधारणको दैनिक आवत–जावत अत्यन्त कठिन बनेको उल्लेख छ ।

उनका अनुसार वैकल्पिक मार्ग अभावले ढुवानी खर्च अत्यधिक वृद्धि भएको छ, जसले किसानदेखि व्यवसायीसम्म सबैलाई प्रत्यक्ष प्रभावित पारेको छ ।

ज्ञापनपत्रमा अवरुद्ध मार्ग तत्काल सञ्चालन गर्न, आवश्यक प्रशासनिक तथा सुरक्षा व्यवस्था मिलाई व्यवस्थित रूपमा सञ्चालन गर्न तथा स्थानीय तहसँग निरन्तर समन्वय गर्दै नाका सञ्चालनमा पारदर्शिता सुनिश्चित गर्न कार्यालयलाई अनुरोध गरिएको छ ।

छोटी भन्सार नाका पुनः सुचारु भएपछि सीमावर्ती व्यापार, जनजीवन र आर्थिक गतिविधि सहज हुने अपेक्षा व्यक्त गरेका छन् ।

 

‎
‎सागर संगम ठाकुर,रौतहट, मंसिर १७ गते
‎
‎रौतहटको देवाही गोनाही नगरपालिकामा अपाङ्गता भएका व्यक्तिहरूको ३४ औँ अन्तर्राष्ट्रिय दिवस विभिन्न कार्यक्रमहरूको आयोजना गर्दै भव्य रूपमा मनाइएको छ। तराई एकता अपाङ्ग संघको आयोजना तथा देवाही गोनाही नगरपालिकाको सहयोगमा नगरपालिका भवनको सभाहलमा कार्यक्रम सम्पन्न भएको हो।

कार्यक्रम संस्थाका अध्यक्ष अजय कुमार यादवको अध्यक्षतामा भएको थियो भने देवाही गोनाही नगरपालिकाका नगर प्रमुख प्रेमलाल साह प्रमुख अतिथिका रूपमा उपस्थित रहनु भयो। अपाङ्गता समावेशी समाजको प्रतिबद्धता, सामाजिक उन्नतिको संवर्द्धन’ भन्ने मूल नाराका साथ मनाइएको कार्यक्रममा अध्यक्ष यादवले दिवसका उद्देश्य र महत्वबारे जानकारी गराउनुभयो।

सो अवसरमा प्रमुख अतिथि नगर प्रमुख साहले नगरपालिकाभित्र रहेका अशक्त तथा अपाङ्गता भएका व्यक्तिहरूलाई २५ वटा ह्विलचेयर यसै हप्ता वितरण गर्ने प्रतिबद्धता जनाउनुभयो।कार्यक्रममा वक्ताहरूले नेपाल सरकारले संविधानमार्फत अपाङ्गता भएका नागरिकलाई विविधताको पहिचानसहित मर्यादा, आत्मसम्मानको जीवन र सार्वजनिक सेवा–सुविधामा समान पहुँचको हक सुनिश्चित गरे पनि व्यवहारमा त्यसको पूर्ण कार्यान्वयन हुन बाँकी रहेको भन्दै आवाज उठाएका थिए।

आरके श्रीवास्तव,राैतहट,१७ गते मंसिर । 

रौतहट — फतुवा विजयपुर नगरपालिकामा नगर स्तरीय दोस्रो त्रैमासिक परीक्षा आगामी मंसिर २८ गतेदेखि सञ्चालन हुने भएको छ । नगरभरिका सामुदायिक विद्यालयका प्रधानाध्यापकहरूको उपस्थितिमा वडा नं. १० स्थित माध्यमिक विद्यालय दुधिअवामा बसेको बैठकले परीक्षा सुरु गर्ने निर्णय गरेको हो । उक्त जानकारी परीक्षा समिति अध्यक्ष तथा माँ सरस्वती प्राथमिक विद्यालयका प्रधानाध्यापक सुबोध प्रसाद यादवले दिएका छन् ।

यसअघि नगरपालिकाको अव्यवस्थित शैक्षिक अवस्थालाई मध्यनजर गर्दै केही माध्यमिक विद्यालयहरूले मंसिर २२ गतेदेखि परीक्षा सञ्चालन गर्ने तयारी गरेका थिए । तर प्रमुख प्रशासकीय अधिकृत मदन थापाको आग्रहपछि परीक्षा मिति एकरूपता कायम गर्न सबै विद्यालय सहमत भएका हुन् । मावि टेंग्राहाका प्रधानाध्यापक अनिल यादवका अनुसार एक–दुई दिन पर्खिएपछि सबै विद्यालयले एउटै मितिबाट परीक्षा गर्न सहमति जनाएको बताए ।

त्यसैगरी, मावि दुधिअवाका प्रधानाध्यापक रविन्द्र प्रसाद साहले आफ्नो विद्यालयले प्राविधिक रूपमा परीक्षा समितिलाई आवश्यक सहयोग प्रदान गर्ने प्रतिबद्धता व्यक्त गरेका थिए ।

बैठकमा सहभागी कार्यवाहक नगरप्रमुख अम्बेया खातुनका श्रीमान् तथा प्रदेश सांसद प्रत्यासी मोहमद सेराजले नगरपालिकाले परीक्षा सञ्चालनका लागि १५ लाख रुपैयाँ विनियोजन गरिएको जानकारी गराउँदै प्रश्नपत्र तथा उत्तरपुस्तिका नगरपालिकाले नै उपलब्ध गराउने बताए ।

बैठकमा नगरभरिका सबै सामुदायिक विद्यालयका प्रधानाध्यापकहरूको सक्रिय उपस्थिति थियो र परीक्षा सुव्यवस्थित, एकीकृत तथा प्रभावकारी रूपमा सञ्चालन गर्ने प्रतिवद्धता व्यक्त गरिएको थियो ।

आरके श्रीवास्तव,राैतहट,१७ गते मंसिर । 

राैतहट । गरुडा नगरपालिका–५ स्थित शिवनगर टोलमा वर्षौंदेखि भइरहेको पानी थुनिने समस्या स्थानीय पहल तथा निजी लगानीमा समाधान गरिएको छ । स्थानीय बासिन्दाले समस्या समाधानका लागि नगरप्रमुख तथा वडा अध्यक्षसमक्ष पटक–पटक माग राख्दा “वडामा बजेट उपलब्ध नभएको” भन्दै बेवास्ता गरिएको स्थानीयवासीले बताए ।

लगातारको जलजमावका कारण २० घरधुरी प्रभावित हुँदै आएका थिए । घरभित्रै पानी छिर्ने, बाटो हिलाम्मे हुने तथा सरसफाइजन्य जोखिम बढेपछि स्थानीयले वैकल्पिक उपाय खोज्दै वडा अध्यक्ष पदका प्रत्यासी रमेश यादवलाई जानकारी गराएका थिए ।

स्थानीयको आग्रहपछि यादवले आफनाे निजी लगानीमा टोलमा पाईप जडान गरी उचित पानी निकास व्यवस्था मिलाएका छन् । पानी निकास मार्ग बनेपछि लामो समयदेखि समस्यामा परेका घरधुरीले राहत पाएका छन् ।

स्थानीयवासीका अनुसार, ” ढलको समस्या समाधान गर्न नगरपालिका र वडा कार्यालयले चासो नदेखाएको अवस्थामा निजी पहलले टोल बस्तीमै ठूलो राहत दिएको छ ।”

यो घटनाले स्थानीय तहमा आधारभूत सेवाप्रति सरकारी ध्यान नपुगेका समस्या निजी लगानी वा सामुदायिक पहलमा भर पर्नुपर्ने अवस्था देखाएको छ ।

आरके श्रीवास्तव,राैतहट,१७ गते मंसिर । 

रौतहट । शान्ति–सुरक्षा सुदृढीकरण तथा भ्रष्टाचारविरुद्ध सक्रिय भूमिका खेल्ने उद्देश्यका साथ जेनजी २.० युवा समूहले प्रहरी प्रशासनसँग औपचारिक रूपमा सहकार्य गर्ने प्रतिवद्धता जनाएको छ । समूहका रौतहट जिल्ला संयोजक सोनु कुशवाहाले बंकुलस्थित प्रहरी चौकी तथा सशस्त्र प्रहरी बललाई पत्र बुझाउँदै आफ्नो समूह शान्ति, अनुशासन र जिम्मेवार नागरिकताको मार्गमा अगाडि बढिरहेको स्पष्ट पारेका हुन् ।

समूहका अनुसार पछिल्लो समयमा देशभर युवाको नाममा उग्र गतिविधि र भ्रम फैलाउने प्रवृत्ति बढ्दै गए पनि आफूहरू त्यस्ता क्रियाकलापबाट पूर्ण रूपमा अलग रहेको र समाजमा सकारात्मक परिवर्तनका लागि कानुनी दायराभित्र रहेर काम गरिरहेको बताए ।

पत्रमा जेनजी २.० ले प्रहरी प्रशासनलाई निम्न बुँदामा सहयोग गर्ने उल्लेख छ । समाजमा शान्ति–सुरक्षा कायम राख्न निरन्तर सहकार्य गर्ने,भ्रष्टाचार तथा गैरकानुनी गतिविधिविरुद्ध कानुनी प्रक्रियाभित्र रहेर सूचना तथा सहयोग उपलब्ध गराउने,युवाहरूलाई सही दिशामा उन्मुख गराउन प्रहरी–युवा सहकार्यलाई थप प्रभावकारी बनाउने,समुदायमा फैलिएको अविश्वास र डर हटाउन समुदाय–प्रहरी सहकार्य कार्यक्रम विस्तार गर्न आग्रह गर्ने रहेका छन् ।

साथै संयोजक कुशवाहाले सिमापारीबाट घरायसी प्रयोजनका लागि ल्याइने सामानमा अनावश्यक रोक तथा झन्झट नलगाउन प्रहरीले विशेष ध्यान दिनुपर्ने माग पनि राखेका छन् ।

Gen Z 2.0 समूहले प्रहरी प्रशासनसँगको सहयोग नै शान्ति, पारदर्शिता र सामाजिक परिवर्तनका लागि प्रभावकारी माध्यम बन्ने विश्वास व्यक्त गर्दै सुरक्षामा खटिएका प्रहरीप्रति आभार प्रकट गरेको छ ।

आरके श्रीवास्तव,रा‌ैतहट,मंसिर १६ गते । 

रौतहट — जेनी २.० का जिल्ला अध्यक्ष सोनु कुशवाहाको नेतृत्वमा परोहा नगरपालिकाका विभिन्न सामुदायिक विद्यालयहरूको मंगलबार दोस्रो चरणको अनुगमन गरिएको छ । कुशवाहा नेतृत्वको टिमले विद्यालयमा देखिने कमजोर व्यवस्थापन, सरसफाइ र शैक्षिक वातावरण सुधारका लागि निरन्तर निगरानी जारी राखेको जनाएको छ ।

 

पहिलो अनुगमनमा विद्यालयमा फोहोर व्यवस्थापन कमजोर, शौचालय अस्वच्छ, कक्षा कोठा अव्यवस्थित जस्ता समस्या पाइएको थियो । दोस्रो अनुगमनमा केही सुधार देखिए पनि अझै समाधान खोज्नुपर्ने मुद्दाहरू रहेको अध्यक्ष कुशवाहाले बताए । उनका अनुसार, “शिक्षा सुधार निरन्तर प्रक्रियासँग जोडिएको छ। विद्यालय व्यवस्थापनमा देखिने लापरबाही असह्य हुन्छ । हामी विद्यालय सुधारका लागि गम्भीर रूपमा लागिरहेका छौँ।”

कुशवाहा नेतृत्वको टोलीले मावि तेजापाकड, अन्होतिलाल मावि,आवि भेडियाही,ओम मावि नरकटिया र प्रावि नमनगरामा स्थलगत निरीक्षण गरेको थियो । कतिपय विद्यालयमा शौचालय अभाव, व्यवस्थापन समिति गठन नभएको, प्रयोगशाला सरसफाइ कमजोर रहेको र विद्यार्थीका लागि सेनेटरी प्याडको अभाव रहेको टिमले देखेको छ ।

अनुगमनका क्रममा विद्यार्थीहरूले प्रतिनिधिमण्डलसँग खेलकुद सामग्री अभावका बारे चिंता व्यक्त गर्दै उपलब्ध गराईदिन आग्रह गरेका थिए । विद्यार्थीहरूको मागलाई प्राथमिकता दिंदै अध्यक्ष कुशवाहाले तत्कालै समस्या समाधानमा समन्वय गर्ने आश्वासन दिएका थिए ।

त्यसपछि अनुगमनमा सहभागी परोहा नगरपालिकाका प्रमुख प्रशासकीय अधिकृत महफुज आलमले पनि खेलकुद सामग्री उपलब्ध गराउन पहल गर्ने प्रतिबद्धता व्यक्त गरे । उनले भने, “विद्यालयको आवश्यकता पूरा गर्न नगरपालिका तयार छ । शिक्षा सुधार हाम्रो साझा दायित्व हो।”

कुशवाहा र उनकाे टिमले विद्यालय सुधारका लागि आवश्यक कदमहरू निरन्तर अघि बढाइने बताउँदै स्थानीय तह र विद्यालय व्यवस्थापनबीचको समन्वय अझै बलियो बनाउन आग्रह गरेका छन् ।

अनुगमनका क्रममा कुशवाहाका सहयोगी जितेन्द्रराज प्रजापति,पवन पटेल,सागर गुप्ता,सचिन्द्र यादव, जयचन्द्र कुशवहा लगायत जेनजी युवाहरूकाे सहभागीता रहेको थियो । साेही क्रममा स्वास्थ्य चाैकी तेजापाकडकाे पनि अवस्था बुझेका थिए । र सम्बन्धित निकायलाई ध्यानाकर्षण गराउने आश्वासन दिएका थिए ।

बज्जिकाञ्चल संवाददाता,राैतहट,मंसिर १४ गते ।

रौतहट । कटहरिया नगरपालिकामा नयाँ प्रमुख प्रशासकीय अधिकृतको रूपमा माधवेन्द्र चौधरीले जिम्मेवारी सम्हालेका छन्। आइतबार मेयर अजय प्रकाश जैसवाल र लेखा अधिकृत कामेश्वर सहनीले चौधरीलाई स्वागत गर्दै औपचारिक रूपमा हाजिर गराएका हुन्।

नव नियुक्त अधिकृत चौधरीसँग नगरवासीले विशेष अपेक्षा राखेका छन्। लामो समयदेखि तलबविहीन अवस्थामा रहेका करार कर्मचारीहरूको समस्याको समाधान गर्ने र सर्वसाधारणलाई पारदर्शी, छिटो–छरितो सेवा उपलब्ध गराउने विश्वास व्यक्त गरिएको छ।

यसअघि कटहरिया नगरपालिकामा कार्यरत तत्कालीन प्रमुख प्रशासकीय अधिकृत, उपसचिव गणेश नेपालीले सहज वातावरण नभएको कारण देखाउँदै करिब एक महिना अघि मन्त्रालय फिर्ता भएका थिए। त्यसपछिको रिक्ततामा अब चौधरीले नेतृत्व सम्हालेका हुन्।

नगरपालिका तथा स्थानीयबासीले नयाँ नेतृत्वले प्रशासनिक सक्रियता बढाई नगरको सेवा प्रवाहलाई थप प्रभावकारी बनाउने अपेक्षा राखेका छन्।

बज्जिकाञ्चल संवाददाता,राैतहट,मंसिर १४ गते । 

मिडिया काउन्सिल मधेस प्रदेशका कार्यवाहक अध्यक्ष सुरेश यादव, सदस्य रिंकु मिश्रा (गायत्री) तथा साथ आएका पदाधिकारीहरूको टोलीले आज बजिकान्चल मिडिया प्रा.लि.द्वारा सञ्चालित www.ebajjikanchaldainik.com को कार्यालयमा अनुगमन गरेको छ ।

अनुगमनका क्रममा अनलाइन मिडिया सञ्चालनको वर्तमान अवस्था, सुधारका सम्भावना तथा नीतिगत आवश्यकता सम्बन्धी विषयमा विस्तृत छलफल भएको बताइएको छ । मिडिया काउन्सिलका प्रतिनिधिहरूले अनुगमनपछि अनलाइन मिडियाहरूको वर्गीकरण प्रक्रिया शीघ्र सुरु गरिने जानकारी दिँदै पारदर्शी तथा जिम्मेवारीपूर्ण पत्रकारितालाई सघाउने प्रतिबद्धता व्यक्त गरेका छन् ।

बजिकान्चल मिडिया प्रा.लि.का सञ्चालक एवम् कार्यकारी सम्पादक राजु कुमार श्रीवास्तव(आरके श्रीवास्तव)ले  अनुगमन टोलीप्रति आभार व्यक्त गर्दै व्यावसायिक, पारदर्शी र उत्तरदायी पत्रकारितामा निरन्तर प्रतिबद्ध रहने बताएका छन् ।

अनुगमन कार्यक्रममा बजिकान्चल मिडिया प्रा.लि.का प्रबन्ध निर्देशक सरिता कुमारी श्रीवास्तव,सम्पादक रामआधार प्रसाद यादव,स्थानीय न्यूज मिडिया प्रा.लि.का सञ्चालक आरएन पटेल, कटहरिया वडा नं. ४ का वडा अध्यक्ष चन्दन कुशवाहा, कटहरिया बहुमुखी क्याम्पसका लेखाप्रमुख रामनिवास प्रसाद यादव तथा अर्जुन यादवको सक्रिय उपस्थितिलाई सराहना गरिएको थियो ।

आरके श्रीवास्तव,राैतहट,मंसिर ११ गते । 

राजपुर — लैङ्गिक हिंसा विरुद्धको १६ दिने अभियानको अवसरमा राजपुर नगरपालिकामा आज विशेष जनचेतनामूलक कार्यक्रम सम्पन्न गरिएको छ । नगरपालिकाको आयोजनामा विभिन्न सरोकारवालाको सक्रिय सहभागितामा सचेतना कार्यक्रम, प्रतिबद्धता घोषणाहरू तथा किशोरी पदयात्रा गरिएकाे थियो ।

कार्यक्रमलाई सम्बोधन गर्दै नगर प्रमुख डा. मो. राजिक आलमले आफ्नो कार्यकालमा आरडिसी,ईस्लामिक रिलिफ लगायतका संस्थाहरूको सहकार्यमा निरन्तर रुपमा महिला सशक्तिकरणका कार्यक्रम सञ्चालन हुँदै आएको बताए । उनले बालविवाह न्यूनीकरणदेखि लिएर महिला–किशोरी लक्षित सीप तथा तालिम कार्यक्रमहरू ६ वटा वडामा विस्तार गरिएको जानकारी दिए ।

डा. आलमले सामाजिक सञ्जालमार्फत पनि महिलामाथि हुने दुर्ववहार बढ्दो अवस्थामा रहेको भन्दै मोबाइल तथा इन्टरनेटको सुरक्षित प्रयोगबारे सचेत हुन आग्रह गरे । महिलामाथि कुनै पनि प्रकारको हिंसा भएमा वडा अध्यक्षमार्फत वा सिधै उपप्रमुख तथा न्यायिक समितिमा उजुरी दिन सकिने स्पष्ट गर्दै, नगरपालिकाले कठोर रूपमा कारबाही प्रक्रिया अघि बढाउने प्रतिबद्धता जनाए ।

कार्यक्रममा प्रमुख जिल्ला अधिकारी दिनेश सागर भुसालले महिला भएकै कारण हुने भेदभाव समाजका लागि गम्भीर समस्या भएको बताउँदै “महिलामाथि कुनै पनि प्रकारको हिंसा सहिँदैन, सामूहिक रूपमा रोकथाममा उभिनु हाम्रो दायित्व हो” भने ।

त्यसैगरी राैतहट प्रहरी प्रमुख प्रहरी उपरीक्षक रबिन कार्की, सशस्त्र प्रहरी उपरीक्षक रामहरि अधिकारी लगायत सुरक्षाकर्मी, कर्मचारी तथा स्थानीय सरोकारवालाले अभियानमा सहयोग गर्ने प्रतिबद्धता व्यक्त गरे ।

कार्यक्रममा स्वागत मन्तव्य राख्दै राजपुर नगरपालिकाका प्रमुख प्रशासकीय अधिकृत बैजु ठाकुरले नगरपालिकाले लैङ्गिक हिंसा न्यूनीकरणलाई प्राथमिकतामा राखेर विभिन्न कार्यक्रम सञ्चालन गरिरहेको बताए ।
“किशोरी तथा युवतीहरूलाई आत्मविश्वासी, सक्षम र जागरूक बनाउनु हाम्रो पहिलो लक्ष्य हो । यसका लागि नगरपालिकाले सीप विकास, सूचना प्रविधि, आत्मरक्षा तथा जीवन कौशल तालिमहरू निरन्तर रूपमा विस्तार गर्दै आएको छ,” ठाकुरले भने ।

उनले लैङ्गिक हिंसा रोकथाममा सामुदायिक सहभागिता अत्यावश्यक रहेको भन्दै विद्यालय, अभिभावक, युवा समूह र स्थानीय निकायबीच समन्वय अझ मजबुत बनाउनुपर्ने आवश्यकता औँल्याए ।

कार्यक्रमअन्तर्गत आयोजित किशोरी पदयात्राले समाजमा महिला अधिकार र सुरक्षित वातावरण निर्माणकाे सन्देश प्रवाह गरेको आयोजकले बताएका छन् ।

बज्जिकाञ्चल संवाददाता,राैतहट,मंसिर ०८ गते । 

राैतहटको फतुवा बिजयपुर नगरपालिकामा कार्यवाहक मेयर अम्बेया खातुनविरुद्ध वडाअध्यक्षहरूले सोमबार संयुक्तरूपमा व्यापक विरोध प्रदर्शन गरेका छन् । उनीहरूले बिजयपुर बजार परिक्रमा गर्दै नाराबाजीसहित र्‍याली निकालेका थिए । प्रदर्शनका क्रममा ‘कार्यवाहक मेयरको एकल निर्णय बन्द गर’, ‘नगरलाई बन्धक बनाउन पाइदैन ’, ‘करार कर्मचारी व्यवस्थापन गर’ जस्ता नारासहित कोणसभामा परिणत भएको थियो ।

कोणसभामा वडाअध्यक्षहरूले कार्यवाहक मेयर खातुन र उनका श्रीमान् माेहमद सेराजका कारण नगरपालिकामा प्रशासनिक काम ठप्प भएको आरोप लगाए ।

वडा नं २ का अध्यक्ष अनिरुद्ध प्रसाद यादव (सञ्जय) ले सबै वडाको कार्यालयमा तालाबन्दी हुनुपरेको र सेवाग्राही मारमा परेको बताए । उनका अनुसार पहिले नै कालोपत्रे भइसकेको सडकमा फेरि बजेट देखाएर माटो पुर्याई ग्राभेल गरिएको देखाइ नक्कली बिल तयार गरी भुक्तानीको दबाब दिइएको थियो । प्रमुख प्रशासकीय अधिकृत भरत यादवले अस्वीकार गरेपछि उनीहरूलाई सरुवा गरी नयाँ सीएओ मदन थापालाई ल्याइएपछि विवाद थप चर्किएको दाबी गरियो ।

वडा नं १ का अध्यक्ष विजय यादव ले कार्यवाहक मेयरले कार्यपालिकाको बैठक कहिल्यै नबोलाउने, बारम्बार आग्रह गर्दा पनि निर्णय प्रक्रियालाई पन्छाउने गरेको आरोप लगाए । निर्णयबिनै विभिन्न योजना अघि बढाइएको दाबीसमेत गरिएको छ ।

त्यस्तै, वडा नं ६ का अध्यक्ष रामएकवाल यादव ले कार्यवाहक मेयर कार्यालयमा उपस्थित नहुने र सेवाग्राहीलाई कार्यालयकाे साटो आफ्नै निवासमा बोलाउने गरेको बताएका छन् ।

वडा नं १० का अध्यक्ष मञ्जय कुमार चौधरी ले नगरपालिकामा कार्यरत ८७ करार कर्मचारीको तलब कार्यपालिका निर्णयअनुसार दिनुपर्ने भए पनि सेराजको दबाबमा तलब रोकेर कर्मचारीलाई आन्दोलनतर्फ धकेलिएको बताए । तलब रोकिँदा कर्मचारीहरूले कार्यालयमा तालाबन्दी गरेपछि सेवाप्रवाह पूर्ण रूपमा प्रभावित भएको उल्लेख गरियो ।

वडा नं ११ का अध्यक्ष ज्ञानेन्द्र चौधरी ले विद्युत्‌ खर्च भुक्तानी गर्न नगर परिषद्ले निर्णय गरिसक्दा पनि सेराजको हस्तक्षेपका कारण प्रक्रिया अवरुद्ध भएको बताए।

विरोध प्रदर्शनमा सयौँ स्थानीयहरूको उपस्थिति रहेको प्रत्यक्षदर्शीले बताएका छन् । वडाअध्यक्षहरूले नगरपालिकामा “करोडौँको अनियमितता भएको” दाबी गर्दै कार्यवाहक मेयर अम्बेया खातुनको राजीनामा माग गरेका छन् ।

हनुमत कुमार यादव,राैतहट,मंसिर ०७ गते । 

जनता समाजवादी पार्टी (जसपा) नेपाल रौतहट जिल्ला समितिको आयोजनामा दुर्गाभगवती गाउँपालिका–४ पचरुखी पोखरीको तटमा सम्पन्न पार्टी प्रवेश तथा कार्यकर्ता भेला कार्यक्रममा झण्डै दुई सयभन्दा बढी नेता–कार्यकर्ताले विभिन्न दल परित्याग गरी सामूहिक रूपमा जसपामा प्रवेश गरेका छन् ।

कार्यक्रममा जसपा नेपालका राष्ट्रिय अध्यक्ष माननीय उपेन्द्र यादवले विशेष सम्बोधन गर्दै नवप्रवेशीहरूलाई स्वागत गरे । साथै उनले समावेशीता, समानता, मधेसको पहिचान र स्थानीय विकासका एजेन्डालाई थप सशक्त रूपमा अघि बढाउने प्रतिबद्धता व्यक्त गर्दै नवप्रवेशीहरूको आगमनले पार्टीलाई झनै सबल बनाएको बताए ।

त्यसैगरी, जिल्ला अध्यक्ष राजिव रंजन उर्फ राजु यादवले पनि कार्यक्रमलाई सम्बोधन गर्दै ‘जेन–जेड’ पुस्ताको हक–अधिकार, राजनीतिक सहभागिता, रोजगारीका अवसर र स्थानीय नेतृत्व विकासमा जसपा नेपाल प्रतिबद्ध रहेको जनाएका थिए । उनले युवा पुस्ताको सहभागिता बिनाको राजनीति सम्भव नहुने बताउँदै नवप्रवेशी युवालाई पार्टीमा सक्रिय भूमिका खेल्न आग्रह समेत गरे ।

कार्यक्रममा जनमत पार्टी परित्याग गर्दै बौधिमाई नगरपालिका–६ का वडा अध्यक्षका पूर्व–प्रत्याशी विजय यादव तथा आम जनता पार्टी छाडेर बौधिमाई नगरपालिका–४ का नेता स्माइल मियाले औपचारिक रूपमा जसपाको सदस्यता ग्रहण गरे ।

यस्तै, दुर्गाभगवती गाउँपालिका–१ निवासी तथा हालै सशस्त्र प्रहरी बलको रोजगारीबाट राजीनामा दिएका चन्दन ठाकुरले पनि आजै पार्टी प्रवेश गरेका छन् ।

जिल्ला समितिका अनुसार, विभिन्न दलका करिब दुई सय नेता तथा कार्यकर्ताहरूले सामूहिक रूपमा जसपा प्रवेश गरेका छन् । नेताहरूले नवप्रवेशी कार्यकर्ताहरूसँगै पार्टीलाई स्थानीयदेखि राष्ट्रिय स्तरसम्म मजबुत बनाउने लक्ष्य व्यक्त गरे ।

बज्जिकाञ्चल संवाददाता,राैतहट,मंसिर ०७ गते । 

रौतहट — नेपाल विश्वकर्मा लोहार संघ रौतहटले २०८२ असोज १ गते सम्पन्न भएको विश्वकर्मा पूजाको आय–व्यय औपचारिक रूपमा सार्वजनिक गरेको छ। आईतबार बसेको समितिको बैठकले आर्थिक विवरण प्रस्तुत गर्दै संघले पारदर्शिता नै संस्थाको विश्वासको मुख्य आधार भएको बताएकाे छ।

लोहार समुदायका कुलदेवता बाबा विश्वकर्मा जीको वार्षिक पूजा यस वर्ष पनि भव्य रूपमा सम्पन्न भएको थियो। रौतहटको गरुडा नगरपालिका–५ शिवनगरस्थित बाबा विश्वकर्मा जीको मन्दिरमा आयोजित पूजामा स्थानीय लोहार समुदायको उल्लेखनीय सहभागिता रहेको थियो। पूजाका विभिन्न तयारी, व्यवस्थापन तथा कार्यक्रमहरू समुदायकै सक्रियतामा सम्पन्न भएका थिए।

पूजाको लागि लोहार स्वजातीयहरूले चन्दा संकलन गरेका थिए। संकलित रकम तथा खर्चको विवरण सार्वजनिक गरिएको छ। संघका अनुसार:

कुल संकलित चन्दा (आय): रु. २,४५,४५६,कुल खर्च: रु. २,१८,७१५,जम्मा बचत: रु. २६,७१५

संघले आर्थिक विवरण सार्वजनिक गर्नु संस्थाको पारदर्शिता र विश्वसनीयता मजबुत बनाउन महत्वपूर्ण भएको सघका अध्यक्ष विवेक शर्माले बताएको छ। पूजासँगै मन्दिरको पेन्ट, गेट पेन्ट, रक्तदान कार्यक्रम, स्वास्थ्य शिविर, भजन–कीर्तन तथा स्वजातीय सम्मान कार्यक्रम पनि सम्पन्न गरिएको थियो।

यस वर्षको पूजा कार्यक्रम सफलतापूर्वक सम्पन्न गर्न योगदान पुर्‍याउने सम्पूर्ण स्वजातीय, सहयोगी हातहरू र सहभागीहरूलाई संघले हार्दिक धन्यवाद व्यक्त गरेको छ।

गुडु यादव,राैतहट,मंसिर ०७ गते । 

रौतहटको गरुडा नगरपालिका–१ जयनगरका निवासी तथा इलाका प्रशासन कार्यालय गरुडामा कार्यरत कर्मचारी अवधेश यादवले गरूडामा अवस्थित वंशीराम जयसवाल अनाथालयका बालबालिकालाई राहत सामग्री वितरण गरेका छन् ।

एक विशेष समारोहबीच गरिएको कार्यक्रममा यादवले लत्ता–कपडा, खाद्य सामग्रीसहितका राहत वस्तुहरू अनाथालयलाई हस्तान्तरण गरेका हुन् । उनले भगवान् पशुपतिनाथको कृपाले आफूलाई सबै आवश्यक वस्तु प्राप्त भइरहेको बताउँदै समाजका अभावग्रस्त बालबालिकालाई सहयोग गर्न पाउँदा खुशी लागेको बताए ।

यादवले अनाथालयमा बसोबास गर्दै आएका बालबालिकाको सहयोगका लागि आगामी दिनमा पनि निरन्तर रूपमा राहत सामग्री उपलब्ध गराइरहने प्रतिबद्धता जनाएका छन् ।

अनाथालय व्यवस्थापनले आवश्यकताका बेला उपलब्ध गराइएको सहयोगप्रति धन्यवाद व्यक्त गर्दै बालबालिकाको दैनिकी सहज बनाउन यस्ता सहयोग महत्वपूर्ण हुने धारणा राखेको छ ।

बज्जिकाञ्चल संवाददाता,रौतहट, मंसिर ०७ गते । 

रौतहटको फतुवा बिजयपुर नगरपालिकामा करार सेवाका कर्मचारीहरूले गर्दै आएको तालाबन्दी १२ औँ दिनसम्म पनि जारी छ । करार अवधि समयमै नथपिएको विरोधमा कर्मचारीहरूले आन्दोलन थालेका हुन् । लिखित सहमति नभएसम्म तालाबन्दी नखुल्ने कर्मचारी सुबोध यादवले बताएका छन् ।

शुक्रबार कार्यवाहक नगरप्रमुख अम्बेया खातुन तालाबन्दी खोल्नका लागि नगरपालिकामा पुगे पनि कर्मचारी राजी नभएपछि वार्ता निष्कर्षविहीन बनेको थियो । खातुनले काममा फर्किन आग्रह गरे पनि कर्मचारीहरूले लिखित प्रतिवद्धता बिना तालाबन्दी नखोल्ने अडान दोहोर्‍याएका छन् । आइतबार पनि पत्रकार सम्मेलनमार्फत उनले कर्मचारीलाई काममा फर्किन अपिल गरेकी थिइन् ।

हाल नगरपालिका कार्यालय प्रमुख नहुँदा प्रक्रिया अघि बढ्न समस्या परेको कार्यवाहक नगरप्रमुख खातुनको भनाइ छ । प्रमुख प्रशासकीय अधिकृत आएपछि मात्र लिखित सहमति दिन सकिने उनले स्पष्ट पारिन् । “म कसैलाई कामबाट हटाइदिन्छु भनेको होइन,” उनले भनिन्।

कर्मचारीहरूको भनाइअनुसार सेवा अवधि विस्तारमा ढिलाइ भएपछि आफूहरू बाध्य भएर आन्दोलनमा उत्रिएका हुन् । कार्यालय प्रमुख आएपछि मात्र थप छलफल हुने उनीहरूले बताएका छन् । त्यसअघिसम्म तालाबन्दी यथावत रहने जनाएका छन् ।

तालाबन्दीका कारण वडा कार्यालयदेखि नगरपालिका कार्यालयसम्म सबै सेवा अवरुद्ध बनेका छन् । दैनिक आवश्यक कामका लागि कार्यालय धाउनुपर्ने स्थानीयवासीले दुवै पक्षलाई छिटो समाधान खोज्न आग्रह गरेका छन् ।

बज्जिकाञ्चल संवाददाता,राैतहट,मंसिर ०७ गते । 

रौतहटकाे फतुवा बिजयपुर नगरपालिकामा कार्यवाहक नगर प्रमुख अम्बेया खातुनले आईतबार पत्रकार सम्मेलन गर्दै पालिकाभित्र देखिएका अनियमितता, चुनौती र कर्मचारी व्यवस्थापनका विषयमा विस्तृत जानकारी सार्वजनिक गरेकी छन् ।

उनका अनुसार हालसम्म पालिकाले कुनै पनि करार कर्मचारीलाई हटाएको छैन् । नयाँ आर्थिक वर्ष २०८२/०८३ को दशैं खर्चसहित एक चौमासिक तलबसमेत भुक्तानी भइसकेको उल्लेख गर्दै उनले नयाँ कार्यालय प्रमुख आएपछि दरबन्दी मिलान प्रक्रिया अघि बढ्ने र आवश्यक कर्मचारीलाई मात्र पालिकाको आन्तरिक स्रोतबाट व्यवस्थापन गर्ने तयारी रहेको बताइन् । सो प्रक्रिया सुरु नहुँदै केही कर्मचारीहरूले अटेरी गर्दै धर्ना थालेको उनको आरोप छ ।

विद्युत् महसुल भुक्तानीसम्बन्धी विवादबारे उनले नगरपालिकाले यसका लागि २ करोड रुपैयाँ विनियोजन गरिसकेको तर मन्त्रालयको नयाँ निर्देशनले वितरणमुखी कार्यक्रम सञ्चालनमा प्रतिबन्ध लगाएपछि समस्या उत्पन्न भएको स्पष्टीकरण दिइन् । “वडाअध्यक्षदेखि कार्यपालिका सदस्य सबैको एउटै धारणा बनेमा नगरबासीको सम्पूर्ण बक्यौता भुक्तानी गर्न म तयार छु,” उनले भनिन्।

पत्रकार सम्मेलनमा कार्यबाहक नगर प्रमुखका श्रीमान् मोहम्मद सेराजले समेत पालिकाभित्रका अनियमितता सार्वजनिक गरे । उनका अनुसार करार कर्मचारीको अनियन्त्रित नियुक्ति, निःशुल्क उपलब्ध सेफ्टी ट्यांक सफाइ मेसिन हुँदाहुँदै पनि कर्मचारीहरूले पैसा उठाउने प्रचलन, किसानका लागि प्रदेश सरकारबाट पठाइएका मोटर र ट्युबवेल जडानका सामग्री निजी घरमा थन्क्याइनेजस्ता घटनाले पालिका अस्तव्यस्त बनेको छ । उनले प्रमुख प्रशासकीय अधिकृत भरत यादवको लापरवाहीले प्रणाली नै कमजोर भएको आरोप लगाए ।

सेराजले “स्वस्थ नगरबासी–सुन्दर नगर” अभियानअन्तर्गत असहाय परिवारलाई व्यक्तिगत रूपमा सेफटि ट्यांकीकाे रिङ, सीट र पाइप उपलब्ध गराउने प्रतिबद्धता पनि व्यक्त गरेका छन् ।

यता, धर्नामा बसेका करार कर्मचारीहरूले कार्यबाहक नगर प्रमुखले लिखित रूपमा म्याद थपको आश्वासन नदिएसम्म आफ्नो आन्दोलन जारी रहने चेतावनी दिएका छन् ।

नगरबासीका अनुसार पत्रकार सम्मेलनले पालिकाभित्र देखिएका समस्या, अनियमितता र सम्भावित समाधानका उपायहरू थप स्पष्ट रूपमा सतहमा ल्याएको छ । यस विषयमा आज वडा अध्यक्ष पक्षहरू आफ्नो धारणा पत्रकार सम्मेलनमार्फत सार्वजनिक गर्न बताएका छन् ।

 

सर्लाही, ६ मंसिर २०८२।
बज्जिका भाषाका प्रखर साहित्यकार विजय यादव ‘निर्विज’लाई कवि सदानन्द अन्तर्राष्ट्रिय बज्जिका सेबी सम्मान–२०८२बाट सम्मान गरिएको छ। सर्लाही मलंगवामा बज्जिका साहित्य समाज सर्लाहीले आयोजना गरेको कार्यक्रममा प्रमुख अतिथि जिल्ला सम्नव्य समिति सर्लाहीका सभापती कौशल किशोर सिंह र बज्जिका साहित्य समाज सर्लाहीका अध्यक्ष रामचन्द्र महतो कुशवाहा
ले सम्मान–पत्र प्रदान गरे।
नेपालमै पहिलो बज्जिका उपन्यास प्रतिमाका लेखक ‘निर्विज’ अभिनयमा स्नातक र राजनीतिशास्त्रमा स्नातकोत्तर अध्ययन गरेका छन्। २०७९ सालको मधानी महोत्सवमा नेपालका सम्माननीय पुर्व उपराष्ट्रपति नन्द बहादुर पुनले विमोचन गरेको थियो !उनी फतुवा–विजयपुर नगरपालिकाको मेयर पदका निकटतम प्रतिस्पर्धी रहिसकेका तथा हाल आम जनता पार्टी लुम्बिनी प्रदेश अध्यक्षका रूपमा सक्रिय छन्।

कार्यक्रममा नेपाल–भारतका साहित्यकार तथा संगीतकर्मीहरूलाई पनि सम्मान गरिएको थियो। रौतहटका साहित्यकार संजय साह मित्रलाई ५० हजार रुपैयाँ पुरस्कार प्रदान गरिएको सचिव मुकेश मिश्रले जानकारी दिए। समारोहमा साहित्यकार, पत्रकार र समाजसेवीहरूको उल्लेखनीय उपस्थिति रहेको थियो।

बज्जिकाञ्चल संवाददाता,राैतहट,कार्तिक ०६ गते । 

गरुडा – नेकपा (नेपाल) का नेता तथा पूर्वप्रधानमन्त्री माधव कुमार नेपालले केपी शर्मा ओलीको हुकुमी शासनका कारण देश आर्थिक, सामाजिक र राजनीतिक रूपमा संकटमा परेको आरोप लगाएका छन्।

गृह जिल्ला रौतहटको मध्यभागमा रहेको गोपाल धर्मशालामा आयोजित नेता तथा कार्यकर्ता भेटघाट कार्यक्रममा प्रमुख अतिथिका रूपमा सहभागी भएका उनले पार्टी कार्यकर्तालाई ‘उठ त उठ, बस त बस’ भन्ने शैलीमा शासन सञ्चालन भएको बताए।

नेता नेपालले ओलीको तानाशाही प्रवृत्तिका कारण देशमा जेनजी आन्दोलन जन्मेको र सो आन्दोलनले उठाएका भ्रष्टाचार, सुशासन, विकास जस्ता मुद्दा आफ्नै पार्टीको मागसँग मिल्दोजुल्दो भए पनि समयमै उठाउन नसकेको स्वीकार गरे। उनले जेनजी आन्दोलनका सहभागीप्रति धन्यवाद पनि व्यक्त गरे।

साथै, जेनजी आन्दोलनपछि सुशीला कार्कीको नेतृत्वमा सरकार गठन गराउन आफ्नो व्यक्तिगत र पार्टीगत सक्रिय भूमिका रहेको पनि उनले खुलाएका छन्। तत्कालीन माओवादीसँग भएको वार्तामा प्रचण्डलाई सहयोग गरेको जानकारी पनि कार्यक्रममा साझा गरियो।

कार्यक्रममा समीर भटराई, रामकुमार भट्टराई, कल्याणी खडका, देवेन्द्र पटेल, विन्देश्वर यादव, प्रदेश सांसद कनिस पटेल, गौरका मेयर शम्भु साह, महिला नेतृ देवकी नेपाल, विनिता बख्रेल, वहिद अन्सारी, जितेन्द्रलाल श्रीवास्तव लगायतले मन्तव्य राखेका थिए।

आरके श्रीवास्तव,राैतहट,मंसिर ०६ गते । 

राैतहटकाे गरूडा नगरपालिकामा सञ्चालित मेयर कप २०८२ काे उपविजेता गरूडा–५ महम्मदपुर क्रिकेट टिमलाई वडाबाट सम्मान गरिएको छ । आज एक कार्यक्रमकाे आयोजना गर्दै वडा अध्यक्ष रामबिनोद जयसवालले टिमका खेलाडीहरूलाई टीका लगाई गम्छा ओढाएर सम्मान प्रदान गरेका हुन् ।

मेयर कपकाे फाइनलमा गरूडा–१ जयनगर विजयी बनेको थियो । विजेता टिमले नगद १ लाख २५ हजार, प्रमाणपत्र र कप प्राप्त गरेको थियो भने उपविजेता गरूडा–५ महम्मदपुरले ६५ हजार नगद, प्रमाणपत्र र कप हात पारेको थियो ।

कार्यक्रमका क्रममा टिमका कप्तान रामाशंकर पटेलले खेलाडीहरूलाई आवश्यक पर्ने खेल सामाग्री उपलब्ध गराउन आग्रह गरेका थिए । सो अवसरमा वडा अध्यक्ष जयसवालले खेलाडीहरूलाई बधाई तथा शुभकामना व्यक्त गर्दै पिच व्यवस्थापनका लागि २५ हजार नगद सहयोग गर्ने घोषणा पनि गरे ।

उनले पहिले पनि खेलाडीहरूको हौसला बढाउने काम गरेको उल्लेख गर्दै आगामी दिनमा पनि आवश्यक सहयोग गर्न तयार रहेको प्रतिबद्धता व्यक्त गरेका थिए । सम्मान कार्यक्रम पछि खेलाडीहरूले प्राप्त गरेको कप वडा अध्यक्ष जयसवाललाई हस्तान्तरण गरेका थिए ।

कार्यक्रममा खेलाडी, स्थानीयवासी तथा वडा कार्यालयका कर्मचारीहरूको सक्रिय सहभागिता रहेको थियो ।

बज्जिकाञ्चल संवाददाता,राैतहट,मंसिर ०५ गते । 

राैतहटको फतुवा बिजयपुर नगरपालिकामा करार सेवाका कर्मचारीहरूले गरिरहेको तालाबन्दी हटाउन गरिएको प्रयास निष्कर्षविहीन बनेको छ । करार अवधि थप्न ढिलाइ भएको विरोधमा दसौँ दिनदेखि जारी आन्दोलन आज पनि अन्त्य हुन सकेन् ।

आज कार्यवाहक नगरप्रमुख अम्बेया खातुनले नगरपालिका कार्यलयमा पुगेर तालाबन्दी खोल्ने प्रयास गर्दा कर्मचारीहरू राजी नहुँदा वार्ता निष्कर्षविहीन बनेको हो । खातुनले काममा फर्किन आग्रह गरे पनि कर्मचारीहरूले लिखित प्रतिवद्धता बिना तालाबन्दी नखोल्ने अडान राखे ।

हाल नगरपालिका कार्यालय प्रमुख नहुँदा प्रक्रिया अघि बढ्न नसकेको कार्यवाहक नगरप्रमुखको भनाइ छ । प्रमुख प्रशासकीय अधिकृत आएपछि मात्र लिखित रूपमा सहमति दिन सकिने बताइएपछि कर्मचारीहरू सँग वार्ता सफल हुन सकेन् ।

कर्मचारीहरूले सेवा अवधि समयमै नथपिएकाले आफूहरू बाध्य भएर आन्दोलनमा उत्रिएको बताउँदै कार्यालय प्रमुख आएपछि मात्र थप छलफल हुने बताएका छन् । त्यसअघिसम्म तालाबन्दी जारी रहने उनीहरूको भनाइ छ ।

तालाबन्दीका कारण वडा कार्यालयदेखि नगरपालिका सम्मका सबै सेवा अवरुद्ध बनेका छन् । दैनिक कामका लागि कार्यालय धाउनुपर्ने स्थानीयवासीले दुुवै पक्षलाई छिटो समाधान खोज्न आग्रह गरेका छन् ।

 

 

काठमाडौं, ५ मंसिर ।
Common Gen-Z Nepal का अध्यक्ष विकेश साहले जेनजी युवालाई जिस्क्याउने काम नगर्न एमाले अध्यक्ष केपी शर्मा ओलीलाई चेतावनी दिएका छन् । जेनजी युवाका हत्यारा तत्कालिन प्रधानमन्त्री ओली, गृहमन्त्री रमेश लेखक लगायतकालाई पक्राउन गरी कारबाही गर्न असफल प्रधानमन्त्री सुशीला कार्कीलाई राजीनामा दिन माग समेत उनले गरेका छन् ।

Common Gen-Z Nepal ले काठमाडौको घटेकुलो, अनामनगरमा आज पत्रकार सम्मेलन गर्दै विभिन्न समूहमा विभाजित जेनजी समूहहरुलाई गोलबद्ध र एकीकृत हुन साहले आग्रह गरेका छन् ।

‘अब टुटेर होइन, जुटेर अगाडी बढनुपर्ने हुन्छ । हामीलाई बदनाम गर्न खोजिएको छ । हाम्रा साथीहरुलाई पक्राउ गर्ने र आक्रमण गर्ने काम भइरहेको छ । तर जेनजी आन्दोलनकै बलमा प्रधानमन्त्री भएकी सुशीला कार्की, गृहमन्त्री ओमप्रकाश अर्याल दर्शक जस्तै हुनु दुखद छ । जेनजीका हत्यारालाई पक्राउ गरी कारबाही गर्न नसक्ने सरकार हामीलाई चाहिएको छैन् । राजीनामा दिनुपर्छ, यस्ता लुते सरकारको के काम ?,’ Common Gen-Z Nepal का अध्यक्ष साहले भने ।

जेनजीको माग सम्बोधन गर्न नसक्ने प्रधानमन्त्री कार्कीले तुरुन्त राजीनामा दिनुपर्ने उनले बताए । जेनजीका हत्या र खरबौंको विध्वसंको जिम्मेवार ओली सरकारका मुख्य व्यक्तिहरुलाई कानुनी कठघरामा उभ्याउनुपर्ने साहले माग गरेका छन् ।

उनले दुई महिना बढी भइसक्दा पनि जेनजीलाई दमन गर्ने केपी ओलीलाई पक्राउ नगर्दा उनीहरु पुनः बिद्रोहको आगो झोस्न उद्धत रहेको आरोप लगाए । केपी ओलीसहितका एमाले नतृत्वहरुले उत्तेजित बनाई अवस्थालाई विथोल्न खोजेको आरोप लगाउँदै साहले भने, ‘हत्यारा केपी ओलीको निर्देशनमा निर्दोश जेनजीहरुमाथिको दमनविरुद्ध संयुक्तरुपमा सम्पूर्ण जेनजी समूहहरु एकजुटभई प्रतिकारमा उत्रने हामी कमन जेन्जी प्रतिबद्ध छौं ।’

Nation First का संयोजक एसीपी साहले हत्या र विध्वांसको मुख्य जिम्मेवार पूर्व–प्रधानमन्त्री ओली, रमेश लेखकहरुलाई कानुनी कठघरामा नउभ्याउँदा उनीहरु थप आक्रामक भएको बताए । अहिले जेनजीलाई नै जिस्क्याउने काम उनीहरुले गरिरहेका उनले बताए ।

Gen-Z Nepal का संयोजक कृष्णमोहन सहनीले बारामा जस्तै देशभरबाट एमाले नेता कार्यकर्तालाई लखेट्ने चेतावनी दिए । जेनजी युवाहरुलाई जिस्क्याउने काम नरोकिए जसरी बाराबाट एमालेलाई लखेटने काम भएको त्यसरी नै देशैभरीबाट लखेटने काम गरिने उनले बताए ।

Nation First का सचिवालय सदस्य सुनिल सिंहले हत्यारा र भ्रष्टहरुलाई कानुनी कठघरामा ल्याउनुको सट्टा अभियान्ता डा.निकोलस भूसाललाई पक्रनुले आफूहरुलाई अक्रोशित बनाएको बताए ।

Common Gen-Z Nepal का महासचिव प्रदिप साहले आफूहरुका माग तत्काल पूरा गर्न सरकारसँग माग गरे । यो सरकार लुते जस्तै भएको बताउदै उनले जेनजीको माग पुरा नर्ग नसक्ने लुते सरकारले राजीनामा दिनुपर्ने बताए ।

Common Gen-Z Nepal का उपाध्यक्ष उज्वल शर्माले बारामा भएको घटना केपी ओली र एमालेको दम्भको कारण भएको र यसरी नै अघि बढे एमालेको पत्तासाप गरिदिने चेतावनी दिए । जेनजी इसान दुलालले जेनजी टुटफूटमा रमाउने भन्दा एकजुटभएर अगाडि बढनुपर्नेमा जोड दिए ।

Common Gen-Z Nepal ले निकास र विकासमा असफल सुशीला कार्की सरकारको विघटन हुनुपर्ने, जेन्जीको नेतृत्वमा सर्वपक्षीय सरकार र अन्तरिम संविधान घोषणा गरिनुपर्ने, ⁠जेनजी हत्यारा र देश लुटने भ्रष्टाचारीलाई कारवाही गर्नुपर्ने, जेनजी आन्दोलनकारीमाथिको दमन र धरपकड बन्द गरियोस, जेनजी आन्दोलनका शहीद, घाइते परिवारलाई रोजगारीको व्यवस्था गर्नुपर्ने, जेनजी आन्दोलनका घाइतेको उपचारमा भइरहेको हेलच्क्रयाई बन्द गर लगायतका माग गरेको छ ।

पत्रकार सम्मेलनमा कृष्णमोहन सहनी, जितेन्द्रप्रताम सिंह, सुनिल सिंह, दिलिप साह, सुभाष ठाकुर, मिथिलेश ठाकुर, ईशान दुलाल, लेनिन विष्ट लगायतकाले सम्बोधन गर्दै जेनजी हत्यारा, भ्रष्टाचारीलाई यथाशिघ्र कारबाही गर्नुपर्ने माग गरेका छन् ।

बज्जिकाञ्चल संवाददाता,राैतहट,मंसिर ०५ गते । 

रौतहटकाे गरुडा नगरपालिका–१ जयनगरमा शुक्रबार बिहान एक दुःखद दुर्घटना घटेको छ। जयनगरबाट मानपुरतर्फ गइरहेको ओम एकेडेमी विद्यालयको प्रदेश–३–००१ ख १७२६ नम्बर प्लेटको स्कुल बसले ठक्कर दिँदा २ वर्षीय आदित्य कुमार साहको मृत्यु भएको जिल्ला प्रहरीले जानकारी दिएको छ।

प्रहरीका अनुसार बिहान करिब ९ बजेतिर खेल्दै घर अगाडि निस्किएका आदित्यलाई तीव्र गतिमा आएको स्कुल बसले ठक्कर दिएको थियो।

प्रारम्भिक अनुसन्धान अनुसार बस चालकको लापरवाहीका कारण दुर्घटना भएको हुनसक्ने अनुमान गरिएको छ।

स्थानीय बासिन्दा तथा अभिभावकहरूले बालबालिकाको सुरक्षामा ध्यान नदिने स्कुल बस चालकप्रति आक्रोश व्यक्त गरेका छन्।
दुर्घटनापछि उक्त क्षेत्रमा शोकको वातावरण छ भने मृतक बालकको परिवार गहिरो पीडामा डुबेको छ।

प्रहरीले आवश्यक कानुनी प्रक्रिया अघि बढाइरहेको र घटनाबारे विस्तृत अनुसन्धान भइरहेको जनाएको छ।

सञ्जय मिश्रा,रौतहट ५ मंसिर।
रौतहटको कटहरिया नगरपालिका–१ का नेपाली कांग्रेसबाट निर्वाचित वडा सदस्य सतलाल दास पक्राउ परेका छन्।
जिल्ला प्रहरी कार्यालय रौतहटले शुक्रबार अपरान्ह ४:३० बजे गौरस्थित एक स्थानबाट दासलाई पक्राउ गरेको एसपी रबिन कार्कीले पुष्टि गरेका छन्।
उपभोक्ता समितिको सचिव बनाइ आफ्नै वडाकी विवाहित दलित महिलालाई ललाइ–फकाइ प्रेम जालमा पारेर भगाएको आरोप दासमाथि लागेको छ। चार छोराछोरीका पिता दासले तीन सन्तानकी आमासँग ‘सम्बन्ध’ बढाउँदै घरदेखि पैसा, सुनचाँदी र जग्गा सम्म हिनामिने गरेको पीडित परिवारको आरोप छ।
घटनापछि सामाजिक सञ्जालदेखि स्थानीय राजनीतिक वृत्तसम्म तातेको माहोललाई लिएर जातीय संगठन ‘राष्ट्रिय तत्मा समाज’ समेत सक्रिय बनेको छ। समाजका पूर्व अध्यक्ष राजकुमार दास, महासचिव शंकर दास तत्मा, सल्लाहकार मदन दासलगायतको टोली बिहीबार पीडित परिवार, स्थानीय अगुवासँग निरन्तर छलफलमा जुटेको थियो।
पीडित महिलाका बुबाका अनुसार, २०७२ सालमा विवाह भएकी छोरीलाई वडा सदस्य दासले उपभोक्ता समितिको सचिव बनाएपछि दुवैबीच ‘आवतजावत’ बढ्दै गएको थियो। विदेशमा रहेका छोरीका श्रीमान कृष्णनन्दनद्वासले पठाइएका करिब १२ लाख रुपैयाँ, करिब ३ लाख बराबरका सुनचाँदीको गहना समेत वडा सदस्यले लिएका छन्।
छोरीको नाउँमा रहेको पाँच कठ्ठा जग्गा समेत दासले धरौटी राखेर पैसा निकालेको महिलाको बुबाले खुलासा गरेका छन्।
परिवारका अनुसार महिलाले पछिल्ला महिनामा तीन साना छोरालाई घरमै छोडेर बाराको निजगढमा दाससँगै भाडाको कोठामा बस्दै आएकी थिइन्। समुदायको खोजबिनपछि दुवै एकै कोठाबाट भेटिए पछि बारा प्रहरीले ईलाका प्रहरी कार्यालय गरुडामा बुझाएको थियो।
सोहिदिन कटहरियाका मेयर अजय प्रकाश जैसवालको पहलमा दुवैजना लाई जिम्मा जमानीमा छोडिएको थियो।
जिल्ला प्रहरी कार्यालय रौतहटका प्रवक्ता डिएस्पी विष्णु प्रदीप बस्यालले विदेशबाट पठाएको रकम, गहना र जग्गासम्बन्धी प्रमाण पेश भएमा दासविरुद्ध कानुनी कारबाही र क्षतिपूर्ति अनिवार्य हुने चेतावनी दिएका छन्।
उता महिलाले आफू घरमा शारीरिक–मानसिक हिंसा सहन बाध्य भएकाले ‘सुरक्षाका कारण’ घर छाडेको बताइरहेकी छन्। मेयर अजय प्रकाश जैसवालले सबै आरोप अस्वीकार गरेका छन्।
यस घटनाले एकैपटक सात बालबालिकाको भविष्य अनिश्चित बनाएको मात्र होइन, विदेश रोजगारीमा रहेका युवाहरूले कसको खातामा पैसा पठाउने भन्ने विषयमा पुनः गम्भीर बहस उठाइदिएको छ।
जिल्ला प्रहरी कार्यालय रौतहटले पक्राउ परेका वडा सदस्य दासलाई नियन्त्रणमा लिएर घटना बारे आवशयक अनुसन्धान भईरहेको जनाएको छ।
दास पक्राउ पर्नु अघि राष्ट्रिय ततमा समाजका अध्यक्ष रामबाबु दासको नेतृत्वमा शुक्रवार जिल्ला प्रशासन कार्यालय गौर अगाडी दोषीमाथि कारबाहीको माग गर्दै केही बेर प्रदर्शन गरेका थिए।
समाजका अध्यक्ष रामबाबु दासले पीडित परिवारले न्याय र दोषीमाथि कारवाही नभए कडा आन्दोलन गर्ने चेतावनी दिएका छन्।

आरके श्रीवास्तव,राैतहट,०४ गते मंसिर ।

रौतहट — युवा नेतृत्व र सुशासनको अभियानमा सक्रिय रहेको GENZ 2.0 ले रौतहट जिल्लामा आफ्नो संगठन विस्तारको क्रममा सोनु कुशवाहालाई जिल्ला संयोजकको जिम्मेवारी प्रदान गरेको छ ।

केन्द्रिय सचिव कुन्दन कुशवाहा, मधेश प्रदेश संयोजक रमेश कुमार साह, सह–संयोजक श्रवण कुमार साह, तथा केन्द्रीय प्रवक्ता अविन लिम्बुले संयुक्त रूपमा जारी गरेको पत्रमार्फत कुशवाहालाई औपचारिक रूपमा नियुक्त गरिएको हो ।

संस्थाले जारी गरेको सूचनामा उल्लेख छ कि आजदेखि रौतहट जिल्लाभित्रका सबै कार्यक्रम, समन्वय तथा संगठनात्मक गतिविधिहरूको नेतृत्व कुशवाहाले गर्नेछन् । संगठनले उनको सक्रियता, युवा उर्जा र नेतृत्व क्षमताले जिल्लाभित्र GENZ 2.0 को अभियानलाई अझ प्रभावकारी र परिणाममुखी बनाउने विश्वास व्यक्त गरेको छ ।

“न्याय, सुशासन र समृद्धि”लाई मूल ध्येय बनाएको GENZ 2.0 हाल देशभर संगठन विस्तार र सुदृढीकरण अभियानमा जुटिरहेको छ ।

सङ्गठनका अनुसार, रौतहटमा अब विभिन्न कार्यक्रम, युवा परिचालन, राजनीतिक सचेतना तथा सामाजिक पहलहरूलाई नयाँ गति दिने तयारी भइरहेको छ ।

बज्जिकाञ्चल संवाददाता,राैतहट,मंसिर ०४ गते । 

रौतहटकाे इशनाथ नगरपालिका–४ मा रहेको श्री जनता प्रा. बि महुलियाको समग्र अवस्था अत्यन्तै कमजोर भएको बुझिएको छ। विद्यालयको भौतिक पूर्वाधारदेखि लिएर भित्री शैक्षिक वातावरणसम्म सबै पक्षमा गिरावट देखिनु अभिभावक, विद्यार्थी र स्थानीय बासिन्दाका लागि चिन्ताको विषय बनेको छ।

स्थानीयका अनुसार विद्यालयका कक्षाकोठा जीर्ण अवस्थामा छन्, आवश्यक शैक्षिक सामग्रीहरूको अभाव छ, र भौतिक संरचना न्यूनतम मापदण्डसम्म पनि पुगेको छैन। यस्ता कमजोर अवस्थाले विद्यार्थीहरू असुरक्षित र असजिलो वातावरणमा पढ्न बाध्य भएका छन्, जसको प्रत्यक्ष असर उनीहरूको सिकाइ र मानसिक विकासमा परेको छ।

अभिभावकहरूले विद्यालयमा शिक्षाको स्तर लगातार घट्दै गएको भन्दै असन्तुष्टि जनाएका छन्। उनीहरूका अनुसार सम्बन्धित निकायको ध्यान नपुग्नु, नियमित अनुगमन नहुनु र आवश्यक सुधार नआउनुले विद्यालयको अवस्था झन् दयनीय बन्दै गएको छ। शिक्षकहरूले पनि अपर्याप्त सुविधाका कारण गुणस्तरीय शिक्षा दिन कठिनाइ भएको बताएका छन्।

यस नगर क्षेत्रका स्थानीयवासी र अभिभावकहरूले नगरपालिका, शिक्षा शाखा तथा अन्य सम्बद्ध निकायहरूलाई विद्यालयको अवस्थाप्रति गम्भीर हुनु र तत्काल सुधारात्मक कदम चाल्न आग्रह गरेका छन्। उनीहरूका अनुसार बालबालिकाले सुरक्षित र गुणस्तरीय शिक्षा पाउने अधिकार सुरक्षित गर्न विद्यालयको मजबुतीकरण अनिवार्य छ।

समुदायले अब सम्बन्धित अधिकारीहरूको छिटो हस्तक्षेप र प्रभावकारी समाधानको अपेक्षा गरेको छ, ताकि विद्यालयको अवस्था सुधार होएसँगै स्थानीय शिक्षा प्रणालीप्रति विश्वास पुनः स्थापित होस्।

आरके श्रीवास्तव,राैतहट,मंसिर ०४ गते । 

राैतहटकाे निर्वाचन क्षेत्र नं. २ मा विकासका कामहरू अपेक्षाकृत रूपमा निकै पछाडि परेकाे जेनजीकाे तर्फबाट आगामी संघीय चुनावकाे तयारी गरिरहेका भावी उम्मेदवार साेनु कुशवाहाले बताएका छन् । जेनजीकाे बौधीमाई नगरस्तरीय भेलालाई गत साेमबार सम्बाेधन गर्दै उनले क्षेत्रका प्रमुख समस्या र विकासका कमीबारे कडा रूपमा टिप्पणी गरेका छन् ।

उनका अनुसार स्थानीय सरकार गठन भएकाे करिब ८ वर्ष बित्न लाग्दा पनि नागरिकले अनुभूत गर्न सक्ने खालका ठूला–महत्त्वपूर्ण विकास काम हुन सकेका छैनन् । उनले नगरका विभिन्न स्थानमा सिसिटिभि क्यामेरा जडान नहुँदा चोरी–डकैतीजस्ता अपराध बढिरहेकाे उल्लेख गर्दै सुरक्षा व्यवस्थामा सुधार आवश्यक रहेकाे बताएका छन् ।

जेनजी आन्दोलनपछि प्रहरी प्रशासनकाे प्रतिष्ठा बढेकाे बताए । विकास बजेटमा कमिसनकाे खेल हुँदै आएकाेले हरेक वर्ष निर्माण भएका बाँधहरू भत्किनुपर्ने अवस्था सिर्जना हुने गरेको उनको भनाइ थियाे ।

छोटी भन्सार सञ्चालनमा नआउँदा स्थानीय व्यवसायीहरू समस्यामा परेकाे तथा बम नाहर सञ्चालनमा नआएर किसानहरू वर्षौंदेखि मर्कामा परिरहेकाे उनले उल्लेख गरिन् । त्यसैगरी क्षेत्रमा राम्रो अस्पतालकाे अभाव, शिक्षामा पछाडि र सेवा–सुविधामा स्थायी सुधार नआएको उनले बताए ।

बौधीमाई नगरपालिकामा जेनजी टिमद्वारा आयोजित भेलामा युवाहरूकाे उत्साहपूर्ण सहभागीता थियो । कार्यक्रमका सहभागीहरूले क्षेत्रका समस्या समाधानका लागि नयाँ नेतृत्व आवश्यक रहेको बताएका थिए ।

आरके श्रीवास्तव,राैतहट,कार्तिक ३० गते । 

रौतहटकाे देवाही गोनाही नगरपालिकाले आर्थिक वर्ष २०८२/८३ का लागि रु ५३ करोड १६ लाख ३२ हजार ६ सय ७६ रुपैयाँको बजेट सार्वजनिक गरेको लेखाप्रमुख प्रदिप यादवले जानकारी गराउनु भएको हाे ।

नगरपालिकाले सार्वजनिक गरेको बजेटमा संघीय तथा प्रादेशिक तहका विभिन्न शीर्षकबाट प्राप्त रकमसहित घर–जग्गा रजिष्ट्रेसन तथा बैंक मौज्दात प्रमुख श्रोत बनेका छन् ।

११ औँ नगरसभामा नीति तथा कार्यक्रम प्रस्तुत गर्दै नगर प्रमुख प्रेमलाल साहले कृषिलाई विशेष जोड दिइने घोषणा गर्नुभयो ।

शिक्षा, स्वास्थ्य, खेलकुद, खानेपानी, सरसफाइ, भौतिक पूर्वाधार, विद्युत, पर्यटन तथा संस्कृति जस्ता क्षेत्रलाई समेत प्राथमिकतामा राखिएको भए पनि कृषि नगरपालिकाको प्रमुख फोकस रहने नगर प्रमुख साहको भनाइ छ ।

 

नगरसभामा वडा अध्यक्षहरू,वडा सदस्यहरू, कार्यपालिका सदस्यहरू,कर्मचारी,शिक्षक र स्वास्थ्यकर्मी,नेपाल प्रहरी तथा सशस्त्र प्रहरी,पत्रकार,विभिन्न राजनीतिक दलका प्रतिनिधि ,स्थानीय बुद्धिजीवी र समाजसेवी को उल्लेखनीय उपस्थिति रहेको थियो । कार्यक्रमका प्रमुख अतिथि प्रदेश सांसद जयचन्द्र पटेल रहनुभएको थियो । गत असार १० गते ल्याउनुपर्ने बजेट विभिन्न कारणबस ढिलो आएकाे भएकोपनि नगरसभा शान्तिपूर्ण रूपमा सम्पन्न भएको छ ।

देवाही गोनाही नगरपालिकाले प्रस्तुत गरेको बजेट र नीति–कार्यक्रमले कृषि उत्पादन वृद्धि, जनजीविकामा सुधार तथा नगरको दीर्घकालीन विकासमा ठूलो योगदान पुर्‍याउने अपेक्षा गरिएको छ ।

बज्जिकाञ्चल संवाददाता,राैतहट,कार्तिक ३० गते । 

राैतहट । करार सेवामा कार्यरत कर्मचारीहरूको म्याद थपमा ढिलाइ भएको विरोधस्वरूप रौतहटको फतुवा विजयपुर नगरपालिकामा सुरु भएको तालाबन्दी र आन्दोलन पाँचौँ दिनमा पुगेको छ । संघर्ष समितिको नेतृत्वमा कर्मचारीहरूले वडा कार्यालयदेखि नगर कार्यपालिकासम्म तालाबन्दी गर्दै अनिश्चितकालीन आन्दोलन जारी राखेका हुन् ।

संघर्ष समितिका अनुसार, लामो समयदेखि नगरपालिकामा सेवा दिइरहेका करार कर्मचारीहरूको सेवा अवधि समयमै नथपिएकाले बाध्य भएर सडकमा उत्रिनुपरेको हो । उनीहरूले “म्याद थप्नुपर्छ”, “करार कर्मचारीको हक–अधिकार सुनिश्चित गर” जस्ता नारासहित शान्तिपूर्ण धर्ना चलाइरहेका छन् । आन्दोलनले नगरपालिकाको नियमित प्रशासनिक सेवा ठप्प भएको छ भने स्थानीय सेवाग्राहीले गम्भीर समस्या भोगिरहेका छन् ।

यता, कार्यवाहक नगर प्रमुख अमबेया खातुनले आफूले पहिले नै म्याद थपसम्बन्धी सम्पूर्ण प्रक्रिया अघि बढाउन निर्देशन दिएको बताउँदा पनि समस्या समाधानमा ढिलाइ हुनु दुर्भाग्यपूर्ण रहेको प्रतिक्रिया दिएकी छन् ।

उता, संघीय मामिला तथा सामान्य प्रशासन मन्त्रालयले प्रमुख प्रशासकीय अधिकृत भरत प्रसाद यादवलाई आर्थिक कारोबारमा रोक लगाएको स्रोतले जनाएको छ । कार्यालय प्रमुखको जिम्मेवारी नै तोकिएको नहुँदा आवश्यक निर्णय प्रक्रियामा बाधा पुगिरहेको र समस्याको समाधान कहिल्यै हुने–नहुने अनिश्चितता उत्पन्न भएको कर्मचारीहरूको आरोप छ ।

तालाबन्दीका कारण वडा कार्यालय र नगर कार्यपालिकाका सबै प्रकारका सेवा प्रभावित बनेका छन् । दैनिक कामका लागि कार्यालय धाउने स्थानीयहरूले गुनासो गर्दै आन्दोलन चाँडो समाधान गर्न दुवै पक्षलाई आग्रह गरेका छन् ।

स्थितिको समाधानका लागि नगरपालिकाले छिटो सहमतिको वातावरण बनाउन पहल गर्ने अपेक्षा गरिन्छ । आईतवार फतुवा बिजयपुर वडा नम्बर २ वडा अध्यक्ष अनिरूद्व प्रसाद यादव(संजय) र वडा नम्बर ७ का वडा अध्यक्ष रामविश्वसा यादवले पनि आन्दोलनमा ऐक्यबद्धता जनाएका छन् ।

आरके श्रीवास्तव,राैतहट,कार्तिक ३० गते ।

रौतहट जिल्लामा तीव्र रूपमा फैलिँदै गएको लागू औषध (नशा) दुर्वयसन नियन्त्रण तथा न्यूनीकरणका लागि रौतहटका युवाहरूले आज जिल्ला प्रशासन कार्यालय, गौरमा प्रमुख जिल्ला अधिकारी दिनेश सागर भुसाललाई औपचारिक ज्ञापनपत्र बुझाएका छन् ।

जेनजी नेपालका प्रतिनिधिहरूले बुझाएको ज्ञापनपत्रमा गाउँ–सहरमा बढ्दो लागू औषध दुर्वयसनप्रति गम्भीर चिन्ता व्यक्त गर्दै तत्काल प्रभावकारी कदम चाल्न प्रशासनलाई आग्रह गरिएको छ । ज्ञापनपत्रमा विद्यालय, कलेज तथा समुदायस्तरमा सचेतना कार्यक्रम सञ्चालन, स्थानीय प्रशासन–प्रहरी–सशस्त्रबीच समन्वय सुदृढीकरण, लागू औषध कारोबारमा संलग्न व्यक्तिमाथि कडा निगरानी तथा प्रभावित युवाहरूका लागि पुनर्स्थापना एवं मनोसामाजिक परामर्श केन्द्र स्थापना जस्ता मागहरू अघि सारिएको छ ।

कार्यक्रममा शैलेन्द्र यादव, अरुण पटेल, सुबोध पासवान, पूजा कुमारी, भुनेश्वर यादव, मुनावर आलमलगायत दर्जनौँ युवा सक्रिय सहभागितासहित उपस्थित थिए । युवाहरूले बढ्दो नशा समस्याले समाजमै असर पारिरहेको भन्दै यसको रोकथामका लागि प्रशासनले द्रुत र ठोस कदम चाल्नुपर्नेमा जोड दिएका थिए ।

ज्ञापनपत्र ग्रहण गर्दै प्रमुख जिल्ला अधिकारी भुसालले युवाहरूको पहल प्रशंसनीय रहेको उल्लेख गर्दै ज्ञापनपत्रमा राखिएका विषयहरू कार्यान्वयनतर्फ आवश्यक पहल गर्ने प्रतिबद्धता व्यक्त गरेका छन् ।

आरके श्रीवास्तव,राैतहट,कार्तिक ३० गते । 

रौतहट — मधेश प्रदेशका मुख्यमन्त्री सरोज यादवले असंवैधानिक रूपमा होटलमा सपथ ग्रहण गरेको भन्दै सातदलीय गठबन्धनले आज रौतहटको सदरमुकाम गौरमा शक्तिशाली विरोध प्रदर्शन गरेको छ ।

लोसपा नेपालका मधेश प्रदेश सचिव ओमलोक पटेलका अनुसार लोकतान्त्रिक अभ्यास र संवैधानिक मर्यादामाथि भएको “गम्भीर अपमान” को विरोधस्वरूप गठबन्धनका नेता तथा कार्यकर्ताहरू सडकमा उत्रिएका थिए ।

विरोधसभामा लोसपा नेपालका नेता बाबुलाल साह, अनिल सिंह, रेवन्त झा सहित सयौं कार्यकर्ताहरूको सहभागिता रहेको थियो ।

सभा सम्बोधन गर्दै वक्ताहरूले मुख्यमन्त्री सरोज यादवको “असंवैधानिक” सपथलाई तत्काल खारेज गरी उनलाई पदबाट बर्खास्त गर्न माग गरेका छन् ।

वक्ताहरूले जनकपुरमा सात दलका सांसद तथा कार्यकर्तामाथि भएको भनिएको प्रहरी दमनको कडा शब्दमा निन्दा गर्दै तत्काल छानबिन गरी दोषी सुरक्षाकर्मीमाथि कारबाही गर्न सरकारसँग माग गरेका छन् ।

उनीहरूको भनाइमा, “शान्तिपूर्ण आन्दोलन लोकतान्त्रिक अधिकार हो, त्यसमा भएको अनावश्यक बल प्रयोग स्वीकार्य छैन्।”

 

विरोधसभाका नेताहरूले मधेश प्रदेशमा संवैधानिक मार्गविपरीत सरकार गठन गर्ने प्रयास देशको संघीय संरचना र जनमतको धज्जी उडाउने काम भएको जिकिर गरेका छन् ।

उनीहरूले भने, “सत्ता प्राप्तिका लागि नियम र प्रक्रिया मिच्ने काम अस्वीकार्य छ। संविधानमाथि प्रहार हुने कुनै पनि कदमका विरुद्ध सात दलीय गठबन्धन दृढतापूर्वक उभिन्छ।”

सातदलीय गठबन्धनले आन्दोलनलाई क्रमिक रूपमा बिस्तार गर्दै सरकारलाई संवैधानिक बाटोमा फर्किन बाध्य पारिने चेतावनी दिएको छ ।

हनुमत कुमार यादव,गाैर,२९ गते कार्तिक । 

नेकपा एमाले रौतहट जिल्ला कमिटीद्वारा आयोजना गरिएको जनप्रदर्शन तथा जनसभा कार्यक्रम आइतबार देवाही गोनाही नगरपालिकामा भव्यतापूर्वक सम्पन्न भएको छ । कार्यक्रम जिल्ला अध्यक्ष सचिदा नन्द साहको अध्यक्षतामा तथा प्रमुख अतिथि केन्द्रीय सदस्य एवं जिल्ला इन्चार्ज अजय कुमार गुप्ताको उपस्थितिमा सम्पन्न गरिएको छ ।

कार्यक्रममा ठूलो संख्यामा स्थानीय जनता, पार्टीका कार्यकर्ता तथा अग्रज नेताहरूको सहभागिता रहेको आयोजनाकर्ता पक्षले जनाएको छ । जनप्रदर्शनपछि भएको जनसभामा पार्टीका केन्द्रीय तथा जिल्लास्तरीय नेताहरूले वर्तमान राजनीतिक स्थिति, एमालेको आगामी रणनीति तथा स्थानीय विकासका मुद्दाहरूमा सम्बोधन गरेका थिए ।

केन्द्रीय सदस्य तथा जिल्ला इन्चार्ज अजय कुमार गुप्ताले वर्तमान राष्ट्रिय राजनीति, सुशासन, विकास र स्थिरताका लागि एमालेको भूमिका महत्वपूर्ण रहेको बताउँदै पार्टी संगठनलाई अझ सुदृढ बनाउन सबै तहका कार्यकर्ता एकजुट हुनुपर्नेमा जोड दिए । जिल्ला अध्यक्ष सचिदा नन्द साहले जनताको हकहितका मुद्दामा एमाले सदैव अग्रसर रहने र रौतहटमा पार्टी संगठन विस्तारमा नयाँ उर्जा प्रवाह भएको बताए ।

कार्यक्रम विभिन्न नाराबाजी, जुलुस सहित शान्तिपूर्ण वातावरणमा सम्पन्न भएको थियो । स्थानीयवासीले पनि जनप्रदर्शन तथा जनसभाप्रति उत्साहपूर्ण समर्थन जनाएका थिए ।

आरके श्रीवास्तव,राैतहट,कार्तिक २९ गते । 

मधेश प्रदेशका मुख्यमन्त्री सरोज यादवले होटेलमा असंबैधानिक रूपमा सपथ लिएको आरोप लगाउँदै शनिबार रौतहटको गरुडा बजारमा ७ दलिय गठबन्धनले विरोध प्रदर्शन गरेको छ । विरोधको जानकारी लोसपा नेपालका मधेश प्रदेश सचिव ओमलोक पटेलले दिनुभयो ।

विरोध कार्यक्रममा नेपाली कम्युनिस्ट पार्टीका नेता व्रिजकिशोर यादव, रामभरोस यादव, लोसपा नेपालका नेता बाबुलाल साह, अनिल सिंह,रामप्रवेश दास, लोसपा रौतहटका अध्यक्ष भरत साह, नेता रेवन्त झा,जसपा नेपालका नेता राजकुमार दास  सहित ७ दलिय गठबन्धनका सयौँ नेता–कार्यकर्ताहरूको उपस्थिति थियो ।

 

वक्ताहरूले मुख्यमन्त्री सरोज यादवले संवैधानिक मार्गबाट विचलित हुँदै होटलमा सपथ लिएको भन्दै कडा विरोध व्यक्त गरे । उनीहरूको भनाइमा यस्तो कदमले प्रदेशमा राजनीतिक अनिश्चितता र अस्थिरता बढाउने तथा लोकतान्त्रिक परम्परा कमजोर पार्ने खतरा छ ।

 

लोसपा नेपालका मधेश प्रदेश सचिव ओमलोक पटेलले भने,
“मुख्यमन्त्रीले होटलमा बसेर सपथ लिनु पूर्ण रूपमा असंबैधानिक, अमर्यादित र मधेश प्रदेशको प्रतिष्ठामाथिको चोट हो । यस्तो कदमलाई स्वीकार गर्न सकिँदैन। लोकतन्त्र र संविधानको रक्षा गर्न हामी ७ दलिय गठबन्धन सडकमा उत्रिएका छौँ।”

पटेलले मुख्यमन्त्री सरोज यादवको तत्काल बर्खास्ती र प्रदेशमा संवैधानिक प्रक्रियाअनुसार नयाँ सरकार गठन गर्न माग गर्दै आन्दोलन अझ व्यापक रूपले निरन्तर चल्ने चेतावनी दिए ।

नेता व्रिजकिशोर यादवले बिना प्रक्रिया सपथ लिनु ‘राजनीतिक नैतिकताको पतन’ भएको बताए ।
रामभरोस यादवले मधेश प्रदेशका नागरिकको अपमान भएको जिकिर गरे ।
बाबुलाल साह,अनिल सिंह र रामप्रवेश दासले लोकतान्त्रिक प्रक्रियाविपरीत चल्ने प्रवृत्तिलाई कुनै हालतमा स्वीकार्न नसकिने बताए ।
लाेसपा नेपाल राैतहट अध्यक्ष भरत साहले ७ दलिय गठबन्धनले वैधानिकता जोगाउन सडक संघर्षमा उत्रिन बाध्य भएको बताए ।

 

रौतहट, २९ कात्तिक ।
रौतहटको मौलापुर नगरपालिका वडा नं. ७ पिपरियामा नवनिर्मित आधारभूत स्वास्थ्य सेवा केन्द्रको नयाँ भवन आज (शनिबार) उद्घाटन गरिएको छ ।

सुविधा सम्पन्न आधारभूत स्वास्थ्य सेवा केन्द्रको उद्घाटन गर्दै आम जनता पार्टी (आजपा)का अध्यक्ष एवं रौतहट क्षेत्र नं. ३ का पूर्वसांसद समेत रहेका प्रभु साहले मौलापुर नगरपालिकामा शिक्षा, स्वास्थ्य, यातायात लगायतका क्षेत्रमा गरेको उदाहरणिय कामको प्रशंसा गरे ।

‘मौलापुर नगरपालिकाले शासक होइन, सेवकको काम गरिरहेको छ । नगरप्रहरी होइन, नगर शिक्षक, स्वास्थ्यकर्मी राखेर जुन यहाँको जनतालाई सेवा दिइरहेको छ त्यो कार्य अन्य पालिकाले समेत कार्यान्वयन गर्नुपर्ने आवश्यक छ,’ पूर्वमन्त्री समेत रहेका साहले भने, ‘जनताको मन जितेको मौलापुर नगरपालिकाले अगामी दिनमा पनि यस्तै सेवालाई निरन्तरता दिदै जनताको आवश्यक्ता, चाहना अनुसार अगाडी बढोस, मेरो शुभकामना छ ।’

मौलापुर नगरपालिकाले शुन्य कर नीति, बिजुली, खानेपानी निशुल्क एवं विद्यार्थीलाई दिदै आएको विभिन्न सुविधा लगायतकाले मधेसमा मात्रै नभई नेपालमै एक चर्चित र उदहरणिय नगरपालिकाको रुपमा स्थापित भएको छ । जनताको मन जितेर राम्रा काम गरिरहेकी मेयर रिना साह सहित त्यहाँका जनप्रतिनिधि लगायत सबैमा उनले धन्यवाद ज्ञापन गरे ।

 

मौलापुर नगरपालिकाद्वारा निर्मित सुविधा सम्पन्न भवन सहितको उक्त स्वास्थ्य केन्द्रबाट यस क्षेत्रको आम नागरिकले पुरै लाभान्वित हुने विश्वास समेत साहले व्यक्त गरे । साथै आउँने दिनमा यस स्वास्थ्य केन्द्रबाट थप सेवा विस्तार गर्ने उदेश्यका साथ भव्य भवन निर्माण गरिएको समेत उनले बताए ।

२ करोड ५० लाखमा जग्गा सहित भव्यभवन निर्माण गरेर आउँने दिनमा बर्थिङ सेन्टर समेत सञ्चालन गर्न सकिने गरी भवन निर्माण गरिएको मौलापुर नगरपालिकाका प्रमुख प्रशासकीय अधिकृत रामबाबु साहले जनाएका छन् । नेपाल सरकारको मापदण्ड अनुसार अहिले यस सेवा केन्द्रबाट प्राथमिक सेवा प्रदान गर्ने काम भइरहेको छ ।

अहिले मौलापुर नगरपालिकामा आधारभूत स्वास्थय सेवा केन्द्र २, स्वास्थय चौकी ३ र प्राथमिक स्वास्थय केन्द्र १ वटाबाट नगरबासीलाई स्वास्थय सेवा दिइरहेको छ । मौलापुर नगरपालिकाका मेयर रिना साहको अध्यक्षतामा भएको कार्यक्रममा पालिकाका जनप्रतिनिधि, सर्वसधारण लगायतको विशेष सहभागिता रहेको थियो ।

आरएन पटेल,रौतहट, कार्तिक २९ गते । 

रौतहटको गरुडामा विश्व–संजय बज्जिका साहित्य कोष अन्तर्गत “अक्षय कोष” स्थापना गरिएको छ । महम्मदपुर बैरेजस्थित गोपाल सेवा सदनको सभाहलमा आयोजित विशेष समारोहमा विभिन्न साहित्यप्रेमी, समाजसेवी तथा पदाधिकारीहरूको सहभागितामा कोषको औपचारिक स्थापना सम्पन्न भयो ।

कार्यक्रमका प्रमुख उद्घोषक तथा सर्लाही निवासी डा. बिजय झाले १ लाख रुपैयाँको सहयोग हस्तान्तरण गर्दै अक्षय कोष उद्घाटन गरे । बज्जिका भाषा केवल साँस्कृतिक धरोहर मात्र नभई एक पूर्ण पहिचान भएको बताउँदै उनले यसको संरक्षण र विकास सबैको साझा जिम्मेवारी रहेको धारणा राखे । उनले स्थापित कोषले बज्जिका साहित्यिक सिर्जनामा नयाँ उर्जा र दिशानिर्देशन प्रदान गर्ने विश्वास व्यक्त गरे ।

त्यस्तै, पर्सास्थित कृषि ज्ञान केन्द्रका प्रमुख तथा रौतहट निवासी साहित्यप्रेमी हरिशंकर प्रसाद जयसवालले पनि आफ्नो तलबका विभिन्न भत्ताहरू समेटेर १ लाख रुपैयाँ सहयोग गर्ने घोषणा गरे । उनले अक्षय कोषलाई दीर्घकालीन र मजबुत बनाउने हेतुले निरन्तर समर्थन आवश्यक भएको बताए ।

बज्जिका साहित्यमा समर्पित बिन्दा सहनीले रौतहटको खेसरहियास्थित आफ्नै जग्गामा “बज्जिका साहित्य भवन” निर्माण गरी उपलब्ध गराउने घोषणा गर्दै कोषका लागि थप २५ हजार रुपैयाँ प्रदान गर्ने प्रतिज्ञा गरे । यस्तै, यमुनामाई गाउँपालिका–२ का वडा अध्यक्ष सीताराम यादवले पनि २५ हजार रुपैयाँ सहयोग घोषणा गर्दै कोषलाई सबैको साझा गर्वको विषय बनाउने प्रतिवद्धता व्यक्त गरे ।

यी सबै योगदानसँगै अक्षय कोषको प्रारम्भिक जम्मा रकम २ लाख ५० हजार रुपैयाँ पुगेको आयोजकहरूले जानकारी दिए ।

कार्यक्रमका प्रमुख अतिथि भाषा आयोगका पूर्व माननीय गोपाल अश्क रहेका थिए । कार्यक्रमको अध्यक्षता बज्जिका साहित्य संगम रौतहटका अध्यक्ष किशुनदयाल यादव ‘श्रीकृष्ण’ ले गरेका थिए भने सञ्चालन साहित्यकार तथा बज्जिका सेवक संजय साह मित्रले गरेका थिए ।

समारोहमा सर्लाहीका विशिष्ट अतिथि महानन्द झा सहित अवधेश कुमार राय, बालदेव प्रसाद साह, विनयराज गौतम, बिरेन्द्र यादव, दिपेन्द्र यादव, रेणु गुप्ता, संजयराज महतो, बिगन साह रौनियार, शिवचन्द्र प्रसाद साहलगायत विभिन्न क्षेत्रका कवि, साहित्यकार, बुद्धिजीवी र सरोकारवालाहरूको उल्लेखनीय उपस्थिति थियो ।

कार्यक्रममा वक्ताहरूले बज्जिका भाषा–साहित्यको संरक्षण, अभिवृद्धि र आगामी पुस्ताका लागि समृद्ध साहित्यिक वातावरण निर्माण गर्न अक्षय कोष महत्त्वपूर्ण मीलका पत्थर सावित हुने विश्वास व्यक्त गर्दै सबैलाई यस अभियानसँग जोडिन आह्वान गरेका थिए ।

सर्लाही, कार्तिक २८ गते । 
मधेश प्रदेशका तत्कालीन प्रदेश प्रमुख सुमित्रा देवी भण्डारी र सभामुख रामचन्द्र मण्डलद्वारा गरिएको गैरजिम्मेवार, गैरसंवैधानिक तथा अराजक गतिविधिप्रति नेपाली कांग्रेस मधेश प्रदेशका उप–सभापति पूर्व मन्त्री प्रदेश सांसद वीरेन्द्र प्रसाद सिंहले आफनो सामाजिक सञ्जाल फेसबुकमा मार्फत कडा आपत्ति जनाएका छन्।

उप–सभापति सिंहका अनुसार प्रदेशको नेतृत्व तहबाट भएका यस्ता कदमहरूले केवल मधेश प्रदेशलाई अस्थिरतामा धकेल्ने मात्र होइन, लोकतान्त्रिक पद्धतिलाई कमजोर पार्ने गम्भीर प्रयास भएको छ। उनले भने “संविधानविपरीत भएको निर्णय र क्रियाकलापले प्रदेशको राजनीतिक वातावरणलाई दूषित बनाएको छ। लोकतन्त्र र संविधानको रक्षा गर्न सबै सचेत नागरिक एकजुट हुन आवश्यक छ।”

सिंहले सम्पूर्ण लोकतान्त्रिक दलहरू, नागरिक समाज तथा लोकतन्त्रप्रेमी जनसमुदायलाई गैरसंवैधानिक क्रियाकलापविरुद्ध आवाज उठाउन आह्वान समेत गरेका छन्।

उनले लोकतान्त्रिक मूल्य–मान्यताको संरक्षण र संवैधानिक मर्यादाको रक्षा सबैको साझा दायित्व रहेको उल्लेख गर्दै मधेश प्रदेशलाई अस्थिर बनाउने योजनामाथि व्यापक प्रतिरोध गर्न आग्रह गरेका छन्।

आरके श्रीवास्तव,राैतहट,कार्तिक २८ गते । 

रौतहटकाे बौधिमाइ नगरपालिका–७ बन्कुलमा जेनजी टिम  द्वारा आयोजित विशेष भेटघाट कार्यक्रम सफलतापूर्वक सम्पन्न भएको छ । कार्यक्रममा स्थानीय युवा सक्रियता तथा विकास मुद्दामा अग्रसर रहेका सोनु कुशवाहाले मुख्य अतिथिको रूपमा सहभागिता जनाउँदै स्थानीय समस्याहरूको विषयमा विस्तृत रूपमा छलफल गरेका छन् ।

समुदायका प्रतिनिधिहरूसँगको कुराकानीका क्रममा कुशवाहाले वडा नम्बर ७ मा देखिएका प्रमुख चुनौतीहरू बाटोघाटोको दयनीय अवस्था, नहर तथा सरसफाइ व्यवस्थापनको अभाव, र स्थानीय पूर्वाधार विकासमा देखिएको ढिलासुस्ती तत्काल समाधान गर्नुपर्ने आवश्यकता औंल्याए । उनले जनताको अपेक्षाअनुसार विकास र सुशासन सुनिश्चित गर्न युवाहरूको एकता र सशक्त भूमिकाको आवश्यकता रहेको बताए ।

जेनजी समूहका तर्फबाट रौतहट क्षेत्र नं. २ मा संघीय सांसदका लागि उम्मेदवारी दिने तयारीसहित कुशवाहाले विकासमुखी राजनीति, पारदर्शिता र युवामैत्री नेतृत्वलाई आफ्नो प्राथमिकता रहेको उल्लेख गरेका छन् ।

“जय युवा एकता” नारासहित सम्पन्न भएको भेटघाट कार्यक्रममा स्थानीयवासीहरूको उत्साहजनक सहभागिता रहेको थियो । सहभागीहरूले उठाइएका समस्याहरू समाधानका लागि जेनजी टिमले आवश्यक पहल गर्ने प्रतिवद्धता व्यक्त गरिएको जनाइएको छ ।

रामानन्द साह,देवाहीगाेनाही,कार्तिक २७ गते । 

राैतहटकाे देवाहीगोनाही नगरपालिकामा O.C.M.C. (One-Door Crisis Management Center) अन्तर्गत लैङ्गिक हिंसा सम्बन्धी एक–दिने तालिम सम्पन्न भएको छ । तालिममा विद्यालयका शिक्षक, स्थानीय प्रतिनिधि तथा विभिन्न सरोकारवालाहरूको सक्रिय सहभागिता रहेको थियो ।

कार्यक्रमको उद्देश्य समुदायमा हुने लैङ्गिक हिंसाका घटनाहरू पहिचान गर्ने, रोकथामका उपायहरूबारे जागरूकता बढाउने तथा पीडितहरूलाई सहयोग पुर्‍याउन आवश्यक प्रक्रिया, सेवा पहुँच र समन्वय प्रणालीबारे जानकारी प्रदान गर्नु रहेको आयोजकले बताएको छ ।

सहभागीहरूले विद्यालय तथा समुदायस्तरमा प्रभावकारी प्रतिवेदन प्रणाली सञ्चालन गर्ने तरिका, पीडितलाई प्राथमिक सहयोग प्रदान गर्ने विधि तथा सम्बन्धित निकायसँग समन्वय गर्ने व्यावहारिक सीपसमेत सिकेका छन् । तालिमले लैङ्गिक हिंसा न्यूनीकरणका लागि स्थानीय तहमा आवश्यक क्षमता अभिवृद्धिमा योगदान पुर्‍याउने सहभागीहरूको धारणा आयाेजक संस्थाका राेशन अधिकारीले जानकारी गराएका हुन् ।

 

बुटवल, २७ कात्तिक ।
आम जनता पार्टी (आजपा)का अध्यक्ष तथा पूर्वमन्त्री प्रभु साहले वर्तमान सरकार, एमाले र कांग्रेस नै चुनाव भाँड्ने गतिविधिमा लागेको भन्दै आलोचना गरेका छन् । चुनाव गराउने दायित्वमा रहेको सुशीला कार्की नेतृत्वको सरकारको तयारी चुनाव गराउनेभन्दापनि आफ्नो सत्ता लम्ब्याउने र नियन्त्रित अस्थिरता निम्त्याउनेतर्फ केन्द्रित रहेको साहको आरोप छ ।

आजपा लुम्बिनी प्रदेश कमिटीको विशेष बैठकलाई बुटवलमा आज (बिहीबार) सम्बोधन गर्दै आजपा अध्यक्ष साहले प्रजातन्त्रको हिमायती भन्ने कांग्रेस अहिले केन्द्रीय समितिको बैठकसमेत सही तवरले चलाउन नसक्नेगरि ‘कुहिरोमा हराएको काग’झैं भएको भन्दै कांग्रेसको गतिविधि पनि चुनाव हुन नदिने षड्यन्त्रतर्फउन्मुख रहेको आरोप लगाए ।

जेन–जी युवाहरुको हत्या गर्दापनि कुनै पश्च्ताप र सार्वजनिक आत्मग्लानी नगरेका एमाले अध्यक्ष केपी शर्मा ओलीले त चुनाव नचाहनु स्वभाविक भएपनि कांग्रेसले समेत आफूलाई ओलीको पुच्छर बनाउनु युवाहरुको बलिदानी र जेन–जी पुस्ताको त्यागप्रति ठूलो धोका भएको साहको टिप्पणी छ । नेपाली कांग्रेस विगतमा ओलीकै पिछलग्गु बन्दा भदौ २३ गते जेनजीहरुले सचेत विद्रोह गरेको कुरा कांग्रेसत्रिभ विपी कोइरालाका अनुयायीहरुले बुझ्नुपर्ने उनको सुझाव छ ।

उनले एमाले नेतृत्वको हठले मुलुकले दुर्गति भोग्नुपरेको र कलिला युवाहरुको हत्या भएको भन्दै अहिलेपनि कांग्रेसीजन ओलीको बाटोमा हिँड्न खोज्नु मुलुक र जनताको लागि ठूलो दुर्भाग्य हुने भन्दै सचेत हुन र चुनावको पक्षमा दृढताका साथ उभ्याउन सुझाव दिएका छन् । उनले प्रतिनिधिसभाको चुनाव हुन नदिनको लागि एमाले नेतृत्वले पूनःस्थापनाको नाटकमञ्चन गरेको भन्दै सचेत नेपालीले अब चुनावभन्दा अर्को बाटो नचाहेको स्मरण गराए । उनले एमाले चुनावमा जानको लागि डराएको भन्दै कांग्रेसलाई एमालेको पुच्छर भएर नहिँड्न सुझाव दिए ।

आजपा अध्यक्ष साहले जेन–जी आन्दोलनको भावना र स्पिरिटलाई वर्तमान सरकार र यसका मन्त्रीहरुले कुल्चिएको र ठूलो धोका दिएको पनि आरोप लगाए । कुलमान घिसिङले जेनजी आन्दोलनको अपहरण गरेको र सत्ताको चास्नीमा डुबेर दल खोल्ने काम गरेको भन्दै यो कदम जेनजी आन्दोलनप्रति धोका र अक्षम्य अपराध भएको साहको टिप्पणी छ ।

उनले भने, ‘यो सुशीला कार्की नेतृत्वको सरकारको जन्म कसरी भयो ? निर्दलीय सरकार बनाएको भनिएको होईन, अनि कुलमानले सरकारमा बसेर दल खोल्ने काम गरे, यो कुरा नेपाली जनताले नजिकबाट हेरिरहेका छन्, म प्रधानमन्त्रीलाई सोध्न चाहन्छु–कुलमानको गतिविधिप्रति नजर राख्नुहोस, यो सरकार निर्दलीय हो भने कुलमानले शक्तिको दुरुपयोग गरेर दल खोलेको कुरा आएको छ, तत्काल बर्खास्त गर्नुहोस ।’ उनले गृहमन्त्री ओमप्रकाश अर्यालको कार्यक्षमतामाथि पनि प्रश्न उठाए ।

उनले गृहमन्त्रीलाई लुते र निम्छरोको संज्ञा दिए । उनले अर्यालबाट मुलुकमा शान्ति, सुव्यवस्था र अमनचयन कायम हुन नसक्ने ठोकुवा गरे । उनले गृहमन्त्रीले अहिलेसम्म जेनजी आन्दोलनमा दमन गर्ने र युवाहरुको छाति र टाउकोमा ताकि÷ताकि गोली हान्ने हत्याराहरूलाई कारबाही त परको कुरा बयानसमेत लिन नसकेको भन्दै राजीनामा मागे ।

साहले अहिलेको सरकारले मुलुकलाई सही गन्तव्यमा पुर्याउन नसक्ने र पाएको म्याण्डेटसमेत पूरा नगर्ने ठोकुवा गरे । उनले सरकारका अधिकांश मन्त्रीहरु स्टन्टमा रमाएको र निकास निकाल्नेगरि सही स्टेप चाल्न चुकेको टिप्पणी गरे । उनले जेनजी आन्दोलन नेपालको राजनीतिक इतिहासमा सही जनविद्रोह भएपनि सुशीला कार्कीहरुको कारण बदनाम र कलंकित हुने खतरा देखिएको औंल्याए । उनले अहिले देशलाई निकास दिनको लागि अन्तरिम संविधान र अन्तरिम सरकार नै भएको एकमात्र विकल्प सुझाए ।

आरके श्रीवास्तव,राैतहट,कार्तिक २७ गते । 

नेपाली कांग्रेस रौतहटका पूर्व सभापति, पार्टी केन्द्रीय कार्यसमितिका पूर्व सदस्य तथा पूर्वमन्त्री मोहम्मद अफताब आलमको ६३ वर्षको उमेरमा असामयिक निधन भएको छ । उहाँको निधनले रौतहट जिल्लासँगै समग्र नेपाली कांग्रेस परिवारमा ठूलो शोक तथा अपूरणीय क्षति परेको जनाइएको छ ।

वि.सं. २०१९ असार ५ मा जन्मिएका आलमको उपचारका क्रममा काठमाडौं मेडिकल कलेजमा २०८२ कात्तिक २२ गते निधन भएको हो । लामो समयदेखि पार्टी संगठन, लोकतान्त्रिक आन्दोलन तथा जनताको हकहितका लागि सक्रिय रहँदै आएका आलम एक कुशल संगठक, दृढ नेता तथा मार्गदर्शकको रूपमा चिनिनुहुन्थ्यो ।

उहाँको निधन पश्चात् कांग्रेस नेता तथा पूर्वमन्त्री आलमका भाइ महताब आलम, छोराहरू डा.राजिक आलम,डा.फिरदाेस आलम सहित परिवारजनलाई संवेदना प्रकट गर्न आज नेपाली कांग्रेस जिल्ला कार्यसमिति रौतहटका सभापति सुनिल कुमार यादव (जितेन्द्र) नेतृत्वको टोली उहाँको पैत्रिक गाउँ राजपुर पुग्यो । सभापति यादवले दुखद क्षणमा परिवारसँग भेटघाट गर्दै हार्दिक श्रद्धाञ्जली एवं समवेदना व्यक्त गरेका थिए ।

नेपाली कांग्रेस रौतहटले दिवंगत नेताप्रति श्रद्धाञ्जली अर्पण गर्दै विशेष श्रद्धाञ्जली तस्बिर समेत परिवारलाई हस्तान्तरण गरेको छ । सो तस्बिरमा आलमको राजनीतिक योगदान, जनपक्षीय व्यक्तित्व र जिल्लाले गुमाएको असल अभिभावकप्रति कृतज्ञता व्यक्त गरिएको छ । साथै शोकसन्तप्त परिवारजनप्रति गहिरो समवेदना व्यक्त गर्दै दिवंगत आत्माको चिरशान्तिको कामना गरिएको छ ।

श्रद्धाञ्जली वक्तव्य नेपाली कांग्रेस जिल्ला कार्यसमिति रौतहटका सभापति सुनिल कुमार यादवले जारी गरेका हुन् ।

आरके श्रीवास्तव,राैतहट,कार्तिक २७ गते ।

मधेश प्रदेशका मुख्यमन्त्री सरोजकुमार यादवको नियुक्तिको विरोधमा सात दलले बिहीबार रौतहटको गौरमा संयुक्त रूपमा विरोध प्रदर्शन गरेका छन् । दलहरूका संयुक्त नेतृत्वमा आयोजित विरोध जुलुस गौर बजारका विभिन्न सडक परिक्रमा गर्दै प्रमुख चोकमा पुगेर कोणसभामा परिणत भएको थियो ।

विरोध कार्यक्रममा लोकतान्त्रिक समाजवादी पार्टी (लोसपा) का उपाध्यक्ष बाबुलाल साह, सह–महामन्त्री अनिल सिंह, मधेश प्रदेश सचिव ओम लोक पटेल, नेकपा (एस) का केन्द्रीय सदस्य रेवन्त झा, नेकपा (माओवादी केन्द्र) गौर नगर अध्यक्ष चन्देश्वर राउत, नेपाली कांग्रेस क्षेत्र नं. १ का क्षेत्रीय अध्यक्ष श्रीराम यादव, कांग्रेस गौर नगर अध्यक्ष मोहन यादव, जनमत पार्टी रौतहट जिल्ला इञ्चार्ज शेख जम्सैद तथा जसपा नेता तथा पूर्व राज्यमन्त्री योगेन्द्र यादवलगायतका नेताहरूको उपस्थिति रहेको थियो ।

नेताहरूले मुख्यमन्त्री सरोजकुमार यादवको नियुक्ति असंवैधानिक रहेको दाबी गर्दै तत्काल खारेजीको माग गरे । उनीहरूले संविधानको मर्म, लोकतान्त्रिक प्रक्रिया र प्रदेशको राजनीतिक स्थिरताका लागि सबै दल एकजुट भएर अघि बढ्नुपर्ने आवश्यकता औंल्याए ।

विरोध जुलुसमा सहभागी कार्यकर्ताहरूले ‘संविधान मिच्ने सरकार हटाऊ’, ‘लोकतन्त्रको रक्षा गर’ आदि नारासहित प्रदर्शन गरेका थिए। प्रदर्शन शान्तिपूर्ण रूपमा सम्पन्न भएको स्थानीय प्रशासनले जनाएको छ ।

बज्जिकाञ्चल संवाददाता,राैतहट,२६ गते कार्तिक । राैतहटकाे फतुवा विजयपुर नगरपालिकामा करार सेवामा कार्यरत कर्मचारीहरूले म्याद थपमा ढिलाइ भएको भन्दै आजदेखि वडा कार्यालयदेखि नगर कार्यपालिकाको कार्यालयसम्म तालाबन्दी गर्दै आन्दोलन थालेका छन् ।

करार कर्मचारीहरूले आफ्नो सेवा अवधि (म्याद) थपको माग गर्दै अनिश्चितकालीन बन्द हडताल (धर्ना) सुरु गरेका छन् ।

नगरपालिकाको कार्यालय परिसरमै गरिएको यो धर्ना कार्यक्रम करार कर्मचारी संघर्ष समिति, फतुवा बिजयपुर नगरपालिका, लक्ष्मीनियाँ (दो.) रौतहट द्वारा आयोजना गरिएको हो ।

संघर्ष समितिका अनुसार, लामो समयदेखि नगरपालिकामा सेवा दिइरहेका करार कर्मचारीहरूको म्याद समयमै नथपिएकाले उनीहरू बाध्य भएर आन्दोलनमा उत्रिनु परेको हो । उनीहरूले म्याद थप गरी स्थायित्वका लागि आवश्यक कदम चाल्न माग गरेका छन् ।

आन्दोलन बुधबारदेखि सुरु भएको हो र माग पूरा नभएसम्म निरन्तर जारी रहने बताइएको छ ।

धर्नास्थलमा सहभागी कर्मचारीहरूले “म्याद थप्नुपर्छ”, “करार कर्मचारीको हक अधिकार सुनिश्चित गर” जस्ता नाराहरू लगाउँदै शान्तिपूर्ण रूपमा विरोध प्रदर्शन गरिरहेका छन् ।

फतुवा विजयपुर नगरपालिकाका कार्यवाहक नगर प्रमुख अमवेया खातुनले करार, मासिक ज्यालादारी र दैनिक ज्यालादारीमा कार्यरत कर्मचारीहरूको आन्दोलनबारे प्रतिक्रिया दिँदै भनिन् —“मैले प्रमुख प्रशासकीय अधिकृतलाई नियम र प्रक्रियाअनुसार सबै कार्य गर्न निर्देशन दिएकी छु । तालाबन्दी कुनै पनि समस्याको समाधान होइन् । नगरपालिका संवाद र कानुनी बाटोबाट अघि बढ्छ।”

खातुनले भनिन् —“नगरपालिकाले कुनै पनि कर्मचारीको अधिकार खोस्ने निर्णय गरेको छैन् । निर्णय कार्यान्वयन गर्ने जिम्मेवारी प्रमुख प्रशासकीय अधिकृतको हो, म्याद थप सम्बन्धी सम्पूर्ण कार्य प्रक्रिया म त्यसैअनुसार अघि बढाउन निर्देशन दिएकी छु।”

तर निर्णय कार्यान्वयनमा ढिलाइ भएको भन्दै कर्मचारीहरूले असन्तुष्टि जनाएका छन् । उनीहरूले म्याद थपको औपचारिक निर्णय पत्र तत्काल जारी गर्न माग गर्दै कार्यालयहरूमा तालाबन्दी गरेका हुन् ।

तालाबन्दीका कारण वडा कार्यालय र नगर कार्यपालिकाको नियमित सेवा प्रवाह प्रभावित बनेको छ । स्थानीयहरूले अत्यावश्यक सेवामा ढिलाइ हुँदा असुविधा भएको गुनासो गरेका छन् ।

प्रमुख प्रशासकीय अधिकृत भरत प्रसाद यादवले भने यस विषयमा कार्यपालिका बाेर्डमा छलफल गरिने बताएका छन् ।

हनुमत यादव,गाैर,कार्तिक २५ गते । 

नेकपा एमाले द्वारा पुर्व निर्धारित कार्यक्रमअनुसार गौर नगर कमिटीद्वारा आयोजित पालिका स्तरीय बृहत जनप्रदर्शन कार्यक्रम गौरमा भव्य तथा सभ्य ढंगले सम्पन्न गरिएको छ ।

कार्यक्रमका प्रमुख अतिथि एमाले केन्द्रीय सदस्य तथा जिल्ला इन्चार्ज अजय गुप्ता, के. स. रेखा झा, र पालिका इन्चार्ज श्याम सुन्दर पटेल सहित पार्टीका विभिन्न तहका नेता तथा कार्यकर्ताहरूको उल्लेखनीय उपस्थितिमा जनप्रदर्शन सम्पन्न भएको हो ।

जनप्रदर्शनमा सहभागीहरूले पार्टीको नीतिगत अडान र संगठन सुदृढीकरणका सन्देशहरू जनतालाई सुनाएका थिए । कार्यक्रमलाई अनुशासित र उत्साहजनक बनाउनेतर्फ स्थानीय कार्यकर्ताहरू सक्रिय देखिएका थिए ।

एमाले गौर नगर कमिटीका अनुसार यस जनप्रदर्शनले स्थानीय स्तरमा पार्टीको एकता र जनसमर्थनलाई थप सुदृढ बनाएको छ ।

हनुमत यादव,गाैर, २५ कार्तिक ।

नेकपा (एमाले) केन्द्रीय कमिटीको निर्णयअनुसार देशभरका पालिकामा आयोजित जुलूस, भेला र कोणसभा कार्यक्रम अन्तर्गत रौतहटको राजदेवी नगरपालिकामा समेत आज भव्य कार्यक्रम सम्पन्न गरिएको छ ।

राजदेवी नगरकमिटीको आयोजनामा भएको सो कार्यक्रमको अध्यक्षता नगरअध्यक्ष संजय यादवले गरेका थिए । कार्यक्रममा प्रमुख अतिथिका रूपमा केन्द्रीय लेखा आयोगका सदस्य राज किशोर प्रसाद यादव उपस्थित रहेका थिए भने विशिष्ट अतिथिमा प्रदेश कमिटी सदस्य राम पुकार दास र मिथलेश यादव सहभागी थिए ।

त्यसैगरी, अतिथिका रूपमा जिल्ला कमिटी सदस्यहरू नारायण दास, शैफ अली, प्रदीप साह, धनपत यादव, उर्मिला देवी, लेखा सदस्य सत्यनारायण यादव र पूर्व गाविस अध्यक्ष अनंत साहको उपस्थिति रहेको थियो ।

कार्यक्रममा सहभागी वक्ताहरूले नेकपा (एमाले)को नीति, कार्यक्रम र जनहितका अभियानबारे जानकारी गराउँदै आगामी राजनीतिक गतिविधिमा सक्रिय सहभागिताका लागि कार्यकर्ता र जनतालाई आह्वान गरे ।

जुलूस, भेला र कोणसभामा सैकडौं कार्यकर्ता तथा स्थानीय जनताको उत्साहपूर्ण सहभागिता रहेको नगरकमिटीले जनाएको छ ।

आरके श्रीवास्तव,राैतहट,कार्तिक २५ गते ।
नेकपा एमालेका केन्द्रीय सदस्य कुन्दन कुशवाहाले हालको सरकारले संविधान र कानुन विपरीत काम गरिरहेको आरोप लगाएका छन् । कटहरियामा आयोजित नेकपा एमालेको पालिका स्तरीय जनप्रदर्शन कार्यक्रममा प्रमुख अतिथिको आसनबाट सम्बोधन गर्दै उनले यस्तो बताएका हुन् ।

कुशवाहाका अनुसार, “जेनजी आन्दोलनका क्रममा संविधानलाई कमजोर पार्ने प्रयास विदेशी शक्तिले गरेको थियो । एमालेका अध्यक्ष केपी शर्मा ओलीले देशको स्वाभिमान बचाउन खोज्दा देशमा विध्वंस मच्चाइयो,” उनले भने।

उनले लिपुलेख, लिम्पियाधुरा र कालापानी नेपालकै भूभाग भएको पुनः स्मरण गराउँदै त्यस विषयमा एमालेले सधैं राष्ट्रिय स्वाभिमानको पक्षमा आवाज उठाएको बताए । उनले पार्टीको केन्द्रीय सर्कुलरअनुसार नै उक्त कार्यक्रम आयोजना गरिएको जानकारी दिए ।

कुशवाहाले कटहरियालाई हाईवेसँग जोड्ने कार्यमा आफ्नो भूमिका रहेको उल्लेख गर्दै विकास र जनताको हितमा एमाले प्रतिबद्ध रहेको बताए ।

कार्यक्रममा नेकपा एमालेका नेता उपेन्द्र साहले देशमा शान्ति–सुरक्षा कमजोर भएको प्रति चिन्ता व्यक्त गर्दै सरकारले तत्काल सुधारात्मक कदम चाल्नुपर्ने सुझाव दिए ।
त्यसैगरी, कटहरिया–४ का वडा अध्यक्ष चन्दन कुशवाहाले एमाले गरिब र कमजोर वर्गको पार्टी भएको बताउँदा, वडा नं. २ का अध्यक्ष हरिन्द्र साहले नगरपालिकामा व्याप्त बेथितिबारे प्रकाश पारे ।

कटहरिया–३ का वडा अध्यक्ष श्यामाकान्त यादवले जबज सिद्धान्तको सरकार दबिएका र पिछडिएका वर्गका लागि काम गरेको स्मरण गराए भने फतुवा बिजयपुर–१ का पूर्व वडा अध्यक्ष संजय प्रसादले जेनजी आन्दोलनलाई बाह्य षड्यन्त्र भएको बताए । उनका अनुसार, “विश्वका शक्तिशाली मुलुकलाई चुनौती दिन सक्ने नेता केपी शर्मा ओली नै हुन्।”

कार्यक्रममा नेकपा एमाले कटहरियाका इञ्चार्ज रामजी साह लगायत स्थानीय नेता तथा कार्यकर्ताको उपस्थिती रहेको थियो ।

कार्यक्रमपछि कटहरिया बजारमा जनप्रदर्शन समेत गरिएको थियो । सो क्रममा “केपी ओली जिन्दावाद”, “तोड़फोड़ गर्ने लाई कारबाही गर”, “शान्ति–सुरक्षा कायम गर” जस्ता नाराहरू लगाइएका थिए ।

आरके श्रीवास्तव,राैतहट,कार्तिक २४ गते ।

रौतहटको कटहरिया बजारस्थित विवाह मण्डप भवनमा आज सम्पन्न चिठ्ठा कुपन कार्यक्रम भव्य रूपमा सम्पन्न भएको छ । श्री दुर्गा पूजा समिति, कटहरिया–५ द्वारा आयोजना गरिएको उक्त कार्यक्रममा ४ हजारभन्दा बढी कुपन काटिएको समितिका सहयोगी तथा निराला जेनरल स्टोरका सञ्चालक महाशक्ति साहले जानकारी दिनुभयो ।

साहका अनुसार, “स्थानीय व्यापारी र उपभोक्ताबीच आपसी सम्बन्ध सुदृढ बनाउने उद्देश्यले यो योजना ल्याइएको हो । जनताको उत्साह र सहभागिता अत्यन्तै उत्साहजनक रह्यो,” उहाँले बताउनुभयो ।

२०८२ साल भदौ १ गतेदेखि असोज १६ गतेसम्म सञ्चालन गरिएको “चिठ्ठा कुपन योजना” अन्तर्गत सहभागीले खरिदमा आधारित कुपन प्राप्त गरेका थिए ।

कार्यक्रममा विभिन्न आकर्षक पुरस्कारहरू चिठ्ठामा परेको थियो । प्रथम पुरस्कार स्मार्ट टिभी – १ जना,द्वितीय पुरस्कार फ्रिज १ जना,तृतीय पुरस्कार साइकल – १ जनालाई परेकाे थियो ।

त्यस्तै
चौथो पुरस्कार धाेनी साबुन – १०० जना, पाँचौं पुरस्कार धाेनी साबुन,छैठौं पुरस्कार एक्सट्रा डिटर्जेन्ट २५ जना,सातौं पुरस्कार नम्बर १०० जनालाई परेको थियोे ।

साहले थप भन्नुभयो, “स्थानीय बजारमा पारस्परिक विश्वास र सहकार्य बढाउन यस किसिमका कार्यक्रमले सकारात्मक प्रभाव पार्छन्। आगामी वर्षहरूमा पनि यस्तो योजना निरन्तर ल्याइनेछ।”

समितिले कार्यक्रम सफल बनाउन सहयोग गर्ने सबै व्यवसायी, उपभोक्ता र सहयोगी संस्थाप्रति आभार व्यक्त गरेको छ।
निराला जेनरल किराना पसल, कटहरिया–५ रौतहटले कार्यक्रमको मुख्य सहयोगीको भूमिका निर्वाह गरेको थियो ।

कार्यक्रममा स्थानीय व्यवसायी, उपभोक्ता तथा समाजसेवीहरूको उल्लेख्य सहभागिता रहेको थियो ।

हनुमत कुमार यादव ,रौतहट, २४ कात्तिक ।

नेपाल रेडक्रस सोसाइटी रौतहट जिल्ला शाखाको आयोजनामा तीन दिने मनोसामाजिक प्राथमिक उपचार (Psychosocial First Aid – PFA) सम्बन्धी उन्मुखीकरण कार्यक्रम गौरमा सुरु गरिएको छ। जिल्ला सदरमुकाम गौरस्थित रेडक्रस भवनको सभाहलमा आयोजित उक्त कार्यक्रम २६ कात्तिकसम्म सञ्चालन हुनेछ ।

कार्यक्रममा सहभागीहरूलाई तनाव, डर, चिन्ता, आघात जस्ता अवस्थाको सामना गरिरहेका व्यक्तिहरूलाई सहयोग गर्ने आधारभूत सीप तथा व्यवहारिक ज्ञान प्रदान गरिँदैछ। जिल्लाका विभिन्न पालिकाबाट आएका प्रतिनिधिहरू उक्त प्रशिक्षणमा सहभागी छन् ।

प्रशिक्षकहरूले संकटका समयमा कसरी शान्त रहनु, कसरी सक्रिय रूपमा सुनुवाइ गर्न र प्रभावित व्यक्तिको भावना सम्मानपूर्वक सम्बोधन गर्न सकिन्छ भन्नेबारे व्यावहारिक अभ्यासमार्फत प्रशिक्षण दिएका छन्। साथै, आवश्यकता अनुसार थप सहयोग वा रेफरल गर्ने प्रक्रियासम्बन्धी जानकारी पनि दिइएको छ ।

कार्यक्रमको उद्घाटन गर्दै जिल्ला सभापति राजकिशोर प्रसाद यादवले भने, “प्रकृति–आपदा, महामारी वा सामाजिक घटनाले भौतिक क्षति मात्र होइन, मानिसहरूको मानसिक स्वास्थ्यमा पनि गम्भीर असर पार्छ। त्यसैले राहत र पुनःस्थापनासँगै मनोसामाजिक सहयोग अपरिहार्य छ।”

यस उन्मुखीकरणपछि प्रशिक्षित स्वयंसेवकहरूले जिल्लाभरका प्रभावित समुदायमा गएर मनोसामाजिक सहयोग र परामर्श प्रदान गर्ने अपेक्षा गरिएको आयोजक समितिले जनाएको छ ।

हनुमत कुमार यादव,गाैर, २४ कात्तिक ।

रौतहटको राजदेवी नगरपालिका–४, गडहियामा करिब ४ करोड रुपैयाँको लागतमा आधुनिक विद्यालय भवन निर्माण हुने भएको छ । सो उद्देश्यका लागि नेपाल सरकारको सङ्घीय मामिला तथा सामान्य प्रशासन मन्त्रालय, भारतको काठमाडौँस्थित भारतीय दूतावास र राजदेवी नगरपालिकाबीच समझदारी पत्र (MoU) मा हस्ताक्षर गरिएको छ ।

उक्त सम्झौता अनुसार विद्यालय भवन निर्माण कार्य भारत सरकारको अनुदान सहयोगमा सम्पन्न हुनेछ । यो परियोजना “उच्च प्रभाव समुदाय विकास परियोजना (High Impact Community Development Project – HICDP)” अन्तर्गत पर्ने हो, जसअन्तर्गत भारतले नेपालका विभिन्न समुदायमा शिक्षा, स्वास्थ्य तथा पूर्वाधार निर्माणका क्षेत्रमा सहयोग गर्दै आएको छ ।

सम्झौता पत्रमा भारत सरकारका तर्फबाट काठमाडौँस्थित भारतीय दूतावासका काउन्सेलर (डीपीआर र रिटर्न्स) अजय कुमार सिंह, नेपाल सरकारका प्रतिनिधि तथा राजदेवी नगरपालिकाका प्रमुख भिखारी प्रसाद यादव लगायतका अधिकारीहरूले हस्ताक्षर गरेका छन् ।

नगरप्रमुख यादवका अनुसार सो भवन निर्माणले गडहिया प्राथमिक विद्यालयका विद्यार्थीहरूलाई सुरक्षित र आधुनिक शिक्षण वातावरण प्रदान गर्नेछ । उनले भने, “भारत सरकारको सहयोगमा बन्ने यो विद्यालयले हाम्रो नगरको शिक्षाको स्तर अभिवृद्धि गर्न मद्दत पुर्‍याउनेछ ।

यस परियोजनाले राजदेवी नगरपालिका–४ मा शिक्षा क्षेत्रको भौतिक पूर्वाधार सुदृढ गर्दै विद्यार्थीहरूको सिकाइमा गुणात्मक सुधार ल्याउने अपेक्षा गरिएको छ ।

आरके श्रीवास्तव,रौतहट, कार्तिक २४ गते ।
रौतहटको कटहरिया नगरपालिकामा करार र ज्यालादारीका कर्मचारीहरूले तलब–भत्ताको बक्यौता भुक्तानीको माग गर्दै विगत १४ दिनदेखि गर्दै आएको तालाबन्दी अन्त्य भएको छ । कर्मचारीहरूले वडा नं. १ देखि ९ सम्मका सबै वडा कार्यालयहरू तथा नगरपालिकाको मुख्य कार्यालयमा तालाबन्दी गर्दै कार्यालय परिसरमै धर्ना दिइरहेका थिए ।

वडा अध्यक्ष, वडा सदस्य र कार्यपालिका सदस्यहरूले सामूहिक रूपमा कर्मचारीहरूको तलब–भत्ताको विषयलाई प्राथमिकता दिने प्रतिबद्धता जनाएपछि तालाबन्दी खोलिएको हो । उनीहरूले कार्यालय प्रमुख आएलगत्तै पहिलो कामका रूपमा तलब भुक्तानी गर्ने निर्णय गरेका छन् ।
कटहरिया नगरपालिका वडा नं. ८ का वडा अध्यक्ष समिश विक्रम शाहले भने, “पहिला तलब–भत्ता दिने, त्यसपछि मात्रै अन्य काम अघि बढाउँछौं । अब नगरपालिका भोलिदेखि नियमित रुपमा सञ्चालन हुनेछ।”
त्यस्तै वडा नं. ४ का अध्यक्ष चन्दन कुशवाहाले भने, “गैरजिम्मेवार मेयर र जनप्रतिनिधिलाई जिम्मेवार बन्न हामीले पाठ सिकाएका हौं । सेवाग्राहीको पीडा अन्तिम अवस्थामा पुगेपछि तीन दिनको निरन्तर प्रयासपछि तालाबन्दी खोलिएको हो । तलब दिएर मात्रै अन्य काम गर्न दिनेमा हामी एकमत छौं।”
वडा नं. ३ का अध्यक्ष श्यामाकान्त यादवले वडामा विभिन्न सेवा अवरुद्ध भएको जनाउँदै भने, “मेयर साहेब अजय प्रकाश  जयसवाल आउनु भएन, त्यसैले हामी अग्रसर भएर ताला खोलाउन बाध्य भयौं । कर्मचारीहरूको तलब जसरी पनि दिलाउनेछौं।”
करारका कर्मचारी प्रमोद कुमार साहले पनि वडा अध्यक्षहरूको प्रयासको कदर गर्दै भने, “हामीले जनताको पीडा बुझ्दै ताला खोल्ने निर्णय गरेका हौं । हाम्रो तलब यथाशीघ्र पाइनुपर्छ।”
नि. प्रमुख प्रशासकीय अधिकृत रामनरेश यादवले तालाबन्दी खुलाउन सराहनीय भूमिका निर्वाह गरेका छन् । उनले प्रमुख प्रशासकीय अधिकृतको उपस्थितिमा पहिलो बैठकमै कर्मचारीहरूको तलब भुक्तानी गर्ने निर्णय हुने जानकारी दिएका छन् ।
नगरपालिकाका कार्यपालिका सदस्य मनोज जयसवालले तालाबन्दी सर्वसहमतिको आधारमा अन्त्य भएको जनाउँदै भने, “तालाबन्दीका कारण जनसाधारण सेवाबाट बञ्चित भएका थिए । आर्थिक कारोबारका लागि हाकिम नहुँदा समस्या उत्पन्न भएको हो । अब हाकिम आउने छन्, तलब तत्काल दिलाइनेछ।”
लगातार १४ दिनको तालाबन्दीका कारण नगरपालिकाका नागरिकता सिफारिस, राजस्व संकलन, सामाजिक सेवा लगायतका अत्यावश्यक कामहरू ठप्प भएका थिए । स्थानीय बासिन्दा अत्यधिक मर्कामा परेपछि वडा अध्यक्ष,वडा सदस्य,कार्यपालिका सदस्य प्रशासनसँगको सहमति अनुसार मंगलवार (कार्तिक २५) देखि कटहरिया नगरपालिका र सबै वडाहरूमा नियमित कामकाज पुनः सुरु हुने भएको छ ।

आरके श्रीवास्तव,राैतहट,कार्तिक २४ गते । 

आम जनता पार्टी (आजपा) का अध्यक्ष प्रभु साहले मधेश प्रदेशमा भएको मुख्यमन्त्रीको गोप्य नियुक्तिलाई संवैधानिक व्यवस्थाको असफलताको प्रमाण भएको बताएका छन् । उनले यो घटनाले वर्तमान संविधान र राजनीतिक प्रणालीको नैतिकता र विश्वसनीयतामाथि गम्भीर प्रश्न उठाएको टिप्पणी गरेका छन् ।

सामाजिक सञ्जालमार्फत प्रतिक्रिया जनाउँदै अध्यक्ष साहले भनेका छन्, “मधेशमा मुख्यमन्त्रीको गोप्य नियुक्तिले फेरि एकपटक पुष्टि गर्‍यो कि वर्तमान संवैधानिक व्यवस्था असफल मात्र होइन, अनैतिक राजनीतिक र लुट–भ्रष्टाचारको ओडार हो।”

उनका अनुसार समस्या व्यक्तिमा होइन, प्रणालीमै रहेको छ। साहले गलत संवैधानिक प्रावधानलाई वास्तविक समस्या मानेर त्यसको विरोधमा उत्रिन सबैलाई आह्वान गरेका छन्। उनले भने, “समस्याको मुख्य जडको रूपमा रहेको गलत संवैधानिक प्रावधानलाई छोडेर एक–अर्कालाई मात्र दोषारोपण गर्नु अर्को बेइमानी हुनेछ।”

अध्यक्ष साहले संविधान निर्माणका क्रममा भएका त्रुटिहरूको जिम्मेवारी संविधान निर्माताहरूले लिनुपर्ने बताएका छन्। “संविधान निर्माताहरूले आफ्ना गल्ती स्वीकारेर आत्मालोचित भई संविधान खारेजीको पक्षमा आउनु जरुरी छ,” उनले भने, “यसैमा सबैको भलाई निहित छ।”

उनले देशवासीलाई वर्तमान ‘लुटकारी व्यवस्था’माथि पुनर्विचार गर्न आग्रह गर्दै नयाँ र न्यायसंगत राजनीतिक व्यवस्थाको आवश्यकता औंल्याएका छन् ।

 

बज्जिकाञ्चल संवाददाता,राैतहट,कार्तिक २३ गते । 

राैतहटकाे फतुवा बिजयपुर नगरपालिकाकी कार्यवाहक नगरप्रमुख अम्बेया खातुनले नगरपालिकामा उत्पन्न विभिन्न विवादका विषयमा पत्रकार सम्मेलनमार्फत आफ्नो धारणा सार्वजनिक गरेकी छन् ।

खातुनका अनुसार करारका कर्मचारीहरूलाई हटाउने कुनै निर्देशन आफूले नदिएको स्पष्ट पार्दै उनले भनिन्, “मैले कसैलाई रोक्न भनेकी छैन, संघीय मामिला तथा सरकारका निर्देशनअनुसार प्रमुख प्रशासकीय अधिकृत भरत यादवलाई आवश्यक प्रक्रिया पूरा गरेर अघि बढ्न भनेकी छु।”

उनका अनुसार कर्मचारी व्यवस्थापन हाकिमको जिम्मेवारी हो र आफूले दरबन्दीअनुसार मात्र कर्मचारी राख्न सुझाव दिएको बताइन् । कार्यपालिका बैठकका विषयमा पनि उनले आफू कहिल्यै पछि नहटेकी स्पष्ट पारिन्। “शान्ति सुरक्षा कायम भए र कुनै किसिमको हल्ला नभए जुनसुकै बेला बैठक बस्न तयार छु,” उनले भनिन्।

खातुनले जेनजी आन्दोलनका क्रममा जलेको नगरपालिकाको कार्यालय भवन पुनःनिर्माणका लागि बजेट छुट्याइएको जानकारी दिँदै भनिन्, “जलेको भवन मर्मत गर्ने काम हाकिमको हो, र कार्यालय स्थानान्तरणबारे छलफल कार्यपालिका बैठकमा हुनेछ।”

उनका अनुसार हाल प्रयोग भइरहेको भवनको भाडा ३८ लाख रुपैयाँ रहेको र नयाँ प्रस्तावित स्थानमा ५ लाख रुपैयाँमै फलैट उपलब्ध भएको कारण खर्च घटाउने उद्देश्यले कार्यालय सार्ने प्रस्ताव ल्याइएको बताइन् । तर, उक्त प्रस्तावप्रति वडा अध्यक्षहरूले असहमति जनाइरहेको पनि उनले बताइन् ।

खातुनले भनिन्, “वडा अध्यक्षहरूको काम वडा चलाउने हो, मेरो काम नगरपालिका सञ्चालन गर्ने हो।”

यसैबीच, कार्यवाहक नगरप्रमुख खातुनका श्रीमान् मोहमद सेराजले वडा अध्यक्षहरू विद्युत महसुल बुझाउने बारे लगाएको आरोप गलत हाे । उनका अनुसार माथिबाट विद्युत महसुल र वितरणमुखी कार्यक्रममा बन्देज लगाइएको भए पनि, “यदि नियमले अनुमति दिन्छ भने भुक्तानी गर्नुपर्छ,” भन्दै उनले नियम अनुसार काम गर्न आग्रह गरे ।

सेराजका अनुसार नगरपालिकाको १० कराेडकाे बजेट शीर्षकमा माइनस इण्ट्री गरिएको छ, जुन अस्वाभाविक भएको बताउँदै उनले थपे, “जसको जति बजेट छ, त्यत्तिकै चलाउनु पर्छ, मनोमानी गर्न मिल्दैन।”

उनले प्रमुख प्रशासकीय अधिकृतले अधिकांश बजेट कार्यक्रम सञ्चालनमा राखेको आरोप पनि लगाए । साथै, कर्मचारी हाजिरीमा विवाद सिर्जना गर्ने, रजिष्टार लुकाउने जस्ता कार्य नगरपालिकामा भइरहेका छन् भनेर असन्तुष्टि जनाए ।

खातुनले थपिन्, “तिहार र छठ पर्वको बेला मैले अधिकार अनुसार हस्ताक्षर गरेर सहयोग गरेकी थिएँ, अहिले हाकिमले मनपरि खर्च गर्न खोजिरहेका छन्।”

उनले आरोप लगाइन् कि, रिसइबीका क्रममा आफ्नै औषधि पसलमा आगजनी गरी करोडौंको क्षति पुर्याइएको छ। “कहिले मेयरको गाडी कब्जा गर्ने, कहिले अनावश्यक बहाना गर्ने—यी सबै घटनाले हामीलाई दुःखी बनाएका छन्,” खातुनले भनिन्।

अन्त्यमा उनले भनिन्, “यी सबै घटनाको मूल्यांकन अब फतुवा बिजयपुर नगरवासीहरूले गर्नुपर्नेछ।”

 

रौतहट, कार्तिक २२ गते । 

नेपाली कांग्रेस रौतहट जिल्ला कार्यसमितिले पार्टीका पूर्व सभापति, केन्द्रीय कार्यसमितिका पूर्व सदस्य तथा पूर्व मन्त्री मोहम्मद अफताब आलमको निधनप्रति गहिरो दुःख प्रकट गर्दै श्रद्धाञ्जली अर्पण गरेको छ ।

शनिबार बिहान ३ बजे ६३ वर्षको उमेरमा काठमाडौं मेडिकल कलेज हस्पिटलमा उपचारको क्रममा उहाँको असमायिक निधन भएको हो ।

स्व. आलमले नेपाली कांग्रेसको संगठन सुदृढीकरण र नेपालको लोकतान्त्रिक आन्दोलनमा दिएको योगदान अतुलनीय रहेको उल्लेख गर्दै, जिल्ला कार्यसमितिले उहाँको निधनले रौतहटले एक कुशल संगठक, असल अभिभावक र परिपक्व नेता गुमाएको जनाएको छ ।

नेपाली कांग्रेस रौतहटका सभापति एवम् मधेस प्रदेश सरकारका पूर्व अर्थमन्त्री सुनिल कुमार यादवद्वारा जारी शोक वक्तव्यमा स्व. आलमको आत्माको चिरशान्तिको कामना गर्दै, शोकसन्तप्त परिवारजनप्रति हार्दिक समवेदना प्रकट गरिएको छ ।

जनकपुरधाम,कार्तिक २२ । 

मधेश प्रदेशका मुख्यमन्त्री जितेन्द्र प्रसाद सोनार ‘सोनल’ले आज आफ्नो पदबाट राजीनामा दिएका छन् । उनले आजैका मितिमा प्रदेश प्रमुखलाई सम्बोधन गरी लिखित राजीनामा पेश गरेका हुन् ।

मुख्यमन्त्री सोनारले राजीनामा पत्रमा लेखेका छन्, “मधेश प्रदेश सरकारको मुख्यमन्त्री पदबाट राजीनामा दिएको छु। मुख्यमन्त्री पदमा रहँदा सबैबाट प्राप्त सहयोगका लागि सबैमा हार्दिक धन्यवाद व्यक्त गर्दछु।”

सोनारको राजीनामा पत्र प्रदेश प्रमुखको कार्यालयमा दर्ता गरिएको छ । उनले आफ्नो कार्यकालका क्रममा सहयोग गर्ने सबैप्रति आभार व्यक्त गरेका छन् ।

 

प्रदेश प्रमुखको स्वीकृतिपछि औपचारिक रूपमा सोनारको कार्यकाल समाप्त हुनेछ र नयाँ मुख्यमन्त्री चयनका लागि संविधान अनुसारको प्रक्रिया अघि बढ्नेछ।

 

आज बसेको मधेश प्रदेश सभाको बैठकमा मुख्यमन्त्री जितेन्द्र सोनलले विश्वासको मत लिन लाग्दा सांसदहरुबीच उत्पन्न विवादकाबीच मुख्यमन्त्री जितेन्द्र सोनलले राजीनामा दिएको घोषणा गरेका थिए ।

 

त्यसपछि सभामुख रामचण्द्र मण्डलले मेधश प्रदेश सभाको बैठक अर्को सूचना नहुन्जेलसम्मका लागि प्रदेश सभा बैठक स्थगित भएको घोषणा गरेका थिए ।

 

आरके श्रीवास्तव,राैतहट,२२ गते कार्तिक । 

नेकपा एमालेका केन्द्रीय सदस्य कुन्दन कुशवाहाले शनिबार कटहरिया नगरपालिका–४ मा आयोजित पार्टीको वडा स्तरीय भेलामा “गौरवशाली इतिहास र उज्ज्वल भविष्य”को नारा दिएर जनतालाई एकता, विकास र स्वाभिमानको बाटोमा अघि बढ्न आह्वान गर्नुभएको छ ।

भेलाको अध्यक्षता महान कम्युनिस्ट नेता हरदयाल महतोका छोरा रामपुकार महतोले गर्नुभएको थियो भने कार्यक्रममा स्थानीय अगुवाहरू, ज्येष्ठ नागरिक, महिला, युवा र कटहरियाका सयौं जनताको उपस्थितिले उत्साहपूर्ण माहोल सिर्जना भएको थियो ।

भेलामा सम्बोधन गर्दै केन्द्रीय सदस्य कुशवाहाले कटहरियाको ऐतिहासिक योगदान र जनताको संघर्षको प्रशंसा गर्दै देशमा बढ्दो भ्रष्टाचार, लुटपाट र विदेशी हस्तक्षेपको विरुद्ध सचेत रहन आग्रह गर्नुभयो ।

उहाँले भन्नुभयो,“देश फेरि संकटको मोडमा छ । आतंक र अव्यवस्थाले जनजीवन असुरक्षित बन्दैछ । हामी हाम्रो प्यारो नेपाललाई सिरिया वा युक्रेन बन्न दिन सक्दैनौं। त्यसैले अब इतिहासले फेरि हामीलाई पुकारेको छ । राष्ट्र र जनताको हितका लागि एकताबद्ध भएर अघि बढ्न।”

उहाँले हरदयाल महतोको नेतृत्वमा भएको ऐतिहासिक संघर्षको स्मरण गर्दै कटहरियाको भूमिलाई “इतिहास बोल्ने भूमि”को रूपमा वर्णन गर्नुभयो । उहाँका अनुसार, विकासका प्रत्येक चरणमा कटहरियाले अग्रणी भूमिका खेलेको छ र भविष्यमा पनि जनताको अधिकार, समानता र न्यायका लागि निरन्तर संघर्ष जारी रहनेछ।

कुशवाहाले कटहरियाको आगामी लक्ष्यबारे चर्चा गर्दै भन्नुभयो,“अबको मुख्य लक्ष्य युवालाई रोजगारी, आमाबुबालाई निःशुल्क स्वास्थ्य सेवा, बालबालिकालाई गुणस्तरीय शिक्षा र किसानलाई बजारको पहुँच सुनिश्चित गर्नु हो ।

 त्यसका लागि सबै दल, धर्म र वर्गभन्दा माथि उठेर हामी एक परिवार कटहरिया परिवार बनेर अघि बढ्नुपर्छ।”

कार्यक्रममा वडा नं. ४ का वडा अध्यक्ष चन्दन कुशवाहा, सर्फलाल महतो, बिनोद साह र नजिर मियाँले पनि सम्बोधन गर्दै पार्टीका गतिविधि निरन्तर सञ्चालन गर्नुपर्ने आवश्यकता औंल्याउनुभयो । उहाँहरूले कटहरिया नगरपालिकामा देखिएको बेथिती र विकासका अवरोधहरूबारे कडा टिप्पणी गर्दै पारदर्शिता र जवाफदेहिताको माग गर्नुभयो ।

कार्यक्रमको अन्त्यमा उपस्थित जनसमुदायले एमालेको संगठन सुदृढीकरण, विकास र सुशासनका अभियानमा साथ दिने प्रतिबद्धता जनाएका थिए ।

 

आरके श्रीवास्तव,राैतहट,कार्तिक २१ गते । 

रौतहटको फतुवा बिजयपुर नगरपालिकामा लामो समयदेखि तलबभत्ता नपाएका १२ जना छुट बालविकास सहजकर्तालाई तलब भत्ता उपलब्ध गराउने आदेश कार्यवाहक नगर प्रमुख अम्बेया खातुनले आज जारी गरेकी छन् ।

नगरपालिकाले आज मिति २०८२ साल कार्तिक २१ गतेका दिन शिक्षक आन्दोलनका माग सम्बोधन गर्दै सहजकर्ताहरूलाई तलब भत्ता नियमानुसार उपलब्ध गराउने लिखित आदेश जारी गरेको हो । पिडित सहजकर्ताहरूकाे ज्ञापनपत्र बुझ्दै कार्यवाहक नगर प्रमुख अम्बेया खातुनले प्रमुख प्रशासकीय अधिकृत भरत प्रसाद यादवलाई नियमअनुसार सहजकर्ताहरूको तलब भत्ता वितरणका लागि आवश्यक प्रक्रिया तत्काल अघि बढाउन लिखित निर्देशन दिएकी छन् ।

“बालविकास सहजकर्ताहरूले गरेको योगदानको कदर गर्दै, तिनीहरूलाई तलब भत्ता दिने प्रक्रिया सुरु गर्न प्रमुख प्रशासकीय अधिकृतलाई निर्देशन दिएकी छु,” कार्यवाहक नगर प्रमुख खातुनले बताइन्।

शिक्षक आन्दोलनका अगुवा सुबोध प्रसाद यादवले पनि उक्त निर्णयलाई सकारात्मक स्वागत गरेका छन् ।
“हाम्रो निरन्तरको प्रयासपछि अन्ततः नगरपालिकाले सहजकर्ताहरूको हक अधिकार सुनिश्चित गर्ने निर्णय गरेको छ, यो शिक्षक आन्दोलनको महत्वपूर्ण उपलब्धि हो,” यादवले भने।

बालविकास सहजकर्ताहरूले यसअघि तलब नपाएको भन्दै निरन्तर आन्दोलन गर्दै आएका थिए । नगरपालिकाको आजको निर्णयपछि उनीहरूको मागको एउटा प्रमुख पक्ष सम्बोधन भएको मानिएको छ ।

 

 

बज्जिकाञ्चल संवाददाता,राैतहट,कार्तिक २१ गते ।

रौतहटकाे फतुवा बिजयपुर नगरपालिकाका वडा अध्यक्षहरूले शुक्रबार प्रमुख प्रशासकीय अधिकृत भरत प्रसाद यादवलाई बिभिन्न मागहरू राख्दै संयुक्त रूपमा ज्ञापनपत्र बुझाएका छन् ।

वडा नम्बर २ का अध्यक्ष अनिरुद्ध प्रसाद यादव (सञ्जय)को नेतृत्वमा बुझाइएको उक्त ज्ञापनपत्रमा वडा नम्बर १ का अध्यक्ष बिजय यादव, वडा नम्बर ६ का अध्यक्ष रामएकवाल यादव, वडा नम्बर ७ का अध्यक्ष रामविश्वास यादव, वडा नम्बर १० का अध्यक्ष मञ्जय चौधरी र वडा नम्बर ११ का अध्यक्ष ज्ञानेन्द्र चौधरी पनि उपस्थित थिए ।

 

ज्ञापनपत्रमा समावेश प्रमुख मागहरूमा मिति २०६२/०४/२३–२४ मा जेनजेड आन्दोलनको क्रममा क्षति पुगेको भाडाको कार्यालय भवन मर्मत गरी पुनः सञ्चालनमा ल्याउने,सेवा करारमा कार्यरत कर्मचारीहरूको म्याद २०८२ असोज मसान्तसम्म मात्र नवीकरण गरिएको हुँदा त्यसपछिका करार नवीकरणका लागि पेश भएका निवेदनहरूमा निर्णय गर्नुपर्ने। साथै योजना सम्झौता प्राविधिकको म्याद नथपिएकाले ईस्टिमेट मूल्यांकन लगायतका कामहरू रोकिएका हुँदा प्रक्रिया अघि बढाउन निर्णय गर्नुपर्ने रहेको छ ।

 

त्यस्तै हाल कार्यालय कुन भवनबाट सञ्चालन गर्ने भन्ने विषयमा स्पष्ट निर्णय गर्नुपर्ने,विद्यालय भवन निर्माणका अधुरा काम तत्काल कार्यान्वयनमा ल्याउनुपर्ने रहेको छ ।

वडा अध्यक्षहरूले यी मागहरू समयमै पूरा नभए कानूनी प्रक्रिया अवलम्बन गर्ने चेतावनीसमेत दिएका छन् ।

जवाफमा प्रमुख प्रशासकीय अधिकृत भरत प्रसाद यादवले स्थानीय सरकार सञ्चालन ऐनअनुसार नै सबै प्रक्रिया अघि बढाइने बताएका छन् । उनले सहमतिको माध्यमबाट समस्या समाधान खोज्न सुझाव दिँदै वडा अध्यक्षहरूलाई संयमित रहन अनुरोध गरेका छन् ।

 

यसैबीच, कार्यवाहक नगरप्रमुख अम्बेया खातुनसँग बुझ्दा उनले उक्त विषयमा कार्यपालिका बैठक बस्न तयारी रहेको बताइन् । तर “सबै निर्णय पारदर्शी रूपमा हुनुपर्छ र शान्ति–सुरक्षाको प्रत्याभूति आवश्यक छ,” उनले भनिन्।

उनका अनुसार, करारमा रहेका कर्मचारीहरूको विषयमा प्रमुख प्रशासकीय अधिकृतलाई नियमअनुसार कार्य गर्न निर्देशन दिइसकिएको छ ।

“संघीय मामिला तथा सरकारको निर्देशन अनुसार नै काम हुनुपर्छ,” कार्यवाहक नगरप्रमुख खातुनले स्पष्ट पारिन् ।

 

राैतहट,कार्तिक २२ गते ।

नेपाली कांग्रेसका वरिष्ठ नेता तथा पूर्वमन्त्री मोहम्मद अफताव आलमको ६३ वर्षको उमेरमा शनिबार निधन भएको छ । उच्च रक्तचाप, सुगरलगायतका स्वास्थ्य समस्या देखिएपछि एक महिनादेखि सिनामंगलस्थित काठमाडौं मेडिकल कलेज (केएमसी) मा उपचाररत रहेका आलमको भेन्टिलेटरमा उपचारका क्रममा निधन भएको हो ।

पारिवारिक स्राेतले पुष्टि गरेकाे छ ।

 

आलमका छोरा राजपुर नगरपालिकाका नगरप्रमुख डा. राजिक आलमका अनुसार डेढ महिना अघि उनलाई भारतको गुरुग्रामस्थित मेदान्त अस्पतालमा उपचारका लागि लगिएको थियो । “त्यहाँ सुधार आएपछि घर ल्यायौं, तर केही समयपछि स्वास्थ्य झनै बिग्रियो,” राजिकले बताए। दशैंअघि उनलाई थप उपचारका लागि पुनः अस्पताल भर्ना गरिएको थियो ।

गएको जेठ १४ गते नख्खु कारागारबाट मुक्त भएका आलमलाई केही दिनमै मस्तिष्कघात भएपछि माइतीघरस्थित अन्नपूर्ण न्युरो अस्पतालमा भर्ना गरिएको थियो । उपचारपछि डिस्चार्ज गरिएका आलमलाई पुरानै समस्या बल्झिएपछि केएमसीमा भर्ना गरिएको थियो।

 

राैतहटका पत्रकार अभिमनु पटेलले आफ्नो सामाजिक संजालमा लेखेका छन् -२०६४ साल चैत २७ गते रौतहटको राजपुरमा भएको बम विस्फोट आरोपमा आलमलाई जिल्ला अदालत रौतहटले जन्मकैदको सजाय सुनाएको थियो । तर उच्च अदालत जनकपुर, अस्थायी इजलास वीरगन्जले उक्त फैसला उल्टाउँदै आलमसहित चार जनालाई सफाइ दिएको थियो । त्यसपछि उनी र उनका भाइ महताब गौर कारागारबाट मुक्त भएका थिए ।

रौतहट क्षेत्र नम्बर २ लाई नेपाली कांग्रेसको बलियो गढ मानिन्छ, जहाँ आलमले लगातार चार पटक प्रतिनिधित्व गरेका थिए । दोस्रो संविधानसभा निर्वाचनमा भने उनी आफ्नै भान्जा मुस्ताक राजासँग पराजित भएका थिए । २०७४ सालमा उनले पुनः सो क्षेत्रबाट जितेर प्रतिनिधि सभा सदस्य बनेका थिए ।

२०३६ सालमा नेपाल विद्यार्थी संघमार्फत राजनीतिमा प्रवेश गरेका आलमले २०३९ सालमा नेविसंघको रौतहट जिल्ला अध्यक्ष भएर राजनीतिक यात्रा अघि बढाएका थिए। त्यसपछि २०४५ सालमा कांग्रेसको जिल्ला सभापति बने र २०५१ सालको उपनिर्वाचनमा पहिलो पटक सांसद निर्वाचित भएका थिए।

राजनीतिक जीवनमा उनले श्रम, वन, स्थानीय विकास र भूमिसुधार मन्त्रालयको जिम्मेवारी सम्हालेका थिए।

आलमका परिवारमा श्रीमती, दुई छोरा—डा. फिरदोस र डा. राजिक (राजपुर नगरपालिकाका नगरप्रमुख)—र एक छोरी छन्। उनका बुवा मोहम्मद सिद्धिक बेदिल र आमाको निधन भइसकेको छ ।

नेपाली कांग्रेसले आलमको निधनलाई पार्टीका लागि ठूलो क्षति भनेको छ। पार्टीका नेता तथा कार्यकर्ताहरूले उनको योगदान र संघर्षको स्मरण गर्दै श्रद्धाञ्जलि अर्पण गरेका छन् ।

आरके श्रीवास्तव,राैतहट,कार्तिक २० गते । 

रौतहट जिल्लाको गरुडा नगरपालिका–५ स्थित झाझपुलमा कार्तिक पूर्णिमाको अवसरमा आयोजित विराट कुस्ती (दंगल) प्रतियोगिता भव्य रुपमा सम्पन्न भएको छ ।

सो प्रतियोगिताको उद्घाटन वडा नं. ५ का वडाध्यक्ष रामबिनोद जैसवालले गरेका थिए । उद्घाटन समारोहमा बोल्दै वडाध्यक्ष जैसवालले परम्परागत कुस्ती खेल हाम्रो सांस्कृतिक पहिचान र गौरवको प्रतीक भएको उल्लेख गर्दै यस्ता प्रतियोगिताले स्थानीय प्रतिभा पहिचान र प्रोत्साहनमा महत्वपूर्ण योगदान पुर्‍याउने बताए । उनले भने, “कुस्ती खेलले युवामा अनुशासन, साहस र आत्मविश्वास विकास गर्छ, त्यसैले यस्ता सांस्कृतिक तथा खेलकुदमूलक कार्यक्रमलाई निरन्तरता दिनु आवश्यक छ।”

कार्तिक कुवर मेला झाझपुल, रौतहटद्वारा आयोजित सो प्रतियोगितामा विभिन्न ठाउँबाट आएका पहलवानहरूले भाग लिएका छन् । कार्यक्रमस्थलमा स्थानीय बासिन्दा, खेलप्रेमी र सांस्कृतिक उत्सवमा सहभागी दर्शकहरूको ठूलो भीड रहेको थियो ।

आयोजक समितिका अनुसार यो प्रतियोगिता बिहिवार  सम्पन्न भएको छ । अन्तिम दिनमा विजेता पहलवानहरूलाई पुरस्कार तथा सम्मानपत्र वितरण गरिएकाे थियोे ।

सो दंगलले झाझपुल क्षेत्रको सांस्कृतिक उत्सव र खेलकुदको माहोललाई झनै जीवन्त बनाएको सहभागीहरूले बताएका छन् ।

बज्जिकाञ्चल संवाददाता,राैतहट,कार्तिक २० गते ।
रौतहटको कटहरिया नगरपालिकामा करार र ज्यालादारीका कर्मचारीहरूले तलब–भत्ताको बक्यौता भुक्तानीको माग गर्दै नौ दिनदेखि आन्दोलन जारी राखेका छन् । असन्तुष्ट कर्मचारीहरूले बिहीबार टायर बालेर प्रदर्शन गरेका छन् र “पिडित कर्मचारीलाई दुःख दिन पाइँदैन, असक्षम मेयर राजिनामा देउ, करार कर्मचारीलाई हेप्न पाइँदैन” जस्ता नारा लगाएका थिए ।
कर्मचारीहरूले वडा नं. १ देखि ९ सम्मका सबै वडा कार्यालयहरू साथै नगरपालिकाको मुख्य कार्यालयमा तालाबन्दी गर्दै कार्यालय परिसरमै धर्ना दिइरहेका छन् । लगातारको तालाबन्दीका कारण नगरपालिकाका जनसाधारणका महत्वपूर्ण कामहरू ठप्प भएका छन् । नागरिकता सिफारिस, राजस्व संकलन लगायतका सेवा रोकिँदा स्थानीय बासिन्दा निकै मर्कामा परेका छन् ।
कर्मचारीहरूले लामो समयदेखि काम गरे पनि तलब र भत्ता नपाएको गुनासो गर्दै बक्यौता रकम तत्काल भुक्तानी गर्न माग गरेका छन् । उनीहरूले माग पूरा नभएसम्म आन्दोलन जारी रहने चेतावनी पनि दिएका छन् ।
नगरपालिकाले भने समस्या समाधानका लागि पहल भइरहेको जनाउँदै छिट्टै समझदारीमा पुग्ने विश्वास व्यक्त गरेको छ ।
नगर प्रमुख अजय प्रकाश जयसवालसँग सम्पर्क गर्ने प्रयास गर्दा सम्पर्क हुन नसकेको जनाइएको छ । प्रमुख प्रशासकीय अधिकृत गणेश नेपालीले आफू विदामा रहेको बताउँदै भने, “मेयर साहेबलाई अर्को व्यवस्था गर्न भनिसकेको छु।”
स्थानीयहरूले भने कर्मचारीको आन्दोलन र नगरपालिकाको निष्क्रियताले जनजीवन प्रभावित भएको भन्दै छिटो समाधानको माग गरेका छन् ।

आरके श्रीवास्तव,राैतहट,कार्तिक १९ गते ।
रौतहटको कटहरिया नगरपालिकामा करार र ज्यालादारीका कर्मचारीहरूले तलब–भत्ताको बक्यौता भुक्तानीको माग गर्दै सुरु गरेको तालाबन्दी बुधबार आठौं दिनमा पुगेको छ ।
तलबभत्ता नपाएपछि असन्तुष्ट कर्मचारीहरूले वडा नं. १ देखि ९ सम्मका सबै वडा कार्यालयहरू तथा नगरपालिकाको मुख्य कार्यालयमा तालाबन्दी गर्दै कार्यालय परिसरमै धर्ना दिएका छन् ।
लगातारको तालाबन्दीका कारण नगरपालिकाका जनसाधारणका धेरै महत्वपूर्ण कामहरू ठप्प भएका छन् । नागरिकता, सिफारिस,राजस्व संकलनलगायतका सेवा रोकिँदा स्थानीय बासिन्दा निकै मर्कामा परेका छन् ।
कर्मचारीहरूले आफूहरूले लामो समयदेखि काम गर्दा पनि तलब र भत्ता नपाएको गुनासो गर्दै बक्यौता रकम तत्काल भुक्तानी गर्न माग गरेका छन् । उनीहरूले माग पूरा नभएसम्म आन्दोलन जारी रहने चेतावनी दिएका छन् ।
नगरपालिकाले भने समस्या समाधानका लागि पहल भइरहेको जनाउँदै छिट्टै समझदारीमा पुग्ने विश्वास व्यक्त गरेका छन् ।
स्थानीयहरूले भने तालाबन्दीका कारण दैनिक सेवा प्रभावित हुँदा समस्या चाँडो समाधान होस् भन्ने आग्रह गरेका छन् ।

आरके श्रीवास्तव,राैतहट,कार्तिक १९ गते ।
राैतहटकाे फतुवा बिजयपुर नगरपालिका–१०, दुधिअवास्थित श्री माध्यमिक विद्यालयमा ७ करोड १० लाख रुपैयाँको लागतमा निर्माण भएको नयाँ सुविधा सम्पन्न तीन तले नमूना भवनको बुधबार उद्घाटन गरिएको छ ।
भवनको भौतिक निर्माणका लागि ५ करोड ५० लाख रुपैयाँ विनियोजन गरिएकोमध्ये ४ करोड १ लाख ४९ हजार ९८२ रुपैयाँ ४ पैसा खर्च भएको शिक्षक रञ्जन खरेलले जानकारी दिनुभयो ।
कार्यक्रमकी प्रमुख अतिथि तथा फतुवा बिजयपुर नगरपालिकाकी कार्यवाहक नगरप्रमुख अम्बेया खातुनले विद्यालयमा निर्मित नमूना भवनले विद्यार्थीको सिकाइ वातावरण सुधारमा ठुलो योगदान पुर्‍याउने विश्वास व्यक्त गर्नुभयो। उहाँले भन्नुभयो, “शिक्षा क्षेत्रको गुणस्तर बढाउन गर्न पूर्वाधार निर्माण महत्वपूर्ण छ, अब यस भवनमार्फत विद्यार्थीले अझ सहज र सुरक्षित वातावरणमा अध्ययन गर्न पाउने छन्।”
कार्यक्रमका विशिष्ट अतिथि तथा प्रमुख प्रशासकीय अधिकृत भरत प्रसाद यादवले भवन निर्माणमा देखाएको पारदर्शिता र सामुदायिक सहभागिताको प्रशंसा गर्नुभयो । उहाँले थप्नुभयो, “नगरपालिकाले शिक्षा क्षेत्रमा प्राथमिकता दिएको प्रमाण नै यो भवन हो, यसले नगरपालिका स्तरमै आदर्श परियोजना बन्नेछ।”
उद्घाटन कार्यक्रममा साे वडाका वडा अध्यक्ष मञ्जय चाैधरी, बिद्यालयका प्रधानाध्यापक, विद्यालय व्यवस्थापन समिति, अभिभावक, स्थानीय जनप्रतिनिधि र विद्यार्थीहरूको उल्लेखनीय उपस्थिति रहेको थियो ।

आरके श्रीवास्तव,राैतहट,१८ गते कार्तिक ।
रौतहटको कटहरिया नगरपालिकामा करार र ज्यालादारीका कर्मचारीहरूले तलब–भत्ताको माग गर्दै सुरु गरेको आन्दोलन सातौं दिनमा पुगेको छ । तलब–भत्ता बक्यौता भुक्तानी नहुँदा असन्तुष्ट कर्मचारीहरूले बुधबारदेखि वडा नं. १ देखि ९ सम्मका सबै वडा कार्यालय र नगरपालिकाको मुख्य कार्यालयमा तालाबन्दी गरी धर्ना कार्यक्रम जारी राखेका छन् ।
नगरपालिकाको कटहरिया–६ स्थित फत्तेपुर आधारभूत स्वास्थ्य चौकीमा कार्यरत कर्मचारी रामविनोद राय यादवले भने, “पहिलो चरणको आन्दोलनमा आश्वासन पाएर रोकिएका थियौं, तर यसपालि भने निर्णायक आन्दोलनका लागि निस्किएका हौं।”
कर्मचारी प्रमोद कुमार गुप्ताले अधिकांश कर्मचारीको दुई वर्षभन्दा बढीको तलब बाँकी रहेको बताए। “मेरो करिब तीन वर्षको तलब बाँकी छ,” उनले भने, “अब हामी तलब पाएरै छाड्छौं।”
त्यसैगरी, रामानन्द पासवानले नगरपालिकाले कर्मचारीको दुःखप्रति गम्भीरता नदेखाएको भन्दै असन्तुष्टि जनाए । “झुठा आश्वासन मात्रै पायौं,” उनले भने। रञ्जित कुमार रामले भने, “मेरो २८ महिनाको तलब बाँकी छ, तर नगर प्रमुख अजयप्रकाश जयसवालको कुनै अत्तोपत्तो छैन।”
कटहरिया–८ मा कार्यरत मुकुन्द यादवले आन्दोलनको मूल कारण नै नगर प्रमुख भएको आरोप लगाए। “सबै समस्या जयसवालकै कारण भएको हो, अब उहाँले नै यसको समाधान गर्नुपर्छ,” उनले बताए।
कर्मचारी मुकेश कुशवाहाले भने, “मेयर साहेबले तिहारअघि तलब दिने भनेर प्रतिबद्धता गर्नुभयो, तर अहिलेसम्म पाएका छैनौं।”
उता, कटहरिया नगरपालिका वडा नं. ८ का वडा अध्यक्ष समिश विक्रम शाहले पनि आन्दोलनरत कर्मचारीप्रति समर्थन जनाएका छन् । उनले भने, “गत वर्ष पनि तलब दिने निर्णय भएको थियो, तर कार्यान्वयन भएन् । हाकिमविहीन नगरपालिका छ अहिले । हामी पनि कर्मचारीको मागमा साथ छौं।”
तालाबन्दीका कारण अहिले नगरपालिकाका अधिकांश प्रशासनिक कार्यहरू ठप्प भएका छन् । नागरिकका महत्त्वपूर्ण काम प्रभावित भएका छन् । वडा अध्यक्ष शाहले समस्या चाँडो समाधान होस् भनेर आग्रह गरेका छन् ।
यस विषयमा प्रतिक्रिया लिन नगर प्रमुख अजयप्रकाश जयसवाललाई सम्पर्क गर्ने प्रयास गर्दा उनको मोबाइल स्विच अफ रहेको पाइएकाे छ ।

 

आरके श्रीवास्तव,रौतहट,१७ गते कार्तिक । 

रौतहटको कटहरिया नगरपालिकामा करार तथा ज्यालादारीका कर्मचारीहरूले सुरु गरेको तालाबन्दी सोमबार पनि जारी रह्यो । तालाबन्दीको छैठौं दिनमा पुगेको आन्दोलनमा आज नगरका वडाअध्यक्ष, वडा सदस्य र कार्यपालिका सदस्यहरूले समेत ऐक्यबद्धता जनाउँदै आन्दोलनरत कर्मचारीहरूको पक्षमा उभिएका छन् ।

 

कर्मचारीहरूले माग गरेका बक्यौता तलबभत्ता तत्काल भुक्तानी गर्नुपर्नेमा जनप्रतिनिधिहरू पनि एकमत भएका छन् । उनीहरूको भनाइमा, तलबभत्ता नपाउँदासम्म तालाबन्दी र आन्दोलन जारी रहनेछ ।

 

सोमबारको ऐक्यबद्धता कार्यक्रममा वडा नं. १ का अध्यक्ष भूपेन्द्र महतो, वडा नं. २ का अध्यक्ष हरिन्द्र साह, वडा नं. ३ का अध्यक्ष श्यामाकान्त यादव, वडा नं. ४ का अध्यक्ष चन्दन कुशवाहा, वडा नं. ५ का अध्यक्ष सर्फलाल गुप्ता, वडा नं. ६ का अध्यक्ष जयराम चौधरी, वडा नं. ७ का अध्यक्ष सहिद मियाँ धोबी, वडा नं. ८ का अध्यक्ष समिश बिक्रम शाह, साथै वडा सदस्य रामेश्वर राय यादव र कार्यपालिका सदस्य मनोज जयसवाल उपस्थित थिए ।

कर्मचारीहरूले बुधबारदेखि नगरपालिका मातहतका सबै ९ वटा वडा कार्यालयहरू र नगरपालिकाको केन्द्रिय कार्यालयमा तालाबन्दी गर्दै दैनिक धर्ना दिइरहेका छन् । उनीहरूले भनेका छन्, “विगतमा भएको आन्दोलनपछि दिपावली र छठअघि बाँकी तलबभत्ता भुक्तानी गर्ने लिखित आश्वासन दिइए पनि कार्यान्वयन नभएकाले हामी बाध्य भएर फेरि आन्दोलनमा उत्रिएका हौं।”

 

कर्मचारीहरूले लामो समयदेखि सेवा दिँदै आएको भए पनि पारिश्रमिक नपाउँदा उनीहरूको दैनिकी प्रभावित भएको गुनासो गरेका छन् ।

 

यसबीचमा, नगरपालिकाका प्रमुख प्रशासकीय अधिकृत गणेश नेपालीलाई मन्त्रालयले फिर्ता बोलाएपछि कार्यालय प्रमुख बिहीन बनेको छ । आन्दोलनरत कर्मचारी र जनप्रतिनिधिहरूले भनेका छन्— “समस्या समाधानका लागि नयाँ प्रशासकीय अधिकृत पठाइनु आवश्यक छ।”

 

संघीय मामिला तथा सामान्य प्रशासन मन्त्रालयलाई पनि यथासिघ्र नयाँ कार्यालय प्रमुख खटाई तालाबन्दीको समस्या समाधान गर्न आग्रह गरिएको छ ।

 

यसअघि पनि कर्मचारीहरूको आन्दोलनका क्रममा कटहरिया नगरपालिकाका पूर्व नगरप्रमुख सियाराम कुशवाहाले ऐक्यबद्धता जनाएका थिए ।

 

तालाबन्दीका कारण नगरपालिकाका सेवा–सुविधा प्रभावित भएका छन् भने सेवाग्राहीहरू समस्या झेलिरहेका छन् । कर्मचारी र जनप्रतिनिधिहरूले भने भनेका छन्— “तलबभत्ता उपलब्ध नगराइएसम्म आन्दोलन जारी रहनेछ।”

 

रौतहट, १७ कात्तिक ।
आम जनता पार्टी (आजपा)ले बाढीपीडित किसान एवं सर्वसधारणलाई राहत तथा मुअब्जा उपलब्ध गराउन प्रधानमन्त्री सुशीला कार्की नेतृत्वको सरकारसंग माग गरेको छ ।

आजपा रौतहट क्षेत्र नंं. १ क्षेत्रिय कमिटीले आज (सोमबार) रौतहट जिल्ला प्रशासन कार्यालय मार्फत प्रधानमन्त्री तथा मन्त्रीपरिषद कार्यालयलाई ज्ञापनपत्र बुझाउदै बाढीपीडितलाई न्याय र किसानलाई राहत तथा मुअब्जा उपलब्ध गराउन माग गरेको छ ।

रौतहटका सहायक प्रमुख जिल्ला अधिकारी किरणनीति तिवारीलाई आजपाले ज्ञापनपत्र बुझाउदै बाढीपीडितलाई न्याय तथा किसानलाई राहत एवं मुअब्जा उपलब्ध नगराए आन्दोलनमा उत्रिने चेतावनी समेत दिएको छ ।

आजपा निकट आम उधोग बाणिज्य संघका केन्द्रीय अध्यक्ष एवं नेता साजन जयसवालको नेतृत्वमा ज्ञापनपत्र बुझाउन गएको टोलीले आफूहरुको माग यथासिघ्र सम्बोधन गर्न माग गर्दै किसान एवं सर्वसधारणलाई न्याय दिने कार्यमा ढिलाई भए आन्दोलनमा उत्रिने चेतावनी दिएको हो ।

‘हालैको बाढी र अबिरल वर्षाका कारण जिल्लाका विभिन्न गाउँहरू डुबानमा परेका छन् । धेरै किसानहरूको खेतबारी, बाली, घर र पशु सम्पत्ति नष्ट भएको छ । बाढीपीडितहरू अस्थायी टहरामा बस्न बाध्य भएका छन् र खाद्यान्न, लत्ताकपडा र औषधिको अभावमा कष्टकर जीवन व्यतित गर्दैछन् । यस्तो अवस्थामा सरकारले न्याय दिनुपर्ने हाम्रो माग हो,’ आजपा सचिवालय सदस्य समेत रहेका जयसवालले जनाएका छन् ।

यस गम्भीर परिस्थितिमा आम नागरिकको पीडा र किसानको दुःखलाई सम्बोधन गर्न आजपाले “बाढीपीडित राहत र किसान मुआब्जा पदयात्रा” कार्यक्रम सञ्चालन गरेको थियो ।

बाढीपीडित परिवारलाई तत्काल खाद्यान्न, लत्ताकपडा र स्वास्थ्य सामग्री वितरण गर्नुपर्ने, क्षति पुगेका किसानहरूलाई उचित मुल्यांकन गरी तत्काल मुआब्जा दिनुपर्ने, प्रभावित क्षेत्रमा कृषि ऋण स्थगन र ब्याज माफीको व्यवस्था गर्नुपर्ने, बाढी नियन्त्रण र राहत वितरणमा पारदर्शिता सुनिश्चित गर्नुपर्ने माग आजपाको छ ।

यसैगरी दीर्घकालीन समाधानका लागि नदी तटबन्ध र जलनिकास प्रणाली सुधार गर्नुपर्ने लगायतका माग आजपाले सरकारसंग गरेको छ । आजपा नेताहरु अमित साह, श्रीभगवान पटेल, अनिल झा, जयलाल महतो, दिनेश सहनी, कात्र्तिक जयसवाल, राजेश साह, महेश यादव लगायतका नेता जिल्ला प्रशासन कार्यालय गौरमा ज्ञापनपत्र बुझाउन पुगेका थिए ।

आरके श्रीवास्तव,राैतहट,१७ गते कार्तिक ।
राैतहटकाे गुजरा नगरपालिकामा लामो समयपछि नयाँ प्रमुख प्रशासकीय अधिकृत नियुक्त भएका छन् । उप–सचिव शान्ति विश्वकर्माले आज एक विशेष समारोहबीच प्रमुख प्रशासकीय अधिकृतको जिम्मेवारी औपचारिक रूपमा ग्रहण गर्नुभएको हो ।
नगरप्रमुख सन्तलाल चौधरीले नव प्रमुख प्रशासकीय अधिकृत विश्वकर्मालाई हार्दिक स्वागत गर्दै सफल कार्यकालको शुभकामना व्यक्त गर्नुभयो । उहाँले भन्नुभयो, “गुजरा नगरपालिकामा लामो समयदेखि प्रमुख प्रशासकीय अधिकृतको अभावका कारण प्रशासनिक कामकाज प्रभावित हुँदै आएको थियो । अब शान्ति विश्वकर्माको नेतृत्वमा नगरपालिका पुनः गति लिनेछ भन्ने विश्वास छ।”
लामो समयदेखि प्रमुख प्रशासकीय अधिकृत नहुँदा नगरपालिकाका कर्मचारीहरूले तलब–भत्ता समेत पाउन नसक्ने अवस्था सिर्जना भएको थियो । यसले नियमित सेवासुविधा र विकास निर्माणका कामहरूमा समेत असर पारेको थियो । दशैं, तिहार र छठ जस्ता प्रमुख पर्वहरूमा समेत कर्मचारीहरूले तलब नपाएका कारण असहज परिस्थितिको सामना गर्नुपरेको बताइन्छ ।
नगरप्रमुख चौधरीले नगरपालिकाको तर्फबाट विश्वकर्मालाई पूर्ण सहयोग र सहकार्यका लागि प्रतिबद्धता जनाउँदै धन्यवाद व्यक्त गर्नुभयो ।
उक्त कार्यक्रममा नगर कार्यपालिकाका पदाधिकारी, जनप्रतिनिधि तथा कर्मचारीहरूको उपस्थितिमा नयाँ प्रमुख प्रशासकीय अधिकृतले पदभार ग्रहण गर्नुभएको हो ।

आरके श्रीवास्तव,राैतहट,१६ गते कार्तिक । 

राैतहटकाे फतुवा विजयपुर नगरपालिकामा कागजी प्रक्रिया नमिलाई कानुन विपरीत भुक्तानी गर्न दबाब दिइएको भन्दै कार्यवाहक नगरप्रमुख अम्बेया खातुन, प्रमुख प्रशासकीय अधिकृत भरत यादव र लेखा प्रमुख कामेश्वर सहनीले आपत्ति जनाएका छन् । उनीहरूले कानुनी प्रक्रिया अनुसार मात्र भुक्तानी गर्न सकिने भन्दै सामाजिक सञ्जालमार्फत आफूहरूलाई बदनाम गर्ने प्रयास भएको दाबी गरेका छन् ।

नगरपालिकाका अनुसार २० लाख र १० लाख गरी जम्मा ३० लाख रुपैयाँ बराबरका एउटै प्रकृतिका कामहरूलाई टुक्रा पारेर गरिएको र ती कार्यहरू सन्तोषजनक नभएको बुझिएको छ । नगरस्तरीय बजेटबाट सो काम गरिए पनि आवश्यक कागजी प्रक्रिया पूरा नगरिएकाले भुक्तानी रोकिएको बताइएको छ ।

टावर लाइटका सप्लायर ललित श्रीवास्तवले भने सबै कागजात दुरुस्त रहेको दाबी गर्दै करिब छ महिनादेखि भुक्तानी रोकिएको भन्दै असन्तोष व्यक्त गरेका छन् । उनका अनुसार आफूले तोकिएको कार्य सम्पन्न गरी सबै प्रमाणसहित बिल पेश गरेको भए पनि इन्जिनियरदेखि हाकिम र लेखापालले अनावश्यक ढिलाइ गरेको आरोप लगाएका छन् ।

तर नगरपालिका प्रशासनले श्रीवास्तवका आरोप अस्वीकार गर्दै, “कागजी प्रक्रिया पूरा नगरी भुक्तानी गर्न नमिल्ने कानुनी व्यवस्था छ,” भन्दै उनले हाकिम, लेखापाल, इन्जिनियर, जिन्सी शाखा र कार्यवाहक मेयर अम्बेया खातुनका श्रीमान् मोहमद सेराज आलमलाई समेत नाम जोडेर बदनाम गर्न खोजेको बताएका छन्।

लेखापाल कामेश्वर सहनीले भने, “नगरपालिकाको लेखा प्रणाली पारदर्शी छ । कुनै पनि भुक्तानी कानुन विपरीत गर्न सकिँदैन । सबै कागजात दुरुस्त भएपछि मात्रै भुक्तानी हुनेछ,” भने।

त्यस्तै कार्यवाहक मेयर अम्बेया खातुनका श्रीमान् मोहमद सेराज आलमले पनि आफूलाई अन्यायपूर्वक विवादमा तानिएको बताएका छन् । उनले भने, “म कुनै निर्णय प्रक्रियामा संलग्न छैन् । राजनीतिक वा व्यक्तिगत लाभका लागि मेरो नाम प्रयोग गरी बदनाम गर्ने प्रयास भएको छ।”

नगरपालिकाले सो विवादका सम्बन्धमा आन्तरिक समीक्षा अघि बढाएको र आवश्यक परे कानुनी प्रक्रिया अघि बढाइने जनाएको छ ।

 

आरके श्रीवास्तव,राैतहट,१५ गते कार्तिक ।
राैतहटको कटहरिया बहुमुखी क्याम्पसमा केही दिनदेखि चलेको विवाद अन्ततः स्थानीय भद्रभलादमी र सुरक्षाकर्मीहरूको सक्रिय पहलमा साम्य भएको छ ।
आय–व्यय प्रस्तुत गर्ने बेला क्याम्पसमा झडप हुने सम्भावना देखिएपछि त्यहाँ उपस्थित सम्पूर्ण पक्ष — आन्दोलनरत युवाहरू,वडा अध्यक्ष, प्राध्यापक तथा शिक्षक वर्ग, राजनीतिक दलका प्रतिनिधि, सुरक्षाकर्मी, सञ्चारकर्मी, सञ्चालक समिति सदस्य तथा अभिभावकहरूबीच आपसी छलफल गरी अवस्था नियन्त्रणमा ल्याइएको हो ।
युवाहरुको मागअनुसार अब क्याम्पसको आय–व्यय विवरण आधिकारिक वेबसाइटमार्फत सार्वजनिक गरिने निर्णय गरिएको छ । बैठकपछि जानकारी दिँदै प्राध्यापक जयमंगल प्रसाद साहले आर्थिक वर्ष २०८०/८१ र २०८१/८२ का आम्दानी र खर्च विवरण वेबसाइटमा राख्ने निर्णय सर्वसम्मत रूपमा पारित गरिएको बताए । उनका अनुसार, प्रस्तुत विवरणबारे चित्त नबुझेमा कटहरिया नगरपालिकाको शिक्षा शाखा वा सम्बन्धित निकायमा औपचारिक रूपमा गुनासो गर्न सकिने व्यवस्था मिलाइएको छ ।
बैठकपछिकाे निर्णयमा युवाहरूले समेत सहमति जनाउँदै हस्ताक्षर समेत गरेका छन् ।
क्याम्पस प्रमुख गजेन्द्र प्रसाद यादवले विवाद समाधानका लागि सबै पक्षले देखाएको संयम र जिम्मेवारीप्रति धन्यवाद व्यक्त गर्दै भने, “हाम्रो प्राथमिकता शैक्षिक वातावरणलाई स्थिर र पारदर्शी बनाउने हो । अबदेखि सबै आर्थिक विवरण खुला रूपमा सार्वजनिक गरिनेछ, ताकि कुनै भ्रम वा अविश्वास नरहोस्।”
त्यस्तै, क्याम्पसका लेखाप्रमुख रामनिवास यादवले भने, “आर्थिक विवरणहरू यथासक्य शीघ्र वेबसाइटमा अपलोड गरिनेछ । सबै आय–व्यय प्रमाणसहित अभिलेख सुरक्षित रूपमा राखिएका छन्, जसले क्याम्पसको वित्तीय पारदर्शिता सुनिश्चित गर्नेछ।”
बैठकले यस सूचना विपरीत कुनै पनि हुलदंगा वा अराजक गतिविधि भएमा कानुन बमोजिम कडा कारबाही गरिने चेतावनी पनि दिएको छ ।
आय–व्यय प्रस्तुत गर्ने क्रममा क्याम्पस परिसरमा झडपको अवस्था सिर्जना भएको थियो । स्थिति जटिल बन्दै जाँदा गाउँगाउँबाट धेरै संख्यामा सर्वसाधारण क्याम्पस परिसरमा भेला भएका थिए, जसका कारण सुरक्षाकर्मीहरू उच्च सतर्कतामा रहेका थिए ।

आरके श्रीवास्तव,राैतहट,कार्तिक १४ गते ।
मधेस प्रदेश सरकारका निवर्तमान अर्थमन्त्री सुनिलकुमार यादव (जितेन्द्र) ले आज नेपाली काँग्रेसका नेता तथा कार्यकर्ताहरूसँग भेटघाट गरेका छन् । उनले कटहरिया र जमुनिया लगायतका स्थानहरूमा पुगेर स्थानीय नेताहरूसँग समसामयिक राजनीतिक अवस्था, विकासका प्राथमिकता र पार्टी सुदृढीकरणका विषयमा छलफल गरेका हुन् ।

भेटका क्रममा अर्थमन्त्री यादवले प्रदेश सरकारमा रहेर आर्थिक पारदर्शिता, समावेशी विकास र मधेस प्रदेशको आर्थिक सशक्तीकरणका लागि गरेका कामहरूको जानकारी दिएका थिए । उनले आगामी दिनमा पनि जनताका समस्या समाधानमा आफू सधैं प्रतिबद्ध रहने बताएका छन् ।

सो क्रममा यादवले कटहरिया वडा नं. २ निवासी प्रहरी हवलदार विजय राय यादव सँग पनि भेट गरेका थिए । साथै, भेटघाट कार्यक्रममा नेपाली काँग्रेसका क्षेत्रीय सभापति तथा कटहरिया नगरपालिका वडा नं. ५ का वडा अध्यक्ष सर्फलाल गुप्ता, नेता राकेश गिरी, महादेव साह लगायतका स्थानीय नेता तथा कार्यकर्ताहरूको उपस्थिति रहेको थियो ।

अर्थमन्त्री यादवले भेटघाटका क्रममा पार्टीभित्र एकता र जनताप्रति उत्तरदायित्वलाई प्राथमिकता दिन सबैलाई आग्रह गरेका थिए ।

बज्जिकाञ्चल संवाददाता,राैतहट,कार्तिक १४ गते ।
राैतहटको कटहरिया नगरपालिका–४ मा रहेको दलित प्राथमिक विद्यालय बिहीबारदेखि तालाबन्दी गरिएको छ । शुक्रबारसम्म तालाबन्दीको दोस्रो दिन पुगेको छ भने विद्यालयको पठनपाठन ठप्प भएको छ ।
स्थानीय लालबाबु दासका अनुसार विद्यालयमा वित्तीय अनियमितता र पारदर्शिताको अभावका कारण स्थानीयहरूले तालाबन्दी गरेका हुन् । उनकाे भनाइमा विद्यालयका जिम्मेवारहरूले लेखा–जोखा माग्दा पनि विवरण नदिएपछि तालाबन्दी गर्नुपरेको हो । “विद्यालयमा करिब १६ लाख रूपैयाँ हिनामिना भएको आशंका छ,” दासले भने, “हामीले हिसाब माग्दा नदिएको र स्थायी शिक्षक माग समेत पूरा नभएकाले तालाबन्दी गर्न बाध्य भयौं।”
उता कटहरिया नगरपालिकाका शिक्षा सह–संयोजक सुरेन्द्र ठाकुरले तालाबन्दी खुलाउन पहल भइरहेको बताए । “छात्रवृत्तिसम्बन्धी विषयमा तालाबन्दी गरिएको बुझिएको छ,” उनले भने, “हामी विद्यालय सञ्चालन सामान्य बनाउन प्रयासरत छौं।”
तालाबन्दीका कारण विद्यालयका विद्यार्थीहरू निरन्तर पठनपाठनबाट वञ्चित भएका छन् । स्थानीय अभिभावकहरूले विद्यालयमा देखिएको विवाद छिटो समाधान गर्न सम्बन्धित निकायको ध्यानाकर्षण गराएका छन् ।

आरके श्रीवास्तव,रौतहट, कार्तिक १४ गते । 

रौतहटको कटहरिया नगरपालिकामा करार र ज्यालादारीका कर्मचारीहरूले सुरु गरेको तालाबन्दी शुक्रबार तेस्रो दिन पनि जारी रहेको छ । तलबभत्ता बक्यौता भुक्तानी नहुँदा असन्तुष्ट कर्मचारीहरूले बुधबारदेखि नगरपालिका मातहतका वडा नं. १ देखि ९ सम्मका सबै वडा कार्यालय तथा नगरपालिका कार्यालयमा तालाबन्दी गरेका हुन् ।

कर्मचारीहरूले विगतमा गरेको आन्दोलनका क्रममा दिपावली र छठ पर्व अगावै बाँकी तलबभत्ता भुक्तानी गर्ने नगरपालिकाको लिखित आश्वासन कार्यान्वयन नहुँदा पुनः आन्दोलनमा उत्रिनुपरेको बताएका छन् । उनीहरूको भनाइमा लामो समयदेखि सेवा दिँदै आए पनि पारिश्रमिक नपाउँदा दैनिक जीवन नै प्रभावित भएको छ ।

२०८२ कार्तिक १२ गते बसेको कर्मचारीहरूको बैठकले शान्तिपूर्ण रूपमा तालाबन्दी र “धारणा कार्यक्रम” अगाडि बढाउने निर्णय गरेको थियो । सो निर्णयअनुसार उनीहरूले औपचारिक रूपमा कटहरिया नगरपालिकाका कार्यालय प्रमुखलाई ज्ञापनपत्र बुझाएका छन् भने बोधार्थका लागि जिल्ला प्रशासन कार्यालय रौतहट, जिल्ला समन्वय समिति रौतहट, तथा वडा नं. १ देखि ९ का वडा कार्यालयहरूमा पनि ज्ञापनपत्र पठाइएको छ ।

कर्मचारीहरूको आन्दोलनमा कटहरिया नगरपालिकाका पूर्व नगरप्रमुख सियाराम कुशवाहाले पनि ऐक्यबद्धता जनाएका छन् । उनले करार तथा ज्यालादारी कर्मचारीहरूको तलबभत्ता तुरुन्त उपलब्ध गराउन नगरपालिकालाई आग्रह गर्दै “काम गरेको पारिश्रमिक पाउनु त उनीहरूको अधिकार हो” भन्ने अभिव्यक्ति दिएका छन् ।

यस विषयमा बुझ्न कटहरिया नगरपालिकाका कार्यालय प्रमुख गणेश नेपालीलाई सम्पर्क गर्ने प्रयास गर्दा फोन उठाइएन् ।

कर्मचारीहरूले चेतावनी दिएका छन् — जबसम्म बक्यौता तलबभत्ता भुक्तानी हुँदैन, उनीहरूको शान्तिपूर्ण आन्दोलन निरन्तर रहनेछ ।

हनुमत यादव,गाैर,कार्तिक १४ गते ।

रौतहटसहित देशका विभिन्न क्षेत्रमा परिरहेको लगातार वर्षाले किसानहरू चिन्तित बनेका छन् । काटेर सुकाउन राखिएको पाकेको धान निरन्तर झरीले भिजेपछि खेतमै उम्रिन थालेको छ, जसले धान उत्पादनमा ठूलो क्षति पुर्‍याउने आशंका बढाएको छ ।

 

बिहीबार देखि सुरु भएको वर्षा रोकिएन,शुक्रबार बिहानदेखि पुनः लगातार झरी परेपछि किसानहरू धान जोगाउने उपाय खोज्दै खेतमै दौडिरहेका छन् । समयमै सुकाउन नपाएको धान भिजेपछि खराब हुन थालेको किसानहरूको गुनासो छ ।

 

गत बाढीले नै अघिल्लो बालीमा ठूलो नोक्सानी पुर्‍याइसकेको अवस्थामा हालको लगातार वर्षाले बाँकी उत्पादन पनि जोखिममा पारेको छ । किसानहरू भन्छन्, “बचेको धान पनि पानीले भिजेपछि अन्न पाइन्छ कि पाइँदैन भन्ने डर छ। गहुँ, तेलहन र दलहन बाली रोप्ने समय पनि ढिलो हुँदै गएको छ।”

 

रौतहटमा प्रत्येक वर्ष बाढी, सुख्खा र असिनाजस्ता प्राकृतिक विपत्तिका कारण किसानहरू ठूलो क्षतिवाट गुज्रिन बाध्य हुने गरेका छन् । तर सम्बन्धित निकाय र स्थानीय तहबाट प्रभावकारी पहल नहुँदा किसानको समस्या वर्षेनि दोहोरिँदै आएको उनीहरूको आरोप छ।

 

किसानहरूले आगामी केही दिनभित्र मौसम सुधार नभए यस वर्षको धान उत्पादनमा ठूलो गिरावट आउने चेतावनी दिएका छन् ।

बज्जिकाञ्चल संवाददाता,राैतहट,कार्तिक १३ गते । 

रौतहटको कटहरिया नगरपालिकामा करार र ज्यालादारीका कर्मचारीहरूले बुधबारदेखि सुरू गरेको तालाबन्दी शुक्रबार दोश्रो दिन पनि जारी राखेका छन् । तलबभत्ता बक्यौता भुक्तानी नहुँदा असन्तुष्ट कर्मचारीहरूले नगरपालिका मातहतका वडा नं. १ देखि वडा नं. ९ सम्मका सबै वडा कार्यालयहरूमा तालाबन्दी गर्दै नगरपालिका कार्यालयसमेत बन्द गरेका हुन् ।

कर्मचारीहरूले विगतमा गरेको आन्दोलनका क्रममा नगरपालिकाले दिपावली र छठ पर्व अगावै बाँकी तलबभत्ता भुक्तानी गर्ने लिखित आश्वासन दिएको भए पनि त्यो कार्यान्वयन नहुँदा पुनः आन्दोलनमा उत्रिनुपरेको बताएका छन् ।

२०८२ कार्तिक १२ गते बसेको कर्मचारीहरूको बैठकले शान्तिपूर्ण रूपमा तालाबन्दी र “धारणा कार्यक्रम” अगाडि बढाउने निर्णय गरेको थियो । सो निर्णयअनुसार उनीहरूले औपचारिक रूपमा कटहरिया नगरपालिकाका कार्यालय प्रमुखलाई ज्ञापनपत्र बुझाएका छन् । साथै, बोधार्थका लागि जिल्ला प्रशासन कार्यालय रौतहट, जिल्ला समन्वय समिति रौतहट, तथा वडा नं. १ देखि ९ का वडा कार्यालयहरूमा पनि ज्ञापनपत्र पठाइएको छ ।

कर्मचारीहरूको भनाइमा, “हामीले लामो समयदेखि नगरपालिकाको सेवा सुम्पिँदै आएका छौं, तर तलबभत्ता नपाउँदा दैनिक जीवन प्रभावित भएको छ। जबसम्म बक्यौता रकम भुक्तानी हुँदैन, हामी शान्तिपूर्ण आन्दोलन जारी राख्नेछौं।”

यस विषयमा बुझ्न कटहरिया नगरपालिकाका कार्यालय प्रमुख गणेश नेपालीलाई सम्पर्क गर्न खोज्दा फोन उठाइएको छैन।

आरके श्रीवास्तव,राैतहट,असाेज २१ गते ।
अबिरल वर्षाका कारण रौतहट जिल्लाका विभिन्न स्थानहरूमा नदी, खोला र नालाहरूमा पानीको प्रवाह कायमै छ । डुबानका कारण जनधनको क्षति समेत भएको पुष्टि गर्दै जिल्ला प्रहरी कार्यालय, रौतहटले सर्वसाधारणलाई सतर्क रहन आग्रह गरेको छ ।
गृह मन्त्रालयअन्तर्गत जिल्ला प्रहरी कार्यालयको सूचना सम्प्रेषण शाखाले असोज २० गते एक सार्वजनिक अनुरोध जारी गर्दै आम जनसमुदायलाई नदि, खोला तथा डुबान सम्भावित स्थानहरूमा जानबाट रोक्न आग्रह गरेको छ । बालबालिका, वृद्धवृद्धा लगायत जोकोही व्यक्तिलाई माछा मार्ने, पौडी खेल्ने, काठ दाउरा संकलन गर्ने जस्ता कार्यका लागि पानीको छेउमा जान दिनु घातक हुनसक्ने भन्दै विशेष सतर्कता अपनाउन भनिएको छ ।
प्रहरीको सूचनामा भनिएको छ, “अबिरल वर्षाको कारणले खानेपानीको मुहान समेत दुषित हुनसक्ने देखिन्छ। सरसफाइको उचित ध्यान नदिए हैजा, झाडापखाला लगायतका रोगहरू फैलिन सक्ने सम्भावना उच्च छ।”
प्रहरी कार्यालयले देवाही गोनाही, राजपुर लगायतका क्षेत्रमा दुर्घटना भइसकेको समेत जनाउँदै जनस्वास्थ्य र सुरक्षाका लागि सजग रहन आह्वान गरेको छ । साथै, यस संकटको बेला धैर्यता र संयमता अपनाउन सम्पूर्ण जनसमुदायमा अपिल गरिएको छ ।
यसबाहेक, जिल्लाबासीलाई यथासक्य घरमै बस्न र सुरक्षाको मापदण्ड पालना गर्न आग्रह गरिएको छ। संचारकर्मीहरूलाई यस जानकारीलाई विभिन्न माध्यमबाट प्रचार-प्रसार गरी आमजनसमुदायमा सूचना पुर्याउन समेत विशेष अनुरोध गरिएको छ ।

आरके श्रीवास्तव,राैतहट,असाेज २१ गते । 

रौतहट जिल्लाको कटहरिया नगरपालिकामा करार तथा ज्यालादारीमा कार्यरत कर्मचारीहरूले लामो समयदेखि तलब भत्ता नपाएको भन्दै आन्दोलनको चेतावनी दिएका छन् ।

 

नगरपालिकाको वडा नं. १ देखि ९ सम्म कार्यरत करार र ज्यालादारी कर्मचारीहरूले कार्यालयमा ज्ञापनपत्र बुझाउँदै बक्यौता तलब तथा सेवा सुविधा तुरुन्त भुक्तानी गर्न माग गरेका छन् ।

ज्ञापनपत्रमा उल्लेख भएअनुसार कर्मचारीहरूले पटक–पटक मौखिक रूपमा तलब भुक्तानीको माग गरे तापनि नगरपालिकाले आश्वासन मात्र दिँदै आएको र समस्याको समाधान नभएको गुनासो गरेका छन् ।

 

उनीहरूले मिति २०८२ असोज २० गते बसेको बैठकको निर्णय पनि पेश गर्दै अब आफूहरू बाध्य भएर आन्दोलनमा जानु परेको बताएका छन् । आन्दोलनका कार्यक्रम अन्तर्गत शान्तिपूर्ण धारणा र वडा तथा नगरपालिका कार्यालय बन्द गरिने उल्लेख गरिएको छ ।

 

यसैबीच, कटहरिया नगरपालिकाका निमित्त प्रमुख प्रशासकीय अधिकृत रामनरेश यादवले कार्यालय प्रमुख गणेश नेपाली विदामा रहेकोले आगामी आइतबार कार्यालय खुलेपछि यस विषयमा निर्णय लिने प्रतिक्रिया दिएका छन् । यादवले आफू तलब भुक्तानीको पक्षमा रहेको स्पष्ट पार्दै, करार तथा ज्यालादारी कर्मचारीहरूको समस्या समाधान हुनुपर्नेमा जोड दिएका छन् ।

 

ज्ञापनपत्र बुझाउनेहरूमा करार कर्मचारी मुकेश कुशवाहा,मुकुन्द यादव सहित तीन दर्जनभन्दा बढी कर्मचारीहरू सहभागी थिए ।

 

तलब भत्ता बक्यौताको विषयले स्थानीय प्रशासन र जनप्रतिनिधिहरूको ध्यान खिच्ने अपेक्षा गरिएको छ । यदि शीघ्र समाधान नभए थप आन्दोलन चर्किने संकेत कर्मचारीहरूले दिएका छन् ।

आरके श्रीवास्तव,राैतहट,असाेज २० गते । 

अविरल वर्षाका कारण मौलापुर, सोनारनिया हुँदै हरनहिया–कलैया जोड्ने प्रमुख सडक खण्ड बगिएको छ । भारी वर्षासँगै आएको बाढीले कालोपत्रे सडक पूर्ण रूपमा बगाएपछि सो सडकखण्डमा सवारी आवागमन पूर्ण रूपमा बन्द भएको छ ।

 

स्थानीय बासिन्दा रूपेश श्रीवास्तवका अनुसार, जयनगरदेखि मौलापुर हुँदै कलैयासम्मको यात्रा गर्ने यो सडक खण्ड अत्यधिक व्यस्त मानिन्छ । तर सडक बगिएपछि यात्रु र सवारी चालकहरू विचलित भएका छन् । सडक बग्ने क्रममा कालोपत्रे भाग च्यातिएर बगिरहेको दृश्य स्थानीयहरूले सामाजिक सञ्जालमार्फत सार्वजनिक गरिरहेका छन् ।

सडक अवरुद्ध भएपछि यात्रुहरूलाई वैकल्पिक मार्गको खोजीमा पर्नु परेको छ । यसै सन्दर्भमा, बानका मधेस प्रदेश संयोजक तथा स्थानीय पत्रकार आर.सी. यादवले जनतालाई सोनारनिया हुँदै सागैया–पिपरिया मार्ग भएर हुलाकी सडक प्रयोग गर्न सुझाव दिएका छन् ।

 

प्राकृतिक विपत्तिका कारण यातायात प्रभावित हुँदा स्थानीय जनजीवन प्रभावित भएको छ । सम्बन्धित निकायले यथाशीघ्र सडक मर्मत तथा वैकल्पिक व्यवस्थाको पहल गर्नुपर्ने आवश्यकता देखिएको छ ।

ओम प्रकाश यादव,राैतहट,असाेज १९ गते । 

सधै जनताको बीचमा रहने पूर्व राज्य मन्त्री एवं जनता समाजवादी पार्टी नेपालका केन्द्रिय सदस्य योगेन्द्र राय यादवले आज दिनभरी बाढीको चपेटामा परेका जनताको उद्धार कार्यदेखी लिएर अन्य सहयोग गरेका छन् ।
अविरल वर्षापछि बागमति नदीमा आएको बाढीको पानी गाउँबस्तीमा पसेर क्षति पुरयाउन थालेपछि नेता यादव तत्काल आफना दर्जनौ कार्यकर्ता लिएर रौतहटको बाढी प्रभावित विभिन्न गाउँबस्तीहरुमा पुगेका थिए ।
वर्षापछि आएको बाढीमा स्थानीयहरु फसेको, बाढीले स्थानीहरुलाई बिजोग बनाएको र बागमति बाँध कटानको उच्च जोखिखमा परेको खबर पाउनासाथ नेता योगेन्द्र यादवले रौतहटका सुरक्षा निकायका प्रमुखहरुको टोली लिएर आज विहानै बाढी प्रभावित क्षेत्रमा पुगेका थिए ।
पूर्व मन्त्री योगेन्द्र यादव सहित रौतहटका प्रमुख जिल्ला अधिकारी सिडिओ विनोद कुमार खड्का, नेपाल प्रहरी उपरीक्षक एसपी नेत्रमणी गिरी, सशस्त्र प्रहरी उपरीक्षक रामहरी अधिकारी सहितका सुरक्षा निकायका टोली बाढी प्रभावित जिल्लाको दुर्गाभगवती गाउँपालिकाको बडहर्वा, राजदेवी नगरपालिकाको चण्डिया, बसतपुर लगाएतका गाउँमा स्थलगत निरीक्षण गरेका थिए ।

 

नेता यादव र सुरक्षा निकायका टोलीहरु पुग्दा तत्काल भत्किने अवस्थामा पुगेको बागमति नदीको बाँध मर्मत सम्भारदेखी लिएर बाढीमा फसेर उद्धारको पर्खाइमा रहेका नागरिकको उद्धार कार्य भएको थियो ।
बाँध नियन्त्रणको काम भएपछि तत्काल बाँध कटानको समस्या टरेको बुझिएको छ । समयमै बाँध मर्मत कार्य नहुँदा बाँध भत्केर बागमतिको बाढी गाउँबस्तीमा पसेर ठुलो जनधनको क्षति पुरयाउन सक्थ्यो तर जसपा नेपालका नेता योगेन्द्र यादवको पहलमा समयमै सुरक्षा निकायका प्रमुखहरु घटनास्थल पुगेर निरीक्षण गर्दा ठुलो मानवीय र भौतिक क्षति हुनबाट जोगिएको छ ।
पूर्व मन्त्री समेत रहेका नेता यादवले बागमति नदीको छेउमा रहेको बडहर्वा, चण्डिया, बसतपुर लगाएतका गाउँमा बाढीको चपेटामा फसेका नागरिकलाई उद्धार गरी सुरक्षित स्थानमा सार्ने काम गरेका थिए । त्यस्तै उक्त ठाउँहरुमा हुँदै गरेको बाँध कटानलाई रोक्ने प्रयास समेत उनले गरे जसका कारण जनधनको क्षति हुन पाएन ।
विपद्का बेला समस्यामा परेका नागरिकलाई सहयोग गर्नु नै ठुलो मानवता र धर्म रहेको भन्दै उनले आफुले जहिले पनि जनतालाई कुनै किसिमको आपद विपद् परेका बेला तृरुन्त पुग्ने गरेको तथा सहयोग गर्ने गरेको बताए ।
योगेन्द्र राय यादव जनताको बीचमा सबभन्दा बढी रहने र जनतालाई हरेक प्रकारको सहयोग गर्नेदेखी लिएर जनताको काम लगनशील भएर गर्ने नेताको रुपमा चिनिन्छ । त्यस कारण जनतामा उनी निकै लोकप्रिय र चर्चित छन ।
अरु नेताहरु बाढीको रमिता हेर्न आज दिनभरी व्यस्त रहेका थिए तर योगेन्द्र राय यादव बाढीको चपेटामा परेका नागरिकको उद्धारमा आफै खटेको देखिएको थियो ।

आरके श्रीवास्तव,राैतहट,असाेज १८ गते । 

रौतहटको कटहरिया र सन्तपुरलाई जोड्ने मुख्य सडक खण्ड पुनः एकपटक अवरुद्ध बनेको छ । लाल बकैया पुलभन्दा अगाडि बाँधको छेउमा निर्माण गरिएको कजवे भएर बाढीको पानी बग्न थालेपछि सवारी आवागमन पूर्ण रूपमा ठप्प भएको हो ।

 

सडक डिभिजन चन्द्रनिगाहपुरले पुलको सट्टा कजवे निर्माण गर्दै आएको छ । स्थानीयवासीका अनुसार हरेक वर्ष बर्खायाममा बाढी आउँदा यो कजवे भएर पानी बग्ने समस्या दोहोरिरहन्छ । गत वर्ष पनि सोही स्थानमा निर्माण कजवे निर्माण गरिएको थियो । यद्यपि सम्बन्धित निकायले स्थायी समाधानका लागि कुनै पहल नगरेको स्थानीयको गुनासो छ ।

 

“हामीले वर्षौंदेखि पुल निर्माणको माग गर्दै आएका छौं,” कटहरियाका एक स्थानीय बासिन्दाले भने, “तर सधैं कजवे बनाएर समय कटाइन्छ । हरेक बर्खामा बाटो अबरुद्ध हुँदा विद्यालय, अस्पताल र बजार जानै समस्या हुन्छ।”

 

बाढीका कारण सवारीसाधन आवतजावत ठप्प भएको छ भने सर्वसाधारणलाई हिडेर यात्रा गर्नसमेत मुस्किल परेको छ । विद्यालय जाने विद्यार्थी, बिरामी बोकेका एम्बुलेन्स तथा दैनिक उपभोग्य सामान बोकेका सवारी साधन बाटैमा रोकिएका छन् । लामाेदूरीकाे अर्काे बाटाे प्रयाेग गर्न बाध्य छन् ।

 

यस सडक खण्डको महत्वपूर्णताका बावजुद हरेक वर्ष यस्ताे संरचनामा मात्र भर पर्ने सरकारी नीति प्रति स्थानीय आक्रोशित छन् । उनीहरूले स्थायी पुल निर्माणको माग गर्दै चाँडै समाधान नभए विरोध कार्यक्रम गर्ने चेतावनीसमेत दिएका छन् ।

आरके श्रीवास्तव,राैतहट,असाेज १८ गते । 

निरन्तर परेको अविरल वर्षाले रौतहट जिल्लाभित्रका प्रमुख राजमार्ग र भित्री सडकहरुमा आवागमन प्रभावित भएको जिल्ला प्रहरी कार्यालय, रौतहटले जानकारी दिएको छ ।

 

प्रहरीद्वारा जारी विज्ञप्तिअनुसार, पूर्व–पश्चिम राजमार्ग अन्तर्गत चन्द्रपुर नगरपालिका–१ र २ स्थित पहिला र दोस्रो लच्कामा बाटो पूर्णरूपमा खुलेको भए पनि अन्य स्थानहरूमा बाढीका कारण सडक पूर्णरूपमा बन्द छन् ।

राजपुर नगरपालिका–१ मा फतुवा गाउँतर्फ जाने हुलाकी राजमार्ग, यमुनामाई गाउँपालिका–४ मा बडहर्वा चौक जाने हुलाकी मार्ग, गौर नगरपालिका–६ मा गौर–चन्द्रपुर सडक अन्तर्गतको सबगाढा लच्कामा सवारी आवागमन अवरुद्ध भएको प्रहरीले जनाएको छ । गौर क्षेत्रमा ट्रयाक्टर प्रयोग गरी केवल पैदल यात्रुहरूको आवतजावत भईरहेको जानकारी पनि दिइएको छ ।

 

त्यस्तै, गुजरा नगरपालिका–८ मा बालचनपुरबाट जङ्गलसहिया जाने भित्री सडक खण्डमा पर्ने लमहाखोलामा पनि बाटो बन्द भएको छ ।

 

जिल्ला प्रहरी कार्यालय, रौतहटले जनताको सुरक्षा र जानकारीको लागि समयमै सूचना प्रवाह गर्न प्रतिबद्ध रहेको जनाएको छ । साथै, नागरिकहरूलाई सुरक्षित रहन र अनावश्यक यात्राबाट बच्न आग्रह गरिएको छ ।

 

“सजग रहौं, सुरक्षित रहौं” भन्ने नाराका साथ जिल्ला प्रहरी कार्यालय, रौतहटले बाढी प्रभावित क्षेत्रका अवस्थाबारे नियमित अपडेट दिने जनाएको छ ।

आरके श्रीवास्तव,राैतहट,असाेज १९ गते । 

शनिबार परेको लगातारको वर्षाले रौतहट जिल्लाका विभिन्न स्थानमा जनधन तथा संरचनामा क्षति पुर्‍याएको छ । जिल्ला प्रहरी कार्यालय राैतहटबाट प्राप्त जानकारी अनुसार वर्षा, बाढी र चट्याङ्गका कारण विभिन्न स्थानमा विद्युत उपकरण नष्ट हुनुका साथै सवारी आवागमन अवरुद्ध भएको छ भने तीन जनाको ज्यान गएको छ ।

 

चट्याङ्गले तीनको ज्यान गयो

 

कटहरिया नगरपालिका–२, हथियाही टोलमा बाढी हेर्न गएका बाटाेमा हिँडिरहेका १७ वर्षीय सरोज लहेरी र १६ वर्षीय नबिन यादवको चट्याङ्ग लागी घटनास्थलमै मृत्यु भएको हो । यस्तै, ईशनाथ नगरपालिका–८ मनसरी टोलका ४५ वर्षीय शेख जमरुण पनि आफ्नै घरको वरन्डामा बस्दाबस्दै चट्याङ्ग लागी ज्यान गुमाएका छन् ।

 

सवारी आवागमनमा अवरोध

 

चन्द्रपुर नगरपालिका–१ र २ को पूर्व–पश्चिम लोकमार्गमा आएको बाढीका कारण साना सवारी साधनको आवागमन अस्थायी रूपमा रोकिएको थियो । बाढीले रुख ढालेर सडक अवरुद्ध गराएपछि प्रहरी टोलीले तत्काल हस्तक्षेप गरी एकतर्फी सडक सुचारु गरिएको हो । यस्तै, गुजरा नगरपालिका–८ मा रहेको लमहा खोलाको बाढीले भित्री सडक दुईतर्फी अवरुद्ध गरेको छ ।

 

प्रहरीको गाडीमा क्षति

 

बाढीका कारण चन्द्रपुर नगरपालिका–२ को लच्कामा अनियन्त्रित भई पिकअप गाडीले प्रहरीको भ्यानमा ठक्कर दिँदा भ्यानको अगाडिको बम्पर र हेडलाइटमा क्षति पुगेको छ । चालक रोशन लामा जिम्बा नियन्त्रणमा लिइएको प्रहरीले जनाएको छ ।

 

आकाशीय विद्युतले उपकरणमा क्षति

 

गरुडा नगरपालिका–५ स्थित इलाका प्रहरी कार्यालय शिवनगरमा चट्याङ्गले इनभर्टर र ब्याट्रीमा क्षति पुगेको छ भने मानविय क्षति नभएको बताइएको छ ।

 

ज्यादै जोखिममा मौलापुर क्षेत्र

 

मौलापुर नगरपालिका–१ स्थित लालबकैया खोलाको बाँध झन्डै फुट्न लागेको हुँदा त्यहाँका वडाहरू (१, २, ३ र ५) उच्च जोखिममा छन् । बाँध फुटेमा ठुलो क्षतिको सम्भावना रहेको स्थानीय प्रशासनले जनाएको छ ।

 

स्थानीयहरू सुरक्षित स्थानमा सरे

 

बृन्दावन नगरपालिका–१ स्थित खोलाको बगरमा बस्दै आएका १२८ घरधुरी बाढीको जोखिमका कारण सुरक्षित स्थानमा सरेका छन् । स्थानीयहरू बृन्दावन नगरपालिका–१ बलरी खोर माट्रोटोल, वडा नं.२ खैरा टोल र वडा नं. ३ बिश्रामपुरमा अस्थायी रूपमा बसोबास गरेका छन् ।

 

प्रशासन सतर्क, प्रहरी परिचालन

 

प्रहरीका अनुसार सबै स्थानहरूमा टोली परिचालन गरिएको छ । चन्द्रनिगाहपुर, सिमराभवानिपुर, रामपुरखापलगायत स्थानमा प्रहरीको सक्रियतामा उद्धार र सडक व्यवस्थापन कार्य भइरहेको छ ।

आरके श्रीवास्तव,राैतहट,असाेज १८ गते । 

रौतहट जिल्लाको कटहरिया नगरपालिका–२ हथियाहीमा चट्याङ लागेर दुई किशोरको मृत्यु भएको छ । जिल्ला प्रहरी कार्यालय रौतहटका अनुसार बुधवार साँझ करिब ६:३० बजे चट्याङ लाग्दा दुई जना किशोरले ज्यान गुमाएका हुन् ।

 

मृत्यु हुनेमा स्थानीय १७ वर्षीय सेहराज लहेरी र १६ वर्षीय नविन यादव रहेका छन् । दुवै जना एकै स्थानमा रहेका बेला चट्याङ परेको प्रहरीको भनाइ छ ।

 

जिल्ला प्रहरी प्रवक्ता डिएसपी राजु कार्कीका अनुसार चट्याङ लागेर मृत्यु भएको पुष्टि गरेका छन् ।

 

यस सम्बन्धमा कटहरिया वडा नम्बर २ का वडा अध्यक्ष हरिन्द्र साहका अनुसार बाढी हेर्न गएकाे बेला अचानक चट्याङ खसेकाे थियो । जसमा लहेरीकाे घटना स्थलमै मृत्यु भएको हाे भने यादवकाे उपचारका लागि कटहरिया लैजाने क्रममा बाटाेमै मृत्यु भएको बताएका छन् ।

 

वर्षा र चट्याङको समयमा सावधानी अपनाउन प्रहरी प्रशासनले सर्वसाधारणलाई अनुरोध गरेको छ । कटहरिया आसपासमा आज बेलुका चट्याङले गर्दा धेरै बेरसम्म मानिसहरू त्रसित बनेका थिए ।

 

काठमाडौं, १८ असोज ।
आम जनता पार्टी (आजपा) ले अहिले बाढी, पहिरो, बर्षाले मुलुक संकटको सामना गरिरहेको बेला आवश्यक उद्धार, राहत, सहयोग एवं सहजीकरणका लागि पार्टी नेताकार्यकर्तालाई निर्देशन दिएको छ ।

आजपा प्रवक्ता चन्द्रभुषण साहले आज एक विज्ञप्ती जारी गर्दै अहिलेको संकटमा आवश्यक उद्धार, राहत, सहयोग एवं सहजीकरणमा जुटन पार्टीका नेताकार्यकर्तालाई अनुरोध गरेका छन ।

साथै पार्टी अध्यक्ष प्रभु साहको अध्यक्षतामा आयोजना हुने दशैं, दिपावली, छ्ठ पर्वका पुर्व निर्धारित सम्पुर्ण कार्यक्रम स्थगित गरिएको उनले जनाएका छन ।

`यस संकटको घडीमा आपसी सद्भाव, एकता, सहयोग र मानवीय संवेदनाका साथ यस विपद्को सामना गर्न प्रभावित क्षेत्रहरूमा युद्ध स्तरमा आवश्यक उद्धार, राहत, सहयोग एवं सहजीकरणका लागि हाम्रो सिङ्गो पार्टी पंक्ति सहित सम्पूर्ण सरोकारवाला निकायहरुलाई परिचालित रहन विशेष आह्वान समेत गर्दछौं,´ आजपा प्रवक्ता साहले जारी गरेको विज्ञप्तीमा उल्लेख गरिएको छ ।

देशभर जारी भिषण वर्षा, बाढी, डुबान र पहिरोका कारण विभिन्न स्थानहरूमा संचार तथा यातायात सेवा अवरोध र आम जनजीवन समेत अस्तव्यस्त भई ठुलो मात्रामा जनधनको क्षति हुनसक्ने सम्भावनप्रति आजपा गम्भीर चिन्तित रहेको बताईएको छ ।

`हाम्रो आम जनता पार्टी (आजपा) का विभिन्न कमिटीहरूद्वारा महान पर्व दशैं, दिपावली तथा छठको पावन अवसरमा राष्ट्रिय अध्यक्ष मा. प्रभु साहको प्रमुख आतिथ्यतामा आयोजना गर्न लागिएका प्रशिक्षण, भेटघाट तथा शुभकामना आदानप्रदान लगायतका सबै कार्यक्रमहरू आकष्मिक रूपमा नागरिकको सुरक्षा, राहत र सहयोग कार्यलाई प्राथमिकतामा राखेर तत्कालका लागि स्थगन गरिएको विषय जानकारी गराइन्छ,´ विज्ञप्तीमा उल्लेख गरिएको छ ।

आजपाले सर्वसाधारण नागरिकहरूलाई जलजन्य रोगहरू फैलिन नदिनका लागि सफा खानेपानी, सरसफाइ र स्वास्थ्य सर्तकतामा विशेष ध्यान दिई उच्च सतर्कता अपनाउन, जोखिमयुक्त क्षेत्रमा नजान, आवश्यक परे नजिकको सुरक्षाकर्मी वा स्थानीय प्रशासनसँग तत्काल सम्पर्क एवं समन्वय गर्न समेत अनुरोध गरेको छ ।

बज्जिकाञ्चल संवाददाता,राैतहट,असाेज १८ गते ।
जल तथा मौसम पूर्वानुमान महाशाखाले असोज १८ देखि २० गतेसम्म देशभरि भारी वर्षा हुने चेतावनी दिएसँगै गएराति देखि अविरल वर्षा भइरहेको छ । सो सन्दर्भमा जिल्ला प्रहरी कार्यालय, रौतहटले बाढी, डुबान र पहिरोको जोखिम बढेको भन्दै आम नागरिकलाई सतर्क रहन अनुरोध गरेको छ ।

प्रहरीले अनावश्यक यात्रा नगर्न, जोखिमयुक्त क्षेत्रबाट टाढा रहन र सुरक्षित स्थानमा बस्न आग्रह गरेको छ। साथै, नदी किनार, होचो स्थान तथा डुबान क्षेत्रका बासिन्दालाई समयमै सुरक्षित स्थानमा सर्न सुझाव दिइएको छ ।

आपतकालीन अवस्थामा १००, ९८५५०४०९९९ वा ९८५५०९०३७४ नम्बरमा सम्पर्क गर्न सकिने जनाइएको छ ।
सजग रहौं, सुरक्षित रहौं ।

आरके श्रीवास्तव,राैतहट,असाेज १८ गते । 

हाल भइरहेको अबिरल वर्षा तथा हावाहुरीका कारण विद्युत् लाइनसँग सम्बन्धित जोखिमहरू बढिरहेका छन् । लगातारको खराब मौसमका कारण कतिपय स्थानमा लाइन नजिकका रुखका हाँगा तथा बाँसहरू विद्युत् तारमा छोइएको, पोल ढलेको वा लाइनका तारहरू आपसमा बटारिएको देखिएको जानकारी आएको छ । यस्तो अवस्थामा दुर्घटनाको उच्च सम्भावना हुने भएकाले सर्वसाधारणलाई विशेष सतर्कता अपनाउन आग्रह गरिएको छ ।

 

नेपाल बिधुत प्राधिकरण माैलापुर वितरण केन्द्रका प्रमुख ई.दिनेश यादवले विद्युत् लाइनमा समस्या देखिएमा नजिक जान नहुने, बालबालिकालाई त्यस्ता स्थानबाट टाढा राख्ने र तुरुन्तै सम्बन्धित शाखा वा सेवा केन्द्रमा जानकारी गराउन अनुरोध गरेका छन् ।

 

उनले भने विद्युत् लाइनमा समस्या देखिएमा सम्पर्क गर्न सकिने नम्बरहरू मौलापुर सव-स्टेसन: 9855044429 , मौलापुर फ्यूज सेवा: 9862086648,बंकुल फ्यूज सेवा: 986527770 / 9845702475,कटहरिया फ्यूज सेवा: 9860412319,विजयपुर फ्यूज सेवा: 9845496096 / 9767727169 र मौलापुर मर्मत शाखा: 9855043687 रहेका छन् ।

 

त्यसका साथै, आवश्यक परेमा नजिकको प्रहरी कार्यालयमा पनि तुरुन्त जानकारी गराउन सकिने व्यवस्था गरिएको छ ।

 

विद्युत् कार्यालयले जनताको सुरक्षा सुनिश्चित गर्नका लागि आवश्यक मर्मत तथा सेवाका कामहरू तीव्र रूपमा अघि बढाइरहेको जनाएको छ ।

आरके श्रीवास्तव,राैतहट,असाेज १८ गते । 

अविरल वर्षाका कारण लाल बकैया नदीमा पानीको बहाव तीव्र रूपमा बढिरहेको छ । यससँगै नदीको जलस्तर समेत उल्लेख्य रूपमा वृद्धि भएको हुँदा बाढी आउन सक्ने सम्भावना उच्च रहेको जनाइएको छ ।

 

राजपुर नगरपालिकाका नगरप्रमुख डा. राजिक आलमले नगर क्षेत्रको बाढी सम्भावित जोखिमलाई मध्यनजर गर्दै नगरवासीहरूलाई उच्च सतर्कता अपनाउन आग्रह गर्नुभएको छ । उहाँले भन्नुभयो, “नदीमा लगातार पानीको बहाव बढिरहेको छ, जसले गर्दा ठूलो बाढीको जोखिम उत्पन्न भएको छ । यस्तो अवस्थामा राजपुर नगरपालिकाका सम्पूर्ण दाजुभाइ तथा दिदीबहिनीहरूलाई सतर्क रहन हार्दिक अनुरोध गर्दछु।”

 

आज बिहान लाल बकैया नदीक्षेत्रकाे निरिक्षण पश्चात् वहाँ यस्ताे आग्रह गर्नु भएको हाे ।

 

नगरप्रमुख आलमले विपद् व्यवस्थापन समिति तथा सम्बन्धित निकायहरूलाई तयारी अवस्थामा रहन आग्रह गर्नु भएको छ । साथै, जोखिमयुक्त क्षेत्रमा बसोबास गर्ने नागरिकहरूलाई सुरक्षित स्थानमा सर्न आग्रह गरिएको छ ।

 

साथसाथै नगरपालिकाले नदी आसपासका क्षेत्रहरूमा अनावश्यक आवतजावत नगर्न,बालबालिकालाई नदी किनारमा जान नदिन, स्थानीय प्रशासन वा प्रहरीको निर्देशन पालना गर्न अपील गरेको छ ।

 

आपत्कालीन अवस्थामा तुरुन्त नजिकको प्रहरी चौकी वा नगरपालिका कार्यालयमा सम्पर्क गर्न भनिएको छ ।

 

स्थानीयवासीहरूलाई सम्भावित विपद्‌बाट जोगिन सतर्कता र सावधानी अपनाउन पुनः आग्रह गरिएको छ ।

बज्जिकाञ्चल संवाददाता,राैतहट,असाेज १८ गते । 

राैतहटमा रहेको मौलापुर वितरण केन्द्रअन्तर्गत ३३ केभी विद्युत् लाइन हावाहुरी र वर्षाका कारण प्रभावित भएको छ । फाल्टको पहिचान तथा मर्मत कार्यका लागि लाइन पेट्रोलिङको काम भइरहेको वितरण केन्द्रले जानकारी गराएको छ ।

 

अचानक उत्पन्न खराब मौसमका कारण विद्युत् आपूर्ति अवरुद्ध भएकोले स्थानीय ग्राहकवर्गमा असुविधा पर्न गएको छ । मौलापुर वितरण केन्द्रले यस असुविधाप्रति क्षमा याचना गर्दै मर्मत कार्य यथाशीघ्र सम्पन्न गरी नियमित आपूर्ति पुनःस्थापना गरिने जनाएको छ ।

 

ग्राहकहरुलाई धैर्य र सहयोगका लागि धन्यवाद दिँदै वितरण केन्द्रले आवश्यक जानकारीका लागि सम्पर्कमा रहन अनुरोध गरेको छ ।

आरके श्रीवास्तव,राैतहट,असाेज १७ गते । 

जिल्ला प्रशासन कार्यालय रौतहटले आज एक सूचना जारी गर्दै जिल्लामा आगामी केही दिन भारी वर्षा हुन सक्ने पूर्वानुमानसहित सतर्कता अपनाउन सबै सरोकारवालाहरुलाई आग्रह गरेको छ ।

 

राष्ट्रिय विपद् जोखिम न्यूनीकरण तथा व्यवस्थापन प्राधिकरणको निर्देशनअनुसार, असोज १७ गतेदेखि २० गतेसम्म रौतहट सहितका क्षेत्रमा मनसुनजन्य विपद्‌को जोखिम रहेको बताइएको छ । सम्भावित बाढी, डुबान, पहिरो र अन्य प्राकृतिक विपद्‌का घटनाबाट हुन सक्ने क्षति न्यूनीकरण गर्नका लागि जिल्ला प्रशासनले स्थानीय तह, रेडक्रस, सरकारी तथा गैरसरकारी संघसंस्थाहरुलाई तयारी अवस्थामा रहन आग्रह गरेको छ ।

 

प्रमुख जिल्ला अधिकारी विनोद कुमार खड्काले हस्ताक्षर गरेको सूचनामा उल्लेख भएअनुसार, विपद् आइ परेको अवस्थामा आवश्यक उद्धार सामग्री तयारी अवस्थामा राख्न सम्बन्धित निकायहरुलाई निर्देशन दिइएको छ । साथै, विपद्‌का बेला सुरक्षाका उपायहरु अपनाउन सर्वसाधारणहरुलाई सुरक्षा निकाय तथा सञ्चार माध्यममार्फत जानकारी दिने व्यवस्था मिलाइनेछ ।

जिल्ला तथा स्थानीय विपद् व्यवस्थापन समितिहरुलाई सक्रिय राखी, क्लस्टर लिड तथा को-लिडहरुले स्वीकृत प्रतिकार्य योजना अनुसार तयारी अवस्थामा रहन भनिएको छ । साथै, विशेष गरी पूर्व–पश्चिम राजमार्गको बागमती नदीदेखि धन्सार खोलासम्मको क्षेत्रमा रातिको समयमा सवारी चलाउँदा सुरक्षा निकायसँग समन्वय गरी यात्रा गर्न सुझाव दिइएको छ ।

 

बाढीको उच्च जोखिम रहेका नदी किनार तथा डुबानमा पर्न सक्ने क्षेत्रका बासिन्दाहरुलाई आवश्यक सतर्कता अपनाई सुरक्षित स्थानमा बस्न समेत प्रशासनले आग्रह गरेको छ ।

 

रौतहट प्रशासनले सम्भावित विपद्‌लाई गम्भीरतापूर्वक लिँदै समयमै सतर्कता र पूर्वतयारीका उपायहरू अपनाउन सबैलाई अपिल गरेको छ ।

आरके श्रीवास्तव,राैतहट,असाेज १७ गते । 

रौतहटको मौलापुर नगरपालिका वडा नम्बर १ मर्यादपुरस्थित बकैया नदीमा बाढी छिर्ने खतरा बढ्दै गएको छ । जल तथा मौसम विज्ञान विभागले आगामी दिनहरूमा नदीमा पानीको बहाव तीव्र हुने प्रक्षेपण गरे पनि सम्बन्धित सरकारी निकायहरू आवश्यक सतर्कता नअपनाएकोमा स्थानीयहरू चिन्तित भएका छन् ।

 

नेपाल पत्रकार महासंघ रौतहटका पूर्व अध्यक्ष प्रेमचन्द्र झाले सम्बन्धित निकायहरूको ध्यानाकर्षण गराएका छन् । उनले चेतावनी दिँदै भनेका छन्, “यदि समयमा बाँधको मर्मतसम्भार नगरिएको खण्डमा मर्यादपुर क्षेत्रमा ठुलो जनधनको क्षति हुन सक्छ।”

 

झाले थप भने, “अहिलेको अवस्थामा पनि नदीको बहावले धेरै स्थानमा कटान गरिरहेको छ । स्थानीय बासिन्दाहरू त्रासमा छन्, तर सम्बन्धित निकाय कानमा तेल हालेर बसेका छन्।”

 

स्थानिय बासिन्दाले वर्षेनी आउने वाढीबाट पीडित हुँदै आएका छन् । बाँधको अवस्थालाई ध्यानमा राख्दै अहिले नै पूर्वतयारीमा जुटिनुपर्नेमा जोड दिएका छन् ।

 

हालसम्म जिल्ला प्रशासन कार्यालय वा बाढी नियन्त्रण तथा निकास व्यवस्थापनका लागि जिम्मेवार सरकारी निकायबाट कुनै ठोस कदम चालिएको छैन् । स्थानीयहरूले तत्काल राहत तथा बाँध मर्मत कार्य अघि बढाउन सरकारसँग माग गरेका छन् ।

तस्बिर क्रान्तिद्वार डट कम

 

रौतहट, १७ असोज ।

आम जनता पार्टीका अध्यक्ष तथा पूर्वमन्त्री प्रभु साहले युवाहरुको बलमा ऐतिहासिक जनक्रान्ति हुँदापनि वर्तमान सरकारले उत्सव मनाउन नसकेको भन्दै प्रश्न उठाएका छन् । उनले भने,‘युवाहरुको अदम्य साहसको कारण हाम्रो देशमा भर्खरै ऐतिहासिक जनक्रान्ति सफल भयो, तर त्यही आन्दोलनबाट नया सरकार बनेको छ । युवाहरुले जितेको बेलामा उत्सव मनाउनुपर्नेमा अहिलेको सरकारले शोक भनेर आन्दोलनलाई नै बद्नाम गर्यो ।’

दशैं, दिपावली, छठ पर्वको अवसरमा आज रौतहटको गरूड़ा नगरपालिकाको जयनगरमा आयोजित शुभकामना आदानप्रदान कार्यक्रमलाई सम्बोधन गर्दै आजपा अध्यक्ष साहले विश्वमा ठूला–ठूला राजनीतिक परिवर्तन र उथलपुथलमा बलिदानी हुने गरेको स्मरण गराउँदै नेपालमा पनि युवाहरुले आफ्नो जीवन बलिदानी दिएर परिवर्तन सम्भव तुल्याएको बताए । तर, जेन–जी पुस्ताको यो ऐतिहासिक जनक्रान्तिको भावनालाई कमजोर तुल्याउने काम गरिएकोमा साहको गुनासो छ ।

उनले भने,‘हरेक आन्दोलन र जनक्रान्तिमा बलिदानी हुन्छ, तर नेतृत्वमा पुगेकाहरुले त्यसको गौरवगाथा गाउनुपर्छ, पूरानो भत्काएर नयाँ बनाउन उत्सव, उर्जा र उमङ भर्नुपर्छ । आज त्यो देखिएन ।’
उनले वर्तमान प्रधानमन्त्री सुशीला कार्की नेतृत्वको सरकारले जेनजी आन्दोलनको सम्मान गर्न नसकेको आरोप लगाए । उनले भने,‘यो सरकारले जेन–जी आन्दोलनको सम्मान गर्न सकेको छैन, न त शहीदहरुको नै सम्मान गरेको छ । यसले केवल निराशा बाँडेको छ, आन्दोलनको विजय गाउनुको साटो शोक मनाएको छ ।’

फरक प्रसंगामा उनले अहिलेका युवाले खोजेको सशक्त, उर्जावान र गतिशिल युवा नेतृत्व भएपनि सत्ताको नेतृत्वमा पूरानै र पाकाहरुको हालिमुहाली देखिएको आरोप लगाए । उनले भने,‘पूराना पाका नेता हटाएर युवाले अहिलेको प्रधानमन्त्री जो ७० वर्ष कटेको नेतृत्व ल्याउन खोजेको हो र ? त्यो त पक्कै पनि होईन । तर, आज युवाहरुको बलिदानीमाथि खेलवाड भैरहेको छ ।’ उनले अहिलेको सरकारले आशा जगाउन नसकेको आरोप लगाए । सरकारमा युवाहरुको प्रतिनिधित्व नहुनु र अहिलेसम्म पनि सरकारलाई पूर्णता दिन नसक्नु नै प्रधानमन्त्री कार्कीको पहिलो असफलता भएको साहको आरोप छ ।

उनले भने,‘महिला प्रधानमन्त्रीले एक जनापनि महिलालाई मन्त्री बनाउन सक्नुभएन ? के नेपालमा योग्य महिलाहरु छैनन् र ? एक महिना हुन लागिसक्यो अझै मन्त्रिपरिषद्ले पूर्णता पाएन ।’ साहले जेन–जी आन्दोलनको भावना केन्द्रको एउटा सरकार हटाएर व्यक्ति फेर्नेमात्रै नभएको टिप्पणी गरे । देशभर रहेका ७६१ वटा सरकारमा एउटामात्रै सरकार र त्यसमा पनि अनुहारमात्र बदल्नको लागि जेन–जी पुस्ताले जनक्रान्ति नगरेको साहको जिकिर छ ।

उनले भने,‘देशमा भ्रष्टाचार माथिदेखि तलसम्मै छ । देशमा भएका ७६१ वटा सरकारको लुट र भ्रष्टाचारको विरोधमा युवाले आन्दोलन गरेका हुन् । अहिले त के भयो भने एउटा केन्द्रमा सरकार परिवर्तन गरियो, त्यसमा पनि आन्दोलन गर्ने एउटा उमेर समूहको हो, तर सत्तारोहण पूरानै र पाका अनुहारको भयो ।’

उनले अहिलेको संविधानमा टेकेर देशले कहिल्यैपनि निकास नपाउने ठोकुवा गरे । उनले अहिले देशमा विद्यमान समस्याको प्रमुख जरा नै संविधान भएकोले यसलाई खारेजी गरिनुपर्ने माग गरे । आफूले सुरुदेखि नै यो संविधानले देशलाई पार लगाउन नसक्ने ठोकुवा गरेर तेस्रो जनआन्दोलनको ऐलान गरेको पनि साहले स्मरण गराए । उनले मुलुकको निकासको लागि अन्तरिम सरकार र अन्तरिम संविधान नै भएको जिकिर गरे ।

आरके श्रीवास्तव,राैतहट,असाेज १७ गते । 

रौतहटको विभिन्न ठाउँमा दुर्गा पूजाको समापनसँगै आज माता दुर्गाको प्रतिमा बिसर्जन हर्षोल्लासका साथ गरिएको छ । एक सातासम्म चलेको दुर्गा पूजा समारोहपछि आज स्थानीयहरूले देवीलाई आँशु भरिएको आँखासहित विदाई गरेका छन् ।

 

स्थानीयहरूले पूजाको पहिलो दिनदेखि नै भक्तिभावका साथ पूजा, भजन, आरती तथा धार्मिक अनुष्ठानमा संलग्न हुँदै आएका थिए । बिसर्जनका क्रममा महिलाहरूको आँखामा आँशु झल्किएको दृश्यले देवीसँगको आत्मीयता झल्काएको थियो ।

 

राजदेवी ७ मुडवलवा हनुमत यादवका अनुसार, “माता दुर्गा विना यो गाउँ सुनसान लाग्छ । आगमनको दिनदेखि पूजामा लागेको मन आज बिदाइमा भिज्यो।”

 

बिसर्जनको बेला झाँकी, बाजागाजा र भक्तिभावयुक्त नाराहरू गुन्जिएका थिए । श्रद्धालुहरू दुर्गा माता प्रति कृतज्ञता प्रकट गर्दै ‘जय माता दी’ भन्दै नाचगानमा रमाइरहेका थिए ।

 

यसै क्रममा जिल्लाको अन्य स्थानहरूमा समेत दुर्गा प्रतिमा बिसर्जन गरिएको छ । जिल्लाका विभिन्न नगर तथा गाउँहरूमा दुर्गा पूजाको विधिपूर्वक समापन गरिएको छ ।

 

यस धार्मिक अवसरले समुदायमा आपसी एकता र श्रद्धाको भावना अझ प्रगाढ बनाएको छ ।

बज्जिकाञ्चल संवाददाता,राैतहट,असोज १६ गते । 

तराई–मधेशको मौलिक संस्कृति र वीरताको विरासतलाई जीवित राख्दै सर्लाहीको धनकौल बजार यतिखेर पहलवानीको रंगशाला बनेको छ ।
श्री दुर्गा पूजाको पावन अवसरमा आयोजित दुई दिने कुस्ती दंगल बुधबारदेखि भव्यताका साथ सुरु भएको छ ।
नेपाली कांग्रेस मधेश प्रदेशका उपसभापति तथा पूर्व मन्त्री वीरेन्द्र प्रसाद सिंहले रिबन काटेर यस ऐतिहासिक कुस्ती प्रतियोगिताको विधिवत् उद्घाटन गरे। उद्घाटन समारोहलाई सम्बोधन गर्दै सांसद सिंहले कुस्तीलाई ‘बाजेको पालादेखि चल्दै आएको संस्कृति’ भन्दै यसलाई संरक्षण गर्न युवा पुस्तालाई विशेष आह्वान गरे।

प्रतियोगिताको पहिलो दिन नै नेपाल र भारतका नाम चलेका पहलवानहरूले आफ्नो बल र कौशलको बेजोड नमुना प्रस्तुत गरे। मैदानमा नेपालका अन्तर्राष्ट्रिय कुस्ती खेलाडीहरू देवा थापा, जावेद गनी, मेवा थापा, कतप, हरिओम दास र वाबा पहलवान जस्ता दिग्गजहरूको कुश्ती हेर्न लायक थियो। उनीहरूले स्थानीय पहलवानहरूसँग प्रतिस्पर्धा गर्दै दर्शकहरूलाई रोमाञ्चित बनाए।
नेपाली कांग्रेस धनकौल गाउँपालिकाका युवा नेता दीपेन्द्र साहका अनुसार कुस्ती प्रतियोगिताको फाइनल भिडन्त आज हुदैछ ।
यसअघि, नवमीको रातमा राष्ट्रिय कलाकार प्रीति पासवानको बेजोड सांस्कृतिक प्रस्तुतिले माहोललाई थप रौनकता दिएको थियो। कार्यक्रममा धनकौल गाउँपालिकाका अध्यक्ष रामअस्रे साह लगायत विभिन्न वडा अध्यक्षहरूको पनि सहभागिता रहेको थियो।

आरके श्रीवास्तव, राैतहट, असाेज १६ गते
राष्ट्रिय दलित पत्रकार संघ नेपाल, जिल्ला कार्य समिति राैतहटकाे आयोजनामा बिहीबार वृन्दावन नगरपालिका–८, बहुअरीस्थित दलित धर्मशालामा भव्य शुभकामना आदानप्रदान कार्यक्रम सम्पन्न भएको छ । कार्यक्रम संघका राैतहट शाखा अध्यक्ष राजेश पासवान (निर्माणी)को अध्यक्षतामा सम्पन्न भएको हाे भने प्रमुख अतिथिका रूपमा नेपाल पत्रकार महासंघका केन्द्रीय सदस्य तथा राष्ट्रिय दलित पत्रकार संघ नेपालका केन्द्रीय सचिव सिकिन्द्र पासवानको उपस्थिति रहेको थियो ।

कार्यक्रमका प्रमुख अतिथि पासवानले दलित र गैरदलित समुदायलाई एकै थलोमा भेला गराउँदै समाजमा व्याप्त जातीय भेदभाव, छुवाछूत र दलितमाथिका विभिन्न लांछना विरुद्ध जनचेतना फैलाउने उद्देश्यले कार्यक्रमको आयोजना गरिएको जानकारी दिए । उनले अझै पनि दलित समुदायले अपहेलित जीवन बिताउनु परेकोप्रति चिन्ता व्यक्त गर्दै सबै समुदाय एकजुट भए मात्र दासत्व प्रथा अन्त्य गर्न सकिने धारणा राखेका थिए ।

संघका अध्यक्ष राजेश पासवान (निर्माणी)ले मधेसमा दलित समुदायमाथि भइरहेको अन्याय, अत्याचार र जातीय विभेदको घटनाले भयावह रूप लिएको बताउँदै, यस्ता चुनौतीपूर्ण अवस्थामा दलित अगुवाहरूको निष्क्रियता दुर्भाग्यपूर्ण भएको बताए । उनले कार्यक्रम गाउँमै आयोजना गर्नुको कारण आफ्नो गाउँको पहिचान र चेतनाको सन्देश फैलाउने उद्देश्य रहेको बताए ।

“लोकतन्त्रको मूल आधार– सम्मान, सहभागिता र विभेदमुक्त समाज; अभिव्यक्ति स्वातन्त्रता र मर्यादित पत्रकारिता हाम्रो आवाज” भन्ने नारासहित विजयादशमी, दीपावली, तिहार तथा छठ पर्वको अवसरमा आयोजित कार्यक्रममा विभिन्न जिल्लाका पत्रकार, दलित अधिकारकर्मी र सम्मानित व्यक्तित्वहरूको उल्लेखनीय सहभागिता रहेको थियो ।

संघमा आवद्ध पत्रकारहरूलाई प्रेस कार्ड, प्रमाणपत्र र व्याग वितरण गरिएको कार्यक्रममा अध्यक्ष पासवानले सञ्चारकर्मीहरूलाई मर्यादित र जिम्मेवार पत्रकारिता गर्न आग्रह गरे । उनले पत्रकारिता कुनै जाति, धर्म वा वर्गको पक्षमा नभई सम्पूर्ण जनताको आवाजका रूपमा अघि बढ्नुपर्नेमा जोड दिए ।

कार्यक्रमका विशिष्ट अतिथिमा वृन्दावन–८ का वडा अध्यक्ष रविन्द्र प्रसाद साह, जगन्नाथ प्रसाद भेडिहर, दलित अधिकारकर्मी मटुक पासवान, धर्मेन्द्र पासवान, रामविनय पासवान, दलित संघर्ष समितिका संयोजक सोनेलाल राम, नेपाल पत्रकार महासंघ बाराका उपाध्यक्ष पन्नालाल दासलगायतको उपस्थिति रहेको थियो ।

त्यस्तै दलित अधिकारकर्मी पुनित राम चमार, उदयनारायण राम, अवधनारायण राम, प्रा.अ. रामाधार पासवान, भोला पासवान, मुसहर संघका अध्यक्ष विनोद माझी, तथा राष्ट्रिय दलित पत्रकार संघ नेपाल बाराका अध्यक्ष उपेन्द्र पासवानसहित रौतहट, बारा र पर्साका सयौं सञ्चारकर्मी र अगुवा व्यक्तिहरूको उपस्थितिले कार्यक्रमलाई ऐतिहासिक बनाएको थियो ।

कार्यक्रमको सञ्चालन संघका कोषाध्यक्ष प्रदीप दासले गरेका थिए। कार्यक्रमले दलित समुदायको हक, अधिकार र सम्मानका पक्षमा सशक्त सन्देश दिएको सहभागीहरूको भनाइ थियो ।

आरके श्रीवास्तव,राैतहट,असाेज १५ गते ।
रौतहटकाे इलाका प्रहरी कार्यालय कटहरियाको आयोजनामा सामुदायिक प्रहरी साझेदारी कार्यक्रम अन्तर्गत बडा दशैं २०८२ तथा अन्तर्राष्ट्रिय जेष्ठ नागरिक दिवसको अवसर पारेर एक भव्य सार्वजनिक सुनुवाइ कार्यक्रम सम्पन्न गरिएको छ ।

कार्यक्रमको सभापतित्व कटहरिया वडा नं. ४ का ९० वर्षीय हरिहर राय यादव र वडा नं. ५ का ९१ वर्षीय कासीम अन्सारीले संयुक्त रूपमा गर्नुभएको थियो । कार्यक्रममा दुबैजना जेष्ठ नागरिकलाई विशेष सम्मान प्रदान गरियो । कार्यक्रमको सुरुवात राष्ट्रिय गानबाट गरिएको थियो ।

कार्यक्रममा प्रमुख अतिथि इलाका प्रहरी कार्यालय गरूडाका डिएसपी शंकर प्रसाद आचार्य रहनु भएको थियो । उहाँले कटहरियाको प्रहरी सेवामा थप सशक्तिकरण गर्न र जग्गा व्यवस्थापन लगायत पूर्वाधार विकासमा पहल गर्ने प्रतिबद्धता व्यक्त गर्नुभयो ।

सार्वजनिक सुनुवाइका क्रममा स्थानीय नागरिकहरूले प्रहरी सेवामा सुधारका लागि गुनासा, सुझावहरू राखेका थिए । कार्यक्रममा सहभागीहरूले मोबाइल चोरी जस्ता घटनामा निर्दोषलाई फसाउने प्रवृत्तिप्रति चिन्ता व्यक्त गरेका थिए । बरिष्ठ पत्रकार संजय मिश्रले व्यवसायिक तस्करी रोक्न कडाइ गर्न आग्रह गर्दै ज्यालादारी मजदुरीका लागि सामान ओसार्नेहरूप्रति सहानुभूति जनाउन प्रहरीलाई सुझाउनु भयो । साथै, उहाँले प्रहरी सेवा पारदर्शी र निष्पक्ष बनाउनेतर्फ जोड दिनुभयो ।

कार्यक्रममा बोल्दै पत्रकार राजु कुमार श्रीवास्तवले सानो पोका सामान भारतबाट ल्याउने क्रममा पछयाउँदै दुर्घटनामा परेर ज्यान गुमाउने घटना स्मरण गराउँदै, यस्ता घटनाहरू भविष्यमा नदोहोरिउन् भन्नु भयो । उहाँले प्रहरीलाई नियमित पेट्रोलिङका लागि आवश्यक स्रोतसाधन व्यवस्था गर्न आग्रह गर्नुका साथै लागूपदार्थ दुर्व्यसनमा फसेका युवाहरूको स्थितिप्रति गम्भीर बन्न प्रहरी प्रशासनलाई सुझाव दिनुभयो । साथै, उहाँले सबैमा बडा दशैं २०८२ को शुभकामना पनि दिनुभयो ।

कटहरियाका माओवादी केन्द्रका नगर अध्यक्ष एवं मेयर प्रत्यासी नसरूदिन अन्सारीले हालैको जेनजी आन्दोलनपछि जनताले प्रहरीसँग सहकार्य गरेर सुरक्षाको माहोल कायम गर्न भूमिका खेलेको स्मरण गराउँदै ईप्रका कटहरियामा प्रहरी संख्याको अभाव उल्लेख गर्दै थप जनशक्ति पठाउन आग्रह गर्नुभयो ।
कार्यक्रममा इप्रका कटहरियाका सौन्दर्यकरणमा योगदान दिने स्थानीय व्यक्तित्वहरूलाई समेत सम्मान गरिएको थियो । साथै वृक्षारोपण कार्यक्रम, चियापान तथा फोटो सेसन समेत सम्पन्न गरिएको थियो । कार्यक्रममा नव दुर्गा पुजा समितिका युवाहरूले ईप्रका शाैन्दर्यकरणमा महत्त्वपूर्ण याेगदान गरेको कदर गर्दै सामूहिक रूपमा सम्मान पनि गरिएको थियो ।
कार्यक्रम संचालन इलाका प्रहरी कार्यालय कटहरियाका इन्चार्ज सई धर्मेन्द्र पौडेलले गर्नुभएको थियो । उहाँले नागरिक सहभागिताले प्रहरी सेवा अझै प्रभावकारी बन्ने विश्वास व्यक्त गर्नुभयो । कार्यक्रममा वडा नम्बर ४ का वडा अध्यक्ष चन्दन कुशवाहा,वडा नम्बर ५ का वडा अध्यक्ष सर्फलाल गुप्ता,वडा सदस्य रामईशवर यादव,व्यापारी एवम् समाजसेवी राजु भास्कर लगायतले पनि आफनाे सुझावहरू दिएका थिए ।

कार्यक्रममा स्थानीय जनप्रतिनिधि, व्यापारी, पत्रकार, समाजसेवीलगायत विभिन्न क्षेत्रका व्यक्तिहरूको उल्लेखनीय उपस्थिति रहेको थियो ।

आरके श्रीवास्तव,राैतहट,असाेज १३ गते । 

राैतहटकाे गरूडामा चलिरहेको मेयर कप सिजन ४ मा जयनगर क्रिकेट टिम र गरूडा ४ क्रिकेट टिमबीच सम्पन्न भएको क्रिकेट प्रतियोगितामा जयनगर टिमले २३ रनको शानदार जीत हात पारेको छ । टस जितेर पहिले ब्याटिङ रोजेको जयनगरले १९ ओभर १ बलमा सबै विकेट गुमाउँदै १३२ रनको चुनौतीपूर्ण स्कोर खडा गर्‍यो ।

 

जयनगरका कप्तान अरविन्द चौधरीले आक्रामक ब्याटिङ प्रदर्शन गर्दै ३२ बलमा ६ चौका र ४ छक्का सहित ६२ रनको महत्वपूर्ण योगदान दिए । बलिङमा समेत उत्कृष्ट प्रदर्शन गर्दै उनले ४ ओभरमा २१ रन खर्चिएर ३ विकेट लिएका थिए ।

दोस्रो इनिङमा गरूडा ४ टिमले १८ ओभर ३ बलमै १०९ रनमा समेटिँदै हार बेहोर्नुपर्‍यो । कप्तान उमेश पटेलको नेतृत्वमा प्रयास गरिए पनि टोलीलाई जितसम्म पुर्‍याउन सकेनन् । जयनगरका बलरहरूको कसीलो बलिङ र कुशल फिल्डिङका कारण गरूडा ४ को ब्याटिङ धरासायी भयो ।

 

ब्याटिङ र बलिङ दुवै विभागमा उत्कृष्ट प्रदर्शन गरेका जयनगरका कप्तान अरविन्द चौधरीलाई “म्यान अफ द म्याच” घोषित गरिएको छ ।

 

आईतवार सम्पन्न पहिलो खेलमा गेडही गुठ्ठी टिमले गरुडा यूथ क्लबलाई १६९ रनको फराकिलो अन्तरले पराजित गर्दै सशक्त सुरुवात गरेको थियो ।

खेलमा जित हात पारेपछि गरूडा नगरपालिका १ का   वडा अध्यक्ष शेेख वहाबले टिमका खेलाडीहरू लाई हाैशला प्रदान गर्दै बधाई तथा शुभकामना दिएका छन् ।

आरके श्रीवास्तव,रौतहट,असाेज १३ गते । 

राैतहटकाे कटहरिया नगरपालिका वडा नम्बर २ स्थित छेदीचोकमा भव्य रुपमा सञ्चालन भइरहेको दुर्गापूजामा नेकपा माओवादी केन्द्र कटहरियाका नगर अध्यक्ष तथा मेयर पदका प्रत्यासी नसरूदिन अन्सारीले पूजा स्थलमै पुगेर आर्थिक सहयोग गरेका छन् ।

 

धार्मिक तथा सांस्कृतिक एकता प्रवर्द्धन गर्ने उद्देश्यका साथ आयोजित दुर्गापूजामा अन्सारीले सहभागी भई पूजास्थलमा उपस्थित श्रद्धालुहरूसँग भेटघाटसमेत गरेका थिए । उनले समितिलाई नगद आर्थिक सहयोग हस्तान्तरण गर्दै यस्तो धार्मिक–सांस्कृतिक पर्वले समुदायमा भाइचारा र सहिष्णुताको सन्देश दिने बताए ।

उनको उपस्थितिले आयोजक समिति र स्थानीय श्रद्धालुहरू उत्साहित भएको बताइएको छ । दुर्गा पूजा समितिका सदस्यहरूले अन्सारीलाई धन्यवाद दिँदै भविष्यमा समेत यस्ता कार्यक्रमहरूमा निरन्तर साथ र सहयोगको अपेक्षा व्यक्त गरेका छन् ।

 

दुर्गा पूजा छेदीचोकमा गत वर्षदेखि भव्य रूपमा मनाइँदै आएको छ र यस वर्ष पनि स्थानीय युवा तथा बासिन्दाहरूको सक्रियतामा कार्यक्रम सन्चालन भइरहेको छ ।

आरके श्रीवास्तव,राैतहट,असाेज १३ गते । 

राैतहटकाे गरूडा नगरपालिका वडा नं. १, जयनगरमा बसोबास गर्ने दलित, गरिब तथा विपन्न वर्गकी एकल महिला मीना खातुन ओस्ताकी २३ वर्षीया छोरीको विवाहको लागि वडा अध्यक्ष शेख वहाब ज्यूले व्यक्तिगत रूपमा नगद आर्थिक सहयोग गर्नु भएको छ ।

 

विपन्न वर्गका नागरिकको पीडा बुझ्दै वडा अध्यक्ष वहाबले मानवीय भावना र सामाजिक उत्तरदायित्वको उदाहरणीय परिचय दिनु भएको हो । उहाँको सहयोगले विवाहको तयारीमा सहजता पुगेको पीडित परिवारको भनाइ छ । आर्थिक अवस्था कमजोर भएका कारण विवाह गर्न कठिनाइ भएको समयमा वडा अध्यक्षको सहयोगले ठूलो राहत मिलेको बताइएको छ ।

वडा अध्यक्ष शेख वहाबले यस्ता सामाजिक कार्यहरूलाई प्राथमिकतामा राख्दै अगामी दिनहरूमा पनि यस्तै खालका सहयोग गर्न आफू सधैं तत्पर रहने प्रतिबद्धता व्यक्त गर्नु भएको छ । उहाँले भन्नु भयो, “समाजका सबै वर्गसँग सहकार्य गर्दै हामीले एक आपसमा सहयोग र सद्भावकाे भावना विकास गर्नुपर्छ । यो सहयोग मेरो व्यक्तिगत प्रयास हो, तर यसले अरूलाई पनि प्रेरणा देओस् भन्ने चाहना छ।”

 

स्थानीय बासिन्दाहरूले वडा अध्यक्षको यस कार्यको खुलेर प्रशंसा गरेका छन् । विपन्न तथा दलित समुदायप्रति देखाइएको संवेदनशीलता र सहयोगको भावना अन्य जनप्रतिनिधिहरूका लागि पनि उदाहरणीय बन्न सक्छ ।

 

सामाजिक न्याय, समावेशिता र समानताको मार्गमा अग्रसर हुँदै वडा नं. १ का वडा अध्यक्ष शेख वहाबले देखाएको यो सद्भावपूर्ण कदमले समुदायमा सकारात्मक ऊर्जा र भरोसा थपिएको छ ।

 

काठमाडौं, १३ असोज
आम जनता पार्टी (आजपा)का अध्यक्ष एवं पूर्वमन्त्री प्रभु साहले सुशीला कार्की नेतृत्वको सरकारमा जेनजी वा जेनजी आन्दोलनका शहिद परिवारको पनि प्रतिनिधित्व हुनुपर्ने सुझाव दिएका छन ।

रौतहटको फतुवाबिजयपुर नगरपालिका-२ सितलपुरमा आयोजित शुभकामना कार्यक्रमलाई आज सम्बोधन गर्दै आजपा अध्यक्ष साहले यस्तो बताएका हुन् ।

जेनजी आन्दोलनकै बलमा बनेको सरकारमा त्यही समूहको प्रतिनिधित्व नहुनु दुखद भएको टिप्पणी उनले गरे ।

`अहिलेको सरकार जेन-जी आन्दोलनको बलमा गठन भएको छ । यो सरकारमा जेन-जी वा जेनजी आन्दोलनका शहिद परिवारको पनि प्रतिनिधित्व हुनुपर्छ,´ आजपा अध्यक्ष साहले भने ।

कांग्रेस र एमालेको दुई तिहाई शक्तिशाली सरकारले मुलुकको जोगाउन नसकेको टिप्पणी समेत उनले गरे । अहिले एमाले, कांग्रेसमै नेतृत्व पुस्तान्तरण र हस्तान्तरणको बहस चलिरहेको बताउदै साहले केपी ओली, शेरबहादुर देउवाले नेतृत्व हस्तान्तरण गरेर अगाडी बढदा मुलुक र सोही पार्टीको हितमा हुने बताए ।

उनले एमालेले ओलीलाई अगाडि नलगाओस र कांग्रेसले देउवा देखाएर दाईं नगरोस भन्दै बलपूर्वक हटाईएका यी बुढा नेताहरुलाई अब राजनीतिबाट स्थायी रुपमा बिदाई गर्नुको विकल्प पनि नभएको टिप्पणी गरे ।

मुलुकलाई झनै ठूलो संकटको भूमरीमा फसाईयो बताउदै उनले अहिलेकै संविधान कायमै राखेर समस्याको समाधान नहुने ठोकुवा समेत गरे । अन्तरिम सरकारका साथै अन्तरिम संविधानबाटै मुलुकले निकास पाउने उनले बताए ।

बज्जिकाञ्चल संवाददाता,राैतहट,असाेज १२ गते । 

रौतहटकाे गरूडामा भएको मेयर कप क्रिकेट प्रतियोगिता सिजन ४ अन्तर्गत पहिलो खेलमा गत सिजनका विजेता गेडही टिमले गरुडा यूथ क्लबलाई १६९ रनको फराकिलो अन्तरले पराजित गर्दै सशक्त सुरुवात गरेको छ ।

 

टस जितेर पहिले ब्याटिङ गरेको गेडही गेठ्ठी टिमले निर्धारित ओभरमा २ सय २२ रनको चुनौतीपूर्ण लक्ष्य प्रस्तुत गरेको थियो । टिमका तर्फबाट पंकजले ६६ रन, दिपेसले ७६ रन तथा मनिषले ३८ रन बनाउँदै टिमलाई सशक्त स्थितिमा पुर्‍याए ।

 

जवाफी ब्याटिङमा उत्रिएको गरुडा यूथ क्लब २ सय २२ रनको लक्ष्य पछ्याउने क्रममा जम्मा ५२ रनमा समेटिँदै खेल गुमाएको हो । गेडही टिमका बलरहरूले उत्कृष्ट प्रदर्शन गर्दै प्रतिद्वन्द्वी टोलीलाई दबाबमा राख्न सफल भए ।

 

१५२ रनको शानदार जितसँगै गेडही टिमले सिजन ४ मा विजयी सुरुवात गरेको छ । टिमका खेलाडीहरूको उत्कृष्ट समन्वय र प्रदर्शनका लागि स्थानीय क्रिकेटप्रेमी तथा समर्थकहरूले प्रशंसा व्यक्त क्रिकेटप्रेमी हाेसनारायण यादवले जानकारी गराउनु भएको हाे ।

 

गत वर्षको उपाधि विजेता गेडही गेठ्ठी टिमलाई पुनः सशक्त प्रदर्शनका लागि अनेक शुभकामना र धन्यवाद व्यक्त गरिएको छ । आजै भएको एक कार्यक्रमका बिच नगर प्रमुख कन्थमनी जयसवालले गरूडा मेयर कपकाे समुदघाटन गर्नु भएको थियोे । साे अवसरमा गरूडा नगरपालिका वडा नम्बर ५ का वडा अध्यक्ष रामबिनाेद जयसवाल सहितका जनप्रतिनिधिहरूकाे सहभागीता रहेको थियो ।

बज्जिकाञ्चल संवाददाता,राैतहट, असोज १२
रौतहट जिल्लाका विभिन्न स्थानीय तहहरूमा बेल नेवतनको परम्परागत विधि भव्य रूपमा सम्पन्न भएको छ । सप्तमीको दिनको विशेष अवसर पारेर जिल्लाका १८ वटै स्थानीय तहमा बाजागाजा, झाँकी र सांस्कृतिक झिलिमिलीका साथ बेल नेवतन गरिएको हो ।

कटहरिया, फतुवा बिजयपुर, गरुडा, गुजरा, मौलापुर, माधवनारायण, देवाही गोनाही, गौर, मत्सरी, राजदेवी लगायतका स्थानहरूमा बेलको पूजा र नेवतन विधि स्थानीयवासी तथा भक्तजनहरूको उल्लेखनीय सहभागितामा सम्पन्न भएको छ ।

परम्पराअनुसार सप्तमीका दिन दुर्गा पूजाको विशेष विधिमा प्रयोग गरिने बेलपत्र बेलको रुखबाट तान्त्रिक विधिपूर्वक टिपेर ल्याउने चलन रहिआएको छ । षष्ठीका दिनबाटै विशेष पूजा आरम्भ गरिने यो विधिमा मन्दिरहरूबाट बेलको रुखसम्म विशेष झाँकी निकालिन्छ, जसमा सांस्कृतिक तामझाम, बाजागाजा र धार्मिक रीतिरिवाजहरूसहितको कार्यक्रम गरिन्छ ।

रौतहटको दुर्गा भगवती गाउँपालिका–३ मत्सरीस्थित प्रसिद्ध शक्तिपीठ दुर्गा मन्दिर र राजदेवी नगरपालिका–१ स्थित ऐतिहासिक राजदेवी मन्दिरमा समेत हजारौं श्रद्धालुहरूको सहभागितामा बेल नेवतन सम्पन्न भएको छ । दुर्गा पूजा अन्तर्गतको यो अनुष्ठान रौतहटमा विशेष महत्वका साथ मनाइन्छ ।

स्थानीयवासीका अनुसार बेल नेवतनको परम्परा पुस्तौंदेखि चलिआएको धार्मिक, सांस्कृतिक तथा सामाजिक एकताको प्रतीक हो । यो अवसरमा स्थान–स्थानमा मेलासमेत लाग्ने, भजन–कीर्तन हुने र सामूहिक पूजा गरिने परम्परा रहिआएको छ ।

यसरी बेल नेवतन मार्फत रौतहट जिल्लामा दुर्गा पूजाको प्रारम्भिक चरण धार्मिक श्रद्धा, तामझाम र भव्यताका साथ सम्पन्न भएको छ ।

बज्जिकाञ्चल संवाददाता,राैतहट,असाेज १२ गते । 

हिन्दू समुदायको महान पर्व विजयादशमी, तिहार तथा छठको पावन अवसरमा गरूडा नगर उद्योग वाणिज्य सङ्घ परिवार, रौतहटले विशेष शुभकामना आदानप्रदान कार्यक्रमको आयोजना गरेको छ । संघका अध्यक्ष सतीश साहको अध्यक्षतामा सम्पन्न कार्यक्रममा इलाका प्रहरी कार्यालयका डीएसपी शंकर आचार्य प्रमुख अतिथिकाे रूपमा सहभागी हुनुहुन्थ्यो ।

 

विशिष्ट अतिथिको रूपमा दुधियाबार सशस्त्र प्रहरी बलका प्रमुख इन्सपेक्टर रामचन्द्र लागेजु, गरूडा नगरपालिका मेयर पदका प्रत्याशी द्वय ब्रिजकिशोर राय यादव,दीपक यादव, गरूडा नगरपालिका पूर्व उपमेयर  रंगिला देवी जसवाल, सुनचाँदी व्यवसायी महासङ्घ मधेस प्रदेशका अध्यक्ष रामजी साह सुनार, उद्योग वाणिज्य सङ्घका भूतपूर्व अध्यक्ष रामभरोस यादव र हरिन्द्रप्रसाद जसवाल, श्री नमुना माध्यमिक विद्यालयका अध्यक्ष सन्तोष सीह लगायत समाजसेवी, व्यापारी, राजनीतिकर्मी तथा विभिन्न संघ-संस्थाका प्रतिनिधिहरूको उपस्थिति रहेको गरूडा समाजसेवी छठु प्रसाद साहले जानकारी गराउनु भएको हाे ।

 

कार्यक्रममा वक्ताहरूले नेपाली समाजको एकता, सहकार्य र मेलमिलापको सन्देश बोकेको यस्ता पर्वहरूले सामाजिक सद्भावलाई बलियो बनाउने धारणा व्यक्त गरेका छन् । साथै, देश-विदेशमा रहेका सम्पूर्ण दाजुभाइ तथा दिदीबहिनीहरूलाई पर्वको अवसरमा मङ्गलमय शुभकामना व्यक्त गरिएको थियो ।

 

कार्यक्रमको अन्त्यमा गरूडा नगर उद्योग वाणिज्य सङ्घ परिवारले सबै अतिथि तथा सहभागीहरूलाई धन्यवाद ज्ञापन गर्दै, यस्ता कार्यक्रमले नगरको समृद्धि र सहकार्यको भावना बढाउने विश्वास व्यक्त गर्‍यो ।

बज्जिकाञ्चल संवाददाता,राैतहट,असाेज ११ गते । 

राैतहटकाे मौलापुर वितरण केन्द्र अन्तर्गतको मौलापुर सबस्टेसनमा रहेको पावर ट्रान्सफर्मरको एचटी बुस बाट तेल लिक भएको कारण विद्युत आपूर्ति प्रभावित भएको छ ।

नेपाल विद्युत प्राधिकरण मौलापुर वितरण केन्द्रका अनुसार समस्या देखिएसँगै ट्रान्सफर्मर मर्मत कार्य तुरुन्तै सुरु गरिएको छ । मर्मत सम्पन्न नहुँदासम्मका लागि सम्बन्धित क्षेत्रमा विद्युत आपूर्ति बन्द गरिनुपरेको प्राधिकरणले जनाएको छ ।

विद्युत आपूर्ति बन्द हुँदा ग्राहक वर्गलाई असुविधा भएकोमा केन्द्रले क्षमायाचना गर्दै आवश्यक प्राविधिक सुधार कार्य तीव्र गतिमा भइरहेको जनाएको छ । मर्मत कार्य सम्पन्न भएपछि यथासिघ्र सेवा पुनः सञ्चालनमा ल्याइने जनाइएको छ ।

बज्जिकाञ्चल संवाददाता,राैतहट,असाेज ११ गते ।
राैतहटकाे मौलापुर वितरण केन्द्रअन्तर्गतको ११ केभी मौलापुर फिडरमा आवश्यक मर्मत तथा लाइन सफा गर्ने कार्यका कारण आज शनिबार विद्युत आपूर्ति आंशिक वा पूर्ण रूपमा बन्द हुने भएको छ ।

कार्यालय प्रमुख ई. दिनेश यादवका अनुसार, फिडरमा फुटेको पिन डिस्कको बदली तथा लाइनमा छुन लागेको हाँगाबिँगा काट्नुपर्ने भएकाले बिहान ११ बजे देखि दिउँसो १ बजे सम्म विद्युत सेवा अवरुद्ध हुने जानकारी दिनुभयो ।

“उक्त समयमा फिडर अन्तर्गतका केही क्षेत्रहरूमा विद्युत सेवा अवरुद्ध हुने भएकाले उपभोक्ताहरूले वैकल्पिक व्यवस्था मिलाउनुहुन अनुरोध गर्दछौं,” ई. यादवले बताउनुभयो ।

मौलापुर वितरण केन्द्रले यस मर्मत कार्यका क्रममा सेवामा पर्न सक्ने असुविधाप्रति ग्राहक वर्गसँग क्षमा याचना गरेको छ । नेपाल बिधुत प्राधिकरण माैलापुर वितरणले सामाजिक संजाल मार्फत पनि ग्राहक वर्गलाई जानकारी गराएको छ ।

बज्जिकाञ्चल संवाददाता,रौतहट,असोज १० गते । 

नवसर्जक साहित्य चौतारी नेपाल, मधेश प्रदेशकाे आयोजनामा बज्जिका भाषाकाे विकास, रोजगारीकाे सम्भावना, तथा संस्कृतिकाे संरक्षण सम्बन्धी एक विशेष कार्यक्रम सम्पन्न भएकाे छ । कार्यक्रममा प्रमुख अतिथिका रूपमा चर्चित साहित्यकार संञ्जय मित्रले बज्जिका भाषाकाे ऐतिहासिक पृष्ठभूमि, यसको समृद्ध साहित्यिक धरोहर र भविष्यका सम्भावनाहरूकाे बारेमा महत्वपूर्ण धारणा राख्नुभयो ।

 

कार्यक्रममा उहाँले बज्जिका भाषाकाे विकासबारे विस्तृत रूपमा चर्चा गर्नु भएकाे थियो । कार्यक्रममा बज्जिका भाषाबाट रोजगारका सम्भावनाहरू पनि उल्लेख गर्दै उहाँले रेडियाे, टेलिभिजन, अनुवाद, साहित्य लेखन, शैक्षिक सामग्री निर्माणजस्ता क्षेत्रहरूमा काम गर्न सकिने बताउनुभयो ।

कार्यक्रममा बज्जिका भाषामा लेखिएका पाठ्यपुस्तकहरू हरेक विद्यालयमा अनिवार्य रूपमा लागू गरिनुपर्ने माग पनि अघि सारिएको छ ।

 

कार्यक्रमका अध्यक्ष नवसर्जक साहित्य चौतारी नेपाल मधेश प्रदेशका अध्यक्ष अभिजीत रामले बज्जिका भाषा र साहित्यकाे प्रचारप्रसारका लागि संस्थाले निरन्तर काम गरिरहेको जानकारी दिनुभयो ।

 

कार्यक्रम सञ्चालन जगत जयसवालले गर्नुभएको थियो । कार्यक्रममा गरुडा नगरपालिकाका युवा नेता तथा नगर प्रमुख प्रत्यासी दीपक यादवले समेत सहभागिता जनाउनुभएको थियो । उहाँले बज्जिका भाषाबारे प्रश्न–उत्तर सत्रमा सक्रिय सहभागिता जनाउँदै भाषाकाे संरक्षणका लागि स्थानीय सरकारले ठाेस नीति ल्याउनुपर्नेमा जोड दिनुभयो ।

 

संवाद कार्यक्रममा रौतहटका विभिन्न क्षेत्रका साहित्यकार, शिक्षक, विद्यार्थी तथा स्थानीय बुद्धिजीवीसहित करिब ४० जना सहभागी भएका थिए । कार्यक्रममा विभिन्न बज्जिका भाषाका क्षेत्रीय पक्षहरू, चुनौती र सम्भावनाहरूकाे बारेमा गहिरो छलफल भएको आयोजकले जनाएको छ ।

बज्जिकाञ्चल संवाददाता,राैतहट,असाेज १० गते । 

रौतहटकाे श्री यमुना माइ माध्यमिक विद्यालय, झुनखुनमाका पूर्व प्रधानाध्यापक तथा जिल्लाका ख्यातिप्राप्त विज्ञान शिक्षक राम एकवाल प्रसाद यादवको असामयिक निधन भएको खबरले सम्पूर्ण शिक्षा क्षेत्रलाई स्तब्ध बनाएको छ ।

शिक्षक धर्मेन्द्र प्रसाद सिह, जो हाल प्रगतिशील नेपाल राष्ट्रिय शिक्षक संगठन रौतहटका अध्यक्ष समेत हुन्, उनले यादव सरको असामयिक निधनप्रति गहिरो दुःख व्यक्त गर्दै श्रद्धाञ्जली अर्पण गरेका छन् ।

यस्तै श्री मावि टेंग्राहाका प्रधानाध्यापक अनिल यालवले पनि वहाँकाे निधन प्रति गहिरो दु:ख व्यक्त गर्दै श्रद्धाञ्जली अर्पण गरेका छन् । यस्तै जिल्लाका दर्जनौं शिक्षकहरूले श्रद्धाञ्जली अर्पण गरेका छन् ।

स्व. यादवको निधनले शिक्षा क्षेत्रले एक अनुकरणीय शिक्षक, अनुशासित प्रशासक र निष्ठावान व्यक्तित्व गुमाएको छ।

 

बज्जिकाञ्चल संवाददाता,रौतहट,असाेज १० गते । 

 नेपाली कांग्रेसका महामन्त्री विश्वप्रकाश शर्माले आज रौतहटको गौरमा रहेको नेपाली कांग्रेस पार्टी कार्यालयको निरीक्षण गर्नु भएको छ । निरीक्षणको क्रममा जेनजी आन्दोलनमा पार्टी कार्यालयको भौतिक संरचना क्षति , कार्यसम्पादन अवस्था तथा संगठनात्मक विषयमा जानकारी लिनुका साथै स्थानीय नेता तथा कार्यकर्ताहरूसँग भेटघाट समेत गर्नुभयो ।

 

उक्त कार्यक्रममा नेपाली कांग्रेस रौतहटका सभापति तथा मधेस प्रदेश सरकारका अर्थमन्त्री सुनिलकुमार यादव (जितेन्द्र) समेत सहभागी हुनुहुन्थ्यो । उहाँसँगै जिल्ला तथा नगर तहका नेताहरू, युवा नेता, महिला नेतृहरू र पार्टी कार्यकर्ताहरूको उल्लेखनीय उपस्थिति रहेको थियो ।

 

महामन्त्री शर्माले कार्यक्रममा बोल्दै जेनजी आन्दोलन पछि उत्पन्न परिस्थिति सँग जुध्दै पार्टीले समग्र मुलुकको विकास, लोकतन्त्र र संविधानकाे संरक्षण र जनताको अधिकार सुनिश्चित गर्न निरन्तर लागिरहेकाले सबै कार्यकर्तालाई एक ढिक्का भएर अघि बढ्न आग्रह गर्नुभयो ।

 

सभापति यादवले पनि आफ्नो मन्तव्यमा जेनजी आन्दोलन पछि जिल्लामा पार्टीको गतिविधि विस्तार र जनताको विश्वास जित्नका लागि सबै तहमा समन्वय र एकता अपरिहार्य रहेको बताए ।

 

कार्यक्रम सौहार्दपूर्ण वातावरणमा सम्पन्न भएको थियो ।

 

रौतहट, असोज १० गते । 

रौतहट प्रहरीले ठूलो परिमाणको अवैध लागूपदार्थसहित एक व्यक्तिलाई पक्राउ गरेको छ ।

चन्द्रपुर नगरपालिका–६ देउराली चोकबाट ३ हजार थान अवैध लागूपदार्थ ट्रामाडोल सहित चन्द्रपुर नगरपालिका–७ बस्ने ५२ वर्षीय दिपेन्द्र कुमार साह पक्राउ परेका हुन्। जिल्ला प्रहरी कार्यालय रौतहट र इलाका प्रहरी कार्यालय चन्द्रनिगाहपुरको संयुक्त टोलीले उनलाई पक्राउ गरेको हो।

प्रहरीका अनुसार साह ना.३३ प ९५३३ नम्बरको मोटरसाइकलमार्फत सो परिमाणमा ट्रामाडोल लैजाँदै गरेका अवस्थामा नियन्त्रणमा लिइएका हुन्।

यस्तै, साहकै चन्द्रपुर–७ मा सञ्चालनमा रहेको औषधि पसलमा समेत खानतलासी गर्दा थप ४५ थान ट्रामाडोल फेला परेको प्रहरीले जनाएको छ।

इलाका प्रहरी कार्यालय चन्द्रनिगाहपुरका इन्सपेक्टर सोनु रामका अनुसार पक्राउ परेका साहलाई थप अनुसन्धानका लागि जिल्ला प्रहरी कार्यालय रौतहटमा राखिएको छ।

काठमाडौं,असोज १० गते । 

लोकतान्त्रिक समाजवादी पार्टी नेपाल (लोसपा नेपाल) ले हिन्दु धर्मावलम्बीहरुको महान चाडहरु बडादशैं, दीपावली र नेपाल संवत ११४६ को पावन अवसरमा देश तथा विदेशमा रहेका सम्पूर्ण नेपाली नागरिकहरूलाई शुभकामना व्यक्त गरेको छ ।

 

लोसपाको केन्द्रीय कार्यालय, बबरमहल, काठमाडौंबाट जारी शुभकामना सन्देशमा पार्टी अध्यक्ष महन्थ ठाकुरले नवरात्रिको अवसरमा भगवतीको उपासना तथा अध्यात्मिक चिन्तनबाट मानव समाजले नयाँ उर्जा प्राप्त गर्ने विश्वास व्यक्त गर्दै दशैंलाई अधर्ममाथि धर्म र असत्यमाथि सत्यको विजयको प्रतीकका रूपमा उल्लेख गरेका छन् ।

 

ठाकुरले शुभकामना सन्देशमा उल्लेख गरेका छन्, “यो पर्वले मानव भित्र रहने आसुरी प्रवृत्तिमाथि विजय प्राप्त गर्ने शक्तिको प्रादुर्भाव गराउँछ, जसले आपसी भाईचारा, सद्भाव र सहिष्णुताको अभिवृद्धिमा सहयोग पुग्दछ।”

 

यसै सन्दर्भमा हालै जेनजी आन्दोलनका क्रममा भएको मानवीय तथा भौतिक क्षतिको प्रति गहिरो दुःख व्यक्त गर्दै उनले पीडित परिवारप्रति समवेदना प्रकट गरेका छन् । उनले भने, “हामी अत्यन्त मर्माहत तथा शोकाकुल छौं, तर यो पर्वको अध्यात्मिक शक्ति र भगवतीको कृपाले हामीलाई यस पीडाबाट मुक्त गर्ने विश्वास लिएका छौं।”

 

शुभकामना सन्देशको अन्त्यमा पार्टीले शान्ति, समृद्धि र आपसी सद्भावको कामना गर्दै सबै नेपालीलाई चाडपर्वहरू मनाउन आह्वान गरेको छ ।

बज्जिकाञ्चल संवाददाता,कटहरिया,असोज १० गते ।
रौतहटको कटहरियामा रहेको ईलाका प्रहरी कार्यालय परिसरमा त्रिशक्ती एकेडेमी इंग्लिस बोर्डिङ्ग स्कुलका विद्यार्थीहरूले सरसफाइ कार्यक्रम सम्पन्न गरेका छन् । समाजमा सचेतना फैलाउने उद्देश्यले स्कुलले ‘स्वच्छता र अनुशासन हाम्रो पहिचान’ भन्ने नाराका साथ सरसफाइ कार्यक्रमको आयोजना गरेको हो ।

कार्यक्रममा त्रिशक्ती एकेडेमीका संस्थापक प्रकाश श्रेष्ठले विद्यार्थीलाई सानै उमेरदेखि सामाजिक कार्यमा सहभागी गराउनु आवश्यक रहेको बताए । “विद्यालय केवल किताबी ज्ञान दिने ठाउँ मात्रै होइन, सामाजिक उत्तरदायित्व बोध गराउने स्थान पनि हो,” श्रेष्ठले भनेका छन् ।

विद्यालयका प्रधानाध्यापक (प्रिन्सिपल) राेहित कुमार साहले विद्यार्थीहरूमा अनुशासन र स्वच्छताप्रति जिम्मेवारी विकास गर्न यस्ता कार्यक्रम अत्यन्तै प्रभावकारी हुने धारणा व्यक्त गरेका छन् । “हामी हाम्रो पाठ्यक्रमसँगै व्यवहारिक शिक्षा पनि दिन चाहन्छौं, जसबाट विद्यार्थीहरू आगामी दिनमा जिम्मेवार नागरिक बन्न सकोस्,” साहले बताए।

ईलाका प्रहरी कार्यालय कटहरियाका इन्चार्ज सई धर्मेन्द्र पौडेलले विद्यालय र प्रहरी कार्यालयबीचको सहकार्यलाई सकारात्मक कदमको रूपमा लिँदै धन्यवाद ज्ञापन गरेका छन् । “विद्यार्थीहरूबाट प्रेरणा लिएर समाजमा सफाइ र अनुशासनको संस्कार फैलन सकोस् भन्ने हाम्रो चाहना हो,” पौडेलले भने।

कार्यक्रममा स्कुलमा अध्ययनरत सयौं विद्यार्थीहरूको सक्रिय सहभागिता रहेको थियो । सरसफाइपछि विद्यार्थीहरूलाई ईप्रका कटहरियाले ट्राफिक नियम, सामाजिक अनुशासन, र साइबर सुरक्षाबारे संक्षिप्त जानकारीसमेत दिएको थियो ।

बज्जिकाञ्चल संवाददाता,राैतहट,असाेज ०९ गते । 

रौतहटकाे गौर नगरपालिकामा संरक्षण विषयगत क्षेत्रको स्थानियकरण तथा विपद् व्यवस्थापनसम्बन्धी १ दिने अभिमुखिकरण तालिम आज सम्पन्न भएको छ । तालिममा गौर नगरपालिकाका नगर प्रमुख शम्भु साह, उपप्रमुख, विभिन्न वडाका अध्यक्षहरू तथा नगरपालिका अन्तर्गतका शाखा प्रमुखहरूको उल्लेखनीय उपस्थिति रहेको थियो ।

 

कार्यशाला गोष्ठीको आयोजनामा नेपाल रेडक्रस सोसाइटी, रौतहट शाखा रहेको थियो । नेपाल रेडक्रस सोसाइटी रौतहटका सभापति राजकिशोर प्रसाद यादवले उक्त जानकारी दिनु भएको हो ।

कार्यक्रमको उद्देश्य विपद् जोखिम न्यूनीकरण तथा व्यवस्थापनमा स्थानीय तहको भूमिका सुदृढ बनाउने, संरक्षण क्षेत्रको स्थानियकरणलाई प्रभावकारी बनाउने तथा विपद् पूर्वतयारीलाई व्यवस्थित बनाउने रहेको आयोजक संस्थाले जनाएको छ ।

 

गोष्ठीमा सहभागिहरूले विपद् व्यवस्थापनका विविध आयामहरू, स्थानीय तहमा हुन सक्ने सम्भावित जोखिमहरू तथा तिनको न्यूनीकरणका उपायहरूमाथि व्यापक छलफल गरेका थिए ।

आरएन पटेल रौतहट, असोज ०९ गते ।

वडा दशैं २०८२ को शुभ उपलक्ष्यमा रेडियो मधेश मसला गरुडाद्वारा आयोजना हुने स्वर्गीय मनोज कुमार चौधरी स्मृति म्याराथन दौड प्रतियोगिता आगामी असोज १२ गते सप्तमीका दिन हुने भएको छ। प्रतियोगिता गरुडा नगरको धार्मिक तथा सांस्कृतिक महत्व बोकेको दुर्गा मन्दिरको प्राङ्गण अगाडि सुरु भई नेपाल पुलिस स्कुल जिगडिया हुँदै पुनः दुर्गा मन्दिरमै समापन हुनेछ।

दौड प्रतियोगितामा सहभागी हुन १६ वर्ष उमेर पूरा गरी ३५ वर्ष ननाघेका नेपाली नागरिक हुनुपर्ने आयोजक संस्थाले जनाएको छ। यस नियमले युवाहरू माझ स्वस्थ प्रतिस्पर्धा र अनुशासनलाई प्रोत्साहन गर्ने विश्वास लिइएको छ। कार्यक्रमको प्रमुख प्रायोजक गरुडा नगरपालिकाकी उपप्रमुख तथा स्वर्गीय मनोज कुमार चौधरीको श्रीमती पुनम कुमारी चौधरी रहेकी छिन ।

उहाँले खेलकुदलाई समाजको सकारात्मक रूपान्तरणको आधार मान्दै दशैं जस्तो ठूलो चाडमा युवालाई खेलमार्फत जोडिनु महत्वपूर्ण रहेको बताउनुभएको छ। प्रतियोगितामा विजेताहरूलाई आकर्षक पुरस्कार प्रदान गरिनेछ। जसअनुसार प्रथम हुनेले फ्रिज, द्वितीय साईकल, तृतीय राईस कुकर तथा चौथो हुनेले ईलेक्ट्रीक जग पुरस्कार स्वरूप प्राप्त गर्नेछन्। आयोजक समितिले पुरस्कारको आकर्षणले मात्र नभई खेलकुदमै रुचि जगाउने उद्देश्य रहेको स्पष्ट पारेको छ।

रेडियो मधेश मसला गरुडाले विगतदेखि नै सामाजिक, सांस्कृतिक र खेलकुद गतिविधिमा सक्रिय सहभागिता जनाउँदै आएको छ। यस पटकको म्याराथन दौड प्रतियोगितालाई स्थानीय बासिन्दा, युवा र खेलप्रेमीहरूले उत्साहपूर्वक स्वागत गर्ने अपेक्षा गरिएको छ। साथै, यस किसिमका प्रतियोगिताले दशैं पर्वलाई अझ रमाइलो, अनुशासित र उद्देश्यपूर्ण बनाउन योगदान पुर्‍याउने विश्वास आयोजकले व्यक्त गरेको छ।

आरके श्रीवास्तव,राैतहट,असाेज ०९ गते । 

राैतहटकाे कहटरिया बजारका नव दुर्गा पूजा समितिका युवाहरूले सामूहिक रूपमा इलाका प्रहरी कार्यालय कटहरियाको प्रांगणमा सरसफाइ गरेका छन् । समितिका अध्यक्ष सुनिल कुमार सोनी, उपाध्यक्ष अमित जयसवाललगायतका युवाहरूको नेतृत्वमा गरिएको उक्त अभियानले प्रहरी कार्यालयको वातावरण थप स्वच्छ र आकर्षक बनाएको छ ।

समितिका अध्यक्ष सोनीका अनुसार सरसफाइ अभियानसँगै प्रहरी कार्यालयमा रंगरोगनको काम पनि चाँडै सुरु गरिनेछ । “समाज र सुरक्षा निकायबीच समन्वय आवश्यक छ भन्ने सोचले हामीले यो अभियान थालेका हौं,” अध्यक्ष सोनीले बताए ।

ईलाका प्रहरी कार्यालय कटहरियाका इन्चार्ज सई धर्मेन्द्र पौडेलले समितिको यो पहलप्रति प्रशंसा व्यक्त गर्दै भने, “युवाहरूले देखाएको यो सामाजिक उत्तरदायित्वको भावना सराहनीय छ । यस्तो कामले प्रहरी र समुदायबीचको सम्बन्ध अझ बलियो बनाउँछ।”

उक्त सरसफाइ अभियानमा समितिका अन्य सदस्यहरूको समेत उल्लेखनीय सहभागिता रहेको थियो । अभियानले दुर्गा पूजाको सन्दर्भमा धार्मिक मात्र होइन, सामाजिक सरोकारप्रति युवाहरूको सक्रिय भूमिका झल्काएको छ ।

आरके श्रीवास्तव,रौतहट, असोज ९ गते ।

बडादशैंको चाैथाे दिन आज देशभर सर्वसाधारण आ–आफ्ना घर तथा मठ–मन्दिरहरूमा विशेष पूजा–पाठमा व्यस्त देखिएका छन् । रौतहट जिल्लाको कटहरिया, गरूडा, विजयपुर, मौलापुर लगायतका ठाउँहरूमा पनि धार्मिक आस्थाले ओतप्रोत वातावरण छाएको छ ।

स्थानीय मन्दिरहरूमा बिहानैदेखि सर्वमंगल मांगल्यकाे धुनले गुञ्जमान भएको छ । धार्मिक सङ्गीत, वैदिक मन्त्रोच्चारण र दुर्गा स्तोत्र पाठले सम्पूर्ण वातावरण भक्तिमय बनेको छ ।

विभिन्न चाैक,देवि शक्तिपिठमा दुर्गा भगवतीको विशेष पूजा, घटस्थापना र दुर्गा सप्तशती पाठको आयोजना गरिएको छ ।

गरूडामा रहेको प्रसिद्ध दुर्गा मन्दिरमा आज बिहानदेखि दर्शनार्थीहरूको भीड लागेको छ । मौलापुर र विजयपुरका मन्दिरहरूमा पनि विशेष सजावटसहित पूजा सम्पन्न गरिएको छ ।

दशैंको समयमा भीडभाडलाई मध्यनजर गर्दै स्थानीय प्रशासनले सुरक्षाको विशेष व्यवस्था मिलाएको छ । नगरपालिकाहरूले सरसफाइ तथा सार्वजनिक स्थानहरूमा बत्तीको राम्रो व्यवस्था गरेका छन् ।

“दशैं हाम्रो चाड मात्र होइन, संस्कृति हो,” कटहरियाका एक स्थानीय बासिन्दाले भने, “हरेक वर्ष झैं यसपालि पनि हामी श्रद्धा र उल्लासका साथ पर्व मनाइरहेका छौं।”

बज्जिकाञ्चल संवाददाता,राैतहट,असाेज ०५ गते ।
राैतहटकाे इलाका प्रहरी कार्यालय, गरुडामा एक वर्षे कार्यकाल सफलतापूर्वक सम्पन्न गरी सरुवा भई अन्यत्र जान लाग्नु भएका डिएसपी राजन कार्कीलाई बधाई तथा आगामी कार्यकालको लागि शुभकामना व्यक्त गरिएको छ ।

डिएसपी कार्कीले आफ्नो कार्यकालमा गरुडा क्षेत्रमा शान्ति सुरक्षा कायम राख्न, अपराध न्यूनीकरण गर्न तथा स्थानीय जनताको विश्वास जित्न उल्लेखनीय सफलता प्राप्त गरेका थिए । इमान्दारी, कुशलता र सक्रिय नेतृत्वका कारण उहाँको कार्यकाल व्यापक प्रशंसा योग्य रह्यो।

स्थानियबासी, जनप्रतिनिधिहरू तथा सामाजिक अभियन्ताहरूले डिएसपी कार्कीको योगदानलाई उच्च सम्मानका साथ स्मरण गर्दै आगामी ठाउँमा पनि यस्तै उत्कृष्ट कार्यप्रदर्शनको कामना गरेका छन् ।

उता, डिएसपी शंकर प्रसाद आचार्य इलाका प्रहरी कार्यालय, गरुडाका नयाँ प्रमुखको रूपमा जिम्मेवारी सम्हाल्न लाग्नुभएको छ । उहाँको आगमनसँगै स्थानीय स्तरमा अझै प्रभावकारी शान्ति सुरक्षाको अपेक्षा गरिएको छ ।

इलाका प्रहरी कार्यालय, गरुडा अब नयाँ नेतृत्व अन्तर्गत अघि बढ्दैछ ।

आरके श्रीवास्तव,राैतहट,असाेज ०५ गते । 

राैतहटकाे फतुवा बिजयपुर नगरपालिकामा आजदेखि महिलाहरूलाई निःशुल्क सेनेटरी प्याड वितरण सुरु गरिएको छ । कार्यवाहक नगरप्रमुख अम्बेया खातुनले आज एक कार्यक्रमका बीच स्वास्थ्य चौकी सन्तपुरबाट औपचारिक रूपमा वितरण कार्यको शुभारम्भ गरेकी हुन् ।

यसअघि नगरपालिकाले सामुदायिक विद्यालयहरूमा मात्र सेनेटरी प्याड वितरण गर्दै आएको थियो । अबदेखि भने नगर क्षेत्रका सबै स्वास्थ्य संस्थामार्फत पनि नियमित रूपमा सेनेटरी प्याड उपलब्ध हुने व्यवस्था गरिएको छ ।

कार्यक्रममा बोल्दै कार्यवाहक नगरप्रमुख खातुनले भनिन्, “महिलाको स्वास्थ्य र मर्यादित मासिक धर्मका लागि सेनेटरी प्याडको पहुँच सुनिश्चित गर्नु हाम्रो दायित्व हो । विद्यालयपछि अब स्वास्थ्य संस्थामार्फत पनि सहज रूपमा उपलब्ध गराइनेछ।”

प्रदेश सांसद पदका प्रत्यासी मोहमद सेराजले यस्तो पहलले महिलाहरूको जीवनस्तरमा सकारात्मक प्रभाव पार्ने बताए । “महिला स्वास्थ्यको संवेदनशीलता बुझेर नगरपालिकाले चालेको यो कदम सराहनीय छ,” उनले भने, “अब यो अभियानलाई अझ फराकिलो बनाउँदै लैजान जरुरी छ।”

स्वास्थ्य संयोजक रमेश प्रसाद यादवले सेनेटरी प्याडको सहज उपलब्धताले महिलाहरूको मासिक धर्म सम्बन्धी स्वच्छता र आत्मसम्मानमा वृद्धि हुने बताए । “स्वास्थ्य संस्थामार्फत नियमित आपूर्ति सुनिश्चित गर्दै हामी जनचेतनामूलक कार्यक्रम पनि सञ्चालन गर्नेछौं,” उनले भने।

कार्यक्रममा स्वास्थ्य चौकी सन्तपुरका ईन्चार्ज रघुनाथ साह, स्थानीय अगुवाहरू, स्वास्थ्यकर्मीहरू र महिलाहरूको उल्लेख्य उपस्थिति रहेको थियो ।

राैतहट,असाेज ०३ गते । 

नेपाल कम्युनिस्ट पार्टी (एकीकृत समाजवादी) जिल्ला कमिटी रौतहटको आयोजनामा,वर्तमान परिस्थिति र हाम्रो संविधान विषय विचार गोष्ठी सम्पन्न भएको छ। जिल्लाको मध्य भागमा रहेको गरुडा बजार स्थित संविधान दिवसको अवसरमा जिल्ला कमिटी अध्यक्ष कमल यादवको अध्यक्षतामा सो कार्यक्रमको आयोजना गरिएको थियो।

उक्त कार्यक्रममा उपस्थित नेताहरुले, नेपाली जनताको लामो सङ्घर्ष, त्याग र बलिदानको फलस्वरुप जननिर्वाचित संविधानसभाले २०७२ असोज ३ गते नेपालको संविधान जारी गरेको र संविधान जारी भएको एक दशक बितिसक्दा पनि मुलुकमा देखा परेको भ्रष्ट्राचार र कुशासनका विरुद्धमा भएको युवा विद्रोहको विशिष्ट परिस्थितिमा आफुहरु संविधान दिवस मनाइरहेको बताए ।

कार्यक्रममा सहभागीहरु एघारौं संविधान दिवस तथा राष्ट्रिय दिवसको उपलक्ष्यमा हार्दिक शुभकामना व्यक्त गर्दै संघीय लोकतान्त्रिक गणतन्त्रको स्थापनाको आन्दोलन, अन्य न्यायप्रेमी आन्दोलनहरु साथै भर्खरै मात्र भएको Gen- Z पुस्ताको आन्दोलन समेतमा आफ्नो अमूल्य जीवन बलिदान गर्नुहुने सम्पूर्ण सहिदहरूप्रति भावपूर्ण श्रद्धाञ्जली अर्पण गरेका थिए।

उक्त विचार गोष्ठीको प्रमुख अथितिको रुपमा रहेकी नेकपा एसकी स्थायी कमिटी सदस्य कल्याणी खडकाले प्रतिस्पर्धात्मक बहुदलीय लोकतान्त्रिक शासनप्रणाली, नागरिक स्वतन्त्रता, मौलिक अधिकार, मानव अधिकार, बालिग मताधिकार, आवधिक निर्वाचन, पूर्ण प्रेस स्वतन्त्रता, स्वतन्त्र, निष्पक्ष र सक्षम न्यायपालिका तथा कानुनी राज्यको अवधारणा लगायत लोकतान्त्रिक मूल्य र मान्यतालाई आत्मसात् गर्नु संविधानको विशेषता रहेको,,

र संविधान जारी भएपछि मुलुकको राज्य संरचना र शासन सत्तामा ठूलो परिवर्तन तथा सुधार त भएको छ तर अहिले पनि संविधान निर्माण गर्दा परिकल्पना गरिएको सुशासन र आर्थिक समृद्धि सहितको समुन्नत राष्ट्र निर्माणतर्फको यात्राले अपेक्षित गति लिन न सकेको कारण जनतामा उत्पन्न निराशा तथा आक्रोशको जगमा यदाकदा हाम्रो संविधानमाथि नै प्रहार हुने गरेको बताइन् ।

त्यस्तै कार्यक्रमको विशिष्ट अथितिको रुपमा बोल्दै,जिल्ला ईन्चार्ज महेन्द्र चौलागाईंले संविधानको कार्यान्वयनमा देखिएका कमजोरीहरुको विना कुनै आग्रह वस्तुनिष्ट समीक्षा गर्दै शान्ति, स्थीरता र विकास सहित भ्रष्टाचारको अन्त्य, सुशासनको सुनिश्चितता र व्यापक रोजगारीको सिर्जना गरेर मुलुकलाई आर्थिक सामाजिक रुपान्तरण गर्ने एवम् युवा पुस्ता सहित सबै उमेर समूहका जनतालाई सम्मानपूर्ण रुपमा मुलुकमै रहने वातावरण तथा अवसरहरु सिर्जना गर्न सकेमा मात्र संविधानप्रति साँचो इमान्दारिता र पछिल्लो Gen- Z आन्दोलनको समेत सम्मान हुने बताए ।

उनले जेनजीहरुको जायज मागलाई समयमै सम्बोधन गर्नुको सट्टा तत्कालीन सत्ताधारीहरूले देखाएको दम्भका कारण अहिलेको परिस्थिति आएको बताएका छन् । सहभागी वक्ताहरुले कार्यक्रमलाई सम्बोधन गर्दै जेनजी आन्दोलनका मागहरूप्रति पार्टीको तर्फबाट आन्दोलनपूर्व नै समर्थन तथा ऐक्यबद्धता प्रकट गरेको स्मरण पनि गराएका छन् ।

त्यस्तै केन्द्रीय सदस्य कनिष पटेलले ‘जेनजीको जायज मागहरूलाई समयमा सम्बोधन गर्नुको सट्टा तत्कालीन सत्ताधारीहरूले देखाएको दम्भ र अहंकारको कारण दर्जनौँ होनहार युवाहरूले शहादत प्राप्त गर्नुपर्‍यो भने हाम्रो मुलुकले अकल्पनीय तथा अपूरणीय क्षति व्यहोर्नुपर्यो । युवा पुस्ताको अगुवाइमा भएको उक्त आन्दोलन लोकतान्त्रिक गणतन्त्र प्राप्तिपछि पनि जनताको चाहना र भावना अनुरूप पारदर्शी तथा जनउत्तरदायी शासन प्रणाली कायम गर्न नसक्दा जनतामा उत्पन्न निराशा र आक्रोशको परिणाम हो भन्ने कुरालाई स्वीकार गर्नुपर्ने बताए ।’

त्यसैगरी नेकपा एसका जिल्ला कमिटी अध्यक्ष कमल यादवले
‘अहिले युवा पुस्ताको आन्दोलनले उठाएका एजेन्डाहरूको सम्बोधन गर्दै मुलुकलाई अग्रगामी बाटोमा अगाडि बढाउन अन्तरिम सरकार गठन भएको छ र निर्वाचनको मिति समेत घोषणा भएको छ । अतः विना कुनै पूर्वाग्रह इतिहासका कमजोरीहरूको वस्तुनिष्ठ समीक्षा गर्दै शान्ति, स्थिरता र विकास सहित भ्रष्टाचारको अन्त्य, सुशासन कायम र व्यापक रोजगारीको सिर्जना गरेर मुलुकलाई आर्थिक सामाजिक रूपान्तरण गर्ने एवम् युवा पुस्तालाई मुलुकमै बस्न लायक अवसर तथा वातावरण निर्माण गर्न सकेमा मात्र पछिल्लो जेनजी आन्दोलनमा शहादत प्राप्त गर्नेहरूप्रति साँचो श्रद्धाञ्जली हुने बताए ।

उक्त कार्यक्रममा केन्द्रीय सदस्य बिजपता बख्रेल,निर्वाचन अधिकृत भुपेन्द्र खडका,केन्द्रीय परिषद सदस्य तथा वृन्दावन नगरपालिकाका नगर प्रमुख विनोद प्रसाद कुर्मी,केन्द्रीय सल्लाहकार परिषद सदस्य हरिनारायण यादव,उपाध्यक्ष मदन सापकोटा वृजकिशोर यादव,जयरानी सहनी,इन्द्रमाला जैसवाल र राम नरेश यादव लगायत नेकपा एसका सयौं नेता तथा कार्कर्ताहरुको समेत सहभागीता रहेको थियोे भने कार्यक्रम सञ्चालन प्रविन्द्र प्रसाद पटलले गर्नुभएको थियो र अन्तमा सबैले पार्टी भित्रको विभिन्न कमि कम्जोरीहरुलाई आत्मसात गरि सुधार गरेर अगाडि बढ्न सबैमा आग्रह गरेका थिए।

आरके श्रीवास्तव,राैतहट,असाेज ०२ गते ।
“समृद्ध नेपालका लागि स्वस्थ, कर्मठ र उद्यमी युवा” भन्ने नाराका साथ कटहरिया बजारस्थित विवाह मण्डप भवनमा एक दिने युवा मानसिक स्वास्थ्य तालिम सम्पन्न भएको छ । नेपाल युवा नेतृत्व विकास केन्द्रको आयोजनामा तथा लायन्स क्लब अफ जनकपुर मिथिला सिटीको सहकार्य र कटहरिया नगरपालिका वडा नं. ४ को समन्वयमा सम्पन्न तालिममा करिब १५० जना युवाहरूको सहभागीता रहेको थियो ।

कार्यक्रमका प्रमुख अतिथि कटहरिया वडा नं. ४ का वडाध्यक्ष चन्दन कुशवाहाले युवा पुस्ताले मानसिक स्वास्थ्यलाई गम्भीरतापूर्वक लिनुपर्नेमा जोड दिनुभयो। उहाँले भन्नुभयो, “समृद्ध राष्ट्र निर्माणका लागि युवा सशक्त हुनु आवश्यक छ, र सशक्तताको आधार मानसिक सन्तुलन हो । यस प्रकारका तालिमहरूले युवालाई आत्ममूल्यांकन गर्ने र सही निर्णय लिन मद्दत गर्छ।”

कार्यक्रमका आयोजक संस्था नेपाल युवा नेतृत्व विकास केन्द्रका प्रतिनिधि रिजवान बडाईले तालिमको उद्देश्य र आवश्यकता स्पष्ट पार्दै भन्नुभयो, “युवाहरूलाई आत्ममूल्य र आत्मबलको विकास गराउँदै उनीहरूलाई मानसिक रूपमा सशक्त बनाउने हाम्रो अभियान हो। मानसिक स्वास्थ्यबारे खुला संवाद गर्ने संस्कार विकास गर्न यस्ता तालिम अत्यावश्यक छन्।”

तालिमका प्रमुख प्रशिक्षक तथा कटहरिया नगरपालिकाका स्वास्थ्य संयोजक दिनेेश प्रसाद यादवले युवाहरूबीच बढ्दो मानसिक तनाव, डिप्रेसन, र आत्महत्या जस्ता समस्याबारे तथ्यसहित प्रष्ट पार्नुभयो । उहाँले मानसिक स्वास्थ्यलाई शरीरको स्वास्थ्य सरह ध्यान दिनु आवश्यक रहेको उल्लेख गर्नुभयो ।

सोही अवसरमा सामाजिक अभियन्ता सोनु कुशवाहाले भन्नुभयो, “युवाहरूले मानसिक समस्यालाई लुकाउने होइन, खुलेर कुरा गर्नुपर्छ । समस्या चिर्न सक्ने शक्ति युवासँग नै हुन्छ।” अर्का वक्ता रामअधार यादवले मानसिक स्वास्थ्यबारे जनचेतना फैलाउने यस्ता तालिमहरू विद्यालय र समुदायस्तरसम्म लैजानु पर्ने धारणा व्यक्त गर्नुभयो ।

त्यस्तै कार्यक्रममा पत्रकारहरूले केही युवा पुस्ताहरू गलत कुलतमा फसेर मानसिक तनावकाे सिकार बनेकाे खुलासा गरेका थिए । मानसिक रूपमा सशक्त युवाबिना देशको विकास सम्भव छैन।”

तालिममा इलाका प्रहरी कार्यालय कटहरियाका प्रमुख सई धर्मेन्द्र पौडेलले घरेलु हिंसा, आत्महत्या, लागूपदार्थ दुरुपयोग जस्ता सामाजिक समस्याका कारण युवामा देखिने मानसिक तनावबारे जानकारी दिनुभयो । उहाँले यस्तो अवस्थाबाट उम्कन परिवार, समाज र राज्यको त्रिस्तरीय सहयोग आवश्यक हुने बताउनुभयो ।

कार्यक्रमले सहभागी युवाहरूमा मानसिक स्वास्थ्यप्रति सचेतना अभिवृद्धि गर्न महत्वपूर्ण भूमिका खेलेको आयोजक संस्था नेपाल युवा नेतृत्व विकास केन्द्रले जनाएको छ ।

आरके श्रीवास्तव,रौतहट,असाेज ०२ गते ।

सुशासन प्रवर्द्धन तथा भ्रष्टाचारविरुद्ध शून्य सहनशीलताको भावना अनुरूप जिल्ला प्रशासन कार्यालय रौतहट र स्थानीय तहका प्रमुख प्रशासकीय अधिकृतहरूबीचको संयुक्त छलफलबाट १९ बुँदे महत्वपूर्ण निर्णयहरू गरिएका छन् ।

जिल्ला प्रशासन कार्यालय रौतहटका प्रमुख जिल्ला अधिकारी (प्रजिअ) बिनोद कुमार खड्का र जिल्लाभरिका स्थानीय तहका प्रमुख प्रशासकीय अधिकृतहरूबीच सम्पन्न छलफलपछि “सुशासनमा हाम्रो प्रतिबद्धता, भ्रष्टाचार विरुद्ध हाम्रो कटिबद्धता” भन्ने मूल नारासहितका निर्णयहरू कार्यान्वयनमा ल्याइने जनाइएको छ ।

प्रजिअ खड्काले कानुनी शासन, पारदर्शिता र जवाफदेहिता अभिवृद्धि गर्ने उद्देश्यले भएका यी निर्णयहरूले सरकारी कार्यशैलीमा अनुशासन र प्रभावकारिता थप्ने विश्वास व्यक्त गरेका छन् ।

प्रमुख निर्णयहरू यस्ता छन्:

१. इन्धन वितरणमा प्रचलित कानूनको पालना गर्दै पारदर्शी व्यवस्था गरिने।
२. व्यक्तिगत प्रयोजनमा सरकारी सवारी र इन्धन प्रयोगमा प्रतिबन्ध।
३. पालिका वा जिल्ला बाहिर काजमा जाने सार्वजनिक पदाधिकारीले औचित्यसहित जानकारी दिनुपर्ने।
४. व्यक्तिगत प्रयोजनको खर्चको भुक्तानी नगरिने।
५. सम्पूर्ण आय–व्ययको विवरण वेबसाइटमा अनिवार्य रूपमा प्रकाशन गरिने।
६. बजेट र खर्च विवरण वेबसाइटमा राखेपछि मात्र निकासा हुने।
७. मासिक आय–व्यय विवरण सार्वजनिक नगरेसम्म तलब भत्ता निकासा नगर्ने।
८. शाखा प्रमुखहरूको सिफारिसबिना निकासा प्रक्रिया अगाडि नबढ्ने।
९. मौखिक आदेशमा कुनै पनि योजना सञ्चालन नगर्ने।
१०. प्रत्येक तीन महिनामा स्वतः सूचनाप्रकाशन (Proactive Disclosure) गर्ने।
११. आन्तरिक नियन्त्रण प्रणाली बिना भुक्तानी नगर्ने।
१२. रेडबुकबाहेक अन्य चन्दा, दान वा सहायताको भुक्तानी नगर्ने।
१३. सामग्री खरिदमा पूर्ण कानुनी प्रक्रिया पालना अनिवार्य।
१४. योजनापछि सार्वजनिक परीक्षण गर्नुपर्ने।
१५. स्थानीय तहले नियमित रूपमा सार्वजनिक सुनुवाई गर्नुपर्ने।
१६. कार्यालय प्रमुखले अधिकार प्राप्त निकायबाट स्वीकृति लिएर मात्र बिदा बस्ने।
१७. सुशासन र भ्रष्टाचार विरुद्ध सामूहिक ऐक्यबद्धता जनाउने।
१८. प्रमुख प्रशासकीय अधिकृत नहाजिर रहेका तहमा साविकका अधिकृतबाट अति आवश्यक भुक्तानी मिलाउने।
१९. अन्य सम्पूर्ण कार्य स्थानीय सरकार सञ्चालन ऐन, २०७४ तथा प्रचलित कानुनबमोजिम गरिने ।

प्रजिअ खड्काले सबै स्थानीय तहहरूलाई यी निर्णयहरूको प्रभावकारी कार्यान्वयन सुनिश्चित गर्न निर्देशन दिइसकेको जनाएका छन्। उनले नागरिक सेवामा विश्वास र पारदर्शिता कायम राख्न यस प्रकारका कदमहरू अत्यावश्यक रहेको बताए ।

यस निर्णयले जिल्लामा सुशासन र उत्तरदायित्वमूलक सेवा प्रवाहमा टेवा पुर्‍याउने अपेक्षा गरिएको छ।

आरके श्रीवास्तव,राैतहट,असाेज ०१ गते । 

विश्वकर्मा पूजाको अवसरमा रौतहटको प्रसिद्ध धार्मिक स्थल शिवनगर महादेव मन्दिर नजिक रहेको विश्वकर्मा मन्दिरमा श्री विश्वकर्मा लोहार संघ नेपालद्वारा एक भव्य कार्यक्रम सम्पन्न गरिएको छ । संघका अध्यक्ष विवेक शर्माको अध्यक्षतामा सम्पन्न उक्त कार्यक्रममा प्रमुख अतिथि डा. बैधनाथ ठाकुर रहेका थिए ।

कार्यक्रममा गरूडा नगरपालिकाका नगरप्रमुख कन्थमनी जयसवाल, मौलापुर नगरपालिकाकी नगरप्रमुख रिना कुमारी साह, गरूडा नगरपालिका वडा नं. ५ का वडा अध्यक्ष रामबिनोद जयसवाल लगायत दर्जनौं विशिष्ट अतिथिहरूको उपस्थिति थियो । साथै रौतहट जिल्लाभरिका लोहार समुदायका अगुवा तथा समाजसेवीहरू सहभागी थिए ।

 

मुख्य अतिथि डा. बैधनाथ ठाकुरले लोहार समुदायको पहिचान र विकासका लागि संघले खेलेको भूमिकाको प्रशंसा गर्दै भने, “संघको निरन्तर प्रयास र नेतृत्वले समुदायमा सकारात्मक परिवर्तन आएको देखिन्छ। यस्ता कार्यक्रमले एकता र चेतनाको सन्देश दिन्छन्।”

 

त्यस्तै, गरूडा नगर प्रमुख कन्थमनी जयसवालले स्थानीय तहले यस्ता कार्यक्रमलाई सदैव सहयोग गर्ने प्रतिबद्धता जनाउँदै भने, “हामी सधैं सामाजिक विकास र समावेशिताका पक्षमा छौं, लोहार समुदायको सशक्तीकरणमा संघले देखाएको लगनशिलता प्रेरणादायी छ।”

 

त्यस्तै माैलापुर नगरपालिकाकी नगरप्रमुख रिना कुमारी साहले यस्ता कार्यक्रमले राम्रो संदेश दिएको भन्दै आफनाे तर्फबाट संघलाई आवश्यक सहयोग गर्ने प्रतिबद्धता जनाइन् ।

 

कार्यक्रममा अध्यक्ष विवेक शर्माले संघको तर्फबाट यो वर्ष १५ जना विद्यार्थीलाई छात्रवृत्ति उपलब्ध गराउने जानकारी गराउँदै भने, “हामी हरेक वर्ष समाजको हितमा केही नयाँ कार्य गर्ने प्रयास गर्छौं। यस वर्ष छात्रवृत्तिसँगै आँखा जाँच शिविर, रक्तदान तथा स्वास्थ्य शिविर सञ्चालन गरिएको छ।” उनले युवाको नेतृत्वमा संघले लिएको गति परिवर्तनशील भएको बताउँदै भावी दिनमा अझ प्रभावकारी कार्यक्रम ल्याउने प्रतिबद्धता जनाए ।

 

कार्यक्रममा संघकाे काम योगदान पुर्‍याउने व्यक्तित्वहरू र पत्रकारलाई सम्मान गरिएको थियो । समापनमा वक्ताहरूले संघको क्रियाशीलता, युवाको सक्रियता र समुदायप्रतिको समर्पणको प्रशंसा गरेका थिए ।

 

संघले हरेक वर्ष जस्तै यस वर्ष पनि भव्य रूपमा कार्यक्रम आयोजना गर्दै सामाजिक एकता र पहिचानको संरक्षणमा टेवा पुर्‍याउँदै आएको छ ।

 

आरके श्रीवास्तव,राैतहट, असाेज ०१ गते ।

आज राैतहट सहित देशभर विश्वकर्मा पूजा श्रद्धा र भक्तिपूर्वक मनाइँदैछ । हिन्दू धर्मावलम्बीहरूले औजार, सवारीसाधन, मेसिन र निर्माणसँग सम्बन्धित उपकरणहरूको पूजा गर्दै विश्वकर्मा पूजाको उल्लासपूर्वक आयोजना गरेका छन् ।

विशेष गरी निर्माण व्यवसाय, मिस्त्री, कारखानामा काम गर्ने मजदुर, प्राविधिक र सवारीसाधनधारीहरूले आजको दिनलाई विशेष रूपमा मनाउने गर्छन् । राैतहटकाे कटहरिया,गौर, चन्द्रनिगाहपुर, गरुडा लगायतका बजार क्षेत्रहरूमा रहेका ग्यारेज, वर्कसप र कारखानाहरूमा बिहानैदेखि पूजा–पाठ, भजन–कीर्तन तथा प्रसाद वितरण कार्यक्रम भइरहेको छ ।

विश्वकर्मा भगवानलाई सृष्टिका पहिलो वास्तुकार मानिन्छ, जसले सम्पूर्ण ब्रह्माण्डको रचना गरेको विश्वास गरिन्छ । आजको दिन काममा प्रयोग गरिने औजार तथा सवारीसाधनहरूलाई सफा गरी पूजा गरिन्छ र दिनभर ती उपकरण प्रयोग नगरी विश्राम दिइन्छ ।

यस पर्वको अवसरमा कतिपय स्थानमा छुट्टी घोषणा गरिएको छ भने कतै स्थानिय तहको पहलमा सामूहिक पूजा कार्यक्रम समेत आयोजना गरिएको छ ।

आरके श्रीवास्तव,राैतहट,भदौ २७ गते । 

देशको नयाँ प्रधानमन्त्रीको रूपमा सुशीला कार्कीको नियुक्ति भएपछि रौतहटको कटहरिया नगरपालिका–५ स्थित विवाह भवनको अगाडि चौकमा स्थानीय युवाहरूले मैनबत्ती बालेर खुशीयाली व्यक्त गरेका छन् ।

 

शुक्रबार राति दर्जनौँ युवाहरू “जय युवा” नारासहित चौकमा भेला भएर दीप प्रज्वलन गर्दै सुशीला कार्कीप्रति समर्थन र सम्मान प्रकट गरेका हुन् । उनीहरूले कार्कीलाई इमानदार, निडर र न्यायप्रेमी नेतृको रूपमा चित्रण गर्दै आगामी दिनमा देशले सही दिशा पाउने विश्वास व्यक्त गरेका छन् ।

कार्यक्रममा सहभागी स्थानीय युवा बैजु दास बानियाले भने, “सुशीला कार्कीजस्तो साहसी नेतृत्व अहिलेको आवश्यकता हो । हामी युवाहरू परिवर्तन चाहन्छौं, र कार्कीज्यू त्यस परिवर्तनको प्रतिक बन्न सक्नुहुन्छ।”

 

सांकेतिक दीप प्रज्वलनपछि युवाहरूले शान्तिपूर्ण तरिकाले जातीय, क्षेत्रीय तथा पार्टीगत भेदभावभन्दा माथि उठेर सुशासनको पक्षमा आवाज उठाउँदै एकताको सन्देश पनि दिएका थिए ।

 

साे कार्यक्रममा स्थानिय बासिन्दा समेत सहभागीता रहेको थियो ।

बज्जिकाञ्चल संवाददाता,राैतहट,भदौ २७ गते । 

रौतहट जिल्लाको ईशनाथ नगरपालिका–१ स्थित बकैया खोलामा नुहाउने क्रममा एक किशोर डुबी बेपत्ता भएका छन् ।

 

बिहिवार दिउँसो ३:१५ बजेको समयमा स्थानीय फौदी साहका १५ वर्षीय छोरा बिगन साह पाँच जना साथीसँग खोलामा नुहाउने क्रममा खोलाको बहाव अचानक बढेपछि बेपत्ता भएको जिल्ला प्रहरी कार्यालय राैतहटले जनाएको छ ।

 

घटना सम्बन्धी खबर अपराह्न ४:१५ बजे प्राप्त हुनासाथ ईलाका प्रहरी कार्यालय बन्जराहाबाट प्रहरी निरीक्षक (प्र.ना.नि.) को कमाण्डमा दुई जना र स.प्र.नि.को कमाण्डमा चार जना गरी जम्मा ६ जनाको टोली घटनास्थलतर्फ परिचालन गरिएको थियो ।

 

अन्य चार जना बालक भने सकुशल रहेका छन् । बेपत्ता भएका बालकको खोज तथा उद्धार कार्य जारी रहेको प्रहरीले जनाएको छ ।

 

घटना स्थल ईलाका प्रहरी कार्यालय बन्जराहाबाट पूर्वतर्फ करिब २ किलोमिटरको दूरीमा रहेको बताइएको छ ।

 

प्रहरी र स्थानीयबासीको सहयोगमा खोज तथा उद्धार कार्य तीव्र रूपमा अगाडि बढाइएको छ ।

आरके श्रीवास्तव,राैतहट,भदौ २७ गते । 

रौतहट जिल्लाको हर्षाहा क्षेत्रमा अवस्थित प्रहरी चौकीमा गत भदौ २३ गते भएको जेनजी आन्दोलनको क्रममा केही उत्तेजित समूहले आगजनी गरी चौकी पूर्णरूपमा क्षति पुर्‍याएका थिए । घटनामा चौकीका संरचना जलेर नष्ट भएका थिए भने प्रहरी प्रशासनको कामकाज पनि प्रभावित भएको थियो ।

 

तर यो घटनाले स्थानीय सज्जन नागरिकहरूको प्रहरीप्रतिको विश्वास र सहयोग भावना कम गर्न सकेन् । चौकी जलेपछि क्षेत्रका भद्रभलाद्मी, समाजसेवी र स्थानीय नागरिकहरूले पहल गर्दै त्यसलाई पुनः मर्मत गरी सञ्चालनमा ल्याउने कार्य अघि बढाएका छन् ।

 

ईलाका प्रहरी कार्यालय गरूडाका डिएसपी राजन कार्कीका अनुसार, “नेपाल प्रहरी जनताको जिउधनको सुरक्षाका लागि २४ सै घन्टा तत्पर रहन्छ । अस्थायी आवेगमा आएको एउटा समूहको गतिविधिले हामीलाई रोक्न सक्दैन् । हामी अझ बलियो, सुदृढ र कर्मठ बन्दै जनताको सेवामा समर्पित रहनेछौं।”

 

स्थानीय जनताको सहयोगमा चौकी पुनःनिर्माणको कार्य सुरु भइसकेको छ । यस क्रममा आवश्यक सामग्री जुटाउने, श्रमदान गर्ने र आर्थिक सहयोग गर्ने कार्यमा समुदायले सक्रियता देखाइरहेका छन् । प्रहरी प्रशासनले पनि चौकी सञ्चालन पुनः सुचारु गर्न आवश्यक तयारी गरिरहेको जनाएको छ ।

 

सामुदायिक सहभागिता र प्रहरी प्रशासनबीचको सहकार्यले हर्षाहामा कानुनी शासन र शान्तिको पुनःस्थापना हुने आशा गरिएको छ ।

आरके श्रीवास्तव,राैतहट,भदौ २७ गते । 

रौतहटकाे गरूडामा नेपाली कांग्रेसका नेता कार्यकर्ताहरूले आज गरूडा नगरपालिकामा शान्तिपूर्ण विरोध प्रदर्शन गर्दै संविधानको रक्षा र जनमतको सम्मानको माग गरेका छन् । प्रदर्शनमा सहभागीहरूले ‘संविधानको रक्षा गर’, ‘राष्ट्रपतिलाई सार्वजनिक गर’, ‘सैनिक शासन चाहिँदैन’ जस्ता नारा लगाउँदै सरकार र संवैधानिक अंगहरूको भूमिकामाथि प्रश्न उठाएका छन् ।

प्रदर्शनमा कांग्रेसकाे तर्फबाट गरूडाका मेयर प्रत्यासी सुनिलकुमार यादवले वर्तमान राजनीतिक अवस्थाले संविधानमाथि संकट सिर्जना गरेको भन्दै युवाहरूको आवाजको समर्थनमा सडकमा उत्रिनु परेको बताए । उनले भने, “संविधान बिथोल्ने प्रयास भइरहेछ, त्यसविरुद्ध हामी सडकमा छौं । नेपाली जनताले आफूले चुनेको संविधान चाँडै गुमाउनु पर्ने परिस्थिति सृजना भएको छ, हामी त्यसलाई सशक्त रूपमा प्रतिवाद गर्छौं।”

 

उनले आन्दोलनमा युवाहरूको नेतृत्व प्रशंसनीय रहेको उल्लेख गर्दै, कांग्रेस सधैं संविधानको रक्षामा अग्रसर रहने प्रतिबद्धता व्यक्त गरेका छन् ।

 

त्यसैगरी वडा नं. ५ का वडा अध्यक्ष प्रत्यासी रमेश प्रसाद यादवले भने, “हामी लोकतन्त्रमा विश्वास राख्छौं। अहिले जुन प्रकारको अपारदर्शी राजनीतिक खेल भइरहेको छ, त्यो न त जनता चाहन्छन् न त लोकतन्त्रको मर्मले स्वीकार्छ। जनताका अधिकार र आवाजमाथि कुठाराघात गर्न खोजियो भने हामी चुप लाग्ने छैनौं।”

प्रदर्शनमा कांग्रेसका उपमेयर प्रत्यासी पुनम कुमारी चौधरी, पूर्व मेयर रामस्नेही यादव लगायत दर्जनौं नेता तथा कार्यकर्ता सहभागी थिए । कार्यक्रम पूर्ण रूपमा शान्तिपूर्ण रुपमा सम्पन्न भएको थियो ।

 

यस किसिमको प्रदर्शनले स्थानीय तहदेखि केन्द्रसम्म जनप्रतिनिधिहरू संविधान र जनताको पक्षमा एकमत हुँदै आएका छन् भन्ने सन्देश दिएको विश्लेषकहरूको भनाइ छ ।

आरके श्रीवास्तव,राैतहट,भदौ २७ गते । 

रौतहटकाे फतुवा विजयपुरमा नेपालको संविधान २०७२ को रक्षा, लोकतन्त्रको संरक्षण र राष्ट्रको सुदृढ भविष्यका लागि नेपाली कांग्रेसका युवा नेता ज्ञानेन्द्र प्रसाद यादवको अगुवाइमा आज फतुवा विजयपुर बजारमा सशक्त विरोध प्रदर्शन सम्पन्न भएको छ ।

 

प्रदर्शनमा सहभागी नेता यादवले संविधानमाथि बढ्दो खतरा, विदेशी हस्तक्षेपको वृद्धि र देशलाई सैन्यकरणतर्फ लैजान खोजिएकोप्रति गम्भीर चिन्ता व्यक्त गरेका छन् । उनले बलिदानीपूर्ण संघर्षबाट प्राप्त संविधान र लोकतान्त्रिक प्रणालीलाई रक्षा गर्न सबै नागरिक र राजनीतिक शक्तिहरू एकजुट हुनुपर्नेमा जोड दिएका छन्  ।

नेता यादवले प्रदर्शन पछि भने, “संविधानमाथि आँच आउनु केवल कागज च्यातिनु होइन, यो हाम्रो संघर्ष, बलिदान र पहिचानमाथिको प्रहार हो।” उनले वर्तमान शासन व्यवस्थामा देखिएको भ्रष्टाचार, बेथिति र निष्क्रियता विरुद्ध कडा आवाज उठाउने प्रतिबद्धता जनाएका छन् ।

उनले संविधानभित्रै समस्याहरूको समाधान खोजिनु पर्ने बताउँदै, लोकतन्त्रसँग कुनै सम्झौता नगरिने स्पष्ट सन्देश दिए ।

प्रदर्शनमा सहभागीहरूले “संविधानको रक्षा गरौं”, “लोकतन्त्र बचाऔं”, “विदेशी हस्तक्षेप बन्द गर” जस्ता नारासहित बजार परिक्रमा गरेका थिए ।

 

यस अवसरमा नेपाली कांग्रेसका निवर्तमान नगर प्रमुख मेयर गोपाल राय यादवले पनि सम्वोधन गर्दै वर्तमान संवैधानिक व्यवस्थामै रहेर समस्याको समाधान खोज्नुपर्ने बताए । उनले विदेशी हस्तक्षेप र सैन्य गतिविधि लोकतन्त्रविरोधी भएको भन्दै कांग्रेसको अडान स्पष्ट पारेका छन् ।

बज्जिकाञ्चल संवाददाता,राैतहट,भदौ २६ गते । 

राैतहटकाे कटहरियामा  नेपाली कांग्रेस नगर समिति कटहरियाको आयोजनामा आज एक शान्तिपूर्ण जुलुस सम्पन्न भएको छ । नगर समितिका अध्यक्ष शम्भुकान्त यादवको अध्यक्षतामा सम्पन्न कार्यक्रममा कांग्रेसका नेता तथा कार्यकर्ताहरुले संविधानको रक्षा र राष्ट्रपतिलाई सार्वजनिक गर्ने माग सहितको प्रदर्शन गरेका थिए ।

 

कार्यक्रममा सहभागीहरूले “राष्ट्रपतिलाई सार्वजनिक गर”, “संविधानको रक्षा गर” लगायतका नारा लेखिएका प्लेकार्ड बोकेर नगर परिक्रमा गरेका थिए । जुलुस नगर क्षेत्रका विभिन्न भागमा पुग्दै शान्तिपूर्ण रूपमा सम्पन्न गरिएको थियो ।

शान्ति जुलुसमा राैतहट निर्वाचन क्षेत्र नं. ३ का प्रतिनिधिसभा सदस्य उम्मेदवार ओमप्रकाश जयसवाल, कटहरिया नगरपालिकाका नगरप्रमुख अजय प्रकाश साह, कांग्रेसका महासमिति सदस्य वाल्मीकि यादव, विभिन्न वडाका अध्यक्ष पदका उम्मेदवारहरू लगायत अन्य नेता तथा कार्यकर्ताहरूको उल्लेखनीय उपस्थिति रहेको थियो ।

 

नेपाली काँग्रेसका यूवा नेता एवम् कटहरिया नगरपालिकाका कार्यपालिका सदस्य मनाेज जयसवालका अनुसार पार्टीको केन्द्रीय सर्कुलर अनुसार हामीले आज शान्तिपूर्ण प्रदर्शन गरेका हाैं । संविधानकाे रक्षा गर्नु हामी सबैकाे दायित्व रहेको उनकाे भनाइ छ ।

 

कार्यक्रममार्फत सहभागीहरूले संविधानको सम्मान र लोकतान्त्रिक मूल्य–मान्यताको संरक्षणका लागि जनमत अभिव्यक्त गरेका थिए ।

बज्जिकाञ्चल संवाददाता,राैतहट,भदौ २७ गते । 

रौतहट जिल्लामा हालको सुरक्षा अवस्था र सम्भावित जोखिमलाई मध्यनजर गर्दै जिल्ला प्रशासन कार्यालय, रौतहटले आजदेखि निषेधाज्ञा र कर्फ्यू आदेश जारी गरेको छ । प्रमुख जिल्ला अधिकारी (प्रजिअ) बिनोद कुमार खड्काको हस्ताक्षरमा जारी आदेशअनुसार, आज विहान ६ बजेदेखि निषेधाज्ञा लागू गरिएको हो भने साँझ ७ बजेदेखि कर्फ्यू आदेश लागु हुनेछ ।

 

निषेधाज्ञाको विवरण अनुसार जिल्लामा २०८२ साल भदौ २७ गते विहान ६:०० बजे देखि साँझ ७:०० बजेसम्म निषेधाज्ञा लागू गरिएको छ । निषेधाज्ञाका क्रममा सार्वजनिक स्थलमा भेला, जुलुस, सभा, प्रदर्शन, पोष्टर टाँस्ने वा लेख्ने कार्य, तथा पाँच जना भन्दा बढी मानिस जम्मा हुन नपाइने छ।

कर्फ्यू आदेश अनुसार निषेधाज्ञा पछि २०८२ भदौ २७ गते साँझ ७:०० बजेदेखि भोलिपल्ट २०८२ भदौ २८ गते विहान ६:०० बजेसम्म कर्फ्यू आदेश लागू हुनेछ । कर्फ्यू अवधिमा सर्वसाधारणलाई आवतजावत गर्न अनुमति नहुनेछ । कुनै पनि प्रकारका सभा, जुलुस, समुह बनाएर हिँड्न, प्रदर्शन वा घेराउ गर्न पूर्ण रुपमा निषेध गरिएको छ ।

 

अत्यावश्यक कामको लागि छुट्टै समय दिइएको छ । यद्यपि, आज साँझ ५:०० बजेदेखि ७:०० बजेसम्मको दुई घण्टा अवधि अत्यावश्यक कार्यका लागि नागरिकलाई आवतजावतको अनुमति दिइएको प्रशासनले जनाएको छ ।

 

जिल्ला प्रशासनले शान्ति–सुरक्षा कायम राख्न र संभावित झडप वा अस्थिरता रोक्न उक्त आदेश जारी गरिएको स्पष्ट पारेको छ । आदेशको उल्लंघन गर्नेहरूमाथि कानुनी कारबाही गरिने चेतावनीसमेत दिइएको छ ।

बज्जिकाञ्चल संवाददाता,राैतहट,भदौ २६ गते । 

रौतहटकाे फतुवा बिजयपुर नगरपालिकाकी कार्यवाहक नगरप्रमुख अम्बेया खातुनको निजी सम्पत्तिमा बुधबार युवाकाे समूहद्वारा आगजनी गरिएको छ ।

 

नगरपालिकाको वडा नम्बर ५ सन्तपुर चाैक स्थित रहेको खातुनको औषधी पसलमा जेनजीसहितका केही व्यक्तिहरूले आगो लगाएको बताइएको छ । आगलागीबाट पसल पूर्णरूपमा नष्ट भएको छ भने करिब १ करोड रुपैयाँभन्दा बढीको क्षति पुगेको अनुमान गरिएको छ ।

घटनाको पुष्टि गर्दै प्रदेश सांसद प्रत्यासी मोहम्मद सेराजले आगजनीबाट ठुलो मात्रामा क्षति भएको जानकारी दिएका छन् । उनका अनुसार घटनामा संलग्न व्यक्तिहरू माथि कार्यवाही गर्न माग गरेका छन् ।

 

यसअघि पनि फतुवा बिजयपुर नगरपालिकाभित्र आगजनीका घटना भइसकेका छन् । स्थानीय स्रोतका अनुसार हालैको समयमा नगरपालिकामा राजनीतिक तथा व्यक्तिगत कारणले तनावको स्थिति देखिएको थियो ।

स्थानीय बासिन्दाहरूले यस्ता घटनाले शान्तिपूर्ण जनजीवनमा असर परेको भन्दै यस्तो कार्य गर्न नहुने जिकिर गरेका छन् ।

आरके श्रीवास्तव,राैतहट,भदौ २४ गते । 

कटहरिया – भ्रष्टाचार, सामाजिक सञ्जालमाथिको प्रतिबन्ध, र काठमाडौं लगायतका प्रमुख शहरहरूमा सोमबार भएको जेनजी आन्दोलनमा प्रहरीको गोली प्रहारबाट १९ जनाको ज्यान गएपछि देशभरि आक्रोश चुलिएको छ ।

यही आक्रोशको प्रतिविम्बस्वरूप आज रौतहटको कटहरिया बजारमा जेनजी (जेनेरेसन जेड) युवाहरूले आक्रामक विरोध प्रदर्शन गरेका छन् ।

प्रदर्शनकारीहरूले ईलाका प्रहरी कार्यालय कटहरिया घेराउ गर्दै टायर बालेर सडक अवरुद्ध पारेका छन् । उनीहरूले “केपी चोर देश छोड”, “विद्यार्थी मार्न पाइँदैन”, “नेपाल सरकार मुर्दाबाद” लगायतका आक्रोशपूर्ण नारा लगाउँदै सरकार र सुरक्षाकर्मीको भूमिकामाथि गम्भीर प्रश्न उठाएका छन् ।

विद्यार्थीहरूमा आक्राेेश देखिएपनि प्रदर्शन भने शान्तिपूर्ण रूपमा नै गरेका छन् । अहिलेको सरकारको रवैयाले मुलुकलाई जुन दिशातर्फ धकेलिरहेको छ । त्यो गम्भीर चिन्ताको विषय बनिसकेको छ ।

कटहरियाका स्थानीय यूवा नेता नसरूदिन अन्सारीले जेनजीकाे माग जायज रहेकोले यसमा आफनाे समर्थन रहने बताएका छन् ।

 

अब्दुल सलाम,राैतहट,भदौ २२ गते । 

लामो समयदेखि सामाजिक अभियन्ताको रुपमा सक्रिय रहँदै आएका युवा अब्दुल सलामले हालै सरकारले सामाजिक सञ्जालमा सरकारका कामकारबाहीबारे प्रत्यक्ष टिप्पणी तथा आलोचना गर्न रोक लगाउने निर्णयको कडा आलोचना गरेका छन्।

उनका अनुसार, सामाजिक सञ्जाल आजको युगमा नागरिकले आफ्ना विचार अभिव्यक्त गर्ने सशक्त माध्यम हो, र यसमा नियन्त्रण लगाउनु अभिव्यक्ति स्वतन्त्रतामाथि प्रत्यक्ष प्रहार हो।

लोकतान्त्रिक मुल्य–मान्यतामा विश्वास गर्ने सरकार आफैंले आलोचना सहन नसक्ने हो भने त्यसले निरंकुशताको संकेत दिन्छ, सलामले बताएका छन्।

उनले सरकारको उक्त निर्णयलाई गैरजिम्मेवार र अलोकतान्त्रिक कदम भन्दै खारेज गर्न माग गरेका छन्। साथै, यस्तो निर्णयले सरकारप्रति जनताको विश्वास थप कमजोर हुने चेतावनी पनि दिएका छन्।

सलाम विगत केही वर्षदेखि सामाजिक विकृति–विसंगति विरुद्ध, जनताको हकअधिकारका लागि, तथा राज्यका गलत नीतिहरूको विरोधमा आवाज उठाउने युवा स्वरको रुपमा परिचित छन्।

उनका अनुसार,सञ्चार माध्यम र सामाजिक सञ्जाल कुनै पनि लोकतान्त्रिक मुलुकको मेरुदण्ड हो। यदि त्यसलाई बन्द गर्न खोजिन्छ भने त्यो राष्ट्रको स्वतन्त्रता, पारदर्शिता र जवाफदेहिताको अन्त्यतिर उन्मुख हुने संकेत हो।

अब्दुल सलाम जस्ता सचेत र क्रियाशील युवाहरुको आवाजले अहिलेको परिस्थितिमा नागरिक सचेतना र जिम्मेवार शासन प्रणालीका लागि महत्वपूर्ण भूमिका खेल्ने विश्वास समाजका धेरै वर्गले व्यक्त गरेका छन्।

 

ओम प्रकाश यादव,रौतहट,भदौ २२ गते ।

रौतहटको नेकपा एमालेकी महिला नेतृ जमुना साहले केहीदिन अघि मात्र आगोले जलेर मृत्यु भएका लक्षमण पासवानको परिवारलाई खाद्यान्न सामग्री सहयोग गरेकी छन् ।

रुबी हत्याकाण्डको मुख्य आरोपित रहेका लक्षमण पासवानले आफैले शरीरमा आगो लगाई आत्मदाह गरेपछि उनको श्राद्ध र भोजभतेरको लागि महिला नेतृ साहले खाद्यान्न सामग्री उपलब्ध गराएकी हुन्।

माधवनारायण नगरपालिकाकी उपप्रमुख प्रत्यासी समेत रहेकी माधोपुर घर भएकी नेकपा एमाले नेतृ जमुना साहले आर्थिक अवस्था निकै कमजोर भएका लक्षमण पासवानको परिवारलाई आफ्ना व्यक्तिगत तर्फबाट खाद्यान्न सामग्री सहयोग गरेकी छन्।

नेतृ साहले माधवनारायण नगरपालिका -६ माधोपुर घर भएका पासवानका बुबा र श्रीमतीलाई ५० किलो चिउरा, ५० किलो आलु, २० किलो चिनी, ४० किलो दही, १० किलो चना, १० किलो प्याज, खाने तेल ५ किलो लगाएतका खाद्यान्न सामग्री हस्तान्तरण गरेकी हुन् ।

लक्षमण पासवानको मृत्युपछि आर्थिक अवस्था निकै कमजोर रहेका उनका परिवारलाई पासवानको श्राद्धमा केही सहयोग पुगोस् भन्ने उद्देश्यले आफूले खाद्यान्न सामग्री सहयोग गरेको नेतृ जमुना साहले बताइन् ।

आर्थिक अवस्था निकै दयनीय रहेका पासवानको परिवारलाई क्रिया र श्राद्ध गर्न पैसाको अभावमा कुनै सामान किन्ने अवस्था नरहेकोले केही सहयोग होस भन्ने उद्देश्यले आफूले खाद्यान्न सामग्री उपलब्ध गराएको उनले बताइन् ।

चर्चित सुटकेस काण्ड रुबी साह हत्याकाण्डका मुख्य आरोपित लक्षमण पासवानको केहीदिन अघि मात्र उपचारको क्रममा मृत्यु भएको थियो।

बुबाको एक्लो छोराको रूपमा रहेको पासवानको मृत्युपछि आर्थिक रुपमा निकै कमजोर र विपन्न रहेका उनको परिवार अहिले विचलिमा परेका छन्।

पासवानको दुई छोरा र श्रीमती छन् भने उनको बुबा र आमा पनि छन् ।

लक्ष्मणको मृत्यु पछि उनको सिंगो परिवार नै ठूलो आर्थिक समस्यामा परेका छन् ।

आरके श्रीवास्तव,राैतहट,भदौ २२ गते । 

रौतहटको गरूडा देखि समनपुर जोड्ने मुख्य सडकखण्ड अन्तर्गत चाँदी खाेला भन्दा अगाडि र मलाहीटाेलकाे बिचमा कज्वे क्षेत्र नजिकैको सडकमा पानीको ओभरफ्लो हुँदा आवागमनमा समस्या हुँदै आएको छ । अलिकति पानी परे पनि सडकमा पानी जमेर बग्ने अवस्था सिर्जना हुने गरेको छ, जसले गर्दा दैनिक आवतजावत गर्ने सर्वसाधारण तथा सवारीसाधनलाई ठूलो सास्ती हुने गरेको छ ।

 

स्थानीयहरूका अनुसार वर्षा भएलगत्तै सडकभरि पानी जमेर नदीझैं बग्ने स्थिति आउँछ । यस बाटो भएर विद्यार्थी, कर्मचारी, व्यापारीदेखि लिएर एम्बुलेन्स र भिआइपि सवारीसम्म गुड्ने गर्दछन् । तर यस्तो गम्भीर समस्याप्रति सम्बन्धित निकायको ध्यान जान सकेको छैन् ।

 

“हाम्रो माग कुनै नयाँ सुविधा होइन, यतिका वर्षदेखि यो समस्यालाई सम्बन्धित निकायहरूले वेवास्ता गरिरहेका छन्,” एक स्थानीयले गुनासो गरेका छन् । उनका अनुसार खासगरी विद्यालय समयमा विद्यार्थीहरू भीडमा जोखिम मोल्दै स्कुल जान बाध्य छन् ।

 

यो सडकखण्ड सडक डिभिजन राैतहट तथा स्थानिय तहको जिम्मेवारी क्षेत्रभित्र पर्छ । तर अहिलेसम्म स्थायी समाधानका लागि कुनै पहल नदेखिएको भन्दै स्थानीयवासीहरू आक्रोशित छन् ।

 

स्थानीय प्रशासन तथा सडक डिभिजन कार्यालयले समस्या समाधानका लागि तत्काल ध्यान नदिए जनप्रदर्शन गर्ने चेतावनीसमेत स्थानीयहरूबाट आएको छ ।

आरके श्रीवास्तव,राैतहट,भदौ २२ गते । 

२२ औं निजामती सेवा दिवसको अवसरमा मालपोत कार्यालय गरुडा, रौतहटमा विशेष सरसफाइ तथा सम्मान कार्यक्रम आयोजना गरिएको छ । कार्यक्रममा कार्यालयका कर्मचारीहरूबीच आपसी सहकार्य र सेवा भावनाको सम्मानस्वरूप उत्कृष्ट कर्मचारी छनोट गरि सम्मान गरिएको हो ।

उक्त अवसरमा मालपोत कार्यालयमा कार्यरत सुब्बा अरविन्द कुमार यादवलाई उत्कृष्ट कार्यसम्पादन, इमान्दारिता, शिष्ट व्यवहार तथा सेवा प्रतिको समर्पणका आधारमा “सर्वोत्कृष्ट कर्मचारी” घोषणा गर्दै सम्मान पत्र प्रदान गरिएको छ ।

कार्यालय प्रमुख मालपोत अधिकृत मोहन कुमार पाठकले यादवको योगदानले कार्यालयको प्रतिष्ठा अभिवृद्धिमा महत्त्वपूर्ण भूमिका खेलेको उल्लेख गर्दै भविष्यमा पनि यस्ता कर्मचारीहरूबाट प्रेरणा लिइने विश्वास व्यक्त गरेका छन् ।

कार्यक्रममा सरसफाइ अभियान पनि सञ्चालन गरिएको थियो, जसमा सम्पूर्ण कर्मचारीहरूको सक्रिय सहभागिता रहेको मालपोत कार्यालय गरूडाका कर्मचारी हरिन्द्र प्रसाद यादवले जानकारी गराउनु भएको हाे ।

 

मालपोत कार्यालय गरुडाले निजामती सेवा दिवसलाई सेवा, इमानदारी र समर्पणको भावना अभिवृद्धि गर्ने अवसरको रूपमा उपयोग गर्दै आएको छ ।

बज्जिकाञ्चल संवाददाता,राैतहट,भदौ २१ गते । 

दुर्गाभगवती गाउँपालिका–३, मत्सरीमा डिम्पल झा स्मृतिमा स्थापित छात्रवृत्ति तथा छोरी संरक्षण कार्यक्रम भव्य रूपमा सम्पन्न भएको छ । कार्यक्रममा छोरी जन्माउने आमाहरूलाई सम्मानस्वरूप नगद पाँच–पाँच हजार रुपैयाँ वितरण गरिएको छ भने शैक्षिक रूपमा उत्कृष्ट विद्यार्थीहरूलाई छात्रवृत्ति प्रदान गरिएको छ ।

कक्षा १२ मा ३.६ जिपिए प्राप्त गरेकी अनुष्का राम र ज्योति सराफलाई जनही नगद २५ हजार रुपैयाँ पुरस्कार स्वरूप प्रदान गरिएको वडा अध्यक्ष डिके झाले जानकारी गराउनु भएको हाे ।

कार्यक्रमका प्रमुख अतिथि नेपाल सद्भावना पार्टीका राष्ट्रिय अध्यक्ष एवम् पूर्व मन्त्री अनिल कुमार झा थिए । उनले दिवंगत नेतृ डिम्पल झाले मधेस प्रदेश र आफ्नाे गाउँसमाजकाे लागि पुर्‍याएकाे योगदानलाई स्मरण गर्दै यस्तो प्रेरणादायी कार्यक्रम विरलै मात्र हेर्न पाइने बताएका थिए। उनले कार्यक्रम सफल रूपमा सम्पन्न गर्नुभएका वडा अध्यक्ष डी.के. झालाई विशेष धन्यवाद समेत व्यक्त गरेका थिए ।

कार्यक्रममा दुर्गाभगवती गाउँपालिकाका प्रमुख प्रशासकीय अधिकृत नवीन कुमार श्रीवास्तव, नेता रेवन्त झा, मैथिली ब्राह्मण संघका कोषाध्यक्ष नवीन झा, मनोज झा, स्थानीय पत्रकार, भद्रभलाद्मी, अभिभावक, विद्यार्थी तथा ज्येष्ठ नागरिकहरूको उल्लेख्य उपस्थिति रहेको थियो ।

वडा अध्यक्ष डी.के. झाले कार्यक्रममा जानकारी दिँदै भन्नुभयो, “हाम्रो वडा मात्रै हैन, सिंगो समाजमा शिक्षा र छोरीको सम्मानको संस्कृति फैलियोस् भन्ने उद्देश्यले यस्ता कार्यक्रमहरू गर्दै आएका छौं । यसअघि पनि एमबिबिएस अध्ययनमा नाम निकालेका दुई छात्रालाई जनही ५१ हजार रुपैयाँको नगद पुरस्कार प्रदान गरेका थियौं।” उहाँले यस्ता दर्जनौं सम्मान तथा पुरस्कारहरूको स्थापनाकाे योजना अघि सारिएको जानकारी पनि दिनुभयो ।

 

बज्जिकाञ्चल संवाददाता,राैतहट,भदौ २१ गते । 

लामो अन्तरालपछि मधेस प्रदेशका विभिन्न जिल्लाहरूमा

शनिबार राति देखि परेको वर्षाले स्थानीय किसानहरूमा खुसी छाएको छ । रौतहट लगायतका क्षेत्रमा मध्यमदेखि भारी वर्षा भएपछि खेतबारी सिँचाइ गर्न सजिलो भएको छ भने धान लगायतका बाली सिँचाइका लागि पानीको आपूर्तिमा सहजता आएको छ ।

 

विगत केही हप्तादेखि वर्षा नहुँदा धान रोपाइँ भएपनि प्रभावित बनेको थियो । कतिपय स्थानमा रोपिएका धानहरू सुक्न थालेका थिए । तर हालको वर्षाले खेतीयोग्य जमिनमा चिस्यान आएको भन्दै किसानहरूमा उत्साह देखिएको छ ।

 

कटहरिया ८ पिप्रा पाेखरियाका स्थानीय किसान संताेष यादव भन्छन्, “यसपाली समयमा पानी नपर्दा धेरै चिन्ता थियो । अब भने ढिलो भए पनि धान बालीलाई प्रत्यक्ष लाभ भएको देखिएको छ । खेतीको मुख्य सिजनमा पानी पर्नु निकै ठूलो राहत हो।”

 

वर्षासँगै कृषि उत्पादनमा सकारात्मक प्रभाव पर्ने आशा गरिएको छ । सरकार सँग समयमा मलखाद उपलब्ध गराउन किसानहरूले माग गरेका छन् ।

आरके श्रीवास्तव,राैतहट,भदौ २१ गते । 

नेपाली कांग्रेस कटहरिया नगर समितिको आयोजनामा नगरस्तरीय कार्यकर्ता भेटघाट कार्यक्रम शनिबार भव्य रूपमा सम्पन्न भएको छ ।

कार्यक्रमका प्रमुख अतिथि नेपाली कांग्रेस रौतहटका जिल्ला सभापति तथा मधेस प्रदेश सरकारका अर्थमन्त्री सुनिल कुमार यादव (जितेन्द्र) हुनुहुन्थ्यो ।

 

कार्यक्रममा मन्त्री यादवले कार्यकर्ताहरूसँग खुला संवाद गर्दै पार्टीभित्रको आन्तरिक एकता, संगठनात्मक सुदृढीकरण, तथा स्थानीय सरकारको उत्तरदायित्वबारे महत्वपूर्ण धारणा व्यक्त गर्नुभयो ।

 

उहाँले भन्नुभयो, “पार्टी बलियो भए मात्र सरकार बलियो हुन्छ । संगठन सशक्त नभएसम्म जनताका मुद्दा उठाउन सकिँदैन। अहिलेको आवश्यकता भनेको कार्यकर्ता र नेतृत्वबीचको विश्वासको सेतु निर्माण गर्नु हो।”

अर्थमन्त्री यादवले कार्यकर्ताको गुनासो सुन्ने र समाधान गर्ने जिम्मेवारी नेताहरूको भएको उल्लेख गर्दै, पार्टीले सबैलाई समेट्ने नीति अवलम्बन गरिरहेको स्पष्ट पार्नुभयो । साथै, उहाँले पार्टीले आगामी निर्वाचनलाई लक्ष्य गरी नीति, संगठन र सञ्जाल तीनवटै क्षेत्रमा तयारी तीव्र पारिरहेको जानकारी दिनुभयो ।

 

कार्यक्रममा कार्यकर्ताहरूले स्थानिय तहमा देखिएका समस्या, नेतृत्वप्रतिको असन्तुष्टि, तथा कार्यसम्पादनमा पारदर्शिता लगायतका विषयमा गुनासाहरू राखेका थिए । मन्त्री यादवले सबै कुरा ध्यानपूर्वक सुन्दै आवश्यक कदम चालिने प्रतिबद्धता जनाउनुभयो ।

 

कार्यक्रमको अध्यक्षता नेपाली कांग्रेस कटहरिया नगर समितिका अध्यक्ष शम्भुकान्त यादवले गर्नुभएको थियो । उहाँले सबै कार्यकर्तालाई संगठन बलियो बनाउन आ–आफ्नो ठाउँबाट योगदान गर्न आग्रह गर्नुभयो ।

 

कार्यक्रममा नगरका विभिन्न वडाबाट प्रतिनिधित्व गर्दै दर्जनौं कार्यकर्ताको उपस्थिति रहेको थियो । छलफलात्मक वातावरणमा सम्पन्न भएको यस कार्यक्रममा सहभागीहरूले भविष्यमा यस्ता कार्यक्रमलाई अझ नियमित गर्नुपर्ने सुझाव पनि दिएका छन् ।

आरके श्रीवास्तव,राैतहट,भदौ २१ गते । 

नेपाली कांग्रेसका महाधिवेशन प्रतिनिधि तथा युवा नेता ज्ञानेन्द्र प्रसाद यादवले फतुवा विजयपुर नगरपालिका वडा नं ३ मेवामा जनतासँग भेटघाट तथा जनसंवाद कार्यक्रम सम्पन्न गरेका छन् ।

 

उक्त कार्यक्रममा नेता यादवले आफ्नो पार्टी नेपाली कांग्रेसको वडा नम्बर ३ का वर्तमान वडाध्यक्ष रामईश्वर राय यादवले गरेका कार्यहरूको मूल्यांकन गर्न स्थानीय जनताको राय लिएका थिए । उहाँले जनतासँग प्रत्यक्ष संवाद गर्दै विकास निर्माण, स्वास्थ्य, शिक्षा तथा स्थानीय स्तरका सेवा सुविधाको अभावबारे गहिरो चासो व्यक्त गर्नुभयो ।

“पार्टीले जनता प्रतिको उत्तरदायित्व पूरा गर्न सक्नुपर्छ,” यादवले भने, “हामी नेताहरू जनताको सेवक हौं, त्यसैले जनताको आवाज सुन्नु र बुझ्नु हाम्रो पहिलो कर्तव्य हो।”

 

स्थानीय बासिन्दाहरूले पनि वडामा भइरहेका कार्यहरूको बारेमा खुलेर प्रतिक्रिया दिएका थिए । कतिपयले विकास निर्माणमा सुधारको माग गरेका थिए भने केहीले वर्तमान नेतृत्वको प्रयासको सराहना समेत गरेका थिए ।

कार्यक्रममा पार्टीका स्थानीय कार्यकर्ता, युवाहरु, महिलाहरू तथा बृद्धबृद्धाहरूको समेत उत्साहजनक उपस्थिति रहेको थियो ।

 

नेता यादवले आगामी दिनहरूमा थप पारदर्शिता, जवाफदेहिता र जनतामुखी नीति मार्फत नेपाली कांग्रेसलाई मजबुत बनाउने प्रतिबद्धता व्यक्त गरेका छन् ।

 

आरके श्रीवास्तव,राैतहट,भदौ २० गते । 

राैतहट- आर्थिक वर्ष २०८०/८१ को लेखापरीक्षणमा उल्लेखनीय सफलता हासिल गर्दै ईशनाथ नगरपालिका, रौतहटले महालेखापरीक्षकको कार्यालयबाट आज प्रशंसा-पत्र प्राप्त गरेको छ । सम्पूर्ण मधेश प्रदेशबाट उत्कृष्ट प्रदर्शन गर्ने एक मात्र स्थानीय तहको रूपमा ईशनाथ नगरपालिका चयन भएको हो ।

ईशनाथ नगरपालिकामा आयोजित विशेष कार्यक्रममा नायब महालेखापरीक्षक इन्द्रप्रसाद आचार्य, उपमहालेखापरीक्षक पदमराज पौडेल तथा महालेखापरीक्षक तोयम रायाको संयुक्त हस्ताक्षरित उक्त प्रशंसा–पत्र नगरपालिकाकाे कार्यालयमा प्रदान गरिएको हो ।

लेखापरीक्षणका क्रममा ईशनाथ नगरपालिकाको कुल बेरुजु रु.७६,३८,३०७।– मात्र देखिएको थियो । जुन लेखापरीक्षण गरिएको कुल रकमको केवल ०.६१ प्रतिशत हो । साथै, यस नगरपालिकाले रु.७,६६,२०,०८५।– बराबरको बेरुजु फर्स्यौट तथा सम्परीक्षणसमेत गराएको छ । जुन यसअघि कायम बेरुजुहरूको तुलनामा उल्लेखनीय प्रगति हो ।

नगरप्रमुख कौशल्या देवीको नेतृत्व र प्रमुख प्रशासकीय अधिकृत नन्दकिशोर गुप्ताको प्रशासनिक व्यवस्थापनमा नगरपालिकाले वित्तीय अनुशासन, उत्तरदायित्व र पारदर्शिता कायम राख्न सफल भएको हो। दुवै जनाको सक्रिय पहल, निगरानी र समन्वयकारी भूमिकाको प्रशंसा गरिएको छ ।

नगरप्रमुख कौशल्या देवीले कार्यक्रमपश्चात् प्रतिक्रिया दिँदै भनिन्, “यो पुरस्कार सम्पूर्ण नगरवासी र कर्मचारीहरूको साझा उपलब्धि हो । हामी अझ पारदर्शी, उत्तरदायी र सेवामुखी नगरपालिका निर्माणमा प्रतिबद्ध छौं।”

त्यसैगरी, प्रमुख प्रशासकीय अधिकृत नन्दकिशोर गुप्ताले भने, “वित्तीय अनुशासन कायम गर्न र लेखापरीक्षणको सन्तोषजनक नतिजा ल्याउन कर्मचारीहरूको निरन्तर प्रयास, विभागीय समन्वय र समयमै तथ्यांक अद्यावधिक गर्ने संस्कार मुख्य कारण हुन्।”

कार्यक्रममा सहभागी विभिन्न सरोकारवालाहरूले आर्थिक पारदर्शिता र स्थानीय तहको सुशासन प्रवर्धनमा ईशनाथ नगरपालिकाको उदाहरणीय कार्यशैलीको प्रशंसा गरेका थिए ।

 

बज्जिकाञ्चल संवाददाता,राैतहट,भदौ २० गते ।

रौतहट –”तीनै तहका सरकार मिली गरौं हातेमालो : मानव बेचबिखनको हटाऔं दुष्चक्रको जालो” भन्ने मूल नाराका साथ १९ औं मानव बेचबिखन विरुद्धको राष्ट्रिय दिवस रौतहट जिल्लामा विशेष कार्यक्रमसहित भव्य रूपमा मनाइएको छ ।

जिल्ला प्रशासन कार्यालय रौतहटको आयाेजनामा प्रभातफेरी कार्यक्रम बिहानैदेखि सुरु भई सदरमुकाम गाैरकाे प्रमुख सडक हुँदै परिक्रमा गरियो । कार्यक्रममा सरकारी निकाय, स्थानीय तहका प्रतिनिधि, विभिन्न सामाजिक संघ–संस्थाका प्रतिनिधिहरू, विद्यालयका विद्यार्थी, युवा क्लबहरू तथा सर्वसाधारणको उल्लेखनीय उपस्थिति थियो ।

कार्यक्रममा बोल्दै प्रमुख जिल्ला अधिकारीले मानव बेचबिखनजस्तो जघन्य अपराधको अन्त्यका लागि सबै तहका सरकार र समुदायबीच समन्वय आवश्यक रहेको बताए । उहाँले मानव बेचबिखनविरुद्ध जनचेतना अभिवृद्धि गर्न यस्ता कार्यक्रमको महत्व अत्यधिक रहेको उल्लेख गर्नुभयो ।

कार्यक्रममा सहभागिता जनाएकाहरूले विभिन्न सचेतनामूलक प्लेकार्ड, नाराबाजी तथा सांस्कृतिक प्रस्तुतीमार्फत जनचेतना अभिवृद्धिमा योगदान पुर्‍याएका थिए ।

मानव बेचबिखनको रोकथाम, पीडितको संरक्षण तथा पुनःएकीकरणको प्रयासमा सबैले आ–आफ्नो ठाउँबाट योगदान पुर्‍याउनुपर्ने सन्देश दिँदै कार्यक्रम समापन गरिएको थियो ।

आरके श्रीवास्तव,राैतहट,भदौ १८ गते । 

श्री आधारभुत बिद्यालय लक्ष्मिनिया, बिजयपुर-९, रौतहटको ६४ औं वार्षिकोत्सव तथा स्थापना दिवस सफलता साथ सम्पन्न भएको छ । पहिलो पटक स्थानीय सरकारी विद्यालयले यति भव्य कार्यक्रम आयोजना गरेपछि यसलाई फतुवा बिजयपुर नगरपालिकाको शिक्षाक्षेत्रमा ऐतिहासिक सुरुवातको रूपमा लिइएको छ ।

 

कार्यक्रमको अध्यक्षता विद्यालय व्यवस्थापन समितिका अध्यक्ष दिनेश चौधरीले गर्नुभएको थियो भने प्रमुख अतिथि फतुवा बिजयपुर नगरपालिकाकी कार्यवाहक नगरप्रमुख अम्बेया खातुन रहनुभएको थियो ।

उहाँले कार्यक्रममा बोल्दै भनिन् -“आजको दिन हामी सबैका लागि गौरवको विषय हो । सरकारी विद्यालयले यति व्यवस्थित र समावेशी कार्यक्रम गर्न सक्नु भनेको स्थानीय नेतृत्व, शिक्षकहरूको मेहनत र समुदायको विश्वासको प्रतिफल हो। नगरपालिकाले आगामी दिनमा पनि यस्ता शैक्षिक प्रयासहरूलाई पूर्ण साथ र सहयोग दिनेछ।”

 

कार्यक्रममा वडा नं. ९ का अध्यक्ष राकेश यादव (पप्पु) ले विद्यालयप्रति आफ्नो प्रतिबद्धता जनाउँदै भन्नुभयो —”म सधैं विद्यालयको विकासमा साथ दिँदै आएको छु र आगामी दिनमा कक्षा १० सम्म विस्तार गर्नका लागि आवश्यक पहल गरिनेछ । लक्ष्मिनिया बस्तीको समग्र विकासका लागि शिक्षा मेरै पहिलो प्राथमिकता हो।”

उक्त अवसरमा वडा नं. ८ का अध्यक्ष नितेश चौधरी, प्रमुख प्रशासकीय अधिकृत भरत प्रसाद यादव, कार्यपालिका सदस्य उमाशंकर जयसवाल, पप्पु चौधरी लगायत नगरपालिकाका विभिन्न जनप्रतिनिधिहरू, समाजसेवी, अभिभावक, शिक्षक, महिला समूह तथा युवा समुदायको उल्लेखनीय उपस्थिति रहेको थियो ।

 

विभिन्न विद्यालयका प्रधानाध्यापकहरू तथा शिक्षा क्षेत्रमा योगदान पुर्याइरहनु भएका अग्रजहरूको समेत उपस्थिति कार्यक्रमलाई अझ गौरवमय बनाएको थियो । विद्यार्थीहरूद्वारा प्रस्तुत सांस्कृतिक कार्यक्रम, अभिभावकहरूको सहभागिता, र सम्मान कार्यक्रममा वातावरण अत्यन्त उत्साहपूर्ण बनेको थियो ।

 

विद्यालयले लामो समयदेखि उत्कृष्ट योगदान दिने विद्यार्थी, अभिभावक तथा स्थानीय सहयोगीहरूलाई सम्मानपत्र र प्रमाणपत्र प्रदान गरी कदर व्यक्त गरेको थियो ।

 

विद्यालयका प्रधानाध्यापक जयकिशाेर प्रसाद साहले आफ्नो मन्तव्यमा २०६१ सालदेखि निरन्तर सेवा गर्दै आएको स्मरण गर्दै भने — “शुरुआती अवस्थामा कक्षा ५ सम्म मात्र सीमित रहेको यो विद्यालय अहिले कक्षा ८ सम्म विस्तार भएको छ, जुन सामूहिक प्रयास, समर्पण र समुदायको साथको परिणाम हो । यस सफल यात्रामा साथ दिने सबैलाई म हृदयदेखि धन्यवाद दिन चाहन्छु।”

 

कार्यक्रममा अतिथिहरूले विद्यालयको प्रगति, शैक्षिक गुणस्तर र भविष्यको योजनाका विषयमा प्रेरणादायी विचार राख्दै विद्यालय परिवारको प्रशंसा गरेका थिए।

 

श्री आधारभुत बिद्यालय लक्ष्मिनिया परिवारले सम्पूर्ण सहभागी, अभिभावक, विद्यार्थी, अतिथि तथा स्थानीय समुदायलाई हार्दिक धन्यवाद ज्ञापन गरेको छ ।

आरके श्रीवास्तव,राैतहट,भदौ १८ गते । 

राैतहटकाे गरुडा नगरपालिकामा हालै नियुक्त प्रमुख प्रशासकीय अधिकृत निलम कुमार न्यौपानेलाई आज एक विशेष कार्यक्रमबीच नगर प्रमुख कन्थमणी प्रसाद जयसवालज्यूले स्वागत गर्नुभयो ।

 

कार्यक्रममा विशिष्ट अतिथिका रूपमा उप–मेयर पुनम कुमारी चौधरीको उपस्थिति रही, साथै इलाका प्रहरी कार्यालय गरुडाका प्रहरी नायव उपरीक्षक राजन कार्की, नगरपालिकाका विभिन्न वडाका अध्यक्षहरू, सम्पूर्ण कार्यालयका कर्मचारीहरू तथा शाखा प्रमुखहरूको उल्लेखनीय उपस्थिति रहेको थियो ।

स्वागत कार्यक्रममा नगर प्रमुख जयसवालले प्रमुख प्रशासकीय अधिकृत न्यौपानेलाई स्वागत गर्दै समन्वयात्मक रूपमा नगरको समुन्नत विकासमा अघि बढ्न सबैलाई आग्रह गर्नुभयो ।

 

नव नियुक्त अधिकृत न्यौपानेले विश्वासका साथ जिम्मेवारी निर्वाह गर्ने प्रतिबद्धता जनाउँदै सबै पक्षसँग सहकार्यको अपेक्षा व्यक्त गर्नुभयो ।

 

कार्यक्रम सफलतापूर्वक सम्पन्न भएको जानकारी गराइएको छ ।

 

आरके श्रीवास्तव,राैतहट,भदौ १८ गते । 

जनता समाजवादी पार्टी, नेपाल (जसपा) रौतहट जिल्ला समितिको आयोजनामा आज कटहरिया नगरपालिकाको कटहरिया बजारमा एक विशाल विरोध प्रदर्शन सम्पन्न भयो । पार्टीका जिल्ला अध्यक्ष राजिव रञ्जन यादवको अध्यक्षतामा सम्पन्न उक्त प्रदर्शन भूमि विधेयक र गौर राइस मिल घटनाको विरोधस्वरूप आयोजना गरिएको हो ।

प्रदर्शनमा सहभागीहरुले भूमि विधेयक तत्काल खारेज गर्नुपर्ने मागसहित जोरदार नाराबाजी गर्दै नगरभरि परिक्रमा गरेका थिए । प्रदर्शनलाई एक विशाल र सशक्त रुपमा अघि बढाइएको थियो ।

कार्यक्रमका प्रमुख अतिथि जसपा नेपालका केन्द्रीय उपाध्यक्ष गोविन्द चौधरीले भूमि विधेयक गैरसुकुम्बासीलाई हाबी गराउन ल्याइएको आरोप लगाउँदै भने, “यो विधेयक जसपा नेपालले कुनै पनि हालतमा स्वीकार गर्न सक्दैन।”

कार्यक्रमका अन्य वक्ताहरू पूर्व अध्यक्ष श्यामबिहारी यादव, राजकुमार दास, अनिल यादव, पुनित राम, ईश्वरीप्रसाद यादव लगायतले पनि आफ्नो धारणा व्यक्त गर्दै भूमि विधेयकको कडा विरोध जनाए ।

कार्यक्रमको स्वागत मन्तव्य युवा नेता पुणप्रताप पटेलले दिएका थिए भने कार्यक्रमको सञ्चालन जसपा नेपालका युवा नेता राजाबाबु साहले गरेका थिए ।

प्रदर्शनमा जसपा नेपालका केन्द्रीय सदस्य तथा गुजरा नगरपालिकाका नगरप्रमुख सन्तलाल चौधरीसहित विभिन्न तहका नेता तथा कार्यकर्ताको उल्लेखनीय उपस्थिति रहेको थियो ।

कार्यक्रमको समापन गर्दै अध्यक्ष राजिव रञ्जन यादवले भदौ ०९ गतेदेखि मधेस प्रदेशभरि निरन्तर विरोध प्रदर्शन भइरहेको जानकारी दिँदै भने, “१९ वर्षपछि अदालतको परमादेशपछि जसपा नेपाल मात्र होइन, अन्य दलका नेताहरू पनि आन्दोलनमा सक्रिय छन्।”

उनले गौर घटनाका प्रमुख योजनाकारको नाम तत्कालीन लाल आयोग र खिलराज रेग्मी नेतृत्वमा गठित छानबिन आयोगको प्रतिवेदनमा उल्लेख भएको भन्दै ती प्रतिवेदन सार्वजनिक गर्न माग समेत गरेका छन् ।

जसपा नेपालको यो विरोध कार्यक्रमले रौतहटमा नयाँ राजनीतिक बहसको सुरुवात गराएको छ । पार्टीले आन्दोलनलाई अझ व्यापक बनाउँदै लैजाने जनाएको छ ।

बज्जिकाञ्चल संवाददाता,राैतहट,भदौ १७ गते ।
गौर राजनैतिक घटना र प्रस्तावित भूमि विधेयकको विरोधमा जनता समाजवादी पार्टी (जसपा), नेपालद्वारा २०८२ भदौ १८ गते (बुधबार) रौतहटको कटहरिया बजारस्थित बिवाह भवनमा एक विरोध तथा जन-जागरण कार्यक्रम आयोजना गरिने भएको छ ।

कार्यक्रम दिउँसो २:०० बजे सुरु हुने तय भएको छ । जसपा, नेपाल रौतहटका कार्यालय सचिव दिनेश कुमार यादवले एक विज्ञप्तिमार्फत कार्यक्रममा सहभागी भइ सशक्त उपस्थिति जनाउन सबैलाई हार्दिक अनुरोध गरेका छन् ।

यसै सन्दर्भमा, भोलि हुने विरोध कार्यक्रमको विशेष तयारी सम्बन्धी छलफल सम्पन्न भएको जानकारी पनि प्राप्त भएको छ । छलफलमा कार्यक्रमलाई सफल बनाउन आवश्यक व्यवस्थापन, जनसहभागिता, सुरक्षा व्यवस्था लगायतका विषयमा विस्तृत योजना बनाइएको छ ।

कार्यक्रममा जसपा नेपालका केन्द्रीय उपाध्यक्ष गाेबिन्द चाैधरी,केन्द्रीय सदस्य एवम् गुजरा नगरपालिकाका मेयर सन्तलाल चाैधरी,यूवा नेता श्रीकान्त यादव लगायतका नेताहरूकाे उपस्थिति रहेको थियो ।

जसपाका स्थानीय नेता तथा कार्यकर्ताहरूले उक्त कार्यक्रम गौर घटनामा न्यायको माग र भूमि विधेयकको विरोध स्वरूप आयोजित गरिएको जनाउँदै, कार्यक्रमले मधेशको आवाज बुलन्द पार्ने विश्वास व्यक्त गरेका छन् ।

आरके श्रीवास्तव,रौतहट,भदौ १७ गते ।
राैतहटका गरूडा नगरपालिकामा आयोजना हुने मेयर कप क्रिकेट टुर्नामेन्टका लागि खेल सामग्री (क्रिकेट कीट) वितरण कार्यक्रम मंगलबार सम्पन्न भएको छ । यूथ क्लब अफ रौतहटको आयोजनामा सम्पन्न कार्यक्रममा क्लबका उपाध्यक्ष बलराम ठाकुरको अध्यक्षतामा कार्यक्रम संचालन भयो ।

कार्यक्रमका प्रमुख अतिथि नगर प्रमुख कन्थमनी जयसवालले खेलकुदले युवाहरूमाझ एकता, अनुशासन र स्वस्थ प्रतिस्पर्धा ल्याउने बताउँदै भने, “खेलकुदले समाजलाई जोड्ने माध्यम हो । नगरपालिकाले सधैँ खेलकुद गतिविधिमा साथ दिँदै आएको छ र भविष्यमा पनि यस्ता कार्यक्रमहरूलाई निरन्तर समर्थन गर्नेछ।”

त्यसैगरी, वडा नं. ५ का वडा अध्यक्ष रामबिनोद जयसवालले यूथ क्लब र खेलाडीहरूलाई धन्यवाद दिंदै भने, “यस प्रकारका प्रतियोगिताले स्थानीय युवाहरूमा प्रतिभा उजागर गर्न मद्दत पुर्‍याउँछ । हामी सबैले मिलेर यस्ता सकारात्मक गतिविधिलाई अझ सशक्त बनाउनु पर्छ।”

कार्यक्रममा वडा नं. ६ का अध्यक्ष रामबाबु जयसवाल, वडा नं. ७ का अध्यक्ष प्रविण यादव, कार्यपालिका सदस्यहरू, खेलाडीहरू लगायतको उपस्थिति रहेको थियो ।

यूथ क्लब अफ रौतहटका अनुसार मेयर कप क्रिकेट प्रतियोगिता विगत ४ वर्षदेखि सञ्चालन हुँदै आएको हो । यस वर्ष प्रतियोगितामा प्रथम हुने टिमलाई रु. १ लाख २५ हजार र प्रमाणपत्र, द्वितीय टिमलाई रु. ६५ हजार र प्रमाणपत्र प्रदान गरिने यूवा समाजसेवी शैलेस जयसवालले जानकारी गराएका हुन् ।

त्यसैगरी, म्यान अफ द म्याचलाई रु. १५ हजार, बेस्ट बलर र बेस्ट ब्याट्सम्यानलाई जनही रु. १० हजार र प्रमाणपत्र प्रदान गरिनेछ ।

कार्यक्रमको सञ्चालन राजेश्वर पाण्डेले गरेका थिए ।

आरके श्रीवास्तव,राैतहट,१६ गते भदौ । 

नेकपा माओवादी केन्द्र रौतहटको प्रथम जिल्ला बैठक आइतवार गरुडा नगरपालिकास्थित अनुष पार्टी प्यालेसमा सम्पन्न भएको छ । जिल्ला ईन्चार्ज अशोक जयसवालको अध्यक्षतामा सम्पन्न उक्त बैठकमा पार्टी संगठन सुदृढीकरण र आगामी चुनावी रणनीतिबारे महत्वपूर्ण निर्णयहरू गरिएका छन् ।

 

कार्यक्रममा केन्द्रीय सदस्य वहिद अंसारी, पूर्व सांसद देवेन्द्र पटेल, प्रदेश सभा सदस्य विनदेश्वर राय यादव, पूर्व राज्यमन्त्री सत्यनारायण भगत लगायत जिल्लाभरिका पालिकास्तरीय नगर अध्यक्षहरू, जिल्ला समन्वय समितिका सदस्यहरू लगायतको उपस्थिति रहेको थियो ।

 

बैठकमा प्रत्येक स्थानीय तहमा पार्टी ईन्चार्जहरूको जिम्मेवारी तोकिएको छ । पार्टीले संगठन सुदृढीकरणलाई प्राथमिकतामा राख्दै आगामी निर्वाचनका लागि तयारी तीव्र बनाउने निर्णय गरेको छ ।

 

कार्यक्रममा बोल्दै नेकपा माओवादी केन्द्र कटहरिया नगर अध्यक्ष तथा मेयर पदका प्रत्यासी नसरूदिन अन्सारीले पार्टीको आगामी यात्रामा युवा र स्थानीयस्तरका कार्यकर्ताको भूमिकालाई महत्वपूर्ण ठहर गर्दै सबैलाई संगठित भएर अघि बढ्न आग्रह गरेका छन् ।

 

उनले स्थानीय विकासका सवालमा जनताको भावना अनुसार काम गर्ने प्रतिबद्धता जनाउँदै, माओवादी केन्द्रले विगतमा देखाएको परिवर्तनको यात्रालाई पुनः सबल बनाउने वाचा गरेका छन् ।

 

कार्यक्रम सकारात्मक वातावरणमा सम्पन्न भएको र आगामी दिनहरूमा यस्ता बैठकहरूलाई निरन्तरता दिँदै संगठन निर्माणलाई तीव्रता दिने सहमति पनि भेलामा बनेको जनाइएको छ ।

आरके श्रीवास्तव,रौतहट, भदौ १६ । 

जनता समाजवादी पार्टी, नेपाल (जसपा) रौतहट जिल्ला समितिको आयोजनामा सोमबार चन्द्रपुर चौकमा भूमि विधेयकको विरोधमा बृहत विरोध प्रदर्शन सम्पन्न भएको छ । “मधेशी एकता जिन्दावाद! उपेन्द्र यादव जिन्दावाद!” नारासहित आयोजित कार्यक्रममा सहभागीहरूले सो विधेयकलाई “राष्ट्रघाती” भन्दै तीव्र विरोध जनाए ।

 

कार्यक्रममा जसपा नेपालकी केन्द्रीय सदस्य एवम् राष्ट्रिय सभा सदस्य पुजा चाैधरीले वन विनाश गरेर मधेशलाई मरुभूमि बनाउने नियोजित प्रयत्न अन्तर्गत ल्याइएको सो विधेयकले मधेशी जनताको हक, हित, र अस्तित्वमाथि गम्भीर प्रहार हुने चेतावनी दिए । उनले भूमि विधेयक खारेज नगरे सरकारविरुद्ध अझ कडा आन्दोलन छेडिने बताए ।

 

वक्ताहरूले गौर राजनीतिक घटनालाई समेत स्मरण गर्दै मधेशको पीडा र बलिदानलाई बिर्सिन नहुने कुरा औंल्याए । प्रदर्शनमा सयौंको संख्यामा सर्वसाधारण, विद्यार्थी, महिला, युवा तथा पार्टीका कार्यकर्ताहरू सहभागी थिए ।

 

जसपाले यस प्रकारका विरोध कार्यक्रमलाई जिल्लाभरि फैलाउने र संघीय सरकारमाथि दबाब सिर्जना गर्ने योजना समेत सार्वजनिक गरेको छ ।

बज्जिकाञ्चल संवाददाता,रौतहट, भदौ १६ । 

नेपाल पत्रकार महासंघ रौतहट शाखाले जिल्लाभित्र ‘प्रेस’ लेखिएका सवारी साधनहरूमाथि कडाइ गर्ने निर्णय गरेको छ । शाखाको आज सम्पन्न बैठकले ‘प्रेस’को नाममा सवारी साधनको दुरुपयोग बढेको भन्दै अबदेखि त्यस्ता सवारी साधनहरूबाट ‘प्रेस’ लेखिएको शब्द हटाउने निर्णय लिएको हो ।

 

महासंघका अनुसार, संचारमाध्यमको हकमा कुनै सवारी साधन मिडिया हाउसको नाममा दर्ता भएको खण्डमा मात्र सम्बन्धित मिडिया हाउसको नाम उल्लेख गर्न सकिनेछ । आपतकालीन अवस्था, कर्फ्यू वा सवारी आवागमनमा प्रतिबन्धित अवस्थामा बाहेक अन्य सामान्य अवस्थामा ‘प्रेस’ लेखिएका सवारी प्रयोग नगर्न महासंघले अनुरोध गरेको छ ।

 

बैठकले जिल्ला ट्राफिक कार्यालय र जिल्ला प्रहरी कार्यालयलाई पत्राचार गर्दै ‘प्रेस’ लेखिएका सवारी साधनहरूको गहन जाँच गर्न समेत अनुरोध गरेको जानकारी गराइएको छ ।

 

पूर्व अध्यक्ष साहको आपत्ति

 

नेपाल पत्रकार महासंघका पूर्व अध्यक्ष रविन्द्र साहले भने उक्त निर्णयप्रति घोर आपत्ति जनाएका छन् । उनले सामाजिक सञ्जालमार्फत प्रतिक्रिया दिँदै भनेका छन्, “विधानलाई अगिकार गर्नै हो कि? ट्राफिक प्रहरीको भूमिकामा पत्रकार बन्ने हो? अन्धो देशमा कानो राजा बन्ने प्रयास नगरियोस्।”

 

उनको भनाइमा, महासंघले आफ्नो मूल जिम्मेवारीभन्दा बाहिर जान खोजेको देखिन्छ । प्रेस स्वतन्त्रता र पत्रकार सुरक्षा सुनिश्चित गर्नुपर्ने संस्थाले ट्राफिक नियमन गर्ने शैली देखाउनु उपयुक्त नहुने साहको तर्क छ ।

 

रौतहटमा हाल ‘प्रेस’को नाममा सवारी दुरुपयोग भएको गुनासो व्यापक छ । तर यसप्रकारको निर्णयले कानुनी रूपमा वैध सवारी साधन र निष्पक्ष पत्रकारितामाथि असर पर्ने सम्भावनाबारे समेत बहस शुरु भएको छ ।

आरके श्रीवास्तव,रौतहट,भदौ १६ गते । 

गौरीशंकर यादव रौतहट फाउण्डेसन र नेपाल पत्रकार महासंघ रौतहट शाखाबीचको सम्झौता बमोजिम अबदेखि हरेक वर्ष दुई पत्रकारिता पुरस्कार प्रदान गरिने भएको छ ।

 

महासंघ रौतहटका सचिव गौतम श्रेष्ठद्वारा जारी गरिएको सूचनामा उल्लेख अनुसार ‘गौरीशंकर यादव रौतहट पत्रकारिता पुरस्कार’ र ‘गौरीशंकर यादव रौतहट फोटो पत्रकारिता पुरस्कार’ नामक दुई विधामा पुरस्कार प्रदान गरिनेछ ।

 

प्रत्येक पुरस्कारको राशी जनही ११ हजार रुपैयाँ र प्रमाणपत्र रहेको छ । यी पुरस्कारहरू नेपाल पत्रकार महासंघ रौतहट शाखाको वार्षिक साधारण सभाको अवसरमा वितरण गरिनेछ ।

 

फाउण्डेसन र महासंघबीचको सहकार्यले जिल्लामा पेशागत पत्रकारिता तथा फोटो पत्रकारितामा सक्रिय स्रष्टाहरूलाई प्रोत्साहन पुग्ने विश्वास लिइएको छ ।

राकेश यादव,राैतहट,भदौ १५ । 

जनता समाजवादी पार्टी (जसपा) नेपालका कार्यकर्ताहरूले आइतवार रौतहटको सदरमुकाम गौरमा सरकारविरुद्ध प्रदर्शन गरेका छन् । विरोध प्रदर्शन भूमि सम्बन्धी विधेयक र सर्वोच्च अदालतले जारी गरेका परमादेशको विरुद्धमा गरिएको हो ।

जसपा नेपालका जिल्ला अध्यक्ष राजिव रंजन यादवका अनुसार, सरकारले ल्याएको भूमि विधेयक मधेसको लागि विनाशकारी भएकोले विरोध गरिएको हो । “यस विधेयकले मधेशका जंगलहरू मास्ने र भूमाफियाले जमिन कब्जा गर्ने बाटो खोल्ने खतरा छ,” अध्यक्ष यादवले बताए ।

जसपाको केन्द्रिय कार्यालयले भाद्र ९ गतेदेखि १५ गतेसम्म देशभरि विरोध कार्यक्रम घोषणा गरेअनुसार गौरमा प्रदर्शन गरिएको हो। मधेशी क्रान्ति चौकबाट सुरु भएको विरोध र्‍यालीले नगर परिक्रमा गर्दै पुनः सोही स्थानमा कोण सभाको रुप लिएको थियो ।

कोण सभामा सम्बोधन गर्दै जसपा नेताहरूले भूमि विधेयक तुरुन्त फिर्ता गर्न माग गरे। साथै, मधेस आन्दोलनसँग सम्बन्धित राजनीतिक मुद्दाहरू खारेज गर्नुपर्ने माग समेत राखिएको थियो ।

बज्जिकाञ्चल संवाददाता,रौतहट, भदौ १६ । 

जनमत पार्टीका नेता तथा कार्यकर्ताहरूले शहीद राम मनोहर यादवको आठौं स्मृति दिवस आइतबार विविध कार्यक्रमहरू गरी मनाएका छन् । रौतहट सहित देशका विभिन्न स्थानमा आयोजित कार्यक्रममार्फत यादवप्रति श्रद्धाञ्जली अर्पण गर्दै उहाँका योगदानको स्मरण गरिएको छ ।

 

यस अवसरमा रौतहटको राजदेवी नगरपालिकामा पार्टीका केन्द्रीय सदस्य तथा नगर प्रमुख उम्मेदवार विकास कुमार यादवको नेतृत्वमा सरसफाई तथा वृक्षरोपण कार्यक्रम आयोजना गरिएको थियो । राजदेवी मन्दिर परिसरमा भएको उक्त कार्यक्रममा सहभागीहरूले मन्दिर क्षेत्र सफा गर्नुका साथै विभिन्न प्रजातिका बिरुवा रोपेर वातावरण संरक्षणको सन्देश दिएका थिए ।

शहीद राम मनोहर यादव २०७५ साल भदौ ८ गते बर्दिया जिल्लामा तत्कालीन स्वास्थ्य मन्त्रीलाई प्रश्न सोध्न गएका थिए । उक्त घटनालाई लिएर प्रहरीद्वारा पक्राउ गरिएका यादवलाई हिरासतमा चरम यातना दिइएको थियो । यातनाका कारण उहाँको २०७५ साल भदौ १५ गते प्रहरी हिरासतमै मृत्यु भएको थियो । जनमत पार्टीले उहाँको मृत्युलाई राज्यद्वारा गरिएको हत्या भन्दै न्यायको माग गर्दै आएको छ ।

 

पार्टीका अनुसार राम मनोहर यादवका बलिदान र संघर्षले आजको राजनीतिक आन्दोलनलाई ऊर्जा प्रदान गरेको छ । स्मृति दिवसको अवसरमा आयोजित कार्यक्रमहरूमा सहभागी वक्ताहरूले शहीद यादवप्रति श्रद्धाञ्जली अर्पण गर्दै उहाँका सपना पूरा गर्न सबै एकजुट हुनुपर्नेमा जोड दिएका थिए ।

हनुमत यादव,रौतहट, भदौ १४ गते ।

नेशनल इन्जिनियर्स एसोसिएसन नेपालको रौतहट जिल्ला समिति गठन गरिएको छ । समिति पुनर्गठन कार्यक्रम ने. अ. न. प्रचार प्रसार समिति रौतहट को आयोजनामा जिल्लाको सदरमुकाम गौर स्थित होटल जि मार्टमा गरीएको छ ।

यस संगठनमा आवद्ध जिल्लाका इन्जिनियर्सको हकहितको लागि हरदम तयार रहनको निमित्त १२५ सदस्य समिति गठन भएको छ । समितिका अध्यक्ष – राकेश यादव उपाध्यक्ष – अलोक साह, बलिराम साह, अरुण गुप्ता, करीना साह सचिव अनुरुध यादव सह सचिव दिव्य प्रकाश ठाकुर, अनिल साह, आर्यन दिपक राउत कोषाध्यक्ष रिता जयसवाल सह कोषाध्यक्ष तबरेज आलम जिल्ला सुचना संयोजक चन्द्रभुषण यादव जिल्ला प्रचार तथा प्रेस संयोजक लखिनद्र ठाकुर जिल्ला सल्लाहकार संयोजक ललन साह लगायत १२५ सदस्य समिति चुनिएको छ ।

कार्यक्रम ने. अ. न. को मधेश प्रदेश अध्यक्ष तेजनारायण यादवको अध्यक्षतामा सफलता पुर्वक सफल भएको छ। नव गठित समितिका अध्यक्ष राकेश यादवले आफ्नो कुरा राख्दै सबै साथीको सहयोको अपेक्षा सहित संगठनको लागि कट्टीबद्ध रहने प्रद्तिब्दता गरे साथी एकबद्ध भए एक ढिका भए संगठन लाई मजबुती प्रदान गर्ने सोचका साथ अगाडि बढ्ने अठोट रहेको उनले बताए ।

प्रदेश अध्यक्ष तथा कार्यक्रमको अध्यक्ष रहेको यादवले आफ्नो कुरा राख्दै भने की यो संगठन स्थापनाको मात्र ५ वर्ष भएको छ तर यो संगठनको कार्य प्रगति देखेर अन्य संगठनका व्यक्तीहरु विचलिए भएको जिकिर गरे ।

यस संगठनका सदस्य तथा पद अधिकारी कुनै पार्टी बाट संचालित नभई निष्पक्ष रुपमा अगाडि बढिरहेको बताए । साथै यस संगठनमा जुडिएको इन्जिनियर कहीले पनी पदको लागि काम नगरेको मात्र एक सच्चा सदस्यको रुपमा निःस्वार्थ रुपमा काम गर्दै आइरहेको उनले भने ।

दिपेन्द्र रजक,राैतहट,भदौ १४ गते । 
रौतहटको कटहरिया नगरपालिका वडा नम्बर-४ बहादुरपुरमा मोबाइल चोरी गरेको झुठा आरोपका कारण कुटपिटमा परेर एक जना २८ वर्षिय दलित युवक नसिब बैठाको मृत्यु भएको छ ।

बैठाका भाईका अनुसार गत श्रावण १६ गते बेलुकीको समयमा बैठा गाउँमै रहेको एउटा पसलमा बसेर कुरा गरिरहेको अवस्थामा स्थानिय संजय यादव, विजय यादव,गर्भु गोसाइँ,शम्भु गोसाइँ,प्रभु गोसाइँ र लक्ष्मी गोसाइँको समुहले कुटपिट निर्मम तरिकाले गरी बैठाले मोबाइल चोरी गरेको स्विकार गर्न लगाएपनि उनले आफुले मोबाइल चोरी न गरेको बताए पछि,केही व्यक्तिले बैठालाई घरसम्म छोडेर फर्केका थिए।

तर फेरि पनि त्यसको भोली पल्ट अर्थात श्रावण १७ गतेका दिन संजय र विजय यादव लगायतका समुहले बैठाको घरमा गई, उलाइ समातेर आँखामा पटि बाँधी गाउँ भन्दा करिब ३०० मिटर टाढा लगी आपको रुखमा रसिले उल्टो बाध बाधेर साइकलको चैन,बेल्ट तथा हात,मुका समेतले मर्नासन हुने गरि निर्घात कुटपिट पछि प्रहरीलाई फोन गरी प्रहरीको जिम्मा लगाएका थिए।

तर इलाका प्रहरी कार्यालय कटहरियामा पञ्चायती हुदा बैठा निर्दोष साबित भएको थियोे,अर्थात बैठाले मोबाइल चोरी गरेको पुष्टि भएन। त्यसपछि प्रहरीले बैठालाई निर्दोष भन्दै छोडेको थियो। तर कुटपिटका कारण बैठाको शारिरिक अवस्था एकदमै कमजोर भएपछी अर्थात उ हिडडुल गर्न न सक्ने भएपछि बैठाका भाइले बैठालाई उपचारका निम्ति बिरगंज स्थित स्पोर्ट् अस्पताल मा लगी उपचार गराएका थिए, र सोही उपचार कै क्रममा बैठाको मृत्युु भयो।

बैठाका भाईले मृत्यु पश्चात् आफुहरुले न्याय तथा छतिपुर्ति न पनउन्जेलसम्म बैठाका शवलाई न जलाउने अडान लिएपनि गाउँघरकै ठुलाबडा का दवाबमा शव जलाउन बाध्य भएको बताए। र पछि इलाका प्रहरी कार्यालय कटहरियामा मुदा दिए पनि हालसम्म प्रहरीले आफुहरुलाई कुनै वास्ता नै न गरिरहेको र यता गाउँ घरमा केहीव्यक्तिले मुदा मिल्न दवाब समेत दिरहेको बताए।

बज्जिकाञ्चल संवाददाता,राैतहट,भदौ १३ गते । 

राैतहटकाे कटहरिया नगरपालिकामा आज एक विशेष कार्यक्रमका बीच स्थानीय आपतकालिन कार्यसञ्चालन केन्द्रको स्थापना गरिएको छ । नगर प्रमुख अजय प्रकाश जयसवालको अध्यक्षतामा सम्पन्न कार्यक्रममा प्रमुख अतिथि मुख्यमन्त्री तथा मन्त्री परिषद्को कार्यालयका सचिव एमेन्द्र उपाध्याय र विशिष्ट अतिथि गृह, सञ्चार तथा कानुन मन्त्रालयका बिमल प्रसाद बरालको संयुक्त उपस्थिति रहेको थियो ।

कार्यक्रममा नगर उपप्रमुख रिता देवी यादव, प्रमुख प्रशासकीय अधिकृत बिरबहादुर लहेरा तथा गृह तथा कानुन मन्त्रालयका सचिवको पनि विशेष सहभागिता रहेको थियो । उनीहरूले संयुक्त रूपमा आपतकालिन कार्यसञ्चालन केन्द्रको कार्यालयको उद्घाटन गरेका छन् ।

यस उद्घाटन समारोहमा नगरपालिकाका सदस्यहरू, वडा अध्यक्षहरू, कर्मचारीहरू तथा अन्य सरोकारवाला व्यक्तिहरूको उपस्थिति रहेको थियो । कार्यक्रममा आपतकालीन व्यवस्थापनको सुदृढीकरण तथा स्थानीय तहको तयारी क्षमतामा अभिवृद्धि गर्ने उद्देश्यका साथ केन्द्रको आवश्यकता र औचित्यबारे प्रकाश पारिएकाे थियोे ।

यसै क्रममा, केन्द्रको प्रमुख पदका लागि कौशल किशोर चौधरीलाई थप जिम्मेवारी दिइएको छ । चौधरी अब आपतकालीन अवस्थाहरूमा समन्वय, व्यवस्थापन र सूचनाको प्रवाहमा महत्वपूर्ण भूमिका निर्वाह गर्नेछन् ।

कटहरिया नगरपालिकाले यस केन्द्रमार्फत बाढी, डुबान, आगलागी, भूकम्प लगायतका प्राकृतिक तथा मानवजन्य विपद्हरूको प्रभावकारी व्यवस्थापनमा सहयोग पुग्ने विश्वास व्यक्त गरिएको छ ।

बज्जिकाञ्चल संवाददाता,रौतहट, १२ भदौ । 

जन्मदिनजस्तो विशेष दिनलाई सामाजिक उत्तरदायित्वमा रूपान्तरण गर्दै युवा पत्रकार तथा समाजसेवी अभिमनु कुमार पटेलले आफ्नो जन्मोत्सव अनाथ तथा टुहुरा बालबालिकासँग मनाएका छन् ।

 

रौतहटको परोहा नगरपालिका–८ मोतिपुर नरकटियाका निवासी पटेलले बिहीबार गरुडा नगरपालिका–४ मा अवस्थित बंशीराम जयसवाल अनाथालयमा पुगेर २६ जना बालबालिकासँग मिठाइ बाँड्दै खाद्यान्न तथा दैनिक उपभोग्य सामग्री हस्तान्तरण गरेका छन् ।

मधेश मिडिया प्रा.लि.का अध्यक्ष तथा रिपोर्टर्स क्लब नेपाल, मधेश प्रदेशका कोषाध्यक्ष समेत रहेका पटेलले जन्मदिनको अवसरमा चामल, दाल, आलु, प्याज, तेल, साबुन, नुहाउने सामग्री, चकलेट, बिस्कुट, चाउचाउ, चिउरा, चिनी लगायत आवश्यक सामग्री अनाथालयलाई हस्तान्तरण गरेका थिए ।

 

“महँगो होटलमा लाखौं खर्च गरेर जन्मदिन मनाउनुको सट्टा अनाथ बालबालिकाको अनुहारमा मुस्कान ल्याउनु नै वास्तविक पुण्य हो,” पत्रकार पटेलले प्रतिक्रिया दिएका छन् ।

 

बालबालिकासँग बिताएको केही घण्टाले उनलाई जीवनको वास्तविक अर्थ महसुस गराएको बताउँदै उनले भने, “यहाँ रहेका साना बाबुनानीहरूसँगको भेटले मलाई भित्री आत्मसन्तुष्टि दियो । यस्तो सेवा गर्न पाउनु नै सौभाग्य हो।”

 

अनाथालयमा रहेका बालबालिकाहरूले दैनिक खर्च तथा शिक्षादिक्षा सञ्चालनमा आउने कठिनाइबारे पत्रकार पटेललाई जानकारी गराएका थिए । संस्थापक स्व. बंशीराम जयसवालको नाममा सञ्चालित अनाथालयमा अहिले पनि निरन्तर सेवा प्रवाह भइरहेको छ ।

 

पत्रकार पटेलले सबैलाई सामाजिक उत्तरदायित्व वहन गर्न आह्वान गर्दै भने, “जन्मदिन, विवाह वा कुनै पनि खुशीका पलमा अनावश्यक खर्च नगराैं, असहाय बालबालिकासँग खुशी बाँडौं । हाम्रो सानो सहयोगले पनि उनीहरूको जीवनमा ठूलो परिवर्तन ल्याउन सक्छ।”

 

उनको यो कार्यले समाजसेवा र मानवताको आदर्श प्रस्तुत गर्दै अरुलाई पनि यस्तै गतिविधिमा प्रेरित गर्ने विश्वास व्यक्त गरिएको छ ।

बज्जिकाञ्चल संवाददाता,रौतहट, भदौ ११ । 

रौतहटमा हालै भएको महिला हत्या प्रकरणमा ज्यान गुमाएकी युवती रुबी कुमारी साहको हत्याको रहस्य खुलेको छ । विगत शनिबार रातिदेखि हराइरहेकी रुबीको शव आइतबार बिहान सुटकेसमा फेला परेको थियो । घटनामा संलग्न भएको स्वीकार गरेका लक्ष्मण पासवानले आत्मदाह प्रयास गरेपछि उपचारका क्रममा काठमाडौंमा मृत्यु भएको पुष्टि भएको छ ।

रौतहटको माधवनारायण नगरपालिका–६ माधोपुर निवासी ३० वर्षीय लक्ष्मण पासवानले गौर ५ स्थित आफ्नै डेरामा रुबीको हत्या गरेको बताएका थिए । बुधबार बिहान उनले हिन्दी भाषामा साढे ९ मिनेटको भिडियो सन्देश सार्वजनिक गर्दै घटनाबारे खुलासा गरेका थिए ।

भिडियोमा उनले रुबीलाई घाँटी थिचेर हत्या गरेको र शव सुटकेसमा हालेर अटो रिक्सामार्फत फालिदिएको बताएका छन् । उनीहरुले कक्षा १० मा पढ्दा भारतको सीतामढीमा विवाह गरेको तर रुबीकी आमाले त्यो सम्बन्ध अस्वीकार गरेका कारण दुवैजना मानसिक तनावमा परेको पासवानले भिडियोमा बताएका छन् ।

हत्या गरेपछि आफूलाई बाँच्छु भन्ने अधिकार नरहेको उल्लेख गर्दै उनले आत्मदाहको प्रयास गरेका थिए। बुधबार बिहान उनले गाउँदेखि केही परको चौरमा पेट्रोल खन्याई आगो लगाएका थिए । करिब ६० प्रतिशत जलेको अवस्थामा स्थानीयको सहयोगमा प्रहरीले उद्धार गरी उपचारका लागि काठमाडौं लगिएको थियो ।

जिल्ला प्रहरी कार्यालय, रौतहटका डिएसपी राजु कार्कीले घटनाबारे थप अनुसन्धान भइरहेको जनाएका छन् ।

पासवानको शरीरमा रुबीको तस्बिर अंकित ट्याटु, र “My Heart Ruby Kumari” लेखिएको शरिरका भागहरू पनि फेला परेका छन्, जसले उनीहरूको सम्बन्ध गहिरो रहेको संकेत गर्छ ।

प्रहरीले घटनाको सम्पूर्ण पृष्ठभूमि र हत्या पछाडिको कारणबारे विस्तृत अनुसन्धान जारी राखेको जनाएको छ ।

 

आरएन पटेल, रौतहट, भदौ ८ गते।
रौतहटको सदरमुकाम गौरमा आइतबार सर्वदलीय/सर्वपक्षीय संघर्ष समितिले विशाल विरोध र्‍यालीसहित जनप्रदर्शन गरेको छ । प्रदर्शनको प्रमुख उद्देश्य जसपा नेपालका अध्यक्ष उपेन्द्र यादवलगायत अन्य मधेसी नेतामाथि लगाइएका मुद्दा खारेज गर्न माग गर्नु थियो । उनीहरूका अनुसार गौर घटना राजनीतिक विषय भएको भए पनि सरकार राजनीतिक प्रतिशोधको आधारमा निर्दोष नेताहरूलाई फसाउन खोजिरहेको छ ।

सर्वदलीय संघर्ष समितिको नेतृत्वमा भएको उक्त प्रदर्शनमा जसपा नेपाल, नेकपा एमाले, नेपाली कांग्रेस, लोसपा नेपाल, नेकपा (एस) लगायतका नेताहरू सहभागी थिए। र्‍याली रामजानकी धर्मशालाबाट सुरु भई गौर परिक्रमा गर्दै मधेशी क्रान्ति चोकमा कोणसभामा परिणत भएको थियो ।

प्रदर्शनमा सहभागीहरूले “राजनीतिक प्रतिशोध बन्द गर”, “उपेन्द्र यादवलगायत नेताहरूलाई झूठा मुद्दामा फसाउन पाइँदैन”, “गौर घटनाको निष्पक्ष छानबिन गर”, “मानव अधिकार आयोग लगायतका प्रतिवेदन सार्वजनिक गर” लगायत नाराबाजी गरेका थिए ।

मधेशी क्रान्ति चोकमा आयोजित कोणसभामा बोल्दै जसपा नेपालका केन्द्रीय सदस्य एवं सर्वदलीय/सर्वपक्षीय संयुक्त संघर्ष समितिका संयोजक रामकिशोर प्रसाद यादवले तत्कालीन प्रधानमन्त्री केपी शर्मा ओलीको सरकारमाथि गम्भीर आरोप लगाए। उनका अनुसार भूमि सम्बन्धी अध्यादेशमा सहयोग नगरेको निहुँमा उपेन्द्र यादवसहित १३० जना निर्दोष नेताहरूमाथि सुनियोजित षड्यन्त्रपूर्वक गौर घटनासँग जोडेर मुद्दा लगाइएको हो ।

जसपा नेपाल रौतहट जिल्ला अध्यक्ष राजीव रंजन (राजु यादव) ले समेत सरकारको नियतप्रति प्रश्न उठाउँदै भने, “राष्ट्रिय तथा अन्तर्राष्ट्रिय छानबिन समितिहरूले गौर घटनाको दोष प्रभु साहमाथि देखाए पनि उनलाई नछोइ निर्दोष नेताहरूमाथि कारबाही गर्न खोज्नु अन्याय हो।” उनले चेतावनी दिए, “यदि सरकारले बलजबर्जस्ती फसाउने प्रयास गर्‍यो भने हामी ठूलो विद्रोहमा उत्रिनेछौं।”

कोणसभामा नेकपा एमालेका नेता बबन सिंहले पनि गौर घटनाको मुख्य योजनाकार तत्कालीन माओवादी नेता प्रभु साह रहेको दाबी गरे। उनले सरकारले साहमाथि अनुसन्धान गरी कारबाही गर्नुपर्ने माग राखे। नेपाली कांग्रेसका नेता रामचन्द्र गिरीले पनि प्रभु साहकै घमण्ड, दम्भ र अहंकारले उक्त घटना घटेको टिप्पणी गर्दै सरकारलाई वास्तवीक दोषीलाई कारबाही गर्न आग्रह गरेका छन् ।

त्यस्तै, लोसपा तथा नेकपा (एस) का नेताहरूले समेत सरकारले मधेशी नेताहरूलाई फसाउन प्रभु साहको निर्देशनमा झूठा जाहेरी दर्ता गराएको आरोप लगाए ।

सर्वदलीय विरोध प्रदर्शन कार्यक्रम जसपा नेपालका केन्द्रीय सदस्य एवं सर्वदलीय/सर्वपक्षीय संयुक्त संघर्ष समितिका संयोजक रामकिशोर प्रसाद यादवकाे अध्यक्षतामा सम्पन्न भएको थियो । कार्यक्रममा पूर्व राज्यमन्त्री योगेन्द्र राय यादव, प्रदेश सांसद शोभा साह,जसपा नेपालका नेता राजाबाबु साह ,लोसपा नेता बाबुलाल साह, नेकपा एमालेका नेता बबन सिंह, नेकपा (एस) का नेता रेवन्त झा, कांग्रेस नेता रामचन्द्र गिरी, लोसपा नेता अनिल सिंह लगायत हजारौं नेता तथा कार्यकर्ताको उपस्थिति रहेको थियो ।

काठमाडौं, ७ भदौ ।

नेपाल कम्युनिष्ट पार्टी (एकीकृत समाजवादी) परित्याग गर्दै सुभाष साह आम जनता पार्टी (आजपा)मा प्रवेश गरेका छन् । आजपा केन्द्रीय कार्यालय काठमाडौंमा एक कार्यक्रमका बीचमा साहले आजपामा प्रवेश गरेका हुन् । आजपा अध्यक्ष एवं पूर्वमन्त्री प्रभु साहले अबिर, माला लगाएर साहलाई पार्टीमा स्वागत गरेका छन् । विद्यार्थीकालदेखी नै कम्युनिष्ट आन्दोलनमा लागेका साह अखिल, युवा संघ, प्रेस चौतरी, समाजवादी प्रेस संगठन सहितका संगठनमा बिभिन्न जिम्मेवारीमा रही काम गरेका छन् ।

एमाले विभाजन भई एकीकृत समाजवादी गठन भएपछि एकीकृत समाजवादीमा लागेका साह प्रेस संगठन नेपालको केन्द्रीय उपाध्यक्ष एवं मधेस प्रदेशको जिम्मेवारीबाट यस अघि नै राजीनामा दिएका थिए । नेपाल पत्रकार महासंघका निवर्तमान केन्द्रीय सदस्य साह महासंघको पछिल्लो निर्वाचनमा केन्द्रीय उपाध्यक्षका प्रत्यासी थिए ।

दुई दशकभन्दा बढी समयदेखी सक्रिय पत्रकारितामा लागेका साह आम सञ्चार तथा पत्रकारिता बिषयमा स्नातकोत्तर गरेका छन् । एकीकृत समाजवादीका अध्यक्ष माधवकुमार नेपालले विधि, बिधान, नीति र जुन उदेश्यका लागि एमाले विभाजन गरेका थिए उनले सोही अनुसार काम नगरेको आरोप साहले लगाए । संगठनमा छलफल गर्ने, निर्णय गर्ने र निर्णय भएका एजेण्डालाई कार्यान्वयन गर्नुको साटो त्यसलाई लत्याउने काम गरिएपछि सो पार्टी उनले परित्याग गरेको जनाएका छन् ।

राकेश यादव,राैतहट, भदौ ०८ गते ।

रौतहट जिल्लाको गौर नगरपालिका वडा नम्बर ९ गौर सिर्सिया सडक खण्ड अन्तर्गत मुडवालबा मोड नजिक सुट केश भित्र बाट एक महिलाको शब बरामद भएको छ। हत्या गरि सुट केश भित्र बन्द गरि शनिवार राती करिब ८ बजेको समयमा सडकको पछिम किनारमा फालिएको सुट केश भित्र बाट शब फेला परेको हो। डोरीले बेरिएको सुटकेश लबारिश अवस्थामा देखेपछि स्थानीयले प्रहरीलाइ खबर गरेका थिए।

सुचना पछि जिल्ला प्रहरी कार्यालय रौतहटबाट गएका टोलीले सुट केश भित्र शब रहेको थाहा पाएपछी घटना स्थल रात भरि घेरा हालेर सुरक्षा प्रदान गरेकोमा आइतवार बिहान सुट केश खोल्दा बिबाहित महिलाको शब भेटिएको प्रहरीले जनाएको छ। रौतहट जिल्लामा यस्तो अवस्थामा शब भेटिएको यो पहिलो घटना रहेकोले स्थानीयहरू चकित देखिएका छन्।

गुलाबी रंगको कुर्ता सुरुवाल लगाएकी महिलाको उमेर करिब ३५ वर्षको रहेको अनुमान गरिएको छ। सुट केश भित्र राखिएको महिलाको टाउकोमा गहिरो चोट देखिएको घटना स्थलमा पुगेका प्रहरी अधिकारीले जनाएको छ। केहि कागजात पनि भेटिएको छ भने महिलाको सुरुवालको खल्ती बाट केहि नगद रुपैया पनि भेटिएको प्रहरीले जनाएको छ।

बेवारिश अवस्थामा भेटिएको महिलाको शब पोस्ट मार्टमको लागि प्रादेशिक अस्पताल गौरमा राखिएको र घटनाको सम्बन्धमा थप अनुसन्धान भै रहेको नायव प्रहरी उपरिक्षक राजु कार्कीले जनाएका छन्।

आरके श्रीवास्तव,राैतहट,०८ गते भदौ । 

नेपाल उखु उत्पादक महासंघ र रौतहट जिल्लाका उखु किसानहरूले ७० रुपैयाँ प्रति क्विण्टल अनुदान रकमको भुक्तानीको लागि काठमाडौंको माईतीघर मण्डला क्षेत्रमा धर्ना र विरोध प्रदर्शन कार्यक्रम आयोजना गरेका छन् । यस आन्दोलनमा सहभागी हुन उखु उत्पादक संघ रौतहटका अध्यक्ष अशोक यादवकाे नेतृत्वमा किसानहरू काठमाडौं पुगिसकेका छन् ।

नेपाल सरकारसँग उखु किसानको हकमा परेको आर्थिक अन्यायको समाधान गर्ने उदेश्यले आन्दोलन हुन गईरहेकाे छ । रौतहट उखु उत्पादक संघको सक्रियता रौतहट जिल्ला, विशेष गरी गरूडा नगरपालिका, उखु उत्पादनको मुख्य क्षेत्र हो । यहाँका किसानहरू आफ्नो दैनिक जीवनमा उखु खेतीमा निर्भर छन् । यसका बाबजुद, सरकारबाट दिइने अनुदान रकमको अविलम्ब भुक्तानी नहुँदा किसानहरू संकटमा परेका छन् ।

रौतहटका उखु उत्पादक संघका अध्यक्ष अशोक यादवले सरकारसँग अनुदानको रकम छिटो भुक्तानी गर्ने माग गरेका छन्। अध्यक्ष यादवका अनुसार, “उखु किसानहरूको मेहनत र समयको मूल्य अनदेखा गर्दै सरकारले अनुदानको रकमको भुक्तानीमा ढिलाइ गरिरहेको छ । यसका कारण किसानहरू अत्यन्तै समस्यामा परेका छन् ।

हामी नेपाल सरकारसँग आग्रह गर्छौं कि यो रकम तत्काल भुक्तानी गरियोस्।” आन्दोलनमा रौतहटका अन्य नेताहरूको समर्थन रौतहटबाट काठमाडौंतर्फ सहभागी हुने किसानहरूको टोलीमा गरूडा नगरपालिकाका मेयर प्रत्याशी ब्रिजकिशोर यादव लगायत अन्य स्थानिय नेताहरू पनि सामेल छन् । यस आन्दोलनको समर्थन गर्दै मेयर प्रत्याशी ब्रिजकिशोर यादवले भने, “यो आन्दोलन किसानहरूको हकमा हो। हामी सबै मिलेर यस आन्दोलनको समर्थन गर्दै सरकारसँग माग राख्न गएका हौं।”

नेपाल सरकारसँग माग गरिएको ७० रुपैयाँ प्रति क्विण्टल अनुदान रकमको भुक्तानी तत्काल गर्नु हो, जसले उखु किसानहरूको आर्थिक स्थिति सुधार्न मद्दत पुर्‍याउँछ। आन्दोलनकारीहरूले यहि मागका साथ माईतीघर मण्डला क्षेत्रमा आवाज उठाएका छन् ।  यो आन्दोलन एक सप्ताहसम्म जारी रहने छ, र सरकारलाई आवश्यक कदम चाल्न आग्रह गर्नका लागि किसानहरू कडा संघर्ष गर्दैछन्।

ओम प्रकाश यादव,राैतहट,भदौ ६ गते । 

रौतहटको गरुडा नगरपालिकाका मेयर कन्थमनी प्रसाद जयसवालले जनताको समस्या बुझ्न जनताको घरदैलोमा व्यस्त हुन थालेका छन्।

मेयर जयसवालले नगरको विभिन्न गाउँ टोलमा गएर आम जनतासंग प्रत्यक्ष भेटघाट गरी उनीहरुको समस्या, जिज्ञासा, आवस्यकता, बुझिरहेका छन्।

जनताको हरेक समस्या समाधान गर्ने र आवस्यकता पुरा गर्ने उद्देश्यले आफूले जनताको घरदैलोमा जान थालेको मेयर जयसवालले बताए ।

सबै जनता कार्यालयमा आएर समस्या राख्न नसक्ने भएको तथा जनताको बीचमा नगई जनताको आवश्यकता र समस्या बुझ्न नसकिने भएको हुँदा आफू घरदैलोमा गएर जनताको कुरा सुन्ने काम गरिरहेको उनले बताए।

नगरपिताको हैसियतले निर्वाचित नगर प्रमुख स्वयंम जनताको बीचमा गएर उनीहरूसँग प्रत्यक्ष सम्वाद गरी समस्या बुझ्नुु आम जनताको लागि गौरवको विषय हो, निर्वाचित जनप्रतिनिधिले जनताको बीचमा गएर जनतासंग भेटघाट र छलफल गर्नुपर्छ ।

जनप्रतिनिधि जनतासंग भाग्ने होइन जनताको बीचमा गएर जनताको कुरा सुन्ने, समस्या बुझ्ने र समाधान गर्ने साहस, आँट राख्न सक्नुपर्दछ ।

गरुडा नगर प्रमुख जयसवालले आज गरुडा न.पा.–९ श्रीपुर र रघुनाथपुरका बिभिन्न टोल–टोलमा पुगेर स्थानीय जनतासँग प्रत्यक्ष भेटघाट गर्दै समस्या, आवश्यकता र विकासका प्राथमिकताहरू बुझ्ने प्रयास गरेका हुन् ।

जनताको आवश्यकता र समस्या बुझ्न आफू जनताको घरदैलोमा पुग्ने गरेको मेयर जयसवाल बताउँछन् ।

जनताको साथ र सुझावका आधारमै नगरलाई अझ समृद्ध र सक्षम बनाउन निरन्तर प्रयासरत रहने उनले बताए।

जनताबाट प्राप्त हुने सुझावको आधारमा आफू अगाडि बढ्दै जनताको हरेक इच्छा आकांक्षा पूरा गर्ने उनले प्रतिबद्धता जनाए।

घरदैलो सकेपछि जनताको हरेक समस्या समाधान गर्न कुनै कसर बाँकी नराख्ने बताउँदै उनले जनताको हरेक आवस्यकता पुरा गरेर छाड्ने उद्घोष गरे ।

बज्जिकाञ्चल संवाददाता,रौतहट, ०६ भदौ । 

प्रभु साह नेतृत्वमा रहेको आम जनता पार्टी (आजपा) का विभिन्न तहमा सक्रिय रहँदै आएका शीर्ष नेताहरू नेकपा (एमाले) मा प्रवेश गरेका छन् ।

एमाले प्रवेश गर्नेहरूमा आजपाका वरिष्ठ उपाध्यक्ष उपेन्द्र साह, केन्द्रिय सदस्य तथा प्रदेशसभा उम्मेदवार राजन यादव ‘मनोज’, महिला मोर्चा केन्द्रिय इन्चार्ज एवं पूर्व उपमेयर कान्ति देवी, केन्द्रिय सदस्य तथा पूर्व उपमेयर सिमल कुमारी साह, उपमेयर उम्मेदवार रिमा कुमारी यादव, सचिवालय सदस्य श्याम यादव, केन्द्रिय सदस्यहरू लालबहादुर साह, राजेश साह, श्यामनन्दन प्रसाद साह कानु, मुना साह कानु, रन्जन साह कानु लगायत दर्जनौं नेता कार्यकर्ता रहेका छन् ।

उनीहरूलाई काठमाडौंमा आयोजित एक विशेष कार्यक्रममा नेकपा (एमाले) अध्यक्ष एवं प्रधानमन्त्री केपी शर्मा ओलीले पार्टीमा स्वागत गर्दै टिका र माला लगाई पार्टी प्रवेश गराएका थिए ।

 

कार्यक्रममा सम्बोधन गर्दै अध्यक्ष ओलीले एमालेमा प्रवेश गर्ने सबै नेताहरूलाई स्वागत गर्दै देश र जनताको सेवामा सबै एकजुट भएर लाग्नुपर्ने बताएका थिए। ओलीले पार्टीमा आएको यो नयाँ उत्साहले संगठन अझ सशक्त हुने विश्वास व्यक्त गरेका छन् ।

नवप्रवेशी नेताहरूले एमालेलाई आफूहरूको राजनीतिक यात्राको नयाँ गन्तव्यका रूपमा रोजेको भन्दै पार्टी संगठन बलियो बनाउन सक्रिय रहने प्रतिबद्धता व्यक्त गरेका छन् ।

उता, आजपाले भने पार्टीबाट पहिले नै निष्कासित गरिएका केही व्यक्तिहरूलाई पार्टीको नाम जोडेर प्रचार गरिएको भन्दै आपत्ति जनाएको छ । पार्टीले यस्तो भ्रमपूर्ण गतिविधिबाट जनता झुक्किन नहुने स्पष्ट पारेको छ ।

आरके श्रीवास्तव,राैतहट,०६ गते भदौ  । 

राैतहटकाे फतुवाबिजयपुर नगरपालिकाको वडा नम्बर २ सीतलपुरदेखि वडा नम्बर ३ मेवा क्षेत्रसम्मको करिब २ किलोमिटर सडकमा आरसीसी ढलान र नाला निर्माण कार्य अगाडि बढ्ने भएको छ । करिब ३ करोड रुपैयाँको लागतमा बन्ने यो योजनाको लागि स्थलगत निरिक्षण/सर्वेक्षण सम्पन्न भएको छ ।

शहरी विकास मन्त्रालयअन्तर्गत सघन शहरी तथा भवन निर्माण कार्यालय वीरगञ्जका ईन्जिनियर रामविनय साहको नेतृत्वमा आएको प्राविधिक टोलीले बिहीबार सीतलपुर क्षेत्रमा पुगेर स्थल निरीक्षण तथा नापजाँच कार्य सम्पन्न गरेको हो । टोलीमा नासु मुकेश साह लगायत अन्य प्राविधिकहरू सहभागी थिए । स्थानीय भद्रभलाद्मीहरू, जनप्रतिनिधि तथा नागरिकहरूको पनि सक्रिय सहभागिता रहेको थियो ।

प्रत्येक निर्वाचन क्षेत्रमा ७ वटा याेजना छानाैट गर्नुपर्ने प्रावधान अनुसार आ.व.२०८२/८३ मा राैतहट क्षेत्र नम्बर ३ का सांसद प्रभु साहकाे संसदीय याेजना अन्तर्गत पहिलाे याेजना रहेको आजपा नेता रामशरण यादवले जानकारी गराएका छन् । सांसद साहकाे विशेष पहलमा याे महत्त्वपूर्ण याेजना सुरु भएको उनकाे भनाइ छ ।

यो योजना अघि बढाउन नगरपालिकाको तर्फबाट देखाइएको सक्रियता उल्लेखनीय रहेको छ । कार्यवाहक नगरप्रमुख अम्बेया खातुनले पनि योजना सहज बनाउन महत्वपूर्ण भूमिका खेलेकी छिन्।

उनले भनिन्, “स्थानीय तहमा जनताको दैनिक जीवनसँग प्रत्यक्ष सरोकार राख्ने योजनाहरूलाई प्राथमिकतामा राखेर अघि बढिरहेका छौं। यो योजना पनि सोही प्रयासको हिस्सा हो। नगरवासीलाई गुणस्तरीय सडक र नाला सुविधा उपलब्ध गराउन हामी दृढ छौं । संघ, प्रदेश र स्थानीय सरकारबीचको समन्वयबाट मात्रै दिगो विकास सम्भव छ।”

 

योजना वीरगंजस्थित सघन शहरी तथा भवन निर्माण कार्यालयमार्फत कार्यान्वयन गरिनेछ भने डिपिआर पनि नगरपालिकाकै समन्वयमा तयार गरिनेछ । ईन्जिनियर साहका अनुसार डिपिआर तयार गरी छिट्टै टेण्डर प्रक्रिया सुरु हुनेछ ।

साइट निरीक्षणको क्रममा मेयर प्रत्याशी विजय यादव “निर्बीज”, वडा नं. २ का अध्यक्ष अनिरूद्व प्रसाद यादव (संजय) स्थानीय अगुवाहरूको उपस्थिति थियो । निरीक्षणपछि आयोजना स्थलमै संक्षिप्त छलफल पनि भएको थियो ।

कार्यक्रममा सहभागी प्रदेश सांसद प्रत्याशी महमद सेराजले यस्तो पूर्वाधार योजनाले स्थानीय जनजीवनमा सकारात्मक परिवर्तन ल्याउने विश्वास व्यक्त गर्दै भने, “यस किसिमका विकास योजनाहरूलाई सहयोग गर्न म प्रतिबद्ध छु । जनताको आधारभूत आवश्यकतामा आधारित योजनाहरूमा सबै तहको सरकारबीच सहकार्य आवश्यक छ।”

फतुवाबिजयपुर नगरपालिकाले पछिल्लो समय पूर्वाधार विकासमा अग्रसरता देखाउँदै आएको छ । सडक ढलान तथा नालाजस्तो अत्यावश्यक संरचनाको निर्माणमा स्थानीय सरकार, प्रदेश सरकार तथा संघीय निकायबीचको समन्वय एक सकारात्मक उदाहरणका रूपमा देखिएको छ ।

 

ओम प्रकाश यादव
भदौ ५ गते, रौतहट।

रौतहटमा गौर हत्याकाण्डको विषयलाई लिएर आज बसेको सर्वदलीय सर्वपक्षीय बैठकले आन्दोलन गर्ने निर्णय गरेको छ।

गौर हत्याकाण्ड सम्बन्धी जाहेरीको अनुसन्धान गर्न सर्वोच्च अदालतले आदेश दिएपछि सत्तापक्ष र विपक्षी दलका नेताहरु एकढिक्का भएर आन्दोलन गर्ने निर्णय गरेको हो ।

जसपा नेपाल सहित नेकपा एमाले, नेपाली कांग्रेस, नेकपा एकीकृत समाजवादी, लोसपा लगाएत दलका नेताहरुको आज गौर स्थित उद्योग वाणिज्य संघको सभाहलमा बसेको सर्वपक्षीय बैठकले आन्दोलनको कार्यक्रम अगाडि बढाउने निर्णय गरेको बैठकमा सहभागी जसपा नेपालका नेता श्याम विहारी यादवले जानकारी दिएका छन्।

२०६३ साल चैत्र ७ गते गौर राइस मिलमा तत्कालीन मधेशी जनअधिकार फोरम र माओवादीका कार्यकर्ताबीच भिडन्त हुँदा २७ जनाको हत्या भएको विषयमा अनुसन्धान गर्न सर्वोच्च अदालतले आदेश दिएको छ।

सो घटनामा मुछिएको भन्दै अदालतले जसपा नेपालका अध्यक्ष उपेन्द्र यादव सहित १ सय ३० जनामाथि अनुसन्धान गर्न आदेश दिएपछि जसपा नेपालका नेता कार्यकर्ताहरुलाई राजनीतिक पूर्वाग्रही ढङ्गले पार्टी अध्यक्ष उपेन्द्र यादवलाई सरकारले फसाउन खोजेको भन्दै आन्दोलित भएका छन्।

रौतहटमा अहिलेसम्म जसपा नेपालले मात्र विरोध प्रदर्शन गर्दै आएको अवस्थामा अब नेकपा एमाले, नेपाली कांग्रेस, नेकपा एस, लोसपा लगाएत पार्टीका नेताहरु समेत संयुक्त रूपमा आन्दोलन गर्ने भएको छ।

सर्वोच्च अदालतको आदेशपछि आन्दोलनमा सक्रिय रहेका जसपा नेपालसँगै अब जिल्लामा क्रियाशील अन्य दलका शीर्ष नेताहरू पनि सडक संघर्षमा उत्रिने भएका छन् ।

जसपा नेपाललाई सत्ताधारी र प्रतिपक्षी दलहरुले सघाउन तयार भएपछि आन्दोलनले नयाँ तरंग पैदा गर्ने भएको छ।

गौरमा आज बसेको सर्वदलीय सर्वपक्षीय बैठकले आउँदो शनिवार गौरमा मसाल जुलुस निकाल्ने र त्यसको भोलि पल्ट आईतबार संयुक्त बृहत शक्ति प्रदर्शन गर्ने निर्णय गरेको बैठकमा सहभागी नेकपा एसका नेता रेवन्त झाले बताएका छन्।

गौर हत्याकाण्डमा सरकारले विभिन्न दलमा आबद्ध रहेका मधेशका नेताहरुलाई सुनियोजित तरिकाले फसाउने षड्यन्त्र रचेकोले आफूहरु एकढिक्का भएर सरकारको सो कदम विरुद्ध सशक्त प्रतिवाद गर्ने निर्णयमा पुगेको नेता झाले बताए।

बैठकले विगतका घटनाबारे जनमानसमा प्रचार–प्रसारका लागि रौतहटका चार वटै क्षेत्रमा टोली गठन गरेको छ ।

रौतहट क्षेत्र नं. १ का लागि नेकपा एमालेका नेता बबन सिंह, लोसपा नेता बाबुलाल साह, नेकपा एसका नेता रेवन्त झा, लोसपा नेता अनिल सिंह लगायतको नेताहरुको टोली बनाइएको छ ।

त्यस्तै क्षेत्र नं. २ मा नेपाली कांग्रेसका नेता रामचन्द्र गिरि, जसपा नेपाल रौतहटका अध्यक्ष राजु यादव, प्रदेश सांसद शोभा साह र बशिष्ट यादवलाई बैठकले प्रचार प्रसारको जिम्मेवारी दिइएको छ ।

त्यस्तै क्षेत्र नं. ३ र ४ का लागि नेकपा एसका नेता ब्रिज किशोर यादव, जसपा नेपालका नेता अनिल यादव, जसपा नेपाल रौतहटका जिल्ला इन्चार्ज राजकुमार दास र श्याम यादव सहितको टोली बनाइएको बैठकमा सहभागी जसपा नेपालका नेता श्याम विहारी यादवले बताए ।

बैठकमा सहभागी लोसपा नेता अनिल सिंहले अदालतमार्फत सरकारले मधेश जनविद्रोहलाई कमजोर पार्ने प्रयास गरेको आरोप लगाए।

नेता सिंहले सरकारले अदालत मार्फत मधेश जनविद्रोहलाई कमजोर पार्ने प्रयास गरिरहेको आरोप लगाएका छन् । उनले मधेशी जनताको अधिकार र पहिचानका लागि भएको संघर्षलाई मुद्दा र कानुनी जटिलतामा फसाएर आन्दोलनको प्रभाव घटाउन खोजिएको बताए।

नेकपा (एस) का नेता रेवन्त झाले मधेशलाई नेतृत्वविहीन बनाउन नियोजित षड्यन्त्र भएको दाबी गर्दै आन्दोलनलाई थप सशक्त बनाउनु पर्ने धारणा राखेका थिए।

मधेशलाई नेतृत्वविहीन बनाउन नियोजित षड्यन्त्र भइरहेको आरोप लगाउँदै नेकपा (एस) का नेता रेवन्त झाले मधेसका नेताहरू माथि दबाब र कानुनी फन्दा मार्फत आन्दोलन कमजोर पार्ने प्रयास भइरहेको टिपणी गरे ।

मधेशको मुद्दामा कुनै सम्झौता नहुने बताउँदै अब आन्दोलनलाई अझ सशक्त र संगठित बनाउनु पर्ने नेता झाको भनाइ रहेको थियो ।

सर्वोच्च अदालतको आदेशसँगै जसपा नेपाल मात्र प्रदर्शन गर्दै आएकोमा अब सर्वपक्षीय सहमति सहित सर्वदलिय आन्दोलन हुने भएको छ ।

सर्वपक्षीय बैठकमा नेकपा एमालेका नेता बबन सिंह, नेपालीका कांग्रेसका नेता रामचन्द्र गिरी, नेकपा एकीकृत समाजवादी पार्टीका नेता रेवन्त झा, ब्रिज किशोर यादव, लोसपा नेता अनिल सिंह सहित जसपा नेपालका नेताहरुको सहभागिता रहेको थियो।

आरके श्रीवास्तव,राैतहट,०४ गते भदौ । 

रौतहटको फतुवा विजयपुर नगरपालिकाकी कार्यवाहक नगर प्रमुख अम्बेया खातुनले आफूले नगरमा विकास, समृद्धि र सुशासनको अभियान तीव्र रूपमा अघि बढाएपछि विकासविरोधी तत्वहरू आत्तिन थालेको बताएकी छन्।

 

आज पत्रकारहरूसँगको संक्षिप्त कुराकानीमा उनले विकासको गति तीव्र बनाएसँगै भ्रष्टाचारका विरुद्ध कडा कदम चालेको र यही कारण केही व्यक्तिहरू आफू र नगरपालिकाविरुद्ध भ्रामक र अनर्गल प्रचारमा लागेका आरोप लगाइन्। “भ्रष्टाचारविरुद्ध शून्य सहनशीलताको नीति लिएको छु, त्यसैले लुटतन्त्रमा पलाएका केही तत्वहरू अहिले आत्तिएका छन्,” खातुनले भनिन्।

 

खातुनले नगरवासीको हितलाई प्राथमिकतामा राख्दै सुशासन र पारदर्शिता कायम गर्न थालेपछि विगतमा नगरपालिकालाई आफ्ना स्वार्थका लागि दुरुपयोग गर्दै आएका व्यक्तिहरू असहज भएका र तिनैले अब भ्रमपूर्ण प्रचारमार्फत जनतालाई दिग्भ्रमित गर्न खोजिरहेको स्पष्ट पारिन्।

 

“जनताको विश्वास जित्दै विकासका काम अघि बढाइरहेको छु,” उनले भनिन्, “तर विकास र सुशासन नचाहने शक्तिहरूले मलाई बदनाम गर्ने अभियान थालेका छन्।” यस्ता हल्लाहरूमा विश्वास नगर्न उनले आम जनसमुदायलाई आग्रह गरिन्।

 

नगरप्रमुखको रूपमा उनले लिएको नेतृत्वपछि नगरमा उल्लेखनीय विकास भएको दाबी गर्दै खातुनले सडक कालोपत्रे, विभिन्न ठाउँमा नाला, ढलान र पूर्वाधार निर्माण सम्पन्न भएको जानकारी दिइन्। साथै, विद्यालय, मठ–मन्दिरको भवन निर्माण, कृषि सडक निर्माण लगायतका कामहरू सम्पन्न भएको उल्लेख गरिन्।

 

कृषि क्षेत्रमा स्यालो ट्युबवेल, विद्युतीकरण, मलखादको सहज उपलब्धता र सिंचाइको व्यवस्थाले किसानहरू लाभान्वित भएको खातुनको भनाइ छ।

 

उनले कानुनको दायराभित्र रहेर कुनै दबाब नमानिकन जनताको सेवा चुस्त रूपमा प्रदान गर्न कर्मचारीहरूलाई निर्देशन दिइएको जानकारी पनि दिइन्।

 

निलम्बित नगर प्रमुख गोपाल प्रसाद यादव भ्रष्टाचार मुद्दामा दोषी ठहरिएपछि कार्यवाहक जिम्मेवारी सम्हालेकी खातुनले आफ्नो कार्यकालमा नगरमा ठोस र जनमुखी विकास भएको दाबी गर्दै नगरको समृद्धिको यात्रामा सबै पक्षलाई साथ दिन आग्रह गरिन्।

 

“मेरो उद्देश्य स्पष्ट छ – फतुवा विजयपुरलाई समृद्ध बनाउने। जनताको साथ र विश्वास नै मेरो प्रेरणा हो,” कार्यवाहक नगर प्रमुख खातुनले जोड दिइन्।

आरके श्रीवास्तव,राैतहट,०३ गते भदौ । 

जसपा नेपालका युवा नेता राजाबाबु साहले देशमा फेरि मधेसमाथि विभेद गर्ने प्रयास भइरहेको आरोप लगाउँदै मधेसी नेताहरूलाई एकजुट भएर प्रतिकार गर्न आह्वान गरेका छन् । बज्जिकाञ्चल खबरसँगको विशेष कुराकानीमा नेता साहले पछिल्लो समय सर्वोच्च अदालतबाट जसपा नेपालका अध्यक्ष उपेन्द्र यादवविरुद्ध आएको परमादेशको कडा शब्दमा विरोध जनाएका छन् ।

 

उनले भने, “कांग्रेस र एमालेको भ्रष्ट सरकारले हाम्रो अध्यक्षविरुद्ध सर्वोच्चबाट जुन परमादेश ल्यायो, त्यो पूर्वाग्रही र बदनियतपूर्ण हो। भूमि विधेयकको विरोधका कारण यो बदला स्वरूप आएको कदम हो।”

 

नेता साहले न्यायपालिकामा भइरहेको राजनीतिक हस्तक्षेपप्रति पनि गम्भीर चिन्ता व्यक्त गरे। “न्यायाधीशहरू राजनीतिक पहुँचबाट नियुक्त हुने गरेका छन्, त्यसैले १९ वर्षपछि आएको फैसला पनि पूर्वाग्रही भएको प्रमाणित हुन्छ,” उनले स्पष्ट पारे।

 

गौर घटनालाई स्मरण गर्दै साहले तत्कालीन मधेस जनअधिकार फोरमले पहिले नै कार्यक्रम तय गरेको तर माओवादीले जानाजान त्यही दिन कार्यक्रम राखेर द्वन्द्व निम्त्याएको आरोप लगाए। “त्यो बेला माओवादीका नेताहरू विशेषगरी प्रभु साहको हठका कारण घटनाको चपेटामा हामी पर्नुपर्‍यो,” उनले दुखेसो पोखे।

 

उपेन्द्र यादवको योगदानको प्रशंसा गर्दै उनले भने, “मधेसीलाई उच्च ओहदामा पुर्‍याउने एउटै नेता उपेन्द्र यादव हुनुहुन्छ। आज मधेसीहरू ठूला–ठूला ओहदामा देखिनु उहाँकै कारण हो।”

 

उनले हाल उपेन्द्र यादव र उनको पार्टीमाथि भइरहेको दबावलाई सुनियोजित योजना भन्दै भने, “जसरी रवि लामिछानेलाई निसाना बनाइयो, त्यसरी नै उपेन्द्र यादवलाई र उनको पार्टीलाई तहसनहस पार्ने खेल भइरहेको छ।”

 

अन्त्यमा, नेता साहले सबै मधेसी दलहरूलाई आह्वान गर्दै भने, “आज फेरि मधेसमाथि अन्याय र विभेद हुने संकेत देखिएको छ। यस्तो समयमा सबै मधेसी दल र नेताहरू एकढिक्का भएर लड्नुपर्ने ऐतिहासिक आवश्यकता आएको छ।”

 

अभिमनु पटेल,रौतहट, ३ भदौ ।

सर्वोच्च अदालतले १९ वर्ष पुरानो गौर घटनामा जनता समाजवादी पार्टी (जसपा) नेपालका केन्द्रीय अध्यक्ष उपेन्द्र यादवविरुद्ध छानबिन अघि बढाउन परमादेश जारी गरेपछि मधेशमा राजनीतिक तरंग आएको छ । जसपा नेपालले यसलाई “राजनीतिक प्रतिशोध” र “राज्यसत्ताको दुरुपयोग” भन्दै रौतहटमा विरोध प्रदर्शन गरेको छ ।

सदरमुकाम गौरमा आज बिहानैदेखि जसपाका कार्यकर्ताले “निर्दोष आन्दोलनकारीलाई फसाउन पाइदैन, “राज्यसत्ताको दुरुपयोग बन्द गर, गौर घटना षड्यन्त्र हो, गौर घटनाको योजनाकार प्रभु साहलाई कारबाही गर, “प्रभु साह हत्यारा हो” जस्ता नाराबाजी गर्दै नगर परिक्रमा गरेका थिए । ¥याली जिल्ला अदालत अगाडि कोणसभामा परिणत भएको थियो ।

जसपा नेपाल रौतहटका अध्यक्ष तथा पूर्वमेयर राजीव रंजन यादवले विरोध सभालाई सम्बोधन गर्दै गौर घटना १९ वर्षपछि पुनः उचालिनु पूर्ण रूपमा षड्यन्त्र भएको बताए । उनले भने, “२०६३ साल चैत ७ गते गौरस्थित राईस मिल प्राङ्गणमा भएको आमसभामा उपेन्द्र यादव सहभागी नै नभएको प्रमाणित भइसकेको हो । तर, तत्कालीन माओवादी नेता प्रभु साहको योजनामा डकैती र आपराधिक गतिविधिमा संलग्न व्यक्तिहरूलाई लागूऔषध खुवाएर सर्वसाधारण जनतामाथि आक्रमण गराइयो । प्रतिकारमा २७ जना माओवादी कार्यकर्ता मारिएका थिए । अहिले वास्तविक दोषीलाई बचाएर निर्दोष आन्दोलनकारीलाई फसाउन खोजिएको छ ।”

अध्यक्ष यादवले गौर घटनाका योजनाकार प्रभु साहलाई सरकार तुरुन्त हिरासतमा लिएर छानबिन गर्न माग गरे । उनले घटनालाई राजनीतिक प्रतिशोधको रूपमा प्रयोग गर्दै एमाले र कांग्रेस मिलेर जसपा अध्यक्ष उपेन्द्र यादवलाई टार्गेट गरेको आरोप लगाए ।

जसपाले यस घटनालाई हालसालैको भूमि आयोग विधेयकसँग पनि जोडेको छ । अध्यक्ष यादवका अनुसार तत्कालीन प्रधानमन्त्री केपी शर्मा ओलीले भूमि आयोग विधेयक पारित गर्न उपेन्द्र यादवलाई पटक–पटक दबाब दिएका थिए । तर यादवले मधेशी जनताका हकहितविपरीत हुने भन्दै अस्वीकार गरेपछि अहिले पुरानो मुद्दालाई पुनः जीवित पारिएको हो ।

उनले भने, “भूमि अध्यादेशका विरुद्ध चट्टानी अडानमा रहेका उपेन्द्र यादवलाई एमाले र कांग्रेस पार्टीले मिलेर लोकतन्त्र, न्यायपालिका र मधेशी जनताको आन्दोलनलाई कमजोर पार्ने उद्देश्यले फसाउन खोजिएको हो ।”

२०६३ साल चैत ७ गते गौरस्थित राईस मिल प्राङ्गणमा मधेशी जनअधिकार फोरम नेपालले एक महिनाअघि नै रेडियो तथा बाजागाजामार्फत प्रचार–प्रसार गर्दै आमसभा आयोजना गर्ने तयारी गरेको थियो । तर सोही दिन तत्कालीन माओवादीले कुनै अनुमति नलिई त्यही स्थलमा आफ्नो कार्यक्रम गर्न स्टेज बनाउन थालेपछि तनाव चर्किएको थियो ।

फोरमको सभालाई बिथोल्ने र मधेशी समुदायलाई डरत्रास दिने उद्देश्यले भएको आक्रमणमा स्थानीय जनताले प्रतिकार गर्दा २७ जना माओवादी कार्यकर्ताको मृत्यु भएको थियो । त्यस घटनापछि माओवादीले उपेन्द्र यादवसहित रौतहटका करिब १३० जना नेताकर्मचारीविरुद्ध किटानी जाहेरी दिएको थियो । तर प्रारम्भिक अनुसन्धानमै यादव घटनास्थलमै नरहेको पुष्टि भएको थियो ।

आजको कोणसभामा जसपा नेताहरूले सर्वोच्चको आदेशलाई “न्यायपालिकामार्फत राजनीतिक खेल” भन्दै कडा आलोचना गरेका छन् । उनीहरूले गौर घटनाका वास्तविक दोषीलाई कारबाही नगरी निर्दोष आन्दोलनकारीलाई फसाउने प्रयास भएमा मधेशभरि थप व्यापक आन्दोलन चर्काउने चेतावनी दिएका छन् ।

आरके श्रीवास्तव,रौतहट,०२ गते भदौ । 

सर्वोच्च अदालतले जनता समाजवादी पार्टी (जसपा) नेपालका अध्यक्ष उपेन्द्र यादवविरुद्ध रौतहटको गौर घटनासम्बन्धी मुद्दामा अनुसन्धान अघि बढाउन परमादेश जारी गरेपछि सोमबार साँझ जसपा नेपालले तीव्र विरोध जनाएको छ ।

 

सर्वोच्च अदालतको आदेशको विरोधमा जसपाले रौतहटको गौर लगायतका विभिन्न स्थानमा टायर बालेर प्रदर्शन गरेको छ । प्रदर्शनकारीहरूले ‘राजनीतिक प्रतिशोध बन्द गर’, ‘उपेन्द्र यादवमाथिको षड्यन्त्र बन्द गर’ जस्ता नारा पनि गरेका थिए ।

 

जसपाका स्थानीय नेताहरूले सर्वोच्च अदालतको आदेशलाई राजनीतिक पूर्वाग्रही निर्णय भनेका छन् । उनीहरूले यो आदेशले पार्टी र यादवको राजनीतिक छविलाई धूमिल पार्ने नियत राखेको आरोप लगाएका छन् ।

 

गौर घटनामा २०६३ साल चैत ७ गते भएको झडपमा २७ जनाको मृत्यु भएको थियो । घटनालाई लिएर लामो समयदेखि न्यायिक प्रक्रिया चलिरहेको छ । यसै सन्दर्भमा

सर्वोच्च अदालतले १९ वर्षअघि रौतहटको गौर हत्याकाण्डमा संलग्नहरूमाथि छानबिन गरी आवश्यक कारबाहीको माग गर्दै परेको रिटमा छानबिन अघि बढाउन परमादेश जारी गरेको छ ।

प्रदर्शन शान्तिपूर्ण रहे पनि केही ठाउँमा सुरक्षाकर्मी र प्रदर्शनकारीबीच तानातानको अवस्था सिर्जना भएको थियो ।

चन्दन यादव, राैतहट, ०२ गते भदौ ।

मावि भसेढवामा अंग्रेजी शिक्षक कपिलदेव यादवलाई प्रधानाध्यापक राममंगल यादवले भव्य स्वागतका साथ हाजिर गराएका हुन् । श्री जनता माध्यमिक विद्यालय कटहरियामा कार्यरत अंग्रेजी शिक्षक यादव आजदेखि भसेढवा माध्यमिक विद्यालयमा हाजिर हुनुभएको छ।

विद्यालयका प्रधानाध्यापक यादवले खादा-माला लगाएर उहाँलाई स्वागत गर्दै कार्यभार सम्हाल्न लगाउनु भएकाे हाे । प्रधानाध्यापक यादव अब केही महिनामा अवकाशप्राप्त हुन् लाग्दा शिक्षक यादवलाई हाजिर गराएका हुन् । प्रधानाध्यापक यादव अवकाशप्राप्त नहुन्जेलसम्म शिक्षक यादवलाई शिकक्षकाे रुपमा गराएका हुन् ।

यस अवसरमा कटहरिया बहुमुखी क्याम्पसका प्रमुख गजेन्द्र प्रसाद यादव, कटहरिया बहुमुखी क्याम्पसका लेखा प्रमुख रामनिवाश प्रसाद यादव लगायतका समाजसेवीहरूको उपस्थिति रहेको थियो । कार्यक्रममा सहभागी भएका नेकपा माओवादी वडा कमिटीका अध्यक्ष प्रेम शंकर प्रसाद यादवले नयाँ शिक्षकले विद्यालयको शैक्षिक गुणस्तरमा थप योगदान पुर्‍याउने विश्वास व्यक्त गर्नुभयो ।

त्यस्तै, युवा समाजसेवी दिपेन्द्र कुमार दास र महिला किसान बहुउद्देश्य सहकारी संस्थाका साखा प्रबन्धक नायक बिवेकले पनि शिक्षक यादवलाई सफल कार्यकालका लागि शुभकामना व्यक्त गरका थिए । स्वागत कार्यक्रममा विव्यस का सदस्य रामकमोध यादव, समाजसेवी रामपुकार प्रसाद यादव र सन्तोष प्रसाद यादव पनि उपस्थिति रहेको थिए ।

यसैगरी, विद्यालयका अंग्रेजी शिक्षक राजु यादव र राजेश यादव लगायत भसेडवा माविका शिक्षकहरूको उपस्थिति रहेको थियो । समेत स्वागत गर्दै सहकार्यका साथ अघि बढ्ने प्रतिबद्धता जनाए । कटहरिया नगरपालिकाका कार्यपालिका सदस्य मनोज जयसवाल, स्थानीय भद्रभलाद्मी तथा पत्रकारकाे सक्रिय सहभागिता रहेको थियो ।

हनुमत कुमार यादव,राैतहट,०१ गते भदौ ।

रौतहट जिल्लाको माधवनारायण नगरपालिकामा पछिल्लो समय विद्युत मोटर लगायतका कृषिसम्बन्धी उपकरण चोरी हुने घटनाहरू तीव्ररूपमा बढिरहेका छन् । चोरीको शिकार भएका किसानहरूले बारम्बार प्रहरी चौकीमा उजुरी दिएका भए पनि सुरक्षा निकायबाट कुनै ठोस पहल नहुनुमा उनीहरू थप चिन्तित बनेका छन् ।

 

माधवनारायण–२, खेसरहिया स्थित श्रीराम चोकदेखि दक्षिण–पश्चिम दिशामा रहेको खेसरहिया चौरमा किसान महिन्द्र राय यादव को खेतमा हालसम्म तीन पटक मोटर चोरी भएको छ । पहिलो पटक २०७६ सालमा, दोस्रो पटक २०८१ सालमा र हालै २०८२ साल साउन ३१ गते राति तेस्रोपटक विद्युत मोटर चोरी भएको हो । ती मोटरहरू यादवले आफ्ना खेत सिँचाइका लागि खरिद गरेका थिए ।

 

पीडित यादव भन्छन्, “हामीले दिन–रात मेहनत गरेर मोटर किनेका हौं, खेती हाम्रो जीविकोपार्जनको आधार हो। अब बारम्बार चोरिने भयो भने हामी कसरी टिक्ने?”

 

किसानहरूका अनुसार, यस्ता चोरीका घटना यस क्षेत्रका अन्य स्थानमा पनि भइरहेको छ। तर, सम्बन्धित सुरक्षा निकाय – सुकदेव चेक प्रहरी चौकी लगायतका निकायहरूमा पटक–पटक उजुरी दिँदा समेत कुनै अनुसन्धान अघि बढाइएको छैन् ।

 

स्थानीय कृषकहरूको गुनासो छ कि समाजमा यस्ता विकृति बढ्दो रहेको बेलामा जिम्मेवार निकाय मौन बस्नु दुःखद पक्ष हो। उनीहरूले प्रहरी प्रशासनसँग तत्काल कारवाहीको माग गर्दै चोरी नियन्त्रणमा कडा कदम चाल्न आग्रह गरेका छन् ।

 

क्षेत्रका किसानहरूले सामूहिक रूपमा चोरी रोकथामका लागि सीसीटीभी जडान र रात्रीकालीन गस्तीको व्यवस्था मिलाउन आग्रह गर्दै स्थानीय तह तथा प्रशासनसँग समन्वय गर्न सुरु गरेका छन् ।

बज्जिकाञ्चल संवाददाता,राैतहट,०१ गते भदौ । 

रौतहट जिल्लाको बौधिमाई नगरपालिका–२ इनर्वा टोलमा ट्रान्सफर्मर जडान भएपछि स्थानीय किसानहरूमा खुसीयाली छाएको छ । लामो समयदेखि अलपत्र अवस्थामा रहेको १०० केभिए क्षमताको ट्रान्सफर्मर हालसालै मर्मत गरी सञ्चालनमा ल्याइएको हो ।

 

उक्त ट्रान्सफर्मर पूर्व नगर प्रमुख राजीव रंजन यादवको पहलमा आर्थिक वर्ष २०७७/७८ मा करिब साढे पाँच लाख रुपैयाँ खर्चमा कृषि प्रयोजनका लागि खरिद गरिएको थियो । तर, प्राविधिक कारणले तत्काल जडान हुन नसकी थन्किएको ट्रान्सफर्मरमा पछि समस्या आएको थियो ।

 

हाल वडा अध्यक्ष धर्मेन्द्र प्रसाद पटेलले वडास्तरीय योजना अन्तर्गत मर्मत र परीक्षण गराई ट्रान्सफर्मर जडान गराएका छन् । जसबाट इनरवा नदीपारी क्षेत्रका करिब २५० किसानलाई कृषि कार्यका लागि आवश्यक विद्युत आपूर्ति गर्न सकिने जनाइएको छ ।

 

“सुख्खा तथा खडेरीका कारण जोखिममा परेका किसानहरूलाई राहत दिन ट्रान्सफर्मर जडान गरिएको हो,” वडा अध्यक्ष पटेलले बताए ।

 

स्थानीय किसानहरूका अनुसार विद्युत आपूर्ति सहज भएपछि सिंचाइ समस्याको समाधान हुने र कृषि उत्पादनमा उल्लेखनीय वृद्धि हुने अपेक्षा गरिएको छ ।

 

किसानहरूले पूर्व नगर प्रमुख यादव र हालका वडा अध्यक्ष पटेलको पहलप्रति आभार प्रकट गर्दै, उनीहरूको सहकार्यले कृषि क्षेत्रमा सकारात्मक परिवर्तन ल्याउने विश्वास व्यक्त गरेका छन् ।

आरके श्रीवास्तव,राैतहट,०१ गते भदौ ।
रौतहटको चन्द्रपुर नगरपालिका–९ चेतनगर विर्तामा रहस्यमय तरिकाले मृत अवस्थामा फेला परेकी २४ वर्षीया रोमा कुमारी साहको मृत्यु हत्या भएको माइती पक्षले आरोप लगाएको छ ।
देवाही गोनाही नगरपालिका–२ का चुल्हाई साहले आफ्नी छोरी रोमाको हत्या जग्गा विवादका कारण ससुराली पक्षले मिलेर गरेको दाबी गरेका छन्। चुल्हाई साहले आज गाउँमै पत्रकार सम्मेलन गरेर छोरीको मृत्यु सामान्य नभई योजनाबद्ध हत्या भएको स्पष्ट पारे।
उनका अनुसार छोरीको श्रीमान सरोज साह, जेठान मनोज साह, जेठानी रेखा साहलगायत परिवारका सदस्यहरू मिलेर गत साउन १७ गते हत्या गरेर शव गाउँबाट पर रहेको नहरमा फालेका हुन्। शव भेटिँदा शरीरमा कुनै चोटपटक वा डुबेर मरेको संकेत नदेखिएको र पेटमा पानीसमेत नरहेकोले घटनामा शंका थपिएको हो।

“यदि डुबेर मरेकी भए पेट फुलेको र शरीरमा पानी देखिनुपर्ने थियो, तर केही पनि थिएन”, चुल्हाई साहले भने। घटनापछि ससुराली पक्षले पोस्टमार्टम नगरी शव जलाउन दबाब दिएको पनि उनले खुलासा गरे। माइती पक्षको अडानपछि बल्ल पोस्टमार्टम गरिएको थियो।
मृतक रोमाका दुई सन्तान छन् – ९ महिनाको छोरा र २ वर्षकी छोरी। चार वर्षअघि सरोज साहसँग विवाह गरेकी रोमा लामो समयदेखि पारिवारिक तनावमा रहेको माइती पक्षको दाबी छ। मनोज साहले एकलौटी रूपमा घडेरी आफ्नो नाममा बकसपत्र गराएपछि विवाद सुरु भएको थियो।
घटनाबारे इलाका प्रहरी कार्यालय गरुडामा जाहेरी दिइएको भए पनि एक सातासम्म कुनै सुनुवाइ नभएको चुल्हाई साहको गुनासो छ। उनले प्रहरीमाथि आरोप लगाउँदै भने, “हत्यामा संलग्नहरूलाई जोगाउने प्रयास भइरहेको छ।”
यता, इलाका प्रहरी कार्यालय गरुडाका डीएसपी राजन कार्कीले भने घटना अनुसन्धानको चरणमा रहेको र दोषी पत्ता लागेपछि कारबाही हुने स्पष्ट पारे। उनले पीडित पक्षको आरोप अस्वीकार गर्दै न्याय दिलाउन प्रतिबद्ध रहेको बताए।
तर, पीडित पक्ष प्रहरी प्रशासनको ढिलासुस्तीले न्याय नपाइने हो कि भन्ने चिन्तामा छन्। माइती पक्षको आरोप र प्रहरीको मौनताले यो घटना झनै रहस्यमय बन्दै गएको छ।

बज्जिकाञ्चल संवाददाता,रौतहट,०१ गते भदौ । 

बज्जिका भाषाको पहिलो दैनिक पत्रिका बज्जिकाञ्चलले पाँचौ वार्षिकोत्सव मनाएको छ । बज्जिकाञ्चल मिडिया प्रालिद्वारा प्रकाशित बज्जिकाञ्चल दैनिकले यस अवसरमा पाँच जना संचारकर्मीलाई सम्मानित गरेको छ ।

दैनिकका कार्यकारी सम्पादक आरके श्रीवास्तवको अध्यक्षतामा कटहरियामा भएको कार्यक्रममा बज्जिका साहित्यकार सञ्जय साह मित्रले बज्जिका पत्रकारहरु चन्दनप्रसाद यादव,दिनेश कुमार श्रीवास्तव,रामअधार यादव,अर्जुन यादव,राजेश कुमार यादव गरी पाँच जनालाई गमछा ओढाएर प्रशंसापत्रले सम्मानित गरेका हुन् ।

स्थानीय भाषाको पत्रकारितालाई अगाडि बढाउन दिएको योगदानको कदर गर्दै सञ्चार माध्यमले पत्रकारलाई सम्मान गर्दा समाजसेवीहरुले पनि खुसी व्यक्त गरेका छन् ।

कार्यक्रमका प्रमुख अतिथि मित्रले बज्जिका भाषालाई रोजीरोजीसित जाडेको बज्जिकाञ्चल दैनिकले मातृभाषाको पहिचान र प्रचारका साथै साहित्यमा ठुलो योगदान दिएको बताएका छन् ।

कार्यक्रममा लोकतान्त्रिक समाजवादी पार्टीका केन्द्रीय सदस्य रामप्रवेश दासले स्थानीय भाषालाई जन जनमा पुर्याउन र मातृभाषामार्फत स्थानीयका कुरा स्थानीयसमक्ष पुर्याउन अतुलनीय भूमिका निर्वाह गरेको बताएका छन् । पत्रिकालाई डिजिटल युगमा पुर्याउन पनि सुझाव दिएका छन् ।

यसै गरी नेकपा माओवादीका स्थानीय नेता एवम् मेयर प्रत्यासी नसरुद्दीन अन्सारीले जनताको समस्यालाई निडरतापूर्वक उठाएर पत्रिकाले गलतलाई गलत र सहीलाई सही भन्ने साहस गर्नुपर्ने सुझाव दिएका छन् ।

कार्यक्रममा बज्जिका साहित्य सङ्गम रौतहटका अध्यक्ष किशुन दयाल श्रीकृष्ण, शिक्षक मंचका रौतहट अध्यक्ष शिवशंकर झा, कटहरिया बहुमुखी क्याम्पसका सहायक क्याम्पस प्रमुख कपिलदेव राय यादव लगायतले शुभकामना मन्तव्य दिँदै पत्रिकाले स्थानीय स्तरमा आम जनतालाई सुसूचित पार्न खेलिरहेको भूमिकाको प्रशंसा गरेका छन् ।

भाषा, साहित्य र संस्कृतिलाई प्राथमिकता दिइरहेको बज्जिकाञ्चल दैनिकले प्रकाशनको क्रममा थोरै समयमा धेरै संघर्ष गरिसकेको कार्यकारी सम्पादक श्रीवास्तवले अवगत गराएका छन् । पत्रिका अब स्थायीत्वतर्फ अगाडि बढेको भन्दै श्रीवास्तवले थप परिमार्जनका लागि सबैको सहयोग आवश्यक रहेको बताएका छन् ।

बज्जिकाञ्चल संवाददाता,राैतहट,३० गते साउन । 
रौतहटकाे कटहरिया नगरपालिका वडा नम्बर ४, बहादुरपुरमा आज जनसंवाद कार्यक्रमको दोस्रो दिन सम्पन्न भएको छ । नगर प्रमुख अजय प्रकाश जयसवालले स्थानीय नागरिकसँग प्रत्यक्ष भेटघाट गर्दै नगरका समस्या, आवश्यकता र आगामी विकास योजनाहरूको विषयमा विस्तृत छलफल गरेका छन् ।
स्थानीय विकासप्रति प्रतिबद्धता जनाउँदै मेयर जयसवालले भने, “नगरको समग्र विकासका लागि जनताको आवाज सुन्नु हाम्रो पहिलो प्राथमिकता हो । योजना निर्माणदेखि कार्यान्वयनसम्म जनसहभागिता अनिवार्य छ।”
कार्यक्रममा सहभागी स्थानीयवासीहरूले शिक्षा, स्वास्थ्य, सडक, खानेपानी लगायतका आधारभूत सेवाहरूको सुधारको माग गरेका थिए । तिनका जिज्ञासामा जवाफ दिँदै नगर प्रमुख जयसवालले तत्कालीन समस्याको समाधानका लागि नगर कार्यपालिकाले प्राथमिकताका आधारमा योजना अघि बढाइरहेको जानकारी दिए।
यस किसिमको जनसंवाद कार्यक्रम नगरवासीसँग नजिक रहने र पारदर्शी शासन प्रणालीको अभ्यास गर्ने माध्यम हो भन्ने विश्वास व्यक्त गर्दै मेयर जयसवालले आगामी दिनहरूमा अन्य वडाहरूमा समेत यस्ता कार्यक्रम निरन्तर सञ्चालन गरिने प्रतिबद्धता व्यक्त गरेका छन् ।
यस कार्यक्रमलाई स्थानीयस्तरमा व्यापक स्वागत गरिएको छ। नागरिकहरू नगर प्रमुखको सक्रियता र प्रत्यक्ष सहभागिताबाट उत्साहित देखिएका छन्।

आरके श्रीवास्तव,रौतहट, साउन ३०
रौतहटको फतुवा विजयपुर नगरपालिकाले शुक्रबार बजेट ल्याएको छ । नगरपालिकाले शुक्रबार नगरसभा गरी ५६ करोडभन्दा बढीको बजेट ल्याएको हो ।
गत असार १० मा हुनुपर्ने नगरपालिकाको बजेट अधिवेशन आन्तरिक कारणले ढिलो भएको हो ।

शुक्रबार नगरपालिका कार्यालयमा आयोजित नगरसभामा चालु आर्थिक वर्षको लागि कार्यवाहक नगर प्रमुख अम्बेया खातुनले नीति तथा कार्यक्रम पेश गर्दै समृद्ध नगरपालिका बनाउनका लागि बजेट आएको बताएकी छन् । बजेटमा शिक्षा, स्वास्थ्य, सडक पूूर्वाधार, कृषि, पोषण तथा रोजगारीको क्षेत्रलाई प्राथमिकतामा राखिएको कावा नगर प्रमुख खातुनको भनाइ छ ।

नगरपालिकाको तर्फबाट वडाध्यक्ष राकेश यादव पप्पुले चालू आर्थिक वर्षको लागि ५६ करोड ३२ लाख ९५ हजार १५१ को आयव्यय प्रस्तुत गरेका छन् । चालु आर्थिक वर्षमा नगरपालिकाको वडा नम्बर ९, १० र ११ गरी ८४ जना भूमिहीन सुकुम्बासीलाई जग्गाको प्रमाणपुर्जा वितरण गरिने कार्यक्रम राखिएको वडाध्यक्ष पप्पुले जानकारी गराएका छन् ।

कार्यक्रममा प्रदेशसभा सदस्यका प्रत्याशी तथा प्रतिष्ठित नेता महम्मद सेराजले नगरपालिकाको बजेट सन्तुलित भएको प्रतिक्रिया दिँदै चालु आर्थिक वर्षमा सबै काम यथासमयमा सम्पन्न गर्नुपर्ने बताएका छन् । बजेटको नीति तथा कार्यक्रमले नगरपालिका समृद्धितर्फ लम्किने विश्वास लिएको सेराजले बताएका छन् ।

नगरपालिकाका प्रमुख प्रशासकीय अधिकृत भरत प्रसाद यादवले समृद्ध पालिका निर्माणका लागि आर्थिक तथा सामाजिक विकास, पूर्वाधार निर्माण, वन तथा वातारण र विपद् व्यवस्थापन, संस्थागत सेवा प्रवाह, भूमिहीन सुकुम्बासी, पोषण तथा रोजगारी र लघु उद्यम कार्यक्रमका लागि बजेट छुट्याइएको जानकारी गराएक छन् ।
नगरपालिकाका लेखा अधिकृत कामेश्वर सहनीले चालू आर्थिक वर्षको बजेट आउन केही ढिलो भए पनि समयमै सबै योजना तथा कार्यक्रम लागू हुने वातारण निर्माण भएको बताएका छन् । सबैको सहयोगले बजेट अधिवेशन शान्तिपूर्ण रुपमा सम्पन्न भएको प्रतिक्रिया दिँदै लेखा अधिकृत सहनीले चालु आवमा नगरपालिकाको नीति तथा कार्यक्रमले लिएको उद्देश्य पूरा हुने बताएका छन् ।

आरके श्रीवास्तव,रौतहट, साउन ३०
रौतहटका इँटा व्यवसायीहरुले इँटाको बिमा नहुँदा निकै मर्कामा परेको बताएका छन् । रौतहट इँटा उद्योग व्यवसायी संघ गरुडाको सातौँ साधारणसभा तथा पाँचौ अधिवेशनमा इँटाको उद्योग तथा व्यवसाय गर्नेहरुले बिमा नहुँदा निकै मर्कामा परेको बताएका छन् ।

संघका मधेश प्रदेश अध्यक्ष विक्रम कुमार साहले प्रदेशमा १३४९ इँटा उद्योग रहेकामा विस्तारै अहिले ७०० मा झरिसकेको बताउँदै इँटा उद्योगी पलायन हुँदा राज्यलाई पनि ठुलो आर्थिक घाटा भएको बताएका छन् । सरकारले इँटा उद्योगलाई बिमा नगर्ने हो भने विस्तारै उद्योगीहरु पलायन हुँदै विदेशबाट इँटा ल्याउनु पर्ने अवस्था आउन सक्ने चेतावनी पनि दिएका छन् ।
कार्यक्रममा गरुडा नगरपालिकाका नगर प्रमुख कन्थमनि प्रसाद कल्वारले करोडौँको लगानी गरेर इँटा व्यवसायीले उधारोमा बेच्नु परेको र अस्वस्थ प्रतिस्पर्धाले उद्योगी टाट पल्टिइरहेकाले सबै पक्षले गम्भीर भएर विचार गर्नुपर्ने बताएका छन् ।

रौतहटका प्रमुख जिल्ला अधिकारी विनोदकुमार खड्काले अन्य वस्तुको मूल्य बढ्दै जाँदा इँटाको मूल्यमा कमी आइरहेकोले उद्योगी पलायन हुनुपर्ने बाध्यता भएको बताएका छन् । प्रजिअ खड्काले इँटा उद्योगीबिच अस्वस्थ्य प्रतिस्पर्धाका साथै उत्पादन लागत बढ्दै जाँदा पनि समस्या बढ्दै गएको बताएका छन् । ऐन कानुनको परिधिमा रहेर उद्योग संचालन गर्न प्रजिअ खड्काले आग्रह गरेका छन् ।
कार्यक्रमको अध्यक्षता गरेका राम विनोद साहले इँटा उद्योगीको मर्का राज्यले नबुझेको चर्चा गर्दै रौतहटका साठी प्रतिशत इँटा व्यवसायी पलायन भइसकेको बताएका छन् । रौतहटमा १६३ इँटा उद्योगमध्ये करिब ६० ओटा मात्र संचालनमा रहेको अध्यक्ष साहले जानकारी गराएका छन् ।

अधिवेशनले राम विनोद साहको अध्यक्षतामा १५ सदस्यीय रौतहट इँटा व्यवसायीको नयाँ कार्य समिति र नौ सदस्यीय सल्लाहकार समिति चयन गरेको छ ।

बज्जिकाञ्चल संवाददाता,राैतहट,२९ गते साउन ।
राैतहटकाे कटहरिया नगरपालिकामा आज आम जनता पार्टी (आजापा) को नगर कमिटीको पूर्ण बैठक सम्पन्न भएको छ । बैठकमा मधेशमा फैलिँदो विपद् र किसानहरू मल-खादको चरम अभावमा परिरहेको अवस्थामा तत्काल राहत प्याकेजको माग गर्दै सशक्त आन्दोलनको तयारी गर्ने निर्णय गरिएको छ ।

बैठकमा आम जनता पार्टीका नेता तथा कटहरियाका पूर्व मेयर सियाराम कुशवाहा, आजपा जिल्ला अध्यक्ष नरेश तुराहा, जिल्ला सचिव अमित साह, युवा नेता दिलीप साह, अञ्जित कुशवाहा, सन्तलाल यादव, महेश यादव लगायतका नेताहरूको उपस्थिति रहेको थियो ।

बैठकले संगठन विस्तारलाई अभियानको रूपमा अगाडि बढाउने निर्णय समेत गरेको छ । जसअन्तर्गत गाउँ–गाउँमा पार्टी सञ्जाल मजबुत बनाइनेछ । नेताहरूले किसानहरूको समस्यालाई सम्बोधन गर्न सरकारलाई दवाव दिन आन्दोलनका कार्यक्रमहरू अगाडि सारिने बताएका छन् ।

नेता सियाराम कुशवाहाले बैठकमा बोल्दै भने, “मधेशमा विपद् सँगसँगै मल-खादको अभावले किसानहरू मर्कामा परेका छन् । अब आन्दोलनबाहेक विकल्प छैन।”

जिल्ला अध्यक्ष नरेश तुराहाले तत्काल राहत प्याकेज र नियमित मल आपूर्तिका लागि संघीय तथा प्रदेश सरकारलाई आग्रह गर्दै तयारी अवस्थामा बस्न कार्यकर्ताहरूलाई निर्देशन दिएका छन् ।

आरके श्रीवास्तव,राैतहट,२९ गते साउन । 

रौतहटकाे कटहरिया नगरपालिकाका नगरप्रमुख अजय प्रकाश जयसवाल जनतासँग प्रत्यक्ष संवाद गर्दै स्थानीय समस्याको पहिचान र समाधानको बाटोमा अग्रसर देखिएका छन् । वडा नम्बर ३ बिर्ति प्रष्टोका पुगेर उहाँले वडावासीसँग सिधा भेटघाट मात्र गरेनन्, छिट्टै आयोजना हुन लागेको कृष्ण जन्माष्टमी मेलामा आर्थिक सहयोग पनि प्रदान गर्दै सांस्कृतिक समर्पणको उत्कृष्ट उदाहरण पेश गर्नु भएको वडा अध्यक्ष श्यामाकान्त यादवले जानकारी गराएका हुन् ।

यसै क्रममा वडा नम्बर ७ बगहीमा आयोजित विशेष जनसंवाद कार्यक्रममा नगरप्रमुख जयसवाल र वडा अध्यक्ष शहिद मिया धोबीले संयुक्त रुपमा सहभागिता जनाउँदै स्थानीय जनताको समस्याहरू सुने र सुझावहरू लिएका छन्। जनताको आवाजलाई नजिकबाट बुझ्न मेयरको यस्तो सक्रियता स्वागतयोग्य मात्र नभई स्थानीय तहमा जवाफदेही शासनको अभ्यास पनि मानिएको छ ।

नगरप्रमुख जयसवालले भन्नुभयो,”हामी जनतासँग दूरी कायम गरेर होइन, उनीहरूसँग कन्धा मिलाएर अघि बढ्ने पक्षमा छौं। विकासको मुहान जनताको घरदैलोमै पुगेर खोल्नुपर्छ।”

नगरवासीहरूले मेयरको यो पहलको खुलेर प्रशंसा गर्दै यसलाई उत्तरदायी र संवेदनशील नेतृत्वको प्रतीकको रूपमा व्याख्या गरेका छन् ।

आरके श्रीवास्तव,राैतहट,२८ गते साउन ।
नेपाल विद्यालय कर्मचारी युनियन नगर कार्य समिति फतुवा विजयपुर नगरपालिकाले विद्यालयका लेखापाल तथा कार्यालय सहयोगीहरूको पारिश्रमिक वृद्धि गर्न माग गर्दै कार्यवाहक नगरप्रमुख अम्बेया खातुनकाे नाममा रहेको ज्ञापनपत्र प्रमुख प्रशासकीय अधिकृत भरत प्रसाद यादवलाई बुझाएको छ ।

नगर समितिको २०८२ साल भदौ २७ गते बसेको बैठकको निर्णय अनुसार बुझाइएको उक्त ज्ञापनपत्रमा लेखापालहरूलाई प्राविधिक सहायक तृतीय श्रेणी र कार्यालय सहयोगीहरूलाई निजामती कार्यालय सहयोगी (श्रेणीविहीन) सरहको पारिश्रमिक उपलब्ध गराउन माग गरिएको छ ।
हाल नेपाल सरकारले लेखापाललाई रु.१५ हजार र कार्यालय सहयोगीलाई रु.१० हजार मात्र मासिक पारिश्रमिक उपलब्ध गराउँदै आएको उल्लेख गर्दै युनियनले यस्तो तलबमा दैनिक जीवन यापन गर्न अत्यन्त कठिन भएको जनाएको छ ।

उक्त माग नगर परिषदबाट आगामी बजेट बिनियोजनको क्रममा समावेश गर्न अनुरोध गरिएको छ । ज्ञापनपत्रमा युनियनका सचिव महेश कुमार यादव र अध्यक्ष सुरेश कुमार लामिछानेको हस्ताक्षर रहेको छ ।
विद्यालय कर्मचारीहरूको तर्फबाट उठाइएको यो आवाजले शिक्षा क्षेत्रमा काम गरिरहेका सहयोगी कर्मचारीहरूको जीवनस्तर उकास्न सहयोग पुग्ने अपेक्षा गरिएको छ ।

बज्जिकाञ्चल संवाददाता,राैतहट,२७ गते साउन । 

राैतहट जिल्लाकाे माधवनरायण नगरपालिकामा बालमैत्री स्थानीय शासन घाेषणा प्रतिबद्धता समारोह सम्पन्न भएको छ।मंगलबारका दिन एक समारोहका बिच नगरपालिकाकाे वडा नम्बर -८ स्थित राजवाडामा ग्रामीण बिकास केन्द्र नेपाल र वर्ल्ड भिजन नेपालकाे आर्थिक सहयोग तथा माधवनरायण नगरपालिकाकाे समन्वयमा उक्त कार्यक्रम सम्पन्न भएको हाे।वडा अध्यक्ष तथा सभाअध्यक्ष याेगेन्द्र महताे काे अध्यक्षातामा बाेलाईएकाे कार्यक्रममा प्रमुख अतिथिका रुपमा बैजनाथ प्रसाद यादव बिशिस्ट अतिथि प्रमुख जिल्ला अधिकारी बिनाेद कुमार खडका , सशस्त्रका एसपी संताेष बस्नेत, माधवनरायणका प्रमुख प्रशासकीय अधिकृत नागेन्द्र यादव, वर्लड भिजन नेपालका प्रमिल अधिकारी , आलाेक कुमार सिंह, नेपाल पत्रकार महासंघ राैतहटका सभापति संजय कार्की , पत्रकार डिल्लीबहादुर(सुब्बा) कार्की ग्रामीण बिकास केन्द्र नेपालका सचिव प्रेम शकर कुमार यादव , काेषाध्यक्ष ममता कुमारी झा ग्रामीण विकाश केन्द्र नेपालका कार्यकरी निर्देशक आशिष कुमार सिंह, स्वास्थ्य संयाेजक श्यामजी , शिक्षा संयाेजक अरबिन्द यादव , वडा नम्बर ६ का अध्यक्ष रामनरेश राय यादव, २ का अध्यक्ष रामबिश्वास साह, वडा अध्यक्ष राजकुमार यादव लगाएतका ब्यक्तित्वहरुकाे बिशेष उपस्थितिमा कार्यक्रम बालमैत्री स्थानीय शासन घाेषना प्रतिबद्धता समारोह सम्पन्न गरिएको छ।

राकेश यादव,राैतहट, २७ गते साउन ।
मधेश प्रदेश सरकारका मुख्यमंत्री र स्वास्थ्य तथा जनसँख्या मंत्रीले प्रादेशिक अस्पताल गौरको परिसरमा सञ्चालनमा रहेका १ वर्ष पुरानो चमेना गृह क्यान्टिनका मंगलवार बेलुकी उदघाटन गरेका छन । २०८१ सालमा निर्माण भई ठेक्कामा गएको जेष्ठ महीना सम्म सञ्चालन भएको चमेना गृहको मुख्यमंत्री सतीश कुमार सिंहले उदघाटन गरेका हुन ।
३० हजार प्रति महीना रकम बुझाउने भनी २०८१ साउन देखि ठेक्कामा सञ्चालन गरिएका चमेना गृह प्रादेशिक अस्पताल गौरमा उपचार गराउन आएका जिल्लाको यमुनामाई गाउँपालिका वड़ा नम्बर २ का वड़ा अध्यक्ष सीताराम यादवलाई क्यान्टिन संचालकका कर्मचारीले बासी भात दिएपछि उत्पन्न भएको विबादका कारन अस्पताल प्रशासनले चमेना गृहमा ताला लगाएर बन्द गराएको थियो ।
पहिला दिएको ठेक्का रद गरी प्रादेशिक अस्पताल गौरले दोस्रो पटकको ठेक्का स्वीकृत गरी सकिएको बुझिएको छ ।
अस्पतालको परिसरमा दक्षिण तरफमा रहेको पुरानो घरलाइ मरमत सम्भार गरी बनाइएको एमसीएच क्लिनिकलाइ पनि मुख्यमंत्री सिंह र स्वास्थ्य मंत्री शत्रुधन प्रसाद सिंहले उदघाटन गरेका हुन । १ बर्ष पहिला निर्माण भई सञ्चालन भई सकेका चमेना गृहको वालमा आफ्नो नामको शिलालेख राख्नको लागि मुख्यमंत्री उदघाटन गरेको भनी आलोचना समेत हुन थालेका छन ।
प्रादेशिक अस्पताल सञ्चालन तथा व्यवस्थापन समितिका अध्यक्ष मो अनवर हासमीले आफ्नो पदावधि बढाउने उदेश्यले यस्तो कार्य गरेको भनी स्थानीयहरुले टिपण्णी गरिरहेका छन । जनता समाजवादी पार्टी नेपालका सरकार हुदा जसपाका पूर्व प्रदेश सांसद रामकिशोर यादवको सहयोगमा व्यवस्थापन समितिका जिम्मेवारी पाएका हासमीले वर्तमान अवस्थामा नेकपा एमालेको नेता संग सहकार्य गरी दोस्रो कार्यकालको लागि पहल गरिरहेको बुझिएको छ ।
हासमीको अवधि भदौ १५ गते सकिदैछ । आफ्नो पद जोगाउन जनता समाजवादी पार्टी संग अनौपचारिक रुपमा टाढा भएका हासमी अहिले एमालेका नेताको शरणमा पुगेका छन । समाचार स्रोतका अनुसार अवधि थप गर्नको लागि ठूलो रकमको चलखेल गरिएको बाजारमा हल्ला चालेको छ । गौर प्रादेशिक अस्पतालको अध्यक्षमा अनवर हासमी आए देखि सरसफाईमा सुधार भएपनि आर्थिक पारदर्शितामा पटक पटक बिबाद हुदै आएको छ । कर्मचारीको न्युक्ति , आन्तरिक आय र व्ययको विषयमा हासमी ऊपर अनियमितताको आरोप लाग्दै आएको हो ।

आरके श्रीवास्तव,राैतहट,२७ गते साउन । 

रौतहटकाे फतुवा बिजयपुर नगरपालिका–३ का स्थानीयहरूले हाल भाडामा सञ्चालनमा रहेको वडा कार्यालयलाई गाउँमै रहेको आवि मेवाको पुरानो भवनमा सार्न माग गरेका छन् । आज वडामा आयोजित भेटघाट कार्यक्रममा कार्यवाहक नगरप्रमुख अम्बेया खातुनसमक्ष उनीहरूले औपचारिक रूपमा यो माग अघि सारेका हुन् ।

वडा सदस्य नन्दु बैठाको नेतृत्वमा उपस्थित स्थानीयहरूले उक्त भवन हाल खाली रहेको र सार्वजनिक सम्पत्तिको सदुपयोग हुने भन्दै वडा कार्यालय त्यहीँ सार्न प्रस्ताव गरेका थिए ।

कार्यवाहक नगरप्रमुख खातुनले उक्त मागलाई गम्भीरतापूर्वक लिने बताउँदै यस विषयमा वडा अध्यक्ष रामईश्वर यादवसँग छलफल गर्ने आश्वासन दिइन् । साथै, यो विषय कार्यपालिका बोर्डको बैठकमा पनि पेस गरिने जानकारी दिइन् । उनले स्वास्थ्य सेवा पहुँचमा ल्याउनका लागि आधारभूत स्वास्थ्य सेवा केन्द्रको व्यवस्थापन गर्ने प्रतिबद्धता पनि जनाइन् । कार्यक्रममा प्रदेश सांसद प्रत्यासी मो. सेराज पनि सहभागी थिए । उनले जनताको मागप्रति आफूहरू संवेदनशील रहेको धारणा राखेका थिए ।

यसैबीच वडा अध्यक्ष रामईश्वर यादवले प्रतिक्रिया दिँदै भवन स्थान सुरक्षित भएमा आफू कार्यालय सार्न तयार रहेको बताए । तर पुरानो विद्यालय भवन प्रयोग गर्नुअघि त्यसलाई आवश्यक रूपमा व्यवस्थित गर्नुपर्नेमा उनले जोड दिए ।

उनले वडामा रहेको ऐलानी जग्गामा नयाँ वडा कार्यालयको निर्माणका लागि यस वर्ष नै बजेट छुट्याउने तयारीमा रहेको जानकारी दिए । “वडा कार्यालय जसरी पनि आफ्नै भवनमा लैजाने योजना छ,” यादवले बताए ।

स्थानीय जनताले सार्वजनिक सेवाको सहज पहुँच र सरकारी स्रोतको दिगो प्रयोगका लागि वडा कार्यालय सार्नुपर्ने माग गर्दै आएको पृष्ठभूमिमा यो विषय पुनः प्राथमिकतामा आएको हो ।

आरके श्रीवास्तव,राैतहट,२७ गते साउन । 

रौतहटको फतुवाबिजयपुर नगरपालिका वडा नं. ९ मा भुमिहिन, सुकुम्बासी तथा अव्यवस्थित बसोबासी समस्याको समाधानका लागि “वडा सहजीकरण समिति” काे बैठक सम्पन्न भएको छ ।

वडा अध्यक्ष राकेश यादव (पप्पु) को अध्यक्षतामा बसेको बैठकले वडामा रहेका सुकुम्बासी, भूमिहीन दलित र अव्यवस्थित बसोबासीका समस्याहरूलाई प्राथमिकताका साथ समाधान गर्ने निर्णय गरेको छ । बैठकमा विगतमा राष्ट्रिय भूमि आयोगद्वारा थालिएको तर अधूरो अवस्थामा रोकिएको कार्यलाई निरन्तरता दिँदै पूरा गर्ने सहमति समेत भएको छ ।

बैठकमा वडाका सचिव बिल्टु राय यादव, सहसचिव हरिनारायण चौधरी, राष्ट्रिय भूमि आयोगका प्रतिनिधि प्रेम साह, नगरपालिकाका अमिन राजकिशोर यादव, वडा सदस्यहरू लगायत स्थानीय बासिन्दाहरूको सहभागिता रहेको थियो । सहभागीहरूले वडाभित्र रहेका भूमिसम्बन्धी समस्या समाधानका लागि समन्वयात्मक ढंगले अगाडि बढ्नुपर्ने आवश्यकता औंल्याएका थिए ।

बैठकमा अव्यवस्थित बसोबासीहरूको तथ्यांक संकलन, नक्सांकन तथा अभिलेखीकरणको कार्यलाई तीव्रता दिने, छानबिन गरी वास्तविक लाभग्राहीको पहिचान गर्ने र भूमि व्यवस्थापनको दीर्घकालीन योजना तयार गर्ने निर्णय पनि गरिएको छ ।

स्थानीय सरकार र सरोकारवाला निकायबीचको सहकार्यमा अब छिट्टै भूमिहीन तथा सुकुम्बासीहरूलाई कानूनी रूपमा व्यवस्थित गरिने अपेक्षा गरिएको छ ।

आरके श्रीवास्तव,राैतहट,२७ गते साउन । 

राैतहटकाे फतुवा बिजयपुर नगरपालिकाको वडा नम्बर ५ र ७ स्थित दुई वटा शिवचर्चा मण्डललाई सामाग्री वितरण गरिएकाे छ । हर्षाहा र सन्तपुरकाे साे मण्डललाई आज एक विशेष कार्यक्रमबीच धार्मिक तथा सांस्कृतिक सामग्री वितरण गरिएको छ ।

एक कार्यक्रमका बिच कार्यवाहक नगरप्रमुख अम्बेया खातुनले साे सामाग्री वितरण गरिएकाे हाे । उहाँले धार्मिक र सांस्कृतिक मूल्यको संरक्षण र सम्वर्द्धनका लागि नगरपालिकाले निरन्तर सहयोग गर्ने प्रतिबद्धता व्यक्त गर्नुभयो ।

वितरण गरिएका सामग्रीहरूमा हरमुनियम, मादल, झाल, माइक सेट, हर्न, एम्प्लिफायर लगायत रहेका छन् । यी सामग्रीहरू पेटभर्वा, टेंग्राहा, विजयपुर र रामदासीमा सक्रिय शिवचर्चा मण्डलहरूलाई पनि क्रमशः वितरण गरिनेछ ।

आर्थिक वर्ष २०८१/८२ मा नगरसभाबाट स्वीकृत बजेटले खरिद भएको ती सामाग्रीहरू वितरण गरिएको हाे । सो अवसरमा प्रदेश सभा सदस्य पदका प्रत्यासी मोहम्मद सेराज पनि कार्यक्रममा सहभागी हुनुभएको थियो । उहाँले धार्मिक संस्थाहरूले संस्कृतिको संरक्षणमा महत्त्वपूर्ण भूमिका खेल्ने भएकाले राज्य र स्थानीय तहले यस्ता संस्थालाई सहयोग गर्नुपर्ने धारणा व्यक्त गर्नुभयो ।

प्रमुख प्रशासकीय अधिकृत भरत प्रसाद यादवले भने, “नगरपालिकाले धर्म र संस्कृतिको संरक्षणमा विशेष ध्यान दिइरहेको छ । यस किसिमका कार्यक्रमहरूले सामाजिक एकता र सांस्कृतिक चेतनालाई बढावा दिने विश्वास लिएको छु।”

जिन्सी शाखा प्रमुख हरिन्द्र प्रसाद यादवले सामग्री वितरण सम्बन्धी व्यवस्थापकीय पक्षबारे जानकारी गराउँदै भने, “सुनियोजित रूपमा आवश्यकताको मूल्याङ्कन गरेर सामग्री वितरण गरिएको हो, जसले मण्डलहरूको दैनिक धार्मिक क्रियाकलापलाई सहज बनाउनेछ।”

उनले भने,नगरभरिकाे ७ वटा टिमलाई उक्त सामाग्रीहरू वितरण गरिने बताए ।

यस कार्यक्रमले स्थानिय समुदायमा धार्मिक चेतना र सांस्कृतिक गौरव अभिवृद्धि गर्ने अपेक्षा लिइएको छ ।

आरके श्रीवास्तव,राैतहट,२६ गते साउन ।

राैतहटकाे फतुवा विजयपुर नगरपालिकाले हालसालै केहि स्थानीय सञ्चारमाध्यमहरुमा कार्यवाहक नगरप्रमुख अमवेया खातुन, प्रमुख प्रशासकीय अधिकृत भरत प्रसाद यादव र अन्य कर्मचारीहरूलाई लक्षित गरी प्रकाशित समाचारप्रति खण्डन जारी गरेको छ । नगरपालिका कार्यालयले २०८२ साल साउन २६ गते पत्रकार सम्मेलन गर्दै सार्वजनिक रूपमा उक्त समाचारहरू भ्रामक, अपुष्ट र तथ्यहीन रहेको स्पष्ट पारेको छ ।

नगरपालिकाका अनुसार, प्रशासकीय प्रमुख भरत प्रसाद यादव दैनिक रूपमा कार्यालयमा उपस्थित भई नियमित रूपमा कामकाज गर्दै आएका छन् र कार्यशैलीमा पारदर्शिता तथा जवाफदेहिता अपनाइएको छ । सार्वजनिक खरिद प्रक्रिया, कर्मचारीको हाजिरी, र कार्यक्रम सञ्चालन सम्बन्धी कार्यहरू सबै सम्बन्धित कानुन र नगरसभाको निर्णयअनुसार नै गरिएको व्यहोरा खण्डनपत्रमा उल्लेख छ।

योजना शाखामा रामाशंकर यादवलाई अस्थायी रूपमा जिम्मेवारी दिनु परेको विषयमा पनि प्रष्ट पार्दै भनिएको छ ।  पूर्व योजना प्रमुख विल्टु राय यादव कार्यालयमा नियमित रूपमा नआएको र निजमाथि अख्तियार दुरुपयोग अनुसन्धान आयोगमा उजुरी परेकोले वैकल्पिक व्यवस्था गर्नुपरेको हो ।

त्यस्तै, सरकारी गाडीको दुरुपयोग, अनावश्यक पेट्रोल वितरण र बजेटको अपचलनका आरोपहरू समेत अस्वीकार गर्दै खण्डनमा भनिएको छ कि प्रमुख प्रशासकीय अधिकृतले कानुनअनुसार प्राप्त सेवा सुविधा मात्र प्रयोग गरेका छन्, अनावश्यक खर्च नभएको र कुनै अतिरिक्त चालक पनि नराखिएको स्पष्ट पारिएको छ ।

सबैभन्दा भ्रष्ट भन्ने आरोपप्रति कडा आपत्ति जनाउँदै फतुवा विजयपुर नगरपालिकाले हालै वार्ड नं.११ को सार्वजनिक कार्यक्रममा भरत यादवको इमान्दारी र आर्थिक अनुशासनको प्रशंसा सार्वजनिकरूपमै गरिएको उदाहरण दिँदै उक्त आरोप आधारहीन भएको स्पष्ट गरेको छ ।

नगरपालिकाले स्थानीय सञ्चारमाध्यमहरूलाई सत्य, तथ्य र प्रमाणमा आधारित समाचार प्रकाशन गर्न अनुरोध गर्दै अपुष्ट सूचना सार्वजनिक नगरिदिन आग्रह समेत गरेको छ ।

आरके श्रीवास्तव,राैतहट,२३ गते साउन ।
आज मधेस प्रदेशभरि दिदीबहिनी र दाजुभाइबीचको अटुट प्रेम र विश्वासको प्रतिकको रूपमा रक्षा बन्धन पर्व हर्षोल्लासका साथ मनाइँदैछ । विशेष गरी हिन्दू धर्मावलम्बीहरूको मुख्य चाडमध्ये पर्ने यो पर्व आज बिहानैदेखि भाइलाई रक्षासूत्र बाँधेर मनाइँदै आएको छ ।
राैतहट जिल्लाको गौर, चन्द्रनिगाहपुर, गरुडा, कटहरिया, इशनाथ लगायतका शहर र गाउँहरूमा दिदीबहिनीहरू भाइहरूको हातमा रक्षाबन्धन बाँधेर दीर्घायु, स्वास्थ्य र समृद्धिको कामना गरिरहेका छन् । यस अवसरमा भाइहरूले पनि दिदीबहिनीलाई उपहारस्वरूप लुगा, मिठाइ तथा नगद रकम दिइ आफ्नो प्रेम प्रकट गरिरहेका छन् ।
यस पर्वका अवसरमा विभिन्न मन्दिरहरूमा पूजा-अर्चना गर्न पुग्ने भक्तजनको भीड लागेको देखिएको छ। गौरको प्रसिद्ध दुर्गा मन्दिर, महादेवस्थान र लक्ष्मी नारायण मन्दिरमा विशेष पूजा कार्यक्रमको आयोजना गरिएको छ।
सामाजिक सद्भाव र पारिवारिक सम्बन्ध प्रगाढ बनाउने सन्देश दिने यो पर्व मधेसमा विशेष रूपमा मनाइन्छ । घर-परिवारमा उमंग र उत्साहको वातावरण देखिएको छ ।
रक्षा बन्धनसँगै आज जनैपूर्णिमा पर्व पनि मनाइँदैछ । यसै अवसरमा ब्राह्मण तथा क्षेत्री समुदायले जनै फेर्ने परम्परा निर्वाह गरिरहेका छन् ।
पर्वका कारण बजारमा पनि चहलपहल बढेको छ।

आरके श्रीवास्तव,राैतहट,२३ गते साउन ।
राैतहटकाे फतुवा बिजयपुर नगरपालिकामा आउँदो साउन ३० गते नगरसभा हुने भएको छ । नगरपालिकाको कार्यपालिका बैठकले उक्त मिति तय गरेको कार्यवाहक नगरप्रमुख अम्बेया खातुनले जानकारी दिनुभयो ।

उहाँले भन्नुभयो, ” विभिन्न कारणले संविधानले तोकेको समयसीमाभित्र बजेट पारित गर्न सकेनाै । ढिलै भएपनि यस विषयमा हामी गम्भीर छौं । त्यसैले हामी नगरसभालाई प्रभावकारी बनाउने दिशामा जुटेका छौं।”

नगरसभा तयारीका सन्दर्भमा संघीय मामिला तथा सामान्य प्रशासन मन्त्रालयको टोली बिहीबार नगरपालिकामा पुगेको थियो । मन्त्रालयका सहसचिव कालीप्रसाद पराजुलीको नेतृत्वमा आएको उक्त टोलीले साउन मसान्तभित्र बजेट पेश गरी पारित गर्न सहजीकरण गर्ने उद्देश्यले भ्रमण गरेको प्रमुख प्रशासकीय अधिकृत भरतप्रसाद यादवले जानकारी दिनुभयो ।
नगरसभा सफल बनाउन आन्तरिक तयारी तीव्र पारिएको फतुवा बिजयपुर वडा नम्बर ९ का वडा अध्यक्ष राकेश यादव (पप्पु) ले बताउनुभयो । उहाँका अनुसार नगरसभा तयारीका विषयमा वडास्तरमा समेत छलफल सुरु गरिएको छ ।

नगरसभा हुने खबरले नगरवासीहरूमा उत्साह थपिएको प्रदेश सांसद प्रत्याशी शेख सेराजले बताउनुभयो । उहाँले नगरसभा लोकतान्त्रिक अभ्यासको महत्वपूर्ण प्रक्रिया भएको भन्दै यसले पारदर्शिता र स्थानीय विकासमा सकारात्मक प्रभाव पार्ने विश्वास व्यक्त गर्नुभयो ।

नगरपालिकाले अबको केही दिनभित्रै बजेट प्रस्तावसहितको कार्यक्रम सार्वजनिक गर्ने तयारी गरिरहेको बताइएको छ ।

बज्जिकाञ्चल संवाददाता,राैतहट,२३ गते साउन ।
रौतहटकाे गरुडा नगरपालिका वडा नं. ९ गमहरियामा आम जनता पार्टीको २६ सदस्यीय नयाँ वार्ड कमिटी गठन गरिएको छ । स्थानीय जनताको हितमा काम गर्ने उद्देश्यका साथ गठित यस कमिटीले विशेष गरी बिजुली र खानेपानी निशुल्क उपलब्ध गराउने तथा किसानहरूलाई समयमा खाद–मल उपलब्ध गराउने प्रतिवद्धता जनाएको छ ।

कार्यक्रमको प्रमुख अतिथि पार्टीका नेता रविन्द्र यादव रहेका थिए भने विशिष्ट अतिथिमा केन्द्रीय सदस्य अमीनद्र यादव, मञ्जु महतो, अफ्रोज आलम, रिता शाह तथा जयलाल महतो रहेका थिए । कार्यक्रमको अध्यक्षता जयलाल महतोले गरेका थिए ।

गठित कमिटीमा प्रमशिला देवी अध्यक्ष, निकलेश महतो उपाध्यक्ष, मनौहरी देवी साह सचिव, श्रीनारायण महतो सह–सचिव र ओर्मिला देवी कोषाध्यक्षमा चयन भएका छन् ।

त्यसैगरी, सदस्यहरूमा विन्दु देवी महतो र सोविता राम लगायत अन्य स्थानीय कार्यकर्ताहरू समावेश गरिएका छन् ।

कार्यक्रममा बोल्दै अतिथिहरूले आम जनता पार्टीले स्थानीय जनताको जीवनस्तर उकास्नका लागि निरन्तर रुपमा काम गर्ने बताउँदै नवगठित कमिटीलाई बधाई तथा सफल कार्यकालको शुभकामना दिएका थिए ।

आरके श्रीवास्तव,राैतहट,२२ गते साउन ।

राैतहटकाे फतुवा विजयपुर नगरपालिकाले नगर कार्यपालिकाको कार्यालयमा आयोजित एक विशेष समारोहका बीच प्रमुख प्रशासकिय अधिकृत श्री भरत प्रसाद यादवलाई कदर-पत्र प्रदान गरेको छ ।

२०८१ पुस २३ गते देखि सेवा दिइरहनुभएका यादवले आ.व. २०८१/८२ मा आर्थिक, प्रशासनिक तथा सेवा प्रवाहको क्षेत्रमा उल्लेखनीय सुधार गर्नुभएको योगदानको कदर स्वरूप यो सम्मान प्रदान गरिएको हो ।

कार्यक्रममा कार्यवाहक नगर प्रमुख अम्बेया खातुनले यादवलाई सम्मान पत्र प्रदान गर्दै उहाँले देखाएको प्रतिबद्धता, पारदर्शिता र सुशासनप्रति धन्यवाद व्यक्त गर्नुभयो । “उहाँको नेतृत्वमा नगरपालिकाको सेवा प्रवाह अझ प्रभावकारी र जनमुखी बनेको छ,” खातुनले भनिन्।

सम्मान समारोहमा प्रमुख समाजसेवी अच्युत मैनाली, प्रदेश सांसद प्रत्यासी शेख सेराज, शिक्षा संयोजक सुबोध प्रसाद यादव, पूर्व वडा अध्यक्ष तथा कार्यपालिका सदस्य उमाशंकर साह, कलवार, परमेश्वर यादवसहित थुप्रै स्थानीय नागरिकहरूको उपस्थिति रहेको थियो ।

समारोहमा वक्ताहरूले यादवको इमान्दारिता, कुशल प्रशासनिक क्षमता र नागरिक–मैत्री सेवा प्रवाहको प्रशंसा गर्दै उहाँको कार्यशैलीलाई उदाहरणीय भन्दै आगामी दिनमा पनि यस्तै सकारात्मक सुधार कार्य निरन्तर रहोस् भन्ने शुभकामना व्यक्त गरेका थिए ।

नगरपालिकाले आगामी दिनहरूमा पनि दक्ष र समर्पित कर्मचारीहरूलाई प्रोत्साहन गर्दै जाने प्रतिबद्धता जनाएको छ ।

आरके श्रीवास्तव,राैतहट,२१ गते साउन । 

फतुवा विजयपुर नगरपालिकाको स्वास्थ्य क्षेत्रका भौतिक संरचनामा महत्वपूर्ण योगदान पुर्याउने कार्यमा कार्यवाहक नगर प्रमुख अमबेया खातुनलाई आम नागरिकहरूले सम्मान पत्र प्रदान गरेका छन् । यस नगरपालिकाका नागरिकहरूले समाजसेवी अच्युत मैनालीको नेतृत्वमा उक्त अभिनन्दन समारोह आयोजना गरेका थिए । बुधबार फतुवा बिजयपुर ११ मा आधारभूत स्वास्थ्य सेवा केन्द्र समुदघाटनकाे अवसर साे नागरिक अभिनन्दन गरिएको हाे ।

कार्यवाहक नगर प्रमुख खातुनको नेतृत्वमा नगरपालिकामा पाँच वटा स्वास्थ्य क्षेत्रका भौतिक संरचनाहरूलाई सुधार गरी ती क्षेत्रहरूलाई ठोस र उपयोगी बनाइने काममा सफलता प्राप्त भएको छ । यो कार्य नगरपालिकाका नागरिकहरूको स्वास्थ्य सेवामा सुधार ल्याउने दिशा थियो, जसको कदर गर्दै उनले यो सम्मान प्राप्त गरेकी छिन् ।

सम्मान पत्रमा नगरपालिकाका नागरिकहरूको तर्फबाट “श्री अमबेया खातुनलाई स-सम्मान अभिनन्दन गरिएको छ।” उल्लेख गरिएको छ र अगामी दिनहरूमा पनि नगरपालिकाका अन्य क्षेत्रमा यस्तै सुधारात्मक पहल र गुणस्तरीय कामको अपेक्षा गरिएको छ ।

सम्मान समारोहमा प्रमुख समाजसेवी अच्युत मैनाली,प्रमुख प्रशासकीय अधिकृत भरत प्रसाद यादव,प्रदेश सांसद प्रत्यासी शेख सेराज,शिक्षा संयाेजक सुबाेध प्रसाद यादव,पूर्व वडा अध्यक्ष एवम् कार्यपालिका सदस्य उमाशंकर साह कलवार,परमेश्वर यादव र अन्य स्थानीय नागरिकहरू उपस्थित थिए । कार्यवाहक नगर प्रमुख  अमबेया खातुनले, “यो सम्मान मैले मात्र प्राप्त गरेको होइन, यो नगरपालिकाका सबै नागरिकहरूको साझा सफलता हो,” भनिन् ।

समारोहको दौरान नागरिकहरूले नगरपालिकाको अन्य क्षेत्रहरूमा पनि सुधार र विकासका लागि कार्यवाहक प्रमुखको निरन्तर पहलको अपेक्षासमेत व्यक्त गरेका छन् ।

आरके श्रीवास्तव,राैतहट,२१ गते साउन ।
जनता समाजवादी पार्टी नेपाल, रौतहटद्वारा आयोजित नवप्रवेशी सम्मान तथा जिल्ला विस्तारित बैठक कार्यक्रम भव्य रूपमा सम्पन्न भएको छ । पार्टीका जिल्ला अध्यक्ष राजीव रंजन यादवको अध्यक्षतामा सम्पन्न कार्यक्रममा प्रमुख अतिथि पूर्व मन्त्री तथा केन्द्रिय उपाध्यक्ष गोविन्द चौधरी सहित शीर्ष नेताहरूको विशेष उपस्थिति रहेको थियो ।
कार्यक्रमको विशेष आकर्षणका रूपमा नेपाली कांग्रेस परित्याग गरी जसपा नेपालमा प्रवेश गरेका कटहरीया नगरपालिकाका जुझारु युवा नेता राजाबाबु साहलाई भव्य स्वागत तथा सम्मान गरिएको छ ।

राजाबाबु साह, जो नेपाली कांग्रेसका महाधिवेशन प्रतिनिधि समेत रहिसकेका छन्, लामो समयदेखि राजनीति र सामाजिक काममा सक्रिय रहँदै आएका छन् ।
कार्यक्रममा केन्द्रिय सदस्य एवं पूर्व राज्यमन्त्री योगेन्द्र राय यादव, चुलहाई राय यादव, रामअस्रे चौधरी, पार्टी निर्वाचन आयोग संयोजक विश्वनाथ पटेल, केन्द्रिय सल्लाहकार समिति सदस्यद्वय राजकुमार दास र राम आशिष यादव लगायत जिल्ला कार्य समिति सदस्यहरूको उपस्थिति थियो ।
पार्टीका शीर्ष नेताहरूले राजाबाबु साहको राजनीतिक साहस र जनप्रतिबद्धताको खुलेर प्रशंसा गर्दै जसपाको संगठनात्मक विस्तारमा उनीबाट ठुलो योगदान हुने विश्वास व्यक्त गरेका छन् ।
यस नवप्रवेशी सम्मान समारोहले जसपा नेपाल रौतहटमा संगठनात्मक बल थपेको र आगामी दिनमा पार्टीलाई अझ सशक्त बनाउने दिशामा ठोस पाइला भएको नेताहरूको भनाइ रहेको छ ।U

आरके श्रीवास्तव,राैतहट,२१ गते साउन ।
राैतहटकाे मौलापुर नगरपालिकाले दीर्घकालीन सिँचाइ समाधानको लक्ष्यसहित नविनतम यान्त्रिक सिँचाइ आयोजनाको घोषणा गरेको छ । नगर प्रमुख रिना कुमारी साहको अध्यक्षतामा आज सम्पन्न एक महत्त्वपूर्ण बैठकबाट आगामी ३ वर्षभित्र नगरपालिका क्षेत्रभित्र ५६ वटा डिप बोरिङ जडान गर्ने निर्णय गरिएको हो ।
बैठकमा कृषि उत्पादनमा आत्मनिर्भरता हासिल गर्दै स्थानीय किसानको जीवनस्तर सुधार गर्न आधुनिक तथा व्यावसायिक खेतीपातीसम्बन्धी तालिमहरू सञ्चालन गर्ने निर्णय पनि गरिएको छ । यस आयोजनाबाट मौलापुर नगरपालिका अन्तर्गत ३ हजार ७ सय ५० बिघा क्षेत्रफलमा भूमिगत सिँचाइ सुविधा पुगोस् भन्ने लक्ष्य लिइएको छ ।
नगर प्रमुख प्रशासकीय अधिकृत रामबाबु साहका अनुसार आयोजनाले किसानहरूलाई समृद्धि र रोजगारीतर्फ उन्मुख गराउनेछ। “यस पहलमार्फत कृषि क्षेत्रमा आधुनिक प्रविधिको प्रयोग बढ्दै जानेछ र उत्पादनमा गुणात्मक सुधार आउनेछ”, उहाँले बताउनुभयो ।
नगरपालिका प्रशासनले उक्त आयोजनाको सफल कार्यान्वयनका लागि सम्पूर्ण नगरवासी, विशेष गरी किसानहरूबाट सक्रिय सहभागिता र सहयोगको अपेक्षा गरेको छ ।

आरके श्रीवास्तव,राैतहट,२१ गते साउन ।
रौतहटकाे फतुवा बिजयपुर नगरपालिका–११, हिमालीबासमा एक तल्ले ७ कोठे आधारभूत स्वास्थ्य सेवा केन्द्रको समुद्घाटन गरिएको छ । बुधबार एक कार्यक्रमका बीच कार्यवाहक नगरप्रमुख अम्बेया खातुनले उक्त भवनको उद्घाटन गरिन् ।

नगरपालिकाको ५५ लाख रुपैयाँ लागतमा निर्माण भएको यो स्वास्थ्य केन्द्रमा २६ लाख रुपैयाँको थप नयाँ भवन पनि तयार भएको छ । स्वास्थ्य सेवा प्रवाहका लागि आवश्यक मेडिकल सामग्रीहरू पनि ९ लाख ९० हजार रुपैयाँमा खरिद गरिएको छ । केन्द्रमा हाल भेन्टिलेटर २ थान, नेबुलाईजर २ थान, एक्सरे फोटो मेसिन १ थान, बेड ६ वटा र ट्रली बेड १ थान लगायतका अन्य सामानहरू उपलब्ध छन् ।

कार्यक्रममा प्रमुख प्रशासकीय अधिकृत भरत प्रसाद यादव, स्वास्थ्य संयोजक प्रमोद प्रसाद गुप्ता, सह–संयोजक रमेश प्रसाद यादव, शिक्षा संयोजक सुबोध प्रसाद यादव, हिमालीबास माविका प्रधानाध्यापक बुनिलाल यादव, उपभोक्ता समिति अध्यक्ष अच्युत मैनाली, अहेव कर्मचारी परमेश्वर यादव लगायत स्थानीय भद्रभलादमीहरूको उपस्थिति रहेको थियो ।

कार्यक्रममा प्रदेश सांसद प्रत्यासी शेख सेराजले आम नागरिककाे स्वास्थ्यलाई मध्यनजर गरि नगरपालिका बाट भएको कामकाे सराहना गरे । अगामी दिनमा पनि स्वास्थ्य क्षेत्रलाई प्राथमिकतामा राखेर काम सुझाव दिए ।

कार्यक्रममा कार्यवाहक नगरप्रमुख खातुनले स्वास्थ्य क्षेत्रको सुदृढीकरणमा नगरपालिका गम्भीर रहेको उल्लेख गर्दै भनिन्, “नागरिकको स्वास्थ्य सुरक्षालाई पहिलो प्राथमिकतामा राख्दै हामी गाउँघरमै गुणस्तरीय स्वास्थ्य सेवा दिन चाहन्छौं।” उनले आगामी दिनमा थप सेवा विस्तार गर्ने प्रतिवद्धता व्यक्त गरिन् ।

प्रमुख प्रशासकीय अधिकृत भरत प्रसाद यादवले भने, “नगरपालिकाको समग्र विकासमा स्वास्थ्य एक महत्वपूर्ण आधार हो । अहिलेको पहलले गाउँमा उपचारको पहुँच सहज बनाउनेछ ।”

उपस्थित वक्ताहरूले खातुनको नेतृत्वमा स्वास्थ्य क्षेत्रमा भइरहेको सुधारात्मक कामको प्रशंसा गर्दै कार्यक्रमको सफलताको शुभकामना व्यक्त गरेका थिए ।

आरके श्रीवास्तव,रौतहट, साउन २१ गते।

“सम्पूर्ण किसान मजदूर एक होऔं, वित्तीय शोषण तथा उत्पीडन विरुद्ध संघर्ष गरौं” भन्ने मूल नारासहित मिटरब्याज विरुद्ध किसान मजदूर आन्दोलन, नेपाल अन्तर्गत भोजपुरा कमाण्डको रौतहट जिल्ला सम्मेलन गरुडाको ए एन पार्टी प्यालेसमा सम्पन्न भएको छ ।

कार्यक्रमको उद्घाटन अघि सहभागीहरूले गरुडा नगर परिक्रमा गरी सम्मेलन स्थलमा जुलुस सहित प्रवेश गरेका थिए । सम्मेलनको प्रमुख अतिथि निर्ग नविनले काठमाडौंमा चाँडै हुने आन्दोलनका लागि सबैलाई तयार रहन आह्वान गर्दै भने, “यो केवल रौतहटको सवाल होइन, सम्पूर्ण नेपालभरका किसान मजदुरहरूको साझा लडाइँ हो। अब काठमाडौंमा निर्णायक संघर्ष गर्ने बेला आएको छ।”

कार्यक्रमको अध्यक्षता गर्दै भोजपुरा कमाण्ड इन्चार्ज तथा जिल्ला अध्यक्ष शिवशंकर महतोले भने, “वित्तीय शोषण, विशेषतः मिटरब्याजजस्ता अवैध ऋण प्रणालीका विरुद्ध अहिले सबै किसान मजदुरहरू एकजुट हुनुको विकल्प छैन। न्यायका लागि संयुक्त आन्दोलन अपरिहार्य भइसकेको छ।”

सम्मेलनको बन्द सत्रबाट शिवशंकर महतोको अध्यक्षतामा १५ सदस्यीय जिल्ला कार्य समिति गठन गरिएको छ । जसमा उपाध्यक्ष मो. ईस्लाम, सचिव राम अकलेश पटेल, सह–सचिव जुनैद अन्सारी, कोषाध्यक्ष शेख मुस्तुफा, तथा सचिवालय सदस्यहरू गुदर बैठा, गोपाल सहनी, हृदय नारायण दास लगायत अन्य सदस्य चयन गरिएका छन् ।

वक्ताहरूले मिटरब्याज पीडित किसान मजदुरको पीडा अब सहनसक्ने अवस्थामा नरहेको भन्दै, राज्यले गम्भीरता नदेखाए सशक्त आन्दोलन अपरिहार्य हुने चेतावनी पनि दिएका थिए । उदघाटन सत्रमा कार्यक्रमकाे उदघाेषण बैधनाथ सहनीले गर्नुभएको थियाे ।

आरके श्रीवास्तव,राैतहट,२० गते साउन ।

उखु किसानहरू आफ्नो जायज हकका लागि फेरि सडकमा उत्रिएका छन् । रौतहटको डुमरिया स्थित श्री बाबा बैजुनाथ सुगर एण्ड केमिकल इण्डष्ट्रिज अगाडि मंगलबार उखु उत्पादक संघ रौतहटको नेतृत्वमा किसानहरूले टायर बालेर प्रदर्शन गरेका छन् ।
संघका अध्यक्ष अशोक यादवको नेतृत्वमा प्रदर्शनमा उत्रिएका किसानहरूले “सरकारले दिने भनिएको अनुदान तुरुन्त उपलब्ध गर, ७० रूपैयाँ प्रतिक्विन्टल अनुदान पूर्ण रूपमा दे, अनुदानमा गरिएको ३५ रूपैयाँ कटौती खारेज गर” भन्ने नारासहित आक्रोश पोखेका थिए ।
कटहरिया नगरपालिका–९ डूमरियास्थित मिलको मूलगेट अगाडि गरिएको प्रदर्शनमा किसानहरूले सरकार, उद्योग र व्यापारी त्रिपक्षीय वार्ता गरी आर्थिक वर्ष २०८२/८३ को उखु मूल्य निर्धारण र बाँकी अनुदान भुक्तानी गर्न माग गरेका छन् ।

किसान नेताहरूको चेतावनी: “माईतीघर मण्डलामा धर्ना दिन्छौं”
प्रदर्शनका क्रममा बोल्ने अधिकांश नेताहरूले सरकारका बेवास्ता नीतिका विरुद्ध राजधानी केन्द्रित आन्दोलनको चेतावनी दिएका छन् । नेपाली कांग्रेसका कुमार चौलागाई, एकीकृत समाजवादीका रामभरोस यादव, जसपाका राजकुमार दास तत्मा र संघ अध्यक्ष अशोक यादवले सरकारलाई तत्काल समस्या सम्बोधन नगरे राजधानीमा आन्दोलन चर्काउने बताए ।
उनीहरूले किसानका माग सम्बोधन नगरेको खण्डमा आन्दोलनलाई थप सशक्त बनाउने चेतावनीसमेत दिए । संघले भदौ ८ गतेदेखि काठमाडौंको माईतीघर मण्डलामा धर्ना दिने कार्यक्रम घोषणा गरिसकेको छ ।
चिनी उद्योगसमेत चिन्तित
प्रदर्शनमा उद्योग सञ्चालकको आवाज पनि मिसिएको छ । बाबा बैजुनाथ सुगर मिलका सञ्चालक बैजु बाबराले सरकारले अनुदान नदिए किसानहरूले उखु उत्पादन घटाउने सम्भावना रहेको बताए । त्यसले गर्दा चिनी उद्योगहरू ५० प्रतिशत मात्र क्षमतामा चल्न बाध्य छन् यसले झन घाटा झेल्नुपर्ने अवस्था आउने उनको भनाइ छ ।
“सरकारले ७० रूपैयाँमा कटौती गर्दै ३५ रूपैयाँ मात्र दिने निर्णय गरेको छ जुन किसानलाई स्वीकार्य छैन,” उनले भने, “यस आर्थिक वर्षदेखि त पूर्ण अनुदान नै हटाइएको छ। त्यसैले किसान आक्रोशित छन्।”
१ अर्ब ६० करोडको अनुदान अझै बाँकी
संघका अनुसार आर्थिक वर्ष २०८१/८२ को उखु अनुदानअन्तर्गत करिब १ अर्ब ६० करोड रुपैयाँ सरकारसँग बाँकी रहेको छ । चिनी उद्योगहरूले किसानलाई भुक्तानी गरिसकेको भए पनि सरकारी अनुदान रोकिएको किसानहरूको गुनासो छ ।
नेपाल उखु उत्पादक महासंघको सर्लाही हरिवनमा बसेको बैठकपछि त्रिपक्षीय वार्ता र बाँकी अनुदान तुरुन्त भुक्तानी गर्न प्रधानमन्त्रीलाई ज्ञापन पत्र बुझाइएको थियो । पहिलो चरणमा साउन १८ गते जिल्ला प्रशासन कार्यालयमार्फत ज्ञापन पत्र बुझाइएको थियो भने साउन २० गते आज चिनी मिल अगाडि प्रदर्शन गरिएको हो।
संघले सरकारले माग सुनुवाइ नगरे चरणबद्ध आन्दोलन गर्दै जनदबाब सिर्जना गर्ने बताएको छ।

यो आन्दोलनले फेरि एक पटक सरकार, उद्योग र किसानबीचको सम्बन्धलाई पुनः परीक्षणमा ल्याएको छ । किसानको माग तत्काल सम्बोधन नभए, देशव्यापी आन्दोलन चर्किने संकेत मिलेको छ ।

राकेश यादव, १९ गते साउन । 
रौतहट जिल्लाको इशनाथ नगरपालिकामा बिधुतको करेन्ट लागेर एक जनाको मृत्यु भएको छ।
धानको खेतमा पानी लगाउने क्रममा करेन्ट लागेर इशनाथ नगरपालिका वडा नम्बर ८ निवासी ५५ बर्षीय शेख जाफिरको मृत्यु भएको हो ।
जिल्ला प्रहरी कार्यालय रौतहटका अनुसार धान बालीमा बिधुतिय मोटर प्रयोग गरि पानी पटाउने क्रममा करेन्ट लागेर घाइते भएका जाफिरको मृत्यु भएको हो।
करेन्ट लागेर घाइते भएका किसान जाफिरलाइ उपचारको लागि प्रादेशिक अस्पताल गौरमा ल्याउदा उपचारको क्रममा निधन भएको प्रहरी नायव उपरिक्षक दिपक कुमार रायले जानकारी दिएका छन्।
खडेरी परेको कारण बिधुतिय मोटर द्वारा सिचाई गर्ने क्रममा रौतहटमा अहिले सम्म ८ जना किसानको मृत्यु भै सकेको छ।
सिचाईको क्रममा करेन्ट लागेर मृत्यु हुने घटना बढ्न लाग्दा जिल्ला प्रहरी कार्यालय र जिल्ला प्रसाशन कार्यालयले साबधानी पुर्वक बिधुतको प्रयोग गर्न सार्वजनिक रुपमा आग्रह गरेका छन्।

आरके श्रीवास्तव,राैतहट,१९ गते साउन ।
राैतहटकाे मौलापुर नगरपालिका–४ स्थित श्री जनता माध्यमिक विद्यालय सोनरनियामा ३ तले १२ कोठे नयाँ विद्यालय भवनको शिलान्यास एक विशेष समारोहबीच सम्पन्न भएको प्रधानाध्यापक दिनेश यादवले जानकारी गराएका हसा् । भवन निर्माणको शिलान्यास प्रतिनिधि सभा सदस्य तथा पूर्वमन्त्री प्रभु साहको प्रमुख आतिथ्यमा सम्पन्न भएको हो ।
समारोहमा बोल्दै पूर्व मन्त्री साहले विद्यालयको भौतिक पूर्वाधार विकाससँगै शैक्षिक गुणस्तर सुधार गर्नुपर्नेमा जोड दिनु भयो । साथै, उहाँले निकट भविष्यमा श्री जनता माविमा क्याम्पस स्थापनाका लागि आवश्यक पहल गरिने स्पष्ट प्रतिबद्धता समेत व्यक्त गर्नुभयो ।

शिलान्यास समारोहमा मौलापुर नगरपालिकाकी नगरप्रमुख रिना कुमारी साहले विद्यालयमा गुणस्तरीय शिक्षा सुनिश्चित गर्न नगरपालिकाको तर्फबाट आवश्यक सहयोग निरन्तर जारी रहने बताउनु भयो । प्रमुख प्रशासकीय अधिकृत रामबाबु साहले विद्यालय भवनको निर्माण कार्य स्वीकृत डिजाइनअनुसार गुणस्तरीय रूपमा सम्पन्न गर्नुपर्नेमा जोड दिनुभयो ।
हाकिम साहका अनुसार निर्माण कम्पनी सत्यश्वर-एएसीसी-एसआर जेभी, सर्लाहीले ३ कराेड ४५ लाख ५६ हजार ६ सय ८ रूपैयाँकाे लागतमा निर्माण गर्न लागेको हाे ।

कार्यक्रममा माैलापुर वडा नम्बर ८ का वडा अध्यक्ष शिवपर्सन यादव,वडा नम्बर ९ का वडा अध्यक्ष श्यामकिशाेर साह, विद्यालय व्यवस्थापन समिति, शिक्षक, अभिभावक तथा सर्वसाधारणको उल्लेखनीय उपस्थिति रहेको थियो ।

आरके श्रीवास्तव,राैतहट,१९ गते साउन ।
रौतहट जिल्लाकाे गरूडा नगरपालिका स्थित प्रसिद्ध शिवनगर महादेव मन्दिरमा तेस्रो सावन साेमवार महाेत्सव २०८२ भव्य रूपमा सम्पन्न भएकाे छ । गरूडा नगरपालिकाकाे आयाेजनामा भइरहने याे वार्षिक महाेत्सव सावन महिनाकाे प्रत्येक साेमबार विभिन्न धार्मिक तथा सांस्कृतिक कार्यक्रमका साथ सम्पन्न हुँदै आएको छ ।
यस वर्षकाे महाेत्सवकाे उद्घाटन सावन महिनाकाे पहिलाे साेमबार गरूडा नगरपालिकाका नगर प्रमुख कन्थमनी जयसवालले गर्नु भएकाे थियाे । प्रमुख जयसवालले शिवनगर महादेव मन्दिरलाई धार्मिक पर्यटकीय गन्तव्यकाे रूपमा विकास गर्न नगरपालिकाले दीर्घकालीन योजना अघि बढाएकाे उल्लेख गर्दै यस किसिमका महाेत्सवहरू धार्मिक पर्यटन प्रवर्द्धनका लागि महत्वपूर्ण हुने बताए ।

कार्यक्रमकाे समापन सावनकाे तेस्राे साेमबार विशेष समारोहका साथ सम्पन्न भएकाे हाे ।
महाेत्सवमा गरूडा नगरपालिका वडा नम्बर ५ का वडा अध्यक्ष रामबिनाेद जयसवाल प्रमुख अतिथिका रूपमा सहभागी हुनुहुँदै भने, “शिवनगर महादेव मन्दिर र सावन साेमार महाेत्सव हाम्रो क्षेत्रकाे पहिचान हाे । यसलाई विश्वसामु चिनाउन हामी प्रत्येक वर्ष याे कार्यक्रमलाई अझ भव्य र व्यवस्थित बनाउन प्रतिबद्ध छाैं ।”
कार्यक्रमकाे अध्यक्षता टिकटाक स्टार राजकुमार साहले गर्नु भएकाे थियाे भने संयाेजककाे रूपमा कलाकार तथा कमेडियन माेहरलाल पटेल (एमएल पटेल) ले भूमिका निर्वाह गर्नुभएकाे थियाे ।

महाेत्सवमा भारत, बिहारका चर्चित कलाकार अलवेला अशाेक तथा नेपालका लोकप्रिय मैथिली गायक जागेश ठाकुर, किरण साह लगायतका कलाकारहरूले आफ्नाे प्रस्तुति दिएका थिए । धार्मिक श्रद्धालुहरूका साथै हजारौं दर्शक तथा भक्तजनहरूकाे उल्लेख्य उपस्थिति रहेको याे महाेत्सवले रौतहटको सांस्कृतिक र धार्मिक पहिचानलाई अझ प्रगाढ बनाएकाे छ ।

महाेत्सवलाई सफल पार्न सहयोग गर्न हुने कलाकार,पत्रकार र विभिन्न व्यक्तित्वहरूलाई मायाकाे चिन्हाे सहित सम्मान गरिएको थियोे ।

आरके श्रीवास्तव,राैतहट,१९ गते साउन ।
रौतहट जिल्लाको गुजरा नगरपालिका वडा नं. ८ मा अवस्थित केवल राम सुरत क्याम्पसको समिति पुनः गठन गरिएको छ । आइतबार सम्पन्न विशेष कार्यक्रम मार्फत क्याम्पस समितिको अध्यक्षमा गुजरा नगरपालिकाका नगर प्रमुख सन्तलाल चौधरीलाई पुनः दोस्रो कार्यकालका लागि सर्वसम्मत चयन गरिएको छ ।

उक्त कार्यक्रम नेपाल सरकारका पूर्व संविधानसभा सदस्य तथा जनता समाजवादी पार्टी (जसपा) का राष्ट्रिय उपाध्यक्ष गोविन्द चौधरीको विशेष उपस्थिति तथा आतिथ्यतामा सम्पन्न भएको हो ।

नवनिर्वाचित क्याम्पस समितिमा सदस्यहरूमा राष्ट्रिय सभा सदस्य पुजा चौधरी,हविव मिया मंसुरी,रामाअश्रे चौधरी,खुबल चौधरी र पुनित राम रहेका छन् ।
क्याम्पस प्रमुखको जिम्मेवारी रामेश्वर चौधरीलाई दिइएको छ भने शिक्षक प्रतिनिधिका रूपमा उपेन्द्र मिश्राको सहभागिता रहेको छ । विद्यार्थी प्रतिनिधिको रूपमा सरिता कुमारी लगायत अन्य प्रतिनिधिहरू चयन गरिएको छ ।

नवगठित समितिलाई हार्दिक बधाई तथा सफल कार्यकालको शुभकामना व्यक्त गर्दै कार्यक्रममा बोल्ने वक्ताहरूले क्याम्पसको शैक्षिक गुणस्तर सुधारमा समिति अझ बढी सक्रिय भई काम गर्ने अपेक्षा राखेका थिए ।

आरके श्रीवास्तव,राैतहट,१९ गते साउन ।
राैतहटकाे फतुवा बिजयपुर नगरपालिकामा आजदेखि विश्व स्तनपान सप्ताह सुरु गरिएको छ । नगरपालिकाको स्वास्थ्य शाखाले आयोजना गरेकाे उक्त कार्यक्रम स्वास्थ्य शाखा प्रमुख प्रमोद गुप्ता र स्वास्थ्य सहसंयाेजक रमेश प्रसाद यादवले उद्घाटन गरेका हुन् । यादवका अनुसार स्तनपान सप्ताह साउन १६ गतेदेखि २२ गतेसम्म मनाइनेछ ।
नगरपालिकाका ८ वटै स्वास्थ्य संस्थाहरूमा एकैसाथ स्तनपान सप्ताह मनाइँदैछ । कार्यक्रम अन्तर्गत ‘सुनौलो हजार दिन’ अन्तर्गतका आमाहरूलाई स्तनपानको महत्वबारे जानकारी गराउने उद्देश्य राखिएको छ ।
कार्यक्रममा आमाहरूलाई बच्चा जन्मिएको १ घण्टाभित्रै आमाको पहिलाे बिगाैती दूध खुवाउनुपर्ने, ६ महिना सम्म बच्चालाई मात्र आमाको दूध खुवाउने, र ६ महिनापछि स्तनपानसँगै फलफूल, लिटाे, गेडागुडी, माछामासु जस्ता पौष्टिक खाना खुवाउनुपर्ने सन्देश दिइएको छ ।
फतुवा बिजयपुर नगरपालिकाका कार्यवाहक नगर प्रमुख अम्बेया खातुनले स्तनपान सप्ताह जस्ता कार्यक्रमहरूले मातृत्व स्वास्थ्य र शिशु विकासमा ठूलो टेवा पुग्ने बताउँदै भनिन्, “हामीले नगरपालिकास्तरबाट आमाहरूलाई स्तनपानको महत्व बुझाउने यस्ता जनचेतनामूलक कार्यक्रमलाई निरन्तरता दिनेछौं। स्वस्थ आमा र बच्चा नै स्वस्थ समाजको आधार हुन्।”
सप्ताहभर विभिन्न सूचना, परामर्श सेवा, समुदायस्तरीय अन्तरक्रिया कार्यक्रम लगायतका गतिविधिहरू सञ्चालन गरिने जनाइएको छ ।

राकेश यादव,राैतहट,१८ गते साउन । 

जनता समाजवादी पार्टी नेपाल (जसपा) जिल्ला कार्य समिति रौतहटले आज एक प्रतिनिधिमण्डल मार्फत प्रधानमन्त्री तथा मधेश प्रदेश सरकारका मुख्यमन्त्रीलाई सात बुँदे मागसहित ज्ञापनपत्र बुझाएको छ । सुख्खाग्रस्त क्षेत्र घोषणा गरिए पनि पीडित किसानहरूलाई राहत नपुगेको भन्दै तत्काल राहत प्याकेज उपलब्ध गराउन माग गरिएको छ ।

जिल्ला अध्यक्ष राजिव रंजन यादवको नेतृत्वमा गएको प्रतिनिधिमण्डलले जिल्ला प्रशासन कार्यालय रौतहटमार्फत सहायक प्रमुख जिल्ला अधिकारी किरणनिधि तिवारीलाई ज्ञापनपत्र बुझाएको हो ।

ज्ञापनपत्रमा किसानका लागि राहत प्याकेज सुनिश्चित गर्नु पर्ने, पानीका स्रोतको संरक्षण गर्न चुरे क्षेत्रको दोहन तत्काल रोक्नु पर्ने, अबैध उत्खनन नियन्त्रण तथा कानुन विपरित सञ्चालन भइरहेका क्रसर उद्योगहरूमाथि कडा कार्यवाही गर्नुपर्ने माग गरिएको छ ।

त्यसैगरी, बिरगंजदेखि बारा, रौतहट, सर्लाही, महोत्तरी र धनुषासम्मका जिल्लामा देखिएको पानीको समस्या समाधान गर्न तुरुन्त कदम चाल्न आग्रह गरिएको छ। साना किसानलाई मोटर, स्यालो, ट्युबेल जडान गर्न हालको २ बिघा जग्गा शर्त हटाई सहज पहुँच हुने व्यवस्था मिलाउन र उखु किसानका बाँकी भुक्तानी तुरुन्त दिनु पर्ने माग पनि उल्लेख छ।

ज्ञापनपत्र बुझाउने कार्यक्रममा गुजरा नगरपालिकाका मेयर सन्तलाल चौधरी, माधव नारायण नगरपालिकाका उपप्रमुख निर्मला रमण, पूर्व राज्य मन्त्री योगेन्द्र राय यादव, पूर्व गौर नगरपालिकाका उपप्रमुख किरण ठाकुर लगायत सयौं पार्टी कार्यकर्ताहरू सहभागी थिए ।

 

 

प्रेमचन्द्र झा,राैतहट,१८ गते साउन । 

रौतहट । राजदेवी नगरपालिका–१ निवासी प्रभु राय यादवले सूचना अधिकार ऐन २०६४ को दफा ३ अनुसार राजदेवी नगरपालिकासँग विभिन्न विकास योजनाहरू, खर्च विवरण, कर्मचारी नियुक्ति, स्वास्थ्य सेवा, कृषि कार्यक्रम, सञ्चारमाध्यमलाई वितरण गरिएको रकमलगायतका विषयमा विस्तृत १३ बुँदे सूचना माग गरेका छन्।

उहाँले मिति २०८२ साल साउन ४ गते नगरप्रमुख तथा प्रमुख प्रशासकीय अधिकृत समक्ष निवेदन दिँदै नगरपालिकाबाट विद्यालयहरूमा छात्रवृत्ति, खाजा, विज्ञान प्रयोगशाला जस्ता शीर्षकहरूमा कति रकम खर्च भएको, कुन विद्यालयमा कति रकम विनियोजन गरिएको हो भन्ने विवरण माग गरेका छन्। साथै, विद्यालयहरूमा हाल कति बालबालिका छन्, राहत तथा अनुदान कोटाको संख्या कति छ, त्यसको विवरण पनि उहाँले माग गर्नुभएको छ। २०७९ सालदेखि हालसम्म विद्यालयहरूमा कति बजेट विनियोजन गरिएको छ, कुन शीर्षकमा कति खर्च भएको छ भन्ने कार्यक्रमगत विवरण माग गरिएको छ।

त्यस्तै, वडा नं. १ देखि ९ सम्मका विद्यालय, स्वास्थ्य चौकी तथा वडा कार्यालयहरूमा करार तथा नयाँ रूपमा कति नियुक्ति भएका छन्, कुन पदमा को–को नियुक्त भएका छन् भन्ने नामावलीसहितको सूचना माग गरिएको छ। राजदेवी नगरपालिकाले नगरस्तरीय योजना अन्तर्गत कुन–कुन वडामा कति योजना सञ्चालन गरेको हो भन्ने विवरण पनि माग गरिएको छ।

स्वास्थ्य क्षेत्रमा २०७९ सालदेखि हालसम्म कति बजेट छुट्याइएको छ, आयुर्वेदमा कति रकम विनियोजन भएको छ, कुन किसिमको औषधिहरू उपलब्ध छन् भन्ने विवरण पनि सोधिएको छ। साथै, नगरपालिकाबाट कृषि क्षेत्र अन्तर्गत धान र गहुँको बीउ, मोटर, बोरिङ्ग, च्यास्फर्म, पोल–तार वितरण गरिएको कागजात मागिएको छ।

बेरुजुसम्बन्धी विवरणमा नगरपालिकामा हालसम्म कति बेरुजु छ, पहिलेको कति थियो, फछ्र्यौट भएको रकम कति हो र कुन कर्मचारी वा व्यक्तिको नाममा कति बेरुजु रकम छ भन्ने विस्तृत विवरणसहित नामावली माग गरिएको छ। नगरपालिकाले टिपर, डोजर, कल्टिभेटर, एम्बुलेन्सलगायतबाट २०७९ सालदेखि हालसम्म कति आम्दानी गरेको छ भन्ने विवरण पनि उक्त निवेदनमा समेटिएको छ।

वडा नं. १ मा २०७९ सालदेखि हालसम्म कुन शीर्षकमा कति रकम बजेट गरिएको हो, कार्यालयको महिनाको भाडा, रंगरोगनको खर्च, अफिस सञ्चालन खर्चजस्ता विवरण पनि समावेश छन्। श्री माध्यमिक विद्यालय पथरामा २०७९ सालदेखि हालसम्म कुन शीर्षकमा कति रकम खर्च भएको हो भन्ने विवरण र त्यसको नामावलीसमेत माग गरिएको छ। अन्त्यमा, नगरपालिकाबाट सञ्चारमाध्यमलाई दिइएको रकम कति हो, कुन मिडियालाई कति दिइएको हो भन्ने नामावलीसहितको विवरण पनि यादवले माग गरेका छन्।

निवेदक प्रभु राय यादवले नागरिकले सूचनाको हक प्रयोग गरेर सार्वजनिक निकायको पारदर्शिता र जवाफदेहितामा नागरिक निगरानीको अभ्यास गर्न सक्ने बताउँदै यस्तो माग गर्नु नागरिकको अधिकार मात्रै नभई कर्तव्य पनि भएको उल्लेख गर्नुभएको छ।

यादवले भने अनुसार, निवेदन दर्ताका लागि साउन ४ गतेदेखि पाँच दिनसम्म पटक–पटक कार्यालय गइसकेपछि बल्ल साउन १८गते आइतवार निवेदन दर्ता गरिएको हो। प्रमुख प्रशासकीय अधिकृत प्रलव कायस्थले नगरपालिकाका अधिकांश कर्मचारी भारतको देवघरलगायतका स्थानमा तिर्थ गर्न गएको हुँदा सूचना पाउन अझै महिना दिन लाग्न सक्ने प्रतिक्रिया दिएका छन्। यादवले नगरप्रमुख भिखारी यादवलाई समेत यस विषयमा जानकारी गराइसकेको बताउनु भएको छ।

सूचना अधिकार ऐन २०६४ अनुसार, निवेदन परेको मितिदेखि १५ कार्य दिनभित्र आवश्यक सूचना उपलब्ध गराउनुपर्ने कानूनी व्यवस्था रहेको छ। यदि सो समयमा पनि सूचना प्राप्त नभएमा राष्ट्रिय सूचना आयोगमा उजुरी दिन सकिने प्रावधान छ।

यस घटनाले जनताले सार्वजनिक कार्यालयमाथि निगरानी राख्न, बजेट पारदर्शिता माग गर्न र सुशासन सुनिश्चित गर्न सूचना हकलाई प्रभावकारी रूपमा प्रयोग गर्न थालेका छन् भन्ने स्पष्ट सङ्केत दिएको छ।

आरके श्रीवास्तव,राैतहट,१८ गते साउन ।
रौतहट । उखु उत्पादक संघ रौतहटले जिल्ला प्रशासन कार्यालय मार्फत प्रधानमन्त्री समक्ष ज्ञापनपत्र बुझाउँदै आर्थिक वर्ष २०८१/८२ को बाँकी रहेको उखु अनुदान रकम तत्काल भुक्तानी गर्न माग गरेको छ । संघले प्रति क्विन्टल ७० रुपैयाँका दरले हुने करिब १ अर्ब ६० करोड रुपैयाँ अनुदान सरकारले अझै नदिएको भन्दै चिनी उद्योगबाट भुक्तानी भए पनि सरकारी अनुदान रोकिएको जनाएको छ ।
सर्लाहीको हरिवनमा बसेको नेपाल उखु उत्पादक महासंघको बैठक निर्णयअनुसार संघले प्रधानमन्त्रीको ध्यानाकर्षण गराउँदै उखु अनुदान र आगामी मूल्य निर्धारणका लागि त्रिपक्षीय वार्ता गराउन पनि आग्रह गरेको छ ।
किसानहरुले विगतमा आन्दोलनबाट अनुदान व्यवस्था लागू गराएको स्मरण गराउँदै संघले यदि माग सम्बोधन नभए चरणबद्ध आन्दोलन गर्ने चेतावनी दिएको उखु उत्पादक संघ राैतहटका अध्यक्ष अशाेक प्रसादले जानकारी गराउनु भएको हाे ।
पहिलो चरणमा साउन १८ गते जिल्ला प्रशासन कार्यालयमार्फत ज्ञापन पत्र, साउन २० मा चिनी उद्योग अगाडि प्रदर्शन, र भदौ ८ देखि माईतीघर मण्डलामा धर्ना कार्यक्रम घोषणा गरिएको छ । ज्ञापनपत्र बुझाउने क्रममा नेता वृजकिशाेर यादव,रामभराेस यादव लगायतका व्यक्तिहरू सहभागी थिए ।

बज्जिकाञ्चल संवाददाता,राैतहट,१७ गते साउन । 

रौतहटको ईशनाथ नगरपालिका वडा नं. २, औरैयामा सञ्चालित बनाना रिसोर्ट (केराबारी) मा शनिबार बिहान भीषण आगलागी हुँदा ४० लाख रुपैयाँभन्दा बढीको सम्पत्ति नष्ट भएको छ ।

शनिबार बिहान करिब ३:४० बजे खाना पकाउने ग्यास सिलिन्डर लिक भएर अचानक आगो लाग्दा रिसोर्टमा रहेका कृषि प्रयोजनका मेसिन, खाद्यान्न, फर्निचर, फ्रिज, लत्ताकपडा, तथा अन्य भौतिक संरचना पूर्ण रूपमा जलेर नष्ट भएको सञ्चालक राकेश गुप्ताले जानकारी दिए ।

बनाना रिसोर्ट नेपाल सरकार र श्री जौहरीमाई कृषि तथा सहकारी संस्थाको संयुक्त लगानीमा सञ्चालित थियो । आगलागीबाट ठूलो परिमाणमा क्षति पुगेको गुप्ताले बताए ।

आगो नियन्त्रणमा लिनका लागि स्थानीयवासी, सशस्त्र प्रहरी र नेपाल प्रहरीको टोलीले संयुक्त रूपमा प्रयास गरेको थियो । ग्यास लिक भएर आगलागी भएको प्रारम्भिक आशंका गरिए पनि प्रहरीले घटनाबारे गहिरो अनुसन्धान भइरहेको जानकारी दिएको छ ।

घटनास्थल अवलोकन गर्न पुगेका नेपाली कांग्रेसका नेता तथा रौतहट क्षेत्र नं. २(क) का क्षेत्रीय सभापति लालबिहारी साहले पीडित व्यवसायीप्रति गहिरो सहानुभूति प्रकट गर्दै सम्भव भएसम्म सहयोग गर्ने प्रतिबद्धता व्यक्त गरेका छन् ।

सञ्चालक गुप्ताका अनुसार, आगलागीको कारणले रिसोर्टको पूरै सेवा सञ्चालन ठप्प भएको छ र अब पुनःस्थापना तथा क्षतिपूर्ति सम्बन्धी पहल आवश्यक रहेको छ ।

प्रहरीको अनुसन्धानपछि थप विवरण सार्वजनिक हुने अपेक्षा गरिएको छ ।

बज्जिकाञ्चल संवाददाता,राैतहट,१७ गते साउन । 

रौतहटकाे गरुडा नगरपालिका–४, गरुडा मा आज एक विशेष भेलामार्फत २५ सदस्यीय वार्ड कमिटी गठन गरिएको छ । उक्त कमिटी ‘बिजुली–पानी फ्री’ अभियानलाई सशक्त बनाउने उद्देश्यले गठन गरिएको हो ।

गठित वार्ड कमिटीको अध्यक्षमा महेसिया साह चयन भएका छन् भने उपाध्यक्षमा शोभा देवी साह, सचिवमा रामधारी साह, सह–सचिवमा मोरनी देवी, र कोषाध्यक्षमा सुगान्धी देवी साह चयन भएका छन् ।

त्यसैगरी, कमिटीमा सदस्यको रूपमा सोसिला देवी साह, चाँदतारा देवी साह लगायत २५ जना सर्वसाधारणको प्रतिनिधित्व रहने गरी चयन गरिएको छ ।

कार्यक्रमका प्रमुख अतिथि आम जनता पार्टीका सचिवालय सदस्य रविन्द्र यादव रहेका थिए भने विशिष्ट अतिथिमा केन्द्रीय सदस्य अमिन्द्र यादव, मञ्जु महतो, रिता शाह, शेहरा खातुन, कमल यादव, लालबाबु शाह, अफ्रोज आलम र राजकुमार शाह सहभागी थिए ।

भेलामा वक्ताहरूले जनताको आधारभूत सेवा, विशेषगरी विद्युत् र खानेपानीमा सुधार ल्याउन नवगठित कमिटीलाई सक्रिय रूपमा लाग्न आह्वान गरेका थिए । कार्यक्रममा स्थानियवासीको उल्लेख्य उपस्थिति रहेको थियो ।

सागर संगम ठाकुर, रौतहट, १७ गते साउन । 

रौतहटको देवाही गोनाही नगरपालिका–९, धरहरीमा सञ्चालित आरपार कोचिङ सेन्टर परिवारले शिक्षक सेवा उत्तीर्ण परीक्षामा उल्लेखनीय सफलता प्राप्त गरेका विद्यार्थीहरूको स्वागत तथा सम्मान कार्यक्रम सम्पन्न गरेको छ ।

उक्त कार्यक्रम स्थानीय समाजसेवी हरिश्चन्द्र प्रसाद यादवको अध्यक्षतामा सम्पन्न भएको थियो भने प्रमुख अतिथि जय किसान नमूना माध्यमिक विद्यालय धरहरीका विद्यालय व्यवस्थापन समितिका अध्यक्ष श्यामनन्दन साह रहनुभएको थियो। २०७९ सालदेखि निरन्तर रूपमा सञ्चालनमा रहेको आरपार कोचिङ सेन्टरले हालैको परीक्षामा ८०% विद्यार्थीलाई सफलता दिलाएको छ।

यस वर्ष तीन जना विद्यार्थी शिक्षक सेवा आयोगको परीक्षामा सफल भएसँगै सम्मान कार्यक्रमको आयोजना गरिएको हो। कार्यक्रममा बोल्दै विद्यालयका प्रधानाध्यापक श्री संजय प्रसाद गुप्ताले कोचिङ सेन्टरको प्रयासको प्रशंसा गर्दै विद्यालय र आफ्नाे व्यक्तिगत तर्फबाट आवश्यक सबै किसिमको सहयोग गर्न तत्पर रहेको बताउनुभयो। कार्यक्रममा वडाध्यक्ष वीर बहादुर साहद्वारा अघिल्लो आर्थिक वर्षमा गरिएको एक लाख रुपैयाँको सहयोग विशेष रूपमा उल्लेख गरिएको थियो। उहाँले वडाका अति विपन्न तथा पिछडिएका वर्गका विद्यार्थीहरूलाई शिक्षामा पहुँच दिलाउन निरन्तर लागिरहेकै कुरा दोहोराउनुभयो।

कोचिङ सेन्टरका संस्थापक रामानन्द प्रसाद यादव र सह-संचालक मुकेश प्रसाद यादवको नेतृत्वमा संस्था शिक्षाको गुणस्तर उकास्न सफल भएको भन्दै विभिन्न वक्ताहरूले भविष्यमा पनि संस्थालाई साथ र सहयोगको प्रतिबद्धता जनाए। कार्यक्रमको अवसरमा प्रशिक्षकहरूलाई ड्रेस वितरण गरिनुका साथै समाजसेवीहरू र पत्रकार सागर संगम ठाकुरलाई दोसल्ला ओढाएर सम्मान गरिएको थियो।

आरके श्रीवास्तव,राैतहट,१६ गते साउन । 

नवप्रवेशी यूवा नेता राजाबाबु साहलाई जनता समाजवादी पार्टी (जसपा) नेपालमा भव्य स्वागत गरिएको छ ।

शनिबार कटहरिया बहुमुखी क्याम्पसमा आयोजित कार्यक्रममा साहलाई जसपा नेपाल नगर कमिटी कटहरियाले सम्मानपूर्वक स्वागत गरेको हो । कार्यक्रममा जसपा नगर अध्यक्ष रामसेवक यादवको अध्यक्षता रहेको थियो भने प्रमुख अतिथि जसपा नेपालका केन्द्रीय सदस्य चुल्हाई राय यादव रहेका थिए । कार्यक्रममा जसपा नेता बच्चा यादवलगायत पार्टीका अन्य नेता तथा कार्यकर्ताहरूको उल्लेख्य उपस्थिति थियो ।

यसअघि साहले काठमाडौंस्थित जसपा नेपालको केन्द्रीय कार्यालयमा आयोजित एक विशेष समारोहमा पार्टी प्रवेश गरेका थिए । जसपा नेपालका अध्यक्ष उपेन्द्र यादवले उनलाई पार्टीको सदस्यता प्रदान गर्दै टीका, माला र अविर लगाएर स्वागत गरेका थिए ।

राजाबाबु साह लामो समयदेखि नेपाली काँग्रेसमा सक्रिय रहँदै आएका थिए । उनले केही दिनअघि पार्टी परित्याग गरी एकाएक जसपा नेपालमा प्रवेश गरेका हुन् ।

उनको आगमनले जसपा नेपालमा थप ऊर्जा र सशक्त राजनीतिक धार प्रवेश हुने विश्वास गरिएको छ ।

बज्जिकाञ्चल संवाददाता,राैतहट,१५ गते साउन । 

राैतहटकाे मौलापुर नगरपालिकाले पत्रकार रविन्द्र प्रजापतिको असामयिक निधनप्रति गहिरो शोक व्यक्त गर्दै उहाँका परिवारजनप्रति समवेदना प्रकट गरेको छ । नगर प्रमुख रिना कुमारी साहको नेतृत्वमा पालिकाले दिवंगत पत्रकारका परिवारलाई नगद रू २५ हजार सहयोग प्रदान गरेको छ ।

नगर प्रमुख साह तथा प्रमुख प्रशासकीय अधिकृत रामबाबु साहले नगरपालिकाकाे तर्फबाट रविन्द्र प्रजापतिको घरमै पुगेर परिवारलाई सो सहयोग रकम हस्तान्तरण गर्नुभएको हो । सो अवसरमा उहाँहरूले स्व. प्रजापतिको आत्माको चिरशान्तिको कामना गर्दै श्रद्धाञ्जली अर्पण गर्नुभएको थियो ।

नगर प्रमुख साहले भनिन्, “पत्रकार रविन्द्र प्रजापतिको असामयिक निधनले हामी सबै स्तब्ध भएका छौं। पालिकाको तर्फबाट यो सानो सहयोग मार्फत उहाँका परिवारलाई केही राहत मिलोस् भन्ने हाम्रो चाहना हो।”

स्व. प्रजापति लामो समयदेखि पत्रकारितामा सक्रिय रहँदै आएका थिए र उनले स्थानीयस्तरमा जनसमस्या उठाउने कार्यमा उल्लेखनीय भूमिका खेलेका थिए ।

स्मरणीय हाेस् गत साउन गते शनिबार राति पत्रकार प्रजापति आफ्नै घरमा झुण्डिएको अवस्थामा फेलापरेका थिए।

आरके श्रीवास्तव,राैतहट,१५ गते साउन । 

रौतहटकाे कटहरिया नगरपालिका–७ मा रहेको श्री मावि बगहीका पूर्व प्रधानाध्यापक सरोज साहलाई विशेष सम्मान गरिएको छ । आफ्नो दुई वर्षे कार्यकालमा इमानदारीपूर्वक सेवा दिएका साहको समर्पण र कर्मनिष्ठाको कदर गर्दै वडा कार्यालयले उनलाई सम्मान गरेको हो ।

समारोहमा वडा अध्यक्ष सहिद मियाँ धोबीले सरोज साहलाई मोबाइल, टाइटन घडी, दुई जोर कपडा, जुत्ता–मोजा, चप्पल, बेल्ट, रूमाल, डायरी, कलमसहित सम्मानपत्र प्रदान गरेका छन् ।

उक्त सम्मानलाई साहले अत्यन्त गहिरो सम्मानका साथ ग्रहण गर्दै सम्पूर्ण वडा परिवारप्रति आभार व्यक्त गरेका छन् ।

“कर्म इमानदारीपूर्वक गर्नुपर्छ, मुल्यांकन अवश्य हुन्छ,” साहले सम्मान ग्रहण गर्दै संक्षिप्त मन्तव्य दिएका थिए । कार्यक्रममा विद्यालयका शिक्षक, स्थानीय अभिभावक, समाजसेवी तथा वडा सदस्यहरूको उल्लेखनीय उपस्थिति रहेको थियो ।

यो सम्मान शिक्षक–शिक्षण पेशाप्रतिको आदर र समर्पणप्रतिको कदरको प्रतीक भएको बताइएको छ । शिक्षक साह हाल श्री जनता मावि कटहरियामा कार्यरत छन् ।

 

आरके श्रीवास्तव,राैतहट,१५ गते साउन । 

नेपाल विद्युत प्राधिकरणको ४० औं वार्षिकोत्सवको अवसरमा मौलापुर वितरण केन्द्रको प्राङ्गणमा वृक्षारोपण कार्यक्रम सम्पन्न गरिएको छ । कार्यक्रमको नेतृत्व वितरण केन्द्रका कार्यालय प्रमुख ई. रामदिनेश यादवले गर्नुभयो ।

ई. यादवका अनुसार यस प्रकारका कार्यक्रमले वातावरण संरक्षणमा योगदान पुर्‍याउनुका साथै कार्यालय परिसरलाई हरियालीयुक्त बनाउने उद्देश्य राखिएको छ ।

उहाँले भन्नुभयो, “विकास र पूर्वाधार निर्माणसँगै वातावरणीय सन्तुलन कायम राख्न वृक्षारोपण जस्ता कार्य अपरिहार्य छन् । विद्युत प्राधिकरणले आफ्नो सामाजिक उत्तरदायित्वअन्तर्गत यस्तो पहललाई निरन्तरता दिनेछ ।”

कार्यक्रममा वितरण केन्द्रका कर्मचारी, प्राविधिक टोली तथा स्थानीय समुदायका प्रतिनिधिहरूको सक्रिय सहभागिता रहेको थियो । विभिन्न जातका फलफूल तथा छायाँदिने बिरुवा रोपिएको जानकारी दिइएको छ ।

यस अवसरमा कार्यालय प्रमुख यादवले कर्मचारीहरूलाई नियमित रूपमा वृक्षहरूको हेरचाह गर्न आग्रह गर्नुका साथै भविष्यमा थप वृक्षारोपण कार्यक्रम सञ्चालन गर्ने प्रतिबद्धता व्यक्त गर्नुभयो ।

नेपाल विद्युत प्राधिकरणको वार्षिकोत्सवलाई सामाजिक तथा वातावरणीय सन्देशमूलक बनाउने प्रयासस्वरूप गरिएको यो वृक्षारोपण कार्यक्रम सराहनीय कदमको रूपमा लिइएको छ ।

आरके श्रीवास्तव,राैतहट,१५ गते असार ।
रौतहटकाे गरुडा नगरपालिका–२, गेडहीगुठ्ठीमा आज एक विशेष कार्यक्रमका बीच छात्र–छात्राहरूलाई साईकल वितरण गर्दै कक्षा ११ को औपचारिक सुरुआत गरिएको छ ।

कार्यक्रममा नगरप्रमुख कन्थमनी जयसवालले सहभागी भई छात्रछात्राहरूलाई साईकल वितरण गर्न पाएको र कक्षा ११ को औपचारिक सुरुआत गर्न पाएकोमा अत्यन्त खुशी व्यक्त गर्नुभयो । उहाँले भन्नुभयो, “शिक्षा क्षेत्रको सुधार र छात्रहरूको शैक्षिक पहुँचलाई अझ सहज बनाउन नगरपालिकाले गर्दै आएको प्रयास अन्तर्गत यो कार्यक्रम एउटा सकारात्मक पाइलाको रूपमा लिएको छु।”

नगरप्रमुख जयसवालले यस्ता कार्यक्रमहरूले विद्यार्थीहरूमा नयाँ उत्साह र आत्मविश्वास थप्ने विश्वास व्यक्त गर्दै आगामी दिनमा शिक्षा, स्वास्थ्य र विकासका क्षेत्रमा नगरपालिकाले ठोस कामहरू गर्दै जाने प्रतिबद्धता समेत दोहोर्याउनुभयो ।
कार्यक्रममा बोल्दै विद्यालयका प्रधानाध्यापक मौजेलाल साहले नगरपालिकाको यो पहलप्रति आभार व्यक्त गर्दै भने, “साईकल वितरणले दूरदराजबाट विद्यालय आउने विद्यार्थीहरूको यात्रा सजिलो बनाउनेछ । यसले विशेष गरी विपन्न वर्गका छात्रछात्राहरूलाई विद्यालयमा नियमित गराउने र पठनपाठनमा अझ सक्रिय बनाउनेछ ।”

प्रधानाध्यापक साहले कक्षा ११ को सुरुआतले विद्यालयमा उच्च माध्यमिक तहको शिक्षामा नयाँ अध्याय प्रारम्भ भएको उल्लेख गर्दै विद्यार्थी र अभिभावकको भरोसालाई कायम राख्ने प्रतिबद्धता जनाउनुभयो ।
कार्यक्रममा स्थानीय जनप्रतिनिधि, शिक्षक, अभिभावक, विद्यार्थी तथा सर्वसाधारणको उपस्थिति रहेको थियो ।

आरके श्रीवास्तव, रौतहट, १४ साउन।

मधेश प्रदेश सरकारअन्तर्गतको स्वास्थ्य मन्त्रालय, सपहीको सहयोगमा तथा नेपाली कांग्रेसका महाधिवेशन प्रतिनिधि एवम् युवा नेता ज्ञानेन्द्र प्रसाद यादवको पहलमा फतुवा विजयपुर नगरपालिकामा विशेष पोषण कार्यक्रम सम्पन्न गरिएको छ।

कार्यक्रम अन्तर्गत नगरपालिका भित्रका १ देखि ११ नम्बर वडासम्मका गर्भवती र सुत्केरी महिलालाई कुपोषणको जोखिमबाट जोगाउन पोषणयुक्त खाद्यान्न वितरण गरिएको हो ।

खाद्यान्न वितरण कार्यक्रम कार्यवाहक नगरप्रमुख अम्बेया खातुनको प्रमुख आतिथ्यमा सम्पन्न भएको थियो । नगरप्रमुख खातुनले आफ्ना सम्बोधनमा मातृ र शिशु स्वास्थ्यलाई प्राथमिकतामा राख्दै नगरपालिकाले यस्ता कार्यक्रमलाई निरन्तरता दिने बताउनु भयो ।

उहाँले स्थानीय सरकार मातहतका वडास्तरमा समेत यस्ता स्वास्थ्यमुखी अभियान सञ्चालन गर्ने योजना रहेको जानकारी दिनुभयो । कार्यक्रममा सम्बन्धित वडाका जनप्रतिनिधिहरूको समेत उपस्थिति रहेको थियो ।

नेता ज्ञानेन्द्र यादवले मातृस्वास्थ्य र बालस्वास्थ्यमा सुधार ल्याउने उद्देश्यले यस्तो कार्यक्रम अघि बढाइएको जानकारी गराउनुभयो । उहाँले स्थानीय तहसँग समन्वय गरी आगामी दिनमा समेत यस्ता कार्यक्रम निरन्तर चलाउने प्रतिबद्धता व्यक्त गर्नुभयो ।

कार्यक्रममा सहभागी आमाहरूले सरकार र स्थानीय नेतृत्वलाई धन्यवाद दिँदै यस्ता सहायक कार्यक्रमले उनीहरूलाई मानसिक र शारीरिक रूपमा थप सशक्त बनाउने बताएका छन् ।

आरके श्रीवास्तव,राैतहट,१५ गते साउन । 

राैतहटकाे फतुवा विजयपुर नगरपालिका वडा नम्बर १० मा आज गर्भवती तथा सुत्केरी महिलालाई पोषणयुक्त खाद्यान्न वितरण गर्दै मातृ तथा शिशु स्वास्थ्यप्रति उच्च प्राथमिकता दिइएको छ । स्वास्थ्य मन्त्रालय, मधेस प्रदेश सरकार अन्तर्गतको स्वास्थ्य निर्देशनालयको सहयोगमा कुपोषणको जोखिममा रहेका महिलालाई प्रत्यक्ष राहतस्वरूप पोषण सामग्री वितरण गरिएको हो ।

कार्यक्रममा कार्यवाहक नगरप्रमुख अम्बेया खातुनले “स्वस्थ आमा नै समृद्ध समाजको आधार हो” भन्दै मातृ तथा शिशु स्वास्थ्यमा नगरपालिकाले विशेष ध्यान दिइरहेको बताउनुभयो । उहाँले जनताको स्वास्थ्य सुरक्षालाई स्थानीय सरकारको पहिलो प्राथमिकतामा राख्ने प्रतिबद्धता पनि जनाउनुभयो ।

प्रदेश सांसद प्रत्यासी शेख सेराजले मातृ स्वास्थ्यलाई बलियो बनाउने यस्ता कार्यक्रमहरूको निरन्तरता आवश्यक रहेको बताउँदै, स्वास्थ्य क्षेत्रमा अझ बढी बजेट र योजनाहरू ल्याउनुपर्ने धारणा राख्नुभयो ।

वडा नम्बर १० का वडा अध्यक्ष मञ्जय चौधरीले गर्भवती र सुत्केरी महिलाहरूलाई पोषणयुक्त खाद्यान्न वितरणले ठुलो राहत मिल्ने भन्दै धन्यवाद व्यक्त गर्नुभयो ।

आरके श्रीवास्तव,राैतहट,१३ गते साउन । 

रौतहटकाे कटहरियामा वि.सं. २०४९ सालदेखि सञ्चालनमा रहेको त्रिशक्ति एकेडेमी अंग्रेजी आवासीय विद्यालयले आफ्नो शैक्षिक यात्रालाई अझ प्रभावकारी बनाउन नयाँ नेतृत्व चयन गरेको छ ।

विशेष कार्यक्रमका बीच विद्यालयका संस्थापक प्रकाशमान श्रेष्ठले नव नियुक्त प्रिन्सिपल रोहित कुमार साहलाई दोसल्ला ओढाइ सम्मान गर्दै स्वागत गरेका छन् ।

नवनियुक्त प्रिन्सिपल साहले व्यवस्थापन (MBS) र कम्प्युटर एप्लिकेसनमा डिप्लोमा अध्ययन गरेका छन् ।

शिक्षा र प्रविधिको समन्वयमार्फत विद्यालयलाई गुणस्तरीय शिक्षाको नयाँ उचाइमा पुर्‍याउने लक्ष्य लिएका साहसँग विद्यालयप्रतिको गहिरो समर्पण र भविष्यदृष्टि रहेको संस्थापक श्रेष्ठले बताएका छन् ।

श्रेष्ठका अनुसार, “त्रिशक्ति एकेडेमी विगत ३२ वर्षदेखि शिक्षाको उत्कृष्टता कायम राख्दै आएको हो । यहाँ पढेका विद्यार्थीहरू आज उपसचिव, इन्जिनियर, डाक्टर जस्ता जिम्मेवार पदमा कार्यरत छन् । विद्यालयले अब शिक्षाको नयाँ युगमा प्रवेश गर्नुपर्ने आवश्यकता महसुस गर्दै प्रिन्सिपल परिवर्तन गरिएको हो।”

प्रिन्सिपल साहले आफ्नो मन्तव्यमा विद्यालयको पूर्व गौरवलाई अझ उच्च बनाउने प्रतिबद्धता जनाउँदै भने, “शिक्षा अब केवल किताबी ज्ञानमा सीमित हुन सक्दैन। जीवनोपयोगी, प्रविधिमैत्री र मूल्य आधारित शिक्षाको खाँचो छ । म सबै शिक्षक, अभिभावक र विद्यार्थीहरूसँग सहकार्य गर्दै त्रिशक्ति एकेडेमीलाई नयाँ ऊचाइमा पुर्‍याउने दृढ संकल्पका साथ जिम्मेवारी लिएको छु।”

कार्यक्रममा विद्यालय परिवार, अभिभावक प्रतिनिधि र स्थानीय बुद्धिजीवीहरूको उल्लेखनीय उपस्थिति रहेको थियो ।

शिक्षामा फड्को मार्न एक नयाँ अध्याय

संस्थापक श्रेष्ठ र प्रिन्सिपल साहको साझा दृष्टिकोणले त्रिशक्ति एकेडेमीमा गुणस्तरीय शिक्षाको नयाँ युग सुरु हुने आशा गरिएको छ । शिक्षा क्षेत्रमा यो परिवर्तन एक सकारात्मक संकेतका रूपमा हेरिएको छ ।

आरके श्रीवास्तव,राैतहट,१२ गते साउन ।

रौतहटकाे कटहरियामा लामो समयदेखि वर्षा नहुँदा खेतिपातीमा गम्भीर असर पर्न थालेपछि पानीकाे लागि सामूहिक रूपमा नामाज अदा गरिएको छ । कटहरिया नगरपालिकास्थित क्रिकेट ग्राउन्डमा साेमबार बिहान सयौं मुस्लिम समुदायका मानिसहरूले १ घण्टा लामो विशेष नामाज पढ्दै वर्षाकाे लागि अल्लाहसँग दुआ मागेका हुन् ।

नेकपा (माओवादी केन्द्र) का कटहरिया नगर अध्यक्ष तथा मेयर प्रत्यासी नसरूदिन अन्सारीले यस कार्यकाे नेतृत्व गर्दै यो धार्मिक अभ्यास वातावरणीय संकटकाे सन्देश दिनेसमेत भएको बताए । “धेरै दिनदेखि पानी नपर्दा यहाँका धान रोप्न नसकिएको अवस्था छ । वर्षाकाे आशामा हामीले सामूहिक रूपमा अल्लाहसँग प्रार्थना गरेका हाैं,” उनले भने ।

सामूहिक प्रार्थना कार्यक्रममा राजपुर मदरसाका शिक्षक मौलाना शेराजुल हकले उपस्थित मुस्लिम समुदायलाई नमाज अदा गराएका थिए । मौलाना हकले भने, “नबी मोहम्मद सल्लल्लाहु अलैहि वसल्लमले पनि सुख्खा परेका बेला पानीका लागि यस्तो नमाज पढ्ने गर्नुहुन्थ्यो। हामीले पनि त्यसैको अनुकरण गरेका हौँ।”

नामाजमा कटहरिया, सन्तपुर, विजयपुर, पिप्रा, पोखरिया, बगही लगायतका गाउँबाट मुस्लिम समुदायका सयौंको संख्यामा सहभागिता जनाइएको थियो । सहभागीहरूले वर्षाकाे निम्ति एकता र आस्था देखाउँदै नमाजका माध्यमबाट संकट समाधानकाे अपिल गरेका थिए ।

जिल्लाका अन्य क्षेत्रहरूमा समेत यस्तै प्रकारका पानीका लागि विशेष नामाज पढिएको जनाइएको छ । कृषिमा भर पर्ने मधेस क्षेत्रमा वर्षा नहुँदा हजारौं किसानहरू चिन्तित छन् ।
सामुदायिक स्तरमा गरिएको यस्तो पहलले धार्मिक आस्थासँगै सामाजिक एकता र पर्यावरणप्रति चिन्ताकाे भावना झल्काउने बताइएकाे छ ।

 

फोटो फिचर……

राकेश यादव ,११ साउन
रौतहट जिल्लाको राजदेवी नगर पालिका वडा नम्बर ७ मुडवालबा स्थित वडा कार्यालयको सभाहलमा आइतवार महिला हिंसा बिरुद्ध कानुनी सचेतना तालिम सम्पन्न भएको छ।
टेवा फाउन्ड़ेशन फर जस्ट सोसाइटी नेपालको सहयोग तथा महिला तथा बाल बालिका उत्थान केन्द्रको आयोजनामा तालिम सम्पन्न भएको हो।
महिलाहरू माथि हुने बिभिन्न किसिमका हिंसा न्युनिकरण गर्ने उदेश्यले सहयोगी सस्थाले कार्यक्रम संचालन गरेको छ।
आयोजक सस्थाका अध्यक्ष चन्द्रकला देवी रामको अध्यक्षतामा भएको सो तालिममा राजदेवी नगरपालिकाका नगर प्रमुख भिखारी प्रसाद यादवले महिला पुरुष समान हुन हिंसा विभेद गर्नु कानुनी सामाजिक अपराध भएको बताउनु भएको छ।
महिलालाइ सरकारले सबै क्षेत्रमा सहभागिता जनाउने अधिकार प्रदान गरेकोले कुनै प्रकारले दवाव दिएर अधिकारबाट बन्चित गर्न नपाइने धारणा राखे।
कार्यक्रममा नगर उपप्रमुख राजकुमारी देवीले महिला माथि अझै समाजमा परिवारमा हिंसा हुने गरेकोले यसको प्रतिवाद गर्न सबै महिलाहरू एक जुट भएर लाग्नु पर्ने जोड दिए।
तालिममा सहभागी भएका महिलाहरुलाई अधिबक्ता सोनेलाल पासवानले महिला माथि गरिने हिंसाको बिरुद्धमा भएको कानुनी व्यवस्था, कार्यवाही गर्ने निकाय, उजुरी दिने समय, सिमा, सम्बन्धित निकायको बारेमा जानकारी गराएका छन्।
घर भित्र परिवार, लोग्ने, सासु ससुरा आफन्त बाट हुने हिंसा घरेलु हिंसा भित्र पर्ने भएकोले त्यस्तो भएमा जिल्ला प्रहरी कार्यालयमा तत्काल उजुरी दिनु पर्ने जानकारी गराए।
मानसिक, शारीरिक, आर्थिक, सामाजिक, लिङ्ग, जात, बर्णको आधारमा पनि हिंसा र विभेद हुने गरेको हुदा यस्तो हिंसा, यातना दिएमा खुलेर उजुरी गर्न महिलाहरुलाई आग्रह गरिएको छ।
सामाजिक अभियन्ता मो. मोतिउर रहमानले समाजमा महिला माथि पुरुषहरू द्वारा तथा महिलाले महिला माथि हिंसा दिने गरेको अवस्था देखिएको हुदा कुनै पनि बहानामा हिंसाजान्य गतिबिधि नगर्न नगराउन आग्रह समेत गरेका छन्।

आरके श्रीवास्तव,राैतहट,११ गते साउन ।
रौतहटकाेदुर्गा भगवती गाउँपालिका–२, पिपरा–भलोहियामा अवस्थित श्री सरस्वती बहुमुखी क्याम्पसको भव्य उद्घाटन समारोह सम्पन्न भएको छ । मधेश विश्वविद्यालयबाट सम्बन्धन प्राप्त यस क्याम्पसको उद्घाटन कार्यक्रम गाउँपालिका अध्यक्ष शम्भु प्रसाद सिंहको सभापतित्वमा सम्पन्न भयो ।

कार्यक्रममा मधेश विश्वविद्यालयका उपकुलपति दीपक शाक्य, प्रा. डा. अञ्जय मिश्र, शिक्षा आयोगका पूर्व अध्यक्ष देवेन्द्र मिश्र, साथै शिक्षा प्रेमी तथा सक्षम वार्ड अध्यक्ष धर्मेन्द्र झा, विभिन्न शिक्षक, कर्मचारी, जनप्रतिनिधि, अभिभावक एवं स्थानीयवासीहरूको उल्लेखनीय उपस्थिति रहेको थियो ।

यस अवसरमा बोल्दै वक्ताहरूले श्री सरस्वती बहुमुखी क्याम्पसले शिक्षाको क्षेत्रमा आमूल परिवर्तन ल्याउने अपेक्षा व्यक्त गरेका छन् । क्याम्पसले BPAM बिपिएम र बिईएम कार्यक्रम सञ्चालन गर्नेछ । शिक्षालाई रोजगारीमूलक, जीवनोपयोगी, व्यवहारिक र संस्कारयुक्त बनाउँदै स्थानीय स्तरमै गुणस्तरीय उच्च शिक्षा उपलब्ध गराउने लक्ष्य लिएको क्याम्पसले धेरैका लागि आशाको किरण बन्ने विश्वास गरिएको छ ।

कार्यक्रममा शुभकामना दिँदै राष्ट्रिय शिक्षक मञ्च राैतहटका अध्यक्ष शिवशंकर झाले सरस्वती बहुमुखी क्याम्पसले शिक्षाको अर्थपूर्ण र उपलब्धिमूलक ढाँचाको उदाहरणीय संस्था बन्न सकोस् भन्ने कामना व्यक्त गरेका छन् ।

बज्जिकाञ्चल संवाददाता,राैतहट,१० गते साउन । 

गत साउन ८ गते समाचार संकलनको क्रममा पत्रकार राजकुमार यादवमाथि भएको आक्रमणको घटनाको छानबिन गर्न नेपाल पत्रकार महासंघ रौतहट शाखाले दुई सदस्यीय छानबिन समिति गठन गरेको छ ।

महासंघका सहसचिव तथा सूचना अधिकारी दिनेश संगमको संयोजकत्वमा गठन गरिएको समितिमा नन्दभुषण श्रीवास्तव सदस्य रहेका छन् । समिति मार्फत घटनाको यथार्थ तथ्य बुझ्न र दोषी पहिचान गर्न छानबिन प्रक्रिया अघि बढाइएको महासंघले जानकारी दिएको छ ।

पत्रकार यादवले समाचार संकलनको क्रममा विवेक साह, रञ्जित साह, अनिल साह लगायत अन्य अज्ञात व्यक्तिहरूले सामूहिक रूपमा कुटपिट गरी घाइते बनाएको आरोप लगाएका छन् । घटनापछि पत्रकार यादव घाइते अवस्थामा उपचाररत रहेको जनाइएको छ ।

यस घटनाले पत्रकारहरूको सुरक्षामाथि गम्भीर प्रश्न उठाएको भन्दै नेपाल पत्रकार महासंघ केन्द्रीय समिति, एसाेसिएट प्रदेश समिति तथा श्रमजीवी पत्रकार संघ रौतहटले छुट्टाछुट्टै विज्ञप्ति जारी गरी आक्रमणको भर्त्सना गर्दै दोषी उपर कडा कारबाहीको माग गरेका छन् ।

तर, घटनाको चार दिन बितिसक्दा पनि नेपाल पत्रकार महासंघ रौतहट शाखाले औपचारिक विज्ञप्ति ननिकालेको भन्दै केही स्थानीय पत्रकारहरूले प्रश्न उठाएका छन् । तथापि, छानबिन समिति गठन भएको जानकारी आएसँगै घटनाको निष्पक्ष छानबिन हुने विश्वास लिइएको छ ।

छानबिन समितिले संकलित तथ्य विवरण महासंघलाई बुझाएपछि घटनाबारे थप निर्णय लिइने जनाएको छ ।

आरके श्रीवास्तव,राैतहट,०९ गते साउन । 
रौतहटकाे गरुडा नगरपालिकाले आर्थिक वर्ष २०८१/८२ अन्तर्गत सञ्चालन गरेको कृषि, पशु तथा डेरी यान्त्रीकरण कार्यक्रम सफलतापूर्वक सम्पन्न गरेको छ । कार्यक्रममार्फत वडा नं. १ देखि ९ सम्मका किसानहरूलाई ५० प्रतिशत अनुदानमा १४० वटा भैँसी, विद्युत मोटर, पम्पसेट, मिल्क्यान, चिलिङ भ्याट, डिफ्रिज, मिल्क पम्प, मिल सेपरेटर लगायतका सामग्री वितरण गरिएको हो ।

साथै, कुखुराको खोर, पोखरी, कोल्ड स्टोर, एग्रोमार्ट र बजार सेड निर्माण कार्य पनि अगाडि बढाइएको नगरप्रमुख कन्थमनी जयसवालले जानकारी दिए । कार्यक्रमले कृषकहरूको आय वृद्धि, आत्मनिर्भरता र व्यावसायिकता अभिवृद्धिमा टेवा पुग्ने अपेक्षा गरिएको छ ।

सागर संगम ठाकुर, रौतहट,०८ गते साउन । 
रौतहटकाे देवाही गोनाही नगरपालिकामा बालविवाह अन्त्य गर्नका लागि २१ सदस्यीय युवा संजाल समिति गठन गरिएको छ।
राष्ट्रिय तथा अन्तर्राष्ट्रिय स्तरमा महिला र पुरुषहरूको नेतृत्वमा रहेका संस्था संग अावद्व किशोर किशोरी तथा युवाहरुकाे संजाललाई हानिकारक लैङ्गिक समाजिक मान्यताहरुकाे चुनौती दिन युवा संजाल गठन तथा परिचालन गर्ने उदेश्यका साथ आशमान नेपालको आयोजना र संयुक्त राष्ट्र जनसंख्या कोष (UNFPA) को आर्थिक सहयोगमा गठन गरिएको सो समिति बिहीबार नगरपालिकाको सभा हलमा आयोजित कार्यक्रममा घोषणा गरिएको हो।

कार्यक्रममा पालिकाका निमित्त प्रमुख प्रशासकीय अधिकृत बिरेन्द्र प्रसाद चन्द्रवंशीको अध्यक्षतामा युवाहरूको सक्रिय सहभागितासहित प्रत्येक वडामा युवा संजाल गठन गर्ने निर्णय पनि गरिएको छ। कार्यक्रमका प्रमुख प्रशिक्षकका रूपमा आशमान नेपाल रौतहटका प्रोग्राम म्यानेजर उर्वशी साहले बालविवाहको प्रभाव, रोकथामका उपाय र युवाहरूको भूमिका विषयमा प्रशिक्षण दिइन्। महिला तथा बालबालिका शाखाका प्रमुख रामनारायण पण्डितले कार्यक्रमको सहजीकरण गरेका थिए। कार्यक्रममा नगरपालिकाका सबै वडाबाट महिला र पुरुष युवाहरूको सहभागिता रहेको थियो। आयोजक संस्थाका अनुसार, संजालले समुदायस्तरमै सचेतना अभिवृद्धि गर्ने, बालविवाहको जोखिम रहेका केसहरू पहिचान गर्ने र पालिकासँग समन्वयमा समस्या समाधान गर्ने कार्यमा सहयोग पुर्याउनेछ। साे प्रशिक्षणबाट गौतम पासवानकाे अध्यक्षतामा २१ सदस्य प्रगतिशील युवा संजाल समिति गठन गरिएको प्रशिक्षक साहले जानकारी दिईन । समितिका उपाध्यक्ष शनि कुमारी यादव काेषाअध्यक्ष मनिषा राम सचिव महम्द नजिम र सदस्यहरुमा सिमा यादव,धिरज पासवान,शान्ताेष साह,प्रिति पटेल, सुरज पटेल,उषा कुमारी लगाएत अन्य महिला तथा पुरुष सदस्यहरु रहेकाे छ।

बज्जिकाञ्चल संवाददाता,राैतहट,०८ गते साउन । 

रौतहटकाे गरुडा नगरपालिकामा आज “बाल श्रम मुक्त स्थानीय तह घोषणा तथा कार्यान्वयन कार्यविधि २०८२” को प्रमाणिकरण कार्यक्रम सफलतापूर्वक सम्पन्न भएको छ । नगर प्रमुख कन्थमनी जयसवालले कार्यक्रमको अध्यक्षता गर्दै बाल अधिकारको संरक्षण तथा प्रवर्द्धनमा नगरपालिकाको प्रतिबद्धता दोहोर्‍याउनुभयो ।

कार्यक्रमको मूल उद्देश्य बालबालिकालाई कुनै पनि खालको श्रमबाट मुक्त राखी उनीहरूलाई शिक्षा, स्वास्थ्य, सुरक्षा र सम्मान सहितको जीवन सुनिश्चित गर्नु रहेको बताइएको छ ।

नगर प्रमुख जयसवालले भन्नुभयो, “यस कार्यविधिले बाल अधिकार संरक्षणमा सहजीकरण गर्नेछ र बालमैत्री समाज निर्माणमा टेवा पुर्‍याउनेछ। यस्ता पहलहरूले हाम्रो नगरलाई न्यायपूर्ण, समावेशी र समृद्ध भविष्यतर्फ अघि बढाउने आधार तयार पार्नेछन् ।”

कार्यक्रममा स्थानीय जनप्रतिनिधिहरू, सामाजिक संघसंस्था, बाल क्लबका प्रतिनिधिहरू, विद्यालयका शिक्षक, अभिभावकहरूको उपस्थिति रहेको थियो।

गरुडा नगरपालिका विगतदेखि नै बाल अधिकारका पक्षमा सक्रिय रहँदै आएको छ र भविष्यमा पनि बालमैत्री नीतिहरू कार्यान्वयन गर्दै लैजाने प्रतिबद्धता जनाएको छ ।

 

बज्जिकाञ्चल संवाददाता,राैतहट,०८ गते साउन । 

खानेपानी अभावका कारण जीवन संकटमा परेको रौतहट जिल्लाका विभिन्न बस्तीमा समाधानको पहल सांसद किरण साहले सुरु गरेका छन् । जनप्रतिनिधिको हैसियतले पानीलाई पहिलो प्राथमिकता बनाउँदै सांसद साहले खानेपानी मन्त्री प्रदीप यादवसँग विशेष भेटवार्ता गरी ६ करोड रुपैयाँ बराबरको खानेपानी योजना अघि बढाएका छन् ।

मन्त्री यादवले सो योजना प्रभावित वडाहरूमा समानुपातिक रूपमा वितरण गर्ने सहमति जनाउनुका साथै २–४ दिनभित्र स्थलगत अवलोकन गर्ने र तत्काल कार्यान्वयन सुरु गर्ने प्रतिबद्धता जनाएका छन् ।

प्रमुख प्रभावित क्षेत्रहरूमा मौलापुर–६, ७,देवाही गोनाही–१, २, ३, ४,बौधिमाईका सबै वडाहरू; परोहाका अधिकांश बस्तीहरू; राजपुर र इशनाथ नगरपालिकाका पानी अभावग्रस्त वडाहरू पर्छन् ।

सांसद साहले समरसिबल बोरिङमार्फत शीघ्र र दीगो समाधानका लागि प्राविधिक अध्ययनको तयारी गरिरहेको र स्थान छनोट तथा प्राथमिकता सूची संकलनमा स्थानीयको सक्रिय सहभागिता आह्वान गरेका छन् ।

“पानी अब सपना होइन, हक हो” भन्ने नाराका साथ यो अभियानलाई सबै तहका सरकार र जनप्रतिनिधिसँग समन्वय गर्दै जन–जनको घरदैलोमा पुर्‍याइने जनाइएको छ ।

श्रीकान्त यादव,रौतहट, ८ गते साउन ।
गौर पिपरा सडक खण्डको बडहर्वा चौक नजिकै आज एक सवारी दुर्घटना हुँदा एक जना मोटरसाइकल चालक घाइते भएका छन् ।

बिहान करिब १० बजे बिएई ५२९३ नम्बरको स्कार्पियोले बिआर ३० क्यू ५१८३ नम्बरको मोटरसाइकललाई ठक्कर दिँदा दुर्गा भगवती गाउँपालिका–३ निवासी रणधीर झा घाइते भएका हुन् ।

घाइते झालाई तत्काल उद्धार गरी गौर अस्पतालमा उपचारका लागि लगिएको प्रहरीले जनाएको छ । उनको अवस्था मध्यम रहेको र आवश्यक उपचार भइरहेको अस्पताल स्रोतले जनाएको छ।

दुर्घटनामा संलग्न स्कार्पियो गाडी र चालकलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जानकारी दिएको छ ।

 

काठमाडौं,०८ गते साउन ।
रौतहट जिल्लाको गुजरा नगरपालिका–४, कनकपुरका २१ वर्षीय युवा सामाजिक अभियन्ता अब्दुल सलाम राष्ट्रिय युवा संसद २०८२ मा रौतहट क्षेत्र नं. ३ बाट विजयी भएका छन् । समाज रूपान्तरणका लागि समर्पित उनको निरन्तर संघर्षले राष्ट्रिय स्तरमा नयाँ सफलता हासिल गरेको छ ।

राजधानी काठमाडौंस्थित राष्ट्रिय सभागृहमा बिहीबार आयोजित एक भव्य समारोहमा उनले राष्ट्रिय युवा सांसदको रूपमा सपथ ग्रहण गरे । सयौं प्रतिस्पर्धीलाई पछि पार्दै राष्ट्रिय प्रतिनिधित्व गर्न सफल भएका सलामले बालअधिकार, शिक्षा, स्वास्थ्य, लैंगिक समानता, महिला सशक्तीकरण, युवा नेतृत्व सशक्तीकरण तथा रोजगारका क्षेत्रमा सक्रिय रहँदै आएका छन् ।

विसं २०७५ देखि सामाजिक अभियानमार्फत युवाहरूलाई शिक्षित, सशक्त र जागरूक बनाउने कार्यमा समर्पित सलामले नेतृत्व गरेका विविध कार्यक्रम र अभियानले दर्जनौं युवामा सकारात्मक सोच र परिवर्तनको भावना जगाएको छ ।

उनको काम केवल स्थानीय सीमामा सीमित नभई राष्ट्रिय तथा अन्तर्राष्ट्रिय युवा सम्मेलन, मंच र प्रशिक्षणहरूमा सहभागी हुँदै उनले आफूलाई एक प्रेरक युवा नेतृत्वको रूपमा स्थापित गरिसकेका छन् ।

सपथपछि सञ्चारकर्मीसँग कुरा गर्दै सलामले भने,
“यो जित मेरो मात्र होइन, रौतहटका सम्पूर्ण युवाको जित हो । युवा संसद कार्यक्रममार्फत म भावी नेतृत्व विकास र नीति निर्माण प्रक्रियामा युवाहरूको सक्रिय सहभागिता सुनिश्चित गर्नेछु। साथै युवाको आवाज राज्यसम्म पुर्‍याउने छु।”

उनले समावेशी नीति निर्माण, गुणस्तरीय शिक्षा, तथा रोजगारीको अवसर सृजनामा विशेष पहल गर्ने प्रतिबद्धता पनि व्यक्त गरे ।

सलामको यस उपलब्धिलाई लिएर रौतहटको गुजरा नगरपालिका, विभिन्न युवा संघसंस्था, सामाजिक अभियन्ता तथा स्थानीयवासीहरूले सामाजिक सञ्जालमार्फत शुभकामना व्यक्त गरेका छन्।

अब्दुल सलामको यो सफलता न केवल उनको व्यक्तिगत क्षमताको प्रमाण हो, यो सम्पूर्ण युवा पुस्ताको प्रतिबद्धता, ऊर्जा र परिवर्तनको सम्भावनाको विजय हो ।

उनको यो यात्रा आजको युवापुस्ताका लागि प्रेरणाको स्रोत बनेको छ ।

बज्जिकाञ्चल संवाददाता,राैतहट,०८ गते साउन ।
राैतहटकाे मौलापुर नगरपालिकाका कार्यपालिका सदस्य तथा प्रवक्ता चन्देश्वर बैठाको आज करेन्ट लागेर निधन भएको छ । बैठाको निधनले स्थानीय तहका जनप्रतिनिधि, शुभचिन्तक र नगरवासीहरू शोकमा डुबेका छन् ।
आम जनता पार्टी (आजपा) का अध्यक्ष तथा रौतहट क्षेत्र नं. ३ का सांसद प्रभु साहले सामाजिक सञ्जालमार्फत शोक व्यक्त गर्दै विद्युत प्राधिकरणको लापरवाहीका कारण यो दुर्घटना भएको बताएका छन् । उनले दोषीमाथि कानुनी कारबाही हुनु पर्ने र पीडित परिवारलाई उचित क्षतिपूर्ति दिनुपर्ने माग समेत गरेका छन् ।
“मौलापुर नगरपालिकाको प्रवक्ता एवं मेरो प्रिय मित्र चन्देश्वर बैठाको आज करेण्ट लागेर भएको दुःखद निधनको खबरले मर्माहत भएको छु,” सांसद साहले लेखेका छन्।
“विद्युत प्राधिकरणको लापरवाहीले भएको यस दुःखद घटनाको दोषीलाई कानुन बमोजिम कारबाही सहित पीड़ित परिवारलाई उचित क्षतिपूर्तिको माग गर्दछु । साथै मृतकप्रति भावपुर्ण श्रद्धांजलि एवं शोकाकुल परिवारजनमा गहिरो संवेदना व्यक्त गर्दछु।”
यस्तै, मृतकप्रति श्रद्धाञ्जली अर्पण गर्दै नगरपालिकामा शोकको वातावरण छ ।
चन्देश्वर बैठा मौलापुर नगरपालिकामा जनप्रतिनिधिको भूमिकामा सक्रिय थिए र जनसमस्या समाधानमा अग्रसर व्यक्तित्वका रूपमा चिनिन्थे ।

बज्जिकाञ्चल संवाददाता,राैतहट,०८ गते साउन ।  

नेपाल पत्रकार महासंघ एसोसिएट प्रदेश समितिले रौतहट न्यूजका पत्रकार राजकुमार यादवमाथि साउन ५ गते भएको सशस्त्र आक्रमणप्रति गम्भीर ध्यानाकर्षण जनाउँदै कडा निन्दा गरेको छ । पूर्वमन्त्री प्रभु साहका छोरा विवेक साह संलग्न रहेको आरोप लगाइएको विज्ञप्तिमा घटनाले स्वतन्त्र पत्रकारितामाथि प्रहार भएको भन्दै दोषीलाई कडा कारबाहीको माग गरिएको छ ।

यस्तै पत्रकार यादवमाथिको कुटपिट घटनाप्रति श्रमजीवी पत्रकार संघ, रौतहटले गम्भीर आपत्ति जनाउँदै घटनालाई पत्रकारिता माथिको आक्रमण भनेको छ । संघले विवेक साहसहित चारजनामाथि आक्रमणको आरोप लगाउँदै पत्रकारको स्वास्थ्य उपचार र दोषीउपर कडा कारबाहीको माग गरेको छ ।

यसैगरी पत्रकार महासंघको विज्ञप्तिमा लगाइएको आरोपलाई अस्वीकार गर्दै विवेक साहले उक्त दाबीलाई “पूर्वनियोजित चरित्र हत्या” को संज्ञा दिएका छन् । उनले घटनास्थल सुरक्षाकर्मीको निगरानीमा रहेको भन्दै पत्रकार यादवले निषेधित क्षेत्रमा प्रवेश गरी झुटो प्रचार गरेको आरोप लगाए । साथै, सत्यतथ्य छानबिनको माग गर्दै प्रेस काउन्सिल नेपाललाई संलग्न गरिनुपर्ने बताएका छन् ।

यस विषयमा भने नेपाल पत्रकार महासंघ राैतहट शाखाकाे भने अहिलेसम्म आधिकारिक धारणा आउन सकेको छैन् ।

काठमाडौं, ८ साउन ।
आम जनता पार्टी (आजपा)का अध्यक्ष एवं पूर्वमन्त्री प्रभु साहले प्रधानमन्त्री केपी शर्मा ओलीले पटक पटक श्रीरामको जन्म नेपालमै भएको भन्दै झुठको खेती गरी जनतामा भ्रम फैलाइरहेको बताएका छन् ।

प्रतिनिधिसभाको आज (बिहीबार) बसेको बैठकमा बोल्दै आजपा अध्यक्ष साहले नेपालका आदीवासी जनजातीको इतिहास मेटाउने गरी झुठ र भ्रमको खेती गरिरहेको बताए ।

‘प्रधानमन्त्री केपी शर्मा ओलीले श्रीरामजी नेपालमै जन्मेको कुरा पटक पटक भन्दैहुनुहुन्छ । उहाँ (ओली)ले भन्नुहुन्छ राम चितवनमा जन्मेका हुन । चतरा विश्वामित्रको आश्रमस्थल हो । म सोध्न चाहन्छु, नेपालको भूभागको असली वारिस आदीबासी जनजाती हो की क्षेत्री बाहुन हो ?,’ आजपा अध्यक्ष साहले प्रश्न गर्दै भने, ‘रामायण भनेको क्षेत्रीबाहुनको पौराणिक कथा हो । यदी क्षेत्रीबाहुन यस भूभागका वारिस हो भने यहाँको थारुहरु के हुन भन्ने प्रश्न गर्न चाहन्छु । के चितवनका आदीबासी थारु होईनन ? के चतराका आदीबासी किराँती होइनन ?’

यदी किराँती, थारुहरु नै आदीबासी जनजाती हुन भने प्रधानमन्त्री ओलीले यहाँ बाहुन क्षेत्रीलाई घुसाएर के प्रमाणित गर्न खोजेका हुन भन्ने संसदलाई जानकारी गराउन उनले माग गरे । राजनीतिक स्टण्डका लागि जे पनि गर्ने, प्रधानमन्त्रीले नै झुठको खेती गर्न मिल्छ कि मिल्दै भन्दै उनले प्रश्न गरे । प्रधानमन्त्रीले देशको नेतृत्व गर्ने, देशलाई सही दिशा निर्देशन गर्नुको साटो जनतामा भ्रम फैलाउँने, विभाजन गर्ने र झुठको खेती गर्ने काम बन्द गर्नुपर्ने उनले बताए ।

‘सबैलाई थाहा छ, सत्यको बाटो हिड्यो भने समाजले सही दिशा लिन्छ । झुठले समाजलाई अन्धाकारमा धकेल्छ, द्धन्द्धमा धकेल्छ र बिनाश तिर लान्छ । क्यान्सरको रोगलाई तपाईले टिवि लेख्दिनुहुन्छ भने त्यो विरामीले कहिल्यै पनि उपचार प्राप्त गर्न सक्दैन,’ आजपा अध्यक्ष साहले भने, ‘हाम्रो समाजको वास्तविकता देखाउनुपर्ने हो । नेपाल कहिल्यै पनि गुलाम भएन । त्यो सबैको एउटै कारण हो यहाँको जनजाती आदीबासी । यहाँको मुलबासिन्दा कै कारणले हो जसको कारण हामी कहिल्यै पनि गुलाम भएनौँ ।’

नेपालको एकीकरण भन्दा पहिला पनि स–साना राज्यहरु भए पनि कहिल्यै पनि कसैको गुलाम नभएको बताउदै उनले जनजाती, आदीबासीले त्यसको अस्तित जोगाएको बताए । प्रधानमन्त्रीले ति इतिहासको खोतलेर स्थापित गर्नुको साटो गुमराह बनाइदिने, तोडमतोड गर्ने कार्य गर्नु ठिक नभएको साहले बताए ।

‘आदीबासी जनजातीको राज्य खोसियो, अधिकार खोसियो, पहिचान अस्वीकार गरियो र आज उनीहरुको इतिहासमाथि छेडछाड गर्ने काम भईरहेको छ । इतिहास मेटाउने काम भइरहेको छ । नेपाललाई कता लान खोजिएको छ भन्ने प्रश्न उठछ । प्रधानमन्त्री जस्तो व्यक्तिले किराँतीको इतिहास खोतल्नुपथ्र्यो । किराँतीहरु कस्ता राजा थिए कि कसैको गुलाम भएन् । त्यस्ता कुरा उजागर गर्नुको साटो राजीतिक स्टण्ड गर्ने, भ्रमको खेती गर्ने, गुमराह बनाउँने काम बन्द गर्न म विशेष आग्रह गर्न चाहन्छु,’ आजपा अध्यक्ष साहले भने ।

प्रधानमन्त्री ओली भारत भ्रमणमा जान लागेको कुरा मिडियाबाट थाहा भएको बताउदै उनले भारत जाँदा भारतीय सरकारसंग यस बारेमा सत्य, तथ्य कुरा गर्न र पुरातात्विक विभागको प्रमाणको आधारमा वार्ता गर्न आग्रह गरे । र आफैले बोल्दै आएको कुरा स्थापित गर्न प्रधानमन्त्री ओलीलाई आजपा अध्यक्ष साहले चुनौति समेत दिए ।

‘नेपालको राष्ट्रिय विभुति सीता । दुनियाले स्वीकारेको यो कुरा त प्रधानमन्त्रीले स्वीकार गर्नुहुन्न । म उहाँको क्याबिनेटको एउटा मन्त्रि थिए । सीता जयन्ती क्यालेन्डरमा राख्न भन्दै गर्दा, अडान लिदैगर्दा उहाँ मान्नु भएन । घण्टौ अडान लिदा समेत क्यालेन्डरमा सीता जयन्ती राख्न नमान्ने प्रधानमन्त्रीले राम नेपालमै जन्मेको विवादस्पद अभिव्यक्ति दिएर के सन्देश दिन खोज्नुभएको हो ? नेपाललाई गुमराह बनाउने अधिकार कसैलाई छैन् । प्रधानमन्त्री जस्तो गरिमामा बसेर आमलाई इमिलि भन्ने र झुठको खेती गर्ने काम बन्द गर्नुपर्छ,’ आजपा अध्यक्ष साहले भने ।

नेपाललाई अन्धाकारमा धकेल्ने अधिकार कोहीकसैसंग नभएको भन्दै उनले सत्य, तथ्यको आधारमा अभिव्यक्ति दिनुपर्ने बताए । यदी उहाँले सत्य, तथ्य नै बोलेको हो भने त्यसबारेमा संसदमा बहस गराउनुपर्ने उनले बताए । तर झुठको खेती गर्ने, भ्रम फैलाउने काम नगर्न प्रधानमन्त्री ओलीलाई उनले ध्यानाकर्षण गराए । यसबारेमा सभामुखले समेत रुलिङ गर्नुपर्ने माग गरे ।

 

राजेश निर्माणी,वृन्दावन, साउन ८ गते — पानी नपरेका कारण किसानहरू चिन्तित भइरहेका बेला वृन्दावन नगरपालिकाका नगर प्रमुख विनोद प्रसाद कुर्मीले किसानहरूको समस्यालाई मध्यनजर गर्दै तत्काल समाधानको पहल गरेका छन् । नगर प्रमुख कुर्मीले वडा नम्बर ६, कमलपटीमा नयाँ कुलो निर्माण गराएर नहरमार्फत सिंचाइको व्यवस्था मिलाएका छन् ।

धेरै किसानले समयमा धान रोप्न नपाएको र लगातारको खडेरीका कारण उत्पादनमा भारी असर पर्ने चिन्ताले सताइरहेका बेला नगर प्रमुखको यो कदमले किसानहरूमा केही आशा जगाएको छ। उनले किसानहरूका समस्यालाई प्राथमिकतामा राख्दै अन्य वडाहरूमा पनि पानीको व्यवस्था मिलाउने कार्य अघि बढाएका छन्।

नगर प्रमुख कुर्मीले मधेस प्रदेशभरि नै पानीको अभाव भएको भन्दै प्रदेश सरकारले मधेसलाई सुक्खाग्रस्त क्षेत्र घोषणा गरेपछि, आफूले पनि पालिकाभित्रका सबै वडाहरूमा पानीको अवस्थाको अनुगमन थालेको बताएका छन्। उनले हरेक वडामा पुगेर समस्या बुझ्ने र समाधान गर्ने कार्यलाई निरन्तरता दिने प्रतिबद्धता जनाएका छन्।

कृषि मुख्य पेशा रहेको वृन्दावन नगरपालिकाका किसानहरूका लागि यो पहलले ठूलो राहत दिएको छ। अब नगरपालिकाको अन्य वडाहरूमा पनि यस्तो किसिमको कार्य अघि बढाइने नगर प्रमुखको भनाइ छ।

स्थानीय किसानहरूले नगर प्रमुखको यो कदमको प्रशंसा गर्दै अन्य स्थानमा पनि यस्ता तत्कालीन समाधान ल्याउन आग्रह गरेका छन्।

 

• अभिमनु कुमार पटेल, रौतहट, ७ गते साउन ।  सीमावर्ती क्षेत्रको सुरक्षामा चौबीसै घण्टा तत्पर सशस्त्र प्रहरी बल, नेपाल नं. ११ गण हे.क्वा. रौतहटले सुरक्षा मात्र होइन, मानवसेवा र सामाजिक उत्तरदायित्वमा समेत आफुलाई समर्पित गर्दै आएको छ।

  भर्खरैको घटनामा, रौतहट माधवनारायण नपा वडा नं ४ विषनपुरवाकी २८ वर्षीया लक्ष्मीनिया देवीलाई डेलिभरीको समयमा A+ve ब्लडको आपतकालीन आवश्यकता परेको थियो। यस्तो संकटपूर्ण अवस्थामा सशस्त्र प्रहरी बलमा कार्यरत हबल्दार उपेन्द्र मुखियाले प्रादेशिक अस्पताल गौर पुगेर तुरुन्तै रक्तदान गरे।

• 

सामाजिक उत्तरदायित्वमा सक्रिय उक्त गणका प्रहरी उपरीक्षक संतोष बस्नेतका अनुसार, चालु आर्थिक वर्षमा मात्रै गण तथा मातहतका कार्यालयहरूबाट ६३ जना सशस्त्र प्रहरी जवानहरूले बिरामीका लागि स्वेच्छिक रक्तदान गरेका छन्। “हाम्रो टोली मात्र सुरक्षा कार्यमा सीमित छैन, जब समाजलाई रक्तको आवश्यकता पर्छ, हामी त्यहाँ पनि उपस्थित हुन्छौं,” एसपी बस्नेतले बताए।

सामाजिक कार्य र रक्तदानमा अग्रसर यस गणले हरेक वर्ष स्थापना दिवसको अवसरमा पनि सामूहिक रक्तदान गर्दै आएको छ। यस वर्ष वैशाख महिनामा मात्र २४ जना सशस्त्र प्रहरी जवानले रक्तदान गरेका थिए।
एसपी बस्नेतका अनुसार, “प्रादेशिक अस्पताल गौरमा होस् वा पर्सा जिल्लाको वीरगंजमा, जब कहिले रक्तको खाँचो पर्दछ, सिधै हामीलाई सम्झिने चलन बनेको छ। आवश्यकता अनुसार रौतहटबाट प्रहरी जवान पठाएर रक्तदान गराउने काम हामीले गर्दै आएका छौं।”

एसपी बस्नेतले विगत ५ महिनादेखि प्रमुखको जिम्मेवारी सम्हाल्दै गर्दा, सीमावर्ती क्षेत्रदेखि ग्रामीण बस्तीसम्म शान्तिको अनुभूति दिलाउने खालका रणनीतिहरू अपनाएका छन्। सुरक्षा मात्र होइन, समाजप्रति जिम्मेवार अभिव्यक्तिको रूपमा रक्तदान, जनसहभागिता, सहकार्य र मानवता प्राथमिकतामा परेको उनले स्पष्ट पारे।

“हामीले प्रत्येक समस्यालाई राज्यको तर्फबाट सेवा गर्ने अवसरको रूपमा लिन्छौं। रगत होस्, विपत होस्, अपराध नियन्त्रण होस् वा जनताको विश्वास, सशस्त्र प्रहरी बल एक परिवार हो जसले राष्ट्र र जनताको सेवा नै धर्म ठानेको छ,” उनले बताए।

देशको दक्षिणी सीमावर्ती क्षेत्रअन्तर्गत पर्ने रौतहट, जहाँ अवैध क्रियाकलाप, तस्करी, आपराधिक गतिविधिहरूको जोखिम उच्च छ, त्यहाँ सशस्त्र प्रहरी बल, नेपाल नं. ११ गण हे.क्वा. रौतहट कानून पालन, शान्ति सुरक्षा र सीमा निगरानीमा बलियो गढको रूपमा परिचित छ। तर, यति मात्र होइन, यो गण सामाजिक सेवा, सद्भाव र मानवीय भावनामा समेत जिम्मेवार संस्थाको रूपमा स्थापित हुँदै आएको छ।

• रक्तदान जस्ता संवेदनशील कार्यमा निरन्तरता दिँदै, संकटमा परेका नागरिकको साहारा बनेको यो गण रौतहट जिल्लामा पहिलो संस्थाको रूपमा यथार्थ सेवाको उदाहरण बनिरहेको छ। यसरी, सुरक्षा र सेवा दुबै मोर्चामा क्रियाशील सशस्त्र प्रहरी बल, नेपाल नं. ११ हे.क्वा. रौतहट आज एक प्रेरणादायी संस्थाको रूपमा जिल्लामा स्थापित बन्दै गएको छ।

प्रेमचन्द्र झा,साउन ७ गते
रौतहट । जिल्लामा दुई दिनको अन्तरालमै सिचाइका लागि मोटर चलाउँदा करेन्ट लागेर दुई जनाको ज्यान गएको छ।

बुधबार बिहान ७ बजेतिर रौतहटको माधव नारायण नगरपालिका–४ बिसनपुर्वा मानपुरका करिब ४० वर्षीय रामबाबु मुखियाको करेन्ट लागेर मृत्यु भएको हो। आफ्नै खेतमा सिचाइ गर्न मोटर चलाउने क्रममा विद्युत प्रवाह भएको तारले छोएपछि उनी गम्भीर घाइते भएका थिए। तत्कालै उपचारका लागि प्रादेशिक अस्पताल गौर ल्यादा पनि बिहान ७:५० बजे चिकित्सकले मृत घोषणा गरेका थिए। शव सोही अस्पतालमा राखिएको छ भने घटनाबारे थप अनुसन्धान भइरहेको जिल्ला प्रहरी कार्यालयले जनाएको छ।

हिजो मंगलबार दिउँसो १ बजे रौतहटको कटहरिया नगरपालिका–२ जमुनियाका करिब ५२ वर्षीय मोक्तार देवानको पनि त्यस्तै घटनामा ज्यान गएको थियो। उनी पनि आफ्नै खेत सिचाइ गर्नका लागि मोटर जडान गर्ने क्रममा करेन्ट लागेर गम्भीर घाइते भएका थिए। तत्कालै गरुडा स्थित ग्राण्डी अस्पताल पुर्‍याइए पनि चिकित्सकले मृत घोषणा गरेका थिए। उनको शव पोस्टमार्टमका लागि गौर अस्पताल पठाइएको छ।

जिल्ला प्रहरी कार्यालय रौतहटले दुवै घटनाबारे आवश्यक अनुसन्धान अघि बढाएको जनाएको छ। खेत सिचाइका क्रममा सुरक्षाका मापदण्ड नअपनाउँदा करेन्ट लाग्ने घटनाहरू बढिरहेका छन्। स्थानीय प्रशासनले यसप्रकारका दुर्घटना न्यूनीकरण गर्न सतर्कता अपनाउन सर्वसाधारणलाई आग्रह गरेका छन।

बज्जिकाञ्चल संवाददाता,रौतहट, ०६ गते साउन ।
नेपाली काँग्रेस रौतहटले गौर नगरपालिकामा स्थायी पार्टी कार्यालय निर्माणका लागि ५ कठ्ठा ९ धुर जग्गा खरिद गरी ऐतिहासिक पहलको थालनी गरेको छ । जिल्ला सभापति एवम् मधेश प्रदेश सरकारका अर्थमन्त्री सुनिल कुमार यादवको दृढ संकल्प र नेतृत्व क्षमताले यो कार्य सफल भएको हो ।

सभापति यादवले उक्त अवसरमा प्रतिक्रिया दिँदै भने, “नेपाली काँग्रेस जस्तो विचार र सिद्धान्तमा आधारित पार्टीलाई संस्थागत गराउने बाटो भौतिक संरचनाबाट सुरु हुन्छ । गौरमा हाम्रो आफ्नै कार्यालय हुनु केवल भौतिक उन्नति मात्र होइन, यो संगठनको आत्मसम्मानको प्रतीक पनि हो।”

उनले थपे, “रौतहटमा काँग्रेस पार्टीले देश र मधेश आन्दोलनमा अग्रणी भूमिका खेलेको गौरवपूर्ण इतिहास छ। सोही गौरवलाई आत्मसात गर्दै सबै कार्यकर्ताको अपनत्व हुने किसिमले कार्यालय भवन निर्माण गरिनेछ।”

नेपाली काँग्रेसले वर्षौंदेखि भाडाको संरचनाबाट पार्टी सञ्चालन गर्दै आएपनि अब भने स्थायी संरचना निर्माणको बाटो खुलेको छ। यो अभियान मधेश प्रदेश समितिका सभापति कृष्णप्रसाद यादवको मार्गदर्शन तथा पार्टीका जिल्ला सचिव मिथिलेश कुमार मिश्र लगायतका नेपाली काँग्रेसका नेताहरूकाे सक्रियतामा अघि बढाइएको हो ।

जग्गा खरिदका लागि आवश्यक सबै प्राविधिक, कानुनी र प्रशासनिक प्रक्रिया पूरा गरिएको सचिव मिश्रले जानकारी दिए । उनका अनुसार, खरिद गरिएको जग्गाको मूल्य प्रति कठ्ठा रु २५ लाख रहेको छ, र यसमा जिल्लाका विभिन्न नेताहरू, कार्यकर्ता, शुभेच्छुक र चन्दा सहयोगदाताको उल्लेखनीय भूमिका रहेको छ ।

विश्लेषकहरूका अनुसार, यो निर्णयले पार्टीभित्र संरचनात्मक सुदृढीकरणमा नयाँ आयाम थप्नेछ। यसले कार्यकर्तामा ऊर्जा थप्ने, संगठनमा स्थायीत्व ल्याउने र जिल्लाको राजनीतिक भूमिकामा काँग्रेसको उपस्थिति थप प्रष्ट बनाउने अपेक्षा गरिएको छ ।

सचिव मिश्रले भने, “पार्टी कार्यालयको निर्माणले काँग्रेसप्रति प्रेम, समर्पण र निष्ठा भएका सबैमा उत्साह थपेको छ।”

सभापति यादवको नेतृत्वमा अघि बढाइएको यो कदम केवल तत्कालीन आवश्यक्ता पूरा गर्ने कार्य होइन, भविष्यप्रति गरिएको दीर्घकालीन लगानी हो, जसले रौतहटको काँग्रेस इतिहासमा नयाँ युगको थालनी गर्ने विश्वास गरिएकाे छ ।

आरके श्रीवास्तव,राैतहट,०६ गते साउन । 

नेपाली कांग्रेसका संस्थापक नेता तथा नेपालका प्रथम निर्वाचित प्रधानमन्त्री वीपी कोइरालाको ४३ औं स्मृति दिवसको अवसरमा सोमबार रौतहटको चन्द्रपुर नगरपालिका–८, सन्तपुर बेतौनास्थित कोटिहोम परिसरमा वृक्षारोपण तथा विचार गोष्ठी कार्यक्रम सम्पन्न भएको छ ।

नेपाली कांग्रेस रौतहट जिल्ला कार्यसमितिको आयोजनामा सम्पन्न सो कार्यक्रममा दर्जनौं प्रजातिका बिरुवाहरू रोपिएका थिए । कार्यक्रममा प्रमुख अतिथि रहेका मधेश प्रदेशका अर्थमन्त्री तथा कांग्रेस रौतहटका जिल्ला सभापति सुनिलकुमार यादवले वीपी कोइरालाको योगदान आज पनि प्रेरणादायी रहेको उल्लेख गरेका छन् ।

उनले भने, “महामानव वीपी कोइरालाले नेपालको मात्र होइन, भारतको स्वतन्त्रता आन्दोलनमा समेत ऐतिहासिक भूमिका निर्वाह गर्नुभएको थियो। उहाँले देखाएको राष्ट्रियता, लोकतन्त्र र समाजवादको मार्ग आजको सन्दर्भमा झन् सान्दर्भिक बनिरहेको छ।”

मन्त्री यादवले वर्तमान राजनीतिक परिवेशमा वीपीका मूल्य र सिद्धान्तलाई आत्मसात गर्दै अघि बढ्नुपर्नेमा जोड दिँदै वीपी कोइरालालाई शोषित, पीडित र वञ्चित वर्गको मुक्तिको संवाहकको रूपमा स्मरण गरेका छन् ।

कार्यक्रममा अन्य वक्ताहरूले पार्टी सुदृढीकरणका लागि संगठनात्मक अनुशासन र विचारप्रति प्रतिबद्धता आवश्यक रहेको बताए ।

वि.सं. १९७१ भदौ २४ गते जन्मिएका वीपी कोइराला २०१६ जेठ १४ गते नेपालका प्रथम प्रजातान्त्रिक प्रधानमन्त्री बनेका थिए । २०३९ सालको साउन ६ गते उहाँको निधन भएको थियो । नेपाली कांग्रेसले प्रत्येक वर्ष यस दिनलाई “वीपी स्मृति दिवस” का रूपमा देशभर विभिन्न कार्यक्रम गरी मनाउँदै आएको छ । राैतहटमा मनाईएकाे साे कार्यक्रममा नेपाली काँग्रेस राैतहटका नेतागणहरूकाे सहभागीता रहेको थियो ।

आरके श्रीवास्तव,राैतहट,०६ गते साउन । 

रौतहटको गरुडा नगरपालिका–४ स्थित नापी कार्यालय नजिकै चेकजाँचको क्रममा प्रहरीले ठूलो परिमाणमा लागुऔषध जस्तो देखिने गाँजा बरामद गरेको छ । मङ्गलवार बिहान करीब ८:३० बजे चपुर–गौर सडकखण्डमा चेकजाँचको क्रममा एक कार भागेपछि प्रहरीले उक्त सवारी साधन झाझपुल नजिकै सडकको पश्चिम साइडमा खाल्टोमा करीब १० फिट तल फसेको अवस्थामा फेला पारेको थियो ।

चेकजाँच गर्दा ग ३ च ६८९६ नम्बरको रातो रङको कारको डिक्कीमा प्लास्टिकका १३ वटा पोका फेला परेका छन् ।  जसमा अन्दाजी १३३ केजी लागुऔषध गाँजा जस्तो देखिने पदार्थ लुकाइएको थियो । गाडी चालक भने घटनास्थलबाट फरार भएको र हालसम्म फेला नपरेको प्रहरीले जनाएको छ ।

बरामद गरिएको गाडी र लागुऔषध इलाका प्रहरी कार्यालय गरुडाको नियन्त्रणमा राखिएको छ । फरार चालकको पहिचान र खोजी कार्य तीव्र रूपमा भइरहेको ईप्रका गरूडाका डिएसपी राजन कार्कीले जानकारी दिनुभयो ।

प्रहरीले लागुऔषध कारोबार नियन्त्रण गर्ने उद्देश्यले सडकमा निगरानी र चेकजाँच कार्यलाई अझ सशक्त बनाइरहेको जनाएको छ।

 

आरके श्रीवास्तव, रौतहट, साउन ५ गते । 

रौतहटको फतुवा विजयपुर नगरपालिका–२ स्थित श्री माध्यमिक विद्यालय सितलपुरले पछिल्ला दिनहरूमा उल्लेखनीय सुधार हासिल गरेको छ। यस सफलतामा वडा अध्यक्ष अनिरुद्ध प्रसाद यादव (संजय) को नेतृत्वदायी भूमिका निर्णायक रहेको छ ।

शिक्षालाई प्राथमिकता दिने प्रतिबद्धतासहित अध्यक्ष यादवको सक्रिय पहलमा विद्यालयमा थुप्रै सुधारात्मक कार्यहरू सम्पन्न भएका छन्। स्थानीय स्रोतको अधिकतम उपयोग, वडा कार्यालय तथा नगरपालिकासँगको सहकार्यबाट विद्यालयमा शैक्षिक र भौतिक सुधार सम्भव भएको हो।

विद्यालयको आफ्नै आम्दानीबाट झण्डै ३ लाख रुपैयाँ खर्चेर विद्यालयकाे कम्पाउण्ड वाल निर्माण निर्माण भएको हाे । भने नगरपालिकाकाे सहयाेगमा मूल गेटमा रंगरोगन गरिएको छ ।  जसले विद्यालयलाई आकर्षक र सुरक्षित बनाएको छ ।

बालबालिकाको प्रारम्भिक शिक्षालाई प्रभावकारी बनाउन नगरपालिकाको सहयोगमा बाल विकास कक्षाकोठाको व्यवस्थापन पनि गरिएको छ । अन्य आवश्यक भौतिक सुधार कार्यहरू वडा कार्यालयको सक्रियतामा सम्पन्न भएका हुन् । स्तरीय साैचालय पनि निर्माण गरिएकाे छ ।

वडा अध्यक्ष यादवले भने, “समुदाय र जनप्रतिनिधिबीचको सहकार्यबाट मात्रै शिक्षा क्षेत्रमा दिगो सुधार सम्भव छ । विद्यालय सुधार हाम्रो साझा दायित्व हो र म यसको लागि सधैं अग्रसर रहन्छु।” उनले आगामी दिनमा विद्यालयमा थप पूर्वाधार विकासका योजनाहरू अघि बढाउने प्रतिबद्धता व्यक्त गरे ।

विद्यालयका प्रधानाध्यापक मुकेश यादवले पनि सकारात्मक परिवर्तन ल्याउन समर्पित भएर काम गरिरहेका छन्। उनको नेतृत्वमा शिक्षण सिकाइको गुणस्तर सुधारसँगै विद्यालयको समग्र वातावरणमा सुधार आएको छ ।

स्थानीय बासिन्दाहरूले विद्यालयमा भइरहेको सुधार कार्यप्रति सन्तोष व्यक्त गर्दै वडा अध्यक्ष यादवको नेतृत्वको खुलेर प्रशंसा गरेका छन् । उनीहरूका अनुसार यस्तो समन्वय र नेतृत्वले मात्रै शिक्षाको स्तरमा वास्तविक परिवर्तन सम्भव छ ।

आरके श्रीवास्तव,राैतहट,०५ गते साउन । 

रौतहटकाे कटहरिया नगरपालिका वडा नम्बर ५ मा सडक पक्कीकरण कार्य तीव्र गतिमा अगाडि बढाइएको छ । वडाध्यक्ष सर्फलाल गुप्ताको पहलमा गल्ली गल्लीका कच्ची सडकहरू अहिले ढलान भई व्यवस्थित बन्दै गएका छन् ।

वडाका विभिन्न टोलहरूमा ढलानको काम धमाधम भइरहेको छ । स्थानीयवासीहरू भन्छन्, “पहिला वर्षाैँसम्म हिलो र धुलोमा हिँड्नुपर्थ्याे, अहिले भने ढलान भएका सडकमा सजिलै हिँडडुल गर्न पाएका छाैं।”

वडाध्यक्ष गुप्ताले आफ्नो नेतृत्वमा ‘विकास र सुविधा जनताकाे घर आँगनमै’ भन्ने नारालाई सार्थक बनाउँदै आएको जनगुनासो छ । पहिलो कार्यकालमै वडाको आधारभूत पूर्वाधारमा व्यापक सुधार ल्याएपछि जनताले उनलाई दोस्रो कार्यकालका लागि पनि मौका दिएका थिए ।

“जनताले दिएको विश्वास र जिम्मेवारीप्रति म गम्भीर छु। वडामा हरेक टोलसम्म सडक, नाला, विजुली, खानेपानीजस्ता सेवाहरू पुर्‍याउन लागिपरेका छौं,” वडाध्यक्ष गुप्ताले बताए ।

हाल ढलान भएका सडकहरूलाई दिगो बनाउने र नियमित मर्मतकाे योजना पनि वडा कार्यालयले अघि सारेकाे छ । स्थानीय तह, प्रदेश सरकारकाे बजेट सदुपयोग गर्दै वडाध्यक्ष गुप्ताले कटहरिया–५ लाई विकासको नमुना वडा बनाउने दाबी गरेका छन् ।

आरके श्रीवास्तव,राैतहट,०२ गते साउन । 

रौतहटकाे माैलापुर नगरपालिका वडा नम्बर ६ पथराबुधराममा रहेको श्री मावि पथराबुधराममा आर्थिक वर्ष २०८१/८२ का लागि कक्षा १ देखि ५ सम्म अध्ययनरत विद्यार्थीहरूलाई छात्रवृत्ति वितरण कार्यक्रम आजदेखि सुरु भएको छ । बिद्यालय व्यवस्थापन समितिका जेष्ठ सदस्य सर्युग राय यादवको अध्यक्षता तथा वडा अध्यक्ष ईश्वर दयाल प्रसाद यादव, सदस्यहरू मनोज ठाकुर, बालदेव प्रसाद यादव र समाजसेवी शैलेन्द्र रामको विशेष आतिथ्यतामा उदघाटन कार्यक्रम सम्पन्न भएको बिधालयका शिक्षक लखिन्द्र यादवले जानकारी गराएका हुन् ।

बिद्यालय व्यवस्थापन समिति (बि.ब्य.स.) का अध्यक्ष विवेक यादवका अनुसार सबै छात्रा र दलित समुदायका छात्रहरूलाई प्राथमिकतामा राखी छात्रवृत्ति वितरण थालिएको हो । प्रत्येक विद्यार्थीलाई ४ सय रुपैयाँको दरले छात्रवृत्ति दिइएको लेखापाल भगत साहले बताएका छन् ।

विद्यालयका प्रधानाध्यापक राजेश सिंहले प्रत्येक आर्थिक वर्षमा नियमितरूपमा छात्रवृत्ति वितरण हुँदै आएको जानकारी दिएका छन् ।

छात्रवृत्तिबाट विद्यार्थीहरूलाई पठनपाठनमा थप प्रोत्साहन मिल्ने र आर्थिक रूपमा कमजोर वर्गका बालबालिकालाई शिक्षामा पहुँच सहज हुने अपेक्षा गरिएको छ ।

आरके श्रीवास्तव,राैतहट,०१ गते साउन । 

राैतहटकाे गरुडा नगरपालिका वडा नं. ९ श्रीपुर टोलमा उल्लेखनीय राजनीतिक घटनाक्रम देखिएको छ । नेकपा एमाले परित्याग गर्दै पूर्व गाविस उप–प्रधान सर्फलाल पासवानसहित दर्जनौं नेताहरू नेपाली कांग्रेसमा औपचारिक रूपमा प्रवेश गरेका छन् ।

यस अवसरमा नेपाली कांग्रेसका मधेश प्रदेश सभापति तथा पूर्व भौतिक पूर्वाधार मन्त्री कृष्ण प्रसाद यादव र गरुडा नगरपालिकाका नगर प्रमुख प्रत्यासी सुनिल यादवले नवप्रवेशीहरूलाई माल्यार्पण गरी स्वागत गरेका थिए । कार्यक्रमले कांग्रेस पार्टीप्रति बढ्दो विश्वास र जनसमर्थनलाई झल्काउने काम गरेको छ ।

नगर प्रमुख प्रत्यासी श्री सुनिल यादवले आफ्नो सम्बोधनमा जनताको भरोसा जित्न सकिने शुद्ध, पारदर्शी र जनमुखी स्थानीय शासन व्यवस्था निर्माण गर्ने प्रतिबद्धता दोहोर्‍याएका थिए । “श्रीपुर टोलमा आज देखिएको यो परिवर्तन कांग्रेसको नीति, विचार र हाम्रो स्थानीय विकासको दृष्टिकोणप्रति जनताको समर्थन हो,” यादवले बताए ।

सर्वसाधारण, युवा र स्थानीय अग्रजहरूबीच बढ्दो उत्साहसँगै कांग्रेसप्रतिको भरोसा जनस्तरमा बलियो बन्दै गएको संकेत गरिरहेको छ ।

नवप्रवेशी सर्फलाल पासवानले पनि आफ्नो सम्बोधनमा अबको स्थानीय विकास, समावेशी सहभागिता र सामाजिक न्यायका लागि कांग्रेस नै उचित विकल्प भएको स्पष्ट पारेका छन् ।

कार्यक्रममा स्थानीय नेता, समाजसेवी तथा पार्टी कार्यकर्ताहरूको उल्लेखनीय उपस्थिति थियो । नेपाली कांग्रेसको तर्फबाट स्वागत गरिएको यो प्रवेश अभियानले गरुडा नगरपालिका निर्वाचनमा निर्णायक प्रभाव पार्ने विश्वास गरिएको छ ।

साे अवसरमा वृन्दावन नगरपालिकाका पूर्व नगरप्रमुख रामस्नेही यादव लगायत नेपाली काँग्रेसका नेता कार्यकर्ताहरूकाे उपस्थिति रहेको गरूडा नगरपालिका वडा नम्बर ५ का वडा प्रत्यासी रमेश यादवले जानकारी गराएका हुन् ।

राकेश यादव,राैतहट, १ गते साउन । 
रौतहट जिल्लाको सदरमुकाम गौर बाट प्रहरीले ठुलो मात्रामा लागु औषध सहित २ जनालाइ पक्राउ गरेको छ।
लागु औषध नियन्त्रण ब्युरो शाखा कार्यालय बिरगंज पर्सा र जिल्ला प्रहरी कार्यालय रौतहटका प्रहरी निरिक्षक राम कुमार महतोको नेतृत्वमा खटेको संयुक्त टोलीले प्रतिबन्धित औषधि ३ हजार ट्याब्लेट र ९ सय एम्पुल सहित २ जना लाइ पक्राउ गरेको हो।
भारत बैरगंनियाबाट बी आर ०५ यु ५८६० नम्बरको मोटर साइकललाइ गौर नगर पालिका वडा नम्बर १ स्थित शुभम होटेल अगाडी रोकेर चेकजाच गर्दा उक्त परिणाम बरावारको लागु औषध बरामद भएको जिल्ला प्रहरी कार्यालय रौतहटले जनाएको छ।
लागु औषध साथ स्थानीय राजदेवी नगर पालिका वडा नम्बर ८ मा बस्ने बिश्वनाथ पंडितको २२ बर्षीय छोरा नितेश कुमार पंडित र शिब राय यादवको ३२ बर्षीय छोरा पिन्टू कुमार यादवलाइ नियन्त्रणमा लिइएको प्रहरी नायव उपरिक्षक दिपक कुमार रायले जानकारी दिएका छन्।
प्लास्टिकको कालो रंगको झोलामा लुकाई राखेको अवस्थामा नाइट्रोभेट १० लेखिएको १२० पत्तामा १८ सय ट्याब्लेट,नेटजेकेयर १० लेखिएको ९० पत्तामा ९०० ट्याब्लेट,नेटज़ेकेयर १० लेखिएको ३० पत्ता ३०० सानो ट्याब्लेट, डाईजेपाम ३०० एम्पुल, फेनेरगन ३०० एम्पुल, बुप्रेनोरफिने इन्जेक्शन ३०० एम्पुल गरी ९०० एम्पुल र २ थान मोबाइल बरामद गरिएको प्रबक्ता राय ले जनाएको छ।
पक्राउ परेका दुवै जनालाई रौतहट जिल्ला अदालत बाट म्याद थप गराई अनुसन्धानको कार्य अगाडी बढाइएको छ।

आरके श्रीवास्तव, रौतहट,०१ गते साउन ।
रौतहटको गरुडा नगरपालिका–९ स्थित श्री माध्यमिक विद्यालय नयाँ गम्हरियामा कार्यरत शिक्षक रवीन्द्र प्रसाद साहलाई विद्यालयबाट खारिज सहित निष्कासन गरिएको छ । उनले कक्षा १० मा अध्ययनरत एक १६ वर्षीया छात्रालाई मोबाइलमार्फत ‘ह्यापी बर्थडे मेरी जान’ भन्ने आपत्तिजनक सन्देश पठाएको आरोपमा विद्यालयले उनलाई हटाउने निर्णय गरेको हो ।
विद्यालयका निवर्तमान व्यवस्थापन समिति अध्यक्ष राजकुमार दासका अनुसार असार २९ गते वडाध्यक्ष राजेश कुमार सहनीको संयोजकत्वमा बसेको वडा समिति, स्थानीय अभिभावक, विभिन्न राजनीतिक दलका प्रतिनिधि र समाजसेवीहरूको बैठकले उक्त निर्णय गरेको हो ।
पीडित छात्राका अभिभावकले दिएको उजुरीका आधारमा विगत एक वर्षदेखि शिक्षक साहले यौनजन्य मनसाय राखी डिजिटल सन्देश पठाउँदै आएको खुलासा भएको बैठकले जनाएको छ ।
४९ वर्षीय साहले कक्षा ७ सम्म अंग्रेजी र कक्षा ९ लाई सामाजिक विषय अध्यापन गर्दै आएका थिए । सन्देश सार्वजनिक भएपछि विद्यार्थीहरू आक्रोशित बनेका थिए र विद्यालय परिसरमै प्रदर्शन समेत गरेका थिए ।
ईलाका प्रहरी कार्यालय गरुडाका प्रहरी नायब उपरीक्षक (डीएसपी) राजन कार्कीका अनुसार साहविरुद्ध अभद्र व्यवहार सम्बन्धी मुद्दा दर्ता गरी सात दिनको म्याद लिइएको छ । उनलाई गत आइतवार पक्राउ गर्न खोज्दा विद्यार्थीहरूले विरोधस्वरूप ढुङ्गामुढा गरेपछि प्रहरीले एक राउण्ड अश्रुग्यास प्रहार गर्नुपरेको थियो । त्यस क्रममा चार जना प्रहरी सामान्य घाइते भएका थिए ।
एक स्थानीय बासिन्दाका अनुसार साह यसअघि २०६२/६३ सालतिर पनि यस्तै किसिमको दुर्व्यवहारमा संलग्न भएका थिए र सामाजिक दण्ड भोगेका थिए । तर कानुनी कारबाही नभएकाले यस्ता व्यवहार दोहोरिएको आरोप लागेको छ ।
स्थानीय सर्फलाल पासवानले भने गरुडा नगरपालिकाले शिक्षक साहलाई जोगाउन प्रयास गरिरहेको आरोप समेत लगाएका छन् ।

राहत शिक्षक साह राहत निमावि दरबन्दीका करार शिक्षक हुन् । निज शिक्षकको नियुक्ति प्रक्रिया कानुन संवत् नभएर दिएको उजुरी आधारमा २०७२ मा अख्तियारले समेत बर्खास्त गरेका थिए तर पनि पुनः विद्यालयले सोही पदमा विज्ञापन निकाली तत्कालीन विव्यास अध्यक्ष राजकुमार दास तत्माले रवीन्द्र प्रसाद साह लाई नियुक्ति गरेका थिए ।

यता स्थानीय अभिभावक, समाजसेवी र विद्यार्थीहरू शिक्षक साहलाई कडा कानुनी कारबाहीको माग गर्दै पीडित छात्राको मनोवैज्ञानिक सुरक्षाका लागि तत्काल कदम चाल्न आग्रह गरिरहेका छन् ।
विद्यालयले शिक्षकको आचरणविरुद्ध कडा निर्णय लिएपछि स्थानीयले स्वागत गरे पनि अब कानुनी प्रक्रिया पनि निष्पक्ष हुनुपर्ने उनीहरूको माग छ ।

बज्जिकाञ्चल संवाददाता,राैतहट,३२ गते असार । 

राैतहटकाे बौधीमाई नगरपालिका वडा नं. ४ निवासी रामअज्ञा यादव क्यान्सर रोगबाट पीडित भई हाल भरतपुरस्थित क्यान्सर अस्पतालमा उपचाररत हुनुहुन्छ ।

निजको स्वास्थ्य अवस्थाबारे जानकारी लिन आज वडा नं. ४ का वडाध्यक्ष तुरन्तनारायण यादव अस्पताल पुग्नु भएको छ । उहाँले यादवसँग भेट गरी सम्पूर्ण अवस्थाको बारेमा जानकारी लिँदै शीघ्र स्वास्थ्य लाभको कामना गर्नुभएको छ ।

वडाध्यक्ष यादवले भन्नुभयो, “रामअज्ञा यादवको उपचार सफल होस् भन्ने हाम्रो शुभेच्छा छ। उहाँ चाँडै निको भएर घर फर्कुन् भन्ने कामना गर्दै हामी सबैले पशुपतिनाथ भगवानसँग प्रार्थना गरौं।”

उनले भने,”आफनाे तर्फबाट हुने सक्दाे सहयोगका लागि नगरपालिकामा पहल गर्ने प्रतिबद्धता जनाए । ” सम्पूर्ण सहयोगका लागि आफू प्रतिबद्ध रहेको उनकाे भनाइ छ ।

समाजका पाको व्यक्तित्व समेत रहनुभएका रामअज्ञा यादवको स्वास्थ्यमा सुधार आओस् भन्ने शुभेच्छा स्थानीयवासी र शुभचिन्तकहरूले पनि व्यक्त गरेका छन् ।

अभिमनु कुमार पटेल,रौतहट, ३२ गते असार ।

नेपालमा लोकतान्त्रिक संविधान आएको वर्षौं बितिसक्दा पनि दलित महिला, गरिब, असहाय र अल्पसंख्यक समुदायमाथि भइरहेको अत्याचार, बलात्कार र दमनका घटनाले मुलुकको न्यायिक र सामाजिक संरचनामाथि गम्भीर प्रश्न उठाइरहेका छन्।

 

पछिल्लो उदाहरण रौतहटको राजपुर नगरपालिका ३ बलुवा गाउँकी ३० वर्षीया दलित महिला (उपनाम) शरना देवी राम चमारमाथि भएको बलात्कारको घटना हो, जसमा आरोपी खुलेआम समाजमा घुमिरहेछन्, तर पीडित न्यायको खोजीमा दरबारदेखि चौकीसम्म धाइरहेकी छन्।

 

पीडित शरना देवी रामले पारिवारिक सम्पत्तिको विवादमा गाउँका भलाद्मीहरूसँग मिलेर आपसी छलफलको पहल गरेकी थिइन्। त्यही सिलसिलामा गाउँकै ६० वर्षीय खुर्सैद खाँ पैठानले आफ्नो हैसियत, धन र प्रभावको दुरुपयोग गर्दै महिलाको नम्बर लिएर निरन्तर यौन प्रस्ताव, धम्की र प्रलोभन दिन थाले। अन्ततः २०८१ जेठ २५ गते उनले घर नजिकैको बाँसघारीमा महिलामाथि जबर्जस्ती बलात्कार गरे। हातमुख बाँधेर गरिएको सो जघन्य अपराधपछि पीडितले आफन्तको सहयोगमा खोजिन् तर सबै ठाउँबाट निराशा बेहोर्न पुगिन्।

 

शुरुआती प्रयासमा इलाका प्रहरी कार्यालय राजपुर फरहदवाले चासो नदेखाएपछि पीडित जिल्ला प्रहरी कार्यालय गौर पुगिन्। त्यहाँ तत्कालीन प्रहरी उपरीक्षक दिलीप घिमिरेको निर्देशनमा मुद्दा दर्ता त भयो, तर आरोपी खुर्सैद खाँ पैठान एक वर्षसम्म फरार रहे। त्यो अवधिमा पीडितको घरमा आरोपीका मान्छेहरू ६ देखि ८ लाख रुपैयाँ लिएर पुगेर दबाब दिने काम गर्दै आएका थिए। तर पीडित र उनका परिवारले “पैसा होइन, न्याय चाहिन्छ” भन्ने अडानमा कायम रहे।

 

यस्तो अवस्थामा पनि आरोपी खुला समाजमा घुम्दै, सरकारी निकायको संरक्षणमा प्रहरी कार्यालयमै पुगेको समाचारले पीडित परिवार झनै त्रसित भएको छ। पीडित महिला भन्छिन्, “उसको पैसा र पहुँचका अगाडि मेरो इज्जत, पीडा र प्रमाण केही पनि भएन। अब अदालतबाट न्याय नपाए मैले विष खाएर आत्महत्या गर्छु।”

 

स्रोतका अनुसार आरोपी खुर्सैद खाँ पहिले नेकपा माओवादी केन्द्रमा आबद्ध थिए, तर यो घटना सार्वजनिक भएपछि उनी नेपाली काँग्रेसको शरणमा पुगेका छन्। काँग्रेसका केही स्थानीय नेताहरूले उनीमाथि लागेको बलात्कार मुद्दालाई राजनीतिक दबाब र सत्ताको पहुँचमार्फत कमजोर पार्न खोजिरहेको गम्भीर आरोप पीडित पक्षले लगाएका छन्। “यदि उनले यो घटनाबाट पनि सजायबाट उन्मुक्ति पाए भने यो देशको कानुन दलित, गरीब र महिलाका लागि होइन, धनी र पहुँचवालाका लागि मात्रै हो भन्ने पुष्टि हुन्छ,” पीडितका श्रीमानको भनाइ छ।

 

शरना देवी रामको घटनामात्र होइन, गाउँका अन्य महिलाहरूले पनि खुर्सैद खाँबाट यस्तै उत्पीडन भोगेको आरोप छ। तर डर र असहायताका कारण कोही अघि आउन सकेका छैनन्। यसले देखाउँछ कि नेपालमा अझै पनि दलित महिला दुई तहको उत्पीडनको शिकार छन् जातीय भेदभाव र लैंगिक हिंसा।

 

मुद्दा दर्ता भएर वर्षौं बित्दा पनि पीडकको गिरफ्तारी नहुनु, प्रहरी प्रशासनको निष्क्रियता, राजनीतिक संरक्षणको आरोप, र आर्थिक प्रलोभनको प्रयास  यी सबैले नेपालको न्याय प्रणालीप्रति गहिरो प्रश्न उठाउँछ। यो घटना कुनै एक व्यक्तिको पीडासँग मात्र सम्बन्धित छैन, यो समग्र समाजमा गरिब, दलित र महिलामाथि भइरहेको अन्यायको प्रतिनिधि कथा हो।

 

यदि न्याय प्रणाली मौन रहन्छ भने यो घटनाले सन्देश दिन्छ  “शक्ति र पैसावालाहरूका लागि अपराध छुट छ, पीडित भने अदालतको ढोकामा कराउँदै आत्महत्याको धम्की दिन बाध्य हुन्छ।”

प्रिमेश सिवाकोटी,चन्द्रपुर ,२९ गते असार । 

रौतहटको चन्द्रपुर नगरपालिका–२ स्थित जुडिबेलाका स्थानीय बासिन्दा जङ्गली हात्तीको बढ्दो आतङ्कका कारण त्रसित बनेका छन् । शनिबार राति पाँचवटा हात्तीको समूह गाउँमा पसेर चार वटा घर भत्काएपछि आक्रोशित स्थानीयले आइतबार डिभिजन वन कार्यालय रौतहटमा धर्ना दिँदै हात्ती नियन्त्रण गर्न माग गरेका छन् ।

पीडित गाउँलेले वन कार्यालयले हात्ती नियन्त्रणका लागि कुनै ठोस पहल नगरेको आरोप लगाउँदै कार्यालयको घेराउ गरेका हुन्। उनीहरूले हात्तीलाई नियन्त्रणमा लिई सुरक्षित स्थानमा सार्न र पीडित परिवारलाई तत्काल राहत उपलब्ध गराउन माग गरेका छन् ।

शनिबार रातिको घटनामा स्थानीय दिपा बल, दिलबहादुर राई, लाल बाबू मुक्तान र किरण बम्जनको घरमा हात्तीले क्षति पुर्याएको स्थानीय शंकर चौधरीले जानकारी दिए । उनका अनुसार हात्तीको समूह हरेक रात गाउँमा प्रवेश गरी घर र सम्पत्तिमा क्षति पुर्याउने गरेको छ ।

स्थानीय धनबहादुर पुलामीले भने, “रातभरि जाग्राम नगरेको भए मानवीय क्षति हुन सक्थ्यो। घर र बालबच्चा जोगाउन रातभर जाग्राम बस्न बाध्य छौं।”

अर्का स्थानीय राजु पाण्डेले वन कार्यालयको भूमिकालाई लक्षित गर्दै, “हात्ती नियन्त्रण गर्न नसक्नु वन प्रशासनको गैरजिम्मेवारीपनको पराकाष्ठा हो,” भन्दै आक्रोश व्यक्त गरे ।

डिभिजन वन कार्यालय रौतहटका प्रमुख हेमन्त प्रसाद साहले भने, हात्ती नियन्त्रणका लागि निकुञ्ज तथा सम्बन्धित निकायहरूसँग समन्वय भइरहेको जानकारी दिए ।

 

तर स्थानीयको माग अझ स्पष्ट छ— हात्ती नियन्त्रणका लागि तत्काल कदम चालियोस्, पीडितलाई राहत दिइयोस्, र दीर्घकालीन समाधानका लागि प्रभावकारी रणनीति निर्माण गरियोस् ।

जंगलसँग टाँसिएको जुडिबेलामा वर्षौंदेखि जङ्गली हात्तीको जोखिम रहँदै आए पनि पछिल्ला दिनहरूमा हात्तीको गतिविधि र आक्रमण बढ्दो क्रममा छ। यसले गाउँमा भयावह अवस्था सिर्जना गरेको छ ।

सुरक्षा चुनौती, वन प्रशासनको निष्क्रियता र प्रभावकारी समाधानको अभावबीच जुडिबेलावासीको आक्रोश र पीडा दिन प्रतिदिन चुलिँदै गएको छ ।

बज्जिकाञ्चल संवाददाता,रौतहट,२९ गते असार । 
रौतहट जिल्लाको गरुडा नगरपालिका–९ स्थित श्री माध्यमिक विद्यालय, श्रीपुर नयाँ गम्हरियामा अध्ययनरत कक्षा १० की एक छात्रालाई आपत्तिजनक सन्देश पठाएको आरोपमा सोही विद्यालयका शिक्षक रवीन्द्र प्रसाद साहलाई स्थानीय अभिभावक र विद्यार्थीहरूले कुटपिट गरेका छन् ।

आरोपअनुसार शिक्षक साहले १७ वर्षीया छात्रालाई फेसबुक म्यासेन्जरमार्फत “हैपी बर्थ डे, आई लभ यु मेरी जान” भन्ने सन्देश पठाएका थिए। सन्देशको विषयमा जानकारी पाउनेबित्तिकै आक्रोशित अभिभावक र विद्यार्थीहरूको भीड आइतबार बिहान विद्यालय परिसरमै पुगेर शिक्षक साहलाई कुटपिटमा उत्रिएको थियो ।

घटनाको क्रममा भीडले विद्यालय परिसरमा तोडफोड गर्दै पार्किङमा राखिएका केही मोटरसाइकलमा समेत क्षति पुर्‍याएको इलाका प्रहरी कार्यालय गरुडाका प्रहरी नायब उपरीक्षक (डीएसपी) राजन कार्कीले जानकारी दिए ।

घटनापछि स्थिति तनावग्रस्त बनेको थियो । अवस्था नियन्त्रणमा लिन प्रहरी निरीक्षक ओमप्रकाश यादवको नेतृत्वमा खटिएको टोलीले एक राउन्ड अश्रुग्यास प्रयोग गरी भीड तितरबितर पारेको थियो ।

डीएसपी कार्कीका अनुसार शिक्षक साह हाल प्रहरी नियन्त्रणमा छन् र घटनाबारे अनुसन्धान भइरहेको छ। “यदि पीडित पक्षबाट जाहेरी दिइयो भने कानुनी प्रक्रिया अघि बढाइनेछ,” उनले भने ।

यता, केही स्थानीय व्यक्तिहरू घटनालाई आपसी छलफलमार्फत मिलाउने प्रयासमा लागेका छन्। तर प्रहरीले भने कानुनी प्रक्रियाअनुसार जाहेरीकै आधारमा मुद्दा अघि बढाउने स्पष्ट पारेको छ ।

यस घटनाले विद्यालय जस्तो संवेदनशील शिक्षण संस्थामा नैतिकता र विद्यार्थी-सुरक्षाको विषयमा गम्भीर प्रश्न उठाएको छ। अभिभावकहरूले यस्ता गतिविधि दोहोरिन नदिन दोषीमाथि कडा कारबाहीको माग गरेका छन् ।

आरके श्रीवास्तव,राैतहट,२८ गते असार । 

रौतहटकाे कटहरियामा आजदेखि टि–१० क्रिकेट प्रतियोगिता सुरु भएको छ । बाैधीमाई क्रिकेट क्लब कटहरियाकाे आयाेजना र कटहरिया वडा नम्बर ४ काे सहयोगमा प्रतियोगिताकाे दाेस्राे सिजन सुरू भएको छ । पाँच दिनसम्म चल्ने प्रतियोगितामा कटहरिया नगरका टिमहरूसँगै अन्य पालिकाका १८ वटा टिमहरूको सहभागिता रहेको छ ।

प्रतियोगिताको उद्घाटन खेल बलुवा र बहादुरपुरबीच सम्पन्न भयो, जसमा टस जित्दै बहादुरपुरले ब्याटिङ रोजेको थियो । प्रतियोगिताको उद्घाटन सत्रलाई ईप्रका कटहरियाका ईन्चार्ज विनोद राना मगर तथा स्थानीय जनप्रतिनिधिहरूले सम्बोधन गरेका थिए ।

कटहरिया–४ का वडा अध्यक्ष चन्दन कुशवाहाले उद्घाटन समारोहमा बोल्दै कटहरियामा पछिल्लो ५० वर्षदेखि क्रिकेटको इतिहास रहेको बताउँदै त्यसको परिणामस्वरूप रोहित सोनल जस्ता प्रतिभाशाली खेलाडीहरू जन्मिएको बताए । उनले ‘मिसन ८४’ अन्तर्गत टोल ग्राउन्डको स्थापना गर्ने लक्ष्य रहेको जानकारी दिँदै, सीमित बजेट (२० लाख) मै शिक्षा, खेलकुद र प्रतिभा विकासमा काम गरिएको बताए ।

“एसईईमा ए प्लस ल्याउने विद्यार्थीलाई सम्मान गरेका छौं, वादविवाद तथा वक्तृत्वकला प्रतियोगिता आयोजना गरेका छौं,” कुशवाहाले भने, “खेलकुद सामग्री वितरणदेखि लिएर क्रिकेट प्रतियोगिता हुँदै आएको छ।”

त्यस्तै, वडा नं. ३ का अध्यक्ष श्यामाकान्त यादवले युवाका लागि खेलकुद अपरिहार्य भएकोले आफू सधैं सहयोग गर्न तयार रहेको बताए । वडा सदस्य रामईश्वर यादवले खेलाडीहरूलाई खेलकुद सम्बन्धी समस्या नडराई साझा गर्न सुझाव दिएका थिए । वडा सदस्य दिलीप साहले वडा अध्यक्ष कुशवाहा स्वयं खेलाडी भएकाले कटहरियामा क्रिकेटको विकासका लागि अहोरात्र लागिपरेको बताए ।

 

कार्यक्रममा गायक सोनु कुशवाहाले “हमर चन्दन भईया कटहरियाके शान हबे, जनताके जान हबे” बोलको गीत गाएर माहोल उत्साही बनाएका थिए । उनले अध्यक्ष कुशवाहाको सोचमा सबै कटहरियावासीको साथ रहने विश्वास व्यक्त गरेका थिए ।

 

ईप्रका कटहरियाका ईन्चार्ज विनोद राना मगरले पनि खेलकुद स्वास्थ्य र अनुशासनका लागि अत्यावश्यक भएको बताउँदै युवालाई खेलमा लाग्न प्रेरित गरेका थिए ।

 

प्रतियोगिता आगामी पाँच दिनसम्म कटहरियाको विभिन्न टोल–टोलमा सम्पन्न हुने आयोजकले जनाएको छ ।

आरके श्रीवास्तव,राैतहट,२३ गते असार । 

रौतहटकाे गरुडा नगरपालिकाले स्वास्थ्य सेवा सुदृढीकरणको अभियानलाई तिव्रता दिँदै महम्मदपुर स्वास्थ्य चौकीमा १० वेडको अस्पताल निर्माणका लागि आवश्यक १ कठ्ठा जग्गा खरिद गरेको छ ।

यस प्रयोजनका लागि नगरपालिकाले आज रु. २२,५६,२५० (बाइस लाख छपन्न हजार दुई सय पचास) को चेक हस्तान्तरण गरेको छ । स्वास्थ्य पूर्वाधार विस्तारका लागि गरिएको यो लगानी गरुडा नगरपालिकाको जनस्वास्थ्यप्रति बढ्दो प्रतिबद्धताको प्रतिविम्ब हो ।

नगर प्रमुख कन्थमनी जयसवालले भने, “जनताको स्वास्थ्य सुरक्षामा नगरपालिकाको प्रतिबद्धता अझ मजबुत बनाउँदैछौं । आधारभूत सेवा–सुविधाबाट कसैलाई वञ्चित हुन दिन्नौं।”

महम्मदपुरमा अस्पतालको निर्माण भएपछि आसपासका बासिन्दाहरूले प्राथमिक स्वास्थ्य उपचार सहजै प्राप्त गर्न सक्ने अपेक्षा गरिएको छ । नगरपालिकाले भविष्यमा थप स्वास्थ्य सेवा विस्तारका योजनाहरू पनि अघि बढाइरहेको जनाएको छ ।

 

सागर संगम ठाकुर, रौतहट, असार २३ गते
रौतहट जिल्लाको देवाही गोनाही नगरपालिका–९ धरहरीमा वडा अध्यक्ष वीरबहादुर साहले धार्मिक गतिविधि तथा युवाहरूको खेलकुदप्रतिको उत्साहलाई सम्मान गर्दै विविध सामग्रीहरू वितरण गरेका छन् ।

सोमबार आफ्नो निजी निवासमा आयोजित एक कार्यक्रमका बीच वडा अध्यक्ष साहले ब्रह्मबाबा राम जानकी मठका पुजारी उपेन्द्र साहलाई धार्मिक कार्यक्रम सञ्चालनमा सहजता ल्याउने उद्देश्यले साउण्ड सिस्टम हस्तान्तरण गरेका हुन् । साथै, स्थानीय युवाहरुलाई क्रिकेट खेलका लागि आवश्यक खेलकुद सामग्रीसमेत प्रदान गरिएको छ ।

कार्यक्रममा बोल्दै अध्यक्ष साहले समाजको समुचित विकासका लागि धार्मिक र सांस्कृतिक सम्पदाको संरक्षण तथा युवाको शारीरिक र मानसिक विकास दुवै महत्वपूर्ण रहेको बताए । “सबैको भावना र आवश्यकतालाई ध्यानमा राख्दै यो सामग्री वितरण गरिएको हो,” अध्यक्ष साहले बताए ।

वडा अध्यक्ष साहको यो पहललाई स्थानीयवासीहरूले सकारात्मक रुपमा लिँदै प्रशंसा गरेका छन् । धार्मिक सद्भाव र युवाको मार्गदर्शनमा उनले देखाएको सक्रियतालाई स्थानीयले अनुकरणीय भनेका छन्। साह वडा अध्यक्षमा निर्वाचित भएयता जनमुखी कार्यहरूमा निरन्तर सक्रिय रहँदै आएका छन् ।

अर्थिक वर्ष २०८१/८२ मा वडा स्तरीय योजनाअन्तर्गत करिब ३२ लाख रुपैयाँको लागतमा टोलटोलमा नाला निर्माण, सडक ढलान र ग्राभेलको काम सम्पन्न गरिएको वडा कार्यालयले जनाएको छ ।

विभिन्न समयमा वडाबासीलाई प्रदान गरिएका सेवा तथा सहयोगले समाजमा मेलमिलाप र धार्मिक सहिष्णुता प्रवर्द्धन हुने अपेक्षा गरिएको छ। साथै, खेलकुदमार्फत युवालाई गलत मार्गतर्फ जानबाट रोक्न र उनीहरूलाई सकारात्मक दिशामा अघि बढाउन मद्दत पुग्ने विश्वास व्यक्त गरिएको छ ।

आरके श्रीवास्तव,राैतहट,२२ गते असार । 

लोकतान्त्रिक पत्रकार संघको संशोधित विधानअनुसार सनोज कुमार यादवलाई मधेश प्रदेश अन्तर्गत धनुषा जिल्ला संयोजक पदमा मनोनयन गरिएको छ ।

संघका अध्यक्ष कामरेन्द्र वर्माले एक मनाेनयन पत्र जारी गर्दै यादवलाई मनोनयन गरिएको जानकारी गराएका हुन् । सन्देशमा उनले देश, मधेश, पत्रकारिता क्षेत्र र पार्टीको हितमा यादवको कार्यकाल उल्लेखनीय रहने विश्वास व्यक्त गर्दै हार्दिक बधाई तथा शुभकामना दिएका छन् ।

नवनियुक्त संयोजक यादव विगत ५ वर्ष देखि नै पत्रकारिता क्षेत्रमा सक्रिय रहँदै आएका छन् । उनको मनोनयनसँगै धनुषा जिल्लामा लोकतान्त्रिक पत्रकार संघको संगठनात्मक सुदृढीकरणमा थप गति मिल्ने अपेक्षा गरिएको छ ।

हाल वहाँ एवन न्यूजमा कार्यरत हुनु हुन्छ । याे सँगै मधेस प्रदेशकाे आठ वटै जिल्लामा जिल्ला संयाेजक मनाेनय गर्ने काम सकिएको छ । अब जिल्ला कमिटी विस्तार गर्न अध्यक्ष वर्माले जिल्ला अध्यक्षहरूलाई निर्देशन दिनु भएको छ ।

 

आरके श्रीवास्तव,रौतहट,१९ गते असार ।

गरुडा – सुनौलो हजार दिनका विपन्न महिलाहरूको पोषण अवस्था सुधार्न आय आर्जनसम्बन्धी जनचेतनामूलक तालिमको उद्घाटन सत्र आज गरुडामा सम्पन्न भएको छ। श्री राम सोगारथ शर्मा, अध्यक्ष, सृजनात्मक समाज कल्याण केन्द्र नेपालको अध्यक्षतामा भएको यस कार्यक्रमले महिलाहरूलाई आत्मनिर्भर बनाउँदै पोषणमा सुधार ल्याउने लक्ष्य राखेको छ।

 

उक्त तालिमको उद्घाटन गरुडा नगरपालिकाका नगर प्रमुख श्री कन्थमनि प्रसाद कलवारले गर्नुभयो। प्रमुख अतिथि कलवारले ब्यानर पढेर विधिवत् रूपमा तालिमको सुरुवात गर्नुभयो। यस तालिममा १५० जना महिला सहभागी छन्।

 

कार्यक्रममा विशिष्ट अतिथिका रूपमा श्री माध्यमिक विद्यालय गेडही गुठीका प्रधानाध्यापक श्री मौजेलाल साह, स्वास्थ्य चौकी गेडही गुठीका प्रमुख रामपुकार यादव, गरुडा नगरपालिकाको पञ्जीकरण शाखा प्रमुख श्री मुकेश कुमार साह र गरुडा नगरपालिका वडा नं. २ का वडा सचिव श्री रुपनारायण महतोको उपस्थिति थियो।

 

यो तालिमले विपन्न महिलाहरूको जीवनस्तर उकास्न र पोषणमा सुधार ल्याउन महत्वपूर्ण भूमिका खेल्ने अपेक्षा गरिएको छ।

 

आरके श्रीवास्तव,रौतहट,१९ गते असार ।

राैतहटकाे फतुवा बिजयपुर नगरपालिका–२ सितलपुरका कृषकहरूले अब सहज रूपमा सिंचाइ सुविधा पाउने भएका छन् । वडास्तरीय बजेट अन्तर्गत कृषकहरूको सुविधाका लागि कृषि पोल गाडिएको हो ।

 

 

 

वडा अध्यक्ष अनिरुद्ध प्रसाद यादव (उर्फ संजय) ले आफ्नो वडास्तरीय रु १० लाखको बजेटबाट सो कार्य सम्पन्न गराएको जानकारी दिएका छन् । प्रमुख प्रशासकीय अधिकृत भरत यादवमार्फत सो बजेटको जानकारी प्राप्त भएको तीन दिनभित्र नै काम सम्पन्न गरिएको अध्यक्ष यादवले बताए ।

 

 

 

“कृषकहरूलाई खेतमा सिंचाइका लागि वर्षौंदेखि समस्या थियो । हामीले तत्काल प्राथमिकता दिएर पोल गाड्ने काम सम्पन्न गरेका छौं,” अध्यक्ष यादवले भने ।

 

 

 

स्थानीय कृषकहरूले सिंचाइका लागि अब सहज हुने विश्वास व्यक्त गर्दै अध्यक्ष यादव र नगरपालिकालाई धन्यवाद ज्ञापन गरेका छन् । उनीहरू यो कार्यबाट निकै उत्साहित छन् । किसान गिरिजा पटेलले भने, “हामी वर्षौंदेखि सिंचाइको समस्याले हैरान थियौँ। अहिले पोल गाडिएपछि मोटर जडान गर्न सहज हुने देखिन्छ।”

 

 

त्यस्तै अर्का किसान देवनाथ यादवले भने, “सिँचाइ सजिलो भएपछि खेती प्रणालीमा परिवर्तन आउने छ, उत्पादन पनि बढ्नेछ। यो सानो लगानीले ठूलो राहत दिने काम भएको छ।”

 

 

शंकर यादवले पनि वडा कार्यालय र अध्यक्षप्रति आभार प्रकट गर्दै भने, “हामी किसानका आवाज सुनेर तत्कालै काम गरिदिनु भएकोमा धन्यवाद दिन चाहन्छौँ। यसले हाम्रो हौसला बढाएको छ।”

 

 

कृषि उत्पादन वृद्धि गर्नका लागि सिँचाइ पूर्वाधार मजबुत बनाउनु आवश्यक रहेको भन्दै स्थानीयवासीहरूले यस्ता कार्यक्रमलाई निरन्तरता दिनुपर्ने माग गरेका छन् ।

आरके श्रीवास्तव,राैतहट,१८ गते असार । 

राैतहटकाे देवाही गोनाही नगरपालिका र मानव कल्याण केन्द्र, देवाही गोनाही–८ को संयुक्त आयोजनामा दलित सशक्तीकरण सम्बन्धी जनचेतनामूलक कार्यक्रम भएको छ । कार्यक्रम देवाही गोनाहीस्थित मधेस संग्रहालयमा बुधबारदेखि सुरू गरिएको हो ।

उक्त कार्यक्रमको उद्घाटन देवाही गोनाही–९ का वडा अध्यक्ष बिरबहादुर साहले गर्नुभएको थियो । कार्यक्रमका प्रमुख प्रशिक्षक उषा साहि र रामबिर यादवले सहभागीहरूलाई दलित सशक्तीकरण, अधिकारबारे सचेतना र सामाजिक समावेशीताका विषयमा प्रशिक्षण दिनुभएको थियो ।

कार्यक्रममा दर्जनौँ महिला सहभागिहरूको उत्साहजनक उपस्थिति रहेको आयोजक संस्था मानव कल्याण केन्द्रका प्रतिनिधि कामेश्वर बैठाले जानकारी दिनुभयो ।

कार्यक्रममा बोल्दै सुरेन्द्र पासवानले दलित समुदायको सशक्तीकरणका लागि निरन्तर प्रयास आवश्यक रहेको धारणा राख्नुभएको थियो ।

सो अवसरमा मो. मनिरूदिन फहमी, राकेश साह तेली, रामनारायण पण्डित,पत्रकार लगायत विभिन्न सामाजिक अभियन्ताहरूको पनि उपस्थिति रहेको थियो ।

दलित समुदायको सशक्तीकरण र समान अधिकारको सुनिश्चितताका लागि यस्ता कार्यक्रमहरू प्रभावकारी हुने विश्वास व्यक्त गरिएको छ ।

आरके श्रीवास्तव,राैतहट,१५ गते असार । 

राैतहटकाे बौधीमाई नगरपालिकाले समाजिक उत्तरदायित्व अन्तर्गत अगाडि सारेको ‘२० वर्षपारी विवाह वारी’ कार्यक्रम आज नगरसभाहलमा विशेष समारोहका साथ सम्पन्न भएको छ । कार्यक्रममा नगर भित्रका ७७ जना लाभग्राहीहरूलाई आर्थिक सहायता स्वरूप चेक वितरण गरिएको हो ।

नगर प्रमुख प्रदीप कुमार यादवको अध्यक्षतामा सम्पन्न कार्यक्रममा प्रत्येक लाभग्राहीलाई २० हजार रुपैयाँका दरले चेक हस्तान्तरण गरिएको थियो। यस योजनाअन्तर्गत कुल १५ लाख ४० हजार रुपैयाँ वितरण गरिएको वडा नम्बर ४ का अध्यक्ष तुरन्त नारायण यादवले जानकारी दिए ।

उक्त समारोहमा नगर प्रमुख यादव प्रमुख अतिथिका रूपमा सहभागी थिए भने उपप्रमुख प्रमिला देवी जयसवाल विशिष्ट अतिथिको रूपमा उपस्थित थिइन्। प्रमुख प्रशासकीय अधिकृत उदय शंकर चौधरीसहित अन्य वडाध्यक्षहरूको पनि उल्लेखनीय उपस्थिति रहेको कार्यक्रममा वडा नम्बर ९ का अध्यक्ष मुक्ति नारायण मिश्रा, वडा नम्बर ५ का अध्यक्ष लक्ष्मीनारायण राय यादव लगायत जनप्रतिनिधिहरूको सक्रिय सहभागिता देखिएको थियो।

नगरपालिकाका कर्मचारीहरूको उल्लेखनीय उपस्थितिसँगै कार्यक्रमले समावेशी विकास, महिलाको सशक्तिकरण तथा सामाजिक स्थायित्वमा सकारात्मक सन्देश दिएको छ। नगरपालिकाले महिला अधिकार, ढिलो विवाहको प्रोत्साहन र समाजिक सशक्तिकरणका लागि यस्ता कार्यक्रमलाई निरन्तरता दिने प्रतिबद्धता जनाएको छ।

स्थानीय तहबाट सञ्चालित यस्ता योजनाहरूले दीर्घकालीन सामाजिक परिवर्तनमा टेवा पुर्‍याउने विश्वास नगर प्रमुख यादवले व्यक्त गरेका छन् ।

 

आरके श्रीवास्तव,राैतहट,१५ गते असार १५ । 
रौतहटको बौधीमाई नगरपालिका–२ मा अवस्थित श्री आधारभूत विद्यालय, इनर्वाको नाममा दर्ता रहेको ७ विघा १ कठ्ठा जग्गा अब आउँदो पाँच वर्षका लागि स्थानीय बासिन्दालाई ठेक्कामा दिइएको छ । सार्वजनिक सूचना र स्थानीयको उपस्थितिमा पारदर्शी ढंगले गरिएको ठेक्का प्रक्रिया आज सम्पन्न भएको हो ।

विद्यालयका प्रधानाध्यापक मनोज कुमार पटेलको पहलमा भएको उक्त प्रक्रिया अनुसार, इनर्वा निवासी हरिओम प्रसाद पटेलले सो जग्गा १५ लाख ५९ हजार ९ सय ९५ रुपैयाँमा लिलामी प्रक्रियामार्फत पाँच वर्षका लागि भाडामा लिएका हुन् ।

ठेक्का प्रकृया बौधीमाई–२ का वडा अध्यक्ष धर्मेन्द्र प्रसाद पटेलको अगुवाइमा सम्पन्न भएको हो । कार्यक्रममा जसपा नेता तथा समाजवादी युवा संघ नेपालको केन्द्रीय महासचिव दिलीप कुमार पटेल, जनमत पार्टी नेता विजय प्रसाद पटेल, नेकपा माओवादीका रामाकान्त प्रसाद पटेल लगायतका विभिन्न राजनीतिक दलका प्रतिनिधिहरू, शिक्षक, अभिभावक, बुद्धिजीवी, समाजसेवी र स्थानीय नागरिकहरूको उल्लेखनीय सहभागिता रहेको थियो ।

वडा अध्यक्ष पटेलका अनुसार, विद्यालयको नाममा रहेको यो जग्गाबाट प्राप्त आम्दानीले शैक्षिक पूर्वाधार निर्माण, पठनपाठन सामग्री खरिद तथा अन्य आवश्यक सेवाहरूमा खर्च गरिनेछ ।

प्रधानाध्यापक पटेलले विद्यालय प्रशासन, जनप्रतिनिधि र स्थानीयको समन्वयमा प्रक्रिया पारदर्शी र निष्पक्ष रूपमा सम्पन्न भएको जानकारी दिए ।

शिक्षक तथा अभिभावकहरूले विद्यालयको स्रोत साधन पारदर्शी ढंगले व्यवस्थापन हुन थालेकोमा सन्तोष व्यक्त गर्दै भविष्यमै पनि यस्तै उदाहरणीय कदम दोहोर्याइनुपर्ने धारणा राखेका छन्।

स्थानीय तहमा विद्यालय सम्पत्ति व्यवस्थापनको यो अभ्यासले शिक्षाको गुणस्तर सुधारतर्फ सकारात्मक सन्देश दिने अपेक्षा गरिएको छ।

सागर संगम ठाकुर, रौतहट,१५ गते असार । 

रौतहट जिल्लाको देवाही गोनाही नगरपालिका–४ मा कच्ची सडकको ढलान तथा ग्राभेलको काम सुरु गरिएको छ । आइतबार एक विशेष कार्यक्रमका बीच नगरपालिकाकी उपमेयर परनिया देवी पटेल र पूर्व गाविस अध्यक्ष धर्मेन्द्र पटेलले उक्त विकास आयोजनाको संयुक्त रूपमा शिलान्यास गर्नुभयो ।

नेकपा एमालेका जिल्ला उपाध्यक्ष रुपेश पटेलको विशेष पहलमा मधेश प्रदेश सरकारको भौतिक पूर्वाधार मन्त्रालयबाट प्राप्त कुल ३२ लाख रुपैयाँको लागतमा यो कार्य अघि बढाइएको हो । उपाध्यक्ष पटेलका अनुसार वर्षायाममा कच्ची सडकका कारण स्थानीय बासिन्दाहरूलाई दैनिक आवागमन तथा कृषि कार्यमा ठूलो कठिनाइ हुँदै आएको थियो ।

“विकास निर्माणमा पछि परेको यो टोलको अवस्था परिवर्तन गर्न १४० मिटर सडक ढलान र १ किलोमिटर ग्राभेलको योजना सुरु गरिएको हो,” पटेलले बताए । उहाँले थपे, “स्थानीय जनताको पीडालाई बुझेर मैले व्यक्तिगत पहलमा यो आयोजना अगाडि सारेको हुँ।”

सडक निर्माणको कार्य प्रारम्भ भएसँगै टोलका बासिन्दाहरूको अनुहारमा खुसी देखिएको छ । एक स्थानीय कृषकले भने, “वर्षामा हिलोले भरिएको बाटो पार गरेर खेत जानु निकै दुःखद थियो, अब भने हामीले राहतको सास फेरेका छौं।”

राजनीतिक रूपमा छोटो समयमै जनसमुदायको मन जित्न सफल युवा नेता पटेलप्रति स्थानीय युवाहरूको समर्थन पनि बढ्दो छ ।

 

कार्यक्रमको अवसरमा नेकपा एमाले जिल्ला समिति सदस्य तथा उपमेयरका श्रीमान् भरत पटेल, वडा नं. ८ का अध्यक्ष विजय पटेल, समाजसेवी कप्तान सिंह पटेल, तथा अन्य स्थानीय भद्रभलाद्मीहरूको उपस्थिति रहेको थियो ।

देवाही गोनाही–४ मा थालिएको यो सडक सुधारले टोलको समग्र सामाजिक तथा आर्थिक गतिविधिमा सकारात्मक प्रभाव पार्ने विश्वास गरिएको छ ।

बज्जिकाञ्चल संवाददाता,राैतहट,१५ गते असार । 

“सम्पूर्ण किसान एकजुट हौं, धान बालीमा सघनता, खाद्य सुरक्षा र आत्मनिर्भरता” भन्ने मूल नाराका साथ आइतबार रौतहटको कटहरिया नगरपालिका–२, जमुनियामा राष्ट्रिय धान दिवस विशेष कार्यक्रमका साथ मनाइएको छ ।

कार्यक्रमको आयोजना अखिल नेपाल किसान महासंघ, जिल्ला समिति रौतहटले गरेको थियो भने कार्यक्रमको अध्यक्षता महासंघका अध्यक्ष किशोरी कुशवाहाले गर्नुभयो । धान रोपाइँ कार्यक्रममार्फत कृषि उत्पादन सघन बनाउने, खाद्य सुरक्षालाई प्रवर्द्धन गर्ने र आत्मनिर्भर अर्थतन्त्रतर्फको यात्रामा टेवा पुर्‍याउने उद्देश्य राखिएको आयोजकले जनाएको छ ।

कार्यक्रममा नेकपा एमालेका केन्द्रीय सदस्यद्वय कुन्दन कुशवाहा र उद्वव रेग्मी, मधेस प्रदेश सभा सदस्य केसव चौधरी, तथा नेकपा एमाले चन्द्रपुर नगर कमिटी अध्यक्ष शिव आचार्य,कटहरिया २ का वडा अध्यक्ष हरिन्द्र साहको विशेष उपस्थिति रहेको थियो । अतिथिहरूले कृषि क्षेत्रलाई राजनीतिक भाषणको भरमा सीमित नराखी व्यवहारमा आत्मनिर्भरता र नवप्रवर्तनको मेरुदण्ड बनाउनुपर्नेमा जोड दिनुभयो ।

कार्यक्रममा सहभागी किसानहरूले परम्परागत शैलीमा खेतमै धान रोपी राष्ट्रिय धान दिवसको महत्व व्यवहारमा उतारे। उनीहरूले दहीच्युरा खाँदै सांस्कृतिक र उत्सवमय वातावरणमा दिवस मनाएका छन् ।

नेताहरूले कृषि अनुदान, प्रविधि हस्तान्तरण, र किसान शिक्षालगायतका विषयमा स्पष्ट नीति निर्माण तथा कार्यान्वयनको माग समेत अघि सारेका थिए ।

नेपालमा हरेक वर्ष असार १५ गते राष्ट्रिय धान दिवसको रूपमा मनाइन्छ । यस दिन देशभर किसानहरू धान रोपेर र दहीच्युरा खाएर कृषि, माटो र किसानको सम्मानमा दिवस मनाउने परम्परा छ ।

आरके श्रीवास्तव,राैतहट,१५ गते असार । 

रौतहटकाे कटहरिया नगरपालिका वडा नम्बर ४ को आयोजनामा एक दिवसीय हाजिरी जवाफ प्रतियोगिता कार्यक्रम भव्य रूपमा सम्पन्न भएको छ । कार्यक्रममा विभिन्न विद्यालयका विद्यार्थीहरूको उल्लेखनीय सहभागिता रहेको थियो ।

कार्यक्रममा स्थानीय विद्यालयका शिक्षक प्रतिनिधिहरू, आधारभूत विद्यालय फतेपुरका प्रधानाध्यापकसहित सम्पूर्ण विद्यालय परिवार तथा फतेपुर बासीहरूको उपस्थिति उल्लेखनीय रहेकाे थियोे ।

साे वडाका वडा अध्यक्ष जयराम चौधरी, रामाकान्त कुशवाहा, उमाकान्त कुशवाहा, अन्चित कुशवाहा, वडा अध्यक्ष पदका प्रत्यासी रामाशंकर यादव लगायत विभिन्न  व्यक्तिहरूको उपस्थिति रहेको थियोे ।

उक्त कार्यक्रममा सहभागी विद्यार्थीहरूलाई उज्वल भविष्यको शुभकामना व्यक्त गर्दै कार्यक्रम सफल बनाउन सहयोग पुर्‍याउने सम्पूर्ण व्यक्तित्व तथा संस्था, विद्यालय र सहयोगी हातहरूलाई आयोजकले हार्दिक धन्यवाद ज्ञापन गरेका छन् ।

कार्यक्रमले विद्यार्थीहरूमा आत्मविश्वास, तत्परता र ज्ञान विकासमा सहयोग पुग्ने विश्वास आयोजक कटहरिया नगरपालिका वडा नम्बर ४ का वडा अध्यक्ष चन्दन कुशवाहाले लिएका छन् ।

आरके श्रीवास्तव,राैतहट,२०८२ असार १५ गते असार । 

रौतहट – नेपाल किसान महासंघ रौतहट जिल्ला कार्य समितिको आयोजनामा सम्पन्न धान रोपाई कार्यक्रमलाई सम्बोधन गर्दै मधेस प्रदेशका अर्थमन्त्री सुनिल कुमार यादव “जितेन्द्र”ले किसानको उन्नति, प्रगति र पीरमर्का हटाउन आवश्यक बजेट व्यवस्थापनमा प्राथमिकता दिने प्रतिबद्धता व्यक्त गरेका छन् ।

“कार्यक्रम आफ्नो देशको उत्पादन हाम्रो शान ! कृषिमा उन्नति हाम्रो अभियान” भन्ने नारासहित नेपाली कांग्रेस नगर कार्य समिति गौरको समन्वयमा गौर–४, सोबर्नामाईको प्राङ्गणमा आइतबार बिहान कार्यक्रम सम्पन्न भएको हो ।

कार्यक्रमका प्रमुख अतिथि नेपाली कांग्रेस मधेस प्रदेश सभापति तथा पूर्व मन्त्री कृष्ण प्रसाद यादव थिए। विशिष्ट अतिथिका रूपमा मधेस सरकारका अर्थमन्त्री यादवसहित प्रदेश सांसद नागेन्द्र साहको उपस्थिति रहेको थियो ।

कार्यक्रममा कृषकको जीवनस्तर सुधार्न बीउ, मल, सिँचाइ सुविधा तथा आधुनिक प्रविधिको पहुँच बढाउने कुरामा जोड दिइयो। प्रमुख अतिथि कृष्ण प्रसाद यादवले कृषिमा दीर्घकालीन सोचका साथ अघि बढ्नुपर्नेमा बल दिएका थिए ।

कार्यक्रममा नेपाली कांग्रेसका जिल्ला तथा नगर तहका नेताहरू, कार्यकर्ता, सञ्चारकर्मी, सुरक्षाकर्मी र स्थानीय कृषकहरूको उल्लेख्य उपस्थिति रहेको थियो ।

आरके श्रीवास्तव,राैतहट,२०८२ असार १५ गते । 

फतुवा विजयपुर -“धान बालिमा सघनता, खाद्य सुरक्षा र आत्मनिर्भरता” भन्ने मूल नाराका साथ आज २२ औं राष्ट्रिय धान दिवस तथा दही चिउरा खाने पर्व फतुवा विजयपुर नगरपालिका–२ स्थित श्री मावि सितलपुरमा उत्साहपूर्वक मनाइएको छ ।

कार्यक्रममा विद्यालयका सम्पूर्ण शिक्षक, शिक्षिका तथा कर्मचारीहरूको सक्रिय सहभागिता रहेको थियो । असार १५ लाई विशेष रूपमा धान रोपाइँसँग जोडिएको दिनको रूपमा लिइने गरिन्छ, जसले कृषिमा आधारित नेपाली समाजको परम्परागत महत्व झल्काउँछ । यस अवसरमा सहभागीहरूले स्थानीय उत्पादनको सम्मान स्वरूप परम्परागत परिकार दही चिउरा खाने चलनलाई निरन्तरता दिएका थिए ।

साे विद्यालयका प्रधानाध्यापक मुकेश यादवले राष्ट्रको आर्थिक समृद्धिमा कृषिको भूमिका महत्वपूर्ण रहेको बताउँदै यस्तो दिवसले बिद्यार्थीहरूमा कृषि प्रतिको रुचि बढाउन टेवा पुर्‍याउने विश्वास व्यक्त गरेका छन् ।

आरके श्रीवास्तव,राैतहट,१४ गते असार । 

रौतहटकाे गरुडा नगरपालिका वडा नम्बर ७ स्थित पिपरीया गाउँमा अधुरो अवस्थामा रोकिएको पूल निर्माण कार्य पुनः सुरु गराउनका लागि आज एक महत्वपूर्ण किसान भेला सम्पन्न भएको छ । स्थानीय किसानहरूको अगुवाइमा आयोजित भेलामा पूल निर्माणलाई प्राथमिकता दिएर तत्काल काम अघि बढाउन जोड दिइएको छ ।

 

भेलाका प्रमुख अतिथि आम जनता पार्टीका स्थायी कमिटी सदस्य रविन्द्र यादव रहनु भएको थियो । विशिष्ट अतिथिका रूपमा अमिन्द्र यादव, कनहाई शाह, रुदल पटेल, मधेस पटेल, राम बहादुर यादव, विस्नाथ यादव, राधेश्याम यादव, राम विश्वास शाह कानु तथा पाण्डा लाल यादवको उपस्थिति रहेको थियो । कार्यक्रमको अध्यक्षता स्थानीय समाजसेवी पाण्डा लाल यादवले गर्नुभएको थियो ।

 

भेलामा वक्ताहरूले पूल निर्माण कार्य लामो समयदेखि अलपत्र परेकोप्रति गम्भीर चिन्ता व्यक्त गर्दै, यसले किसानहरूको दैनिक आवागमन, उत्पादनको ढुवानी तथा बालबालिकाको पठनपाठनमा समेत प्रतिकूल असर परेको बताए । उनीहरूले स्थानीय, प्रदेश र संघीय सरकारसँग तत्काल पूल निर्माण कार्य पुनः सुरु गराउन माग गरेका छन् ।

 

किसान भेलाले सर्वसम्मत रूपमा निर्णय गर्दै, पूल निर्माण कार्य पुनः सुरु नभए थप आन्दोलनका कार्यक्रम घोषणा गरिने चेतावनी समेत दिएको छ ।

 

यस कार्यक्रममा पिपरीया लगायत आसपासका क्षेत्रका सयौं किसानको उल्लेखनीय सहभागिता रहेको थियो ।

सागर संगम ठाकुर, रौतहट, १३ गते असार । 

रौतहटको देवाही गोनाही नगरपालिकामा लैङ्गिक समानता र लैङ्गिक हिंसाविरुद्ध सचेतना अभिवृद्धि गर्ने उद्देश्यले एकदिने तालिम सम्पन्न भएको छ । देवाही गोनाही नगरपालिका वडा नं. ९ को आयोजनामा तथा नगरपालिकाको सहयोगमा सौगात नेपाल संस्थाको समन्वयमा आयोजित तालिममा करिब ५० जना महिलाहरूको सक्रिय सहभागिता रहेको थियो ।

प्रेमपुर गोनाहीस्थित मधेस संग्रहालयमा आयोजना गरिएको सो तालिम कार्यक्रम वडा अध्यक्ष वीर बहादुर साहको प्रमुख आतिथ्यमा सम्पन्न भयो। कार्यक्रमको उद्घाटन सत्रमा सम्बोधन गर्दै वडा अध्यक्ष साहले गाउँघरमा हुने लैङ्गिक हिंसाका विविध पक्षहरूबारे प्रकाश पार्दै यस्ता तालिमहरूले समुदायमा चेतना फैलाउने र दीर्घकालीन रूपमा सकारात्मक परिवर्तन ल्याउने विश्वास व्यक्त गरे ।

तालिममा प्रशिक्षकहरूले महिला, पुरुष, बालबालिका तथा वृद्धहरू सबैमा हुने दुर्व्यवहार तथा हिंसाका प्रकार, यसको सामाजिक असर र न्यूनीकरणका उपायबारे जानकारी दिएका थिए । साथै लैङ्गिक विभेद अन्त्य, समान अवसरको सुनिश्चितता, र समुदायमा सकारात्मक सोच विकास गर्न आवश्यक रणनीतिबारे समेत व्यापक छलफल गरिएको थियो ।

कार्यक्रमको समापनमा सौगात नेपाल संस्थाका प्रमुख सुरेन्द्र पासवानले तालिममा सहभागी रहेका नगरपालिका कर्मचारी, सञ्चारकर्मी तथा स्थानीय बासिन्दाहरूलाई गम्छा ओढाएर सम्मान प्रकट गरेका थिए ।

यस किसिमका तालिमले महिलाहरूमा आत्मविश्वास अभिवृद्धि गर्ने तथा लैङ्गिक न्यायको पक्षमा समुदायलाई एकजुट गराउने अपेक्षा गरिएको छ ।

बज्जिकाञ्चल संवाददाता,राैतहट,१३ गते असार । 

नेपाल विद्युत प्राधिकरण मौलापुर सवस्टेसन अन्तर्गत अत्यावश्यक मर्मत तथा स्तरोन्नति कार्यका कारण देवाही गोनाही नगरपालिका तथा कटहरिया नगरपालिकाका केही क्षेत्रहरूमा विद्युत आपूर्ति अवरुद्ध हुने भएको छ ।

प्राधिकरणका अनुसार मिति २०८२ असार १४ गते शनिवार, बिहान ७:०० बजे देखि बेलुका ५:०० बजे सम्म कटहरिया ११ के.भी. फिडर अन्तर्गत बुस कटिङ तथा कटहरिया बजार क्षेत्रमा एसिएसआर तारको सट्टा एबिसी केवल जडानको कार्य सम्पन्न गरिनेछ । उक्त कार्य सम्पन्न गर्नुपर्ने भएकाले मौलापुर सवस्टेसनबाट प्रशारण हुने सम्पूर्ण लाइन बन्द रहनेछ ।

विद्युत अवरुद्ध हुने क्षेत्रहरू देवाही गोनाही नगरपालिका अन्तर्गत टिकुलिया, कर्कच, पिप्रा र कटहरिया नगरपालिका अन्तर्गतको सम्पूर्ण क्षेत्रकाे लाईन अवरुद्ध हुने भएको छ ।

प्राधिकरणले सो समय अवधिमा विद्युत सेवा बन्द रहने जानकारी दिंदै सर्वसाधारणलाई वैकल्पिक व्यवस्था मिलाउन अनुरोध गरेको छ ।

यदि तोकिएको कार्य समय भन्दा अगाडि सम्पूर्ण मर्मत कार्य सम्पन्न भएमा विद्युत आपूर्ति तोकिएको समयभन्दा पहिले नै पुन: सञ्चालन गरिने प्राधिकरणले जनाएको छ ।

विद्युत प्राधिकरणले अस्थायी असुविधाप्रति उपभोक्तामाझ क्षमायाचना गर्दै सहयोग र सहनशीलता अपनाउन आग्रह गरेको छ ।

राजेश निर्माणी, रौतहट, १३ गते असार । 

राैतहटकाे वृन्दावन नगरपालिकाको आगामी आर्थिक वर्षको नीति तथा कार्यक्रम र बजेट पारित गर्न आह्वान गरिएको नगरसभा रोक्न उच्च अदालत जनकपुरको अस्थायी इजलास वीरगन्जले दिएको अन्तरिम आदेश आज बदर गरेको छ ।

 

न्यायाधीश गोकर्ण डाँगी र नेत्र आचार्यको संयुक्त इजलासले शुक्रबार गरेको आदेशमा नगरसभाको विषयमा दुवै पक्षको कुरा सुनी मात्र निर्णय गर्न उचित हुने देखिएको उल्लेख गर्दै, यसअघि असार ८ गते जारी गरिएको अल्पकालीन अन्तरिम आदेशलाई निरन्तरता नदिने निर्णय गरेको हो ।

 

उक्त आदेशसँगै वृन्दावन नगरपालिकाका नगर प्रमुख विनोद प्रसाद कुर्मीले अब सबै जनप्रतिनिधिहरूसँग छलफल गरी असार मसान्तभित्रै नगरसभा सम्पन्न गर्ने तयारी भएको जानकारी दिए ।

 

उनका अनुसार यसअघि जति अवरोध र जालझेल भए पनि आफ्नो कार्यकालमा तीनपटक नगरसभा समयमै सम्पन्न गर्न सफल भएका थिए।

 

यसपटक भने उपप्रमुख संगिता कुमारी रामले व्यक्तिगत स्वार्थका कारण विपक्षीसँग मिलेर नगरसभा रोक्न खोजेको स्थानीयको आरोप छ। रामले असार ८ गते उच्च अदालतमा उत्प्रेषणयुक्त परमादेश माग गर्दै नगरसभा तत्काल स्थगनको माग गरेकी थिइन्, जसपछि अदालतले अल्पकालीन अन्तरिम आदेशमार्फत नगरपालिकालाई नगरसभा नगर्न निर्देशन दिएको थियो ।

न्यायालयले दिएको पछिल्लो आदेशमा उपप्रमुख राम संयोजक रहेको स्थानीय राजस्व परामर्श समितिको बैठक स्थानीय सरकार सञ्चालन ऐन, २०७४ अनुसार भएको प्रमाण नदेखिएको र नगरसभाको सूचना आफूले नपाएको भनी गरेको दावी समेत कागजातबाट पुष्टि नभएको उल्लेख गरिएको छ ।

यस फैसलापछि अब वृन्दावन नगरपालिकाले बजेट पारित गर्ने बाटो खुलेको छ र विकास तथा सेवा प्रवाहमा आउने अवरोध हट्ने अपेक्षा गरिएको छ ।

आरके श्रीवास्तव,राैतहट,११ गते असार ।
राैतहटकाे गुजरा-१, रंगपुरस्थित साना किसान कृषि सहकारी संस्था लि.ले विउ विजन आत्मनिर्भर कार्यक्रम अन्तर्गत गोदाम घर निर्माण तथा विउ प्रशोधन मेशिन खरिद र जडानसम्बन्धी सार्वजनिक सुनुवाई कार्यक्रम सम्पन्न गरेको छ ।
कार्यक्रम नवस्थापित विउ प्रशोधन केन्द्र परिसरमा आयोजना गरिएको थियो ।

कार्यक्रममा कृषि विकास निर्देशनालय, नकटाझिज, धनुषा –मधेश प्रदेशको ५०% लागत साझेदारीमा भएको सहयोगप्रति सहकारीका पदाधिकारीहरूले आभार व्यक्त गरेका थिए ।
सहकारी संस्थाका अध्यक्ष धर्मेन्द्र धामीले भने, “हामी स्थानीय किसानहरूलाई आत्मनिर्भर बनाउने दिशामा एक ठूलाे कदम चालिरहेका छौं । यो गोदाम र प्रशोधन केन्द्रले किसानका बिउको गुणस्तर सुधार्नेछ र उत्पादन लागत घटाउनेछ ।” उहाँले किसानको जीवनस्तर उठाउन यस्ता योजनाहरू दीर्घकालीन फाइदाकाे आधार हुने विश्वास व्यक्त गरेका हुन् ।

त्यस्तै, मुख्य प्रबन्धक कपुरीलाल बण्ठाले परियोजनाको पारदर्शिता र समावेशीपनमा जोड दिँदै भन्नुभयो, “हामीले सार्वजनिक सुनुवाईमार्फत स्थानीय समुदायलाई सूचित र सहभागी गराउने प्रयास गरेका छौं । हरेक काममा स्थानीय किसानको प्रत्यक्ष सरोकार कायम राखेका छौं ।”
कार्यक्रममा स्थानीय कृषक, उपभोक्ता प्रतिनिधि, जनप्रतिनिधि तथा पत्रकारको उपस्थिति थियो । सहभागीहरूले परियोजनालाई सकारात्मक मूल्याङ्कन गर्दै सहकारी संस्था र निर्देशनालयलाई धन्यवाद ज्ञापन गरेका थिए ।

उक्त कार्यक्रमले विउ प्रशोधन तथा भण्डारण क्षेत्रमा गाउँमै पूर्वाधार निर्माणमार्फत कृषिमा आत्मनिर्भरताको मार्ग प्रशस्त गर्ने विश्वास व्यक्त गरिएको छ ।

आरके श्रीवास्तव,राैतहट,१० गते असार ।

राैतहटकाे गुजरा नगरपालिका–४ स्थित कनकपुरमा करिब ४५ लाख रुपैयाँको लागतमा हुने सडक स्तरोन्नति तथा आर.सी.सी. ढलान कार्यको शिलान्यास सम्पन्न भएको छ । भौतिक पूर्वाधार विकास मन्त्रालय, मधेश प्रदेश सरकारको विनियोजित बजेटमार्फत निर्माण हुन लागेको उक्त परियोजनाको शिलान्यास मधेश प्रदेशका पूर्व राज्यमन्त्री केशव राय चौधरीले गर्नु भएको हो ।

शिलान्यास कार्यक्रममा बोल्दै पूर्व राज्यमन्त्री चौधरीले यस सडक परियोजनाले स्थानीय जनताको दैनिक आवतजावत सहज बनाउने तथा समग्र क्षेत्रको विकासमा टेवा पुर्‍याउने विश्वास व्यक्त गरेका छन् । “भौतिक पूर्वाधारको सुदृढीकरणमार्फत विकासको गति बढाउन प्रदेश सरकारले निरन्तर पहल गरिरहेको छ,” उहाँले भन्नुभयो ।

करिब ४५ लाखको लागतमा सम्पन्न हुने यस सडक स्तरोन्नति तथा ढलान परियोजनाले वर्षातको समयमा हुने कीचड र हिलाको समस्याबाट स्थानीयलाई मुक्ति दिलाउने अपेक्षा गरिएको छ। स्थानीय बासिन्दाहरूले सडक सुधारको लागि लामो समयदेखि आवाज उठाउँदै आएका थिए ।

 

कार्यक्रममा स्थानीय जनप्रतिनिधि, राजनीतिक दलका प्रतिनिधिहरू, समाजसेवी तथा सर्वसाधारणको उल्लेखनीय उपस्थिति रहेको थियो । अलि ढिलै भएपनि निर्माण कार्य सुरु भई तोकिएको समयसीमा भित्र सम्पन्न गरिने निर्माण पक्षले जानकारी दिएको छ ।

आरके श्रीवास्तव,राैतहट,१० गते असार । 

रौतहटको गुजरा नगरपालिकाले आर्थिक वर्ष २०८२/८३ का लागि ५० करोड ४ लाख १८ हजार ३ सय ६० रुपैयाँको बजेट सार्वजनिक गरेको छ । मंगलबार १२ औं नगरसभा मार्फत बजेट, नीति तथा कार्यक्रम सार्वजनिक गरिएको हो ।

नगरप्रमुख सन्तलाल चौधरीको अध्यक्षतामा सम्पन्न नगर सभामा उपप्रमुख रत्न लामाले आगामी आर्थिक वर्षका लागि नीति तथा कार्यक्रम प्रस्तुत गरेकी थिइन् । प्रमुख प्रशासकीय अधिकृत उदय देवकोटाले बजेट वक्तव्य पढेर सुनाएका थिए ।

बजेटमा विकास निर्माण, शिक्षा, स्वास्थ्य, कृषि, रोजगार सिर्जना, पूर्वाधार तथा सामाजिक सुरक्षालगायतका क्षेत्रमा प्राथमिकता दिइएको जनाइएको छ । आगामी वर्षमा नगरको सेवा प्रवाहलाई थप प्रभावकारी बनाउने उद्देश्यसहित बजेट निर्माण गरिएको नगरपालिकाले जनाएको छ ।

नगरसभामा सम्बाेधन गर्दै नगर प्रमुख चौधरीले जनताको आवश्यकता र सुझावका आधारमा योजनाहरू समेटिएको उल्लेख गर्दै बजेट कार्यान्वयनमा सबैको सहयोग आवश्यक हुने बताए । उपप्रमुख लामाले नीति तथा कार्यक्रममा समावेश परियोजनाहरू समावेशी, दिगो र विकासमुखी हुने दाबी गरिन् ।

 

बज्जिकाञ्चल संवाददाता,देवाही गोनाही,असार १० गते ।

देवाही गोनाही नगरपालिकाको आर्थिक सहयोगमा सृजनात्मक समाज कल्याण केन्द्र नेपालको आयोजनामा सञ्चालित चार दिने साइबर अपराध सचेतना तालिम आज एक विशेष कार्यक्रमका साथ सम्पन्न भएको छ। तालिम समाजमा दिनप्रतिदिन बढ्दो साइबर अपराधका घटनाहरूलाई न्यूनीकरण गर्ने उद्देश्यका साथ सञ्चालन गरिएको हो ।

तालिममा कक्षा ८ देखि १० सम्मका १५० भन्दा बढी विद्यार्थी, ५ जना शिक्षक, तथा ५ जना स्थानीय समुदायका सदस्यहरूको उत्साहजनक सहभागिता रहेको शिक्षक विवेक शर्माले जानकारी गराउनु भएको हाे ।

प्रशिक्षकका रूपमा उपस्थित ईलाका प्रहरी कार्यालय, देवाही गोनाहीका प्रहरी निरीक्षक कमल कुमार लुङ्गेलीले सहभागीहरूलाई साइबर अपराधका विभिन्न स्वरूपहरू, यसबाट जोगिने उपाय, नेपालको साइबर कानुन तथा सुरक्षित इन्टरनेट प्रयोगबारे विस्तृत प्रशिक्षण दिनुभयो ।

उहाँले सामाजिक सञ्जालको सुरक्षित प्रयोग, अनलाइन ठगी, साइबर बुलिङ, ह्याकिङजस्ता संवेदनशील विषयमा सचेत गराउँदै, डिजिटल दुनियाँमा सजग बन्न आग्रह गर्नुभयो ।

तालिमको समापन कार्यक्रममा सृजनात्मक समाज कल्याण केन्द्र नेपालका अध्यक्ष विवेक शर्माको सभापतित्व रहेको थियो भने देवाही गोनाही नगरपालिका वडा नं. ६ का वडा अध्यक्ष विष्णु कुमार दास प्रमुख अतिथि रहनुभएको थियो ।

समापन कार्यक्रममा बोल्दै वडा अध्यक्ष दासले यस्ता कार्यक्रमहरूले समाजमा सकारात्मक चेतना फैलाउने विश्वास व्यक्त गर्नुभयो । उहाँले सहभागीहरूलाई तालिमबाट सिकेका कुरालाई व्यवहारमा उतार्न र प्रविधिको सही सदुपयोग गर्न आग्रह गर्नुभयो ।

कार्यक्रमका सभापति तथा संस्थाका अध्यक्ष विवेक शर्माले तालिमलाई सफल बनाउन सहयोग गर्ने सबैलाई धन्यवाद ज्ञापन गर्दै यस प्रकारका सामाजिक सचेतनामूलक कार्यक्रमहरूलाई आगामी दिनहरूमा पनि निरन्तरता दिने प्रतिबद्धता जनाउनुभयो ।

कार्यक्रममा देवाही निवासी अमरेश पटेलको विशेष सहयोगप्रति पनि आभार प्रकट गरिएको थियो । सहभागीहरूले तालिम अत्यन्त प्रभावकारी, जानकारीमूलक र समय सान्दर्भिक रहेको प्रतिक्रिया दिएका छन् ।

 

बज्जिकाञ्चल संवाददाता,रौतहट, १० गते असार ।
आम जनता पार्टी (आजपा) का अध्यक्ष एवं पूर्वमन्त्री प्रभु साहले देशले लोकतान्त्रिक बाटो बिराएकाले त्यसलाई करेक्सन गर्नुपर्ने बताएका छन् ।

रौतहटको मौलापुर नगरपालिकाको नगर सभा एवं ९औँ बजेट अधिवेशनको आज (मंगलबार) उदघाटन गर्दै उनले यस्तो बताएका हुन् । आजपा अध्यक्ष साहको गृहनगर समेत रहेका मौलापुरबाट मुलुकको विकास र समृद्धिका लागि दलहरु लोकतान्त्रिक मार्गमा हिड्नुपर्ने बताए ।

‘मुलुकले लोकतान्त्रिक बाटो बिराएको छ । त्यो करेक्सन हुनुपर्छ । कांग्रेस र एमालेको गठबन्धन अलोकतान्त्रि, अप्राकृतिक र अनैतिक रहेकोले जनतामा निरासा छाएको छ । त्यसका कारण कांग्रेस लोकतान्त्रिक बाटोमा हिड्नुपर्छ,’ आजपा अध्यक्ष साहले भने ।

मौलापुर नगरपालिकाको नगर सभा एवं ९औँ बजेट अधिवेशनमा मेयर रिनाकुमारी साह आ.ब.२०८२/०८३ को नीति तथा कार्यक्रम एवं बजेट प्रस्तुत गरेकी छन् । उनले मौलापुर नगरपालिकाको आ.ब. २०८२/०८३ मा ३९ करोड ५० लाखको नीति, बजेट तथा कार्यक्रम प्रस्तुत गरेकी छन् ।

मौलापुर नगरपालिकाले हरेक बर्षझै यस बर्ष पनि शिक्षा क्षेत्रमा अत्याधिक बजेट बिनियोजन गरेको छ । शिक्षा क्षेत्रमा मौलापुरले कुल बजेटको ४० प्रतिशत भन्दा बढी रकम छुट्याएको छ । मौलापुरमा नगर प्रहरीको साटो नगर शिक्षक र चिकित्सक रहेको छ । शिक्षा क्षेत्रमा मोडेल बन्दै गईरहेको मौलापुर नगरपालिका देशमै उत्कृष्ट काम गरेवापत पोखरामा एक महिना अघि आयोजित एक कार्यक्रममा सम्मानित समेत भएको छ । गुणस्तरीय शिक्षा, साक्षरता अभियान, उच्च शिक्षा र प्राविधिक शिक्षाको क्षेत्रमा मौलापुरले अत्याधिक बजेट खर्च गर्दै आएको छ ।

यस्तै मौलापुर नगरपालिकाले शुन्य कर नीतिलाई निरन्तरता दिएको छ । विगत ८ बर्षदेखी मौलापुरका मेयर रहेकी साहले यस बर्ष पनि शुन्य कर नीतिलाई निरन्तरता दिइएको फ्रि बिजुली, फ्रि पानी, यही आर्थिक बर्षमा नगरलाई कच्ची सडक मुक्त नगरको रुपमा घोषणा गरिने लक्ष्य समेत लिइएको जनाएकी छन् ।

‘हामी शासक होईन, सेवक हौँ, जनतासंग लिने होईन दिने हो । नगर प्रहरी होईन, नगर शिक्षक र नगर चिकित्सक राखेर हामी जनतालाई बढीभन्दा बढी सेवा दिन दिनरात जनताकै सेवामा खटने हो,’ मौलापुरका मेयर साहले भनेकी छन् ।

यस्तै मौलापुरका मेयर साहले छोरीसंग मेयर कार्यक्रमलाई समेत निरन्तरता दिएकी छन् । यो कार्यक्रम पनि उनी मेयर भएदेखी लागु भएको छ । यो कार्यक्रम अन्तरगत बिहेको समयमा हरेक छोरीलाई ३० हजार नगद सहयोग पालिकाले गर्दैआएको छ । यसैगरी मौलापुरले नमुना एकीकृत दलित बस्ती निर्माण, धुवा चुलो मुक्त अभियानलाई निरन्तरता दिएको छ ।

‘आगामी आ.व. २०८२/०८३ मा नगरपालिकाबाट नगर गौरवको आयोजनाको रुपमा विगत देखी सञ्चालन हुँदै आएको पुरातात्विक महादेव मन्दिर, मौलापुर शहरीकरण, एकीकृत नमुना बस्ती विकास, मोडेल प्राविधिक शिक्षालयको थप व्यवस्थागर्ने आयोजनाहरु र यस नगरपालिकाले सञ्चालन गर्दै आएको कच्ची सडक मुक्त नगर, हर हातमे हुनर, साक्षरता अभियान, निशुल्क बिजुली पानी र बेटीके साथ मेयर लगायतका लोकप्रिय कार्यक्रमहरुलाई निरन्तरता दिदै नवीनतम प्रविधि र गुणस्तरयुक्त शिक्षाको लागि विद्यालयहरुमा स्मार्ट कक्षा सहितको भौतिक तथा मानवसंशाधान थप व्यवस्था गर्ने,’ मेयर साहले भनेकी छन्, ‘वर्तमान समयको माग अनुसार नगर कार्यपालिकाको कार्यालय तथा यस मातहतका शाखा, वडा कार्यालयबाट हुने सेवा प्रवाहलाई अझ छिटो छरितो र व्यवस्थित गर्ने, स्वास्थ्य संस्थाहरुलाई थप व्यवस्थि तगर्ने, वेरोजगारहरुलाई स्वरोजगार बनाउने र कृषि व्यवसायलाई प्रतिस्पर्धी बनाउने र नयाँ एकीकृत दलित बस्ती निर्माण गरी झोपडी मुक्त नगर निर्माणको अभियानमा थप कार्यक्रम सञ्चालन गर्नुका साथै सुशासनलाई विशेष प्राथमिकता दिने नीति अवलम्बन गरिएको छ ।’

आरके श्रीवास्तव,राैतहट,१० गते असार ।
रौतहटकाे परोहा नगरपालिकाले आगामी आर्थिक वर्ष २०८२/८३ का लागि नीति, कार्यक्रम र बजेट प्रस्तुत गर्दै आफ्नो ९ औं नगरसभा भव्यरूपमा सम्पन्न गरेको छ । मंगलबार नगरपालिकाको प्रशासकीय भवनमा आयोजित सभामा नगरप्रमुख शेख वकिलले ५३ करोड ६७ लाख ८२ हजार ६४ रुपैयाँको वार्षिक बजेट सार्वजनिक गरेका छन् ।

सभालाई सम्बोधन गर्दै नगरप्रमुख वकिलले परोहालाई राज्यमै एक उदाहरणीय नगरपालिका बनाउने लक्ष्यसहित शिक्षा, स्वास्थ्य, खानेपानी, कृषि, महिला, बालबालिका, जेष्ठ नागरिक तथा सामाजिक विकास जस्ता प्राथमिक क्षेत्रमा विशेष जोड दिइएको बताएका छन् । “नगरवासीको साथ र सक्रिय सहभागिताका कारण नै परोहा आज यो स्थानमा आइपुगेको हो,” उनले भने ।

उक्त बजेटमा संघीय, प्रदेश तथा आन्तरिक स्रोतबाट प्राप्त रकम समावेश गरिएको छ । नगरप्रमुखका अनुसार बजेटको ठुलो अंश पूर्वाधार सुधार, आधारभूत सेवा प्रवाह तथा समावेशी विकासमा केन्द्रित हुने छ ।

कार्यक्रममा प्रमुख अतिथिका रूपमा उपस्थित नेपाली काँग्रेस रौतहटका सचिव रामचन्द्र गिरीले परोहामा शिक्षा, स्वास्थ्य, कृषि र सिँचाइ क्षेत्रमा उल्लेखनीय प्रगति भएको बताउँदै स्थानीय सरकारको सेवा प्रवाहप्रति नागरिक सन्तुष्ट रहेको बताए ।

सभामा उपप्रमुख सुगान्धी गिरी, निमित्त प्रमुख प्रशासकीय अधिकृत महम्मद महफुज, इन्जिनियर दिपेन्द्र यादव, वडाध्यक्षहरू तथा वडा सचिवहरू समेत उपस्थित थिए । उनीहरूले नगरपालिकाले स्थापना कालदेखि नै विकास निर्माणका क्षेत्रमा देखाउँदै आएको अग्रणी भूमिका र सफलताहरूको प्रशंसा गरेका छन् ।

नगरसभाको समापनसँगै आगामी वर्षको योजनाहरू कार्यान्वयन चरणतर्फ उन्मुख हुने संकेत दिइएको छ । अब स्थानीय नागरिक र सरोकारवालाहरूको चासो, प्रस्तुत योजनाहरूको व्यवहारिक कार्यान्वयनमा केन्द्रित रहने देखिन्छ ।

मुकेश कुमार साह, चपुर,०९ गते असार । 

चन्द्रपुर नगरपालिकाले आगामी आर्थिक वर्ष २०८२/८३ का लागि कुल १ अर्ब २१ करोड ५९ लाख ५१ हजार ६४० रुपैयाँको बजेट सार्वजनिक गरेको छ । नगरसभाको १५ औँ अधिवेशनमार्फत सार्वजनिक गरिएको उक्त बजेटमा अधुरा योजना सम्पन्न गर्ने र सामाजिक रूपान्तरणमा जोड दिइएको छ ।

उपप्रमुख जयमाला चौधरीले बजेट प्रस्तुत गर्दै नगरभित्र अलपत्र रहेका योजनाहरूलाई प्राथमिकता दिने स्पष्ट पारिन् । उनले करिब ६ करोड रुपैयाँ लागतमा निर्माणाधीन रहेको शीतभण्डारको काम आगामी वर्षभित्रै सम्पन्न गरिने बताइन् । साथै, बालश्रम र बालविवाहमुक्त वडा घोषणालाई पनि नगरको प्राथमिक एजेन्डा बनाइने जनाइन् ।

नगरप्रमुख संजय कुमार काफ्लेले चालू बजेटलाई नागरिकको आवश्यकता, माग र समग्र विकासका क्षेत्रमा सन्तुलितरूपमा विनियोजन गरिएको उल्लेख गरे। “यो बजेट जनताको आवाजलाई प्रतिनिधित्व गर्छ,” उनले भने, “हामी समावेशी र दिगो विकासप्रति प्रतिबद्ध छौं ।”

अघिल्लो आर्थिक वर्षको तुलनामा यसपटकको बजेटमा झण्डै २५ करोड ७७ लाख रुपैयाँको कटौती गरिएको छ। विगत वर्ष चन्द्रपुरले १ अर्ब ४७ करोड ३६ लाख रुपैयाँभन्दा बढीको बजेट प्रस्तुत गरेको थियो।

प्रदेशसभा सदस्य युवराज भट्टराईले नगरको समृद्धिका लागि सबै जनप्रतिनिधिहरू एकताबद्ध भएर अघि बढ्नुपर्नेमा जोड दिँदै प्रदेश सरकारको सहयोग निरन्तर रहने आश्वासन दिए ।

यसैबीच, रौतहट जिल्लाका १८ स्थानीय तहमध्ये १० नगरपालिकाले आगामी वर्षका लागि बजेट सार्वजनिक गरिसकेका छन्। चन्द्रपुरसँगै गौर, राजदेबी, इशनाथ, गढीमाइ, माधवनारायण, बौधीमाइ, राजपुर, कटहरिया र गरुडा नगरपालिकाले नगरसभा सम्पन्न गरेका छन् । गुजरा नगरपालिकाले असार १० गते बजेट प्रस्तुत गर्ने तयारी गरिरहेको छ भने बाँकी पालिकाले अझै बजेट सार्वजनिक गरेका छैनन् । आज पराेहा र माैलापुर नगरपालिकाले बजेट सार्वजनिक गर्दैछन् ।

चन्द्रपुर नगरपालिकाको यसपटकको बजेटले अधुरा योजना पूरा गर्दै सामाजिक परिवर्तन र जनउत्तरदायी विकासतर्फ दृढ पाइला चाल्ने संकेत दिएको छ ।

आरके श्रीवास्तव,राैतहट,०९ गते असार । 

रौतहटको गुजरा नगरपालिकामा नयाँ प्रमुख प्रशासकीय अधिकृतका रूपमा उप सचिव उदय प्रसाद देवकोटाले पदभार ग्रहण गर्नुभएको छ । उहाँको आगमनप्रति नगरपालिकाले हार्दिक स्वागत गर्दै सफल कार्यकालको शुभकामना व्यक्त गरेको छ ।

नगरप्रमुख सन्तलाल चौधरी र उपप्रमुख रत्न लामाले नगरपालिकाको तर्फबाट देवकोटा ज्यूलाई स्वागत गर्नुभएको हो । स्वागत कार्यक्रममा बोल्दै नगरप्रमुख चौधरीले भने, “नयाँ प्रमुख प्रशासकीय अधिकृतको आगमनले नगरको विकास तथा सेवा प्रवाहमा गति आउने विश्वास लिएको छु ।”

उपप्रमुख लालमाले पनि शुभकामना व्यक्त गर्दै उहाँको अनुभव र दक्षताले गुजरा नगरलाई संस्थागत रूपमा सुदृढ बनाउन मद्दत पुग्ने विश्वास व्यक्त गर्नुभयो ।

गत असार ०१ गते डा. श्रवणकुमार साह गुजरा नगरपालिकामा प्रमुख प्रशासकीय अधिकृतका रूपमा हाजिर हुनुभएको थियो । तर, पदभार ग्रहण गरेको २४ घण्टा नबित्दै संघीय मामिला तथा सामान्य प्रशासन मन्त्रालयले उहाँलाई सरुवा गरेको थियो । त्यसपछि पालिकामा केही समयसम्म कार्यकारी नेतृत्वको अभाव रहँदा दैनिक कामकाज प्रभावित भएको थियो ।

गुजरा नगरपालिकाका यसअघिका प्रमुख प्रशासकीय अधिकृत मित्रलाल ढकाललाई मन्त्रालयले जनकपुरधाम उपमहानगरपालिकामा सरुवा गरेपछि महिनाैं दिन नगरपालिका प्रमुख प्रशासकीय अधिकृतविहीन भएको थियो ।

अब उदय प्रसाद देवकोटाको आगमनसँगै नगरपालिकाको प्रशासनिक काम पुनः नियमित हुने अपेक्षा गरिएको छ ।

आरके श्रीवास्तव,राैतहट,०९ गते असार ।
रौतहट जिल्लाको गौर नगरपालिकाले सोमबार एक भव्य समारोहका साथ १६ औं नगरसभा सम्पन्न गरेको छ । नगरपालिकाको प्रांगणमा आयोजित कार्यक्रममा नगर प्रमुख शम्भु साहले नीति तथा कार्यक्रम प्रस्तुत गर्दै आगामी आर्थिक वर्ष २०८२/८३ का लागि कुल रु. ६१ करोड १५ लाख ९७ हजार २ सय ६१ को बजेट सार्वजनिक गरेका छन् । सो बजेटलाई नगरसभाबाट सर्वसम्मत पारित गरिएको छ ।

नगर प्रमुख साहले “हाम्रो अभियान समृद्धि, विकास र गौर नगरपालिका श्रेष्ठ पहिचान” भन्ने मूल नारासहित नगरपालिकाको आगामी योजना र प्राथमिकता सार्वजनिक गरेका हुन् । उनले शिक्षा, स्वास्थ्य, रोजगार, कृषि तथा महिला र बाल विकासका क्षेत्रहरूमा विशेष प्राथमिकता दिँदै विकास योजना अघि बढाइने प्रतिबद्धता व्यक्त गरेका छन् ।

नगरपालिकाको बजेट संघीय सरकारबाट प्राप्त समानीकरण अनुदान, ससर्त चालू तथा पुँजीगत अनुदान, विशेष र समपूरक अनुदान, प्रदेश सरकारबाट प्राप्त वित्तीय समानीकरण अनुदान तथा राजस्व बाँडफाँटका रकमहरू समेटेर तयार गरिएको हो ।

नगरसभामा निमित्त प्रमुख प्रशासकीय अधिकृत सुभाष ठाकुर, उप–नगर प्रमुख शैलदेवी साह, सबै वडाका वडा अध्यक्ष, कार्यपालिका सदस्य, नगरसभा सदस्य, कर्मचारी, पत्रकार तथा सुरक्षाकर्मीहरूको उल्लेखनीय उपस्थिति रहेको थियो ।

गौर नगरपालिकाले आगामी वर्षमा जनतालाई केन्द्रमा राखेर समावेशी र दिगो विकासका कार्यहरू अघि बढाउने स्पष्ट संकेत दिएको छ ।

सागर ठाकुर,देवाहीगाेनाही,०९ गते असार । 

रौतहटकाे देवाही गोनाही नगरपालिका–९ धरहरीमा जनप्रतिनिधिहरूको सक्रियतामा स्थानीय पूर्वाधार विकासका कार्यहरू तीव्र गतिमा अघि बढिरहेका छन् ।

सोही क्रममा स्थानीय स्तरमा लोकप्रियता कमाएका वडा अध्यक्ष वीर बहादुर साहको पहलमा वडा नम्बर ९ का विभिन्न टोलहरूमा नाला निर्माण तथा सडक ढलानको काम सुरु गरिएको छ ।

आर्थिक वर्ष २०८१/८२ अन्तर्गत कुल २४ लाख रुपैयाँको लागतमा सम्पन्न हुने यी योजनाहरू हाल कार्यान्वयनको चरणमा छन् । वडा अध्यक्ष साहका अनुसार श्री जय किसान नमुना माध्यमिक विद्यालय धरहरीको उत्तर र पूर्व साइडमा रहेको सडकमा नाला निर्माण र ढलानको काम सुरु गरिएको छ ।

त्यसैगरी, जगरनाथ साहको घरदेखि मुख्य सडकसम्म जोडिएको सडकमा नाला निर्माण कार्य भइरहेको छ भने नन्दकिशोर दासको घरदेखि बिशुनदेव यादवको घरसम्म र रामनारायण ठाकुरको घरदेखि मुख्य सडकसम्म पनि नाला निर्माण कार्य जारी छ ।

वडा अध्यक्ष साहले स्थानीय पूर्वाधार सुदृढीकरणलाई आफ्नो प्राथमिकतामा राख्दै जनतासँग सिधा संवाद र सहभागिता सुनिश्चित गर्दै विकास निर्माणका कार्यहरूलाई पारदर्शी ढंगले अघि बढाउने प्रतिबद्धता व्यक्त गरेका छन् ।

स्थानीयवासीहरूले पनि यस्ता जनहितका कार्यहरूप्रति खुसी व्यक्त गर्दै वडा अध्यक्ष साहप्रति आभार प्रकट गरेका छन् ।

सागर ठाकुर,देवाहीगाेनाही,०८ असार । 

रौतहटको देवाही गोनाही नगरपालिका–९, धरहरीमा अवस्थित श्री जय किसान नमुना माध्यमिक विद्यालयमा कक्षा ९ र १२ मा अध्ययनरत प्राविधिक धारका विद्यार्थीहरूलाई स्कुल पोसाक टी–सर्ट वितरण गरिएको छ ।

आईतवार विद्यालय परिसरमै आयोजित एक कार्यक्रमका बीच वडा नम्बर ९ का वडा अध्यक्ष वीर बहादुर साहको प्रमुख आतिथ्यतामा विद्यालयका १ सय २० जना विद्यार्थीलाई स्कुल पोसाक वितरण गरिएको हो । विद्यालयको आन्तरिक स्रोतबाट आर्थिक वर्ष २०८१/८२ काे बजेट अन्तर्गत टी–सर्ट वितरण गरिएको विद्यालयका प्रधानाध्यापक संजय प्रसाद गुप्ताले जानकारी दिए ।

उनका अनुसार प्राविधिक धारतर्फ अध्ययनरत विद्यार्थीलाई पठनपाठनमा सहज वातावरण सृजना गराउने उद्देश्यले पोसाक वितरण गरिएको हो । प्रधानाध्यापक गुप्ताले पोसाक शिक्षामा समानता र अनुशासनको माध्यम बन्ने विश्वास व्यक्त गरेका छन् ।

वडा अध्यक्ष साहले विद्यालयमा अध्ययनरत कक्षा ९ देखि १२ सम्मका सम्पूर्ण प्राविधिक धारतर्फका विद्यार्थीलाई पोसाक वितरण गर्नु विद्यालयको शैक्षिक सुधार प्रयासको एक महत्वपूर्ण पाटो भएको बताए । उनले शिक्षामा गुणस्तर अभिवृद्धिका लागि स्थानीय तह सदैव अग्रसर रहने प्रतिबद्धता पनि जनाएका छन् ।

कार्यक्रममा विद्यालय व्यवस्थापन समितिका अध्यक्ष श्यामनन्दन साह, विद्यालयका शिक्षक/शिक्षिकाहरू, अभिभावक तथा विद्यार्थीहरूको उपस्थिति रहेको थियो ।

विद्यालयले आगामी दिनमा पनि विद्यार्थीहरूको शैक्षिक विकास र आवश्यकताका लागि विविध कार्यक्रम सञ्चालन गर्दै जाने बताएको छ ।

आरके श्रीवास्तव,राैतहट,०७ गते असार 

रौतहटकाे बौधीमाई नगरपालिका–४ ईनरवारीमा वडा अध्यक्ष तुरन्तनारायण यादवको सक्रिय नेतृत्वमा पछिल्लो समय उल्लेखनीय विकास कार्यहरू सम्पन्न भएका छन् । स्थानीय पूर्वाधारको स्तरोन्नति र जनजीविकासम्बन्धी योजनाहरूले वडालाई नयाँ गति दिइरहेका छन् ।

यादवको पहलमा हालै मात्रै करिब १५ लाख रुपैयाँको लागतमा ४ सय ३५ मिटर लम्बाइको माटो, ग्रेभल र सडक ढलान सम्पन्न भएको छ । साथै, करिब १७ लाख रुपैयाँको लागतमा ३ सय ६४ मिटर लम्बाइको अन्डरग्राउण्ड नाला निर्माण सम्पन्न गरिएको छ, जसमा हिलटेक पाईप प्रयोग गरिएको छ ।

 

सडक संरक्षण र दीर्घकालीन पूर्वाधार निर्माणतर्फ उन्मुख हुँदै करिब ११ लाखको लागतमा ५४ मिटर लामो रिटेनिङ्ग वाल निर्माण गरिएको छ । शिक्षाको पहुँच विस्तार गर्ने उद्देश्यले चार कोठे विद्यालय भवन निर्माण कार्य सम्पन्न गरिएको छ ।

त्यसैगरी, वडामा नयाँ सडक निर्माण, कृषि क्षेत्रको प्रवर्द्धनका लागि ट्रान्सफरमर जडान, र १३ वटा अधुरा पोलमा विद्युत् तार जडान लगायतका कार्यहरू पनि प्रगति क्रममा छन् । उज्यालो अभियान अन्तर्गत एकवटा नयाँ विद्युत टावर निर्माण गरिनुका साथै दुईवटा जीर्ण टावरहरू मर्मत गरी पुनः सञ्चालनमा ल्याइएको छ ।

यी सम्पूर्ण विकास कार्यहरूले ईनरवारीका बासिन्दाहरूमा सकारात्मक उत्साह सिर्जना गरेको छ । वडा अध्यक्ष तुरून्तनारायण यादवको नेतृत्व र प्रतिबद्धता नै यी उपलब्धिहरूको आधार भएको स्थानीयवासीहरूले बताएका छन् । उहाँले “विकास र समृद्धिको लागि जनप्रतिनिधि जिम्मेवार र उत्तरदायी हुनुपर्छ” भन्ने मूल मन्त्रलाई व्यवहारमा उतार्दै वडालाई अग्रगामी बनाउने दिशामा काम गरिरहनुभएको छ ।

फाेटाे फिचर:

आरके श्रीवास्तव,गरूडा,०७ गते असार ।
रौतहटकाे गढीमाई नगरपालिकाको १२ औं नगर सभा शनिबार समनपुरस्थित कार्यपालिका भवनमा भव्य रूपमा सम्पन्न भएको छ । कार्यक्रममा प्रमुख अतिथिका रूपमा उपस्थित जिल्ला समन्वय समितिका सभापति रामअयोध्या यादवले नगर सभाको उद्घाटन ब्यानर पढेर गरेका थिए ।

नगरप्रमुख श्यामप्रसाद यादवले आर्थिक वर्ष २०८२/८३ का लागि कुल ५४ करोड ९१ लाख ७२ हजार १०८ रुपैयाँको बजेट सार्वजनिक गरेका छन् । बजेटमा संघीय र प्रदेश सरकारबाट प्राप्त विभिन्न शीर्षकको अनुदान तथा आन्तरिक स्रोत समेटिएको छ ।
नगरप्रमुख यादवका अनुसार बजेटमा संघीय सरकारबाट
समानीकरण अनुदान ११ करोड २१ लाख,सशर्त अनुदान २५ करोड ५७ लाख,राजस्व बाँडफाँड १० करोड ८७ लाख ६५ हजार १०८,प्रदेश सरकारबाट समानीकरण अनुदान ७७ लाख ४९ हजार,विशेष अनुदान ३० लाख,समपूरक अनुदान: २० लाख,राजस्व बाँडफाँड ६३ लाख ५८ हजार,सशर्त अनुदान: ९५ लाख,सडक बोर्ड नेपाल ४० लाख रहेको छ ।
त्यसैगरी, मालपोतबाट राजस्व बाँडफाँड अन्तर्गत २ करोड र आन्तरिक श्रोतबाट पनि २ करोड रुपैयाँ बजेटमा समेटिएको छ ।

चालु खर्चतर्फ ३५ करोड ७६ लाख २३ हजार १०८ रुपैयाँ र पूँजीगत खर्चतर्फ १९ करोड १५ लाख ४९ हजार रुपैयाँ विनियोजन गरिएको नगरप्रमुख यादवले जानकारी दिए ।
नीति तथा कार्यक्रम प्रस्तुत गर्दै नगरप्रमुख यादवले शिक्षा, स्वास्थ्य, खानेपानी, कृषि तथा धार्मिक क्षेत्रमा उल्लेखनीय काम भएको जनाउँदै आउँदो दिनमा गढीमाईलाई अन्य पालिकाभन्दा अगाडि राख्ने प्रतिबद्धता व्यक्त गरेका छन् । विशेषगरी कृषि क्षेत्रलाई प्राथमिकता दिँदै मोटर, स्प्रे ट्यांकी, कृषि विधतीकरण, कृषि मिटरको बिल पालिकाले व्यहोर्ने व्यवस्था गरिने जानकारी दिए ।
कार्यक्रममा उपप्रमुख अस्मिता यादवले स्वागत मन्तव्य दिँदै सम्पूर्ण अतिथिहरूलाई स्वागत गरिन् । वडाध्यक्षहरूले प्रस्तुत नीति तथा कार्यक्रममाथि आ–आफ्ना धारणा राखेको निमित्त प्रमुख प्रशासकीय अधिकृत नागेन्द्र यादवले जानकारी दिएका छन् ।

आरके श्रीवास्तव,गरूडा,०७ गते असार ।
रौतहटकाे ईशनाथ नगरपालिकाले आगामी आर्थिक वर्ष २०८२/०८३ का लागि कुल ४९ करोड ६४ लाख ५२ हजार ४ सय ९७ रुपैयाँको बजेट सार्वजनिक गरेको छ । सोमबार नगरसभाको सभाहलमा बसेको ११ औं अधिवेशनमार्फत नगर प्रमुख कौशलया देवी सिन्हाले नीति तथा कार्यक्रमसहित बजेट प्रस्तुत गरिन् ।

प्रमुख प्रशासकीय अधिकृत नन्दनकिशोर गुप्ताले भने, “आगामी वर्षको बजेट समावेशी, दिगो र नतिजामुखी विकासलाई ध्यानमा राखेर तयार गरिएको हो । हाम्रा सबै योजना स्थानीय आवश्यकता र सम्भावनाको मूल्यांकनका आधारमा तय गरिएका छन् ।”
उनका अनुसार शिक्षा, स्वास्थ्य, पूर्वाधार विकास, रोजगार सृजना, कृषि प्रवर्द्धन र सफा खानेपानीका कार्यक्रमहरूमा बजेटको विशेष ध्यान केन्द्रित गरिएको छ । गुप्ताले थपे, “विगतका वर्षमा सिकेका अनुभवका आधारमा हामीले कार्यान्वयन योग्य र परिणाम दिने योजना छनोट गरेका छौं । बजेट पारदर्शिता र जिम्मेवारीताका साथ कार्यान्वयन हुनेछ ।”

नगर प्रमुख सिन्हाले पनि नीति तथा कार्यक्रम प्रस्तुत गर्दै समावेशी विकास, डिजिटल सेवा विस्तार, बालमैत्री नगरपालिका निर्माण, महिला सशक्तिकरण, वातावरण संरक्षण तथा सडक सञ्जाल विस्तारलाई प्राथमिकता दिने प्रतिबद्धता जनाएकी थिइन् ।
नगरपालिकाको यो बजेटले स्थानीय स्तरमा शिक्षा, स्वास्थ्य, कृषि, र सामाजिक सुरक्षामा सकारात्मक प्रभाव पार्ने अपेक्षा गरिएको छ ।

आरके श्रीवास्तव,राैतहट,०६ गते असार । 

रौतहट– देवाहीगोनाही नगरपालिकाकी उपप्रमुख परनिया देवी पटेलले जय किसान बहुप्राविधिक शिक्षालय धरहरीको भौतिक पूर्वाधार सुधारमा निरन्तर सहयोग गर्दै आएकी छन् । शिक्षालयको मुलगेटदेखि प्रशासनिक भवनसम्मको सडक ढलान तथा ग्रेभलको काम हालै सम्पन्न भएको छ, जुन कार्य उपप्रमुख पटेलको बजेट सहयोगमा सम्पन्न भएको हो ।

“शिक्षालयको वातावरण राम्रो बनाउनु सबैको दायित्व हो । मेरो तर्फबाट सकेको सहयोग गर्दै आएको छु र आगामी दिनमा पनि यसैगरी साथ रहनेछु,” उपप्रमुख पटेलले भनिन् । शिक्षालय भित्र रहेको ठुलो खाल्डाखुल्डी पुर्न लगाएको र आउजाउ गर्न सहजहाेस् भन्ने अभिप्रायले बाटाे बनाउन लगाएको उनकाे भनाइ छ ।

प्रत्येक आर्थिक वर्षमा उनले आफ्नो तर्फबाट केही न केही बजेट विनियोजन गरी शिक्षालयको आवश्यक पूर्वाधार निर्माण तथा सुधारमा निरन्तरता दिँदै आएकी छिन् । यस प्रकारको स्थानीय तहको सक्रिय सहभागिताले शिक्षालयको शैक्षिक वातावरण सुधार हुनुका साथै विद्यार्थी तथा कर्मचारीहरूको दैनिक गतिविधिमा सहजता ल्याएको छ ।

 

शिक्षालयका प्रमुख इन्जिनियर धनोज कुमार यादवका अनुसार, “उपप्रमुखज्यूको निरन्तर सहयोगले हाम्रो संस्थाको वातावरण अझ व्यवस्थित र पहुँचयोग्य भएको छ । उहाँको सक्रियता र शिक्षाप्रतिको प्रतिबद्धता प्रशंसनीय छ । हरेक वर्ष उहाँले आफ्नै तर्फबाट बजेट विनियोजन गरी शिक्षालयको सुधारमा महत्त्वपूर्ण भूमिका खेल्दै आउनुभएको छ ।”

 

उपप्रमुख पटेलको पहलमा सम्पन्न यो विकास कार्यले शिक्षालयमा अध्ययनरत विद्यार्थीहरू, शिक्षकहरू तथा आगन्तुकहरूको सुविधामा ठुलो सहजता ल्याएको छ । स्थानीय तहबाटै प्राविधिक शिक्षाको गुणस्तर अभिवृद्धिमा गरिएको यस्तो योगदान उदाहरणीय रहेको भन्दै शिक्षालय परिवारले कृतज्ञता व्यक्त गरेको छ ।

आरके श्रीवास्तव,राैतहट,०६ गते असार । 

रौतहट — माधवनारायण नगरपालिकाले आफ्नो १०औं नगरसभा भव्य समारोहका बीच सम्पन्न गर्दै आगामी आर्थिक वर्ष २०८२/८३ का लागि कुल ५३ करोड ३५ लाख ८९ हजार रुपैयाँको बजेट सार्वजनिक गरेको छ ।

 

नगरप्रमुख बैजनाथ प्रसाद यादवले नगरसभामा आगामी वर्षको नीति, कार्यक्रम र बजेट प्रस्तुत गर्दै स्थानीय विकासका लागि समावेशी र समग्र दृष्टिकोणले अघि बढ्ने प्रतिबद्धता जनाए। उनले बजेटमार्फत कृषि, शिक्षा र स्वास्थ्य क्षेत्रलाई उच्च प्राथमिकतामा राखिएको जानकारी दिएका छन् ।

उनका अनुसार बजेटको स्रोतमा संघीय सरकारबाट प्राप्त समानीकरण अनुदान, ससर्त र विशेष अनुदान, प्रदेश सरकारबाट प्राप्त वित्तीय अनुदान, तथा राजस्व बाँडफाँट लगायतका विविध स्रोत समावेश छन् । चालू तथा पुँजीगत खर्चका लागि छुट्याइएको रकमले नगरको पूर्वाधार, सामाजिक सेवा र धार्मिक–पर्यटकीय क्षेत्रको विकासमा टेवा पुग्ने विश्वास नगर प्रमुख यादवले व्यक्त गरेका छन् ।

नगरसभामा नगरपालिकाका उपप्रमुख निर्मलादेवी रमन, प्रमुख प्रशासकीय अधिकृत नागेन्द्र राय यादव, सबै वडाध्यक्ष, कार्यपालिका सदस्यहरू, नगरसभा सदस्य, स्थानीय पत्रकार, सुरक्षाकर्मी र अन्य सरोकारवालाहरूको उल्लेख्य सहभागिता रहेको थियो ।

नगरपालिकाले यस आर्थिक वर्षमा विशेषगरी माधवनारायण क्षेत्रको धार्मिक, ऐतिहासिक र पर्यटकीय महत्व उजागर गर्न योजना बनाएको उल्लेख गरिएको छ ।

आरके श्रीवास्तव,राैतहट,०६ गते असार ।
रौतहट – गरुडा नगरपालिकाको १३ औं नगरसभा तथा नवौं बजेट अधिवेशन आज भव्य रूपमा सम्पन्न भएको छ । नगरसभा कार्यक्रमको अध्यक्षता नगरप्रमुख कन्थमनी जयसवालले गर्नुभएको थियो ।

सभामा नगर उपप्रमुख पुनम चौधरीले आर्थिक वर्ष २०८२/०८३ का लागि कुल रु. ६९ करोड २६ लाख १७ हजार ३ सय ६७ को संशोधित बजेट, कार्यक्रम तथा योजनाहरू प्रस्तुत गर्नु भएको थियोे । प्रस्तुत बजेटलाई नगर सभाबाट सर्वसम्मत रूपमा पारित गरिएको छ ।

नगर प्रमुख जयसवालका अनुसार बजेटले शिक्षा, स्वास्थ्य, कृषि, सडक, रोजगारी, लघु उद्यम, पशु सेवा, महिला तथा बालबालिका, अपाङ्गता, दलित तथा पिछडिएको वर्गका पूर्वाधार विकासलाई प्राथमिकता दिएको छ । साथै, कृषकहरूको हितमा जारी कृषि सहुलियत नीतिलाई यस वर्ष पनि निरन्तरता दिइने जानकारी गराइएको छ ।

कार्यक्रमको उद्घाटन संघीय मामिला तथा सामान्य प्रशासन मन्त्री राजकुमार गुप्ताले गर्नुभएको थियो । मन्त्री गुप्तालाई नगरप्रमुख जयसवालले ५१ किलोकाे मालाले स्वागत गर्दै धन्यवाद ज्ञापन गर्नुभएको छ भने नेकपा एमालेका जिल्ला इन्चार्ज अजय कुमार गुप्तालाई समन्वयको लागि विशेष धन्यवाद प्रकट गरिएको छ ।

संघीय मामिला तथा सामान्य प्रशासन मन्त्री गुप्ताले संघीय निजामती विधेयकमा कमा र फुलस्टप पनि परिवर्तन नहुने बताएका छन् । गरुडा नगरपालिकाको बजेट अधिवेशनको शुक्रबार उद्घाटन गर्दै मन्त्री गुप्ताले संघीय निजामती विधेयक छिट्टै प्रतिनिधि सभामा पेश हुने र पास भएर राष्ट्रिय सभामा जाने बताएका छन् ।

नगर प्रमुखले उपप्रमुख, वडा अध्यक्ष तथा सदस्यहरू, राजनीतिक दलका प्रतिनिधिहरू, सुरक्षाकर्मी, नागरिक समाज, सञ्चारकर्मी, कर्मचारी तथा नगरवासी सबैलाई कार्यक्रम सफल बनाउन गरेको योगदानका लागि आभार व्यक्त गरिएको छ ।

मेयर जयसवालले गरुडा नगरको समुन्नत, समावेशी र समृद्ध भविष्य निर्माणका लागि सबैको साथ र सहकार्य आवश्यक रहेको उल्लेख गर्नुभएकाे छ ।

आरके श्रीवास्तव,राैतहट,०५ गते असार । 

कटहरिया-राैतहटकाे कटहरिया नगरपालिकाकाे वडा नम्बर ८ मा बर्थिङ्ग सेन्टरको शिलान्यास गरिएको छ । वडाध्यक्ष समिश विक्रम शाहको अध्यक्षतामा आयोजित कार्यक्रममा नगरप्रमुख अजय प्रकाश जयसवालले शिलान्यास गर्दै स्थानीय स्तरमै सुरक्षित प्रसूति सेवा उपलब्ध गराउने दिशामा यो योजनाले महत्वपूर्ण भूमिका खेल्ने विश्वास व्यक्त गर्नुभयो ।

नगर प्रमुख जयसवालले भन्नुभयो, “स्वास्थ्य सेवा सबैका लागि सहज र सुलभ हुनुपर्छ । बर्थिङ्ग सेन्टरको निर्माणपछि अब आमाहरूलाई टाढासम्म धाउनु नपर्नेछ । नगरपालिकाले आधारभूत स्वास्थ्य पूर्वाधारको सुदृढीकरणलाई प्राथमिकतामा राखेको छ । यो केन्द्रले मातृ तथा नवजात शिशु मृत्युदर घटाउने कार्यमा टेवा पुर्‍याउनेछ ।”

चालू आर्थिक वर्ष २०८१/८२ मा २० लाख रुपैयाँको लागतमा नगरस्तरीय योजनाअन्तर्गत बर्थिङ्ग सेन्टर निर्माण हुन लागेको हो । यसअघि आर्थिक वर्ष २०८०/८१ मा विनियोजित २२ लाख रुपैयाँबाट केन्द्रको कम्पाउण्ड वाल निर्माण भइसकेको वडाध्यक्ष शाहले जानकारी दिएका हुन् । आगामी आर्थिक वर्षमा सुविधा सम्पन्न बर्थिङ्ग सेन्टर सुचारू गर्ने लक्ष्य रहेको उनकाे भनाई छ । आवश्यक बजेट व्यवस्थापन गरिने उनलेे बताए ।

वडाध्यक्ष समिश विक्रम शाहले भने, “यो बर्थिङ्ग सेन्टर हाम्रो वडावासीका लागि धेरै आवश्यक थियो । हामीले यसलाई प्राथमिकतामा राखेर योजना अघि बढाएका हौं । अब निर्माण सम्पन्न भएपछि गर्भवती महिलाहरूलाई सहज पहुँच र गुणस्तरीय सेवा मिल्नेछ ।”

शिलान्यास कार्यक्रममा स्थानीय बिरेन्द्र साह कलवार, मुकुन्द यादव, रामभरोस यादव लगायतका व्यक्तिहरूको उल्लेखनीय उपस्थिति रहेको थियो । स्थानीयहरूले पनि बर्थिङ्ग सेन्टर निर्माणप्रति खुशी व्यक्त गर्दै छिटो निर्माण सम्पन्न गर्न आग्रह गरेका छन् ।

आरएन पटेल,रौतहट, २०८२ असार ४ गते ।
रौतहटमा करेन्ट लागेर एक जना गर्भवती महिलाको मृत्यु भएको छ। सुत्ने कोठामा मोबाइल चार्ज गर्ने क्रममा करेन्ट प्रवाह भइ गर्भवती महिलाको मृत्यु प्रहरीले जनाएको छ ।

मृत्यु हुनेमा रौतहटको राजपुर नगरपालिका वडा नम्बर ३ डमार पोखरीया टोल निवासी शेख सफुलाको श्रीमती अन्दाजी वर्ष ३० को गुलनाज खातुन रहेको बताइएको छ। निज खातून सुत्ने कोठामा मोबाइल चार्ज गर्ने क्रममा करेन्ट लागेको जिल्ला प्रहरी कार्यालय रौतहटले जनाएको छ ।

बुधवार साँझ करिब साढे ४ बजेको समयमा करेन्ट लागेर घाइते भएकी गुलनाजलाई उपचारको लागि प्रादेशिक अस्पताल गौर ल्याइएको थियो। अस्पतालमा उपचार गर्ने क्रममा इसिजी गर्दा करिब ५ बजेको समयमा चिकित्सकले मृत घोषणा गरेको जिल्ला प्रहरी कार्यालय रौतहटका प्रवक्ता प्रहरी नायब उपरीक्षक दिपक कुमार रायले जानकारी दिनु भएको छ ।

आरके श्रीवास्तव,राैतहट,०४ गते असार । 

अन्तर्राष्ट्रिय योग दिवस २०२५ को अवसरमा भारतको महावाणिज्य दूतावास, बीरगंज (नेपाल) र दुर्गाभगवती गाउँपालिका रौतहटको संयुक्त आयोजनामा आज पिपरा भलोहिया स्थित श्री सरस्वती माध्यमिक विद्यालयमा एक दिवसीय योग शिविर सम्पन्न भएको छ ।

उक्त कार्यक्रमका प्रमुख अतिथि मधेश प्रदेशका अर्थमन्त्री सुनिल कुमार यादव रहनु भएको थियो । कार्यक्रममा विशिष्ट अतिथिको रूपमा नेपाली कांग्रेस, मधेश प्रदेश संसदीय दलका नेता एवं पूर्व भौतिक पूर्वाधार विकास मन्त्री कृष्ण प्रसाद यादव तथा मधेश प्रदेशसभा सदस्य नागेन्द्र प्रसाद साहको उपस्थिति रहेको थियो ।

कार्यक्रममा प्रमुख जिल्ला अधिकारी, प्रहरी उपरीक्षक, सशस्त्र प्रहरी उपरीक्षक, स्थानीय जनप्रतिनिधिहरू, समाजका अगुवा, नागरिक समाजका सदस्यहरू, विद्यालयका शिक्षक-विद्यार्थी लगायत ४५० भन्दा बढी व्यक्तिहरूको उल्लेखनीय सहभागिता रहेको थियो ।

महावाणिज्यदूत देवी सहाय मिनाले उद्घाटन मन्तव्य दिँदै योगले व्यक्तिगत स्वास्थ्य मात्र होइन, वातावरणीय सन्तुलनमा समेत टेवा पुर्‍याउने उल्लेख गर्नुभयो । वहाँले सन् २०१४ मा नेपाल लगायतका १७७ देशले संयुक्त राष्ट्रसंघमा सहप्रस्ताव पेश गरी योग दिवस मनाउने सहमति जनाएको स्मरण गराउँदै “एक पृथ्वी, एक स्वास्थ्यका लागि योग” भन्ने यस वर्षको मूल नाराको महत्व बारेमा समेत जानकारी दिनुभयो ।

सो अवसरमा अर्थमन्त्री यादवले योगले मानिसको जीवनलाई स्वस्थ र सुखी बनाउने बताउँदै दैनिक योग अभ्यासको आवश्यकता औंल्याउनुभयो । नेता कृष्ण प्रसाद यादवले आजको जीवनशैलीमा बढ्दो आलस्यपनले स्वास्थ्य समस्या बढाएको उल्लेख गर्दै दीर्घायु र स्वस्थ जीवनको लागि योग अनिवार्य रहेको धारणा व्यक्त गर्नुभयो । गाउँपालिका अध्यक्ष  शम्भु सिंहले विद्यार्थीहरूलाई मानसिक सन्तुलन र अध्ययनमा एकाग्रता कायम राख्न दैनिक योगलाई जीवनशैलीमा समावेश गर्न सुझाव दिनुभयो ।

उक्त विद्यालयको एक भवन भारत सरकारको आर्थिक सहयोगमा निर्माण भएको स्मरण गर्दै, कार्यक्रमले नेपाल-भारत विकास साझेदारीको प्रतीकस्वरूप थप सन्देश दिएको आयोजकहरूले जनाएका छन् ।

 

महावाणिज्य दूतावास, बीरगंजले कार्यक्रम सफल बनाउन सहयोग गर्ने सम्पूर्ण संस्थाहरू र सहभागीहरूलाई आभार व्यक्त गर्दै आगामी दिनहरूमा यस्ता कार्यक्रमहरू निरन्तरता दिने प्रतिबद्धता व्यक्त गरेको छ ।

आरके श्रीवास्तव,गरूडा,०४ गते जेठ । 

रौतहटको दुर्गाभगवती गाउँपालिका–२, पिपरा भलोहिया स्थित रहेको श्री सरस्वती माविमा अन्तर्राष्ट्रिय योग दिवस २०२५ को अवसरमा एक भव्य कार्यक्रम सम्पन्न भएको छ । भारतको महावाणिज्य दूतावास, बिरगंज (नेपाल) र दुर्गाभगवती गाउँपालिकाको संयुक्त सहकार्यमा आयोजित यस कार्यक्रममा विभिन्न विशिष्ट व्यक्तित्वहरूको उपस्थिति रहेको थियो ।

कार्यक्रमका प्रमुख अतिथि मधेश प्रदेशसभा सदस्य तथा पूर्व मन्त्री कृष्णा यादव रहनुभएको थियो भने विशिष्ट अतिथिका रूपमा मधेश प्रदेशका अर्थमन्त्री सुनील यादवको सहभागिता रहेको थियो ।

अर्थमन्त्री यादवले कार्यक्रममा मन्तव्य दिंदै योगको महत्वमाथि जोड दिनुभयो। उहाँले भन्नुभयो, “योग केवल शारीरिक अभ्यास नभई समग्र जीवनशैली परिवर्तनको साधन हो । यसले मानसिक शान्ति, अनुशासन र आत्मबल प्रदान गर्दछ । प्रदेश सरकार स्वास्थ्यलाई नीतिगत प्राथमिकतामा राख्दै योग, आयुर्वेद र प्राकृतिक जीवनशैलीलाई प्रवर्द्धन गर्ने नीति लिइरहेको छ।”

यादवले विद्यालयस्तरबाट नै योग शिक्षाको विस्तार गर्नुपर्ने आवश्यकता औंल्याउँदै गाउँगाउँमा स्वास्थ्य–सचेतना फैलाउन सबै तहका सरकार तथा समुदायलाई सहकार्यमा जुट्न आग्रह गर्नुभयो ।

कार्यक्रममा रौतहटका प्रमुख जिल्ला अधिकारी बिनोद कुमार खड्का,राैतहट प्रहरी प्रमुख उपरीक्षक नेत्रमणि गिरी,भारतका महावाणिज्यदूत देवी सहाय मीणा,प्रदेशसभा सदस्य नागेन्द्र शाह, गाउँपालिकाका पूर्व अध्यक्ष अरुण शाह, उपाध्यक्ष शिला देवी, वडा अध्यक्ष प्रधुम्न चौधरी, सुरेश चौधरी लगायत विशिष्ट व्यक्तिहरूको उपस्थिति रहेको थियो ।

गाउँपालिका अध्यक्ष शम्भु सिंहले कार्यक्रमको सुरुवातमा स्वागत मन्तव्य राख्दै यति विशिष्ट अतिथिहरूको उपस्थिति आफ्ना लागि गौरवको विषय भएको बताउनुभयो ।

कार्यक्रममा सहभागीहरूलाई विभिन्न योग आसनहरूको अभ्यास गराइएको थियो भने पतञ्जलि, युनिलिभर नेपाल लगायत विभिन्न संस्थाहरूले कार्यक्रमलाई सहयोग गरेका थिए । आयोजकहरूका अनुसार, यस कार्यक्रमले स्थानीय तहमा योगप्रतिको चेतना अभिवृद्धि गर्नुका साथै स्वास्थ्य जीवनशैलीलाई प्रोत्साहन गर्न महत्वपूर्ण भूमिका खेलेको छ ।

 

आरके श्रीवास्तव, रौतहट, ०३ असार ।
रौतहटको मौलापुर नगरपालिकाको सहकार्यमा अडुवा खोलाबाट सञ्चालित वर्षौंदेखि जिर्ण अवस्थामा रहेको सोनरनिया–पथरा बुधराम महाकारसम्मको कुलोको सरसफाइ कार्य भईरहेकाे छ । कुलोको सफाइपछि सिँचाइमा सहजता आएपछि स्थानीय कृषकहरूमा उत्साह छाएको छ ।

यस ऐतिहासिक कुलो सरसफाइ कार्यमा नेतृत्व प्रदान गर्ने मौलापुर नगरपालिकाकी नगरप्रमुख रिना साहप्रति स्थानीयले विशेष आभार प्रकट गरेका छन् ।

श्री मावि पथरा बुधरामका विद्यालय व्यवस्थापन समिति अध्यक्ष विवेक यादवका अनुसार नगरपालिकाको समन्वय र सहयोगले स्थानीय कृषकहरूलाई ठूलो राहत मिलेको छ। “विगतमा कुलो अवरुद्ध हुँदा खेती गर्न गाह्रो हुन्थ्यो, अहिले पानी सहज रूपमा आउन थालेको छ,” उनले बताएका छन् ।

मावि पथराका शिक्षक लखिन्द्र यादवले कुलो सफा भएपछि वातावरण पनि सफा र स्वच्छ भएको अनुभव सुनाए। “शिक्षालय नजिकैको क्षेत्रमा कुलो सरसफाइ भएपछि दुर्गन्ध हटेको छ,” उनले भने।

त्यस्तै, किसान रामअधार यादवले कुलोमा पानी नहुँदा पहिले खेत सुक्खा पर्ने गरेको स्मरण गर्दै भने, “अब त खेतमै पानी आएको छ, समयमै रोपाइँ गर्न पाएका छौं, नगरप्रमुखलाई धन्यवाद छ।”

किसान लालमहमद अन्सारीले कृषिको आधार सिँचाइ नै भएको बताउँदै भने, “हामी किसानका लागि कुलो जीवनजस्तै हो। नगरप्रमुखले यो कुरा बुझेर काम गर्नु भयो, धेरै खुसी लाग्यो।”

किसान हरिन्द्र ठाकुरले नगरप्रमुख साहको नेतृत्वमा भएका यस्ता व्यवहारिक कामहरूले जनताको मन जितेको बताए । “हामीलाई हेरेर गरिने कामले मात्र नेताको मूल्य थाहा हुन्छ,” उनले भने, “अबको विकास र जनसेवा यस्तै होस् भन्ने चाहन्छौं।”

स्थानीयवासीहरूले नगरप्रमुख रिना साहको नेतृत्वमा विकास र सेवा प्रवाहमा निरन्तरता आउने विश्वास व्यक्त गरेका छन्।

आरके श्रीवास्तव,राैतहट,०३ गते असार ।
रौतहटको गुजरा नगरपालिकाको विशेष नगरसभा आज मंगलबारका दिन सम्पन्न हुँदै संघीय मामिला तथा सामान्य प्रशासन मन्त्रालयको कार्यप्रति गम्भीर असन्तोष प्रकट गर्दै खेद प्रस्ताव पारित गरेको छ ।

सभाबाट पारित निर्णयअनुसार, नगरपालिकामा प्रमुख प्रशासकीय अधिकृत मित्रलाल ढकाल कार्यरत रहेका थिए । उनी २०८२ साल वैशाख १७ गते सरुवा भई जनकपुर उपमहानगरपालिकामा खटिएपछि २०८२।०२।११ मा डा.श्रवण कुमार साहलाई गुजरा नगरपालिकाका लागि नयाँ प्रमुख प्रशासकीय अधिकृतको रूपमा तोकिएको थियो ।

तर, डा. साह आइतवार असार १ गते मात्र गुजरा नगरपालिकामा हाजिर भएका थिए । दुर्भाग्यवश, सोही दिन मन्त्रालयले उनलाई चन्द्रपुर नगरपालिकामा सरुवा गरेपछि गुजरा नगरपालिका पुनः प्रमुख प्रशासकीय अधिकृत बिहिन भएको हो ।

नगरसभाले यो अवस्थाले नगरपालिकाको दैनिक प्रशासनिक कामकाज, नीति तथा योजना कार्यान्वयन र विकास प्रक्रियामा प्रत्यक्ष असर परेको भन्दै संघीय मन्त्रालयको कदमप्रति खेद व्यक्त गरेको छ ।

सभाबाट पारित निर्णयमा संघीय मामिला तथा सामान्य प्रशासन मन्त्रालयलाई अविलम्ब प्रमुख प्रशासकीय अधिकृत खटाउन अनुरोध गरिएको छ । नगर प्रमुख, पदाधिकारी तथा सदस्यहरूले प्रमुख प्रशासकीय अधिकृतविहीन अवस्थाले जनप्रतिनिधिहरूका प्रयास प्रभावित भएको भन्दै तत्काल व्यवस्थापनको माग गरेका छन् ।

नगरप्रमुख सन्तलाल चौधरीले प्रमुख प्रशासकीय अधिकृतको अभावले नगरको नीति, योजना र बजेट कार्यान्वयन प्रभावित भएको बताउँदै संघीय मन्त्रालयको व्यवस्थापनप्रति प्रश्न उठाएका छन् ।

“विकास प्रक्रिया अवरुद्ध हुनु गम्भीर विषय हो । हामी तत्काल प्रमुख प्रशासकीय अधिकृतको खटाउनको लागि माग गर्छौं,” उनले भने।

आरके श्रीवास्तव,रौतहट,०३ गते असार ।
रौतहटको कटहरिया नगरपालिकाले मंगलबार आफ्नो एघारौं नगरसभा भव्य रूपमा सम्पन्न गर्दै आगामी आर्थिक वर्ष २०८२।०८३ का लागि ५४ करोड २५ लाख ५२ हजार रुपैयाँको बजेट सार्वजनिक गरेको छ ।

सरकारको निर्देशन अनुसार असार १० गते भित्र नीति, कार्यक्रम र बजेट पारित गर्नुपर्ने कानुनी व्यवस्था अनुसार नगरपालिकाले यो सभा आयोजना गरेको हो । नगर प्रमुख अजय प्रकाश जयसवालको अध्यक्षतामा सम्पन्न नगरसभामा आर्थिक वर्ष २०८२।०८३ का लागि नीति तथा कार्यक्रम कार्यान्वयन गर्न उक्त बजेट प्रस्ताव गरिएको हो ।

संघीय तथा प्रदेश सरकारबाट प्राप्त वित्तीय समानीकरण, शशर्त तथा विशेष अनुदान, राजस्व बाँडफाँड, समपुरक अनुदान र आन्तरिक स्रोतमार्फत संकलन भएको बजेट शिक्षा, स्वास्थ्य, कृषि, खानेपानी, यातायात, विधुत र भौतिक पूर्वाधार निर्माणलाई प्राथमिकता दिइएको छ ।
सभामा सम्बोधन गर्दै मेयर जयसवालले सीमित स्रोतसाधन हुँदाहुँदै पनि नगरले विगत केही वर्षमा रुपान्तरणकारी योजनाहरू कार्यान्वयन गर्दै विकासमा उल्लेखनीय फड्को मारेको बताएका छन् । उनले नगरभित्रका चालु तथा आउँदै गरेका विकास आयोजना, रोजगारी सिर्जना, महिला सशक्तीकरण, शिक्षा र स्वास्थ्य सुधारमा नगरले देखाएको प्रतिबद्धता पनि उल्लेख गरेका छन् ।

सबैको साथ र सहयोग रहने हो भने आफ्नो कार्यकालमै कटहरिया नगरलाई नमुना नगरको रूपमा स्थापित गर्छु,नगरप्रमुख जयसवालले दृढतापूर्वक भनेका छन् ।

आरके श्रीवास्तव,रौतहट,०३ गते असार ।
कटहरिया । लोकतान्त्रिक महिला संघको संशोधित विधानअनुसार मिना बैठालाई रौतहट जिल्ला संयोजकको रूपमा मनोनयन गरिएको छ । मनोनयनको जानकारी साथ उनलाई संघले औपचारिक रूपमा बधाई तथा शुभकामना व्यक्त गरेको छ ।

संघले मिना बैठाको नेतृत्वमा रौतहट जिल्लामा महिलाको हकहित, सशक्तीकरण तथा लोकतान्त्रिक आन्दोलन सशक्त रूपमा अगाडि बढ्ने विश्वास व्यक्त गरेको छ ।

संघको तर्फबाट जारी सन्देशमा भनिएको छ, “देश, मधेश, महिला तथा पार्टीको हितमा यहाँको कार्यकाल उल्लेखनीय हुनेछ भन्ने हाम्रो दृढ विश्वास छ । सम्पूर्णमा हार्दिक बधाई तथा शुभकामना व्यक्त गर्दछौं।”

नवनियुक्त संयोजक मिना बैठाले आफ्नो जिम्मेवारी इमानदारीका साथ निर्वाह गर्दै महिलाको अधिकार र सहभागितालाई थप बलियो बनाउने प्रतिबद्धता व्यक्त गरेकी छन् ।

ओम प्रकाश यादव,असार २ गते, रौतहट।
रौतहटमा आज सयौंको संख्यामा नेता कार्यकर्ताहरु नेपाली कांग्रेसमा प्रवेश गरेका छन्।

जिल्लाको माधवनारायण नगरपालिका -५ मिठुअवा कटहरिया टोलमा आज आयोजित पार्टि प्रवेश एवं नेता कार्यकर्ता भेटघाट कार्यक्रममा विभिन्न पार्टी परित्याग गरी दुई सय भन्दा बढी व्यक्ति नेपाली कांग्रेसमा प्रवेश गरेका हुन्।

नेपाली कांग्रेस माधवनारायण नगरपालिका -५ को वडा कार्य समितिले आयोजना गरेको पार्टी प्रवेश कार्यक्रममा कटहरिया टोलका राजिनन्द सहनी, जय प्रकाश सहनी, गोपाल सहनी, रामएकवाल सहनी लगायतका नेता कार्यकर्ताहरु कांग्रेसमा प्रवेश गरेका हुन्।

उनीहरू नेकपा एकीकृत समाजवादी र नेकपा एमाले त्याग गरी कांग्रेसमा प्रवेश गरेको बताइएको छ।

नेपाली कांग्रेस मधेश प्रदेशका संसदीय दलका नेता, कांग्रेसका मधेश प्रदेश सभापति, पूर्व मन्त्री एवं रौतहट क्षेत्र नं १ (ख) का प्रदेश सांसद कृष्ण प्रसाद यादवले उनीहरुलाई टिका, माला लगाएर पार्टी प्रवेश गराएका हुन्।

कांग्रेसका मधेश प्रदेश सभापति यादवले नव प्रवेशीहरुलाइ पार्टीमा स्वागत गरेका छन्।

कांग्रेस मधेश प्रदेश सभापति यादवले पार्टीमा आएका नव प्रवेशीहरुलाई आगामी सफल कार्यकालको शुभकामना दिएका थिए।

नेता कृष्ण प्रसाद यादवले प्रमुख अतिथिको आसनबाट बोल्दै नेपाली कांग्रेस निकै पुरानो इतिहास बोकेको ठूलो दल रहेकोले चाहेर पनि कसैले परास्त गर्न नसक्ने बताएका थिए।

अरु दलको कुनै भविष्य नरहेको बताउँदै उनले कांग्रेस पार्टी मात्र देशको स्थायित्व दिन सक्ने भएको हुँदा सबैलाई कांग्रेसमा लाग्नुपर्ने धारणा राखेका थिए।

कांग्रेसका मधेश प्रदेश प्रचार प्रसार विभाग प्रमुख नितेश गुप्ताको विशेष पहलमा उनीहरू विभिन्न दल छाडेर कांग्रेसमा प्रवेश गरेको बुझिएको छ।

राजनीतिमा ठूलो पकड़ भएका र राजनीतिमा ठूलो प्रभाव राख्ने दिगज नेताहरु कांग्रेसमा प्रवेश गरेकाले आगामी दिनको लागि मिठुअवा र माधवनारायण नगरपालिकामा नेपाली कांग्रेस पार्टी अझै मजबूत भएको कांग्रेसका मधेश प्रदेश प्रचार प्रसार विभाग प्रमुख नितेश गुप्ताले बताएका छन्।

एउटै टोलको सयौं नेता कार्यकर्ताहरुले सामूहिक रूपमै कांग्रेसमा आएकाले आउँदो २०८४ को निर्वाचनमा माधवनारायण नगरपालिकामा कांग्रेसले राम्रो मत ल्याउने र बहुमत प्राप्त गर्ने नेता गुप्ताले विश्वास व्यक्त गरेका हुन् ।

कार्यक्रममा माधवनारायण नगरपालिकाका नगर प्रमुख बैजनाथ प्रसाद यादव, नेपाली कांग्रेसका रौतहट जिल्ला सचिव मिथलेश मिश्रा लगाएतका वक्ताहरुले देशमा एकमात्र पार्टी नेपाली कांग्रेसले मात्र विकास गर्न सक्ने भन्दै कांग्रेसमा लाग्न सबैलाई आग्रह गरेका थिए

कार्यक्रममा नेपाली कांग्रेसका नेता, कार्यकर्ताहरुको उल्लेखनीय सहभागिता रहेको थियो।

बज्जिकाञ्चल संवाददाता,रौतहट, २ गते असार । 

आम जनता पार्टी (आजपा) का अध्यक्ष एवं पूर्वमन्त्री प्रभु साहले किसानलाई मलखाद्य नदिएर सरकारले आपराध गरिरहेको बताएका छन् ।

रौतहटको कटहरियामा आज (सोमबार) बसेको आजपाको रौतहट जिल्ला कमिटीको विशेष बैठकलाई सम्बोधन गर्दै अध्यक्ष साहले अहिले धानबाली लगाउने समयमा मल नदिएर सरकारले किसानलाई जिउँदै मारिरहेको बताए ।

‘अहिले धानवाली लगाउँने महत्वपूर्ण समय छ । यो कुरा सरकारमा बस्नेहरुलाई पनि थाहा छ । किसान अहिले मलखाद्य, विउबिजनको जोहो गरिरहेका छन् । तर यो अन्धो सरकारले किसानको पिडा देखिरहेको छैन् । किसानमारा सरकारलाई किसानको आशुले पोल्छ,’ आजपा अध्यक्ष साहले भने, ‘किसानलाई मलखाद्य, बिउविजन उपलब्ध गराउँने जिम्मेवारी केन्द्रीय सरकारको हो, तर किसानको बारेमा गफ मात्रै दिईरहेको छ मलखाद्य उपलब्ध गराउँन सकेको छैन् ।’

किसानहरु अहिले मलखाद्य नपाएर छटपटाइरहेको बताउदै उनले प्रधानमन्त्री केपी शर्मा ओलीसंग किसानलाई मल किन उपलब्ध नगराएको भन्दै प्रश्न समेत गरे । उनले भने, ‘के किसानलाई जिउँदै मार्दा तपाई (ओली)लाई पोलिरहेको छैन् ? किसानको आशुले पोल्छ ।’

किसानलाई मलखाद्य उपलब्ध गराउने केन्द्रीय सरकारले मल उपलब्ध गराउन नसकेको तर किसानले एकदुई बोरा मल भारतबाट ल्याउदा सीमामा बस्ने प्रहरीले पक्राउँ गरेर बाहुदरी देखाईरहेको टिप्पणी साहले गरे । जनताको समस्या, जनताको चाहना नबुझेको वर्तमान सरकार पूर्णरुपमा असफल भईसकेको उनले बताए ।

बिचौलियाले बनाएको गठबन्धन र वर्तमान सरकारका कारण बिचौलियाहरु नै खुसी देखिएको बताउदै उनले किसान, सर्वसधारणहरु निराश भएको बताए । बिचौलियाका लागि काम गरिरहेको यो सरकारलाई किसानलाई मलखाद्य उपलब्ध गराउने बारेमा सोच्ने फुर्सत समेत नभएको टिप्पणी उनले गरे ।

यस्तै, उनले लुटकारी दलतन्त्रका बिरुद्धमा न्यायप्रेमी जनता एवं दलहरु एकजुट हुनुपर्ने अहिलेको आवश्यक्ता भएको बताए । बिचौलिया, भगौडावर्गको पक्षपोषण गरिरहेको यो सरकारले दलिय सिण्डीकेट लागु गरेर लुट मचाएको आरोप साहले लगाए । लुटकारी दलतन्त्रको बिरुद्धमा एकजुट भएर अगाडी नबढे मुलुक धरासायी बन्दै जाने उनले बताए ।

बैठकले संगठन निर्माण, बिस्तारका साथै किसानलाई मलखाद्य, बिउँबिजन उपलब्ध गराउँन संघर्ष गर्ने निष्कर्ष निकालेको छ । आजपा रौतहट ईन्चार्य धर्मेन्द्र पटेलको अध्यक्षतामा भएको कार्यक्रममा आजपा कार्यालय सदस्यहरू समिना हुसैन, त्रिभुवन साह, सियाराम कुशवाहा, उमेश कुशवाहा लगायतका नेताहरुको विशेष सहभागिता रहेको थियो ।

बज्जिकाञ्चल संवाददाता,राैतहट,०१ गते असार ।रौतहट जिल्लाको गरुडा नगरपालिका–१ जयनगरमा आइतवार बिहान परेको चट्याङले एक जनाको ज्यान लिएको छ । बिहानको वर्षासँगै परेको चट्याङले बाख्रा खोल्न बाहिर गएका ५६ वर्षीय सियाराम साह बनियालाई चपेटामा पार्दा घाइते भएका थिए ।

घाइते अवस्थामा तत्कालै प्रादेशिक अस्पताल गौर पुर्‍याइएका साहको उपचारको क्रममा बिहान १० बजेतिर मृत्यु भएको जिल्ला प्रहरी कार्यालय रौतहटका प्रवक्ता डीएसपी दीपक कुमार रायले जानकारी दिए ।

पछिल्ला केही दिनदेखि जारी भीषण गर्मीले जनजीवन प्रभावित भइरहेका बेला आइतवार परेको वर्षाले सर्वसाधारणलाई राहत दिएको भए पनि चट्याङका कारण एक परिवारमा भने शोक छाएको छ ।

प्राकृतिक विपत्तिबाट हुने यस्ता घटनाले सावधानी अपनाउन आवश्यक रहेको प्रहरीको भनाइ छ । प्रहरी र स्थानीय निकायले नागरिकहरूलाई मौसमको जोखिमपूर्ण अवस्थामा सतर्क रहन आग्रह गरेका छन्।

आरके श्रीवास्तव,राैतहट,०१ गते असार । 

रौतहटको गुजरा नगरपालिकाले नयाँ प्रमुख प्रशासकीय अधिकृत पाएको छ । उपसचिव डा. श्रवण कुमार साहले आइतबार एक औपचारिक समारोहबीच कार्यभार सम्हालेका हुन् । नगर प्रमुख सन्तलाल चौधरी र उपप्रमुख रत्न लामाले उनलाई खादा, माला र टीका अर्पण गर्दै शुभकामना सहित स्वागत गरेका थिए ।

समारोहमा बोल्दै नगर प्रमुख चौधरीले लामो समयदेखि प्रशासकीय अधिकृतको अभावका कारण पालिकाका विभिन्न कामहरू प्रभावित भएको जनाउँदै भने, “डा. साहको आगमनसँगै नगरपालिकाको प्रशासनिक गति फेरि सक्रिय हुनेछ भन्ने हाम्रो आशा छ।”

चौधरीले पालिकाका बाँकी विकास योजना सम्पन्न गर्न र जनसेवा प्रवाहलाई प्रभावकारी बनाउन डा. साहसँग सहकार्य गर्ने प्रतिबद्धता पनि जनाए । उनका अनुसार पालिकामा प्रशासनिक स्थायित्व र सुशासन स्थापना गर्न अहिले उपयुक्त घडी हो ।

यसअघि प्रमुख प्रशासकीय अधिकृत मित्रलाल ढकालको सरुवापछि गुजरा नगरपालिका केही समयदेखि नेतृत्वविहीन रहँदै आएको थियो । जसले आर्थिक र विकास गतिविधिमा असर पारेको थियो ।

पदभार ग्रहणपछि डा. साहले प्रतिक्रिया दिँदै भने, “मैले जिम्मेवारीको गम्भीरता बुझेको छु । सेवा प्रवाहमा ढिलाइ नहोस् भनेर म पूर्ण पारदर्शिता, समयपालना र उत्तरदायित्वमा काम गर्नेछु ।”

डा. साहको अनुभव र नेतृत्वले गुजरा नगरपालिकालाई सुशासन र समावेशी विकासतर्फ उन्मुख गराउने अपेक्षा गरिएको छ ।

आरके श्रीवास्तव,राैतहट,०१ गते असार । 

रौतहटकाे राजपुर नगरपालिकाले बजेट ल्याएको छ । आईतवार राजपुर नगरपालिकाले यस वर्ष जनमुखी योजना ल्याएकाे छ । राजपुर स्थित कृषि तथा पशुपंछि सेवा केन्द्रमा  नगर प्रमुख डा.राजिक आलमकाे अध्यक्षतामा साे नगरसभा सम्पन्न भएको हाे ।

नगरसभाकाे ९ अाैं अधिवेशन बाट जनमुखी नीती र कार्यक्रम ल्याएकाे छ । नगरपालिका नगर कार्यपालिकाबाट पास गरेकाे निती तथा कार्यक्रम कार्यान्यवन गर्न ५७ करोड भन्दा बढी बजेट विनियोजन गरेकाे हाे ।

हरेक वर्ष असार १० गते बजेट ल्याउनु पर्ने प्रावधान रहेकाे छ । तर राजपुर नगरपालिकाले साे समयअवधी आगावै नगरसभा शान्तिपूर्ण रूपमा सम्पन्न गरेर बजेट ल्याउनेमा पहिलो पालिका बनेकाे छ । धेरै उत्साहका साथ सम्पन्न भएकाे नगरसभा बाट राजपुर नगरपालिकाकाे जनताकाे मन जितने किसिमकाे निती तथा कार्यक्रम पारित गरेको हाे ।

राजपुर नगरपालिकाले आर्थिक वर्ष २०८२/८३ का लागि ५७ करोड ५३ लाख ७८ हजार रुपैयाँको बजेट सार्वजनिक गरेको छ । जिल्लामै पहिलोपटक ९ औं नगरसभाबाट बजेट प्रस्तुत गर्दै नगर प्रमुख डा. आलमका अनुसार बजेट निर्माण सीमित स्रोत साधनबीच गरिए पनि शिक्षालाई सर्वाधिक प्राथमिकता दिइएको छ ।

“प्रत्येक वडामा एउटा स्मार्ट विद्यालय स्थापना, बिद्यार्थीसँग मेयर कार्यक्रमलाई निरन्तरता, नगरका निरक्षर नागरिकको तथ्यांक संकलन गरी साक्षरता कक्षा सञ्चालन, माध्यमिक विद्यालयमा पुस्तकालय स्थापनालगायतका योजना प्राथमिकतामा परेका छन्,” डा. आलमले भन्नुभयो ।

बजेट विवरण अनुसार संघीय सरकारबाट राजस्व बाँडफाँट ११ करोड ४७ लाख,वित्तीय समानीकरण अनुदान ११ करोड ३९ लाख,सशर्त अनुदान २६ करोड ४२ लाख,

,विशेष अनुदान १ करोड ६४ लाख,समपूरक अनुदान २ करोड ८९ लाख रहेको छ ।

त्यस्तै प्रदेश सरकारबाट राजस्व बाँडफाँट ८० लाख समानीकरण अनुदान ७७ लाख ७८ हजार,सशर्त अनुदान ८० लाख,विशेष अनुदान ३० लाख,समपूरक अनुदान २० लाख रहेको छ ।

त्यसैगरी आन्तरिक आम्दानी ८५ लाख रुपैयाँ रहेको छ । प्रमुख प्रशासकीय अधिकृत बैजु ठाकुरका अनुसार यो बजेटले नगरको समग्र विकासमा योगदान पुर्‍याउने विश्वास गरिएको छ । उहाँले भन्नुभयो, “नीति तथा कार्यक्रममा समावेश योजनाहरू सम्पादन गर्न कार्ययोजना निर्माण गरी समयमै कार्यान्वयन गरिनेछ ।”

राजपुर नगरपालिकाकाे प्राथमिकतामा परेका अन्य कार्यक्रमहरू प्रत्येक वडामा नागरिक आरोग्य सेवा केन्द्र स्थापना,मुख्य सडक कालोपत्रे, सहायक सडक पक्की ढलान,घरघरमा एउटा बिरुवा अनिवार्य रूपमा लगाउने अभियान,बेरोजगारलाई सीपमूलक तालिम र न्यून ब्याजदरमा ऋण उपलब्ध गराई स्वरोजगारको व्यवस्था

रंगशाला निर्माण तथा प्रत्येक वडामा सामुदायिक मेलमिलाप केन्द्र सञ्चालन रहेको छ ।

त्यस्तै हालको बर्थिङ्ग सेन्टरलाई व्यवस्थित गर्दै थप वडामा विस्तार,नगर सेवा मोबाइल एप समयानुकूल अद्यावधिक फोहोरमैला व्यवस्थापन केन्द्र निर्माण रहेको छ । नगर प्रमुख डा. राजिक आलमले राजपुर नगरपालिकालाई समावेशी, आत्मनिर्भर र जनमुखी बनाउने उद्देश्यले बजेट निर्माण गरिएको बताउनुभयो । उहाँले सबै योजनाहरू नागरिकसँग सहकार्यमा कार्यान्वयन गरिने प्रतिबद्धता समेत व्यक्त गर्नुभयो ।

साे अवसरमा वडा नम्बर १ देखि ९ नम्बर सम्मका वडा अध्यक्षहरू,जनप्रतिनिधिहरू,पत्रकार,सुरक्षाकर्मी,कर्मचारीहरू सहितका व्यक्तिहरूकाे उपस्थिति रहेकाे थियाे ।

बज्जिकाञ्चल संवाददाता,राैतहट,२९ गते जेठ । 

रौतहटको कटहरिया नगरपालिकामा पत्रकारहरूमाथि दुर्व्यवहार र कुटपिट भएको घटनाप्रति प्रेस चौतारी नेपाल, रौतहट शाखाले कडा आपत्ति जनाएको छ । नगरपालिकामा देखिएको खानेपानी समस्यासम्बन्धी सार्वजनिक टिप्पणी गरेका पत्रकार रविन्द्र प्रजापति र सागर ठाकुरमाथि कटहरिया नगरपालिकाका मेयर अजय प्रकाश जयसवालले अपमानजनक व्यवहार गरेको भन्दै प्रेस चौतारीले प्रेस विज्ञप्ति जारी गरी विरोध जनाएको हो ।

विज्ञप्तिमा उल्लेख गरिएअनुसार मेयर जयसवालले पत्रकार प्रजापतिलाई गाली-बेइज्जती गरेका थिए भने अर्का पत्रकार सागर ठाकुरमाथि शारीरिक आक्रमणसमेत गरेका थिए । प्रेस चौतारीले जनप्रतिनिधिबाट यस्तो किसिमको व्यवहार हुनु प्रेस स्वतन्त्रता र अभिव्यक्ति स्वतन्त्रता माथिको हमला भएको स्पष्ट पारेको छ ।

“जनताको जीवनसँग प्रत्यक्ष जोडिएको खानेपानीजस्तो संवेदनशील विषयमा प्रश्न उठाउँदा त्यसको उत्तर कुटपिट र गालीमार्फत दिनु अस्वीकार्य छ,” प्रेस चौतारीका अध्यक्ष अशोक कुमार पहाडीले जारी विज्ञप्तिमा उल्लेख गरेका छन् ।

प्रेस चौतारीले घटनाको निष्पक्ष छानबिन गरी दोषीलाई कानुनी दायरामा ल्याउन सम्बन्धित निकायहरूलाई आग्रह समेत गरेको छ ।

बज्जिकाञ्चल संवाददाता,राैतहट,२०८२ जेठ २९ गते । 

पत्रकारिता क्षेत्रलाई स्तब्ध पार्ने एक आपराधिक घटना रौतहट जिल्लाको कटहरिया नगरपालिकामा घटेको छ । कटहरिया म्यूजिकल एफ.एम.का समाचारवाचक तथा सागर संगम मिडिया प्रा.लि.का अध्यक्ष सागर संगम ठाकुर र सञ्चारकर्मी रविन्द्र प्रजापतीमाथि बिहीबार साँझ संघातिक हमला भएको हो ।

प्राप्त जानकारीअनुसार, खानेपानीको वास्तविकता सार्वजनिक गरेका कारण र सामाजिक सञ्जालमा व्यक्त विचारका लागि उनीहरूलाई  कटहरिया नगरपालिकाका नगरप्रमुख अजय प्रकाश जयसवालले  छलफलको बहानामा त्रिशक्ति बोर्डिङ स्कुलको प्राङ्गणमा बोलाई योजनाबद्ध रूपमा आक्रमण गरिएको हो । यस घटनालाई पत्रकारिता तथा अभिव्यक्ति स्वतन्त्रतामाथिको खुला आक्रमणका रूपमा लिइएको छ ।

घटनापछि गम्भीर घाइते भएका पत्रकार ठाकुरको प्रारम्भिक उपचार गरुडा स्थित बेटर मल्टिस्पेसलिस्ट अस्पतालमा गरिएको थियो । अवस्था गम्भीर भएपछि उनलाई थप उपचारका लागि वीरगंज रेफर गरिएको छ । अर्का सञ्चारकर्मी प्रजापतीलाई पनि सामान्य चाेटपटक लागेको छ ।

घटनाको सर्वत्र निन्दा भइरहेको छ । सामाजिक सञ्जालमा शीघ्र स्वास्थ्य लाभको कामना र दोषीमाथि कारबाही होस, पत्रकारिताको अधिकार लगायतका ह्यासट्याग प्रयोग गरी नागरिक, पत्रकार र सामाजिक अभियन्ताहरूले दोषीमाथि तुरुन्त कानुनी कारबाहीको माग गरिरहेका छन् ।

यस आक्रमणलाई लोकतन्त्र र प्रेस स्वतन्त्रतामाथिको गम्भीर संकटको रूपमा लिइँदैछ । पीडित पक्षले दोषीहरूलाई पहिचान गरी तत्काल कारबाही गर्न स्थानीय प्रशासनसँग माग गरेको छ ।

पत्रकारिता कुनै अपराध होइन, यो समाजको ऐना हो ।
यस प्रकारको हिंसात्मक घटना दोहोरिन नदिन सम्पूर्ण पत्रकार जगत, नागरिक समाज र राज्य निकाय एकजुट हुन आवश्यक देखिएको छ ।

आरके श्रीवास्तव,राैतहट,२८ गते जेठ ।

रौतहटको यमुनामाई गाउँपालिका–१ स्थित झाझपुल नजिक लुटपाट गर्न खोज्ने दुई जना युवालाई प्रहरीले पक्राउ गरेको छ । जिल्ला प्रहरी कार्यालय रौतहटका अनुसार मिति २०८२ साल जेठ २८ गते राति करिब १:३० बजे मधेश प्रदेश ०७–००१ प ०००४ नम्बरको मोटरसाइकलमा सवार दुर्गाभगवती गाउँपालिका–३, मत्सरी निवासी ३५ वर्षीय कृष्णमणि झालाई ७/८ जना अपरिचित व्यक्तिहरुले रोकेर लुटपाट प्रयास गरेका थिए ।

प्रहरीलाई घटनाबारे सूचना प्राप्त हुनासाथ तत्कालै प्रहरी टोली खटिई घटनास्थल पुगेर झालाई सकुशल उद्धार गरेको थियो । घटनामा संलग्न २२ वर्षीय मुकेश महतो र २० वर्षीय सिताराम महतोलाई नियन्त्रणमा लिइएको छ । हाल पक्राउ परेका दुवै युवामाथि आवश्यक अनुसन्धान भइरहेको र अन्य फरार व्यक्तिहरुको खोजी कार्य तीव्र पारिएको राैतहट प्रहरी प्रवक्ता तथा सूचना अधिकारी प्रहरी नायव उपरीक्षक दिपक कुमार रायले जानकारी दिएका छन् ।

आरके श्रीवास्तव,राैतहट,२०८२ जेठ २८ गते । 

रौतहटकाे गरुडा नगरपालिका–८ स्थित बिर्ता चौक नजिक मस्जिदको छेउमा जनता समाजवादी पार्टी नेपाल (जसपा) का केन्द्रीय सल्लाहकार समिति सदस्य राजकुमार दासमाथि एक आपराधिक समूहले संघातिक आक्रमण गरेको छ । शुक्रबार साँझ ६:३० बजे भएको उक्त घटनाप्रति जसपा, मधेस प्रदेश समितिले गम्भीर ध्यानाकर्षण जनाएको छ ।

प्रदेश अध्यक्ष बालकिशोर प्रसाद यादवद्वारा जारी प्रेस विज्ञप्तिमा घटनाको कडा भर्त्सना गर्दै दोषीमाथि कडा कारबाहीको माग गरिएको छ । “यस्तो आपराधिक गतिविधिले लोकतान्त्रिक राजनीतिमा खलल पुर्याउने खतरा उत्पन्न भएको छ,” विज्ञप्तिमा उल्लेख छ, “संबन्धित निकायले यथाशीघ्र दोषी पहिचान गरी कानूनी दायरामा ल्याउनु पर्छ।” यस घटनाले स्थानीयस्तरमा त्रासको वातावरण सिर्जना भएको छ भने सुरक्षाको सवालमा गम्भीर प्रश्न उठेको जनगुनासो छ। प्रहरी प्रशासनले घटनाको अनुसन्धान अघि बढाएको जनाएको छ ।

आरके श्रीवास्तव,गरूडा,२७ गते जेठ ।

राैतहटकाे माैलापुर नगरपालपका वडा नम्बर ६ पथरास्थित श्री माध्यमिक विद्यालय पथरा बुधराममा वि.स. २०७३ सालदेखि सञ्चालनमा रहेको डिप्लोमा इन कम्प्युटर इन्जिनियरिङ्ग कार्यक्रमले प्राविधिक शिक्षामा नयाँ उचाइ लिएको छ ।

नेपाल सरकारको “प्रत्येक पालिकामा एउटा प्राविधिक धार” नीति अनुरूप सञ्चालनमा आएको उक्त कार्यक्रम अहिले सशक्त रूपमा अघि बढिरहेको छ । हाल चालू शैक्षिक सत्रमा ४८ जना विद्यार्थी अध्ययनरत छन् । कक्षा ८ र ९ मा अध्ययन गर्न इच्छुक विद्यार्थीहरूलाई इन्ट्रान्स परीक्षामार्फत नामाङ्कन गरिन्छ ।

चार वर्षको अध्ययन पूरा गरेपछि विद्यार्थीलाई नेपाल सरकारबाट प्रमाणित डिप्लोमा इन कम्प्युटर इन्जिनियरिङ्गको प्रमाणपत्र प्रदान गरिन्छ । विद्यालयका प्रधानाध्यापक राजेश कुमार सिंहका अनुसार, “विद्यार्थीहरूलाई अध्ययनका क्रममा विभिन्न सरकारी तथा निजी कार्यालयहरूमा प्राविधिक अवलोकनका लागि पनि लैजानुका साथै, उनीहरूलाई व्यवहारिक ज्ञान दिइँदैछ।” उनले थपे, “अध्ययनका लागि २० वटा ल्यापटप र ५० वटा डेस्कटप कम्प्युटर छन्, साथै स्मार्टबोर्डमार्फत शिक्षण प्रक्रिया सञ्चालन गरिन्छ ।

” विद्यालयमा प्राविधिक धारका लागि ९ जना दक्ष शिक्षक कार्यरत छन् । तीमध्ये एकजना, शिक्षक लखिन्द्र यादवका अनुसार, “विद्यार्थीहरूमा कम्प्युटर सम्बन्धी प्राविधिक दक्षता अभिवृद्धिमा निरन्तर ध्यान दिइँदैछ ।” विद्यालय सञ्चालनमा राजनीतिक हस्तक्षेप हटाउँदै सहकार्य र समर्पणका साथ अघि बढेको बताउँदै विद्यालय व्यवस्थापन समितिका अध्यक्ष विवेक यादवले भने, “हामीले राजनीतिक गतिरोध अन्त्य गरी विद्यालयमा प्राविधिक शिक्षाको स्तर उकास्न प्राथमिकता दिएका छौं । शिक्षामा गुणस्तर ल्याउने हाम्रो मुख्य उद्देश्य हो ।

” अर्कोतर्फ, लेखापाल भगत साहले जानकारी गराएअनुसार, “नेपाल सरकारबाट डिप्लोमा इन कम्प्युटर इन्जिनियरिङ्ग अध्ययनरत विद्यार्थीका लागि प्रत्येक वर्ष १२ लाख रुपैयाँ बराबरको रकम बजेटस्वरूप प्राप्त हुन्छ ।

अबदेखि त्यो रकम चार वर्षका लागि कूल १२ हजार विद्यार्थी खातामा सिधै पठाउने व्यवस्था गरिएको छ।” श्री मावि पथरा बुधरामको यो प्राविधिक पहलले ग्रामीण क्षेत्रमा गुणस्तरीय र व्यवहारिक शिक्षालाई टेवा पुर्‍याइरहेको छ ।

बज्जिकाञ्चल संवाददाता,२०८२ जेठ २६ गते । 

जनकपुरधाम । एकीकृत समाजवादी पार्टीका मधेस प्रदेश सांसद कनिस पट्टेलले सरकारको वार्षिक नीति तथा कार्यक्रममा कडा असन्तुष्टि जनाएका छन् ।

सोमबार संसदमा नीति तथा कार्यक्रममाथि भएको छलफलमा बोल्दै उनले सरकारले सांसदहरूको आवाज समेत नटेर्ने अवस्थामा ‘हेल्लो सीएम’ जस्ता कार्यक्रम जनताका समस्या सुन्ने भरपर्दो माध्यम हुन नसक्ने टिप्पणी गरे ।

“सांसदहरू बारम्बार संसदमा सरकारसँग जनताको समस्या उठाउँछन् तर सुनेको पाइँदैन,” उनले प्रश्न गर्दै भने, “हेल्लो सीएममार्फत जनताको गुनासो कसरी सुन्ने ?”

सरकारले संसदमा उठाइएका प्रश्नहरूको जवाफसमेत दिन चुकेको भन्दै उनले कार्यपालिका र व्यवस्थापिकाबीचको संवादको अभावमा नीतिगत कार्यान्वयन प्रभावित भएको बताए ।

सरकारद्वारा प्रस्तुत नीति तथा कार्यक्रम नारा र देखावटी शैलीमै सीमित रहेको उनको आरोप थियो । “फूलबुट्टा सजाएर ल्याएको नीतिभन्दा व्यवहारमा देखिने परिणाम जरुरी छ,” पट्टेलले टिप्पणी गरे ।

उनले नीति तथा कार्यक्रम केही सीमित निर्वाचन क्षेत्रमा मात्र केन्द्रित भएको भन्दै सबै क्षेत्रमा समानरूपमा योजना विस्तार गर्न सुझाव पनि दिए । “१२ वटा निर्वाचन क्षेत्रमा मात्रै योजना सीमित नगर्नुहोस्,” उनले चेतावनी दिए, “सार्वजनिक योजना देशभरका जनताको हक हो ।”

पट्टेलको भनाइले सरकार र सांसदबीच बढ्दो दूरी तथा नीतिगत संवादको आवश्यकतालाई उजागर गरेको देखिन्छ ।

चन्दन यादव,राैतहट,२७ गते जेठ । 

राैतहटमा अदालतको फैसला कार्यान्वयन गर्न खटिएको प्रहरी टोलीले फरार रहेका १५ जना प्रतिवादीलाई पक्राउ गरेको छ । ती सबै प्रतिवादीहरू विभिन्न मुद्धामा अदालतबाट कैद तथा जरिवाना सजाय तोकिएका थिए ।

प्रहरीका अनुसार मिति २०८२ साल जेठ २७ गतेसम्ममा रौतहट जिल्ला अदालतबाट सजाय पाएका तर फरार रहेका प्रतिवादीहरूलाई जिल्ला प्रहरी कार्यालय रौतहट तथा मातहतका ईकाइहरूबाट परिचालित टोलीले खोजी गरी पक्राउ गरेको हो ।

पक्राउ परेका सबै व्यक्तिहरूलाई आवश्यक कारबाहीको लागि सम्मानित रौतहट जिल्ला अदालतमा बुझाइएको प्रवक्ता तथा सूचना अधिकारी प्रहरी नायव उपरीक्षक (डीएसपी) दिपक कुमार रायले जानकारी दिएका छन् ।

रायका अनुसार अदालतको फैसला कार्यान्वयनमा शून्य सहनशीलता नीति अपनाउँदै फरार प्रतिवादीहरूलाई खोजी गरी कारबाही अघि बढाउने कार्यलाई प्रहरीले अझ प्रभावकारी बनाउँदै लगेको छ ।

आरके श्रीवास्तव,राैतहट,२७ गते जेठ । 

नेपाल विद्युत् प्राधिकरण मौलापुर वितरण केन्द्रले सूचित गरेअनुसार भोलि मिति २०८२ जेठ २८ गते (बुधबार) मौलापुर क्षेत्रमा ५ घण्टासम्म विद्युत् आपूर्ति बन्द हुने भएको छ।

गौर वितरण केन्द्रबाट प्राप्त जानकारी अनुसार,हर्षाहा ३३ केभी लाइन अन्तर्गत बसन्तपुर क्षेत्रमा अवस्थित दुई थान पोल भाँचिन लागेकोले ती पोलहरुको मर्मत तथा बद्ली कार्य गर्नुपर्ने भएको हो । यस कार्यका लागि बिहान ७:३० बजेदेखि दिउँसो १२:३० बजेसम्म मौलापुर सब स्टेसनबाट सञ्चालित सम्पूर्ण विद्युत् आपूर्ति बन्द रहने जानकारी दिइएको छ ।

 

विद्युत् सेवा अवरुद्ध हुँदा उपभोक्तालाई केही असुविधा पर्न सक्ने भएकाले मौलापुर वितरण केन्द्रले सबै ग्राहक वर्गमा क्षमायाचना गर्दै आवश्यक वैकल्पिक व्यवस्था मिलाउन अनुरोध गरेको छ ।

मौलापुर वितरण केन्द्रका प्रमुख रामदिनेश यादवले जानकारी दिनु भएको छ कि पोल मर्मत कार्य सम्पन्न भएपछि पुनः नियमितरूपमा विद्युत् आपूर्ति सुरु गरिनेछ ।

आरके श्रीवास्तव,रौतहट, २०८२ जेठ २६ गते । 

जनता समाजवादी पार्टी (जसपा), नेपालका केन्द्रिय सल्लाहकार समिति सदस्य राजकुमार दासमाथि गम्भीर आक्रमण भएको छ । उक्त आक्रमण आइतबार साँझ करिब ६:३० बजे गरुडा नगरपालिका–८ अन्तर्गत बिर्ता चौक नजिकको मस्जिद छेउमा भएको हो ।

पार्टीका अनुसार केही आपराधिक समूहले योजनाबद्धरूपमा दासमाथि संघातिक आक्रमण र दुर्व्यवहार गरेका छन् । यस घटनाप्रति जनता समाजवादी पार्टी नेपाल, रौतहट जिल्ला समितिले गम्भीर ध्यानाकर्षण जनाएको छ ।

जिल्ला अध्यक्ष राजीव रंजन यादवद्वारा जारी विज्ञप्तिमा उक्त घटनाको घोर भर्त्सना गर्दै दोषीमाथि कडा भन्दा कडा कारबाही गर्न सम्बन्धित निकायसँग माग गरिएको छ ।

पार्टीले सुरक्षा निकायलाई दोषी पहिचान गरी तुरुन्त कानुनी प्रक्रिया अघि बढाउन आग्रह गरेको छ । साथै, यस्ता आपराधिक घटनाले मुलुकको शान्ति, स्थायित्व र राजनीतिक सहिष्णुतामाथि प्रश्न उठाउने भन्दै चौतर्फी चिन्ता व्यक्त गरिएको छ ।

 

सागर संगम ठाकुर, रौतहट, जेठ २३
रौतहटको देवाही गोनाही नगरपालिकामा डेंगु रोगसम्बन्धी एक दिने अभिमुखीकरण तालिम सम्पन्न भएको छ। समुदायमा डेंगु रोगको जोखिम बढ्दै गएकाले स्थानीय स्तरमै जनचेतना अभिवृद्धि गर्ने उद्देश्यले शुक्रबार नगर स्वास्थ्य शाखाको आयोजनामा तालिम कार्यक्रम सम्पन्न गरिएको हो।

तालिमको उद्घाटन नगर प्रमुख डा. रामप्रवेश पटेलले गरेका थिए। उनले तालिमको दौरान डेंगु रोग सामान्य ज्वरो जस्तो देखिए पनि गम्भीर परिणाम ल्याउन सक्ने भएकाले यसको समयमै पहिचान, रोकथाम र नियन्त्रण अत्यावश्यक रहेको बताए। उनले भने, “डेंगु नियन्त्रण सामूहिक प्रयासबाट मात्र सम्भव छ। यसमा समुदायको सक्रिय सहभागिता अपरिहार्य छ।”

कार्यक्रममा नगर स्वास्थ्य शाखाका संयोजक जग्गा रामले डेंगु रोगको लक्षण, संक्रमणका तरिका, बच्ने उपाय र नियन्त्रण रणनीतिका बारेमा विस्तृत जानकारी दिएका थिए। सहभागीहरूले घर वरपर पानी जम्न नदिने, पूर्ण शरीर ढाकिने लुगा लगाउने, लार्भा नष्ट गर्नेजस्ता व्यावहारिक उपायहरूबारे जानकारी प्राप्त गरेका थिए।

उक्त तालिममा उपमेयर परनिया देवी पटेल, स्वास्थ्य शाखाका सह-संयोजक रंदीप साह, विभिन्न वडाका स्वास्थ्यकर्मी, शिक्षक, आमा समूहका प्रतिनिधिहरू, वडा अध्यक्ष तथा सामाजिक अगुवाहरूको उल्लेखनीय सहभागिता रहेको थियो। सहभागीहरूले तालिममा प्राप्त ज्ञानलाई समुदायमा फैलाउने प्रतिबद्धता व्यक्त गरे।

कार्यक्रमको अन्त्यमा आयोजक संस्थाले सबै सहभागीप्रति आभार प्रकट गर्दै तालिम औपचारिक रूपमा समापन गरेको थियो।

आरके श्रीवास्तव,राैतहट,२३ गते जेठ ।
राैतहटकाे मौलापुर नगरपालिकाले शिक्षाको क्षेत्रमा उल्लेखनीय प्रगति गर्दै यस वर्षको “प्यान उत्कृष्ट नगरपालिका २०८२” को सम्मान प्राप्त गरेको छ । उक्त पुरस्कार नेपाल प्रधानाध्यापक संघ बाट प्रदान गरिएको हो।

प्रा. डा. विद्यानाथ कोइरालाको संयोजकत्वमा गठित पाँचजना विज्ञहरूको मूल्याङ्कन समितिले देशभरका नगरपालिकाहरूको शिक्षासम्बन्धी २५ वटा मापदण्डको आधारमा मूल्याङ्कन गरी मौलापुर नगरपालिकालाई मधेस प्रदेशमा उत्कृष्ट ठहर गरेको हो ।

पुरस्कार पाेखरामा आयोजित समारोहमा संघीय शिक्षा, विज्ञान तथा प्रविधि मन्त्री माननीय रघुजी पन्तबाट मौलापुर नगरपालिकाका नगर प्रमुख रिनाकुमारी साहले ग्रहण गर्नुभएकाे छ ।

शिक्षाको समग्र स्थिति, बाल शिक्षा तथा ईसीडी व्यवस्थापन, सिपमूलक शिक्षा, शिक्षक/विद्यार्थी सन्तुष्टि, विद्यालय बाहिर रहेका बालबालिकाका लागि गरिएको प्रयास, विद्यालयको भौतिक संरचना, स्थानीय पाठ्यक्रमको कार्यान्वयन, आधुनिक प्रविधिको प्रयोग, छात्रालाई शिक्षामा समावेश गराउने पहल, आवधिक शैक्षिक योजना निर्माण तथा गुनासो व्यवस्थापन प्रणाली लगायतका सूचकहरूमा मौलापुर नगरपालिकाको प्रदर्शन उच्च रहेको मूल्याङ्कन समितिको निष्कर्ष रहेको छ ।

नगरपालिकालाई उत्कृष्ट बनाउन सक्रिय योगदान पुर्‍याउने सम्पूर्ण जनप्रतिनिधि, कर्मचारी, शिक्षकमण्डल, अभिभावक, विद्यार्थी तथा सरोकारवालाप्रति मौलापुर नगरपालिकाले विशेष कृतज्ञता प्रकट गरेको माैलापुर नगरपालिकाका प्रमुख अधिकृत रामबाबु साहले जानकारी गराएका हुन् । साथै निष्पक्ष मूल्याङ्कन तथा पुरस्कार छनौटका लागि प्यान प्रति आभार व्यक्त गरिएको छ ।

आरके श्रीवास्तव,राैतहट,२३ गते जेठ ।

राैतहटकाे कटहरिया नगरपालिका–५ स्थित श्री जनता माध्यमिक विद्यालयका विद्यालय व्यवस्थापन समिति (विव्यस) अध्यक्ष नसरुदिन अंसारीले आज औपचारिक रूपमा आफ्नो पदबाट राजिनामा दिएका छन् । उनले राजिनामा पत्र शिक्षा शाखाका प्रतिनिधिलाई नगरपालिकामा बुझाएका हुन् ।

आफ्नो कार्यकाल इमानदारीपूर्वक पुरा गरेपछि पटक–पटक नयाँ समिति गठनका लागि आग्रह गर्दा पनि नगरपालिकाको उदासीनता र बालबालिकाको भविष्यप्रति देखिएको लापरवाहीले गम्भीर चिन्ता व्यक्त गर्दै अंसारीले पदबाट अलग हुने निर्णय गरेका हुन् । उनले भने, “चुनावी प्रक्रिया सहज होस् भनेर मैले राजिनामा दिएको हुँ ।”

कतिपयले अंसारीको राजिनामालाई कटहरियाको राजनीतिक समिकरणमा सम्भावित फेरबदलका रूपमा समेत हेरिरहेका छन् । जानकारहरूका अनुसार, नगरपालिकाले आफू नजिकका व्यक्तिलाई विव्यसमा मनोनयन गर्ने अभ्यासको विरोधमा आएको यो राजिनामा शिक्षा क्षेत्रमा पारदर्शिता र जवाफदेहिताको लागि ठुलो सन्देश हो ।

अंसारीको अध्यक्षतामा विद्यालयमा उल्लेखनीय विकास कार्यहरू सम्पन्न भएका छन् । चारकोठे दुईतले भवन निर्माणाधिन, विद्यालयमा सीसीटीभी जडान, प्राविधिक ल्याब तथा थप कम्प्युटर व्यवस्थापन, विद्यार्थीहरूको डिजिटल आइडी कार्ड निर्माण, विद्यालय प्रांगणमा सौन्दर्यकरणका लागि फूलका विरुवा रोपण, पोशाक व्यवस्थापन, सवारी साधन पार्किङका लागि स्ट्यान्ड निर्माण, बाउण्ड्री वाल, फलामको घेराबेरा तथा थप चारकोठे भवनको शिलान्यास जस्ता कार्यहरू सफलतापूर्वक सम्पन्न गरिएका छन् ।

अब, अभिभावक, शिक्षक, विद्यार्थी तथा नागरिक समाजको सहकार्यमा शिक्षा क्षेत्रलाई पारदर्शी, जवाफदेही र गुणस्तरीय बनाउने बेला आएको अंसारीको राजिनामा सन्देश दिएकाे छ ।

आरके श्रीवास्तव,राैतहट,२३ गते जेठ । 

आगामी मनसुनमा सम्भावित प्राकृतिक विपद्‌बाट उत्पन्न जोखिम न्यूनीकरण गर्ने उद्देश्यले रौतहटको गौरस्थित बरहवाको झोलुङ्गे पुल नजिक आज एक दिवसीय कृत्रिम उद्धार अभ्यास सम्पन्न गरिएको छ ।

सशस्त्र प्रहरी बल, नेपालद्वारा आयोजित उक्त अभ्यासमा नेपाली सेना, नेपाल प्रहरी तथा सशस्त्र प्रहरी बल गरी तीनवटै सुरक्षा निकायको सक्रिय सहभागिता रहेको थियो । मनसुन पूर्वानुमानअनुसार औसतभन्दा बढी वर्षा हुने सम्भावनालाई मध्यनजर गर्दै विपद्‌को समयमा गरिने उद्धार तथा राहत कार्यमा समन्वय र तयारी अभिवृद्धि गर्ने उद्देश्यले सो अभ्यास गरिएको हो ।

कार्यक्रममा आरडिसी नेपाल, मान्डवी लगायतका विभिन्न गैरसरकारी संघसंस्थाहरूको समन्वय रहेको थियो । अभ्यासका क्रममा नदीमा फसेका व्यक्तिहरूको उद्धार, आकस्मिक उपचार तथा सुरक्षित स्थानमा स्थानान्तरण लगायतका गतिविधिहरू देखाइएको थियो ।

सुरक्षा निकायका प्रतिनिधिहरूले यस्ता अभ्यासले विपद्‌ व्यवस्थापनमा सहजता ल्याउने विश्वास व्यक्त गरेका छन् । स्थानीय तह, सरोकारवालाहरू र सर्वसाधारणबीच समन्वय बढाउने यस्ता अभ्यासले भविष्यमा हुने सम्भावित विपद्‌बाट जनधनको क्षति न्यूनीकरणमा ठुलो योगदान पुर्‍याउने अपेक्षा गरिएको छ ।

बिना राउत श्रीवास्तव, गौर, २३ गते जेठ । 

राैतहटकाे गौर र इशनाथ नगरपालिकालाई जोड्ने टीकुलिया घाटको पुल निर्माण कार्य पुनः सुरु गरिएको छ । तर सो स्थानमा काम गरिरहेका केही निर्माण मजदुरहरूले त्यहाँबाट दैनिक आवतजावत गर्ने महिलाहरूलाई जिस्क्याउने, अश्लील र आपत्तिजनक टिप्पणी गर्ने जस्ता अभद्र व्यवहार देखाइरहेका छन् भन्ने गम्भीर गुनासो आएको छ ।

एक पीडित महिलाका अनुसार, ती मजदुरहरूले ठूलो स्वरमा फोहरफाल कुराहरू गरेर महिलाहरूलाई असहज बनाउने, हेरेर जिस्क्याउने, र आत्मसम्मानमा ठेस पुर्‍याउने कार्य नियमित रूपमा गर्दै आएका छन् । “हामीले अब त्यो बाटो हिँड्न पनि डराउनुपरेको छ। साँझपख त एक्लै जान त झन् जोखिमपूर्ण लाग्छ,” उनले बताइन् ।

महिलाहरूले आफूलाई असुरक्षित महसुस गरिरहेका छन् र यथाशीघ्र समाधानको माग गरेका छन् । पीडितहरूले ठेकेदार र स्थानीय जनप्रतिनिधिहरूलाई सम्बोधन गर्दै ती कामदारहरूलाई तत्काल निर्माण स्थलबाट हटाउनुपर्ने माग राखेका छन् ।

“यदि यस्ता कामदारलाई तुरुन्त नहटाइयो भने भविष्यमा कुनै महिला दिदीबहिनीमाथि अप्रिय घटना घट्न सक्छ,” स्थानीय महिलाहरूको चेतावनी छ ।

सम्बन्धित निकाय र स्थानीय जनप्रतिनिधिहरूको तुरुन्त ध्यान जानु आवश्यक छ । पुल निर्माण जस्तो विकासको काम महिला सुरक्षाको मूल्य चुकाएर हुनुहुन्न भन्ने चेतावनीसहित स्थानीय महिलाहरूले आफ्ना आवाज उठाइरहेका छन् ।

 

आरके श्रीवास्तव,राैतहट,२०८२ जेठ २२ गते । 

रौतहटको कटहरिया नगरपालिका–५ प्रगतिनगरमा रहेको श्री बाल कल्याण विधा मन्दिरले विश्व वातावरण दिवसको अवसरमा विविध कार्यक्रम गरी दिवस मनाएको छ । विद्यालयका विद्यार्थीहरूले प्लेकार्डसहित कटहरिया बजार परिक्रमा गर्दै वातावरण संरक्षणका सन्देशमूलक नाराहरू गुन्जाएका थिए ।

“हरियो वन नेपालको धन”, “रूख रोपौं, वातावरण बचाऔं”, “हरियाली छ जीवनको शान”, “प्रकृति हो हाम्रो पहिचान” जस्ता नाराहरू सहित विद्यार्थीहरू वातावरणप्रति जनचेतना फैलाउने उद्देश्यले बजार परिक्रमा गरेका थिए ।

कार्यक्रम अन्तर्गत कटहरिया नगरपालिकाको प्राङ्गण, ईप्रका कटहरियाको प्राङ्गण, बौद्धीमाताको मन्दिर नजिकसहितका स्थानहरूमा वृक्षारोपणसमेत गरिएको विद्यालयका प्रबन्ध निर्देशक बैजुदास बनियाँले जानकारी दिए ।

उनका अनुसार यस्तो खालका कार्यक्रमले विद्यार्थीहरूमा वातावरणप्रतिको जिम्मेवारीको भावना विकास गर्नुका साथै स्थानीयवासीहरूमा पनि चेतना अभिवृद्धि गर्न मद्दत पुग्ने विश्वास गरिएको छ ।

विश्व वातावरण दिवसका अवसरमा गरिएको उक्त कार्यक्रमले वातावरण संरक्षणप्रति सामूहिक जिम्मेवारीबोध गराएको सहभागीहरूले बताएका छन् ।

आरके श्रीवास्तव,राैतहट,२२ गते जेठ ।
राैतहटकाे बौधिमाई नगरपालिकाका नगरप्रमुख प्रदीप यादवले ऐलानी जग्गा खाली गराउने क्रममा वर्षाैंदेखि बसोबास गर्दै आएका स्थानीय गरिब नागरिकहरूको घर भत्काएका छन् । प्रभावितहरूका अनुसार वर्षाको बेला घर भत्काउँदा उनीहरू असहज र पीडामा परेका छन् ।
घर भत्काइएका महादेव राय यादव, सिकिलदेव राय यादव, धर्मदेव राय यादव, हरदेव राय यादव र गंगनदेव राय यादवले मेयर यादवले व्यक्तिगत रिसइवीका आधारमा आफूहरूलाई उठिबास लगाएको गुनासो गरेका छन् । उनीहरूले मेयर आफैंले पालिकाभित्र पाँच कठ्ठा भन्दा बढी ऐलानी जग्गा कब्जा गरेर राखेको आरोप समेत लगाएका छन् ।

स्थानीयवासीहरूका अनुसार मेयर यादवले विकास निर्माणको नाममा विभिन्न ठाउँका घर भत्काउने, खाली गराउने काम त गरेका छन्, तर ती ठाउँहरूमा अहिलेसम्म कुनै ठोस विकासका काम भने हुन सकेका छैनन् । यसले जनतामाझ शंका उत्पन्न गराएको छ कि विकासको नाममा गरिबमाथि अत्याचार भइहेको हो कि?
यसबारे नगरप्रमुख प्रदीप यादवसँग बुझ्दा उनले जग्गा खाली गराउनुको कारण स्पष्ट पारेका छन् । उनका अनुसार कोल्ड चेम्बर निर्माणका लागि ४७ लाख रुपैयाँको बजेट आएको छ र सो बजेट फ्रिज हुने अवस्थामा पुगेपछि बाध्य भएर जग्गा खाली गराइएको हो । उनले आफूले कुनै पनि ऐलानी जग्गा कब्जा नगरेको र गरिबको घर तोड्दा पटकपटक सूचना दिएर कानुनी प्रक्रिया पूरा गरेरमात्र प्रशासनको सहयोगमा घर हटाइएको स्पष्ट पारेका छन् ।
” आफूमाथि लागेको आरोप प्रमाणित गर्न सके खुला चुनौती दिन्छु,” मेयर यादवले भने । पाेखरिकाे डिलमा नै अन्य विकास निर्माणकाे भएकाे र कार्यपालिकाकाे निर्णय अनुसार त्यहाँ काेल्ड चेम्बर बनाउन जग्गा खाली गराइएको बताए ।
यो विषयले स्थानीय तहमा सत्ता र जनताको सम्बन्धबारे गम्भीर बहस सिर्जना गरेको छ । विकासको नाममा गरिब जनताको अधिकार हनन हुने हो कि भन्ने प्रश्न उठिरहेका बेला, सम्बन्धित निकायले निष्पक्ष छानबिन गर्दै पीडितहरूको आवाजलाई समेत सम्बोधन गर्नुपर्ने माग उठेको छ ।

राजेश निर्माणी,राैतहट,२०८२ जेठ २२ गते । 
रौतहटको वृन्दावन नगरपालिका वडा नं.-७ धमौरा स्थित रहेको श्री रुपा नेपाली पाल माध्यमिक विद्यालय सखुअवा धमौरामा विद्याकी देवी सरस्वतीको मन्दिरको शिलान्यास गरिएको छ। बिद्यालयको प्राङ्गणमा नगर प्रमुख विनोद प्रसाद कुर्मीको नगर स्तरीय बजेटबाट निर्माण हुन लागेको मन्दिरको शिलान्यास नगर प्रमुख कुर्मीले बुधबार सम्पन्न गरेका हुन्।

शिलान्यास कार्यक्रममा बोल्दै,नगरप्रमुख कुर्मीले आफू बाल्यकाल मा सोही बिधालयमा अध्यनरत रहेको बेलादेखि अहिलेसम्म पनि विधार्थीको आस्थाको केन्द्र मानिने सरस्वती माताको मन्दिर न रहेकोले आफू विद्यालयमा बिद्याकी खानी सरस्वतीको मन्दिर शिलान्यास गर्न पाउँदा खुशी लागेको बताउनु भयो । उहाँले शिक्षा भन्दा ठुलो कुरा संसारमा अरु केही नभएको बताउँदै कुनै पनि देशको सफलतामा शिक्षाको सबैभन्दा ठुलो भुमिका हुने गरेकोले आफू शिक्षामा जोड दिएको बताउनु भयो ।

नगर प्रमुख कुर्मीले शिलान्यास पश्चात् पत्रकार संग कुराकानी गर्दै सरस्वती मन्दिरको लागि आफ्नो नगर स्तरीय योजना बाट ५ लाख रकम दिएर शिलान्यास सम्पन्न गरेको र सोही बिधालयमा सम्पुरक बजेट अन्तरगत केन्द्रबाट स्वीकृत भई आएको १ करोड २३ लाख रकम बाट अधुरो भवनको निर्माण कार्य हुन गइरहेको साथै सोही बिधालयमा शौचालयमा निर्माणको लागि २० लाख रकम दिएकोले सुबिधा सम्पन्न शौचालय निर्माण हुन गइरहेको बताए।

विगत लामो समयदेखि विद्यालयमा सरस्वतीको मन्दिर राख्ने अधुरो सपनालाई साकार पार्नको लागि विद्यालयका शिक्षक, विधालय व्यवस्थापन समिति पूर्व विद्यार्थी तथा वर्तमान विधार्थी र अभिभावकहरुको अपेक्षा रहेको कुराको मध्यनजर गर्दै सरस्वती मन्दिरको शिलान्यास गरिएको बिद्यालयका प्रधानाध्यापक धर्मेन्द्र सिंहले जानकारी दिनुभयो ।

शिलान्यास कार्यक्रममा उपप्रमुख संगिता कुमारी राम,सोही वडाका वडा अध्यक्ष जगरनाथ प्रसाद भेडियर,वडा नं.-३ का वडा अध्यक्ष हरिनरायण साह,वडा नं.५का वडा अध्यक्ष फेकु दास,वडा नं.८ का वडा अध्यक्ष रवीन्द्र प्रसाद साह,वडा नं.९ का वडा अध्यक्ष प्रवेज आलम,कार्यपालिका सदस्य राजेश पासवान,नगरपालिका का प्रमुख प्रसासकिय अधिकृत खिम बहादुर भुजेल र शिक्षा संयोजक उपेन्द्र महतो लगायत विधालयका शिक्षक एवम् स्थानीय हरुको समेत उपस्थिति रहेको थियोे।

प्रेमचन्द्र झा,रौतहट,२०८२ जेठ २२ गते । 
रौतहटमा ट्राफिक साप्ताह २०८२ आज एक विशेष समारोहमार्फत औपचारिक रूपमा उद्घाटन गरिएको छ। जिल्ला ट्राफिक प्रहरी कार्यालय, चन्द्रनिगाहपुरको आयोजनामा सम्पन्न कार्यक्रममा सरकारी, सुरक्षा निकायका प्रतिनिधि, जनप्रतिनिधि तथा नागरिक समाजको उल्लेखनीय उपस्थिति रहेको थियो ।

गौर नगरपालिकाका नगर प्रमुख शम्भु साहको प्रमुख आतिथ्यमा कार्यक्रम सम्पन्न भएको हो। नगर प्रमुख साहले सवारी दुर्घटना नियन्त्रणमा प्रविधिको प्रयोग अपरिहार्य भएको धारणा राख्दै जिल्लामा सवारी गतिमापन क्यामरा जडानमा ढिलाइ गर्न नहुने बताए। उनले मादक पदार्थ सेवन, लागूपदार्थ प्रयोग र लापरवाहीपूर्ण चालक व्यवहार दुर्घटनाका मुख्य कारण भएको उल्लेख गरे।

उक्त कार्यक्रममा प्रमुख जिल्ला अधिकारी विनोद खडकाले सवारी दुर्घटनाबाट हुने मृत्यु दर दैवी प्रकोपभन्दा भयावह बन्दै गएको तथ्य प्रस्तुत गर्दै कानुनको कडाइका साथ कार्यान्वयनमा जोड दिए। उनका अनुसार, केवल जनचेतनामूलक कार्यक्रमले मात्र समस्या समाधान हुँदैन, व्यवस्थापन सुधार अत्यावश्यक छ।

प्रहरी उपरीक्षक नेत्रमणि गिरीले सवारी दुर्घटनाका कारणबारे धारणा राख्दै चालकको लापरवाही प्रमुख कारक रहेको स्पष्ट गरे। उनले ट्राफिक साप्ताहजस्ता कार्यक्रममार्फत जनचेतना फैलाउन आवश्यक रहेको बताए। उनका अनुसार, “सावधानीपूर्वक सवारी सञ्चालन नै जीवन सुरक्षाको मूल आधार हो।”

जिल्ला ट्राफिक प्रहरी प्रमुख लोकेंद्र अधिकारीले कार्यक्रमको अध्यक्षता गर्दै ट्राफिक साप्ताहलाई जनचेतनामूलक अभियानको रूपमा उपयोग गर्न आग्रह गरे। उनले ट्राफिक नियम उल्लंघनका नकारात्मक प्रभावहरूबारे समाजमा गम्भीर बहसको खाँचो रहेको बताए।

कार्यक्रममा सहायक प्रमुख जिल्ला अधिकारी किरण निधि तिवारी, सशस्त्र प्रहरी उपरीक्षक सन्तोष बस्नेत, मेजर ऋषिकेश थापा, पत्रकार महासंघ रौतहटका अध्यक्ष संजय कुमार कार्की, उद्योग वाणिज्य संघका अध्यक्ष पण्डित प्रसाद जयसवालसहित विशिष्ट अतिथिहरूको उपस्थिति रहेको थियो।

कार्यक्रमको प्रारम्भ गौरको बीपी चौकबाट सुरु भएको प्रभातफेरीद्वारा गरिएको थियो। प्लेकार्ड, बाजागाजा र स्थानीय सांगीतिक समूहहरूका साथ सहर परिक्रमा गर्दै सभाहलमा पुगेर औपचारिक समारोहमा परिणत भएको उक्त प्रभातफेरीले सर्वसाधारणको ध्यान आकर्षित गर्‍यो।

कार्यक्रममा विद्यार्थी, सवारी चालक, ट्राफिक प्रहरी तथा सर्वसाधारणको उत्साहजनक सहभागिता रहेको थियो। सहभागीहरूले ट्राफिक नियमबारे सन्देश आदानप्रदान मात्र नभई तिनलाई व्यवहारमा उतार्ने प्रतिबद्धता पनि जनाए।

कार्यक्रम आयोजकका अनुसार ट्राफिक साप्ताहका विभिन्न गतिविधिहरू आगामी दिनहरूमा विद्यालय, बजार तथा सार्वजनिक स्थलहरूमा सञ्चालन गरिनेछ। आयोजकहरूले यस्ता कार्यक्रमको निरन्तरता नै सवारी दुर्घटनामा न्यूनीकरण गर्न प्रभावकारी माध्यम हुने विश्वास व्यक्त गरेका छन्।

बज्जिकाञ्चल संवाददाता,रौतहट,२०८२ जेठ २३ गते । 
रौतहट जिल्लाका ग्रामिण भेगमा अवैध मदिराभट्टी सञ्चालनमा हुँदा स्थानीयको जनस्वास्थ्यमा गम्भिर समस्या देखा परेको छ । स्थानीय प्रहरी प्रशासनले अवैध रुपमा सञ्चालन गरेका मदिराभट्टिको नियन्त्रण गर्न नसक्दा अवैध मदिराको उत्पादन र बितरणमा बिगीबिगी बढेको हो ।

रौतहट जिल्लाको राजपुर,मठिया,महादेवपट्टी, झुनखुनुवा, चन्द्रपुर लगायतका दजनौ ठाउँमा स्थानीय प्रहरी प्रशासनको मिलेमत्तोमा अवैध मदिराको बिक्री वितरण हुँदै आइरहेको छ ।
अवैध मदिराको खुलेयाम बिक्री वितरण हुँदा अनुमति लिएर सञ्चालनमा रहेका मदिराजन्य पदार्थको बिक्री वितरणमा समेत प्रत्यक्ष असर पर्दै आइरहेको छ ।
भारतको विहार राज्यमा मदिराजन्य पदार्थको वितरणमा प्रतिबन्ध भएपछि भारतीय सीमावर्ती जिल्ला पूर्वी चम्पारण, पश्चिम चम्पारण लगायतका जिल्लाका मदिराप्रेमीहरु पनि रौतहटमा आउने गरेका छन् ।
नेपाल प्रहरीका घुमुवाहरुले मदिराका भट्टी पसललाईलाइन दिएपछि यहाँ जनस्वास्थ्यलाई असर पार्ने मदिराको पनि समस्या भएको हो ।
बौधीमाई नगरपालिका ४ स्थित इरनवारी अवैध घरेलु मदिरा उत्पादन गर्ने व्यक्ति रामप्रताप अरविन्द जयसवाल, रुपेश यादव लगायतका भट्टी सञ्चालकहरुले इलाका प्रहरी कार्यालय कोपवा पिपरियाको संरक्षणमा अवैध मदिराभट्टी सञ्चालन गर्दै आइरहेको स्थानीय कमल यादवले जानकारी दिए ।
भारत नेपाल सीमा जोडिएका नेपालका विभिन्न बजारहरुमा मठिया, रामपुरखाप, औरहीया,बन्जरहा, नरकट्टीया,बंकुलबजार लगायतका सीमासँग जोडिएका भारतीय जुवाडे र अपराधिक गतिविधिमा संलग्नहुनेहरुले होटलमा मदिरा सेवन गरेर स्थानीयको चोरी तथा लुटपाटमा संलग्न रहेको स्थानीयहरुले चर्काे गुनासो गरेका छन् । जिल्ला प्रहरी कार्यालय रौतहटका प्रमुख नेत्र मणी गिरीले अवैध सञ्चालनमा रहेका मदिरा भट्टीलाई तुरुन्त नियन्त्रण गर्नका लागि आफू मातहतका प्रहरी युनिटहरुलाई निर्देशन दिएको जानकारी दिनुभयो ।

राजेश निर्माणी,राैतहट,२०८२ जेठ २१ गते

रौतहटको वृन्दावन नगरपालिका वडा नं.-९ भुुषहामा मदरसा नेदाय मिल्लत भुषहाको मदरसा भवनको बुधबार एक कार्यक्रमबीच शिलान्यास गरिएको छ ।

वृन्दावन–९ स्थित मदरसा कम्पाउन्ड भित्रै रहेको मदरसाको जमिनमा सो भवनको शिलान्यास गरिएको हो । मदरसा भवनको शिलान्यास वृन्दावन नगरपालिकाका नगर प्रमुख विनोद प्रसाद कुर्मीले गर्नुभएको थियो । २० लाख रुपैयाँको लागतमा चालु आर्थिक वर्षभित्रै निर्माण सक्ने गरी दुईकोठे एक तल्ले मदरसा भवनको शिलान्यास गरिएको हो ।

कार्यक्रममा नगर प्रमुख कुर्मीले स्थानीय समुदायको चौतर्फी विकासमा लाग्न सबैलाई आग्रह गर्नुभयो । वृन्दावन नगरपालिका वडा नं.-९ का वडा अध्यक्ष प्रवेज आलमको अध्यक्षतामा सम्पन्न भएको कार्यक्रममा अधिकांश वक्ताले मदरसामा आश्रित तथा पढ्न आउने मुस्लिम समुदायका विद्यार्थीलाई विद्यालय भवन बनेपछि पठनपाठनमा सहज हुने बताए ।

विद्यालय भवन निर्माणका लागि नगर प्रमुख कुर्मीको नगर स्तरीय योजनाबाट रु.२० लाख निर्माण हुन लागिएको मदरसामा अहिले कक्षा १ देखि १० सम्मका मुस्लिम समुदायका सात सय विद्यार्थी अध्ययनरत छन् ।

शिलान्यास कार्यक्रममा उपप्रमुख संगिता कुमारी राम,सोही वडाका वडा अध्यक्ष जगरनाथ प्रसाद भेडियर,वडा नं.-३ का वडा अध्यक्ष हरिनरायण साह,वडा नं.५का वडा अध्यक्ष फेकु दास,वडा नं.८ का वडा अध्यक्ष रवीन्द्र प्रसाद साह,वडा नं.९ का वडा अध्यक्ष प्रवेज आलम,कार्यपालिका सदस्य राजेश पासवान,नगरपालिका का प्रमुख प्रसासकिय अधिकृत खिम बहादुर भुजेल र शिक्षा संयोजक उपेन्द्र महतो लगायत विधालयका शिक्षक एवम् स्थानीय हरुको समेत उपस्थिति रहेको थियोे।

आरके श्रीवास्तव,रौतहट,१९ गते जेठ ।
रौतहटको मौलापुर नगरपालिका–६ स्थित श्री माध्यमिक विद्यालय पथरा बुधराममा पछिल्लो समय उल्लेखनीय प्रगति भएको छ । विद्यालय व्यवस्थापन समितिका अध्यक्ष विवेक यादवको नेतृत्वमा विद्यालयले एकपछि अर्को सुधार र विकासका कामहरु सफलतापूर्वक सम्पन्न गर्दै गएको छ ।

विगत तीन वर्षदेखि स्थगित रहेको विद्यालयको नाममा रहेको ८ बिगाहा १५ कठ्ठा क्षेत्रफलको महाकार पोखरीलाई ८७ लाख रुपैयाँमा ५ वर्षको लागि ठेक्का पट्टामा लगाइएको छ, जसले विद्यालयको आन्तरिक आम्दानी सुदृढ पार्ने अपेक्षा गरिएको छ ।

शैक्षिक पक्षमा समेत महत्वपूर्ण सुधार देखिएको छ । नयाँ शैक्षिक सत्रमा सञ्चालन गरिएको विद्यार्थी भर्ना अभियान अन्तर्गत ३ सयभन्दा बढी नयाँ विद्यार्थी भर्ना भएका छन् । विद्यालयमा पाठ्यपुस्तक वितरण कार्य सफलतापूर्वक सम्पन्न भएको छ । विद्यार्थीको सङ्ख्या बढेसँगै कक्षा ८, ९ र १० मा सेक्सन प्रणाली लागू गरिएको छ, जसले शिक्षण सिकाइलाई प्रभावकारी बनाएको छ ।

नव निर्माण भएको चार कोठे प्रशासनिक भवनको हालै उद्घाटन गरिएको छ र अहिले सञ्चालनमा आएको छ । यसका साथै विद्यालयमा बालमैत्री बालविकास कक्षा स्थापना गरिएको छ भने सबै कक्षा कोठामा सिसीटिभी क्यामेरा जडान गरिएको छ, जसले पठनपाठन वातावरण सुरक्षित र अनुशासित बनाएको छ ।

बिधालयको नाउँमा रहेको पोखरिमा पानीको अभाव नहोस् भनेर डिप ट्युबवेल जडान गरिएको छ, जसले पोखरिमा सधैंभरि पानी बरकरार राख्नमा मद्दत पुर्‍याइरहेको छ ।

विद्यालयको समग्र प्रगतिले स्थानीय बासिन्दा र अभिभावकमाझ उत्साह थपेको छ । अध्यक्ष यादवले आगामी दिनहरूमा अझै बढी शैक्षिक तथा भौतिक सुधार गर्दै विद्यालयलाई जिल्लामै नमूना बनाउने लक्ष्य लिएको बताएका छन् । यसमा प्रधानाध्यापक राजेश सिंहको पनि उतिकै महत्त्वपूर्ण योगदान रहेको छ ।

आरके श्रीवास्तव,रौतहट,१९ गते जेठ ।

रौतहटको कटहरिया नगरपालिका–८ को बलुवा टोलस्थित ऐतिहासिक श्रीराम जानकी मन्दिरको सौन्दर्यकरण कार्य तीव्र गतिमा अघि बढिरहेको छ । मधेस प्रदेश सरकारको उद्योग, वाणिज्य तथा पर्यटन मन्त्रालयको ५१ लाख भन्दा बढी रुपैयाँको बजेटबाट मन्दिरको संरचनात्मक विकास तथा सौन्दर्यकरण भइरहेको हो ।

वडा अध्यक्ष समिश विक्रम शाहको पहल र वडा सदस्य अनिल यादवको समन्वयमा अगाडि बढाइएको यस परियोजनाअन्तर्गत दुई कोठे भवन निर्माण, कम्पाउण्ड वाल ९चारकिल्ला०, टायलस र मार्बल जडान लगायतका कार्यहरू सम्पन्न हुँदैछन् ।

वडा अध्यक्ष शाहले मन्दिर क्षेत्रलाई धार्मिक पर्यटनस्थलको रूपमा विकास गर्ने उद्देश्यका साथ बजेटको व्यवस्थापन र योजनाको सुरुआत भएको जानकारी दिए । उनले स्थानीय धार्मिक र सांस्कृतिक सम्पदाको संरक्षण तथा प्रवर्द्धन आफ्नो प्राथमिकता रहेको बताए ।

 

यस्तै, वडा सदस्य यादवले योजनाको समन्वयात्मक पक्ष सम्हाल्दै निर्माण कार्यमा पारदर्शिता र गुणस्तरमा कुनै सम्झौता नगरिने बताए । उनका अनुसार स्थानीय बासिन्दा तथा भक्तजनको सहजता र आस्थालाई मध्यनजर गर्दै मन्दिर क्षेत्रको आधुनिक रूपान्तरणको प्रयास भइरहेको छ ।

स्थानीयवासीहरूले समेत मन्दिरमा भइरहेको सुधारात्मक कार्यप्रति सकारात्मक प्रतिक्रिया जनाएका छन् र यसले धार्मिक तथा सांस्कृतिक पर्यटन प्रवर्द्धनमा टेवा पुग्ने विश्वास व्यक्त गरेका छन् ।

आरके श्रीवास्तव,कटहरिया,१८ गते जेठ ।
राैतहट निर्वाचन क्षेत्र नं. २ (ख) बाट निर्वाचित मधेस प्रदेश सांसद एवम् एकीकृत समाजवादी पार्टीका मधेस प्रदेशका प्रमुख सचेतक कनिश पटेलकाे निरन्तर पहल र सक्रियतामा गरिब, विपन्न तथा दलित समुदायका लागि सुरक्षित आवास निर्माणको कार्यले गति लिएको छ । फुस (खर) को छानाबाट पक्की घरसम्मको यात्रालाई सार्थक बनाउने उद्देश्यले सांसद पटेलले मदन भण्डारी आवास कार्यक्रम र जनता आवास कार्यक्रममार्फत थुप्रै घरबिहिन परिवारलाई राहत पुर्याउँदै आएका छन् ।

सांसद पटेलले बताएअनुसार, “सुरक्षित आवास सबै नागरिकको आधारभूत आवश्यकता हो । यो कार्यक्रमबाट थोरै मात्रै गर्न सकिएको छ, तर भविष्यमा अझ धेरै लाभान्वित गर्न सकियोस् भन्ने हाम्रो दृढ इच्छाशक्ति छ ।”

मधेस प्रदेश सरकारअन्तर्गतको भाैतिक पूर्वाधार विकास मन्त्रालयबाट सञ्चालनमा रहेका यी कार्यक्रमहरू अहिले जिल्लाको विभिन्न ठाउँमा कार्यान्वयनमा छन् ।
मदन भण्डारी आवास कार्यक्रम अन्तर्गत: बौधिमाइ नगरपालिका–४, इनरवारीमा २ वटा घर निर्माण,परोहा नगरपालिका–४, लौकाहा–पोखरियामा ३ वटा घर निर्माण
,परोहा नगरपालिका–१, जिंगड्वामा १ वटा घर निर्माण भइरहेको छ ।

त्यसैगरी, दलित जनता आवास कार्यक्रम अन्तर्गत:बौधिमाइ नगरपालिका–१, अजगैबीमा ५ वटा दलित समुदायका घर निर्माण कार्य जारी छ ।

स्थानीयबासीहरूले प्रदेश सांसद पटेलको सक्रियता र सामाजिक सरोकारप्रतिको प्रतिबद्धतालाई सकारात्मक रुपमा लिएका छन् । उनीहरूका अनुसार, “पहिले खरको छानो मुनि बस्न बाध्य थियौं, अब आफ्नै पक्की घर बन्ने आशाले भविष्य सुरक्षित भएको महसुस भइरहेको छ ।”

प्रदेश सांसद पटेलले आवास निर्माण कार्यक्रमलाई अझ प्रभावकारी बनाउन सरकारसँग निरन्तर समन्वय गरिरहनुभएको छ भने आगामी दिनमा अन्य वडाहरूमा पनि यो कार्यक्रम विस्तार गर्ने तयारीमा हुनुहुन्छ ।

स्थानीय पोष्ट साप्ताहिक पत्रिकामा प्रकाशन भएको सामाचार ।

आरएन पटेल,राैतहट,१८ गते जेठ ।
राैतहटकाे गरुडा नगरपालिका–४ स्थित श्री नमुना माध्यमिक विद्यालयको प्राङ्गणमा संघिय सरकारकाे अनुदानमा नगरपालिका मार्फत ९१ लाख रुपैयाँको लागतमा बन्ने प्रशासकीय भवनको निर्माण कार्य तीव्र गतिमा अघि बढिरहेको छ ।

शिक्षा विकासलाई आफ्नो प्रमुख प्राथमिकता बनाउँदै आएको गरुडा नगरपालिकाले विद्यालयमा गुणस्तरीय, सुरक्षित र सुव्यवस्थित शैक्षिक वातावरण निर्माण गर्ने लक्ष्य लिएको नगर प्रमुख कन्थमनी जयसवालले जानकारी दिए । “विद्यालयहरू केवल शिक्षाको मन्दिर होइनन्, यिनले समृद्ध भविष्यको जग बसाल्छन्,” उनले भने।

विद्यालयका प्रधानाध्यापक प्रभु राउतले प्रशासकीय भवन निर्माणले शैक्षिक तथा प्रशासनिक कार्यहरू अझ प्रभावकारी र व्यवस्थित हुने विश्वास व्यक्त गरेका छन् । उनले भने, “नयाँ भवनले विद्यालयमा कक्षाकोठाको चाप कम गर्नुका साथै शिक्षक, विद्यार्थी र अभिभावकबीचको समन्वय पनि सहज बनाउनेछ। यसले सिकाइ वातावरणमा सकारात्मक प्रभाव पार्नेछ ।”

गरुडा नगरपालिकाले शिक्षा क्षेत्रको सुदृढीकरण, संरचनागत सुधार र गुणस्तरीय सिकाइ प्रवर्द्धनका लागि निरन्तर प्रयास गरिरहेको पनि प्रमुख जयसवालले स्पष्ट पारेका छन् ।

स्थानीय पोष्ट साप्ताहिक पत्रिकामा प्रकाशन भएको सामाचार ।

आरके श्रीवास्तव,कटहरिया,१८ गते जेठ ।
राैतहटकाे राजपुर नगरपालिकाले आफ्ना किसानहरूको खेतमा सिचाइ सुविधा पु-याउने लक्ष्यसहित सम्पूर्ण वडाहरूमा विधुतीकरण कार्य तीव्र गतिमा अघि बढाएको छ । कृषि क्षेत्रलाई उच्च प्राथमिकता दिँदै नगरपालिका नेतृत्वले तीन वर्षभित्र सबै वडामा विधुतीकरण सम्पन्न गर्ने लक्ष्य अनुसार काम गरिरहेकाे छ ।

राजपुर नगरपालिकाका प्रमुख प्रशासकीय अधिकृत बैजु ठाकुरका अनुसार नगरपालिकाकाे वडा नम्बर १ देखि ९ सम्मका क्षेत्रमा चालू आर्थिक वर्ष २०८१/०८२ मा मात्र ९५ लाख रुपैयाँ बजेट विनियोजन गरि विधुतीकरण कार्य सम्पन्न गर्न लागिएको छ । यसअघि आर्थिक वर्ष २०७९/८० मा ५५ लाख र २०८०/८१ मा ४० लाख बजेट छुट्याइएको थियो । तीन वर्षको अवधिमा कुल १ करोड ९० लाख रुपैयाँ लगानी गरी किसानहरूको खेतमा सिचाइ सुविधा पु-याउन विधुतीकरण गरिएको हो ।

राजपुर नगरपालिकाका नगर प्रमुख डा. राजिक आलमले भने, “हामीले कृषकहरूको सशक्तिकरण र उत्पादन वृद्धि हाम्रो प्रमुख लक्ष्य बनाएका छौँ । विधुतीकरणमार्फत सिचाइ सुविधा पु-याउँदा किसानहरूले वर्षभरि उत्पादन गर्न सक्नेछन्, जसले नगरको समग्र आर्थिक वृद्धिमा ठूलो टेवा पुग्नेछ ।”

प्रमुख प्रशासकीय अधिकृत बैजु ठाकुरले पनि योजना कार्यान्वयनमा जनप्रतिनिधि र प्रशासनबीचको सहकार्य महत्वपूर्ण भएको उल्लेख गर्दै भने, “स्रोतको अधिकतम उपयोग गर्दै किसानहरूको जीवनस्तर उकास्न हामी प्रतिबद्ध छौँ । कृषिमा आत्मनिर्भर नगर बनाउने हाम्रो दीर्घकालीन दृष्टिकोण हो ।”

राजपुर नगरपालिकाले यस कार्यक्रमअन्तर्गत कृषकहरूलाई आवश्यक पर्ने स्थानहरूमा डेढ दर्जनभन्दा बढी ट्रान्सफर्मर जडान, विद्युत पोल र लाइन विस्तार तथा आवश्यक मर्मत सम्भारका कामहरू सम्पन्न गर्दै आएको छ । यसले सिँचाइ सुविधा नपाएर वर्षौँ बाँझै राखिएको जमिनमा अब उत्पादन सम्भव हुने विश्वास लिइएको छ ।

स्थानीय पोष्ट साप्ताहिक पत्रिकामा प्रकाशन भएको सामाचार ।

आरएन पटेल,राैतहट,१४ गते जेठ ।
रौतहट । नेपाली कांग्रेसका नेता तथा पूर्वमन्त्री मोहम्मद आफताब आलमले अन्ततः न्याय पाएका छन् । वीरगंजस्थित उच्च अदालतको इजलासले चर्चित राजपुर घटनामा आलमलाई निर्दोष ठहर गर्दै सफाइ दिएको छ । यस फैसलाले न केवल आलमको राजनीतिक जीवनमा पुनः उर्जा भरेको छ, तर रौतहटको समग्र राजनीतिक माहोलमा समेत नयाँ उत्साह ल्याएको छ ।

२०६४ सालको संविधानसभा निर्वाचनको पूर्वसन्ध्यामा भएको घटनालाई लिएर आलममाथि गम्भीर आरोप लगाइएको थियो । तर १६ वर्षपछि प्रमाण, साक्ष्य र कानुनी प्रक्रियाको आधारमा अदालतले आलम दोषी नभएको ठहर गरेको छ । यसअघि जिल्ला अदालत रौतहटले उनलाई जन्मकैदको सजाय सुनाएको थियो, जुन फैसलालाई उच्च अदालतले उल्ट्याएको हो ।

प्रारम्भिक अनुसन्धानकै क्रममा जिल्ला प्रहरी कार्यालय, जिल्ला सरकारी वकिल कार्यालय, र पुनरावेदन सरकारी वकिल कार्यालयले समेत मुद्दा नचल्ने राय दिएका थिए । पूर्वमहान्यायाधिवक्ता यज्ञमूर्ति बन्जाडेले पनि ती प्रमाणहरूलाई अध्ययन गरेर मुद्दा नचल्ने निर्णय गरेका थिए । तर पछि राजनीतिक दवाव र पीडित पक्षको निरन्तर प्रयासका कारण मुद्दा दर्ता गरिएको थियो ।

नेता आलमविरुद्ध तीन वटा मुद्दा – कर्तव्य ज्यान, ज्यान मार्ने उद्योग र बम विस्फोटसम्बन्धी कसुर लगाइएको थियो । तर अदालतमा प्रस्तुत भएका प्रमाणहरूले ती आरोपहरू पुष्टि गर्न नसक्दा उहाँलाई सफाइ दिइएको हो ।

राजनीतिक जीवनमा नयाँ उर्जा

नेता आलमले लामो समय थुनामा बिताउनु परेको पीडा सहे पनि उनले न्यायमाथि विश्वास गुमाएनन् । अदालतको यो फैसला उनका लागि मात्र होइन, देशभर कानुनी प्रक्रियाप्रति आस्था राख्ने सबैका लागि सुखद सन्देश हो ।

उनका समर्थक, पार्टी कार्यकर्ता र आम नागरिकबीच यो फैसलाले आशा र उत्साहको भावना भरिदिएको छ । नेपाली कांग्रेस रौतहटका नेताहरूले यो निर्णयलाई न्यायको जित भनेका छन् ।

सामाजिक सञ्जालमा समर्थनको लहर

अलमलाई सफाइ दिएपछि सामाजिक सञ्जालमा उनको पक्षमा जनमतको लहर देखिएको छ। धेरैले यो निर्णयलाई “न्यायको पुनःस्थापना” भनी स्वागत गरेका छन् ।

मस्तिष्कघात पछि अस्पतालमा भर्ना
रिहाइ लगत्तै आलमलाई मस्तिष्कघात भएको चिकित्सकहरूले पुष्टि गरेका छन् । अहिले उनकाे काठमाडौंमा उपचार भईरहेकाे र हाल उनी खतरामुक्त रहेको बुझिएको छ । उनका समर्थकहरू आलम निकाे भएर राैतहट फर्किने आशमाछन् ।

स्थानीय पोष्ट साप्ताहिक पत्रिकामा प्रकाशन भएको सामाचार ।

आरके श्रीवास्तव,कटहरिया,१८ गते जेठ ।
रौतहट । शिक्षा क्षेत्रमै नयाँ कीर्तिमान राख्दै रौतहटको मौलापुर नगरपालिका मधेश प्रदेशकै उत्कृष्ट नगरपालिका घोषित भएको छ । शिक्षालाई उच्च प्राथमिकतामा राख्दै उल्लेखनीय उपलब्धि हासिल गरेको मौलापुरलाई ‘प्रिन्सिपल्स एशोसिएसन अफ नेपाल’ द्वारा उत्कृष्ट नगरपालिकाको रूपमा चयन गरिएको हो ।

संस्थाले गठन गरेको पाँच सदस्यीय विज्ञ टोलीले मुल्यांकन गरेका २५ वटा शैक्षिक मापदण्डहरूमा मौलापुर नगरपालिकाले अन्य नगरपालिकाहरूलाई उछिन्दै अग्रस्थान हासिल गरेको हो ।

यस उपलब्धिसँगै, मौलापुर नगरपालिकाले शिक्षा क्षेत्रमा आफ्नो प्रतिबद्धता र मेहनत प्रमाणित गरेको छ । यही जेठ २३ गते हुने एशोसिएसनको दोस्रो राष्ट्रिय सम्मेलनमा मौलापुरकी मेयर रिना कुमारी साहलाई विशेष सम्मानसहित पुरस्कार प्रदान गरिने जनाइएको छ ।

स्थानीय सामुदायिक विद्यालयहरूमा सुधार, गुणस्तरीय शिक्षामा पहुँच र विद्यार्थी हितमा संचालित कार्यक्रमहरूले मौलापुरलाई यो सम्मान दिलाउन सहयोग पुर्‍याएको बताइएको छ ।

स्थानीय पोष्ट साप्ताहिक पत्रिकामा प्रकाशन भएको सामाचार ।

आरके श्रीवास्तव,राैतहट,२०८२ जेठ १८ गते । 

मधेस प्रदेश सरकारको ४५ लाखको बजेटबाट रौतहटको कटहरिया नगरपालिका–८ स्थित पिप्रा पोखरिया देखि बलुवा सम्मको सडक स्तरोन्नतिको कार्य तीव्र रूपमा अगाडि बढिरहेको छ । भौतिक पूर्वाधार मन्त्रालय मार्फत सञ्चालन गरिएको यो आयोजना वडाध्यक्ष समिश विक्रम शाहको सक्रिय पहल र समन्वयमा अघि बढाइएको हो ।

वर्षौंसम्म माटो र कच्ची सडकका कारण वर्षात्को समयमा हिलो र धुलोले हैरान भएका स्थानीय बासिन्दाले अब राम्रो सडकको सुविधा पाउने आशा गरेका छन् । स्थानीयवासीहरु वडाध्यक्ष शाहलाई सडक सुधारका लागि पहल लिएर स्थानीयको सास्ती कम गराएकोमा धन्यवाद दिइरहेका छन् ।

वडाध्यक्ष शाहका अनुसार, “यस सडक स्तरोन्नति परियोजनाले पिप्रा पाेखरिया र बलुवा क्षेत्रको यातायात व्यवस्था सहज बनाउनुका साथै स्थानीय आर्थिक गतिविधिमा पनि ठुलो टेवा पुर्‍याउनेछ।”

हाल सडकमा ग्राभेलिङ, लेवलिङ तथा अन्य आवश्यक निर्माण कार्यहरू निरन्तर भइरहेको छ । उपभोक्ता समिति मार्फत तोकिएको समयमै कार्य सम्पन्न गर्ने प्रतिबद्धता जनाएको छ ।

स्थानीय बासिन्दा सिकिन्द्र यादव (लडाई) भन्छन्, “पहिले यो सडक हिँड्नै नसकिने अवस्थामा थियो । मानिसहरूले सडकलाई काटेर आफनाे खेतमा मिलाईसकेका थिए ।  अहिले काम भइरहेको देख्दा साँच्चै खुशी लागेको छ । यसले हाम्रो जीवनमा ठुलो परिवर्तन ल्याउनेछ ।”

सडक स्तरोन्नतिपछि यो क्षेत्रको यातायात सुगम हुने, एउटै वडाकाे दुई गाउँ सम्मकाे पहुँच सहज हुने अपेक्षा गरिएको छ ।

आरके श्रीवास्तव,गरुडा,२०८२ जेठ १७ गते ।

रौतहटको मध्यभाग गरुडा अब मिडियाहबको रूपमा विकास हुँदै गएको छ । शुक्रबार बज्जिका भाषामा नयाँ साप्ताहिक पत्रिका ‘बज्जिदूत’ को औपचारिक विमोचन गरिएकाे छ । फरक ढंगले गरिएको यस विमोचन कार्यक्रममा पत्रिका पाठकको हातमै प्रदान गर्दै सार्वजनिक गरिएको हो ।

‘बज्जिदूत’ साप्ताहिक पत्रिकाका प्रकाशक तथा सम्पादक देवेन्द्र चौधरी रहेका छन् । उक्त पत्रिका प्रत्येक हप्ता शुक्रबार प्रकाशित हुने जानकारी दिइएको छ ।

बज्जिका भाषाका सेवक सञ्जय साह ‘मित्र’ ले पत्रिका प्रकाशन सुरु गरिएकोमा बधाई तथा शुभकामना दिँदै बज्जिका भाषाको इतिहासमा यो एक नयाँ अध्यायको सुरुवात भएको बताएका छन् । उनले मातृभाषाको संरक्षण र प्रवर्द्धनमा यस्तो प्रयास महत्वपूर्ण हुने विश्वास व्यक्त गरेका छन् ।

बज्जिका साहित्य संगम, रौतहटका अध्यक्ष किसुनदयाल यादव ‘श्रीकृष्ण’, बज्जिकाञ्चल मिडिया प्रा.लि.का सञ्चालक एवम् लोकतान्त्रिक पत्रकार संघ, रौतहटका अध्यक्ष आरके श्रीवास्तव,बज्जिकाञ्चल दैनिकका सह सम्पादक चन्दन यादवले पत्रिकाको सफलताको शुभकामना दिएका छन् ।

यसअघि पनि गरुडा क्षेत्रमै आरएन पटेलको सम्पादन तथा सञ्चालनमा रहेको ‘स्थानीय पोष्ट’ पत्रिकालाई भव्य रूपमा सार्वजनिक गरिएको थियो, जसले गरुडालाई मिडिया गतिविधिको केन्द्रका रूपमा स्थापित गरिरहेको संकेत दिएको छ ।

बज्जिका भाषाको साहित्य, संस्कृति र समुदायको आवाज बुलन्द गर्ने उद्देश्यसहित सुरु गरिएको ‘बज्जिदूत’ साप्ताहिक पत्रिकाबाट स्थानीय सञ्चार क्षेत्रमा नयाँ ऊर्जा थपिने अपेक्षा गरिएको छ ।

फोटो फिचर

आरके श्रीवास्तव,राैतहट,२०८२ जेेठ १५ गते । 

रौतहटको कटहरियामा १८ औँ गणतन्त्र दिवस भव्य रूपमा औपचारिक समारोहका साथ मनाइएको छ। कार्यक्रममा पूर्व प्रदेश सांसद कुन्दन कुशवाहाले संघीय लोकतान्त्रिक गणतन्त्रको मूल मर्म — न्याय, समानता, समावेशिता र सेवाभाव — प्रतिको प्रतिबद्धता व्यक्त गर्दै एक प्रेरणादायी सम्बोधन गर्नुभयो ।

उक्त समारोहमा देवाहीगोनाही नगरपालिकाका नगरप्रमुख प्रेमलाल साह, नेकपा एमाले रौतहटका उपाध्यक्ष रुपेश पटेल, वडा अध्यक्ष चन्दन कुशवाहा तथा नेकपा एमालेका अन्य नेताहरूको गरिमामय उपस्थिति रहेको थियो । उनीहरूको उपस्थितिले कार्यक्रममा थप उत्साह र गौरव प्रदान गरेको सहभागीहरूले बताएका छन् ।

पूर्व सांसद कुशवाहाले सम्बोधनमा गणतन्त्रलाई केवल एक शासन प्रणालीको रूपमा नभई राष्ट्रको पहिचान, समान अवसर र न्याय प्राप्तिको आधारशिलाको रूपमा उल्लेख गर्नुभयो । उहाँले सबै नागरिक, राजनीतिक दल र सरकारी निकायहरू मिलेर गणतन्त्रको मूल्य र व्यवहारलाई दैनिक जीवनमा उतार्नुपर्नेमा जोड दिनुभयो ।

विश्लेषकहरूले पनि गणतन्त्रलाई व्यवहारमा प्रभावकारी रूपमा लागू गर्न सहकार्य, पारदर्शिता र नागरिक सहभागिता आवश्यक रहेको सुझाव दिएका छन् ।

गणतन्त्र दिवसको अवसरमा कटहरियामा आयाेजित कार्यक्रममा जनप्रतिनिधिहरू र स्थानीय समुदायका प्रतिनिधिहरूको उल्लेखनीय सहभागिता देखिएको थियो ।

आरके श्रीवास्तव,राैतहट,२०८२ जेठ १५ गते । 

नेपाल पत्रकार महासंघ रौतहटका कोषाध्यक्ष संजय सहनीका दिवंगत पिताको १३ औं पुण्य तिथिको अवसरमा गौर टिकुलियास्थित निजि निवासमा आयोजित श्रद्धाञ्जली सभामा मधेस प्रदेशका अर्थमन्त्री सुनिलकुमार यादव (जितेन्द्र) को गरिमामय उपस्थिति रह्याे ।

श्रद्धाञ्जली सभामा मन्त्री यादवले स्व. रामनारायण सहनीको तस्वीरमा पुष्प र अबिर अर्पण गर्दै दिवंगत आत्माको चिरशान्तिको कामना गरेका छन् । उहाँले भावुक हुँदै भन्नुभयो, “पिता नामक छायाँको अभाव कहिल्यै पूर्ण हुँदैन, तर उहाँको कर्म र संस्कारले सन्तानलाई मार्ग देखाइरहन्छ ।”

उक्त कार्यक्रममा प्रदेश सांसद नागेन्द्र साह, गौर नगरपालिकाका मेयर पदका प्रत्यासी मोहन यादव, जिल्ला समन्वय समिति रौतहटका सभापति रामअयोध्या यादव, र वरिष्ठ पत्रकार प्रकाश श्रेष्ठ,राष्ट्रिय दलित पत्रकार संघका अध्यक्ष राजेश पासवान सहित जिल्लाका विभिन्न दलका नेता, पत्रकार तथा सर्वसाधारणको उल्लेख्य उपस्थिति रहेको थियो ।

कार्यक्रममा सहभागी वक्ताहरूले स्व. सहनीको सरल स्वभाव, कर्मशीलता र सामाजिक योगदानको स्मरण गर्दै उहाँप्रति श्रद्धासुमन अर्पण गरेका थिए ।

सो श्रद्धाञ्जली कार्यक्रममा सहभागीहरूले संजय सहनी र उनको परिवारप्रति गहिरो समवेदना व्यक्त गर्दै, दिवंगत आत्माको चिरशान्तिको कामना गरेकम छन् ।

दिपेन्द्र रजक,रौतहट,२०८२ जेठ १५ गते । 

रौतहट जिल्लाको कटहरिया नगरपालिका–१ स्थित जमुनिया र भसेढवा बीचको पुलनिर बिहीबार बिहान सवारी दुर्घटना हुँदा एक युवक गम्भीर घाइते भएका छन् ।

लोसपा नेपालका केन्द्रीय सदस्य तथा जमुनिया निवासी हृदय नारायण दासका करिब १८ वर्षीय छोरा प्रिन्स कुमार दास गम्भीर घाइते भएका हुन् । उनी बा.प्र. ०२–०४५ प २२३० नम्बरको गाडी लिएर काठमाडौंतर्फ जाँदै गर्दा बाटोमै मकै सुकाइएका कारण सवारी नियन्त्रण गुमी दुर्घटना भएको प्रत्यक्षदर्शीहरूले बताएका छन् ।

दुर्घटनामा परेर प्रिन्स कुमारको हात, खुट्टा र शरीरका विभिन्न भागमा चोट लागेको छ । उनलाई तत्काल स्थानीयहरूले उद्धार गरी कनकपुरस्थित एक निजी अस्पतालमा पुर्याइएको थियो । अहिले उनको अवस्था सामान्य रहेको कटहरिया नगरपालिकाका मेयर प्रत्याशी राम प्रवेश दासले जानकारी दिएका छन् ।

स्थानीय एक जना किसानले सार्वजनिक बाटोमै मकै छरि सुकाइरहेका कारण गाडीको चक्का चिप्लिएको र दुर्घटना भएको जनाइएको छ ।

सडकमा अन्नपात सुकाउने प्रवृत्ति पछिल्लो समय ग्रामीण क्षेत्रमा व्यापक भए पनि स्थानीय सरकार र प्रहरी प्रशासनले यस विषयमा कुनै प्रभावकारी निगरानी नगरेकोप्रति लोसपाका केन्द्रीय सदस्य हृदय नारायण दासले गुनासो व्यक्त गरेका छन् ।

उनले जनप्रतिनिधिहरू बजेटको भागबण्डामा मात्रै सीमित रहेको र प्रहरी प्रशासन खुलेआम अवैध क्रियाकलापमा संलग्न भएको आरोप समेत लगाएका छन् ।

केही दिनअघिमात्र जमुनिया गाउँमै प्रहरी प्रशासनले पैसा असुली गर्दै जुवा कौडा खेलाइएको विषयमा भिडियोसहित समाचार सार्वजनिक भएको थियो ।

सडकमा मकै वा अन्य अन्नपात सुकाउने अभ्यास सार्वजनिक सुरक्षाको दृष्टिले जोखिमपूर्ण रहेको र यसले दुर्घटनाको जोखिम बढाउने भएकाले स्थानीय तह र प्रहरी प्रशासनले तत्काल निगरानी र कारबाहीको पहल गर्न आवश्यक रहेको विज्ञहरूले औंल्याएका छन् ।

आरके श्रीवास्तव,रौतहट,२०८१ जेठ १६  गते ।

“जहाँ दुख, त्यहाँ रेडक्रस” भन्ने सेवाभावलाई आत्मसात गर्दै मधेस प्रदेश सरकारका अर्थमन्त्री सुनिलकुमार यादव (जितेन्द्र) आज नेपाल रेडक्रस सोसाइटी रौतहट शाखाको ७ औं वार्षिक साधारण सभामा सहभागी भएका छन् । कार्यक्रममा मन्त्री यादवको सम्बोधनले नीति, दृष्टिकोण र संवेदनशीलताको अद्भुत संगम प्रस्तुत गर्‍यो ।

उनले रौतहटमा रक्त सञ्चार सेवा (ब्लड बैंक) स्थापनादेखि बागमती र लाल बकैया नदीको डुबान समस्याको दिगो समाधान सम्मका विषयमा स्पष्ट प्रतिबद्धता व्यक्त गरेका छन् ।

“मन्दिर र सडक मात्र हैन, शिक्षा र स्वास्थ्यमा लगानी नगरेसम्म दिगो विकास सम्भव छैन,” भन्ने मन्त्री यादवको भनाइले विकासप्रतिको दूरदर्शी सोच झल्काएकाे छ । साथै, साना योजनालाई उपभोक्ता समितिबाट हटाएर पारदर्शी टेन्डर प्रणालीमार्फत अघि बढाउने नीति ल्याउने घोषणाले नयाँ शासकीय संस्कृतिको संकेत गरेको छ ।

उनले नदी नियन्त्रण, शिक्षा सुधार तथा स्वास्थ्य क्षेत्रमा दीर्घकालीन बजेट सुनिश्चित गरिने आश्वासन दिएका छन् । यसले रौतहटको समृद्ध भविष्यको आधार तयार गर्ने विश्वास दिलाएको छ ।

कार्यक्रममा मन्त्री यादवले रेडक्रस जस्तो सेवा मूलक संस्थालाई प्रभावकारी बनाउन स्थानीयदेखि प्रदेश र संघीय तहसम्मको सहकार्य आवश्यक रहेको सन्देश पनि दिए ।

“भाषण होइन, भरोसा दिन आएको छु,” भन्ने मन्त्री यादवको शैलीले सहभागीहरूमा सकारात्मक ऊर्जा र विश्वास भरेको थियो ।

काठमाडौँ । नेपाली कांग्रेसका नेता मोहम्मद अफताब आलम जेलबाट रिहा भएका छन् ।उच्च अदालत जनकपुरको वीरगञ्ज इजलासले सफाइ दिएपछि नख्खु कारागारमा रहेका आलम रिहा भएका हुन् ।न्यायाधीश डा. खुशीप्रसाद थारु र अर्जुन महर्जनको संयुक्त इजलासले जिल्ला अदालत रौतहटको जन्मकैदको फैसला उल्टाएको हो ।

आलममाथि पहिलो संविधानसभाको चुनावको अघिल्लो दिन रौतहटको राजपुरस्थित उनका काका शेख इन्द्रिसको घरमा बम बनाउने क्रममा त्रिलोकप्रताप सिंह र ओशी अख्तरसहित घाइतेहरुलाई जिउदै इँटाभट्टामा जलाएर हत्या गरिएको आरोप थियो ।

उच्च अदालतले आलमसहित उनका भाइ मोहम्मद महताव आलम, शेख सेरोज भन्ने शेख सराज र बद्री सहनीलाई सफाइ दिएको हो । एभरेष्ट न्यूज एजेन्सी

आरके श्रीवास्तव,राैतहट, जेठ १४ गते ।
चमार कल्याण समाज नेपाल राष्ट्रिय समन्वय परिषद्, साउदी अरबका महासचिव राम बलिराम महराकाे जन्मदिनकाे अवसरमा गरिब तथा जेहेन्दार दलित बालबालिकाहरुलाई शैक्षिक सामग्री वितरण गरिएको छ ।

सर्लाही जिल्लाका रामनगर गाउँपालिका–१, धुर्वा टोल निवासी महरा हाल साउदी अरबमा वैदेशिक रोजगारीमा छन् । उनको जन्मदिनको अवसर पारेर रौतहटको कटहरिया नगरपालिका–५ स्थित दलित धर्मशालामा आयोजित विशेष कार्यक्रममा दलित समुदायका छात्र–छात्रालाई कापी, पेन्सिल लगायत शैक्षिक सामग्री वितरण गरिएको हो ।

कार्यक्रम चमार कल्याण समाज नेपाल रौतहटका अध्यक्ष धर्मेन्द्र रामकाे अध्यक्षतामा सम्पन्न भएकाे छ । उद्घोषकको भूमिकामा नीलम कुमारी रामले कार्यक्रम सञ्चालन गरेकी थिइन् ।

कार्यक्रममा चमार कल्याण समाज नेपालका वरिष्ठ उपाध्यक्ष पुनित राम प्रमुख अतिथिका रूपमा, विशिष्ट अतिथिका रूपमा दिपनारायण राम तथा मलेसिया शाखाका संयोजक नन्दलाल राम, किशोरी दास, निर्मल दास लगायतको उपस्थिति रहेको थियो । साथै, विभिन्न सञ्चारकर्मीहरूको समेत कार्यक्रममा सहभागिता रहेको थियो ।

सामाजिक उत्तरदायित्व अन्तर्गत आयोजित उक्त कार्यक्रममा उपस्थित अतिथिहरूले दलित समुदायका बालबालिकाको शिक्षा र सशक्तीकरणका लागि यस्ता कार्यक्रमको महत्वपूर्ण भूमिका रहेको बताएका थिए ।

आरके श्रीवास्तव,राैतहट,१३ गते जेठ ।
राैतहटकाे राजपुर नगरपालिकाले कृषक हितमा एक ऐतिहासिक र अत्यन्त सराहनीय कदम चालेको छ । नगरप्रमुख डा. राजिक आलमको नेतृत्वमा नगरपालिका भित्रका सम्पूर्ण सिंचाई ग्राहकहरूको विद्युत महसुल स्वरूप जम्मा रु ६ लाख ९२ हजार ८ सय २२ रूपैयाँ ९१ पैसाको चेक नेपाल विद्युत प्राधिकरण गाैर कार्यालय प्रमुख रामअयोध्या यादवलाई हस्तान्तरण गरिएको छ ।

नगरप्रमुख डा. आलमको निर्देशनमा प्रमुख प्रशासकीय अधिकृत बैजु ठाकुरको नेतृत्वमा गएको टोलिले उक्त रकमको चेक हस्तान्तरण गरेको हो ।

यो सहयोगले कृषक वर्गलाई तत्काल राहत पुर्याउने विश्वास गरिएको छ भने दीर्घकालीन रूपमा सिंचाई प्रणालीलाई थप सुदृढ र प्रभावकारी बनाउने लक्ष्य लिएको छ । नगरपालिकाको यो कदमले कृषकहरूको उत्पादनशक्ति बढाउने र आर्थिक स्थायित्वमा टेवा पुर्‍याउने देखिन्छ ।

स्थानीय तहबाट लिइएका यस्ता दूरदर्शी र किसानमैत्री निर्णयहरूले मात्र आत्मनिर्भर, समृद्ध समाजको निर्माण सम्भव हुन्छ । कृषकहरूले नगर प्रमुख डा. राजिक आलम र सम्पूर्ण राजपुर नगरपालिका परिवारप्रति गहिरो आभार व्यक्त गरेका छन् ।

यसप्रकारका पहलहरू नै सामाजिक उत्तरदायित्व र सेवा प्रवाहको उत्कृष्ट नमूना हुन् ।

आरके श्रीवास्तव, रौतहट, २०८२ जेठ १२ ।

रौतहटको चन्द्रपुर नगरपालिका स्थित होटल आरोहीमा सोमबार साइबर सुरक्षा र कृत्रिम बुद्धिमत्ता (एआई) सम्बन्धी एकदिने अभिमुखीकरण कार्यक्रम सम्पन्न भएको छ । कार्यक्रम आमसञ्चार प्राधिकरण मधेस प्रदेशको आयोजनामा तथा नेपाल पत्रकार महासंघ रौतहटको समन्वयमा आयोजना गरिएको थियो ।

कार्यक्रमको पहिलो सत्रमा उद्घाटन चन्द्रपुर नगरपालिकाका प्रमुख सञ्जय काफ्लेले गरेका थिए । कार्यक्रम आमसञ्चार प्राधिकरण मधेस प्रदेशका अध्यक्ष जितेन्द्र खडकाको अध्यक्षतामा सम्पन्न भएको हो । कार्यक्रम सञ्चालन नेपाल पत्रकार महासंघ रौतहटका सचिव गौतम श्रेष्ठले गरेका थिए ।

कार्यक्रमको दोस्रो सत्रमा एआई अध्येता तथा अभ्यासकर्ता जीवन भण्डारीले एआईको प्रयोग, प्रभाव र सम्भावनाका विषयमा प्रशिक्षण दिएका थिए । तेस्रो सत्रमा पत्रकार प्रकाश मैनालीले डिजिटल मिडियाका अवसर र चुनौतीबारे सहजीकरण गरेका थिए ।

कार्यक्रमका प्रमुख अतिथि चन्द्रपुरका नगरप्रुख काफ्लेले पत्रकारिता राष्ट्रलाई अग्रगामी दिशा देखाउने माध्यम भएको उल्लेख गर्दै लुकेका तथ्यहरू उजागर गरी समाजमा नयाँ आयाम दिन पत्रकारको भूमिका महत्वपूर्ण रहेको बताए ।

नेपाल पत्रकार महासंघ रौतहटका पूर्व अध्यक्ष प्रेमचन्द्र झाले अभिमुखीकरण कार्यक्रमले पत्रकारहरूलाई समाजप्रति उत्तरदायी र सुसूचित बनाउने दृष्टिकोण प्रदान गर्ने बताए । पूर्व केन्द्रीय सदस्य शिवपुरीले कार्यक्रम आयोजना गरेकोमा आमसञ्चार प्राधिकरणलाई धन्यवाद दिंदै पत्रकारले यस्ता विषयमा ज्ञान लिन आवश्यक रहेको उल्लेख गरेका थिए ।

नेपाल पत्रकार महासंघ राैतहटकी उपाध्यक्ष विनाराउत श्रीवास्तवले प्रविधिको विकाससँगै पत्रकारितामा नयाँ पुस्ताको अग्रसरता उल्लेखनीय रूपमा देखिएको बताएकी छन् ।

उनले अहिलेको डिजिटल युगमा पत्रकारिता पनि तीव्र रूपमा परिवर्तन हुँदै गएको उल्लेख गरिन्। उनले भनिन्, “प्रविधिले नयाँ पुस्ताका पत्रकारलाई धेरै अगाडि लगिसकेको छ। उनीहरूले प्रविधिको सही उपयोगमार्फत समाचार संकलन, सम्प्रेषण र विश्लेषणमा नयाँ आयाम थपिरहेका छन्।”

एआई (कृत्रिम बुद्धिमत्ता) को प्रयोगबारे पनि उनले सबै पत्रकारले आधारभूत ज्ञान लिनुपर्ने आवश्यकता औंल्याइन् । “आजको पत्रकारितामा एआईको भूमिका बढ्दो छ, त्यसैले यसको प्रयोग, सम्भावना र चुनौतीबारे सबैले जान्न जरुरी छ,” उनले भनिन् ।

आमसञ्चार प्राधिकरण मधेस प्रदेशका अध्यक्ष जितेन्द्र खडकाले प्रविधिसँग नजिक रहेका पत्रकारहरूलाई दक्ष बनाउने उद्देश्यले यस्तो कार्यक्रम आयोजना गरिएको जानकारी दिए । उनले मोफसलमा कार्यरत पत्रकारहरूलाई साइबर सुरक्षा र एआईसम्बन्धी जोखिमबारे सजग गराउने उद्देश्यले तालिम दिइएको बताए ।

त्यसैगरी, प्रमुख प्रशासकीय अधिकृत प्रशन्नराज कर्णले मधेस प्रदेशका आठै जिल्लामा यस्ता कार्यक्रम सञ्चालन भइरहेको जानकारी दिँदै पत्रकारहरूलाई यसको लाभ पुग्ने विश्वास व्यक्त गरेका छन् । कार्यक्रम सफल पार्न सहयोग गर्ने सम्पूर्णमा धन्यवाद ज्ञापन गरिएको थियो ।

कार्यक्रममा सञ्चारकर्मीहरू, विभिन्न सञ्चार माध्यमका प्रतिनिधिहरू र पत्रकारहरूको समेत उल्लेख्य उपस्थिति रहेको थियो ।

आरके श्रीवास्तव,राैतहट,१२ गते जेठ । 

 रौतहट जिल्लाको फतुवा बिजयपुर नगरपालिका–१, बैरगनियामा करिब २५ लाख रुपैयाँको लागतमा सडक स्तरोन्नति तथा आरसीसी ढलान कार्यको शिलान्यास सम्पन्न भएको छ । मधेश प्रदेश सरकार अन्तर्गत भौतिक पूर्वाधार विकास मन्त्रालयको बजेटमा निर्माण हुने यस योजनाले ग्रामीण क्षेत्रको यातायात र पूर्वाधारमा उल्लेखनीय सुधार ल्याउने विश्वास गरिएको छ ।

शिलान्यास कार्यक्रममा प्रदेश सांसद तथा पूर्व राज्यमन्त्री केशव राय चौधरी प्रमुख अतिथिका रूपमा सहभागी भएका थिए । उनले कार्यक्रममा बोल्दै भने, “यो योजना केवल सडक निर्माणको कार्य होइन, यो यहाँको जनताको जीवनशैलीमा परिवर्तन ल्याउने माध्यम हो। यातायात सुगम भएपछी शिक्षा, स्वास्थ्य र व्यापार सबै क्षेत्रमा सकारात्मक प्रभाव पर्छ। हामी जनताको सेवा र विकासमा सधैं प्रतिवद्ध छौं ।”

उनले थपे, “सरकारले ग्रामीण भेगका आधारभूत पूर्वाधार निर्माणमा प्राथमिकता दिएको छ। यसरी एकपछि अर्को विकास आयोजना कार्यान्वयनमा आउँदा मात्र समृद्ध मधेश निर्माण सम्भव हुन्छ ।”

स्थानीय जनप्रतिनिधि, समाजसेवी तथा सर्वसाधारणको उल्लेखनीय उपस्थिति रहेको कार्यक्रममा सहभागीहरूले आगामी दिनमा थप यस्ता योजनाको अपेक्षा व्यक्त गरेका थिए ।

सागर संगम ठाकुर, रौतहट, ११ गते जेठ । 

रौतहटको देवाही गोनाही नगरपालिका–९ धरहरीमा स्थानीय किसानहरूलाई स्प्रे टंकी वितरण गरिएको छ । वडा अध्यक्ष वीर बहादुर साहको अगुवाइमा आयोजित कार्यक्रममा कृषि उत्पादन वृद्धिको उद्देश्यका साथ किसानहरूलाई यो उपकरण वितरण गरिएको हो ।

वडा अध्यक्ष साहले आर्थिक वर्ष २०८१/८२ को वडा स्तरीय योजनाअन्तर्गत कूल ५ लाख रुपैयाँको लागतमा खरिद गरिएका स्प्रे टंकी १११ जना किसानलाई वितरण गरिने जानकारी दिए । “कृषिप्रति आश्रित किसानहरूको समस्यालाई ध्यानमा राख्दै स्प्रे टंकी वितरण गरिएको हो, यसले बालीको संरक्षणमा सहयोग पुर्‍याउने विश्वास लिएको छु,” अध्यक्ष साहले बताए ।

शनिबार वडा कार्यालयमा आयोजित औपचारिक कार्यक्रममा देवाही गोनाही नगरपालिकाका मेयर प्रेमलाल साह र उपमेयर परनिया देवी पटेलले संयुक्तरूपमा किसानहरूलाई स्प्रे टंकी हस्तान्तरण गरे।कार्यक्रममा वडा सदस्य खुबलाल दास, महिला सदस्य संजोगिया देवी, प्रमिला देवी तथा स्थानीय बुद्धिजीवी र समाजसेवीहरूको उल्लेखनीय उपस्थिति रहेको थियो ।

बज्जिकाञ्चल संवाददाता,राैतहट,२०८२ जेठ ०९ गते ।

चुरे तथा वनजंगल संरक्षण अभियानले मधेश प्रदेशका वन सचिव उद्धव घिमिरेलाई तत्काल बर्खास्त गरी कारबाहीको माग गरेको छ । शुक्रबार जारी प्रेस विज्ञप्तिमा अभियानले घिमिरेमाथि गम्भीर लापरवाही र वन संरक्षणमा असक्षमता देखाएको आरोप लगाउँदै उनलाई अन्यत्र सरुवा गरी योग्य व्यक्तिको नियुक्तिको माग गरेको हो ।

रौतहट डिभिजनका विभिन्न सव-डिभिजन कार्यालयहरू — गैडाटार, चन्द्रपुर, वृन्दावन, चोचा र पौराही क्षेत्रमा फैलिएको अवैध वन अतिक्रमण, काठ तस्करी र सरकारी संरचना निर्माणप्रति अभियानले गम्भीर चिन्ता व्यक्त गरेको छ। विशेष गरी चन्द्रपुर–२ मा पाँच बिगाहा भन्दा बढी वन क्षेत्र अतिक्रमण भई सयौं सिसौका रुख फँडानी गरिएको दाबी गरिएको छ ।

अभियानले सार्वजनिक गरेको भिडियोमा अतिक्रमणको प्रमाण देखिएपछि उक्त प्रमाण मेटाउने उद्देश्यले वैशाख महिनाको अत्यधिक गर्मीमा वृक्षारोपण गरिएको उल्लेख छ। यस्तै, गुजरा–३ स्थित सिम्री सिक्टि टोलमा झण्डै पाँच बिगाहा वनमा मकै खेती भइसकेको छ।

२०८१ पुसमा भएको काठ लिलामी प्रक्रियामा समेत अनियमितता भएको भन्दै अभियानले राजदेवी, परवेज, सुरज, आरएन, कल्याणी, नन्दनी, सुरेन्द्र, लक्ष्मी लगायत काठ मिलहरूसँग गोप्य अवैध सम्झौता गरिएको आरोप लगाएको छ। रु. २२०० को दरमा काठ बिक्री गर्नुपर्नेमा रु. १४८० मा टेन्डर गरिएर राज्यलाई ठगी भएको दाबी गरिएको छ।

अभियानले मधेश प्रदेश सरकार, वन मन्त्रालय र सम्बन्धित निकायहरूलाई निष्पक्ष छानबिन गरी दोषीमाथि कडा कानुनी कारबाही गर्न आग्रह गरेको छ। साथै, चुरे तथा वनजंगल संरक्षणमा सबै सरोकारवालाहरू — राजनीतिक दल, सञ्चारमाध्यम र नागरिक समाज — को सक्रिय सहकार्यको आवश्यकता औंल्याएको छ।

यसैबीच, पूर्व वनमन्त्रीको बर्खास्तीलाई अभियानले सकारात्मक कदम भन्दै स्वागत गरेको छ र नव नियुक्त वनमन्त्री सञ्जय यादवलाई सफल कार्यकालको शुभकामना दिएको छ। मुख्यमन्त्री सतिश सिंहलाई वैशाख २१ मा बुझाइएको ज्ञापनपत्रपछि सुरु भएको विरोध कार्यक्रमले मन्त्री बर्खास्तीको मार्ग प्रशस्त गरेको अभियानको दाबी छ।

आरके श्रीवास्तव,राैतहट,२०८२ जेठ ०९ गते । राैतहट जिल्लाको कटहरिया नगरपालिका–५ मा अवस्थित माध्यामिक विद्यालय वलिरामपुरमा आज एक स्वागत कार्यक्रम आयोजना गरी नवआगन्तुक प्रधानाध्यापक अनिल कुमार निधिलाई स्वागत गरिएको छ ।

अनिल कुमार निधि कटहरिया नगरपालिकाको शिक्षा शाखामा समेत सक्रिय रहँदै आएका छन् । शिक्षा क्षेत्रमा लामो अनुभव बोकेका निधिले वलिरामपुर माविमा प्राचार्यको रूपमा कार्यभार सम्हाल्दै विद्यालयको शैक्षिक तथा भौतिक विकासमा नयाँ ऊर्जा थप्ने विश्वास व्यक्त गरिएको छ ।

कार्यक्रममा विद्यालयका शिक्षक, कर्मचारी, विद्यार्थी तथा अभिभावकहरूको उपस्थिति रहेको थियो । कार्यक्रममा बोल्दै प्रधानाध्यापक निधिले विद्यालयको गुणस्तरीय शिक्षामा सुधार ल्याउने प्रतिबद्धता व्यक्त गर्दै सबै पक्षसँग सहकार्यमा अघि बढ्ने जनाएका छन् ।

कटहरिया नगरपालिका शिक्षा शाखाले समेत प्रधानाध्यापक निधिलाई सफल कार्यकालको शुभकामना व्यक्त गरेको छ ।

 

राजेश निर्माणी,राैतहट,२०८२ जेठ ०९  । 
रौतहटको वृन्दावन नगरपालिकाका नगरप्रमुख विनोद प्रसाद कुर्मीले शुक्रबार एक समारोहका बीच विद्यालय भवनको शिलान्यास गरेका छन् ।

वृन्दावन नगरपालिका वडा नम्बर २ स्थित श्री नेपाल माध्यमिक विद्यालय,बिश्रामपुरमा आयोजित कार्यक्रममा मेयर कुर्मीले ३५ लाख रुपैयाँको लागतमा निर्माण हुन लागेको सुविधा सम्पन्न दुईतले भवनको शिलान्यास गरेका छन् ।

उक्त विद्यालयमा भवनको अभावका कारण विद्यार्थीहरू खुला चौरमा बसेर अध्ययन गर्न बाध्य हुँदै आएका थिए। सोही अभाव हटाउने र शिक्षा क्षेत्रलाई सुदृढ बनाउने उद्देश्यले भवन निर्माण थालिएको नगरप्रमुख कुर्मीले जानकारी दिएका छन् ।

उनका अनुसार विद्यालयकै जमिनमा पठनपाठनको सहज वातावरण सिर्जना गर्न नगरपालिका आफैंले बजेट विनियोजन गरी भवन निर्माण प्रक्रिया अघि बढाएको हो ।

स्थानीय बासिन्दा, विद्यालय परिवार तथा विद्यार्थीहरूले उक्त कदमलाई स्वागत गर्दै गुणस्तरीय शिक्षाको बाटो खोल्ने विश्वास व्यक्त गरेका छन् ।

आरके श्रीवास्तव,गरूडा,०९ गते जेठ । 

भौतिक पूर्वाधार विकास मन्त्रालयको सहयोगमा राैतहटकाे परोहा नगरपालिका–७ मा २५ लाख रुपैयाँको लागतमा सडक ढलान कार्य सुरु गरिएको छ । सो सडक निर्माणको शिलान्यास लोकतान्त्रिक समाजवादी पार्टी (लोसपा) नेपालका मधेस प्रदेश सचिव ओम लोक पटेलले एक कार्यक्रमकाबीच गरेका हुन् ।

शिलान्यास कार्यक्रमलाई सम्बोधन गर्दै सचिव पटेलले भने, “स्थानीय तहको समुचित विकास बिना समृद्धि सम्भव छैन । जनताको प्रत्यक्ष सुविधा हुने पूर्वाधार निर्माणमा हामी प्रतिबद्ध छौं । यो सडक ढलान परियोजना परोहाका बासिन्दाको लागि सुविधा र गर्वको विषय हो ।”

उनले थपे, “मधेसका प्रत्येक वस्तीमा बाटो, बिजुली, पानी र शिक्षा स्वास्थ्य जस्ता आधारभूत पूर्वाधार पुर्‍याउने हाम्रो लक्ष्य हो। हामी जनतासँग गरेका वाचा पूरा गर्दै अघि बढिरहेका छौं ।”

सडक ढलान सम्पन्न भएपछि सो क्षेत्रका स्थानीय बासिन्दाहरूले आवागमनमा सहजता पाउने र वर्षायाममा देखिने समस्याहरूको समाधान हुने विश्वास लिइएको छ । परियोजना चालू आर्थिक वर्ष भित्र सम्पन्न गरिने उनले जानकारी गराएका हुन् ।

कार्यक्रममा स्थानीय प्रतिनिधि, समाजसेवी तथा बासिन्दाहरूको उल्लेखनीय उपस्थिति रहेको थियो ।

बज्जिकाञ्चल संवाददाता,राैतहट,२०८२ जेठ ०८ गते । 

रौतहटको चन्द्रनिगाहपुरस्थित एएन प्लाजा होटलमा डिभिजन वन कार्यालयको आयोजनामा “वन संरक्षण प्रणालीमा आधारित दिगो वन व्यवस्थापन” विषयक दुईदिने तालिम सुरु भएको छ । तालिम सामुदायिक वन उपभोक्ता समूहका पदाधिकारीहरूलाई लक्षित गर्दै सुरु गरिएको हो ।

तालिम उद्घाटन समारोहमा डिभिजन वन प्रमुख हेमन्त प्रसाद साहले वन संरक्षण तथा सुशासनका सवालमा कडा धारणा प्रस्तुत गरे । उनले योजनाहरू स्थानीय उपभोक्ताको आवश्यकता अनुसार निर्माण हुनुपर्नेमा जोड दिँदै भने, “काठमाडौँ वा जनकपुरमा बसेर तयार गरिने कार्ययोजनाले वनको दिगो विकास सम्भव छैन। योजना समुदायकै आवश्यकता र वास्तविकता अनुरूप बन्नुपर्छ ।”

उनले सामुदायिक वनमा रूख कटानी गर्दा सुकिसकेका, बुढा, ढलेका वा मर्न लागेको रूख मात्र काट्न निर्देशन दिए। वन सफाइको नाममा हुने अनावश्यक रूख फडानी रोक्न उनले कडा चेतावनी पनि दिए । “यस्तो कार्यमा संलग्न भए कडा कानुनी कारबाही हुनेछ,” साहले स्पष्ट पारे ।

वन क्षेत्रमा अनधिकृत संरचनाहरू—जसमा पोखरी, पैनी, मन्दिर, सामुदायिक भवन आदिको निर्माण भइरहेको सूचनामा प्रतिक्रिया दिँदै उनले भने, “यस्ता संरचना हटाउने प्रक्रिया अघि बढिसकेको छ। सम्बन्धित निकायलाई पत्राचार भइसकेको छ। अब त्यसमा कसरी भुक्तानी हुन्छ? यस्तो लगानी डुब्ने पक्का छ ।”

साहले सहभागीहरूलाई लाभान्वित घरधुरीको यथार्थ डेटा संकलन गर्न, महिला–पुरुष सहभागीताको विवरण राख्न र तथ्यमा आधारित अभिलेख राख्न आग्रह गरे। उनले वन व्यवस्थापनमा पारदर्शिता र जवाफदेहिता अनिवार्य रहेको उल्लेख गर्दै भने, “सुशासनका लागि कसैसँग सम्झौता हुँदैन ।”

तालिममा डिभिजन वन कार्यालयका विभिन्न विज्ञहरूले सहभागीहरूलाई दिगो वन व्यवस्थापन, वन ऐन तथा नियमावली, र प्राकृतिक स्रोत व्यवस्थापनसम्बन्धी विषयमा प्रशिक्षण दिइरहेका छन् । तालिममा रौतहट जिल्लाका विभिन्न सामुदायिक वन उपभोक्ता समूहका अध्यक्ष, सचिवलगायतका पदाधिकारीहरूको उपस्थिति रहेको छ ।

सहभागीहरूले तालिमबाट आफूहरू थप जिम्मेवार र सचेत हुने विश्वास व्यक्त गरेका छन् । तालिमको उद्देश्य सामुदायिक वन व्यवस्थापनलाई प्रभावकारी बनाउँदै पर्यावरणीय सन्तुलन कायम राख्नु र उपभोक्ताको क्षमता अभिवृद्धि गर्नु हो ।

आरके श्रीवास्तव,राैतहट,२०८२ जेठ ०८ गते । 

जनमत पार्टीका राष्ट्रिय उपाध्यक्ष माननीय ई.बसन्त कुशवाहा दोस्रोपटक मधेश प्रदेश सरकारमा मन्त्री नियुक्त भएका छन् ।  उनले उद्योग, वाणिज्य तथा पर्यटन मन्त्रालयको जिम्मेवारी सम्हाल्दै सपथ ग्रहण गरेका छन् ।

यसअघि कुशवाहा तत्कालीन मुख्यमन्त्री सरोज कुमार यादवको नेतृत्वको सरकारमा कृषि मन्त्री रहेका थिए ।  दोस्रोपटक मन्त्रिपदमा पुनः नियुक्त भएपछि रौतहटबासीबीच विकासको अपेक्षा अझ बलियो बनेको छ ।

जनमत पार्टीले हालै मधेश प्रदेश सरकारबाट आफ्ना दुई मन्त्रीहरूलाई फिर्ता बोलाएको छ । मन्त्री फिर्ता गरिएपछि वसन्त कुशवाहालाई उद्योग,वाणिज्य तथा पर्यटन मन्त्रालय र सञ्जय यादवलाई वन तथा वातावरण मन्त्रालयको जिम्मेवारी दिइएको हो ।

रौतहट जिल्लाबाट पुनः एकपटक मन्त्री नियुक्त भएसँगै स्थानीयवासीमा उत्साह छाएको छ भने जिल्लाको समग्र विकासमा नयाँ गति आउने विश्वास गरिएको छ ।

पार्टी तथा शुभेच्छुकहरूले मन्त्री कुशवाहालाई सफल कार्यकालको शुभकामना दिएका छन् ।

आरके श्रीवास्तव,गरुडा,२०८२ जेठ ०८ गते । 

राैतहटकाे गरुडा नगरपालिका वडा नम्बर ४ मा कृषकहरूलाई लक्षित गरी २० वटा कृषि विद्युत पोल गाडिएको छ । स्थानीय कृषकहरूको खेतीपातीमा सहजीकरण गर्ने उद्देश्यले नगरपालिकाले “कृषि विद्युत सञ्जाल विस्तार कार्यक्रम” अन्तर्गत उक्त पोलहरू जडान गरेको हो ।

नगरपालिकाका अनुसार यस कार्यक्रमले किसानहरूलाई सिंचाइ तथा आधुनिक कृषि प्रणालीमा पहुँच सहज बनाउँदै उनीहरूको उत्पादन क्षमतामा वृद्धि गर्ने विश्वास गरिएको छ ।

“नगरवासीहरूलाई आत्मनिर्भर र कृषि उत्पादनमुखी बनाउने हाम्रो अभियान अन्तर्गत यो कार्यक्रमले महत्वपूर्ण भूमिका खेल्नेछ,” नगर प्रमुख कन्थमनी जयसवालले बताए ।

नगरपालिकाले आगामी दिनमा अन्य वडाहरूमा पनि यस्ता कार्यक्रमहरू विस्तार गर्दै लैजाने प्रतिबद्धता जनाएको छ । यस अभियानले सम्पूर्ण नगरलाई दीर्घकालीन रुपमा कृषि समृद्धितर्फ उन्मुख गराउने अपेक्षा गरिएको छ ।

आरके श्रीवास्तव,राैतहट,०७ गते जेठ ।
रौतहट जिल्लाको गुजरा नगरपालिकामा प्रमुख प्रशासकीय अधिकृत नभएपछि नगरको प्रशासनिक कामकाज प्रभावित भएको छ । वैशाख २१ गते प्रमुख प्रशासकीय अधिकृतको सरुवा भएको भए पनि संघीय मामिला तथा सामान्य प्रशासन मन्त्रालयले हालसम्म नयाँ अधिकृत पठाएको छैन् ।

बजेट निर्माणदेखि भुक्तानी प्रक्रिया सुरु हुने यो महत्त्वपूर्ण समयमा प्रमुख प्रशासकीय अधिकृत नहुँदा नगरपालिकामा सबै काम ठप्प भएको नगर प्रमुख सन्तलाल चौधरीले बताए । “हामीले मन्त्रालयमा पटक–पटक अनुरोध गरिरहेका छौं, तर अहिलेसम्म कसैलाई पठाइएको छैन,” उनले भने, “नगरवासीको सेवा र विकास निर्माणका काम प्रभावित भएका छन्।”
उनी भन्छन्-हाकिम सरूवा गर्ने अधिकार मन्त्रालयकाे हाे भने हाकिम पठाउने जिम्मा पनि उसैको हाे । तर हाकिम अहिलेसम्म पठाइएको छैन् । कस्ताे बिडम्बना हाे ?

नगरपालिकामा अहिले चालु आर्थिक वर्षको अन्त्य नजिकिँदै गर्दा योजनाको मूल्यांकन, भुक्तानी, तथा आगामी वर्षको बजेट निर्माणका कार्यहरू तिव्र रूपमा अघि बढाउनु पर्ने अवस्था छ । तर, कार्यालय प्रमुख नहुँदा निर्णय प्रक्रियामा बाधा आएको छ ।

स्थानीय तहका सरोकारवालाहरूले संघीय मन्त्रालयले यस्तो संवेदनशील समयमा अधिकृत नपठाएर नगरपालिकालाई अस्तव्यस्त बनाउने प्रयास गरेको आरोप लगाएका छन् । असार मसान्त आउन २५ दिन मात्र बाँकी रहँदा प्रमुख प्रशासकीय अधिकृतको अभावले समग्र नगर प्रशासनमा अन्योल उत्पन्न भएको छ ।

नगर प्रमुख चौधरीले मन्त्रालयमा पत्राचार र भेटघाटमार्फत प्रमुख प्रशासकीय अधिकृत चाँडै पठाउन पहल भइरहेको बताएका छन् ।

आरके श्रीवास्तव,राैतहट,२०८२ जेठ ०६ गते जेठ ।
रौतहटकाे फतुवा विजयपुर नगरपालिकाका ११ वटै वडाका अध्यक्षहरूले एकैसाथ प्रमुख प्रशासकीय अधिकृतसमक्ष ज्ञापन पत्र बुझाउँदै कार्यवाहक नगर प्रमुख अम्बेया खातुन द्वारा गरिएका कानुनविपरीतका कार्यहरूप्रति कडा आपत्ति जनाएका छन् ।

उनीहरूले नगरप्रमुखले जनप्रतिनिधिको मूल्य र मान्यता बिर्सेर विधि र विधानको उल्लंघन गर्दै कानुनी शासनको धज्जी उडाउने किसिमले नगर कार्यपालिकाबाट कार्य सम्पादन गरेको भन्दै ध्यानाकर्षण गराएका हुन् ।

ज्ञापन पत्रमा नगर प्रमुखले विगतको योजना कार्यान्वयन नगरी पुरानै कामलाई योजना देखाई कर्मचारीलाई भुक्तानीको लागि दबाब दिएको भन्दै यस विषयमा छानबिन गर्न माग गरिएको छ । साथै, बजेटको रकमान्तर प्रक्रिया, वडा स्तरीय योजनाको कार्यान्वयन र भुक्तानी प्रक्रिया, तथा नगर प्रशासनिक भवन र वडा कार्यालय भवन निर्माणका लागि जग्गा खरिद प्रक्रियाको तत्काल अगाडि बढाउन आग्रह गरिएको छ ।

ज्ञापन पत्रमा हस्ताक्षर गर्ने वडाध्यक्षहरूमा वडा नं. १ का विजय कुमार यादव, वडा नं. २ का अनिरुद्ध प्रसाद यादव(संजय), वडा नं. ३ का रामेश्वर प्रसाद यादव, वडा नं. ४ का सतिस कुमार यादव, वडा नं. ५ का शेख एजाज अहमद, वडा नं. ६ का रामएकवाल राय यादव, वडा नं. ७ का रामविश्वास राय यादव, वडा नं. ८ का नितेश कुमार चौधरी, वडा नं. ९ का राकेश यादव, वडा नं. १० का मंजय कुमार चौधरी, र वडा नं. ११ का ज्ञानेन्द्र चौधरी रहेका छन् ।

उनीहरूले जनप्रतिनिधिहरूको सहभागिता विना गरिने निर्णयहरू लोकतान्त्रिक मूल्य र सुशासनका विरुद्ध रहेको भन्दै नगर प्रमुखको कार्यशैली प्रति गम्भीर असन्तोष व्यक्त गरेका छन् ।

आरके श्रीवास्तव,राैतहट,२०८२ जेठ ०६ । 

राैतहटकाे कटहरिया नगरपालिका वडा नम्बर १ मा अवस्थित श्री प्राथमिक विद्यालय बडेडवामा छात्रवृत्ति वितरण कार्यक्रम सम्पन्न भएको छ । विद्यालयमा आयोजित कार्यक्रममा १ सय ३१ जना विद्यार्थीहरूलाई प्रति विद्यार्थी रू. ४ सयका दरले छात्रवृत्ति प्रदान गरिएको हो ।

उक्त कार्यक्रम कटहरिया नगरपालिकाका कार्यपालिका सदस्य तथा शिक्षक छनौट समितिका अध्यक्ष मनोज जयसवालको प्रमुख आतिथ्यतामा सम्पन्न भएकाे हाे ।

कार्यक्रमको विशेष उपस्थितिमा विद्यालय व्यवस्थापन समितिका अध्यक्ष चन्देश्वर प्रसाद यादव, प्रधानाध्यापक रामअयोध्या यादव, वडा सदस्य सुरेश राय यादव, विद्यालयका सबै शिक्षक-शिक्षिका तथा समिति सदस्यहरूको सक्रिय सहभागिता रहेको थियो ।

छात्रवृत्ति वितरण कार्यक्रमले विद्यार्थीहरूमा थप प्रेरणा जागृत गर्ने विश्वास व्यक्त गर्दै अतिथि वक्ताहरूले शिक्षाको महत्वमा जोड दिएका थिए । विद्यालय प्रशासनले पनि आगामी दिनहरूमा यस्ता कार्यक्रमलाई निरन्तरता दिने प्रतिवद्धता व्यक्त गरेको छ ।

आरके श्रीवास्तव,गरूडा,०५ गते जेठ ।
रौतहटको चन्द्रपुर नगरपालिका–३ स्थित गैडाटार क्षेत्रमा भइरहेको वन अतिक्रमण, अवैध सिसौ कटानी तथा चुरे क्षेत्रबाट ढुंगा–गिट्टी तस्करीविरुद्ध चुरे तथा वन जंगल संरक्षण अभियान नेपाल, रौतहटले सोमबार डिभिजन वन कार्यालय अगाडि विरोध प्रदर्शन गरेको छ ।

जिल्ला संयोजक अमिरी सहनीको नेतृत्वमा आयोजित उक्त प्रदर्शनमा दर्जनौं अभियन्ताहरू सहभागी थिए । उनीहरूले वन मन्त्रालय र डिभिजन वन कार्यालयमा गम्भीर अनियमितता भइरहेको आरोप लगाउँदै मधेस प्रदेशका वनमन्त्री त्रिभुवन साहको राजीनामा माग गरेका छन् ।

प्रदर्शनकारीहरूको भनाइ अनुसार गैडाटार क्षेत्रमा करिब पाँच बिगाहा वनभूमि अतिक्रमण गरिएको छ भने सयौं सिसौका रुखहरू अवैध रूपमा काटिएको छ । साथै चुरे क्षेत्रबाट ढुंगा, गिट्टी र बालुवा तस्करी भई वन स्रोतमा गम्भीर क्षति पुगेको आरोप लगाइएको छ ।

अभियन्ता राजेश भण्डारीले भने, “वन कार्यालयले सर्वसाधारणलाई काठ वितरण नगरी ठेकदारहरूलाई १४–१५ सय रूपैयाँ प्रति क्युफिट दरमा टेन्डर दिने गरेको छ । जसमा उच्च तहसम्मको मिलोमतो स्पष्ट देखिन्छ ।”

प्रदर्शनमा चुरे अभियन्ताहरू नन्दकिशोर राम,उपेन्द्र यादव, अनिता यादव, निरज साह लगायत चुरे अभियन्ताहरूको सक्रिय सहभागिता थियो । उनीहरूले ‘चुरे दोहन बन्द गर’, ‘कमिसनखोर वन सचिव प्रदेश छोड’, र ‘अतिक्रमणकारी डिएफओलाई कारबाही गर’ भन्ने नारा पनि लगाएका थिए ।

आरके श्रीवास्तव,गरूडा,२०८२ जेठ ०५ गते  । 
रौतहटको गरुडामा स्थानीयपोष्ट साप्ताहिकको सार्वजनिकीकरण गरिएको छ । गरुडास्थित सुमित्रा प्यालेशमा एक समारोहबिच स्थानीय न्युज मिडिया प्रालिद्वारा प्रकाशित स्थानीयपोष्ट साप्ताहिकको पहिलो अंकलाई सार्वजनिक गर्दै सञ्चारकर्मी तथा बुद्धिजीवीहरुले स्थानीय पत्रिकाको महत्व अझ बढेको टिप्पणी गरेका छन् ।

जिल्लामा दर्जनौँ अखबारहरु प्रकाशनमा रहेको अवस्थामा स्थानीयपोष्ट साप्ताहिकका सम्पादक राजनारायण पटेलले अबदेखि स्थानीय भाषा, साहित्य र समाचारको बारेमा स्थानीयलाई नै बताउने युगको सुरुआत गरेको बताउँदै देश–विदेशका मुख्य समाचार तुरुन्त भाइरल हुने तर स्थानीय समाचारहरु ओझेलमा परेकोले स्थानीयलाई सुसूचित गर्न आवश्यक रहेको बताएका छन् । सम्पादक पटेलले स्थानीयलाई स्थानीयले चिनाउने प्रयासमा स्थानीयपोष्टको प्रकाशनारम्भ भएको बताउँदै मुख्य सरोकार नै स्थानीयता भएको प्रतिबद्धता पनि पटेलले व्यक्त गरेका छन् ।

कार्यक्रममा साहित्यकार सञ्जय साह मित्रले पत्रिकाले लिएको उद्देश्यबमोजिम खोजमूलक सन्देश तथा भाषा र साहित्यको सेवामा लाग्न सके स्थानीय प्रतिभाको पहिचान तथा प्रोत्साहनमा सजिलो पुग्ने विश्वास व्यक्त गरेका छन् ।

साहित्यकार मित्रले नेपाली र बज्जिका भाषामा दर्ता भएको स्थानीयपोष्ट साप्ताहिकमा बज्जिका भाषा, साहित्य र संस्कृतिका साथै समाचारमा पनि आधाको हकदार भएको जिकिर गरेका छन् ।

लोसपाका केन्द्रीय सदस्य राम प्रवेश दासले मिडियाले भोगिरहेका समस्याको समाधान गर्न आफ्नो व्यक्तिगत तथा पार्टीको तर्फबाट पनि भूमिका खेल्न तयार रहेको बताउँदै स्थानीयपोष्टलाई स्थानीय समस्यासित जोड्नुपर्ने सुझाव दिएका छन् । नेता दासले पत्रकारिताको क्षेत्रमा स्थानीयपोष्टले नयाँपन ल्याउने विश्वास व्यक्त गर्दै आगामी दिनमा पत्रिकालाई आफूले गर्न सक्ने सबै किसिमको सहयोगका लागि सदैव तयार रहने प्रतिबद्धता पनि व्यक्त गरेका छन् ।

समाजवादी प्रेस संगठनका रौतहट अध्यक्ष दिनेश संगमले खोजमूलक पत्रकारितामा साप्ताहिक पत्रिकाले जोड दिनुपर्ने बताउँदै आफ्नो विशिष्ट पत्रकारितामा ध्यान दिन सुझाव दिएका छन् ।
श्रमजीवी पत्रकार संघ रौतहटका उपाध्यक्ष राकेशकुमार यादवले मिडियाको भीडमा स्थानीयपोष्ट नहराओस् भन्ने कामना गर्दै हरेक पत्रकारले सम्भव भएसम्म स्थानीयपोष्ट साप्ताहिकलाई सहयोग गर्नुपर्ने तथा आफू सहयोगको लागि हरदम तयार रहेको प्रतिबद्धता व्यक्त गरेका छन् ।
यसै गरी बज्जिका पत्रकार संघ नेपालका अध्यक्ष राजेश्वरनाथ पाण्डेले पत्रकारिता पेसा अंगाल्नु तथा यसलाई निरन्तरता दिनु निकै संघर्षपूर्ण काम भएको बताउँदै पत्रिकाले स्थानीय भाषालाई विशेष महत्व दिनुपर्नेमा जोड दिएका छन् ।
बज्जिका साहित्य संगम रौतहटका अध्यक्ष किशुनदयाल श्रीकृष्णले बज्जिका भाषा र साहित्यको विकासमा स्थानीयपोस्ट साप्ताहिकले महत्वपूर्ण भूमिका खेल्नुपर्ने बताउँदै संगम र व्यक्तिगत रुपमा गर्नुपर्ने सहयोगका लागि आफू तयार रहेको बताएका छन् ।
नवसर्जक साहित्य चौतारीका मधेश प्रदेश अध्यक्ष अभिजित रामले स्थानीयपोष्ट साप्ताहिकले भाषा र साहित्यलाई प्राथमिकता दिएकोमा खुसी व्यक्त गर्दै पत्रिकाले आगामी दिनमा साहित्यको विकासमा थप योगदान दिने कुरामा विश्वस्त रहेको बताएका छन् ।
राष्ट्रिय शिक्षक मंचका रौतहट अध्यक्ष शिवशंकर झाले स्थानीयहरुको आवाज बन्न सफल बनोस् भन्ने कामना गर्दै आगामी दिनमा स्थानीयपोष्ट साप्ताहिकको विकास राष्ट्रियस्तरमा भएको आफूले देख्न चाहेको बताएका छन् ।
कार्यक्रममा पत्रकार सागर संगम ठाकुर, चन्दनकुमार महतोलगायतले मन्तव्य व्यक्त गर्दै एउटा प्रतिबद्ध पत्रकारिताको आवश्यकतालाई साहित्यपोष्टले पूरा गर्ने विश्वास आफूहरुले लिएको बताएका छन् ।
पत्रिकाका सम्पादक राजनारायण पटेलको अध्यक्षतामा भएको कार्यक्रममा उपस्थितलाई स्वागत तथा संचालन गर्दै लोकतान्त्रिक पत्रकार संघका रौतहट अध्यक्ष राजुकुमार श्रीवास्तवले पत्रिकाले सबैको सुझावलाई विचार गर्दै आगामी दिनमा थप आकर्षक र सबैको प्रिय बनाउन ध्यान दिने बताएका छन् ।
कार्यक्रममा पत्रकार तथा बुद्धिजीवीहरुको सहभागिता रहेको थियो ।

फाेटाे फिचर:

बज्जिकाञ्चल संवाददाता,राैतहट,०३ गते जेठ । 

मदन आश्रितको ३२ औ स्मृती दिवशको अबसर पारेर रौतहटका जेष्ठ कम्युनिष्ट योद्धाहरुलाइ शनिबार चन्द्रनिगाहपुरमा सम्मान गरिएको छ । मदन भण्डारी फाउण्डेशन जिल्ला कार्य समिति रौतहटले मदन आश्रितको ३२ औ स्मृती दिवशको अबसर पारेर रौतहटका जेष्ठ कम्युनिष्ट योद्धाहरुलाइ सम्मान गरेको हो ।

सम्मान कार्यक्रममा नेकपा एमालेका केन्द्रिय सदस्य तथा रौतहट जिल्ला इन्चार्ज अजय कुमार गुप्ताले मदन भण्डारीको त्याग र योगदानबाट देशमा कम्युनिष्टहरु यो अबस्थामा आएको बताएका छन । महान नेता भण्डारीले देखाएको बाटो कसैले पनि भुल्न नहुने जिल्ला इन्चार्ज गुप्ताले बताए । देश बिकाशको लागी नेकपा एमाले बाहेक अरु कुनै पनि पार्टीले गर्न नसक्ने उहाको धारणा थियो । आज भन्दा ३२ बर्ष अगाडी जुन किसिमको र्दुघटना भयो उक्त र्दुघटनाले देशमा ठुलो क्षति पुगेको गुप्ताले बताउनु भएको छ । यसैगरी सोही कार्यक्रममा फाउण्डेशनका मधेश प्रदेश अध्यक्ष राज महमद रायले मदन भण्डारीको जिवनी र ३२ बर्ष अगाडी भएको र्दुघटनाको बारेमा जानकारी गराएका थिए ।

यसैगरी फाउण्डेशनका रौतहट जिल्ला इन्चार्ज अमर आले मगरले कार्यक्रमको औचित्य बारे प्रकाश पारेका थिए । नेकपा पार्टीलाइ बलियो बनाउनको लागी जेष्ठ कम्युनिष्ट योद्धाहरुको अतुलनिय योगदान भएको हुदा सो योगदानलाइ कदर गर्दै सम्मान गरिएको इन्चार्ज आलेले बताए ।

सम्मान कार्यक्रममा ५० जना ७५ बर्ष कटेका जेष्ठ कम्युनिष्ट योद्धाहरुलाइ सम्मान गरिएको फाउण्डेशनका रौतहट जिल्ला सचिब देबराज न्यौपानेले जानकारी दिएका छन । जेष्ठ कम्युनिष्ट योद्धाहरुलाइ सम्मान पत्र,खादा ओडाएर सम्मान गरिएको थियो ।

कार्यक्रममा सम्मानित भएको जेष्ठ कम्युनिष्ट योद्धाहरुहरुले बिगतमा आफुले पार्टी भित्र गरेका कामहरुको स्मरण गरेका थिए । रौतहटमा कम्युनिष्ट पार्टीको अबस्था र पार्टी भित्र खेलेको भुमिका बारे गुजराका ८७ बर्षिय माधब गौतमले स्मरण सुनाएका थिए ।

कार्यक्रममा ठाकुर प्रसाद उपाध्याय,टिका बहादुर कार्की,इन्द्र बहादुर तिमलसिना,उत्तम गुरुङ,हर्क बहादुर पुलामी,शेख अब्दुल रसिद,झम्क बहादुर थापा,सन्तराम राई,रामबृक्ष चौधरी,दिपा सहनी,छबिलाल तिमलसिना,गोबिन्द सापकोटा,गोबिन्द चौधरी,तन्की हजरा लगायत ५० जनालाइ सम्मान गरिएको थियो ।

कार्यक्रममा नेकपा एमाले मधेश प्रदेश कमिटिकी उपसचिब तथा भुमी आयोगकी केन्द्रिय सदस्य आरती भण्डारी,भुमी आयोग रौतहटका अध्यक्ष अखिलेश चौधरी,पार्टीका मधेश प्रदेश सदस्यहरु,नेकपा एमाले रौतहट जिल्ला कमिटि सचिब बाबुराम दाहाल,उपसचिब अबधेश यादब,मुना लामिछाने,जिल्ला कमिटि सदस्यहरु,पार्टीका नगर कमिटि अध्यक्ष शिव आचार्य, चन्द्रपुर ४ का वाड अध्यक्ष रबि राना मगर, प्रेस चौतारी नेपालका केन्द्रिय सदस्य रमेश तिमलसिना, प्रेस चौतारी रौतहट शाखाका अध्यक्ष अशोक कुमार पहाडी लगायत नेता तथा कार्यकर्ताहरुको सहभागिता रहेको थियो ।

फाण्डेशनका रौतहट अध्यक्ष मुनीलाल सहनीको अध्यक्षतामा सम्पन्न सम्मान कार्यक्रमको संचालन सचिब देबराज न्यौपानेले गरेका थिए । यसैबिच सोही कार्यक्रममा नेकपा एमाले चन्द्रपुर नगर कमिटिका पुर्व उपाध्यक्ष राजेन्द्र तिवारीले आफनो जन्मदिनको अबसर पारेर सम्मानित जेष्ठ कम्युनिष्ट योद्धाहरुलाइ जुस खुवाउनु भएको थियो ।

आरके श्रीवास्तव,राैतहट,०४ गते जेठ । 

रौतहट । राष्ट्रिय परीक्षा बोर्डले कक्षा ११ र १२ का पुराना परीक्षार्थीहरूलाई लक्षित गर्दै सञ्चालन गरेको मौका परीक्षामा रौतहट जिल्लाबाट १०८ जना परीक्षार्थी सहभागी भएका छन् ।

२०५६ सालदेखि २०७७ सालसम्मका आंशिक तथा ग्रेडवृद्धि परीक्षार्थीहरूका लागि यो विशेष मौका परीक्षा सञ्चालन गरिएको हो । बोर्डले पुराना परीक्षार्थीहरूलाई पुनः अवसर दिँदै परीक्षा दिन सक्ने व्यवस्था मिलाएको छ ।

जिल्ला भरिका परीक्षार्थीहरूका लागि नमूना माध्यमिक विद्यालय, गरुडामा परीक्षा केन्द्र तोकिएको जानकारी परीक्षा शिक्षा विकास तथा समन्वय इकाई राैतहटका प्रमुख वीरेन्द्र जङ्ग थापाले दिएका छन् । उनका अनुसार, केन्द्रमा सम्पूर्ण तयारी पूरा गरिएको छ र परीक्षा शान्तिपूर्ण ढंगले सम्पन्न गरिने लक्ष्य लिइएको छ ।

यता कक्षा ११ र १२ काे माैका परीक्षाकाे आवश्यक सम्पूर्ण तयारी पूरा भएकाे नमूना माध्यमिक विद्यालय, गरुडाका प्रधानाध्यापक तथा परीक्षा केन्द्राध्यक्ष प्रभु राउतले जानकारी दिएका छन् ।

उनका अनुसार परीक्षा केन्द्रमा आवश्यक सम्पूर्ण व्यवस्था मिलाइसकिएको छ । “विद्यार्थीहरूकाे सुविधालाई ध्यानमा राखेर परीक्षा केन्द्रमा सबै आवश्यक सामग्री तथा जनशक्ति तयारी अवस्थामा राखिएका छन्,” राउतले बताए ।

अहिले बिहान ७ बजेदेखि कक्षा १२ काे परीक्षा शान्तिपूर्ण वातावरणमा सुरू भएको उनकाे भनाइ छ ।

प्राविधिक र सुरक्षात्मक व्यवस्थासमेत मिलाइएकाे जनाउँदै उनले परीक्षा अनुशासनसहित शान्तिपूर्ण रूपमा सम्पन्न हुने विश्वास व्यक्त गरेका छन् ।

यस विशेष अवसरबाट धेरै पुराना परीक्षार्थीहरूलाई भविष्य निर्माणमा पुनः अवसर प्राप्त भएको भन्दै अभिभावक तथा शिक्षकहरूले सन्तोष व्यक्त गरेका छन् ।

आरके श्रीवास्तव,राैतहट,०३ गते जेठ । 

रौतहट । गरुडा नगरपालिका वडा नम्बर ९ स्थित श्रीपुरमा निर्माणाधीन स्वास्थ्य चौकीको पुनः शुभारम्भ गरिएको छ । जनताको आधारभूत स्वास्थ्य सेवा नजिकै उपलब्ध गराउने उद्देश्यले सुरू गरिएको यो परियोजना २० लाख रुपैयाँको लागतमा निर्माणाधीन रहेको छ ।

पुनः शुभारम्भ कार्यक्रममा बोल्दै गरुडा नगरपालिकाका मेयर कन्थमनी जयसवालले स्वास्थ्य चौकीको निर्माण कार्य शीघ्र सम्पन्न गरी सञ्चालनमा ल्याउने प्रतिबद्धता व्यक्त गरेका छन् ।  “स्वास्थ्य सेवा जनताको पहुँचमै पुगोस् भन्ने उद्देश्यले यो परियोजना अघि बढाइएको हो,” मेयर जयसवालले बताएका छन् ।

उक्त परियोजनाको सफल कार्यान्वयनका लागि जनप्रतिनिधि, स्थानीयवासी तथा सबै सरोकारवालाको साथ र सहयोग आवश्यक रहेको मेयर जयसवालको भनाइ छ ।

स्थानीय तहबाट जनताको स्वास्थ्यप्रति देखिएको सक्रियता र प्रतिबद्धता उल्लेखनीय भएको जनाइएको छ । निर्माण कार्य सम्पन्न भएपछि श्रीपुर र आसपासका बासिन्दाले सहज रूपमा प्राथमिक स्वास्थ्य सेवा लिन सक्नेछन् ।

बज्जिकाञ्चल संवाददाता,गरूडा,०३ गते जेठ । 

रौतहटकाे गरुडा नगरपालिका वडा नम्बर ४ अन्तर्गत संजय साहको खेतदेखि श्रीराम चिनीमिलसम्मको ३ सय ९५ मिटर लम्बाइ र सवा ३ मिटर चौडाइको आरसीसी ढलान सडक निर्माण कार्य आज विधिवत रूपमा शिलान्यास गरिएको छ ।

करीब ४५ लाख रुपैयाँको लागतमा निर्माण हुन लागेको यो सडकले स्थानीय बासिन्दाहरूको दैनिक आवागमन सहज बनाउनुका साथै व्यापार तथा यातायात क्षेत्रमा महत्वपूर्ण योगदान पुर्‍याउने अपेक्षा गरिएको छ ।

सडक शिलान्यास कार्यक्रममा बोल्दै नगरप्रमुख कन्थमनी जयसवालले गुणस्तरीय निर्माण सुनिश्चित गर्दै निर्धारित समयमै काम सम्पन्न गर्ने प्रतिबद्धता व्यक्त गरेका छन् । उनले स्थानीयको अपेक्षा अनुसार पूर्वाधार विकासलाई प्राथमिकता दिइरहेको जनाउँदै यस सडकले आर्थिक गतिविधिलाई समेत सहज बनाउने विश्वास व्यक्त गरेका छन् ।

सडक निर्माण कार्य छिट्टै प्रारम्भ भई तोकिएको म्यादभित्र सम्पन्न गरिने नगरपालिकाले जनाएको छ ।

आरके श्रीवास्तव,गरूडा,०३ गते जेठ ।

रौतहट । नेपाल पत्रकार महासंघ रौतहट शाखाका कोषाध्यक्ष पत्रकार संजय सहनीका ६५ वर्षीय पिता रामनारायण सहनीको निधन भएको छ । मस्तिष्क घातको कारण विगत चार दिनदेखि वीरगंजस्थित एक अस्पतालमा उपचाररत सहनीको आज विहान निधन भएको हो ।

शोकाकुल अवस्थामा रहेको नेपाल पत्रकार महासंघ रौतहट शाखाले एक विज्ञप्ती जारी गर्दै दिवंगत आत्माको चीर शान्तिको कामना गर्दै श्रद्धाञ्जली अर्पण गरेको छ । महासंघले शोक सन्तप्त परिवारजनप्रति गहिरो समवेदना प्रकट गर्दै ईश्वरले शोक सहने शक्ति प्रदान गरुन् भन्ने कामना पनि गरेको छ ।

महासंघका सचिव गौतम श्रेष्ठद्वारा हस्ताक्षरित विज्ञप्तीमा सहनी परिवारको अपूरणीय क्षतिमा पुरै पत्रकारिता क्षेत्र मर्माहत भएको उल्लेख गरिएको छ ।

यता लाेकतान्त्रिक पत्रकार संघ राैतहटका अध्यक्ष एवम् बजिकान्चल मिडिया प्रा.लि.का अध्यक्ष राजु कुमार श्रीवास्तवले सामाजिक संजाल मार्फत भावपूर्ण श्रद्धाञ्जली व्यक्त गरेका छन् ।
उनले लेखेका छन्- “नेपाल पत्रकार महासंघ रौतहट शाखाका कोषाध्यक्ष सहनीकाे पिताजी रामनारायण सहनीको उपचारका क्रममा आज बिहान निधन भएको दुःखद खबरले हामी अत्यन्त मर्माहत भएका छौं ।

स्व. रामनारायण सहनीज्यूप्रति भावपूर्ण श्रद्धाञ्जली अर्पण गर्दै दिवंगत आत्माको चीर शान्तिको कामना गर्दछौं । यस दुःखद घडीमा शोकसन्तप्त परिवारप्रति गहिरो समवेदना प्रकट गर्दछौं । भगवान पशुपतिनाथले उहाँहरूलाई यो अपूरणीय क्षति सहने धैर्य र शक्ति प्रदान गरून । “

आरके श्रीवास्तव,राैतहट,०३ गते जेठ । 

रौतहट । नेपाल राष्ट्रिय शिक्षक संगठनको १४ औं जिल्ला समिति अधिवेशन रौतहटमा भव्य रूपमा सम्पन्न भएको छ । यमुनामाई गाउँपालिकाकाे मावि झुनखुनवामा भएको अधिवेशनबाट मावि जमुनियाका प्रधानाध्यापक योगेन्द्र प्रसाद कुशवाहा सर्वसम्मत रूपमा जिल्ला अध्यक्षमा चयन हुनुभएको छ ।

संगठनभित्र लामो समयदेखि सक्रिय योगदान दिँदै आउनुभएका कुशवाहाको नेतृत्वमा संगठनले अझ सशक्त भूमिका निर्वाह गर्ने विश्वास लिइएको छ । अधिवेशनमा जिल्लाभरिका शिक्षकहरूको उल्लेखनीय उपस्थिति रहेको थियो भने विभिन्न प्रस्ताव र भावी कार्यदिशा पनि तय गरिएको थियो ।

नव-निर्वाचित अध्यक्ष कुशवाहालाई हार्दिक बधाई तथा सफल कार्यकालको शुभकामना व्यक्त गर्दै सहभागीहरूले उहाँको नेतृत्वमा संगठन अझ सुदृढ हुने अपेक्षा व्यक्त गरेका छन् ।

आरके श्रीवास्तव,राैतहट,०२ गते जेठ । 

रौतहटको गरुडा नगरपालिका ४ स्थित वंशीराम जयसवाल अनाथालयका संस्थापक तथा रौतहटका वरिष्ठ समाजसेवी वंशीराम जयसवालको देहावसान भएको छ । जिल्लाको सबैभन्दा निःस्वार्थ समाजसेवीको रुपमा परिचित वंशीराम जयसवालको गरुडास्थित अनामिका अस्पतालमा उपचारको क्रममा देहावसान भएको हो ।

२०५२ सालमा आफ्नै जमिनमा अनाथालय स्थापना गरी अनाथहरुसितै बस्दै आउनु भएका समाजसेवी जययवालको ९३ वर्षको उमेरमा देहावसान भएको भतिज पंकज जयसवालले जानकारी गराएका छन् । जयसवालको शवलाई अन्तिम श्रद्धाञ्जलिको लागि ११ बजेसम्म अनाथालय परिसरमा राखिने र वैदिक विधिअनुसार अन्तिम संस्कार पनि अनाथालय परिसरमै गरिने उनले जानकारी गराएका छन् ।

सम्पूर्ण घरपरिवारलाई त्याग गरी अनाथहरुसित अनाथजस्तै जीवन व्यतीत गरेका समाजसेवी जयसवालमा मानवता तथा उच्च धार्मिक आस्था रहेको थियो । सम्पूर्णरुपले निस्वार्थ समाजसेवामा जीवन अर्पण गरेका जयसवाल सयौँ अनाथ तथा विपन्नका धर्मपिता तथा अभिभावक भएर जीवन सुधारेको गरुडा नगरपालिका ४ का वडाध्यक्ष सुनिलकुमार जयसवालले जानकारी गराएका छन् ।

विभिन्न उमेरजन्य समस्याहरुसित संघर्ष गर्दै समाजसेवी जयसवालले ९३ वर्षको उमेरसम्म निःस्वार्थ रुपमा अनाथ तथा विपन्नको सहारा बनेर सेवा गरेको महान व्यक्तिले आजबाट विश्राम लिएको नेपाल उद्योग वाणिज्य महासंघका पूर्व केन्द्रीय सदस्य तथा उद्योगपति धर्मनाथ जयसवालले बताएका छन् ।

समाजसेवा र मानवीय सेवामा समर्पित जीवन बिताउने परम आदरणीय एवं अति विशिष्ट व्यक्तित्व वंशीराम जयसवालप्रति साहित्यकार संजय साह ‘मित्र’ले भावपूर्ण श्रद्धाञ्जलि अर्पण गरेका छन् ।

साहित्यकार साहले सामाजिक संजाल मार्फत श्रद्धाञ्जलि सन्देशमा उल्लेख गरेका छन्, “वंशीराम जयसवाल ज्यू समाजसेवा, सद्भावना र मानव कल्याणका प्रतीक थिए । उहाँको निधनले समाजले एक असल अभिभावक गुमाएको छ।”

उहाँको योगदान सदैव प्रेरणाका स्रोत बनेर रहने विश्वास पनि साहले व्यक्त गरेका छन् ।

समाजसेवी जयसवालले अनाथालयसँगै आफ्नो निजी जमिन निशुल्क दान दिएर विद्यालयको स्थापना पनि गरेका छन् । जयसवालले स्थापना गरेको अनाथालय प्राथमिक विद्यालयमा करिब दुई सय बालबालिका अध्ययनरत छन् ।

समाजसेवी जयसवालले आफ्नै जमिन दिएर गायत्री शक्ति पीठको निर्माण पनि गराएका छन् । शक्ति पीठ गरुडाको एउटा धार्मिकस्थलको रुपमा परिचित बनेको छ ।

अनाथालयमा रहेका बालबालिकाको उपचारको लागि समाजसेवी जयसवालले कम्तीमा एक करोड रुपैयाँको अक्षयकोष स्थापना गर्न खोजेका थिए । विभिन्न समाजसेवी तथा पालिकालाई अनाथालयको तर्फबाट बारम्बार अक्षयकोष स्थापनाको लागि पहल गरेका समाजसेवी जयसवालको चाहना थियो – अनाथालयमा बस्ने बालबालिकालाई कुनै रोगले सताउँदा उपचारमा समस्या नहोओस् । हरेक महिना अनाथ बालबालिकाको उपचारमा घटीमा तीस हजार रुपैया खर्च हुँदै आएको देखिएको छ । समाजसेवी जयसवालको चाहनाअनुसार अक्षयकोषको स्थापना भएको भए पनि एक करोड रुपैया भने पुग्न सकेको छैन ।

आरके श्रीवास्तव,राैतहट,०१ गते जेठ ।
माओवादी केन्द्र रौतहटका पूर्वमन्त्री सत्यनारायण भगत बिनले नेपाल सरकारको राज्यमन्त्रीको हैसियतमा उल्लेख गरिएको लेटरप्याड प्रयोग गर्दै आएको भन्दै सामाजिक सञ्जालमा व्यापक आलोचना भएको छ । उनी हाल राज्यमन्त्री पदमा नरहे पनि सो पद उल्लेख गरिएको सरकारी शैलीको लेटरप्याडबाट आर्थिक योजना समावेश गर्न माग गर्दै अर्थमन्त्री, मधेस प्रदेश सरकारको नाममा पत्र लेखिएको देखिएको छ ।

सामाजिक सञ्जालमा उक्त लेटरप्याडको फोटो सार्वजनिक भएसँगै आम नागरिक र राजनीतिक विश्लेषकहरूले यसलाई “लेटरप्याडको गैरकानुनी दुरुपयोग” भन्दै सम्बन्धित निकायलाई कारबाहीको माग गरेका छन् । कानुन विपरीत सरकारी पदको भ्रम सिर्जना गर्दै पत्राचार गर्नु आपराधिक कार्यको श्रेणीमा पर्ने हुँदा दोषीमाथि कडा कारबाही गर्नुपर्ने आवाज चुलिएको छ ।

यता, भगत बिनले भने आफूबाट त्रुटिपूर्ण काम नभएको र यसमा सचिवालयको लापरबाही भएको बताएका छन् । उनले एक सामाजिक मार्फत भनेका छन्, “मेरो सचिवालयको कमजोरीका कारण लेटरप्याडमा केही त्रुटि भएको हो । तपाईंहरू आम सञ्चार जगतलाई यसबारे हार्दिकतापूर्वक जानकारी गराउँदैछु र यसलाई अन्यथा नलिनुहुन अनुरोध गर्दछु।”

तर राजनीतिक विश्लेषकहरू भन्छन्, सरकारी हैसियत नहुँदाहुँदै आफूलाई राज्यमन्त्री देखाउने शैलीमा पत्राचार गर्नु गम्भीर विषय हो । सत्यनारायण भगत बिनले प्रष्टिकरण दिए पनि कानुनी प्रक्रिया अवलम्बन गरी सत्यतथ्य छानबिन हुनुपर्ने माग बढ्दो छ ।

यस घटनाले राजनीतिक आचरण र पद प्रयोग सम्बन्धी प्रश्न उठाएको छ । अब सम्बन्धित निकायहरूले यस विषयमा के कदम चाल्छन् भन्ने आम जनताको चासोको विषय बनेको छ ।

आरके श्रीवास्तव,राैतहट,०१ गते जेठ । 

मधेस प्रदेश सरकारका अर्थमन्त्री सुनिलकुमार यादव( जितेन्द्र) को प्रमुख आतिथ्यमा सम्पन्न ‘जय नेपाल कप टि २० अन्तरकलेज क्रिकेट प्रतियोगिता’ को उपाधि सिन्धुरेघारी मल्टिपल क्याम्पस,चपुरले हात पारेको छ । बैशाख २३ गतेदेखि सुरु भएको प्रतियोगिताको फाइनल खेलमा सिन्धुरेघारीले मध्य रौतहट मल्टिपल क्याम्पस, गरुडालाई ६८ रनले पराजित गर्दै उपाधि चुमेको हो ।

फाइनल खेलमा सिन्धुरेघारी क्याम्पसले टस जितेर पहिले ब्याटिङ गर्दै २० ओभरमा ६ विकेटको क्षतिमा १३१ रन बनाएको थियो । जवाफमा मैदान उत्रिएको मध्य रौतहट क्याम्पस १०.२ ओभरमै ६३ रनमा सिमित रहँदै अलआउट भयो ।

प्रतियोगिताको समापन समारोहमा प्रमुख अतिथि रहेका अर्थमन्त्री यादवले भने, “खेलकुद युवामा अनुशासन, नेतृत्व र सहकार्यको भावना विकास गर्ने माध्यम हो । यस्ता प्रतियोगिताले ग्रामीण क्षेत्रका खेल प्रतिभालाई उजागर गर्न सहयोग गर्छन् ।” उनले सरकार खेल पूर्वाधारको विकास र स्थानीय स्तरमा यस्ता कार्यक्रमलाई निरन्तर प्रोत्साहन गर्ने प्रतिबद्धता पनि जनाए ।

अर्थमन्त्री यादवले सिन्धुरेघारी क्याम्पसलाई ऐतिहासिक जितका लागि बधाई दिँदै पराजित टिमलाई पनि उत्साहजनक प्रदर्शनका लागि धन्यवाद दिए । उनले आयोजक नेपाली काँग्रेस बिद्यार्थी विभाग राैतहटलाई सफल व्यवस्थापनका लागि प्रशंसा गर्दै यस्तो प्रतियोगिता हरेक वर्ष आयोजना गरिनुपर्ने धारणा राखेका थिए ।

जय नेपाल कपको पहिलो संस्करणमै देखिएको उत्साह र प्रतिस्पर्धात्मक खेलले यस प्रतियोगिताको दीर्घकालीन सम्भावना उजागर गरेको छ ।

फाेटाे फिचर:

आरके श्रीवास्तव,गरूडा,३१ गते वैशाख ।
राैतहट । राैतहटकाे कटहरिया ४ मा सशस्त्र प्रहरीले मोटरसाइकलमा दुर्घटनामा फतुवा विजयपुर–४ टेंग्राहाका ४८ वर्षीय अनूठा राय यादवको ज्यान गएको घटनापछि पीडित परिवारलाई न्याय दिलाउने पहल सुरु गरिएको छ ।

नेपाली काँग्रेसका युवा नेता तथा भावी मेयर उम्मेदवार ज्ञानेन्द्र यादवको सहित स्थानीयहरूकाे उपस्थितिमा रौतहटका प्रमुख जिल्ला अधिकारी विनोद कुमार खड्का र प्रहरी उपरीक्षक नेत्रमणि गिरीले मृतक यादवका परिवारलाई भेटेर समवेदना प्रकट गरेका छन् ।

भेटका क्रममा सुरक्षा निकायका प्रमुखहरूले दोषी सशस्त्र प्रहरीमाथि कारवाही प्रक्रिया अगाडि बढाइने स्पष्ट पार्दै,घाइते दिलीप कुमार साहको उपचारमा राज्यको तर्फबाट आर्थिक सहयोग प्रदान गरिने प्रतिबद्धता जनाएका छन् ।

युवा नेता यादवले पीडित परिवारको न्यायका लागि निरन्तर दबाब दिने बताएका छन् । उनले घटनाको निष्पक्ष छानबिन, दोषीलाई कारवाही र घाइतेको सम्पूर्ण उपचार खर्च सरकारबाट गराउन पहल जारी रहने बताए ।
शोक सन्तप्त परिवारप्रति हार्दिक श्रद्धाञ्जली अर्पण गर्दै नेतृत्त्वद्वयले परिवारजनसँग सहानुभूति व्यक्त गरेका छन् ।

घटनास्थलमा स्थानीयवासीको उल्लेख्य उपस्थिति रहेको थियो भने, उनीहरूले पनि दोषी प्रहरीलाई तत्काल कारबाही गर्न माग गरेका छन् ।

घटनासम्बन्धी थप अनुसन्धान जारी रहेको प्रहरीले जनाएको छ ।

आरके श्रीवास्तव,राैतहट,३१ गते वैशाख । 

गुजरा । नेकपा एमाले गुजरा नगर कमिटीको आयोजनामा गुजरा नगरपालिका वडा नम्बर ३ स्थित सिमरी गाउँमा भव्य र सभ्य रूपमा बृहत् पार्टी प्रवेश कार्यक्रम सम्पन्न भएको छ । कार्यक्रममा नेकपा एमालेका केन्द्रिय सदस्य तथा राैतहट जिल्ला इन्चार्ज कमरेड अजय गुप्ता प्रमुख अतिथिका रूपमा उपस्थित हुनुहुन्थ्यो ।

कार्यक्रममा एमालेका केन्द्रिय सदस्य कुन्दन कुशवाहा, भूमिसम्बन्धी समस्या समाधान आयोगकी केन्द्रिय सदस्य आरती भण्डारी, आयोगका जिल्ला अध्यक्ष अखिलेश्वर चौधरी, पूर्व राज्य मन्त्री कमरेड केशव चौधरी तथा प्रदेश, जिल्ला र नगर कमिटीका विभिन्न नेताहरूको पनि उपस्थिति रहेको थियो ।

यस अवसरमा गुजरा नगरपालिका वडा नम्बर ३ का वडाध्यक्ष पदका प्रत्यासी काजीमान माझीको नेतृत्वमा सिंगो सिमरी गाउँ एमालेमा गोलबन्द भएको नेकपा एमाले राैतहटका नेताहरूकाे दाबी छ । कार्यक्रमका आयोजक तथा नेताहरूले नयाँ प्रवेश गर्ने सबैप्रति हार्दिक स्वागत, बधाई तथा सफलताको शुभकामना व्यक्त गरेका छन् ।

पार्टी प्रवेश कार्यक्रममा नयाँ जोश र उत्साहसहित जनसमर्थन अझ सुदृढ भएको नेताहरूले बताएका छन् । कार्यक्रमले स्थानीय स्तरमा एमालेको प्रभाव विस्तारमा थप टेवा पुर्‍याउने अपेक्षा गरिएको छ ।

आरके श्रीवास्तव,राैतहट,३१ गते वैशाख । 

राैतहट । रौतहट जिल्ला अन्तर्गत गुजरा नगरपालिका–१, मनहर्वामा स्वास्थ्य तथा जनसंख्या मन्त्रालय, मधेस प्रदेशबाट विनियोजित आर्थिक वर्ष २०८१/८२ को विकास बजेटबाट निर्माण हुन लागेको आरोग्य तथा योग भवन/सार्वजनिक भवनको शिलान्यास एक विशेष समारोहका बीच सम्पन्न गरिएको छ ।

शिलान्यास कार्यक्रम मधेस प्रदेशका पूर्व राज्यमन्त्री केशव राय चौधरीको प्रमुख आतिथ्यमा सभ्य र भव्य रूपमा सम्पन्न भएको हो । कार्यक्रममा वडा नम्बर १ का सम्पूर्ण स्थानीय नेता, अन्य वडाका नेतागण, कार्यकर्ता, बुद्धिजीवी, समाजसेवी, उपभोक्ता समितिका सदस्यहरू तथा जनसमुदायको उल्लेखनीय उपस्थिति देखिएको थियो ।

पूर्व राज्यमन्त्री चौधरीको पहल र योगदानले सो परियोजना अघि बढेको बताइएको छ । २२ लाख ५० हजार रुपैयाँको बजेटमा निर्माण हुने उक्त भवनले स्थानीय स्वास्थ्य तथा योग सम्बन्धी गतिविधिमा टेवा पुर्‍याउने विश्वास लिइएको छ ।

शिलान्यास कार्यक्रममा वक्ताहरूले पूर्व राज्यमन्त्री चौधरीको विकासमा योगदानको खुलेर प्रशंसा गर्दै आगामी दिनमा पनि यसैगरी जनहितका परियोजनामा निरन्तर सक्रिय भूमिका रहने अपेक्षा व्यक्त गरेका छन् ।

बज्जिकाञ्चल संवाददाता,महोत्तरी,३१ गते वैशाख ।महाेत्तरी । लोकतान्त्रिक पत्रकार संघको संशोधित विधान अनुसार धर्मेन्द्र कुमार यादवलाई संघको केन्द्रीय सदस्य पदमा मनोनीत गरिएको छ । संघले एक विज्ञप्ति मार्फत यादवलाई मनोनयन गरिएको जानकारी गराउँदै हार्दिक बधाई तथा सफल कार्यकालको शुभकामना व्यक्त गरेको छ ।

संघका केन्द्रीय अध्यक्ष कामरेन्द्र वर्माद्वारा जारी गरिएको सन्देशमा देश,मधेश, पत्रकारिता तथा पार्टीको हितमा यादवको योगदान उल्लेखनीय हुने विश्वास व्यक्त गरिएको छ ।

यादव महोत्तरी टुडे अनलाइनका सम्पादक हुन् भने महोत्तरी सञ्चार दैनिक, खबर दर्पन दैनिक, बज्जिकाञ्चल दैनिकका संवाददाता तथा जिई खबर अनलाइनमा समेत कार्यरत रहेका छन् । उनी पत्रकारिताको क्षेत्रमा सक्रिय र योगदानशील व्यक्तित्वको रूपमा चिनिन्छन् ।

उनी संघमा आबद्ध भएपछि मधेस प्रदेशमा लाेकतान्त्रिक पत्रकार संघ मजबुत भएकाे छ ।

सरिता कुमारी श्रीवास्तव,राैतहट,३१ गते वैशाख । 

कटहरिया । राैतहटकाे गरूडा नगरपालिका–२ स्थित श्री मावि गेडहीगुठीमा आज पतञ्जली योग समिति गौरको तत्वावधानमा एकदिने योग शिविर सम्पन्न भएको छ ।

उक्त शिविरमा योग शिक्षक द्वय राम प्रकाश साह र जयमंगल प्रसादले विविध योग आसन तथा स्वास्थ्यसम्बन्धी अभ्यासहरू गराएका थिए ।

शिविरमा विद्यालयका प्रधानाध्यापक, शिक्षक शिक्षिका, विद्यार्थी, स्थानीय बुद्धिजीवी, व्यापारी, किसान लगायतको उल्लेख्य सहभागिता रहेको थियो ।

स्वस्थ जीवनशैलीको प्रवर्द्धन तथा योगप्रति जनचेतना अभिवृद्धिको उद्देश्यले आयोजना गरिएको शिविरमा सहभागीहरूले योग अभ्यासको महत्त्वबारे जानकारी लिएका थिए ।

“गरौं योग, रहौं निरोग” भन्ने मूल नाराका साथ सम्पन्न उक्त कार्यक्रममा सहभागीहरू अत्यन्त उत्साहित देखिएका थिए ।

यस किसिमका कार्यक्रमले समुदायमा स्वास्थ्यप्रति सजगता बढाउने विश्वास आयोजकले व्यक्त गरेका छन् ।

 

बज्जिकाञ्चल संवाददाता,बारा,३१ गते वैशाख ।
परवानीपुर । बाराकाे परवानीपुर गाउँपालिका–४ स्थित रामटोल चैनपुरमा आज एक विशेष कार्यक्रमका बीच सडक ढलान कार्यको शिलान्यास सम्पन्न भएको छ । पूर्व भौतिक पूर्वाधार मन्त्री तथा लोसपाका नेता माननीय जितेन्द्र सोनलको प्रमुख आतिथ्यमा उक्त कार्यक्रम सम्पन्न भएको हो ।

मधेस प्रदेश सरकारबाट बजेट विनियोजन भई माननीय सोनलको पहलमा शुरु गरिएको यस सडक निर्माण योजनाको शिलान्यास विधिपूर्वक पूजा–आर्चना गरी गरिएको हो ।

कार्यक्रममा लोसपा परवानीपुरका प्रत्यासी जगत नारायण महतो, इकाई अध्यक्ष प्रेम पटेल, वडा अध्यक्ष गम्भीरा राउत कुर्मी, वडा सदस्यहरू जगदीश साह कानु, राजदेव पटेल, उदेश पटेल तथा गाउँपालिका बोर्ड सदस्यहरू महन्थ राम, शंकर राम, कन्हैया पटेल, अर्जुन राम, बिनेश राम, आत्माराम साह र ओम प्रकाश साह लगायत दर्जनौं स्थानीय भद्रभलाद्मीहरूको उल्लेखनीय उपस्थिति रहेको थियो ।

स्थानीयवासीहरूले सडक ढलान कार्य प्रारम्भ हुनुलाई निकै स्वागत गरेका छन् । उनीहरूका अनुसार यस निर्माणले दैनिक आवागमनमा सहजता ल्याउनुका साथै विकासको नयाँ ढोका खोल्नेछ ।

आरके श्रीवास्तव,राैतहट,३१ गते वैशाख । 

राैतहट । राैतहटकाे बौधीमाई नगरपालिका वडा नम्बर ४ स्थित रहेको श्री मावि ईनारवारीमा आज एक विशेष कार्यक्रमका बीच कक्षा १ देखि १० सम्म अध्ययनरत विद्यार्थीहरूलाई पाठ्यपुस्तक वितरण गरिएको छ ।

पुस्तक वितरण कार्यक्रमको उद्घाटन बौधीमाई नगरपालिका वडा नम्बर ४ का वडा अध्यक्ष तुरन्त नारायण यादवले गर्नु भएकाे हाे । उहाँले विद्यार्थीहरूलाई समयमै पुस्तक उपलब्ध गराउन पाउँदा खुशी व्यक्त गर्दै शिक्षालाई नगरपालिका नेतृत्वको पहिलो प्राथमिकता रहेको बताएका हुन् ।

कार्यक्रममा विद्यालयका प्रधानाध्यापक अनिल यादव,शिक्षकहरू, अभिभावक प्रतिनिधि तथा विद्यार्थीहरूको उत्साहजनक उपस्थिति रहेको थियो । विद्यालय व्यवस्थापन समितिको समन्वयमा गरिएको उक्त कार्यक्रमले नयाँ शैक्षिक सत्रको सुरुवातमा विद्यार्थीहरूलाई पठनपाठनमा सहज बनाउने अपेक्षा गरिएको छ ।

कार्यक्रममा धन्यवाद ज्ञापन गर्दै विद्यालय प्रशासनले वडाध्यक्ष लगायत सहयोग गर्ने सबैलाई आभार व्यक्त गरेको छ ।

बज्जिकाञ्चल संवाददाता,राैतहट,३१ गते वैशाख । 

रौतहट । लोकतान्त्रिक पत्रकार संघ, रौतहटले बरिष्ठ पत्रकार फणि महतको असामयिक निधनप्रति गहिरो दुःख व्यक्त गर्दै एक शोक विज्ञप्ति जारी गरेको छ । विगत दुई दशकदेखि पत्रकारिता क्षेत्रमा समर्पित महतको वैशाख ३० गते मंगलबार राति १०:३० बजे काठमाडौंको माइतीघरस्थित अन्नपूर्ण न्युरो अस्पतालमा उपचारकै क्रममा निधन भएको जानकारी संघले जनाएको छ ।

ब्रेन ट्युमरको उपचारमा रहेका महत रौतहटको चन्द्रपुर नगरपालिका–४ निवासी थिए । रेडियो सुप्रिम चन्द्रपुरको सञ्चालन,कलमपाटी डटकम अनलाइनको स्थापना र अन्नपूर्ण पोस्ट राष्ट्रिय दैनिकमा संवाददाताको रूपमा सक्रिय महतले स्थानीयदेखि राष्ट्रिय सञ्चार क्षेत्रमा उल्लेखनीय योगदान पुर्‍याएका थिए ।

संघका संयोजक राजु कुमार श्रीवास्तवद्वारा जारी विज्ञप्तिमा महतलाई एक समर्पित, सत्यनिष्ठ र निर्भीक पत्रकारको रूपमा स्मरण गरिएको छ । विज्ञप्तिमा उल्लेख भएअनुसार, “स्वर्गीय महतको निधनले हामीले एक कुशल, इमानदार र सधैं जनताको पक्षमा कलम चलाउने पत्रकार गुमाएका छौं, जसको अभाव लामो समयसम्म महसुस हुनेछ।”

लोकतान्त्रिक पत्रकार संघ, रौतहटले स्वर्गीय महतप्रति भावपूर्ण श्रद्धाञ्जलि अर्पण गर्दै उहाँको आत्माको चिरशान्तिको कामना गरेको छ । साथै, शोकसन्तप्त परिवारजन, आफन्त, शुभेच्छुक र सम्पूर्ण पत्रकार समुदायप्रति गहिरो समवेदना प्रकट गरेको छ ।

आरके श्रीवास्तव,राैतहट,३१ गते वैशाख । 

रौतहट – नेपाल पत्रकार महासंघ रौतहट शाखाका सदस्य तथा रेडियो सुप्रिमका सञ्चालक,अन्नपूर्ण पोस्टका रौतहटकर्मी पत्रकार फणीदेव महतको उपचारका क्रममा निधन भएको छ ।

लामो समयदेखि टाउकोमा रहेको ट्युमरको उपचार गराइरहनुभएका महतको गएराति असामयिक निधन भएको हो । तीन वर्ष अघि बिरामी परेका महत नेपाल र भारतका विभिन्न सहरमा उपचाररत थिए ।

नेपाल पत्रकार महासंघ रौतहट शाखाले एक शोक विज्ञप्ति जारी गर्दै पत्रकार महतको निधनले रौतहटले भुइँमान्छेका आवाज बुलन्द गर्ने साहसी तथा निर्भीक पत्रकार गुमाएको बताएको छ । विज्ञप्तिमा उहाँको निधनलाई रौतहटको पत्रकारिता क्षेत्रमा अपूरणीय क्षति उल्लेख गरिएको छ ।

स्वर्गीय महतका श्रीमती र दुई छोरा रहेका छन् । महासंघले दिवंगत आत्माको चीर शान्तिको कामना गर्दै शोक सन्तप्त परिवारजनप्रति गहिरो समवेदना प्रकट गरेको छ ।

महासंघका सचिव गौतम श्रेष्ठद्वारा जारी विज्ञप्तिमा भगवान पशुपतिनाथले शोकसन्तप्त परिवारलाई धैर्य धारण गर्ने शक्ति प्रदान गरुन् भन्ने कामना गरिएको छ ।

आरके श्रीवास्तव,राैतहट,३१ गते वैशाख । 

रौतहट । अन्नपूर्ण पाेष्ट दैनिकका राैतहट संवाददाता,सुप्रिम सञ्चार प्रा.लि. अन्तर्गत सञ्चालित रेडियो सुप्रिम तथा अनलाइन पोर्टल कलमपाटी डटकमका सञ्चालक, प्रेस चौतारी मधेश प्रदेशका पूर्व अध्यक्ष तथा वरिष्ठ पत्रकार फणि देव महतको असामयिक निधनले सम्पूर्ण सञ्चार क्षेत्र शोकमग्न बनेको छ ।

बिगत लामो समयदेखि ब्रेन ट्युमर राेगका सिकार पत्रकार महतको मंगलबार उपचारकै क्रममा दुःखद निधन भएको छ । ४८ वर्षिय उहाँको निधनको खबरले रौतहट मात्र होइन, देशैभरिका पत्रकारलाई स्तब्ध तुल्याएको छ । लामो समयदेखि सञ्चार क्षेत्रको सशक्तिकरण तथा समाज रूपान्तरणमा सक्रिय महतले जनताको आवाज बुलन्द पार्न आफ्नो सम्पूर्ण जीवन समर्पण गर्नुभएको थियो ।

पत्रकारितामा उहाँको निष्ठा, समर्पण र निर्भीकता उदाहरणीय रहेको पत्रकार तथा उहाँका सहकर्मीहरूले बताएका छन् ।  उहाँको योगदान सदैव स्मरणीय रहने छ । पत्रकार महतको निधनले रौतहटको पत्रकारिता क्षेत्रमा ठूलो शून्यता उत्पन्न भएको छ ।

उहाँको निधनप्रति रौतहट लगायत देशैभरिका पत्रकारहरूले सामाजिक सञ्जालमार्फत श्रद्धाञ्जली अर्पण गर्दै गहिरो समवेदना प्रकट गरेका छन् । नेपाल पत्रकार महासंघ मधेस प्रदेश लगायत विभिन्न सञ्चार संस्थाहरूले पनि उहाँप्रति श्रद्धाञ्जली अर्पण गरेका छन् ।

यस दुःखद घडीमा शोकाकुल परिवारप्रति गहिरो समवेदना प्रकट गर्दै, दिवंगत आत्माको चिरशान्तिको कामना गरिएकाे छ । उनकाे परिवारमा एक श्रीमती र दुई छोरा छन् । चन्द्रनिगाहपुरमा आज दिउँसो उनकाे अन्त्येष्टि गर्ने कार्यक्रम रहेको रेडियाे सुप्रिमका स्टेसन मैनेजर मुकेश कुमार साहले जानकारी गराएका हुन् ।

आरके श्रीवास्तव,गरूडा,३० गते वैशाख ।

रौतहटकाे गरुडा नगरपालिका वडा नं. ६ स्थित पोठियाहीमा आज एक विशेष कार्यक्रमका बीच आधारभूत विद्यालयको कक्षा ६ को औपचारिक उद्घाटन गरिएको छ । नगर प्रमुख कन्थमनी जयसवालले समारोहमा उपस्थित भई कक्षाको उद्घाटन गर्नु भएकाे छ ।

उक्त अवसरमा नगरप्रमुख जयसवालले बालबालिकाको उज्ज्वल भविष्य निर्माणमा शिक्षाको महत्त्वपूर्ण भूमिका हुने बताउँदै विद्यालय पूर्वाधार विस्तारलाई नगरपालिकाले उच्च प्राथमिकता दिएको जानकारी दिएका हुन् । कक्षा ६ को सञ्चालनसँगै विद्यार्थीहरूलाई आवश्यक सम्पूर्ण पाठ्यपुस्तकहरू पनि वितरण गरिएको छ ।

“नगरवासीहरूको साथ, अभिभावकहरूको विश्वास र विद्यार्थीहरूको उत्साहले हामीलाई अझ बढी जिम्मेवार बनाउँछ,” नगरप्रमुख जयसवालले भन्नुभयो । उहाँले गरुडा नगरपालिका शिक्षामा गुणस्तर सुधार तथा भौतिक पूर्वाधार विकासका लागि निरन्तर क्रियाशील रहने प्रतिबद्धता पनि जनाउनु भएको छ ।

कार्यक्रममा स्थानीय अभिभावक, शिक्षक, विद्यालय व्यवस्थापन समिति तथा विद्यार्थीहरूको उल्लेखनीय उपस्थिति रहेको थियो ।

आरके श्रीवास्तव,राैतहट,२९ गते वैशाख । 

गरुडा – सहयोगी मनका धनी तथा दयालु स्वभावका स्वर्गीय मनोज कुमार चौधरीको चौथो पुण्यतिथिको अवसरमा गरुडा नगरपालिकाकी नगर उप प्रमुख पूनम कुमारी चौधरी र स्व. चौधरीका सुपुत्र आरुष चौधरीले वंशीराम जयसवाल अनाथालयमा खाद्यान्न, स्टेशनरी सामग्री तथा विभिन्न खानेकुरा हस्तान्तरण गरेका छन् ।

भावनात्मक वातावरणमा सम्पन्न उक्त कार्यक्रममा स्व. चौधरीको स्मृतिमा अनाथालयमा रहेका बालबालिकालाई माया र स्नेहसहित सामग्री वितरण गरिएको थियो ।

त्यसै अवसरमा नगर उप प्रमुख पूनम कुमारी चौधरीले स्वास्थ्य समस्याका कारण अस्पतालमा उपचाररत अनाथालयका सञ्चालक वंशीराम जयसवालको स्वास्थ्य अवस्था बुझेकी थिइन् । अस्पताल पुगेर उनले जयसवाललाई दोसल्ला ओढाएर सम्मान गर्दै शीघ्र स्वास्थ्यलाभको कामना पनि गरेकी थिइन् ।

स्व. मनोज कुमार चौधरीप्रति श्रद्धाञ्जली अर्पण गर्दै परिवारले सामाजिक सेवामा लागिरहने प्रतिबद्धता व्यक्त गरेकाे छ ।

 

प्रेमचन्द्र झा, रौतहट,२९ गते वैशाख । 

तराई–मधेसको सांस्कृतिक पहिचान बोकेको परम्परागत वस्तु ‘डाला’ अहिले अस्तित्व संकटमा परेको छ । बाँसबाट बनाइने यो कलात्मक सामग्री विवाह, बर्तबन्ध, पूजापाठ जस्ता शुभ कार्यहरूमा अपरिहार्य भए पनि यसको निर्माण गर्ने समुदाय—डोम—अझै सामाजिक विभेदको शिकार छ ।

‘डाला’ केवल एक घरेलु सामग्री होइन, यो मधेसी सभ्यता, संस्कार र जातीय इतिहासको प्रतीक हो। पौराणिक कालदेखि पवित्र मानिएको बाँसबाट बनाइने डाला आज पनि विवाह समारोहमा सम्मान र सम्पन्नताको प्रतीकको रूपमा प्रयोग हुन्छ। दुलहापक्षबाट डुलहीको घरमा डाला पुर्याउनु सामाजिक संस्कारको एक महत्वपूर्ण भाग हो ।

डाला निर्माणमा उच्च सीप आवश्यक पर्छ। बाँसलाई काट्ने, सुकाउने, चोइट्याउने र बुन्ने क्रम अत्यन्त समय लाग्ने प्रक्रिया हो । डोम समुदायका हातबाट बनाइने यी डाला आज पनि ग्रामीण क्षेत्रका घर–घरमा प्रयोग हुन्छन्। तर उनीहरूलाई समाजले सधैं ‘तल्लो जात’को दृष्टिले हेर्दै आएको छ । एक वृद्ध डोम कलाकारको भनाइमा, “हम डाला बनाबई छी, लोगके पूजा होअलई, मुदा हम्मर पानि तक नहि पिअलई,” भन्ने कथनले मधेसको जातीय विभाजन झल्काउँछ ।

हाल वर्षेनी डालाको प्रयोग घट्दै गएको देखिन्छ ।  प्लास्टिकका ट्रे, कागजका प्याकेज र एलुमिनियमका डब्बाले यसको स्थान लिन थालेका छन् । यसले डाला निर्माणको परम्परालाई संकटमा पार्दैछ । यद्यपि, केही युवा मधेसीहरू र स्थानीय संस्था डोम समुदायको सीप र योगदानलाई सम्मान गर्ने अभियानमा लागेका छन् ।

गौर नगरपालिकाका पूर्व नगर उपप्रमुख किरण कुमारी ठाकुर भन्छिन्, “हाम्रो परम्परा डोम समुदायको सीपसँग गाँसिएको छ । डोमहरूले बनाउने डाला बिनाको विवाह सम्भव छैन् । अब तिनीहरूको सम्मान र पारिश्रमिक दुबै सुनिश्चित गर्नुपर्छ।”

डाला संरक्षणका लागि विज्ञहरूले विभिन्न उपायहरू सुझाएका छन्—डोम समुदायका युवालाई सीप तालिम दिने, हस्तकला मेलामा डाला प्रदर्शनी गराउने, शैक्षिक पाठ्यक्रममा यसको महत्व समावेश गर्ने र कला–साहित्यमा डाला पात्रहरूलाई उजागर गर्ने।

डाला केवल बाँसको सामग्री होइन, यो मधेसको आत्मा हो । यदि आज संरक्षणको पहल भएन भने, भोलिको पुस्ताले डाला केवल पुस्तकमा पढ्ने वस्तु बन्नेछ ।

आरके श्रीवास्तव,राैतहट,२९ गते वैशाख । 

लोकतान्त्रिक पत्रकार संघ केन्द्रीय अध्यक्ष कामरेन्द्र वर्माको नेतृत्वमा संघ दिनप्रतिदिन सक्रिय बन्दै गएको छ । पत्रकारहरूकाे हक, अधिकार र पेशागत पहिचानलाई सशक्त बनाउने उद्देश्यसहित संघले हालै धमाधम जिल्ला संयोजकको मनोनयन प्रक्रिया अघि बढाएको छ ।

अहिलेसम्म संघले मधेस प्रदेशका चार जिल्लामा संयोजक तोकिसकेको छ । बारा जिल्लामा विनोद प्रजापति, रौतहटमा राजु कुमार श्रीवास्तव, सर्लाहीमा राजिव कुमार साह तथा महोत्तरीमा राजिव राय कुर्मी जिल्ला संयोजकको रूपमा चयन भएका छन् ।

संघका अनुसार यी सबै संयोजकहरू सक्रिय रूपमा संगठन विस्तार र पत्रकारहितका गतिविधिमा जुटिरहेका छन् ।

अध्यक्ष वर्माले बाँकी जिल्लाहरूमा समेत चाँडै संयोजक मनोनयन गरिने जानकारी दिएका छन् । यसकाे लागि कुरा भईसकेकाे उनी बताउँछन् ।

 उनका अनुसार संघमा पत्रकारहरूको आकर्षण तीव्र रूपमा बढ्दै गएको छ, जसले आफूलाई थप उत्साहित बनाएको बताए ।

“अन्य पत्रकार संगठनहरू भन्दा फरक ढंगले हाम्रो संघले पत्रकारहरूको सशक्त पहिचान निर्माण गर्ने लक्ष्य लिएको छ,” अध्यक्ष वर्माले भने, “हामी लोकतान्त्रिक मूल्य, प्रेस स्वतन्त्रता र पेशागत मर्यादा कायम गर्न कटिबद्ध छौं ।”

संघले आगामी दिनमा पत्रकारहरूको क्षमता अभिवृद्धि, पेशागत सुरक्षा र सामाजिक उत्तरदायित्वका सवालमा विविध कार्यक्रम सञ्चालन गर्ने जनाएको छ । संघले आगामी दिनहरूमा केन्द्रदेखि जिल्ला तहसम्म अझ प्रभावकारी रूपमा काम गर्ने योजना बनाएको छ ।

आरके श्रीवास्तव,गरूडा,२९ गते वैशाख । 

राैतहटकाे गरुडा नगरपालिका वडा नम्बर ४ मा अवस्थित जीवन विज्ञान योग केन्द्रको वार्षिकोत्सव कार्यक्रम भव्यताका साथ सम्पन्न भएको छ । “गरौँ योग, बनौँ निरोग” भन्ने मूल नारासहित आयोजित कार्यक्रममा नगर प्रमुख कन्थमनी जयसवनल लगायत विभिन्न व्यक्तित्वहरूको उपस्थिति रहेको थियो ।

कार्यक्रम मार्फत केन्द्रले आफ्नो पहिलो वर्ष सफलतापूर्वक सम्पन्न गरी दोस्रो वर्षमा प्रवेश गरेको खुशी सँगै स्थानीय समुदायमा स्वास्थ्य, मानसिक सन्तुलन तथा सकारात्मक जीवनशैलीप्रति जागरूकता फैलाउने कार्यमा केन्द्रले पुर्याएको योगदानप्रति सराहना व्यक्त गरिएकाे छ ।

बुद्ध जयन्तीको पावन अवसरमा सोही कार्यक्रममा “माँ दुर्गा ऊर्जा ध्यान योग प्रयोगशाला” नामकरण गरि औपचारिक रूपमा उद्घाटन पनि गरिएको छ । उद्घाटन समारोहमा बोल्दै नगर प्रमुख जयसवालले यस्तो सकारात्मक प्रयासले नगरवासीको शारीरिक, मानसिक र आत्मिक शुद्धिकरणमा सघाउ पुर्‍याउने विश्वास व्यक्त गर्दै नगरपालिकाबाट निरन्तर साथ र समर्थन रहने प्रतिवद्धता जनाएका छन् ।

स्थानीय बासिन्दाहरूले समेत यस्तो पहललाई स्वागत गर्दै आगामी दिनहरूमा अझ व्यापक सहभागिता हुने अपेक्षा व्यक्त गरेका छन् ।

आरके श्रीवास्तव,राैतहट,२९ गते वैशाख ।

रौतहट । मधेस प्रदेशको खेलकुद तथा समाज कल्याण मन्त्रालय अन्तर्गत विनियोजित २५ लाख रुपैयाँको बजेटबाट गुजरा नगरपालिका वडा नम्बर ८ जोगौलिया देवीपुरस्थित ऐतिहासिक ईदगाहको स्तरोन्नति तथा घेराबेराको कार्यका लागि शिलान्यास सम्पन्न भएको छ ।

पूर्व राज्यमन्त्री तथा प्रदेश सांसद केशव राय चौधरीको प्रमुख आतिथ्यतामा सम्पन्न शिलान्यास समारोहमा वडाका स्थानीय नेता, समाजसेवी, उपभोक्ता समिति सदस्य, कार्यकर्ता तथा जनसमुदायको उल्लेखनीय उपस्थिति रहेको थियो ।  कार्यक्रममा सहभागिता जनाएका अधिकांश व्यक्तिहरूले चौधरीको दीर्घ प्रयास र निरन्तर पैरवीकै परिणामस्वरूप यो योजना कार्यान्वयनमा आएको बताएका छन् ।

स्थानीय धार्मिक तथा सांस्कृतिक महत्व बोकेको ईदगाह क्षेत्रको संरक्षण र व्यवस्थापनका लागि लामो समयदेखि उठ्दै आएको मागलाई सम्बोधन गर्दै मधेस प्रदेश सरकारसँग समन्वय गरी चौधरीले यस योजनालाई मूर्तरूप दिएका हुन् ।

शिलान्यास कार्यक्रममा बोल्दै प्रमुख अतिथि चौधरीले धार्मिक सद्भाव, सामाजिक विकास तथा सामुदायिक संरचनाको समुन्नतिमा यस्ता आयोजनाहरू महत्वपूर्ण भूमिका खेल्ने बताए । उनले आगामी दिनमा पनि विकासका थप योजनाहरू गाउँसम्म पुर्‍याउन आफू प्रतिबद्ध रहेको स्पष्ट पारेका हुन् ।

स्थानीय बासिन्दाहरूले ईदगाहको स्तरोन्नति कार्यलाई ऐतिहासिक उपलब्धिका रूपमा लिँदै पूर्व राज्यमन्त्री चौधरीप्रति आभार व्यक्त गरेका छन् ।

उक्त कार्यले न केवल धार्मिक स्थलको सौन्दर्य र सुरक्षालाई बढावा दिनेछ, तर समुदायबीचको एकता र सहकार्यलाई समेत सुदृढ बनाउनेछ भन्ने अपेक्षा गरिएको छ ।

आरके श्रीवास्तव,राैतहट,२८ गते वैशाख । 

गौर । ‘रामा यादव स्मृति प्रतिष्ठान’द्वारा प्रदान गरिने पत्रकारिता पुरस्कार २०८२ सालका लागि शारदा पोखरेल (बारा, रातोपाटी अनलाइन) र चाँदनी झा (महोत्तरी, टिभी टुडे) लाई प्रदान गरिने भएको प्रतिष्ठानका संरक्षक जयप्रकाश यादवले जानकारी दिनुभएको छ ।

स्वर्गीय रामा यादवको चौंथो पुण्यतिथिको अवसरमा गौरमा आयोजित कार्यक्रममा नेपाल पत्रकार महासंघ रौतहट अध्यक्ष सञ्जय कार्कीले दुबै महिला पत्रकारको नाम घोषणा गर्दै स्वास्थ्य पत्रकारितामा योगदान पुर्‍याएकोमा सम्मान गरिएको जानकारी दिए ।

 

स्व. रामा यादवको चौथो स्मृतिमा प्रदान गरिने यस पुरस्कारको राशी २६ हजार एक रुपैयाँ रहेको छ । कोरोना महामारीका बेला २०७८ मा दिवंगत यादव सफल सञ्चार उद्यमी थिए । कार्यक्रममा विभिन्न सञ्चारकर्मीहरूले रेड टेलिभिजन र यादवको योगदानको चर्चा गर्दै संस्थाको प्रगतिको कामना गरेका छन् ।

साे अवसरमा नेपाल पत्रकार महासंघका पूर्व अध्यक्षद्वय शैलेन्द्रकुमार गुप्ता,प्रेमचन्द्र झा,कान्तिपुरका उपसम्पादक शिवपुरी,प्रभाकुमार झा,नेपाल पत्रकार महासंघ रौतहट शाखाका उपाध्यक्ष डिल्लीबहादुर कार्की,श्रमजीवि पत्रकार महासंघका अध्यक्ष सन्तोष पौडेल सहितका सञ्चारकर्मीहरूकाे उपस्थिति रहेको थियो ।

बज्जिकाञ्चल संवाददाता,सर्लाही,२७ गते वैशाख । सर्लाही । कुशवाहा बुद्धिजीवी सेवा समाज, जिल्ला समन्वय समितिको आयोजनामा शनिबार एक भव्य भेटघाट तथा सम्मान कार्यक्रम सम्पन्न भएको छ। कार्यक्रममा समिति अध्यक्ष राम विश्वास कुशवाहाको अध्यक्षतामा विभिन्न क्षेत्रका विशिष्ट व्यक्तित्वहरूको सहभागिता रहेको थियो।

कार्यक्रमको विशेष आकर्षणको रुपमा नेपाल कुशवाहा कल्याण समाजका केन्द्रीय सचिव भरत महतोको सम्मान गरिएको थियो। बाल्यकालदेखि नै मातापिता, दिनदुःखीको सेवा तथा कुशवाहा समाजको समर्पित सेवामा अग्रसर रहँदै आएका महतो हाल नेपाल सरकारको निजामती सेवामा सहायक प्रशासन अधिकृत पदमा सिफारिसमा परेका छन्। यस योगदानको उच्च मूल्यांकन गर्दै बुद्धिजीवी समाजले उनलाई भव्य सम्मान प्रदान गरेको हो।

कार्यक्रमको स्वागत मन्तव्य बुद्धिजीवी समाज सर्लाहीका सचिव तथा प्रधानाध्यापक जवाहर लाल कुशवाहाले दिनुभएको थियो। कार्यक्रममा नेपाल कुशवाहा कल्याण समाज सर्लाहीका अध्यक्ष लक्ष्मण महतो, बुद्धिजीवी सल्लाहकार समिति संयोजक रामचन्द्र कुशवाहा, समाज सचिव तथा प्राध्यापक वीरेन्द्र कुशवाहा, निवर्तमान अध्यक्ष कपिलेश्वर कुशवाहालगायत विभिन्न विशिष्ट अतिथिहरूको उपस्थिति रहेको थियो।

कार्यक्रममा बुद्धिजीवी समाजका उपाध्यक्ष आशादेवी, उपाध्यक्ष श्याम महतो, लेखा अधिकृत तथा कोषाध्यक्ष सीकिन्द्र कुशवाहा, सहसचिव जितेन्द्र महतो, समिति सदस्य तथा समाजसेवी पवन कुशवाहा, शिक्षक चन्द्र भुषण कुशवाहा, दिव्या कुशवाहा, सन्तलाल महतो, सविता कुशवाहा, हरिपुर नगर अध्यक्ष बिकाउ महतो, धनकौल नपा अध्यक्ष मदन कुशवाहा र बरहथवा नपा अध्यक्ष राम किसुन महतोलगायतले आ–आफ्नो सान्दर्भिक मन्तव्य राख्दै कार्यक्रममा जीवन्तता थपेका थिए।

उक्त अवसरमा नेपाल कुशवाहा कल्याण समाजको केन्द्रीय क्यालेन्डर विमोचन गरिएको थियो। साथै निर्वाचित पदाधिकारीहरूलाई प्रमाणपत्र वितरण गरिएको थियो।

कार्यक्रमपश्चात बुद्धिजीवी समाजको बैठकसमेत सम्पन्न भएको थियो। बैठकको प्रस्ताव नम्बर ३ अन्तर्गत, नेपाली कांग्रेसका निवर्तमान उप-प्रधानपञ्च तथा वरिष्ठ समाजसेवी स्व. सुखदेव महतो कुशवाहाको नाममा बनाइएको सालिकको निर्माण सम्पन्न भएको जानकारी गराइएको थियो। साथै “शहीद सुखदेव कुशवाहा प्रतिष्ठान” दर्ता भई सञ्चालनको चरणमा पुगेको घोषणा गरिएको थियो। स्व. कुशवाहाको योगदानको स्मरण गर्दै उनका सुपुत्र पिताम्बर कुशवाहा र सम्पूर्ण परिवारलाई उपस्थितले ताली बजाउँदै धन्यवाद ज्ञापन गरेका थिए।

कार्यक्रम सफलतापूर्वक सम्पन्न भएको भन्दै आयोजकले सबैलाई धन्यवाद ज्ञापन गरेका छन्।

आरके श्रीवास्तव,राैतहट,२७ गते वैशाख ।
रौतहट । गौर नगरपालिका अन्तर्गत सबगढामा आज आम जनता पार्टी (आजपा) द्वारा आयोजित वार्ड भेला भव्य रूपमा सम्पन्न भएको छ । स्थानीय जनताको उल्लेखनीय सहभागिता रहेको उक्त भेलाले सामाजिक न्याय र जनताको अधिकारका सवालमा महत्वपूर्ण निर्णयहरू गरेको छ ।

भेलाले शून्य कर प्रणालीको कार्यान्वयन र निःशुल्क बिजुली तथा पानीको पहुँच सुनिश्चित गर्न संघर्ष गर्ने घोषणा गरेको छ । साथै, भेलाले ३५ सदस्यीय नयाँ वार्ड कमिटी गठन गर्दै सम्पूर्ण पदाधिकारी र सदस्यहरूलाई जिम्मेवारी तोकेको छ ।

कार्यक्रममा आजपा रौतहट जिल्ला अध्यक्ष नरेश तुराहा, युवा नेता विवेक साह र रवीन्द्र यादवको विशेष उपस्थिति रहेको थियो । नेताहरूले आगामी दिनमा पार्टीलाई जनमुखी र परिवर्तनमुखी बनाउँदै लैजाने प्रतिबद्धता जनाएका थिए ।
नयाँ कमिटीका सम्पूर्ण सदस्यहरूलाई बधाई दिँदै आयोजकहरूले सफल कार्यकालको शुभकामना व्यक्त गरेका छन् ।

आरके श्रीवास्तव,राैतहट,२७ गते वैशाख ।
राैतहट । गुजरा नगरपालिका वडा नम्बर २ कटानिमा स्वास्थ्य तथा जनसंख्या मन्त्रालय,मधेस प्रदेशबाट विनियोजित २२ लाख ५० हजार रुपैयाँको बजेटबाट निर्माण हुन गइरहेको आरोग्य तथा योग भवन/सर्वजनिक भवनको शिलान्यास कार्यक्रम आज सभ्य र भव्य रूपमा सम्पन्न भएको छ ।

शिलान्यास कार्यक्रम प्रमुख अतिथि मधेस प्रदेश सरकारका पूर्व राज्यमन्त्री केशवराय चौधरीको प्रमुख आतिथ्यमा सम्पन्न भएको छ । कार्यक्रममा स्थानीय नेता, समाजसेवी, उपभोक्ता समिति सदस्य, विभिन्न राजनीतिक दलका प्रतिनिधिहरू, युवाहरु तथा सर्वसाधारण जनसमुदायको उल्लेखनीय उपस्थिति रहेको थियो ।

उक्त भवन निर्माणपछि स्थानीय जनताले स्वास्थ्य तथा योगसम्बन्धी कार्यक्रमहरू सञ्चालन गर्न सहज हुने विश्वास लिइएको छ । स्थानीय विकास र जनस्वास्थ्य प्रवर्द्धनमा यस प्रकारका संरचनाको निर्माणले सकारात्मक प्रभाव पार्ने आयोजकहरूको भनाइ छ ।

शिलान्यास कार्यक्रम संयोजनमा उपभोक्ता समिति र वडास्तरीय जनप्रतिनिधिहरूको सक्रिय भूमिका देखिएको थियो ।

आरके श्रीवास्तव,राैतहट,२७ गते वैशाख ।
गरुडा नगरपालिका वडा नम्बर ५ स्थित लक्ष्मीपुरमा एक भव्य समारोहका बीच छठ घाट निर्माण कार्यको शिलान्यास गरिएको छ । कार्यक्रमको आयोजना गरुडा नगरपालिका वडा नम्वर ५ मा गरिएको थियाे । जहाँ छठ पर्व मनाउने हजारौं श्रद्धालुलाई लक्षित गरी छठ घाट निर्माणको पहल गरिएको हो ।

२५ लाख रुपैयाँको बजेटबाट निर्माण गरिने उक्त घाटले वडा नम्बर ५ लक्ष्मीपुर र वडा नम्बर ६ अमरपट्टीका छठ व्रतालुहरूलाई प्रत्यक्ष रूपमा लाभ पुर्‍याउनेछ ।

समारोहका प्रमुख अतिथि तथा गरुडा नगरपालिकाका मेयर प्रत्यासी सुनिल कुमार यादवले सम्बोधन गर्दै भनेकाछन्, “छठ पर्व हाम्रो पहिचान र संस्कृतिको अविभाज्य अङ्ग हो । यस घाट निर्माणले धार्मिक आस्थासँगै स्वच्छ वातावरणमा पर्व मनाउने अवसर प्रदान गर्नेछ । म मेयरमा निर्वाचित भएमा धार्मिक तथा सांस्कृतिक संरचना निर्माणलाई थप प्राथमिकता दिनेछु।”

गरुडा नगरपालिका वडा नम्बर ५ का वडा प्रत्यासी रमेश यादवले पनि कार्यक्रममा सम्बोधन गर्दै भने, “यो आयोजना वडा नम्बर ५ र ६ का बासिन्दाको दीर्घकालीन माग थियो । अब हामीले आस्थालाई मात्र होइन, जनताको आवश्यकता र मागलाई पनि सम्बोधन गर्न थालेका छौँ।”

स्थानीय वासिन्दाले आयोजना प्रति खुसी व्यक्त गर्दै नियमित सरसफाइ, संरक्षण तथा घाटको दिगोपनाका लागि पनि प्रतिबद्धता जनाएका छन् ।

आरके श्रीवास्तव,राैतहट,२७ गते वैशाख ।
रौतहटको वनमा दैनिक एक सयदेखि एक सय दश ओटा काँचो रुख अवैध रुपमा कटान गरी तस्करी हुने गरेको आरोप लगाइएको छ । चुरे तथा वनजंगल संरक्षण अभियान नेपाल, रौतहटले शनिवार आयोजना गरेको भन्डाफोर कार्यक्रमका अभियन्ताहरुले रौतहटको वन तथा चुरे क्षेत्रलाई सखाप बनाउने काममा धेरै जनाको संलग्नता रहेको आरोप पनि लगाएका छन् ।

अभियानका राष्ट्रिय सुनिल यादवले गत दुई महिनामा पाँच हजारभन्दा बढी रुख फँडानी भएको आरोप लगाएका छन् । गरुडामा आयोजित विरोध जुलुस प्रदर्शनपछि कोणसभालाई सम्बोधन गर्दै राष्ट्रिय संयोजक यादवले रौतहटका डिएफओ, प्रदेशका वन मन्त्री र वन मन्त्रालयका सचिवको मिलोमतोमा रौतहटको वन सखाप भइरहेको गम्भीर दोषारोपण गरेका छन् ।

चन्द्रपुरको गैंडाटारमा पाँच बिगाहा क्षेत्रफलमा बन फँडानी गरेको र आफूले घटना सार्वजनिक गरेपछि ढाकछोप गर्न बैसाख महिनाको ४० डिग्री घाममा पनि वृक्षारोपण गरी हजारौँ बोटबिरुवाको हत्या गर्ने काम पनि गरेको आरोप यादवले लगाएका छन् । यादवले सिन्धुलीको मरिनबाट रौतहट चोचा र वृन्दावनको वन क्षेत्रमा मानिस ल्याएर बसाउने काम अवैध रुपमा वन प्रशासनको मिलोमतोमा भइरहेको आरोप पनि लगाएका छन् ।

यसै गरी डिएफओले आफ्नो छोरालाई नै वनको काठमो टेन्डर दिने गरेको आरोप लगाउँदै सप्तरीबाट वनमा लेबर ल्याएको कुराको पनि विरोध गरेका छन् ।
राष्ट्रिय संयोजक यादवले एक लाखभन्दा बढी क्युफिट काठको अवैध तरिकाले टेन्डर गरी करोडौँ रुपैयाँ भ्रष्टाचार गरेको र लाखौँ रुपैया राजस्व घाटा गराएको आरोप डिभिजन बन कार्यालय रौतहटका प्रमुख डिएफओ हेमन्त साहमाथि लगाएका छन् ।
यादवले मधेश प्रदेशका वन मन्त्री त्रिभुवन साह र वन मन्त्रालयका सचिव उद्धव घिमिरेको संलग्नतामा नै रौतहटको वन क्षेत्र फँडानी भइरहेको आरोप लगाउँदै स्वतन्त्र छानबिन र अनुगमनका लागि चुनौती दिएका छन् ।
अभियानका जिल्ला सचिव रामानन्द माझीले संचालन गरेको कार्यक्रममा जिल्ला संयोजक राजेश भन्डारी तथा अभियानी नन्दकिशोर रामले मन्तव्य व्यक्त गर्दै वन मन्त्री साह नै भूमाफिया भएको गम्भीर आरोप लगाएका छन् ।
कार्यक्रमको अध्यक्षता अभियानका जिल्ला संयोजक अमिरी सहनीले गरेका थिए ।
अभियानले गरूडा नगरपरिक्रमा मुख्यमन्त्री सहित वनमन्त्री,सचिव,डिएफओके विरूद्वमा नारावाजी गरेका थिए । साे क्रममा उनीहरूकाे तस्बिर समेत जलाई अभियानीहरूले विराेध जनाएका थिए ।

आरके श्रीवास्तव,राैतहट,२७ गते वैशाख । 

रौतहट — लोकतान्त्रिक यूवा संघको संशोधित विधानअनुसार अरविन्द्र प्रसाद साहलाई केन्द्रिय सदस्य पदमा मनोनयन गरिएको छ । संघको तर्फबाट सहर्ष जानकारी दिँदै उहाँलाई हार्दिक बधाई व्यक्त गरिएको छ ।

संघका केन्द्रीय अध्यक्ष सुजन यादवले एक वक्तव्य जारी गर्दै भने, “साहजस्ता युवा, ऊर्जाशील र जनप्रतिनिधिसँग निकट सम्बन्ध भएका व्यक्तिको नेतृत्वले संगठन अझ सशक्त र जनउत्तरदायी बन्ने विश्वास लिएको छु।”

उनले देश, मधेश, यूवा र पार्टीको हितमा साहको भूमिका उल्लेखनीय हुने पनि बताए । अध्यक्ष यादवले केन्द्रिय समितिमा युवा नेतृत्वको सशक्त उपस्थिति आवश्यक रहेको बताउँदै साहको मनोनयनलाई सही निर्णयको रूपमा व्याख्या गरेका छन् ।

 

राजेश निर्माणी,राैतहट,२६ गते वैशाख । 
रौतहट—वृन्दावन नगरपालिकाले डिजिटल प्रोफाइल निर्माणमा जुटेका छन् ।नगरपालिकाले डिजिटल प्रोफाइल मार्फत नगर भरिकै वास्तविक तथ्यांक संकलन गरेर नगर भित्र रहेका किसान, युवा,विधार्थी,कर्मचारी, अपांग,बिरामी तथा शिक्षा, स्वास्थ्य, कृषि लगायतका पूर्वाधारको स्थिति र पहुँचलाई डिजिटल तथ्यांकमा समावेश गरेर आगामी वर्षको बजेट विनियोजन गर्ने सोचले उक्त प्रोफाइल निर्माणमा तीव्रता दिएका हुन् ।

नगरपालिकाले डिजिटल प्रोफाइल त्यार पार्नका लागि बाह्र जना कर्मचारी न्युक्त गरेका छन् कर्मचारीहरु मध्ये नौ जना गनकहरु लाई घरधुरी संकलन र तिनजनालाई संस्थागत घरधुरी संकलनका लागि न्युक्त गरिएकोछ। र उक्त कर्मचारीहरु नगरपालिकाको नौ ओटै वडाहरुको घरघरमा पुगेर प्रोफाइल पार्नेछन्।

डिजिटल प्रोफाइलले नगरपालिकाको कामकाज प्रभावकारी हुने र प्रोफाइलको आधारमा नीति तथा कार्यक्रम ल्याउन सकिने भएकाले डिजिटल प्रोफाइल निर्माण गरिरहेको नगर प्रमुख विनोद प्रसाद कुर्मीले बताए ।

‘प्रोफाइलमार्फत नगरपालिकाको मार्गचित्र देखिने भएकाले त्यही अनुसार बजेट विनियोजन गर्न सजिलो हुनेछ,’ उनले भने, ‘नगरपालिकाको दीर्घकालीन योजना निर्माणका लागि समेत डिजिटल प्रोफाइल जरुरी रहेको र तथ्यांकको विश्वसनीयताका लागि समेत डिजिटल प्रविधिमा भण्डारण गर्न थालिएको उनलेे बताए ।

नगरपालिकाका अनुसार बाल विवाह, बहुविवाह, महिनावारी प्रथा लगायतका सामाजिक विकृतिको अवस्थाबारे समेत तथ्यांक राखिनेछ । वृन्दावनमा अहिले बालविवाह र दाइजो प्रथा लगायत अन्य कुरितिहरु रहेकोले प्रोफाइलका आधारमा कार्यक्रम सञ्चालन गरेर प्रथाको अन्त्य गर्न सहज हुने नगरपालिकाले जनाएको छ । शिक्षा, स्वास्थ्य, विद्युत्, सडक र सञ्चार लगायतको पहुँचबारेको सूचांक समेत तथ्यांकमा समावेश गरिनेछ ।

डिजिटल प्रोफाइलमार्फत अहिलेको अवस्था, आगामी वर्षको सम्भाव्यताबारे समेत विश्लेषण गर्न सकिने प्रमुख प्रशासकिय अधिकृत खिम बहादुर भुजेलले बताए । ‘नगरपालिकाको पुरै जानकारी मोवाइल प्रबिधिमार्फत डिजिलाइजेसन गर्ने उदेश्यले डिजिटल प्रोफाइल निर्माण भइरहेको हाकिम भुजेलले बताए।
अब समानुपातिक र आवश्यकताका आधारमा बजेट विनियोजन गर्न सजिलो हुने उनको भनाइ छ ।

बज्जिकाञ्चल संवाददाता,२६ गते वैशाख ।
रौतहटको कटहरियामा भएको सवारी दुर्टनामा गम्भीर घाइते भएका एक जनाको मृत्यु भएको छ । कटहरिया ४ स्थित लालबकैया नदीको पुल छेउमा सशस्त्र प्रहरी संग मोटरसाईकल जुधेर घाईते भएका एकजना स्थानीयको उपचारको क्रममा मृत्यु भएको छ ।

 

सशस्त्र प्रहरी बल बेस क्याम्प दुधियाभारमा कार्यरत हवलदार सुवास सिंहले चलाएको बा ८४ प ७३८३ नम्बरको मोटरसाईकल र बिपरित दिशाबाट आउँदै गरेको विआर ३००(७९३६ नम्बरको मोटरसाईकल बुधवार दिउँसो पुलको दुईसय मीटर पूर्व पट्टी जुधेको थियो।

दुर्घटनामा गम्भीर घाईते भएका विआर ३००(७९३६ नम्बरको मोटरसाईकल चालक स्थानिय फतुवा विजयपुर ४ टेंग्राहाका ५० वर्षीय अनुठा राय यादवको उपचारको क्रममा गएराती गण्डक अस्पताल बिरगंजमा मृत्यु भएको जिल्ला प्रहरी प्रवक्ता डिएस्पी डिएसपी दीपक कुमार रायले बताएका छन्।

मृतकको शव पोष्टमार्टमका लागि नारायणी अस्पताल बिरगंजमा लागिएको बताइएको छ । यता आमजनता पार्टीका अध्यक्ष तथा पूर्वमन्त्री प्रभु साहले बिहीवार घटनाबारे सदनमा सरकार लाई जानकारी गराएका थिए। उनले कमिसनको चक्करमा तस्कर पक्राउ गर्ने नाउँमा जबरदस्ती दुर्घटना गराउने सशस्त्र प्रहरी माथी कार्वाही र घटनाको छानबिन हुनुपर्ने सरकार संग माग गरेका छन् ।

 

तराई मधेसमा सशस्त्र प्रहरीले कमिसनको चक्करमा परेर किसान, ब्यापारी देखी सर्वसाधारण लाई दुःख दिदैआएकाले त्यस्तो काम तत्काल बन्द हुनुपर्ने माग गरेका थिए।

रौतहट । विद्यार्थी संख्या न्यून हुँदै गएपछि चन्द्रपुर नगरपालिकाले तीन वटा विद्यालयको तह घटाउनुको साथै एक विद्यालयलाई अर्को विद्यालयमा गाभेको छ ।

चन्द्रपुर नगरपालिकाको नगर शिक्षा समितिको बैठकले आठ कक्षा सम्म अध्यापन हुँदै आएको निम्म माध्यमिक विद्यालय चन्द्रपुर–२ असनवालाई नयाँ शैक्षिक सत्रको लागि कक्षा १ देखि कक्षा ३ सम्म अध्यापनको अनुमति दिने निर्णय गरेको छ ।

यस्तै कक्षा ६ सम्म अध्यापन हुने वसन्त आधारभूत विद्यालय बसन्तपुरलाई कक्षा ३ सम्म र ५ कक्षा सम्म अध्यापन हुने जनता प्राथमिक विद्यालय बडहरवा लाई कक्षा ३ सम्म मात्र अध्यापन अनुमति दिने निर्णय भएको छ ।

उता जनप्रिय प्राथमिक विद्यालय नयाँटोल पडहरियालाई श्री कृष्ण माध्यमिक विद्यालयमा गाभ्ने निर्णय भएको चन्द्रपुर नगरपालिका शिक्षा शाखा प्रमुख दिपेन्द्र मण्डलले बताए । उनका अनुसार जहाँ विद्यार्थी त्यहाँ शिक्षक भन्ने मान्यताका साथ विद्यालयको कक्षा घटाइएको हो । अनावश्यक शिक्षक दरबन्दी रहेको पाइएपछि व्यवस्थापनको लागि यस्तो निर्णय गर्नु परेको उनले बताए  । न्यूज अफ नेपालमा रौतहटबाट सञ्जय कार्कीले यो समाचार लेख्नु भएको छ ।

आरके श्रीवास्तव,राैतहट,२६ गते वैशाख ।

कटहरिया । रौतहट जिल्लाको गुजरा नगरपालिका–९, भवानीपुर–अम्तवामा छठघाट निर्माणकाे शिलान्यास कार्यक्रम भव्य रूपमा सम्पन्न भएको छ । करिब २५ लाख रुपैयाँको लागतमा निर्माण हुन लागेको उक्त छठघाटकाे बजेट मधेस प्रदेश सरकारअन्तर्गत खेलकुद तथा समाजकल्याण मन्त्रालयबाट विनियोजन गरिएको हो ।

शिलान्यास कार्यक्रमका प्रमुख अतिथि प्रदेश सांसद तथा पूर्वराज्यमन्त्री केशव राय चौधरी रहनु भएको थियो । उहाँले छठ पर्वजस्ता धार्मिक र सांस्कृतिक परम्पराको संरक्षण र प्रवर्द्धनका लागि प्रदेश सरकारले प्राथमिकताका साथ कार्यक्रमहरू सञ्चालन गरिरहेको बताउनु भएको हाे ।

कार्यक्रममा वडा नम्बर ९ का वडा अध्यक्ष प्रेम चौधरी, स्थानीय राजनीतिक दलका प्रतिनिधिहरू, समाजसेवी, उपभोक्ता समिति सदस्यहरू, युवा तथा आमजनसमुदायको उल्लेखनीय उपस्थिति रहेको थियो ।  स्थानीयवासीहरूले छठघाट निर्माणले धार्मिक, सामाजिक तथा पर्यटकीय दृष्टिकोणले स्थानको महत्व बढ्ने विश्वास व्यक्त गरेका छन् ।

चन्दन यादव,रौतहट,२४ गते वैशाख । 

रौतहट जिल्लाको ईशनाथ नगरपालिका–८ स्थित भारतबाट भन्सार छली गरी चोरी पैठारी गरिएको विभिन्न सामानसहित प्रहरीले एक मोटरसाइकल र तीन साईकल बरामद गरेको छ। इलाका प्रहरी कार्यालय राजपुरबाट खटिएको प्रहरी टोलीले नियमित गस्तीको क्रममा भन्सार छली गरेर ल्याइँदै गरेका अन्दाजी रू. ७० हजार ३ सय ८५ बराबरका लत्ताकपडा, किराना तथा अन्य विभिन्न प्रकारका सामानहरू फेला पारेको हो ।

त्यस्तै, ती सामान ढुवानीका लागि प्रयोग गरिएको बिआर ०५एएस२२११ नम्बरको मोटरसाइकल (एक थान) र साईकल तीन थान पनि प्रहरीले बरामद गरेको छ । बरामद गरिएको मोटरसाइकलको अनुमानित मूल्य रू. ५६ हजार रहेको जनाइएको छ ।

समग्र रूपमा रू. १ लाख २६ हजार ३ सय ८५ रूपैयाँ बराबरको सर-सामान, मोटरसाइकल र साईकललाई आवश्यक कारबाहीको लागि गौर भन्सार कार्यालयमा बुझाइएको प्रहरी नायब उपरीक्षक तथा सूचना अधिकारी दीपक कुमार रायले जानकारी दिएका छन् ।

महोत्तरी, बैशाख २५ – महोत्तरी जिल्लाको बलवा नगरपालिका वडा नं. ९ स्थित ऐतिहासिक धुर्वकुण्डको मर्मत तथा सौन्दर्यकरण कार्यक्रमको शिलान्यास एक विशेष समारोहका बीच सम्पन्न गरिएको छ।

शिलान्यास कार्यक्रम लोसपा नेपालको संसदीय दलका नेता तथा प्रदेश सभा सदस्य जय नुल राईन, बलवा नगरपालिकाका प्रमुख रामविजय महतो, वडा नं. ९ का वडा अध्यक्ष सनाउला शेख, लोसपा नेपाल बलवा नगरपालिकाका सभापति रामनिवास यादव, लोसपा नेपालका केन्द्रीय सदस्य जिवक्ष साह तथा वडा नं. १० का लोसपा नेता तथा प्रत्याशी रामेश्वर मण्डलको संयुक्त उपस्थितिमा सम्पन्न भएको हो।

कार्यक्रममा लोसपा पार्टीका विभिन्न तहका नेताहरूको समेत उपस्थिति रहेको थियो। उनीहरूले ऐतिहासिक र धार्मिक महत्व बोकेको धुर्वकुण्डको संरक्षण, मर्मत तथा सौन्दर्यकरणमार्फत यस क्षेत्रको पर्यटन प्रवर्द्धनमा सहयोग पुग्ने विश्वास व्यक्त गरे। शिलान्यास समारोहको क्रममा स्थानीय बासिन्दाहरूको उत्साहजनक सहभागिता देखिएको थियो।

आरके श्रीवास्तव,राैतहट,२५ गते वैशाख । 

रौतहट जिल्लाकाे निर्वाचन क्षेत्र नं. ३(१) अन्तर्गत गुजरा नगरपालिका-१, मनहर्वामा सडक स्तरोन्नति तथा आरसीसी ढलान निर्माणका लागि करिब ४५ लाख रुपैयाँको बजेट विनियोजन भएको छ । भौतिक पूर्वाधार विकास मन्त्रालय, मधेश प्रदेशको सहयोगमा अगाडि बढाइने उक्त परियोजनाको शिलान्यास कार्यक्रम बिहीबार सभ्य र भव्य रूपमा सम्पन्न भएकाे छ ।

कार्यक्रमका प्रमुख अतिथि मधेश प्रदेशका पूर्व राज्यमन्त्री केशव राय चौधरीले शिलान्यास गर्नु भएको हो । कार्यक्रममा वडा अध्यक्ष,स्थानीय नेता,विभिन्न राजनीतिक दलका कार्यकर्ता,उपभोक्ता समिति सदस्य,समाजसेवी तथा स्थानीय जनसमुदायको उल्लेखनीय उपस्थिति रहेको थियो ।

पूर्व राज्यमन्त्री चौधरीले सम्बोधन गर्दै प्रदेश सरकारमार्फत गाउँगाउँमा पुग्ने विकास योजनाहरूले स्थानीयको जीवनस्तर उकास्न मद्दत गर्ने बताएका छन् । उनले आगामी दिनमा पनि जनताको आवश्यकता र मागअनुसार योजना ल्याइने प्रतिवद्धता व्यक्त गरेका छन् ।

सडक स्तरोन्नति तथा ढलान निर्माण सम्पन्न भएपछि मनहर्वा क्षेत्रमा सवारी तथा पैदल यातायातमा सहजता आउने,पानी जम्ने समस्या समाधान हुने र समग्रमा जनजीवनमा सकारात्मक प्रभाव पर्ने स्थानीयवासीहरूले बताएका छन् ।

उक्त योजना उपभोक्ता समितिमार्फत निर्माण गरिने जानकारी दिइएको छ ।

आरके श्रीवास्तव,राैतहट,२४ गते वैशाख २०८२ । 

रौतहट — गुजरा नगरपालिका वडा नम्बर १ मा अवस्थित श्री आधारभूत विद्यालयमा आज एक विशेष पुस्तक वितरण कार्यक्रम सम्पन्न भएको छ । नयाँ शैक्षिक सत्रको सुरुवातसँगै कक्षा १ देखि ८ सम्मका विद्यार्थीहरूलाई निःशुल्क पाठ्यपुस्तक वितरण गरिएको हो ।

कार्यक्रममा विद्यालयका प्रधानाध्यापक रामविलास साहले बालबालिकालाई समयमै पुस्तक वितरण गर्न पाउँदा आफू अत्यन्त हर्षित भएको बताउँदै भने, “हामीले यस वर्ष समयमै पाठ्यपुस्तक प्राप्त गरी विद्यार्थीहरूलाई वितरण गर्न सफल भयौं। यसले पठनपाठनमा सहजता ल्याउनेछ र गुणस्तरीय शिक्षाको लागि सकारात्मक प्रभाव पार्नेछ।”

उनले स्थानीय सरकार, अभिभावक, शिक्षक तथा अन्य सरोकारवालाहरूलाई समेत सहयोगका लागि धन्यवाद ज्ञापन गरेका छन् । “शिक्षा क्षेत्रमा सबैको साझा लगावले मात्रै सुधार सम्भव हुन्छ,” प्रधानाध्यापक साहले थपे।

कार्यक्रममा शिक्षक, विद्यार्थी, अभिभावक तथा स्थानीय प्रतिनिधिहरूको उपस्थिति रहेको थियो। विद्यार्थीहरूले नयाँ पुस्तक पाएर उत्साह प्रकट गरेका थिए।

आरके श्रीवास्तव,राैतहट,२४ गते वैशाख ।
गरूडा । रौतहटको समनपुरलाई मुख्य राजमार्गसित बिर्तामा जोड्ने सडकमा सधैँ लुटपाटको खतरा देखिएको छ । मुख्य गरी नरकटिया र सुन्दरपुरको बिचमा यात्रुहरुमाथि आक्रमण हुँदै आएको पाइएको छ ।
कटहरिया नगरपालिका ८ का वडाध्यक्ष समिश विक्रम शाहमाथि सोमवार राति बिर्ता–समनपुर सडकमा आक्रमण भएको छ । दुईओटा मोटरसाइकलमा आएका अपरिचित व्यक्तिहरुको समूहले लुटपाट गर्ने उद्देश्यले आक्रमण गरेको वडाध्यक्ष शाहले बताएका छन् ।

आक्रमणबाट वडाध्यक्ष शाहलाई कुनै क्षति नपुगेको भए पनि निजले चढेको चारपांग्रे गाडीमा भने क्षति पुगेको छ । वडाध्यक्ष शाहले चढेको गाडीको सीसा फुटेको छ ।
नरकटिया नजिकै चौबाटो रहेको र त्यसैको आसपासमा यस्ता घटनाहरु बारम्बार घट्ने गरेका छन् । गत वर्ष त्यहीँ लुटपाटको ठुलो घटना भएको थियो । बेपारीहरुमाथि पनि उक्त सडकमा आक्रमण हुँदै आएको छ ।
एकपछि अर्को लुटपाटको घटना हुन थालेपछि साँझ पर्नासाथ समनपुर–बिर्ता जोड्ने सडकको नरकटिया–सुन्दरपुर खण्ड सुनसान हुने गरेको छ । केही महिना पहिले पत्रकारहरुको एउटा समूह समनपुरबाट बिर्तातर्फ फर्किरहेको समयमा अँध्यारोबाट सडकतिर आई केही मानिसहरुले मोटरसाइकल रोक्न खोजेको तर प्रेस लेखिएको देखेपछि केही नगरी बाटो छोडेको थियो । एक जनाको हातमा लट्ठी भएको र अन्यको हातमा अँध्यारोमा नचिनिने केही सामग्री भएको देखिएको थियो ।
सोही बाटोबाट हरैयातिर जाने सडकखण्ड पनि लुटपाटको दृष्टिले अत्यन्त खतरनाक रहेको वडाध्यक्ष शाहको भनाइ छ । केही मानिसहरुले लुट्ने किसिमले नै उक्त क्षेत्रमा बाटो हिँड्ने यात्रीलाई लक्षित गरी बस्ने गरेको वडाध्यक्ष शाहको भनाइ छ ।
घटना लगत्तै वडाध्यक्ष शाहले इलाका प्रहरी कार्यालय गरुडालाई खबर गरेको र प्रहरीसँगै उक्त क्षेत्रमा पुगेर घटनास्थल देखाएको बताएका छन् । सधैँ सर्वसाधारण यात्रुमाथि आक्रमण भइरहने ठाउँमा प्रहरीको ध्यान जान नसकेको आरोप रहेको छ ।
प्रहरीको गस्ती हुनुपर्ने र अन्य तरिकाले निगरानी गरी यात्रीहरुसित लुटपाट गर्नेमाथि कारबाही गर्नुपर्ने स्थानीयको भनाइ छ । प्रहरीले सक्रियता नदेखाउँदा समनपुर–बिर्ता सडक बदनाम हुँदै गएको छ ।
यस विषयमा ईप्रका गरूडाका डिएसपी राजन कार्की सँग साेधदा घटनाकाे बारेमा बुझने बताएका छन् । लगत्तै मातहतका प्रहरी युनिटमा पेट्राेलिङ्ग गर्न निर्देशन दिएका छन् ।

आरके श्रीवास्तव,राैतहट,२४ गते ।
कटहरिया । सशस्त्र प्रहरी बल नेपालको एक घुमुवाको कारण तीनओटा मोटरसाइकल एकापसमा जुध्दा तीन जना घाइते भएका छन् । घाइतेमध्ये एक जनाको अवस्था गम्भीर रहेको बुझिएको छ ।

भारतबाट तस्करी गरेर सामान ल्याएको भन्दै सशस्त्र प्रहरी बल बेस क्याम्प दुधियाभारका सशस्त्र प्रहरी सहायक हवलदार सुबास सिंहले लखेट्दै जाँदा भारतीय नम्बर प्लेटको मोटरसाइकलमा ठोक्किनासाथ घुमुवा सिंहको मोटरसाइकल पनि त्यहीँ ठोक्किन पुगेको थियो ।

घटना कटहरिया नगरपालिका ४ लालबकैया नजिक पुलको हो । बुधवार दिउँसो सशस्त्र प्रहरी दुधियाभारका घुमुवा सिंहले मोटरसाइकलमा सामान ल्याउनेहरुसित रकम असुल गर्न कटहरिया पुगेको बेला घटना भएको हो । घुमुवा सिंहले एक जना कारोबारीलाई रोक्न खोज्दा नरोकेपछि लखेटेका थिए ।

सशस्त्र प्रहरीको घुमुवाले चलाई रहेको बा ८४ प ७३८३ नम्बरको मोटरसाइकलले कारोबारी चढेको ग ४ प ४०७३ नम्बरको मोटरसाइकल र बिआर ३० पी ७९३६ को मोटरसाईकल एक आपसमा ठोक्किएको थियो । दुर्घटना भएपछि कारोबारीले चढेको मोटरसाइकल र सामान छोडेर कारोबारी फरार भएको इलाका प्रहरी कार्यालय गरुडाले जनाएको छ । फरार कारोबारीको खोजी भइरहेको इलाका प्रहरी कार्यालय गरुडाका प्रमुख डिएसपि राजन कार्कीले जानकारी गराएका छन् ।

दुर्घटनामा भारतीय नम्बर प्लेटको मोटरसाइकलमा सबार फतुवा बिजयपुर नगरपालिका वडा नम्बर ४ टेंग्राहाका करिब ३५ वर्षका दिलिप कुमार साह र ४८ वर्षका अनुठा यादव घाइते भएका छन् । घाइते दुवै जनाको उपचार वीरगंजस्थित गण्डक अस्पतालमा भइरहेको इलाका प्रहरी कार्यालय गरुडाको भनाइ छ । घाइतेमध्ये दिलिप कुमार साहको अवस्था गम्भीर रहेको बुझिएको छ ।
यसै गरी कारोबारीलाई लखेट्ने सशस्त्र प्रहरी सहायक हवलदार सिंह पनि दुर्घटनामा घाइते भएका छन् ।
घटनापछि स्थानीयवासी र प्रहरीबिच केहीबेर झडप पनि भएको छ । स्थानीयवासीले सशस्त्र प्रहरीमाथि आक्रमण गरेको खबर छ । स्थानीहरुले गरेको कुटपिटबाट सशस्त्र प्रहरीका एक जना प्रहरी घाइते भएको पनि बुझिएको छ ।

घटनापछि स्थानीयवासीले इलाका प्रहरी कार्यालय कटहरियालाई पनि घेराउ गरेको थियो । सयौँको संख्यामा आक्रोशित भीडले सशस्त्र प्रहरीमाथि कारबाहीको माग गर्दै इप्रका घेराउ गर्न पुगेका थिए । केही बेर अवस्था तनावग्रस्त बनेको भए पनि स्थिति सामान्य भएको इलाका प्रहरी कार्यालय गरुडाले जनाएको छ ।

आरके श्रीवास्तव,गरूडा,२४ गते वैशाख ।
रौतहटको चन्द्रपुर–८ बेतौनास्थित कोटिहोम क्रिकेट मैदानमा जारी ‘जय नेपाल कप’ अन्तरकलेज टी–२० क्रिकेट प्रतियोगितामा कटहरिया बहुमुखी क्याम्पसकाे टिम विजयी भएको छ ।

आज भएको खेलमा कटहरियाको टिमले केवल रामसुरत बहुमुखी क्याम्पसलाई ४ विकेटले पराजित गरेको हो । टस जितेर बलिङ गर्ने निर्णय लिएको कटहरियाले १९.१ ओभरमै प्रतिद्वन्द्वी टिमलाई ११५ रनमा अलआउट गरेको थियो । जवाफी ब्याटिङमा कटहरियाले १७ ओभरमा ६ विकेटको क्षतिमा लक्ष्य पछ्याउँदै जित दर्ता गर्याे ।

कटहरियाका मुस्ताक आलमले ३० बलमा ४२ रनको आक्रामक पारी खेल्दै टिमलाई जित दिलाउन महत्त्वपूर्ण भूमिका खेलेका थिए । उत्कृष्ट प्रदर्शनका लागि आलमलाई ‘म्यान अफ द म्याच’ घोषित गरिएकाे थियोे ।
कटहरियाका कप्तान संजीव अधिकारीले टिमलाई उत्कृष्ट रणनीति र समन्वयमा अगाडि बढाएका थिए । कप्तान ठाकुरको शान्त स्वभाव र निर्णय क्षमताले टिमको प्रदर्शनमा महत्त्वपूर्ण योगदान दिएको हो । उनले क्षेत्ररक्षण र बलिङ परिवर्तनमा चातुर्य देखाउँदै विपक्षी टिमलाई दवावमा राखेका थिए ।
जितपछि क्याम्पस प्रमुख गजेन्द्र प्रसाद यादवले टिमका सम्पूर्ण खेलाडीहरूलाई बधाई दिँदै आगामी खेलहरूका लागि शुभकामना व्यक्त गरेका छन् । लेखाप्रमुख रामनिवास यादवले पनि खेलाडीहरूको हौसला अभिवृद्धि गरेका छन् ।
प्रतियोगितामा जिल्लाका ६ वटा क्याम्पस टिमहरूको सहभागिता रहेको छ । कटहरियाको आगामी खेल गाैरीशंकर यादव रौतहट क्याम्पससँग बिहीबार हुने कार्यक्रम छ।

 

आरके श्रीवास्तव,राैतहट,२४ गते वैशाख ।

कटहरिया । राैतहट जिल्लाको गुजरा नगरपालिका–८ मा अवस्थित मुस्लिम समुदायका लागि महत्वपूर्ण मानिने कब्रगाह/कब्रस्थान (धेरा बेरा) निर्माण कार्यकाे शिलान्यास कार्यक्रम बुधबार सभ्य तथा भव्य रूपमा सम्पन्न भएको छ ।

उक्त निर्माण कार्यका लागि युवा, खेलकुद तथा समाज कल्याण मन्त्रालय,मधेश प्रदेश सरकार मार्फत करिब २५ लाख रुपैयाँको बजेट विनियोजन गरिएको छ ।

शिलान्यास कार्यक्रमका प्रमुख अतिथि राैतहट निर्वाचन क्षेत्र नम्बर ३ क बाट निर्वाचित प्रदेश सांसद एवम् पूर्व राज्यमन्त्री केशव राय चौधरीको विशेष पहलमा साे घेराबेरा हुन लागेको हाे ।

शिलान्यास कार्यक्रममा स्थानीय नेता, विभिन्न राजनीतिक दलका प्रतिनिधिहरू, उपभोक्ता समिति सदस्यहरू, समाजसेवीहरू तथा स्थानिय जनसमुदायको उल्लेख्य उपस्थिति रहेको थियो ।

कब्रगाह निर्माणले मुस्लिम समुदायमा धार्मिक कार्य सम्पन्न गर्न सहज हुने भन्दै स्थानीयवासीहरूले पूर्व राज्यमन्त्री रायकाे यस पहलप्रति कृतज्ञता व्यक्त गरेका छन् ।

शिलान्यास कार्यक्रममा बोल्दै पूर्व राज्यमन्त्री चौधरीले धार्मिक सहिष्णुता र सामाजिक समरसता कायम राख्दै विकासका कार्यहरूलाई प्राथमिकता दिने प्रतिबद्धता व्यक्त गरेका छन् ।

स्थानीय तह,प्रदेश सरकार तथा समाजसेवीहरूको सक्रियताले धार्मिक तथा सामाजिक पूर्वाधार विकासमा टेवा पुर्‍याउने विश्वास स्थानीय बासिन्दाहरूले व्यक्त गरेका छन् ।

आरके श्रीवास्तव,राैतहट,२४ गते वैशाख । 

नेपाली कांग्रेस विद्यार्थी विभाग रौतहटको आयोजनामा चन्द्रपुर–८ बेतौनास्थित कोटिहोम क्रिकेट मैदानमा ‘जय नेपाल कप’ अन्तरकलेज टी–२० क्रिकेट प्रतियोगिता सुरु भएको छ । जिल्लाका विभिन्न ६ क्याम्पस सहभागी प्रतियोगितामा कटहरिया बहुमुखी क्याम्पसले पनि आफ्नो सहभागिता जनाएको छ ।

आज दिउँसो १ बजे कटहरिया बहुमुखी क्याम्पस र केवल रामसुरत क्याम्पस सिमराभवानीपुरबीच प्रतिस्पर्धा हुनेछ । आज कटहरिया बहुमुखी क्याम्पसकाे प्रांगणमा खेल प्रारम्भअघि एक सानो कार्यक्रमका बीच क्याम्पस प्रमुख गजेन्द्र प्रसाद यादवले खेलाडीहरूलाई पोशाक वितरण गर्दै शुभकामना व्यक्त गरेका छन् ।

“खेलकुद शारीरिक विकास मात्र होइन, अनुशासन, आत्मविश्वास र नेतृत्व क्षमता विकासको मूल आधार हो,” प्रमुख यादवले मन्तव्य दिँदै भने, “हामी हाम्रो क्याम्पसका खेलाडीहरूलाई पूर्ण समर्थन र हौसला दिन्छौं। यस्ता प्रतियोगिताले विद्यार्थीहरूलाई एकता र सहकार्य सिकाउने अवसर दिन्छ।”

उक्त कार्यक्रममा लेखा प्रमुख रामनिवास प्रसाद यादव र प्रअ जगरनाथ प्रसाद पटेलको पनि उपस्थिति रहेको थियो । प्रतियोगिता भरि विभिन्न क्याम्पसका टिमहरूबीच मैत्रीपूर्ण तर प्रतिस्पर्धात्मक खेल देखिने अपेक्षा गरिएको छ ।

क्याम्प प्रमुख यादवले खेलाडीहरूलाई अनुशासन र खेल भावना कायम राखी उत्कृष्ट प्रदर्शन गर्न शुभकामना पनि व्यक्त गरेका छन् ।

मुकेश कुमार साह,चन्द्रपुर, २३ वैशाख।

मधेस प्रदेशका अर्थमन्त्री सुनिल कुमार यादवले शिक्षा र खेलकुद दुवै क्षेत्रमा सशक्त विद्यार्थीहरू तयार पार्न सके देशले सक्षम नेतृत्व पाउने विश्वास व्यक्त गर्नुभएको छ ।

रौतहटको चन्द्रपुर–८, बेतौनास्थित कोटिहोम क्रिकेट मैदानमा सुरु भएको ‘जय नेपाल कप’ अन्तरकलेज टी–२० क्रिकेट प्रतियोगिताको उद्घाटन गर्दै मन्त्री यादवले भन्नुभयो, “विद्यार्थीहरूलाई पढाइसँगै खेलकुदमा पनि सशक्त बनाउन सकियो भने, देशले नेतृत्वका असल अनुहारहरू पाउँछ।”

नेपाली कांग्रेस विद्यार्थी विभाग, रौतहटको आयोजनामा सुरु भएको उक्त प्रतियोगिताको उद्घाटन समारोहमा विद्यार्थी विभाग प्रमुख श्यामहरि चौलागाईंको अध्यक्षता रहेको थियो ।

 

कार्यक्रममा पूर्व प्रदेशसभा सदस्य धनलाल ठोकर, कांग्रेस जिल्ला सचिव मिथिलेश कुमार मिश्र, प्रदेश प्रवक्ता सूर्यबहादुर थापा, सञ्चार विभाग प्रमुख नितेश कुमार गुप्ता, चन्द्रपुर नगरप्रमुख सञ्जय कुमार काफ्ले, माधवनारायण नगरप्रमुख बैजनाथ यादव सहित विभिन्न वडाध्यक्ष र नेताहरूको उपस्थिति रहेको थियो ।

उद्घाटन खेलमा लक्ष्मी श्री बहुमुखी क्याम्पस समनपुर र सिधुरेघारी बहुमुखी क्याम्पस चन्द्रपुरबीच प्रतिस्पर्धा भएको थियो। लक्ष्मी श्री क्याम्पसले टस जितेर पहिले ब्याटिङ गर्दै २० ओभरमा ९३ रन बनायो । जवाफमा सिधुरेघारी क्याम्पसले १९.१ ओभरमा लक्ष्य पूरा गर्दै ५ विकेटको जीत हात पार्‍यो ।  कप्तान राजेश यादव म्यान अफ द म्याच घोषित भएका थिए ।

आयोजकका अनुसार प्रतियोगिताले विद्यार्थीहरूबीचको मित्रता, अनुशासन र खेल प्रतिभा विकासमा सकारात्मक प्रभाव पार्ने अपेक्षा गरिएको छ ।

राजन श्रीवास्तव,गाैर,२२ गते वैशाख । 

गाैर । रौतहटको एक सुधार केन्द्र यातना दिने केन्द्र बनेको छ । सदरमुकाम गौर स्थित एक सुधार केन्द्रमा एक जनालाई यातना दिइरहेको भिडियो सार्वजनिक भएको छ । रौतहट को गौर नगरपालिका वडा नं ४ स्थित रहेको राइजिङ नेपाल सुधार केन्द्र मा एक जनालाई चरम यातना दिइरहेको भिडियो बाहिरिएको छ।

भिडियो बाहिरिए सँगै हल्ला खल्ला नै मच्चेकाे छ । कतिपयले पुरानै भिडियो भनिरहेका छन् । पुरानै भिडियो भए पनि सुधारकाे नाउँमा यसरी यातना दिनु अपराध रहेको सर्वसाधारणकाे भनाइ छ ।

गौर २ महादेबपट्टीका २२ वर्षीय रितेश कुमार यादवलाई राइजिङ नेपाल सुधार केन्द्रमा पाइपले निर्घात कुटपिट गरिएको भिडियो सार्वजनिक भएको हो ।
सुधार केन्द्रका सञ्चालक वीरगंजका सुरज साह कानु रहेका छन्। कबिर चौकदेखि पश्चिमपट्टि रहेको सुधार केन्द्रमा अमानवीय तरिकाले शारीरिक यातना दिएको दृश्य सार्वजनिक भएको हो। सामाजिक सञ्जालमार्फत सार्वजनिक भएको दृश्यमा एक युवकलाई पाइपले दुवै खुट्टाकोे पैतालामा पिटिरहेको र अन्य ३ जना मिलेर समातेको देखिन्छ।

सुधार केन्द्रमा भएको अमानविय घटनामा संग्लग्न लाई कारवाहीको दायरामा ल्याउन स्थानिय ले माग समेत गरेका छन्।जिल्ला प्रहरी प्रमुख नेत्रमणि गिरीले भने घटनाबारे अनुसन्धान भइरहेको जानकारी दिएका छन्।

बज्जिकाञ्चल संवाददाता,राैतहट,२२ गते वैशाख । 

वृन्दावन नगरपालिका वडा नम्बर ६ स्थित हर्षाहा उत्तर चौकमा निर्माण हुन लागेको सभागृह भवनको शिलान्यास एक कार्यक्रमका बीच सम्पन्न भएको छ । सोमबार आयोजित कार्यक्रममा प्रतिनिधिसभाका पूर्व सदस्य तथा नेकपा (एस) का स्थायी कमिटी सदस्य कल्याणी खड्का र वृन्दावन नगरपालिकाका नगर प्रमुख विनोद प्रसाद कुर्मीले संयुक्त रूपमा भवन निर्माणको शिलान्यास गर्नुभएको हो ।

करीब १ करोड रुपैयाँको लागतमा संघीय सहरी तथा बस्ती विकास कार्यक्रम अन्तर्गत निर्माण हुन लागेको सभागृह नगरको सामाजिक, सांस्कृतिक तथा धार्मिक गतिविधिका लागि उपयोगी हुने अपेक्षा गरिएको छ ।

साे अवसरमा मधेश प्रदेश सभा सदस्य कनिस पटेल,वृन्दावन नगरपालिकाको वडा नम्बर ५ का वडाअध्यक्ष फेकु दास , ८ का वडाअध्यक्ष रबिन्द्र साह, ९ का वडाअध्यक्ष प्रवेज आलम, स्थानीय जनप्रतिनिधिहरू,नगर कर्मचारी, बुद्धिजीवी, समाजसेवी ,संचारकर्मी तथा सर्वसाधारणको उल्लेख्य उपस्थिति रहेको थियो ।

आरएन पटेल,रौतहट, २२ गते वैशाख । 
जनता समाजवादी पार्टी नेपालको भातृ संगठन समाजवादी महिला संघको राष्ट्रिय महाधिवेशनको लागि रौतहटमा जसपा नेपालको बैठक सम्पन्न भएको छ। जसपा नेपाल पार्टी कार्यालय गौर रौतहटको सभाहलमा सोमबारका जिल्ला अध्यक्ष राजीव रंजन यादवको अध्यक्षतामा पदाधिकारी बैठक सम्पन्न भएको हो।

जसपा नेपाल जिल्ला कार्य समिति रौतहटको आयोजनामा बैठक बसी यही बैशाख २७ र २८ गते जनकपुरधाम धनुषामा हुन गईरहेको संगठन समाजवादी महिला संघ नेपालको राष्ट्रिय महाधिवेशनको लागि विभिन्न शीर्षकमा छलफल गरिएको हो।

समाजवादी महिला संघ नेपालको यस महाधिवेशनलाई सफल पार्न सहयोग गर्न तथा जनता समाजवादी पार्टी नेपालको केन्द्रिय परिपत्र अनुसार सम्पूर्ण जनवर्गीय तथा पेशागत संगठनको जिल्ला अधिवेशन यही वैशाख महिनाभित्र गर्नु परेकाले सम्पूर्ण जनवर्गीय संगठनले आ-आफ्नो समितिको बैठक गरी जिल्ला अधिवेशनको मिति तय गरी पार्टी लाई सुचित गर्न आजको बैठकबाट निर्णय गरिएको छ ।

साथै जनता समाजवादी पार्टी नेपाल रौतहटको प्रत्येक पालिका तहमा रहेको संगाठनिक प्रतिवेदन नगर अध्यक्ष र सचिवबाट १५ दिन भित्र पार्टी कार्यालयमा बुझाउन बैठकबाट निर्णय गरिएको जिल्ला अध्यक्ष राजीव रंजन यादवले बताएका छन।

बैठकबाट राष्ट्रिय महाधिवेशन प्रतिनिधि छनौट, संगठनात्मक संरचना सुदृढीकरण, महिलाको नेतृत्व विकास तथा पार्टीको भावी रणनीति सम्बन्धी विषयमा गम्भीर छलफल भएकोअध्यक्ष यादवले बताए ।
रौतहट जिल्लाले विगतमा पार्टीभित्र महिला नेतृत्वको सशक्त उपस्थिति र सामाजिक रूपान्तरणका सवालमा प्रभावशाली भूमिका निर्वाह गर्दै आएको छ। यही सन्दर्भमा, समाजवादी महिला संघको महाधिवेशनले पनि नयाँ उत्साह, जोश र राजनीतिक दृष्टिकोण विकास गर्ने विश्वास गरिएको छ।
बैठकमा महाधिवेशनको व्यवस्थापन, सहभागीहरूको तयारी, स्थानीय सञ्जाल सुदृढीकरण, महिला सहभागिता विस्तार लगायतका विविध विषयमा कार्ययोजना तय गरिएको छ।
जसपा नेपाल रौतहटका नेताहरूले महाधिवेशनलाई संगठन सुदृढीकरणको अवसरका रूपमा लिने तयारी गरेका छन्। राजनीतिक स्थायित्व, समावेशीता, लैंगिक समानता र संघीयताको पक्षमा पार्टीको दीर्घकालीन अडान पुनः पुष्टि गर्ने अवसर पनि महाधिवेशनले दिने विश्वास गरिएको छ।
बैठकमा जसपा नेपाल रौतहट अन्तर्गतका केन्द्रीय र प्रदेश स्तरका पदाधिकारीहरू, सदस्यहरू, जिल्ला पदाधिकारीहरू तथा नगर अध्यक्षहरूको उपस्थिति रहेको उपाध्यक्ष पारस भण्डारीले बताएका छन।

आरके श्रीवास्तव,राैतहट,२२ गते वैशाख ।
लोकतान्त्रिक समाजवादी पार्टी (लोेसपा) नेपाल रौतहटकाे विस्तारित बैठक आइतबार सम्पन्न भएको छ । पार्टीका केन्द्रीय उपाध्यक्ष तथा संविधानसभा सदस्य निलम वर्माको प्रमुख आतिथ्यता र जिल्ला संयोजक भरत साहको अध्यक्षतामा सदरमुकाम गौर स्थित रामजानकी धर्मशालामा बैठक सम्पन्न भएको हो ।
कार्यक्रमकाे विशिष्ट अतिथिकाे रूपमा केन्द्रीय उपाध्यक्ष एवम् पूर्व प्रदेश सांसद बाबुलाल साह रहनु भएको थियोे ।

बैठकमा लाेसपा मधेस प्रदेश उपाध्यक्ष विन्देश्वर यादव, केन्द्रीय सदस्य रामप्रवेश दास,प्रभा सिंह,नेता योगेन्द्र यादव लगायत पार्टीका अन्य नेता तथा कार्यकर्ताहरूको उल्लेखनीय सहभागिता रहेको थियो ।

बैठकबाट हाललाई भरत साहको अध्यक्षतामा २१ सदस्यीय जिल्ला कार्य समिति गठन गरिएको छ। जिल्ला अध्यक्ष साहका अनुसार समितिले आगामी पहिलो बैठकमार्फत पदाधिकारी चयन गरी पूर्णता पाउनेछ ।
पार्टी संगठन सुदृढीकरण तथा आगामी राजनीतिक कार्यक्रमहरूलाई प्रभावकारी बनाउन बैठकले रणनीति तय गरेको बताइएको छ । विस्तारित बैठकबाट लाेसपा नेपालले राैतहटमा तिव्रता पाउने विश्वास व्यक्त गरिएकाे छ ।

बैठकबाट जिल्ला कार्य समितिमा चयन हुने सदस्यहरूमा भाग्यनारायण साह,हरिशंकर पाण्डे,विश्वम्भर यादव, उपेन्द्र यादव र शेख अतिउल्लाह रहेका छन् । त्यस्तै प्रमोद यादव, जयमंगल दास, भाेला ठाकुर, रामप्रताप सिंह, तसलिम हुसेन र रुपा कुमारी रहेका छन् ।
यसैगरी शान्ति झा, पुनकली देवी सहनी, मन्सारुल हक, विनोद साह र रुपेश प्रसाद यादव ,मिना बैठा, लालवावु यादव, शेख ओहाव र पवन जयसवाललाई जिल्ला कार्य समितिकाे सदस्यमा चयन गरिएकाे जानकारी गराइएकाे हाे ।

आरके श्रीवास्तव,गरूडा,२२ गते वैशाख ।
राैतहटकाे फतुवा बिजयपुर नगरपालिका–२ स्थित शितलपुर माध्यमिक विद्यालयमा नयाँ शैक्षिक सत्रको सुरुवातसँगै विद्यार्थीहरूलाई निःशुल्क पाठ्यपुस्तक वितरण कार्यक्रम सम्पन्न भएको छ ।

कार्यक्रममा प्रमुख अतिथिको रूपमा वडा अध्यक्ष अनिरूद्व प्रसाद यादव उर्फ संजयले सहभागिता जनाउँदै विद्यार्थीहरूलाई पुस्तक वितरण गर्नुका साथै शिक्षाको महत्वबारे सम्बोधन गर्नु भएको छ । उहाँले विद्यार्थीहरूलाई समयको सदुपयोग गर्दै अध्ययनमा लाग्न आग्रह गर्नु भएको हाे ।

साे विद्यालयका प्रधानाध्यापक मुकेश यादवको अध्यक्षतामा सम्पन्न उक्त कार्यक्रममा शिक्षक, अभिभावक तथा विद्यार्थीहरूको उल्लेख्य उपस्थिति रहेको थियो । प्रधानाध्यापक यादवले सबै विद्यार्थीहरूलाई समयमै पुस्तक उपलब्ध गराउन सकिएकोमा खुशी व्यक्त गर्दै आगामी दिनमा विद्यालयको शैक्षिक स्तर अझै उकास्ने प्रतिबद्धता जनाउनु भएको छ ।

यसैगरी जिल्लाकाे अधिकांश सामुदायिक बिद्यालयमा पाठ्यपुस्तक वितरण भएकाे खबर छ । शिक्षक आन्दोलनले ठप्प रहेकाे शैक्षिक संस्थान अब सक्रिय भएका छन् । बिद्यालयकाे रिज्ल्ट निकाल्ने देखि लिएर भर्ना अभियान पनि सञ्चालन गरिरहेका छन् ।

आरके श्रीवास्तव,राैतहट,२१ गते वैशाख ।
राैतहटकाे फतुवा बिजयपुर नगरपालिका–२ मा अवस्थित श्री माध्यमिक विद्यालय शीतलपुरमा शिक्षक सेवा आयोग मार्फत नाम निकालेर आएका दुई जना नयाँ शिक्षकले पदभार सम्हालेका छन् । विद्यालयमा नयाँ शिक्षकहरूको उपस्थितिलाई स्वागत गर्दै वडा अध्यक्ष अनिरूद्व प्रसाद यादव उर्फ संजयले स्वयम् उनीहरूलाई विद्यालयमा हाजिर गराएका छन् ।

शिक्षक सेवा आयोगबाट नाम सिफारिस भएका यी शिक्षकहरू औपचारिक प्रक्रिया अनुसार विद्यालयमा कार्यभार सम्हाल्न पुगेका हुन् । आजदेखि उनीहरूले आआफ्नो कक्षा पनि लिएका हुन् ।

वडा अध्यक्ष यादवले विद्यालयको शैक्षिक गुणस्तर अभिवृद्धिमा नयाँ शिक्षकहरूको आगमनले सकारात्मक प्रभाव पार्ने विश्वास व्यक्त गरेका छन् ।

विद्यालय व्यवस्थापन समिति तथा स्थानिय अभिभावकहरूले पनि नयाँ शिक्षकहरूको स्वागत गर्दै आगामी दिनमा विद्यालयको शैक्षिक सुधारमा योगदान दिन अनुरोध गरेका छन् ।

अंग्रेजी शिक्षिका सबिता हुमागाई र विज्ञान शिक्षब उतिलाल साह बिधालयमा आएपछि विद्यार्थी तथा अभिभावकहरूमा उत्साह देखिएको प्रधानाध्यापक मुकेश यादवकाे भनाइ छ । पढाइमा सुधार हुने अपेक्षा गरिएको छ ।

ग्रामीण क्षेत्रका बिद्यालयमा राम्रा शिक्षकहरू आउनै मान्दैनन् । तर वडा अध्यक्ष यादवले अथक प्रयास गरेपछि उनीहरू दुई हाजिर भएका हुन् । निर्वाचित भएदेखि नै शिक्षा क्षेत्रलाई प्राथमिकतामा राखेर काम गरिरहेका छन् । सामुदायिक बिद्यालयकाे अवस्था सुधार गर्न उनी कम्मर कसेर लागेका छन् ।

 

आरएन पटेल,राैतहट,२१ गते वैशाख । 

रौतहटको राजपुर नगरपालिका वडा नं ५ मा अवस्थित अधुरो ब्रह्म स्थान र हनुमान मन्दिरको निर्माण कार्यको उद्घाटन तथा माथिल्लो भागको गुजुङ (गुम्बज) को शिलान्यास जनमत पार्टीका रौतहट क्षेत्र नं. २ (क) को प्रदेश सभा सदस्य प्रत्याशी शेख मोहम्मद आलम उर्फ बाबू साहेबले गर्नुभएको छ।

कार्यक्रमको सञ्चालन लोकनाथ ठाकुरले गर्नुभएको थियो भने आयोजना पर्यटन विकास कार्यालयमार्फत संचालन गरिएको हो। उपभोक्त समितिका अध्यक्ष श्याम बाबू साह रहेका थिए।
करीब १६ लाख रुपैयाँ लागतमा निर्माण कार्य सम्पन्न गरिने जनाइएको छ। मन्दिर पुनर्निर्माण हुने खबरले राजपुर नगरपालिकावासीहरुमा उत्साह छाएको स्थानीयले बताएका छन्।

सो अवसरमा जनमत पार्टीका नगर इन्चार्ज मो. जमिलउल्लाह, शेख रहुलहक, पूर्व नगर इन्चार्ज शेख फेराज, युवा नेता शेख नसिम, राम बाबू ठाकुर, लखिन्द्र साह, रमेश जैसवाल, रामलगन पण्डित लगायतका नेताहरू र कार्यकर्ताहरूको उपस्थिति रहेको थियो।

आरके श्रीवास्तव,राैतहट,२१ गते वैशाख । 

गरूडा । रौतहट जिल्लाको चन्द्रपुर ४ स्थित आज बिहान भएको एक सवारी दुर्घटनामा परी दुई जनाको ज्यान गएको छ । मृत्यु हुनेमा गरूडा नगरपालिका-२,गेडही गुठ्ठी निवासी ६० वर्षिय बलिराम सहनी र ४० वर्षीय उनकी छोरी उर्मिला देवी रहेका छन् ।

ईलाका प्रहरी कार्यालय चन्द्रनिगाहपुरका डिएसपी राजकुमार राईका अनुसार बिहानको समयमा माेटरसाइकिल र कार एक आपसमा ठाेक्किएर दुर्घटना भई उनीहरूकाे मृत्यु भएको बताएका छन् ।

दुर्घटनामा परि सख्त घाइते भएका दुबै जनाकाे उपचारकाे क्रममा मृत्यु भएको उनले बताए । बुवा बलिराम सहनी चन्द्रपुर स्थित हाइवेे ट्रमा सेन्टर र छाेरी उर्मिलाकाे एलएस न्यूराे हस्पिटल बारामा मृत्युु भएको डिएसपी राईले पुष्टि गरेका छन् ।

उनका अनुसार मृतक सहनीले चलाएको ना ३ प ९५१२ नम्बरको मोटरसाइकललाई बा ६ च ३५२६ नम्बरको कारले ठक्कर दिएको  थियो ।

दुर्घटनापछि कार चालक प्रहरी नियन्त्रणमा रहेको उनले बताए । घटनापश्चात् मुचुल्का उठाउने काम भइरहेको र घटनाबारे थप अनुसन्धान भइरहेको प्रहरीले जनाएको छ ।

यता स्थानीय बासिन्दाहरूले ट्राफिक व्यवस्थापनमा चासो नदिएकोप्रति गुनासो व्यक्त गरेका छन् । राम्रो सँग ट्राफिक व्यवस्थापन हुन नसक्दा यस्ता किसिमको घटनाहरू घटिरहेको सर्वसाधारणकाे गुनासो रहेको छ ।

राजेश पासवान/बैशाख २१/रौतहट। 

चमार कल्याण समाज नेपालको जातिय भेला रौतहटको गुजरा नगरपालिकाको सभाहलमा सम्पन्न भएको छ। चमार कल्याण समाजका केन्द्रीय उपाध्यक्ष पुनित राम चमारको अध्यक्षतामा शनिबार सो बैठक सम्पन्न भएको हो।

बैठकबाट रविदास सेवा समिति गठन दर्ता गर्ने सम्बन्धमा,धर्मशाला सभाहल तथा विवाह मंडप निर्माण सम्बन्धमा,आर्थिक संकलन सम्बन्धमा,निर्माणका लागि ठाउँ छनौट गर्ने सम्बन्धमा लगायत विविध प्रस्तावहरु माथिगहन छलफल भइ निर्णय समेत भएको छ।

कार्यक्रममा वक्ताहरूले जातीय पहिचान, शिक्षा,स्वास्थ्य,दाइजो प्रथा अन्त्य, मृत्यु भोज अन्त्य,विभिन्न निकायमा प्रतिनिधित्व बढाउने, सामाजिक न्याय, जातीय भेदभाव र समावेशी विकासका पक्षमा महत्वपूर्ण मन्तव्य व्यक्त गर्नु भएको थियो। साथै, चमार समुदायबीच एकता मजबुत पार्न आगामी दिनहरूमा थप क्रियाशील भूमिका निर्वाह गर्न आग्रह समेत गर्नुभएको छ।

उक्त कार्यक्रममा कृष्णन्दन् राम,रामाज्ञा राम,सोनेबाल राम,अरुण राम,सत्यनारायण राम,भोला राम,अवधनरायण राम,उदयनरायण राम र उपेन्द्र राम लगायत चमार जातिका विभिन्न अगुवा तथा अभियन्ताहरुको उपस्थिति रहेको थियो।।

आरके श्रीवास्तव,राैतहट,२० गते वैशाख ।
रौतहट । नेपाल पत्रकार महासंघ रौतहट शाखाको आयोजनामा आज गौरमा विश्व प्रेस स्वतन्त्रता दिवसको अवसरमा अन्तरक्रिया कार्यक्रम सम्पन्न भएको छ । रौतहट प्रहरी प्रमुख प्रहरी उपरीक्षक नेत्रमणि गिरीको प्रमुख आतिथ्यतामा भएको कार्यक्रमको अध्यक्षता नेपाल पत्रकार महासंघ रौतहटका अधयक्ष सञ्जय कार्कीले गर्नु भएको थियो ।

महासंघका सचिव गौतमले श्रेष्टले कार्यक्रम सञ्चालन गर्दै देशभरि भएको प्रेस स्वतन्त्रको बाहिर आएका घटनाबारे साझा गरेका थिए । “नयाँ विश्वमा साहसी पत्रकारिता प्रेस स्वतन्त्रता र सञ्चार माध्यममा कृत्रिम बौद्धिकताको प्रभाव” भन्ने नारासहित आयोजित कार्यक्रममा सञ्चारमाध्यमको वर्तमान अवस्था, पत्रकारितामा बढ्दो चुनौती र पत्रकारको सुरक्षा लगायतका विषयमा गहन छलफल गरिएको थियो ।

कार्यक्रममा बोल्दै प्रमुख अतिथि एसपी गिरीले प्रेस स्वतन्त्रता कायम राख्न राज्य संयन्त्र प्रतिवद्ध रहेको बताउँदै निष्पक्ष र उत्तरदायी पत्रकारिताको आवश्यकता रहेको औंल्याएका थिए ।
उनले पत्रकारमाथि हुने आक्रमण र दवाबलाई रोक्न प्रशासन गम्भीर रहेको बताए । साथै एसपी गिरीले पत्रकारहरुलाई गहिराइमा पुगेर समाचार लेख्न पनि सुझाव दिएका थिए ।

नेपाल पत्रकार महासंघ रौतहटका अध्यक्ष कार्कीले रौतहटका पत्रकारहरू विभिन्न चुनौतीका बीच पनि सत्यतथ्य सूचना सम्प्रेषणमा समर्पित रहेको बताए । उनले प्रेस स्वतन्त्रतामाथि हुने प्रत्यक्ष र अप्रत्यक्ष हस्तक्षेपप्रति चिन्ता व्यक्त गरेका थिए । साथै उनले समाज परिवर्तनमा पत्रकारहरुले महत्वपूर्ण भूमिका निर्वाह गर्नुपर्नेमा जोड दिएका थिए ।
त्यस्तै कार्यक्रममा कान्तिपुरका उपसम्पादक शिव पुरीले रौतहटका पत्रकारहरुले पत्रकारिताको आचारसंहिता भित्र रहेर काम गर्नुपर्नेमा जोड दिएका थिए ।
कार्यक्रममा जिल्लाका अग्रज पत्रकार, विभिन्न सञ्चारमाध्यममा आबद्ध पत्रकारहरुको उपस्थिती रहेको थियो । कार्यक्रममा अन्य वक्ताहरुले प्रेस स्वतन्त्रता र अभिव्यक्ति स्वतन्त्रताको संरक्षणमा सबै पक्ष एकजुट हुनुपर्ने धारणा राखेका थिए ।

बज्जिकाञ्चल संवाददाता,रौतहट,२० गते वैशाख ।
रौतहट । लोकतान्त्रिक पत्रकार संघ रौतहटको आयोजनामा आज ‘कृत्रिम बौद्धिकता (एआई) ’ विषयक अन्तरक्रिया कार्यक्रम सम्पन्न भएको छ । जिल्लाको मध्य भाग गरुडा स्थित रहेको होटेल एनपी स्टारमा भएको कार्यक्रममा एआई प्रविधिले पत्रकारिता क्षेत्रमा ल्याइरहेको परिवर्तन, अवसर र चुनौतीबारे गहन छलफल गरिएको हो ।

लोकतान्त्रिक पत्रकार संघका रौतहट संयोजक राजु कुमार श्रीवास्तव(आरके श्रीवास्तव) को अध्यक्षतामा भएको कार्यक्रममा प्रमुख अतिथीको रुपमा लोसपा नेपालका केन्द्रिय सदस्य रामप्रवेश दास रहनु भएको थियो ।

कार्यक्रममा आफनो धारणा राख्दै प्रमुख अतिथी दासले सर्वप्रथम विश्व प्रेस स्वतन्त्रता दिवसको अवसरमा शुभकामना व्यक्त गरेका थिए । उनले पत्रकारिता पेशालाइ मर्यादित पेशा भएकोले यसको ख्यालगरी उपस्थित पत्रकारहरुलाइ पत्रकारिता गर्न आग्रह गरेका थिए । पत्रकारको सुरक्षा नभए सम्म लोकतन्त्र मजबुत हुन नसक्ने धारणा राखेको थिए ।

पत्रकारको स्वतन्त्रता र सुरक्षाको ग्यारण्टी राज्यले गर्नुपर्नेमा जोड दिनु.भएको थियो । शोषित पिडितको पक्षमा आवाज उठाइ दिन नेता दासको आग्रह थियो ।
त्यस्तै बज्जिका भाषामा सेवक एवम् साहित्यकार संजय साह मित्रले आजको युगमा सञ्चार माध्यम नयाँ हिसाबले गइरहेको छ । हामीहरुले यसको यसको प्रयोग धेरै पहिला देखि गरिरहेको बताए । अरुको जब हामी नक्कल गर्छौ त्यहीबेला देखि कृत्रिक बौद्धिकता सुरु हुन्छ ।

भारतीय मिडियामा एआइको प्रयोग भइहरेकोले यहाँ पनि हुनुपर्नेमा जोड दिएका थिए । कृत्रिम बौद्धिकता बिना अहिलेको पत्रकारिता सम्भव नभएको मित्रको भनाइ थियो । त्यसैगरी राष्ट्रिय शिक्षक मञ्च रौतहटका अध्यक्ष शिशंकर झाले एआइको प्रयोगले छिटो,छरितोको साथ साथै धेरै नाकारात्मक असर परिरहेको बताए । यसतर्फ सजग भइ कामगर्नुपर्ने बताए ।

यस्तै बज्जिका साहित्य संगम रौतहटका अध्यक्ष किसुन दयाल यादव श्रीकृष्णले अहिलेको जमाना एआइको नै आइसकेको धारणा राखे । प्रेसमा यसको सहि सदुपयोग गर्न सुझाव दिएका थिए । विश्वकर्मा लोहार संघ रौतहटका अध्यक्ष एवम् स्तम्भकार विवेक शर्माले बढ्दो क्रममा रहेको बताए । यसको चुनौती पनि रहेकोले यता तर्फ ध्यान दिनुपर्ने धारणा राखेका थिए । पुर्ण रुपमा एआइ माथि निर्भर हुपर्ने अवस्था नरहेको बताए ।
कार्यक्रममा वक्तहरुले सूचना प्रविधि एआई प्रविधिका सकारात्मक पक्षसँगै नकारात्मक असरहरूबारे पनि चर्चा गरेका थिए । वहाँहरुले पत्रकारितामा एआईको प्रयोगले सूचनाको तिव्रता र सटीकता बढाउने भए पनि झूटो सूचना र पूर्वाग्रहपूर्ण सामग्रीको जोखिम बढ्ने बताएका थिए ।
संघका अध्यक्ष आरके श्रीवास्तवले कार्यक्रमको समापन गर्दै एआइ प्रविधिसँग सचेत भएर प्रयोग गर्न जोड दिएका थिए । उहाँले रौतहटका पत्रकारहरूलाई एआइ प्रयोगमा गर्दा सचेत र सजग भएर प्रयोग गर्न सुझाव दिएका थिए । यसका लागि जिल्लाका सञ्चारकर्मीहरुलाइ डिजिटल साक्षरतामा अझ सशक्त बनाउने अभियानमा संघ प्रतिबद्ध रहेको बताए ।
अन्त्यमा कार्यक्रममा सहभागीहरूले एआईको प्रभावकारी र नैतिक प्रयोगका लागि साझा पहल आवश्यक रहेको निष्कर्ष निकालेका थिए । कार्यक्रममा पत्रकार, सञ्चारकर्मीहरूको उल्लेख्य उपस्थिति रहेको थियो ।

फाेटाे फिचर:

ओम प्रकाश यादव रौतहट, १९ गते वैशाख । २०८२

रौतहटको माधवनारायण नगरपालिकाले एक सय भन्दा बढि जेष्ठ नागरिकलाई सम्मान गरेको छ।

माधवनारायण नगर प्रमुख बैजनाथ प्रसाद यादवले नगरपालिकाका १ सय ३० जना जेष्ठ नागरिकलाई सम्मान गरेका छन्।

माधवनारायण नगरपालिका -६ माधोपुर स्थित शुक्रबार आयोजित जेष्ठ नागरिक सम्मान कार्यक्रममा नगर प्रमुख यादवले नगरभरिका ८५ वर्ष भन्दा माथि उमेरका जेष्ठ नागरिकहरुलाई दोसल्ला ओढाएर सम्मान गरेका हुन्।

माधवनारायण नगरपालिका कार्यालयले आयोजना गरेको जेष्ठ नागरिक सम्मान कार्यक्रममा नगर प्रमुख बैजनाथ प्रसाद यादवले प्रत्येक बृद्धबृद्धा अर्थात् जेष्ठ नागरिकलाई दोसल्ला ओढाएर सम्मान गर्नुका साथै विभिन्न प्रकारका सामग्री समेत प्रदान गरेका हुन्।

नगरपालिकाका वडा नं.१ देखि ९ नम्बर वडाका ८५ वर्ष नाघेका १ सय ३० जना जेष्ठ नागरिकलाई दोसल्ला सहित एकएक थान टर्च लाईट, झुल, बिस्कुट, च्यामन् परास लगाएतका सामग्री प्रदान गरिएको माधव नारायण नगर प्रमुख यादवले बताए।

ज्येष्ठ नागरिकलाई सम्मान गर्नु सांस्कृतिक, नैतिक र व्यावहारिक सबै पक्षले उचित रहेकोले आफूले उनीहरुलाई पालिकाको तर्फबाट सम्मान गरेको मेयर बैजनाथ प्रसाद यादवले बताए।

वृद्धवृद्धाहरूमा एक–आपसमा मनका भावना, विगतका सम्झनालाई ताजा गराउन र नयाँ पिँढीलाई परम्परागत संस्कृति हस्तान्तरण गर्न पालिकाभित्रका ज्येष्ठ नागरिकलाई भेला गराई सम्मान गरेको उनको भनाइ छ।

उनले भने, ‘ज्येष्ठ नागरिकसँग मानव मूल्य र मान्यता, सांस्कृतिक तथा सामाजिक सभ्यताको दरिला सम्बन्ध कायम रहेको हुन्छ । समाजको हरेक विकासको गति र तीव्रतामा पनि ज्येष्ठ नागरिकको भूमिका अतुलनीय रहँदै आएको छ ।’

एउटा उदाहरणीय र सहयोगी समाजलाई बढावा दिनका लागि पनि ज्येष्ठ नागरिकलाई सम्मान गर्नु अति आवश्यक रहेको उनले बताए।

उनले अघि भने,’ज्येष्ठ नागरिकसँग वर्षौंको परिश्रम र अनुभवबाट आर्जित ज्ञानको भकारी हुन्छ । सामान्य जीवन जिउने तरिकादेखि कृषि, पूर्वाधार, शैक्षिक, व्यवस्थापकीय आदि ज्ञान र अनुभव हुन्छ । यसलाई मार्गदर्शनका रूपमा उपयोग गर्न सकियो भने सबैलाई फाइदा नै हुन्छ ।’

‘ज्येष्ठ नागरिकले आफ्नो समग्र जीवनमा केही न केही गरेर समाजमा महत्वपूर्ण योगदान दिएकै हुन्छन् । उनीहरूको विगत र वर्तमानका योगदानलाई उचित मूल्याङ्कन गरी सम्मान गर्नाले सबैमा सकारात्मक कृतज्ञताको भावना बढ्छ । समाजमा सकारात्मक प्रभावलाई स्वीकार गर्ने परिपाटीको विकास हुन्छ, ‘उनले भने ।,

उनले अघि भने, ‘कतिपय ज्येष्ठ नागरिकले युवा पुस्ताका लागि प्रेरणा र नमुनाका रूपमा काम गरिरहेका हुन्छन् । उनीहरूको लगनशीलता, लचिलोपन र चुनौतीहरू पार गर्ने क्षमताले अरूलाई पनि प्रेरणा र मार्गदर्शन प्रदान गर्न सक्छ ।’

यस्ता ज्येष्ठ नागरिकलाई आदर, सम्मान गर्दा जीवनको बहुमूल्य पाठ एक अर्कामा प्रसारण गर्ने अवसर बढ्दै जाने र परिवार तथा समुदायमा एकता, शान्ति, मेलमिलापको भावना बढने भएको हुनाले नगरका जेष्ठ नागरिकलाई सम्मान गरिएको नगर प्रमुख बैजनाथ प्रसाद यादवले बताए।

जेष्ठ नागरिक सम्मान कार्यक्रममा माधवनारायण नगर उपप्रमुख निर्मला देवी रमण, नगरपालिकाका प्रमुख प्रशासकीय अधिकृत नागेन्द्र राय यादव, ६ नम्बर वडाका वडा अध्यक्ष रामनरेश राय, वडा नम्बर ७ का वडा अध्यक्ष योगेन्द्र प्रसाद कुशवाहा, लगाएतका जनप्रतिनिधि, कर्मचारी तथा स्थानीयहरुको सहभागिता रहेको थियो।

राकेश यादव,गाैर,१८ गते वैशाख । 
नेपाल कम्युनिस्ट पार्टी एमालेका केन्द्रिय सचिव गोकर्ण बिस्टले नेपाली जनताको शान्तिपूर्ण आन्दोलनले चिहानमा पुगी सकेको राज सस्था कुनै पनि हालतमा पुनर्जीवित हुन नसक्ने बताएका छन्।
२४० वर्ष शाहबंशीय साशन व्यवस्थालाई नेपाली जनताले बिस्थापित गरी सकेको हुदा पुनः फर्किन सकिने अवस्था नरहेको दावी गरे।
रौतहट जिल्लाको सदरमुकाम गौर स्थित नेकपा एमालेको पार्टी कार्यालयमा नेकपा एमाले गौर नगर कमिटिले आयोजना गरेको नेकपा एमाले गौर नगर कमिटिको ९ औ नगर अधिबेशनको उदघाटन समारोहमा प्रमुख अतिथिको रुपमा सम्बोधन गर्दै पूर्व मन्त्रि समेत रहेका बिस्टले गणतन्त्रको बिरुद्धमा लाग्ने कुनै पनि शक्तिलाई लोकतान्त्रिक शक्तिले शासक्त रुपमा प्रतिरक्षा गर्ने बताए।
नेपाली जनताको हित, लोकतन्त्र गणतन्त्रको रक्षा, बेरोजगारी समस्याको समाधान गरी रोजगारी सृजना, जनताको विकास समृद्धिको लागि नेकपा एमाले काम गरी रहेको बताउदै नेकपा एमालेको विकास देखेर चारै तिर बाट प्रहार भैरहेको उल्लेख गरे।

२०१५ सालको आम निर्वाचनमा रौतहटको चारै क्षेत्र बाट एमाले बिजयी भएको इतिहासलाई स्मरण गर्दै आगामी २०८४ मा पनि जिल्लाको सबै निर्बाचन क्षेत्र एमालेको झन्डा फहराउनु पर्ने अपेक्षा एमालेको रहेकोले संगठित भएर पार्टीमा लाग्नु पर्ने कार्यकर्ताहरुलाई आग्रह गरे।
नेकपा एमालेमा १५ बर्ष बसेर देशको प्रधानमन्त्री समेत बनिसकेका माधव कुमार नेपालले रौतहटको जनतालाई ठगी मात्र गरेको टिप्पणी गरे।
पटक पटक मत लिएर निर्वाचित भएका नेपालले रौतहटमा केहि विकास नगरेकोले अबको निर्वाचनमा जनताले बहिस्कार गर्ने समेत बिश्वास व्यक्त गरे। उनले चैत्र १५ मा भएको लुटपाट आगजानीको घटना संलग्न रहेकालाई सरकारले कानुनी दायारामा ल्याएर कडा कार्यवाही गर्न नेपाल सरकारलाई ध्यानकर्षण गराए।

राष्ट्रिय स्वतन्त्र पार्टी प्रति लक्षित गर्दै भने मुलधारको पार्टी बिरुद्ध च्याउ झै उम्रिएका पार्टी २ बर्ष नबित्दै कान्डै काण्डमा परि सके।
गरिव, दलित, अपाङ्ग, महिला, मजदुर किसानको समस्यालाई मध्य नजर गर्दै बर्तमान सरकार निशुल्क शिक्षा, स्वास्थ्य, रोजगारीको क्षेत्र अघि बढी रहेको अवस्थामा केहि विकास बिरोधी तत्वले बिना कारण सरकारको आलोचनामा लागी परेको जिकिर गरे।
एमालेको नेतृत्वमा मुलुक समृधि तर्फ अग्रसर भई रहेको दावी समेत गरे। पार्टीले मिसन २०८४ लाई सफल बनाउन अघि बढी रहेकोले पार्टी का कार्यकर्ताहरुले इमान्दारिता पुर्वक कार्य गर्न आग्रह गरे।
पार्टीको बिरुद्ध तथा जनताको भावना बिपरित कार्य गर्ने आफै समाप्त भएर जाने बताए
उदघाटन समारोहमा सम्बोधन गर्दै नेकपा एमालेका रौतहट जिल्ला इन्चार्ज अजय कुमार गुप्ताले माधव कुमार नेपाल जनतालाई पटक पटक ठगिदै आएको आरोप लगाए।

जनता संग मत लिएर निर्वाचित भएका नेता नेपालले रौतहटको दलित र मुस्लिम प्रति शिक्षाको बिषय लिएर गरेको अभद्र टिप्पणीको जवाव आगामी निर्वाचनमा पाउने बताए।
इन्चार्ज गुप्ताले रौतहटका जनताले माधव नेपाललाई लखेटिने समेत बताए। अधुरो पुल निर्माणको कार्य नेकपा एमालेको पहलमा सुचारु भएको दावी उहाको रहेको छ।
गौर नगरपालिकाका नगर प्रमुख शम्भु साहलाई लाल बकैया नदी बाट उत्खन्न गरिने माटोको प्रति लगाइएको कर फिर्ता लिन आग्रह समेत गर्दै जनभावना बिपरित काम नगर्न सुझाव समेत दिए।
उदघाटन सत्रमा नेकपा एमालेका केन्द्रिय सदस्य रेखा झा,केन्द्रिय लेखा आयोगका सदस्य राज किशोर प्रसाद यादव, केन्द्रिय सदस्य कुन्दन कुशवाहा, प्रदेश सांसद जय चन्द पटेल,मोहमद जैद आलम, प्रदेश कमिटि सदस्य श्याम सुन्दर पटेल, जिल्ला अध्यक्ष सचितानन्द साहले आ आफ्नो मन्तव्य राखेका थिए।

आरके श्रीवास्तव,राैतहट,१८ गते वैशाख ।
डिभिजन वन कार्यालय रौतहट प्रमुखकै मिलोमतोमा व्यापक वन फँडानी भएको आरोप लागेको छ । गत एक महिनामा रौतहटमा पाँच बिगाहाभन्दा बढी क्षेत्रफलको वनक्षेत्र पूर्णतः फँडानी भएको छ भने वनक्षेत्रमा हजाराँै रुख कटान गरिएका छन् ।

रौतहटको चन्द्रपुर नगरपालिकाको गैंडाटार क्षेत्रमा वन कार्यालयकै मिलोमतोमा व्यापक वन फँडानी भइरहेको वन जंगल संरक्षण अभियान नेपालका राष्ट्रिय संयोजक सुनिलकुमार यादवले आरोप लगाएका छन् । गत एक महिनाभन्दा केही समय अघिदेखि गैंडाटार वन क्षेत्रमा व्यापक रुख कटान भएको बताउँदै संयोजक यादवले पाँच बिघा जति क्षेत्रफलको वन सम्पूर्णतः फँडानी गरिएको आरोप पनि लगाएका छन् ।

डिभिजन वन कार्यालय रौतहटका डिभिजनल वन अधिकृत हेमन्त प्रसाद साहकै मिलोमतोमा गैंडाटारमा वन क्षेत्र फँडानी गरिएको र फँडानी भई खाली भएको जमिनमा वृक्षरोपण गरिएको आरोप संयोजक यादवको रहेको छ । घटनालाई ढाकछोप गर्न खाली जमिनमा वृक्षरोपण गरिएको संयोजक यादवको भनाइ छ ।

वन क्षेत्रको खाली जमिनलाई अतिक्रमणबाट जोगाउन वृक्षरोपण गरिएको डिभिजन वन कार्यालयले जनाएको थियो । तर वन अधिकृत साहकै मिलोमतोमा गैंडाटारका साथै अन्य वन क्षेत्रमा पनि व्यापक रुख कटानी भएको यादवको दाबी छ । मधेश प्रदेशका वन मन्त्रीलाई चुनौती दिँदै यादवले भने – रौतहटको वनमा भइरहेको व्यापक फँडानीको निरीक्षण गर्न म मधेश प्रदेशका मुख्यमन्त्री र वन मन्त्रीलाई चुनौती दिन्छु ।

रौतहटको वन क्षेत्रमा भइरहेको व्यापक फँडानीमा मधेश प्रदेशको वन मन्त्रालय तथा वन मन्त्रीको पनि संलग्नता रहेको संयोजक यादवले आशंका व्यक्त गरेका छन् । रौतहटको वन क्षेत्रमा व्यापक मात्रामा भइरहेको फँडानी तथा रुख कटानको विषयमा वन मन्त्रालय, सरोकारवाला निकाय तथा वन मन्त्रीसमेतलाई जानकारी हुँदाहुँदै पनि घटनालाई आलटाल गर्ने र ढाकछोप गर्ने काम भइरहेको प्रति संयोजक यादवले आपत्ति जनाएका छन् ।
रौतहटका वन अधिकृत हेमन्त प्रसाद साहले विगतमा पनि वन क्षेत्र व्यापक फँडानी गरेर इतिहास कायम गरेको आरोप संयोजक यादवको रहेको छ । केही वर्षपहिले महोत्तरीमा वन प्रमुख हुँदा रम्तेल डाँडाको वन क्षेत्र फँडानी गरेको र सो आरोपमा साह निलम्बित समेत भएको संयोजक यादवको दाबी छ । निलम्बन फुकुवा भएपछि जिम्मेवारीमा आएका वन अधिकृत साहले अहिले पनि वन फँडानी गराइरहेको यादवको भनाइ छ ।
डिभिजन वन कार्यालय, वन अधिकृत साह र वन माफियाहरुको मिलोमतोमा वन क्षेत्रमा रुख कटान गरी साइकलमा रुख ढुवानी गर्नेहरुको संख्यामा वृद्धि भएको संयोजक यादवको भनाइ छ । वन क्षेत्रबाट साइकलमा काठ ढुवानी गर्नेहरुले एक हजारदेखि एक हजार पाँच सय रुपैयासम्म वन कर्मचारीलाई बुझाउने गरेको संयोजक यादवको आरोप रहेको छ ।
गैंडाटारमा पाँच बिघा वन क्षेत्रको रुख फँडानी गर्नेलाई वन अधिकृत साहकै संरक्षण रहेको गम्भीर आरोप संयोजक यादवले लगाएका छन् । अहिले पनि वन क्षेत्रमा रुख कटान भइरहेको बताउँदै संयोजक यादवले जंगलमा रुख काटेर माटो र पातपतिंगरले छोपेको तथा रुख काटेर खाली भएको जमिनलाई जोतेर मकै छरिएको पनि पाइएको बताएका छन् । वन कार्यालय र वन मन्त्रालयलाई सबै घटनाको जानकारी भएको तर सबै मिलेर ढाकछोप गरिरहेको आरोप यादवको छ । घटनालाई ढाकछोप गर्न वनसित सम्बन्धित सबै लागि परेको बताउँदै यादवले वन फँडानी र रुख कटानको विषयमा छानबिन गर्न पनि माग गरेका छन् । संयोजक यादवले भने – छानबिन गरेर कारबाही नगरे म अख्तियार जान्छु ।
यता डिभिजन वन कार्यालय राैतहटका प्रमुख हेमन्त साहले अतिक्रम भएको जग्गा आफूहरूले नियन्त्रणमा लिइसकेको बताए । बाहिर आएको कुरा गलत रहेको उनकाे भनाइ छ ।

बज्जिकाञ्चल संवाददाता,गाैर,१८ गते वैशाख । 

रौतहट जिल्लाको  गौर नगरपालिकको नवौं नगर अधिवेशन भव्यताको साथ सम्पन्न भएको छ । कार्यक्रमका प्रमुख अतिथि नेकपा एमाले राष्ट्रिय सचिव एवं पूर्वमन्त्री गोकर्ण विष्टको प्रमुख आतिथ्यमा सम्पन भएको हो ।

जिल्ला इन्चार्जको रूपमा जिम्मेवारी पाएका अजय कुमार गुप्ताले पार्टीलाई मजबुत बनाउन दिनरात लागि परेको मेहनतकै कारण आज  हजाराैं कार्यकर्ताको सहभागीतामा गौर नगर अधिवेशन सम्पन्न भएको हाे ।

ऐतिहासिक नवौं नगर अधिवेशन बाट सर्वसहमतले अध्यक्ष पदमा भैरव प्रसाद पटेल, उपाध्यक्ष भिखारी पटेल, सचिव रामविनोद सिंह, अन्य सदस्य र नगर लेखा समिति अध्यक्ष पदमा रामकृष्ण गुप्ता लगायत ५१ सदस्यीय कमिटी गठन भएको निर्वाचन संयोजक मिथिलेश कुमार झाले  बताएका हुन् ।

बज्जिकाञ्चल संवाददाता, रौतहट, १६ गते वैशाख । २०८२

मिटर ब्याजविरुद्ध किसान मजदुर आन्दोलन नेपाल जिल्ला कार्यसमिति रौतहटले रौतहट जिल्ला अदालत गौर अगाडि धर्ना दिएका छन् ।

फर्जी तमसुक खारेज, किसानको जग्गा फिर्ता, पक्राउ पुर्जी खारेजी लगायतका माग राखी गौर नगर परिक्रमा गर्दै अदालतको गेटमा धर्ना दिएको मिटर ब्याजविरुद्ध किसान मजदुर आन्दोलन नेपाल जिल्ला कार्य समिति रौतहटका जिल्ला अध्यक्ष शिवशङ्कर महतोले बताउनुभयो ।

धर्ना कार्यक्रम अगाडि मजदुर किसानले जिल्ला अदालतका श्रेस्तेदारमार्फत मुख्य न्यायाधीशलाई ज्ञापन पत्रसमेत बुझाएका छन् । मिटर ब्याजविरुद्ध किसान मजदुर आन्दोलन नेपालको लामो सङ्घर्ष पश्चात शोषित उत्पिडित जनसमुदायको पक्षमा अनुचित लेनदेनविरुद्ध कानुन आए पनि पीडितको हकमा कार्यान्वयन नहुँदा  निराशा थपिएको ज्ञापनपत्रमा भनिएको छ ।

सम्मानित अदालतले न्यायिक सङ्घर्षको मर्मलाई ध्यानमा राखी पिडित पक्षलाई न्याय दिलाउन पिडितविरुद्ध फैसला तत्काल स्थगित गरि पुनरावलोकन गर्न मिटर ब्याजविरुद्ध किसान मजदुर आन्दोलन नेपालको माग रहेको छ  ।

सभार गोरखापत्र

आरके श्रीवास्तव,गरुडा,१५ गते वैशाख ।
रौतहटको फतुवा बिजयपुर नगरपालिका–२ शितलपुर बैरगनियाका किसान भूपनारायण सिंह निकै खुसी भएका छन् । वडा कार्यालयबाट निःशुल्क रुपमा औषधी छर्ने स्प्रे ट्यांकी पाएपछि कुशवाहा खुसी भएका हुन् ।

फतुवा बिजयपुर–२ को वडा कार्यालयले १ सय किसानलाई निःशुल्क स्प्रे ट्यांकी प्रदान गरेको छ । वडाध्यक्ष अनरिुद्ध प्रसाद यादव उर्फ संजयले १ सय किसानलाई निःशुल्क स्प्रे ट्यांकी प्रदान गरेका हुन् । वडाध्यक्ष यादवले किसानलाई सम्मान गर्दै वडास्तरीय योजना तथा बजेटबाट केही सहुलियत प्रदान गरेको बताएका छन् । वडाको ६ लाखको लागतमा ती किसानलाई स्प्रे ट्यांकी दिएर सम्मानित गर्न पाउँदा आफूलाई पनि हर्ष लागेको वडाध्यक्ष यादवको भनाइ छ ।

स्थानीय रामअश्रे राउतले स्प्रे ट्यांकी प्राप्त गरेपछि खुसी व्यक्त गर्दै आफूले लगाएको बालीनालीमा औषधी छर्न समस्या हुनेगरेको थियो । अब उपरान्त उक्त समस्या हटेको बताए । राउतले स्प्रे ट्यांकी पाएपछि किसानको खेतमा लाग्ने किरा मार्न सहयोग गर्ने प्रतिक्रिया दिएका छन् ।

यसै गरी अर्का किसान मौजेलाल राय यादवले वडाध्यक्ष यादवलाई धन्यवाद दिँदै गरिव तथा दलित किसानलाई सहयोग गरेको भन्दै खुसी व्यक्त गरेका छन् । रामले भने,‘अब औषधी छर्न सहुलियत भएको छ । गरिव तथा दलित किसानको लागि औषधी छर्न स्प्रे ट्यांकी नहुँदा
समस्या हुने गरेको थियो । वडा कार्यालयले दिएको स्प्रे ट्यांकी निकै उपयोगी हुनेमा हामी ढुक्क छौं ।’

वडाध्यक्ष यादवले किसानको काममा सहयोग हुने विश्वास आफूले लिएको बताएका छन् ।

आगामी दिनमा पनि किसानलाई सहुलियत प्रदान गर्ने योजना ल्याउन किसानसित सल्लाह गर्ने वडाध्यक्ष यादवको भनाइ छ । यस अघिपनि आफूले किसान लक्ष्ति धेरै कामहरु गरेको बताए ।
सो वडा कृषकहरूकै बाहुल्य भएकोले वडाध्यक्ष यादवले किसानलाई सोझै लाभहुने योजना सफल पारेपछि किसानहरूले प्रशंसा गरिरहेका छन् ।

 

काठमाडौं १५ गते बैशाख ।

नेपालको अग्रणी सफ्टवेयर डेभलपमेन्ट कम्पनी डाइनामिक टेक्नोसफ्ट १६ औँ वर्षमा प्रवेश गरेको छ । यस उपलब्धिको अवसरमा कम्पनीले आफ्ना ग्राहकका लागि विशेष ‘१५ प्रतिशत छुट’ अफर घोषणा गरेको छ ।
सन् २०१० मा वीरगञ्ज, मधेश प्रदेशबाट सुरू भएको डाइनामिक टेक्नोसफ्टले आज नेपाल, भारत र जापानमा गरी २२०० भन्दा बढी ग्राहकहरूको साथ विश्वास हासिल गरेको छ ।

यस कम्पनीले शिक्षा, स्वास्थ्य, निर्माण, सेवा लगायतका क्षेत्रमा डिजिटल रूपान्तरणलाई सहज बनाउने उद्देश्यले डाइनामिक ईआरपी, एकेडेमिक ईआरपी, हस्पिटल ईआरपी, मेम्बरशिप ईआरपीजस्ता अत्याधुनिक सफ्टवेयरहरू विकास तथा विस्तार गर्दै आएको छ ।

डाइनामिक टेक्नोसफ्ट आन्तरिक राजस्व विभागद्वारा प्रमाणित नेपालकै पहिलो ईआरपी प्रोभाइडर कम्पनी हो । यस कम्पनीसँग देशभर ५० भन्दा बढी आधिकारिक डिलरहरू र १०० भन्दा बढी प्राविधिक विज्ञहरूको दक्ष टिम रहेको छ ।

डाइनामिक टेक्नोसफ्टले शिक्षा क्षेत्रमा ८०० भन्दा बढी विद्यालय र कलेजहरूलाई सेवा दिइरहेको छ भने स्वास्थ्य क्षेत्रमा १०० भन्दा बढी अस्पताल तथा मेडिकल कलेजहरूसँग सहकार्य गरिरहेको छ ।

यसबाहेक कम्पनीको ईआरपी सोलुसन नेपालका विभिन्न पालिकाहरूमा समेत प्रयोग भइरहेको छ ।
डाइनामिक टेक्नोसफ्टले नेपालभित्र मात्र नभई अन्तर्राष्ट्रिय बजारतर्फ पनि आफ्नो पाइला बढाउँदै दुबई, मलेसिया र इन्डोनेसिया जस्ता मुलुकहरूमा आफ्नो सेवा विस्तार गर्ने तयारी गरेको छ ।

१५ औँ वार्षिकोत्सवको अवसरमा डाइनामिक टेक्नोसफ्टका सस्थापक एवम् प्रमुख कार्यकारी अधिकृत दीपक साहले भने, “१५ वर्षको यात्रामा हामीले विश्वास, प्रतिबद्धता र निरन्तर सुधारको माध्यमबाट प्रविधि क्षेत्रमा नयाँ आयाम स्थापित गरेका छौं । ग्राहकहरूप्रति हाम्रो उत्तरदायित्वलाई अझ बलियो बनाउन हामी आगामी दिनहरूमा थप नवीनतम सेवा र समाधान लिएर आउने छौं ।

१५ औँ वार्षिकोत्सवको उपलक्ष्यमा कम्पनीले आफ्ना सम्पूर्ण सफ्टवेयर उत्पादहरूमा सीमित अवधिका लागि १५ प्रतिशत छुट अफर प्रदान गरिरहेको छ ।

बज्जिकाञ्चल,१५ गते वैशाख ।
शिक्षा र राजनीतिलाई एउटै बिषयमा उल्लेख गर्नु हुँदैन । शिक्षा र राजनीतिक एक रथका दुई पांग्राका रुपमा मान्न पनि सकिदैन् । दुवैमा आकाश पातालको फरक छ । झट्ट हेर्दा विद्यालय स्तरदेखि उच्च शिक्षासम्म राजनीतिक प्रभाव व्याप्त देखिन्छ । त्यसैले अब शिक्षा र राजनीति एक आपसका परिपुरक हुन् भन्ने भाष्य नै सुधार्नुपर्ने देखिएको छ । शिक्षाले मानिसको अन्तरज्ञान उजागर गर्ने र मानिसलाई प्रशस्त उज्यालो मार्ग निर्देशन गर्छ । जसको परिणामस्वरूप कुनैपनि देश र समाजमा परिवर्तन आउन सक्छ । राजनीतिमा पनि अमूल्य र गतिशील परिवर्तन आउनसक्छ । शिक्षाले व्यक्ति र समाजसँग अन्तरसम्बन्ध हुन्छ भने समाजद्वारा नै राजनीति सञ्चालन हुने गर्छ ।
त्यसैले, असल राजनीति र राजनीतिज्ञको लागि शिक्षाको ठूलो महत्व छ । शिक्षा र राजनीति एउटै सिक्काका दुई पाटा हुन् तर शिक्षाबिनाको राजनीति अर्थहिन हुन्छ किनभने विकसित राजनीतिमा बौद्धिक समाजको आवश्यकता पर्दछ । बौद्धिक समाज शिक्षाबिना कल्पना गर्न सकिदैन ।
राजनीतिक हस्तक्षेपका कारण शैक्षिक गतिविधि निस्वार्थ रुपमा सञ्चालन हुन नपाएको कतिपय विद्यालयहरुको गुनासो छ । शिक्षालाई राजनीतिमा मिसावटा गर्नु नै गलत छ । शिक्षा त ज्ञानको ज्योति हो । शिक्षाले व्यक्ति र समाजलाई अध्याँरोबाट उज्यालोतर्फ लैजाने क्षमता बोकेको हुन्छ ।
राजनीति त्यो हो जुन देश र समाजलाई राज्यको नीतिभित्र रहेर परिवर्तन गराउनु पर्छ । राजनीतिको मूल उद्देश्य भनेको जनता, समाज र देशलाई आर्थिक साथै सामाजिक उन्नति, प्रगतितर्फ लैजानु हो । तर अहिले दलीय राजनीति शिक्षण संस्थाहरुमा बढ्दै गइरहेको छ । राजनीति गर्नेहरुले आफू नेतृत्वमा पुग्न शिक्षण संस्थालाई बढी प्रयोग गरेको पाइन्छ । आजभोलि राजनीति भन्ने वित्तिकै शिक्षण संस्था पनि परिचित हुन थालेको छ । अहिलेको अवस्था हेर्ने हो भने गुणस्तरीय शिक्षा हासिल गर्न निजी विद्यालयनै जानुपर्छ भन्ने भाष्य सिर्जना भएको छ । यो सरासर गलत हो । सरकारी र नीजि छुट्याउने बहानामा सरकारी विद्यालयलाई कमजोर देखाउन थालियो । सरकारी विद्यालय भनेको राजनीति गर्ने ठाउँ भन्ने भाष्य सृजना गर्ने शिक्षित वर्ग नै देखिएको छ ।
पछिल्लो समय शिक्षक शिक्षिकामाथि कालोमोसो दल्ने, कुटपिट गर्नेे जस्ता अपराधिक घटनाहरू भइरहेका छन् । जुन विद्यार्थी राजनीतिको विकृतिको पराकाष्ठ समेत बनेको छ । देशको प्रत्येक क्षेत्रमा राजनीतिको प्रत्यक्ष प्रभाव भएकाले राजनीतिकर्मीलाई एक कुशल, सभ्य जिम्मेवार तथा असल भन्दा पनि असल नागरिक बन्नेतर्फ प्रेरित गर्नेखालको शिक्षा आजको आवश्यकता हो ।
समयको माग अनुसार शिक्षाको विकास र विस्तार गर्न राजनीति केन्द्रित हुनुपर्ने हो । नेपालको सन्दर्भमा राजनीति भनेको हड्ताल, नारावाजी, जुलुस, बन्द र अनसन जस्ता नकारात्मक कुरा मात्र हो भन्ने पाइन्छ । राजनीतिलाई एक फोहोरी खेलका रूपमा हेर्ने गरेको पाइन्छ यो गलतहो। राजनीति भनेको त आफैँमा एक विज्ञान हो । हामीले राजनीतिलाई राम्रोसँग अध्ययन–अनुसन्धान गर्यौ भने यसको महत्व बुझ्नेछौँ । साच्चै भन्ने हो भने राजनीतिमा ऐतिहासिक कालदेखि नै शिक्षाको ठूलो भूमिका रहिआएको छ ।
जबदेखि राणाशासन काल थियो त्यतिबेला नेपालको साक्षरता दर २५ प्रतिशत मात्र थियो । विभिन्न कालखण्डदेखि अहिलेसम्मको शिक्षा क्षेत्रमा भएको विकासका कारणले नेपालको साक्षरता दर ७६.३ प्रतिशत पुगेको छ । बिस्तारै शिक्षा क्षेत्रमा आएको सुधारका कारण देशको राजनीतिको व्यवस्थामा पनि परिवर्तन आइरहेको छ । पञ्चायती व्यवस्थाको अन्त्य, बहुदलीय व्यवस्था, गणतन्त्र व्यवस्थासम्मको अवस्था शिक्षाको विकासका कारण भएको हो । राजनीतिमा भएको परिवर्तनले शिक्षामा पनि परिवर्तन ल्याएको हो । तर हाम्रो देशमा राजनीति गर्ने राजनीतिज्ञ व्यक्तित्वहरू भने शिक्षित कम छन् ।
अब विकास गर्नका लागि राजनीतिक मुल्य मान्यतामा परिवर्तन ल्याउन युवा वर्गले राजनीतिमा प्रवेश गर्नुपर्छ । साथै मानिसहरूलाई राजनीतिको नकरात्मक पक्ष मात्र होइन सकारात्मक पक्ष पनि देखाउनु र बुझाउनुपर्छ । विद्यार्थीले कस्तो गुणस्तरको अपेक्षा गर्ने आजको समस्या हो । शिक्षण संस्थाहरूमा अनुशासित विद्यार्थी, लगनशील शिक्षक र सचेत अभिभावकको खाँचो पर्छ । व्यवहारिक र नियमित आचारसहिंताको व्यवस्था कार्यान्वयन गरिनुपर्छ । राजनीतिकर्मीहरूले आफ्नो अधिकार र कर्तव्यको अज्ञानताका कारणले शिक्षामा राजनीति गरेको हो भने उनीहरुको भूमिका के हुनु पर्ला भन्नेबारे सोच्नु जरुरी छ । जहाँबाट शिक्षामा राजनीतिक हस्तक्षेप गर्ने प्रवृत्तिलाई निरुत्साही गर्न आवश्यक छ । शिक्षामा राजनीति गरेर शैक्षिक वातावरणलाई तहसनहस बनाउने जोसुकैलाई अनुशासनको दायरामा ल्याउने तथा सार्वजनिक वहिस्कारसमेत गर्ने नीति अवलम्बन गर्नुपर्ने देखिन्छ ।
‘समृद्ध नेपाल र सुखीनेपाली’को सपना साकार पार्न दक्ष जनशक्ति उत्पादन गर्न साधनस्रोत सम्पन्न व्यवस्थित शिक्षा हुनुपर्छ । राजनीतिले शिक्षा नीति बनाउने र देशलाई विश्वसामु एक नमुना राष्ट्र बनाउन राजनीतिकर्मीको अहम भूमिका रहन्छ । राजनीतिमा आउने विकृति र विसंगतिलाई न्यूनिकरण गर्नका लागि समेत शिक्षाको अहम् योगदान रहन्छ । शिक्षण संस्थामा आबद्ध शिक्षकदेखि उच्च पदाधिकारीहरुले विद्यार्थीको पठनपाठनलाई केन्द्रमा राखेर नीति, नियम, योजना निर्माण र कार्यान्वयन गरिनु अति आवश्यक छ । सबैको कार्य दक्षताको मूल्याड्ढन गर्दा विद्यार्थीले हासिल गरेको उपलब्धिस्तरलाई प्रतिस्पर्धी श्रम बजारमा खपतको आधारमा प्रतिस्पर्धा गर्नु पर्छ । अब शिक्षाको नाममा आतङ्क फैलाएर शिक्षामा ह्रास आउने गतिविधिको अन्त्य जरुरी छ । परम्परागत प्रवृत्तिबाट माथि उठेर समस्याको निकास खोज्न जरूरी देखिन्छ । संविधान, मुलुकको क्षमता र बालबालिकालाई केन्द्रविन्दुमा राखेर शैक्षिक गतिविधिलाई संयमित र मर्यादित बनाउनु अहिलेको आवश्यकता हो ।

 

चन्दन यादव, रौतहट १३ गते वैशाख ।

रौतहटमा भन्सार छली गरी ल्याउँदै गरेको समानहरुलाइ प्रहरीले नियन्त्रणमा लिइएको हो । जिल्ला प्रहरी कार्यालयले प्रेस नोट प्रकाशित गर्दै जानकारी गराएका हुन् । २०८२ वैशाख बुधबारका दिन १० गते जिल्ला प्रहरी कार्यालय तथा मातहत समेतबाट खटिएको प्रहरी चेकिङ्ग टोलीले नियन्त्रणमा लिइएको जनाएका हुन् ।

विभिन्न स्थान स्थितमा विभिन्न सवारी साधनहरुलाई रोकी चेकजाँच गर्ने क्रममा अबैध रुपमा भारतबाट भन्सार छली चोरी पैठारी गरि नेपाल तर्फ भित्रियाई लैजाँदै गरेका अवस्थामा उक्त समानहरु फेला परेको प्रहरीले जानकारी गराएका हुन् ।

फेला परेको समानहरु अन्दाजी मुल्य रु. ३ लाख १९ हजार ४ सय ५० रुपैया बराबरको मोटरसाइकल ३ थान, साईकल ४ थान विभिन्न किसिमका किराना, कपडा र कस्मेटिक लगायतका सामानहरु नियन्त्रणमा लिई आवश्यक कारवाहीको लागि गौर भन्सार कार्यालयमा बुझाईएको प्रहरी जानकारी गराएका हुन् ।

नियन्त्रणमा रहेको मोटरसाइकलहरु मध्ये दुइ वटा नेपाली नम्बर पेलेट रहेको छ भने एक वटा भारतीय नम्बर पेलेट रहेको जिल्ला प्रहरी कार्यालयले निकालेको प्रेस नोटको तस्बीरमा उल्लेख रहेको छ । त्यस मध्ये एक वटा पल्टीना, एक वटा सुपर स्पलेन्डर तथा एक वटा पइसन प्रो मोटरसाइकल रहेको निमित्त सुचना अधिकारी तथा प्रहरी निरीषक उमाशंकर प्रसादले जानकारी गराएका हुनु ।

राैतहट, १२ बैशाख।
महालेखा परीक्षकको कार्यालय काठमाडौंका उपप्रमुख तथा सचिव पदमराज पौडेलले रौतहटको स्थानियतहको बेरुजु ११ अरब नाघेको बताएका छन्।
रौतहटको मध्यभाग गरुडा स्थित पत्रकारहरुको साझा एव लोकप्रिय सस्था तराई बिकास तथा संचार केन्द्र नेपालले आयोजना गरेको एक कार्यक्रमका प्रमुख अतिथिको रूपमा सहभागि भएका महालेखा परीक्षक सचिव पौडेलले जिल्लाको १८ स्थानियतहको बेरुजु ११ अरब ४३ करोड पुगेको बताएका छन्।

स्थानिय निकायमा आउने बिभिन्न शीर्षकको अनुदान बजेटबाट विकास निर्माण, शान्ति सुरक्षा, शिक्षा, स्वास्थ लगायतको व्यवस्थापन गर्नु पर्ने हुन्छ , तर पालिका प्रमुखहरू मनपरी शीर्षक राखेर रकम खर्चिने चलनको कारण दिनानुदिन बेरुजु बढ्दै गएको उनले गुनासो गरेका थिए।
मधेश प्रदेशको कैयौँ पालिकामा प्रमुख प्रशासकीय अधिकृत लाई कामै गर्न नदिने , एउटै व्यक्तिलाई पटक पटक अनुदान , र विधीको कानुन कार्यान्वयन नगर्ने परमपरा बढ्दै गएको उनको भनाई रहेको छ।
मधेश प्रदेश शिक्षा क्षेत्रमा पछाडि रहेपनि कैयौं क्षेत्रमा अगाडी रहेको बताउँदै सचिव पौडेलले स्थानिय निकायमा अनावश्यक खर्च बढिरहेको प्रती सहभागी जनप्रतिनिधिको ध्यानाकर्षण गराएका थिए।
कार्यक्रममा बिशिष्ट अतिथि अख्तियार दूरुपयोग अनुसन्धान कार्यालय हेटौंडाका प्रमुख उमाकान्त आचार्यले अख्तियारमा उजुरी पर्दैमा आत्तिनु नपर्ने बताएका छन्।

उनले कुनै पनि विकास निर्माण लगाएत कामबारे अख्तियारमा उजुरी पर्दैमा कोही दोषी नहुने बताएका हुन् ।
उजुरी परेपछि अनुसन्धानका लागि उजुरी संग सम्बन्धित व्यक्तिलाई बोलाएर ब्यान लिने र सबैको ब्यान सकेपछि तथ्यगत प्रमाणको आधारमा मात्र विशेष अदालतमा मुद्दा दायर गर्ने गरिएको आचार्यले बताएका छन्। गरुडा स्थित सुशासन तथा सार्वजनिक सेवा प्रवाहमा स्थानिय तहको भूमिका विषयक आयोजित एकदिने कार्यक्रममा प्रमुख आचार्यले आफूहरुका लागि उजुरी सूचनाको रूपमा मात्र रहनेगरेकोले यसलाई मुद्दाको रूपमा नलिन आग्रह गरेका छन्।

अख्तियारले अनुसन्धानको क्रममा उजुरी संग सम्बन्धित कागजातहरू माग्दा धेरै स्थानीय तह र अन्य सरकारी कार्यालयहरुले ढिलासुस्ती गर्नेगरेको बताउँदै उनले अख्तियारले कागजात माग्ने बित्तिकै तुरुन्त उपलब्ध गराउने तिर ध्यान दिनुपर्ने बताएका थिए।
अख्तियारले नियतबस जानी जानी दुःख दियो भनी धेरैले भन्ने गरेको भन्दै उनले अख्तियारले नियतबस बिना गल्तीको कसैलाई दुःख दिने काम नगरेको समेत उनले प्रष्ट्याएका थिए।
अनुसन्धान पछि अख्तियारले एकलैले चाहेमा मुद्दा नचल्ने बताउँदै उनले कुनै विषयमा मुद्दा दायर गर्नुभन्दा अघि सरकारी वकिल लगाएत अन्य सरोकारवालाहरु संग राय सल्लाह लिने गरिएको र मुद्दा चलाउन उनीहरु सहमत भएपछि मात्र अख्तियारले विशेष अदालतमा मुद्दा दायर गर्ने गरेको उनले सुनाएका थिए।
जनप्रतिनिधी र कर्मचारीहरु आ-आफ्नो कार्य प्रति पूर्ण वफादार, उत्तरदायी एवं जिम्मेवार भई इमान्दारीका साथ पारदर्शी ढंगले काम गर्यो भने भ्रष्टाचार आफैं समाप्त भएर जाने तथा सुशासन कायम हुने उनले बताएका थिए।रौतहटका सिडियो विनोद कुमार खड्काले जिल्लामा सुशासन प्रर्वद्धनको लागि सरोकारवालाहरुसँग समय समयमा छलफल तथा सर्वपक्षीय वैठक सञ्‍चालन हुँदै आइरहेको बताएका थिए। उनले भ्रष्‍टाचार नियन्त्रणको कार्यमा आफूहरुले आयोगलाई सहयोग गर्ने प्रतिवद्धता व्यक्त गरेका छन् ।
जनताको भावनाको सम्मान नभएको कारण अख्तियारमा उजुरी पर्नु स्वभाविक रहेकाले जनताको चाहना र आकांक्षा अनुसारको काम गर्न सिडियो खड्काले जनप्रतिनिधिहरुलाई सुझाव दिएका थिए।
गरुडा नगरपालिका कार्यालयकाे सहकार्य, जिल्ला प्रशासन कार्यालय रौतहटको संयोजन र तराई विकास तथा सञ्चार नेपाल काठमाण्डौको आयोजनामा सम्पन्न भएको कार्यक्रममा अख्तियार दुरुपयोग अनुसन्धान आयोगको ऐतिहासिक पृष्‍ठभूमी, संवैधानिक, कानुनी तथा संरचनागत व्यवस्था, संस्थागत रणनीति, भ्रष्‍टाचारजन्य कसुरहरुको बारेमा जानकारी, आयोगको छानवीन तथा अनुसन्धान प्रकृयाहरु, अख्तियार दुरुपयोग अनुसन्धान आयोगको गतिविधिहरु, नेपालमा भ्रष्‍टाचारको वर्तमान अवस्था, अनुसन्धान तथा छानवीनका क्रममा आइपर्ने समस्याहरु तथा चुनौतीहरु जस्ता विषयवस्तुहरु प्रस्तुत गरिएको थियो ।
कार्यक्रममा महालेखाका सचिव पदमराज पौडेल र विशिष्ट अतिथि अख्तियार हेटौडाका प्रमुख उमाकान्त आचार्य, सार्वजनिक खरिद कार्यालयका धर्मेन्द्र कुमार झा, सिडियो खड्का , गरुडाका मेयर कन्थमणि जैसवाल, गौरका मेयर शम्भु साह, बौधिमाईका मेयर प्रदीप यादव लगायतले सम्बोधन गरेका थिए। उक्त अवसरमा देवाही गोनाहिका मेयर प्रेमलाल साह, राजदेवीका मेयर भिखारी यादव,नेपाली सेनाका कर्णेल किशोर अधिकारी, नेपाल प्रहरीका एसपी दिलीप घिमिरे, सशस्त्रका एसपि सन्तोष कुमार बस्नेत, अनुसन्धानका एसपी अभिनय कुमार सिंह, लगायत जिल्लाका अधिकांश पालिका प्रमुख, उपप्रमुख, प्रशासकिय अधिकृत, संगै कार्यालय प्रमुखहरूको झन्डै दुई सय जनाको सहभागिता रहेको थियो।

आरके श्रीवास्तव,गरुडा,१२ गते वैशाख ।
रौतहटको वृन्दावन नगरपालिकामा खानेपानी आयोजना बनिरहेको छ । सो नगरपालिकाको वडा नम्बर ८ र ९ को बिचमा ४ करोड ७८ लाख ७ सय ७७ रुपैयाँको लागतमा खानेपानी ट्यांकी निर्माण हुन लागेको नगर प्रमुख बिनोद प्रसाद कुर्मीले बताएका छन् ।
शुद्ध खानेपानीको अभावलाई पुर्ती गर्ने अपेक्षा सहित खानीपानी निर्माण प्रक्रिया अघि बढाइएको उनले बताएका छन् । गाउँमा पर्याप्त र सुरक्षित खानेपानी पु¥याउनका लागि ५ लाख लिटर क्षमता भएको ओभरहेड पानी ट्यांकी निर्माण भइरहेको मेयर कुर्मीको भनाइ छ ।

संघीय विशेष अनुदानको बजेट बाट खानेपानी आयोजना निर्माण गर्न लागिएको वृन्दावन नगरपालिकाका प्रमुख प्रशासकिय अधिकृत खिमबहादुर भुजेलले बताएका छन् । ‘खानेपानी निर्माणका लागि प्रक्रिया अघि बढिसकेको छ,’ हाकिम भुजेलले भने, ‘ गत वर्ष हामीले इ—विडिङ्ग मार्फत ठेक्का लगाएका थियौं । सर्लाही तिरुपती बालाजी भन्ने निर्माण कम्पनीले खानेपानी आयोजना निर्माण गरिरहेको छ ।
उनले भने—गत वर्ष ७१ लख रुपैयाँ बजेट आएको थियो भने यस चालु आर्थिक वर्ष ९० लाख रुपैयाँ आएको त्यसैबाट खानेपानी निर्माणको काम भइरहेको छ । २ वर्षमा निर्माण कार्य सम्पन्न गर्ने लक्षय रहेकोले आगामी बर्षको बजेट काम सकिने उनले बताए ।
निर्माण कार्यको क्रममा अहिले दोस्रो चरणको फाउन्डेसन ढलान कार्य र पिलर उठाउने काम भइरहेको उनले बताएका छन् ।
वृन्दावनमा यो आयोजना सञ्चालनमा आएपछि करिब ७ हजार मानिसहरु लाभान्वित हुने कार्यपालिका सदस्य राजेश पासवानको भनाइ छ । यसबाट बहुअरी,आकडपाथड,बरगजवा र भुसहा टोलका नागरिकहरु स्वच्छ पानी पिउने छन् ।
अहिले हाते कलको पानी भरमा सो वडाका आम नागरिक बाचिरहेका छन् ।
आयोजनाले ‘एक घर, एक धारा’ अवधारणा अनुसार पानी वितरण गर्ने मेयर कुर्मीकोभ भनाइ छ । आयोजना शुरु भएको २ वर्षभित्र सम्पन्न हुने उनले जानकारी दिएका हुन् । यो आयोजनाले वृन्दावन नगरपालिकाको समग्र विकासमा नयाँ आयाम थप्ने अपेक्षा गरिएको छ ।

आरके श्रीवास्तव,राैतहट,१२ गते वैशाख । 

लोकतान्त्रिक पत्रकार संघको सर्लाही जिल्ला संयोजकमा राजीव कुमार साह कानु लाई मनोनयन गरिएको छ । संघको केन्द्रीय कार्य समितिले विधानअनुसार पत्रकार साहलाई सर्लाही संयोजकमा मनोनयन गरेको हो ।

‘मेरो सान’ टिभीमा हर्ताकर्ताको रुपमा कार्यरत साह विभिन्न मिडियामा पनि आबद्ध छन् । लामो समयदेखि पत्रकारिता पेसामा रहेका साह एफएम रेडियो, अनलाइन तथा छापा पत्रकारिता गरी पत्रकारिताका सबै क्षेत्रमा क्रियाशील छन् ।

सर्लाहीमा उनकाे आफ्नो छुट्टै नाम पहिचान बनाइसकेका छन् ।

चन्द्रनगर गाउँपालिका–१, लघुवा निवासी साह हाल मलंगवा निवासी साहकाे नेतृत्वमा लोकतान्त्रिक पत्रकार संघ सर्लाहीले अलग्गै पहिचान बनाउने विश्वास गरिएको छ ।

संघका केन्द्रीय अध्यक्ष कामरेन्द्र वर्माले शुक्रबार साहलाई जिल्ला संयोजकमा मनोनयन गरिएको जानकारी गराएका छन् । देश, मधेश, पत्रकार र पार्टीको हितमा साहको कार्यकाल उल्लेखनीय रहने विश्वास पनि संघले लिएको अध्यक्ष वर्माद्वारा हस्ताक्षरित मनोनयन पत्रमा उल्लेख गरिएको छ ।

आरके श्रीवास्तव,गरुडा,११ गते वैशाख ।
रौतहटको दुइ वटा नापी कार्यालयमा ‘मेरो कित्ता’ प्रणाली अझैं लागू हुन सकेको छैन् । जिल्लाको चार ठाउँ गौर,गरुडा,मौलापुर र चन्द्रपुरमा नापी कार्यालयको सेवा केन्द्र रहेको छ । जसमध्ये दुइ ठाउँ चन्द्रपुर र मौलापुरमा मात्रै ‘मेरो कित्ता’ लागू छ ।
सरकारले घरमै बसेर नापी कार्यालयहरुको काम मेरो कित्ताबाट गर्न सकिने व्यवस्था शुरु गरेको थियो । घरमा नै बसेर आफ्नो जग्गाको नक्सा हेर्न, फिल्डबुक र प्लट रजिष्टर प्रिन्ट गर्न सकिने मेरो कित्ताको शुभारम्भ गरिएको थियो । डिजिटल नेपालको अवधारणालाई मुर्तरुप दिन नेपाल ल्याण्ड इन्फरमेसन सिस्टम (नेलिस) र मेरो कित्ता नामको अनलाइन प्रणालीको लागू गरिएको थियो ।

नेलिस नापनक्सा कार्यबाट संकलित विवरण (डेटा) को प्रयोगबाट जग्गा दर्ता तथा नक्सा अद्यावधिक गर्ने प्रणाली हो भने मेरो कित्ता अनलाइनमार्फत घरमै बसेर नक्सा, फिल्डबुक र प्लटरजिष्टर प्रिन्ट गर्ने सक्ने प्रणाली हो ।
यस विषयमा नापी कार्यालय गरुडाका प्रमुख इ.यशवन्त सिंहले भन—‘यो प्रणाली लागू गर्ने सरकारको हातमा हुन्छ । सरकारको निती अनुसार नेलिस प्रणाली लागू भएपछि मात्रै मेरो कित्ता सुचारु हुने हो । ’ उनले भने—यस वर्ष यो प्रणाली लागू गराउन पहल गर्दैछौं । सम्भवतः यसवर्ष देखि गरुडामा लागू हुनेछ ।
उता नापी कार्यालय गौरका प्रमुख मोहन महासेठले भूमी व्यवस्था तथा सहकारी मन्त्रालयले हरेक वर्ष नेलीस सिस्टम लागू गर्न बजेट छुट्टयाउने गरेको बताए । मन्त्रालयले नै कुन नापी कार्यालयमा यो प्रणली लागू गर्ने निर्धारण गर्ने गर्दछ । यो हाम्रो हातमा हुँदैन् । यसका लागि हामी पहल गर्दैछौं ।

नापी विभागको वेबसाइट वा गुगलमा मेरो कित्तामा गएर लगइन गरी नक्सा निकाल्न सक्ने छिटो, छरितो प्रविधि हो । यो लागू भयो भने सेवाहग्राही धेरै लाभान्वीत हुने छन् ।
तर दुर्भाग्यवश गरुडा र गौर क्षेत्रका जनप्रतिनीधी र नेताहरुको ध्यान नै छैन् । नापी कार्यालय स्थापनाको वर्षौ बितिसक्दा पनि यो प्रणाली लागू गराउन कसैले पहल नै नगरेको देखिदैन् । बजेट चलाउनमा मस्त जनप्रतिनीधीको ध्यान कहिले जाला ? यसलाइ चाँडो भन्दा चाँडो लागु गर्न स्थानियहरुले माग गरेका छन् ।

चन्दन यादव,रौतहट, ११ गते वैशाख ।

रौतहट । लोकतान्त्रिक समाजवादी पार्टी नेपालको मधेस प्रदेशको कार्यालय जनकपुरधाममा आगामी बैशाख १४ गते उद्धघाटन हुने भएको छ । लोसपा नेपाल मधेशका अध्यक्ष जितेन्द्र सोनलले एक निमन्त्रणा पत्र जारी गर्दै सो जानकारी गराएका हुन् ।

आइतवार हुने उद्धघाटन कार्यक्रममा पार्टीका सम्पुर्ण नेता तथा कार्यकर्ताम हार्दिक अनुरोध गरिएको छ । उक्त उद्धघाटन कार्यक्रममा लोसपा नेपालका केन्द्रिय अध्यक्ष महन्थ ठाकुरको प्रमुख अतिथ्यता रहने जनाइएको हो ।

साथै पार्टीका वरिष्ठ नेता श्रम, रोजगार तथा समाजिक सुरक्षा मन्त्री शरत सिंह भण्डारीको पनि विशेष उपस्थिति रहने अध्यक्ष सोनल द्धारा हस्ताक्षरित निमन्त्रणा पत्रमा उल्लेख रहेको छ ।

मधेस प्रदेश अन्तर्गतका सम्पूर्ण केन्द्रिय पदाधिकारीगण, मधेश प्रदेश समितिका पदाधिकारी एवं सदस्यगण, सम्पूर्ण जिल्ला अध्यक्षगण लगायत सम्पूर्ण नेता तथा कार्यकर्ताको गरिमामय उपस्थितिको लागि लासेपा नेपाल मधेश प्रदेश अध्यक्ष सोनलले हार्दिक अनुरोध गरेका हुन् ।

२०८२ वैशाख १४ गते आइतबारको दिन सो कार्यक्रम हुने समेत निमन्त्रणा पत्रमा उल्लेख रहेको छ । कार्यक्रम हुने स्थान जनकपुरधाम ८, रामानन्द चौक जानकी आँखा अस्पताल देखी दक्षिण रहेको छ भने समय बिहान ११ः३० बजे निर्धारण गरिएको अध्यक्ष सोनलले जानकारी गराएका हुन् ।

आरके श्रीवास्तव,गरूडा,१० गते वैशाख ।
रौतहटको मौलापुर नगरपालिका अन्तर्गत रहेको मालपोत कार्यालय मौलापुरको हाकिमकाे कारण सेवाग्राही मर्कामा परेका छन् । लामो समय देखी कार्यालय प्रमुख बिहीन रहेको मालपोत कार्यालय मौलापुरमा नयाँ कार्यालय प्रमुखको रुपमा कौशल किशोर झा सोमबार हाजिर भएपनि कार्यालयको कामकाज ठप्प रहेको सेवाग्राहीहरुले गुणासाे गरेका छन् ।

नयाँ कार्यालय प्रमुख झा हाजिर भएको ३ दिन बितीसक्दा पनि अख्तियारी नपाएर प्रमुख झाले कार्यालयको कामकाज नगरी सेवाग्राहीहरुलाई थप पीड़ा दिईरहेको नाम नबताउने शर्तमा एक जना सेवाग्राहीले गुणासाे गरेका छन् ।
चैत महिनाको सुरुमा नै फाइल पेश गरेको तर कार्यालयमा हाकिम नरहेको विभिन्न बहानामा कामकाज रोकी बैशाख सम्म कार्यालय धाउन बाध्य बनाएको अर्का सेवाग्राहीले दुःखेसो पोखेका छन् ।
हाल नया कार्यालय प्रमुखको रुपमा कौशल किशोर झा हाजिर भएपनि अख्तियारी नपाएको तथा त्यस्तै विभिन्न बहानामा कामकाज नै नगरी कार्यालयमा बसेर गफ हान्नमा व्यस्त देखिएका छन् ।
स्रोतका अनुसार प्रमुख झाले कार्यालयको बारेमा विभिन्न विवादित कुराहरुको उठान गर्दा तथा विवादित बिषयवस्तुमा विशेष गरेर ध्यान पुर्याएको कारण अख्तियारी पाउन कठिनाई भइरहेको बुझिएको छ ।
मालपोत कार्यालय मौलापुर सञ्चालन भएदेखि नै कार्यालय प्रमुखको रुपमा निरन्तर कामकाज गर्दै आएको बबुनन्दन साहको कार्यकालमा यस्ता समस्याहरु देख्न नपाएका स्थानीय सेवाग्राहीहरूको भनाई रहेको छ ।
हाल कार्यालय प्रमुख उपस्थित भए पनि सेवाग्राहीहरूको कामकाज नहुँदा दिनहु कार्यालयमा आएर बेलुकासम्म प्रतिक्षा गरि निराश भएर घर फर्किनु पर्ने बाध्यता रहेको सेवाग्राहीहरूको भनाई रहेको छ।
यस बिषयमा प्रमुख झासंग कुरा गर्दा विभाग सम्बन्धी कुरा भएकोले विभागीय मन्त्रालयले अहिले सम्म अख्तियारी नदिएको बताए । सम्बन्धित मन्त्रालयका सचिव सरुवा भएकाले अख्तियारी पाउन थप एक हप्तासम्म लाग्न सक्ने उनले बताए । यता कार्यालयमा कामकाजको लागि दिनहु धाउन बाध्य भएका सेवाग्राहीले कार्यालय प्रमुख अख्तियारी नपाउदा सम्म थप मार खेप्नु पर्ने निश्चित छ ।

आरके श्रीवास्तव,राैतहट,०९गते वैशाख  ।

राैतहट प्रिमियर लिग (आरपिएल) मा साेमबार गुजरा राइडर्सले जित निकालेसँगै फाइनलमा प्रवेश गरेको छ । गाैर वारियर्स विरूद्व उसले आफनाे जित निकालेको हाे ।

टस जितेर पहिले ब्याटिङ गरेको गाैर वारियर्सले निर्धारित २० ओभर पनि खेल्न पाएन । उसले १९ ओभर ३ बलमा सम्पूर्ण विकेट गुमाई १ सय १८ रनकाे याेगफल तयार पार्न सफल भएको थियोे ।

जवाफी ब्याटिङमा उत्रेको गुजरा राइडर्सले १९ ओभर २ बलमा ८ विकेटकाे क्षतिमा विजयी लक्ष्य प्राप्त गरेको थियो ।

खेलमा राइडर्सका खेलाडी ईस्तेयाक आलम मैन अफ दि मैच घाेषित भएका थिए । आज दिउँसो १ बजे राैतहट प्रिमियर लिगकाे फाइनल तराई टाइगर गरुडा र गुजरा राइडर्सको बिचमा हुने राैतहट जिल्ला क्रिकेट संघले जनाएको छ ।

आज हुने फाईनल खेलमा पनि गुजरा राइडर्सले राम्रो प्रदर्शन गर्ने अपेक्षा रहेको टिमका माली साबिर हुसेनले बताएका छन् ।

फाईनल खेदमा ५ वटै टिमका मालिक, सम्पुर्ण खेलप्रेमी, राजनीतिक दल,संचारकर्मी,  नागरिक समाज लगायत समस्त जिल्लावासीहरुलाई उपस्थितिको लागि हार्दिक निमन्त्रणा समेत गरिएको छ ।

 

जारी आरपिएल खेलमा जिल्लाका पाँच वटा टिम सहभागी थिए । जसमा गौर वारियर्सल ,तराई टाईगर ,गुजरा राइडर्स,कटहरिया बोल्टस र राजदेवी सुपर किंग्स रहेका छन् ।

बज्जिकाञ्चल संवाददाता,राैतहट,०८ गते वैशाख । 

नेकपा एमालेको मधेस प्रदेशकी सांसद जैनव खातुनले रौतहटको फतुवा विजयपुर नगरपालिका वडा नम्बर ५ सन्तपुर दोस्तियामा मोक्तमको शिलान्यास गरेकी छन् । आज सोमबार एक कार्यक्रम समारोहका बीच शिलान्यास गरेकी हुन्।

मुस्लिम सामुदायिककाे धर्म अनुसार मोक्तम विश्राम गर्ने स्थल हाे । प्रदेश सांसद जैनव खातुनको विशेष पहल र मधेश प्रदेश सरकारका युवा खेलकूद समाज कल्याण मन्त्रालयले करिब ४० लाखकाे लागतमा दुई तल्ले भवन बन्ने भएको छ ।

उक्त कार्य उपभोक्ता समिति मार्फत काम हुनेछ । जसको अध्यक्षमा तबरेज खा ,कोषाध्यक्षमा लालमुन खातुन,सचिवमा  शेख सदाम रहेको प्रदेश सांसद खातुनले बताईन् ।

उक्त शिलान्यास कार्यक्रममा नेकपा एमालेका प्रदेश सदस्य सहबान खा, पूर्व गा.वि.स. अध्यक्ष बुधाई खा,नेता शेख मोबिन, सुरेन्द्र यादव , शिउपुजन यादव ,शेख नथुनी, शेख मज्रुल,राजा बाबु खा,शेख अफताब लगायतकाे सहभागीता रहेको थियोे ।

आरके श्रीवास्तव,गरुडा, ०८ गते वैशाख । 
रौतहटको राजपुर नगरपालिकाले विकास निर्माणका साथै आवश्यकता अनुसार जमिन खरिदमा पनि निकै ध्यान दिएको छ । राजपुरले जमिनको अभाव पूरा गर्न र सार्वजनिक सेवा प्रवाहका लागि भविष्यमा पनि जमिनको अभाव हुन नदिने नीति लिएको छ ।
नगरपालिकाको प्रशासकीय भवन र कृषि भवन निर्माणको लागि ४२ लाख रुपैयाको लागतमा ९ कट्ठा जमिन खरिद गरेको छ । नगरपालिकाको आफ्नै संरचना निर्माणको लागि जमिन किन्न गरिएको यो निकै महत्त्वपूर्ण निर्णय भएको स्थानीयहरुको भनाइ छ ।
नगरपालिकाले विद्यालय, स्वास्थ्य चौकी तथा खानेपानी जस्ता आधारभूत सेवा र सुविधाको लागि आवश्यक जमिन खरिद गरेको निमित्त प्रमुख प्रशासकीय अधिकृत बैजु ठाकुरले बताएका छन् । धेरैलाई पायक पर्ने तथा सडक पुगेको ठाउँमा जमिन खरिद गर्नुपर्ने भएको हुँदा नगरपालिकाले सबै विचार गरेर पर्याप्त मात्रामा जमिन किनेको ठाकुरको भनाइ छ ।
नगरपालिकाको नेतृत्वमा डा.मो. राजिक आलाम निर्वाचित भएपछि सार्वजनिक सेवा प्रवाहका लागि जमिन खरिद गर्ने अभियान नै संचालन भएको स्थानीयको भनाइ छ । नगर प्रमुख डा. आलमले शेख इद्रिश आधारभूत विद्यालयको लागि २२ लाखमा १० कट्ठा, मावि बैरिया भवन निर्माणको लागि ४८ लाखमा ९ कट्ठा, आफताब आधारभूत विद्यालयका लागि २२ लाखमा ३ कट्ठा जमिन खरिद गरिएको छ । धेरै हदसम्म विद्यालयहरुका लागि जमिनको तत्कालीन आवश्यकता पूरा गरिएको र अन्य केही विद्यालयको हकमा पनि विचार भइरहेको नगर प्रमुख डा. आलमको भनाइ छ ।
नगर प्रमुख डा.आलम भन्छन् – नगरपालिकामा स्वास्थ्य सेवाको लागि विभिन्न ठाउँमा आवश्यक मात्रामा जमिन खरिद गरिएको छ । राजपुर ५ मा स्वास्थ्य चौकी भवनका लागि १४ लाखमा ३ कट्ठा, वडा नम्बर ४ मा वडा कार्यालय र स्वास्थ्य चौकी भवन निर्माणका लागि ३२ लाखमा १ कट्ठा १० धुर, १५ शैय्याको नगर अस्पताल भवन निर्माणको लागि अपुग ४ कट्ठा जमिन ५८ लाखमा खरिद गरिएको छ । बलुवा स्वास्थ्य चौकी भवनको लागि १ कट्ठा जमिन निशुल्क उपलब्ध भएको छ । स्वास्थ्यको क्षेत्रमा सबै संरचना निर्माण भइसकेपछि निकै सहज हुने नगर प्रमुख डा. आलमको भनाइ छ ।
नगरपालिकाले वडा नम्बर ३ मा खानेपानीको लागि पनि १२ लाखमा ४ कट्ठा जमिन खरिद गरिसकेको छ ।
हालसम्म राजपुर नगरपालिकाले २ करोड ५० लाख रुपैयाको लागतमा प्रशासकीय भवन, कृषि भवन, विभिन्न विद्यालय, स्वास्थ्य चौकी र खानेपानी आदि संरचना निर्माणको लागि २ बिगाहा ३ कट्ठा १० धुर जमिन खरिद गरिसकेको निमित्त प्रमुख प्रशासकीय अधिकृत ठाकुरको भनाइ छ ।
राजपुर नगरपालिका सार्वजनिक सेवा प्रवाहको लागि सबै किसिमको अवरोध र बाधा व्यवधानलाई छिचोल्दै अगाडि बढिरहेको छ । युवा नेतृत्व भएको कारण सेवा प्रवाहमा सर्वसाधारणलाई निकै सजिलो भएको छ भने जग्गा जमिनको अभाव भएका संस्थालाई पनि सहज हुने गरी काम भइरहेको छ ।

मुकेश कुमार साह,चपुर,०७ गते वैशाख । 
नेपाली कांग्रेस जिल्ला कार्य समिति रौतहटले विद्यार्थी विभागको नेतृत्व श्यामहरी चौलागाईंलाई सुम्पिएको छ। पार्टी सभापती तथा मधेस प्रदेश सरकारका अर्थमन्त्री सुनिल कुमार यादवले औपचारिक पत्र जारी गर्दै चौलागाईंलाई विभाग प्रमुखमा मनोनयन गरेका हुन् ।
चौलागाईंलाई कांग्रेसको विधान २०७६ को दफा ४८ (७) अनुसार जिल्ला कार्यसमितिको विद्यार्थी विभाग संयोजक पदमा मनोनयन गरिएको बताईएको छ ।
सभापती यादवले आइतवार पत्र दिदै चौलागाईंको संगठनप्रतिको योगदान, विद्यार्थी आन्दोलनमा सक्रियता र नेतृत्वदायी क्षमताको प्रशंसा गर्दै भनेका छन्, “पार्टीले तपाईंको ऊर्जाशील र जुझारु भूमिकालाई मूल्याङ्कन गर्दै विद्यार्थी विभागको प्रमुख जिम्मेवारी सुम्पिएको छ। यो विभाग तपाईंको नेतृत्वमा सशक्त र परिणाममुखी बन्नेमा पूर्ण विश्वास छ। नेपाली कांग्रेसको विधान एवं नियमावलीको परिधिभित्र रही जिम्मेवारी पालन गर्नुहुनेछ भन्ने विश्वास लिएको छु।”
मनोनयनप्रति प्रतिक्रिया दिंदै चौलागाईंले उक्त जिम्मेवारीलाई अवसर होइन, चुनौती र कर्तव्यको रूपमा लिएको बताए। “पार्टीको विश्वासलाई म कर्म र नतिजाबाट प्रमाणित गर्नेछु,” उनले भने, “विद्यार्थीको हक–हितका सवालमा म संगठित रूपमा अगाडि बढ्नेछु।”
उनको मनोनयनप्रति जिल्लाभरका युवा विद्यार्थी तथा शुभेच्छुकहरूले बधाई ज्ञापन गर्दै सफल कार्यकालको शुभकामना व्यक्त गरेका छन् ।

आरके श्रीवास्तव,गरुडा,०७ गते वैशाख ।
रौतहटको कटहरिया नगरपालिकामा रहेको बाबा बैजुनाथ सुगर एण्ड केमिकल इण्डष्ट्रीजले नयाँ कृषि यन्त्र ल्याएको छ । किसानको सहजताको लागि नयाँ कृषि यन्त्रको रुपमा ‘पावर विडर’ भित्र्याएको हो । उँखु खनजोत गर्न सहजहोस् भन्ने उदेश्यले तत्काल परिक्षणको रुपमा सो कृषि यन्त्र ल्याएको उँखु महाप्रबन्धक सियाराम साहले जानकारी गराएका हुन् ।

उनले भने—यो खासगरी उँखु किसानले लगाएको मुरहन र खुट्टी गोडमेल गर्न सहज हुने आधुनिक कृषि यन्त्र हो । जसले काम पनि चाँडो हुने तथा श्रम पनि कम खर्च हुने भएकाले किसानहरूको लागि यो अति उपयोगी हो । हातले जोत्ने भएकोले यसबाट उँखु जोत्न छिटो तथा सजिलो हुन्छ ।

यसबाट ३ देखि ४ फिट सम्मको दूरीमा काम गर्न सकिन्छ । उँखु जोत्न अन्य ठूला यन्त्र प्रयोग पनि गर्न सकीदैन् । यसमा कामदारकै आवश्यकता हुन्छ । तर यसको प्रयोगले हात बाट जोतेर घासपात निकाल्नुको साथै उँखुमा माटो चढाउन पनि सहज हुने उनी बताउँछन् ।
साह भन्छन्—अहिले यो परिक्षणको रुपमा ल्याएका छौं । यदी किसानले माग गरेमा मिलले सहुलियत दरमा उपलब्ध गराउने बताए । किसानको आधुनिक कृषि यन्त्रप्रति दिन प्रतिदिन आकर्षण बढ्दै गएको मध्य नजर गर्दै ‘पावर विडर’ नामक यो कृषि यन्त्र ल्याएको मिल सञ्चालक बैजु बाबराले बताएका छन् ।
गाउँघरमा खेतमा काम गर्ने कामदारहरुको सङ्ख्या कमी हुन थालेको छ । यस अवस्थामा यो किसानको लागि धेरै फाइदाजनक हुने देखिन्छ । चिनी मिलले परिक्षणकाे लागि मिलकै नजिकमा लगाएकाे उखु बालिमा जाेतेर जाँच गर्न लगाएको थियो ।
किसानलाई आधुनिक खेतीतर्फ आकर्षित गर्न बाबा बैजुनाथ सुगर एण्ड केमिकल इण्डष्ट्रीजले बेलाबेलामा यस्ता खालका विभिन्न आधुनिक कृषि उपकरणहरू उपलब्ध गराउँदै आएको छ । यस्ता औजारको प्रयोगले समय र श्रम दुवै कम हुने भएकाले किसानहरु आकर्षित हुने अपेक्षा राखिएको छ ।

बज्जिकाञ्चल संवाददाता, रौतहट ०७ गते बैशाख ।

रौतहटमा बेमौषमी वर्षाका कारण पोल्नको लागि तयार पारिएको काँचो ईंट्टा गलेर पाँच करोड भन्दा बढीको क्षति भएको छ ।

वर्षभरी बेच्नका लागि तयार भइरहेको र्इंट्टा वैशाख १ को हावाहुरी र असिना पानीले नष्ट गरेपछि र्इंट्टा व्यवसायीहरु आर्थिक समस्यामा परेका हुन् ।

हावाहुरी र असिना सहितको पानीले गर्दा आफनो ईंट्टा भट्टामा मात्रै पोल्नका लागि तयार पारिएको ईंट्टा भिजेर नष्ट भएको बृन्दावन नगरपालिका ३ स्थित कृष्णा ईंट्टा उद्योगका सञ्चालक प्रेम शंकर यादवले बताए । उनले मजदुरहरुले बनाएर राखेको ईंट्टाहरु बेमौसमी परेको पानीले भिजेर पूर्ण रुपमा नष्ट भएको बताए । अहिले ईंट्टा नष्ट भएसँगै कोइला पनि पाउन मुस्किल भएको उनको गुनासो छ ।

प्रत्येक वर्ष हिउँदे बर्षाका कारण ईंट्टामा क्षति पुग्ने गरेको व्यवसायीहरु बताउँछन् ।

रौतहट ईंट्टा उद्योग ब्यावसायी संघका सचिव मोहन साहले बेमौसमी पानीले गर्दा ईंट्टा नष्ट भएपछि व्यवसायी मर्कामा परेको बताए । उनका अनुसार विविध कारण ईंट्टा उद्योग बन्द भएको अवस्थामा बर्षले थप क्षति गरेपछि निकै समस्या भएको हो ।

ईंट्टा व्यवसायीको समस्या वा मर्कामा बारेमा तिनै तहका सरकारले ध्यान दिनुपर्ने उनको भनाइ छ । रौतहट जिल्लाभरीमा यस आर्थिक बर्षमा घरेलु तथा साना उद्योग कार्यालयमा दर्ता रहेका लगभग ४२ वटा ईंट्टा भट्टाहरु सञ्चालनमा रहेका संघले जनाएको छ ।

चन्दन यादव, रौतहट ०७ गते बैशाख ।

रौतहटमा फेरी भन्सार छली गरी ल्याउँदै गरेको सर–समानहरु बरामद भएको प्रहरीले जनाएको हो । २०८२ बैशाख ५ गते शुक्रबारका दिन जिल्ला प्रहरी कार्यालय तथा मातहत समेतबाट खटिएको प्रहरी चेकिङ्ग टोलीले विभिन्न स्थान स्थितमा विभिन्न सवारी साधनहरुलाई रोकी चेकजाँच गर्ने क्रममा उक्त समानहरु बरामद भएको प्रहरीले जानकारी गराएको हो ।

अबैध रुपमा भारतबाट भन्सार छली चोरी पैठारी गरि नेपाल तर्फ भित्रियाई लैजाँदै गरेको अन्दाजी मुल्य रु.१ लाख ९५ हजार रुपैया बराबरको मोटरसाईकल २ थान र विभिन्न किसिमका किराना लगायतका सामानहरु रहेको प्रहरीले बताएका छन् ।

सर समानहरु तथा मोटरसाईकललाई नियन्त्रणमा लिई आवश्यक कारवाहीको लागि गौर भन्सार कार्यालयमा बुझाईएको समेत प्रहरीले जानकारी गराएका छन् । नियन्त्रणमा रहेको मोटरसाईकलहरु मध्ये एउटा नेपाली पेलेट र एउटा इन्डियन पेलेट रहेको प्रहरीले बज्जिकाञ्चल खबरलाई जानकारी गराएका छन् ।

अहिले दिन प्रति दिन तस्करी तथा चोरी पैठारी बढे संगै प्रहरीको सक्रियता पनि बढेको देखन् सकिन्छ । पक्राउ तथा नियन्त्रणमा ल्याई सर समानहरु साथै पक्राउ परेको मानिसलाइ समेत कार्यावाहीको लागी जिल्लामा पठाइन्छ भने प्रवक्ता तथा सुचना अधिकारी प्रहरी नायव उपरीक्षक दिपक कुमार रायले जानकारी गराएका हुन् ।

बज्जिकाञ्चल संवाददाता, रौतहट ०७ गते बैशाख ।

रौतहट जिल्लाको परोहा नगरपालिका कार्यालयमा भइरहेको बेथिति, अनियमितता र प्रशासनिक ढिलासुस्तीको विरोधमा एक जनाले अनौठो शैली अपनाउँदै नाङ्गो भएर अनिश्चितकालीन धर्ना सुरु गरेका छन् ।

लौकाहा स्थित नगरपालिकाको केन्द्रबिन्दुमा आइतबारदेखि परोहा नगरपालिका–८ नरकटिया टोलका स्थानीय बासिन्दा मो. जफिर आलमले कपडाविनै शारीरिक रूपमा अनिश्चितकालीनरुपमा धर्ना सुरु गरेका हुन । उनका अनुसार, नगरपालिकामा सार्वजनिक सेवा प्रवाहमा लापरवाही, बजेटको दुरुपयोग, जनप्रतिनिधिहरूको गैरजिम्मेवार रवैया र नागरिकप्रति असंवेदनशीलता चरम अवस्थामा पुगेको छ ।

“जबसम्म मेरो आवाज सुनिदैन र नगरपालिकाले सुधारको स्पष्ट योजना सार्वजनिक गर्दैन, तबसम्म म यसैगरी आमरण अनशन बसिरहनेछु,” जफिर आलमले पत्रकारहरूसँग बताएका छन् ।

यस घटनाले सामाजिक सञ्जालमा पनि व्यापक ध्यान तानेको छ । तर, अहिलेसम्म नगरपालिकाको तर्फबाट औपचारिक प्रतिक्रिया सार्वजनिक गरिएको छैन ।

द न्यूज होम

बज्जिकाञ्चल संवाददाता, रौतहट ०७ गते बैशाख ।

रौतहटको सदरमुकाम गौर भन्सार कार्यालय अगाडि कृषि र फुड क्वारेन्टाइनको माग राख्दै व्यापारीहरूले धर्ना सुरु गरेका छन् । स्थानीय व्यवसायी एवं व्यापारी कौशल साहको नेतृत्वमा व्यापारीहरूले गौर भन्सार कार्यालयको मुख्य गेटमा धर्ना सुरु गरेका हुन् ।

कृषि तथा फुड क्वारेन्टाइनको अभावमा यहाँका व्यापारी व्यावसायीहरू वीरगञ्ज र सर्लाही जानुपर्ने बाध्यता रहेकाले पटक-पटक सम्बन्धित निकायलाई ध्यानाकर्षण गराउँदासमेत  कुनै वास्ता नगरेको भन्दै व्यापारीहरूले गत चैत ३१ गते कौशल साहको नेतृत्वमा भन्सार कार्यालय प्रमुखमार्फत अर्थमन्त्रीलाई ज्ञापन पत्र बुझाएका थिए ।

व्यापारीहरूले अर्थमन्त्रीसहित सम्बध निकायलाई वैशाख ६ गतेसम्म समस्या समाधान नगरिए वैशाख ७ देखि १५ गतेसम्म शान्तिपूर्ण रुपमा धर्ना प्रदर्शन गर्ने र वैशाख १६ गतेदेखि भन्सार कार्यालयमा तालाबन्दी गर्ने चेतावनी दिएको थियो । सोही अनुसार आइतबारदेखि व्यापारीहरूले कौशल साहको नेतृत्वमा दिउँसो १२ बजेदेखि धर्ना सुरु गरेका हुन् ।

व्यवसायी साहका अनुसार जिल्लामा रहेका व्यवसायीहरूलाई खाद्यान्न, फलफूल, आलुप्याज, तरकारीलगायतका सामानहरु भारतबाट ल्याउँदा गौर भन्सारमा कृषि र फुड क्वारेन्टाइनको अभावमा वीरगञ्ज हुँदै ल्याउनुपर्दा ढुवानी खर्च बढी लाग्ने गरेको छ ।

आइतबार १ घण्टा धर्ना बसिएको र सोमबारदेखि क्रमशः एक एक घण्टा थप हुँदै जाने धर्नामा बसेका व्यवसायीहरूले बताएका छन् ।

बज्जिकाञ्चल संवाददाता,राैतहट,०७ गते वैशाख । 

राैतहटकाे कटहरिया नगरपालिकामा आउँदो वैशाख १५ गते हुने भएको छ । कटहरिया शनिबार भएको नेकपा एमाले नगर कमिटीकाे बैठकबाट यस्तो निर्णय गरिएकाे नेकपा एमालेका केन्द्रीय सदस्य कुन्दन कुशवाहाले जानकारी गराउनु भएको हाे ।

नेकपा एमाले कटहरिया नगरकमिटीका अध्यक्ष किशोरी महतोको अध्यक्षतामा भएको साे बैठकबाट यही वैशाख ११ गते काठमाडौंमा हुने कार्यक्रममा १ सय ५० जना युवाको सहभागिता हुने,सदस्ता नविकरण तथा नयाँ सदस्यता दिने बारेमा पनि छलफल गरिएको हाे ।

 

साे बैठकमा नेकपा एमाले मधेस प्रदेश कमिटी सदस्य तथा कटहरिया नगर ईन्चार्ज रामजी साह,युवराज ज्ञवाली,जिल्ला कमिटी सदस्य नगर कमिटी,वडा कमिटी लगायत नेकपा एमालेका नेता कार्यकर्ताहरूकाे उपस्थिति रहेको थियोे ।

आरके श्रीवास्तव,राैतहट,०७ गते वैशाख । 

बज्जिका गित निकाल्ने बारे राैतहटकाे कटहरियामा छलफल गरिएको छ । कटहरिया बजार स्थित रहेकाे खुश्बु रेकर्डिङ स्टुडियोमा शुक्रबार गहन छलफल गरिएको छ । आफनै गित र संगित सहित निरन्तर रूपमा बज्जिकामा हरेक महिना कम्तीमा एउटा गित निकाल्नु पर्ने निष्कर्ष निकालिएको हाे ।

बज्जिका भाषाका शुभचिन्तक एवम् साहित्यकार संजय साह मित्र,बज्जिका भाषाका प्रथम आधुनिक उपन्यासकार बिजय यादव निर्विज,बज्जिका पत्रकार समाज राैतहटका अध्यक्ष राजु कुमार श्रीवास्तवले गायक साेनु कुशवाहा सँग बज्जिका भाषामा गितकाे अभावलाई पूरा गर्ने बारे विचारविमर्श गरेका छन् ।

बज्जिका भाषाले अन्य सबैक्षेत्रमा फड्को मारेपनि गितसंगितकाे क्षेत्रमा पनि अब द्रुत गतिमा फडकाे मार्ने उदेश्यले साे छलफल भएको छ । यसाे त बज्जिकामा दर्जनौं गितहरू बजारमा छन् । रिना फिल्मसबाट कयौं बज्जिका गितहरू बजारमा आएकै हुन् । तर यसकाे संख्या अझै बढाउनुपर्नेमा बज्जिका शुभचिन्तक एवम् साहित्यकार साहले जाेड दिएका छन् ।

उपन्यासकार यादवले पनि अब आफू कला संगितकाे क्षेत्रमा समय दिएर काम गर्ने बताए । त्यसमा पनि बज्जिका गित संगितकाे लागि विशेष समय दिई यसलाई निरन्तर अघि बढाउने प्रतिबद्धता जनाएका छन् ।

समाजका अध्यक्ष श्रीवास्तवले पनि बज्जिका गितकाे लागि आफनाे मिडियाले खेल्नुपर्ने आवश्यक भूमिका निर्वाह गर्ने बताएका छन् ।

जवाफमा गायक कुशवाहाले सबैकाे साथ सहयोग भएमा अब छिट्टै नै बज्जिका भाषाका गितहरू बजारमा आउनेछन् । आफनाे भाषाका लागि काम गर्न पाउँदा आफू पनि उत्साहित भएको प्रतिक्रिया दिएका छन् ।

बज्जिका भाषामा गित आउनुपर्छ भन्ने धारण पत्रकार रामशरण यादवले राख्नु भएको थियोे ।

कटहरियामा खुश्बु रेकर्डिङ स्टुडियो स्थापना भएदेखि  गितसंगीतकाे क्षेत्रमा एउटा छुट्टै पहिचान स्थापित गर्दै गईरहेकाे छ । रिना फिल्मसकाे युटुब च्यानल मार्फत ग्रामीण क्षेत्रका गायक कलाकारहरूकाे विस्तारै नाम स्थापित गराउन सफल हुँदै गएको छ ।

सागर संगम ठाकुर,रौतहट,वैशाख ०४ गते।
रौतहटको धरहरिमा जारी प्रथम मेयर कप क्रिकेट प्रतियोगितामा बिहीबार भएको खेलमा टिकुलिया टिमले जित हाथ परेका छन। देवाहीगोनाही नगरपालिकाको आयोजनामा मंगलवारदेखि सुरु भएको प्रथम मेयर कप क्रिकेट प्रतियोगिताको बिहीबार देवाही गोनाही-५ टिकुलिया र वडा नं-२ लक्ष्मीनिया टीम बिच भएको खेलमा टिकुलिया टिमले ७ विकेटले लक्ष्मीनिया टिमलाई पराजित गर्दै शानदार जित हाथ परेको छ ।

श्री जय किसान माध्यमिक विधालय धरहरीको खेल मैदानमा आयोजित मेयर कप २०८२ को यस प्रतियोगितामा बिहीबार भएको खेलमा टिकुलिया टिमले टॉस जितेर लक्ष्मीनिया टीमलाई पहिले ब्याटिंग गर्न निम्तो दिएको थियो । निर्धारित २० ओभरको खेलमा मौसम अनुसार १४ ओभरमा दुबै टिमलाई सहमति गराई खेलाइएको खेलमा कुल ११ ओभर ४ बलमा लक्ष्मीनिया टिमले सबै विकेट गुमाउदै ३९ रन जोडन सफल भएका थिए। जवाफीमा व्याटिंग गर्न उत्रेका टिकुलिया टिमले ३ विकेट गुमाउदै १४ ओभरको खेलमा मात्र ३ ओभर ४ शानदार जीत हाथ परेका छन । आजको खेलमा ३ विकेट लिई, ९ रन बनाएर राम्रो पारी खेल्दै टिकुलिया टिमका निरज साह मैन ऑफ द मैच भएका छन।
नगरभित्रका खेलाडीहरू मात्र सहभागी हुन पाएको यस प्रतियोगिताले खेलाडीमा थप हौसला बढाउने र नयाँ खेलाडी उत्पादन हुने विश्वास गरिएको छ। साथै
प्रतियोगितामा प्रथम हुने टीमलाइ १५ हजार दोस्रो हुनेलाइ १० हजार पुरस्कार दिइने आयोजकले जानकारी गराएका हुन।

राकेश यादव,गाैर, ५ गते वैशाख । 
रौतहट जिल्लाको दुर्गा भगवती गाउपालिका वडा नम्बर १ गंगा पिपरामा निर्वाचित वडा अध्यक्षले बर्षौ देखि भोग चलनमा रहेको जग्गा बल प्रयोग गरी आफ्नो नजिकको व्यक्तिलाइ कब्जा गराउन लागेको घटना बाहिरिएको छ।
दोस्रो कार्यकालको लागि स्थानीय तहको निर्वाचनमा जितेका वडा अध्यक्ष प्रधुमन चौधरीले बाजे बुबाको पाला देखि नै भोग चलनमा रहेको ५ धुर जग्गा बलपुर्बक सत्ताको दुरुपयोग गरी अरुलाइ कब्जा गराउन लागेको पिडित प्रभु महतोले आरोप लगाएका छन्।

सर्बे नापी हुनु भन्दा पहिला नै बाजेले सो जग्गा खरिद गरी सबैलाइ पानी खाने उदेश्यले इनार खनाएको उल्लेख गर्दै सो इनार माटोले पुरिए पछि जग्गा भोग गर्दै आएकोमा वडा अध्यक्ष चौधरी आफ्नो पक्षको तेज नारायण महतोलाइ कब्जा गराउन लागेको दावी गरे।
तेज नारायण महतोको जग्गा देखि टासिएर घर भएको र मेरो आउने जाने बाटो समेत भएकोमा बाटो निकास बन्द गराउन वाल निर्माण गराएको पिडितको भनाइ रहेको छ।
बाटो थुन्ने काम गरेकोले निकासको व्यवस्थापन गराई निर्माण कार्य रोक्का राख्नको लागि न्यायिक समितिमा उजुरी दिएको सुनाउदै पिडित महतोले न्यायिक समिति बाट चैत्र २९ गते निर्माण कार्य रोक्का गर्न ईलाका प्रहरी कार्यालय र वडा कार्यालय समेतमा पत्राचार गरिएकोमा सोको कुनै वास्ता नगरी वडा अध्यक्ष चौधरीले बल पुर्बक बर्षौ देखि भोग गर्दै आएको जग्गा खाली गराएको उल्लेख गरे।
सर्बे नापीमा सो जग्गा ऎलानी उल्लेख भएपनि भोगमा रहेको महतोको जिकिर रहेको छ। वडा अध्यक्ष चौधरी, प्रदेश सभा सदस्य प्रत्यासी राजेश चौधरी, मनोज चौधरी, अनिरुद्ध चौधरी, विनय चौधरी लगायतले आइ जग्गामा भएको हैन्ड पाइप, शौचालय समेत तोडी फाल्न लाग्दा बिरोध गर्दा हातपात समेत गरेको सोनफि महतोले बताए।
सार्बजनिक जग्गा मेरो अधिकार क्षेत्र भित्र रहेकोले खाली गराउन लागेको वडा अध्यक्षले भनेको उहाले सुनाए।
सार्बजनिक बाटो च्यापेर आफैले बनाएको घर पहिला भत्काएर आउनु भन्दा वडा अध्यक्ष चौधरी दुरव्यवहार समेत गरेको सोनफी महतोको आरोप रहेको छ।
गाउमा धेरै ठाउमा सार्बजनिक जग्गा रहेकोले सबै खालि गराए हामीले पनि सो जग्गा छोड्ने असर्फी महतो र भोजिन्द्र महतोको अडान रहेको छ।
वडा अध्यक्ष चौधरी भ्रस्टाचारमा लिप्त रहेको र पैसाको लोभमा परेर यस्तो गरिरहेको हुद्दा प्रतिकार गर्ने चेतावनी पिडितहरुको रहेको छ।
स्थानीय शम्भु महतोले भोट नदिएको कारण चौधरीले अन्याय गर्न लागेको टिप्पणी गरे। उहाले जसले बोट दिएको छ उसलाई आर्थिक लाभ दिने र लिने चौधरीको बानी रहेको दावी समेत गरे।
अगाडी सार्वजनिक जग्गा र पछाडी निजी जग्गा र त्यसको पछाडी प्रभु महतो, सोनफी महतो, असर्फी महतोको खपडाको घर रहेकोले तेज नारायण महतोले कम्पाउण्ड वाल लगाए पछि आवत जावत गर्ने निकास नै अबरुद्ध हुने भएकोले बाटोको निकास तथा सार्बजनिक जग्गाको संरक्षण गर्ने तर्फ गाउपालिकाले निर्णयाक भूमिका निर्वाह गर्नु पर्ने देखिन्छ।

आरके श्रीवास्तव,गरुडा, ०५ गते वैशाख ।
रौतहटको गढीमाई नगरपालिका ४ संग्रामपुर पर्सा माइती भई रौतहटकै दुर्गा भगवती गाउँपालिका ३ मत्सरीमा बिहे भएकी एक युवतीको हत्या गरी लास झुन्ड्याइदिएको आरोप आफन्तले लगाएको छ । रौतहटको गरुडास्थित होटल एनपि स्टारमा शुक्रबार आयोजित पत्रकार सम्मेलनमा मृतक २७ वर्षीया अलका ठाकुरका बुबा राम किशोर ठाकुर, आमा अनिता कुमारी ठाकुर र भाइ मनमोहन ठाकुरसहितका आफन्तहरुले मृतकका पति संजीव झा र घरपरिवारका अन्य सदस्य मिलेर हत्या गरी लास झुन्ड्याएको आरोप लगाएका हुन् ।
घटना गत बैसाख १ गते सोमबारको भएको पीडित पक्षको भनाइ छ । बिहान साढे ९ बजेतिर छोरी ज्वाइँ संजीव ठाकुरले फोन गरेर छोरी मर्न लागेको जानकारी गराएका थिए । छोरीको अवस्था बुझ्न सदरमुकाम गौर नजिक रहेको सिसवाबाट आफन्तलाई पठाउँदा छोरीलाई झुन्डिएको अवस्थामा स्थानीय तथा प्रहरी प्रशासनले चारैतिरबाट घेरेर राखेको र लास उठाउने मुचुलका बनाइरहेको बताएपछि आफूहरु दौडेर त्यहाँ पुगेको ठाकुरको भनाइ छ ।
केही आफन्तसहित छोरीको घरमा पुगेका ठाकुरलाई त्यहाँको अवस्थाको बारेमा फोटोसमेत प्रहरीले खिच्न नदिएको आरोप रहेको छ । ठाकुरले भने – प्रहरीले फोटोसमेत खिच्न दिएन ।
त्यहाँ रहेका झा परिवारले भने जस्तै प्रहरीले एकोहोरो गरेको र लास उठाएपछि बलजफ्ती गौरमा पोस्टमार्टम गर्न खोज्दा आफूहरुले रोकेर काठमाडौँमा गर्ने अडान लिएको पत्रकार सम्मेलनमा ठाकुरले बताए । काठमाडौँमा पोस्टमार्टम गरेपछि अस्पतालले आफूलाई लासको जिम्मा दिएको मृतकको भाइ मनमोहन ठाकुरको भनाइ छ । आफूले लास बुझेको तर रौतहट ल्याएपछि तिन ट्रक प्रहरीले बलजफ्ती लास खोसेर मत्सरीका झा परिवारको जिम्मा दिएको आरोप लगाएका छन् । ठाकुरको भनाइ छ – आफूहरुले नै लासको सद्गति गर्न पाउनुपर्ने अडान राखेपछि प्रहरीले लछारपछार गरेको, लाठी चार्ज गरेको र आफूहरुमाथि अमानवीय व्यवहार गरेका थिए ।
ठाकुरले गत २०७६ जेठ ५ गते धुमधामसित साढे २२ लाख रुपैया खर्च गरेर छोरीको विवाह झासित गरेको बताउँदै पछि थप साढे तिन लाख रुपैया दिएको र छोरीले पनि ज्वाईँलाई चार चक्के गाडी किन्न सात लाख रुपैया दिएको बताएका छन् । बिहे भएको ६ वर्षसम्म झाले विवाह दर्ता नगराएको आरोप लगाउँदै पहिलेदेखि नै छोरीमाथि झा परिवारको कुदृष्टि रहेको आरोप लगाएका छन् । अनेक किसिमको दुव्र्यवहार सहँदै छोरीले एउटा इन्स्योरेन्स कम्पनीमा काम गरिरहेकी थिइन् । झा परिवारले हत्या गर्नुभन्दा दुई दिन पहिलेदेखि नै छोरी चढ्ने स्कुटरको साँचो खोसेर राखेका थिए । शनिवारदेखि कुरा समेत गर्न नदिएको झा परिवारले सोमवार छोरीको हत्या गरी झुन्ड्याएर प्रहरीको सहयोगमा आत्महत्यामा परिणत गरेको आरोप पीडित पक्षको रहेको छ ।
मृतकका बुबा र आमाले पत्रकारसामु भक्कानिएर रुँदै भने – आफूहरुको सहारा कोही छैन ।
पीडित परिवारले मानव अधिकारवादी संघसंस्थाहरुले पनि घटनाको छानबिन गरेर सत्यतथ्य बाहिर ल्याउनुपर्ने आग्रह गरेका छन् ।
जिल्ला प्रहरी कार्यालय रौतहटका प्रवक्ता डिएसपि दिपक कुमार रायले घटनाबारे प्रहरीले अनुसन्धान गरिरहेको बताएका छन् । पोस्टमार्टमको रिपोर्ट आएपछि सोहीअनुसार अगाडि बढ्ने रौतहट प्रहरीको भनाइ छ ।

आरके श्रीवास्तव,गरुडा,०३ गते वैशाख ।
अशोक राइ नेतृत्वको जनता समाजवादी पार्टीलाइ स्मार्ट तरिकाले पार्टीको गतिविधिलाइ अगाडी बढाइरहेको जिल्ला अध्यक्ष नन्दकिशोर राय यादवले बताएका छन् । पार्टीले उनलाइ जिल्लाको जिम्मेवारी दिएपछि पहिलोचोटी सञ्चारकर्मीहरु समक्ष बोल्दै उनले यस्तो बताएका हुन् । स्मार्ट जमानामा स्मार्ट तरिकाले नै म पार्टीलाइ अगाडी बढाउने सोचमा छु ।
जिल्लाको १६ वटा नगरपालिका र २ वटा गाउँपालिकामा जसपाको गतिविधि द्रुत गतिमा बढाइरहेको उनको भनाइ छ । संगठन निर्माणको कामहरु धमाधम भइरहेको छ । छिट्टै नै कार्यक्रम गरि सार्वजनिक गर्नेछौं । अहिलेको पार्टीहरुले गर्न नसकेको काम हामी गरेर देखाउन चाहन्छौं ।
बिधार्थीकाल देखिनै पार्टीमा लागेको कारण त्यसकै मूल्यांकन स्वरुप आफूलाइ जिल्लाको जिम्मेवारी दिइएको छ । त्यसलाइ भरपुर रुपमा जिम्मेवारी निर्वाह गर्ने बताएका छन् । मधेश आन्दोलन देखि नै आफू पार्टीमा सक्रिय रहदै आएको बताए ।
पार्टी विभाजित भएपछि कुनै अब्बल र कुनै कमजोर हुन सक्छ । जसपा रौतहटमा बलियो पार्टीको रुपमा उभरेर आउने उनको भनाइ छ । आफनो नेतृत्वमा जसपा रौतहट बलियो बन्ने ठोकुवा गरेका छन् ।
उनले भने—पार्टीले जुन भरोसा जताएको छ त्यसमा आफू खरा उत्रने बताएका छन् । अन्त्यमा उनले बुढापाखाहरु मत्र नेतृत्व गर्न सक्छन् भन्ने दिन अब गए । हामी यूवाहरु नेतृत्व गर्न सक्षम छौं । यूवाहरुले देशको समृद्धि र विकासका लागि कम्मर कसेर लाग्नुपर्ने अहिलेको आवश्यकता हो ।

बज्जिकाञ्चल संवाददाता,राैतहट,०३ गते वैशाख ।
गुजरा नगरपालिका–५ मा विना सूचना उपभोक्ता समिति गठन गरिएको आरोपमा बिभिन्न दलका प्रतिनिधिले वडा कार्यालयमा तालाबन्दी गरेका छन् । सो वडाका वडाध्यक्ष शेख जमालुदिनले समिति गठनमा मनोमानी गरेको भन्दै उनिहरुले तालाबन्दी गरेका हुन ।
प्रदेश सरकारबाट लक्ष्मीपुरदेखि घागी खोलासम्मको स्तरोन्नतिको लागी बिनियोजित ३५ लाखको बजेटमा कसैलाई जानकारी नदिई एकलौटी रूपमा उपभोक्ता समिति गठन गरिएको आरोप वडाध्यक्ष शेख जमालुदिनमाथि स्थानियले लगाएको छ ।
यस्तै सोहि वडामा रहेको हरिहरपुर स्वास्थ्य चौकीको भवन निर्माणको लागि आएको बजेटमा भने यसपटक विगतको गल्ती नदोहोर्याउने भन्दै सार्वजनिक भेला आयोजना गरिएको थियो ।
प्रदेश सरकारबाट सो भवन निर्माणको लागी २५ लाख रुपैयाँ बिनियोजित भएको छ । उक्त भवन निर्माणको लागी स्वास्थ्य चौकीको प्राङ्गणमै सर्वपक्षीय सहमतिमा उपभोक्ता समिति गठन गर्ने उद्देश्यले बैठक बसेपनि भेलामा सहमति जुट्न नसकेपछि विवाद चर्किएर झै झगडाको रुप लिएको थियो । विवादका क्रममा सेख कमरुदिन घाइते भएका थिए ।
नेपाली कांग्रेसका वाजिद अली, नेकपा एसका आलम बक्सिद, माओवादी केन्द्रका आस मोहम्मद मन्सुरी, जसपाका आरिफ मिया दर्जी लगायतका स्थानीय नेताहरूले वडाध्यक्षले निरन्तर रूपमा मनोमानी गर्दै आएको आरोप लगाउँदै आएका छन् ।

विवाद चुलिँदै गएपछि प्रहरी-प्रशासनको रोहवरमा वडाको कार्यालयमा तालाबन्दी गरिएको छ। करिव एक हप्ता देखी कार्यालय बन्द हुँदा सेवा लिन आएका नागरिक समस्यामा परेका छन् । नागरिकता सिफारिसका लागि पुगेका स्थानीय आविद हुसेनले भने, “वडामा काम नहुँदा हामी सर्वसाधारणले दुःख पाएका छौं।”
यस विषयमा वडा अध्यक्ष गम्भीर हुनुपर्ने सेवाग्राहीको भनाई छ ।
यता वडाध्यक्ष शेख जमालुदिनले आफुमाथी लागेको आरोपलाई खण्डन गर्दै भने, “समिति सहमतिमा बनाउने हो, तर तालाबन्दी गर्नु समाधान होइन।”
बिकासको काममा कोहि बाधक बन्न नहुने उनको तर्क छ ।
विवाद समाधानको लागि बुधबार गुजराका नगर प्रमुख सन्तलाल चौधरीको निवासमा बसेको सर्वपक्षीय बैठक पनि निष्कर्षविहीन बनेपछि समस्या झन पेचिलो बन्दै गएको छ ।

आरके श्रीवास्तव,राैतहट,०३ गते वैशाख  ।

राैतहट प्रिमियर लिग (आरपिएल) मा बुधबार गुजरा राइडर्सले तेस्रो जित निकालेको छ । कटहरिया बाेल्टस विरूद्व उसले आफनाे जित निकालेको हाे ।

टस जितेर पहिले ब्याटिङ गरेको गुजरा राईडर्सले निर्धारित २० ओभरमा ८ विकेट गुमाउँदै १ सय ४४ रनकाे याेगफल तयार पार्न सफल भएको थियोे ।

जवाफी ब्याटिङमा उत्रेको कटहरिया बाेल्टसले १६ ओभर ४ मा अल आउट हुँदै ८२ रन मात्र बनाउन सक्याे । अन्ततोगत्वा गुजरा राइडर्सले ६२ रनकाे जित निकालेको छ ।

खेलमा राइडर्सका खेलाडी प्रदिप पासवान मैन अफ दि मैच घाेषित भएका थिए । उनले २२ रन बनाउँदै नट आउट रहँदै ४ विकेट समेत लिएका थिए ।

मंगलबार पनि प्रतियोगितामा बलियो मानिएको तराइ टाइगर गरुडा विरुद्धको खेलमा गुजरा राइडर्सले विजयी हासिल गरेको थियोे ।

टस जितेर पहिले बैटिङ्ग गर्दै गुजरा राइडर्सले २० ओभरमा ८ विकेटको क्षतीमा १ सय  २८ रन बनाएको थियो  । जवाफी बैटिङ्गमा उत्रेको तराइ टाइगर गरुडाको टिमले १९ ओभर ३ बल खेल्दै सम्पूर्ण विकेट गुमाइ मात्र १ सय २० रन बनाउन सकेको थियो ।

यसरी ८ रनले गुजरा राइडर्स विजयी भएको थियोे । खेलमा ४९ रन र २ विकेट लिएका विशाल पटेलले मैन अफ द मैच घोषित भएका छन् ।

जारी आरपिएल खेलमा जिल्लाका पाँच वटा टिम सहभागी छन् । जसमा गौर वारियर्सल ,तराई टाईगर ,गुजरा राइडर्स,कटहरिया बोल्टस र राजदेवी सुपर किंग्स रहेका छन् ।

बज्जिकाञ्चल संवाददाता,राैतहट,०२ गते वैशाख ।
किशोरीहरुलाई लक्षित गर्दै गौरमा १० दिने मानसिक स्वास्थ्य तथा रूपान्तरण तालिम सम्पन्न भएको छ l
SAFE Girls परियोजना अन्तर्गत रौतहट जिल्लाको गौरमा स्थित होटल सिया प्यालेसमा १० दिने मानसिक स्वास्थ्य तथा रुपान्तरण तालिम सफलतापूर्वक सम्पन्न भएको हो । उक्त तालिममा १८ देखि २४ वर्ष उमेर समूहका किशोरी तथा युवतीहरूको सहभागीता रहेको थियो l
सेफ गर्ल्स (SAFE Girls) परियोजनाको आयोजना तथा KOCIA , UNFPA र Good Neighbor’s International को सहयोग र आर.डी.सी नेपालको सहकार्यमा १० दिने मानसिक स्वास्थ्य तथा रुपान्तरण तालिम सम्पन्न भएको छ।
परियोजनाको कार्यक्षेत्र रौतहट र सर्लाही जिल्लाका विभिन्न पालिकाहरूमा फैलिएको छ। रौतहटमा गौर, यमुनामाई, देवाही गोनाही, राजपुर र परोहा नगरपालिका/गाउँपालिका रहेका छन् भने सर्लाहीमा हरिपुर्वा, बसबरिया र कौडेना नगरपालिका/गाउँपालिका रहेका छन्।
दुई समूहमा सञ्चालन गरिएको तालिममा प्रत्येक समूहमा २५ जना सहभागी थिए। तालिमको अवधि १० दिनको रह्यो जसमा २.५ दिन मानसिक स्वास्थ्य सम्बन्धी तालिम, आधा दिन PSEA (Protection from Sexual Exploitation and Abuse) तालिम र बाँकी ७ दिन रुपान्तरण तालिम सञ्चालन गरिएको थियो। रुपान्तरण तालिममा पहिलो देखि १0औँ मोड्युल सम्मको प्रशिक्षण दिइएको थियो।
कार्यक्रमको उद्घाटन RDC नेपालका अध्यक्ष डा. पारस हुसैनको अध्यक्षतामा सम्पन्न भयो। उदघाटन सत्रमा रौतहटका प्रमुख जिल्ला अधिकारी श्री विनोद कुमार खड्का, UNFPA का प्रतिनिधि रोशन अधिकारी तथा Good Neighbor’s International का प्रतिनिधि शक्ति लामा उपस्थित भएका थिए l कार्यक्रम SAFE Girls परियोजनाको परियोजना संयोजक प्रिया चौरसियाले सञ्चालन गरेकी थिइन्। साथै, कार्यक्रममा परियोजनाको कार्यक्षेत्रभित्रका सबै पालिकाका लैंगिक फोकल पर्सनहरूको उपस्थिति रहेको थियो।

SAFE Girls परियोजनाको उद्देश्य किशोरी र युवतीहरूलाई जीवनोपयोगी सीप, मानसिक स्वास्थ्यको ज्ञान, लैंगिक हिंसाबाट सुरक्षा तथा हानिकारक अभ्यासहरू विरुद्ध सशक्त बनाउनु हो। यस परियोजनाले किशोरीहरूलाई आत्मविश्वासी, सुरक्षित र सम्मानित बनाउने परिकल्पना बोकेको छ।
मानसिक स्वास्थ्य तालिमबाट सहभागीहरूले आत्म-चिनारी, तनाव व्यवस्थापन, सहानुभूतिपूर्ण संप्रेषण, र मानसिक स्वास्थ्यप्रति चेतना अभिवृद्धि गर्न सिकेका छन्। यस तालिममार्फत सहभागीहरू समुदायमा परिवर्तनकर्ता बन्ने तयारीमा छन्।
तालिमका प्रशिक्षकहरूमा मानसिक स्वास्थ्यका लागि चाँदनी घिमिरे र बिपिन थापा थिए भने रुपान्तरण तालिममा रुपा जोशी, पुष्पा कुमार पोखरेल, बिन्जु बराल र सशिष थापा रहेका थिए।
सेफ गर्ल्स परियोजना किशोरी तथा युवा महिलाहरूलाई जीवन उपयोगी सीप, मानसिक स्वास्थ्य, लैङ्गिक हिंसाविरुद्धको सचेतना र सशक्तिकरणमार्फत सुरक्षित, आत्मविश्वासी र सम्मानित जीवन निर्माणतर्फ प्रेरित गर्ने एक सशक्त पहल हो।
अब यी ५० मेंटर्सहरू (रुपान्तरण सहजकर्ता) आफ्नो समुदायमा ज्ञान फैलाउने, परिवर्तन ल्याउने र सुरक्षित तथा स्वस्थ समाज निर्माणमा योगदान पुर्‍याउने दूतका रूपमा सक्रिय हुनेछन्।

आरके श्रीवास्तव,राैतहट,०२ गते वैशाख  ।

रौतहट प्रिमियर लिग (आरपिएल) मा आज भएको खेलमा गुजरा राइडर्स टिमले विजयी हासिल गरेको छ । प्रतियोगितामा बलियो मानिएको तराइ टाइगर गरुडा विरुद्धको खेलमा गुजरा राइडर्सले विजयी हासिल गरेको छ ।

टस जितेर पहिले बैटिङ्ग गर्दै गुजरा राइडर्सले २० ओभरमा ८ विकेटको क्षतीमा १ सय  २८ रन बनाएको थियो  । जवाफी बैटिङ्गमा उत्रेको तराइ टाइगर गरुडाको टिमले १९ ओभर ३ बल खेल्दै सम्पूर्ण विकेट गुमाइ मात्र १ सय २० रन बनाउन सकेको थियो ।

यसरी ८ रनले गुजरा राइडर्स विजयी भएको छ । खेलमा ४९ रन र २ विकेट लिएका विशाल पटेलले मैन अफ द मैच घोषित भएका छन् ।

जारी लिगमा गुजरा राइडर्सले तीन खेल खेलेकाे छ । जेमा दुईमा जित र एकमा हार बेहाेरेकाे छ ।

जारी आरपिएल खेलमा जिल्लाका पाँच वटा टिम सहभागी छन् । जसमा गौर वारियर्सल ,तराई टाईगर ,गुजरा राइडर्स,कटहरिया बोल्टस र राजदेवी सुपर किंग्स रहेका छन् ।

आरके श्रीवास्तव,राैतहट,०२ गते वैशाख । 

राैतहट । राैतहटको फतवा विजयपुर नगरपालिका वडा नम्बर २ शितलपुरकाे छठ घाटसँगै हनुमान मन्दिरको आज एक कार्यक्रम गरी शिलान्यास गरीएको छ ।

साे वडाका वडा अध्यक्ष अनिरूद्व प्रसाद यादव उर्फ संजयकाे प्रमुख अतिथ्यतामा हनुमान मन्दिरको शिलान्यास गरीएको हाे ।

आम जनता पार्टीका वडा कमिटि उपाध्यक्ष चन्दन प्रसाद यादवले वडा अध्यक्ष यादवकाे राेहबरमा शिलान्यास गर्नु भएको हाे । वडा स्तरीय याेजनाबाट मन्दिरको निर्माण गर्न जमर्को गरीएको वडा अध्यक्ष यादवले बताएका छन् ।

 

गाउँमा धेरै मानिसहरूले हनुमानजीकाे पूजा गर्ने गर्छन् वहाँहरूकै माग अनुसार मन्दिर निर्माण हुन लागेकाे उनकाे भनाइ छ । यसबाट हनुमान भक्तहरूलाई पुजापाठ गर्न सहज हुने बताए ।

 

मन्दिर र धार्मिक पर्यटकीय स्थलकाे रूपमा रहदै आएकाे आफ्नो वडामा यस्ता मन्दिर निर्माण हुनुले बाहिरी धार्मिक पर्यटन भित्र्याउन मदत पुग्ने उनले बताएका छन् ।

वर्षाैं पुरानाे महादेव मन्दिर पनि शितलपुरमा नै रहेको छ । यहाँ  सयौंको संख्यामा मानिसहरू पुजापाठ गर्न आउने गरेका छन् ।

मंगलबार शिलान्यास गरिएको साे मन्दिरकाे निर्माण कार्य यसै चालू आर्थिक वर्षमा सम्पन्न गरिने वडा अध्यक्ष यादवले बताएका छन् । वडाकाे विकास र समृद्धिका लागि आफू दिनरात लागि परेको उनकाे भनाइ छ । उनले आफनाे वडाकाे विकासका लागि कृषि बाटाेघाटाे निर्माण देखि लिएर धेरै कामहरू गरेका छन् ।

मन्दिर शिलान्यासकाे अवसरमा स्थानीय भद्रभलादमीहरूकाे उपस्थिति रहेको थियोे ।

आरके श्रीवास्तव,गरुडा,०२ गते वैशाख ।
रौतहटको देवाहीगोनाहीमा प्रथम मेयर कप क्रिकेट प्रतियोगिता सुरु भएको छ । देवाहीगोनाही नगरपालिकाको आयोजनामा मंगलवारदेखि सुरु भएको मेयर क्रिकेट प्रतियोगितामा १० वटा टिमको सहभागिता रहेको छ ।

श्री जय किसान माध्यमिक विधालयको मैदानमा आयोजित प्रतियोगिताको देवाहीगोनाही नगरपालिकाका नगरप्रमुख प्रमुख (मेयर) प्रेमलाल साहले उद्घाटन गरेका हुन् । आज एक उदघाटन समारोहको आयोजन गरि प्रतियोगिताको सुभारम्भ गरिएको हो ।

उदघाटन समारोहलाइ सम्बोधन गर्दै नगरप्रमुख साहले मेयर कप खेलबाट राष्ट्रिय स्तरको नयाँ खेलाडीको उत्पादन हुने विश्वास व्यक्त गरेका छन् । खेलमा कुनै किसिमको पक्षपात नहुने भरोशा दिलाएका छन् । निष्पक्ष ढंगले खेल हुने बताए । खेलमा राम्रो प्रर्दशन गर्ने खेलाडीलाइ नगरपालिकाले सम्मान गर्ने बताए ।

त्यस्तै उपप्रमुख परनिया देवी पटेलले नगरपालिकाको खेलाडीहरुलाइ हौसला बढाउने उदेश्यले प्रतियोगिता आयोजन गरिएको बताएकी हुन् । यसमा राम्रो तवरले खेल खेल्न आग्रह गरेकी हुन् । नगर क्षेत्रमा क्रियाशील खेलाडीहरूको अन्तर्निहित क्षमता र खेल क्षेत्रको विकासका लागि प्रतियोगिता गर्न लागिएको नगर उपप्रमुख पटेलले जानकारी दिएका हुन् ।

त्यसैगरी स्वागत मन्तव्य राख्दै जय किसान मावी धरहरीका प्रधानाध्यापक संजय प्रसादले खोलाडीहरुलाइ अफनो प्रतिभा देखाउने राम्रो अवसर रहेको बताए । यस प्रतियोगिताले आउने दिनमा खेलाडीहरुमा उत्साह थपी उर्जा प्रदान गर्ने बताएका हुन् । नगरभित्रका खेलाडीहरू मात्र सहभागी हुन पाएको यस प्रतियोगिताले खेलाडीमा थप हौसला बढाउने र नयाँ खेलाडी उत्पादन हुने उनले बताएका हुन् ।
प्रतियोगितामा प्रथम हुनेलाइ १५ हजार दोस्रो हुनेलाइ १० हजार पुरस्कार रहेको आयोजकले जानकारी गराएको हो ।

आज भएको उदघाटन खेलमा वडा नम्बर ७ को टिम विजयी सुरुवात गरेको छ । आयोजक देवाहीगोनाही नगरपालिका र वडा नम्बर ७ प्रेमपुर गोनाही बिच खेल हँुदा आयोजक टिम पराजित भएको हो । २० ओभरको खेलमा आयोजक टिमले मात्र १३ ओभर खेली १० विकेटको क्षतिमा ५९ रन बनाएको थियो ।
जवाफि बैटिङमा उतरेको वडा नम्बर सातको टिमले ७ ओभरमा पाँच विकेटको क्षतिमा ६५ रन बनाएको थियोे । उदघाटन खेलमा बिजेता टिमबाट १६ बलमा तिनवटा छक्का र चारवटा चौक्का प्रहार गरि बिनोध राम बेष्ट ब्याटसमैन घोषित भएका थिए । त्यस्तै तीन ओभरमा २० रन दिएर दुई बिकेट र दुईजनालाई रन आउट गर्ने संतोष यादव बेष्ट बौलर घोषित भएका थिए ।
टि २० मेयर कप नकआउट टुर्नामेन्टमा बुधबार दुईवटा खेल हुने छ । पहिलो खेल वडा नम्बर ९ र वडा नम्बर ४ बिच हुनेछ भने दोस्रो खेल वडा नम्बर १ र वडा नम्बर ६ बिच हुने आयोजक टिमका संचालक विवेकानन्द साहले जानकारी गराएका हुन् ।

उदघाटन समाराेहमा देवाहीगाेनाही नगरपालिका वडा नम्बर १ देखि ९ नम्बर सम्मका वडा अध्यक्षहरू, जनप्रतिनिधि एवम् खेलप्रेमीहरूकाे भव्य उपस्थिति रहेको थियोे ।

आरके श्रीवास्तव,राैतहट,०२ गते वैशाख । 

राैतहट प्रिमियर लिगमा कटहरिया बाेल्टसका खेलाडीहरूले उत्कृष्ट प्रदर्शन गरेका छन् । लगातार दुई खेलमा हार बेहाेरेकाे कटहरिया बाेल्टसले आज राजदेवी सुपर किंगस विरूद्व १० विकेटले धमाकेदार जित हात पारेको छ ।

कटहरिया बोल्टसले राजदेवी सुपर किंग्स विरूद्व आफनो पहिलो जित हात पारेको हाे । टस जितेर पहिला बैटिंग गरेको राजदेवी सुपर किंग्सले निर्धारित २० ओभरमा ८ विकेट गुमाउँदै १ सय २६ रन बनाएको थियोे । १ सय २७ रनको विजयी लक्ष्य पाएको कटहरिया बोल्टसले १२ ओभर २ बलमा विना कुनै विकेट गुमाइ विजयी लक्ष्य पुरा गरेको थियो ।

अन्ततः कटहरिया बोल्टसले १० विकेटकाे सनसनीपूर्ण जित हात पारेको छ । खेलमा र प्रतियोगिता भरिमा नै बढी रन सर्वाधिक ९३ रन बनाउने इमरान शेषलाई प्लेयर अफ द मैच घोषणा गरिएको थियोे ।

याे खेलमा कटहरिया बाेल्टसले आफ्नो रनरेटमा राम्रो सुधार गरेको छ । कटहरिया बाेल्टसका मालिक महाशक्ति निरालाले जित र हार भनेको एक रथका दुई पाङ्ग्रा हुन् भन्दै यसअघि हार बेहोरेकाे आफनाे टिमलाई हाैसला बढाएका थिए ।

उनले भनेका थिए- कहिलेकाहीँ मान्छेले जित्छन् र कहिले हार्छन् । जित र हार निरन्तर चलिरहन्छ । हामी यसबाट डराउनु हुँदैन र आफ्नो तर्फबाट सक्दो प्रयास गर्नुपर्छ । अर्को खेलको लागि शुभकामना दिन चाहन्छु ।

मालिककाे नै यस्तो प्रतिक्रिया आएपछि खेलाडीहरू एकदम हाैसिएका थिए । फलस्वरूप आज प्रतियोगितामा रेकर्ड बिट प्रदर्शन गरेका छन् । मंगलबारकाे खेलमा राम्रो प्रदर्शन गरेकाे भन्दै कटहरिया बाेल्टसका अर्का मालिक चन्दन कुशवाहाले प्रत्येक खेलाडीलाई बधाई तथा शुभकामना व्यक्त गरेका छन् । र यसैगरी राम्रो प्रदर्शन गर्न हाैसला बढाएका छन् ।

राेहीत साेनलले कप्तानी गरिरहेकाे कटहरिया बाेल्टसमा निकै अनुभवी खेलाडीहरू सामिल छन् । टिममा काेच भूमिका संजिव अधिकारीले निर्वाह गरिरहेका छन् भने टिम मैनेजरकाे रूपमा राकेश गिरीले भूमिका निर्वाह गरिरहेका छन् । जबकि स्पाेन्सरकाे भूमिका प्रदिप यादव लगायतले गरिरहेका छन् ।

क्रिकेट खेलमा कटहरियाकाे एउटा बेग्लै नाम पहिचान भएकोले कटहरिया बाेल्टसकाे लगातार हारले निराश भएका यस नगरपालिकाका क्रिकेट प्रेमीहरू याे जित सँगै खुशी भएका छन् ।

चन्दन यादव, रौतहट २ बैशाख ।

रौतहटमा भन्सार छलीको समानसहित टेम्पो चालक पक्राउ परेको प्रहरीले जानकारी गराएका हुन् । प्रहरी गस्ती टोलीले रौतहटको सदरमुकाम गौर स्थित बसपार्कमा भन्सार छलीको अबैध सामान बोकेको टेम्पो संगै चालक लाई पक्राउ गरेको प्रहरीले बताए ।

सिमावर्ती भारतीय बजार बैरगनियाबाट भन्सार छली गरी ल्याएको ४ लाख २९ हजार ९२० रुपैया बराबरको कपडा, किराना, भाँडा बर्तन बोकेको ना २ ह ४६६० नम्बरको टेम्पो सहित चालक परोहा नगरपालिका ४ का ३० बर्षीय उमेश कुमार यादवलाई जिल्ला प्रहरी कार्यालयबाट गएको टोलीले चेकजाँचको क्रममा पक्राउ गरेको जिल्ला प्रहरी प्रवक्ता डिएसपी दीपक कुमार रायले बताएका छन्। बरामद भन्सार छलीको सामान सहित टेम्पो र चालक यादवलाई आवश्यक कारवाहीको लागि जिल्ला भन्सार कार्यालय गौरमा बुझाईएको जिल्ला प्रहरी कार्यालय रौतहटले मंगलवार जारी गरेको सूचनामा उल्लेख गरिएको छ ।

जिल्ला प्रहरी प्रमुख एसपी दिलीप घिमिरेको निर्देशनमा प्रहरीले सञ्चालन गरेको तस्करी नियन्त्रण अभियान अन्तर्गत करोडौँको भन्सार छलीको सामान, दर्जनौ सवारी साधन र तस्करलाई पक्राउ गरी कारबाहीको दायरामा ल्याईएको छ । प्रहरीको सक्रियताले बिगतको तुलनामा रौतहटमा भारतीय सामानको तस्करी न्यून प्रायः भएको जानकारहरुले बताएका छन्।

आरके श्रीवास्तव,रौतहट,०१ गते वैशाख ।

रौतहट । लोकतान्त्रिक पत्रकार संघ रौतहटको नयाँ वर्ष २०८२ को अवसर पारेर शुभकामना आदानप्रदान कार्यक्रम सम्पन्न गरेको छ । लोसपा निकट पत्रकारको संस्थाको रुपमा रहेको संघले जिल्लाको मध्य भाग गरुडा स्थित रहेको होटेल एनपी स्टारमा आज एक कार्यक्रम आयोजन गरि पत्रकारहरु सँग नयाँ वर्ष मनाएको हो ।

लोकतान्त्रिक पत्रकार संघ रौतहटका संयोजक राजु कुमार श्रीवास्तवको अध्यक्षतामा भएको कार्यक्रममा प्रमुख अतिथीको रुपमा लोसपाका केन्द्रिय सदस्य रामप्रवेश दास रहनु भएको थियो । संघका संयोजक श्रीवास्तवको नेतृत्वमा पत्रकारहरुलाइ गोलबद्ध गराउने उदेश्यले सो कार्यक्रम आयोजन गरिएको थियो ।
कार्यक्रममा प्रमुख अतिथीको आसन बाट बोल्दै लोसपा नेपालका बरिष्ठ नेता दासले पत्रकारहरुलाइ स्वच्छ रुपमा सम्पूर्ण पक्षको आवाज उठाउन आग्रह गरेका थिए । लोकतान्त्रिक पत्रकार संघ र पार्टीको हकहितमा काम गर्ने विश्वास व्यक्त गरेका थिए । देशमा परिवर्तन आयो त्यसमा पत्रकारको अहम भूमिका रहेको भन्दै अहिले पनि त्यस्तै भूमिकाको खाँचो छ । जुन पत्रकारले निर्वाह गर्नु पर्दछ ।

उनले भने लोकतान्त्रिक पत्रकार संघले रौतहटमा आफनो संयोजकको रुपमा श्रीवास्तवजीलाइ तोकेको छ । म वहाँलाइ बधाइ दिदै लोसपा निकट संस्था भएपनि स्वतन्त्र रुपमा नै पत्रकारिता गर्न उनले सुझाव दिन्छु । कुनै विभेद नगरी कसैको झोलेको रुपमा काम नगरी स्वच्छ रुपमा काम गर्न आग्रह गर्दछु ।

कार्यक्रममा अन्य वक्ताहरु नेपाल पत्रकार महासंघ रौतहटका उपाध्यक्ष विना राउत श्रीवास्तव,राष्ट्रिय शिक्षक मञ्च रौतहटका उपाध्यक्ष अरुण कुमार सिंह,बज्जिका पत्रकार संघ नेपालका अध्यक्ष राजेश्वर पाण्डे,राष्ट्रिय दलित पत्रकार संघ रौतहटका अध्यक्ष राजेश पासवान निर्माणी,नेपाल विश्वकर्मा लोहार संघका अध्यक्ष विवेक शर्मा,श्रमजीवी पत्रकार संघ रौतहटका उपाध्यक्ष राकेश यादव,प्रेस मञ्चका प्रतिनीधी आरएन पटेल,कायस्थ पत्रकार समाजका केन्द्रिय सदस्य सरिता कुमारी श्रीवास्तव लगायतले लोकतान्त्रिक पत्रकार संघले रौतहको पत्रकारितामा आफनो अहम भूमिका निर्वाह गर्ने छ भनी विश्वास व्यक्त गरेका थिए ।

रौतहटको पत्रकारितामा वर्तमान अवस्थामा देखिएको समस्यालाइ चिर्दै संघले अघि बढनेछ भनी हामी अपेक्षा राख्दछौं । कार्यक्रमलाइ समापन गर्दै संघका संयोजक श्रीवास्तवले नयाँ वर्षमा हामीले नयाँ सुभारम्भ गरेका छौं । नयाँ वर्ष २०८२ ले सम्पूर्ण साथीहरुमा सुख,शान्ति समृद्धी ल्याओस् भनि शुभकामना दिन चाहन्छु । अब आफनो नेतृत्वमा जिल्लाका पत्रकारहरु एवम् सञ्चारकर्मीहरु गोलबद्ध भइ अगाडी बढ्ने बताए ।

कार्यक्रममा उठेलका सवालहरुको सन्र्भमा उनले भने पत्रकारिताको स्तर सुधार्ने,श्रमको उचित मूल्यांकन,तालिम लगायत जति पनि पत्रकारिताको विषयमा सवालहरु उठेका छन् ती सबैलाइ मध्यनजरगरी संघ अगाडी बढने प्रतिबद्धता जनाएका थिए ।

अन्य संगठन भन्दा फरक तवरले हामी हिड्नेछौं भनी विश्वास दिलाउन चाहन्छौं । क्रियाशील सञ्चारकर्मीहरुलाइ संघमा आबद्ध हुन आहवान समेत गरेका छन् । अब छिट्टै रौतहटमा लोकतान्त्रिक पत्रकार संघले पूर्णता पाउने जानकारी समेत गराउनु भएको थियो । जसको लागि भव्य कार्यक्रम आयोजन गरि सार्वजनिक गरिने उनले बताए ।

सञ्चारकर्मी सागर संगम ठाकुरले सञ्चालन गरेको कार्यक्रममा संघको तर्फबाट गुडु यादवले स्वागत मन्तव्य राखेका थिए । सो अवसरमा जिल्लाभरीमा क्रियाशील दर्जनौं सञ्चारकर्मीहरुको उपस्थिती रहेको थियो ।

बज्जिकाञ्चल संवाददाता, रौतहट ३१ गते चैत ।

रौतहटको राजदेवी नगरपालिका बाट सशस्त्र प्रहरीको टोलीले शनिबार राति एकजना भारतीय नागरिकलाई पेस्तोल सहित पक्राउ गरेको छ ।

शनिबार राति करिब ९ बजेको समयमा रौतहटको राजदेवी नगरपालिका १० बेलविछवा सीसी क्यामेरा नाका स्थित जैसवाल मदिरा पसल बाहिर मदिरा सेवन गरि दुई समूहले एकआपसमा झगडा गरेको सूचना पाएर बिओपि बेलविछवा बाट सशस्त्र प्रहरी नायब निरीक्षक कृष्ण प्रसाद यादवको कमाण्डमा गएको टोलीले पेस्तोल सहित एकजनालाई पक्राउ गरेको हो ।

सप्रनानि यादवको कमाण्डमा ७ जनाको टोली झगडा भएको स्थानमा पुग्दा प्रहरी देखेर भाग्ने क्रममा भारत विहार राज्यको सितामढी जिल्ला नन्दवरा बस्ने अन्दाजी २३ वर्षका किशन कुमारलाई सशस्त्र प्रहरीले पक्राउ गरेको हो ।

पक्राउ परेका किशन कुमार लाई खानतलासी गर्दा उनको साथबाट पेस्तोल १ थान बरामद हुनुका साथै लागुऔषध पनि बरामद भएको बिओपी बेलविछवाले जनाएको छ ।

बिओपी बेलविछवाका अनुसार पक्राउ परेका किशन कुमारको साथबाट लागुऔषध कोरेक्स ३ पीस, नाइट्रोभेट ट्याबलेट ५ पीस, मोबाइल १ थान र हातमा लगाउने बाला बरामद भएको छ । हतियार र लागुऔषध सहित पक्राउ परेका भारतीय नागरिक किशन कुमारलाई थप अनुसन्धानका लाथि जिल्ला पठाईएको बिओपी बेलविछवाले जनाएको छ ।

यसरी मधेशका जिल्लाहरुबाट पटक पटक भारतीय नागरिकहरु हतियार सहित पक्राउ पर्ने गरेका छन् । उनिहरु माथि प्रहरीले अनुसन्धान पनि गर्ने गरेको छ । तर प्रहरीले अनुसन्धान पश्चात हतियार कुन प्रयोजनका लागि नेपालमा लिएर आए भन्ने कुराको जानकारी सार्वजनिक नगर्दा निशानामा पर्ने व्यक्ति असुरक्षित हुँदै गएका छन् ।

पिएसआर खबर

सागर संगम ठाकुर,राैतहट,३० गते चैत ।

रौतहट सहित तराई मधेशका जिल्लाहरुमा शनिवार हनुमान जयंती धुमधामका साथ मनाइएको छ ।
स्नातन हिन्दु धर्ममा चैत महिना सबै भन्दा उत्तम र महत्वपुर्ण मानिन्छन यो महिना हिन्दुहरु नव वर्ष, एकादशी,चैत नवरात्रि जस्तो पर्व मनाउने गर्दछन ।
धार्मिक ग्रंथ अनुसार चैत महिनाको पुिर्णमा तिथिमा बलबुद्धीका ज्ञाता बजरंगबलीको जन्म भएकोले हरेक वर्ष यो पर्व मनाउने गर्दछन ।

यसै बिच रौतहटको मध्यभाग कटहरिया नगरपालिका वडा नं.२ जमुनियामा लाेकतान्त्रिक समाजवादी पाटीर्का केन्द्रिय सदस्य तथा रौतहटका चर्चित नेता रामप्रवेश दासले आफनो निजी निवासमा हनुमान जयंतीको अवसरमा सांस्ंकृतिक कार्यक्रमको आयोजना गरी मनाएको छ ।
नेता दासले बिगत १५ वर्ष देखि आफनो निजी निवासमै हनुमान जयंतीको अवसरमा सांस्कृतिक कार्यक्रमको आयोजना गरिदै आएको बताउनु भयो ।

हनुमान जयंतीको अवसरमा नेता दासको घरमै आयोजना गरिएको सांस्ंकृतिक कार्यक्रममा जागरण मंण्डली द्धारा बिभिन्न देवी देवताको झाखीहरु प्रस्ततु गर्नु भएको थियो ।
हनुमान जयंतीको अवसरमा आफनो कुरा राख्दै लोसपा नेता दासले यस्ता पर्वले समाजमा समाजिक सदभाव र आपसी भाईचारा कायम गर्न अभिप्रेरित गर्ने बताउनु भयो ।

स्नातन धर्ममा सबै जातजाती मिलेर सामुहिक रुपमा यस्ता किसीमका कार्यक्रम गरे समाज रुपान्तरणमा कुनै कमी न हुने बिश्वास ब्यक्त गर्नु भयो । सो अबसरमा गाउँका स्थानिय भद्धभलादमी बुद्धीजिवी र संचारकर्मीहरुको समेत उपस्थिती रहेको थियो ।

चन्दन यादव, रौतहट ३० गते चैत ।

रौतहटबाट ५ वटा मोटरसाईकललाई भन्सारमा बुझाईएको प्रहरीले जानकारी गराएका हुन् । २०८१ चैत १५ गते देखी जिल्लाको कार्यालय तथा मातहत समेतबाट खटिएको प्रहरी टोलीले विभिन्न स्थानहरुमा सवारी साधनहरुलाई चेकजाँच गर्ने क्रममा कागजातहरु नभएको मोटरसाईकलहरु नियन्त्रणमा लिई जिल्लाको कार्यालयमा ल्याई राखिएको प्रहरीले जानकारी गराएका हुन् ।

प्रहरी नायव उपरीक्षक प्रवक्ता तथा सूचना अधिकारी दिपक कुमार रायले दिएको जानकारी सो मोटरसाईकलहरु अन्दाजी मुल्य रु.३ लाख ५० हजार बरावरको रहेको हो । ५ वटा मोटरसाईकलहरुलाइ आवश्यक कारवाहीको लागी गौर भन्सार कार्यालयमा दाखिला गरिएको प्रहरीले जनाएको हो ।

बज्जिकाञ्चल संवाददाता, रौतहट ३० गते चैत ।

नेकपा एमाले गौर नगरपालिका वडा नम्बर ७ सिसवामा आज अर्थात (शनिबार) का दिन एक कार्यक्रम बिच वडा अधिवेशन सम्पन्न भएको छ । नेकपा एमालेका केन्द्रीय सदस्य , रौतहट जिल्ला ईन्चार्य एवं गौर नगरपालिकाका पुर्व नगर प्रमुख अजय कुमार गुप्ताको प्रमुख आतिथ्यतामा वडा अधिवेशन सम्पन्न भएको उनले जानकारी गराएका हुन् ।

सो अधिवेशनले रतनेश प्रसाद साहको अध्यक्षतामा २१ सदस्यीय वार्ड कमिटी सर्वसम्मतिले गठन गरिएका छन । जिल्ला ईन्चार्य गुप्ताले सबै नव निर्वाचित पदाधिकारी तथा सदस्यहरुलाई टीका लगाई बधाई तथा सफल कार्यकालको शुभकामना पनि दिनु भएको थियो ।

बज्जिकाञ्चल संवाददाता, रौतहट ३० गते चैत । चन्द्रपुर 

रौतहट सदरमुकाम गौरमा रहेको कोष तथा लेखा नियन्त्रक कार्यालयको निर्माणाधीन भवनको काम प्रभावित बनेको छ । गौर बाढी प्रभावित क्षेत्र भएका कारण आंशिक रूपमा ‘डिजाइन’ परिवर्तन भई काम हुँदा अन्तिम चरणमा आएर निर्माण कार्य नै प्रभावित भएको निर्माण कम्पनीले जनाएको छ ।

भवन निर्माण कम्पनी सिनर्जी राजदेवी भक्त जेभीका अरबिन्द जयसवालले परिवर्तित डिजाइनको भेरिएसन नहुँदा काम सम्पन्न गर्न नसकिएको बताउनुभयो । नयाँ डिजाइन पनि स्वीकृत भएको छैन । डिजाइन स्वीकृत नहुँदा भेरिएसन पनि नभएको, जयसवालले भन्नुभयो, “डिजाइन स्वीकृत तथा भेरिएसनका लागि पटक पटक ताकिता गर्दा पनि हुन सकेको छैन ।”

कोष तथा लेखा नियन्त्रक कार्यालय रौतहटका कोष नियन्त्रक देवीप्रसाद गौतमका अनुसार कार्यालयले आवश्यकता अनुसार डिजाइन आंशिक रूपमा संशोधन गरेर काम गराएको देखियो, महालेखा नियन्त्रक कार्यालयले परिवर्तित डिजाइन स्वीकृत गरी भेरिएसन नगरिदिँदा निर्माण कम्पनीले पाउनुपर्ने करिब ५० लाख रुपियाँ भुक्तानी रोकिएको छ । भुक्तानी रोकिएका कारण सम्पन्न गर्नुपर्ने काम निर्माण कम्पनीले गर्न मानेका छैनन् ।”

सकेसम्म भेरिएसन गर्नु नपर्ने गरी काम गरेको राम्रो भए पनि स्थानीय आवश्यकता अनुसार डिजाइन आंशिक रूपमा परिवर्तन गरेर काम गरिसकेकाले कानुनको परिधिभित्र रही यसलाई टुङ्गो लगाउनुपर्ने सघन सहरी तथा भवन निर्माण आयोजना पर्साका कार्यालय प्रमुख सञ्जीव साहले बताउनुभयो । भेरिएसन स्वीकृत गर्न बारम्बारको ताकितापछि महालेखा नियन्त्रक कार्यालयले पुल्चोक इन्जिनियरिङ क्याम्पसलाई कामको गुणस्तर जाँचलगायतको कुराका लागि राय माग गरेपछि क्याम्पसका डाक्टर प्रदीपकुमार श्रेष्ठले प्रतिवेदन दिए पनि परिवर्तित डिजाइन तथा भेरिएसन स्वीकृत गर्न कोही तयार भएको देखिएन ।

महालेखा नियन्त्रक कार्यालयका उपमहालेखा नियन्त्रक ओमप्रसाद रिजालका अनुसार डिजाइन परिवर्तन अगाडि स्वीकृत गराउन कोलेनिका रौतहटपछि परेकाले यस्तो समस्या आएको बताउनुभयो । स्वीकृत डिजाइनमा पाँचदेखि १५ प्रतिशतसम्म परिवर्तन देखिए महालेखा नियन्त्रक कार्यालयले डिजाइन तथा भेरिएसन स्वीकृत गर्ने कानुनी व्यवस्था छ । त्यही व्यवस्थाका कारण एक वर्षदेखि फाइल अड्किएको कोष तथा लेखा नियन्त्रक कार्यालय रौतहटले जनाएको छ ।

पाँच करोड ९९ लाख रुपियाँको लागत अनुमानको टेन्डरमा तीन करोड ६३ लाख २४ हजार ८७२ रुपियाँमा ठेक्का सकार गरेको सिनर्जी राजदेवीभक्त जेभीले करिब ९० प्रतिशत कार्य सम्पन्न गरेको छ । भेरिएसन स्वीकृत नभएकै कारण ठेकेदारले १० प्रतिशत काम अड्काएको छ ।

निर्माण कम्पनीका जयसवालका अनुसार भवन फिनिसिङ, बत्ती, पानीको काम मात्र बाँकी रहेकाले भेरिएसन स्वीकृत भएको दुई महिनाभित्र काम सम्पन्न हुने बताउनुभयो । महालेखा नियन्त्रक डाक्टर गणेशप्रसाद पाण्डेका अनुसार निर्माण कम्पनीको म्याद तीन चोटि थप भइसकेको तथा आगामी वर्षमा यो भवन निर्माणका लागि बजेटसमेत नछुट्याइएकाले कानुनी प्रव्रिmया पूरा गरेर यसै आर्थिक वर्षमा भवन निर्माण कार्य सम्पन्न गर्ने लक्ष्य रहेको बताउनुभयो ।

सभार
गोरखापत्र

हनुमत यादव,गाैर,२९ गते चैत । 

गाैर ।  मेरोमाइक्रोफाइनान्स लघुवित्त वित्तीय संस्था लि. रौतहट शाखा कार्यालय माधवनारायण द्वारा आयोजित वार्षिक केन्द्र प्रमुख गोष्ठी तथा वित्तीय साक्षरता अभिवृद्धि कार्यक्रम शुक्रबार जिल्लाको सदरमुकाम गौर स्थित रहेको साईमन होटेलको सभा हलमा सम्पन्न भएको छ । त्यस अवसरमा माधवनरायण नगरपालिका वडा नं १ का वडा अध्यक्ष राज कुमार यादवले लघुवित्त संस्थाहरूले आर्थिक उन्नयनमा खेलेको भूमिका प्रसंसनिय रहेको उल्लेख गरे ।

 

यादवले दिदीबहिनीहरूको आर्थिक सशक्तीकरण र उद्यमशीलतामा लघुवित्तको भूमिका अत्यन्त महत्वपूर्ण रहेको बताए । संस्थाका मधेस प्रदेश प्रमुख रामप्रसाद कुशवाहाले समाजमा लघुवित्तलाई हेर्ने दृष्टिकोण नकारात्मक हुँदा विभिन्न समस्या उत्पन्न भइरहेको जनाए । उनले कर्जा लिँदा संस्थाको नीति, नियम र सेवा प्रणाली बुझेरमात्र कारोबार गर्नुपर्ने बताए । पछिल्लो समय वित्तीय साक्षरता कार्यक्रमले सदस्यहरू जागरुक बन्दै गएको समेत उनले बताए ।

 

आफ्ना ग्राहक सदस्यहरुमा वित्तीय सचेतना तथा वित्तीय शिक्षा प्रदान गर्ने उदेश्यले सञ्चालित उक्त कार्यक्रममा संस्थाको तालिम विकास तथा प्रवर्तन विभाग प्रमुख सिताराम महतोले वित्तीय शिक्षा र साक्षरता सम्बन्धी अभिमुखीकरण प्रस्तुति प्रस्तुत गरे ।

उक्त कार्यक्रममा शाखा कार्यालय माधवनरायण अन्तर्गत सञ्चालित उत्कृष्ट केन्द्र व्यवस्थापन गर्ने ४ जना केन्द्र प्रमुख तथा वित्तीय संस्थाबाट कर्जा लिएर व्यवसाय सञ्चालन गर्नेमध्ये मेरो सरुअठा महालक्ष्मी महिला केन्द्र(प्रथम) – ३०००/- , मेरो सीतारा महिला केन्द्री(दोस्रो) – २०००/-, मेरो माँ जगदम्बा महिला केन्द्र (तेस्रो) – १०००/-,मेरो बसतपुर महिला केन्द्र (चैथो) – ५००/- नगद सहित वर्षका ४ उत्कृष्ट व्यावसायिक ग्राहकलाई कदर पत्रद्वारा सम्मान गरिएको थियो ।

१०० औ जना ग्राहक सदस्यहरुको सहभागिता रहेको वित्तीय साक्षरता कार्यक्रमको अध्यक्षता केन्द्र नम्बर ४२ का केन्द्र प्रमुख लिलामबर प्रसाद सिंह गनगाइले गरेका थिए । साथै कार्यक्रम सञ्चालन तथा सहजीकरण शाखा प्रबन्धक गनगाईले गरेका थिए ।

हनुमत यादव,गाैर,२८ गते चैत ।

गाैर । बेमौसमी वर्षाका कारण रौतहट सहित मधेसका जिल्लाहरूमा गहुँ र दलहन बालीमा व्यापक क्षति पुगेको छ । बुधबार राती देखि निरंतरता भैरहेको बर्षाले खेतमा पानी जमेर गहुँ र दलहन भिज्न थालेपछि बालीनाली सड्न सुरु भए पछि किसानहरूमा डरले चिन्त बनेका छन् ।

जिल्लाका विभिन्न क्षेत्रमा लगाइएको सयौं बिघा गहुँ, दलहन बाली नष्ट भएको प्रारम्भिक अनुमान गरिएको छ । वर्षासँगै आएको हावाहुरीले गहुँका बालाहरू लडाएको र खेतमा पानी जमेपछि अन्न कुहिन थालेको किसानहरूले बताएका छन् । साथै अहिलेको मौसममा फलने बोट , बिरुवामा फुल लगन सुरु भएको छ तर अहिलेको हावाहुरीले फुल झरीरहेकोले आम , कटहर ,लिच्ची जस्ता फलमा पनि भारी क्षति पुगेको छ ।

बिघौ बिघामा लगाएको गहुँ बाली पानीले पूर्ण रूपमा नष्ट भएको किसनहरुले गुनासो गरेका छन् । “वर्षभरि गरेको मेहनत खेर गयो, । यस वर्ष बर्खा समयको अन्तिम समयमा आएको बढीका कारण गहुँ र दलहन बाली ढिलो लगायिएकोले भर्खरै तैयार भएको बेमौसमी वर्षाका कारण धेरै क्षति पुर्याएको किसानहरु बताएका छन् । बेमौसमी वर्षाले गहुँ बालीमा पुर्याएको क्षतिका कारण किसानहरू निराश भएका छन् । उनीहरूले सरकारसँग उचित राहत र क्षतिको मूल्याङ्कन गरी क्षतिपूर्ति उपलब्ध गराउन माग गरेका छन् ।

धानबालीको बखत आएको बढीले बिघौ बिघा डुबानमा परि क्षति भएको र केहि बचेको लगातारको वर्षाले धानबाली भित्र्याउन नपाएका किसानहरूलाई गहुँ बालीमा भएको क्षतिले थप समस्यामा पारेको छ । यस्तो प्राकृतिक प्रकोपबाट किसानहरूलाई जोगाउन सरकारले दीर्घकालीन योजना ल्याउनुपर्ने आवश्यकता देखिएको छ । यस्तो प्राकृतिक प्रकोपले किसानहरूलाई ठूलो आर्थिक मार पर्ने गरेको छ । सरकार र सम्बन्धित निकायहरूले किसानहरूलाई उचित राहत र क्षतिपूर्तिको व्यवस्था गर्नुपर्ने देखिन्छ । बाली बीमा जस्ता कार्यक्रमहरूलाई प्रभावकारी बनाउनुका साथै किसानहरूलाई मौसम पूर्वानुमानको सही जानकारी समयमै पुर्याउन सके यस्ता जोखिमहरू कम गर्न सकिन्छ ।

आरके श्रीवास्तव,गरूडा,२८ गते चैत ।
राजाको शासन पुनः नआउने र जनताले समर्थन पनि नगर्ने नेकपा एकीकृत समाजवादी पार्टीका अध्यक्ष एवम् पूर्व प्रधानमन्त्री माधव कुमार नेपालले बताएका छन् ।
एकीकृत समाजवादी पार्टी राैतहटकाे जिल्ला अधिवेशनकाे उदघाटन सत्रलाई सम्बाेधन गर्दै उनले यस्तो बताएका हुन् ।

हाम्रो पार्टी देश र जनताको पक्षमा आफ्नो पार्टी चट्टान झैँ खडा भएको छ । कुनै चलखेल चल्दैन ।
साथै उनले देशमा सामाजिक सुरक्षा भत्ता लागू गराउने,किसानकाे हकहितमा आवाज उठाउने लगायतका कामहरू गर्ने कम्युनिस्ट पार्टी नै रहेकाे स्मरण गराउँदै हामी सधैं जनताकाे पक्षामा काम गर्दै आएकाे बताएका छन् ।

गरूडा स्थित श्रीराम सुगर मिलकाे प्रांगणमा आयाेजित ९ आैं जिल्ला अधिवेशनमा उनले शिक्षा, स्वास्थ्य, कृषि लगायतका क्षेत्रको समस्याकाे समाधान गर्ने एकमात्र पार्टी कम्युनिस्ट पार्टी रहेको दाबी गरे ।
अहिले देशमा एकीकृत समाजवादी पार्टीकाे लहर नै चलेको छ । विभिन्न पार्टीबाट नेकपा एसमा आउने मानिसहरुको संख्या पछिल्लो समय बढ्दै गएकाे बताएका छन् ।
आज पनि साे कार्यक्रममा नेकपा एमाले, नेकपा माओवादी र विभिन्न पार्टी परित्याग गरी जिल्लास्तरका नेताहरु पार्टीमा प्रवेश गरेका छन् । नवप्रवेशी नेताहरूलाई स्वागत गर्दै नेता नेपालले नेकपा समाजवादीलाई राेजनु भएकोमा धन्यवाद ज्ञापन गरेका थिए ।

आफनाे गृहनगरसमेत रहेको रौतहटलाई नेता नेपालले कम्युनिष्ट पार्टीको गढको रुपमा रहेको र विभिन्न इमानदार तथा कर्तव्यनिष्ट र जनताप्रति समर्पित नेता कार्यकर्ताहरुको जिल्ला रौतहट भएको पनि नेपालले बताएका छन् । नेता नेपालले रौतहटका विभिन्न पुराना कम्युनिष्ट कार्यकर्ताहरुको स्मरण पनि गरेका छन् । कटहरियाका हरदयाल महताे,तुल्सीलाल आमात्य लगायतका नेताहरूकाे बारेमा चर्चा गरेका थिए ।
राजावादीको आन्दोलन लाई घुमाउरो पारामा उनले भने
गत चैत १५ मा गणतन्त्रवादी र राजावादीको राजधानीमा दुई कार्यक्रम भएको उल्लेख गर्दै तिनकुनेमा भएको कार्यक्रम अराजक भएको टिप्पणी समेत गरेका छन् । नेता नेपालले भने – लुटपाट गर्ने, मान्छे मार्ने तथा तोडफोड गर्ने काम समेत भएको छ । जुन गलत हाे ।
नेता नेपालले राजतन्त्रमा जनताले निकै दुःख पाउने बताउँदै विगतमा पनि राजतन्त्रलाई जनताले फालेको बताउँदै अब राजतन्त्र फेरि नआउने विश्वास पनि दिलाएका छन् । नेता नेपालले राजाको शासन पुनः नआउने र जनताले समर्थन पनि नगर्ने बताएका छन् ।
राजनीति कुरा बढ नगरेका नेता नेपालले बज्जिका भाषामा नै भाषण गरेका थिए ।

आरके श्रीवास्तव,राैतहट,२८ गते चैत । 

अहिले पनि सडक हिलाम्मे भएर मानिसहरूलाई सास्ती खेप्नु परेकाे छ । भन्दा पत्यार नलाग्न सक्छ । देशमा संघियता आएपछि राैतहटकाे बाटाेघाटाेमा धेरै सुधार भएकै हाे । यसमा कुनै शंका छैन् । तर ग्रामीण क्षेत्रकाे केही ठाउँमा जनप्रतिनिधिहरूले ध्याननदिदाँ सर्वसाधारण भने अझै सास्ती खेप्न बाध्य छन् ।

यस्तै भएको छ जिल्लाकाे गुजरा नगरपालिका वडा नम्बर ४ कनकपुर गाउँमा जहाँ हिजो मात्रै आएको वर्षाले गर्दा मुख्य सडककाे केही ठाउँमा पानी जलमग्न भई बाटाे हिलाम्मे भएको छ । त्याे बाटाे भएर आवतजावत गर्ने माेटरसाईकिल र साईकल चिप्लिएर लडिरहेका छन् ।

लाखौंको बजेट चलाउने जनप्रतिनिधिले दुई चार टेलर ग्रेबल खसाल्ने हाे भने सर्वसाधारणलाई राहत हुने थियोे । बर्खामा परेको पानीले सहज निकास नपाउँदा कनकपुरकाे मस्जिद नजिकैकाे बाटोमा यस्तो अवस्था रहेको छ ।

साे ठाउँमा दिनहुँ नवाज पढन गाउँभरिकै मुस्लिम समुदायका मानिसहरू आउने गर्छन् । अति नै व्यस्त मानिएको ठाउँ हाे । स्थानीयहरूले तुरुन्त बाटाेलाई मर्मत गरिदिन र पानीको निकास निकालि दिन माग गरेका छन् ।

गुजरा नगरपालिकाकाे वडा नम्बर ४ कनकपुरका स्थानीय  नेपाली काँग्रेस क्षेत्र नम्बर ३ का सह सचिव एवम् नेपाल मुस्लिम संघका केन्द्रीय सदस्य साबिर हुसेनले जनप्रतिनिधिहरू सँग यथासिघ्र बाटाेलाई राम्ररी सुचारू गराईदिन आग्रह गरेका छन् ।

यस विषयमा वडा नम्बर ४ का वडा अध्यक्ष झमक प्रसाद चाैलागाई लाई फाेन गर्दा सम्पर्क हुन सकेको छैन् ।

आरके श्रीवास्तव,गरूडा,२८ गते चैत ।
जनता समाजवादी पार्टी (जसपा) काे जिल्ला अध्यक्षमा राजिव रंजन यादव निर्वाचित भएका छन् । आफना निकटतम प्रतिद्वन्द्वी श्याम बिहारी यादव लाई ६६ मतले पराजित गरेका हुन् ।
राजिव रंजनले १९६ मत पाएका छन् । भने श्याम बिहारीले १३० मत पाएका छन् । अध्यक्ष पदका लागि १ मत बदर भएको छ ।

उपाध्यक्षमा पारस भण्डारी र अमरूल हक विजयी भएका हुन् । उनीहरूले क्रमशः १९८ र १८५ मत पाएका छन् ।
उपाध्यक्षका अन्य उम्मेदवारहरू अमृतलाल चौधरी १०९
र रामेश्वर रायले १३२ मत पाएका छन् ।

त्यस्तै सचिवमा शम्भु प्रसाद यादवले १९१ मत प्राप्त गरि विजयी भएका छन् । उनका निकटतम प्रतिद्वन्द्वी जयराम महतोले १२६ पाएका छन् ।

सह सचिव उपेन्द्र रायले १८७ र दीपेन्द्र पटेलले १९८ मत प्राप्त गरि विजयी भएका छन् । साेही पदका उम्मेदवारहरू प्रवेज़ आलमले १२४ र वसन्त झाले ११४ मत पाएका छन् ।

यस्तै कोषाध्यक्षमा बृज मोहन साह १७१ प्राप्त गरि निर्वाचित भएका हुन् । उनका निकटतम प्रतिद्वन्द्वी सुरेन्द्र बैठाले १४२ मत पाएका छन् ।

बिहिवार भएको जसपा नेपाल रौतहटको जिल्ला अधिवेशनबाट नयाँ जिल्ला कार्य समितिको विभिन्न पदका लागि भएको निर्वाचनमा कुल ३४३ मत मध्ये ३२९ मत अर्थात् ९६% मतदान भएको निर्वाचन अधिकृत शैलेन्द्र यादवले जानकारी गराएका थिए ।

मुकेश कुमार साह,चन्द्रपुर,२७ गते चैत । 

चन्द्रपुर ।  रौतहटको चन्द्रपुर नगरपालिका वडा नम्बर ७ स्थित बनबहुअरी टोलबाट लागू औषध गाँजासहित एक व्यक्ति पक्राउ परेका छन् । विशेष सूचनाका आधारमा इलाका प्रहरी कार्यालय चन्द्रनिगाहपुरबाट खटिएको टोलीले ५० वर्षीय सुरेन्द्र साहलाई पक्राउ गरेको हो ।

साहलाई उनको घर अगाडि सडकमा फेला पारेर नियन्त्रणमा लिइएको प्रहरीले जनाएको छ । त्यसपछि गरिएको घर खानतलासीमा साह सुत्ने कोठाको खाटमुनि “बाबा पोता” लेखिएको झोलामा गाँजा लुकाइएको अवस्थामा फेला परेको थियो  ।

प्रहरी निरीक्षक साजन  कुमार शर्माका अनुसार बरामद भएको उक्त गाजा   ४ किलो १०० ग्राम रहेको छ ।

पक्राउ परेका साहमाथि लागु औषध सम्बन्धी कसूरमा अनुसन्धानका लागि रौतहट जिल्ला अदालतबाट १० दिनको म्याद थप गरि थप अनुसन्धान भईरहेको  प्रहरी निरीक्षक शर्माले बताए ।

आरके श्रीवास्तव,गरूडा,२७ गते चैत ।
रौतहट जिल्लाको कटहरिया-सन्तपुर सडकखण्ड अन्तर्गत लालबकैया खोलामा निर्माणाधीन कजवे (कजवे) को गुणस्तरप्रति स्थानीय बासिन्दाहरूले गम्भीर चासो व्यक्त गरेका छन्। उनीहरूका अनुसार निर्माण कार्यमा प्रयोग भइरहेको सामग्री र कामको स्तर सन्तोषजनक नभएको देखिन्छ । जसले गर्दा आगामी दिनमा यातायातमा समस्या आउन सक्ने सम्भावना छ।

स्थानीय बासिन्दाहरूले सम्बन्धित निकायहरूलाई निर्माण कार्यको गुणस्तर सुनिश्चित गर्न आग्रह गरेका छन् । उनीहरूको भनाइ अनुसार यदि अहिले नै आवश्यक निरीक्षण र सुधारात्मक कदमहरू नचालिएमा भविष्यमा यो संरचनाले दीर्घकालीन रूपमा टिकाउपन हुन नसकने स्थानीयकाे दाबी छ ।

यसअघि पनि, रौतहट जिल्लामा लालबकैया नदीमा जथाभावी बालुवा उत्खननका कारण पुलहरू भासिने खतरा बढेको समाचारहरू आएका थिए । त्यसैले वर्तमान अवस्थामा निर्माणाधीन कजवेमा पनि विशेष ध्यान दिनुपर्ने आवश्यकता देखिन्छ।

सम्बन्धित निकायहरूले शीघ्र रूपमा निर्माण स्थलको निरीक्षण गरी आवश्यक सुधारात्मक कदमहरू चाल्ने अपेक्षा गरिएको छ । ताकि यो संरचना दीर्घकालीन रूपमा सुरक्षित र टिकाउ रहोस् ।
जुन ठाउँमा अहिले कजवे निर्माण भइरहेको छ । त्याे ठाउँमा अर्को पुलकै आवश्यकता छ । किनकि हरेक वर्ष साे ठाउँमा बाढी आउँदा ५ देखि ७ फिट सम्म पानी बगने गर्छ । जसले गर्दा हप्तौं दिनसम्म यातायात अबरुद्ध हुने गरेको छ । यसअघि बाढीले उक्त ठाउँमा भएको ढलान नै बगाएर लगेको थियोे । गुणस्तरहिन ढलान भएको कारण फुटेर हिलाम्मे बनेको थियोे ।
स्थानीय राजन साह भन्छन्-याे कजवे केही व्यक्तिहरूकाे लागि कमाइ खाने भाडाे बनेको छ । खासमा यहाँ पुल बन्नुपर्ने हाे । तर कजवे निर्माण भइरहेको छ । जुन सरकारकाे लगानी बालुवामा पानी हाले जस्तै हाे ।

आरके श्रीवास्तव,गरूडा,२७ गते चैत ।
गरिबलाई राेजगारी दिने नाउँमा राैतहटकाे कटहरिया नगरपालिकाले दाेहाेराे राेल खेलीरहेकाे पाइएको छ । बेरोजगारहरूकाे नामावली संलग्नकाे नाउँमा विवाद उत्पन्न गराईदिएकाे छ ।
प्रधानमन्त्री स्वराेजगार कार्यक्रम अन्तर्गत आगामी आर्थिक वर्षका लागि नगरपालिका बाट लाभग्राही छनाैटका लागि नगरपालिका बाट पनि फारम वितरण गरेको छ ।
भने वडाबाट पनि फारम भरेर नगरपालिकामा पठाउन भनिएको छ । कटहरिया नगरपालिका वडा नम्बर २ मा २० जना छनाैट गरि पठाउनका लागि त्यति संख्यामा मात्रै निवेदन उपलब्ध गराईकाे छ । यता राेजगार शाखाले पनि एजेन्ट लगाई सर्वसाधारण गरिबहरूलाई निवेदन फारम वितरण गर्न लगाएकाे पाइएकाे छ ।
वडा कार्यालयले लाभग्राही छनाैट गर्न याे महिना सम्म निवेदनकाे अन्तिम म्याद दिएकाे छ । वडामा फारम नभरी सिधै फारम लिएर वडामा पुगेपछि केही दिन देखि त्यहाँ तनाव उत्पन्न भएको छ । यसै विषयलाई लिएर उनीहरू वडा कार्यालयमा तालाबन्दी गर्ने मुडमा थिए ।
कटहरिया २ का वडा अध्यक्ष हरिन्द्र साह कलवार भन्छन् -नगरपालिकाले दाेहाेराे निति अपनाए हामीलाई तनाव थपि दिएकाे छ । वडा बाट बकाइदा सूचना भएको छ । त्यही अनुरूप हामीले फाईलहरू जम्मा गरिरहेका छाैं ।
यस्तै तरिकाले काेविडकाे पिडतकाे लागि २०७८ सालमा आएकाे रकममा दाेहाेराे निति अपनाउँदा हालसम्म साे रकम वितरण हुन पाएकाे छैन् ।

यता कटहरिया नगरपालिकाकाे राेजगार शाखा प्रमुख रामविनय साह साेनी सँग बुझ्दा अहिले हामीले बेरोजगारहरूकाे नामावली संकलन गर्दैछाैं । वडामा पनि फारम दिएका छाैं । यदि व्यक्तिले पनि त्याे फारम मागयाे भने हामी उपलब्ध गराउँछाैं । अहिले संकलन भएको फारम कार्यपालिका बाेर्डमा पेशभई मात्र नामावली छनाैट हुने बताएका छन् ।

आरके श्रीवास्तव,गरूडा,२७ गते चैत ।
राैतहट प्रिमियर लिग (आरपिएल) मा आज भएकाे पहिलाे खेलमा गुजरा राइडर्स टिमले विजयी हासिल गरेकाे छ । राजदेवी सुपर किंग्स विरूद्व उसले आफनाे पहिलो खेलमै जित हात पारेकाे छ ।

टस जितेर पहिला बैटिंग गरेकाे गुजरा राइडर्सले निर्धारित २० ओभरमा ४ विकेट गुमाउँदै १ सय ५४ रन बनाएको थियोे । १ सय ५५ रनकाे विजयी लक्ष्य पाएकाे राजदेवी सुपर किंगसले निर्धारण २० ओभरमा सम्पूर्ण विकेट गुमाइ मात्र १ सय ६ रन बनाउन सकेको थियो ।
अन्ततः गुजरा राइडर्स ४८ रनले विजयी भएको छ । खेलमा सर्वाधिक ७० रन बनाउने गाैरव खड्का लाई प्लेयर अफ द मैच घाेषणा गरिएको थियो । गुजरा राइर्डसले आफनाे अर्काे खेल भाेली गाैर वारिर्यस सँग खेल्नेछ ।

त्यस्तै आजै भएको अर्काे खेलमा गाैर वारियर्सले कटहरिया बाेल्टस विरूद्व जित निकालेकाे छ । जारी आरपिएल खेलमा जिल्लाका पाँच वटा टिम सहभागी छन् । गौर वारियर्सल ,तराई टाईगर ,गुजरा राइडर्स,कटहरिया बोल्टस र राजदेवी सुपर किंग्स सहभागी छन् ।

आरके श्रीवास्तव,गरूडा,२७ गते चैत ।
जनता समाजवादी पार्टी नेपाल रौतहटको अध्यक्षमा दुई जनाबिच प्रतिस्पर्धा हुने भएको छ । निर्वाचन समितिले मनाेनयनकाे अन्तिम नामावली सार्वजनिक गरेसँगै नयाँ नेतृत्व चयनका लागि भोलि निर्वाचन हुने भएको छ ।
वर्तमान जिल्ला अध्यक्ष श्याम विहारी यादव र बाैधीमाई नगरपालिकाका पूर्व नगरप्रमुख राजीव रंजन यादव बिच कडा प्रतिस्पर्धा हुने भएको छ ।
यस अघि देखिनै गरूडा नगरपालिकाका मेयर प्रत्यासी अनिल कुमार यादवले पनि जिल्ला अध्यक्षमा उम्मेदवारी दिने घाेषणा गर्नु भएको थियो । अन्ततोगत्वा उनी उम्मेदवारी दिनबाट पछि हटे पछि दुई जनाबिच प्रतिस्पर्धा हुने भएको छ ।

दुवै जना उम्मेदवार राजनीतिमा ठूलो पकड़ बनाएका नेता भएको कारण दुवैजना बीच कडा प्रतिस्पर्धा हुने देखिएको छ। त्यस्तै दुईजना जिल्ला उपाध्यक्ष पदका लागि हुने निर्वाचनमा चार जनाको उम्मेदवारी परेको छ ।
अमरूल हक, अमृतलाल चौधरी, राम ईश्वर यादव र पारस भण्डारीले उपाध्यक्ष पदका लागि उम्मेदवारी दिएका छन्। सचिव पदका लागि शम्भु प्रसाद यादव र जयराम महतोले उम्मेदवारी दिएका छन्। दुईजना सह सचिवका लागि तीन जनाको उम्मेदवारी परेको छ। उपेन्द्र राय, दीपेन्द्र पटेल र मोहमद प्रवेज आलमले सह सचिवमा उम्मेदवारी दिएका छन्।
त्यस्तै कोषाध्यक्ष पदका लागि ब्रिज मोहन साह र सुरेन्द्र बैठाको उम्मेदवारी परेको निर्वाचन समितिले जनाएको छ। त्यस्तै खुल्ला र समावेशी गरी सदस्य पदका लागि कुल ४२ जनाको उम्मेदवारी परेको निर्वाचन समितिले जनाएको छ। भोलि बिहान ८ बजेदेखि मतदान हुने बताइएको छ।

आरके श्रीवास्तव,राैतहट,२६ गते चैत । 

नेपाली काँग्रेस पार्टीमा आफनाे भविष्य नदेखेपछि पार्टी परित्याग गर्नुपरेकाे यूवा नेता राजाबाबु साहले बताएका छन् । कटहरियामा पत्रकारहरू सँग कुराकानी गर्दै उनले यस्ताे बताएका हुन् ।

बिद्यार्थी कालदेखि नेपाली काँग्रेस पार्टीमा आबद्ध भई काम गर्दै आएका उनी नेपाली कांग्रेस रौतहट क्षेत्र नम्बर ३ का महाअधिवेशन प्रतिनिधि समेत हुन् । साहले नेपाली काँग्रेस पार्टी परित्याग गरेकाे छु  । राजीनामा दिनुको अलावा कुनै विकल्प नरहेको बताए ।

मलाई राजिनामा गराउन बाध्य पार्ने अरू काेही हाेइन् । मेरै क्षेत्रका सांसद हुन् । उनले पत्रकारलाई भने मेराे क्षेत्रका सांसदलाई साेधिदिनुस् कि मेराे लागि पार्टीमा ठाउँ कहाँ छ ?  पार्टीमा राजाबाबुकाे राजनीतिक भविष्य कहाँ छ ?

 

उनले भने- म बिगत २३ वर्षदेखि नेपाली काँग्रेसमा आबद्ध भई काम गर्दै आएको छु । पार्टीकाे हरेक कालखण्डमा याेगदान पुर्याउँद‌ै आए । तर कुनै कदर भएन । अन्ततोगत्वा पार्टी बाट राजिनामा गर्ने निष्कर्षमा पुगे ।

 

२०८४ मा हुने आगामी स्थानीय तहकाे चुनावमा आफनाे लागि कुनै ठाउँ नदिएपछि बाध्य भएर पार्टी छाेडनु परेको गुणासाे गरे । नेविसंघमा चुनाव जितेर आए । राष्ट्रिय युवा परिषदकाे पनि अध्यक्ष पनि आफनै क्षमताले लिएर आएर । तर यस क्षेत्रका नेताले कहिले चाहेन कि म अगाडि बढ्न सकु भनेर ।

 

पार्टी छाेडेपनि राजनीति भने छाेडेकाे छैन् । मिसन २०८४ कै तयारीमै लागनेछु । अहिले कुनै पार्टी निश्चय गरेको छु । आउने दिनमा यसबारे विचार गराैला । आफनाे क्षेत्रकाे जनताले भ्रष्टाचारी बाट कसरी मुक्ति पाउँछन् भन्ने उदेश्य राखि अबकाे राजनीति यात्रा अगाडि बढाउने बताएका छन् ।

राकेश यादव, गौर ,चैत्र २६
राष्ट्रिय स्वास्थ्य शिक्षा सुचना तथा संचार केन्द्र टेकु काठमाडौँको आयोजना र गौर नगरपालिका कार्यालयको सहयोगमा प्रति जैविक औषधि प्रतिरोध सम्बन्धि पैरबी तथा संचार कार्यक्रम मंगलवार गौरमा सम्पन्न भएको छ।
ब्याक्टेरिया, भाइरस, परजिबी र फंग्स बिरुद्ध प्रयोग हुने प्रति जैविक औषधि बढी तथा कम मात्रामा प्रयोग गर्दा हुने असरको नियन्त्रण गर्ने उदेश्यले कार्यक्रम आयोजना गरिएको थियो।
स्वास्थ्यकर्मी, भेटेनरी, कृषि, सहकारी संग सम्बन्ध रहेका व्यक्तिहरुको सहभागिता रहेको सो कार्यक्रममा जन स्वास्थ्य अधिकृत अनुप तिवारीले प्रति जैविक औषधिको कम तथा बढी मात्रामा प्रयोग गर्दा मानवीय जीवनमा पर्ने सक्ने असर तथा हुन सकिने जोखिमको बारेमा जानकारी गराएका थिए।
बिरामीलाइ तथा कृषिमा प्रयोग गरिने औषधि जन्य पदार्थको बारेमा सहभागीहरुलाई जानकारी गराउदै चिकित्सकको सल्लाह अनुसार एन्टी बायोटिकस औषधिको सेवन गर्नु पर्ने सुझाव समेत दिएका छन्। मानवको शरीरमा हुने परिजीवि, भाइरस संग प्रतिकार गर्ने प्रतिरोधाक क्षमता बढाउनको लागि प्रति जैविक औषधि प्रयोग गरिने भएकोले यस सम्बन्धमा सेवा लिन आउने सेवा ग्राहीलाइ उचित सुझाब दिनु पर्ने आवश्यक रहेको बताए।
खानु पर्ने भन्दा बढी अबधि औषधि सेवन गर्नु, खानु पर्ने भन्दा कम औषधि सेवन, तौल अनुसार कम मात्रामा औषधि सेवन, म्याद गुज्रेका औषधि सेवन प्रति जैविक औषधि प्रतिरोधका कारणहरू रहेकोले आवश्यक्त अनुसार खानु पर्ने समय अबधि सम्म औषधि सेवन गरे शरीरलाइ फाइदा जनक हुने उहाको भनाइ रहेको छ।
बरिष्ठ स्वास्थ्य शिक्षा अधिकृत शारदा पहाडीको अध्यक्षमा सम्पन्न भएको कार्यक्रममा यस्तो कार्य नियन्त्रण गर्नको लागि जनचेतना मुलक संदेश प्रबाह गर्नु पर्ने, बिरामीलाइ औषधि के कति मात्रामा सेवन गर्दा फाइदा जनक हुने नहुने बारे जानकारी सल्लाह दिनु पर्ने जरुरी रहेको धारणा सहभागीहरुले राखेका गौर नगरपालिकाका स्वास्थ्य शाखा संयोजक दिनबन्धु यादवले जानकारी दिएका छन

राकेश यादव,गाैर,२६ चैत । 
गाैर । रौतहट जिल्लामा पहिलो पटक प्रहरीले ठुलो मात्रामा हथियार सहित लागु औषध गाजाको साथै एक जना कारोवारीलाइ पक्राउ गरेका छन्।
छिमेकी जिल्लामा पटक पटक ठुलो मात्रामा लागु औषध गाजा पक्राउ परे पनि रौतहटमा यो पहिलो पटक पक्राउ गरिएको हो।
जिल्ला प्रहरी कार्यालय रौतहटका प्रमुख प्रहरी उपरिक्षक दिलिप घिमिरेले मंगलवार आफ्नो कार्यकक्षमा पत्रकार सम्मेलन गरी चैत्र राती करिब १ बजेर ४५ मिनेटको समयमा जिल्लाको इशनाथ नगरपालिका वडा नम्बर १ स्थित रहेको झुलुङ्गे पुल नजिक बाट १ क्विन्टल ९ किलो ११ पोका लागु औषध गाजा र हथियार सहित पक्राउ परेका व्यक्तिलाइ सार्बजनिक गरेका हुन।
बिशेष सुचनाको आधारमा गएको प्रहरीको बिशेष टोलीले नेपाल बाट भारत तर्फ लगिदै गरेको अवस्थामा उक्त परिणामको लागु औषध गाजा सहित स्थानीय गौर नगरपालिका वडा नम्बर ४ निवासी २१ वर्षीय सावन गिरिलाइ पक्राउ गरिएको जानकारी दिएका छन्।
रौतहटको नाकाबाट लागु औषध गाजाको ठुलो तस्करी हुने गरेको पहिलाको सुचनाको आधारमा प्रहरीको बिशेष टोली परिचालन गरिएको कारण ठुलो सफलता मिलेको प्रहरी उपरिक्षक घिमिरेले बताए।
केरावारीको बाटो प्रयोग गरी २/३ जना व्यक्तिले टाउकोमा पोको लिएर जादै गर्दा प्रहरीको गस्ती टोलीलाइ देखे पछि कारोवारीहरू भाग्ने क्रममा गिरि पक्राउ परेको छ। गिरिले लगाएको हाफ प्यान्टको बाया तर्फको खल्तीमा राखेको ८ एम एम के एफ लेखिएको ३ राउण्ड गोली र दाहिने तर्फ राखेको एक थान मोबाइल तथा एक थान गोली लोड गरिएको कटुवा पेस्तौल भुइँमा फेला परेको हो।
लोड गरिएको गोली प्रहरीको टोली माथि प्रहार गर्न खोज्दा मिस भएको देखिएको प्रहरी उपरिक्षक घिमिरेको दावी रहेको छ। १ वर्षको अवधिमा घिमिरेले पहिलो पटक यति मात्रामा लागु औषध गाजा समात्न सफल भएका हुन। छिमेकी जिल्ला सर्लाही, बारा र पर्सा बाट ठुलो मात्रामा गाजा पक्राउ परिरहेको बेला रौतहटमा पनि समात्नु पर्ने सोच बनाएर लागेको कारण १ क्विन्टल ९ किलो लागु औषध गाजा पक्राउ गर्न सफल भएको उहाको भनाइ रहेको छ। पक्राउ परेका गिरिलाइ लागु औषध ओसार पोसार मुद्दामा सम्बन्धित निकायबाट अनुमति लिई थप अनुसन्धानको कार्य अगाडी बढाईएको र फरार भएका संलग्न व्यक्तिको खोज तलाश जारी रहेको प्रहरी उपरिक्षक घिमिरेले जानकारी गराएका छन्।

आरके श्रीवास्तव,गरुडा,२६ गते चैत ।
रौतहट । संघिय लोकतान्त्रिक गणतन्त्र बाहेक कुनै पनि तन्त्र मधेशीको हक हितमा नरहेको जनता समाजवादी पार्टी नेपाल (जसपा) का अध्यक्ष उपेन्द्र यादवले बताएका छन् । जिल्लाको मध्य भाग गरुडामा आयोजित जसपा नेपाल रौतहटको जिल्ला अधिवेशनको उदघाटन सत्रलाइ सम्बोधन गर्दै उनले यस्तो बताएका हुन् ।

संघियताको कारण नै मधेशीलाइ आफनो राज्य मधेश प्रदेश स्थापना भएको बताए । यो सबै मधेश आन्दोलनकै बदौलत हो । संघिय गणतन्त्र समाप्त पार्ने षडयन्त्र हुँदैछ यो षडयन्त्र हामी सफल हुन् दिदैनौं ।

पूर्व उपप्रधानमन्त्री समेत रहेका जसपा नेपालका अध्यक्ष यादवले ३५ वर्षमा पनि कांग्रेस–कम्युनिष्टले देश बनाउन नसक्नु र देश गरिवीको दलदलमा फस्नु ठुलो चिन्ताको विषय भएको बताए छन् ।

अहिलेको वर्तमान सरकार रहेसम्म देशको कहिल्यै विकास हुन नसक्ने उनको दाबी गरेका छन् । कांग्रेस–कम्युनिष्टले देश बनाउनुको सटा लुटधन्दामा लागेको कारण देशमा विकास हुन नसकेको उनले टिप्पणी समेत गरेका छन् । देशको विकास गर्न कांग्रेस–कम्युनिष्टले पूर्ण रुपमा असफल भइसकेको भन्दै उनले अब देशमा जनता समाजवादी पार्टी नेपालले मात्र विकास गर्न सक्ने दावी गरे ।

कांग्रेस, एमाले र माओवादीले देशबाट गरिवी र बेरोजगारी कहिल्यै अन्त्य गर्न नसक्ने भएको हुँदा आउँदो २०८४ मा हुने निर्वाचनमा जसपा नेपाललाई अत्याधिक बहुमत दिएर जिताउन उनले सबैलाई आग्रह गरे ।

सरकारको नेतृत्व गरिरहेका नेकपा एमाले र कांग्रेसले जनताको असन्तुष्टि सम्बोधन गर्न नसक्दा कांग्रेस–कम्युनिष्टबाट आजित भएर जनताहरु अहिले राजावादीको आन्दोलनमा सरिक हुन थालेको समेत उनले बताए । कांग्रेस–कम्युनिष्टकै कारण देशमा अहिले राजावादीहरु सल्बलाउन थालेको बताउँदै उनले यसको समपूर्ण जिम्मा उनिहरुले नै लिनुपर्ने जिकिरि गरे ।

आफुहरुले विगतका दिनमा गरेको मधेश जनविद्रोहको बलमा आएको लोकतन्त्र, गणतन्त्र र संघीयतालाई समाप्त पार्ने सडयन्त्र भइरहेको बताउँदै उनले हजारौ मधेशी सपुतको सहादतको बलमा स्थापित संघीयतालाई कसैले समाप्त गर्ने कोसिस गरे आफै समाप्त हुने चेतावनी दिए ।
जसपा नेपाल रौतहटको प्रथम जिल्ला अधिवेशन अध्यक्ष यादवको प्रमुख आतिथ्यतामा अधिवेशनको उदघाटन सत्र सम्पन्न भइसकेको छ भने आज रातीदेखी बन्दसत्र सुरु हुनेछ ।
भोलीसम्म चल्ने अधिवेशनले जसपा नेपाल रौतहटको नयाँ नेतृत्व चयन गर्नेछ । बन्दसत्रमा सुरुमा जिल्ला अध्यक्ष सहित अन्य पदाधिकारी चयन सर्वसम्मतिले गर्ने प्रयास गरिनेछ । तर सर्वसम्मतिले नभएर निर्वाचन प्रक्रियाद्धारा पदाधिकारी चयन गरिने जसपा नेपालका जिल्ला अध्यक्ष श्याम बिहारी यादवले जानकारी गराएका हुन् ।

आरके श्रीवास्तव,गरुडा,२६ गते चैत ।
रौतहट । रौतहट प्रिमियर लिग आजदेखी सुरु भएको छ । राष्ट्रिय क्रिकेटर अनिल साह सहित दर्जनौं राष्ट्रिय खेलाडी सम्मिलित आरपिएलको पहिलो संस्करणको भव्य उदघाटन गरिएको छ । जिल्ला सदरमुकाम गौर स्थित रहेको राइस मिलको फिल्डमा उदघाटन सत्रको कार्यक्रम आयोजन गरिएको थियो ।

रौतहट क्रिकेट संघका उपाध्यक्ष मनोज शर्माको अध्यक्षतामा भएको कार्यक्रममा प्रमुख अतिथीको रुपमा गौर नगरपालिकाका नगर प्रमुख शम्भु साह रहनु भएको थियो ।

रौतहट क्रिकेट संघको आयोजनामा सुरु भएको सो लिगमा गौर नगरपालिका,जनकपुर बोल्टस,मधेस प्रोभिन्स क्रिकेट टिम र वल्र्ड लिंक सहयोग रहेको छ । जसमा जिल्लाका पाँच वटा टिम सहभागी छन् । गौर वारियर्सल ,तराई टाईगर ,गुजरा राइडर्स,कटहरिया बोल्टस र राजदेवी सुपर किंग्स सहभागी छन् ।

उदघाटन सत्रलाइ सम्बोधन गर्दै प्रमुख अतिथी मेयर साहले यस्ता लिगले नै राष्ट्रिय स्तरको खेलाडी उत्पादन हुने बताए । त्यस्तै रौतहटका प्रमुख जिल्ला अधिकारी बिनोद खड्काले खेलको माध्यमबाट यूवाहरुलाइ स्वस्थ,अनुशासित बनाउने तथा अनुशासित जिवनशैली बाट राष्ट्र निर्माणमा महत्वपूर्ण योगदान दिने यो जमर्को रौतहट क्रिकेट संघले जुन गरेको छ । एकदमै सराहनीय छ । यो प्रतियोगिता सफलहोस् भनि शुभकमना व्यक्त गर्नु भएको थियो ।

त्यसैगरी रौतहट प्रहरी प्रमुख एसपी दिलिप घिमिरले पछिल्लो समय क्रिकेट खेलप्रती क्रेज बढदै गएको छ । यस्ता प्रतियोगितामा खेलाडीलाइ खरिद गर्ने भएकोले मनोरंजनका साथसाथै पेशाको रुपमा पनि अंगाल्न सक्ने हौसला प्रदान गरेको बताएका छन् । यो लिगले एउटा छुट्टै पहिचन बनाउन सफलहोस् भनि शुभकामना पनि व्यक्त गर्नु भएको थियो ।

मंगलावार भएको उदघाटन खेलमा तराई टाईगर गरुडा विजयी भएको छ । टस जितेर गौर वारियर्सले पहिला बैटिङ्ग गर्ने निर्णय गरेको थियो । निर्धारित २० ओभरमा गौर वारिर्यसले १ सय ३९ रन बनाएको थियो । १ सय ४० रनको टारगेट पाएको तराइ टाइगर गरुडाले ५ विकेटले जित निकाल्न सफल भएको थियो ।
खेलमा मैन अफ द मैच तराइ टाइगरका तिर्थराज लाइ घोषणा गरिएको थियो ।

 

आरके श्रीवास्तव,राैतहट,२६ गते चैत । 

राैतहट । आज जनता समाजवादी पार्टी नेपाल राैतहटकाे जिल्ला अधिवेशन हुँदैछ । यसकाे लागि सम्पूर्ण तयारी पुरा भएको जनाइएको छ । आज चैत २६ र भाेली २७ गते जिल्लाकाे मध्य भाग गरूडा जिल्ला अधिवेशन हुन लागेकाे हाे ।

जसपा नेपाल राैतहटकाे पालिकाकाे अधिवेशन सकिए लगत्तै जिल्ला अधिवेशन गर्न लागेको हाे । जसमा पार्टीका केन्द्रीय अध्यक्ष उपेन्द्र यादव सहभागी हुने जसपा नेपाल राैतहटका जिल्ला अध्यक्ष श्यामबिहारी  यादवले यसअघि नै जानकारी गराईसकेका हुन् ।

पार्टीको निर्देशनअनुसार जिल्ला अधिवेशनको सबै तयारी पूरा भइसकेको उनले जनाएका हुन् ।  जसपा नेपाल राैतहटकाे अधिकांश पालिकाकाे अधिवेशन पूरा भएकाले चैत २६ गते उद्घाटन र चैत २७ गते नेतृत्व चयन गरिने अध्यक्ष यादवकाे भनाइ छ ।

अधिवेशनका लागि सबै पालिकाबाट प्रतिनीधि छान्ने काम भइसकेको उनले बताएका छन् ।

जसपा राैतहटमा सकेसम्म सर्वसम्मत नेतृत्व चयनका लागि पहल गर्न निर्देशन आएकाे छ । त्यही अनुसार हामी गर्छाैं । यदि सहमति हुन नसकेको अवस्थामा निर्वाचनको विधि अवलम्बन गर्ने निर्देशन भएको छ ।

यता जसपा नेपाल राैतहटकाे अध्यक्ष पदमा दुईजना आकांक्षी उम्मेदवार देखिएका छन् । गरूडा नगरपालिकाका मेयर प्रत्यासी अनिल यादव र बाैधीमाइ नगरपालिकाका पूर्व राजिव रंजन यादवले आ-आफनाे उम्मेदवारी घाेषणा गरेका छन् । कतिपयले वर्तमान जिल्ला अध्यक्ष यादवलाई नै निरन्तरता दिनुपर्ने धारणा राखिरहेका छन्  ।

बज्जिकाञ्चल संवाददाता,गाैर,२५ गते चैत । 

राैतहट । बाैधीमाई नगरपाकाको पुर्व नगरप्रमुख राजिव रन्जन यादवले जनता समाजवादी पार्टीका जिल्ला अध्यक्ष पदका लागि ईच्छुक रहेको बताएका छन । जसपा राैतहटका लोकप्रिय युवा नेता समेत रहेका यादवले बाैधीमाई नगरपालिका ४ ईनबारी स्थित आफनै निवासमा सोमबार पत्रकारसंग कुरा गर्दै आफु अध्यक्ष पदमा सर्वसम्मत वा निर्वाचन प्रकृयाबाट पनि तयार रहेकाे खुलासा गरेका हुन।

जनता समाजवादी पार्टीका राैतहट जिल्ला स्थित वरिष्ठ नेता गाेविन्द चाैधरी , राम किशाेर यादव (किशोरी यादव) , अब्दुल कलाम आजाद भन्ने शेख फुलबाबु र याेगेन्द्र यादवले गरेको निर्णय समेत आफु मान्न तयार रहेको बताए । उहाहरुले आफुलाई जिम्मेवारी दिन तयार भए आफु अध्यक्ष पदमा सर्वसम्मत वा निर्वाचन प्रकृयाबाट पनि तयार रहेकाे बताएका छन। यहीँ चैत २६ र २७ गते जनता समाजवादी पार्टी नेपाल रौतहट जिल्ला कार्य समितिको जिल्ला अधिवेशन हुन गइरहेको छ । एक विशेष स्रोतका अनुसार जिल्ला अध्यक्ष पदमा बौधिमाई नपाका पूर्व-मेयर राजीव रंजन यादव उर्फ राजुको उम्मेदवारी हुने पक्का नै रहेका छन । जिल्ला अध्यक्ष पदमा चुनाव भए अरु जाे सुकै उमेदवार हाेस तर राजिव रंजन उमेदबार हुने पक्का रहेको स्रोतले दाबी गरेका छन ।
विगत लामो समयदेखि निरन्तर जसपा नेपालमै रही आफ्नो राजनीतिक यात्रा अगाडि बढाउदै आएका र अबको देशको हरेक क्षेत्रमा युवा वर्गको खोजि भइरहेकोले रौतहटको आगामी जसपा नेपालको जिल्ला अधिवेशनमा यसपालि जसरी भएपनि राजु यादवलाई नै जिम्मेवारी दिने वातावरण भइसकेको एकजना पार्टी निकटका नेताले बताए ।

प्रेमचन्द्र झा,गाैर,चैत्र २५ गते

राैतहट । राजदेवी नगर पालिका वडा नम्बर २ हजमिनिया निवासी व्यक्तित्व पूर्व गाविस अध्यक्ष हरिमान राजवंशी को निधन भएको छ । उहाँको उपचारको क्रममा २०८१। १२।२२ गते शुक्रबारको दिन काठमाडौँमा निधन हुन गएको हो। उहाँको निधनले हजमिनिया गाउँवासी नै शोकाकुल भएको छ। उहाँले यस गाउँको लागि दिनुभएको समय २०२८ सालदेखि २०४६ सालसम्मको लगातार पञ्चायती व्यवस्थाको गाउँ पञ्चायतको प्रधानपञ्च (मुखिया ) र फेरि मुलुकमा प्रजातन्त्र बहाली भएपछि २०५४ सालदेखि २०५९ सालसम्म गाविस अध्यक्षमा जितेर पुरै आफ्नो जीवनकाल जनताको सेवामा व्यतीत गरे । यस गाविसको लागि दिनुभएको माया स्नेह प्रेम र गाउँ क्षेत्रको लागि गर्नुभएको विकास प्रति यस गाउँका जनताहरु सधै भरी याद गरि रहने छ। गाउँको अभिभावक अति मिलनसार उच्च विचार सरल स्वभावको धनी हरिमान राजवंशी भाैतिक रुपमा यश संसारबाट सधैका लागि विदालिए पछि स्थानीय जनसमुदाय उहाप्रति हार्दिक श्रद्वाञ्जली भनेका छन ।

प्रेमचन्द्र झा,गाैर,चैत्र २५ गते
राैतहट। परोहा नगरपालिका वडा नम्बर ३ तेजापाकड स्थित विष्णुमहायज्ञको तयारी अन्तिम अवस्थामा पुगेकाे छ । विश्व कल्याणका लागि हुन लागेकाे साे महायज्ञको कलस यात्रा यही चैत्र ३१ गते हुन लागेको हो । बाैधीमाई मन्दीर परिषरमा हुनलागेको सो यज्ञमा करिब ३५ लाख रुपैया खर्च हुने अनुमान गरिएको छ। आयोजक समितिका प्रमुख रसिक रामचन्द्र दासले दिएको जानकारी अनुसार यज्ञलाई सभ्य ,भव्य एवं विधि पुर्वक सम्मन गर्न परोहा नगरपालिका र अन्य स्थानीय दानी दाताहरुले खुशी खुशी सहयोग गरि रहेको बताए । सो २३ कुण्डिय विष्णु महायज्ञका लागि आवश्यक पर्ने विशाल मण्डप स्थानीय जनताले आफै बनाएको यज्ञका प्रमुख आचार्य गाैरी शंकर तिवारीले बताए । विष्णु महायज्ञ यज्ञको २०८२ साल बेैशाख ०९ गते समापन हुने कार्यक्रम रहेको बताउदै आचार्य तिबारीले महायज्ञमा ५२ अबतारकाे मुर्ति सहित अन्य देवी देवताकाे मुर्ति तथा वृन्दावनका विद्वान कथा वाचक द्दारा भागवत कथा वाचन प्रवचन र रासलिला सहित अन्य खेलकुदकाे ब्यवस्था गरिएको भने ।

बज्जिकाञ्चल संवाददाता,राैतहट,२४ गते चैत । 

रौतहटको कटहरिया बजारमा प्रत्येक वर्ष लाग्दै आएको चैती नव दुर्गा पुजा यस वर्ष पनि लागेको छ । प्रत्येक वर्ष चैत्र शुक्ल अष्टमीका दिन मनाइने चैते दुर्गा पुजा यसवर्ष पनि गरिएको छ ।

कटहरियामा आश्विन शुक्ल पक्षको नवरात्रमा प्रतिपदाका दिनदेखि नै घटस्थापना गरि भव्य रूपमा पूजापाठ गर्ने गरिन्छ । यहाँ आश्विन र चैत गरि वर्षमा दुईचाेटी दुर्गा पूजा हुँदै आएको छ ।

 

आईतवार राति साे दुर्गा मेलामा भएको सांस्कृतिक कार्यक्रमलाई निर्माण व्यवसायी संघ राैतहटका जिल्ला सचिव एवम् कटहरिया नगरपालिकाका भावी मेयर उम्मेदवार श्रीकान्त यादवले समुदघाटन गर्नु भएको छ ।

 

यादव पछिल्लो समय सामाजिक कार्यमा सक्रिय हुन थालेका छन् । आफ्नो नगर लगायत जिल्लाकाे विभिन्न ठाउँमा हुने धार्मिक कार्यक्रमहरूमा सहयोगीकाे भूमिका निर्वाह गर्दै आएका छन् । उनकाे याे कदमलाई धेरैले सराहना गर्दै आएका छन् ।

दुर्गा पुजा समितिका अध्यक्ष प्रकाश श्रेष्ठकाे अगुवाइमा भएको उदघाटन कार्यक्रममा यज्ञकर्ता छाेटेलाल मिश्रा, स्थानीय भद्वभलादमी बुद्धिजीवी संचारकर्मी लगायत स्थानीयहरुकाे बाक्लो उपस्थिति रहेको सञ्चारकर्मी सागर संगम ठाकुरले बताएका छन् ।

हनुमत यादव,गाैर,२४ गते च‌ैत । 

रौतहट । रौतहटको सदरमुकाम गौर नगर सहीत जिल्ला भरीका जन युवाहरु द्वारा आज श्रीराम नवमीको पावन अवसरमा विभिन्न धार्मिक तथा सांस्कृतिक कार्यक्रमको आयोजना गरी भव्यता साथ नगर परिक्रमा गरी मनाएका छन् । वेद र धार्मिक मानयता अनुसार आजको दिन भगवान श्री रामको जन्म भएको दिनलाई उत्सवको रुपमा मनाईदै आइरहेको छ । कार्यक्रमको मुख्य उद्देश्य श्रीरामको आदर्श र त्यागलाई समर्पित गर्दै समाजमा धार्मिक र सांस्कृतिक महत्वको प्रचार गर्नु रहेको थियो ।

यस अवसरमा विभिन्न धार्मिक क्रियाकलापहरू जस्तै श्रीराम कथा, भजन, पूजा, र रामायण का अंशहरूको पाठ गरिएको थियो । कार्यक्रमको प्रमुख आकर्षण भनेको गौर नगरका युवाहरूको सामूहिक प्रस्तुतिहरू थिए, जसमा रामलीला नृत्य र गायकहरूको भजन प्रस्तुतिमा सहभागीहरूले धार्मिक र सांस्कृतिक सांगीतिक रचनाहरू प्रस्तुत गरे ।

सांस्कृतिक कार्यक्रमका क्रममा सहभागीहरूले रामायणका महत्वपूर्ण प्रसंगहरूलाई नाटकको रूपमा प्रस्तुत गरे, जसले दर्शकहरूलाई धार्मिक शिक्षामा आधारित जीवन र मूल्यहरूको महत्त्वलाई पुनः स्मरण गरायो । यस अवसरमा नगरका विभिन्न सामाजिक संघसंस्थाहरू र धर्मप्रेमीहरूको सहभागीता रहेको थियो ।

युवाहरूका अनुसार, यस प्रकारका कार्यक्रमहरूले न केवल धार्मिक एकता र सांस्कृतिक धरोहरको संरक्षणमा मद्दत पुर्याउँछ, बरु नयाँ पुस्तामा रामायण जस्तै सत्यको बाटो रोजने पाठ सिकाउँछ र श्रीरामका जीवनदृष्टिका बारेमा सन्देश पुर्याउनमा पनि ठूलो भूमिका खेल्छ ।

कार्यक्रमको समापनमा आयोजकहरूले समर्पण र भक्तिपूर्ण भावनासाथ एक सन्देश जारी गरे कि धर्म र संस्कृतिको महत्वलाई बुझ्न र पालन गर्नका लागि यस्ता कार्यक्रमहरूको आयोजना अत्यन्त आवश्यक रहेको बताउनुभयो ।

बज्जिकाञ्चल संवाददाता,राैतहट,२४ गते चैत । 

विरगंजमा आयोजित मधेश साहित्य महोत्सवमा शनिबार सुरज श्रीवास्तवद्वारा लिखित फाइल नं ८ किताबको बिमोचन भएको छ ।

रौतहट जिल्लाको गौर नपा वडा नं ३ निवासी सुरज कुमार श्रीवास्तवले नेपालको गाउँघर र शहरका विविध चरित्रहरुका मानवीय एवं प्रेमिल भावनाहरुलाई व्यापक रुपमा प्रतिफलित गर्ने फाईल नं. ८ को लेखिएको कथा मधेश साहित्य महोत्सवको मंचबाट अब पाठकसामु आएको हो ।

लेखक श्रीवास्तव द्वारा लिखित यो पुस्तकमा समाजको रुपरेखा, संस्कार, माया, आशंका र नैतिकताको महत्व सम्बोधन गरीएको जनाईएको छ । बीरगंजमा पहिलो पटक आयोजित मधेश साहित्य महोत्सवको मंचबाट पहिलोपटक आफ्नो किताब बिमोचन हुँदा गर्व महसुस भएको लेखक श्रीवास्तवले बताएका छन् ।

लेखक श्रीवास्तव एक अनुभवी ईन्भेष्टमेण्ट बैंकर एवं कन्सल्टेण्ट लेक्चर् पनि हुन् । उनले अर्थशास्त्र र ग्रामिण विकास विषयहरुमा स्नातकोत्तर गरेका छन् ।

यसअघि विविध आर्थिक एवं साहित्यिक पृष्ठभुमिमा लेख, कविता र कथाहरु पत्रपत्रिका एवं अनलाइनहरुमा प्रकाशित गर्दै आएका लेखक श्रीवास्तव यसपटक उनले आफ्ना कथाहरुलाई पुस्तकको रुपमा ल्याएका छन् ।

आरके श्रीवास्तव,राैतहट,२४ गते चैत । 

लाेकतान्त्रिक समाजवादी पार्टी नेपाल(लाेसपा) निकट लाेकतान्त्रिक यूवा संघ सर्लाहीकाे संयाेजक ताेकिएकाे छ । लाेकतान्त्रिक यूवा संघकाे संशाेधित विधान अनुसार मुकेश कुमार यदुवंशीलाई मनाेनयन गरिएको हाे ।

लाेकतान्त्रिक यूवा संघका केन्द्रीय अध्यक्ष सुजन यादव द्वारा हस्ताक्षरित मनाेनयन पत्रमा यदुवंशीलाई जिम्मेवारी दिइएको उल्लेख रहेको छ ।

यसैगरी सिरहा निवासी प्रविन कुमार साहलाई संघकाे केन्द्रीय सदस्यमा मनाेनय गरिएको हाे । देश, मधेश, यूवा एवं पार्टीको हितमा वहाँहरूकाे कार्यकाल उल्लेखनीय रहने छ भन्ने विश्वासका साथ संघले हार्दिक बधाई तथा शुभकामना समेत  व्यक्त गरेको छ ।

 पछिल्लो समय लाेसपाले केन्द्रदेखि जिल्ला सम्मकाे महत्त्वपूर्ण जिम्मेवारीमा पार्टीका जिम्मेवार नेताहरूलाई मनाेनयन गर्दै आएको छ ।

राकेश यादव यादव, गौर ,२३ गते चैत । 
रौतहट जिल्लाको गौर नगरपालिका वडा नम्बर १ बाट सशस्त्र प्रहरीको टोलीले स्रोत नखुलेको नेपाली रुपैया सहित एक जना भारतीय नागरिकलाइ पक्राउ गरेको छ।
सशस्त्र प्रहरी बल नेपाल प्रस्ताबित सिमा सुरक्षा गुल्मबाट सशस्त्र प्रहरी नायव उपरिक्षक दिनेश बस्नेतको कमाण्डमा खटी गएको टोलीले भारतबाट ल्याउदै गरेको ५ लाख नेपाली रुपैया सहित भारत बिहार जिल्ला सीतामढी बैरगनिया वडा नम्बर १४ पटेल चौक निबासी १८ वर्षीय मोहित कुमार पटेललाइ पक्राउ गरेको हो।
भारतबाट BR05j १३२७ नम्बरको मोटर साइकल शंका लागी रोकेर चेकजाच गर्दा पक्राउ परेका पटेलले प्वाइन्टको गोजीमा लुकाई छिपाई राखेको उक्त स्रोत नखुलेको ५ लाख रुपैया बारामद गरिएको सशस्त्र प्रहरी बल नेपाल ११ नम्बर गण हजमिनियाले जनाएको छ। अबैध रकम सहित पक्राउ परेका पटेललाई मोटर साइकल सहित कार्यवाहीको लागि जिल्ला भन्सार कार्यालयमा बुझाइएको छ।
नेपाल भारत सिमाबाट पटक पटक स्रोत नखुलेको रकम सहित भारतीय नागरिक पक्राउ पर्दै आएकोले सिमा क्षेत्रमा हुण्डीको कारोवार हुने गरेको पुस्टि भै रहेको छ।

आरके श्रीवास्तव,राैतहट,२३ गते चैत ।
राैतहट । स्थानिय केहि व्यक्तिको कुटाईबाट घाईते भएका परोहा नगरपालिका वार्ड नमबर २ बस्ने ६५ वर्षिय शेख मतीनको शनिबार उपचार गर्न काठमाडौ लैजाने क्रममा बाटो मै मृत्यु भएको छ । गाउँ टोलमा मोटरसाईकल तेज गतिमा किन कुदाएको बिषयमा विहिबार भएको दुई पक्ष बिचको झडपमा मृतक मतिन सहित तिन जना घाइते भएको प्रहरीले बताएकाे छ
घटनामा संलग्न व्यक्तिहरु फरार भईसकेकोले प्रहरी खाेज तलास गरिरहेको जिल्ला प्रहरी कार्यालय राैतहटका प्रमुख प्रहरी उपरीक्षक दीलिप घिमिरेले बताएका छन् । गाउँ टोलमा मोटरसाईकल तिव्रगतिमा किन कुदाएको बिषयमा विहिबार भएको झडपमा परोहा नगरपालिका वार्ड नम्बर १ बस्ने फजले हक ,मोहम्मद जाबिर, शेख सकिल, मासुम, शेख नथुनी र रोज मोहम्मद समेतको कुटाइबाट मृतक मतिन सहित तिन जना गम्भीर घाईते भएका थिए ।
उपचारमा संलग्न चिकित्सकको सल्लाहमा मृतक मतिनलाई थप उपचारका लागि काठमाण्डाै लैजाने क्रममा बाटोमै मृत्युु भएको हो । साेही घटनामा मृतकको छोरा मोजरे आलम र श्रीमती जुबैदा खातुन पनि घाइते भएकी छन् । उनीहरुको उपचार चन्द्रनिगाहपुरमा भईरहेको प्रहरीले बताएकाे छ ।

काठमाडौं । आम जनता पार्टी (आजपा) का अध्यक्ष तथा पूर्वमन्त्री प्रभु साहले सरकारसंग तलो तह र श्रेणीविहिन सबै करार कर्मचारीलाई स्थायी गर्नुपर्ने माग गरेका छन् ।

काठमाडौंको जोरपाटीमा आज कबाड संघर्ष समितिद्वारा आयोजित कार्यक्रमलाई सम्बोधन गर्दै आजपा अध्यक्ष साहले प्रधानमन्त्री केपी शर्मा ओलीसंग प्रश्न गर्दै भने, ‘तलो तह र श्रेणीविहिन करारमा काम गर्ने कर्मचारीको बृद्धिविकास र पेन्सन किन रोक्नु भयो ?’ सरकारले ति कर्मचारीको बृद्धिविकास लगायतका सेवा सुविधा रोकेको आरोप उनले लगाए ।

‘अन्य कर्मचारीको बृद्धि विकास, ग्रेड बढुवा हुने, स्तर बृद्धि हुने, पेन्सन पाउने तर तलो तहमा काम गर्ने श्रेणी विहिन करार कर्मचारीले यि सुविधानहरु किन नपाउने ? सरकारले यि कर्मचारीलाई किन हेपेर, पेलेर राखेको छ ?, काम गराउने तर सेवा सुविधाबाट बञ्चित गर्न कसरी मिल्छ ?’ आजपा अध्यक्ष साहले भने । उनले यि कर्मचालाई हेप्ने, पेल्ने दृष्टिबाट सरकार मुक्त भई सेवासुविधा अन्य कर्मचारी जस्तै दिनुपर्ने माग समेत गरे ।

‘ट्वाइलेटमा फोहोर गर्ने हाकीले पेन्सन पाउने तर सफा गर्ने स्विपरले किन नपाउँने ?, कार्यालयको कुर्सीमा बस्ने र शासन गर्ने हाकिमले विभिन्न सुविधाहरु पाउने तर टेबुल सफा गर्ने कार्यालय सहयोगीले कही पनि सुविधा नपाउँने ?’, आजपा अध्यक्ष साहले प्रश्न गरे, ‘गाडीमा बस्ने ठुलठुला औपिसरहरुले सुविधा र पेन्सन पाउने तर त्यही गाडी चलाउने चालकले केही पनि नपाउने यो कस्तो विडम्बना हो ?’

उनले ड्राईभर, माली, कार्यालय सहयोगी सहितका तलो तह र श्रेणी विहिन करार कर्मचारीहरुलाई सरकारले यथासिघ्र स्थायी गरी अन्य कर्मचारी जस्तै सबै सेवासुविधा दिनुपर्ने जोडदार रुपमा माग गरे । सरकारले यथासिघ्र आफूहरुको माग सुनुवाई नगरे त्यसका लागि जस्तो सुकै संघर्षका कार्यक्रम गर्न आफूहरु बाध्य हुने चेतावनी समेत दिए ।

अहिलेको दलाल एवं लुटकारी दलतन्त्रका कारण श्रेणी विहिन करारमा रहेका कर्मचारीहरु समस्यामा रहेको बताउदै उनले यि सबै कर्मचारीको समस्या समाधान गरी अन्य कर्मचारी जस्तै सेवासुविधा दिनुपर्ने बताए ।

दलाल एवं लुटकारी दलाल दलतन्त्रको अन्त्यका लागि तेस्रो जनआन्दोलनको घोषणा गरेका साह यतिवेला आन्दोलन सफल बनाउने रणनीतिका साथ भेटघाट एवं छलफलमा रहेका छन् । उनले गत वर्षको चैत्र २४ गते भृकुटीमण्डपबाट नै तेस्रो जनआन्दोलनको ऐलान गरेका थिए । सोहीअनुसार यही चैत्र २४ गते भृकुटीमण्डपमा आयोजना हुने तेस्रो जनआन्दोलन कार्यक्रमलाई सफल बनाउनको लागि उनी बिभिन्न कार्यक्रममा सहभागि हुदैआएका छन् ।

सागर संगम ठाकुर,रौतहट चैत २२ गते
रौतहटको देवाही गोनाही नगरपालिका वडा नं.४ मा गएराती भएको आगलागीमा एक घर जलेर पुर्ण रुपमा नष्ट भएको छ ।
स्थानिय शिवदयाल साह तेलीको छोरा मुक्ती साह तेलीको फुसको घरमा विहिबार राती आठ बजेको समयमा फुसको घरमा भएको अचानक आगलागीमा परि घर भित्र राखिएको अन्नपात लताकपडा, बिधुत्तिय मोटर,पशु चौपया लगाएत करिब ८ लाख मुल्य बराबरको क्षति भएको पिडित परिवारले बताएका छन ।
आगलागीको घटनामा परेर पिडित भएका परिवारलाई देवाही गोनाही नगरपालिकाले राहत समाग्री उपल्बध गराएका छन ।
देवाही गोनाही नगरपालिकाका नगर प्रमुख प्रेमलाल साह र उपप्रमुख परनिया देवी पटेलले आगलागि पिडित परिवारलाई रातह स्वरुप खाध्यान्न समाग्री हस्तान्त्रण गर्नु भएको छ ।
आगलागी भएको घटनाको खबर पाएलगतै शुक्रबार बिहानै देवाही गोनाही नगरपालिकाका नगर प्रमुख प्रेमलाल साहले रातह स्वरुप खाध्यान्न समाग्री लियर नै पिडितको घरमा पुगेका थिए । आगलागीमा कुनै प्रकारको मानविय क्षति नभएको इलाका प्रहरी कार्यालय देवाही गोनाहीले जनाएको छ ।

आरके श्रीवास्तव,राैतहट,२३ गते चैत । 

जनता समाजवादी पार्टी नेपाल(जसपा) काे जिल्ला अधिवेशन नजिकिए सँगै दाबेदारीहरू प्रस्तुत हुन थालेको छ । आउँदो चैत २६ र २७ गते जिल्लाकाे मध्य भाग गरूडामा जसपा नेपाल राैतहटकाे अधिवेशन हुन गइरहेको छ ।

 

जसमा गरूडा नगरपालिकाका मेयर प्रत्यासी अनिल यादवले जिल्ला अध्यक्ष पदमा आफ्नाे दाबी रहने बताएका छन् ।

उनले अध्यक्ष पदमा दाबेदारी रहने समेत घाेषणा गरिसकेका छन् । जसपा नेपाल मधेस प्रदेश कमिटी सदस्य समेत रहनु भएका यूवा नेता प्रखर वक्ता यादव अध्यक्ष पदमा भिड्ने भएका छन् ।

यूवा नेता यादव लामाे समयदेखि पार्टीमा सक्रिय भएर लागेका छन् । अध्यक्ष पदमा दाबी पेश गरेसँगै उनी पक्षधर नेता कार्यकर्तामा उत्साह छाएको छ । नेता कार्यकर्ताहरूले यादवलाई अध्यक्ष बनाई छाड्ने मुडमा छन् ।

उनका समर्थक नेता कार्यकर्ताले पार्टीका शिर्ष नेताहरू सँग मेयर प्रत्यासी यादवलाई नै जिल्ला अध्यक्ष पदकाे नेतृत्व प्रदान गर्न आग्रह गरेका छन् ।

यस्तै जसपा नेपालका अन्य नेताहरूले पनि अध्यक्ष पदमा आ-आफनाे दाबी पेश गरिरहेका छन् । बाैधीमाई नगरपालिकाका पूर्व नगरप्रमुख राजिव रंजन यादवले पनि अध्यक्ष पदमा दाबी पेश गरिरहेका छन् ।

 

जसपा नेपाल राैतहटकाे पालिकाकाे अधिवेशन सकिए लगत्तै जिल्ला अधिवेशन गर्न लागेको हाे । जसमा पार्टीका केन्द्रीय अध्यक्ष उपेन्द्र यादव सहभागी हुने जसपा नेपाल राैतहटका जिल्ला अध्यक्ष श्यामबिहारी यादवले जानकारी गराएका हुन् ।

 आरके श्रीवास्तव,राैतहट,२२ गते चैत । 

राैतहट । मधेस प्रदेशमा निष्ठापूर्वक मनाइने चैती छठ पर्व समापन भएको छ । चैत्र शुक्ल चतुर्थीदेखि सप्तमीसम्म चार दिन मनाइने गरिन्छ । छठ पर्वको मुख्य दिन बिहिवार व्रतालुले निराहार व्रत बसेका थिए । मंगलबार पहिलाे दिन नहाए खाए बिधि गरिएकाे थियोे  ।

 

जबकि दाेस्राे दिन बुधबार खर्ना बिधि गरिएकाे थियोे ।  खर्नाका दिन व्रतीले दिनभरि उपवास निराहार बसेर राति अरवा अरबाइन (बिना नुन हालेको) खानेकुरा खाने गर्छन् ।

 

बिहिवार षष्टी तिथिका दिन निराहार व्रत रही साँझ पवित्र जलाशयमा बनाइएको घाटमा गई अस्ताउँदाे सूर्यलाई पहिलो अर्घ्य (अर्घ) दिने परम्परा रहेको छ ।

 

अर्घ दिइने क्रममा फलफूल र ठेकुवा,कसार लगायतका  परिकार राखिएको अर्घ उठाई सूर्यदेवलाई देखाइन्छ। साे दिन गरिने विधिलाई मधेसमा ‘सझिआ अरख’ भनिन्छ।

 

सप्तमी तिथिका दिन बिहान उदाउँदाे सूर्यलाई यिनै प्रसाद सामग्री देखाएर अर्घ्य दिई व्रत समापन गरिन्छ। यो विधिलाई बोलीचालीमा ‘भोरवा अरख’ भनिन्छ।

 

शरद र वसन्त ऋतुमा गरी वर्षमा दुईपटक मनाइने छठ सूर्य उपासनाको पर्व हो । शरद ऋतुमा कात्तिक शुक्ल चौथीदेखि सप्तमीसम्म र वसन्त ऋतुमा चैत शुक्ल चौथीदेखि सप्तमीसम्म समान विधिले यो पर्व सम्पन्न गरिन्छ ।

 

चार दिनसम्म विभिन्न विधि गर्दै मनाइने यस पर्वको चौथो दिन शुक्रबार राैतहट,बारा,पर्सा, महोत्तरी, धनुषा, सिरहा, सप्तरी, सुनसरी, मोरङ, सर्लाही लगायत मधेस प्रदेश भरिको शहरी र ग्रामीण क्षेत्रकाे जलाशयमा उदाउँदो सूर्यलाई अर्घ्य अर्पण गर्दै धूमधामका साथ चैती छठ पर्व सम्पन्न गरिएकाे छ ।

 

छठ पर्वकाे बारेमा पाैराणिक कथा अनुसार सतयुगमा भगवान श्रीराम, द्वापर युगमा दानवीर कर्ण र पांच पांडवकाे पत्नी द्रौपदीले सूर्यकाे उपासना गरेकी थिईन् ।

बज्जिकाञ्चल संवाददाता,राैतहट,चैत्र २१ गते
राैतहट। पर्यटन विकास कार्यालय गाैरका प्रमुख संजय मिश्रले पत्रकारको सहयोग विना पर्यटन विकासको काम सफल नहुने बताएका छन । प्रमुख मिश्रले बिहिबार आफनो कार्यकक्षमा पत्रकारहरुसंग कुराकानी गर्दै पत्रकारलाई आफु विहान छ बजे देखि बेलुकी ०८ बजे सम्म कुरा गर्ने गरेको बताए । आफु कार्यालयमा नबस्ने ,झोलाबाट कार्यालय सञ्चालन गरेको कुरा आधार हिन रहेको उनले दाबी गर्दै सर्लाही र राैतहट जिल्लाम कार्यक्षेत्र हुदां सधैं कार्यालय बस्न सम्भव नरहेको प्रमुख मिश्रले बताएका छन । चालु आर्थिक बर्षमा यस कार्यालयबाट १ सय ५७ वटा योजना संचालन हुने बताउदै ३१ बटा योजनाको काम टेण्डर प्रकृयाबाट आगाडी बढि सकेको ,७ बटा योजनामा केही त्रुटी देखिएकाले सम्बन्धित निकायमा आवश्यक निर्देशनका लागि लेखि पठाएको र बाकी एक सय विस बटा योजनाको काम उपभोक्ता समिति मार्फत सम्पन्न गरिने प्रमुख मिश्रले बताउदै २० लाख रुपैया देखि माथि तथा ५० लाख रुपैयाँ मुनिका योजना उपभोकता समिति मार्फत भई रहेको उनले बताए ।
दैनिक ५/७ बटा उपभोक्ता समिति दर्ता भएको र कतिपयले कार्य आदेश समेत पाई सकेको बताउदै प्रमुख मिश्रले १६ बटा बिभिन्न योजनाको चिठ्ठी दिन बाकी रहेको बताए ।योजना बिक्री तथा बिचाैलिया मार्फत कमिसन उठाउने जस्ता आरोप निराधार रहेको हुदै नहुने आरोप लगाएर कसैलेबदनाम गराउन लागेको भन्दै सावित गरेर देखाउन उनले चुनाैति समेत दिएका छन ।
पत्रकारले सोधेको एक प्रश्नको जवाफ दिदै प्रमुख मिश्रले पत्रकारको सहयोग बिना राैतहट र सर्लाहीमा पर्यटन विकासको काम सम्भव नरहेको बताउदैउनले पत्रकारहरुलाई विकास निर्माणको काम समयमा स्तरिय होस भनि सहयोग पुग्ने हिसाबले सकारात्मक सहयोग गर्न आग्रह समेत गरेका छन ।

आरके श्रीवास्तव,राैतहट,२१ गते चैत ।

मधेस प्रदेशमा आज चैती छठ पर्व मनाइँदैछ । चैत नवरात्री पनि चलिरहेको छ । यसै अवसरमा लाेकतान्त्रिक समाजवादी पार्टीले शुभकामना व्यक्त गरेको छ ।

आज लाेसपाका महासचिव मनिष मिश्रले एक शुभकामना संदेश जारी गर्दै लाेक आस्थाको महापर्व चैती छठ तथा चैत नवरात्री पर्वकाे सुखद उपलक्ष्यमा देशभित्र तथा देश बाहिर रहनु भएका सम्पूर्ण नेपालीहरूमा लाेसपा नेपाल हार्दिक मंगलमय शुभकामना व्यक्त गरिएको छ ।

 

चैती छठ पर्वकाे आज मुख्यदिन अस्तउँदाे सूर्यलाई अर्घ दिई मनाइदैछ । व्रतालुले आज षष्ठी तिथिका दिन निराहार व्रत शुरू गरेका छन् । पञ्चमीका दिन बुधबार राति खरना विधि गरेर सख्खरको खीर प्रसादस्वरुप खाएपछि निराहार व्रत शुरू भएको छ ।

आज साँझ नै व्रतालुले पवित्र जलाशयमा सजाइएको घाटमा मिष्टान्न परिकार राखिएका डालीहरू हातमा उठाएर अस्ताउँदो सूर्यलाई पहिलो अर्घ्य दिनेछन् ।

छठ पर्व कार्तिक षष्ठी तिथिमा मनाउने भव्य रूपमा मनाउने गरिन्छ ।

गौर, चैत २१ गते २०८१।

श्रद्धा, भक्ति एवं धार्मिक सहिष्णुताको रूपमा रहेको चैती छठ पर्व रौतहट जिल्लामा अत्यन्त उत्साह र महत्त्वका साथ मनाउन लागिएको छ । विगत भन्दा अहिले चैती छठ पर्व गर्ने ब्रतालुको सङ्ख्या वृद्धिसँगै कात्तिक महिनामा मनाइने छठ पर्व जस्तै चैती छठ पनि अत्यन्त उत्साह र महत्त्वका साथ मनाउन लागिएको हो ।

शुद्धता र आपसी सदभावको रूपमा चैती छठ पर्व मनाउनका लागि ब्रतालु तैयारीमा जुटेका छन् । छठ पर्वका पहिलो दिन मङ्गलबार ब्रतालुहरू नुहाइधुवाइ चोखो खाना खाई आज दोस्रो दिन अर्थात् बुधबार बेलुका सख्खर हालेको खिर, पुरी, केरा लगायतका प्रसाद चढाएर पूजा गरी त्यही प्रसाद खाएर उपवास बस्ने र बिहीबार अस्ताउँदो सुर्यलाइ र शुक्रबार उदाउँदो सूर्यलाइ अर्घ दिएपछि चैती छठ पर्व सम्पन्न हुने ब्रतालु मिथलेश देवीले बताउनुभयो ।

छठ पर्वको प्रसादका रूपमा केरा, सुन्तला, नरिवल, अदुवा, गहुँको पिठोले बनाइएको ठेकुवा, उखु लगायतका प्रसाद बासले बनेको छिटा, दौरा, सुप तथा माटोले बनेको हात्ती, ढकना, दियो र कलस लगायत पूजा सामग्रीको प्रयोग गरिन्छ जसलाई शुद्धताको प्रतिकको रूपमा लिने गरिएको ब्रतालु मिथलेश देवीले बताउनुभयो ।

छठ पर्व वर्षमा दुई पटक कात्तिक र चैत महिनामा छठ पर्व मनाउँदै आइरहेको तथा छठ पर्व गर्नाले घरमा सुख शान्ति तथा चर्मरोग निको हुने धार्मिक विश्वास रहेको पण्डित जिवनेश्वर झाले बताउनुभयो ।

छठ पर्वमा सूर्यदेवको पूजा आराधना गर्नाले आपसी सद्भाव र प्रेमका रूपमा पनि लिने गरेको तथा पहिलेभन्दा अहिले चैती छठ पर्व गर्ने ब्रतालुको सङ्ख्यामा वृद्धि हुँदै गएको पण्डित झाले जानकारी दिनुभयो । गोरखापत्र

आरके श्रीवास्तव,राैतहट,२१ गते चैत ।

राैतहट । जनता समाजवादी पार्टी नेपाल राैतहटकाे जिल्ला अधिवेशन हुँदैछ । यसकाे लागि तिव्र रूपमा तयारी भइरहेको छ । आगामी चैत २६ र २७ गते जिल्लाकाे मध्य भाग गरूडा जिल्ला अधिवेशन हुन लागेकाे हाे ।

जसपा नेपाल राैतहटकाे पालिकाकाे अधिवेशन सकिए लगत्तै जिल्ला अधिवेशन गर्न लागेको हाे । जसमा पार्टीका केन्द्रीय अध्यक्ष उपेन्द्र यादव सहभागी हुने जसपा नेपाल राैतहटका जिल्ला अध्यक्ष श्यामबिहारी यादवले जानकारी गराएका हुन् ।

पार्टीको निर्देशनअनुसार जिल्ला अधिवेशनको सबै तयारी पूरा भइसकेको उनले जनाएका हुन् । जसपा नेपाल राैतहटकाे अधिकांश वडा र पालिकाकाे अधिवेशन पूरा भएकाले चैत २६ गते उद्घाटन र चैत २७ गते नेतृत्व चयन गरिने अध्यक्ष यादवकाे भनाइ छ ।

अधिवेशनका लागि सबै वडा र पालिकाबाट प्रतिनीधि छान्ने काम भइसकेको र नामावली पनि आइसकेको उनले बताएका छन् । जसपा राैतहटमा सकेसम्म सर्वसम्मत नेतृत्व चयनका लागि पहल गर्न निर्देशन आएकाे छ । त्यही अनुसार हामी गर्छाैं ।

यदि सहमति हुन नसकेको अवस्थामा निर्वाचनको विधि अवलम्बन गर्ने निर्देशन भएको छ । जिल्लाकाे पालिकाहरूबाट करिब ३ सय ५० भन्दा बढी प्रतिनिधि सहभागीता रहने उनले बताएका छन् ।

चन्दन यादव, रौतहट २१ गते चैत ।

रौतहटमा भन्सार छली गरी ल्याउँदै गरेको सामानहरु प्रहरीले बरामद गरेको हो । २०८१ चैत १९ गते करीब ७ बजेको समयमा कार्यालय तथा मातहत समेतबाट संयुक्त रुपमा खटिएको प्रहरी चेकिङ्ग टोलीले जिल्ला रौतहट गौर नगरपालिका वडा नम्बर ४ बसपार्क स्थितमा विभिन्न सवारी साधनहरुलाई चेकजाँच गर्ने क्रममा अबैध रुपमा भारतबाट भन्सार छली चोरी पैठारी गरी ल्याउँदै गरेको गरेको अवस्थामा बरामद भएको प्रहरीले जनाए ।

अन्दाजी मुल्य रु. ९९ हजार ९ सय ६० ०रुपैया बराबरको बिभिन्न किसिमको किराना सर सामानहरु फेला परेको प्रहरीले जानकारी गराएका हुन् । उक्त सर सामानहरु अन्दाजी मूल्य रु. ७ लाख रुपैया बरावरको प्र २ ०३ ००१ ज १३१ नम्बरको पिकअप गाडी १ थानगरि जम्मा अन्दाजी मुल्य रु.७ लाख ९९ हजार ९ सय ६० रुपैया बराबरको रहेको प्रहरीले जनाएका हुन् ।

बिभिन्न किराना सर सामानहरु, पिकअप गाडी १ थान र चालक जिल्ला रौतहट कटहरीया नगरपालिका वडा नंम्बर ५ मा बस्ने अन्दाजी २२ वर्षको निरज कुमार साह समेत लाई नियन्त्रणमा लिई आवश्यक कारवाहीको लागी गौर भन्सार कार्यालयमा बुझाईएको प्रवक्ता तथा सुचना अधिकारी प्रहरी नायवउपरीक्षक दिपक कुमार रायले जानकारी गराएका हुन् ।

आरके श्रीवास्तव,राैतहट,२० गते चैत । 

राैतहटकाे गुजरा नगरपालिकामा जनता समाजवादी पार्टी नेपालकाे नगर अधिवेशन सम्पन्न भएको छ । बुधबार साे नगरपालिकाकाे वडा नम्बर १ मनहर्वा परसवामा प्रथम नगर अधिवेशन आयाेजन गरिएको थियो ।

जसकाे प्रमुख अतिथि जसपा नेपालका राष्ट्रिय उपाध्यक्ष गाेबिन्द चाैधरी रहनु भएको थियोे । कार्यक्रमलाई सम्बाेधन गर्दै प्रमुख अतिथि चाैधरीले जसपा नेपाल समाजवादमा विश्वास गर्ने पार्टी रहेकोले समानताको हकका सधैं हामी संघर्ष गर्दै आएको बताउनु भयाे ।

संघियताकाे मूल मुद्दा उठाएको जसपा नेपालले महिलाकाे अधिकार पनि दिलाउन सफल भएको दाबी गरेका छन् ।

त्यस्तै प्रदेश सांसद शेख अबुल कलाम आजाद उर्फ फुलबाबुले अहिले जुन राजतन्त्रवादीकाे हल्ला चलेको छ । यसकाे सम्पूर्ण जिम्मेवारी नेपाली काँग्रेस र नेकपा एमाले रहेकाे उनकाे आराेप रहेको थियोे । अहिलेसम्मकाे भ्रष्ट सरकार मैले आज सम्म पनि सुनेकाे थिएन् । जनताकाे कुरा नसुन्नुकाे नतिजा अहिलेकाे वर्तमान सृजना भएको छ । यसप्रति गम्भीर भएर साेच्नुपर्ने अहिलेकाे आवश्यकता रहेको उनकाे ठहर थियो ।

 त्यसैगरी विशिष्ट अतिथि जसपा नेपालका केन्द्रीय सदस्य एवम् गुजरा नगरपालिकाका नगर प्रमुख सन्तलाल चाैधरीले जसपा नेपालकै देन हाेकि हामीले आज संघियता पाएका छाैं । अधिकार पनि पाएका छाैं ।

कार्यक्रममा जसपा नेपालका जिल्ला अध्यक्ष श्याम बिहारी प्रसाद यादवले पार्टीको ६ महिने संगठन विस्तार कार्यक्रम अन्तर्गत अहिले धमाधममा नगर अधिवेशनकाे काम भइरहेको बताए । आगामी चैत २६ र २७ गते गरूडामा हुने जिल्ला अधिवेशनकाे तयारी पनि तिव्र रूपमा भइरहेको जानकारी समेत गराउनु भएकाे हाे ।

गुजरा नगरपालिकामा भएको जसपा नेपालकाे नगर अधिवेशनकाे उदघाटन सत्र सम्पन्न भएपनि बन्द सत्र स्थगित गरिएको जसपा मधेश प्रदेशका सचिव पुनित रामले जानकारी गराएका हुन्  । २२ गतेको भित्रमा नगर कमिटी गठन गरिने उनले बताएका हुन् ।  साे नगर अधिवेशनमा जसपा नेपाल नेता कार्यकर्ताहरूकाे उपस्थिति रहेको थियो ।

प्रेमचन्द्र झा,राैतहट,चैत्र २० गते

राैतहट । नेकपा एमालेका केन्द्रीय सदस्य तथा राैतहट जिल्ला ईन्चार्य अजय कुमार गुप्ताले आर्थिक, सामाजिक तथा शैक्षिक रुपले पछाडी परेका उत्पिडित समाजका जातजातिको विकास नभए सम्म नेपालको विकास सम्भव नरहेको बताएका छन ।
एमाले पार्टी कार्यालय गरुडामा उत्पिडित जातिय मुक्ति समाजको नवाै जिल्ला सम्मेलनको उदघाटन समारोहलाई बुधबार सम्बोधन गर्दै केन्द्रीय सदस्य गुप्ताले समाजका कथित सामन्त वर्गको भेदभाव र चरम शाेषणका शिकार भएका समुदायको उत्थानका लागि एमाले संगठित रुपमा लागि परेको बताए ।

गरिब दलितको सामाजिक शैक्षिक उत्थान र पहिचान तथा आर्थिक रुपान्तरण गर्ने एमालेकाे चाहना रहेको केन्द्रीय सदस्य गुप्ताले बताउदै दलित समुदायलाई राजनैतिक रुपमा चेतना जगाएर पहिचान दिलाउन नेपाल उत्पिडित जातिय मुक्ति समाज गठन गरेको बताए ।
एमाले दलितका लागि निरन्तर काम गरि रहेको बताउदै केन्द्रीय सदस्य गुप्ताले एमाले गरिब, निमुखा र पछाडि परेका समुदाय कै पार्टी रहेको दाबी समेत गरेका छन ।

समाजले निरन्तर रुपमा आफ्ना उदेश्य पुर्तिका निमित काम गरिरहेको उनले विश्वास व्यक्त गरेका छन ।

नेपाल उत्पिडित मुक्ति समाजका राैतहट जिल्ला अध्यक्ष भैरो महराको अध्यक्षतामा भएको साे समारोहमा एमालेका केन्द्रीय सदस्य उद्वव रेग्मी , जिल्ला अध्यक्ष सचितानन्द साह, सचिव बाबुराम दहाल सहितले बाेलेका थिए ।

काठमाडौँ, २० गते चैत २०८१ ।

भाटभटेनीका संचालक मीन बहादुर गुरुङले चैत्र १५ गतेको राजावादी आन्दोलनका क्रममा ज्यान गुमाएका पत्रकार सुरेश रजक र सविन महर्जनलाई आर्थिक सहयोगको घोषणा गरेका छन् ।

 

बुधबार चैत्र १५ गते भएको राजावादी आन्दोलनका क्रममा भएको लुटपाटको क्रममा साहसिक काम गर्ने सुरक्षा गार्ड तुलप्रसाद पराजुली लगायत सुरक्षा गार्ड र कर्मचारीलाई भाटभेटनी सुपरमार्केटले सम्मान गर्ने कार्यक्रममा गुरुङले पत्रकार रजकको परिवारलाई ५ लाख र महर्जनको परिवारलाई ३ लाख सहयोग गर्ने घोषणा गरेका छन् ।

 

भाटभटेनीले चैत्र १५ गते भएको राजावादी आन्दोलनका क्रममा भएको लुटपाटको क्रममा साहसिक काम गर्ने सुरक्षा गार्ड पराजुलीलाई ५ लाख नगद र पाँच ग्रेड बढुवा गरेको हो । त्यस्तै अन्य गार्ड र कर्मचारीहरुलाई २५ हजार नगद र एक ग्रेड प्रमोसन गरेको छ ।

 

सुपरमार्केटमा तोडफोड तथा लुटपाट गरिरहेको समयमा कर्तव्य निर्वाह गर्दै अग्रपंक्तिमा खटिएका कर्मचारी तथा व्यापारलाई निरन्तरता दिन रातभर मर्मत सम्भारमा लाग्न खटिएका कर्मचारीलाई सुपरमार्केटले सम्मान गरेको हो ।

 

लुटपाटको क्रममा पराजुलीले लुटपाटमा संलग्नमाथि गरेको कारबाही अहिले सामाजिक सञ्जालमा भाइरल छ । दर्जनौँ संख्यामा रहेका व्यक्तिहरूलाई उनले लिस्टीले कुट्दै भगाएको भिडियो देख्न सकिन्छ ।

 

उक्त घटनाका क्रममा करिब ८० लाख रुपैयाँ बराबरको क्षति भएको कम्पनीले जनाएको छ । त्यसमध्ये ६४ लाख ८८ हजार बराबरको सामान लुटिएको बताइएको छ । उक्त घटनापछि पनि शनिबार बिहानदेखि नै सुपरमार्केट सञ्चालनमा आएको थियो । खरीबोट

काठमाडौं, २० गते चैत २०८१ ।

चैत १५ गते कोटेश्वरस्थित भाटभटेनीलाई लुटपाट र तोडफोडबाट जोगाउने सुरक्षागार्डलाई सम्मान गरिएको छ ।

भाटभटेनीका सञ्चालक मीनबहादुर गुरुङले बुधबार सुरक्षागार्ड दुलप्रसाद पराजुलीलाई पाँच लाख एक हजार १११ रुपैयाँ नगद पुरस्कारसहित सम्मान गरेका हुन् । उनको पाँच ग्रेड बढुवा पनि गरिएको छ ।

चैत १५ गते काठमाडौंको तीनकुनेमा राजावादीले प्रदर्शन गरेका थिए । प्रदर्शनले उग्ररूप लिएपछि दुई जनाको ज्यान गएको थियो । प्रहरीले प्रदर्शनलाई तितरबितर पारेपछि एक समूहले कोटेश्वरस्थित भाटभटेनीमा गएर लुटपाट गरेको थियो ।

लुटपाट गर्ने समूहलाई सुरक्षागार्ड पराजुलीसहिको टोलीले प्रतिकार गरेको थियो । सुरक्षागार्डले लाठीचार्ज गरेको भिडियो फुटेज बाहिरिएपछि उनीहरूको प्रशंसा भएको थियो । बाह्रखरी

गुडु यादव,राैतहट,१९ गते चैत । 

राैतहट । गरूडामा जनता  समाजवादि पार्टीको नेपालको नगर अधिवेशन सम्पन्न भएको छ। जिल्लाको मध्यभाग गरुडा नगरपालिमा पर्ने झाझ बैरेजमा अवस्थित गोपाल सेवा समितिको भवनमा एक क्रार्याक्रमका बिच नगर अधिवेशन सम्पन्न भएको हाे । क्रायकर्मको प्रमुख अतिथि जसपाको केन्द्रिय सदस्य एवम् पुर्व मन्त्री गोबिन्द चौधरी, बिशिष्ट अतिथि प्रदेश सांसद फुलबाबू  तथा माधबनारायण नगरपालिकाका पूर्व मेयर बिरेन्द्र यादब, जसपा नेपालका जिल्ला अध्यक्ष श्याम बिहारी यादब ,पुर्व राज्य मन्त्री योगेन्द्र यादब, गरुडा नपा वडा नमबर २ वडा अध्यक्ष कृसनन्द सहनी, प्रदेश सदस्य राज कुमार दास तात्मा, प्रदेश सदस्य तथा मेयर प्रत्याशी अनिल यादब, जसपा मधेश प्रदेश अध्यक्ष बाल किशोर यादब,  जसपा नेता धिरेन्द्र यादब लगायतका नेताहरुको विशेष उपस्थितिमा जय मंगल यादवको अध्यक्षतामा ४७  नगर कमिटी गठन भएको छ।

                आजको नगर अधिवेशन बाट चयन भएका नगर  अध्यक्ष जय मंगल यादव , उपाध्यक्ष ,लाल बहादुर दास ,खुशी सहनी, सचिव माधो पिडंत , सहसचिव प्रमोद जयस्वाल , कोषाध्क्ष बिरेन्द्र यादव सहित निर्वाचित भएको खवर प्राप्त भएको छ।

राकेश यादव, गौर ,१९ चैत्र
राैतहट । जनता समाजबादी पार्टी नेपालका बर्गीय संगठन प्रेस मन्च नेपाल जिल्ला कार्य समिति रौतहटको दोस्रो जिल्ला अधिबेशन मंगलवार गौरमा सम्पन्न भएको छ।
प्रेस मन्च नेपालको केन्द्रिय कार्य समितिको कार्यवाहक अध्यक्ष मनोज यादवको प्रमुख आति्थ्यमा सम्पन्न भएको जिल्ला अधिबेशनबाट तेस्रो पटक अध्यक्षमा किशोरी यादव सर्व सहमतिबाट चयन भएका छन्।
१५ सदसिय गठन गरिएको जिल्ला कार्य समितिको उपाध्यक्षमा दिपक कुमार , महिला उपाध्यक्षमा रश्मि पटेल ,सचीवमा चन्दन महतो ,सह सचीवमा दिलिप पान्डे, महिला सह सचीवमा प्रियाका सिंह ,सदस्यहरुमा शेख समीर आलम , प्रदीप यादव , राकेश पटेल र अरबिन्द यादव सदस्यमा चयन भएको जिल्ला सचिव चन्दन महतोले जनाएको छ।
जिल्ला अधिबेसनको उदघाटन सत्रमा सम्बोधन गर्दै जनता समाजवादी पार्टीका केन्द्रिय सदस्य एवम् पूर्व कृषि राज्यमन्त्रि योगेन्द्र राय यादवले देशमा अहिले संघीय लोकतान्त्रिक गणतन्त्रको बिरुद्ध राजाबादीहरू सल्बलाएको बताएका छन्। लोकतन्त्रको बिकल्प लोकतन्त्र नै रहेकोले संघियता बिरुद्ध हुने सड्यन्त्र सहन गर्न नसकिने बताए। संघियता मधेशी समुदाय,दलित समुदाय.मुस्लिम,आदिबासी,जनजाती अल्प संख्याक,पिछडिएको बर्गको लागि रहेकोले कुनै पनि हालतमा फालिएको बंशवादको स्थापना हुन नसक्ने दावी गर्नु भयो।
पार्टीका बर्गीय संगठन भएकोले पार्टीको पक्षमा लोकतन्त्रको सस्थागत गर्न कलम चलाउन आग्रह गर्दै प्रेस मन्च नेपालको लागि पार्टीको तर्फबाट सहयोग गर्ने प्रतिब्द्धता समेत जनाए।
कार्यक्रममा मधेश प्रदेश सांसद शोभा देवी साह, प्रेस मन्च नेपालका प्रदेश महासचिव बन्दना झा, श्रमजिबी पत्रकार संघ नेपालका जिल्ला उपाध्यक्ष राकेश कुमार यादव लगायतले शुभकामना मन्तव्य राखेका थिए।

राकेश यादव,गौर,चैत्र १९
राैतहट । नेपाल पत्रकार महासंघ रौतहट शाखाले चैत्र १५ गते काठमाडौँको तिनकुनेमा भएको घटनाको बारेमा मंगलवार जिल्ला प्रशासन कार्यालय रौतहटमा ध्यानकर्षण पत्र बुझाएका छन्।
राजाबादी समुहकोले गरेको प्रदर्शनको क्रममा आगो लगाएर हत्या गरिएको पत्रकार सुरेश रजकको घटनामा दोषीमाथि कानुनी कार्यवाही गर्न तथा घाइतेको उपचार गराउन माग गर्दै ध्यानकर्षण पत्र बुझाइएको हो।
नेपाल पत्रकार महासंघ केन्द्रिय कार्यालयको निर्णय अनुसार प्रत्येक जिल्ला शाखाले ध्यानकर्षण पत्र बुझाउन जारी गरिएको निर्देशन अनुसार सोमबार बुझाउनु पर्नेमा सार्बजनिक बिदा भएको ले मंगलवार बुझाइएको रौतहट शाखाका सहसचिव एवम् सुचना अधिकारी दिनेश यादवले जानकारी दिएका छन्।
महासंघको पदाधिकारी सहितको गएको संचारकर्मीहरुको टोली जिल्ला प्रशासन कार्यालय रौतहटको प्रशासकीय अधिकृत मनिष झालाई बुझाएको ध्यानकर्षण पत्रमा सन्चारकर्मी र संचार माध्यममा गरिएको आक्रमणको दोषी लाइ नेपाल सरकारले छिटो भन्दा छिटो कानुनी दायारामा ल्याएर कार्यवाही गर्नु पर्ने माग गरिएको छ।
प्रदर्शनको क्रममा आन्दोलनकारीको हमलामा घाइते भएका सन्चारकर्मीको उपचार, मृतक पत्रकार रजकको शहिद घोषणा, पिडित परिवारलाइ छतिपूर्ति दिनु पर्ने उल्लेख गरिएको हो।

बज्जिकाञ्चल संवाददाता,पर्सा,१९ गते चैत । 

वीरगंज । आम जनता पार्टी (आजपा) का अध्यक्ष तथा पूर्वमन्त्री प्रभु साहले सरकारको नेतृत्व गरिरहेको नेकपा (एमाले)ले सडकमा तमाशा देखाईरहेको टिप्पणी गरेका छन् । असफल भईसकेका प्रधानमन्त्री केपी शर्मा ओली सत्तामा बसेर सडकबाट तमाशा गरिरहेको उनले बताए ।

आजपा पर्साद्धारा आज वीरगंजमा आयोजित अगुवाकार्यकर्ता भेलालाई सम्बोधन गर्दै अध्यक्ष साहले एमालेको सडक प्रदर्शनले अराजकताको हद नाघेको टिप्पणी गरेका छन् ।

एमाले निकट युवा संगठनले सोमबार काठमाडौंको तीनकुनेमा मोटरसाईकल र्याली निकालेपछि उनले एमालेले राजा छैन भन्ने अनि राजाको विरुद्धमा सडकमा बाईक र्यालीको नाममा गुण्डाहरुको ताण्डव देखाईरहेको बताए ।

‘एमाले, कांग्रेस, माओवादी केन्द्रहरुले उक्साएर राजा ल्याउन खोजेका छन् । हुदैनभएको राजाको बिरुद्धमा किन नाटक गरेका होलान ? राजावादी र दुर्गा प्रसाईहरुलाई काँधमा बोक्ने नै केपी शर्मा ओलीहरु हो’, आजपा अध्यक्ष साहले भने, ‘सरकारमा बसेर ओलीको दम्भलाई संस्थागत गर्न युवा संघलाई रमिता देखाउन लगाईयो ।’

एमालेको नेतृत्वमा नक्कली व्यक्ति पुगेपछि देशमा अराजकता मच्चिएको बताउदै उनले देशलाई अस्थितार र अन्धकारमा धेकेल्ने काम स्वयम केपी ओली नेतृत्वको सरकारले गरेको बताए ।

‘एमाले र ओलीलाई देश दुख्दैन्, आफ्नो फाइदाको लागि चरित्र धुमिल पारेको पुष्टि भयो । देशमा यत्रो आतंक सिर्जना गराएर केपी ओली आजबाट विदेश शयरमा निस्किँदैछन्’, उनले भने ।

यस्तै उनले आफ्नो पकेटका मान्छेलाई गभर्नर बनाउन शेरबहादुर देउवासँग मिलेर मापदण्ड नै परिवर्तन गरिएको बताए । ‘अहिलेको सरकारमा नक्कली कांग्रेस र नक्कली एमालेको बोलवाला छ । लुटको स्वर्ग मच्चाएकाहरुलाई अब नागरिकले नर्कमा पठाउने बेला भयो’ उनले भने । उनले गगन थापा र विश्वप्रकाश शर्मा त मिडिया खपतको लागि प्रसिद्ध भएको र यिनीहरु देउवा दम्पत्तिसामू निरीह देखिएको टिप्पणी गरे ।

संघीय सरकारमा सहभागि नेताहरु लुट, भ्रष्टाचार, अनियमिततामा लागेको गम्भिर आरोप लगाउदै उनले उनीहरुबाट केही आश गर्नु बेकार रहेको बताए । लुटकारी दलाल दलतन्त्रका कारण मुलुक बर्बाद भईरहेको बताउदै आजपा अध्यक्ष साहले नेताहरुको लुटतन्त्रकै कारण तेस्रो जनआन्दोलन आवश्यक भएको बताए । उनले आम जनताको शासन व्यवस्थाका लागि तेस्रो जनआन्दोलन सफल बनाउनुपर्ने बताए ।

लुटकारी दलतन्त्र बिरुद्ध २४ चैतमा काठमाडौंमा हुने तेस्रो जनआन्दोलनको तयारीका लागि रौतहट, बारा र पर्सामा आयोजित कार्यक्रमका लागि मधेस झरेका साहले भ्रष्ट, लुटेरा, दलाल नेताहरुका कारण मुलुक समृद्ध नभएको बताउदै तेस्रो जनआन्दोलनमा सहभागिताका लागि आह्वान समेत गरे ।

आजपा पर्साका इंचार्य लखिन्द्र साहको अध्यक्षतामा भएको कार्यक्रममा पार्टी उपाध्यक्ष अशोक लामा, मधेश अध्यक्ष उमेश कुशवाहा लगायतका नेताहरुको सहभागिता रहेको थियो ।

आरके श्रीवास्तव,गरूडा,१९ गते चैत ।
रौतहट । गरुडा नगरपालिकाको वडा नम्बर ८, जिगडियामा जामे मस्जिद भवन निर्माणका लागि भव्य शिलान्यास कार्यक्रम सम्पन्न भएको छ। मंगलबार एक विशेष समारोहबीच नगर प्रमुख कन्थमनी प्रसाद जैसवालले विधिवत रूपमा मस्जिद भवनको शिलान्यास गर्नुभएको हो।

१ करोड ३८ लाखको लागतमा निर्माण हुन लागेको यो मस्जिद भवन मुस्लिम धर्मावलम्बीहरूको धार्मिक तथा सांस्कृतिक गतिविधिहरू सहज बनाउनका लागि महत्वपूर्ण हुने विश्वास लिइएको छ। शिलान्यास कार्यक्रममा प्रमुख अतिथिका रूपमा नगर प्रमुख जैसवालको उपस्थिति रहेको थियो भने जामे मस्जिदका अध्यक्ष कौशर खान मिथिलाको अध्यक्षतामा कार्यक्रम सम्पन्न भएको थियो।

शिलान्यास कार्यक्रममा बोल्दै नगर प्रमुख जैसवालले गरुडा नगरपालिकाको विकास सबै जातजाति, धर्म, वर्ग, तथा समुदायको समान हक सुनिश्चित गर्दै अघि बढिरहेको बताउनुभयो। उहाँले नगरपालिकाले सबै नागरिकको धार्मिक तथा सामाजिक आवश्यकतालाई ध्यानमा राखेर कार्य गरिरहेको स्पष्ट पार्दै भन्नुभयो, “नगरपालिकामा कसैलाई उपेक्षित हुन दिइने छैन। सबै समुदाय समान छन्, सबैको हक बराबर छ, र विकासको अधिकार सबैको हो।”

नगरपालिकाको नेतृत्व सम्हालेपछि समान विकासलाई प्राथमिकता दिएको बताउँदै प्रमुख जैसवालले गरुडा नगरपालिकालाई धार्मिक सहिष्णुता, सामाजिक सद्भाव, र समृद्धिको उदाहरणीय मोडेलका रूपमा स्थापित गर्ने प्रतिबद्धता व्यक्त गर्नुभयो।

शिलान्यास समारोहमा स्थानीय जनप्रतिनिधि, मुस्लिम समुदायका अगुवा, सामाजिक अभियन्ता तथा नगरवासीहरूको उत्साहजनक उपस्थिति रहेको थियो। मस्जिद भवनको निर्माण कार्य छिट्टै प्रारम्भ भई निर्धारित समयसीमाभित्रै सम्पन्न गरिने योजना रहेको छ।

आरके श्रीवास्तव,रौतहट,१९ गते चैत ।
स्तरवृद्धिको माग गर्दै रौतहट सहित मधेसका स्वास्थ्यकर्मीहरू आन्दोलीत भएका छन् । यसै क्रमममा मंगलवार जिल्लाको कटहरिया नगरपालिकामा कार्यरत्त सिअहेव र सिअनमी चौथो÷पाँचौ तहकका स्वास्थ्यकर्मीहरुले धर्ना कार्यक्रममा सहभगी हुने बारे जानकारी गराएका छन् ।

नगर स्तरीय संघर्ष समतिले कटहरिया नगरपालिकाका प्रमुख प्रशासकिय अधिकृत बिर बहादुर साह लाइ स्वास्थ्यकर्मी धर्मेन्द्र दासको नेतृत्वमा गएको स्वास्थ्यकर्मीहरुको टोली चैत २५ गते मधेश प्रदेशका मुख्यमन्त्री सतिश कुमार सिंहको कार्यालय अगाडी अनिश्चितकालिन धर्नामा सहभागी हुने बारे जानकारी गराएको हुन् ।

कार्यालयको सेवा प्रवाहमा असर नपर्नेगरी सो धर्ना कार्यक्रममा सहभागिता हुने सम्बन्धमा एउटा पत्र नै तयार पारी बुझाएका हुन् । मधेस प्रदेश अन्तर्गतका स्वास्थ्य संस्थामा कार्यरत स्वास्थ्यकर्मीहरूले स्तरवृद्धिको माग गर्दै आन्दोलित छन् ।
मधेश प्रदेशका आठ जिल्लामा करिब १ हजार ८ सय स्वास्थ्य क्षेत्रका कर्मचारीको स्तरवृद्धिमा मधेस सरकारले रोका गरेकाले नियमित स्तरवृद्धिको माग गर्दै प्रदर्शन गरिरहेको छ ।
नेपाल स्वास्थ्य सेवा ऐन, २०५३ बमोजिम विगतदेखि पाउँदै आएको दुई तह स्तर वृद्धि गर्नुपर्ने, स्वास्थ्य सेवामा प्रथम प्रवेश बिन्दु चौथो तह भएकाले खुलाबाट पदपूर्ति शतप्रतिशत हुनुपर्नेलगायत माग राख्दै स्वास्थ्यकर्मीहरु आन्दोलित छन् ।

आरके श्रीवास्तव,राैतहट ,१९ गते चैत ।
रौतहट । रौतहटको कटहरिया नगरपालिकामा निःशुल्क आँखा परीक्षण गरिएको छ । कटहरिया वडा ४ मा गरिएको शिविरमा ४८ बिरामीले स्वास्थ्य जाँच गराएका छन् ।
कटहरिया नगरपालिका वडा नम्बर ४ को समन्वयमा नेत्र ज्योती आँखा हस्पिटल प्रालिले सञ्चालन गरेको शिविरमा बिरामीले निःशुल्क स्वास्थ्य उपचार गराएका हुन् ।

जसमध्ये २८ जनामा मोतियाविन्दु समस्या देखापरेको आधारभूत स्वास्थ्य केन्द्र कटहरिया ४ का इन्चार्ज कृषनन्दन साहले जानकारी गराएका हुन् । उनले भने चैत १९ र २० गरि याे शिविर दुई दिनसम्म चल्ने छ । त्यसैले काेही पनि बञ्चित हुनु हुँदैन ।
सो वडामा रहेका आँखाका बिरामीलाई अन्यत्र उपचारका लागि जान नपरोस् भन्ने उद्देश्यका साथ वडामा निःशुल्क आँखाजाँच गरिएको कटहरिया ४ का वडा अध्यक्ष चन्दन कुशवाहाले जानकारी गराएका हुन् । साथै उनले सबै वडावासीलाइ मौकाको फाइदा उठाउनु हुन अनुरोध समेत गरेका छन् ।

शिविर सञ्चालन भइरहेको बेला अुगमन गर्न कटहरियाका प्रमुख प्रशासकिय अधिकृत बिर बहादुर साह पनि पुगेका थिए । यस्ता शिविरले ग्रामीण क्षेत्रका सर्वसाधारण लाभान्वित हुने बताएका छन् ।
शिविर उदघाटनको क्रममा कटहरिया ४ का वडा सदस्य रामइश्वर यादव,मेराजुल मियाँ धोबी,एलआइसीका अभिकर्ता जटाशंकर सोनी लगायतका व्यक्तीहरुको उपस्थिती रहेको थियो । कटहरिया वडा नम्बर ६ फतेपुरमा यो आँखा शिविर सञ्चालन गरिएको थियो ।

बज्जिकाञ्चल संवाददाता, रौतहट १९ गते चैत २०८१ ।

राैतहट । लोकतान्त्रिक पत्रकार संघको रौतहट जिल्ला संयोजकमा राजुकुमार श्रीवास्तवलाई मनोनयन गरिएको छ । संघको केन्द्रीय कार्य समितिले विधान अनुसार पत्रकार श्रीवास्तवलाई रौतहट संयोजकमा मनोनयन गरेको हो ।

बज्जिकाञ्चल मिडिया प्रालि.का प्रमुख तथा बज्जिकाञ्चल दैनिकको पनि प्रमुख हर्ताकर्ताको रुपमा कार्यरत श्रीवास्तव बज्जिका पत्रकार समाज नेपालका अध्यक्ष पनि हुन् । एक दशकभन्दा लामो समयदेखि पत्रकारिता पेसामा रहेका श्रीवास्तव एफएम रेडियो, अनलाइन तथा छापा पत्रकारिता गरी पत्रकारिताका सबै क्षेत्रमा क्रियाशील छन् ।

नेपाली र बज्जिका दुवै भाषाको पत्रकारिता गर्दै आएका श्रीवास्तव मधेश प्रदेशमा आफ्नो पहिचान बनाइसकेका छन् । ग्रामीण क्षेत्रमा रहेर स्थानीय तथा केन्द्रीय सञ्चार माध्यमसम्म पहुँच विस्तार गरेका श्रीवास्तवको नेतृत्वमा लोकतान्त्रिक पत्रकार संघले अलग्गै पहिचान बनाउने विश्वास गरिएको छ ।

संघका केन्द्रीय अध्यक्ष कामरेन्द्र वर्माले मंगलवार श्रीवास्तवलाई जिल्ला संयोजकमा मनोनयन गरिएको जानकारी गराएका छन् । देश, मधेश, पत्रकार र पार्टीको हितमा श्रीवास्तवको कार्यकाल उल्लेखनीय रहने विश्वास पनि संघले लिएको अध्यक्ष वर्माद्वारा हस्ताक्षरित मनोनयन पत्रमा उल्लेख गरिएको छ ।

बज्जिकाञ्चल संवाददाता,रौतहट, १८ चैत । गणतन्त्रको पक्षमा नेकपा एमाले रौतहटले दबाबमूलक विशाल मोटरसाइकिल रैली प्रदर्शन गरेको छ । सोमबार एमालेले जिल्लाको मध्य भाग गरुडामा रहेको श्री राम सुगर मिलको प्रांगण देखि जिल्ला सदरमुकाम गौर सम्म २१ किलोमिटर लामो दूरीको मोटरसाइकिल रैली प्रदर्शन गरेको छ । गौरको परिक्रमा गर्दै विपी चौक ( मधेशी क्रान्ति चौक ) घण्टाघर स्थित कोण सभा गरिएको थियोे ।

 

उक्त सभालाई एमालेका केन्द्रीय सदस्य तथा जिल्ला इनचार्ज अजय गुप्त सहित जिल्ला अध्यक्ष सचिदानन्दले सम्बोधन गरेका थिए । केन्द्रीय सदस्य गुप्ता विभिन्न षड्यन्त्र गरि केहि अराजक तत्वले जनता लाई भ्रमित गर्न खोजि रहेको छ । हजारौं जनताले आफ्नो बलिदानी दिएर ल्याएको गणतन्त्र लाई समाप्त गर्न खोजिरहेको छ ।  यो षड्यन्त्र कदापी स्वीकार्य नहुने बताएको छ । साथै यस्तो उच्श्रृंखल क्रियाकलप गर्ने लाई सिधैं जेल हाल्न सरकार सँग माग पनि गरेका छन् ।

 

राजावादीहरुले गत चैत १५ गरेका दिन संघीय राजधानी काठमाडौंको तीनकुनेमा आन्दोलनको नाममा खुलेयाम लुटपाट , तोडफोड र दुनिया लाई सूचना प्रवाह गर्ने देशको चौथो अंगको रुपमा रहेको पत्रकार लाई हत्या जस्तो घिनौना हर्कत गरेको प्रतिगामीहरु लाई कानुनको घेरामा ल्याउन समेत माग गरेका छन् ।

यस्ता कार्य गर्न लगाउने पूर्व राजा ज्ञानेन्द्रलाई अविलम्ब पक्राउ गरि जेलमा हाल्नुपर्छ, नेपालमा संविधान भन्दा माथि कोही छैन, देशमा संघीय लोकतन्त्र गणतन्त्रलाई खतरा पुर्‍याउन खोजिरहेकोले यस्ता अराजकता फैलाउनेलाई कानुनी दायरामा ल्याउनुपर्छ भन्ने धारणा राखेका थिए ।

उक्त विशाल मोटरसाइकिल रैली हजारौ मोटरसाइकिल सहित नेता कार्यकर्ताको हजारौंको सहभागिता रहेको थियोे ।

बज्जिकाञ्चल संवाददाता,राैतहट,१८ गते चैत । रौतहट । आम जनता पार्टी (आजपा)का अध्यक्ष तथा पूर्वमन्त्री प्रभु साहले प्रधानमन्त्री केपी शर्मा ओली नेतृत्वको सरकारले असफल भएको टिप्पणी गरेका छन् । असफल भईसकेको वर्तमान सरकार भेन्टिलेटरमा भएको विरामीको अवस्थामा पुगेको उनले दावी गरे ।

रौतहटको कटहरियामा आजपाको जिल्ला अगुवाकार्यकर्ता भेला आज सम्बोधन गर्दै आजपा अध्यक्ष साहले ओली सरकार ‘मल्टिपल अर्गान फेलियर’ को अवस्थामा रहेको बताए । प्रधानमन्त्री ओली संसद र सडक दुवैबाट अस्विकृत भईसकेको बताउदै उनले तत्काल राजीनामा गरेर मार्गप्रशस्त गर्नुपर्ने सुझाव दिए ।

‘देशमा सरकार छ भन्नेपनि नागरिकले अनभूति गर्न छोडिसकेका छन् । नैतिकताको कसीमा उभिने हो भने प्रधानमन्त्रीले तत्काल राजीनामा गरेर मार्गप्रशस्त गर्दा नै मुलुक र एमालेको हित हुन्छ । नत्र एमालेको अस्तित्व समाप्त हुने दिन टाढा छैन्,’ आजपा अध्यक्ष साहले भने ।

सरकारको गलत रबैयाको कारण देश असफल भईरहेको बताउदै उनले सरकारको आन्तरिक र बाहृय सम्बन्ध अशान्त बनेको बताए । ‘यो सरकार आएपछि भारतसँगको सम्बन्ध बिग्रियो । राजनीतिक तहमा सम्वादहिनता देखिएको छ । सरकारले असन्तुलित कुटनीति अपनाएको कारण भारतसँगको सम्बन्ध बिग्रिएको हो’, उनले भने ।

उनले अहिले एउटा भ्रमणको लागि पूरै राज्य–संयन्त्र दुरूपयोग गर्न खोजिएको बताए । विभिन्न देशले आयोजना गर्ने सम्मेलनमा भाग लिने र त्यही मौकामा यसो साइडलाईन भेटवार्ता गर्न अहिलेका परराष्ट्रमन्त्री र प्रधानमन्त्री उद्धत रहेको बताउदै यो त देशको लागि पनि लाजको विषय भएको बताए ।

तीनकुने घट्नामा सुरक्षा कमजोरी भएको बताउदै उनले यसको जिम्मेवारी प्रधानमन्त्री र गृहमन्त्रीले लिनुपर्ने बताउदै भने, ‘यसको जिम्मा गृहमन्त्री र प्रधानमन्त्रीले लिनुपर्दैन् ? म त भन्छु–यो सरकार देशमा शान्ति, सु–व्यवस्था र जनधनको सुरक्षा गर्न असफल भैसक्यो । संघीय राजधानी काठमाडौंमा घोषित कार्यक्रममा समेत सुरक्षा मजबुद गर्न नसक्ने सरकारले देशको कुनै कुनामा कसरी शान्ति सुरक्षा र अमनचयन कायम गर्न सक्छ ? तिनकुने घट्नाले गम्भीर प्रश्न उठाएको छ ।’

साहले प्रधानमन्त्री खोपीको देउता भएको टिप्पणी गरे । ‘बालुवाटार र सिंहदरबारबाहेक केही देख्न पाउनुभएन ? किन यस्तो अवस्था आयो ? देशमा मात्रै होईन विदेशमा समेत नेपालीहरुले प्रधानमन्त्रीको विरुद्धमा नाराबाजी गरेका छन् । असफल भएपछि पनि कुर्सीमा बसिरहन केले प्रेरिरत गर्छ ? देशले अहिले जुन मूल्य चुकाउनुपरेको छ, यसको जवाफ देश र जनताले केपी ओली र शेरबहादुर देउवासँग लिनेछ’, उनले भने ।

बज्जिकाञ्चल संवाददाता, रौतहट १८ गते चैत २०८१ ।

सरकारले आज सोमबार (चैत १८ गते) सार्वजनिक विदा दिएको छ । इस्लाम धर्मावलम्बीहरुको पर्व ईद उल फित्र (ईद)को अवसरमा सोमबार सार्वजनिक विदा दिइएको गृह मन्त्रालयले जनाएको छ । तसर्थ, यस दिन सरकारी कार्यालय लगायत सेयर बजार, बैंक तथा वित्तीय संस्था बन्द हुनेछन् ।

अब सेयर बजार चैत १९ गते मंगलबार बिहान ११ बजेमात्र खुल्नेछ । बैंक–वित्तीय संस्था र सरकारी कार्यालयहरु पनि चैत १९ गते नै नियमित समयमा सञ्चालनमा आउनेछन् ।

बज्जिकाञ्चल संवाददाता, रौतहट १८ गते चैत २०८१ ।

पर्सामा इस्लाम धर्मावलम्बीहरुले ईद–उल–फित्र (ईद) सामाजिक सद्भाव कायम राख्दै मनाएका छन् । इस्लाम समुदायले पर्सामा रहेका ईदगाह तथा मस्जिदमा नमाज (प्रार्थना) गर्दै ईद पर्व हर्षाैल्लाससहित मनाएका हुन् ।

वीरगञ्ज महानगरपालिका–२ स्थित ईदगाहचोकमा हजारौँ सङ्ख्यामा मुस्लिम समुदायले एकापसमा खुसी साटासाट गरेर ईद मनाएका छन् । वीरगञ्जका हिन्दू समुदायका धर्मावलम्बीले रमजानको अवसरमा इस्लाम समुदायका व्यक्तिलाई ‘इफ्तार’को आयोजना गरेर  शुभकामना आदानप्रदान गर्दै आएका  छन् । यसले यहाँका समुदायबीच धार्मिक सहिष्णुता र भ्रातृत्वको विकास गराउँदै आइरहेको छ ।

वीरगञ्ज महानगरपालिका उपप्रमुख इम्तियाज आलमले हिन्दू र मुस्लिम समुदाय पुर्खाैँदेखि सद्भाव र सहिष्णुता कायम राख्दै आएका बताउनुभयो । “सदियौँदेखि हिन्दू र मुस्लिम समुदायले एकअर्काको चाडपर्वमा सामेल हँुदै आएका छौँ”, उहाँले भन्नुभयो, “यसले सामाजिक सद्भाव र एकता कायम  राख्न मद्दत पु¥याउँदै आएको छ ।”

वीरगञ्ज–२ छपकैयाँका नावाफ मियाँ सिद्धिकीले चाडपर्वलाई सामाजिक सद्भाव र भ्रातृत्व कायम गर्ने माध्यमका रूपमा अघि बढाउनुपर्ने बताउनुभयो । “वीरगञ्जमा सबै धर्मावलम्बी एकापसमा सद्भाव कायम गरेर बसोबास गर्दै आएका छन्”, उहाँले भन्नुभयो ।

वीरगञ्जका मस्जिद तथा ईदगाहमा बालकदेखि ज्येष्ठ नागरिक उपस्थित भएका छन् । “हामी ईदको अवसरमा एक महिनासम्म भोकै बसेर रोजा ‘व्रत’ बस्यौँ । नमाज पढेर रोजा तोडेका छौँ”, मुस्लिम समुदायका अगुवा मन्सुर अहम्मदले भन्नुभयो, “आज हामीले घरमा इष्टमित्र बोलाएर सेबई र अरु मीठो परिकार खाने र खुवाउने परम्परा छ ।”

ईदका दिन मुस्लिम समुदायका बर्तालु बिहानै मस्जिद र ईदगाहमा पुगी सामूहिक नमाज पढेर आफू तथा आफ्नो परिवारको तर्फबाट भएको गल्तीको क्षमायाचना गर्दै अल्लाह (भगवान)सँग आशीर्वाद लिने गर्दछन् । वीरगञ्जमा ईदगाहचोक, छपकैया, मुली, नगवा, नयकाटोलालगायत स्थानमा पुगी नमाज पढेर दुवाअर्थात् आशीर्वाद मागेको दृश्य देखिन्थ्यो । नमाज पढेर सकेपछि मुस्लिम समुदायले एकापसमा अङ्कमाल गर्दै ईदको शुभकामना साटासाट गरेका छन् ।

सभार वर्णन मिडिया

आरके श्रीवास्त,राैतहट,,१७ गते चैत ।
रौतहट । स्तरवृद्धिको माग गर्दै रौतहट सहित मधेसका स्वास्थ्यकर्मीहरू आन्दोलीत भएका छन् । यसै क्रमममा आज जिल्लाभरीमा कार्यरत्त सिअहेव र सिअनमी चौथो÷पाँचौ तहकका स्वास्थ्यकर्मीहरुले जिल्ला प्रशासन कार्यालयमा ज्ञापनपत्र बुझाएका छन् ।

जिल्ला स्तरीय संघर्ष समितका संयोजक काशी साहको नेतृत्वमा गएका स्वास्थ्यकर्मीहरुको टोली रौतहटका सहायक प्रमुख जिल्ला अधिकारी रामनरेश प्रसाद यादवलाइ ज्ञापनपत्र दिएका हुन् ।
मधेस प्रदेश अन्तर्गतका स्वास्थ्य संस्थामा कार्यरत स्वास्थ्यकर्मीहरूले स्तरवृद्धिको माग गर्दै आन्दोलित छन् । मधेश प्रदेशका आठ जिल्लामा करिब १ हजार ८ सय स्वास्थ्य क्षेत्रका कर्मचारीको स्तरवृद्धिमा मधेस सरकारले रोका गरेकाले नियमित स्तरवृद्धिको माग गर्दै प्रदर्शन गरिरहेको रौहतट जिल्लाको संघर्ष समितिका कोषाध्यक्ष संजिव साहले जानकारी गराएका हुन् ।
पटक पटक नियमित स्तरवृद्धिको माग गरे पनि प्रदेश सरकारले सुनुवाइ नगरेपछि आज जिल्ला प्रशासन कार्यालयमा ज्ञापनपत्र बुझाउनु परेको उनले बताएका हुन् ।

ज्ञापनपत्र बुझ्दै सहायक प्रमुख जिल्ला अधिकारी यादवले सम्बन्धित निकायमा याे पत्रलाई पठाईदिने जवाफ दिनु भएको थियोे ।
नेपाल स्वास्थ्य सेवा ऐन, २०५३ बमोजिम विगतदेखि पाउँदै आएको दुई तह स्तर वृद्धि गर्नुपर्ने, स्वास्थ्य सेवामा प्रथम प्रवेश बिन्दु चौथो तह भएकाले खुलाबाट पदपूर्ति शतप्रतिशत हुनुपर्नेलगायत माग राख्दै स्वास्थ्यकर्मीहरु आन्दोलित छन् ।
उनीहरुले आउँदो चैत २५ गते वृहत् विरोध प्रर्दशन सहित मधेश प्रदेशका मुख्यमन्त्री कार्यालय अगाडी धर्ना दिने कार्यक्रम तय गरेका प्रदेश स्तरीय संघर्ष समितिका सदस्य कस्तुभमनी साहले जानकारी गराएका हुन् ।

आरके श्रीवास्तव,रौतहट,१७ गते चैत ।
रौतहटको चार वटा पािलकामा एकैदिन जनता समाजवादी पार्टी नेपालको नगर अधिवेशन सम्पन्न भएको छ । जिल्लाको गौर नगरपालिका,गढिमाइ नगरपालिका,देवाहीगोनाही नगरपालिका र माधवनारायण नगरपालिकामा नगर अधिवेश सम्पन्न भएको जसपा नेपालका जिल्ला अध्यक्ष श्याम बिहारी प्रसाद यादवले जानकारी गराएका हुन् ।

उनले दिएको जानकारी अनुसार माधवनारायण नगरपालिकामा विरेन्द्र राय यादवको अध्यक्षतामा २७ सदसीय नगर कमिटि गठन गरिएको छ । जसको उपाध्यक्षमा निर्मला देवी रमन,ललिता देवी,सचिवमा तपसीलाल यादव,सह सचिवमा खुशीलाल यादव,नरेश हजरा,कोषाध्यक्षमा उपेन्द्र महतो रहेका छन् ।
त्यस्तै सदस्यहरुमा प्रिन्स साह,शैल कुमारी साह,जयराम पासवान लगायतका व्यक्तीहरु रहेका छन् । त्यस्तै जिल्लाको गौर नगरपालिकामा अमरुल हकको अध्यक्षतामा ११ सदसीय नगर कमिटि गठन गरिएको छ भने गढिमाइ नगरपालिकामा हरिकिशोर साहको अध्यक्षतामा ३१ सदसीय नगर कमिटि गठन गरिएको जसपा नेपालका जिल्ला अध्यक्ष यादवले जानकारी गराएका हुन् ।

त्यसैगरी देवाहीगोनाही नगरपालिकामा विरबहादुर यादवको अध्यक्षतामा २१ सदसीय नगर कमिटि गठन गरिएको उनले बताएका हुन् । जसपा नेपाल रौतहटको २०८१ चैत २६ र २७ गते हुने जिल्ला अधिवेशन गर्नका लागि अहिले धमाधम नगर अधिवेशन भइहरेको यादवले जनाएका हुन् ।
यही चैत २० गते सम्म जिल्ला भरिको सम्पूर्ण पालिकाको नगर अधिवेशन सक्नुपर्ने भएकाले एकै दिन चार पलिकाको नगर अधिवेशन गर्नु परेको उनले बताएका छन् । आज पनि जिल्लाको चार पालिकामा जसपा नेपालको नगर अधिवेशन हुँदैछ ।

 

आरके श्रीवास्तव,रौतहट,१७ गते चैत ।
स्तरवृद्धिको माग गर्दै रौतहट सहित मधेसका स्वास्थ्यकर्मीहरू आन्दोलीत भएका छन् । यसै क्रमममा शुक्रवार जिल्लाको राजपुर नगरपालिकामा कार्यरत्त सिअहेव र सिअनमी चौथो/पाँचौ तहकका स्वास्थ्यकर्मीहरुले धर्ना कार्यक्रममा सहभगी हुने बारे जानकारी गराएका छन् ।
नगर स्तरीय संघर्ष समतिले राजपुर नगरपालिकाका प्रमुख प्रशासकिय अधिकृत बैजु ठाकुरलाइ चैत १७ गते देखि मधेश प्रदेशका मुख्यमन्त्री सतिश कुमार सिंहको कार्यालय अगाडी अनिश्चितकालिन धर्नामा सहभागी हुने बारे जानकारी गराएका हुन् ।
कार्यालयको सेवा प्रवाहमा असर नपर्नेगरी सो धर्ना कार्यक्रममा सहभागिता हुने सम्बन्धमा एउटा पत्र नै तयार पारी बुझाएका हुन् । मधेस प्रदेश अन्तर्गतका स्वास्थ्य संस्थामा कार्यरत स्वास्थ्यकर्मीहरूले स्तरवृद्धिको माग गर्दै आन्दोलित छन् ।
मधेश प्रदेशका आठ जिल्लामा करिब १ हजार ८ सय स्वास्थ्य क्षेत्रका कर्मचारीको स्तरवृद्धिमा मधेस सरकारले रोका गरेकाले नियमित बढुवाको माग गर्दै प्रदर्शन गरिरहेको रौहतट जिल्लाको संघर्ष समितिका कोषाध्यक्ष संजिव साहले जानकारी गराएका हुन् ।
पटक पटक नियमित बढुवाको माग गरे पनि प्रदेश सरकारले सुनुवाइ नगरेपछि आज जिल्ला प्रशासन कार्यालयमा ज्ञापनपत्र बुझाउने कार्यक्रम रहेको उनले बताएका हुन् ।
नेपाल स्वास्थ्य सेवा ऐन, २०५३ बमोजिम विगतदेखि पाउँदै आएको दुई तह स्तर वृद्धि गर्नुपर्ने, स्वास्थ्य सेवामा प्रथम प्रवेश बिन्दु चौथो तह भएकाले खुलाबाट पदपूर्ति शतप्रतिशत हुनुपर्नेलगायत माग राख्दै स्वास्थ्यकर्मीहरु आन्दोलित छन् ।

बज्जिकाञ्चल संवाददाता,गाैर,१६ गते चैत । 

राैतहट । राैतहटमा पत्रकार सुरेश रजककाे मृत्यु प्रति श्रद्धाञ्जली व्यक्त गर्न मैनबती प्रज्जवलन गरिएको छ ।

शुक्रबार राजधानी काठमाडौको तिनकुनेमा राजाबादीको प्रदर्शनमा रिपोर्टिङको लागि गएका पत्रकार रजकको प्रहरी उपस्थितीमै निर्मम हत्या गरिएको आरोप लगाउदै घटनाको घोर निन्दा र भ्रत्समा गर्दै नेपाल पत्रकार महासंघ रौतहट शाखाले शनिवार सदरमुकाम गौरमा बिरोधको कार्यक्रम गरेको छ।

रौतहट शाखाका सचिव गौतम श्रेष्ठले ,सहसचिव दिनेश संगम ,कोषाध्यक्ष संजय सहनी ,पूर्व अध्यक्ष रबिन्द्र साह ,प्रदेश सदस्य शैलेन्द्र झा सहित दर्जनौं पत्रकारहरुले मैनबती प्रज्जवलन गरि मृतक पत्रकार रजक प्रती हार्दिक श्रद्धाञ्जली व्यक्त गर्दै पत्रकार रजकको मृत्यु के कसरी भएको हो ?

राज्यले गम्भीरताका साथ सत्य तथ्य पता लगाई दोसि उपर कडा कारबाहीको माग गरेका छन् । रिपोर्टिङको लागि एक घर भित्र रहेका पत्रकार रजकको शव जलेको अवस्थामा फेला परेको थियो ।

प्रहरी प्रशासनको बेवास्ताका कारण एभिन्युज टेलिभिजनमा कार्यरत पत्रकार रजकको ज्यान गएको टेलिभिजनका अध्यक्ष भास्करराज कर्नीकारको आरोप छ।

हनुमत यादव,गाैर, १६ गते चैत ।

राैतहट । जिल्ला सदरमुकाम गौरस्थित घण्टाघर मधेशी क्रान्ति चौकमा श्रमजीवी पत्रकार संघ रौतहटले पत्रकार सुरेश रजकको हत्यारालाई कारबाहीको माग गर्दै विरोध प्रदर्शन सहित श्रद्धान्जली अर्पण गरेका छन् । पत्रकार संघले हत्यारालाई द्रुत कारबाहीकाे माग गर्दै न्याय दिलाउने अपील गर्दै सरकारसँग कडा कदम चाल्नको लागि दबाब दिएका छन् । प्रदर्शनमा सहभागी पत्रकार र समर्थकहरूले विभिन्न नारा लगाउँदै हत्यारालाई कारबाहीको माग गरेका थिए ।

यो घटना प्रेस स्वतन्त्रता र पत्रकारहरूको सुरक्षा सम्बन्धी ठूलो चिन्ताको विषय बनेको छ । र यस्ता घटनाको विरोध गर्न र अपराधीलाई दण्डित गर्न माग गरिएको छ । राजावादी समर्थकहरु द्वारा गरिरहेको आन्दोलनको समाचार संकलन गरिरहेको समयमा केही अराजक समुहले हिजो शुक्रवार गरेको आगजनीको दृश्य खिच्ने क्रममा एभिन्युज टिभीका पत्रकार सुरेश रजकको जलेर मृत्यु भएको छ ।

त्यस्तै विभिन्न संचार गृहको भवनमा आगो लगाउने, तोडफोड गर्ने, सवारी साधनमा आगो लगाउने अमानवीय कार्य भएकोमा श्रमजीवी पत्रकार संघ नेपाल रौतहट शाखाको गम्भीर ध्यानाकर्षण भएको छ ।

आगलागी भएको भवनको रिर्पोटिङ गरिरहेका एभिन्युज टेलिभिजनका पत्रकार सुरेश रजकको मृत्यु भएकोमा यस्तो जघन्य अपराधको निन्दा एवं भर्त्सना गर्दै दोषीलाई हदैसम्मको कारवाही गर्न सरकारसँग श्रमजीवी पत्रकार संघ, नेपाल रौतहट शाखाले जोडदार माग गरेको शाखा सचिव अभिमन्यु पटेलले जानकारी गराएका हुन् ।

जनतालाई सुसूचित गराउने र बिचार निर्माणमा सघाउने प्रेसजस्तो भरपर्दो सञ्चारसंस्थाहरू र संचारकर्मीको ज्यानै जाने गरी यस प्रकारको हमला गरेर समग्र सञ्चारजगत आतंकित भएको छ । त्यसको सुरक्षाको प्रत्याभूति दिन नसक्ने सरकारको रवैया पनि उत्तिकै निन्दनीय रहेको छ ।

आन्दोलनको नाममा संचारकर्मीको ज्यानै जाने, प्रेसलाई आतंकित र त्रसित बनाउने कार्य सञ्चारजगतलाई कुनै हालतमा स्वीकार्य हुन सक्दैन। यस्तो गैरकाननी र अमानवीय कार्यमा संलग्न जो कोही भए पनि तत्काल कानुनी कठ्घरामा उभ्याउन र क्षति पुरयाइएका सञ्चारमाध्यमलाई क्षतिपूर्ति दिन, संचार गृह र सञ्चारकर्मीको सुरक्षामा गम्भीर हुन सरकारसमक्ष माग सहित बिरोद्ध प्रदर्शन गरिएको शाखा अध्यक्ष सन्तोष पौडेलले बताएका छन् ।

आरके श्रीवास्तव,गरुडा,१६ गते चैत ।
रौतहट । जसको कोही छैन् उसको लागि जिवन विकास भन्ने मूल नाराका साथ गठन भएको जिवन विकास लघुवित्त जयनगर शाखाले आज उत्कृष्ट बचतकर्ता,ऋणी र केन्द्रलाइ सम्मान गरेको छ । जिल्लाको माधवनारायण नगरपालिकाको वडा नम्बर ३ स्थित रहेको गजेन्द्र स्मृति अस्पतालमा आयोजित केन्द्र प्रमुख गोष्ठी तथा वित्तिय साक्षरता कार्यक्रममा उनीहरुलाइ सम्मान गरिएको जयनगर शाखाका प्रमुख बालकृष्ण साहले जानकारी गराएका हुन् ।

शनिवार आयोजित कार्यक्रममा उत्कृट उधमी,उत्कृष्ट बचतकर्ता,उत्कृट ऋणी र उत्कृष्ट केन्द्रलाइ पनि उपहार सहित सम्मानपत्र पनि अतिथीहरुको हाथबाट प्रदान गरिएको हो । उत्कृष्ट उधमीमा केन्द्र नम्बर ८ कि बबिता कुमारी पण्डीत,४३ की शर्मिला कुमारी,११ की मिना बैठा र४३ की चन्द्रिका कुमारी सम्मान गरिएको हो ।

त्यस्तै उत्कृष्ट ऋणीहरु सकुन्तला देवी,ललिता देवी र रिना रुबिना खातुन लाइ उपहार सहित सम्मानपत्र पनि प्रदान गरिएको हो । उत्कृष्ट बचतकर्ता रिना कुमारी राम,ज्याती कुमारी साह,रेख कुमारी तथा उत्कृष्ट केन्दलाई पनि सम्मान गरिएको छ ।

यसवर्ष जगनगर शाखाको उत्कृष्ट केन्द्रको रुपमा २५ नम्बर केन्द्र फुलझरी जिवन विकास लघुवितलाइ घोषणा गरिएको जिल्ला प्रमुख पंकज मण्डलले जानकारी गराएका हुन् । यसैगरी केन्द्र ४७ द्धितिय,केन्द्र ३५ तृतिय घोषणगरी सम्मान गरिएको छ भने केन्द्र ३४ र केन्द्र ११ लाइ सान्तवना पुरस्कार दिइएको हो ।

साथै संस्थामा आबद्ध गरिब,विपन्न र खासगरी एकल महिलाका बालबालिकाहरुलाइ छात्रवृत्ति प्रदान गर्ने जिवन विकास लघुवित्तको योजना अनुसार ५ परिवारको १० बालबालिकालाइ एक वर्षका लागि छात्रवृत्ति प्रमुख अतिथी गरुडाका नगरप्रमुख कन्थमनी जयसवालको हाथबाट प्रदान गरिएको हो ।

छात्रवृक्ति स्वरुप उनीहरुलाइ ब्याग,कपी कलम,पानी बोतल,औजार बक्स प्रदान गरिएको छ भने पछि आवश्यकता अनुसार एक वर्षका लागि पढाइमा सम्पुर्ण खर्च व्यहोर्ने जिवन विकास लघुवित्तका जिल्ला प्रमुख मण्डलले बताएका हुन् ।

केन्द्रिय कार्यालयको निर्देशन अनुसार केन्द्रका प्रमुख,उपप्रमुख र सदस्यहरु सँग छलफल गर्ने,वित्तिय साक्षरता प्रदान गर्ने,संस्थाको कार्यको बारेमा विस्तृत रुपमा जानकारी गराउने उदेश्यले केन्द्र प्रमुख गोष्ठी तथा वित्तिय साक्षरता कार्यक्रम आयोजन गरिएको संस्थाका व्यवस्थापन सूचना विभागका विभागीय प्रमुख कुमोद कुमार मण्डलले जानकारी गराएका थिए ।

जयनगर शाखाका प्रमुख साहले शाखाको वर्तमान अवस्थाको बारेमा जानकारी गराएका थिए । उदघाटन सत्रलाइ सम्बोधन गर्दै प्रमुख अतिथी नगरप्रमुख जयसवालले यस्ता कार्यक्रमले नागरिकलाई वित्तीय ज्ञान प्रदान गरी आत्मनिर्भर बन्न मद्दत गर्ने विश्वास व्यक्त गर्नु भएको थियो ।

कार्यक्रममा संस्थाका व्यवस्थापन सूचना विभागका विभागीय प्रमुख कुमोद कुमार मण्डलले वित्तिय साक्षरता कार्यक्रम अन्तर्गत ऋण,बचत,डिजिटल सेवाको बारेमा सहभागीहरुलाइ विस्तृत रुपमा जानकारी गराएका थिए ।

कार्यक्रममा अन्य वक्ताहरुले पनि ऋणको सही सदुपयोग गरि संस्थालाइ राम्रो तवर चलाउन आग्रह गरेका थिए । उदघाटनसत्रलाइ समापन गर्दै संस्थाका आन्तिरिक लेखा परिक्षण विभागका प्रमुख बिनोद प्रसाद साहले लघुविक्तकै कारणले महिलाहरु सक्षम हुँदै गएको दाबी समेत गरेका थिए ।

सो अवसरमा गरुडा नगरपालिका वडा नम्बर १ का वडा अध्यक्ष शेख वहाब,नेपाल विश्कर्मा लोहार संघका अध्यक्ष विवेक शर्मा लगायत विभिन्न केन्द्र प्रमुख,उपप्रमुख, सदस्यहरु, अभिभावक, सुरक्षाकर्मी र पत्रकारको सहभागिता रहेको थियो ।

आरके श्रीवास्तव,गरुडा,१५ गते चैत ।
रौतहटको मध्य भाग गरुडामा रहेको तरकारी बजार आज बिहान आगलागीको घटना घटेको छ । सो नगरपालिका वडा नम्बर ४ गरुडा बाजारमा आगलागी भएको हो । जसबाट लाखौंको क्षती भएको छ ।
घटनालाइ पुष्टी गर्दै ईलाका प्रहरी कार्यालय गरुडाका डिएपी राजन कार्कीले त्यहाँ स्थित रहेको ७ वटा फुसको घरमा संचालनमा पसलहरुमा आगजनी भएको बताए । घरमा लता कपडा गरि करिब १३ भन्दा बढीको सामान जलेर नष्ट भएको प्रहरीको भनाइ छ ।
शुक्रवार बिहान करिब ९ बजेको समयमा अचानक भिषण आगलागी भएको थियो । आगलागीबाट घरमा राखिएको दुईवटा ग्याँस सिलिण्डर समेत विष्फोट भएको थियो । ग्याँस सिलिण्डर विष्फोट भएपनि मानवीय क्षती भने नभएको डिएसपी कार्कीले जानाकरी दिएका छन् ।
प्रहरीका अनुसार आगलागी बाट गरुडा नगरपालिका वडा नम्बर ८ जिंगडिया बस्ने शेख कमाउदिन फुसको घर मासु पसलमा १ लाख,गरुडा ४ बस्ने नेवालाल चौरसिया फुसको घर किराना पसल ३ लाख,वडा नं.८ जिंगडिया बस्ने जयमंगल चौधरी फुसको घर खाजा पसल २ लाख,वडा नं.८ जिंगडिया बस्ने राजेन्द्र साह फुसको घरमा २० हजार बराबरको सामान जलेर नष्ट भएको छ ।
त्यस्तै गरुडा वडा नम्बर ८ जिंगडिया बस्ने सुजित कुमार चौधरी फुसको घर खाजा पसल ३ लाख पचास हजार,कटहरिया नगरपालिका वडा नम्बर ९ डुमरिया बस्ने सतेन्द्र ठाकुर फुसको घर फलामको समान बनाउने पसलमा ३ लाख,गरुडा न.पा. ४ बस्ने कृष्ण दासको पकी घर कपडा पसलमा पचास हजार गरी अन्दाजी जम्मा लाख बिस हजार बराबरको क्षेती भएको डिएसपी कार्कीले जानकारी गराएका हुन् ।

आगलागी भएको खबर प्राप्त भएपछि आगोलाई नियन्त्रणमा लिनका लागी इप्रका गरुडाका प्रहरी निरिक्षक ओमप्रकाश यादवको कमाण्डमा १५ जनाको टोली पुगेको थियो । गरुडा नगरपालिकाबाट दमकल पुगेको थियो । तर उक्त दमकलले आगोलाई पूर्ण रूपमा नियन्त्रणमा लिन नसकेपछि गौर नगरपालिकाको बारुण यन्त्र समेत पुगी प्रहरीको सहयोगमा आगोलाइ नियन्त्रणमा लिएका थिए ।
घटनाको सम्बन्धमा थप अनुसन्धान भईरहेको ईलाका प्रहरी कार्यालय गरुडाले जनाएको छ ।

चन्दन यादव, रौटहत, १५ गते चैत ।

रौतहटमा फेरी २१ जना फरार प्रतिवादीहरु प्रहरीको नियन्त्रणमा रहेको प्रहरीले जनाएका हुन् । चैत १४ गते अदालतको फैसला कार्यान्वयन अन्तर्गत अदालतबाट कैद तथा जरिवाना सजाय तोकिएको विभिन्न मुद्दाका २१ जना फरार प्रतिवादीहरुलाई पक्राउ प्रहरीले जनाए ।

जिल्ला कार्यालय तथा मातहतबाट खटिएको प्रहरी टोलीले खोज तलास तथा पक्राउ गरी आवश्यक कार्यवाहीको लागि सम्मानित रौतहट जिल्ला अदालतमा पठाईएको प्रहरीले सुचना मार्फत जर्नाका हुन् ।

पक्राउ परेको मानिसहरुको अपराध शिर्षक, कैद तथा जरिवाना यस प्रकार रहेको हो । पक्राउ परेका अपराधीहरु शेख राज महमद, मनिरा खातुन, अमिरखा देवी तथा गनेश साह कानु यि अपराधीहरु कुटपिट जस्ता अपराध गरेका प्रहरीले जानकारी गराएका हुन् ।

उनीहरुको जरिवाना शुल्क रु.२०, रु. ५० र रु. ३१ रहेको प्रहरीले जनाएका हुन् । त्यस्तै अर्का अपराधीहरु भोला पासवान, गणेश राय यादव, सुकदेव राय यादव र महमद अनुप रहेका छन् । यि अपराधीहरु जालसाजी अपराध गरेका छन् ।

जरिवाना शुल्क रु. ६७, रु. १० र रु.२००/२०० रहेको प्रहरीले बताए । घरेलु हिंसा जस्ता अपराध गरेको अपराधी रूपेश महता रहेको प्रहरीले जानकारी गराएका हुन् । उसलाइ तिर्नु पर्ने जरिवाना शुल्क रु. ३००० रहेको हो । त्यसैगरी अर्का दुइ जना अपराधीले किर्ते जस्ता अपराध गरेका छन् ।

उनीहरु शेख उल्लाह तथा मोनिका शेखिन रहेकी छिन् । जरिवाना शुल्क रु.५/५ रहेको प्रहरीले बताएका हुन् । रामअश्रे रायले किर्ते मुद्दा जस्ता अपराध गरेको प्रहरीले बताए उसको जरिवाना शुल्क रु. ५० रहेको हो । ब्रहमदेव कुमरले वन मुद्दा अपराध गरेको हो ।

उसको जरिवाना शुल्क रु. ५१२५ रहेको प्रहरीले जनाएका हुन् । मुदसिर हुसेन सिद्दिकी तथा बन्दना मिश्राले चेक अनादर जस्ता अपराध गरेका छन् । उनीहरुको जरिवाना शुल्क रु. १५०० तथा १००० रहेको प्रहरीले निकालेको विज्ञप्तीमा उल्लेख रहेको हो ।

अर्का तिन जना अपराधीहरु राम बिजय सहनी, निलम देवी र गणेश राय यादव यिनिहरु अभद्र व्यवहार, सम्बन्ध बिच्छेद तथा लुटपिट जस्ता अपराध गरेका छन् । जरिवाना शुल्क रु. ७३००, २५ तथा २३४० रहेको प्रहरीले बताएका हुन् ।

अन्मि तिन जना अपराधी मैरूदिन, छविलाल चौधरी तथा मिर मुस्तुफा रहेका छन् । यिनिहरुले लेनदेन बिगो र सवारी ज्यान जस्ता अपराध गरेका छन् । यिनिहरुको जरिवाना शुल्क नराखी यिनिहरुलाइ कैद सजाए तोकिएको हो ।

कैद अवधि २ बर्ष, ६ महिना र १ महिना रहेको प्रवक्ता तथा सूचना अधिकारी प्रहरी नायव उपरीषक दिपक कुमार रायले विशेष जानकारी गराएका हुन् ।

आरके श्रीवास्तव,रौतहट,१४ गते चैत ।
रौतहट । जीवन विकास लघुवित वित्तिय संस्था लिमिटेड मौलापुर शाखाको केन्द्र प्रमुख गोष्ठी तथा वित्तिय साक्षरता कार्यक्रम आज सम्पन्न भएको छ । वित्तिय साक्षरता सम्बन्धि जानकारी गराउने उदेश्यले मौलापुर पार्क होटेलमा भएको एक दिने सो कार्यक्रममा केन्द्र प्रमुख र उपप्रमुखहरु लाइ लक्षितगरी कार्यक्रम गरिएको हो ।

मौलापुर नगरपालिकाकी नगरप्रमुख रिना कुमारी साहको प्रमुख आतिथ्यतामा भएको कार्यक्रममा संस्थाका आन्तिरिक लेखा परिक्षण विभागका प्रमुख बिनोद प्रसाद साहले अध्यक्षता गर्नु भएको थियो । भने विशिष्ट अतिथीको रुपमा मौलापुर नगरपालिकाका उपप्रमुख नागेन्द्र राय यादव रहनु भएको थियो ।

विहिवार राष्ट्रिय गानबाट सुरु भएको कार्यक्रममा प्रमुख अतिथी मेयर साहले पानसमा बक्ती बालेर कार्यक्रमलाइ उदघाटन गरेकी थिइन् ।
जीवन विकास लघुवितका जिल्ला प्रमुख पंकज मण्डलले सञ्चालन गरेको कार्यक्रममा स्वागत मन्तव्य मौलापुर शाखाका प्रमुख मदन कुमार कामतीले राख्नु भएको थियो । स्वागत मन्तव्य राख्दै शाखा प्रमुख कामतीले मौलापुर शाखाको वर्तमान अवस्थाको बारेमा जानकारी गराएका थिए ।

कुल १ हजार ४६ सदस्य संख्या रहेको मौलापुर शाखा अन्तर्गत ६२ वडा केन्द्र संख्या रहेको उनले जानकारी गराएका थिए । जसमा ५ सय २९ जना ऋणीमा ६ करोड ६३ लाख २६ हजार ५ सय १५ रुपैयाँ १२ पैसा ऋण लगानी रहेको तथ्यांक प्रस्तुत गरेका थिए । जम्मा ४ जना कर्मचारी रहेको सो शाखामा १ करोड ५७ लाख ६० हजार ६ सय ७९ रुपैयाँ ९५ पैसा बचत रहेको कामतीले बताए ।

उदघाटन सत्रलाइ सम्बोधन गर्दै प्रमुख अतिथी साहले यो लघुवितले विगत ४ वर्षमा राम्रो सदस्य संख्या बनाउन सफल भएकोमा बधाइ तथा शुभकामना व्यक्त गरेकी थिइन् । लघुवित बाट लिएको माधानी महायज्ञमा मन्दिरका लागि संस्थाबाट डष्टवीन सहयोग गरेकोमा धन्यवाद पनि ज्ञापन गरेकी थिइन् ।

यो लघुवितमा सहभागी भएर महिलालाइ धेरै प्रगती गरेकोमा र कार्यक्रममा महिला सहभागिता हेरेर खुशी पनि प्रकट गरेकी थिइन् । कार्यक्रममा संस्थाका व्यवस्थापन सूचना विभागका विभागीय प्रमुख कुमोद कुमार मण्डलले वित्तिय साक्षरता कार्यक्रम अन्तर्गत ऋण,बचत,डिजिटल सेवाको बारेमा सहभागीहरुलाइ विस्तृत रुपमा जानकारी गराएका थिए ।

त्यस्तै कार्यक्रममा विशिष्ट अतिथी उपमेयर यादवले यस लघुवित बाट जुन प्रायोजनको लागि ऋण लिनु भएको छ । त्यसै प्रायोजनमा खर्च गर्न सुझाव दिनु भएको थियो ।

त्यसैगरी कार्यक्रमको सभाध्यक्षता गरिरहनु भएका साहले लघुविक्त बाट लिएको ऋण सही समयमा भुक्तानी गर्न आग्रह गर्दै लिएको ऋणलाइ पनि सदुपयोग गर्न सुझाव दिएका थिए ।

त्यस्तै उनले अहिले बजारमा लघुवत्त बैंकको बारेमा भैलाइएको हल्लाको पछाडी नलग्न आग्रह समेत गरेका थिए ।

यता कार्यक्रममा उत्कृट उधमी,उत्कृष्ट बचतकर्ता,उत्कृट ऋणी र उत्कृष्ट केन्द्रलाइ पनि उपहार सहित सम्मानपत्र पनि अतिथीहरुको हाथबाट प्रदान गरिएको थियो । उत्कृष्ट उधमीमा केन्द्र नम्बर ६ कि रंजु यादव,८ की व्यासदेवी कोइरी,५१ की पानवती देवी यादवनी परेकी छिन् ।

त्यस्तै उत्कृष्ट ऋणीहरु गिता देवी,रुपिया देवी र मनटुटिया देवी लाइ उपहार सहति सम्मानपत्र पनि पैदान गरिएको थियो । उत्कृष्ट बचतकर्ता र उत्कृष्ट केन्दलाई पनि सम्मान गरिएको छ । यसवर्षको उत्कृष्ट केन्द्रको रुपमा २३ नम्बर केन्द्र शुभान अल्लाह जिवन विकास लघुवितलाइ घोषणा गरिएको शाखा प्रबन्धक कामतीले जानकारी गराएका हुन् ।

यसै कार्यक्रममा संस्थामा सदस्य रहेका ५ जना परिवारको १० जना छात्रछात्राहरुलाइ छात्रवृक्ति पनि जीवन विकास लघुवितले प्रदान गरेको छ । आज उनीहरुलाइ ब्याग,कपी कलम,पानी बोतल,औजार बक्स प्रदान गरिएको छ । भने पछि आवश्यकता अनुसार पढाइमा सम्पुर्ण खर्च व्यहोर्ने जिवन विकास लघुवित्तका जिल्ला प्रमुख पवन मण्डलले बताएका हुन् ।

फाेटाे फिचर:

 चन्दन यादव, रौतहट, १४ गते चैत ।

एस.ई.ई. अपडेट : दुई दिनमा रौतहटबाट जम्मा ६५१ मोबाईल र एक जना मानिस नियन्त्रणमा रहेको प्रहरीले बताएका हुन् । अहिले एस.ई.ई. को बेर रौतहटमा एउटा बेग्लै रवैया चलिरहेको देखन सकिन्छ । आज २०८१ चैत १४ गते ८ बजे देखी संचालन भएको एस.ई.ई. परिक्षामा रौतहटको विभिन्न परिक्षा केन्द्रहरुमा टन्नै मोबाईलहरु बरामद भएको प्रहरीले जनाएको हो ।

चिट चोर्ने प्रयोजनको लागि प्रशिक्षार्थीहरुले आफ्नो शरिरमा मोबाईल लुकाई छिपाई परिक्षा हल भित्र प्रवेश गरेको चेकजाँचको क्रममा मोबाईल ३ सय ४१ थान, स्मार्ट वाच ७ थान नियन्त्रमा लिइएको प्रहरीले जनाए । यत्रो संख्यामा रौतहटको परिक्षा केन्द्रहरुबाट मोबाईल नियन्त्रमा आउनु कहि न कहि यसमा सम्बन्धित शिक्षकहरु तथा कार्यालय सहयोगीहरु पनि संलग्न रहेको बुझ्न सकिन्छ ।

जिल्लाको चन्द्रपुर नगरपालिका वडा नम्बर ८ स्थितमा रहेको श्री शुभलाल मा.वि. सन्तपुर परिक्षा केन्द्रको बाहिरबाट हवास्टएपको प्रयोग गरी अनलाईन मार्फत चिट चोर्न मद्दत गर्ने कार्यमा संलग्न रहेका १ जना मानिसलाई समेत नियन्त्रणमा लिई अनुसन्धान कार्य भईरहेकाे प्रहरी द्वारा प्रकाशित सुचनामा उल्लेख रहेको छ ।

त्यस्तै हिजो अर्थात् १३ गते जिल्लाको विभिन्न केन्द्रहरुमा चिट चोर्न प्रयोजनको लागि परिक्षार्थीहरुले आफ्नो शरिरमा मोबाईल लुकाई छिपाई परिक्षा हल भित्र प्रवेश गरेको पाइएकोमा चेकजाँचको क्रममा मोबाईल ३ सय १० थान, स्मार्ट वाच २ थान र परिक्षा निरीक्षकको रुपमा खटी परिक्षा हलभित्र मोबाईल पास गराई परिक्षाको मर्यादा भंग गर्ने १ जना परिक्षा निरीक्षक लाई नियन्त्रणमा लिएर अनुसन्धान कार्य भई रहेको प्रहरी नायब उपरीक्षक प्रवक्ता तथा सूचना अधिकारी दिपक कुमार रायले जनाएका हुन् ।

बज्जिकाञ्चल संवाददाता,१३ गते चैत । 

काठमाडौं । इन्डियन प्रिमियर लिग (आईपीएल) प्रतियोगिताको दोस्रो खेलमा कोलकाता नाइट राइडर्सले आठ विकेटको शानदार जित निकालेको छ । पहिलो खेलमा रोयल्स च्यालेन्जर्स बैंग्लोरुसँग सात विकेटले पराजित भएको कोलकाताले राजस्थानविरुद्ध जित निकालेको हो ।

जितमा ओपनर क्विन्टन डि कक नायक भए । गुमाइसकेको खेललाई नटआउट शानदार व्याटिङ गर्दै राजस्थानविरुद्ध डि ककले ८ विकेटको जित निकालेका हुन् । ६१ बलको सामना गरेका डि ककले ६ छक्का र आठ चौकाको मद्दतमा ९७ रन बनाए । उनी शतक बनाउन मात्र तीन रनले चुके ।

यो जितसँगै कोलकाताले दुई खेलमा दुई अंक जोडेको छ भने राजस्थान दुई खेलमा अंकबिहीन छ । राजस्थान पहिलो खेलमा नराइजर्स हैदरावादसँग ४४ रनले पराजित भएको थियो ।

टस जितेर सुरुमा फिल्ड रोजेको कोलकाताले १५२ रनको सामान्य लक्ष्य पाएको थियो । सामान्य लक्ष्य कोलकाताले १५ बल बाँकी हुँदा मात्र दुई विकेटको क्षतिमा १५३ रन बनाउँदै भेट्टाएको हो ।

कोलकाताले ओपनर मोइन अलीलाई पाँच रनमै गुमाएको थियो । कप्तान आजिक्य रहाने पनि १८ रनमै समेटिए । उसका लागि डि कक र अंगकृष रघुवंशीले तेस्रो विकेटका लागि ८३ रनको विशाल साझेदारी गरेका थिए । यो साझेदारी नै कलकताको पुनरागमन जित निकालेको हो ।

बज्जिकाञ्चल संवाददाता,१३ गते चैत । 

काठमाडौं । नेपाल टेलिकमले २०८१ सालको माध्यमिक शिक्षा परीक्षा (एसईई)मा सहभागी परीक्षार्थीहरूका लागि ‘एसईई अफर २०८१’ घोषणा गरेको छ । यसअन्तर्गत रु. २० मै सिमकार्ड पाइने छ भने उक्त सिममा ‘बोनस अन रिचार्ज’ पनि उपलब्ध हुनेछ ।

एसईई अफर तथा बोनस अन रिचार्ज आगामी चैत १५ देखि २०८२ असार ३० सम्म सञ्चालन हुनेछ ।

टेलिकमका देशभरका कार्यालयमा उपलब्ध हुने यस्तो सिमकार्ड सक्रिय गरेपछि ३० दिनसम्म विभिन्न अफरहरू उपलब्ध हुने कम्पनीले जनाएको छ । कम्पनीका अनुसार पहिलेदेखि एनटीसी मोबाइल नम्बर प्रयोग गर्ने विद्यार्थीले पनि आफ्नो सिमकार्डमा यी अफरको लाभ लिनसक्ने छन् ।

नयाँ सिम प्राप्त गरेका विद्यार्थीले सिमकार्डमा मेन ब्यालेन्सको रूपमा उपलब्ध हुने रु. ९.८० बाट जुनसुकै नेटवर्कमा कल गर्न, एसएमएस पठाउन वा डेटा चलाउन सक्नेछन् । यसका अतिरिक्त, ३० दिनसम्मका लागि प्रतिदिन नेपाल टेलिकमको नेटवर्कभित्र २० मिनेट अन-नेट भ्वाइस कल, १० ओटा अन-नेट एसएमएस र ५०० एमबी डेटासमेत पाउनेछन् ।

यी सबै सुविधा प्रत्येक दिन प्राप्त हुने रिसोर्सको रूपमा मात्र सोही दिनका लागि कायम रहने कम्पनीले उल्लेख गरेको छ । नयाँ सिम प्राप्त गर्न परीक्षार्थीहरूले एसईईको प्रवेश पत्र (एडमिट कार्ड) वा कक्षा १० को मार्कशिटको फोटोकपी, एकप्रति फोटो र आफ्नो वा अभिभावकको नागरिकता, राष्ट्रिय परिचयपत्र लगायतका सरकारी परिचयपत्रको फोटोकपी संलग्न गरी फाराम भर्नुपर्नेछ ।

साथै, सिमकार्ड सक्रिय गर्नका लागि स्वयंले *१४१४# डायल गर्नुपर्नेछ । यसपछि अफर प्राप्त ग *१६००# डायल गरी निर्देशनहरू पालन गर्नुपर्नेछ ।

*१६००# डायल गर्दा प्राप्त निर्देशन अनुसार एसईई सिम्बोल नम्बर टाइप गरी सेन्ड गर्ने

जन्ममति टाइप गरी सेन्ड गर्ने । (DOB टाइप गर्दा YYYYMMDD (BS) फर्म्याटमा टाइप गर्नुपर्नेछ । eg: 20610101)

यस अफर अन्तर्गत उपलब्ध हुने बोनस अन रिचार्जमा रु. ५० वा सोभन्दा बढी रकम रिचार्ज गर्दा प्रत्येक रिचार्जमा जुनसुकै समयमा ५०० एमबी डेटा चलाउन, नेपाल टेलिकमकै नेटवर्क भित्र ५० मिनेट कल गर्न र ५० ओटा अन-नेट एसएमएस पठाउन सकिने बोनस सुविधा समेत उपलब्ध हुनेछ । रिचार्जमा प्राप्त हुने बोनस प्राप्त भएको तीन दिनभित्र प्रयोग गर्नुपर्ने छ । सभार टेकपाना

चन्दन यादव,रौतहट, १३ गते चैत ।

नेपाल पत्रकार महासंघ रौतहट शाखाले आज सुचना अधिकारी चयन गरेको छ । नेपाल पत्रकार महासंघ रौतहट शाखाको सह-सचिवको समेत रहनु भएका दिनेश यादवलाइ सुचना अधिकारीको रुपमा नियुक्त गरिएको हो ।

सह-सचिवमा कार्यरत यादवको कार्यलाइ उच्च मुल्यांकन गर्दै उहाँलाइ सुचना अधिकारीको जिम्मेवारी दिइएको छ । नेपाल पत्रकार महासंघको केन्द्रिय समिति द्वारा सूचना अधिकारी नियुक्त गर्न परिपत्र भएअनुसार रौतहट शाखामा पनि सुचना अधिकारी नियुक्त गरिएको छ ।

महासंघ रौतहट शाखाको चैत १३ गते बुधबारका दिन बसेको बैठकबाट यादवलाइ नियुक्त गरिएको सचिव गौतम श्रेष्ठ द्वारा हस्ताक्षारित सुचनामा उल्लेख रहेको छ ।

श्रेष्ठ द्वारा निकालेको सुचनामा “सुचना अधिकारीका रुपमा तपाइले विधि विधान बमोजिम नेपाल पत्रकार महासंघ रौतहट शाखाको कामकाज सहर्ष जानकारी गराउँदछु । तपाइको सफल कार्यकालको कामना गर्दछु ।” समेत उल्लेख रहेको छ ।

यता यादव सूचना अधिकारीमा नियुक्त भएसँगै जिल्लाभरी सञ्चारकर्मीहरूमा खुशीकाे संचार भएको छ । उनलाई सामाजिक संजालमा बधाईकाे ओइरो लागेको छ । उनकाे कार्यकालमा नयाँ सञ्चारकर्मीले माैका पाउने विश्वास समेत गरिएको छ ।

बज्जिकाञ्चल संवाददाता,राैतहट,१३ गते चैत । 
रौतहट । समाजिक संजालमा पत्रकारहरुलाइ सामुहिक बदनाम गराउने जोकोहीलाई कानुनी कारबाही गर्ने नेपाल पत्रकार महासंघ रौतहट शाखाले जनाएको छ । महासङ्ह रौतहटका सचिव गौतम श्रेष्ठले आज बुधबार एक प्रेस विज्ञप्ती जारी गर्दै, केही समय देखि समाजिक संजालमा रौतहटका सञ्चारकर्मी पत्रकारहरुलाइ सामुहिक रूपमामा बदनाम गर्ने गरि केही व्यक्तिहरुले अशिष्ट भाषाको प्रयोग गरि तथानाम लेख्ने गरेको प्रती हाम्रो ध्यानाकर्षण भएको जनाएको छ । जारी विज्ञप्तिमा, कुनै व्यक्ति वा पात्र संगको वैचारिक मतभेद वा रिसिविलाई लिएर सिङ्गो सन्चरकर्मिहरुलाई बदनाम गर्ने काम हुनुहुदैन । कोहि कसैले बदमासी गरेको भए सो व्यक्तिको नाम किटानी गरि सम्बन्धित निकायामा उजुरी गर्नुको साटो सम्पुर्ण पत्रकारलाई आरोप लगाउनु निन्दनीय रहेको भन्दै यस्तो गर्नेलाई कानुनी कार्वाही गर्ने उल्लेख गरिएको छ ।
समाजिक संजालमा बिना प्रमाण पत्रकारहरुलाई आरोप लगाउने, बदनाम गराउने अपशब्द प्रयोग गरि गालिगलौज गर्ने कार्य भएमा सोको विरुद्ध हामी कानुनी कार्यवाहीमा जाने बाध्य हुने भन्दै त्यस्ता किसिमको घटनाहरुको बारेमा सम्बन्धित निकायको ध्यानाकर्षण गराउदै समाजिक संजालमा निगरानी बढाउन आग्रह गरेको छ । साथै जारी विज्ञपति मार्फत  सञ्चारकर्मिहरुलाई कार्यक्षेत्रमा नेपाल पत्रकार महासङ्हले तोकेको पत्रकार अचार संहिता भित्र रहेर आफ्नो जिम्मेवारी र दायित्व बमोजिम काम गर्न समेत आग्रह गरेको हो ।
त्यस्तै नेपाल पत्रकार महासङ्ह रौतहट शाखाको आजै बसेको बैठकले सह सचिव दिनेश यादव संगमलाई सूचना अधिकारीको रूपमा  नियुक्त गरिएको अध्यक्ष सन्जय कुमार कार्किले जानकारी गराउनु भयो ।

आरके श्रीवास्तव,रौतहट,१२ गते चैत ।
रौतहट । जनता समाजवादी पार्टी नेपालले देशमा मधेसीको मान सम्मान स्थापित गराउने काम गरेको जनता समाजवादी पार्टीका यूवा नेता एवम् बौधीमाइ नगरपालिकाका पूर्व नगर प्रमुख राजिव रंजन यादव उर्फ राजु यादवले बताएका छन् । बौधीमाइ नगरपालिकाको वडा नम्बर ९ सरमुजवामा आयोजित वडा अधिवेशन कार्यक्रमलाइ सम्बोधन गर्दै उनले यस्तो बताएका हुन् ।

मधेसीको पहिचान दिलाउने एक मात्र पार्टी जसपा नेपाल रहेको उनको दाबी थियो । पहिला काठमाण्डौंमा मधेसीको अनुहार हेर्ने बितिक्कै बिहारी हो भन्दै हेप्ने गर्दथ्यो । त् आजकाल यसमा केही बदलाव आएको छ । यसमा हाम्रो पार्टीको देन हो ।
उनले भने—पार्टी धेरै छ तर उनीहरुले हाम्रो पहिचान दिलाउन सकेन । हामीलाइ पहिचान दिलाउन सक्ने पार्टी जसपा नेपाल रहेकोले यो भन्दा ठूलो हाम्रो लागी केही हुन नसक्ने बताए । मधेसी नेपालको नागरिक हो भन्न लगाउने पार्टी केवल जसपा नेपाल मात्र हो । पिछडा वर्गको उद्धार गउाराने आफनो पार्टी रहेको उनको ठोकूवा थियो ।
त्यस्तै सो वडा अधिवेशनबाट बौधीमाइ वडा नम्बर ९ मा रामविनय साहको अध्यक्षतामा २१ सदसीय वडा कमिटि गठन गरिएको छ । जसको उपाध्यक्षमा भागेस पंडित,कोषध्यक्षमा उर्मिला देवी ,सचिवमा जयशंकर राय यादव,सहसचिवमा अच्छेलाल महतो ,सदस्यहरुमा देवशरण यादव,उमेश दास तत्मा रहेका छन् ।
त्यसैगरी वडा नम्बर ८ मा रेखा राय यादवको अध्यक्षतामा २१ सलसीय नयाँ वडा कमिटि गठन गरिएको छ । जसको उपाध्यक्षमा बिजइलाल राय यादव,सचिवमा रामनरेश यादव,सह सचिवमा नरेश कुमार साह,कोषाध्यक्षमा सुनिता देवी,सदस्यहरुमा हरिन्द्र राय यादव,महादेव महतो चयन भएका छन् ।
व्डा अधिवेशन कार्यक्रममा जसपा नेपालको युवा विद्यार्थी तथा खेलकूद बिभाग सदस्य युवा नेता विवेक कुमार यादव, जसपा रौतहट जिल्ला सदस्य सिकिन्द्र राय यादव, राजकुमार पटेल, वडा नं.१ को वडा अध्यक्ष रामजोधी राउत, वडा नं.३ को वडा अध्यक्ष मणिभूषण प्रसाद साह, वडा सदस्य लगायत समाजवादी युवा संघ नेपाल रौतहटको कार्यवाहक जिल्ला अध्यक्ष अजय यादव, नगर उपाध्यक्ष मोतिम हासमी, नगर सचिव रामाकान्त कुमार पटेल लगायत युवाका नगर भरिका युवा नेता कार्यकर्ता, नगरका नेता तथा कार्यकर्ताहरुको उपस्थिती रहेको थियो ।

आरके श्रीवास्तव,रौतहट,१२ गते चैत ।
रौतहट । ‘राजा आउ, देश बचाउ’ नारासहित आज रौतहटमा राजावादीहरुले भव्य मोटरसाइकल र्याली निकालेका छन् । देशमा राजतन्त्र पुनःस्थापनाको माग उठिरहेको बेला यहाँ स्थित रहेका राजावादी समूहहरु मोटरसाइकल र्याली सहित प्रर्दशन गरेका छन् ।
जिल्लाको मध्य भाग गरुडा देखि सुरु भएको सो र्याली सदरमुकाम गौर सम्म निकालिएको राष्ट्रिय प्रजातन्त्र पार्टी नेपाल (राप्रपा) का जिल्ला सचिव बिक्रान्त विक्रम नेपालले जानकारी गराएका हुन् । मंगलवार निकालिएको सो रैलीमा बाक्लोे संख्यामा राजावादी समर्थकहरुको सहभागिता रहेको उनले बताएका हुन् ।
मोटरसाइकल र्यालीमा सहभागी राजावादीहरूले नेपालको राष्ट्रिय झण्डा फहराउँदै पूर्वराजा ज्ञानेन्द्र शाहको पक्षमा नारावाजी गरेका थिए । उनीहरूले संघीयता र गणतन्त्रले देशमा स्थायित्व दिन नसकेको भन्दै राजसंस्थालाई पुनःस्थापित गर्नुपर्ने भन्दै धारणा व्यक्त गर्दै नारा लगाएका थिए ।
राजावादीहरूको प्रर्दशनलाइ मध्यनजर गर्दै स्थानिय प्रशासनले पनि सुरक्षा व्यवस्था कडा बनाएको थियो । यस्ता किसिमका प्रर्दशनले देशमा राजसंस्थाको पुनरागमनको विषयलाइ फेरी सतहमा ल्याएको छ । तर राजनितिकदलका नेताहरुले लोकतान्त्रिक व्यवस्थालाइ नै सुधारगरेर अघि बढनुपर्ने धारण राखिरहेका छन् ।

आरके श्रीवास्तव,रौतहट,१२ गते चैत ।
रौतहट । समयमै पुल निर्माण कार्य सम्पन्न गर्न आज रौतहटका प्रमुख जिल्ला अधिकारी बिनोद कुमार खड्कालाइ ध्यानाकर्षणपत्र बुझाइएको छ । जंगलसैया—बालचनपुर सडकखण्ड अन्तर्गत गुजरा नगरपालिकाको कार्यालय भन्दा करिब १ किलोमिटरको दूरीमा रहेको लामाहा खोलामा पुल निर्माणको काम सम्पन्न गराउनका लागि पहल गरिदिन पत्र मार्फत् आग्रह गरिएको छ ।
गुजरा नगरपालिका वडा नम्बर ४ का स्थानिय सामाजिक अभियन्ता अब्दुल सलामको नेतृत्वमा गएका यूवाहरुको एक टिमले जिल्ला प्रशासन कार्यालय रौतहटमा पुगी सिडियो खड्कालाइ सो ध्यानाकर्षणपत्र बुझाएका छन् ।
सो ध्यानाकर्षणपत्रमा ३ बुँदे माग पनि अघि सारिएको छ । उनीहरुले ठेकेदार कम्पनीको गैर जिम्मेवारीपूर्ण कार्यशैलीको छानबीन गरी आवश्यक कारबाही अघि बढाउन,लामाहा खोलाको पुल निर्माण कार्यलाइ तुरुन्त अघि बढाइ यथासिघ्र सम्पन्न गराउन व्यवस्था गर्न र नागरिकहरुको असुविधालाइ मध्यनजर गर्दै वैकल्पिक मार्ग वा अस्थायी पुल बर्खायामका लागि दिगो निर्माणको व्यवस्था गर्न माग गरेका छन् ।
आफूहरुको मागहरु पूरा नभए स्थानिय नागरिकहरुले थप आन्दोलनका कार्यक्रम ल्याउन बाध्य हुने चेतावनी समेत दिएका छन् । जसको समपूर्ण जिम्मेवारी सम्बन्धित निकायले नै लिनुपर्ने पत्रमा उल्लेख रहेको छ ।
स्मरणियहोस् करिब २ वर्ष अघि सो पुल निर्माण गर्न ठेक्का समझौता भएको थियो । तर ठेकेदार कम्पनीले पुल बनाउन त परै जाओस् । त्यहाँ रहेको कजवेलाइ पनि भत्काइ दिएका थिए । र पछि निर्माण कार्य नबढाइ बीचैमा काम छोडेर ठेकेदार फरार भएकाले हालसम्म पुल निर्माण हुन सकेको छैन् ।
फलस्वरुप स्थानिय बासिन्दा,बिधार्थी,वृद्धवृदा लगायत सर्वसाधारण नागरिकलाइ ओहोरदोहर गर्न गम्भीर सस्या भोग्नु परेको छ । विशेष गरि वर्षयाममा खोला वारपार गर्न असम्भव जस्तै हुने भएकाले यहाँका नागरि जोखिम मोलेर यात्रा गर्न बाध्य हुनेगरेका छन् । यातायात,आपूर्ती, स्वास्थ्य उपचार तथा शिक्षामा समेत यसले नकारात्मक असर पुर्याउने गरेको छ ।

आरके श्रीवास्तव,रौतहट,१० गते चैत ।

रौतहट । रौतहटमा माछापालक कृषकले आज दबाबमूलक धर्ना दिएका छन् । माछा कृषकको आम्दानी भन्दा लागत मूल्य बढाउने उधोग मिटर हटाइ कृषि मिटर कायम गर्न एक दिने दबाबमूलक धर्ना कार्यक्रम गरिएको मत्सय पालक कृषक रामबाबु चौरीले जानकारी गराएका हुन् ।

नेपाल मत्सय व्यवसायी संघ रौतहटको आयोजनामा आइतवार माछा कृषकहरुले धर्ना दिएका थिए । नेपाल विधुत प्राधिकरण चन्द्रनिगाहपुर वितराण केन्द्रको अगाडी उनीहरुले एक दिने धर्ना दिएका हुन् ।
माछापालन कृषि अन्तर्गत पर्ने भएपनि विधुत प्राधिरकणले औधोगिक मिटर थमाएर माछापालक किसानको ढाँड सेक्ने काम गरेकोले यसलाइ तुरुन्त सच्चयाउन माग गरेका छन् । उनले भने—माछापालन कृषि अन्तर्गत पर्ने गर्दछ । तर हामीलाइ बढी विधुत महसुल तिर्नु परेको छ ।

कृषि मिटर कायम नहुँदा आफूहरुलाइ घाटा भइरहेको बताए । जसले गर्दा हाम्रो कारोबार नै धरासायी बन्ने कागार पुगेको उनी बताउँछन् । राज्यले यसलाइ तुरुन्त सम्बोधन गर्नु पर्दछ ।
आफूहरुको मागलाइ समयमा सम्बोधन नगरे कडा रुपमा आन्दोलन गर्ने उनीहरुले चेतावनी समेत दिएका छन् । रौतहटमा रहेको नेपाल विधुत प्राधिरकणको प्रत्येक वितरण केन्द्रको अगाडी यसरी नै चेनरुल अनुसार आइतवारका दिन धर्ना दिने कार्यक्रम रहेको चौधरीले बताएका हुन् ।

आरके श्रीवास्तव,रौतहट,१० गते चैत ।

रौतहट । थारु कल्याणकारिणी सभा रौतहटको भवन धमाधम निर्माण भइरहेको छ । जसको लागि आज दोस्रो तल्लाको ढलान कार्य भएको छ । सो नगरपालिकाको वडा नम्बर ९ दयालपुरमा सभाहल भवन निर्माण भइरहेको छ ।
गुजरा नगरपालिकाका नगर प्रमुख सन्तलाल चौधरीले एक कार्यक्रमका बिच आज छत ढलान कार्यको प्रारम्भ गर्नु भएको थियो । कल्याणकारीणी सभाको भवन नगरपालिका,विभिन्न वडाका वडा अध्यक्ष,सहयोगी चन्दादाताहरुको सहयोगमा भवन निर्माण कार्य भइरहेको वडा अध्यक्ष प्रेम चौधरीले जानकारी गराएका हुन् ।

उनले दिएको जानकारी अनुसार आर्थिक २०८०।०८१ म १० लाख रुपैयाँ गुजरा नगरपालिका वडा नम्बर १ का वडा अध्यक्ष रामजित चौधरी र ३० लाख बजेट आफनै वडा बाट छुट्टयाएर भवन काम गरिएको बताए ।
त्यस्तै चालु आर्थिक वर्ष २०८१।०८२ मा गुजरा नपा २ का वडा अध्यक्ष अशोक चौधरीको ५ लाख,वडा नम्बर ३ का वडा अध्यक्ष गजेन्द्र चौधरीको ५ र आफनो वडा बाट १० लाख ५० हजार छुट्टयाएर छत् ढलानको कार्य भइहरेको उनको भनाइ छ ।

वडा अध्यक्ष चौधरीले दयालपुरमा थाकसको भवन निर्माण गर्नको लागि पहल गर्नु हुने सम्पूर्ण जनालाइ धन्यवाद ज्ञापन गर्नु भएको छ । स्थानिय सुजित चौधरीले थाकसको भवन नमूना भवन रहेको भन्दै हाम्रो गाउँ दयालपुरको यसले मान,सम्मान बढाउने काम गरेको छ । थाकस भवन सँगै रहेको सडकलाइ ढलान गर्न करिब २५ लाख बजेट व्यवस्था व्यवस्थापन गरि दिनुहुने मेयर चौधरीलाइ धन्यवाद पनि व्यक्त गर्नु भएको छ ।

वि.स.२००५ सालमा स्थापना भएको थाकस रौतहटको भवन विहिन रहेको थियो । नगर प्रमुख सन्तलाल चौधरी,वडा अध्यक्ष प्रेम चौधरी र विभिन्न व्यक्तीत्वहरुको सहयोगमा सो भवन बनिरहेको छ । वडा अध्यक्ष चौधरीले थाकसको भवन निर्माणको लागि आफनो वडामा रहेको १० कठ्ठा जग्गा उपलब्ध गराए पछि सो भवन बन्न सम्भव भएको हो ।

सो अवसरमा नगरप्रमुख सन्तलाल चौधरी सँगै वडा नम्बर १ का वडा अध्यक्ष रामजीत चौधरी,थाकसका पूर्व सभापती रामाश्रय चौधरी,थाकस रौतहटका सह सचिव रामबाबु चौधरी,बलिराम चौधरी,सुजित चौधरी,अनुठा चौधरी सहित जिल्ला भरीका थारु समाज अगुवा व्यक्तीत्वहरुको सहभागिता रहेको थियो ।

आरके श्रीवास्तव,रौतहट,१० गते चैत ।

आज चैत १० गते रौतहटको साहित्य इतिहासमा आजदेखी नयाँ दिनको सुरुआत भएको छ । देवकोटा पदार्पण दिवस मनाइएको छ । महाकवी लक्ष्मीप्रसाद देवकोटाको रौतहट आगमनको अवसरमा यो दिवस मनाउन प्रारम्भ गरिएको हो ।
सम्भवतः रौतहटबाट नै पदार्पण दिवसको थालनी भएको हो । आजकै दिन देवकोटा रौतहटमा आएको समझना पारेर यो दिवस मनाउने नयाँ परम्पराको अभ्यास सुरु भएको हो ।
आइतवार किसान आन्दोलनको ऐतिहासिक ठाउँ जिल्लाको मध्यभाग गरुडा नगरपालिका वडा नम्बर ५ स्थित महम्दपुरमा रहेको गोपाल सेवा समितिको प्रांगणमा देवकोटा पदार्पण दिवस मनाउन जिल्लाका साहित्यकारहरु भेला भएका थिए ।

कार्यक्रमका इतिहासका जानकार सञ्जय साह मित्रले महाकवि देवकोटा रौतहट सदरमुकाम गौर स्थित कलाकुञ्ज पुस्तकालयले २०१० चैत १० गते आयोजना गरेको साहित्यिक समारोहमा सहभागी भएको जानकारी गराएका थिए ।

सो पुस्तकालय तत्कालीन शारदा पुस्तकालयको रुपमा पनि चिनिन्थ्यो । उनले भने—देवकोटालाई प्रगतिशील साहित्यकार श्यामप्रसाद शर्माले गौर पु¥याएर वीरगंजसम्म लगेको पनि बताए ।
त्यो बेला महाकवि देवकोटाको हस्ताक्षर लामो समयसम्म पुस्तकालयमा सुरक्षित रहेको बताइएको थियो । अहिले पनि देवकोटाको हस्ताक्षरलाई पुस्तकालयले सुरक्षित राखेको जानकारी पुस्तकालय स्रोतबाट प्राप्त भएको साहित्यकार बिन्दा साहनीले जानकारी गराएका छन् ।

कार्यक्रममा मन्तव्य राख्दै साहनीले देवकोटालाई साहित्यको ब्रह्माण्डसित तुलना गर्दै देवकोटाको रौतहट आगमन भएको दिवसलाई ‘देवकोटा पदार्पण दिवस’को रुपमा मनाउन पाउँदा उनको व्यक्तित्व र कृतित्वबाट नयाँ पुस्ता लाभान्वित हुने विश्वास लिएको बताएका छन् । साहनीले यस किसिमको कार्यक्रम कलाकुञ्ज पुस्तकालयमै मनाउन पाए अझ राम्रो हुने बताउँदै परिस्थिति मिलेसम्म आगामी वर्ष अझ भव्यरुपमा मनाइने बताएका छन् ।

महाकवि देवकोटा र रौतहटको साहित्यसित उनको नाताको विषयमा व्यापक खोजतलास हुन बाँकी रहेको बताउँदै एउटा राम्रो सुरुआत भएको कार्यक्रमका परिकल्पनाकार सञ्जय साह मित्रले जनाएका छन् । देवकोटाबारे अध्ययनको नयाँ आयाम विस्तार भएको बताउँदै मित्रले देवकोटा रौतहट आएको ७१ वर्षमा सम्झना गर्नु पनि नयाँ सुरुआत भएको बताएका छन् ।

बज्जिका साहित्य संगम रौतहटका अध्यक्ष किशुनदयाल श्रीकृष्णले देवकोटा जहाँ जहाँ पुगेका छन् र जहाँ जहाँ बास बसेका छन्, ती सबै ठाउँमा यसरी गर्व गरेर कार्यक्रम आयोजन गर्न सकिने बताएका छन् । देवकोटाजस्तो विराट व्यक्तित्बारे नयाँ पुस्तालाई जान्ने नयाँ किसिमको कार्यक्रम भएको श्रीकृष्णले बताएका छन् ।

कार्यक्रममा साहित्यकार तथा प्रअ रामअधार पासवान, विपिनबिहारी सिंह, पत्रकार तथा लेखक राजुकुमार श्रीवास्तव, पत्रकार चन्दन यादव, नवसर्जक साहित्य चौतारी नेपालकी रौतहट उपाध्यक्ष रोशनी यादव, रामप्रसाद साह लगायतले मन्तव्य राख्दै देवकोटाबारे नयाँ किसिमले कार्यक्रमको सुरुवातले नयाँ पुस्ता लाभान्वित हुने र आफ्नो क्षेत्रको महत्वबारे बुझ्न पाउने विचार व्यक्त गरेका छन् ।

 

काठमाडौं ।
आम जनता पार्टी (आजपा) का अध्यक्ष एवं पूर्वमन्त्री प्रभु साहले सरकारको अनावश्यक र मनोमानी कर आतंकले मुलुकको अर्थतन्त्र धरासायी बन्दै गईरहेको टिप्पणी गरेका छन् ।

‘दलाल एवं लुटकारी दलतन्त्र तथा भ्रष्टाचारको बिरोध गरौं, चैत २४ गतेको आन्दोलनमा सहभागि बनौं’ भन्ने मुल नारा सहित आजपा निकटको आम सम्पर्क मञ्चको आज कोटेश्वर, काठमाडौंमा बसेको केन्द्रीय कमिटीको बैठकलाई सम्बोधन गर्दै अध्यक्ष साहले सरकारको अनावश्यक एवं मनोमानी कर आतंक रोक्न आन्दोलनको बिकल्प नभएको बताए ।

‘अहिलेको व्यवस्थाले तीनै तहका सरकारलाई कानून बनाउने र कर उठाउँने अधिकार दिएको छ । सरकारपिच्छे सरकारको अनावश्यक र मनोमानी कर उठाउने प्रतिस्पर्धा चलेको छ । त्यसैले हामीले भनिरहेका छौं, सरकारको अनावश्यक र मनोमानी कर आतंक रोक्न यो व्यवस्था नै खारेज गर्नुपर्छ । त्यसका लागि हामी सडकमा आउँनै पर्छ, आन्दोलन गर्नैपर्छ, आन्दोलनको विकल्प हामीसंग छैन्’, आजपा अध्यक्ष साहले भने ।

जनतासंग कर लिने तर रिटर्नी नदिने सरकारलाई दण्डित गर्नुपर्ने उनले बताए । करको नाममा जनतासंग सरकारले लुट मचाइरहेको भए पनि जनतालाई त्यसको रिटर्नी केही पनि नदिने सरकार के कामका लागि भन्दै साहले प्रश्न उठाएका छन् । राज्यको ढुकुटी सिध्याएर नेपाली जनतामाथि विदेशी ऋणको भारी बोकाउने वर्तमान सरकार फाल्नुको विकल्प नभएको उनले बताए ।

उनले सरकार र संविधान दुवै असफल भईसकेकाले नागरिकको सर्वोच्चता सहितको व्यवस्थाका लागि पार्टीद्धारा घोषित तेस्रो जनआन्दोलन सफल बनाउन आह्वान गरे । गतबर्ष नै तेस्रो जनआन्दोलनको आह्वान गरेका साहले वर्तमान संविधान र सरकारकै कारण अहिले मुलुकमा संकट आएको टिप्पणी गर्दै अहिलेको व्यवस्थाको खारेजीका लागि तेस्रो जनआन्दोलन आवश्यक रहेको बताए ।

आउँदो २४ मा आजपाले काठमाडौंमा खबरदारी सभाका साथै बिरोध प्रदर्शन गर्दैछ । त्यसैको पूर्वसन्ध्यामा बसेको बैठकले व्यापक जनसहभागिता जुटाउने निर्णय समेत गरेको छ ।

२४ चैतमा जनआन्दोलन दिवशकै दिन भ्रष्टाचार बिरुद्ध खबरदारी सभा र विशेष प्रदर्शन गर्न लागेको आजपाले सरकारको मनोमानी कर आतंक, भ्रष्टाचार, अनियमितता बिरुद्ध संघर्ष गर्दै आएको छ । गत बर्ष २४ चैतकै दिन आजपा अध्यक्ष साहले काठमाडौंको भृकुटी मण्डपबाट दलाल दलतन्त्रको बिरुद्ध तेस्रो जनआन्दोलनको घोषणा गरेका थिए ।

बैठकमा आजपा वरिष्ठ उपाध्यक्ष एवं संविधान सभाका सदस्य तिलक थापामगर, उपाध्यक्ष विल्टु यादव, महासचिव त्रिभुवन साह अमर, सचिवद्धय देवी पण्डित, नारायण पाण्डे, नेताहरु किशोरी साह, श्रीनारायण साह, उपेन्द्र साह, रन्जु साह, देव कुमारी, मिनादेवी साह, लखिन्द्रकुमार साह लगायतको विशेष सहभागिता रहेको थियो ।

बज्जिकाञ्चल संवाददाता,राैतहट,०८ गते चैत । रौतहटको इशनाथ नगरपालिकाका प्रमुख प्रशासकिय अधिकृत नन्दकिशोर गुप्ताले नगर क्षेत्रका बिद्यालय, स्वास्थ्य संस्थाको अनुगमन तथा निरीक्षणलाई तिब्रता दिएका छन ।
बिद्यालयमा शिक्षकको उपस्थिति रहेको / नरहेको , विद्यार्थीलाई दिवा खाजा खुवाउने गरे / नगरेको लगायतका कार्यको प्रभावकारी रुपमा अनुगमन गर्ने कार्यलाइ निरन्तरता दिनु भएको छ ।
बिद्यालय सङै स्वास्थ्य संस्थामा स्वास्थ्यकर्मी समयमा आउने गरे / नगरेको , निशुल्क औषधि उपलब्ध रहे / नरहेको लगायतको सुक्ष्म रुपमा अनुगमन गरि रहेको प्रमुख प्रशासकिय अधिकृत गुप्ताले बताएका छन ।
अनुगमनका क्रममा कहि कतै कमजोरि देखिएमा कारबाही समेत गर्ने गरिएको प्रमुख प्रशासकिय अधिकृत गुप्ताको दावी छ । राैतहट अनलाइन

आरके श्रीवास्तव,रौतहट,०८ गते चैत ।
रौतहट । काठ दाउरा समयमा आपूर्ति गर्ने शर्तमा डिभिजन वन कार्यालयमा लगाइएको तालाबन्दी खोलीएको छ । सेवाग्राहीलाइ कठिनाइ असहजता र काठ दाउरा समयमा पूर्ति गर्न नसकेको भन्दै आज दिउँसो जिल्ला वन पैदावार आपूर्ती समिति र सेवाग्राही द्धारा तालाबन्दी गरिएको थियो ।
समितिको तर्फबाट विकास कुमार यादवको नेतृत्वमा गएको समूहले वन कार्यालयमा तालाबन्दी गरेका थिए । चालु आर्थिक वर्षमा डिभिजन वन कार्यालयले हालसम्म उपभोक्ता काठ दाउरा उपलब्ध गराउन आपूर्ती खोलेकै थिएन् । जसकारण उपभोक्ताहरु काठ पाउन बाट बञ्चित छन् ।
डिभिजनल वन अधिकृत हेमन्त प्रसाद साहले आपूर्ती नखुलाएर दिनहुँ काठ गायब गर्न थालेको आरोपहरु लाग्दै आएको छ । कमिसन पाउने लोभमा निलामी प्रक्रियाबाट काठहरु विक्री गर्ने गरेको चुरे तथा वन जंगल संरक्षण अभियान नेपालका अभियन्ता नन्दकिशोर राम आरोप लगाएका छन् ।
शुक्रवार तालाबन्दी गर्ने पक्षले निलामी लगायतका कार्यहरुमा आपूर्ती समितिलाइ वेवास्ता गरेको,कटान,मुछान काठ दाउरा निलामी लागयतको कार्यहरुमा आपूर्ती समिति सँग समन्वय नगरी काठ दाउरा विक्री वितरण गरेको,सेवाग्राहीलाइ काठ दाउरा समयमा उपलब्ध नगराएको आरोप लगाएका थिए ।
त्यस्तै आपूर्ती समितिले पाउनुपर्ने नियमानुसारको काठ दाउरा समयमा उपलब्ध नगराएको,राम्राराम्रा काठदाउराहरु सबै निलामी गरेको र आपूर्ती द्धारा सेवाग्राहीलाइ दिनुपर्ने काठहरु कमसल र नराम्रा काठहरु छोडेको, आपूर्तीको वार्षिक कार्ययोजना अनुसार गर्नुपर्ने योजनाहरुको कार्यान्वयनमा वेवास्ता गरेको उनीहरुको आरोप थियो ।
त्यसैगरी वन कार्यालय अन्तर्गतका योजनाहरु कार्यान्वयनको प्रक्रियामा डिभिजनल अधिकृत साहले ढिलाइ गरेको भन्दै समितिका मान्छेहरु र उपभोक्ताहरु आक्रोशित बनेका थिए । समितिका नेतृत्वकर्ता यादवले दिएको जानकारी अनुसार डिभिजन वन कार्यालयले आफूहरुको माग सम्बोधन गर्ने भएपछि तालाबन्दी खोलिएको बताएका छन् ।

बज्जिकाञ्चल संवाददाता,रौतहट ०८,चैत । 

राैतहट– गरुडा नगरपालिका वडा नं. ६, पोठियाहीस्थित सामुदायिक पोखरी क्षेत्रको धार्मिक तथा पर्यटकीय विकासका लागि १ करोड ३८ लाख रुपैयाँ लागतमा सूर्य भगवानको मन्दिर, छठ घाट, पार्क तथा पर्खाल निर्माण गरिने भएको छ ।
संघीय तथा नगरपालिकाको बजेटबाट टेन्डर प्रक्रियामार्फत सञ्चालन गरिने यस योजनाको शुक्रबार नगर प्रमुख कन्थमनी प्रसाद जयसवालले शिलान्यास गरे सँगै निर्माण कार्य अगाडि बढ्ने भएको हो । मेयर जयसवालका अनुसार पोखरीको बीचभागमा सूर्य मन्दिर, पूर्वतर्फ छठ पर्व मनाउन विशेष घाट, साथै पोखरी वरपर पर्खाल तथा हरियाली पार्क निर्माण गरिने छ ।
स्थानीयवासीहरूको लामो समयदेखिको मागलाई सम्बोधन गर्दै कार्य अघि बढाइएको मेयर जयसवालले बताए ।
“गरुडा नगरपालिकाले धार्मिक तथा सांस्कृतिक सम्पदाको जगेर्ना गर्ने नीति लिएको छ। यो योजनाका लागि १ करोड ३८ लाख रुपैयाँ विनियोजन गरिएको छ, जसले छठ पर्व मनाउने श्रद्धालुहरूका साथै धार्मिक पर्यटन प्रवर्द्धनमा टेवा पुर्‍याउनेछ,” नगर प्रमुख जयसवालले भने ।”
उनका अनुसार निर्माण कार्य पूरा भएपछि यो क्षेत्र गरुडा नगरपालिकाको एक प्रमुख धार्मिक तथा पर्यटकीय गन्तव्य बन्नेछ । स्थानीय बासिन्दाले छठ पूजा लगायत अन्य धार्मिक गतिविधिहरू थप सुव्यवस्थित रूपमा गर्न सक्ने उनको बिश्वास छ ।
शिलान्यास कार्यक्रममा नगरपालिकाका जनप्रतिनिधि, स्थानीय समाजसेवी, धार्मिक अगुवाहरू तथा नगरवासीहरूको उपस्थिति रहेको थियो।

बज्जिकाञ्चल संवाददाता,राैतहट,०८ गते चैत । 

राैतहटकाे गरूडा नगरपालिका वडा नम्बर ५ मा जनता समाजवादी पार्टी नेपालकाे वडा अधिवेशन सम्पन्न भएको छ । जसपा, नेपाल रौतहटको जिल्ला अधिवेशन हुने भएकाले  गरुडा नगरपालिका वडा नम्बर १ देखि ९ सम्मका वडा अधिवेशनहरू १२ गतेसम्म सम्पन्न गर्नुपर्नेछ भएकोले आज साे वडाकाे अधिवेशन सम्पन्न भएको गरूडा नगरपालिकाका मेयर प्रत्यासी अनिल यादवले जानकारी गराएका हुन् ।

 

त्यस्तै, नगर अधिवेशन १३ गतेदेखि २२ गतेभित्र सम्पन्न गर्नुपर्ने भएकाले पार्टीको सर्कुलरअनुसार कार्ययोजना अगाडि बढाइएको उनले बताएका हुन् ।

 

साे वडामा सियाबर यादवको अध्यक्षतामा ७१ सदस्यीय वडा अधिवेशन सफलतापूर्वक सम्पन्न भएको छ ।

छनौट भएका सम्पूर्ण पदाधिकारीहरूलाई मेयर प्रत्यासी यादवले हार्दिक बधाई तथा सफल कार्यकालको शुभकामना दिएका छन् ।

आरएन पटेल,रौतहट, चैत्र ०८ गते ।
रौतहटको बौधिमाई नगरपालिकाको प्रमुख प्रशासकीय अधिकृतको रुपमा उदय शंकर चौधरी हाजिर भएकाे छ । शुक्रवार एक कार्यक्रमकाे बिच बौधिमाई नगरपालिकाका नगर प्रमुख प्रदीप कुमार यादव र नगर उप प्रमुख प्रमिला देवी जयसवालले कार्यालय प्रमुखको रुपमा उदय शंकर चौधरीलाई टीका माला लगाई कार्यालयमा स्वागत गर्नु भएकाे हाे ।
कार्यभार सम्भालदै प्राशासकीय अधिकृत चौधरीले पालिकामा अवरुद्ध भएका सम्पूर्ण कामकाजहरु चाँडै अगाडि बढाउने बताउनु भएको छ। यस भन्दा पहिले समान्य प्रशासन मन्त्रालयले कार्यालय प्रमुखको रुपमा प्रमुख प्रशासकीय अधिकृत संदेश यादवलाई खटाएका थिए । केही समय पहिला यादव अन्यत्र सरुवा भएपछि बौधिमाई नगरपालिका हाकिम बिहीन भएको थियो।
पालिकामा प्रमुख प्रशासकीय अधिकृत नहुँदा पालिकाको आर्थिक लगायत विभिन्न कार्य गर्न अपठ्यारो भइरहेको बेला नगर प्रमुख यादवले पालिकामा नयाँ हाकिमको रुपमा उहाँलाई हाजिर गराई कार्यभार सुम्पेका छन।

स्वागत कार्यक्रममा विभिन्न वड़ाका वडा अध्यक्ष, पालिकाको लेखा शाखा प्रमुख अरविन्द कुमार यादव, स्वास्थ्य संयोजक तारकेश्वर पटेल, विभिन्न शाखाका शाख प्रमुख, राष्ट्रसेवक कर्मचारी लगायत जनप्रतिनिधिहरूको उपस्थिति रहेको थियो।

 रूपेन्द्र पटेल,रौतहट, ८ चैत ।

मधेस प्रदेशका अधिकांश स्थानीय तहहरूमा प्रमुख प्रशासकीय अधिकृतहरूको निरन्तरता सुनिश्चित गर्न चुनौती देखिँदै आएको छ। धेरैजसो प्रशासनिक अधिकृतहरू लामो समयसम्म एकै स्थानमा टिक्न नसक्दा विकास योजना प्रभावित हुने प्रवृत्ति छ।

तर, वृन्दावन नगरपालिकामा संघीय मामिला तथा सामान्य प्रशासन मन्त्रालयको निर्णयअनुसार उपसचिव खिम बहादुर भुजेलले प्रमुख प्रशासकीय अधिकृतका रूपमा दुई वर्षदेखि निरन्तर नेतृत्व गर्दै आएका छन्। स्थानीय प्रशासनिक स्थायित्वले नगरपालिकाको विकास र सेवा प्रवाहलाई प्रभावकारी बनाएको नगर प्रमुख बिनोदप्रसाद कुर्मी बताउँछन् ।

नगरपालिकाले भुजेलको नेतृत्वमा पूर्वाधार, शिक्षा, स्वास्थ्य, सफाइ, र डिजिटल प्रशासनका क्षेत्रमा उल्लेखनीय सुधार गरेको छ। स्थानीय नागरिकहरू भन्छन्, “प्रशासनिक स्थिरताले योजनाहरू दीर्घकालीन रूपमा कार्यान्वयन गर्न मद्दत पुऱ्याएको छ ।” नगर प्रमुख कुर्मी भन्छन्, “नगरको दिगो विकासका लागि निरन्तर नेतृत्व आवश्यक छ। प्रमुख प्रशासकीय अधिकृत भुजेलकै कार्यकालमा वृन्दावनले समृद्धिको यात्रा अघि बढाएको छ ।”

नगरपालिकाले आगामी दिनमा पनि भुजेलको अनुभव र व्यवस्थापन क्षमताको लाभ उठाउँदै थप योजनाहरूलाई सुदृढ गर्ने लक्ष्य राखेको छ। कुर्मीले संघीय सरकारसँग प्रशासनिक स्थायित्वको नीति निरन्तरता दिन आग्रह गरेका छन् ।

चन्दन यादव, रौतहट, ०८ गते चैत ।

रौतहट । रौतहटमा एस.ई.ई. परिक्षाकमा चिट चोर्न प्रयोजनका ल्याइएको ३४० थान मोबाईल नियन्त्रमा लिइएको प्रहरीले बताएको हो । बिहान ८ बजे देखि संचालन भएको एस.ई.ई. परिक्षामा विभिन्न परिक्षा केन्द्रमा चिट चोर्न प्रयोजनको लागि परिक्षार्थीहरुले आफ्नो शरिरमा मोबाईल तथा अन्य ईलेक्ट्रोनिक ग्याजेटलुकाई छिपाई परिक्षा हल भित्र प्रवेश गरेको चेकजाँचको क्रममा ३ सय ४० थान मोबाईल र स्मार्ट वाच २ थान बरामद गरी नियन्त्रणमा लिई अनुसन्धान कार्य भई रहेको प्रहरीले जनाकारी गराएको हो ।

परिक्षा हलभित्र गार्डको रुपमा खटि आफ्नो जिम्मेवारी ठिकसंग निर्वाह नगरेको २ जना गार्डहरुलाई एस.ई.ई. परिक्षा अवधीसम्मको लागी रेस्ट्रिगेट गरिएको प्रहरीले निकालेको विज्ञप्तीमा उल्लेख रहेको छ ।

प्रहरी नायब उपरीक्षक प्रवक्ता तथा सूचना अधिकारी दिपक कुमार रायले दिएको जानकारी अनुसार एस.ई.ई. परिक्षाको शुरुको दिन नै ४ सय २४ वटा मोबाईल नियन्त्रमा लिईएको बताएका हुन् । एस.ई.ई. परिक्षा मर्यादित तरिकाले निर्वाह गर्न तथा मधेशको शिक्षालाइ सुधार्नको लागी निष्पक्ष तरिकाले गर्न गराउन प्रहरी नायब उपरीक्षक रायले आग्रह समेत गरेका हुन् ।

चन्दन यादव,कटहरिया, ०८ गते चैत ।

रौतहट जिल्लाको कटहरियामा एसइइ पास गराइदिन्छु भनेर ट्युसन पढाउने केही शिक्षकले विधार्थीसंग रकम असुली गरेको पाइएको हो । ट्युसनको नाममा विधार्थीहरु संग एक वर्ष देखी सेटिंग मिलाउदै आइरहेको तथा अहिले एस.ई.ई.को बेलामा १ हजारको दरले रुपैंया असुली गरेको एक जना विधार्थीहरुले नाम नबताउने सर्तमा हामीलाइ जानकारी दिएका छन् । ती बिधार्थीले शिक्षकको नाम पनि सार्वजनिक गर्न चाहेका छैन्न् ।

ट्युसन पढाउने शिक्षकले सम्बन्धित परिक्षा केन्द्रको कार्यालय सहयोगीलाइ रुपैंया दिएर सेटिंग गरेको पाइएको छ । कार्यालय सहयोगीले ट्युसन पढाउने शिक्षकले बताइएको विधार्थीको अनुहार हेरी सिधै गेट प्रवेश गराइरहेको समेत प्रत्यक्षदर्शीले बताएका छन् । सेटिंगमा संलगन नरहेको विधार्थीहरुको चिट तथा परिक्षाको नियम भंग गर्ने उदेश्यले मोबाइल फोन तथा त्यस्ता उपकरणहरु नजाओस भनेर चेकिंगको क्रममा ती विधार्थीहरुलाइ खोदयाइ खोदयाइ चेक गर्ने तथा सेटिंगमा संलग्न रहेको विधार्थीहरुलाइ नाम बराबर मात्र चेक गर्ने गरेको पाइएको हो ।

चिट चोरी गराउनेमा ट्युसन पढाउने शिक्षक र कार्यालय सहयोगी प्रमुख भुमिका रहेको तथा त्यसमा केही सम्बन्धित केन्द्रको शिक्षकहरु पनि संलगन रहेको पाइएको हो । ट्युसनमा पढने सम्पुर्ण विधार्थीसंग १ हजार रुपैयाँको दरले हरेक वर्ष असुली गर्दै आइरहेको समेत ट्युसन माफियाहरुको राज बाहिरिएको हो । आफुलाइ शिक्षक बताउने ती शिक्षकहरु विधार्थीको जिवनसंग खुलेआम खेलवाड गरिरहेको कुरा सम्बन्धित निकायलाइ यस समाचारको माध्यम बाट जाहेर गरिएको छ ।

मधेशको शिक्षा यिनीहरु जस्ता शिक्षकले गर्दा बिग्रीएको हो भन्दा पनि गलत हुदैन् । जब सम्म यस्ता शिक्षकहरुको गोप्य सेटिंग बाहिर नियन्त्रण्मा आउँदैन तब सम्म रौतहटको शिक्षामा सुधार नआउने निश्चित छ । निष्पक्ष तरिकाले एस.इ.इ. परिक्षा जब सम्म मधेशमा हुदैन तब् सम्म तराई मधेशको शिक्षामा सुधार आउँदैन, त्यस्ता शिक्षकहरुलाइ पहिचान गरी कार्यवाहिको दायरामा ल्याइ सेटिंगहरु बन्द होस भने माग गरिएको छ ।

काठमाडौं । आम जनता पार्टी (आजपा)ले प्रधानमन्त्री केपी शर्मा ओलीको राजीनामा सहित अन्तरिम सरकार गठनको माग गरेको छ । आजपाले ओली नेतृत्वको सरकार र वर्तमान संविधान पूर्णरुपमा असफल भएको निष्कर्ष निकाल्दै देशलाई निकास दिन अन्तरिम सरकार गठनको माग गरेको हो ।

आजपा पार्टी केन्द्रीय कार्यालय कोटेश्वर, काठमाडौंमा बसेको पदाधिकारी बैठकले प्रधानमन्त्री सहित बहुमत मन्त्रीहरु कार्यसम्पादन मुल्यांकनमा फेल भएको र सरकार जनस्तरबाट अस्वीकृत एवं असफल भईसकेकाले नैतिकताको आधारमा प्रधानमन्त्रीले तत्काल राजीनामा दिएर अन्तरिम सरकार गठनका लागि मार्ग प्रशस्त गर्नुपर्ने निष्कर्ष निकालेको छ ।

‘वर्तमान सरकारको कारण आर्थिक सूचकांकहरु नकारात्मक बनेको, वैदेशिक कुटनीतिक सम्बन्धहरु अवरुद्ध भएको, कार्यसम्पादन मुल्यांकनमा प्रधानमन्त्री तथा बहुमत मन्त्रीहरू फेल भएको, सरकार आफै जनस्तरबाट अस्वीकृत भएको र सेवा प्रवाह, सुशासन एवं विकासका कामहरु गतिहीन भएकोले गर्दा हरेक हिसाबले कमजोर एवं असफल सिद्ध भइसकेको सरकार तथा वर्तमान व्यवस्थाबाट ठोस निकास सम्भव नरहेको ठहर सहित प्रधानमन्त्रीलाई तत्काल नैतिकताको आधारमा राजीनामा गरी अन्तरिम सरकार गठनका लागि मार्ग प्रशस्त गर्न सरकारसँग माग गरेको छ’, बैठक पश्चात आजपा उपमहासचिव एवं प्रवक्ता चन्द्रभुषण साहले आज जारी गरेको बिज्ञप्तीमा उल्लेख गरिएको छ ।

वर्तमान सरकारको कारण आर्थिक सूचकांकहरु नकारात्मक बनेको, वैदेशिक कुटनीतिक सम्बन्धहरु अवरुद्ध भएको, कार्यसम्पादन मुल्यांकनमा प्रधानमन्त्री तथा बहुमत मन्त्रीहरू फेल भएको, ओली नेतृत्वको सरकार आफै जनस्तरबाट अस्वीकृत भएको निष्कर्ष निकाल्दै आजपाले अन्तरिम सरकार गठनको माग गरेको हो ।

यसैगरी बैठकले दलाल दलतन्त्र र अहिलेको व्यवस्था खारेजका लागि आजपाद्धारा पूर्वघोषित तेस्रो जनआन्दोलन सफल बनाउन कमाण्डर तोकेको छ । आजपा अध्यक्ष एवं पुर्वमन्त्री प्रभु साहले दलाल दलतन्त्र र अहिलेको व्यवस्था खारेजका लागि पूर्वघोषित तेस्रो जनआन्दोलन सफल बनाउन कमाण्डर तोकेका हुन् ।

प्रवक्ता साहले दलाल एवं लुटकारी दलतन्त्रको अन्त्य र अहिलको व्यवस्थाको खारेजीका लागि संविधान सभाका सदस्य तिलक थापा मगरको नेतृत्वमा तेस्रो जनआन्दोलन परिचालन समिति गठन भएको जनाएका छन् ।

तेस्रो जनआन्दोलनको कमाण्डर तोकिएका थापा आजपाका वरिष्ठ उपाध्यक्ष समेत हुन् । सो समितिमा पार्टीका वरिष्ठ उपाध्यक्ष उपेन्द्र साह, उपाध्यक्ष ज्ञानेन्द्र तामाङ, उपमहासचिव धनकुमारी मगर, सचिवद्धय उमेश कुशवाहा, देवी पण्डित र वागमती प्रदेश कमिटीका अध्यक्ष रमेश थपलिया सदस्य रहेका छन् । यो समितिमा अन्य समितिका संयोजकहरु तथा महत्वपुर्ण जबसका नेतृत्व पदेन सदस्य रहने निर्णय बैठकले गरेको छ ।

यसैगरी बैठकले महासचिव त्रिभुवन साहको कमाण्डमा व्यवस्थापन समिति, उपमहासचिव चन्द्रभुषण साहको कमाण्डमा प्रचारप्रसार समिति, स्थायी कमिटी सदस्यद्धय रञ्जु साहको कमाण्डमा आर्थिक समिति र आर्या पाण्डेको कमाण्डमा स्वयमसेवक समिति समेत गठन गर्ने निर्णय गरेको छ ।

‘दलतन्त्र विरुद्धको तेस्रो जनआन्दोलन सफल पारौं !, जनताको शासन सहित समृद्धिको पथमा अघि बढौं !!’ भन्ने मुल नारा सहित पार्टी अध्यक्ष साहको अध्यक्षतामा बसेको बैठकले आन्दोलनलाई शसक्त र कडा बनाउने निष्कर्ष समेत निकालेको छ ।

‘बैठकले दलाल दलतन्त्रको भण्डाफोर गर्ने, नेताहरुको अत्याचारको प्रतिवाद गर्ने, धोखेवाज जनप्रतिनिधिहरुसंग भोट फिर्ता माग्ने, भ्रष्टाचारी र अपराधीहरुलाई जनकारवाही गर्ने, अनावश्यक कर बहिष्कार गर्ने, जनअधिकारको रक्षा एवं आम जनजीविकाकोे लागि निरन्तर संघर्ष गर्ने, असफल व्यवस्थाको खारेजीका लागि घोषित तेस्रो जनआन्दोलनलाई निर्णायक एवं सफल बनाउने संकल्प गरेको छ’, आजपा प्रवक्ता साहद्धारा जारी बिज्ञप्तीमा उल्लेख गरिएको छ ।

देशको वर्तमाान राजनीतिक अवस्था अन्यौग्रस्त, अस्तव्यस्त एंव संकटउन्मुख रहेकोले आम जनतामा राजनीतिप्रति विकर्षण, दल र नेताप्रति घृणा, राजनीतिक शक्तिहरूबीच टकराव, जनआक्रोश मार्फतको तिब्र धुर्वीकरण सहित अग्रगामी विचार, नेतृत्व एंव निकासको खोजीमा देश रहेको निकर्ष बैठकको छ ।

‘वर्तमान संवैधानिक व्यवस्थाले पार्टीका नेता तथा तिनका आसेपासे मोटाएको, दलाल एवं भगौडा वर्ग लाभाव्न्वित भएको, जनता बेहाल एवं देश उजाड भैरहेको, आम नागरिकले लोकतन्त्रको व्यवहारिक प्रत्याभूति गर्न नपाएको तथा न्याय, समानता, सुशासन र विकासको बाधक समेत रहेकाले लुट एवं विभेदकारी चरित्रको यो असफल व्यवस्थाको विकल्पमा अब आम जनताको शासन व्यवस्थाको पथमा अगाडी बढनुपर्ने निष्कर्ष निकालेको छ’, आजपाले भनेको छ ।

यस्तै बैठकले सरकारको सेवा प्रवाह, सुशासन एवं विकासका कामहरु गतिहीन भएकाले हरेक हिसाबले कमजोर एवं असफल प्रमाणित भइसकेको सरकार तथा वर्तमान व्यवस्थाबाट ठोस निकास सम्भव नरहेको निष्कर्ष सहित प्रधानमन्त्रीलाई तत्काल नैतिकताको आधारमा राजीनामा गरी अन्तरिम सरकार गठनका लागि मार्ग प्रशस्त गर्न माग गरेको छ ।

बैठकले पार्टी सदस्यता वितरण, पार्टी कमिटी तथा जबस कमिटीहरुको गठन, पुनर्गठन, बैठक एवं भेलाहरुलाई युद्धस्तरमा अगाडी बढाउने निर्णय समेत गरेको छ ।

बज्जिकाञ्चल संवाददाता,राैतहट,०७ गते चैत ।
राैतहट । राैतहटमा आज एसइइकाे पहिलो दिन परिक्षाकाे मर्यादा भंग गर्नेमाथि कार्यवाही गरिएको छ । पैसा लिई चाेरी गर्न माेबाईल पुर्याउने एक जना परीक्षा निरिक्षक र चिट पुर्याउने एक जनालाई प्रहरीले नियन्त्रणमा लिएको छ । समाचारमा देखाइएको तस्बिर सामाजिक संजाल फेसबुुकमा भाईरल बनेकाे भिडियो बाट लिएको तस्बिर हाे ।

जिल्ला प्रहरी प्रवक्ता एवम् प्रहरी नायब उपरीक्षक दिपक कुमार रायले दिएको जानकारी अनुसार जिल्लाकाे यमुनामाई गाँउपालिका वडा नम्बर ५ स्थित रहेको श्री यमुनामाई माध्यमिक विद्यालय झुन्खुन्वा परिक्षा केन्द्रमा परिक्षार्थीहरुबाट केही रकम लिई परिक्षा केन्द्रमा मोबाईल प्रवेश गराउने परीक्षा निरीक्षक १ जना पक्राउ परेका छन् ।

त्यस्तै जिल्लाकाे मौलापुर नगरपालिका वडा नम्बर ५ स्थित रहेको श्री लक्ष्मिनिया मा.बि. मौलापुर परिक्षा केन्द्रको बाहिरबाट चिट पुऱ्याउने कार्य गर्ने १ जना मानिस गरी २ जनालाई परिक्षाको मर्यादा भंग गर्ने कसुरमा पक्राउ गरिएकाे उनले बताएका छन् ।
उनीहरू दुवैजनालाई सम्मानित जिल्ला अदालत रौतहटबाट म्याद अनुमाति लिई अनुसन्धान भई रहेको प्रहरीले जनाएको छ ।

बिहीबार बिहान ०८:०० बजे देखि संचालन भएको एसइइ परिक्षामा विभिन्न परिक्षा केन्द्रमा चिट चोर्न प्रयोजनको लागि परिक्षार्थीहरुले आफ्नो शरिरमा मोबाईल लुकाई छिपाई परिक्षा हल भित्र प्रवेश गरेकोमा चेकजाँचको क्रममा गर्दा ४ सय २४ वटा माेबाईल समेत बरामद गरी नियन्त्रणमा लिईएको प्रहरीकाे भनाइ छ ।

रौतहट जिल्ला भरीमा रहेको १ खुल्ला सहित ९९ वटा सामुदायिक विद्यालय, २० वटा संस्थागत विद्यालय र ८ वटा प्राविधिक विद्यालय गरि १ सय २७ वटा विद्यालयबाट एसइई दिने छात्रछात्राहरुको लागि जिल्ला भरिमा ४० वटा परीक्षा केन्द्र कायम गरिएको छ ।

यसवर्ष एसईई परीक्षामा साधारण तर्फको नियमित र प्राविधिक तर्फको नियमित तथा ग्रेड वृद्धि तर्फका गरी १० हजार ४ सय ८४ जना छात्रछात्राहरु सहभागी छन् ।

आरके श्रीवास्तव,रौतहट,०५ गते चैत ।
रौतहट । स्ववियु चुनाव बिधार्थीको होइन् कि दलतन्त्रको चुनाव भइसकेको आम बिधार्थी मोर्चाका अध्यक्ष विवेक साहले बताएका छन् । आज देशैभरी स्ववियु निर्वाचन चलिरहेको बेला मधेशदृष्टि सँग कुराकानी गर्दै उनले यस्तो बताएका हुन् ।
देशमा क्याम्पस प्रमुख नियुक्ती हुन्छ त्यो सबै पार्टीकै मार्फत बाट आउँछन् । देशमा दलतन्त्र जसरी हाबी त्यसरी नै क्याम्पस प्रमुख पनि विभाजित छन् । त्यही क्याम्पस प्रमुख र पार्टीको मिलोमतोमा तिनका बिधार्थी संगठनहरुले चुनावमा भाग लिने हो । त्यही पार्टीको दलबलले, व्यापारीहरुको शक्तिले उनीहरुकै खर्चबर्चले चुनाव जितछन् ।
उनले भन्छन्—एक अर्थमा भन्ने हो भने स्ववियु निर्वाचन नै दुर्गन्धीत भइसकेको छ । खुला खुल्ला दारु मासुको खेल भइसकेको छ । ठेकेदार,कर्मचारी देखि लिएर नेताहरु चुनावमा मासिसकेका छन् । यो चुनाव स्वतन्त्र हुनुपर्ने तर यसमा सबैतिरका मान्छे हाबीछन् ।
इमान्दार एवम् आम विद्यार्थीहरु लड्ने वातारण नरहेकोले आम विद्यार्थी मोर्चाले देशमा भइरहेको स्ववियु निर्वाचनमा बहिष्कार गरेको उनले बताएका छन् । दलका नेताहरू देश लुटिरहेका छन् र तिनका विद्यार्थी संगठनहरू कलेज लुट्नमा लागेको आरोप लगाएका छन् ।
उनी थपछन् पार्टीले क्याम्पस प्रमुख नियुक्त गर्छन् र त्यही क्याम्पस प्रमुखको मिलोमतो र नेताहरू एबं व्यापारीहरूको लाखौं रुपैयाँको चलखेलले उक्त दलको विद्यार्थी संगठन जित्छन् । परिणाम यो छ कि विद्यार्थी संगठन नभएको कलेजमा राम्रो एवं गुणस्तरीय पढाई हुन्छ तर विद्यार्थी संगठनहरू भएको ठाउँमा प्रशासनसँग भागबण्डाको खेल बढी, आन्दोलन र राजनीति बढी र पढाइ जिरो हुने गरेको छ ।
तसर्थ आम विद्यार्थी मोर्चाले स्वव्यू निर्वाचनको बहिष्कार गरेको हो र सम्पूर्ण विद्यार्थीलाई यस कुकर्मको हिस्सा नबन्न अनुरोध गर्दछु । ,साहले भने

आरके श्रीवास्तव,राैतहट,०५ गते चैत ।
राैतहटकाे गरूडामा रहेको बंशीराम जयसवाल अनाथालयलाई गरूडा नगरपालिकाले पाँच लाख सहयोग गरेको छ । सामाजिक उत्तरदायित्व अन्तर्गत अनाथालयलाई हरेकवर्षझैं यस वर्षपनि सहयोग गरेको छ ।

नगरप्रमुख कन्थमनी जयसवालले आज एक कार्यक्रमका बिच अनाथालयका संस्थापक बंशीराम जयसवाललाई पाँच लाख रूपैयाँ बराबरको चेक हस्तान्तरण गर्नु भएको छ । अनाथालयमा आश्रित अनाथ तथा असहाय बालबालिकाहरूको शिक्षा, खानपान तथा आवश्यक सुविधाको व्यवस्थापनका लागि अनुदान स्वरूप साे रकम प्रदान गरिएको नगरप्रमुख कन्थमनी जयसवालले बताउनु भएको हाे ।

अनाथ तथा असहाय बालबालिकाहरूको उज्जवल भविष्यको सुनिश्चितता तथा अनाथालयको प्रतिष्ठा जोगाउन हरसम्भव सहयोग गर्ने प्रतिबद्धता समेत मेयर जयसवालले जनाउनु भएको हाे ।

यसरी नै सहयोग र दानकाे भरमा चल्दै आएकाे अनाथालयलाई मेयरमा निर्वाचित भएदेखिनै प्रत्येक वर्ष ५ लाख रूपैयाँ आर्थिक सहायता उपलब्ध गराउँदै आईरहनु भएको छ । साे अनाथालयमा २६ जना बालबालिकाकाे यस्तै सहयोग र दानबाट पालनपोषण हुँदै आएको छ । मनकारी दाताहरूलाई अनाथालय परिवारले सहयोगकाे अपेक्षा व्यक्त गरेको छ ।

बज्जिकाञ्चल संवाददाता,रौतहट,०५ गते चैत ।
रौतहट । रौतहट जिल्लाको राजदेवी नगरपालिका वडा नम्बर ८ लक्ष्मीपुर बेलविछवामा रहेको नेपाल रेडक्रस सोसाइटी उपशाखाको २७ औं वार्षिक साधारण सभा तथा सातौ उपशाखा अधिवेशन भव्यताका साथ सम्पन्न भएको छ । उपशाखाका सभापति रामविलास साहको सभापतित्व तथा जिल्ला शाखाका सभापति राज किशोर प्रसाद यादवको प्रमुख आतिथ्यमा विधिविधान पूर्वक सम्पन्न भएको छ ।

समाजमा हुने आपदा विपदामा सहयोग गर्दै अईरहेको रेडक्रस लाई भेलामा आएका भद्रभलादमीहरुले धन्यवाद दिदै प्रशंसा समेत गरेका थिए । सो कार्यक्रममा विशिष्ट अतिथि तथा निर्वाचन अधिकारीको रुपमा मन्त्री धर्मेन्द्र प्रसाद सिंह, उपशाखा महादेवपट्टीका सभापति हेमन्त यादव, शाखा अधिकृत कपिलदेव पंडित, समाजसेवी तथा राजनीतिज्ञ शंकर राय यादव, मिथलेश यादव, रामदरेस यादव, सचिव शिवमंगल पंडित, समाजसेवी राकेश यादव, परमेश्वर यादव, कृष्णनन्दन साह, राजेन्द्र साह, जगत साह, बिजय यादव, भाग्यनारायण साह, शम्भु ठाकुर, सुरज साह लगायतका उपस्थितीमा सचिव तथा कोषाध्यक्षबाट प्रस्तुत वार्षिक तथा आर्थिक प्रतिवेदन सभासद बाट पारित गर्दै नयाँ नेतृत्वमा पुनः रामविलास साहको सभापतित्वमा ११ सदसीय निर्विरोध कार्यसमिति गठन गरी सम्पन्न भएको छ ।

आरके श्रीवास्तव,रौतहट,०३ गते चैत ।
देशमा संघियता आएदेखि आम नागरिकको सेवा सुविधामा बढोतरी भएको छ । अहिलेको व्यवस्था प्रति असंतुष्टी बढिरहेको बेला नागरिकलाइ प्रत्यक्ष लाभ भएको तिर कसैको ध्यान छैन् । यसको कुनै चर्चै छैन् । गणतन्त्र आएपछि केही परिवर्तन भएन भन्नेहरु एकचोटी रौतहटको ग्रामीण क्षेत्रलाइ नियालेर हेर्नुपर्ने अहिलेको आवश्यकता देखिन्छ । बाटोघाटो कालोपत्र,पक्कीकरण मात्र होइन् स्वास्थ्य सेवामा पनि सुविधा पाएका छन् ।
कुनै बेला गाउँघरमा समयमा एम्बुलेन्स नपुगेर अकालमै गर्भवती महिलाको मृत्यु हुने गरेको घटना धेरै सुनिन्थ्यो । तर आजकल यो कमै सुन्न पाइन्छ । यो सबको देन स्थानिय सरकारलाइ जान्छ । रौतहटको राजपुर नगरपालिकाको नगरभरीको गर्भवती महिलाको लागि निःशुल्क एम्बुलेन्स सेवा प्रभावकारी बन्दै गएको छ ।
सो सेवाबाट लाभ लिने गरिब र विपन्नहरु दिनप्रतिदिन बढ्दै गएका छन् । दैनिकजसो आधादर्जन भन्दा बढी सेवाग्राहीहरुले निःशुल्क एम्बुलेन्स सेवा उपभोग गर्दै आएका छन् । प्राथमिक स्वास्थ्य केन्द्र राजपुर फरहदवामा पहिलादेखि नै एउटा एम्बुलेन्स निःशुल्क रुपमा सञ्चालन हुँदै आएको थियो ।
केहीदिन अघिमात्र नगर प्रमुख डा.राजिक आलमले संघिय स्वास्थ्य मन्त्रालयमा पहलगरी अर्को नयाँ एम्बुलेन्स निःशुल्क रुपमा सञ्चालमा ल्याएपछि आम नागरिकलाइ झन सहज भएको छ । यसबाट नगरवासी लाभान्वित भइरहेका छन् ।
आवश्यक परेको बेला सबैले लाभ पाइरहेको प्रमुख प्रशासकिय अधिकृत बैजु ठाकुरले जनाएका हुन् । ठाकुरले एक महिनाको अवधिमा १ सय ५० जनाभन्दा बढी विपन्न र गरिबले अति आवश्यक परेको बेला निःशुल्क एम्बुलेन्स सेवा लिएको बताएका हुन् ।

आपत्कालीन अवस्थामा नगरवासीलाइ अस्पताल पुग्न निकै सहज भएकोले निःशुल्क एम्बुलेन्स सेवा निकै प्रभावकारी बन्दै गएको मेयर डा.आलमको भनाइ छ ।
मेयर आलमले भन्नुभयो, “नगरभित्र मात्रै होइन कोही असाध्यै गरिब र असहायले अनुरोध गर्दा नगर बाहिरसम्म पनि न्यून शुल्कमा सेवा दिने गरेका छौँ । गर्भवती बाहेक अन्य विरामीलाइ पनि न्यून शुल्कमा सेवा दिने गरिन्छ । “निःशुल्क एम्बुलेन्स सेवा २४ सै घण्टा सञ्चालनमा रहेको उनी बताउँछन् ।
मेयर आलमले भन्नुभयो, “पैसा नभएका बिरामीलाई अस्पतालसम्म पुग्न कुनै कठिनाइ नपरोस् भन्ने उद्देश्यले यो सेवा चौबिसै घण्टा एम्बुलेन्स नगरपालिकाले सञ्चालनमा ल्याएको हो, यसबाट गरिब र विपन्नले फाइदा पाउन थालेको हुँदा निकै खुसी लागेको छ ।“
राजपुर नगरपालिकाका मोजरे आलम भन्छन्—पैसा नभएको र आपत् परेको बेला उपमहानगरको निःशुल्क एम्बुलेन्सको सहयोग पाउँदा बिरामीको ज्यान जोगिएको छ । समयमा एम्बुलेन्स सेवा पाउँदा आफ्नो गर्भवती पत्नीले समयमै उपचार पाएको बताएका छन् ।

राकेश यादव,राैतहट, ३ गते चैत । 
राैतहट । नागरिक समाज रौतहटको आब्हानमा बसेको सर्बपक्षीय बैठकले बिबादित गौर राइस एण्ड फ्लोर मिल्स लिमिटेडको जग्गाको अधिग्रहणको प्रक्रिया टुंगोमा पुर्याउने निर्णय गरेका छन्।
बिगत केहि दिन देखि गौर राइस मिलको बिषयमा आन्दोलन भै रहेको अवस्थामा नागरिक समाजको अगुवाईमा बिबादित बिषयको निष्कर्षमा पुर्याउन सम्पूर्ण जग्गा अधिग्रहण गरी गौर नगरपालिकाको नाउमा ल्याउने निष्कर्ष निकाल्दै अधिग्रहण प्रक्रिया अगाडी बढाउनलाइ नगरपालिकालाइ ज्ञापन पत्र बुझाएका हुन।
नागरिक समाजका अध्यक्ष जगरनाथ प्रसाद केसरीको नेतृत्वमा राजनीतिक दलका प्रतिनिधि सहितको गएको टोलीले नगर प्रमुख शम्भु साहलाइ बुझाएको ज्ञापन पत्रमा २ बिगाहा १५ कट्ठा निशुल्क रुपमा लिने भनि नगरपालिकाको निर्णय बदर गरी सम्पूर्ण जग्गा सार्बजनिक हितको निमित्त अधिग्रहण गर्नु पर्ने प्रक्रिया अविलम्भ बढाउनु पर्ने माग गरिएको छ।
नगरबासीको चाहना सम्पूर्ण जग्गा गौर नगरपालिकाको नाउमा आउनु पर्ने भएकोले सोहि अनुसार कार्य गर्न अनुरोध गरिएको अध्यक्ष केसरीले बताएका छन्।
बर्षौ देखि खेलकुदको मैदानको रुपमा प्रयोग हुदै आएको गौर राइस मिलको जग्गाको बिक्रि प्रयोजनको लागि गरिएको मुद्दा फिर्ता लिएर सर्व पक्षीय, सर्ब दलिय बैठक आब्हान गरी स्रोत व्यवस्थापन गराउनलाइ संघीय सरकार प्रदेश सरकार तथा स्थानीय सरकारलाइ दवाव सृजना गर्ने समेत ज्ञापन पत्रमा उल्लेख गरिएको नेकपा एकिकृत समाजवादी पार्टीका नेता रेवन्त झाले बताए।
आन्दोलनले समस्या समाधान हुने नभएकोले सबैको सहमति सहकार्यमा निकास निकाल्नु पर्ने आवश्यकता माथि जोड दिदै यसको लागि सबैले बजेट व्यवस्थापन गराउन सक्रिय पहल गर्नु पर्ने धारणा राखे।
नागरिक समाजको बैठकले गौर राइस मिलको नाउमा दर्ता कायम रहेको ५ बिगाहा १९ कट्ठा १५ धुर जग्गाको मुल्यांकन गराई बजेट व्यवस्थापन गरी छिटो भन्दा छिटो अधिग्रहण गर्नु पर्ने निर्णय समेत गरेको छ।
बैठकमा पुर्ब प्रदेश सभा सदस्य बाबुलाल साह, नेपाली कांग्रेसका रौतहट जिल्ला कार्य समितिका सचिव राम चन्द्र गिरि, नेकपा माओवादीका प्रतिनिधि चन्देश्वर राउत, जनता समाजवादी पार्टीका जिल्ला अध्यक्ष श्याम बिहारी यादव, लोकतान्त्रिक समाजवादी पार्टीका अनिल कुमार सिंह, समाजसेवी रामेश्वर प्रसाद यादव लागायतका बिभिन्न व्यक्तित्वहरू सहभागी भएको थियो।

मुकेश कुमार साह,रौतहट ०३ गते चैत । 

राैतहट । त्रिभुवन विश्वविद्यालयअन्तर्गत रौतहटको एक मात्र स्ववियु निर्वाचन हुने क्याम्पस, जनज्योती बहुमुखी क्याम्पस, चन्द्रनिगाहपुर मा स्ववियु निर्वाचनको सरगर्मी बढेको छ। मनोनयन दर्ता सकिएपछि विद्यार्थी संगठनहरू चुनावी प्रचारमा सक्रिय भएका छन्। उम्मेदवारहरू घरदैलो अभियानमा व्यस्त रहेका छन् भने मतदाता आकर्षित गर्न विभिन्न रणनीति अपनाइएको छ।
स्ववियु निर्वाचनका लागि विभिन्न विद्यार्थी संगठनहरूले आफ्ना उम्मेदवारहरू घोषणा गरिसकेका छन्। यसपटकको निर्वाचनमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) र नेपाल विद्यार्थी संघ (नेविसंघ) बीच मुख्य प्रतिस्पर्धा हुने देखिएको छ।
क्याम्पसमा लामो समयदेखि प्रभाव जमाउँदै आएका यी दुई संगठनहरूबीचको टक्कर निकै रोचक हुने अनुमान गरिएको छ । दुबै संगठनका उम्मेदवारहरू आफ्नो जित सुनिश्चित गर्न कुनै कसर बाँकी राख्न चाहँदैनन्। चिया पसलदेखि क्याम्पस क्यान्टिनसम्म, टोल-टोलदेखि छात्रावाससम्म चुनावी बहस चलिरहेको छ।
नेविसंघ का अध्यक्ष पदका उम्मेदवार मोहम्द नौसाद आलम नेतृत्वको टिमले विद्यार्थी अधिकार, शिक्षाको गुणस्तर सुधार, पूर्वाधार विकास तथा अतिरिक्त गतिविधिहरूको विस्तारलाई आफ्नो मुख्य एजेन्डा बनाएको छ। उनीहरू क्याम्पसमा प्रजातान्त्रिक विद्यार्थी आन्दोलनलाई बलियो बनाउनुपर्ने तर्क अघि सार्दै छन्।
त्यस्तै, अनेरास्ववियु का अध्यक्ष पदका उम्मेदवार दामोदर उप्रेती नेतृत्वको टिमले आफूलाई विद्यार्थी हकहित र क्याम्पस सुधारको पक्षधर बताउँदै, विगतका उपलब्धिहरूको रक्षा गर्दै थप परिवर्तन ल्याउने दाबी गरिरहेको छ। अनेरास्ववियु समर्थकहरूले संगठनलाई जिताउन पुरानो सञ्जाल र संगठनात्मक शक्तिको भरपूर प्रयोग गरिरहेका छन् ।
यस्तै, अखिल (क्रान्तिकारी) ले पनि चुनावी मैदानमा आफ्नो बलियो उपस्थिति देखाएको छ। अध्यक्ष पदका उम्मेदवार अजय पटेल को नेतृत्वमा क्रान्तिकारी समूहले शिक्षा नीतिमा आमूल परिवर्तन, क्याम्पसका विद्यार्थीहरूको आर्थिक, सामाजिक तथा शैक्षिक उत्थानका लागि आफूहरू लड्ने दाबी गरिरहेको छ।
संयुक्त समाजवादी विद्यार्थी युनियन नेपाल ले अध्यक्ष पदमा राजन चौधरी लाई उम्मेदवार बनाएको छ। उनीहरूको टोलीले विद्यार्थीहरूको समस्या समाधानमा ध्यान दिने, क्याम्पसमा समावेशी शिक्षा प्रणाली लागू गराउने तथा शैक्षिक सुधारका लागि संघर्ष गर्ने एजेन्डा अघि सारेको छ।
निर्वाचन कार्यतालिका अनुसार चैत ५ गते बिहान ८ बजेदेखि बेलुका ४ बजेसम्म मतदान हुनेछ। उम्मेदवारहरू प्रचारप्रसारलाई तीव्र पार्दै मतदाता प्रभावित गर्ने अभियानमा जुटेका छन्। विद्यार्थीहरू विभिन्न समूहमा विभाजित भएका छन्, जसले यो निर्वाचनलाई अझ प्रतिस्पर्धात्मक बनाइदिएको छ ।
क्याम्पसभित्र मात्र होइन, सामाजिक सञ्जालदेखि विद्यार्थी बसोबास गर्ने क्षेत्रहरूमा पनि चुनावी बहसले स्थान लिएको छ। अनेरास्ववियु र नेविसंघ बीचको कडा प्रतिस्पर्धाले माहोल रोचक बनेको छ भने अन्य संगठनहरू पनि बलियो उपस्थिति जनाउन लागिपरेका छन् ।

 

आरके श्रीवास्तव,राैतहट,०३ गते चैत । 

तराई मधेसका किसानलाई अहिले व्यस्तता बढेकाे छ । उनीहरू अहिले ताेरीबाली भित्र्याउन व्यस्त देखिन्छन् । खेतखेतमा जताततै तेहलन बाली ताेरी र सरसाे उखारी रहेको देखन सकिन्छ ।

ताेरी र सरसाे मसुरो सँग लगाउने प्रचलन बढी रहेको पाइन्छ । यसलाई भिन्दै खेती गरेको थाेरै पाईन्छ । रौतहटमा ताेरी बाली मिश्रित तथा घुसुवा बालीको रूपमा लगाइन्छ ।

कृषि ज्ञान केन्द्र राैतहटका अर्थ विज्ञ विपलव कुमार गुप्ताले दिएको जानकारी अनुसार आर्थिक वर्ष २०८०/८१ मा १२ हजार ३ सय पचास हेक्टर क्षेत्रफलमा ताेरी बाली खेती भएको थियो । जसमा ९ हजार १ सय ८० मेट्रिक टन ताेरीबाली उत्पादन भएको थियो ।

अर्थ विज्ञ गुप्ताका अनुसार चालु आर्थिक वर्ष २०८१/०८२ मा ११ हजार ४ सय हेक्टर क्षेत्रफलमा ताेरी खेती भएको छ भने ९ हजार मेट्रिक टन ताेरीबाली उत्पादन हुने अनुमान गरिएको छ ।

उनका अनुसार पानि जम्ने ठाउँ बाहेक रौतहट भरिनै यसको खेती मिश्रित तथा घुसुवा बालीको रूपमा गरिने गरिन्छ ।

अहिले तोरी भित्राउने समय रहेकोले ७५% पाकिसकेपछी होसियारपुर्पक काटेर सुकाउनु गुप्ताले सुझाएका छन् ।

तोरीको गेडालाइ ५-७ दिन घाममा सुकाएर भण्डारण गर्न पनि सल्लाह दिएका छन् । लामो समयसम्म भण्डारण गर्दा ९ प्रतिशत भन्दा कम चिस्यान हुनेगरी भण्डार गर्नपनि उनी सुझाउँछन् ।

आरके श्रीवास्तव,रौतहट,०३ गते चैत ।
रौतहटको गरुडा नगरपालिका वडा नम्बर ७ मा रहेको दलित समुदाय भवनको पर्खाल निर्माण हुने भएको छ । जसको लागि आज गरुडा नगरपालिकाका नगर प्रमुख कन्थमनी जयसवालले शिलान्यास गर्नु भएको छ । सो पर्खाल निर्माण पश्चात् भवनको सुरक्षा र सौन्दर्य दुवै बढाउने नगर प्रमुख जयसवालले बताएका हुन् ।
मेयर जयसवालका अनुसार करिब रु. ५ लाखको लागतमा ५५ फिट लम्बाइ र ६ फिट उचाइ सहितको पर्खाल निर्माण हुनेछ । पर्खाल निर्माण कार्यको शिलान्यास गर्न पाउँदा आफू अत्यन्त हर्षित भएको मेयर जयसवालले प्रतिक्रिया दिनु भएको छ ।
गरुडा नगरपालिकाले सामाजिक समावेशिता र पूर्वाधार विकासलाई प्राथमिकता दिएको छ । र यस क्षेत्रका हरेक समुदायको आवश्यकतालाई सम्बोधन गर्दै अघि बढिरहेको मेयर जयसवालको भनाइ छ ।
सबैको सहकार्य र समर्थनले नगरको समग्र विकासलाई नयाँ उचाइमा पु¥याउनेमा आफु आशावादी रहेको बताएका छन् । सो शिलान्यास कार्यक्रममा स्थानिय भद्रभलादमी,बुद्धिजिवी, समाजसेवी सहित सर्वसाधारणहरुको उपस्थिती रहेको थियो ।

आरके श्रीवास्तव,रौतहट,०३ गते चैत ।
रौतहट । रौतहटको फतुवा विजयपुर ३ मेवामा आज आम जनता पार्टीको वडा भेला सम्पन्न भएको छ । सो भेला बाट नयाँ वडा कमिटि गठन गरिएको छ । भेलाले राजेश साह सोनारको अध्यक्षतामा ५१ सदस्यीय वडा कमिटि गठन गरेको आम जनता पार्टीका स्थायी कमिटि सदस्य युवा नेता रविन्द्र यादवले जानकारी गराएका हुन् ।
गठित कमिटिको उपाध्यक्षमा मोहन बैठा,सचिवमा बिटु पटेल,सह सचिवमा विजय साह सोनार,लालबाबु राम रहेका छन् ।
त्यस्तै सदस्यहरुमा रुदल बैठा,लक्षमण राम,उपेन्द्र राम,कृपाली हजरा,गौरी साह सोनार,रुपलाल राम,जवाहीर पटेल,बैजु साह सोनार लगायतका व्यक्तीहरु रहेका छन् ।
आजपा जिल्ला अध्यक्ष नरेश साह तुरहा, स्थायी कमिटी सदस्य संजय यादव, दिपा साह, ब्रहमा यादव, शेख मोबिन,प्रमोद पसवान लगायतका नेताहरुको बिशेष उपस्थित रहेको थियो ।
यसअघि फतुवा विजयपुर नगरपालिकाको वडा नम्बर २ सितलपुरमा मुनिफ राय यादवको अध्यक्षतामा ५१ सदस्यीय वाडा कमिटी गठन गरिएको थियो । यूवा नेता यादवले गठित उक्त कमिटीका सम्पूर्ण पदाधिकारी एवं सदस्यहरूलाई हार्दिक बधाई तथा शुभकामना ब्यक्त गरेका छन् ।

चन्दन यादव,कटहरिया, ०३ गते चैत ।

युवा खेलाडीहरूलाई हौसला बढाउन र वडाको नाम उच्चस्तरीय स्थानमा पुर्याउन खेल सामाग्री हस्तान्तरण खेलाडीहरूलाइ गरिएको हो । जसपा नेपालका युवा बिधार्थी तथा खेलकुद विभागका सदस्य एवं बौधिमाई नगरपालिका वडा नम्बर ५ कोपवाका वडा अध्यक्ष प्रत्यासी युवा नेता विवेक कुमार यादवले खेलाडीहरुको हौसला बढाउन र वडाको नाम उच्च स्थानमा पु¥याउने हिसाबले सो सामाग्रीहरु दिएका हुन् ।

अहिलेको युगका युवाहरुले बढि क्रिकेट खेलमा धेरै भन्दा धेरै रुचि राखिरहेकोले वडा अध्यक्ष प्रत्यासी युवा नेता यादवले मुल्यांकन गर्दै खेलको वातावरण बनाउने उदेश्यले हस्तान्तरण गरेका हुन् ।

क्रिकेट खेललाई विश्व भरि रूचाउने र आक्रशित गर्ने वातावरण भइसकेकोले युवा वर्गहरू पनि क्रिकेटमै केही राम्रो गरौँ भनेर क्रिकेट खेललाई मुख्य खेलको रूपमा खेल्दै आइरहेको यादवले बताएको हो । आफनो वडाको खेलाडीहरुले आफनो वडाको लागी केहि राम्रो गरोस भनेर साथ सहयोग गरी आगाडी बढाइरहेको यादवको भनाई रहेको थियो ।

चन्दन यादव,कटहरिया, ०३ गते चैत ।

रौतहटको यमुनामाई गाँउपालिकामा कर्मचारीको असामयिक निधन भएपछि पालिकाभरी शोक बिदा दिइएको छ । गाँउपालिकाले आज एउटा सुचना जारी गर्दै सहायकस्तर पाचौँ (नायब सुब्बा) हृदय नारायण यादवको असामयिक निधन भएकोले आज शोक विदा दिएको हो ।

२०८१ चैत १ गते शुक्रवार होली पर्वका दिन असामयिक रुपामा स्वर्गारोहण भएकोले निज दिवंगत आत्माको चिर शान्तिको कामना गर्दै परिवारजनप्रति यमुनामाई गाँउपालिका गहिरो सम्वेदना प्रकट गरेको सुचना मार्फत जनाएको छ ।

गाँउपालिकाका अध्यक्ष महमद सउद द्वारा जारी सूचनामा यादवको निधनमा गहिरो दुःख व्यक्त गर्दै यमुनामाई गाँउपालिकामा आज गाउँपालिका र यस गाउँपालिका कार्यालयको मातहतको विधालय बाहेक वडा कार्यालय, स्वास्थ्य संस्था लगायत सम्पुर्ण कार्यालयहरु पुर्ण रुपमा बन्द रहने प्रकाशित सुचना बाट जानकारी गराइएको छ ।

साथै कार्यालय बन्दको कारण सेवाग्राहीमा पर्न जाने असुविधा प्रति यमुनामाई गाँउपालिका क्षमा याचना समेत गरेको छ ।

चन्दन यादव,कटहरिया,०३ गते चैत २०८१ ।

कटहरिया । रौतहटमा दिन प्रति दिन भन्सार छलीको सर(समानहरु बरामद भइरहेको छ । अहिले प्रहरीको सक्रियता बढेसँगै तस्करहरुको पनि सक्रियता बढेको देखन सकिन्छ । त्यस्तै २०८१ चैत २ गते शनिवारका दिन जिल्ला प्रहरी कार्यालय रौतहटबाट खटिएको प्रहरी गस्ती टोलीले अबैध समानहरु बरामद गरेको प्रहरीले जनाएको हो ।

जिल्लाको गौर नगरपालिका वडा नम्बर ३ स्थित विभिन्न सवारी साधनहरुलाई रोकी चेकजाँच गर्ने क्रममा अबैध रुपमा भारतबाट भन्सार छली चोरी पैठारी गरी ल्याउँदै गरेको अन्दाजी मुल्य रु. ४५ हजार २ सय बराबरको किराना समानहरु बारमद भएको प्रहरीले निकालेको विज्ञप्तीमा उलेख रहेको छ ।

त्यस्तै अन्दाजी मुल्य रु. १ लाख ३ हजार बराबरको २ थान मोटरसाईकल बरामद भएको प्रहरीले जनाएको हो । यसैगरी किराना समानहरु तथा मोटरसाइकल लगायतको अन्दाजी मुल्य रु. १ लाख ४८ हजार २ सय रहेको प्रहरीले जानकारी गराएको हो ।

बरामद भएको विभिन्न माल समान तथा सवारी साधनलाइ नियन्त्रणमा लिई आवश्यक कारवाहीको लागि गौर भन्सार कार्यालयमा बुझाईएको प्रवक्ता तथा सूचना अधिकारी प्रहरी नायव उपरीक्षक दिपक कुमार रायले जानकारी गराएका हुन् ।

काठमाडौँ —नेपाल आयल निगमले इन्धनको मूल्य घटाएको छ । निगम सञ्चालक समितिको बैठकले पेट्रोल प्रतिलिटर ५ र डिजेलरमट्टितेलमा ४र४ रुपैयाँले मूल्य घटाउने निर्णय गरेको हो ।

नयाँ मूल्य शनिबार राति १२ बजेदेखि लागू हुने निगमले जारी गरेको विज्ञप्तिमा उल्लेख छ । मूल्य घटेसँगै पहिलो, दोस्रो र तेस्रो वर्गमा पेट्रोल क्रमशः प्रतिलिटर एक सय ६० रुपैयाँ ५० पैसा, एक सय ६२ रुपैयाँ र एक सय ६३ रुपैयाँ तथा डिजेलरमट्टितेल प्रतिलिटर एक सय ४८ रुपैयाँ ५० पैसा, एक सय ५० रुपैयाँ र एक सय ५१ रुपैयाँ कायम भएको छ ।

इण्डियन आयल कर्पोरेसशनबाट शनिबार प्राप्त नयाँ मूल्यसूचीअनुसार पेट्रोल तथा डिजेलको नयाँ खरिद मूल्य घटेर आएकाले स्थानीय बजारमा मूल्य समायोजन गरिएको हो । कान्तिपुर

आरके श्रीवास्तव,राैतहट,०२ गते चैत ।
राैतहटकाे चन्द्रपुरमा रहेको जनज्याेती बहमुखी क्याम्पसमा यहि चैत ०५ गते स्वतन्त्र बिद्यार्थी युनियनकाे लागि चुनाव भइरहेको छ । स्ववियुकाे चुनाव नजिकिए सँग अहिले चुनावी सरगर्मी बढेको छ ।

जसकाे लागि अहिले उम्मेदवारहरू गाउँमा गाउँमा पस्न थालेका छन् । चुनाव प्रचारप्रसारकाे अन्तिम दिन नेपाल बिद्यार्थी संघकाे सभापति पदका उम्मेदवार माेहम्द नाैसाद आलम सहितका उम्मेदवारहरू आज घरदैलो गर्न गुजरा नगरपालिकाकाे विभिन्न गाउँमा पुगेका छन् ।
साेही क्रममा गुजरा नगरपालिकाकाे वडा नम्बर ४ कनकपुरमा नेपाली काँग्रेस क्षेत्र नम्बर ३ का सह सचिव एवम् नेपाल मुस्लिम संघका केन्द्रीय सदस्य साबिर हुसेनले भव्य स्वागत गरेका छन् ।

नेविसंघका तर्फबाट पुरै प्यानल उम्मेदवारहरू उनकाे निजि निवासमा पुगेका थिए । सबै उम्मेदवारहरूलाई खादा लगाई यूवा नेता हुसेनले जितकाे अग्रिम शुभकामना दिएका थिए ।
साेह क्रममा बाेल्दै नेता हुसेनले नेविसंघकाे जित चाहेर पनि कसैले रोक्न नसक्ने ठोकुवा गरे । नेविसंघकाे पक्षमा सम्पूर्ण बिद्यार्थीकाे साथ र सहयोग रहेकोले जित सुनिश्चित नै रहेको उनले दावी गरेका छन् ।

घरदैलोको क्रममा नेविसंघकाे तर्फबाट सभापति पदका उम्मेदवार आलमले आफनाे प्यानललाई निर्वाचित गराउन आम मतदाता बिद्यार्थीहरूलाई आग्रह गरेका छन् ।

नेविसंघकाे तर्फ बाट उम्मेदवार बनेकाहरू आफनाे चुनावी एजेण्डा सहित बिद्यार्थी मतदाता सँग भेटघाटका लागि गाउँगाउँमा अहिले पुगिरहेका छन् । नेविसंघकाे तर्फ सभापति पदका उम्मेदवार नाैसाद आलम सँगै सचिव पदका लागि शाहिल पुरी,काेषाध्यक्ष पदका लागि समझना कुमारी चाैधरी चुनावी मैदानमा छन् ।
त्यस्तै सदस्य पदमा विकास कुमार दास,आर्जु भट्टराई,राेहन श्रेष्ठ,पुष्पा कार्की,रितिक सिंह,रेजिना कुमारी काफ्ले र सुशील कुमार पहरी चुनाव लडिरहेका छन् ।

त्रिभुवन विश्वविद्यालयले जनज्योती बहुमुखी क्याम्पसमा स्ववियु चुनावको लागि चैत ५ गते बिहान ८ बजेबाट मतदान प्रक्रिया सुरू हुने र दिउँसो ४ बजेसम्म मतदान गर्ने समय ताेकेकाे छ ।

राकेश दास, रौतहट, चैत ०२ गते २०८१ ।

रौतहटमा अबैध रक्सी सहित मानिस पक्राउ परेको छ । बिहिवारका दिन जिल्ला प्रहरी कार्यालय रौतहट कार्यालय तथा मातहत इलाका प्रहरी कार्यालय राजपुर रौतहटबाट गोप्य सुचनाको आधारमा खटिएको प्रहरी टोलीले जिल्ला रौतहट ईशनाथ नगरपालिका वडा नंम्बर ५ जयनगर स्थित सिमा क्षेत्रमा नेपालबाट अबैध रुपमा चोरी निकासी गरी भारत तर्फ लैजाँदै गरेको अवस्थामा पक्राउ परेको प्रहरी ले जनाएको छ ।

सो समानहरु अंदाजि मुल्य रु. १८ हजार २ सय रुपैया बराबरको रक्सी फेला परेको हो । सर–सामानहरु अंदाजि मूल्य रु. १ लाख रुपैया बरावरको बिआर ०५ डि ४३३१ र बिआर ०५ डि ३३११ नम्बरको मोटरसाईकल २ थान रहेको प्रेस बिज्ञप्तीमा उलेख रहेको छ ।

पक्राउ पर्नेमा भारत बिहार राज्य जिल्ला पुर्वी चम्पारण भसेडवा वडा नम्बर १९ बस्ने दरेश यादवको छोरा अंदाजि २० बर्ष को संतोष यादव पक्राउ परेको हो । उक्त समानहरु र मोटरसाईकल गरि जम्मा अंदाजि मुल्य रु. १ लाख १८ हजार दुई सय बराबरको सर–सामानहरु तथा

भारत बिहार राज्य जिल्ला पुर्वी चम्पारण भसेडवा बस्ने दरेश यादवको छोरा संतोष यादव समेतलाई नियन्त्रणमा लिई आवश्यक कारवाहीको लागि गौर भन्सार कार्यालयमा बुझाईएको जिल्ला प्रहरी कार्यालय रौतहटका प्रहरी प्रवक्ता तथा सूचना अधिकारी दिपक कुमार राय बताएका हुन् ।

काठमाडौं । आम जनता पार्टी (आजपा) का अध्यक्ष एवं पूर्वमन्त्री प्रभु साहले नेताहरुको कुकर्मका कारण गणतन्त्र बदनाम भएको टिप्पणी गरेका छन् । तेस्रो जनआन्दोलनको घोषणा गरेका साहले भ्रष्ट एवं दलाल दलतन्त्रको बिरुद्ध तेस्रो जनआन्दोलनको विकल्प नभएको बताएका छन् ।

सामाजिक सञ्जाल फेसबुकमा आज एक भिडियो अपिल जारी गर्दै उनले आउँदो २४ चैतमा दलाल दलतन्त्रको अन्त्य हुने घोषणा गरेका छन् । आजापाले २४ चैतमा काठमाडौंको भृकुटी मण्डपमा खबरदारी सभा एवं काठमाडौंमा प्रदर्शन गर्दैछ । त्यसैको पूर्वसन्ध्यामा साहले जारी गरेको भिडियो अपिलमार्फत दलतन्त्रको अन्त्य नै वर्तमान संकटको समाधान भएको जनाएका छन् ।

‘आज दलाल दलतन्त्रले देश बेहाल छ । नेताहरुको कुकर्मले गणतन्त्र बदनाम छ । जनताको रगत पसिना चुसेर नेताहरु मोटाएका छन् । नेताका आसेपासे मालामाल छन्, जनता लचार छन्’, आजपा अध्यक्ष साहले भने, ‘कसैको अगाडी कहिल्यै नझुकेको हाम्रो गौरवशाली इतिहास आज दलालीले पोतिदैछ । नेपाली जनताको सपना खोसिएको छ ।’

केही गर्न बिदेशै जानुपर्ने बाध्यात्मक स्थिति शासकहरुले निर्माण गरेको आरोप उनले लगाए । पढनेदेखी रोजगारका लागि विदेशिने क्रम बढेको बताउदै यो सबै अवस्थाको सृजना शासनमा रहेका नेताहरुले निर्माण गरेको उनले बताए ।

‘केही गर्नका लागि विदेशै जानुपर्ने बाध्यात्मक स्थिति निर्माण गरिएको छ । आश बोकेर विदेश जानेहरु आज लाश बनेर फर्किरहेका छन् । यतिमात्रै हैन आज हाम्रो अर्थतन्त्र डमाडोल छ, व्यापार घाटामा छ, नेताहरुको अत्याचार र भ्रष्टाचार बढेको छ । सुशासन सुनशास छ, विकास विलाएको छ, कर आतंक छ, महंगी आतंक छ । हाम्रो प्राकृतिक सम्पदाहरुको खुलेयाम विक्री र दोहन भईरहेको छ । जनता दिनदिनै बैदेशिक ऋणमा थिचिदैछन् । यि तमाम संकटको अन्त्यका लागि तपाई हामी अगाडी आउँनै पर्छ’, साहले भने ।

नागरिकलाई दास बनाउने र युवालाई लाश बनाउने यि पार्टी र नेताहरुबाट आश गर्नु भनेको ठुलो धोखा हुने उनले जनाएका छन् । जस्तो फ्याक्ट्री हुन्छ उत्पादन पनि त्यस्तै हुने बताउदै अहिलेको व्यवस्था नै लुटकारी भएको बताए । लुटकारी व्यवस्था रहेसम्म जनताको कल्याण नहुने र जनताको भविष्य पनि उज्जवल नहुने बताउदै उनले दलाल लुटकारी दलतन्त्रको बिरुद्धमा जनता सडकमा आउनुको विकल्प नभएको बताए ।

‘इतिहास साक्षी छ, हिजो पञ्चायती व्यवस्थामा पञ्चहरु मोटाए, आज दलतन्त्रमा दलका नेताहरु मोटाईरहेका छन् । त्यसैले जनता मोटाउन जनताको शासन चाहिन्छ । जनताको शासनका लागि दलतन्त्रको अन्त्य हुन आवश्यक छ । त्यसैले आजपाले आह्वान गरेको जनताको शासनका लागि तेस्रो जनआन्दोलनमा सहभागि हुन चैत २४ गते काठमाडौंको भृकुटी मण्डप जाऔं’ आजपा अध्यक्ष साहले भने ।

२४ चैतमा जनआन्दोलन दिवशकै दिन भ्रष्टाचार बिरुद्ध खबरदारी सभा र विशेष प्रदर्शन गर्न लागेको आजपाले सरकारको मनोमानी कर आतंक, भ्रष्टाचार, अनियमितता बिरुद्ध संघर्ष गर्दै आएको छ । गत बर्ष २४ चैतकै दिन आजपा अध्यक्ष साहले काठमाडौंको भृकुटी मण्डपबाट दलाल दलतन्त्रको बिरुद्ध तेस्रो जनआन्दोलनको घोषणा गरेका थिए ।

आरके श्रीवास्तव,रौतहट,२८ गते फागुन । 

नेकपा एसका मधेस प्रदेश सदस्य एवम् गरूडा नगरपालिकाका मेयर प्रत्यासी बृजकिशोर यादवले होलीलाई हरेकले आफ्नो तर्फबाट विकृतिरहित बनाउने हो भने संस्कृतिको सम्मान हुने बताएका छन् ।

आफनो निजि निवास गरूडा नगरपालिका वडा नम्बर ५ महम्मदपुरमा आज आयोजित होली मिलन समारोह कार्यक्रमलाई सम्बोधन गर्दै उनले यस्तो बताएका हुन् । होली पर्व सद्भाव र एकताको पर्वको रूपमा रहेकोले यसलाई आत्मसात् गरि होली पर्व मनाउन उनको आग्रह थियोे ।

मदिरारहित होली पर्व मनाउन मेयर प्रत्यासी यादवको अनुरोध थियो । त्यस्तै समारोहलाइ सम्बोध गर्दै नेकपा एसका नगर कमिटि अध्यक्ष अशोक यादवले एक अर्का प्रति रहेको इषर््या लाइ त्यागेर सदभावपूर्ण होली मनाउन आग्रह गरेका छन् ।

त्यस्तै गरुडा नगरपालिका वडा नम्बर ५ का वडा अध्यक्ष रामबिनोद जयसवालले सदियोदेखि चल्दै आएको होली पर्व कुनै किसिमको भेदभाव नगरी मनाउन आग्रह गरेका छन् । होली पर्वके बेला खानपानम ख्यालगर्न अनुरोध गरेका छन् ।

 

नेकपा एस गरूडा नगर कमिटीको आयोजनामा भएको होली मिलन समारोह हरेक वर्ष यसैगरी मनाउँदै आईएको छ । होली मिलन समारोहमा डम्फ,झाल झिल सहित होलवईयाहरूले परम्परागत  होलीको राग गाएर सबैलाई मन्त्रमुग्द गरेका थिए ।

सो होलि मिलन समारोहमा सहभागीहरूले एक अर्कालाई रंग,अबिर दलेर होलीको शुभकामना आदानप्रदान गरेका थिए । साथै मधेसको गम्छा सम्मान पनि गरिएको थियो । सबै अतिथिहरूलाई गम्छा ओढाएर सम्मान पनि गरिएको थियोे ।

 

सो अवसरमा नेकपा एसका मधेस प्रदेश कमिटी सदस्य रामभरोस यादव,रामप्रसाद यादव,सहित नेता एसका नेता कार्यकर्ता,गरूडा र नगरवासी सहित सयौं मानिसहरूको सहभागीता रहेको थियो । गाउँका बुजुर्ग हेमाकान्त यादवको अध्यक्षतामा सम्पन्न भएको कार्यक्रमलाइ राजेश्वर पाण्डेले सञ्चालन गरेका थिए ।

आरके श्रीवास्तव,रौतहट,२८ गते फागुन । 

रौतहटको गरुडा नगरपालिकाले आज होली मिलन समारोह कार्यक्रम सम्पन्न गरेको छ । गरुडा नगरपालिकाका नगर प्रमुख कन्थमनी जयसवालको प्रमुख आतिथ्यमा भएको कार्यक्रममा रंग अबिर साटा साटा गरी होली मिलन कार्यक्रम सम्पन्न भएको हो ।

सो होली मिलन समारोहमा परम्परागत होली राग सांस्कृतिक कार्यक्रमको समेत आयोजना गरिएको थियो । त्यसका लागि स्थानिय गायकहरुले आफनो प्रस्तुति दिएका थिए । कार्यक्रममा अतिथीहरुलाइ नगर प्रमुख जयसवालले मधेशको शान गम्छा ओढाएर सम्मान गरेका थिए ।

कार्यक्रममा गरुडा नगरपालिकाका नगर प्रमुख कन्थमनी जयसवालले होलीलाई रंग र अबिरको पर्वको रुपमा मात्र नलिई सबै वर्ग र समुदायको साझा आत्मीयताको पर्वको रुपमा पनि लिनुपर्ने बताएका छन् । होलीले सामाजिक एकता र भाइचाराको सन्देश दिएको बताउँदै नगर प्रमुख जयसवालले होलीलाई शान्तिपूर्वक मनाउन सबैमा आग्रह गरेका छन् ।

सो होली मिलन समारोह कार्यक्रममा जनप्रतिनीधी,स्थानिय भद्रभलादमी, सुरक्षाकर्मी, पत्रकारहरु लगायत सयौंको संख्यामा मानिसहरुको सहभागिता रहेको समाजसेवी शैलेस जयसवालले जानकारी गराएका हुन् । गरुडा नगरपालिकाको नगर प्रमुखमा जयसवाल जितेदेखि नै हरेक वर्ष यसैगरी होली मिलन समारोह कार्यक्रम आयोजन गर्दै आएका छन् ।

यसवर्ष विहिवार पहाडमा होली मनाइदै छ भने तराईमा शुक्रबार हर्षोल्लासका साथ होली पर्व मनाइँदैछ ।

आरके श्रीवास्तव,रौतहट,२८ गते फागुन । 

रौतहटको फतुवा विजयपुर नगरपालिकामा होली मिलन कार्यक्रम गरिएको छ । होलीको पावन अवसरमा नेपाली काँग्रेसका स्थानीय नेता तथा महाधिवेशन प्रतिनिधि एवम् भावी मेयर उम्मेदवार ज्ञानेन्द्र यादवले होली मिलन समारोह कार्यक्रम आयोजना गरेका थिए ।

होली पर्वमा रमाईलो गरि मनाउने सन्देश दिदै यादवले सदभावको पर्वमा होली रमेर खेल्नु सराहनिय कार्य रहेको बताएका हुन् । होली खेलौ तर अविरको टिका र सदभावको रुपमा खेल्न उनले आग्रह गरेका छन् ।

धुमधामका साथ होली पर्वलाई मनाउनु र सदभाव कायम गर्नु हामी सवैको दायित्व रहेको उहाँले सन्देश दिनु भएको छ । होली मिलन कार्यक्रममा स्थानिय भद्रभलादमी,शिक्षक,बुद्धिजिवी, पत्रकार लगायतको सहभागिता रहेको थियो ।

भावी मेयर प्रत्यासी यादवले होलीलाई हरेकले आफ्नो तर्फबाट विकृतिरहित बनाउने हो भने संस्कृतिको सम्मान हुने बताएका छन् । होलीको दिन झन्झट झमेला हुँदा धेरै परिवारको होली नै बिग्रिने गरेको बताउँदै सबैले आफूलाई नियन्त्रणमा रहेर र अरुलाई कुनै किसिमले बाधा विरोध नगरी होली मान्न सुझाव समेत दिएका छन् ।

यसवर्ष विहिवार पहाडमा होली मनाइदै छ भने तराईमा शुक्रबार हर्षोल्लासका साथ होली पर्व मनाइँदैछ ।

आरके श्रीवास्तव,राैतहट,२६ गते फागुन ।
राैतहट । राैतहटकाे गुजरा नगरपालिकाकाे कनकपुरमा रामादानकाे अवसर पारेर खाद्यान्न सामाग्री सहयोग गरिएको छ । तुर्कीकाे संस्कृति तथा पर्यटन मन्त्रालयकाे सहयोग तथा समाज उत्थान यूवा मञ्च नेपालकाे सहकार्यमा साे खाद्यान्न सामाग्री वितरण गरिएको छ ।

गुजरा नगरपालिका वडा नम्बर ४ मा ९० घरपरिवारलाई रामादान लक्ष्यित खाद्यान्न सामाग्री वितरण गरिएको छ । नेपाली काँग्रेस क्षेत्र नम्बर ३ का सह सचिव एवम् नेपाल मुस्लिम संघका केन्द्रीय सदस्य साबिर हुसेनकाे अथक प्रयास पछि गरिब,विपन्न परिवारले दैनिक उपभोग्य खाद्यान्न सामाग्री सहयोग पाएका हुन् ।

ज्याला मजदुरी गरेर जीविकोपार्जन गर्दै आएका ती परिवारलाई राहत स्वरुप खाद्यान्न सामाग्री वितरण गरिएको हाे । उक्त कार्यक्रममा २५ किलो चामल,दाल,चिनी,खजुरको फेमिली प्याक बनाएर वितरण गरिएकाे हाे । करिब ३ लाख भन्दा बढीको सो खादान्न सामाग्री वितरण गरिएको नेता हुसेनले जानकारी गराएका हुन् ।

खाद्यान्न सामाग्री वितरण पछि बाेल्दै यूवा नेता हुसेनले सहयोग प्रदान गराउन पाँउदा आफूलाई धेरै खुसी महशुस भएको बताएका छन् । आफूले सहयोगी संस्था सँग समन्वयगरि दैनिक ज्यालादार मजदुर वर्ग, गरीब असहायहरु पहिचान गरी खाद्य सामाग्री वितरण गरेको बताएका हुन् ।
थाेरै सहयोग भएपनि खाद्यान्न सामाग्री वितरणले धेरै राहत मिल्ने विश्वास व्यक्त गर्नु भयाे ।

खाद्यान्न सामाग्री पाएपछि स्थानीय नेआज देवान भन्छन्-अहिले हाम्रो पवित्र महिना रामादान चलिरहेको छ । आवश्यक परेकाे बेला सहयोग गर्ने सहयोगी संस्थालाई धन्यवाद दिन चाहन्छु ।
अर्का स्थानीय समसे आलमले खाद्यान्न सामाग्री पाएपछि खुशी व्यक्त गरेका छन् ।

आरके श्रीवास्तव,रौतहट,२६ गते फागुन ।
रौतहटमा चुरे तथा वन जंगल संरक्षण समिति गठन गरिएको छ । अभियन्ता नन्दकिशोर रामको अध्यक्षतामा जिल्लाको चन्द्रपुर नगरपालिका वडा नम्बर ५ मा बसेको बैठकले ११ सदसीय नयाँ जिल्ला कार्य समिति बनाएको हो ।
गठित समितिको अध्यक्षम अमीरी सहनी,उपाध्यक्षमा दिलिप कुमार चौधरी,सचिवमा रामानन्द माझी, सहसचिवमा निरश कुमार गुप्ता,कोषाध्यक्षमा अरुण कुमारी दास रहेका छन् ।
त्यस्तै सदस्यहरुमा नविन कुमार चौधरी,रामकल्याण ठाकुर,गिता कुमारी राम,भूपेन्द्र चौधरी र सुर राम रहेका छन् । चुरे तथा वन जंगल जोगाउ,देश र मधेशलाइ मरुभूमि हुन बाट बाउ भन्ने मूल उदेश्यका साथ सो समिति चयन गरिएको अभियन्ता रामले जानकारी गराएका हुन् ।
चुरे अभियानी रामले दिएको जानकारी अनुसार हालसम्म मधेश प्रदेशको बारा,पर्सा र रौतहटमा जिलला कमिटि निर्माण भइसकेका छन् । अब भने मधेश प्रदेशमा बाँकी रहेका जिल्लाहरु सर्लाही,महोक्तरी, सिरहा,सप्तरी,धनुषमा क्रमशः गठन गरिने उनले बताएका छन् ।
जिल्ला जिल्लामा कमिटि गठन गरि पर्यावरण सम्बन्धी र चुरे,वन जंगल र नदी नला संरक्षण सम्बन्धित काम गर्नेछन् ।

राजन श्रीवास्तव,राैतहट,२५ गते फागुन ।
राैतहटकाे दक्षिणी भेग राजदेवी नगरपालिकामा छाेरी सम्मान कार्यक्रम सम्पन्न भएको छ । ११५ औँ आन्तर्राष्ट्रिय महिला दिवसको अवसर पारेर राजदेवी नगरपालिकाका द्वारा महिलाहरुलाई सम्मान गरिएको छ ।

राजदेवी नगरपालिकाको आयोजनामा भएको छोरी सम्मान कार्यक्रममा आ-आफनो क्षेत्रमा उत्कृष्ट कार्य गर्ने छोरीहरुलाई दोसल्ला ओढाई, सम्मानपत्र सहित सम्मान गरिएको हाे ।

साे नगरपालिकाकी उपमेयर राजकुमारी देवीको अध्यक्षतामा आयोजना गरिएको सम्मान कार्यक्रमकाे प्रमुख अतिथिकाे रूपमा राजदेवी नगरपालिकाका नगर प्रमुख भिखारी प्रसाद यादव रहनु भएको थियोे ।

कार्यक्रम बाेल्द‌ै मेयर यादवले छोरीहरुलाई शिक्षा हासिल गरी मात्र अगाडि बढ्ने भएकोले पहिला छोरीलाई शिक्षाकोे पहुँचमा पुर्याउनु पर्नेमा उनको जोड रहेको थियो ।

कार्यक्रममा राजदेवी नगरपालिकाका कर्मचारी,विभिन्न वडाका वडाध्यक्ष तथा विभिन्न संघ संस्थाका महिलाहरुको सहभागिता रहेकाे थियाे । राजदेवी नगरपालिकाकोे सभाहलमा कार्यक्रम सम्पन्न भएको थियो ।

राकेश यादव,गाैर,२४ गते फाल्गुन
रौतहट जिल्लाको गौरमा सञ्चालन रहेको इन्टरनेशनल बाल एकेडमीको आयोजनामा शनिवार बेबी नृत्य प्रतियोगिता संपन्न भएको छ !
प्रत्येक बर्ष फाल्गुन २४ गते आयोजना हुने प्रतियोगितामा यसको उपाधि अनन्य कुमारी यादवले जितेकी छीन ! १६ जना प्रतियोगी भाग लिएको प्रतियोगितामा अनन्य कुमारी यादव प्रथम भएको हो ! प्रतियोगितामा पुष्पाञ्जलि कुमारी राम दोस्रो तथा नैन्सी कुशवाहा तेस्रो स्थान हासिल गरेको इन्टर नेशनल बाल एकेडमीका प्रिन्सिपल संतोष पौडेलले जानकारी दिएका छन ! बिद्यालयमा अध्यन गर्ने बाल बालिकाको भित्र लुकेका प्रतिभालाइ बाहिर ल्याउने उदेश्यले प्रत्येक बर्ष यो प्रतियोगिता आयोजना गर्ने गरेको उनले जनाए !
खेलकूद सप्ताहको रुपमा आयोजना गरिएको फुटबल , भोलिबल , ब्याडमिन्टन , क्रिकेट ,लम जम , हाई जम्प लगायतका खेलकूदमा सफल भएका बिजेताहरुलाई समेत पुरस्कृत गरिएको छ ! ८ औ नृत्य प्रतियोगितामा प्रथम भएकी प्रतियोगीलाई नगद ३ हजार सहित मेडल कप बाट नृत्य प्रशिक्षक हेटौडा नृत्य एकेडमीका प्रमुख अनीस सिंहले पुरस्कार वितरण गरेको प्रिन्सिपल पौडेलले जनाएको छन !

राकेश यादव,गाैर,२४ गते फाल्गुन। 
रौतहट जिल्लाको सदरमुकाम गौरमा गौर नगरपालिकाका नगर प्रमुख शम्भू साहको समर्थनमा स्थानीयहरुले प्रदर्शन गरेका छन ! गौर राइस मिलको जग्गाको बिषयमा प्रतिपक्षी राजनितिक दलका प्रतिनिधिहरुले बिरोध गरी रहदा नगर प्रमुखको पक्षमा पनि स्थानीयहरुले शनिवार प्रदर्शन गर्दै स्वतंत्र प्रतिनिधि सभा सदस्य डाक्टर अमरेश कुमार सिंहको पुतला जलाएका हुन !
गौर राइस आयल एण्ड फ्लोर मिल्स कम्पनी लिमिटेडको नाउमा दर्ता रहेको जग्गा मध्ये २ बिगहा १५ कट्ठा जग्गा गौर नगरपालिकालाइ खेलकूद मैदानको रुपमा प्रयोग गर्न निशुल्क रुपमा संचालक समितिले दिइरहेको बिषयलाइ लिएर गौरमा भैरहेको प्रदर्शनको सम्बन्धमाँ सांसद सिंहले सदनमा गौर नगरपालिकाको नगरप्रमुख साह माथि गरेको टिपण्णीको बिरुध्द स्थानीयहरु आक्रोशित भएर सांसद सिंहको पुतला दहन गरेका छन !
सयौको संख्यामा रहेका समर्थकहरुले सांसद सिंहको बिरुद्ध चर्को नारावाजी गर्दै घण्टाघर चौकमा आएर सांसद सिंहको पुतला जलाएका हुन ! नगर प्रमुख साह माथि लगाएको आरोपको प्रमाणित गर , सांसद पद बाट राजीनामा दे जस्ता नारा लगाएका थिए !
नगर प्रमुख साहले आफु माथि लगाएको आरोपको प्रमाणित गरेर देखाउन सांसद सिंहलाइ चुनौती समेत दिएका छन ! सांसद भवनमा भनेको कुरा प्रमाणित गरे राजनितिकबाट सन्यास लिने भन्दै नगर प्रमुख साहले आरोपित प्रमाणित गर्न नसके सांसद पद बाट राजीनामा दिनु पर्ने मांग समेत गरे !
गौरमा भई रहेको विकास निर्माणको कार्य देखेर विकास विरोधी तत्वहरु सल्बलाएको टिपण्णी गर्दै गौर राइस मिलको जग्गा अधिग्रहण गर्न चाहिने रकम व्यवस्था गर्न मांग समेत गरे ! बर्षौ देखि बिबादित रहेका गौर राइस मिलको जग्गा निशुल्क रुपमा कम्पनीका संचालकले दिन त्यार भएको बेला विपक्षीहरु अनावश्यक रुपमा अवरोध कड़ा गर्न लागेका टिपण्णी गर्दै जग्गा अधिग्रहणको लागि आवश्यक रहेको रकम संघीय सरकार र प्रदेश सरकारबाट व्यवस्था गराउन चुनौती दिएका छन !
नगर प्रमुख साहले भने सम्पूर्ण जग्गा गौर नगरपालिकाको नाउमा हुनु पर्छ तर लाग्ने पैसा प्रदेश सरकार र केंद्र सरकारले दिनु पर्छ ! बजेट व्यवस्थापनको तर्फमा पहल गर्नुको साटो विरोध गर्ने कार्यमाँ विपक्षीहरु अग्रसर भएको उल्लेख गर्दै विकासको कार्यमा सहकार्य नगर्ने विकास देखेर आतीने भनी कटाक्ष समेत गरेका छन !

आरके श्रीवास्तव,रौतहट,२४ गते फागुन । 

रौतहट । मधेशको लाइफलाइनको रुपमा रहेको हुलाकी राजमार्ग छिट्टै सञ्चालन गराउन हामीले तराई मधेश जागरण अभियान चलाएको पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले बताएका छन् ।

जनतासँग माओवादीः तराई मधेस जागरण अभियान’ अन्तर्गत आज जिल्लाको परोहामा आयोजित वृहत् जनसभालाइ सम्बोधन गर्दै उनले यस्तो बताएका हुन् । आफू प्रधानमन्त्री भएको भारतीय प्रधानमन्त्री नरेन्द्र मोदी सँग आग्रह गरेर हुलाकी राजमार्ग निर्माणको काम अगाडी बढाउन लगाएको बताए ।

हुलाकी राजमार्ग सँग माओवादीको गहिरो सम्बन्ध रहेको प्रष्ट पारेका छन् । यो राजमाार्ग मधेसी जनताको लागि जिवन रेखा हो,लाइफ लाइन हो । यो निर्माण हुँदा मधेसी जनताको आर्थिक,राजनितिक,सामाजिक जिवनमा एउटा ठूलो क्रान्तिको सुरुआत हुन सक्छ ।

यही हुलाकी राजमार्ग बनेन भने जहिले पनि उपेक्षित र विभेदमा पारिन सक्छ भन्ने बुझाइकै कारण माओवादीले केन्द्रविन्दुमा राखेर जागरण अभियान सञ्चालन गरेको बताए । उनले भने यसको विशेष अर्थ छ । विशेष महत्व छ ।

माओवादी केन्द्रले जति बेला पहिचान र अधिकारको मुद्धा उठायो । १३ सय मधेसी जनताका छोराछोरीको बलिदानी पछि मात्रै देशमा संघिय लोकतान्त्रिक गणतन्त्र सम्भव भएको खुलासा गरेका छन् ।  कसैले दायामाया गरेर यो देशमा मधेश प्रदेस दिएको होइन् । जनतालाइ अधिकार र पहिचान दिएको होइन् ।

त्यसकारण बिचमा कहि नकहि मधेसमा माओवादीमय भइसकेको तराइ मधेशलाइ विभिन्न किसिमको भ्रमहरु छर्ने कोसिस भएको आरोप लगाएका छन् । माओवादी मधेसीको असली साथी होइन् भन्ने भ्रम पनि छरिएको उनको भनाइ छ ।

राज्य द्धारा सबभन्दा बढी विभेद र उपेक्षामा पारिएका दक्षिण नेपालका तराइ मधेसको पनि दक्षिणका जनतासँग गहिरो सम्बन्ध बनाउनुपर्छ भन्ने तात्पर्य्ले जागरण अभियान लिएर आएको बताए ।

मधेसी जनताको मुद्धालाइ संदनमा लगेर ,हुलाकी मार्ग वरिपरीका जनताको समस्यालाइ राष्ट्रिय मुद्धा बनाउने प्रचण्डले बताए । मधेसी जनताको मुद्धालाइ केन्द्रित गरेर नयाँ अभियानको रुप दिने बताए । सो जनसभामा माओवादी केन्द्रका शिर्ष नेताहरुले पनि सम्बोधन गरेका थिए । सभालाए सफल पार्न जिल्ला भरीबाट हजारौंको संखयामा माओवादी कार्यकर्ताहरु भेला भएका थिए ।

काठमाडौं । आम जनता पार्टी (आजपा) का अध्यक्ष एवं पुर्वमन्त्री प्रभु साहले दलाल दलतन्त्र र नेताहरुको लुटतन्त्रको बिरुद्धमा तेस्रो जनआन्दोलनको आवश्यक रहेको बताएका छन् । जनताको सर्वोच्चता सहितको लोकतन्त्रका लागि तेस्रो जनआन्दोलन निर्णाय बनाउन जनता सडकमा आउनुपर्ने आवश्यक रहेको समेत उनले बताए ।

११५ औं अन्तर्राष्ट्रिय श्रमिक महिला दिवसको अवसरमा आज काठमाडौंको अनामनगरमा आयोजित आजपा निकटको आम महिला मोर्चा बागमती प्रदेशको प्रथम प्रदेश भेलालाई सम्बोधन गर्दै अहिले दलाल दलतन्त्रका कारण गणतन्त्रको बिरोध भईरहेको बताउदै जनताको लोकतन्त्रकका लागि निर्णायक आन्दोलनमा सहभागि हुन उनले आह्वान समेत गरे ।

‘गणतन्त्र, लोकतन्त्रको नाममा नेताहरुले लुट मचाएका छन् । राज्यको ढुकुटी सिध्याइसकेको सरकारले हरेक नेपालीको टाउँकोमा विदेशी ऋणको भार बोकाउने काम गरेको छ । यस्तो लुटेरा सरकारको बिरोधमा नागरिक सडकमा आउनुको बिकल्प छैन्’, आजपा अध्यक्ष साहले भने, ‘जनताको सर्वोच्चता सहितको लोकतन्त्रका लागि तेस्रो जनआन्दोलनमा सहभागि हुन म सबैमा आह्वान गर्छु । अब जनताले नै हो लोकतन्त्रक जोगाउँने, अरु कसैले सक्दैन् ।’

२४ चैतमा आजपाले काठमाडौंमा दलाल दलतन्त्र, भ्रष्टाचार, कुशासन, अनियमितता, सरकारको मनोमानी कर बिरुद्ध बृहत प्रदर्शन र जनसभा गर्दैछ । तेस्रो जनआन्दोलनको पूर्वसन्ध्यामा हुन लागेको सो कार्यक्रममा व्यापक जनसहभागिता हुने आजपाले जनाएको छ ।

कार्यक्रममा आजपा अध्यक्ष साहले महिला नेतृहरु शैलेजा आचार्य, साहना प्रधान, योगमाया लगायतको नामै लिएर उनीहरुले आफ्नो समयमा राम्रो र उदहरणीय काम गरेकोमा उच्चसम्मान एवं प्रशंसा समेत गरे । ‘यो धर्तीमा महिलाले नेतृत्व पाए अरुभन्दा राम्रो काम गरेर देखाउन सक्छन् । माता सीता, गढीमाई, भृकुटीको यो धर्तीमा महिलाहरुसंग विभेद हुनुमा सरकार जिम्मेवार रहेको छ’ उनले भने ।

अहिलेको नेताहरु केवल लुट, भ्रष्टाचार सहित बिभिन्न काण्डमा लागेर देश र जनताको चाहना पुरा गर्न नसकेको आरोप साहले लगाए । प्रधानमन्त्री केपी शर्मा ओलीले अहिलेको संविधान अनुसार प्रधानमन्त्री भए पनि संविधानको उल्लंघन गरेको गम्भिर आरोप उनले लगाए । संविधान अनुसार ३३ प्रतिशत हरेक क्षेत्रमा महिलाले अधिकार र सहभागिता पाउनुपर्ने भए पनि संविधान अनुसार कार्यान्वयन नगरी सरकारले उल्लंघन गरेको आरोप उनले लगाए ।

‘अहिलेको मन्त्रिपरिषददेखी राजनीतिक नियुक्ति, राजदुत नियुक्ति, सहित सरकारद्धारा हुने बिभिन्न नियुक्तिमा सरकारले संविधानको उल्लंघन गरेको छ । हालै सचिवमा बढुवा हुनुपर्ने एक नम्बरमा रहेकी महिलालाई स्वास्थ्य मन्त्रालयमा सचिव बनाईएन । ३३ प्रतिशत हरेक क्षेत्रमा महिलाको सहभागिता हुनपर्ने भए पनि त्यो कार्यान्वयन सरकारले गरेको छैन्’, आजपा अध्यक्ष साहले भने, ‘५१ प्रतिशत भन्दा बढी जनसंख्या रहेको महिलाको सहभागिता संविधानमा ३३ प्रतिशत भनेर राखे । यो आफैमा अन्याय हो, म संविधान सभाको सदस्य थिए, अन्याय भयो भनेर म विरोध पनि गरे । तर ५१ प्रतिशत दिनुपर्नेमा अहिले सरकारले ३३ प्रतिशत समेत अधिकार दिएको छैन् ।’

सरकारकै कारण अहिले मुलुकमा आर्थिक संकट आएको उनले बताए । दलतन्त्रका कारण मुलक दलदलमा फस्दै गईरहेको बताउदै उनले नेताहरु भ्रष्टाचारमा लागेकाले मुलुक समृद्ध हुन नसकेको बताए । युवाहरु देशबाट पलायन भईरहेको बताउदै उनले नेपाललाई समृद्ध बनाउँन सकिने सबैथोक रहेको बताए । तर त्यसका लागि नेता ईमानदार हुनुपर्ने साहको भनाई रहेको छ । मौलापुर नगरपालिकामा हरेक किसिमको कर फ्रि रहेको बताउदै उनले नेपाललाई समेत समृद्ध बनाउन सकिने बताए ।

प्रधानमन्त्री ओली र पुर्वप्रधानमन्त्री शेरबहादुर देउवा असफल र असक्षम भएको टिप्पणी गर्दै उनले ओली र देउवाभन्दा पुर्वराष्ट्रपती बिद्या भण्डारी र अहिलेका परराष्ट्र मन्त्री आरजु देउवा राणा सफल भएको बताए । ओली र देउवाको आलोचना गर्दै उनले भण्डारी र आरजुको तारिफ गरे ।

‘देश र जनताको नेतृत्व गर्नसक्ने एक सफल महिला हो बिद्या भण्डारी । पुर्वराष्ट्रपती बिद्या भण्डारी केपी शर्मा ओलीभन्दा राम्रो देशको शासन सत्ता, पार्टीको नेतृत्व गर्नसक्ने सफल महिला हो’, आजपा अध्यक्ष साहले भने, ‘अहिले तपाईं हेर्दै हुनुहुन्छ, परराष्ट्र मन्त्री आरजु देउवा राणा देशबिदेशसंग राम्रो सम्बन्ध बनाउन लाग्नु भएको छ । उहाँले शेरबहादुर देउवाभन्दा राम्रोसंग देश र पार्टीको नेतृत्व गर्न सक्ने सफल महिला नेता हुनुहुन्छ ।’

ओली जहाँ जादा पनि बिरोध र आलोचना भैइरहेको बताउदै उनले देश र पार्टी संचालन गर्नमा असफल भएको बताए । यस्तै देउवाबाट समेत पार्टी वा सरकार संचालन राम्रोसँग हुननसक्ने बताउदै उनले महिलाले अवसर पाए राम्रोसँग देश वा पार्टी सन्चालन गर्न सक्ने बताए ।

आम महिला मोर्चा बागमती प्रदेशका इन्चार्ज देवकुमार साहको अध्यक्षतामा भएको कार्यक्रममा आजपाका वरिष्ठ उपाध्यक्ष एवं संविधान सभाका सदस्य तिलक थापामगर, उपाध्यक्ष ज्ञानेन्द्र तामाङ, महासचिव त्रिभुवन साह अमर, उपमहासचिव धनकुमारी मगर, सचिव देवी पण्डित, सचिव नारायण पाण्डे, स्थायी कमिटीका सदस्यहरु श्रीभगवान पटेल, आर्या पाण्डे, देवेन्द्र ठाकुर, उपेन्द्र साह, प्रदेश अध्यक्ष रुपेश थपलिया, आजपाका नेताहरु डा. हेमप्रसाद साह, सिमा जैसवाल, मिना देवी साह, फुलबदन देवी, अनिता थापा, रेखा साह, अर्चना ठाकुर, मनिष राई लगायतको विशेष सहभागिता रहेको कार्यक्रमका सञ्चालन एवं आम महिला मोर्चा बागमती प्रदेशका अध्यक्ष ममता साहले जनाएकी छन् ।

सम्पन्न सो भेलाबाट अनिता थापाको अध्यक्षतामा ५१ सदस्यीय महिला मोर्चाको बागमती प्रदेश कमिटी गठन भएको छ । कमिटीको उपाध्यक्षमा रिंकु साह, शोभा तामाङ, मिना तामाङ, सचिवमा अस्मिता लामा, कोषाध्यक्षमा कुन्ती थापा रहेको महिला मोर्चाले जनाएको छ । यसैगरी कुन्ती थापामगरको अध्यक्षतामा आम ट्रेड युनियन फेडरेशन नेपालको महिला विभाग समेत सोही भेलाबाट घोषणा गरिएको ट्रेड युनियनका इन्चार्ज धनकुमारी मगरले जनाएकी छन् ।

आरके श्रीवास्तव,रौतहट,२४ गते फागुन । 

रौतहटको कटहरियामा अन्र्तराष्ट्रिय नारी दिवसको अवसरमा अभिमूखिकरण कार्यक्रम गरिएको छ । कटहरिया नगरपालिका वडा नम्बर ५ स्थित रहेको दलित धर्मशालामा महिला अधिकार सम्बन्धी सो एक दिने अभिमूखिकरण कार्यक्रम सम्पन्न भएको हो ।

बाल विवाह विरुद्ध प्रदेश स्तरीय संजाल,आत्म निर्भर सेवा केन्द्र काठमान्डौं,समावेशी विकास तथा अनुसंनधान केन्द्रको संयुक्त आयोजना र इलाका प्रहरी कार्यालय कटहरियाको सहकार्यमा कार्यक्रम गरिएको हो ।

महिला सुरक्षा तथा भूमीमा महिला अधिकार सम्बन्धी अभिमूखिकरण कार्यक्रमको समेमाई गाँउ भूमि अधिकार मञ्चका अध्यक्ष धमेन्द्र रामकाे अध्यक्षतामा समावेशी विकास तथा अनुसंनधान केन्द्रका सदस्य धर्मेन्द्र रामले गर्नु भएको थियो भने प्रमुख अतिथीको रुपमा इप्रका कटहरियाका सहायक प्रहरी निरिक्षक दिपेन्द्र यादव रहनु भएको थियो । विशिष्ट अतिथीको रुपमा कटहरिया ५ का दलित महिला वडा सदस्य पुकारी देवी दास रहेकी थिइन् ।

कार्यक्रममा सहजकर्ताको भूमिका ओमप्रकाश रामले गरेका थिए । उनले भूमिमा महिला अधिकार,बाल विवाह न्यूनीकरण, महिला हिंसा लगायतका विषयमा सहजीकरण गरेका थिए ।

कार्यक्रममा वक्ताहरुले भूमिमा महिला अधिकार लागयतका विषमा आआफनो धारणा राखेका थिए । सो अवसरमा वडा करिब ५० जना महिलाहरुको सहभागिता रहेको थियो ।

आरके श्रीवास्तव,रौतहट, २४ गते फागुन । 

राैतहट । गरुडामा अन्तर्राष्ट्रिय नारी दिवसको अवसरमा शुभकामना आदानप्रदान कार्यक्रम सम्पन्न भएको छ।
जिल्लाको मध्यभाग गरुडा नगरपालिका अन्तर्गत गरुडा बजारको मेथुर चौधरी धर्मशालामा एक कार्यक्रमको आयोजन गरि गरुडा नगरपालिकाको सहयोगमा शनिवार १ सय १५औँ अन्तर्राष्ट्रिय महिला दिवसको अवसरमा शुभकामना आदानप्रदान कार्यक्रम सम्पन्न भएको हो।

जागरण तथा समाज सेवा केन्द्र नेपाल गरुडा न.पा.-२ रौतहटको आयोजना तथा राम नारायण सहनीको अध्यक्षतामा सम्पन्न कार्यक्रममा महिलाको आर्थिक, राजनीतिक र सामाजिक उपलब्धि स्मरण गर्दै महिलाको प्रविधिमा पहुँचको विस्तार गर्ने, महिला सशक्तिकरण अभिवृद्धि गर्ने, लैङ्गिक असमानता र हिंसाजन्य क्रियाकलाप निर्मूल गर्ने यस दिवसको लक्ष्य रहेको कार्यक्रमका प्रमुख अतिथि गरुडा नगरपालिकाकी नगर उप प्रमुख पूनम कुमारी चौधरीले बताइन।

नेपाल सरकारले महिला र पुरूषहरूको आ आफ्नै अधिकार दिएको हुदा पनि विशेष गरेर हाम्रा मधेशके महिलाहरुले आफ्नो हक तथा अधिकारको लागि पछाडि परेको देखिन्छ। पुरूष मात्र घर बाहिरको काम गर्ने हुदा एउटा सक्षम महिलाले बाहिरको काम सकाएर घर भित्रको पनि सम्पूर्ण कार्य सम्भालन सक्ने भएकाले पुरूष भन्दा महिलाले बढ़ी मिहिनेत तथा लगनशील भएर आफ्ना सम्पूर्ण कार्यहरु गर्ने भएकाले पुरूष भन्दा महिलाको बढ़ी ग्रस्ता दिनु पर्नेमा उहाँले जोड़ दिएकी हुन। नारी दिवसको अवसरमा उपस्थित सम्पूर्ण महिलाहरुलाई शुभकामना दिदै नारी चाहे आफ्नै घरबाट सुरु गरेर देश बिकासमा समेत अहम भूमिका खेल्ने प्रष्ट पारेकी छिन। उहाँले पुरुष शिक्षित भए एक व्यक्ति र महिला शिक्षित भए एउटा सिंगो परिवार शिक्षित हुने धारणा राख्दै महिलालाई शिक्षित र आत्मनिर्भर बनाउने एवम् उचित सम्मान गर्ने लगायतका उद्देश्यहरु सहित आ आफ्नो ठाउँबाट जागरूक हुन उपस्थित सम्पूर्णमा अपील गरेकी छिन।

कार्यक्रममा महिला नेत्री अनिता देवी कर्ण, गरुडा नगरपालिका अन्तर्गतका विभिन्न वडाबाट महिलाहरुको उपस्थिती रहेको थियो।

 

राजेश निर्माणी,राैतहट,२४ गते फागुन । 

रौतहट । दुसाध समाज रौतहटको आयोजनामा होली मिलन कार्यक्रम सम्पन्न भएको छ । दुसाध(पासवान) समाज रौतहटका अध्यक्ष बिगु पासवानको अध्यक्षता एवम् दलित एवम् मानव अधिकार कर्मी धर्मेन्द्र पासवानको प्रमुख आतिथ्यमा सम्पन्न सो कार्यक्रममा,सम्पूर्ण सहभागी बिचमा रंग अबिर साटा साटा तथा एकअर्कासँग भेटघाट सहित होली मिलन कार्यक्रम सम्पन्न भएको हो ।

शनिबार गरुडा नगरपालिका वडा नं. ८ बिर्ता चौक स्थित हिमाल एकेडेमी बोर्डिङ्ग स्कूलको प्रांगणमा सो होली मिलन कार्यक्रमको आयोजना गरिएको थियो। कार्यक्रममा मन्तव्य राख्दै अतिथि सबैले होली पर्बको शुभकामना साटासाट गर्नुका साथै दुसाधजाति लगायत दलित समुदाय भित्र पर्ने हरेक जात जातिलाई होली पर्वमा कसैको इच्छाविपरित होली नखेल्न र रङ नलगाउन,पानी न छ्याप्न र मादक पदार्थ सेवन न गर्न आग्रह गरेको गरेका छन्।

सो कार्यक्रमलाई सम्बोधन गर्दै दलित विकास समिति मधेस प्रदेशका सदस्य राजकुमार दास तत्माले होली पर्वको शुभकामना आदान प्रदान गर्दै राज्य र राज्यको गैरजिम्मेवार रबैयाका कारण मधेशमा दलितहरु माथि अन्याय,अत्याचार,जातीय भेदभाव तथा बलात्कार जस्ता जघन्य अपराधहरु बढ्दै गइरहेको र उक्त घटना हरुलाई गाउँमै मिलाउन पञ्चायती गर्ने प्रवृत्ति अझै अन्त्य हुन नसकेको बताए। उनलेे ‘देशमा ऐन र कानुन हुदा पनि राज्य र राज्यका संयन्त्र त्यसको कार्यान्वयन मा कहिल्यै पनि गम्भीर न भएको कारण यस्ता जघन्य अपराधहरु बढिरहेको बताए।’

दासले आयोजक संस्थालाई धन्यवाद दिदै आगामी वर्षको होली पर्वको शुभकामना आदानप्रदान कार्यक्रम दलित भित्र रहेका हरेक जात/जाती को वर्गीय/जातीय संघ संस्थाको संयुक्त सहकार्य तथा सहभागीतामा आयोजना गर्न सबैलाई आग्रहमा गरेका छन्। उनले दलित समुदायको हक अधिकार सुनिश्चित गर्न सबै जना एकजुट भई,आफ्नो समुदायका व्यक्तिहरुलाई सहयोग गर्न आग्रह समेत गरे।

कार्यक्रममा स्वागत मन्तव्य राख्दै दुसाध(पासवान) समाज रौतहटका महासचिवमा जयमंगल पासवानले दुसाध(पासवान) समाज रौतहट अब जिल्ला प्रसाशन कार्यालय र जिल्ला प्रहरी कार्यालयमा दर्ता भई आधिकारिक रुपले पुर्णता पाइसकेको र यो संगठन दुसाध जाति लगायत समस्त दलित समुदायमाथि भइरहेको अन्याय,अच्याचारलाई अन्त्य गर्न अब आधिकारिक आवाज उठाउन सक्ने भइसकेको जानकारी गराउदै उनले सबै सहभागीहरुलाई स्वागत गरेका थिए।

त्यसैगरी प्रमुख अतिथिको रुपमा बोल्दै मानवअधिकार कर्मी धर्मेन्द्र पासवानले होलीको दिन मदिरा सेवन गरी सार्वजनिक स्थलमा होहल्ला न गर्न र कुनै पनि व्यक्तिको निजी जीवनमा नकारात्मक असर पर्ने गतिविधि न गर्न न गराउन तथा मदिरा सेवन गरि बिवादमा न पर्न अनुरोध गर्देै उनलेे होसियारी अपनाएर होली मनाउन सबैमा आग्रह गर्नुभयो। कार्यक्रमको विशिष्ट अथितिहरुमा दलित विकास समिति मधेस प्रदेश सदस्य राजकुमार दासतत्मा, दलित अधिकारकर्मी राम विनय पासवान,जितबहादुर विश्वकर्मा,नाथुराम परियार,दलित संघर्ष समिति रौतहटका अध्यक्ष सोनेलाल राम र अरुण राम रहेका थिए।

 

त्यसैगरी अथितिहरुमा दलित सामाजिक अभियन्ता श्री मा. वि. नयाँ गम्हरिया श्रीपुर रौतहटका प्रधानाध्यापक रामाधार पासवान, राष्ट्रिय दलित पत्रकार संघ नेपाल, रौतहटका अध्यक्ष तथा वृन्दावन नगर पालिकाका कार्यपालिका सदस्य राजेश पासवान(निर्माणी),हरूवा चरुवा अधिकार मञ्च रौतहटका अध्यक्ष दशरथ राम,दुसाध समाज रौतहट क्षेत्र नं.४ का क्षेत्रीय अध्यक्ष रामबिश्वास पासवान,राष्ट्रिय तत्मा समाजका केन्द्रीय प्रचारप्रसार समितिका संयोजक प्रदिप दास,दलित अधिकार कर्मी राजिन्द्र पासवान,सहदेव पासवान, सुनिल पासवान,अकलेश पासवान,अकलु पासवान,नन्दलाल पासवान र जगलाल पासवान लगायत रौतहट जिल्ला भरिकै दलित समुदाय भित्र पर्ने सम्पूर्ण वर्गीय,जातिय संस्थाका प्रतिनिधिहरु तथा दुसाध (पासवान) समाजका सम्पूर्ण पदाधिकारीहरु,दलित पत्रकारहरु लगायत दलित युवा,महिला,पुरुष एवम् वृद्ध उपस्थिति रहेको थियोे ।

चन्दन यादव,रौतहट,२४ गते फागुन ।

रौतहट । नेपाली काँग्रेस र एमालेको अहिलेको वर्तमान सरकारले उल्टोउल्टो गर्दै हिडेको पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले बताएका छन ।
जनतासँग माओवादीः तराई मधेश जागरण अभियान’ अन्तर्गत आज बिहान रौतहटको मध्य भाग गरुडामा पत्रकारहरुसँग कुरा गर्दै अध्यक्ष प्रचण्डले विनासकाले विपरित बुद्धि झैं सरकारले लोडसेटिंग अन्तय गरेका नेपाल विधुत प्राधिकरणका प्रमुख कुलमान घिसिंङलाइ हटाउने निर्णय गलत रहेको बताए ।

देशमा फेरि राजा फर्किन्छ कि भन्ने पत्रकारको प्रश्नको जवाफमा उनले देशमा फेरि राजा फर्किन असम्भव रहेको बताए ।

‘नेपाली जनताले त्यति बेला उनलाई कारबाही गर्नुको सट्टा आरामसँग बस्न दिएको हो’ प्रचण्डले भने, ‘त्यो बेलाको हाम्रो उदारतालाई कमजोरी सम्झेर जबरजस्ती गर्न खोजे भने नेपाली जनताले त्यो सहँदैनन् ।’

माओवादि अध्यक्ष्। प्रचण्डले पूर्वराजा ज्ञानेन्द्र शाहलाई राजनीति गर्न मन लागेको भए पार्टी खोलेर चुनाव लड्न र चुनाव जितेर काम गर्न चुनौती समेत दिए ।

तराई–मधेश जागरण कार्यक्रमअन्तर्गत अध्यक्ष प्रचण्ड शुक्रबार राति रौतहट आएका हुन् । आज उनको रौतहटका विभिन्न पालिकाहरुमा भेटघाट तथा परोहा नगरपालिकाको लौकाहामा आयोजित वृहत् जन सभालाई सम्बोधन गर्ने कार्यक्रम रहेको छ ।

बज्जिकाञ्चल संवाददाता,बारा,२२ गते फागुन । कलैया । आम जनता पार्टी (आजपा)का अध्यक्ष एवं पूर्वमन्त्री प्रभु साहले नेताहरुले लोकतन्त्रलाई जनता ठग्ने मन्त्र बनाएको टिप्पणी गरेका छन् । लोकतन्त्रको नाममा नेताहरुले राज्यको ढुकुटी सिध्याएर नेपालीमाथि ऋणको भार बोकाएको र बिभिन्न भ्रष्टाचारका काण्डले मुलुक धरासायी भएको उनले बताए ।

‘अनावश्यक कर आतंकको भण्डाफोर गरौं, भ्रष्टाचार बिरुद्धको संघर्षमा सहभागि बनौं’ भन्ने मुल नाराका साथ बाराको पिपरा बजारमा आज पार्टीको सम्पन्न बारागढी गाउँपालिकाको प्रथम भेलालाई सम्बोधन गर्दै आजपा अध्यक्ष साहले भ्रष्टाचारले मुलुक धरासायी बन्दै गईरहेकाले मुलुक बचाउन अब जनता सडकमा आउनुको बिकल्प नभएको बताए ।

‘अहिले लोकतन्त्रको नाममा नेताहरुले लुट्ने काम गरिरहेका छन्, उनीहरुले लोकतन्त्रलाई ठग्ने मन्त्र बनाएका छन् । लोकतन्त्रको नाममा राज्यको ढुकुटी सिध्याइसकेका छन्, विदेशी ऋण नेपालीको ठाउकोमा बोकाएका छन् । यि लुटेरा नेताहरुले यती भ्रष्टाचार गरे र मुलुक नै धरासायी भईसकेको छ’, आजपा अध्यक्ष साहले भने, ‘यि भ्रष्टहरुलाई ठेगान लगाउन नेपाली जनताहरु अब सडकमा आउनुको बिकल्प छैन् । मुलुक बचाउन, भ्रष्टहरुबाट जोगाउनका लागि जनता सडकमा आउन खोजेका छन् ।’

अहिले भागबण्डा गरेर भ्रष्टाचार भईरहेको बताउदै उनले दलाल दलतन्त्रका कारण मुलुक दलदलमा फस्दै गईरहेको बताए । सरकारमा भएका दलहरुले मिलेरै भ्रष्टाचार गरिरहेको बताउदै त्यही भएर सरकारले ठुला भ्रष्टाचार काण्डको फाईल पल्टाउन नचाहेको गम्भिर आरोप उनले लगाए ।

नेपाली कांग्रेस– नेकपा (एमाले) गठबन्धनको वर्तमान सरकार पूर्णरुपमा असफल भैसकेकोले प्रधानमन्त्री केपी शर्मा ओलीलाई तत्काल राजीनामा दिनुपर्ने सुझाव उनले दिए । सरकारकै संयन्त्रले सार्वजनिक गरेको कार्यसम्पादन मूल्यांकन (अर्धवार्षिक रिपोर्ट कार्ड) मा प्रधानमन्त्री आँफै फेल भएको भन्दै कुन नैतिकताले सरकारको नेतृत्वमा बस्न मिल्छ भन्दै साहले प्रश्न गरेका छन् ।

प्रधानमन्त्री ओलीसहित १२ जना मन्त्रीहरुको कार्यसम्पादन रिपोर्टअनुसार ३५ प्रतिशत अंक आएको छैन् । प्रधानमन्त्री ओलीको जम्मा २८ प्रतिशतमात्रै अंक आएको छ । ‘देशको नेतृत्वकर्ता नै फेल भएपछि देश कसरी उँभो लाग्छ ? कार्यसम्पादन मूल्यांकनमा उहाँ आँफै फेल हुनुभयो, लाजमर्दो कुरा त के छ भने उहाँको क्याविनेटमा आधाभन्दा बढि मन्त्रीहरु नै फेल भएका छन् । यो फेलियरहरुको सरकार पुष्टि भैसक्यो, अनि कसरी देशमा सुशासन र विकास हुन्छ त ?’ साहले प्रश्न गरे ।

उनले सरकारले कर आतंक मच्चाएको तर जनतालाई कर तिरेबापत कुनै सेवा तथा सुविधा नदिएकोमा आक्रोश पोखे । उनले नेपाल सरकारले सञ्चालनमा ल्याएका उद्योगहरु घाटामा हुँदा सरकारले कुन मोरलले निजी क्षेत्रसँग कर लिन मिल्छ ? भन्दै प्रश्न गरे । उनले दलको आतंक रोक्नको लागि जनता अब सडकमा आउनुपर्ने आवश्यकत्ता औंल्याए ।

आजपाका जिल्ला अध्यक्ष राजकिशोर साहको अध्यक्षतामा भएको बारागढी गाउँपालिका भेलामा आजपाकावरिष्ठ उपाध्यक्ष उपेन्द्र साह, उपाध्यक्ष अशोक लामा, महासचिव त्रिभुवन साह, उमेश कुशवाहा सहितका नेताहरुको सहभागिता रहेको थियो ।

बज्जिकाञ्चल संवाददाता, २२ गते फागुन ।
रौतहटको गरुडा नगरपालिकामा अनाधिकृत तवरले सञ्चालित १० वटा निजी अस्पताललाई मधेश प्रदेशका मुख्यमन्त्री सतिशकुमार सिँहले बन्द गर्न निर्देशन दिएका छन् । बुधबार मुख्यमन्त्री सिँहले त्यहाँस्थित निजी अस्पताल अनुगमनक्रममा सबै १० वटा अस्पताल वैध ढङ्गले सञ्चालन नभएका पाएपछि अस्पताल बन्द गर्ने निर्देशन सञ्चालकहरूलाई दिएका छन् ।
मुख्यमन्त्री सिँहले बन्द गर्न निनर्देशन दिएका नौवटा अस्पताल गरुडा नगरपालिका वडा नम्बर ४ मा र एक अस्पताल वडा नम्बर ५ का छन् । प्रदेश स्वास्थ्य तथा जनसँख्या मन्त्रालयको अस्पताल अनुगमन समितिका सदस्यसचिव सन्तोष ठाकुरका अनुसार गरुडा नगरपालिका वडा नम्बर ४ का अरुण सिटी हस्पिटल प्रालि, अनामिका हस्पिटल प्रालि, श्री नेत्रज्योति आँखा हस्पिटल प्रालि, श्री गरुडा अस्पताल प्रालि, रोमा हस्पिटल प्रालि, होप हस्पिटल प्रालि, सनसिटी हस्पिटल प्रालि र श्री सरस्वती हस्पिटल प्रालि तथा गरुडा नगरपालिका वडा नम्बर ५ स्थित आनन्द हस्पिटल प्रालिलाई मुख्यमन्त्री सिँहले बन्द गर्न निर्देशन दिएका हुन् ।
मुख्यमन्त्री सिँहका प्रेस सल्लाहकार अनिलकुमार कर्णले सेवा सञ्चालन अनुमति नलिएका, त्यस्तो अनुमति लिए पनि चार–पाँच वर्षयता नवीकरण नगराएका र कानुनी प्रावधानविपरीत निर्धारित सँख्याभन्दा बढी शय्याको अस्पताल सेवा सञ्चालन अनुमति स्थानीय तहबाट प्राप्त गरेका प्रकृतिका ती अस्पताललाई प्रदेश सरकार प्रमुख सिँहले बन्द गर्न निर्देशन दिएको जानकारी दिए । जनस्वास्थ्य नियमावली २०७७ अनुसार मापदण्ड पुरा नगरी सञ्चालनमा आएका ती अस्पताललाई बन्द गर्न अनुगमन टोलीले अनुगमनक्रममै पत्र दिएको छ ।
अनुगमनक्रममा बन्द गर्न निर्देशन दिइएको आनन्द हस्पिटल प्रालिले स्थानीय तहबाट चालू आर्थिक वर्षमै २५ शय्याको अस्पताल सेवा सञ्चालन स्वीकृति लिएको छ । कानुनअनुसार स्थानीय तहले १५ शय्यासम्मको अस्पताल सेवा सञ्चालन स्वीकृति दिन सक्छ । २५ शय्यादेखि दुई सयसम्म प्रदेश सरकारले र दुई सय शय्याभन्दा माथि सङ्घ सरकारले अस्पताल सेवा सञ्चालन स्वीकृति दिने व्यवस्था छ । स्थानीय तहलाई विशिष्टीकृत अस्पतालको सेवा सञ्चालन अनुमति दिने अधिकार छैन । “तर, कानुनविपरीत कतिपय स्थानीय तहले अधिकार क्षेत्रभन्दा बाहिर गएर तोकिएको १५ शय्याभन्दा बढी क्षमता र विषयगत अस्पताल सञ्चालन अनुमति दिएको अनुगमनक्रममा मुख्यमन्त्रीज्यूले पाउनुभएको छ । यस्तो अनुमति अवैध हो । त्यसैले मुख्यमन्त्रीज्यूले त्यस्ता अस्पताललाई बन्द गरी कानुनअनुसार विधिसम्मत ढङ्गले अनुमति लिएर मात्र अस्पताल सञ्चालन गर्न निर्देशन दिनुभएको हो,” मुख्यमन्त्री सिँहका प्रेस सल्लाहकार कर्णले भने ।

 

प्रेमचन्द्र झा,राैतहट,२१ गते फागुन । 

रौतहट । गाैरका पुर्व नगरप्रमुख अजय कुमार गुप्ताले प्रधानमन्त्रीलाई भेटी राईस मिलको जग्गा भुमाफियाले बिक्री गर्न लागेमा जग्गा रोग्गा राखि दोषी उपर कार्वाहीको माग सहितको ज्ञापनपत्र बुझाएका छन । राैतहट क्षेत्र नम्बर १ बाट प्रतिनिधि सभा सदस्य प्रत्यासी समेत रहेका गुप्ताले बुधबार दिउसो बालुवाटारमा प्रधानमन्त्रीलाई भेटी भुमाफियाले
गौर नगरपालिकाको मिलेमतोमा सार्वजनिक उपभोगमा रहेको राईस मिलको जग्गा बेचविखन गर्न लागेकोमा जग्गा राेक्का राखि दोषीलाई कार्वाही गर्न माग गरेका छन ।
प्रधानमन्त्री केपी शर्मा ओलीसंग पुर्व नगर प्रमुख गुप्ताले नक्कली कागजपत्र तयार गरी ठूलो आथिर्क चलखेल मचाई जग्गा हडपन खोज्ने उपर छानबिन गरी कार्यवाही गर्न अनुराेध गरेका छन । बुझाएका छन
प्रधानमन्त्री नेपाल सरकार मन्त्रीपरिषद्को कार्यालय
सिंहदरबार, काठमाडौं सम्बाेधन गरि बुझाएको ज्ञापन पत्र अनुसार गौर नगरपालिका स्थित राइस मिलको जग्गा बर्षों देखि सार्वजनिक रुपमा प्रयोग भइ बिभिन्न मेला महोत्सव, राजनीतिक सभा सम्मेलन, तथा क्रिकेट खेलाडीहरूको लागि खेल मैदान को रुपमा प्रयोग भै आइरहेकोमा बेला बखतमा भुमाफियाहरु नक्कली कागज खडा गरि बिक्री वितरणको लागि प्रयासरत रहेका छन । हाल भुमाफिया र गौर नगरपालिकाको मिलेमतोमा धेरै ठूलो आथिर्क चलखेल गरि सो जग्गा भागबन्डा गरि खेलमैदानको अस्तित्व नै समाप्त हुने गरि रौतहट वासिका सपनालाई धमिलो पार्ने उदेश्यका साथ अगाडी बढेकोमा अबिलम्ब सो जग्गा बिक्रि बितरणमा रोक लगाई दोषीहरु माथि छानबिन गरि कारर्वाही तथा सो जग्गा संरक्षण गरि सार्बजनिक गर्नुहुन पुर्व नगर प्रमुख गुप्ताले प्रधानमन्त्रीलाई बुझाएको ज्ञापनमा उल्लेख छ । सो ज्ञापन पत्र मार्फत साविक गाैर गाविस वडा नम्बर सातको किता नम्बर १३९ को ०-४-१५ ,१४०को ०.१६-०,१६३को ४-१०-० र ८०३को ०.९.० जग्गा राेक्का राख्न माग गरेका छन।

राजेश निर्माणी,राैतहट,२१ गते फागुन । 
राैतहट । नेकपा (एकीकृत समाजवादी) रौतहटको वृन्दावन नगर कमिटीको दोस्रो अधिवेशन भव्यताका साथ सम्पन्न भएको छ।

बुधबार सम्पन्न अधिवेशनले सुरेन्द्र पटेलको नेतृत्वमा ४३ सदस्सीय नगरकमिटी चयन गरेको छ। कमिटीको उपाध्यक्षमा शेख करिम र सचिवमा प्रेम पटेललाई चयन गरिएको छ। त्यस्तै सो नगरकमिटीको उपसचिवमा राजेश पासवान(निर्माणी) र रामपुकार यादवलाई चयन गरिएको छ।

पार्टीका उपमहासचिव तथम संविधान सभा सदस्य रामकुमार भट्टराई,पोलिट ब्युरो सदस्य तथा रौतहट जिल्ला इन्चार्ज सरला यादव लगायत सो कार्यक्रममा उपस्थित अथितिहरुले नव निर्वाचित नगरकमिटीलाई बधाई ज्ञापन गर्दै सफल कार्यकालको शुभकामना समेत व्यक्त गर्नुभएको छ। साथै उपमहासचिव भट्टराईले पार्टीको नीति, विधान र कार्यक्रमलाई बोकेर जनताको बीचमा जान स्थानीय नेता कार्यकर्ताहरू आग्रह गर्नुभएको छ।

कार्यक्रमको सभा अध्यक्षता जिल्ला कमिटी सदस्य तथा वृन्दावन नगर कमिटी अध्यक्ष सुरेन्द्र पटेलले गरेका थिए भने,प्रमुख अतिथिमा नेपाल कम्युनिस्ट पार्टी (एकीकृत समाजवादी) का केन्द्रिय उप महा सचिव तथा संबिधान सभा सदस्य रामकुमार भट्टराई रहनुभएका थिए।

त्यसैगरी विशिस्ट अतिथिमा स्थायी कमिटी सदस्य कल्याणी खडका अतिथिहरुमा पोलिट ब्युरो सदस्य तथा रौतहट जिल्ला इन्चार्ज सरला यादव,जिल्ला सह.इन्चार्ज तथा क्षेत्रीय इन्चार्ज महेन्द्र चौलागाईं,केन्द्रीय सदस्य बिनिता बख्रेल,केन्द्रीय सल्लाहकार परिषद सदस्य तथा वृन्दावनका नगर प्रमुख बिनोद प्रसाद कुर्मी,नेकपा एस पार्टी जिल्ला अध्यक्ष कमल यादव,जिल्ला कमिटी सचिव मदन सापकोटा,नेपाल भुतपुर्व शैक्षिक प्रहरी संगठनका केन्द्रीय उप महासचिव तथा जिल्ला कमिटी सदस्य कृष्ण बहादुर खडका, जिल्ला कमिटी सदस्य तथा मुस्लिम इतेहाद संगठन नेपाल मधेस प्रदेशका अध्यक्ष सलामोदिन दर्जी,जिल्ला कमिटी सदस्य तथा गढीमाई-१ का वडा अध्यक्ष रामपुकार यादव र चन्द्रपुर नगर कमिटी अध्यक्ष बिरु रखाल लगायत विभिन्न स्थानीय जनप्रतिनिधि,नेता कार्यकर्ता तथा स्थानीयहरुको उपस्थिति रहेको थियो।

उक्त कार्यक्रममा स्वागत मन्तव्य प्रेम पटेलले राखेका थिए भने कार्यक्रम सञ्चालन वृन्दावनका नगर कार्यपालिका सदस्य राजेश पासवान (निर्माणी)ले गरेका थिए।

उमेश कुमार साह,२० गते फागुन । 
सप्तरी – सप्तरीको बोदे बर्साईन नगरपालिकामा निरन्तर रूपमा भइरहेको वडा नम्बर १ देखि १० सम्म सरसफाइ अभियानमा बोदे बर्साईन नगरपालिकाका नगर प्रमुख आतेश कुमार सिंह आफै जुटेका छन्। ‘हाम्रो बोदे बर्साईन हामी बनाउँछौँ’ अभियान अन्तर्गत मंगलबार नगर प्रमुख सिंह वडा नम्बर ४ को सरसफाइमा जुटेका हुन्।

बोदे बर्साईन नगरपालिका स्वास्थ्य शाखाको आयोजना भएको सरसफाइ कार्यक्रममा वडा अध्यक्ष किरण कुमार साह , स्वास्थ्य शाखा संयोजक बैधनाथ साह , नेपाल प्रहरी , सशस्त्र प्रहरी , स्वास्थ्यक्रमी , स्थानीयबासी लगायतका ब्याक्तीले बोदे बर्साईनका विभिन्न ठाउँमा त्यहाँका स्थानीयले स्वस्फूर्त रुपमा उक्त अभियानलाई सघाउने अभिप्रायले सरसफाइ गर्दै आएका छन्। नगरले आगामी आर्थिक वर्ष २०८१/०८२ लाई सरसफाइ वर्षका रुपमा मनाउने नीति लिएको छ।
पछिल्लो समयमा सरसफाइको अभियानलाई प्रभावकारी बनाउन स्थानीयको सक्रियता समेत बढेको छ।

सरसफाई अभियानको अगुवाई गर्दै नगर प्रमुख आतेश कुमार सिंह आफै झाडु बोकेर सडक बढार्दै हिँडेका थिए।

बोदे बर्साईन नगरपालिकाले केही साता सचेतनामूलक सरसफाइ अभियान सञ्चालन गरेर जथाभाबी फोहोर नगर्न आग्रह गर्ने र त्यसपछि पनि अटेर गरेर जथाभावी फोहोर गर्नेलाई कारबाही गर्ने तयारी गरेको छ । जथाभाबी फोहोर गर्नेलाई पाँच सय देखि ५ हजारसम्म जरिबाना गर्न सक्ने कानूनी व्यवस्था ल्याउने प्रयासमा छ । फाल्गुन र चैत महिनाभर सचेतनामूलक सरसफाइ अभियान सञ्चालन गरिने र अटेर गरेर जथाभाबी फोहोर गर्नेलाई बैशाखबाट कानूनी कारबाही गरिने नगरपालिकाको स्वास्थ्य शाखा प्रमुख बैधनाथ साहले बताए । ‘जथाभाबी फोहोर गर्नेलाई पाँच सय देखि ५ हजारसम्म जरिवाना गराउँन सक्ने कानुनी व्यवस्था भएपनि अहिलेसम्म त्यसमा कडाइ गरिएको थिएन, तर अब बैशाखबाट कडाइ गरिन्छ,’ साहले भने ।बोदे बर्साईन नगरले हालसम्म नगर क्षेत्रका हजारौं सय घरधुरीलाई फोहोर फाल्ने डस्टबिन वितरण गरेको छ । नगरका सार्वजनिक स्थानहरुमा पनि सयांै वटा डस्टबिन राखेर फोहोर संकलन गरी फोहोरमैला व्यवस्थापन केन्द्रमा लगेर फोहोर व्यवस्थापन गर्ने गरिएको छ ।

आरके श्रीवास्तव,राैतहट,२० गते फागुन । 

सिरहाको नवराजपुर गाउँपालिका-१ भगवतीपुरकी १७ वर्षीय किशोरी रिंकुकुमारी सदाको सम्झनामा राैतहटकाे गरूडामा दिप प्रज्जवलन गरिएको छ ।

मंगलबार साँझ गरूडा स्थित मेथुर चाैकमा शंकर फाउन्डेसनकाे आयाेजनामा श्रद्धाञ्जली अर्पण तथा दिप प्रज्जवलन कार्यक्रम आयाेजन गरिएको थियो ।

रिंकु सदालाई न्याय देउ ! दाेषीलाई कार्यवाही गर ! भन्ने नाराका साथ साे कार्यक्रम गरिएको थियोे । कार्यक्रम संयोजक सामाजिक अभियन्ता शैलेन्द्र यादवको अध्यक्षतामा साे कार्यक्रम गरिएको थियो ।

स्मरणीयहाेस् अपहरण र सामूहिक बलात्कारमा परेको घटना मिलाउनका निम्ति गाउँमै भएको पञ्चायती पछि रिंकु आफ्नै घरमा गत माघ ३० गते साँझ, संकास्पद झुन्डिएको अवस्थामा फेला परेकी थिइन् । रिंकुको न्याय र दोषीमाथि कारबाहीको माग गर्दै दलित संघर्ष समिति रौतहटले पनि प्रदर्शन गर्दै आएको छ ।

साे कार्यक्रममा गरूडाका मेयर प्रत्यासी ब्रिजकिशाेर यादव,नेता रामभराेस यादव,सञ्चारकर्मी राहुल साह सहित राजनीतिकर्मी, विद्यार्थी, युवाहरूकाे उपस्थिति रहेको थियो ।

राजन कुमार श्रीवास्तव,गाैर, २० गते फाल्गुन । 

बिगत लामो समय देखि अधिग्रहणको विषयमा बिबादित रहेको रौतहट जिल्लाको सदरमुकाम गौरको मध्य भागमा रहेको गौर राइस मिलको झंझट समाप्त भएको छ । २०६६ साल देखिनै  पटक पटक अधिग्रहणको प्रक्रिया अपनाउने गरेको राईस मिलको जग्गा मध्ये खेलकूद मैदानको लागि जग्गा प्राप्त हुने निश्चित भएपछि बिबादमा रहेको गौर राइस मिलको जग्गाको विक्री गर्ने बाटो खुले पछि झंझट समाप्त हुने भएको हो ।

गौर नगरपालिकाका नगर प्रमुख शम्भू साहले मंगलवार आफ्नै कार्यकक्षमा पत्रकार सम्मलेन गरी जग्गा धनि गौर राइस मिल एंड फ्लोर लिमिटेडका संचालक समितिले गौर नगरपालिकाको नाउमा २ बिगहा १५ कट्ठा जग्गा निशुल्कमा दिने सहमति जनाएको बताएका छन ।

तत्कालीन प्रधानमंत्री माधव कुमार नेपालको नेतृत्वमा मन्त्रिपरिषदले राइस मिलको नाउमा रहेको ५ विगहा १९ कट्ठा १५ धुर जग्गा सरकारीकरण गर्ने गरेको निर्णयलाइ सर्वोच्च अदालतले विना मुआवजाको अधिग्रहण गर्न नसकिने भनी मंत्री परिषद्को निर्णय बदर गरिदिएको जानकारी दिदै मेयर साहले बिना कुनै मुआवजाको गौर नगरपालिकालाइ संचालक समितिले २ विगहा १५ कट्ठा जग्गा दिने भएपछि बाकी जग्गा बिक्रीको लागि फुकुवा गर्ने निष्कर्षमा नगरपालिका पुगेको सार्वजानिक गरे ।

उहाले भने प्रदेश सरकारले पटक पटक १५ करोड़ रुपैया विनियोजन गरे पनि क़ानूनी जटिलताको कारन अधिग्रहण हुन नसकेको राइस मिलको जग्गा निशुल्क रुपमा पाउने भएपछि नगरबासीको हक़मा नगरपालिकाले निर्णय गरेको दावी गरे !

उनले भने १५ करोड़ ५६ लाख रुपैया लगाएर १ बिगहा १६ कट्ठा जग्गा लिनु आर्थिक भार हुने भएकोले यस्तो निर्णय लिएको छू बिना कुनै लागतको नगरपालिकाले २ विगहा १५ कट्ठा जग्गा पाइरहेकोले विरोध गर्नु कुनै औचित्य नै नभएको जिकिर गरे ।

गौर राइस मिलको नाउमा सर्वे नापी अनुसार ५ विगहा १९ कट्ठा १५ धुर रहेकोमाँ स्थलगत रुपमा भोगमा ४ बिगहा १९ कट्ठा जग्गा मात्र रहेको छ ! २४ कट्ठा जग्गा मोहि रहेको छ ! गौर नगरपालिकालाइ २ विगहा १५ कट्ठा खेलकूदको लागि तथा २ कट्ठा जग्गामाँ निर्माण भएको धर्मशाला नगरपालिकालाइ नै दिने सहमति संचालक समितिले जनाएको हुदा नगरपालिकालाइ प्रत्यक्ष रुपमा १५ करोड़ ५६ लाख रुपैया जोगिएको उनले दावी गरे ।

गौर नगरबासीले दिएको जिम्मेवारीको पूर्ण रुपमा इमान्दारिताको साथ निर्वाह गर्दै आएको भन्दै नगर प्रमुख साहले बिना कुनै आधार प्रमाणले अरुको जग्गा बलपूर्वक कानून विपरीत रोक्का गरी राख्न नमिल्ने समेत तर्क गरे !

गौर राईस मिलको नाउमाँ जग्गा रहेकोले त्यसको अधिकारी संचालक समिति नै रहेकोले रोक्का गरेर राख्न नमिल्ने उहाको भनाइ रहेको छ । राइस मिलको जग्गाको कर नगरपालिकाले लिनु पर्ने बाध्यता रहेको छ उनले भने कर लिए बिरोधी हरुले जग्गा बिक्री गर्न लागे भने आधारहीन आरोप लगाउन शुरू गर्ने भएकोले नगरपालिकाले पाउनु पर्ने जग्गा निशुल्क रुपमा पाई रहेकोले विरोध गर्नुको कुनै औचित्य नभएको बताए   ।

विकास बिरोधीले बिरोध गरे पनि कुनै फरक नपर्ने भन्दै नगरपालिकाको कार्यपालिका समितिको निर्णय अनुसार कार्य अगाडी बढाएको उल्लेख गरे । २००३ सालमा स्थापना भएको गौर राइस मिल बिगत करीव ४० वर्ष भन्दा बढ़ी समय देखि बन्द रही अलपत्र अवस्था रहेको गौर राइस मिलको जग्गा चारै तीर बाट अतिक्रमित भएको छ ।

गौर राइस मिलको नाउमाँ रहेको सम्पूर्ण जग्गा अधिग्रहण गर्नु पर्ने जनदवाव कायमै रहेको अवस्थामाँ गौर नगरपालिकाले गरेको यस्तो निर्णयको विरुद्ध आन्दोलन चर्किने अवस्था रहेको छ ।

मुकेश कुमार साह,रौतहट २०,फाल्गुण
रौतहट – ब्रेन ट्युमर रोगबाट पीडित रौतहटका वरिष्ठ पत्रकार फणिदेव महतलाई चन्द्रपुर अस्पताल प्रालिले ५० हजार रुपैयाँ आर्थिक सहयोग प्रदान गरेको छ।
मंगलबार अस्पतालमा आयोजित कार्यक्रममा अस्पतालका सञ्चालक डा. सुवास चौधरीले पत्रकार महतलाई ५० हजार रुपैयाँको चेक हस्तान्तरण गरेको हो । सो अवसरमा उनले महतको उपचारमा सहयोग पुगोस् भन्ने उद्देश्यले अस्पतालमा कार्यरत सम्पूर्ण कर्मचारीहरूले आफ्नो एक दिनको पारिश्रमिक महतको उपचारका लागि प्रदान गरेको जानकारी गराए । अस्पतालले उनलाई आवश्यक पर्ने सम्पूर्ण चिकित्सकीय सेवा निःशुल्क उपलब्ध गराउने प्रतिबद्धता जनाएको छ।
डा. चौधरीका अनुसार पत्रकार महतलाई अस्पतालबाट हुने सम्पूर्ण स्वास्थ्य सेवा निःशुल्क रूपमा उपलब्ध गराइनेछ। साथै, उपचारका क्रममा आवश्यक परे जुनसुकै समयमा रक्तदानको व्यवस्था मिलाइनेछ।
कार्यक्रममा नेपाल पत्रकार महासंघ, रौतहट शाखाका अध्यक्ष सञ्जयकुमार कार्कीले पत्रकार महतको शीघ्र स्वास्थ्य लाभको कामना गर्दै उनको उपचारमा सबै पक्षले हातेमालो गर्नुपर्ने आवश्यकता औंल्याए । उनले पत्रकारितामा लामो समयदेखि सक्रिय महतलाई समाजले अब साथ दिनुपर्ने बताए ।
पत्रकार फणिदेव महत विगत दुई दशकभन्दा बढी समयदेखि रौतहट जिल्लालाई आफ्नो कार्यक्षेत्र बनाउँदै विभिन्न सञ्चारमाध्यममा संलग्न रहँदै आएका छन्।
आर्थिक रूपमा कमजोर रहेका महत विगत लामो समयदेखि ब्रेन ट्युमरको उपचार गराइरहेका छन्, जसका कारण उनी आर्थिक समस्यामा परेका छन्।
कार्यक्रममा रौतहट जिल्लाका विभिन्न सञ्चारकर्मीहरुको उपस्थिति रहेको थियो।

बज्जिकाञ्चल संवाददाता,राैतहट, २० गते फाल्गुण । 

ब्रेन ट्युमर रोगबाट पीडित वरिष्ठ पत्रकार फणिदेव महतको उपचारका लागि चन्द्रोदय साकोसका कर्मचारीहरूले आर्थिक सहयोग गरेका छन् । संस्थामा कार्यरत ११ जना कर्मचारीहरूले आफ्नो एक दिनको तलब बराबरको रु ९ हजार ५ सय  संकलन गरी सहयोग प्रदान गरेका हुन्।
मंगलबार संस्थाको कार्यालयमा आयोजित कार्यक्रममा चन्द्रोदय साकोसका अध्यक्ष बसन्त आचार्यले महतलाई उक्त रकम हस्तान्तरण गरे। यस अवसरमा उनले सहयोगले महतको उपचारका क्रममा आर्थिक भारलाई केही हदसम्म कम गर्न मद्दत पुग्ने विश्वास व्यक्त गरे।
उनीहरूले महतको बिगतको सक्रिय पत्रकारिताको चर्चा गर्दै हाल उनी गम्भीर रोगबाट ग्रसित भएकाले थप सहयोग आवश्यक रहेको औंल्याए । कार्यक्रममा उपस्थित सबैले पत्रकार महतको शीघ्र स्वास्थ्य लाभको कामना गर्दै थप सहयोग जुटाउन पहल गर्ने समेत बताए ।
दुई दशकभन्दा बढी समयदेखि पत्रकारिता क्षेत्रमा क्रियाशील रहेका महत विभिन्न सञ्चारमाध्यममा सक्रिय रहँदै आएका छन् । नेपाल तथा भारतका अस्पतालहरूमा उपचार गराइरहेका उनलाई आर्थिक अभावका कारण थप समस्या भइरहेको छ ।
संस्थाका कर्मचारीहरूले सानो सहयोगले पनि ठूलो प्रभाव पार्न सक्छ भन्ने सोचका साथ रकम संकलन गरेको बताउँदै सबैलाई सहयोगका लागि आग्रह समेत गरे ।
सहयोग हस्तान्तरण कार्यक्रममा संस्थाका वरिष्ठ उपाध्यक्ष बासुदेव अधिकारी, उपाध्यक्ष रामशरण गौतम, प्रमुख व्यवस्थापक कृष्णलाल थापा र व्यवस्थापक शुभ नारायण चौधरीको पनि उपस्थिति रहेको थियो।

बज्जिकाञ्चल संवाददाता,राैतहट,२० गते फागुन । 

रौतहट । जिल्ला प्रहरी कार्यालय रौतहटमा कार्यरत प्रहरी नायब उपरीक्षक (डिएसपी) दिपककुमार रायलाई कारवाहीको माग गर्दै पीडित परिवार आज धर्नामा बसेको छ ।

रौतहटको बौद्धिमाई नगरपालिका ८ का स्थानीय गंगाराम बैठालाई झुठो मुद्धामा फसाउन चलखेल गर्ने डिएसपी रायलाई कारवाही गर्नुपर्ने र बैठालाई रिहा गर्नुपर्ने माग उनीहरुले गरेका छन् ।

बौद्धिमाई नगरपालिका बंकुल बजारको दुर्गा मन्दिर छेउवामा उनीहरु धर्ना बसेका छन् । बैठाका श्रीमती चमेली देवी, छोरा दिपेन्द्र बैठा, छोरी दुर्गा रजत, भाई सुरेश बैठा, भाई धिरज बैठा सहित स्थानीय एवं छिमेकीहरु धर्नामा बसेका छन् ।

पीडित परिवार धर्नामा बसेपछि रौतहटका प्रहरी उपरिक्षक (एसपी) दिलिप घिमिरेले बैठा तोडफोड घटनामा संलग्न रहेको र पुरानो कर्तव्य ज्यान मुद्धामा थुनछेक बहस हुँदा निजलाई पुर्पपक्षका लागि थुनामा राख्ने अदालतको आदेश अनुसार गौर कारागारमा रहेको बताए ।

रौतहटका डिएसपी रायले एक बिज्ञप्ती जारी गर्दै तथ्यहिन, भ्रामक तथा झुठा स्टाटस सामाजिक सञ्जालमा लेखेर बदनाम गराउन खोजेकाले त्यसमा विश्वास नगर्न भन्दै त्यस्तो कार्यप्रति जिप्रकाको गम्भिर ध्यानाकर्षण भएको जनाएका छन् ।

गत पुस ८ गते बौद्धिमाई नगरपालिकाको वडा नं. ८ सरमुजवामा नाला निर्माणका लागि अतिक्रमित जग्गा खाली गराउँने क्रममा ढुंगामुढा भएको र जेसिवीमा तोडफोड गर्ने कार्यमा बैठा संलग्न रहेको डिएसपी रायले जनाएका छन् । साथै यो आपराधिक उपद्रव मुद्धामा चल्दैगर्दा २०५९ साल भदौ २९ गतेमा दर्ता भएको कर्तव्य ज्यान मुद्धामा समेत बैठा प्रतिवादी रहेको र सो मुद्धा मुल्तवीमा रहेकाले अदालतको गत माघ ६ गते भएको थुनछेक बहसमा बैठालाई पुर्पक्षका लागि गौर कारागार राखिएको डिसपी रायले जारी गरेको बिज्ञप्तीमा उल्लेख गरिएको छ ।

यता डिएसपी रायको बिज्ञप्ती सार्वजनिक भएपछि तोडफोडको घटनामा बैठा संलग्न रहेको भन्ने कुरा प्रमाणित गर्न आम जनता पार्टी (आजपा)का महासचिव त्रिभुवन साह अमरले चुनौति दिएका छन् ।

‘उक्त घटनामा वृद्ध गंगाराम बैठाको संलग्नता पुष्टि गर्न म डिएसपी साहेबलाई चुनौती दिन चाहन्छु । घटना स्थलमा हुदै नभएका व्यक्तिलाई दोषी करार गर्नु अपराध हो कि होईंन ? हो भन्ने तपाई स्वम् दोषी हो । यसमा नेपाल प्रहरीका सम्बन्धित निकायले छानबिन गरोस भन्ने माग गर्दछु’ महासचिव साहले फेसबुकमा स्टाटस लेखेका छन् ।

प्रेमचन्द्र झा,फाल्गुन २० गते

राैतहट । राैतहटको वन क्षेत्रमा ढलेडो शुन्य बनाउने अभियानमा सहयोग सहकार्य गर्ने सरोकारवाला हरुले प्रतिवद्धता व्यक्त गरेका छन । डिभिजन वन कार्यालय रौतहटले आयोजना गरेको सरोकारवालाहरुको उपस्थितीमा डेमो सहित वन डढेलो नियन्त्रण सम्बन्धि तालिम तथा अन्तरक्रिया कार्यक्रम बोल्ने वक्ताहरुले सो प्रतिवद्वता जनाएका हुन । डिभिजनल वन अधिकृत हेमन्त प्रसाद साहको अध्यक्षतामा भएको कार्यक्रममा प्रमुख अतिथि ईलाका प्रशासन कार्यालय, चन्द्रपुरका प्रमुख जनक पन्तले जिल्ला विपत व्यवस्थापन समितिले कार्य याेजना वनाउ डढेलाे नियन्त्रण समेटनु पर्ने कुरामा जाेड दिएका छन ।। वन डढेलाे मानव निर्मित डढेलाेका कारण हुने गर्छ । दुई तिहाई वन विनास डढेलोका कारणले हुने गरेको बताउदै आसन, भाषण र रासनमा रमाउने प्रवृति नत्याग गर्ने नेपालीको प्रवृत्ति त्याग गर्न अनुराेघ गरेका थिए ।
कार्यविधि नियन्त्रण गर्नु पर्छ । राैतहटमा ४३ सामुदायिक वन , ३ वटा साझेदारि वनकाे वन डढेलाे नियन्त्रण गर्न के याेजना छ भने उनले प्रशन गरेका थिए । जिल्लामा १८ पालिका मधेय दुईवटा दमकल छ । जिल्लालाई वन डढेलाे बाट वचान आटपुट दिनेखालका अल्पकालीन र दिर्घकालिन याेजना जरुरी रहेको बताउदै विपतलाई न्युन गर्न सकिन्छ निमटयान पार्न सकिदैन उनले भने । वड देखि वैज्ञानिक वन व्यवस्थापन आसन गर्दा पर्व प्रतिकार योजनासंग सहकारॐय हुने अल्पकालीन दिर्घकालिन याेजना बनाउनु पर्दछ।
डिभिजन वन प्रमुख साहले वन डढ्लाेकाे मुद्दामा
साठी हजार जरिवाना ३ वर्ष कैद वा दुबै सजाय हुने व्यवस्था रहेको बताए ।

बव डढेलो योजना २०८१ जारी गरेको बताए ।योजना अनुसार गरि रहेकाे बताए । ईसिमोडमा रिपोर्टिङ राैतहटको वन डढेलो कुनै घाट गदीमा बन डढेलो लागे सम्बन्धित बन प्रमुख जिम्मेवार हुने कुराको उनले चेतावनी दिएका छन ।
उक्त कार्यक्रममा ईलाका प्रहरि कार्यालय, चन्द्रपुरका प्रहरी नायव उपरिक्षक राजकुमार राई, सशस्त्र प्रहरी बल सुरक्षा वेस, सन्तपुरका प्रहरी नायव उपरिक्षक राजेन्द्र गुरागाई, विरदल गण, रौतहटका उपसेनानी कुल बहादुर नेपाली, नेपाल पत्रकार महासंघ रौतहटका अध्यक्ष संजय कार्की, सामुदायिक वन उपभोक्ता महासंघका अध्यक्ष बेदहरि दाहाल, चन्द्रपुर नगरपालिका विपद व्यवस्थपान शाखा प्रमुख अजिता पौडेल, जिल्ला स्थित साझेदारी वन उपभोक्ता समूह, सामुदायिक वन उपभोक्ता समूह, सव–डिभिजन वन कार्यालयका प्रमुख, वन कर्मचारीहरु, जिल्ला स्थित पत्रकारहरु लगायतका सरोकारवालाहरुको सहभागितामा कार्यक्रम सम्पन्न भएको थियो । कार्यक्रमको संचालन चन्द्रपुर सव–डिभिजन वन कार्यालय, रौतहटका वन अधिकृत अनिल कुमार महतोले गर्नु भएको थियो भने कार्यक्रममा स्वागत मन्तवय तथा डढेलो सम्बन्धि प्रस्तुतिकरण क्रमशः डिभिजन वन कार्यालय, रौतहटका वन अधिकृत नेपाली साह तथा राजेश कुमारले गर्नु भएको थियो ।
कार्यक्रममा मनत्वयको क्रममा सम्पुर्ण वक्ताहरुले आ–आफ्नो तह र तपकाबाट चालु आ.व.मा रौतहट कार्यक्रममा डिभिजनल वन अधिकृत हेमन्त प्रसाद साहले डिभिजन वन कार्यालयले वन डढेलो नियन्त्रण कार्यविधि, २०८१ तयार गरी कार्यान्वयनमा ल्याएको र वन डढेलो नियन्त्रणका लागि रेन्जर बिकास लामिछानेको नेतृत्वमा वन डढेलो नियन्त्रण टोली गठन गरेको र उक्त टोली जिल्ला स्थित सम्पुर्ण वन क्षेत्रमा लाग्ने डढेलो नियन्त्रणका लागि हरदम तयार रहने डिभिजनल वन अधिकृत साहले बताए । बताउनु भएको छ ।
कार्यक्रमका प्रमुख अतिथि ईलाका प्रशासनका प्रमुख जनक पन्तले मा काम गर्ने सामुदायिक वन, साझेदारी वन, धार्मिक वन लगायतका समूह पदाधिकारीहरुले वन डढेलो नियन्त्रणमा अग्रसरता लिनु पर्ने बताउनुको साथै डढेलो नियन्त्रका लागि हरसम्भव प्रयास गर्न निर्देशन समेत दिनु भएको छ । त्यस्तै डिभिजनल वन अधिकृत हेमन्त प्रसाद साहले समेत डिभिजन वन कार्यालय, रौतहट तथा मातहका सव–डिभिजन वन कार्यालयहरुमा कार्यरत कर्मचारीहरुलाई वन डढेलो नियन्त्रणका लागि अहोरात्र खट्न निर्देशन समेत दिनु भएको छ ।
कार्यक्रममा उपस्थित १०६ जना सहभागीहरुको सकृय सहभागितामा संचालन भएको थियो भने सहभागीहरुले समेत आ–आफ्नो तर्फबाट डढेलो नियन्त्रणका अथक प्रयास गर्ने भनि सम्पुर्ण सहभागीहरुले तालि बजाएर प्रतिवद्धता जाहेर गरेको थियो ।

आरके श्रीवास्तव,रौतहट,२० गते फागुन ।
नेकपा एकीकृत समाजवादीको दोस्रो गरुडा नगर अधिवेशन सम्पन्न भएको छ । नेपाल कम्युनिस्ट पार्टी एकीकृत समाजवादीको गरुडा नगर कमिटिको आयोजनामा दोस्रो नगर अधिवेशन सम्पन्न भएको छ।

रौतहटको मध्यभाग गरुडा नगरपालिका अन्तर्गत रहेको नवीन गेष्ट हाउसको सभाहलमा मंगलबार एक कार्यक्रमको आयोजन गरि नेकपा एकीकृत समाजवादी पार्टीको नगर अध्यक्ष अशोक प्रसाद यादवको अध्यक्षतामा उक्त नगर अधिवेशन सम्पन्न भएको हो।
सम्पन्न नगर अधिवेशनबाट अशोक प्रसाद यादवको अध्यक्षता ४३ सदस्यीय नगर कमिटी गठन गरिएको छ। नवगठित नगर कमिटिको उपाध्यक्षमा मोसहर आलम, सचिव पंकज कुमार जयसवाल, सह सचिव शुशिला देवी जयसवाल, गजेन्द्र सहनी, सदस्यमा इन्दु देवी राम, बीरेन्द्र पटेल, सरिता देवी साहनी लगायत ४३ सदस्यीय नगर कमिटि गठन गरिएको छ। नव गठित नेकपा एकीकृत समाजवादी पार्टीको गरुडा नगर कमिटिका सम्पूर्ण पदाधिकारीहरु लगायत सदस्यहरुको कार्यकाल सफलताको शुभकामना सहित वक्ताहरुले हार्दिक बधाई ज्ञापन गरेका हुन।
कार्यक्रमको प्रमुख अतिथि नेकपा एकीकृत समाजवादीको केन्द्रीय महासचिव रामकुमार भट्टराईले पार्टीको अधिवेशन बारे प्रकाश पार्दै पार्टीको विधान अनुसार प्रत्येक २÷२ वर्षमा हुने अधिवेशनले पार्टिलाई नया दिशा प्रदान गर्ने भएकाले अधिवेशनबाट चयन भएका पार्टीको नेतृत्वकर्ताहरुले यस पार्टिलाई गाउँ गाउँ– टोल टोलमा विस्तार गरि स्थानीय सरकारले विभिन्न बहानामा गर्दै आएको भ्रष्टाचारको विरुद्धमा अभियान चलाई सर्वसाधारण जनताहरुले तिरेका कर रकमको सदुपयोगमा भूमिका निर्वाह गर्न अपील गरेका छन।

त्यस्तै नेकपा एकीकृत समाजवादी पार्टी अर्का कुनै ठुलो पार्टीमा समायोजन भइरहेको हल्ला मात्र भ्रम फैलाउने हल्ला बाहेक अरु केहि नभएको प्रदेश कमिटी सदस्य तथा गरुडा नपाको मेयर प्रत्याशी बृजकिशोर यादव दाबी गरेका छन। ठुलो पार्टी भन्नेहरुले नेतृत्व सम्भालन नसकेर अर्का पार्टीमा भ्रम फैलाउने कार्य गरेको उनले आरोप लगाएका छन। देशको सत्ता साझेदारीमा बसेको नेकपा एमाले पार्टिकै नेतृत्व रहेको यस गरुडा नगरपालिकाले विकासको नाममा मात्र भ्रष्टाचार बाहेक अरु केहि गर्न नसकेको बताउदै विगतको आर्थिक वर्षमा नगरका गरिब, विपन्न तथा असहायहरुको लागि आएको नागरिक आवास कार्यक्रममा जनताहरुलाई सहयोग गर्नुको सट्टा उल्टै प्रति लाभग्राही वापत ५ हजारका दरले कमिशन खाएर बदनाम भएपछि लिएको रकम फिर्ता समेत गर्न बाध्य हुनु परेको कुरा उनले प्रष्ट पारे। साथै यस्ता बिषयहरुमा आवाज उठाउनेलाई धन्यवाद दिदै नगरमा भइरहेको भ्रष्टाचार विरुद्ध आ आफ्नो ठाउँबाट लाग्न अनुरोध गर्दै गरुडा नगरबासीहरुको साथ सहयोग गर्न आफु २४ सैं घण्टा तत्पर रहेको तथा आगामी दिनमा नगरबासीको हकहितको लागि लड़ने उनले प्रतिवद्धता गरेका छन।

कार्यक्रम सञ्चालन गरुडा नपा–४ का युवा नेता पंकज जयसवालले गरेका थिए। भने कार्यक्रममा प्रमुख अतिथि नेकपा एकीकृत समाजवादीको केन्द्रीय महासचिव रामकुमार भट्टराई, विशिष्ट अतिथि स्थायी कमिटी सदस्य कल्याणी खड़का, स्थायी कमिटी सदस्य नागेन्द्र चौधरी, पोलिट व्यूरो सदस्य सरला यादव, केन्द्रीय सदस्य महेन्द्र चौलागाई, अतिथि जिल्ला अध्यक्ष कमल राय यादव, प्रदेश कमिटी सदस्य तथा गरुडा नपाको मेयर प्रत्याशी बृजकिशोर यादव, नेता रामभरोस राय यादव, महिला नेत्री इन्द्रमाला देवी जयसवाल, गरुडा नपा महिला संघको नगर अध्यक्ष सरिता सहनी, गढ़ीमाई नगरपालिकाको नगर अध्यक्ष, गढ़ीमाई–८ को नव निर्वाचित वडा अध्यक्ष बजरंगी राय यादव उर्फ प्रमोद यादव, विभिन्न तह तपकाका नेता कार्यकर्ता लगायत गरुडा नगर भरिका नेता कार्यकर्ताहरुको उपस्थिति रहेको थियो।

आरके श्रीवास्तव,रौतहट,२० गते फागुन । 

रौतहटको गुजरा नगरपालिकाको वडा नम्बर ३ सिमरीमा माझी जातीको महान पर्व लदी पुजा गरिएको छ । माझी जातीको पहिचान,सिमरी एकताको अभियान भन्ने मूल नाराका साथ सिमरी एकता समाजद्धारा आज लदी पुजा गरिएको हो ।

यो पुजामा माझी समुदायले जल को पूजा गर्ने गर्दछन् । सो समुदायले परम्परागत रुपमा लदी पूजा गर्दै आएका छन् । माझी समुदायले आफनो काम गर्नु अगाडी जल देवताको सम्झना गर्ने चलन छ । माझी समुदायले डुगां चलाउने र माछा मार्ने जस्ता कामहरु सदयौंदेखि गर्दै आएका छन् । यो काम गर्ने बेला जल देवतालाइ स्मरण गर्छन् ।

यसैगरी जल देवतालाइ समझने परम्परालाइ नै लदी पुजाको स्वरुप दिइएको हो । जसमा नदीको पूजा र प्रार्थना गर्छन् । उनीहरुले ३३ कोटी देवी देउताहरू भाकेर नदी किनारमा नै यस दिन पूजा गर्छन् । पूजा गर्दा कृषि औजार, माछा मार्ने जाल लगायत औजार सबै राखेर पूजा गर्ने र बलि पनि चढाउने चलन छ ।

शिवरात्रि सकिएपछि लदी पूजा गर्ने चलन रहेको पाइन्छ । फागुन महिनाको तेस्रो मङ्गलवार लदी पूजा मनाउने चलन छ ।

कार्यक्रमको प्रमुख अतिथी गुजरा नगरपालिका वडा नम्बर २ का वडा अध्यक्ष अशोक चौधरीले हरेक जात समुदायको पर्व त्योहारमा स्थानिय सरकारले आर्थिक सहयोग गर्नुपर्ने धारणा व्यक्त गरेका थिए । यसका लागि आफूले पहल गर्ने प्रतिबद्धता समेत जनाएका छन् ।

सो अवसरमा गुजरा नगरपालिका वडा नम्बर ४ का वडा अधयक्ष झमक प्रसाद चौलागाइ सहित प्रहरी लगायत स्थानिय भद्रभलादमीहरुको उपस्थिती रहेको थियो ।

आरके श्रीवास्तव,राैतहट,१९ गते फागुन ।
लाेकतान्त्रिक समाजवादी पार्टी नेपालले राैतहटमा आफ्नो जिल्ला संयाेेजक ताेकेकाे छ । लाेसपा नेपालकाे अन्तरिम विधान प्रथम संशोधन अनुसार पुरानाे अध्यक्षलाई विस्थापित गरि भरत साहलाई राैतहट जिल्ला संयाेजक पदमा चयन गरेको हाे ।
लाेसपाका अध्यक्ष महन्थ ठाकुर द्वारा हस्ताक्षरित मनाेनयन पत्रमा पुरानाे अध्यक्षलाई विस्थापित गरि साहलाई जिम्मेवारी दिइएको उल्लेख रहेको छ । यस अघिका जिल्ला अध्यक्ष लिला साहकाे ठाउँमा उनलाई मनाेनयन गरिएको हाे ।

पुरानाे अध्यक्षकाे पालमा पार्टीकाे गतिविधि शून्य भएपछि उनलाई साे पदबाट हटाइएको स्राेतले बताएको हाे । पछिल्लो समय लाेसपाले केन्द्रदेखि जिल्ला सम्मकाे महत्त्वपूर्ण जिम्मेवारीमा पार्टीका जिम्मेवार नेताहरूलाई मनाेनयन गर्दै आएको छ ।

साेही क्रममा पनि उनलाई जिल्ला संयाेजक पदमा मनाेनय गरिएको हाे । लाेकतान्त्रिक समाजवादी पार्टी नेपालकाे जिल्ला संयाेजक पदमा चयन भएका साह जिल्लाकाे गाैर नगरपालिका वडा नम्बर १ का पूर्व वडा अध्यक्ष हुन् । उनी लाेसपा सक्रिय नेता मानिन्छन् ।

नयाँ जिल्ला संयाेजक साहकाे कार्यकाल देश,मधेस एवम् पार्टी हितमा उपलब्धिमूलक रहने पार्टीले विश्वास लिएको छ । यस अघि पनि लाेकतान्त्रिक समाजवादी पार्टी नेपालले राैतहट बाट केन्द्रीय सदस्यमा रामप्रवेश दास तत्मालाई मनाेनित गरेको थियो ।

आरके श्रीवास्तव,रौतहट,१९ गते फागुन ।
रौतहट । रौतहटको दुई पालिकामा आज नयाँ हाकिम हाजिर भएका छन् । जिल्लाको माधवनारायण नगरपालिका र राजपुर नगरपालिकामा नयाँ हाकिम हाजिर भएका हुन् ।
माधवनारायण नगरपालिकामा इन्जिनियर नागेन्द्र यादव र राजपुर नगरपालिकामा अधिकृत बैजु ठाकुर हाजिर भएका हुन् । दुवै जना क्रमशः यादव माधवनारायण नगरपालिकामा इन्जिनियरको रुपमा कार्यरत रहेका छन् भने ठाकुर साताै तहका अधिकृत हुन् ।
संघीय मामिला तथा सामान्य प्रशासन मन्त्रालयले प्रमुख प्रशासकिय अधिकृतको रुपमा खटाएपछि उनीहरुले सोमबारदेखि कार्यभार सम्हालेका छन् ।
कार्यालय प्रमुखको रूपमा हाजिर भएका दुवै निमित्त प्रमुख प्रशासकीय अधिकृतलाई जनप्रतिनिधिहरुले कार्यालयमा भव्य स्वागत गरेका छन् । दुुवै जना हाकिमलाइ टिका,माला र मधेशको शान गमछा ओढाए स्वागत गरिएको छ ।
माधवनारायणमा नगर प्रमुख बैजनाथ प्रसाद यादवले कार्यालय प्रमुख नागेन्द्र यादवलाई स्वागत गर्दै हाजिर गराएका हुन् । भने राजपुरमा नगर प्रमुख डा.राजिक आलमले कार्यालयमा हाजिर गराएका हुन् ।
दुवैजना नयाँ हाकिमलाई कार्यकाल सफलताको लागि शुभकामना व्यक्त गरिएको छ । कार्यभार सम्हालेपछि पछि दुवै जना हाकिमले नगरको हितमा काम गर्नेे प्रतिबद्धता जनाएका छन् ।

राजेश निर्माणी/फाल्गुन १९।

रौतहट —सिरहाको नवराजपुर गाउँपालिका-१ भगवतीपुरकी १७ वर्षीय किशोरी रिंकुकुमारी सदाको न्यायका लागि रौतहटमा दबाब प्रदर्शन गरिएको छ ।

अपहरण र सामूहिक बलात्कारमा परेको घटना मिलाउनका निम्ति गाउँमै भएको पञ्चायती पछि रिंकु आफ्नै घरमा गत माघ ३० गते साँझ, संकास्पद झुन्डिएको अवस्थामा फेला परेकी थिइन् । रिंकुको न्याय र दोषीमाथि कारबाहीको माग गर्दै, सोमबार दलित संघर्ष समिति रौतहटले सदरमुकाम गौरमा प्रदर्शन भएको हो ।

घटनाको बारेमा जानकारी पाउनु लगत्तै सिरहा लगायत देशैभरीका दलित अधिकारकर्मीहरुले रिंकुको सम्झनामा मैनबत्ती पनि बाल्नुको साथै घटनामा संलग्न र पञ्चायती गर्नेहरूलाई कानुनी कारबाहीको दायरामा ल्याउनुपर्ने माग राख्दै पटकपटक दबाब मुलक प्रदर्शन गर्दै आइरहेको छ ।

राज्य र राज्यको गैरजिम्मेवार रबैयाका कारण मधेशमा दलितहरु माथि अन्याय,अत्याचार,जातीय भेदभाव तथा बलात्कार जस्ता जघन्य अपराधहरु बढ्दै गइरहेको र उक्त घटनाहरुलाई गाउँमै मिलाउन पञ्चायती गर्ने प्रवृत्ति अझै अन्त्य हुन नसकेको दलित संघर्ष समिति रौतहटका अध्यक्ष सोनेलाल रामको भनाइ छ । ‘देशमा ऐन र कानुन हुदा पनि राज्य र राज्यका संयन्त्र त्यसको कार्यान्वयन मा कहिल्यै पनि गम्भीर न भएको कारण नै यस्ता जघन्य अपराधहरु लाई पञ्चायतीको माध्यमले सुल्झाउने कुप्रथा अझै जीवित रहेको उनले बताए ।’

उक्त प्रदर्शन,गौरको बिपि चौक (घणटघर) देखि सुरु भई जिल्ला प्रहरी कार्यालय तथा जिल्ला प्रसाशन कार्यालय हुदै गौर-बैरगनिया भन्सार सम्म पुगेर पुन: बिपिचौकमा आई कोण सभामा परिवर्तन भएको थियो।

प्रदर्शनको अध्यक्षता दलित संघर्ष समिति रौतहटका अध्यक्ष सोनेलाल रामले गर्नुभएको थियो भने,प्रमुख अथितिमा दलित विकास समिति मधेस प्रदेश सदस्य राजकुमार दास तत्मा,विशिष्ट अथितिमा दलित अगुवा मटुक पासवान,दलित अधिकारकर्मी पुनित राम,मुसहर संघका जिल्ला अध्यक्ष बिनोद माझि रहेका थिए। त्यसैगरी अथितिमा दलित अधिकारकर्मी सत्यनारायण राम,युवा नेता उदय नारायण राम,अवधनरायण राम,नाथुराम परियार,शिवशंकर पासवान,सुब्बा साहेब हजारी,नथुनी माझी,बिश्वनाथ राम र रामानन्द माझी लगायत जिल्ला भरिएकै सयौं दलित सामाजिक अभियन्ता तथा हजारौं दलित जन समुदायको बाक्लो उपस्थिति रहेको थियोे।

सदा गत माघ २७ गते राति शौच गर्न घरबाहिर निस्कँदा स्थानीय तीन युवकबाट सामूहिक बलात्कारमा परेकी थिइन् । घटनालाई पञ्चायती बसेर गाउँमै ढाकछोप गर्ने प्रयास गरिएको थियो ।

आरके श्रीवास्तव,राैतहट,१८ गते फागुन ।
राैतहट । आँपमा अहिले माेजर/मजुर(फूल) लाग्न थालेको छ । आँपमा पर्याप्त मजुरा लागेपछि किसानहरू हर्षित भएका छन् । लिचिमा पनि मजुरा लाग्न सुरू भएको हाे ।

आँप तथा लिचीको खेती गर्ने राैतहट लगायत तराई मधेसका किसान यति बेला आँप र लिचीमा लागेको फूलले खुसी छन् ।
फागुनको अन्तिममा अहिले चलिरहेको छ । याे मजुरा लाग्ने समय हाे । चैतको मध्यसम्म टिकाेरा(आँपकाे सुरूआति अवस्था) चिचिला देखापर्ने गर्दछ ।
आँप किसानलाई मुजुरा राम्रो लागेपछि चिचिला पनि राम्रो लाग्ने सम्भावनाले सन्तुष्ट बनाएको हो । राैतहटकाे कटहरिया नगरपालिका वडा नम्बर ८ काे पिप्रा पाेखरियामा १० कठ्ठामा आँपकाे बाेट लगाएका शम्भु यादवले राम्रो मुजुरा लागेकोले राम्रो आम्दानी हुने विश्वासमा किसानहरू रहेको बताए ।

राैतहट सहित मधेसको हरेक जिल्लामा आँप र लिचीमा निकै राम्रोसित मुजुरा लागेको छ । मुजुराको सुगन्धले मुग्ध किसानहरूचाहिँ फल लाग्ने विश्वास लिएका छन् । राैतहटको बाैधीमाई नगरपालिका २ निवासी आँप व्यवसायी मेवालाल प्रसाद पटेलले भने, ‘फूल त गज्जबै फुलेको छ अब संरक्षण गरेर पर्याप्त आम्दानी लिने विश्वास पलाएको छ ।’
आँप लिचीमा राम्ररी मञ्जरी लागेपछि मधुआ नामको किराले आक्रमण गर्ने डर हुन्छ । अहिलेसम्म मधुआ खासै नदेखिएको र होली सकिएपछि रोग र किराबाट जोगाउने औषधि छर्ने किसानको भनाइ छ ।

त्यससँगै लागेको चिचिलालाई बलियो र पोटिलो बनाउने औषधि पनि किसानहरूले छर्ने गरेको साहले बताए ।
रोग र किराबाट जोगाउने औषधि नछर्दा बाली जोगाउन नै मुस्किल हुने भएकोले किसानलाई रासायनिक औषधि छर्नु बाध्यता भएको साहले बताए । रोग र किराको आक्रमणबाट जोगाउन नसक्ने हो भने, अहिले खुसी देखिएका किसान निराश हुने र बागवानी लगाउनुको खासै औचित्य नहुने किसानकाे दाबी छ ।

लिची व्यवसायी रामईश्वर साह कानु भन्छन्-यसपालि मुजुरा राम्रै हाे तर सम्बन्धित निकायबाट चाहिने जतिकाे सरसल्लाह तथा अाैषधी उपचार नपाउँदा उत्पादनमा ह्रास आउने संभावनाले पनि हामीलाई चिन्तित बनाएको छ ।

रासायनिक विषादिले स्वास्थ्यको लागि हानि गर्ने हुँदा सम्भव भएसम्म आयुर्वेदिक औषधि छर्नुपर्ने सुझाव उपभोक्ताको छ । लिची र आँपको उत्पादन राम्रो हुँदा किसानहरूले राम्रो आम्दानी गर्ने गरेका छन् ।

 

प्रेमचन्द्र झा,राैतहट,१८ गते फागुन । 

राैतहट। फतुवा विजयपुर नगर पालिकामा भएको टिपर आतंक राेकन माग गर्दै स्थानीय समाजसेवीले जिल्ला प्रशासन कार्यालयमा आईतबार ज्ञापन पत्र बुझाएका छन ।

समाजसेवी शिवपुजन प्रसाद यादवको नेतृत्वमा आएको टोलीले स्थानीय ४ वटा क्रसरको मालसमान ढुवानी गर्ने टिपहरुका कारण स्थानीय जनताको ज्यु ज्यान जोखिममा परेको भन्देै टिपर आतंकको विकल्प खाेज्न माग गरेका छन । विगतमा टिपरबाट ज्यान जाने मानिसको स्वतन्त्रता पुर्वक बच्न पाउने अधिकार सुरक्षित पार्न भनि अनुराेध गर्दै निमित्त प्रमुख जिल्ला अधिकारी नरेश कुमार यादवलाई ज्ञापन पत्र बझाईएको हो । ज्ञापनपत्र बुझदै निमित प्रमुख जिल्ला अधिकारी यादवले समस्या सामाधानका लागि पहल गर्ने प्रतिवद्वता जनाएका छन ।

यस्ताे छ ज्ञापनपत्र  —

श्री जिल्ला प्रशासन कार्यालय रौतहट गौर का प्रमुख जिल्ला अधिकारी समक्ष बुझाईएको ज्ञापन पत्र ।

उपरोक्त सम्बन्धमा यस रौतहट जिल्लाको फतुवा विजयपुर नगरपालिका अन्तर्गत हाई न. १० मा र वार्ड न. ८ मा गरेर जम्मा ३ वटा क्रसर उद्योगहरु सन्चालन भई रहेको अवस्थामा वार्ड नं. १० मा माँ कंकाली क्रसर एण्ड सैण्ड वार्षिग उधोग र बोड न. ८ को विजयपुर गाउको दक्षिण हिमिनिवास बंकुल गौर जाने मुख्य सडकको पुर्व तर्फ महालक्ष्मी’ सैन्ड वासिंग उधोग प्रा.लि. सोही स्थानमा सडकको पश्चिम तर्फ सुमुख क्रसर एण्ड सैण्ड वासिङ उधोग प्रा.लि. सन्चालन भई रहेका छन, जुन क्रसर सन्चालन गर्न जंगल छेउको गाँउहरु रांगी, बुटवा, भैसही र हिमालीवास को नजिक हजौरी लाखौ टिपर को मात्रामा मिक्स ग्रेवल संकलन गरी स्टोक गरिराखेको बाट र लालबकैया नदिबाट उक्त तिन वटै क्रसरहरुको लागी दैनिक २०/३० वटा टिपरहरु विहान ३:३० बजे देखी विजयपुर गाँउ दक्षिण मा रहेको कसर सम्म अटुर रुपमा एउटा टिपरले दिनको लगभग १०/१२ टिप टिपरमा ओभर लोड गरी टिपर मा राखेको मिक्स ग्रेभलै लाई न छोपी खुल्ला राखी ४० कि.मी. को गति भन्दा बढि को गतिमा टिपर चलाई आज ५-६ बर्ष देखि लगातार ढुवानी को कार्य क्रसर का मालिकहरुले गर्दै आइरहेको कुरो सर्वविदितै छ ।

यस न.पा. को र्वाड न. १९ मा रहेको सहिद चौक देखी र्वाड न.८ को उक्त क्रसर सम्म को सडक भित्र पर्ने शहिद चौक गाँउ र बजार, हिमालीवास गाँउ र बजार र्वाड न. १० मा रहेको दुधिअवा गाँउ र बजार र्वाड न. ८ मा रहेको विजयपुर गाँउ र बजार क्षेत्र को विचवाट गएको मुख्य पिच सडक लाई टिपरको ओभरलोड को कारण फोड फाड तथा पिचलाई भत्काइ अधिकाश भागमा पिच सडक लाई ग्रेभल सडकमा परिणत गरिसकेको कारण टिप्पर हिडदा टिप्पर ले उडाऐको दुलो ले वाटो नै अधयारो बनाउने र दुलों को कारण अन्य सवारी साधनहरु चलाउने पैदल हिडन यात्रुहरू असहज हुने र दुर्घटना समेत हुने समभावना रहेका र दिन भरी टिप्पर ले धुलो उडाएको उडाई गरेको कारण बाटोमा पर्ने गाउँ बजारहरुको पसल घर भित्र, धुलो पसेर घर घर भित्र राखेका मालसमान ओध्यानखान पिन का समान हरुमा धुलो पसी, धुलो बसी दैनिक हाम्रो जिवन लाई अस्त व्यस्त गरी दिएको र धुलोले गर्दा सडकमा हिडन गाह्रो हुने र धुलोले गर्दा प्राय जस्तो मानिस दम र खोको को दिरामी भइरहेको र उक्त सड़क को इवानी ह दूरी भित्र निजी विद्यालय ७ वटा र सरकारी विद्यालय मा. वि. ३ वटा र प्राति वटा गरेर जम्मा १२ विधालय करिब ३४ हजार को संख्यामा बच्चाहरु पडल को लागी आउने जाने भएको मा टिप्पर को आतंक ले स्कूल पहले बच्चाहरुलाई ठुलो समस्या भई रहेकोले उक्त दुवानी कार्य कानून समत ही होईन छान विन गरी बेलुकीको ६ बजे देखी विहान को ६ बेज अवधी भित्र सडक मा दैनिक पानी पटाई धुलो न उड़ाई टिप्पर मा ओभर लोड नं गरी बजार स्कुल र गाउँ क्षेत्र भित्र १५/२० कि.मी. को गतिमा टिप्पर चल्लाई हर्न न बजाई कुवानी गर्न वा टिप्पर चलाउने आवश्यक व्यवस्था मिलाई पाउन का लागि प्रदेश सरकार ले तयार गरेको नदि जन्य पर्दाथ (सकंलन र उपभोग) कार्य विधी २०७५ को परिच्छेद ४ को दफा १२ को उपदर्फा, ५, ६, ७ र ८ को अधारमा यो ज्ञापन पत्र पेश गरेको छौं ।

श्री मान् हामी ले आज ५/६ बर्ष देखी उक्त समस्या मा परि धेरै छन्ति व्योहोरी सकेकाछौं । जस्तो १-२ बर्ष पहिला क्रोसरका टिपरबाट यसै न.पा. का वार्ड नं.११ मा यसै न.पा. वार्ड नं.२ मा वस्ते खेतु चौधरीलाई सडकमा नै च्यापी टीप्पर दुर्घटना (Sports death) मृत्यु भएको र मिति २०८१ साल फागुन ५ गते ५ बजे की समयमा क्रोसर टीप्पर ओभर लोड गरेको कारण विजयपुर बजारको मेन चौकमा टिपरको चक्का आवाज भई ढुंगा उछिटिएर ५ / ६ जना घाईते बनाई दिएको हुँदा र सडकमा हिडडुल गर्न पनि जोखिम अवस्था रहेकोमा धुलोबाट प्रदुषण भई आ आफ्नो पसल तथा घर समेतमा बस्न र आ-आफ्नो कामको लागि सडकमा निस्किन जेब्रा कर्सिङ गर्न बच्चलाई स्कुल जान र स्कुलवाट घर आउन ज्यादै सास्ति भोग्नु परीरहेकोले बाध्य भएर यो ज्ञापनपत्र मार्फत हामीले उपरोक्त उल्लेख भए अनुसार को व्यवस्था अविलम्ब २/४ दिन भित्रमा मिलाई पाउन अनुरोध गरेको छौ उक्त व्यवस्था न भएमा हामी ले बाध्य भएर टिप्पर को डुवानी सेवा बन्द गर्न सड़क जाम गर्नेछौं र सडक जाम हुदा को अवस्थामा हुने असहज वतावरण डॉ. झगड़ा तथा अन्य दाति को जिम्मेवार श्री मान् लगायत सम्बन्धित प्रहरी टक्राएका छौ ।

प्रशासन हुने समेत समयमा नै अवगत गएको व्योहोरा यसै ज्ञापनपत्र मार्फत अनुराेध छ ।

ज्ञापनकर्ता हरु

समगर साह,रामगिर साह,
रासनारायण साह,रामडगर साह, शिव पुजन प्र. यादव, प्रेम शंकर साह
,प्रभात कुमार कोइरी
सहिन्द्र साह
, नरेन्द्र साह
जवाहिर कुश्वाहा.
रामस्वगारथ महतो
,जफरुल महमद, बिरेन्द्र दास, जितु साह,राजकुमार पौडेल

बोधार्थ तथा कार्याथ

१. श्री जिल्ला प्रहरी कार्यालय रौतहट गौर

 

२. श्री ईलाका प्रहरी कार्यालय लक्ष्मिनिया विजयपुर रौतहट

३. फतुवा विजयपुर नगरपालिका नगरकार्यपालिकाको कार्यालय विजयपुर रौतहट

आरके श्रीवास्तव,रौतहट,१८ गते फागुन ।
रौतहट । रौतहटको गुजरा नगरपालिकामा करिब ८ हजार लाभग्राहीहरु सामाजिक सुरक्षा भक्ता पाउनबाट बञ्चित भएका छन् । बिगत ४ महिनादेखि उनीहरु सामाजिक सुरक्षाभक्ता पाउन सकेका छैन्न् । लाभग्राहीको खाता फ्रिज भएपछि सामाजिक सुरक्षाभक्ता वितरण हुन नसकेको बैंक स्रोतले बताएको हो ।
सो नगरपालिकाको वडा नम्बर ९ सिमराभवानीपुरमा रहेको एनआइसी एसीया बैंकको कमीकमजोरीले लाभाग्राही सामाजिक सुरक्षाभक्ता पाउनबाट बञ्चित भएका हुन् । गत पुुस महिनामा नै गुजरा नगरपालिकाले बैंककोख खातामा सामाजिक सुरक्षा वापतको रकम पठाएपनि हालसम्म पाउन सकेका छैन्न् ।
एनआइसी एसिया बैंक सिमराभवानीपुरका शाखा प्रबन्धक एमडि सदाम प्रवेजको गैर जिम्मेवारपनका कारण लाभग्राहीको खाता फ्रिज भएपछि भक्ता पाउन सकेका छैन्न् । बारम्बार शाखामा भन्दा नसुनेपछि जनप्रतिनीहरु पनि आक्रोशित बनेका छन् ।
आज गुजरा नगरपालिका वडा नम्बर १ का वडा अध्यक्ष रामजित चौधरी, वडा नम्बर २ का वडा अध्यक्ष अशोक खाँ थारु,वडा नम्बर ४ का वडा अध्यक्ष झमक प्रसाद चौलागाइ,वडा नम्बर ५ का वडा अध्यक्ष शेख जमालुदिन, वडा नम्बर ७ का वडा अध्यक्ष शेख अबदुल्का र वडा नम्बर ९ का वडा अध्यक्ष प्रेम चौधरी संयुक्त रुपमा बैंकमा पुगि छिटा भन्दा छिटो सामाजिक सुरक्षा भक्ता वितरण गर्न अल्टिमेटम दिएका छन् ।
चाँडै सामाजिक सुरक्षा भक्ता वितरण नभए बैंकमै तालाबनदी गर्ने चेतावनी समेत दिएका छन् । बैंकको अगाडी पत्रकार सम्मेलन गरि वडा अध्यक्ष रामजित चौधरीले नगरपालिकाले ठिक समयमा पैसा पठाउँछ भने बैंकले ठिक समयमा पैसा नदिनुको कारण के हो? यसमा बैंकको गल्ती छ । यस तुरुन्तै सच्चयाएर सामाजिक सुरक्षा भक्ता विरतण गरिनुु पर्दछ ।
त्यस्तै वडा नम्बर २ का वडा अध्यक्ष अशोक चौधरीले बैंकले विभिन्न बहानावाजी गरेर लाभाग्राहीलाइ दुःख दिने काम मत्रै भइरहेको छ । बैंकले नगरपालिकालाइ दोषी भन्छ । नगरपालिकाले बैंकमा पैसा पठाइसकेको भन्छ । रमजान चलिरहेको र होली नजिक आएकोले केवाइसि भइसकेकोलाइ तुरुन्त पैसा पठाउन आग्रह गरेका छन् ।
त्यसैगरी वडा नम्रब ९ का वडा अध्यक्ष प्रेम चौधरीले अन्य पालिकामा एनआइसी बैंकले सामाजिक सुरक्षाभक्ता विरतण कुनै समस्या छैन् । तर यहाँ मात्रै विभिन्न बखेडा झिकेर लाभग्राहीलाइ हैरान पार्ने काम मात्र भइरहेको छ । उनले भने तुरुन्तै सामाजिक सुरक्षा भक्ता वितरण हुनुुपर्दछ । समयमा पैसा वितरण नगरिए लाभग्राही सँगै आफूहरु पनि बैंकको विरुद्धमा आन्दोलन गर्ने चेतावनी समेत दिएका छन् ।

आरके श्रीवास्तव,गरुडा,१८ गते फागुन ।
रौतहट । मधेश प्रदेश सरकारका मुख्यमन्त्री सतिश कुमार सिंहले शनिवार राजमार्ग चन्द्रपुरमा रहेको हस्पिटलहरुमा अनुुगमन गरेपछि त्यसको अवसर ग्रामीण क्षेत्रका अवैध हस्पिटल तथा क्लिनिक सञ्चालकहरुमा पर्न थालेको छ । सिएम सिंहले अनुुगमन तिव्र बनाएपछि सञ्चालकहरु अहिले फरार हुन थालेका छन् ।

तिमी हिड्छौं डालडाल त म हिडछु पात पात भन्ने झैं अवैध हस्पिटल सञ्चालकहरुले पनि जुक्ति लगाएरका छन् । उनीहरुले सेडयूल बनाएर कार्यालय समय सकेपछि बिहान बेलुका हस्पिटल चलाउन थालेका छन् । दिउँसो पख हस्पिटल बन्द गरेर फरार रहने उनीहरु साँझपख निर्वाद रुपमा सञ्चालन गरिहरहेको देखिएका छन् ।
शनिवार अनुुगमका क्रममा मुख्यमन्त्री सिंहले चन्द्रपुरका १० अवैध अस्पताल बन्द गर्न निर्देशन सँगै जिल्लाको ग्रामीण क्षेत्रमा रहेका अबैध हस्पिटल सञ्चालकहरुमा अफरातफरी मचेको छ । कतिले दर्ता गर्न बल्ल कागजात तयार पार्न थालेका छन् । कसैले सरसल्लाहमै व्यस्त छन् ।
मधेशदुष्टिले पनि रौतहटमा पछिल्लो समय सम्बन्धित निकायको अनुमति नै नलिई अस्पताल तथा पोलिक्लिनिकहरू धमाधम सञ्चालन भइरहेको समाचार बाहिर ल्याएको थियो । च्याउ जस्तै उम्रिएका यस्ता अवैध अस्पतालहरुको अनुुगमन हुनुपर्दछ भने स्थानियहरुले माग गरेका थिए ।
मुख्यमन्त्री सिंहको अस्पताल सुधार अभियानको अहिले धेरैले खुलेरै प्रश्सां गरिरहेका छन् । यसलाइ निरन्तरता दिन पनि सुुझाव आइरहेका छन् ।

नियमनकारी निकायको मौनताका कारण जिल्लाको गरुडा,कटहरिया,परसवा,कनकपुर,बिजयपुर,शिवनगर,मौलापुर लगायतका ठाउँमा दर्जनौको संख्यामा अनुमति नै नलिई गैरकानुनी तरिकाले अस्पताल तथा क्लिनिकहरू सञ्चालनमा छन् । ती सबैलाइ अनुगमन गर्नुपर्ने अहिलेको आवश्यकता देखिएका छ ।

बज्जिकाञ्चल संवाददाता,चन्द्रपुर,१७ गते फागुन । 

मधेश प्रदेशका मुख्यमन्त्री सतिश कुमार सिंहले रौतहटको चन्द्रपुर नगरपालिकामा सञ्चालन भइरहेका १० अवैध अस्पताल तत्काल बन्द गर्न निर्देशन दिएका छन्। शनिबार अनुगमनका क्रममा उनले बिना दर्ता र मापदण्ड सञ्चालनमा रहेका अस्पतालहरू कानुनी प्रक्रिया पूरा नगरेसम्म नचलाउन आदेश दिए।

अनुगमनका क्रममा ११ अस्पतालमध्ये चन्द्रपुर हस्पिटल प्रालि मात्र दर्ता अनुसार सञ्चालनमा रहेको पाइएपछि बाँकी अस्पतालहरूलाई मापदण्ड पूरा गरेर मात्र सञ्चालन गर्न निर्देशन दिइएको हो। यस क्रममा हाईवे ट्रमा हस्पिटल, सिभिल हयुमन हस्पिटल, एपोलो हस्पिटल, चपुर सिटी हस्पिटल, हिमालयन पोलिक्लिनिक लगायतका अस्पतालहरू मापदण्ड पूरा नगरेको भेटिएको छ।

मुख्यमन्त्री सिंहले दर्ताविहीन अस्पतालहरूले बिरामी भर्ना गरेर शुल्क लिन नपाउने र अनुमति प्राप्त गरेपछि मात्र सेवा दिन सक्ने स्पष्ट पारे। साथै, कानुनी व्यवस्थाअनुसार १०% इमरजेन्सी बेड र १०% गरिब तथा लक्षित वर्गका बिरामीलाई छुट दिनुपर्ने नियम कडाइका साथ लागू गर्नुपर्ने बताए।

बज्जिकाञ्चल संवाददाता,राैतहट,१७ गते फागुन ।
राैतहट। नेकपा एमाले केन्द्रीय सदस्य तथा राैतहट जिल्ला ईन्चार्य अजय कुमार गुप्ताले वडा केन्द्रीत भेलालाई जनताकाे बिचमा लगि युवा- महिलालाई पार्टी प्रति आकर्शित गराउन जाेड दिएका छन । ३ महिने वडा केन्द्रीत भेला अन्तर गत राैतहट क्षेत्र नम्बर १ काे गाैरमा भएको अगुवा कार्यकर्ता भेलालाई प्रमुख अतिथिको रुपमा सम्बाेधन गर्दै साे कुरा बताएका हुन ।पार्टीका अगुवा कार्यकर्तालाई रियल राजनिती गर्न सुझाव दिदै टाईम पासका लागि राजनितिमा नलाग्न केन्द्रीय सदस्य गुप्ताले आग्रह गरेका छन।
राैतहटमा एमाले जतिको संगठिन पाट्री अरु कुनै नभएको दाबी गर्दै जिल्ला ईन्चार्ज समेत रहेका गुप्ताले हाम्रो यस संगठनको शक्तिलाई संमझेर अझै सश्सक्त संगठन निर्माण अभियानमा याेगदान गर्न आग्रह गर्दै निस्कृयलाई परिमार्जन गरि सकृयलाई भुमिकामा ल्याउन सुझाव दिएका छन । जिल्लाको सबै वडा ,गापार नगर वाहेक आवश्यकता परे टाेल टाेलमा भव्यताका साथ भेला गरि आम जन समुदायलाई पार्टिमा संगठित हुने अवसर प्रदान गर्न उनले सुझाव दिएका छन ।

केन्द्रीय सदस्य तथा क्षेत्र नम्बर १का ईन्चार्य रेखा कुमारी झा राष्ट्रिय अधिवेशनमा तयार रहन र वडा केन्द्रीत अभियानलाई सदस्यता विस्तारमा फाेक्स गर्न आग्रह गरेका छन । क्षेत्रिय अध्यक्ष जमिल अख्तर मन्सुरीको अध्यक्षतामा भएको साे अगुवा कार्यकर्ता भेलामा
केन्द्रीय लेखा समिति सदस्य राजकिशाेर यादव , मधेस प्रदेस कमिटी सदस्य
राम किशाेर महताे, रामपुकार दास ,श्यामसुन्दर पटेल , मिथिलेस यादव जिल्ला अध्यक्ष सचितानन्द साह , जिल्ला सचिव बाबुराम दहाल सहितका वक्ता ले वडा तहको अभियान राैतहटमा पुर्ण रुपले सफल हुने कुरामा प्रतिवद्वता व्यक्त गरेका छन ।

 

प्रेमचन्द्र झा,राैतहट,१७ गते फागुन । 

राैतहट । नेपाल निर्माण व्यवसायी महासंघका अध्यक्ष रवि सिहले निर्माण व्यवसायी मैत्री आर्थिक कानुन बनाउन सरकारको ध्यानाकर्षण गराएका छन ।
निर्माण व्यवसायी संघ राैतहटको आठाै साधारणसभा लाई प्रमुख अतिथिको आसनबाट शनिवार गाैरमा उदघाटन गदै सो कुरा बताएका हुन । आर्थिक ऐन नियमाबली निर्माण व्यवसायी मैत्री नहुदा राष्ट्रिय र अन्तर्राष्ट्रिय रुपमा आलोचित हुन परेको अध्यक्ष सिहले बताए । निर्माण व्यवसायीलाई पेसाबाट पलायन हुन बाट बचाउन हालसालै सिमेन्टको मुल्य वृधि राेकनु पर्ने , निर्माण व्यवसायी मैत्री खरिद कानुनमा सन्साेधन गर्नु पर्नेमा सरकारसंग छलफल भएको जानकारी गराउदै व्यवसायीलाई ठेक्कालाई सम्झेर मात्र कम्पटिसनमा जान सुझाव दिएका छन । निर्माण मैत्री कानुन नहुदा ठेकदार ठेकदार आफै आफैमा लडेर सखाप हुन लागेको बताए । निर्माण व्यवसायी महासंघ राैतहटका अध्यक्ष कृष्णदेव यादवकाे अध्यक्षतामा भएको साधारणसभामामधेस प्रदेस सभाका सांसद तथा निर्माण व्यवसायी संघ राैतहटका पुर्व अध्यक्ष नागेन्द्र साह, महासंघका महासचिव राेशन दाहाल , सह महासचिव शिव हरी घिमिरे ,सह कोषाध्यक्ष सन्तोष साह,उपेन्द्र चाैधरी
पालु विक्रान्त विक्रम नेपाल,राष्ट्र निर्माणमा व्यवसायी काे ठुलाे भुमिका दुखमा निर्माण व्यवसायी छ। आत्म हत्या गर्न उन्मुख पालिका स्तरमा संघ बनाउनु पर्ने ।पेटीको काम गर्नेको सम्स्या छ ।सडकमा ठेकदार पुर्‍याउने काम भएको छ । सबैलाई समान व्यवहार गर्नु पर्छ ।
मधेस प्रदेस अध्यक्ष मुना चाैधरी , जिल्ला काेषाध्यक्ष विक्रान्त विक्रम नेपाल सहितका वक्ताले सार्वजनिक खरिद ऐन एजेन्डाको रुपमा आउनु पर्ने कुरामा जोड दिएका थिए ।

आरएन पटेल,सर्लाही,१७ गते फागुन ।

सर्लाहीको मलंगवा नगरपालिकाको ३८ औं स्थापना दिवसको अवसरमा बज्जिका महोत्सव-२०८१ कार्यक्रम सम्पन्न भएको छ। जिल्लाको सदरमुकाम मलंगवाको जानकी पार्टी पैलेशको हलमा मलंगवा नगरपालिकाको आयोजकत्वमा बज्जिका महोत्सव २०८१ सम्पन्न भएको हो।

मलंगवा नगरपालिकाको नगर प्रमुख नागेन्द्र प्रसाद यादवको अध्यक्षता सम्पन्न कार्यक्रममा बज्जिका समाजका विभिन्न जिल्ला लगायत भारत बिहारका अग्रजहरुले बज्जिका भाषा प्रति आ-आफ्नो धारणा राखेका थिए। कार्यक्रम मलंगवा नगरपालिकाको आर्थिक सहयोग तथा सहयोगी संस्था बज्जिका साहित्य समाज सर्लाहीको सहयोगमा सम्पन्न भएको छ।

कार्यक्रममा बज्जिका साहित्य समाज सर्लाहीको अध्यक्ष एवं बज्जिका महोत्सव २०८१ को संयोजक रामचन्द्र महतो कुशवाहाले स्वागत मन्तव्य राखेका थिए। बज्जिका भाषाबारे विस्तृत जानकारी सहित बज्जिकाको इतिहास बारे कार्यक्रममा बज्जिका कवि शिरोमणि संजय साह मित्रले प्रकाश पार्दै आफ्ना मन्तव्य राखेका थिए।

कार्यक्रममा मित्रलाई बज्जिका रत्न उपाधिबाट विभूषित गरिएको थियो भने बज्जिकाञ्चल दैनिकका सञ्चालक राजु कुमार श्रीवास्तवलाई बज्जिका सम्मान बाट सम्मानित गरिएको थियो । त्यस्तै अतिथिहरूलाई सम्मान र मायाकाे चिन्ह पनि प्रदान गरिएको थियो । कार्यक्रममा संजय साह मित्र,किसुनदयाल यादव श्रीकृष्ण,विश्वराज अधिकारी,संजय सुदामा द्वारा लिखित बज्जिका लघुकथा पुस्तक पनि लाेकार्पण गरिएको थियो ।

कार्यक्रमलाई सम्बोधन गर्दै बज्जिका भाषी मधेश प्रदेश सरकारको पूर्व अर्थमन्त्री संजय कुमार यादवले आफु पहिलो पटक २०७४ मा प्रदेश साँसदमा निर्वाचित हुदा बज्जिका भाषामा सपथ ग्रहण गरेको प्रष्ट पार्दै हाल पनि बज्जिका भाषाको लागि संघर्षरत रही मधेश प्रदेश सरकारमा सम्पूर्ण स्थानीय मातृभाषालाई प्राथमिकतामा राखी प्रदेश भरिकै कार्यालयहरुमा कामकाजको भाषा आ आफ्नै मातृभाषा हुने गरि विधेयक पारित गराउन आफूहरु पूर्ण रुपमा प्रयासरत्त रहेको बताएका छन।

साथै बज्जिका भाषा बिकासको लागि आफु हरदम तत्पर रहेको बताउदै आ आफ्नो मातृभाषाको विकासको लागि सबै जनमानसले आ आफ्नै ठाउँबाट पहल गर्नुपर्ने आवश्यक रहेको उनले बताए ।

कार्यक्रममा विभिन्न जिल्लाका बज्जिका साहित्यकार, बज्जिका कवि, लेखक, गीतकार, गायक लगायत मलंगवा नगरपालिकाको प्रमुख प्रशासकीय अधिकृत, कर्मचारीगण, वड़ा अध्यक्षहरु, चन्द्रनगर गाउँपालिकाका अध्यक्ष राजकुमार साह, भारत बिहार वैशालीका प्रतिनिधि, विभिन्न जिल्लाका बज्जिका भाषी, बज्जिका सेवी, पत्रकार, सञ्चारकर्मी लगायत बज्जिका भाषाप्रति सदभाव राख्ने शुभचिन्तकहरुको उपस्थिति रहेको थियो ।

प्रेमचन्द्र झा,राैतहट,फाल्गुन १६ गते

राैतहट । भाैतिक पुर्वाधार तथा यातायात मन्त्रालय काठमाण्डाैको आर्थिक सहयोग तथा नेपाल निर्माण व्यवसायी महासंघद्वाराआयोजित
कन्ट्रक्सन मैनेजमेन्ट सम्बन्धि दुई दिने तालिम शुक्रबार सिया पैलेस होटेल गाैरमा सम्पन्न भएकाे छ। तालिम समापनको अवसरमा सहभागीलाई प्रमाणपत्र हस्तान्तरण गर्न आयोजित कार्यक्रममा प्रमुख अतिथिको रुपमा बाेल्दै महासंघका केन्द्रीय सह कोषाध्यक्ष सन्तोष साहले सिकेका कुरा व्यहारमा उतार्न अनुराेध गरेका थिए ।

नेपाल निर्मांण व्यवसायी संघ राैतहटका अध्यक्ष कृष्णदेव यादवकाे अध्यक्षतामा भएको कार्यक्रममा
बारा जिल्ला अध्यक्ष सुरेन्द्र जयसवाल ,
प्रदेस सदस्य विकास विक्रम नेपाल ,उपाध्यक्ष उपेन्द्र यादव ,प्रमोद कुसवाहा ,विक्रान्त नेपाल, अरविन्द जयसवाल, प्रमाेद यादव, सराेज यादव,राजेश झा ,ईन्जिनियर आशुतोष कुमार सिह,निर्मल अर्याल सहितका वक्ताले राष्ट्र निर्माण का अभिभारा बाेकेका सम्पुर्ण निर्माण व्यवसायीका हितमा यस्ता कार्यक्रम गरि राख्न सुझाव दिएका छन । तालिमका प्रशिक्षक प्राध्यापक राजेन्द्रप्रसाद अधिकारीले भेरीएसन,ठेक्का अन्त,भ्याट ,टिडिएस, बैक ग्यारेन्टी, मेजरमेन्ट, ठेक्का राखि राख्ने औचित्य लगायत विषयमा प्रशिक्षण दिएका थिए । उक्त तालिममा राैतहटका सतरी जना निर्माण व्यवसायीको सहभागीता रहेको थियो।

मुकेश कुमार साह,रौतहट,१५ गते फाल्गुण ।
रौतहटको चन्द्रपुर नगरपालिका-४ मा रहेको चन्द्रोदय बचत तथा ऋण सहकारी संस्था लि. को १७ औं स्थापना दिवस सम्पन्न भएको छ । सहकारीका अध्यक्ष बसन्त कुमार आचार्यको अध्यक्षतामा आयोजित स्थापना दिवस कार्यक्रमको उद्घाटन नेफस्कुन मधेस प्रदेशकी संचालक सदस्य शोभा राउतले गर्नुभएको थियो । कार्यक्रमलाई सम्बोधन गर्नुहुदै प्रमुख अतिथि राउतले
सहकारी संस्थाहरू समाजको आर्थिक तथा सामाजिक विकासमा महत्वपूर्ण भूमिका खेलिरहेको बताउनुभयो । चन्द्रोदय साकोसले १७ वर्षको यात्रामा बचत तथा ऋण व्यवस्थापन मात्रै नभई समुदायको सशक्तीकरण र सामाजिक उत्तरदायित्वमा पनि उल्लेखनीय योगदान पुर्‍याएको उहाँले बताउनुभयो । सहकारी अभियानलाई अझ सशक्त बनाउन आगामी दिनमा नयाँ र प्रभावकारी कार्यक्रमहरू ल्याउनेमा आफु विश्वास्त रहेको राउतको भनाई रहेको थियो । कार्यक्रममा सहकारीका अध्यक्ष आचार्यले चन्द्रोदय साकोसको १७ वर्षे यात्राबारे प्रकाश पार्दै आगामी दिनहरूमा मानव सेवा तथा सदस्यहरूको आत्मनिर्भरतातर्फ कटिबद्ध भएर अघि बढ्ने प्रतिबद्धता व्यक्त गर्नुभएको थियो । कार्यक्रममा सहभागी अतिथिहरूले सहकारी क्षेत्रको महत्व र चन्द्रोदय साकोसको योगदानको चर्चा गर्दै शुभकामना मन्तव्य व्यक्त गरेका थिए । कार्यक्रमको अवसरमा सहकारी अभियान,शिक्षा,स्वास्थ्य,खेलकुद,कोरियोग्राफी तथा अन्य क्षेत्रहरूमा योगदान दिने विभिन्न व्यक्तित्वहरूलाई सम्मान गरिएको थियो । रौतहट बचत तथा ऋण सहकारी संघका अध्यक्ष बिभु पोखरेल,चन्द्रपुर नगरपालिकाका सहकारी शाखा प्रमुख नसरे शेख आलम, श्री जनजागृति माध्यमिक बिद्यालयका प्रधानाध्यापक शत्रुधन प्रसाद साह, चन्द्रपुर अस्पताल प्रा लि का संचालक डा. सुवास चौधरी, चन्द्रपुर अस्पतालका चिकित्सक डा.रामजि राम, तेक्वान्दो खेलाडी केनिस खड्का,कोरियोग्राफर आशिष लामा, चन्द्रोदय साकोसका कर्मचारी शुभ नारायण चौधरी लगायतलाई प्रशंसा पत्र तथा सम्मान प्रदान गरिएको थियो । कार्यक्रममा रौतहट बचत तथा ऋण सहकारी संघका अध्यक्ष बिभु पोखरेल,नेफस्कुन सदस्य सेवा कार्यालय हरिवन सर्लाही उपसमिति सदस्य देव बहादुर सापकोटा,चन्द्रपुर नगरपालिका वडा नं. ५ का अध्यक्ष निलहरी कोइराला, चन्द्रपुर वडा नं. ६ का वडा अध्यक्ष सहदेब केसी,राष्ट्रिय सहकारी बैंक चन्द्रपुर शाखा प्रमुख रुपा थापा,नेपाल पत्रकार महासंघ रौतहटका अध्यक्ष संजय कार्की,बिन्दबासिनी साकोसका अध्यक्ष गोबिन्द कोइराला,सृष्टि साकोसका अध्यक्ष राम विश्वास पासवान,नव विकास साकोसका अध्यक्ष राजेन्द्र तिवारी,बागमती साकोसका अध्यक्ष समीर बाबु कार्की,संकल्प साकोसका अध्यक्ष गणेश पौडेल लगायत विभिन्न सहकारी संस्थाका अध्यक्ष तथा प्रतिनिधिहरूको सहभागिता रहेको थियो । कार्यक्रममा संस्थाका वरिष्ठ उपाध्यक्ष बासुदेव अधिकारीले स्वागत मन्तव्य दिनुभएको थियो भने संस्थाका प्रमुख व्यवस्थापक कृष्ण लाल थापाले कार्यक्रम संचालन गर्नुभएको थियो ।

रौतहट । रौतहटको मौलापुर नगरपालिका स्थित पतौराधाममा आयोजित मधानी महायज्ञको अन्तिम दिन प्राचिन खेल दंगल (कुस्ती) कार्यक्रमसंगै सम्पन्न भएको छ । दंगल कार्यक्रममा नेपाल र भारतका पुरुष र महिला चर्चित पहलवानहरुको विशेष सहभागिता रहेको छ ।

नेपालको बिभिन्न ठाउँका पहलवानहरु त्रिलोकी यादव, बाब हरिओम, नमर्ता, मोकतार अली अनुठा साह पतौराधामको दंगल कार्यक्रममा सहभागि छन् । यस्तै भारतको केरलाबाट कटपा पहलवान, हलचल पहलवान, उतराखण्डबाट मेन्टल पहलवान, अजगर पहलवान, भुकम्प पहलवान, जम्मु कश्मीरबाट जावेद अली, यामिन पहलवान सहभागि छन् ।

यसैगरी झारखण्डबाट एप्पल पहलवान, गोरखपुरबाट खुशी पहलवान, गोपलगंज बिहारबाट पायल पहलवान, हरियाणाबाट काजल पहलवान, बंगालबाट हुकुम सिंह, धमाका पहलवान, बनारसबाट प्रिन्स पहलवान सहित स्थानीय पहलवानको समेत सहभागिता रहेको छ ।

मौलापुर नगरपालिकाका उपमेयर नागेन्द्र यादवको अध्यक्षता र मेयर रिनाकुमारी साहको प्रमुख आतिथित्यमा भएको दंगल कार्यक्रम हेर्न हजारौंको सहभागिता रहेको छ ।

मौलापुर नगरपालिका पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित सुरु भएको मधानी महायज्ञ पाँच दिनसम्म बिभिन्न कार्यक्रम सहित सम्पन्न भएको छ ।

मौलापुर नगरपालिकाको आयोजना भएको मधानी महायज्ञ पाँच दिनसम्म बिभिन्न कार्यक्रम भएको थियो । ११ फागुनमा बिभिन्न विद्यालयका विद्यार्थीहरुले शिक्षा÷साक्षारत केन्द्रीत सांस्कृतिक कार्यक्रम प्रस्तुत गरेका थिए । १२ गते भगवान शिवको बरात यात्रा निष्केको थियो भने १३ गते शिवमन्दिरमा विशेष पुजा भएको थियो र शिवमण्डलीका बीचमा नै प्रतिस्पर्धा भएको थियो । यस्तै १४ गते मधानी विशेष सांस्कृतिक कार्यक्रम भएको थियो । जसपामा नेपाल र भारतका चर्चित कलाकारहरुले आफ्नो प्रस्तुती राखेका थिए । १५ गते मधानी विशेष दंगल कार्यक्रमसंगै महाधानी महोत्सव सम्पन्न भएको हो ।

मधानी महायज्ञमा नेपाल र भारतका लाखौं दर्शनार्थीहरुको सहभागिता भएको थियो । पतौराधाममा थामिनसक्नु भिड देखिन्थ्यो । यसले व्यापारका साथै नेपाल–भारतको सम्बन्ध समेत बलियो बनाउँने विश्वास मेयर साहले व्यक्त गरेकी छन् ।

‘मधानी महायज्ञमा नेपाल सहित भारतका दर्शनार्थीहरुको भिड लागेको छ । यसले दुबै देशको सम्बन्ध अझै बलियो बनाउँने विश्वास छ । मधानी महायज्ञ नेपाल–भारत सम्बन्धको सेतु बनेको छ’, मौलापुर नगरपालिकाका मेयर साहले भनिन् ।

प्रत्येक बर्ष भगवान शिव पार्वतीकोको विवाह उत्सवको रुपमा मनाईने मधानी महायज्ञले धर्म, संस्कृतिको संरक्षण समेत हुने गरेको मेयर साहले जनाएकी छन् । नेपाल र भारतका लाखौं दर्शनार्थीहरु दर्शन गर्न यहाँ आउँने भएकाले त्यसले दुई देशको सम्बन्ध अझै बलियो बनाउँने विश्वास उनले व्यक्त गरिन् ।

मधानी महायज्ञमा निष्केको भगवान शिवको बरात यात्रालाई आम जनता पार्टी (आजपा)का अध्यक्ष एवं पूर्वमन्त्री प्रभु साहले स्वागत गरेका थिए । कार्यक्रममा भोजपुरी सिने जगतका लेखक, निर्माता तथा पूर्वमन्त्री बिनय बिहारी, ‘डायरी अफ मणिपुर’ फिल्मका निर्देशक सनोज मिश्र, भोजपुरीका चर्चित गायक एवं अभिनेता रितेश पाण्डेको मधानी विशेष सांस्कृतिक कार्यक्रममा विशेष प्रस्तुती रहेको आयोजकले जनाएको छ ।

यसैगरी मधानी महोत्सवमा महाकुम्भ मेलाका भाईरल गर्ल मोनालिसा सहित भोजपुरी कलाकारहरु मिंटुवा, गायक सुनील पंडित, नेपाली गायक गौरभनारायण राई, भोजपुरीका कलाकार, प्रिया सुहानी सहित स्थानीय कलाकारको समेत विशेष प्रस्तुती रहेको थियो ।

आरके श्रीवास्तव,गरुडा,१५ गते फागुन ।
रौतहट । डिभिजन वन कार्यालय रौतहटले सूचना दिन आनाकानी गरेपछि चुरे अभियानीहरुले आक्रोशित व्यक्त गरेका छन् । उनीहरुले आज वन कार्यालय अगाडी पत्रकार सम्मेलन गरी आफूहरुले माग गरेको सूचना समयमा उपलब्ध नगराए कडा रुपमा प्रस्तुत हुने चेतावनी समेत दिएका छन् ।
सूचना माग गरेको तिन हप्ता वित्नै लाग्दा समेत उपलब्ध नगराएको उनीहरुले गुणासो गरेका छन् । जनतालाइ सहुलियत दरमा दिने भनिएको काठ वितरण भएको सम्बन्धमा नै आफूले विवरण माग गरेको चुरे तथा वन जंगल संरक्षण अभियान नेपालका अभियन्ता नन्दकिशोर रामले बताएका हुन् । काठहरु कसलाइ कुन प्रक्रियाले वितरण गरिएको यो सम्बन्धि बुुझनका लागि लागि आफूहरुले निवेदन दिएको उनको भनाइ छ ।
डिभिजन वन कार्यालय बाट उपभोक्तालाइ काठ दिन आपूर्ती नखुलाए पनि काठ गायब हुन थालेपछि दिनहुु काठ कहाँ गइरहेको छ भने जानकारी लिन लाइ निवेदन दिएको रामको भनाइ छ । समयमा सूचना उपलब्ध नगराए आफूहरुले कार्यालयको मूलगेटमा धर्नामा बस्ने चेतावनी समेत अभियानी रामले दिएका छन् ।
सूचनाको बारेमा डिभिजनल वन अधिकृतलाइ सम्पर्क गर्दा फोन नउठाइ दिने कुनै जवाफै नदिने जस्ता गतिवीधिहरु गर्न थालेपछि आफूहरुलाइ बाध्य भएर पत्रकार सम्मेलन गर्नुपरेको उनले बताए ।
व्यक्तिगत अध्यन प्रयोजनको लागि सूचना माग गरिएको छ । त्यो दिन आनाकानी गर्नु कारण केही नकेही कमजोरी त्यस भित्र रहेको उनको आरोप छ । यस विषयमा बुुझन डिभिजन वन कार्यालय रौतहटका डिभिजनल वन अधिकृत हेमन्त प्रसाद साहलाइ सम्पर्क गर्दा फोन उठाउनु भएन् ।

मुकेश कुमार साह,रौतहट १४ फाल्गुन ।

रौतहट जिल्लामा बिना अनुमति सञ्चालन भइरहेका औषधी पसलहरू विरुद्ध औषधी व्यवस्था विभाग शाखा कार्यालय वीरगंजको टोलीले कडा कारबाही थालेको छ। अनुगमनका क्रममा चन्द्रपुर क्षेत्रमा मात्र आधा दर्जनभन्दा बढी औषधी पसलमा तालाबन्दी गरिएको छ भने अनुगमन टोली आइपुग्नासाथ कैयौं व्यवसायी पसल छाडेर भागेका छन् ।
औषधी व्यवस्था विभाग शाखा कार्यालय वीरगंजका प्रमुख अरविन्द बानियाको नेतृत्वमा आएको टोलीले चपुर सिटी अस्पतालको औषधी पसल, डल्फिन फार्मेसी, आयु मेडिकल हल लगायतका पसलमा ताला लगाएको हो। बिना दर्ता सञ्चालन भइरहेका यी पसलहरूलाई पटक–पटक आग्रह गर्दा पनि कानुनी प्रक्रिया पूरा नगरेकाले बाध्य भएर कारबाही गरिएको अनुगमन टोलीले जनाएको छ।
अनुगमनका क्रममा हाईवे ट्रमा सेन्टरभित्र सञ्चालित औषधी पसलसमेत बिना दर्ता भेटिएको छ। सो पसललाई ७ दिनभित्र दर्ता गर्न चेतावनी दिइएको छ। त्यस्तै, हिमालय मेडिकल हल लगायत अन्य औषधी पसललाई पनि कानुनी कागजात नवीकरण गर्न सात दिनको समयसीमा तोकिएको छ।
सरकारको छड्के अनुगमनपछि स्थानीयबासीले अब स्वास्थ्य सुरक्षामा खेलबाड नगर्न सम्बन्धित निकायलाई चेतावनी दिएका छन्। चन्द्रपुरका समाजसेवी नविन चौरसिया भन्छन्, “अस्पतालको नाममा अवैध औषधी बेचेर जनताको स्वास्थ्य जोखिममा पार्नेहरूलाई उन्मुक्ति दिनुहुँदैन, सरकारले अझै कडा कारबाही गर्नुपर्छ।”
त्यस्तै, स्थानीय व्यवसायी डा. सुभाष चौधरी भन्छन्, “हामी कानुनी रूपमा पसल सञ्चालन गरिरहेका छौं, तर केही अवैध औषधी पसलेहरूले हाम्रो व्यवसायलाई नै बदनाम गरिरहेका छन्, यस्ता पसललाई तत्कालै बन्द गरिनुपर्छ।”
मौलापुरस्थित पटेल मेडिकल हलका सञ्चालक ओमप्रकाश पटेलविरुद्ध जिल्ला अदालत गौरमा मुद्दा दर्ता गरिएको छ। पटेलले बिना दर्ता औषधी पसल सञ्चालन गर्नुका साथै गैरकानुनी औषधी बिक्री वितरण गरेको पुष्टि भएपछि औषधी ऐन २०३५ अनुसार कारबाही अघि बढाइएको अनुगमन टोलीले जनाएको छ।
तीन दिनभित्र मात्र रौतहटका २ दर्जनभन्दा बढी औषधी पसलको अनुगमन गरिएको छ। अनुगमन टोलीले बौधीमाइ नगरपालिका, कोपवा स्थित २ वटा औषधी पसलमा सिलबन्दी गरेको छ।
औषधी व्यवस्था विभागका प्रमुख बानियाले स्वास्थ्य सुरक्षालाई गम्भीर रूपमा असर पुर्याउने अवैध औषधी पसलहरूलाई कुनै पनि हालतमा उन्मुक्ति नदिइने बताउँदै, औषधी ऐन २०३५ अनुसार कडा कारबाही गरिने स्पष्ट गरेका छन्।
मधेस प्रदेश सरकारले अवैध औषधी कारोबार नियन्त्रणका लागि थप कडा नीति लिने तयारी गरिरहेको छ भने यो अभियानलाई निरन्तरता दिइने अनुगमन टोलीले जनाएको छ।

आरके श्रीवास्तव,गरुडा, १४ गते फागुन ।
रौतहट । रौतहट जिल्लाको प्रसिद्ध शिवनगर महादेव मन्दिरमा आज महाशिवरात्रीको दिन दर्शनार्थीको अत्यधीक घुुँईचो लागेको देखिएको छ । जिल्लाको गरुडा नगरपालिका वडा नम्बर ५ मा अवस्थित भोलेबाबाको मन्दिरमा दर्शनार्थीहरुको भिड लागेको हो ।

महाशिवरात्रीको अवसर पारेर यति ठुलो संख्यामा मानिसहरुको भिडभाड देखिएको हो ।
धार्मिक तथा ऐतिहासिक स्थलको रुपमा रहेको शिवनगर महादेव मन्दिरमा थेग्न नसक्नेगरी दर्शनार्थीको घुुँईचो लागेको थियो । लाखौंको संख्यामा आएका दर्शनार्थीको सुरक्षाको मध्य नजरगरी बाक्लो संख्यामा जनपद प्रहरी,सशस्त्र प्रहरी र नगर प्रहरी खटाइएको गरुडा नगरपालिका वडा नम्बर ५ का वडा अध्यक्ष रामबिनोद जयसवालले जानकारी गराएका हुन् । सिसिटिभि केमरा बाट निगरानी गरिएको गरिएको जयसवाल बताउँछन् ।

प्रचारप्रसार विना नै यति धेरै संख्यामा मानिसहरु भिडको मुख्य कारण भगवान भोलेनाथ प्रतिको आस्था र विश्वास रहेको उनले बताएका हुन् । उनी भन्छन् परम्परादेखि नै शिवनगर महादेव मन्दिर आम नागरिकको आस्थाको केन्द्रविन्दुु रहेका छ । आस्थाले नै मान्छेको मन जित्ने भएकोले नै यति ठूलो संख्यामा दर्शनार्थीहरु यहाँ आउने गर्दछन् ।

बुधवार लागेको मेलामा कुनै किसिमको अप्रिय घटना नभएको र शान्तिपूर्ण तरिकाले मेला सम्पन्न भएको जयसवालले बताएका छन् ।
महाशिवरात्री पर्वको अवसरमा शिवनगरमा लागेको मेलामा रौतहट,सर्लाही,पर्सा,बारा सहित मधेश प्रदेश भरिका साथै सीमावर्ती भारत बाट भक्तजनहरु आएका थिए ।

शिवनगर मन्दिरमा प्रत्येक आईतवार नियमित जल चढाउन दर्शनार्थीहरु त्यहाँ पुग्ने गर्दछन् । दिउँसो सम्म महादेव मन्दिर शिवनगरमा ७० हजार भन्दा बढी भक्तजनले दर्शन गरेको ईलाका प्रहरी कार्यालय गरुडाका डिएसपी राजन कार्कीले जानकारी गराएका हुन् ।
मेला सुुरक्षार्थ जिल्लाभरबाट १ सय २० जना भन्दा नेपाल प्रहरी जनशक्ति परिचालन गरीएको उनले बताएका हुन् ।

आरके श्रीवास्तव,गरुडा, १३ गते फागुन ।
रौतहट । जिल्लामा कागजातहरु नभएको १२ वटा मोटरसाईकलहरु भन्सारमा बुझाएको प्रहरीले जनाएको छ । जिल्ला प्रहरी कार्यालय रौतहटका प्रहरी प्रवक्ता तथा सूचना अधिकारी प्रहरी नायव उपरीक्षक दिपक कुमार रायले दिएको जानकारी अनुसार २०८१ फागुन १ गते जिल्लाको कार्यालय तथा मातहतबाट खटेको प्रहरी टोलीले विभिन्न स्थानहरुमा सवारी साधनहरुलाई चेकजाँच गर्ने क्रममा कागजातहरु नभएको मोटरसाईकलहरु नियन्त्रणमा लिएको थियो ।
पक्राउ परेको सबै मोटरसाईकल भारतीय नम्बर पेलेट रहेको प्रहरीले जनाएको हो । उक्त गाडीको चालक संग सम्बन्धित गाडीको कागजात नभएपछि मोटरसाईकललाइ नियन्त्रणमा लिइ भन्सार कार्यालयमा दाखिला गराइएको प्रहरीले निकालेको प्रेस नोटमा उल्लेख रहेको छ ।
नियन्त्रणमा रहेको मोटरसाईकलहरुको अन्दाजि मुल्य रु. ९ लाख ६० हजार बराबरको रहेको समेत प्रहरीले बताएको हो । सो मोटरसाईकलहरुलाई आवश्यक कार्यावाहीका लागी जिल्लाको गौर भन्सार कार्यालयमा अहिले राखिएको प्रवक्ता तथा सूचना अधिकारी प्रहरी नायव उपरीक्षक रायले जनाएका हुन् । पछिल्लो समय रौतहट प्रहरीले भारतीय नम्बर पेलेटका गाडीहरुलाइ चेकजाँच गर्ने क्रम बढाएको हो । त्यसै क्रममा ति गाडीहरु नियन्त्रणमा लिइएको हो ।

प्रेमचन्द्र झा,राैतहट,३ गते फागुन । 

राैतहट । स्थापना काल देखि नै भाडाको घरमा रहेका राैतहटको गरुडा नगरपालिकाले यसै आर्थिक वर्षमा आफनै प्रशासकीय भवन पाउने भएको छ।
नगरप्रमुख कन्थमणी जयसवालले दिएको जानकारी अनुसार अषाढ१० गतेकाे नगर परिषढ आफनै प्रशासकीय भवनको सभा कक्षमा गर्ने तयारीका साथ भवन निर्माणकार्य भई रहेको बताए । ठुल्ला ठुल्ला दुईवटा भवन जोडिएर ३३कोठाको भुकम्प प्रतिरोधात्मक प्रविधिमा भवन निर्माण भई रहेको नगर प्रमुख जयसवालले बताए । करिब ०९ कठ्ठा जग्गामा निर्माण भई रहेको उक्त भवन राैतहटको सबै स्थानिय तहको प्रशासकिय भवन भन्दा क्षेत्र फलको हिसाबले ठुल्लो रहेको नगर प्रमुख जयसवालले बताए ।

नगर पालिका संग आफ्नो प्रशासकीय भवन नहुदा निकै कठिनाइ भोग्नु परेको र आगन्तुक तथा नगरपालिकाको सवारीसाधन सार्वजनिक सडकमा पार्किङ गर्नु परेको उनले बताए ।
तिन तल्ले सो प्रशासकिय भवनको डिजाईन रहेपनि हाल ग्राउन्ड फलोर निर्माणको ३ करोड ४३लाखमा ठेक्का भई तिब्र रुपमा निर्माण काम आगाडी बढेको प्रमुख प्रशासकीय अधिकृत मुस्ताक आलमले बताए ।श्रेष्ठ – बटुक भैरव जेभिको ठेक्कामा भई रहेको निर्माण काम गुणस्तरीय तथा निर्माण सामग्रीमा पनि कुनै कमिकमजोरी नरहेको अधिकृत आलमले बताए ।

आरके श्रीवास्तव,गरुडा,१३ गते फागुन । 

रौतहट । राष्ट्रिय प्रजातन्त्र पार्टीका केन्द्रिय सल्लाहकार समितिका सदस्य एवम् पूर्व जिल्ला अध्यक्ष जगदीशलाल श्रीवास्तवको परिवारलाइ श्रद्धाञ्जली व्यक्त गर्न राप्रपाका शिर्ष नेताहरु आज रौतहट आइपुुगेका छन् ।

राप्रपाका निवर्तमान केन्द्रिय अध्यक्ष एवम् निर्देशन समिति अध्यक्ष डा.प्रकाश चन्द लोहनी सहितका शिर्ष नेता स्वर्गीय श्रीवास्तवको घरमा पुुगी दुःखद घडीमा दिवंगत आत्माको चिर शान्तिको कामना गर्दै शोक सन्तप्त परिवारजनमा संवेदना प्रकट गरेका छन् ।

श्रद्धाञ्जली सभामा स्वर्गीय श्रीवास्तव प्रति संवेदना प्रकट गर्दै एक मिनेट मौन धारण पनि गरिएको थियो ।

श्रद्धाञ्जली सभामा डा.लोहनीले स्वर्गीय श्रीवास्तवको परिवारलाइ जे पर्छ त्यो बेला पार्टीले सहयोग गर्न कटिबद्ध रहेको जाहेर गर्नुभयो । श्रीवास्तवलाइ समझदै उनले भने उहाँ एउटा अश्चमको व्यक्तीत्व हुनुु हुन्थ्यो । वाहाँले भनेका कुराहरु गौर तरिकाले सुन्ने गरेको बताए ।

कुनै विरोधाभास नभएको वहाँ मेरो आत्मीय मित्र हुनु हुन्थ्यो । श्रीवास्तवको निधनले पार्टीलाइ अपूर्णीय क्षती भएको छ । उनले जनताको हितका लागि सधैं आवाज उठाएको बताए ।

सभामा अन्य वक्ताहरूले स्वर्गीय श्रीवास्तवले पार्टीमा गरेको याेगदानकाे चर्चा गरेका थिए ।

श्रद्धाञ्जली सभामा राप्रपाका केन्द्रिय सदस्यहरु रामप्रताप साह (भोला साह),राधेश्याम साह,जनक पाठक,बिरेन्द्र लाल कर्ण,रामनारायन साह,श्रवन झा,शंकर रिसाल लोहनी, राप्रपा मधेश प्रदेश अध्यक्ष भरत गिरी लगातयका नेताहरु सहभागी थिए ।

स्वर्गीय जगदीशलाल श्रीवास्तवको ७५ वर्षको उमेरमा २०८१ फागुन ४ गते आइतबार रौतहटको गरुडा नगरपालिका–९ रघुनाथपुर नरकटियास्थित निवासमा निधन भएको थियो । निधन लगत्तै राप्रपाका केन्द्रिय अध्यक्ष राजेन्द्र लिङ्गदेनले एक एक विज्ञप्ती मार्फत संवेदना प्रकट गरेका थिए ।

स्वर्गीय जगदीशलाल नेपाल पत्रकार महासंघ रौतहट शाखाका सहसचिव जितेन्द्रलाल श्रीवास्तवका पिता हुन् । पत्रकार श्रीवास्तवलाइ पितृशोक परे पछि नेपाल पत्रकार महासंघका केन्द्रीय महासचिव रामप्रसाद दाहालले शोक विज्ञप्ति जारी गर्दै स्वर्गीय पिताप्रति हार्दिक श्रद्धाञ्जली पनि अर्पण गरेका थिए । र दिवंगत आत्माको चिरशान्तिको कामना समेत गरेका थिए  ।

आरके श्रीवास्तव,गरुडा,१३ गते फागुन ।
रौतहट । रौतहटमा मिटर ब्याज पिडितहरुले जग्गा कब्जा गरेका छन् । जिल्लाको चन्द्रपुरमा मिटर ब्याज बाट पिडित भइ जग्गा लिलाम गराइएका दुुइ जनाको जग्गालाइ मिटर ब्याज विरुद्ध किसान मजदुर आन्दोलन भोजपुरा कमाण्ड अन्तर्गत कार्यकर्ताहरुले आज जग्गा माथि कब्जा जमाएका हुन् ।

सैयोंको सख्यामा गएका मानिसहरुले पिडित जग्गाधनीहरु क्रमशः डिल्ली कुमारी कार्की र अर्जुन प्रसाद फुुयालको जग्गालाइ कब्जा जमाउन लगाएका हुन् । कार्कीका साहु गौरका राधेश्याम साहले १ लाख रुपैयाँ दिएको र सोको ऐवजमा लाखौंको मूल्य पर्ने एक कठ्ठा जग्गा लिलाम गराएको मिटर ब्याज विरुद्ध किसान मजदुर आन्दोलन भोजपुरा कमाण्ड अन्तर्गत रौतहट अध्यक्ष शिवशंकर महतोले बताएका हुन् ।

त्यस्तै अर्का पिडित फुयालको २० लाख रुपैयाँ ऋण दिएको र सोको ऐवजमा करोडौंको मूल्य पर्ने ७ कठ्ठा जग्गा रामबाबुु साह कलवारले लिलाम गराएको महतोले बताए । ती दुवैजनाको बारेमा प्रहरी प्रशासनलाइ जानकारी गराउँदा पनि कुनै सुनवाइ नभएपछि बाध्य भएर आफूहरुलाइ जग्गा कब्जा गर्नुुपरेको बताए ।
जमीन कब्जा गर्नुु अघि उनीहरुले चन्द्रपुरमा नारावाजी गर्दै प्रर्दशन पनि गरेका थिए । प्रर्दशनका क्रममा उनीहरुले मिटर ब्याजी साहुलाइ जेल हाल ! किसानको भूमि फिर्ता गर ! तमसुक जाली खारेज गर ! अदालतको एकलौटी फैसला मान्दैनौं ! किसान मजदुर जिन्दावाद लगायतका नाराहरु लगाएका थिए ।

जग्गा कब्जा गर्ने क्रममा उनीहरुले झण्डा र बैनर पनि गाडेका हुन् । बैनरमा उनीहरुले “मिटरब्याजी साहुुले अपराधिक कृत्यद्धारा पीडितबाट हडपिएको यस जग्गा घर÷कब्जा गरि आजैको मितिदेखि पीडितको भोगचलन सुनिश्चित गरिएको छ । तत्काल यसको किनबेच तथा हकहस्तान्तरणमा रोक लगाइएको ब्यहोरा सार्वजनिक जानकारीका लागि टाँस गरि सचेत गराइएको उल्लेख रहेको छ । ”
मिटर ब्याज पिडितको सो समूहले ४० दिने जन जागरण अभियान सञ्चालन गरिरहेको अध्यक्ष महतोको भनाइ छ । जस अन्तर्गत घर जग्गा कब्जा,सामूहिक जाहेरी दर्ता,जिल्ला प्रशासन कार्यालय र आदालत घेराउ जस्ता कार्यक्रमहरु राखेको उनले जानकारी गराएका हुन् ।

आरके श्रीवास्तव,गरुडा,१३ गते फागुन ।
रौतहट । जीवन विकास लघुविक्त विक्तिय संस्था लिमिटेड जयनगर शाखाले नेपाल विश्वकर्मा लोहार संघ द्धारा स्थापित बाबा विश्कर्माजीको मन्दिरमा सामाग्री हस्तान्तरण गरेको छ । संस्थाले कुर्सी १५ थान,डष्टविन १ थान,कुच्चो ४ थान र साबुन २ थान हस्तान्तरण गरेको हो । संस्थाको संस्थागत सामाजिक उत्तरदायित्व अन्तर्गत शाखा जयनगर रौतहट मार्फत उक्त सहयोग सामाग्री हस्तान्तरण गरिएको शाखा प्रबन्धक बालकृष्ण साहले बताएका हुन् ।

नेपाल विश्वकर्मा लोहार संघका अध्यक्ष विवेक शर्माको अध्यक्षतामा तथा गरुडा वडा नम्बर ५ का वडा सदस्य एवम् कार्यवाहक वडा अध्यक्ष ध्रुुव गिरीको प्रमुख आतिथ्यतामा सो सामाग्री सहयोग हस्तान्तरण कार्यक्रम सम्पन्न भएको हो ।

रामलाल ठाकुरले सञ्चालन गरेको कार्यक्रममा स्वागत मन्तव्य शंकर ठाकुरले राख्नु भएको थियो । कार्यक्रमका प्रमुख अतिथी गिरीले सांस्कृतिक धरोहर मठ मन्दिरमा सहयोग गर्ने संस्थालाइ धन्यवाद व्यक्त गर्दै वडा बाट पनि सहयोग गर्ने भनिएको रकम छिट्टै सहयोग गराउने प्रतिबद्धता जनाए ।

त्यस्तै कार्यक्रममा सम्बोध गर्दै शाखा प्रबन्धक साहले मोरंग जिल्ला बाट सुरु भएको यो संस्थाको अधिराज्यभरी ३१ वटा जिल्लामा कार्यक्रम रहेको जानकारी गराए ।
देशभर यो संस्थाको १ सय ६० वटा शाखा रहेको उनले जनाएका हुन् । संस्थाको ९ वटा सामाजिक अभियान रहेको उनले बताएका छन् । ती अभियान अन्तर्गत नै हामीले यो सहयोग सामाग्रीहरु हस्तान्तरण गरेको बताए । यसमा सहयोग गर्ने सम्पूर्णलाइ धन्यवाद समेत ज्ञापन गरेका छन् ।
प्रबन्धक साहले सहयोग समाग्रीको उचित सदुपयोग हुने विश्वास सहित आगामी दिनहरुमा पनि यस वित्तीय संस्थाले यस्ता सहयोगहरु निरन्तर गर्ने बताए ।
कार्यक्रममा शिक्षक हरदेव ठाकुरले जीवन विकास लघुवित्त वित्तीय संस्थाले गरेको सहयोग र सामाजिक कार्यहरुको प्रसंशा गर्दै सेवाको निरन्तरता र वित्तीय संस्थाको उज्वल भविष्यको शुभकामना व्यक्त गरेका थिए ।
कार्यक्रमको अध्यक्षता गरिरहनु भएका नेपाल विश्वकर्मा लोहार संघका अध्यक्ष विवेक शर्माले यस संस्थाको कार्यालयलाइ व्यवस्थित रुपमा सञ्चालन गर्न र धर्मशालालाइ व्यवस्थित बनाउने अभियानमा आम जनसमुदायमा सहयोग गरि मन्दिरलाइ शुन्दर तथा व्यवस्थित गर्नमा सहयोगको लागि आहवान समेत गर्नुभयो ।
कार्यक्रममा गरुडा ५ का वडा सदस्य सुनरदेवी ठाकुर,रामदिनेश ठाकुर लगायत पत्रकार, स्थानिय भद्रभलादमीहरुको सहभागिता रहेको थियो ।

बज्जिकाञ्चल संवाददाता, रौतहट १३ गते फागुन २०८१ ।

रौतहटको मौलापुर नगरपालिकाको पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरमा आयोजित मधानी महायज्ञको आज विशेष पुजा सम्पन्न भएको छ । मधानी महायज्ञको आज तेस्रो दिन विशेष पुजा भएको हो ।

मौलापुर नगरपालिकाको आयोजना भईरहेको मधानी महायज्ञ पाँच दिनसम्म चल्नेछ । तेस्रो दिन बिभिन्न शिवमण्डलीका बीच नै कडा प्रतिस्पर्धा भएको छ । मधानी महोत्सव हेर्नेको भिड लागेको छ । नेपाल र भारतका दर्शनार्थीहरु पतौराधाममा मधानी महायज्ञ हेर्न आएका छन् ।

‘मधानी महायज्ञको आज तेस्रो दिन हो । विशेष पुजा गर्दै सम्पन्न भएको छ । बुधबार विशेष सांस्कृतिक कार्यक्रम र बिहिबार प्राचिन खेल दंगसंगै सम्पन्न हुन्छ । मधानी महायज्ञमा नेपाल सहित भारतका दर्शनार्थीहरुको भिड लागेको छ । यसले दुबै देशको सम्बन्ध अझै बलियो बनाउँने विश्वास छ । मधानी महायज्ञ नेपाल–भारत सम्बन्धको सेतु बनेको छ’, मौलापुर नगरपालिकाका मेयर रिनाकुमारी साहले भनिन् ।

प्रत्येक बर्ष भगवान शिव पार्वतीकोको विवाह उत्सवको रुपमा मनाईने मधानी महायज्ञले धर्म, संस्कृतिको संरक्षण समेत हुने गरेको मेयर साहले जनाएकी छन् । नेपाल र भारतका लाखौं दर्शनार्थीहरु दर्शन गर्न यहाँ आउँने भएकाले त्यसले दुई देशको सम्बन्ध अझै बलियो बनाउँने विश्वास उनले व्यक्त गरिन् ।

सोमबार भगवान शिवको बरात यात्रा निष्केको थियो । नेपालमै पहिलो पटक पतौराधाममा भगवान शिवको बरात यात्रा निष्केको छ । भगवान शिवको वरात यात्रामा हजारौंको सहभागिता रहेको थियो । बसहामा शिव सवार रहेको सो बरात यात्रामा भगवान ब्रह्मा, बिष्णुसंगै ५६ कोटदेवता सहित बोमवम कवरियाका साथै स्थानीयहरु सहभागि रहेका थिए ।

मौलापुर नगरपालिका पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित सुरु भएको मधानी महायज्ञ पाँच दिनसम्म चल्नेछ । फागुन ११ गतेदेखी सुरु भएको मधानी महायज्ञ १५ गतेसम्म चल्नेछ ।

११ फागुनमा मौलापुर नगरपालिकाका मेयर साहको अध्यक्षतामा उद्धघाटन भएको मधानी महोत्सवमा बिभिन्न विद्यालयका विद्यार्थीहरुले शिक्षा÷साक्षारत केन्द्रीत सांस्कृतिक कार्यक्रम प्रस्तुत गरेका थिए । १२ गते भगवान शिवको बरात यात्रा निष्केको थियो भने १४ गते मधानी विशेष सांस्कृतिक कार्यक्रम र १५ गते मधानी विशेष दंगल कार्यक्रम रहेको छ ।

आयोजकका अनुसार प्रत्येक बर्ष जस्तै यस बर्ष पनि मधानी महायज्ञमा नेपाल र भारतका चर्चिक कलाकारहरु आउदैछन् । हिन्दी, भोजपुरी सिने जगतका चर्चित कलाकार एवं सांसद रवि किशन, भोजपुरी सिने जगतका लेखक, निर्माता तथा विधायक बिनय बिहारी, ‘डायरी अफ मणिपुर’ फिल्मका निर्देशक सनोज मिश्र, भोजपुरीका चर्चित गायक एवं अभिनेता रितेश पाण्डेको महायज्ञमा हुने विशेष प्रस्तुती रहने आयोजकले जनाएको छ ।

यसैगरी मधानी महायज्ञमा महाकुम्भ मेलाका भाईरल गर्ल मोनालिसा सहित मिंटुवा भोजपुरीया (कलाकार), सुनील पंडित (गायक), अनु चौधरी (गायिका), सदाम हुसेन (कलाकार), रचना सिवाकोटी ( कलाकार), रुद्र नारायण तिवारी (गायक), प्रीति आर्या पासवान (कलाकार), प्रिया सुहानी (कलाकार), रोसनी राज (कलाकार), सरिता साह (कलाकार), अर्जुन बीसी (कलाकार), मनीषा राई (कलाकार) सहितका राष्ट्रिय एवं अन्तर्राष्ट्रिय कलाकारहरुको समेत सहभागिता हुदैछ ।

 

बज्जिकाञ्चल संवाददाता,राैतहट,१२ गते फागुन । 
रौतहट । नेपालमै पहिलो पटक रौतहटको मौलापुर नगरपालिका स्थित पतौराधाममा भगवान शिवपार्वतीको बरात यात्रा निष्केको छ । आज (सोमबार) गाउँगाउँबाट लाखौंको सहभागितामा शिवपार्वतीको बरात यात्रालाई स्थानीयले फुलको बर्षासहित स्वागत गरेका छन् ।

बसहामा शिव सवार रहेको सो बरात यात्रामा भगवान ब्रह्मा, बिष्णुसंगै ५६ कोटदेवता सहित बोमवम कवरियाका साथै स्थानीयहरु सहभागि रहेका छन् । तीन वटा खुला रथमा दुल्हाझै सजिएर भगाव शिव आफ्नो बराती लिएर पार्वतीको घरमा जादै गर्दा सहभागिहरुले शिवको जयजयकार गर्दै अगाडी बढीरहेका थिए ।

भगवान शिवको बरात यात्रा निष्केपछि गाउँगाउँमा फुलको बर्षाले स्थानीयले स्वागत गरिरहेको दृष्य देखिन्छ । भगवान शिवको जन्तीलाई स्वागत सहित विधिवत रुपमा विवाहका कार्यक्रम स्थानीय रितिरिवाज अनुसार अगाडी बढेको थियो ।

गाउँगाउँबाट शिवलिला सहितको झाकी समेत शिवको बरात यात्रामा सहभागि रहेको छ । शिवको बरात यात्रामा मधेस प्रदेश सरकारको उद्योग, वाणिज्य तथा पर्यटन मन्त्री सकिल अलि मियाँ, भारतको बिहार राज्यका पुर्वमन्त्री बिनय बिहारी सहितका बिभिन्न पार्टीका नेताहरुको समेत सहभागिता रहेको छ ।

‘नेपालमै पहिलो पटक यहाँ शिवपार्वतीको वरात यात्रा निकालिएको हो । बरातमा भगवान ब्रह्मा, बिष्णुसंगै ५६ कोटदेवता सहित बोमवम कवरियाका साथै स्थानीयको सहभागि छ । बसहामा शिव बस्नुभएको छ । उहाँ जन्ती लिएर माता पार्वती घर पुगेपछि विधिवत रुपमा स्थानीय प्ररम्परा अनुसार विवाह हुन्छ’, मौलापुर नगरपालिकाका मेयर रिना कुमारी साहले भनिन्, ‘त्यसपछि वरातीहरुले प्रसाद ग्रहण गर्ने, खाना खाने लगायतका कार्यक्रम हुनेगरेको छ ।’

पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरमा आयोजना हुने मधानी महोत्सवको दोस्रो दिन भगवान शिवको वरात यात्रा निकाल्ने कार्यक्रम अनुसार बरात यात्रा निकालिएको हो । मौलापुर नगरपालिकाको आयोजनामा शिवरात्रीको समयमा मधानी महायज्ञ हुदैआएको छ । ११ फागुनबाट सुरु भएको मधानी महायज्ञ १५ फागुनसम्म बिभिन्न कार्यक्रम सहित हुने गरेको छ ।

मौलापुर नगरपालिका पतौराधाम स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित सुरु भएको मधानी महायज्ञ पाँच दिनसम्म चल्नेछ ।

प्रत्येक बर्ष भगवान शिव पार्वतीकोको विवाह उत्सवको रुपमा मनाईने मधानी महायज्ञले धर्म, संस्कृतिको संरक्षण समेत हुने गरेको मेयर साहले जनाएकी छन् । नेपाल र भारतका लाखौं दर्शनार्थीहरु दर्शन गर्न यहाँ आउँने भएकाले त्यसले दुई देशको सम्बन्ध अझै बलियो बनाउँने विश्वास उनले व्यक्त गरिन् ।

‘भगवान शिव र पार्वतीको विवाह उत्सवको रुपमा मनाईने मधानी महायज्ञमा नेपाल र भारतका लाखौं दर्शनार्थीहरुको भिड हुने गर्छ । साधुसन्त, कलाकार सहित प्राचिक दंगल कार्यक्रममा लाखौंको सहभागिता हुनेगरेको छ’, साहले भनिन्, ‘यसले नेपाल भारतको सम्बन्ध अझै बलियो बनाउँछ । दुई देशका साथै नागरिक स्तरमा समेत सम्बन्ध बलियो बनाउँदै धर्मसंस्कृतिको जर्गेना समेत हुन्छ । व्यापार, व्यवसाय समेत यसले बढाउछ ।’

नेपाल र भारतको सम्बन्ध जोडने मधानी महोसत्वमा सबैको चासो रहेको बताउदै उनले यसलाई व्यवस्थित रुपमा अगाडी बढाउँनुपर्ने बताईन् । नेपाल र भारतका भक्तजनहरुको साझा स्थल रहेको मधानी महायज्ञ अन्तर्राष्ट्रिय रुपमा अगाडी बढीरहेको छ ।

११ फागुनमा मौलापुर नगरपालिकाका मेयर साहको अध्यक्षतामा उद्धघाटन भएको मधानी महोत्सवमा बिभिन्न विद्यालयका विद्यार्थीहरुले शिक्षा÷साक्षारत केन्द्रीत सांस्कृतिक कार्यक्रम प्रस्तुत गरेका छन् ।

मौलापुर नगरपालिका पतौरा स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित मधानी महायज्ञ भईरहेको बताउदै मेयर साहले यसलाई ढिलाई नगरी विश्वसम्पदा सूचीमा सूचीकृत गर्नुपर्ने माग सरकारसंग गरिन् ।

मधानी महायज्ञ प्राचिन यज्ञ भएको र यहाँ ब्राह्मण बिना नै मन्त्रको जप हुने गरेको छ । ११ फागुनदेखी सुरु भएको मधानी महोत्सव १२ फागुनमा शिव वारात यात्रा, १३ गते मधानी विशेष पुजा समारोह, १४ गते मधानी विशेष सांस्कृतिक समारोह र १५ गते मधानी विशेष दंगल कार्यक्रम रहेको छ ।

आयोजकका अनुसार प्रत्येक बर्ष जस्तै यस बर्ष पनि मधानी महायज्ञमा नेपाल र भारतका चर्चिक कलाकारहरु आउदैछन् । हिन्दी, भोजपुरी सिने जगतका चर्चित कलाकार एवं सांसद रवि किशन, भोजपुरी सिने जगतका लेखक, निर्माता तथा विधायक बिनय बिहारी, ‘डायरी अफ मणिपुर’ फिल्मका निर्देशक सनोज मिश्र, भोजपुरीका चर्चित गायक एवं अभिनेता रितेश पाण्डेको महायज्ञमा हुने विशेष प्रस्तुती रहने आयोजकले जनाएको छ ।

यसैगरी मधानी महायज्ञमा महाकुम्भ मेलाका भाईरल गर्ल मोनालिसा सहित मिंटुवा भोजपुरीया (कलाकार), सुनील पंडित (गायक), अनु चौधरी (गायिका), सदाम हुसेन (कलाकार), रचना सिवाकोटी ( कलाकार), रुद्र नारायण तिवारी (गायक), प्रीति आर्या पासवान (कलाकार), प्रिया सुहानी (कलाकार), रोसनी राज (कलाकार), सरिता साह (कलाकार), अर्जुन बीसी (कलाकार), मनीषा राई (कलाकार) सहितका राष्ट्रिय एवं अन्तर्राष्ट्रिय कलाकारहरुको समेत सहभागिता हुदैछ ।

आरके श्रीवास्तव,राैतहट,११ गते फागुन ।
स्तरवृद्विकाे बाटाे खुलाईदिन मधेस प्रदेश सरकारका शिक्षा तथा संस्कृति मन्त्री रानी शर्मा तिवारीलाई स्वास्थ्यकर्मीकाे एक टाेलीले ध्यानाकर्षणपत्र बुझाएको छ । स्वास्थ्यकर्मी हरूकाे संघर्ष समिति राैतहटका जिल्ला सचिव कौस्तुभमणि साह र कोषाध्यक्ष सन्जीव साहको नेतृत्वकाे टाेलीले आज माैलापुरमा मधानी महाेत्सवलाई समुदघाटन गर्न पुगेकी मन्त्री तिवारीलाई उनीहरूले साे ध्यानाकर्षणपत्र बुझाएका हुन् ।

स्वास्थ्यकर्मीले आफ्नो जायज मागलाई सम्बाेधन गर्न बारम्बार ध्यानाकर्षण गराइहेका छन् ।
यसअघिपनि मधेस प्रदेशका सभामुख रामचन्द्र मण्डललाई पनि ध्यानाकर्षणपत्र बुझाएको थियोे । ध्यानाकर्षणपत्रमा मधेस सरकार द्वारा २०८१ भदौ ०७ गते राजपत्रमा प्रकाशित गरेको स्थानीय सेवा गठन तथा सञ्चालन ऐनले कर्मचारी समायोजन ऐन २०७५ बमोजिम स्थानीयतहमा समायोजन भएको स्वास्थ्य कर्मचारीलाई स्तरवृद्धि हुन बाधा पुर्याएकाे भन्दै यसलाई सच्याउन आग्रह गरिएको छ ।
यस अघि उनीहरूले मधेश सरकारको स्थानिय सेवा ऐन सच्चयाउन रौतहटमा स्वास्थ्यकर्मीहरुको संघर्ष समिति गठन गरेका थिए । स्थानिय सेवा ऐन २०८१ जारी गरेपछि प्रदेश भरीमा लगभग १५ सय भन्दा बढी कर्मचारीको वृत्ति विकास रोकिएको हाे ।
ध्यानाकर्षणपत्र बुझाउने क्रममा दिनेश प्रसाद यादव,सुरेश यादव,बजरंगी जयसवाल लगायतका स्वास्थ्यकर्मीहरू सामिल थिए ।

आरके श्रीवास्तव,गरुडा,१२ गते फागुन ।
रौतहट । बलात्कारको घटना ढाकछोप गर्ने प्रयास पछि आत्महत्या गरेकी रिंकु सदा मृत्यु प्रकरणमा न्यायको माग गर्दै आज रौतहटमा प्रर्दशन गरिएको छ । दलित संघर्ष समिति रौतहटको आयोजनामा आज सदरमुकाम गौरमा नरावाजी गर्दै प्रर्दशन गरिएको छ ।

दलित समुदायको अगुवाहरु सहभागी सो प्रर्दशनको क्रममा गौर नगरपरिक्रमा गरिएको दलित अगुवा पुनित रामले जानकारी गराएका हुन् । प्रर्दशनको क्रममा उनीहरुले रिंकु सदालाइ न्याय देउ,दोषीलाइ कार्यवाही गर,गृहमन्त्री राजिनामा दे,मधेश सरकार मुर्दावाद लगायतका नाराहरु लगाएका थिए ।
प्रर्दशन पश्चात् संघर्ष समितिका अध्यक्ष सोनेलाल रामको नेतृत्वमा गएको दलित अगुवाहरुको टोली जिल्ला प्रशासन कार्यालय रौतहटमा ज्ञापनपत्र समेत बुुझाएका छन् । रौतहटका सहायक प्रमुख जिल्ला अधिकारी नरेश यादवलाई सो ज्ञापनपत्र बुुझाएका हुन् ।

सो अवसरमा समाजवादी दलित संघ नेपाल रौतहटको अध्यक्ष उदय नारायण राम लगायत जिल्ला भरिकै दर्जनौं दलित सामाजिक अभियन्ताहरुको सहभागिता रहेको थियोे ।
स्मरणियहोस् गत माघ ३० गते रिंकु सदा आफ्नै घरमा झुण्डिएको अवस्थामा फेला परेकी थिइन् ।

प्रेमचन्द्र झा,राैतहट,फाल्गुन १२ गते । 

राैतहट । गुजरा नगरपालिका ५ ईस्लामपुर स्थित रहमान प्राथमिक विधालयको स्थापना काल २०६५ साल देखि हाल सम्म व्यवस्थापन समितिका अध्यक्ष बाबु र प्रधानाध्यापक छाेरा रहेका कारण अभिभावक विच विवाद भएका छन । व्यवस्थापन समितिका अध्यक्ष माेजिवुर रहमान र प्रधानाध्यापक करारका शिक्षक अफराेज आलमले अभिभावकको कुरालाई वेवास्ता गरी मनपरी निर्णय गर्न खाेजेपछि आईतबार विवाद भएको वडा अध्यक्ष शेख जमालुदिनले विधालय परिषरमा सोमबार पत्रकार सम्मेलन गरी आरोप लगाएका छन ।

विधालय व्यवस्थापन समितिका पुर्व अध्यक्ष रहमान र प्रधानाध्यापक आलम बाउ छोरा हुन । विगत १५ वर्ष देखि दुवै जना विधालयका स्रोत साधन उपर मनपरी गरि रहेको वडा जमालुदिनले आरोप लगाए । स्थानीय जनताले दुबै जनाको क्रियाकलाबाट निकै दुखि रहेको बताउदै वडा अध्यक्ष जमालुदिनले यस वडाका रहमान प्राथमिक विधालयलाई परिवारिक विधालय बनाएको समेत बताए। वालविकास देखि कक्षा ५ सम्म पढाई हुने यस विधालयमा ५ जना शिक्षक कर्मचारीमा प्रधानाध्यापक सहित ४ जना अध्यक्ष रहमान कै घरको छोरी बुहारी रहेको र विधालयमा ८०/८५ जना विधार्थी आएपनि ३ सय ६० जना विधार्थीको नाममा छात्रवृत्ति , पाठ्यपुस्तक र दिवा खाजा वापत नगरपालिकाबाट सुविधा लिई व्यापक भ्रष्टाचार गरेको वडा अध्यक्ष जमालुदिनले बताए ।

साे विधालयमा भ्रष्टाचार गराउन नगर शिक्षा संयोजक शिव मंगल साहको समेत मिलोमतो रहेको पत्रकार सम्मेलनमा उपस्थित स्थानीय अभिभावकले पनि आरोप लगाएका छन । सो आरोप बारे शिक्षा संयोजक साहसंग सम्पर्क गर्दा उनले नगरमा ३२ वटा विधालय रहेका छन । एकलै विधार्थी गन्न साध्य नरहेको जहा सम्म पाठ्यपुस्तक, छात्रवृत्ति र दिवा खाजा सहितका सुविधा रकम ईएम आई एसमा नाम ईनट्ररी तथा प्रधानाध्यापकले माग गरेको आधारमा नियमानुसार आफुले भुक्तानीका लागि सिफारिस गरेको वताए । प्रधानाध्यापक आलमले आफु उपर वडा अध्यक्ष जमालुदिनले लगाएको आरोपमा कुनै सत्यता नरेको दाबी गर्दै २०६५ सालमा स्थापना भएको रहमान प्राथमिक विधालय व्यवस्थापन समितिको अध्यक्ष बुबा नै रहनु भएको स्विकार गरे । साथै आईतवार विधालयमा भएको दुई पक्ष विचको झडपमा आफु सहित केही अभिभावक घाइते भएकाे स्विकार गरे । प्रधानाध्यापक आलमको प्रादेशिक अस्पताल गाैर र केही अभिभावककाे चन्द्रनिगाहपुर अस्पतालमा उपचार भई रहेका छन ।
सबैको स्वास्थ्य अवस्था समान्य भई रहेका छन ।
यसै विच गुजरा नगर प्रमुख सन्तलाल चाैधरीले साेमबार आफ्ना कार्यकक्षमा पत्रकारसंग कुरा गर्दै विधालयमा देखिएका समस्या प्रति गम्भीर ध्यानाकर्षण भएको बताए । शिक्षा संयोजक साहको कमिकमजोरीले रहमान प्राथमिक विधालय लामो समय देखि विवाद रहेको वताए ।फाैजदारी मुद्वा लागेर लागातार तिन महिना विधालयमा अनुपस्थित रहेका प्रधानाध्यापक आलमको तलब कट्टा गर्न आफुले लिखित रुपमा निर्देशन दिदा समेत शिक्षा संयोजक साहले अटेरी गरेकाे नगर प्रमुख चाैधरीले बताए।
नेपाली काग्रेस राैतहटका सह सचिव तथा स्थानीय शिक्षा प्रेमी फिरोज आलमले शिक्षा संयोजक साह र प्रधानाध्यापक आलमलाई कार्यवाही नगरे सम्म रहमान प्राथमिक विधालयको पठन पाठनमा सुधार नआउने बताए।

चन्दन यादव,राैतहट,१० गते फागुन ।

राैतहटकाे गरूडामा ‘बेमौसमी तरकारी खेती’ सम्बन्धी एक दिने तालिम सम्पन्न गरिएको छ । डिप्राेक्स लघुवित वित्तीय संस्था लिमिटेड शाखा कार्यालय गरूडामा आबद्ध सदस्यलाई
उक्त तालिम सञ्चालन गरिएको हो ।
संस्थामा जुटेका सदस्यहरुको क्षमता विकास तथा व्यवसाय प्रबर्द्धन सम्बन्धि आम्दानीमा बृद्धि गर्ने अभिप्रायले उक्त तालिम दिइएको डिप्राेक्स लघुवित गरूडाका शाखा प्रबन्धक दिनेश्वर साहले बताएका हुन् ।

महिलाहरुलाइ आत्मनिर्भर बनाउन र तालिम सिकेपछि जिविकाेपार्जन गर्न सहयोग पुगाेस् भन्ने उदेश्यले बेमौसमी तरकारी खेती तालिम दिइएको आयाेजकले बताएको हाे ।
डिप्राेक्स लघुवितमा आबद्ध ४५ महिला सदस्यलाई लक्ष्यित गरि सञ्चालन गरिएको तालिममा कृषि ज्ञान केन्द्र रौतहटका नि.प्रमुख सुरेन्द्र प्रसाद कुर्मीले तालिममा सहजीकरण गर्नु भएको थियोे ।

तालिमकाे प्रारम्भमा आयाेजन गरिएको उदघाटन सत्रकाे प्रमुख अतिथिकाे रूपमा गरूडा वडा नम्बर ३ का वडा अध्यक्ष अम्बिका सहनी रहनु भएको थियोे । भने विशिष्ट अतिथिकाे रूपमा संस्थाका मधेश प्रदेश कार्यालय प्रमुख जमिरी राय यादव रहनु भएको थियो ।

डिप्राेक्स लघुवित गरूडा शाखाका प्रबन्धक साहले आफूहरूले लगानी त गर्ने गरेकाछाैं । तर सिपकाे अभावमा उचित सदुपयाेग भईरहेकाे थिएन् । सीप सिकेर संस्थामा आबद्ध सदस्यले यसकाे फाईदा उठाउनेमा आफू विश्वस्त रहेकाे बताए । तालिमकाे माध्यमले सिकेका कुराहरू लाई व्यवहारमा उतारेर आयआर्जन बढाउने मद्दत पुग्ने छ ।

तालिमको अवसरमा संस्थामा आवद्ध सदस्य महिलाहरुको अलावा डिप्रोक्स लघुवित गरूडा शाखाका कर्मचारीहरुको सहभागिता रहेको थियो ।

बज्जिकाञ्चल संवाददाता,राैतहट,०७ गते फागुन । 

रौतहट । रौतहटको मौलापुर नगरपालिका पतौरामा गुप्तकालिन ऐतिहासिक अर्को मन्दिर फेला परेको छ । पतौरामा यस अघि नै कर्नाटककालको शिवमन्दिरको अवशेषहरु फेला परेको थियो । जहाँ अहिले प्रत्येक बर्ष महाशिवरात्रीमा मेला लाग्ने गरेको छ ।

मौलापुर नगरपालिकाका मेयर रिनाकुमारी साहले फेरी अर्को गुप्तकालिन मन्दिर फेला परेको जनाएकी छन् । पुरातात्विक विभागको उत्खनन पश्चात गुप्तकालिन मन्दिर फेला परेको पुरातात्विक विज्ञले जनाएका छन् ।

‘पुजा भईरहेको ठाउँमा भेटिएको मन्दिर कर्नाटककालको हो । उत्खननको क्रममा भेटिएको अर्को मन्दिर गुप्तकालको हो । पुरातात्विक विभागले उत्खनन कहिले गर्ने र छोड्ने कामले कतिपय बस्तुहरु नष्ट भईरहेका छन्’, मेयर साहले भनिन्, ‘उत्खनन गरी परिक्षणका लागि लागि चार बर्ष अघि यहाँबाट लगिएको बस्तुहरु पुरातात्विक विभागले अझै सार्वजनिक गरेको छैन्, कतिपय बस्तुहरु त नष्ट हुनसक्ने भएकाले त्यसलाई परिक्षण पश्चात सार्वजनिक गर्नुपर्ने हाम्रो माग हो । सरकारले पनि यसको संरक्षण र प्रवद्र्धनमा ध्यान दिन आवश्यक छ ।’

पतौरामा पुरातात्विक विभागले उत्खनन जारी नै राखेको छ । तर मनलागेको बेलामा उत्खनन गर्ने र छोड्ने कामले कतिपय बस्तुहरु नष्ट हुन सक्ने भएकाले त्यसलाई निरन्तरता दिनुपर्ने माग मेयर साहको रहेको छ ।

मौलापुर नगरपालिका पतौरा स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित नगरपालिकाले प्रत्येक बर्ष मधानी महायज्ञ गर्दै आएको छ । यस बर्ष समेत नगरपालिकाको आयोजनामा मधानी महायज्ञ आउँदो ११ फागुनदेखी सुरु हुदैछ ।

मधानी महायज्ञ प्राचिन यज्ञ भएको र यहाँ ब्राह्मण बिना नै मन्त्रको जप हुने गरेको छ । ११ फागुनमा उदघाटन समारोह, १२ फागुनमा शिव वारात यात्रा, १३ गते मधानी विशेष पुजा समारोह, १४ गते मधानी विशेष सांस्कृतिक समारोह र १५ गते मधानी विशेष दंगल कार्यक्रम रहेको छ ।

‘हामीले सक्दो प्रयास जारी राखेका छौं । यहाँको पर्यटन प्रबद्र्धनमा काम भईरहेको छ । बिश्वसम्पदा सूचीमा सूचीकृत गर्नका लागि हाम्रो बलबुता लगाईरहेका छौं । तर केन्द्रले ध्यान नदिएपछि ओझेलमा परेको छ’, मेयर साहले भनिन् । उनले सरकारसंग यहाँको पर्यटन प्रवद्र्धनका साथै संरक्षणको क्षेत्रमा पहल गर्दै यसलाई विश्वसम्पदा सूचीमा सूचीकृत गर्नका लागि माग समेत गरिन् ।

अहिले जतिपनि उत्खनन भईरहेका छन् त्यस मध्ये पतौराको सबैभन्दा पुरानो भएको बताउदै उनले गुप्तकालिन ति सम्पदाको संरक्षण, प्रवद्र्धन गर्ने जिम्मेवारी सरकारको भएको बताईन् ।

बज्जिकाञ्चल संवाददाता,राैतहट, ०७ गते फागुन । 

रौतहट । परोहा नगरपालिका वडा नम्बर ९ रामपुरखापमा छोटी भन्सार नाका खाेल्न माग गर्दै बुधवार देखि स्थानीयले आमरण अनसन सुरु गरेका छन् ।

नेपाल भारत सीमावर्ती क्षेत्र भन्दा ५० मिटर नेपाली सिमा क्षेत्रमा टेण्ट खडा गरेर तीन जना स्थानीय नागरिकले आज विहान १० बजे देखि आमरण अनसन सुरु गरेका हुन् ।

सीमानाकाबाट चार पाँग्रे सवारीसाधन ओहरदोहर गर्नुपर्ने र छोटी भन्सार कार्यालय स्थापना हुनुपर्ने माग राख्दै स्थानीय साहेब साह, जगतलाल यादव र मोहम्मद तजमुल हकले आमरण अनसन बसेका छन ।

आमरण अनसनमा बसेका तीनै जनालाई स्थानीय सयौं बासिन्दाहरुले साथ दिइरहेको छ । उनीहरुको एउटै माग रहेका छन् विगतका दिनमा रौतहटमा दुई वटा मात्रै नाका थिए, एउटा गौर अर्को रामपुर खाप तर यहाँका भन्सार कार्यालयलाई नियतबस उठाएर लमतरी सार्दै यहाँबाट मित्रराष्ट्र तर्फ जाने बाटोमा चारपाँग्रे सवारीसाधनलाई पूर्ण रुपमा रोक लगाउदा बाध्य भएर कठोर कदम उठाउनु परेको आमरण अनुसनमा बसेका जगतलाल यादवले बताए ।

भारत नेपाल बीच सदियौं देखि चल्दै आएको बेटी रोटीको सम्बन्धलाई प्रभावित पार्न कार्य कसैबाट सह्य नहुने चेतावनी दिदै “बेटी रोटीको सम्बन्ध तोड्न पाइदैन, छाटी भन्सार कार्यालय चालु गर” भन्ने नारा सहित आमरण अनसनमा उनीहरु बसेको हुन।

स्थानीय प्रशासनले जनताकाे मागलाई न्यायोचित रुपमा सम्बोधन नगरी नाकाबाट तस्करी गराएर लाखौंको महिनावारी खान पल्किएका कारण यस भेगका जनताहरु अनाहकमा दुख भोग्दै आएको अनसनकारीहरुले गम्भीर आरोप समेत लगाएका छन ।

भारत संग जोडिएका रौतहटको इशनाथ नगरपालिका वडा नम्वर १, २ र ४ तथा परोहा नगरपालिकाको वडा नम्वर ९ सहितका सीमानाकाहरुबाट निर्वाध रुपमा गईरहेका चार पाँङ्गे सवारीसाधनलाई आवत–जावतमा रोक लगाएपछि त्यस भेगका बासिन्दाहरुलाई विभिन्न काम पर्दा भारत तर्फ जान र आउन निकै लामो बाटो गौर भएर जानुपर्ने बाध्यतालाई पटक पटक जिल्ला प्रशासन कार्यालय सहित विभिन्न निकायलाई गुहार्दा समेत कुनै वास्ता नगरिएपछि गत पुस ७ गते प्रमुख जिल्ला अधिकारी र भन्सार कार्यालयमा ज्ञापन पत्र बुझाएपछि चाँडै समस्या समाधान गर्ने आश्वासन दिदा समेत कारवाही नहुँदा बाध्य भएर आमरण अनुसन सुरु गरिएको उनीहरुले बताएः ।

अव हामी यही सिमामा मर्न तयार छौं, कि बाटो सुचारु गर कि हामी यही प्राण त्याग गर्ने छौं, भन्दै नेपाल सरकार माथि तिव्र रुपमा आक्रोश उनीहरुले व्यक्त गरे ।

सीमानाका भएर चार पाँग्रे सवारी साधन निर्वाध रुपमा जानुपर्ने माग राख्दै थालिएको आमरण अनसनलाई नेपाली काँग्रेसको नेतृ अंजु झा, जनमत पार्टीका जिल्ला इन्चार्ज शेख जमशेद, नेकपा एसका शेख अब्दुल्लाह लगायतका नेताहरुले एक्युबद्धता प्रकट गर्दै आमरण अनसनमा केही बेर बसेका थिए ।

आरके श्रीवास्तव,राैतहट,०७ गते फागुन ।
मधेस प्रदेशका सभामुख रामचन्द्र मण्डललाई स्वास्थ्यकर्मी हरूकाे संघर्ष समितिले आज ध्यानाकर्षणपत्र बुझाएको छ । मधेस सरकार द्वारा २०८१ भदौ ०७ गते राजपत्रमा प्रकाशित गरेको स्थानीय सेवा गठन तथा सञ्चालन ऐनले कर्मचारी समायोजन ऐन २०७५ बमोजिम स्थानीयतहमा समायोजन भएको स्वास्थ्य कर्मचारीलाई स्तरवृद्धि हुन बाधा पुर्याएकाे भन्दै यसलाई सच्याउन ध्यानाकर्षण पत्र बुझाएको हाे ।

जिल्ला सदरमुकाम गाैरमा आयाेजित महिला साईकल दाैड प्रतियोगितामा सहभागी हुन आउनु भएका सभामुख मण्डललाई स्वास्थ्यकर्मीहरूले साे पत्र बुझाएका हुन् ।
यस अघि उनीहरूले मधेश सरकारको स्थानिय सेवा ऐन सच्चयाउन रौतहटमा स्वास्थ्यकर्मीहरुको संघर्ष समिति गठन गरेका थिए । स्थानिय सेवा ऐन २०८१ जारी गरेपछि प्रदेश भरीमा लगभग १५ सय भन्दा बढी कर्मचारीको वृत्ति विकास रोकिएको हाे ।

ध्यानाकर्षणपत्र बुझाउने क्रममा संघर्ष समितिका संयाेजक काशी साह,सह संयोजक अनिता यादव,कोषाध्यक्ष संजीव कुमार साह, सदस्यहरु पवन कुमार पटेल,राजेश कुमार साह लगायतका स्वास्थ्यकर्मीहरू सामिल थिए ।

आरके श्रीवास्तव,रौतहट,०७ गते फागुन ।
रौतहट । जिल्लाको कटहरियामा डिप्रोक्स लघुवित विक्तिय संस्था लिमिटेडले आज एक दिने व्यवसायिक तरकारी खेती तालिम सम्पन्न गरेको छ ।

डिप्रोक्स लघुवित कटहरिया शाखाले संस्थामा आबद्ध सदस्यहरुका लागि १ दिने व्यवसायिक तरकारी खेती तालिम श्री जनता मावि कटहरियामा सम्पन्न गरेको हो ।
कटहरिया वडा नम्बर ४ का वडा अध्यक्ष चन्दन कुशवाहाको प्रमुख आतिथ्यतामा भएको सो तालिमको उदघाटन सत्रको सभापतीत्व मिन्टुकुमारी कुशवाहाले गरेकी थिइन् ।

संस्थामा आबद्ध रहेका सदस्यहरुलाई व्यवसायिक कृषि पेशातर्फ उत्प्रेरित गरी सदस्यहरुको आम्दानीमा बृद्धि गर्ने अभिप्रायले उक्त क्षमता अभिबृद्धि सम्बन्धी तालिम संचालन गरिएको संस्थाका मधेश प्रदेश कार्यालय प्रमुख जमिरी राय यादवले बताए ।

संस्थाको कटहरिया शाखा अन्र्तगत इनरवा,मर्यादपुर,कोइरीटोल,कर्कच,जमुनिया सहित आबद्ध करिब ५४ जना समुह सदस्यहरुको सहभागिता रहेको डिप्रोक्स लघुवित विक्तिय संस्था कटहरियाका शाखा प्रबन्धक बैजु दासले जानकारी गराउनुु भएको हो ।

उक्त तालिममा बेमौसमी तरकारी खेतीको बारेमा कृषि ज्ञान केन्द्र रौतहटका प्रमुख सुरेन्द्र प्रसाद कुर्मी र बालि विकास अधिकृत दिपक सुवेदीले प्रशिक्षण दिनुभएको थियो ।

कार्यक्रममा मधेश प्रादेशिक कार्यालयका प्रमुख यादवले सहभागीहरुलाई तालिममा सिकेका कुराहरुलाई व्यवहारीक रुपमा आफ्नो कृषि पेशामा लागु गर्न सुझाव दिनुका साथै भविष्यमा समेत संस्थामा आवद्ध सदस्यहरुको आयआर्जनमा टेवा पु¥याउने यस्ता खाले कार्यक्रमहरु संचालनमा ल्याउने समेत जानकारी दिए ।
तालिमको उदघाटन सत्रलाइ सम्बोधन गर्दै प्रमुख अतिथी कुशवाहाले आफनो घरको आर्थिक अवस्था मजबुत पार्न यस लघुविक्तमा आबद्ध हुनुभएका सदस्यहरुलाइ उच्च सम्मान प्रकट गर्दै सराहना गरेका थिए । आधुनिक खेतीतर्फ लाग्न सहभागीरुलाइ आग्रह गरेका थिए ।

त्यस्तै श्री जनता मावि कटहरियाका प्रधानाध्यापक सचिन्द्र प्रसाद यादवले महिलाहरुको आर्थिक निर्भरता बढाउनुपर्नेमा जोड दिएका थिए । संस्थामा आबद्ध भएपछि यसबाट पाएको ऋणले तरकारी खेतीमा लगानी गरी महिलाहरुलाइ आत्मनिर्भर बनाउने डिप्रोक्स लघुवितलाइ धन्यवाद ज्ञापन गरेका थिए ।
लघुवित बैंकले बचत गर्ने बानीको विकास गरेको जुन सराहनीय रहेको उनको भनाइ थियो । उनले भने–महिलाहरुलाइ यस संस्थाम आबद्ध भइ विक्तिय जानकारी पनि प्राप्त गर्ने अवसर प्रदान गरेको छ । र महिलाहरुमा नेतृत्व क्षमताको विकासमा टेवा पुुर्याएको बताए ।

तालिमाको अवसरमा संस्थामा आवद्ध सदस्य महिलाहरुको अलावा डिप्रोक्स लघुवित कटहरिया शाखाका कर्मचारीहरुको सहभागिता रहेको थियो । साे अवसरमा प्रमुख अतिथि कुशवाहा र अतिथि यादवलाई मायाकाे चिन्हाे पनि प्रदान गरिएको थियो ।

आरके श्रीवास्तव,राैतहट,०७ गते फागुन । 

रौतहट । कम भोल्टेजको समस्या भोगिरहेका कटहरिया वडा नम्बर १ काे परसबनी र प्रगतीनगर टाेलबासीलाई नयाँ ट्रान्सफर्मर जडानले निकै खुशी दिएको छ । गर्मीकाे समयमा निकै समस्या हुने गरेको अवस्थामा ट्रान्सफर्मर जडान भएपछि स्थानीयबासी निकै हर्षित भएका हुन् ।

रौतहटको कटहरिया नगरपालिका १ का वडा अध्यक्ष भूपेन्द्र महताेको निरन्तर पहलमा स्थानीयबासीलाई खुशी प्राप्त भएको हो ।

साे टाेलकाबासी लामो समयदेखि कम भोल्टेजको समस्याबाट पीडित थिए । अत्यधिक कम भोल्टेजको कारण पंखा घुमेको जस्तो मात्र गर्ने, कुनै विद्युतीय काम गर्न ज्यादै कठिन हुने, बारम्बार लाइन जाने र लाइन ट्रिप हुने समस्याबाट स्थानीयबासी लामो समयदेखि पीडित थिए ।

वडा अध्यक्ष महताेले नेपाल विद्युत प्राधिकरण चन्द्रपुर वितरण केन्द्रमा धाएर स्थानीयबासीको समस्या समाधान गराउन सफल भएका हुन् । सो वडाका वडाबासी लामो समयदेखि कम भोल्टेजको समस्याबाट पीडित रहदै आएका थिए ।

अत्यधिक कम भोल्टेजको कारण पंखा घुमेको जस्तो मात्र गर्ने, कुनै विद्युतीय काम गर्न ज्यादै कठिन हुने, बारम्बार लाइन जाने र लाइन ट्रिप हुने समस्याबाट स्थानीयबासी लामो समयदेखि पीडित थिए । अब उपरान्त उक्त समस्याबाट छुटकारा पाउने भएका छन् ।

नयाँ ट्रान्सफर्मर जडान भएपछि स्थानीय भन्छन् -पंखा चलाउन, बारीमा मोटर चलाएर पानी पटाउन तथा अन्य काम गर्नका लागि सजिलो भएको छ ।

ट्रान्सफर्मर जडान पछि वडा अध्यक्ष महताे भन्छन्, ‘वडाबासीलाई आफू सधैं आफनाे तर्फबाट हुन सक्ने सक्दाे सहयाेग गर्नेछु ।  १०० केभिएकाे ट्रान्सफर्मर जडान भएपछि केही हदसम्म भाेल्टेज समस्या हटेको छ । आफनाे वडाकाे विधुत समस्या समाधान तर्फ पहल गर्नेछु । ‘

नूर आलम बादशाह,बारा, फाल्गुन  ०६ गते
बाराको पचरौता नगरपालिकामा दुई दिने निजी तथा सार्वजनिक वन समूहहरुलाई जग्गा बिकास तथा ब्यवस्थापन र कृषि वन सम्बन्धी तालिम सम्पन्न भएको छ। हिजो (आईतबार) बाट नगरपालिकाको सभाहलमा सुरु भएको तालिम आज (सोमबार) सम्पन्न भएको हो।

तालिममा नगरपालिका भित्रका भिखना हरियाली वन समूह, राम जानकी हरियाली वन समूह , राजदेवी हरियाली वन समूह, सीतलामाई हरियाली वनसमूह लगायतका सहभागी सदस्यहरुलाई वनका किसिम, वन कार्यालयको काम कर्तव्य, वन जंगलबाट फाइदा, निजी वन दर्ता सम्बन्धी प्रशिक्षण दिइएको थियो।

यस्तै, सार्वजनिक जग्गाको पहिचान, जग्गा बिकास तथा ब्यवस्थापन, सस्तो, दिगो र योजनाबद्ध बिकासको लागि मार्ग दर्शन, जग्गा बिकासको इतिहास सम्बन्धि बिषयहरुमा प्रशिक्षण दीइएको प्रशिक्षक पूर्व वन अधिकृत राम प्रसाद साहले जानकारी दिए।

नगरपालिकाका निमित्त प्रमुख प्रशासकीय अधिकृत गौरी साहको अध्यक्षतामा सुरु भएको कार्यक्रमको डिभिजन वन कार्यालय बाराका कर्मचारी हरी शंकर साहले संचालन गरेका थिए।

काठमाडौं । आम जनता पार्टी (आजपा)का अध्यक्ष एवं पूर्वमन्त्री प्रभु साहले वर्तमान सरकारले पतौरा स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरमा आयोजना हुने मधानी महोत्सवमा ध्यान नदिएको गुनासो गरेका छन् ।

प्रतिनिधि सभाको आज (मंगलबार) बसेको बैठकमा बोल्दै आजपा अध्यक्ष साहले रौतहटको मौलापुरको पतौरा स्थित प्रत्येक बर्ष भगवान शिव पार्वतीकोको विवाह उत्सवको रुपमा मनाईने मधानी महायज्ञमा यस अघि सरकारले ध्यान दिएको तर अहिलको सरकार ध्यान नदिएको बताए ।

‘भगवान शिव र पार्वतीको विवाह उत्सवको रुपमा मनाईने मधानी महायज्ञमा नेपाल र भारतका लाखौं दर्शनार्थीहरुको भिड हुने गर्छ । साधुसन्त, कलाकार सहित प्राचिक दंगल कार्यक्रममा लाखौंको सहभागिता हुनेगरेको छ’, साहले भने, ‘विगतका सरकारले त्यहाँ आफ्नो उपस्थिति देखाउँथ्यो । सडक मर्मत गथ्र्यो । खानेपानीको व्यवस्था गथ्र्यो, टेलिकमको उपस्थिति हुन्थ्यो, स्वास्थ्यको रेखदेख हुन्थ्यो । तर यसपालि सरकारको कुनै प्रकारको उपस्थिति देखिएन, सरकारको चासो देखिएन् ।’

नेपाल र भारतको सम्बन्ध जोडने मधानी महोसत्वमा सरकारले चासो नदिएको भन्दै स्थानीयले गुनासो गरिरहेको उनले बताए । नेपाल र भारतका भक्तजनहरुको साझा स्थल रहेको मधानी महायज्ञमा सरकारले किन चासो दिएन भन्ने स्थानीय प्रश्न उठाईरहेको उनले बताए । मधानी महोत्सवमा शान्ति सुरक्षाको प्रवन्ध सहित सरकारले आफ्नो भूमिका देखाओस् भन्दै साहले सरकारको ध्यानाकर्षण गराएका छन् ।

‘पुरातात्वि महादेव मन्दिर नेपालमै पर्छ, सभामुख महोदय । यदी नेपालमै पर्छ भने नेपाल सरकारको पनि दायित्वमा पर्नुपर्ने हो । किनकी पुरातात्विक सम्पदा केन्द्र सरकारकै मातहतमा रहेको छ । अझै त्यहाँको उत्खनन पुरा भएको छैन्, अधुरै उत्खनन छोडेर सरकार भाग्न मिल्दैन’, साहले भने, ‘उत्खननको पोजिसन के छ ? सरकारले सार्वजनिक गर्नुपर्छ । किनकि ति उत्खननका सम्पदाहरु नष्ट भईरहेका छन् ।’

अहिले जतिपनि उत्खनन भईरहेका छन् त्यस मध्ये पतौराको सबैभन्दा पुरानो भएको बताउदै उनले गुप्तकालिन ति सम्पदाको संरक्षण, प्रवद्र्धन गर्ने जिम्मेवारी सरकारको भएको बताए । तर सरकारले हेलचेक्रयाई गरिरहेकोमा उनले दुख व्यक्त गरे ।

रौतहटको मौलापुर नगरपालिका पतौरा स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित हुन लागेको मधानी महायज्ञ आउँदो ११ फागुनदेखी सुरु हुदैछ ।

मधानी महायज्ञ प्राचिन यज्ञ भएको र यहाँ ब्राह्मण बिना नै मन्त्रको जप हुने गरेको छ । ११ फागुनमा उदघाटन समारोह, १२ फागुनमा शिव वारात यात्रा, १३ गते मधानी विशेष पुजा समारोह, १४ गते मधानी विशेष सांस्कृतिक समारोह र १५ गते मधानी विशेष दंगल कार्यक्रम रहेको छ ।

 

राैतहट,०६ गते फागन ।

राैतहट । नेपाल पत्रकार महासंघ रौतहट शाखाका सहसचिव जितेन्द्रलाल श्रीवास्तवलाई पितृशोक परेको छ ।

उनका पिता जगदीशलाल श्रीवास्तवको ७५ वर्षको उमेरमा २०८१ फागुन ४ गते आइतबार रौतहटको गरुडा नगरपालिका–९ रघुनाथपुर नरकटियास्थित निवासमा निधन भएको हो ।

समयबद्ध साप्ताहिक/समयबद्ध डटकम दिवंगत र बजिकान्चल मिडिया प्रा.लि.ले जगदीशलाल प्रति हार्दिक श्रद्धाञ्जली अर्पण गरेकाे छ । साथै शोकमा रहेको परिवारप्रति समवेदना व्यक्त गरेकाे हाे ।

साथै नेपाल पत्रकार महासंघ केन्द्रीय महासचिव रामप्रसाद दाहालले शोक विज्ञप्ति जारी गर्दै स्वर्गीय पिताप्रति हार्दिक श्रद्धाञ्जली अर्पण गरेकाे  छ । र दिवंगत आत्माको चिरशान्तिको कामना समेत गरेको छ ।

आरके श्रीवास्तव,राैतहट,०६ गते फागुन । 

जनताकाे स्वाभिमान र मतदाता भावना लाई बेचेर पाेलेर आफना स्वार्थका झुण्ड पूरा गर्ने नेताहरूकाे धेरै लामो सिकार भयाे राैतहट,अब बन्नु हुन्न त्याे संदेश आएकाे प्रेस चाैतारी नेपालका केन्द्रीय अध्यक्ष गणेह बस्नेतले बताउनु भएको छ । जिल्लाकाे चन्द्रपुरमा आज प्रेस चाैतारी राैतहट शाखाकाे प्रमुख अतिथिकाे आसनबाट बाेल्दै उनले यस्ताे बताउनु भएको हाे ।

उनले भने-राैतहट यस्तो भूमि हाे । जहाँ बेईमानहरूले ईमान्दारहरू माथि सधैंभरि गद्दारी गरेर शासन गर्ने ठाउँ हाे । बेईमानहरू ईमानदारहरू लाई ठगेर अगाडि जाने बाटाे, बेईमानहरूले ईमानदारहरूलाई सधैं पछि पार्ने कुरालाई राेकेर ईमानदारहरू अगाडि बढ्नुपर्छ भन्ने आँट राैतहटकाे प्रेस चाैतारीले गर्नुपर्छ भन्ने धारणा राख्नु भएको हाे ।

स्वभिमानकाे अगाडि रहेकाे राैतहट अब गद्दारहरूकाे सिकार बन्नु हुन्न भन्ने उनकाे भनाइ थियो । समाजवादी प्रेस संगठनका केन्द्रीय सचिवालय सदस्य प्रेमचन्द्र झा प्रेस चौतारी नेपालमा प्रवेश गरेकाेमा बधाई तथा शुभकामना दिदै बस्नेतले राम्रो मान्छेलाई छानीछानी प्रेस चाैतारीमा ल्याउनुपर्नेमा जाेड दिनु भयाे । साथै कार्यक्रमकाे प्रमुख अतिथि समेत रहन भएका बस्नेतले झालाई फूल माला र टीका लगाएर चाैतारीमा स्वागत गरेका थिए ।

एक अर्काे प्रसंगमा उनले २०६२/६३ काे जनआन्दोलनमा जसरी नेपाली पत्रकारले राजनीतिक दल भन्दा अगाडि बढेर राजतन्त्र फाल्नुपर्छ भन्ने शंखघाेष गरेकाे थियोे । त्याे आन्दोलनकाे नेतृत्व गरेकाे थियो । त्यही स्वभिमानका साथ,त्यही आँटका साथ,त्यहि हिम्मतका साथ हामीले आफनाे अधिकार स्थापित गर्न अब साच्चिकै समृद्ध नेपाल निर्माणका लागि संचारक्षेत्रले निर्वाह गर्न सक्छ भन्ने आफूलाई लागेकाे बताएका छन् ।

आरके श्रीवास्तव,राैतहट,०६ गते फागुन ।

राैतहटकाे चन्द्रनिगापुरस्थित होटल हिमालयनमा प्रेस चौतारी नेपाल रौतहट शाखाको ८ औं जिल्ला अधिवेशनबाट अध्यक्ष पदमा अशाेक पहाडीलाई चयन गरेको हाे । अधिवेशनबाट उपाध्यक्षमा कृष्णा तिवारी,महिला उपाध्यक्षमा मन्जु मान्नधर,काेषाध्यक्षमा अशाेक यादवलाई चयन गरिएको हाे ।

त्यस्तै सचिवमा दाेस्राे पटक मुकेश कुमार साहलाई नै निरन्तरता दिइएको हाे । सह सचिवमा राकेश यादव र सह सचिव समावेशीमा दिपेन्द्र रजकलाई चयन गरिएको हाे ।

अधिवेशनमा चौतारीका केन्द्रीय अध्यक्ष बस्नेतसँगै नेकपा एमालेका केन्द्रीय सदस्य तथा जिल्ला इन्चार्ज अजयकुमार गुप्ता, केन्द्रीय सदस्य उद्धव रेग्मी, समाजवादी प्रेस संगठनका पूर्वकेन्द्रीय अध्यक्ष विश्वमणि सुवेदी,संगठनका पूर्व महासचिव रामकुमार ऐलन लगायतको उपस्थिति रहेको थियो ।

अधिवेशनमा  एमालेका जिल्ला अध्यक्ष सच्चिदानन्द साह, उपाध्यक्ष बाबुराम दाहाल,जिल्ला सचिव रुपेश पटेल, एमाले चन्द्रपुरका अध्यक्ष शिव आचार्य, भूमि आयोग रौतहटका अध्यक्ष अखिलेशवर चौधरी, नेपाल पत्रकार महासंघका जिल्ला अध्यक्ष सञ्जय कार्की, पत्रकारहरू केसी लामिछाने, शिव पुरी, रवीन्द्र साह लगायतले आ-आफनाे शुभकामना मन्तव्य राखेका थिए ।

 

आरके श्रीवास्तव,राैतहट,०६ गते फागुन ।
राैतहटकाे ग्रामीण भेगमा माेटरसाईकिल आतंक बढेकाे छ । आज यसकै नमूनाकाे झझल्को दिनेगरी एउटा घटना घटेको छ । जिल्लाकाे वृन्दावन नगरपालिका वडा नम्बर ८ बहुअरीमा चारजना सवार माेटरसाईकलकाे ठक्कर बाट एकजना गम्भीर घाईते भएका छन् ।

दुईवटा अलगअलग माेटरसाईकिलमा गरि आठजना सवार भई ध्वनि आतंक मचाइरहेका थिए । बहुअरी स्थित दलित टाेलमा ती दुईवटा माेटरसाईकिलमा सवार भएकाहरूले माेटरसाईकलकाे अस्वभाविक आवाज निकालि तीन पटक ओहोरदोहोर गरेका थिए ।
ओहोरदोहोर गर्ने क्रममा मंगलबार बेलुकी ६ बजेर ५० मिनेटमा दुई माेटरसाईकिल मध्ये ना ५६ प ९८२५ नम्बर प्लेट भएकाे हाेण्डा साईन माेटरसाईकलकाे ठक्करबाट आफनै घरअगाडी उभिएर रहेका स्थानीय महिन्द्र हजराकाे छाेरा ओमप्रकाश हजरा गम्भीर घाईते भएका छन् ।

उनको उपचार गरूडा स्थित एक निजि अस्पतालमा भईरहेकाे पारिवारिक स्राेतले जानकारी गराएको हाे । साे माेटरसाईकिलमा सवार ४ जना मध्ये चालक सचिन साह,अनिल साह,मुना यादव,रोहित कुमार यादव रहेको प्रत्यक्षदर्शी वृन्दावन नगरपालिकाका कार्यपालिका सदस्य राजेश पासवानले जानकारी गराएका हुन् ।

माेटरसाईकल छाेडी चारैजना फरार भएका छन् । स्थानीयहरूले बाईकलाई आफनाे नियन्त्रणमा लिई प्रहरी चाैकी बिर्ताकाे जिम्मा लगाएका छन् । अर्काे बाईक एसपि साइनमा सवार चारजना रत्नेश यादव, निराेज यादव,चन्दन पाल,रन्जेश यादव बाईक सहित फरार भएको उनको भनाइ छ । दुवै गाडिमा सवारहरूले हुटिङ्गहरू गर्दै र सिटि बजाउँदै माेटरसाईकिल चलाईरहेका थिए । यसरी माेटरसाईकल आतंक मच्चाउनेहरूमाथि हदैसम्मकाे कार्यवाही गर्न स्थानीयहरूले प्रहरी प्रशासन सँग माग गरेका छन् ।

चन्दन यादव, रौतहट, ०५ गते फागुन ।
रौतहटको जिल्ला अदालतबाट सजाय पाएपछि फरार प्रतिवादीहरुलाई प्रहरीले पक्राउ गरेका छन् । २०८१ फागुन ३ गते शनिवारका दिन जिल्लाको सम्मानित जिल्ला अदालतबाट सजाय पाएपछि फरार रहेका थिए ।
उक्त फरार प्रतिवादीहरुलाई कार्यालय तथा मातहतबाट खटिएको प्रहरी टोलीले खोज तलास तथा पक्राउ गरी आवश्यक कारवाहीका लागी जिल्ला अदालतमा पठाइएको प्रहरीले जनाएको हो । पक्राउ पर्ने प्रतिवादीहरुमा जम्मा १३ जना रहेका छन् ।
उक्त प्रतिवादीहरु लालउती महतो उनले अपराध गाली बेईज्जती, शान्ती देवी अपराध अदालतको अवहेलना जरिवाना रु.५० रहेको प्रहरीले बताएका हुन । त्यस्तै जगरनाथ मुखिया अपराध लेनदेन जरिवाना रु.५०, सन्तलाल मुखिया अपराध लेनदेन जरिवाना रु.५० रहेको प्रहरीले जानकारी गराएको हो ।
त्यसैगरी अर्काे अपराधी अनिल मिश्र रहेको छ, उसले लेनदेन अपराध गरेको हो, तथा जरिवाना रु.५० रहेको प्रहरीले निकालेको विज्ञप्तीमा उल्लेख रहेको छ । त्यस्तै अर्काे अपराधी शकुन्ती देवी अपराध गाली बेईज्जती जरिवाना रु.२५, रामचन्द्र हजरा दुसाद अपराध जालसाजी रु.२५, हिमा कुमारी यादव अपराध नाता कायम जरिवाना शुल्क रु.५० रहेको प्रहरीले जनाएको हो ।

त्यसैगरी अर्काे अपराधी गर्भलाल प्रघा अपराध नाता कायम जस्को जरिवाना शुल्क रु.१५० रहेको हो । तथा सिया देवी यादव अपराध किर्ते जालसाजी जरिवाना रु.२० रहेको हो । अर्काे अपराधीहरु रूना कुमारी महतो, मन्जु देवी सहनी यि दुबै जनाको अपराध शिर्षक सम्बन्ध बिच्छेद जस्मा एक जनाको जरिवाना रु.५० र अर्को एक जनाको रु.१० रहेको प्रहरीले बताएको हो ।

अन्तिम अपराधी दिला देव रहेकी छिन उहाँले कुटपिट जस्ता अपराध गरेकी हुन उहांको जरिवाना शुल्क रु. ७५ रहेको प्रहरी नायव उपरीक्षक र प्रवक्ता तथा सूचना अधिकारी दिपक कुमार रायले जनाएको हो ।

प्रेमचन्द्र झा,राैतहट,फाल्गुन ०४ गते

राैतहट । कृषि क्वरेन्टाईनकाे अभावमा गाैर भन्सारबाट समान भित्रयाउन व्यापारीलाई असहज हुने गरेका छन।यस भन्सार कार्यालयका कर्मचारीलाई सधै भरी काम दिनका लागि पनि कृषि क्वरेन्टाईन आवश्यक रहेको गाैर भन्सार प्रमुख अमरेन्द्र सिहले बताए । पछिल्लो छ महिनामा काेयला तथा टायल्स मार्बल सहितको अन्य निर्माण सामग्रीकाे आयात भई रहेकाले लक्ष्य भन्दा बढी नै राज्शव संकलन भएको प्रमुख सिहले बताए । गाैरमा भन्सार कार्यालय २०३३ सालमा स्थापना भएको हो । गाैरको तुलनामा २०३७ सालमा स्थापना भएको मलंगवा भन्सार कार्यालयमा कृषि कवरेन्टाईन छ तर गाैरमा यसको आवश्यकता हुदा हुदै पनि किन नभई रहेकोमा राैतहट ऊधोग वाणिज्य संघका अध्यक्ष पण्डित प्रसाद जयसवालले आश्चर्य प्रकट गरेका छन । । आफुहरु यसका लागि सर्व दलिय सर्वपक्षीय भेला गरेर सम्बन्धित निकायसंग माग गरेपनि हाल सम्म सुनुवाई नभएकोमा अध्यक्ष जयसवालले दुख व्यक्त गरे । क्वरेन्टाईनका लागि आवश्यक पर्ने भाैतिक संरचना लगायत हरेक सहयोग गर्न तयार रहेको उनले बताए । बिरगंज र मलंगवा भन्सारको तुलनामा भारतको सितामढी ,मुजफ्फरपुर,मोतिहारी,सिमान, चकिया, बेतियाबाट समान ल्याउन गाैर भन्सार नाका छोटो तथा कम भिडभाडको बाटो भएर छिटो छरितो ढंगले समान आयात गर्न सकिने गाैर भन्सारका ईजाजत प्राप्त एजेन्ट काैशल साह कानुले बताए । कृषि कवरेन्टाईनको अभावमा हामी पनि बेरोजगार भएको उनले बताए । काम बढाउन र राजश्व बढाउन

आलु ,प्याज ,धान ,चमाल,मकै,दाल,फास्ट फुड र पलानट संग रिलेटेड आईट आयात हुन नसकेको ऐजेन्ट साहले बताए ।
कृषि मन्त्रालयमा पटक पटक आग्रह गर्दा कुनै सुनुवाई नभएको कारण कवरेन्टाईन स्थापना हुन नसकेको हो ।

क्वरेन्टाईनकालाई आवश्यक सबै संरचना पुगेका छन । यसैगरी गौर भन्सार कार्यालयले आर्थिक वर्ष २०८१/८२ को पहिलो ६ महिनामा लक्ष्यको ८५ प्रतिशत राजस्व सङ्कलन गर्न सफल भएको छ । कार्यालयले साउनदेखि पुससम्म १४ करोड ६७ लाख ५५ हजार राजस्व सङ्कलन गर्न सफल भएको गौर भन्सार कार्यालयका प्रमुख सिंहले जानकारी दिएका हुन् ।

भन्सार विभागले आव २०८१/८२ का लागि ३५ करोड ४३ लाख ७८ हजार राजस्व सङ्कलनको लक्ष्य दिएकामा पुस मसान्तसम्ममा १४ करोड ६७ लाख ५५ हजार सङ्कलन गरेको उनले बताए । यो साउनदेखि पुससम्मको लक्ष्यको ८५ प्रतिशत राजस्व सङ्कलन भएको प्रमुख सिंहले जानकारी दिए ।भन्सार प्रमुख सिंहका अनुसार, यो छ महिनामा सबैभन्दा बढी पुसमा तीन करोड ४७ लाख १४ हजार सङ्कलन भएको छ । यो महिना लक्ष्य भन्दा १७ प्रतिशत बढी रकम राजस्व सङ्कलन भयो । यस वर्ष गौर भन्सार कार्यालयले विभागले दिएको लक्ष्य भेट्टाउने किसिमले काम गरिरहेका छन ।

बज्जिकाञ्चल संवाददाता,राैतहट,०४ गते फागुन । 
रौतहट । राजपुर नगरपालिकाकाे सराेकारवालाहरुसंग लैंङ्गिक हिंसा न्यूनीकरण सम्बन्धी अभिमुखिकरण कार्यक्रम सम्पन्न भएको छ।
नेपाल इस्लामिक रिलिफ, इस्लामिक रिलिफ क्यानडा, र आरडीसी नेपालको संयुक्त सहकार्यमा लैंङ्गिक हिंसा न्यूनीकरण परियोजनासम्बन्धी विशेष कार्यक्रम सम्पन्न भएको छ। कार्यक्रम रौतहट जिल्लाको सदरमुकाम गौर स्थित होटल सिया प्यालेसको सभा हलमा आयोजना गरिएको थियो।
उक्त कार्यक्रममा राजपुर नगरपालिकाका उप–प्रमुख सहित योजना शाखा, स्वास्थ्य शाखा, शिक्षा शाखाका प्रतिनिधिहरू, पत्रकारहरू तथा अन्य सरोकारवालाहरूको उल्लेखनीय उपस्थिति रहेको थियो। लैंङ्गिक हिंसा न्यूनीकरणका लागि प्रभावकारी रणनीति तयार पार्ने उद्देश्यले आयोजना गरिएको यो कार्यक्रममा नगरपालिकाका ३५ जना जनप्रतिनिधि तथा कर्मचारी सहभागी भएका थिए।

लैंङ्गिक हिंसा हाल नेपालमा गम्भीर सामाजिक समस्या बनेको छ। यस समस्याको न्यूनीकरणका लागि स्थानीय तहमा विभिन्न पहलहरू आवश्यक रहेकाे परियाेजना अधिकृत धर्मेन्द्र कुमार साहले बताउनु भयाे । यही सन्दर्भमा, इस्लामिक रिलिफ, इस्लामिक रिलिफ क्यानडा, र आरडीसी नेपालले संयुक्त रूपमा परियोजना सञ्चालन गर्ने निर्णय गरेका थिए।
कार्यक्रमको मुख्य उद्देश्य समुदायमा लैंङ्गिक हिंसाबारे जनचेतना फैलाउने, हिंसाका घटनाहरू न्यूनीकरण गर्न नगरपालिकाको भूमिका बढाउने, र पीडितहरूलाई आवश्यक सेवा तथा सहयोग उपलब्ध गराउने विषयमा छलफल गरिएकाे थियो।
आरडीसी नेपालका अध्यक्ष पारस हुसेनले कार्यक्रममा बोल्दै लैंङ्गिक हिंसा न्यूनीकरणका लागि यस्ता परियोजनाहरू अति आवश्यक रहेको उल्लेख गरे। उनले भने, “हामीले लैंङ्गिक हिंसा रोक्नका लागि नीतिगत सुधार, कानूनी पहुँच, शिक्षा प्रणालीको सशक्तीकरण, र समुदाय स्तरबाट पहल गर्न आवश्यक छ। यस कार्यक्रमले सबै सरोकारवालाहरूलाई एकसाथ ल्याएर समाधान खोज्ने प्रयास गरेको छ।”
राजपुर नगरपालिकाका उप–प्रमुख जमिला असगरीले “नगरपालिकाले लैंङ्गिक हिंसाका घटनाहरू न्यूनीकरण गर्न गम्भीर रूपमा काम गरि रहेकाे र अगामी दिनहरुमा अझै गर्दै जाने बताए । यसका लागि योजनाबद्ध रूपमा कार्यक्रम सञ्चालन गरिने वहाले बताउनु भयाे । आगामी दिनमा विद्यालय, स्वास्थ्य संस्थाहरू, र समुदाय स्तरमा जनचेतना अभिवृद्धि गर्ने कार्यक्रम ल्याइनेछ।”
कार्यक्रममा स्वास्थ्य, शिक्षा, र सामाजिक विकाससँग सम्बन्धित विभिन्न विषयहरूमा छलफल भएको थियो। सहभागीहरूले लैंङ्गिक हिंसा न्यूनीकरणका उपायहरूबारे आ–आफ्नो धारणा राखेका थिए।
यस कार्यक्रमपछि राजपुर नगरपालिकाले लैंङ्गिक हिंसा न्यूनीकरणका लागि थप पहल गर्ने प्रतिबद्धता व्यक्त गरेको छ। नगरपालिकाले निम्न उपायहरू अपनाउने योजना बनाएको छः
विद्यालय तथा समुदायमा जनचेतनामूलक कार्यक्रम सञ्चालन
पीडितहरूको मनोवैज्ञानिक परामर्श तथा कानूनी सहायता प्रदान गर्ने व्यवस्था ,नगरपालिकामा लैंङ्गिक हिंसा न्यूनीकरण सम्बन्धी विशेष कार्यसमिति गठन,स्थानीय सञ्चारमाध्यमहरू मार्फत हिंसा विरुद्ध अभियान सञ्चालन,स्वास्थ्य तथा सुरक्षा सेवाहरूलाई थप प्रभावकारी बनाईने छ । राजपुर नगरपालिकामा लैङ्गिक हिंसा रोकथामको लागि सम्प्रेषण प्रणाली स्थापना हुने समेत बताईएकाे छ।
कार्यक्रमको समापनमा आयोजक संस्थाहरूले धन्यवाद ज्ञापन गर्दै स्थानीय सरकार, नागरिक समाज, र सञ्चारमाध्यमको सहकार्यमा मात्र लैंङ्गिक हिंसा न्यूनीकरण सम्भव हुने बताएका थिए।

आरके श्रीवास्तव,रौतहट, ०४ गते फागुन ।
नेपाल फूल माली समाज रौतहटको जिल्ला अधिवेशन बाट नयाँ कार्यसमिति गठन भएको छ । अधिवेशन बाट मोहन प्रसाद मालीलाइ अध्यक्षमा चयन गरिएको हो । समाजको उपाध्यक्षमा रामविश्वास माली,महिला उपाध्यक्षमा गुडि देवी,सचिवमा प्रदिप भगत माली,सह सचिवमा लालबाबु भगत माली,कोषध्यक्षमा उमेश भगत माली रहेका छन् ।
त्यस्तै सदस्यहरुमा भरतबहादुर माली,बैधनाथ भगत माली,रामबाबु भगत,हरिचन्द्र भगत,विश्वनाथ भगत,हरिनारायण भगत र बाबुुलाल भगत रहेका छन् ।

जिल्लाको मध्य भाग गरुडा नगरपालिका अन्तर्गत पर्ने महम्मदपुर व्यारेज नजिक रहेको गोपाल सेवा सदन धर्मशालामा समाजको शनिवार जिल्ला अधिवेशन सम्पन्न भएको थिया । अबेररात भएको बन्दसत्र बाट नयाँ कार्यसमिति गठन गरिएको हो ।
“शिक्षित बनौं, संगठित बनौं, आफ्नो पहिचान कायम गरौं“ भन्ने मूल नाराका सम्मपन्न भएको अधिवेशनमा माली समाजमा कसैलाई कुनै समस्या परेमा माली समाजका २२ जिल्लाका सदस्यहरू एकजुट भएर सहयोग गर्न तयार रहेको बताएका थिए ।
नेपालभर करिब १४ हजारको संख्यामा माली समुदायको बसोबास रहेको उल्लेख गर्दै समाजलाई संगठित र सशक्त बनाउनका लागि एकतामा जोड दिइएको थियो ।

आरके श्रीवास्तव,रौतहट,०४ गते फागुन ।
रौतहटको मध्य भाग गरुडामा आज राष्ट्रिय स्वतन्त्र पार्टीको प्रथम भेला सम्पन्न भएको छ । सो पार्टीका जिल्ला अध्यक्ष प्रदिप साहको अध्यक्षतामा नगर भेला बोलाइएको थियो । भेलाबाट नगर कमिटि र विभागहरु गठन गरिएको छ ।
भेलाले गजेन्द्र महतो कोइरी उर्फ रामाशंकरको नेतृत्वमा ११ सदसीय नगर कमिटि गठन गरेको हो । जसको उपसभापतीमा सोमरीया देवी राम,सचिवमा संजय यादव,कोषध्यक्षमा धर्मेन्द्र साह रहेका छन् ।
सदस्यहरुमा राहुल कुमार सहनी,बद्री महरा,विरेन्द्र महरा,शिवा कुमार राम लगायतका व्यक्तीहरु रहेका छन् । साथै भेलाबाट रैपिट एक्सन टिम पनि गठन गरिएको छ । जसमा संजित कुमार सहनी,अनिल कुमार सहनी लगायतका व्यक्ती रहेका छन् ।
सभापतीमा चयन भएका महतो गरुडा नगर उधोग वाणिज्य संघको सदस्यमा पनि निर्वाचित व्यक्ती हुन् । सभापतीमा चयन भएपछि प्रतिक्रिया दिदै महतोले व्यवसायीको नेताको रुपमा मलाइ अगाडी बढाएकै हुन् । अब राजनितीक क्षेत्रमा पनि यस्तै साथ र समर्थन पाउनेमा आफूआशावादी रहेको बताएका छन् ।
गरुडामा राष्ट्रिय स्वतन्त्र पार्टीको गतिविधीलाइ तिव्र रुपमा अगाडी बढाउने महतोको भनाइ छ ।

आरके श्रीवास्तव,रौतहट,०४ गते फागुन ।
रौतहटको गरुडा नगरपालिकामा भएको सुरक्षित नागरिक आवास प्रकरणमा जिल्ला प्रशासन कार्यालय रौतहटमा आज ध्यानाकर्षण पत्र बुुझाइएको छ । सामाजिक अभियन्ता शैलेन्द्र यादवले विभिन्न चार बुँदे ध्यानाकर्षण पत्र तयारपारी बुुझाएका छन् ।
आइतवार रौतहटका सहायक प्रमुख जिल्ला अधिकारी नरेश कुमार यादवलाइ सो ध्यानाकर्षण पत्र बुझाएको अभियन्ता यादवले बताएका हुन् ।

गरुडा नगरपालिका वडा नम्बर ४,५,८ र ९ मा “सुरक्षित नागरिक आवास” अन्तर्गत रकम असुल गरेको घटनाको सत्य तथ्य रुपमा छानबिन तथा कारवाही गरिदिन सो पत्र बुझाइएको अभियन्ता यादवले बताएका हुन् ।
ध्यानाकर्षण पत्रमा अभियन्ता यादवले विभिन्न व्यक्तीहरुको नामै किटान गरि ५ हजार देखि १० हजार रकम असुल गरेको आरोप लगाएका छन् । जसको सबुत प्रमाण आफूसँग रहेको प्रष्ट पारेका छन् ।
गरुडा नगरपालिकामा लाभग्राही सँग पाँच हजारका दरले रकम असुल गरिएको कुराले अहिले तातेको छ । गरिब विपन्नको नाममा आएको रकममा पनि केही व्यक्तीहरुले गिद्धेनजर राखि पैसा असुल गरेको पिडितहरुले बताइरहेका छन् ।
यता गरुडा नगरपालिकाका प्रमुख प्रशासकिय अधिकृत मुस्ताक आलमले भने कसले पैसा उठाएको हो यसबारे आफूलाइ केही जानकारी नभएको बताइरहेका छन् । भिडियो अडियो संवाद बाहिर आउँदा पनि नगरपालिकाले अनभिज्ञता प्रकट गरिरहेको छ ।

 

काठमाडौं, ०४ गते फगुन २०८१ ।

पर्सा प्रहरीले हुन्डी कारोबार गरेको आरोपमा एक जना भारतीय नागरिकलाई पक्राउ गरेको छ।

पक्राउ पर्नेमा बिहार मोतिहारी थाना रक्सौल ग्राम रक्सौल-१ का २२ वर्षीय नेहाल कुमार रहेका छन्।

वीरगन्ज महानगरपालिका-८ स्थित लिंक रोडबाट कुमारलाई आइतबार दिउँसो पक्राउ गरिएको पर्सा प्रहरी प्रमुख प्रहरी उपरीक्षक (एसपी) गौतम मिश्रले जानकारी दिए।

जिल्ला प्रहरी कार्यालय पर्साबाट खटिएको प्रहरीले टोलीले उनलाई उक्त नगदसहित पक्राउ गरेको हो।

कुमारको साथबाट नगद १० लाख रुपैयाँ बरामद भएको एसपी मिश्रले बताए। कुमारलाई पक्राउ गरी आवश्यक अनुसन्धान तथा कारबाही भइरहेको एसपी मिश्रले बताए।

‘रकमको स्रोत खुल्न नसकेपछि कुमारलाई पक्राउ गरी अनुसन्धान थालिएको छ,’ मिश्रले भने।

प्रहरीका अनुसार हुन्डी कारोबारले बैंक तथा वित्तीय कारोबारको दायित्व पूरा गरेको हुँदैन। राष्ट्र बैंकले लागू गरेको बैंकिङ प्रणालीभित्रबाट कारोबार नहुने भएकाले यस्तो कारोबारलाई ‘गैरकानुनी’ मानिएको हो।

नेपालमा बस्ने तर भारतीय व्यक्तिहरू समेत यो कार्यमा संलग्न हुने गरेका छन्। हतार-हतारमा कुनै कारोबार गर्नुपर्दा उनीहरू एजेन्टमार्फत् व्यक्ति-व्यक्तिका हातमा रकम पुर्‍याइदिने चाँजो मिलाउँछन्।

‘हुन्डी अन्तरदेशबीच पैसा कारोबार गर्ने अवैध माध्यम हो, दुबै देशमा सम्पर्क व्यक्तिहरू राखेर यस्तो कारोबार गरिने गरिएको छ,’ एसपी मिश्रले भने।

हुन्डीको प्रमुख स्रोत रेमिट्यान्सलाई मानिने गरिए तापनि नेपाल-भारत सीमामा यस्तो कारोबार गर्नेहरू अत्यधिक छन्।

यस्तो कारोबार गर्नेहरूलाई राष्ट्र बैंकको वित्तीय ऐनका साथै सम्पत्ति शुद्धीकरण प्रयोजनार्थ समेत अनुसन्धान गरिने गरिएको छ । न्युज कारखाना

 

रौतहट – 

सशस्त्र प्रहरीका उपरीक्षक (एसपी) विक्रम हुमागाईंको सशस्त्र प्रहरी बल नम्बर ११ गण हेक्वा रौतहटको प्रमुखको रूपमा कार्यकाल सफल भएको जिल्लाबासीले अनुभूति गरेका छन् भने चौतर्फी उपलब्धी देखिएको छ।

एसपी हुमागाईंको एक वर्षे कार्यकालमा अबैध सामान बरामद, हुण्डी कारोबारी पक्राउ, अबैध लागुऔषध कारोबार नियन्त्रणदेखि सामाजिक काममा पनि त्यतिकै योगदान देखिएको छ।

एसपी हुमागाईंले २०८० साल फागुन ६ गते जिल्लाको कमाण्ड सम्हालेका थिए।

उनको कार्यकालमा कुल ५ करोड, ६६ लाख,४१ हजार, ८८४ बराबरको अबैध सामान र सामान ओसार-पसारमा प्रयोग गरिएको २ थान पिकअप, १ थान सफारी, १ थान बोलेरो, १ थान भ्यान, १ थान अटो रिक्सा, १७२ थान मोटरसाइकल र ३३ थान साइकल बरामद भएको थियो। उक्त रकम र सामान आवश्यक कारबाहीको लागि सम्बद्ध निकायमा पठाइएको थियो।

सोही अवधिमा हुण्डी कारोबारीबाट ४९ लाख,१४ हजार ७४० रुपैयाँ, जिल्लाको बिभिन्न स्थानबाट २ थान सेमी अटो पेस्तोल, ४ थान नलकटुवा पेस्तोल, १५ थान गोली विभिन्न स्थानबाट बरामद गरी नेपाल प्रहरीको जिम्मा लगाइएको जनाइएको छ।

त्यसैगरी, सशस्त्र प्रहरीले भारतीय सीमा क्षेत्र हुँदै आउने-जाने मानिसमाथि निगरानी बढाएर नशालु ट्याब्लेट डाइजेपाम २२ सय ७८ ट्याब्लेट, नाइट्राभेट ४४ ट्याब्लेट, बुप्रोफिन नशालु इन्जेक्सन ६०६ एम्पुल, प्रोमेथआजिन नशालु इन्जेक्सन १७९८ एम्पुल, फेनारगन २७ ट्याब्लेट, एमफिल २२ ट्याब्लेट र गाँजा १५ किलो ९६० ग्राम बरामद गरिएको सशस्त्र प्रहरी स्रोतले जनाएको छ।

लागुऔषध, तस्करी, हातहतियार, हुण्डीलगायत बिभिन्न गैरकानुनी क्रियाकलाहरूमा संलग्न ३९ जना मानिसलाई पक्राउ गरी कारबाहीको दायरामा ल्याइएको थियो।

सशस्त्र प्रहरीका एसपी हुमागाईंको सहभागितामा विभिन्न मितिमा जिल्लाको ईशनाथ नगरपालिका-७ घिउरामा सरस्वती पूजाको मूर्ति बिसर्जन, वडा ६ महाबिरी झण्डा, राजापुर कुडिया दाहा मेलामा दुई समुदायबीचको विवाद शान्तिपूर्ण मिलाइएको थियो।

गरुडा-शिवनगर बर्थिङ सेन्टरमा आगजनीको घटनामा अप्रिय हुन नदिएको,पर्रोहा-९ खापमा शिवममणि ट्रान्सफर सञ्चालकमाथि गोली प्रहार गरी भाग्दै गरेका तीन जना भारतीय अपराधी पक्राउ, दुई थान पेस्तोल बरामद गरिएको थियो।

त्यस्तै, गत वर्ष अविरल बर्षा र बाढीबाट भएको डुबानमा ४९३ जनशक्ती परिचालन गरी १२३ जना सकुशल,९ जना घाइतेको उद्धार र चार जना मृत फेला पारेको थियो। जिल्लाको विभिन्न स्थानमा सञ्चालित निःशुल्क स्वास्थ्य शिविरमा १५ सय भन्दाबढी बिरामी लाभान्वित भएका थिए।

एसपी हुमागाईंको सक्रियतामा पटक-पटक सीमाबासीसँग सशस्त्र प्रहरी कार्यक्रमको आयोजना गर्नुका साथै विभिन्न समयमा २५१ वटा जनचेतनामुलक कार्यक्रम गरिएको सशस्त्र प्रहरी स्रोतले जनाएको छ।

गत माघ ३० गते एसपी हुमागाईं विभागीय नियमानुसार रौतहटमा आफ्नो कार्यकाल पूरा गरी सरुवा भएर रवाना भएपछि हाल एसपी सन्तोषकुमार बस्नेतले सशस्त्र प्रहरीको कमाण्ड सम्हालेका छन्।

एसपी हुमागाईं यहाँबाट सशस्त्र प्रहरी बल बराहा बाहिनी सुनसरी रवाना भएका थिए। न्युज कारखाना

काठमाडौं ।

नेपाल आयल निगमले पेट्रोलको मूल्य बढाएको छ भने डिजेल र मट्टीतेलको मूल्य घटाएको छ । निगम सञ्चालक समितिको बैठकले गएरातीदेखि लागू हुने गरी पेट्रोलको साबिकको बिक्री मूल्यमा प्रतिलिटर रु एक बढाएको छभने डिजेल र मट्टीतेलको मूल्य प्रतिलिटर रु चारले घटाएको छ ।

मूल्य समायोजनसँगै पेट्रोल पहिलो वर्गका लागि प्रतिलिटर १६५ रुपैयाँ ५० पैसा, दोस्रो वर्गमा १६७ रुपैयाँ र तेस्रो वर्गका लागि प्रतिलिटर १६५ रुपैयाँ कायम भएको छ । यस्तै, डिजेल र मट्टीतेल पहिलो वर्गका लागि प्रतिलिटर १५३ रुपैयाँ ५० पैसा, दोस्रो वर्गमा १५५ रुपैयाँ र तेस्रो वर्गका लागि प्रतिलिटर रु १५६ रुपैयाँ कायम गरिएको छ ।

निगमले चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज डिपो पहिलो वर्ग, सुर्खेत र दाङ दोस्रो तथा काठमाडौँ, पोखरा र दिपायलस्थित डिपोलाई तेस्रो वर्र्गमा वर्गीकरण गरेको छ ।

इन्डियन आयल कर्पोरेसनबाट प्राप्त नयाँ खरिद मूल्यअनुसार प्रतिलिटर पेट्रोलमा रु ०.५८ बढेर र डिजेलमा रु ३.५९ घटेर आएकाले मूल्य समायोजन गरिएको निगमले स्पष्ट पारेको छ । राजधानी

आरके श्रीवास्तव,रौतहट, ०३ गते फागुन ।

नेपाल फूल माली समाज रौतहटको जिल्ला अधिवेशन सम्पन्न भएको छ । जिल्लाको मध्य भाग गरुडा नगरपालिका अन्तर्गत पर्ने महम्मदपुर व्यारेज नजिक रहेको गोपाल सेवा सदन धर्मशालामा नेपाल फूल माली समाज जिल्ला कार्य समितिको आयोजकत्वमा उक्त जिल्ला अधिवेशन सम्पन्न भएको हो ।

“शिक्षित बनौं, संगठित बनौं, आफ्नो पहिचान कायम गरौं“ भन्ने मूल नाराका साथ नेपाल फूल माली समाज रौतहटको संयोजक मोहन प्रसाद मालीको अध्यक्षता सो अधिवेशन सम्पन्न भएको छ । नव गठित जिल्ला कार्य समिति रौतहटका सम्पूर्ण पदाधिकारीहरु लगायत सदस्यगणमा वक्ताहरुद्वारा हार्दिक बधाई सहित अग्रिम कार्यकाल सफलताको शुभकामना व्यक्त गरिएको छ ।

फुल यस्तो बनस्पति हो जुुन हरेक कार्यमा काम लाग्ने गर्दछ, पूजापाठ, धर्म संस्कृति, विभिन्न कार्यक्रम लगायत विभिन्न शुभ कार्य तथा मानिस जन्म लिने बेला देखी जीवनको अन्तिम क्षण मृत्युको बेला पनि फूलले स्वागत गर्ने भएको हुँदा संसारमा फूलको निकै नै महत्व रहेको कार्यक्रममा वक्ताहरुले व्याख्या गरेका थिए ।

पौराणविक कालदेखि फूलको मालिक माली समुदाय भएकोले आजको युगसम्म पनि फूल सम्बन्धी विभिन्न कार्यहरु माली समुदायले नै गर्दै आइरहेकोले अब उपरान्त यस फूलको कारोबारलाई व्यवसायिक रुपमा अगाडी बढाउनमा वक्ताहरुद्वारा जोड़ दिइएका थिए । हालको अवस्थामा विभिन्न समुदायका व्यक्तिहरुले व्यवसायिक रुपमा फूलको खेती देखी लिएर बेच बिखन तथा विभिन्न क्षेत्रमा सजावटका कार्यहरु गर्दै पेशागत आम्दानी गरिरहेको जिकिर गरिएको हो।

फुलका मालिक भनिने फूल मालि समाजका व्यक्तिहरुले यसलाई अवसरको रुपमा लिएर फूलको विभिन्न कार्यहरुलाई व्यवसायिक रुपमा अगाडी बढाएर आ–आफ्नो अर्थ व्यवस्था मजबूत बनाउन विभिन्न वक्ताहरुले जोड़ दिइएका छन् । कार्यक्रममा स्वागत मन्तव्य भरत भगत मालीले गरेका थिए भने कार्यक्रम सञ्चालन माली समाजका पूर्व प्रहरी निरीक्षक प्रदीप भगत मालीले गर्नु भएको थियो ।

कार्यक्रममा प्रमुख अतिथि नेपाल फूल माली समाजको संस्थापक अध्यक्ष बुटवल निवासी सागर कुमार माली, विशिष्ट अतिथि जनकपुर उधोग बाणिज्य संघको अध्यक्ष सुरेन्द्र भण्डारी, माली जाती उत्थान मंच नेपालको महासचिव सप्तरी जिल्ला निवासी जयराम भण्डारी, इलाका प्रहरी कार्यालय गरुड़ाका प्रहरी नायब उपरीक्षक(डीएसपी) राजन कार्की, सचिव बीरगंज निवासी रामेश्वर माली,

अतिथि नेपाल फूल माली समाज बाराका प्रतिनिधि तेज बहादुर भगत माली, लगायत जिल्लाका माली समाजका अगुवा कार्यकर्ता तथा सर्वसाधारणहरु लगायत सञ्चारकर्मीहरुको उपस्थिति रहेको माधव नारायण नगरपालिका निवासी व्यवसायी तथा समाजसेवी युवा नेता होटल एनपी स्टारका सञ्चालक पारस भण्डारीले जानकारी गराएका हुन् ।

आरके श्रीवास्तव,रौतहट ,३ गते फागुन ।

मधेश प्रदेश सरकार समक्ष दबाब पुुर्याउन रौतहटमा स्वास्थ्यकर्मीहरले आज जिल्ला स्तरीय संघर्ष समिति बनाएका छन् । जिल्ला सदरमुकाम गौर स्थित राइस मिलको प्रांगणमा जिल्लाभरीको सि.अ.हे.व.र सि.अ.न.मीहरुको बैठकबाट संघर्ष समिति बनाइएको हो । मधेश सरकारको स्थानिय सेवा ऐन सच्चयाउन सो समिति बनाइएको हो ।

शनिवार मधेश प्रदेश संघर्ष समितिका प्रमुुख सल्लाहकार ललन कुमार साहको अध्यक्षतामा बसेको बैठकले सो समिति बनाएको हो । काशी साहको संयोजकत्वमा संघर्ष समिति गठन गरिएको छ । जसको सह संयोजकमा वसीिम अख्तर खाँ,राजेश कुमार साह,रुपनारायण यादव,अनिता कुमारी यादव,हरेनद्र पंडित,राजेश यादव रहेका छन् ।

त्यस्तै कोषाध्यक्षमा संदिप साह,प्रमिला अधिकारी,महासचिवमा सुरेश साह,सचिवमा कस्तुुभ मनी साह,सह सचिवमा राजेश साह,प्रमोद प्रसाद कुशवाहा,सिवा कुमारी राय,प्रवक्तामा धर्मेन्द्र दास,सह प्रवक्ता रुपनारायण यादव रहेका छन् । सदस्यहरुमा रामप्रवेश साह,अखलाक मंसुर लगायतका स्वास्थ्यकर्मीहरु रहेका छन् । बैठकमा स्तरवृद्धि,पदपूर्ति,जिल्ला स्तरीय संघर्ष समिति गठन लगायतका विषयमा छलफल भएको थियो ।

२०५३ ऐन अनुसारको सेवासुविधाबाट बंचित गरेपछी हामी बाध्य भएर संघर्षको बाटो अपनाउनु परेको मधेश प्रदेश सङ्घर्ष समितिका संयोजक मोहन साहले बताएका हुन् । स्थानिय सेवा ऐन २०८१ जारी गरेपछि प्रदेश भरीमा लगभग १५ सय भन्दा बढी कर्मचारीको वृत्ति विकास रोकिएको उनले जानकारी गराएका हुन् । जबकि हामी यो ऐन आउनु भन्दा पहिला केन्द्रबाट मज्जाले स्तरवृद्धि पाइरहेकै थियौ तर यो ऐन जारी भएपछि पहिला देखि पाउँदै आएको सुविधा बाट पनि मधेस प्रदेशका स्थानीय ऐन ले वञ्चित गराएको साहको भनाइ छ । लोक सेवा आयोग बाट नियुक्त भएका सि.अ.अ.हे.व÷सि.अ.न.मी स्वास्थ्यकर्मीहरुलाई अन्य प्रदेशमा स्तरबृद्धी गरेको छ ।

तर मधेश प्रदेशमा स्तर बृद्धि नगरेको हुँदा स्तर वृद्धि गराउन पटकपटक मधेश सरकारको ध्यानाकर्षण गराउँदापनी कुनै वास्ता नगरेको उनको आरोप लगाएका छन् । सो ऐनको दफा २९ को उपदफा २ मा रहेको बाध्यात्मक वाक्यांश नहटे सम्म र मधेश सरकारले आफूहरुको मागलाइ वेवास्ता गरे चरणबद्ध आन्दोलन गर्ने स्थास्थ्यकर्मीहरुले चेतावनी समेत दिएका हुन् ।

समितिको हाल सम्म धनुषा, सर्लाही, रौतहट,बारा र सिराहा जिल्लामा जिल्ला स्तरीय सङ्घर्ष समिति गठन भइसकेको र अन्य जिल्लामा पनि छिट्टै गठन गरिने जनाइएको छ ।

रौतहट । रौतहटको मौलापुर नगरपालिका पतौरा स्थित धार्मिक, सांस्कृतिक, पर्यटकीय एवं ऐतिहासिक पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित हुन लागेको मधानी महायज्ञको तयारी तिब्ररुपमा अगाडी बढीरहेको छ ।

 

मधानी महायज्ञ आउँदो ११ फागुनदेखी सुरु हुदैछ । महायज्ञलाई व्यवस्थित रुपमा भव्यरुपमा सम्पन्न गर्नका लागि तयारी तिब्ररुपमा अगाडी बढेको मौलापुर नगरपालिकाका मेयर रिनाकुमारी साहले जनाएकी छन् ।

 

महायज्ञमा हुने विशेष पुजा, खेलतमासा, सांस्कृतिक कार्यक्रम सहितका बिभिन्न बिषयमा छलफल आज छलफल भएको छ । आम जनता पार्टी (आजपा)का अध्यक्ष एवं पूर्वमन्त्री प्रभु साहले मधानी महायज्ञ महोत्सवको रुपमा सम्पन्न गर्नका लागि छलफल गरेका छन् ।

 

रौतहट ३ बाट लगातार निर्वाचित सांसद समेत रहेका आजपा अध्यक्ष साहले नगरपालिका, मधानी महायज्ञको बिभिन्न समिति, उपसमिति, स्थानीय अगुवा, स्थानीय कलाकार लगायतकासंग छलफल गर्दै महायज्ञलाई महोत्सवको रुपमा मनाउँनुपर्ने बताए ।

 

प्रत्येक बर्ष रौतहटको मौलापुरको पतौरामा हुने मधानी महोत्सव यसबर्ष पनि भव्यरुपले हुने आयोजकले जनाएको छ । शिव पार्वतीको विवाहउत्सवको रुपमा मनाइने मधानी महोत्सवको व्यवस्थापनका लागि बिभिन्न समितिहरु गठन गरेर तयारी तिब्ररुपमा भईरहेको मेयर साहले जनाएकी छन् ।

 

मौलापुर नगरपालिकाका मेयर साहको अध्यक्षतामा मधानी महायज्ञ मुलसमिति १ सय १ सदस्यीय गठन भएको छ । यसैगरी बिभिन्न कामलाई व्यवस्थित गर्नका लागि बिभिन्न समितिहरु समेत गठन गरेर महोत्सवलाई भव्यरुपमा सम्पन्न गर्नका लागि काम भईरहेको छ ।

 

लखिन्द्र साहको संयोजकत्वमा कावरिया तथा पूजा अनुष्ठान समिति, त्रिभुवन साहको संयोकत्वमा शिवजी बारात यात्रा समिति, रामबाबुप्रसाद साहको संयोजकत्वमा टेन्ट, खेलतमासा तथा नाचगान व्यवस्थापन समिति, ठागा दासको संयोजकत्वमा घेराबेरा तथा मञ्च व्यवस्थापन समिति, मनोजप्रसाद यादवको संयोजकत्वमा दङ्गल प्रतियोगिता समिति गठन भएको छ ।

 

यसैगरी सुनिल साहको संयोजकत्वमा सरसफाई समिति, सरेशप्रसाद यादवको संयोजकत्वमा जग्गा वितरण समिति, जयप्रकाश महतोको संयोजकत्वमा सजावट समिति, नागेन्द्रप्रसाद यादव (मौलापुर उपप्रमुख)को संयोकत्वमा अतिथि सत्कार समिति गठन भएको छ ।

 

यस्तै राजेश रौनियारको संयोकत्वमा खानेपानी तथा शौचालय व्यवस्थापन समिति, रानी साहको संयोजकत्वमा प्रचारप्रसार समिति, अच्छेलाल साहको संयोजकत्वमा स्वास्थ्य शिविर समिति, बालाशंकर कुशवाहाको संयोजकत्वमा स्वयंसेवक परिचालन समिति, रामपुकार साहको संयोजकत्वमा आरती समिति, तेजनारायण साहको संयोजकत्वमा पञ्चकन्यातर्फको समिति, गणेश पटेलको संयोजकत्वमा पार्किङ व्यवस्थापन समिति र विवेक साहको संयोजकत्वमा मेस सञ्चालन समिति गठन भएको छ । यि सबै समितिहरुले आ–आफ्नो जिम्मेवारी अनुसार काम गरिरहेका छन् ।

 

आयोजकका अनुसार प्रत्येक बर्ष जस्तै यस बर्ष पनि मधानी महायज्ञमा नेपाल र भारतका चर्चिक कलाकारहरु आउदैछन् ।  हिन्दी, भोजपुरी सिने जगतका चर्चित कलाकार एवं सांसद रवि किशन, भोजपुरी सिने जगतका लेखक, निर्माता तथा विधायक बिनय बिहारी, ‘डायरी अफ मणिपुर’ फिल्मका निर्देशक सनोज मिश्र, भोजपुरीका चर्चित गायक एवं अभिनेता रितेश पाण्डेको महायज्ञमा हुने विशेष प्रस्तुती रहने आयोजकले जनाएको छ ।

 

यसैगरी मधानी महायज्ञमा महाकुम्भ मेलाका भाईरल गर्ल मोनालिसा सहित मिंटुवा भोजपुरीया (कलाकार), सुनील पंडित (गायक), अनु चौधरी (गायिका), सदाम हुसेन (कलाकार), रचना सिवाकोटी ( कलाकार), रुद्र नारायण तिवारी (गायक), प्रीति आर्या पासवान (कलाकार), प्रिया सुहानी (कलाकार), रोसनी राज (कलाकार), सरिता साह (कलाकार), अर्जुन बीसी (कलाकार), मनीषा राई (कलाकार) सहितका राष्ट्रिय एवं अन्तर्राष्ट्रिय कलाकारहरुको समेत सहभागिता हुदैछ ।

 

यसैगरी मधानी महायज्ञमा भारतको काशी विश्वनाथ मन्दिरका मुल पुजारी डा.श्रीदेव मिश्र, बनारस हिन्दु विश्व विद्यालय वेद विभागका प्रमुख प्रोफेसर पतन्जली मिश्र, ईन्डोलोजिक सर्भिसेज काशी, वाराणशी भारतका अध्यक्ष आचार्य शंकर सहितका विशिष्ट व्यक्तित्वहरुको सहभागिता हुने बताईएको छ ।

 

मधानी महायज्ञमा नेपाल र भारतका साधुसन्तहरुको विशेष जमघट हुने गरेको छ । यसैगरी महायज्ञमा प्राचिन खेल कुस्ती÷दंगलको समेत कार्यक्रम रहेको छ । मौलापुर नगरपालिका स्थित धार्मिक, सांस्कृतिक, पर्यटकीय एवं ऐतिहासिक पतौरा पुरातात्विक महादेव मन्दिरलाई विश्वसम्पदा सूचिमा सूचिकृत गराउने संकल्प सहित मधानी महायज्ञ आयोजना हुदै आएको छ । मौलापुरका मेयर साहले मधानी महायज्ञमा नेपाल र भारतका लाखौं दर्शानार्थी आउँने गरेकाले यसले दुबै देशको सम्बन्ध अझै बलियो बनाउँने काम समेत गर्ने बताईन् ।

 

मधानी महायज्ञ प्राचिन यज्ञ भएको बताउदै उनले यहाँ ब्राह्मण बिना नै मन्त्रको जप हुने गरेको बताईन् । आउँदो फागुन ११ गतेदेखी सुरु हुन लागेको मधानी महायज्ञ पाँच दिनसम्म चल्ने छ ।

 

मेयर साहका अनुसार ११ फागुनमा उदघाटन समारोह, १२ फागुनमा शिव वारात यात्रा, १३ गते मधानी विशेष पुजा समारोह, १४ गते मधानी विशेष सांस्कृतिक समारोह र १५ गते मधानी विशेष दंगल कार्यक्रम रहेको छ ।

 

‘यो मन्दिर नेपाल सरकारको १०० वटा प्रमुख पर्यटकीय गन्तव्यमा समावेस भईसकेको छ । हजारौं बर्ष पुरानो प्राचिन ईतिहास बोकेको पुरातात्विक महादेव मन्दिरको अनौठो किसिमको महिमा र विशेषता छ । यहाँ गरिने भगवान शिवको पुजा अनुष्ठान पनि विश्वकै एक पृथक एवं मौलिक शैलिको रहेको छ,’ मेयर साहले भनिन्, ‘यस धर्तिमा लोक एवं मौलिक शैलिमा गरिने भगवान शिव पार्वतिको वैवाहिक उत्सवको रुपमा मनाइने धार्मिक अनुष्ठान मधानी हो । जसलाई यस धर्ति र क्षेत्रको विशेष अनुपम शिव अनुष्ठानको रुपमा लिईन्छ ।’

आरके श्रीवास्तव,रौतहट,०१ गते फागुन ।
रौतहटको गरुडा नगरपालिकामा सुरक्षित नागरिक आवास कार्यक्रमका लाभग्रहीहरुले आज इलाका प्रहरी कार्यालय गरुडामा ठगीएको भन्दै लिखित जाहेरी चढाएका छन् । गरुडा नगरपालिका वडा नम्बर ९ बस्ने बसन्त सहनी विरुद्ध उनीहरुले समूहिक रुपमा लिखित जाहेरी दिएका हुन् ।

जाहेरी दिनेहरुमा गरूडा ९ नरकटियाका तेतरी देवी,मनजुरवा देवी पासवान,रेनु देवी पासवान,तारा देवी,मन्जुला पासवान,जनारसी देवी,सन्जुला देवी रहेका छन् ।
सुरक्षित नागरिक आवासमा नाम पारि दिन्छुभनी प्रलोभन देखाइ प्रतिवादी सहनीले ५ हजारका दरले पैसा असुल गरेको आरोप लगाएका छन् । रकम लिएको ८÷९ महिना बिति सक्दा पनि घरनबनेको हुनाले त्यस्ते ठगी गर्ने सहनीलाइ क्षतीपूर्ती समेत भराइ आफूहरु माथि गरेको अन्याय लाइ न्याय गरी दिन जाहेरी पेश गरेको बताएका छन् ।
गरुडा नगरपालिकामा लाभग्राही सँग पाँच हजारका दरले रकम असुल गरिएको कुरा अहिले व्यापक चर्चामा छ । गरिब विपन्नको नाममा आएको रकममा पनि केही व्यक्तीहरुले गिद्धेनजर राखेका छन् । गरुडा नगरपालिकामा यस्तो ठगी गरिएको कुरा बाहिर आउँदा पनि सम्बन्धित निकाय भने मौन देखिएका छन् । कानुुनी कार्यवाही गर्नुुको सट्टा टुलुुटुुलु हेरेर बसेको पिडितहरुको आरोप छ । उनीहरुले यसमा संलग्न व्यक्तीहरु लाइ कानुनी कार्यवाही गर्न माग गरिरहेका छन् ।
जाहेरी बुुझेपछि इलाका प्रहरी कार्यालय गरुडाका डिएसपी राजन कार्कीले यसबारे प्रहरीले छिट्टै अनुुसंधान गरि दोषीलाइ कार्यवाही गर्ने प्रतिक्रिया दिएको गरुडा छ महम्दपुरका स्थानिय अभियन्ता शैलेन्द्र यादवले जानकारी गराएका हुन् ।
सुरक्षित नागरिक आवास कार्यक्रम मार्फत नागरिकको खरको छाना भएका घर विस्थापित गर्न ७५ हजार रूपैयाँ पाउने व्यवस्था छ  । त्यही व्यवस्था अनुसार नै गरिब,विपन्नको नाममा गरुडामा गत आर्थिक वर्षमै आएको रकममा कमिसन स्वरुप पाँच पाच हजारको दरले प्रतिपरिवार पैसा असुुल गरिएको पिडितहरुको भनाइ छ ।

आरके श्रीवास्तव,रौतहट,०२ गते फागुन ।
रौतहट एचपिभी खोप अभियान पहिलो चरणमा शतप्रतिशत सफल भएको छ । पाठेघरको मूखको क्यान्सर विरुद्धको यो खोप अभियान रौतहटमा दुुइ चरणमा सञ्चालन गरिएको छ । जसको पहिलो चरणमा सञ्चालन गरिएको ९ वटै पालिकाको खोप प्रभावकारी रहेको देखिएको छ । ९० प्रतिशत लक्ष्य दिइएकोमा सबैले १०० शतप्रतिशत लक्ष्य पुरा गरेको हो ।

जिल्ला स्वास्थ्य कार्यालयले जारी गरेको तथ्यांक अनुसार फतुवा विजयपुर नगरपालिकामा २ हजार ३ सय ८९,मौलापुर नगरपालिकामा २ हजार ४ सय ७४,गढिमाइ नगरपालिकामा २ हजार ९ सय ९७,कटहरिया नगरपालिकामा २ हजार ४ सय १३ जना किशोरीहरुलाइ खोप लगाउने लक्ष्य दिइएकोमा टार्जेट पुरा गरेका छन् ।
त्यस्तै देवाहीगोनाही नगरपालिकाले २ हजार ७ सय २५,राजपुर नगरपालिकाले ३ हजार ७१,इशनाथ नगरपालिकाले २ हजार ६ सय २७ जनालाइ एचपिभी खोप लगाएको हो । त्यसैगरी बौधीमाइ नगरपालिकाले भने लक्ष्य भन्दा बढीलाइ खोप लगाएको देखिएको छ ।

सो नगरपालिकालाइ २ हजार ३२ लक्ष्य दिइएकोमा २ हजार ३ सय ८२ जना अर्थात् १२२.२२ प्रतिशत पुरा गरेको छ । जिल्लामा अहिले दोस्रो चरणको एचपिभि खोप अभियान जारी रहेको खोप निरिक्षक एवम् फोकल पर्सन अनिल कर्णले जानकारी गराएका हुन् ।
जस अन्तर्गत गुुजरा नगरपालिका,चन्द्रपुर नगरपालिका,वृन्दावन नगरपालिका,गरुडा नगरपालिका,माधवनारायण नगरपालिकामा,राजदेवी नगरपालिका,गौर नगरपालिका, दुुर्गाभगवती गाउँपालिका र यमुनामाइ गाउँपालिका रहेका छन् ।
दोस्रो चरणमा पनि पूर्ण रुपमा शतप्रतिशत सफलहुनेमा आफू आशावादी रहेको कर्णको भनाइ छ ।

आरके श्रीवास्तव,रौतहट,०२ गते फागुन ।
रौतहट । गौर नगरपालिकाको कार्यसम्पादन मूल्यांकन जिल्लाभरमै रहेको देखिएको छ । राष्ट्रिय प्राकृतिक स्रोत तथा वित्त आयोगले गरेको कार्यसम्पादन मूल्यांकनमा गौर नगरपालिकाको ६१.६ अंक पाएको हो । गौर नगरपालिकाका नगर प्रमुख शम्भु साहले जिल्लामा आयोगको नतिजामा पहिलो स्थान प्राप्त गर्नु खुसीको कुरा भएको बताएका छन् ।

जिल्लामा सबैभन्दा कमजोर फतुवा बिजयपुर नगरपालिका रहेको देखिएको छ । फतुवा बिजयपुर नगरपालिकाले ३१.४ अंक पाएको छ ।
आयोगले विभिन्न १७ वटा सूचकमा आयोगले गर्ने मूल्यांकन गर्ने गर्दछ । ती सूचकहरुको १०० अंक हुने गर्दछ ।

रौतहट जिल्लामा रहेको अन्य १६ वटा पालिकाहरुमा इशनाथ नगरपालिकाले ५९.८,गरुडा नगरपालिकाले ५७.६,चन्द्रपुर नगरपालिकाले ४१.५,गुुजरा नगरपालिका ४०.१,कटहरिया नगरपालिकाले ३४.६,वृन्दावन नगरपालिकाले ३८.३ अंक ल्याएका छन् ।

त्यस्तै गढिमाइ नगरपालिकाले ४४.०,माधवनारायण नगरपालिकाले ३६.९,देवाहीगोनाही नगरपालिकाले ३५.०,मौलापुर नगरपालिकाले ५४.४,बौधीमाइ नगरपालिकाले ३५.३,परोहा नगरपालिकाले ५२.५,राजपुर नगरपालिकाले ५६.९ अंक ल्याएको छ ।
त्यसैगरी यमुनामाइ गाउँपालिकाले ४०.२,दुुर्गाभगवती गाउँपालिकाले ५४.८ र राजदेवी नगरपालिकाले ४५.५ अंक ल्याएको आयोगले प्रकाशित गरेको सूचनामा उल्लेख छ ।
आयोगले हरेक वर्ष गर्ने प्रदेश र स्थानीय सरकारको कार्यसम्पादन मूल्यांकनको नतिजा गत माघ ३० गते सार्वजनिक गरेको हो ।

आरके श्रीवास्तव,राैतहट,०१ गते माघ ।

राैतहटकाे कटहरियामा संत शिरोमणि रविदास महराजको ६४८ औं जन्माेत्सव भव्य रूपमा मनाइएको छ । चमार कल्याण समाज राैतहटले विभेदमुक्त समाज र समानताको पक्षमा जीवन समर्पित गरेका रविदास महराजको सम्मानमा साे कार्यक्रम आयाेजन गरेको थियोे ।

कटहरिया बजार भरि शोभा यात्रा निकालेर बहादुरपुर दलित धर्मशालाको सभाहलमा पुगेर एक समारोहमा परिणत भएको जिल्ला अध्यक्ष धर्मेन्द्र रामलृ जानकारी गराएका हुन् ।

कटहरिया स्थित आयोजित सो भव्य समारोहका बिच चमार कल्याण समाज नेपालका केन्द्रीय उपाध्यक्ष पुनित राम चमारले शंत गुरु रविदासले आदर्शवादी सोच र चिन्तनद्वारा समाजमा रहेका हरेक प्रकारका बिभेद,कुरिती,अन्धबिश्वास एवम् शोषणको अन्त्य गर्नका लागि उनले गरेका कार्यहरु समाजमा सदैव स्मरणीय रहने बताए ।

साथै याे दिन हामीसबै राम समुदायले घर घरमा दिप प्रज्जवलन गर्नुपर्नेमा जाेड दिएका थिए ।

 

रामले जातीय विभेद लगायत विभिन्न किसिमका हिंसा एवम्  विभेदहरु समाजमा  चरमउत्कर्षको अवस्थामा पुगे पछि गुरु रविदासले आफ्नो सद बिचारको माध्यमले समाजमा समता एवम् समानता कायम गर्नका लागि ठुलो योगदान दिएकोले आज पनि संसार भरीमा उनको कृति एवम् महानतमको स्मरणीय चर्चा भइरहेको बताए ।

उनले हरेक वर्ष माघ पुर्णिमाका दिन मनाइने रविदास जन्मजयन्तीको अवसरमा नेपाल सरकारले सार्वजनिक विदाको घोषणा गर्न माग गरेको हुन् । आगामि वर्ष सार्वजनिक विदाको घोषणा न भए आफुहरु कडा आन्दोलनमा जाने सरकारलाई चेतावनी समेत दिएका छन्।

 

कार्यक्रममा सहभागी अन्य वक्ताहरूले रविदास महराजको योगदान र शिक्षाका बारेमा प्रकाश पारेका थिए ।

आरके श्रीवास्तव,रौतहट,०१ गते फागुन ।
रौतहटको चन्द्रपुर नगरपालिका क्षेत्रको जङ्गलमा देखा परेको घाईते हातीको उपचार गरिएको छ । चन्द्रपुर नगरपालिका–२ स्थित हिलेखोलाको पोखरीडाडाको महादेब स्थान सामुदायिक बन उपभोक्ता समुहको जङ्गलभित्र टयाककोलाईज (डार्क) गरी बेहोस बनाएर हातीको उपचार गरिएको हो । यहाको जङ्गल तथा बस्तीमा करीब दुई महिना देखि हाती देखा पर्दै आएको स्थानीय टीका आचार्यले बताए । उनका अनुसार हातीको दाया खुट्टा घाइते भएको अवस्थामा रहेको थियो ।हातीको कसैले गोलि हानेको हुन सक्ने आशका गरिएको उनले बताए ।राष्ट्रिय प्रकृती संरक्षण कोष सौराहा चितवनका पशु चिकित्सक अमिर सडौला र बन्यजन्तु प्राबिधिक तीर्थ लामाको टोलिले घाईते हातीको उपचार गरेको डिभिजन वन कार्यलय रौतहटले जनाएको छ ।राष्ट्रिय प्रकृती संरक्षण कोषका पशु चिकित्सक अमिर सडौलाका अनुसार हातीको दाया खुट्टा घोडा मुनी र घाटीमा धातुको बस्तुले सुनिएको अबस्थामा उपचार गरिएको हो ।हातीको शरीरमा भएको घाउ सुक्ने एन्टिबायोटिक औषधि दिएर उपचार गरिएको उनले जानकारी दिए ।हाती बेहोस भएको आधा घण्टाभित्र पशु चिकित्सक टोलीले हात्तीको उपचार गरिसकेको थियो । हात्तीको उपचार सकिए लगत्तै त्यसै स्थानमा छाडिएको थियो । तर स्थानीयले
हात्तीलाई नियन्त्रणमा लिएर अन्यत्र स्थानतरण गर्ने माग गर्दै आएका छन । हातीको उपचार मात्र गर्ने तर स्थानतरण गर्ने जिम्मेवारी आफ्नो न भएको राष्ट्रिय प्रकृती संरक्षण कोषले जनाएको छ । उक्त जङ्गली हातीको नाम एमगज भएको बुझीएको छ ।

प्रेमचन्द्र झा,राैतहट,फाल्गुन ०१ गते

राैतहट । गाैर -चन्द्रनिगाहपुर सडक खण्डमा फोरलाईन

सडक निर्माण तथा स्तर उनन्ति सुरु भए संगै समस्या देखिन थालेका छन ।
सडक डिभिजन चन्द्रनिगाहपुरका प्रमुख अरुण कुमार कर्णका अनुसार गाैर नगर पालिकाले निर्माण गर्न लागेकाे स्वागत द्वारको विभाग स्विकृति नरहेकाे बताएका छन ।
सडक डिभिजन कार्यालयले मुल सडक देखि १५ मिटर दायां वायांमा कुनेै पनि संरचना नबनाउन तथा बनाउन नदिन सबैलाई आग्रह गरेका छन । यसै बिचमा गाैर नगर पालिकाले बनाउन लागेको प्रवेस द्वार फोर लाईन बाहिर रहे पनि ड्राेईङ्ग स्विकृत नरहेकाे प्रमुख कर्णले बताए ।

देशमा लोकतन्त्र हो कि मनपरि तन्त्र हाे बुझन बहुत गाह्रो छ । जसलाई जे मन लाग्यो त्यही काम गरी रहेका छन । कसैले कसैको अधिकार क्षेत्रमा प्रवेश गर्नु अगाडि साेधे न साेधे कुनै फरक पर्दैन । ठेक्का भई सकेकाे रहेका छन । अहिले सहमति दिन भन्छन तै पनि कागज पत्र मिलाएर स्केच मिलाएर ल्याउन भनेको प्रमुख कर्णले बताए । यस बारे गाैर नगरपालिकाका प्रमुख प्रशासकीय अधिकृत सुभाष कुमार ठाकुरले सडक डिभिजन चन्द्रनिगाहपुरमा विभागिय सहमतिका लागि आवश्यक कागजात पेस गरी सकेको बताए ।
सडकले तोकेको माप दण्ड अनुसार स्वागत द्वार निर्माण भई रहेको ठाउमा जग्गा प्रयाप्त रहेको प्रमुख ठाकुरले बताए ।
सडक डिभिजन चन्द्रनिगाहपुरले गाैर विपि चाैक देखि माधवनारायण नपा ३ गजेन्द्रनारायण सिंह अस्पताल सम्मकाे १६.३६० किमि सडक फाेर लाईन बनउन ठेक्का भएको हो । सो रमन-आश्रेय जेभीले निर्माण गराई रहेको छ।
चन्द्रपुर -गाैर सडक (एनएच ३६)लाई फोर लेन कालो पत्रे सडकमा विस्तार तथा स्तर उन्नतिको काम शुरु भएका छन । यसको लागि सडक डिभिजन चन्द्रनिगाहपुरले २०८१/०६/०२१मा रमन -आश्रेय जेभी बसुन्धरा काठमाडौ संग समझाैता गरेका थिए ।सो सडकलाई बनाउन २०८४/०६/२०सम्मको अन्तिम समय सिमा दिईएको छ। सो कार्य ताेकिएको समय सिमा भित्र सम्मपन्न गराउन कम्पंनीले २०८१/०७/०६ गते देखि कार्य शुभारम्भ गरि सकेको रमन आश्रेय जेभीका प्रोजेक्ट मैनेजर अजय गुप्ताले बताए । सो फोर लाईन सडकलाई विपि चाैक सम्म मात्र सिमित न राख्न स्थानीय समाजसेवी विक्रान्त विक्रम नेपालले बताए। फोर लेन सडक प्रदेशिक अस्पताल गाैर सम्म ल्यान उनले माग गरेका छन।
नेपाली कांग्रेसका नेता तथा राैतहट १ (क) बाट निर्वाचित मधेस प्रदेस सभाका सदस्य नागेन्द्र साहले निर्माण भई रहेको फोर लाईन सडकलाई बोडरसंग जोडिए मात्र यसको औचित्य रहेको बताए । बोडर संग जोडन गाैर वजार क्षेत्रको दायाँबायाँबाट पनि बोडरसम्म फोर लाईन सडक जोडन प्रदेश सदस्य साहले माग गरेका छन ।
फोरलाईन सडकको कामलाई बोडर सम्म नजोडिए स्थानीय जनता आन्दोलित हुन वाध्य हुने उनले चेतावनी समेत दिएका छन ।

माघ ३० गते/रौतहट ।

माघ पुर्णिमाका दिन मनाइने रविदास जन्मजयन्ती हरेक वर्ष झै यस वर्ष पनि भारतको बनारस लगायत संसारको विभिन्न देशहरुमा मनाइएको छ। सोही क्रममा रौतहटमा पनि कटहरिया र गरुडा गरी छुट्टाछुट्टै दुई ठाउँमा मनाइएको छ।

बुधबार चमार कल्याण नेपाल,जिल्ला कार्यसमिति,रौतहट र रविदास समाज सेवा नेपालको आयोजनामा कटहरिया र गरुडा गरि दुईवटा छुट्टाछुट्टै स्थानमा शंत शिरोमनि रविदास महराजको ६४८ औं जन्म ज्यन्ती मनाइएको हो।

चमार कल्याण समाज नेपाल,जिल्ला कार्यसमिति,रौतहटले कटहरियामा र रविदास समाज सेवा नेपालले गरुडामा आयोजना गरेको उक्त कार्यक्रमको अवसरमा कटहरिया र गरुडा बजार भरि शोभा यात्रा निकालेर कटहरिया स्थित बहादुरपुर दलित धर्मशालाको सभाहलमा तथा गरुडाको श्री राम सुगर मिल्सको प्राङ्गणमा पुगेर एक भव्य समारोहमा परिणत भएका थिए ।

कटहरिया स्थित आयोजित सो भव्य समारोहका बिच चमार कल्याण समाज नेपालका केन्द्रीय उपाध्यक्ष पुनित राम चमारले शंत गुरु रविदासले आदर्शवादी सोच र चिन्तनद्वारा समाजमा रहेका हरेक प्रकारका बिभेद,कुरिती,अन्धबिश्वास एवम् शोषणको अन्त्य गर्नका लागि उनले गरेका कार्यहरु समाजमा सदैव स्मरणीय रहने बताए। रामले जातीय विभेद लगायत विभिन्न किसिमका हिंसा एवम् विभेदहरु समाजमा चरमउत्कर्षको अवस्थामा पुगे पछि गुरु रविदासले आफ्नो सद बिचारको माध्यमले समाजमा समता एवम् समानता कायम गर्नका लागि ठुलो योगदान दिएकोले आज पनि संसार भरीमा उनको कृति एवम् महानतमको स्मरणीय चर्चा भइरहेको बताए।

रामले हरेक वर्ष माघ पुर्णिमाका दिन मनाइने रविदास जन्मजयन्तीको अवसरमा नेपाल सरकारले सार्वजनिक विदाको घोषणा गर्न माग गरेको हुन्। आगामि वर्ष सार्वजनिक विदाको घोषणा न भए आफुहरु कडा आन्दोलनमा जाने सरकारलाई चेतावनी समेत दिएका छन्।

त्यसैगरी गरुडा स्थित आयोजित सो भव्य समारोहको प्रमुख अतिथिको रुपमा रहेका राजपुर नगरपालिका वडा नम्बर -५ का वडा अध्यक्ष कृष्नन्दन रामले दलित बहुजनको गुरु परमज्ञानी शंत शिरोमनि रविदास महराजको वाणी सुनाउदै समाजमा एकता, समानता, जातिवादको अन्तय र सबैले ज्ञान प्राप्त गर्नको लागि गुरु रविदासले संघर्ष गरेको बताए ।

उनलेे रविदासको आश्रम र जन्म जयन्तीको दिन स्थानीय सरकारले विदा दिनुपर्ने मन्तब्य राखेका थिए । वडा अध्यक्ष रामले शंत रविदासले चाहेको समनता, विभेदमुक्त समाज र उनको ज्ञानको चर्चा समाजमा गर्नको लागि नै शंत शिरोमणि रविदास महराजको जन्म ज्यन्ती मनाउन सरकारी स्तरबाट पहल गरिनु पर्ने बताए ।

विगत २ बर्ष देखि नै रौतहटमा पनि रविदास जन्मजयन्ती मनाइँदै आएको छ । शंत शिरोमनि रविदास महराजको ६४८ औं जन्म ज्यन्तीको उपलक्ष्यमा सबै जनाले ज्ञान प्राप्ति, सुख, शान्ति, समृद्धिको कामना गरेका छन्। छुट्टाछुट्टै दुईटै कार्यक्रममा रौतहट जिल्ला भरिकै रविदास तथा चमार समाजका अगुवा,नेता,दलित अगुवा,पत्रकार तथा जन समुदायको उत्साह जनक उपस्थिति रहेको थियोे।

आरके श्रीवास्तव,रौतहट,३० गते माघ ।

रौतहटको गरुडा नगरपालिकामा सुरक्षित नागरिक आवास कार्यक्रममा लाभग्राही सँग पाँच हजारका दरले रकम असुल गरिएको कुरा बाहिर व्यापक चर्चामा छ । गरिब विपन्नको नाममा आएको रकममा गिद्वेनजर राखि पैसा उठाएका एजेन्टहरूमा हडक्मप मचेकाे छ ।

पिडितहरूले मिडियामा आफूहरूसँग पैसा उठाइएको कुरा छताछुल्ल भएपछि पैसा फिर्ता गर्न मरिहत्ते गरिरहेका छन् । पिडितकाे घरघरमा पुगि पैसा फिर्ता लिन दबाब दिन थालेका छन् । केही व्यक्तिलाई विभिन्न धाकधम्की दिई फिर्ता लिन बाध्य पनि बनाएका छन् ।

घरघरमा मान्छे पठाउने,काम अहिले भईरहेकाे छ । सुरक्षित नागरिक आवास कार्यक्रम मार्फत नागरिकको खरको छाना भएका घर विस्थापित गर्न ७५ हजार रूपैयाँ पाउने व्यवस्था छ  ।

त्यही व्यवस्था अनुसार नै गरिब,विपन्नको नाममा गरुडामा गत आर्थिक वर्षमै आएको रकममा कमिसन स्वरुप पाँच पाच हजारको दरले प्रतिपरिवार पैसा असुुल गरिएको पिडितहरुको भनाइ छ । गरूडा नगरपालिका वडा नम्बर ४ का वडा अध्यक्ष सुनिल जयसवालकाे निर्देशनमा वडा सचिव जयलाल यादव र रामअधार पटेलले आफूहरुसँग पाँच हजारका दरले पैसा लिएको गरुडा नगरपालिका वडा नम्बर ४ का जयकिशाे ठाकुरले बताएका छन् ।

ठाकुर जस्तै दर्जनौं पिडितहरूले आफूहरू सँग पैसा लिएकाे खुलासा गरेका छन् । यता साे वडाका वडा अध्यक्ष जयसवालले कुनै किसिमकाे पैसा असुल नगरेकाे वक्तव्य सार्वजनिक गरेसँगै लाभग्राहीहरू झन आक्राेशित बनेका हुन् ।

रौतहट, ३० माघ गते  – संत शिरोमनि रविदास महराजको ६४८ औं जन्मजयन्ती देशको विभिन्न ठाउँहरुमा मनाउनुको साथै रौतहटमा पनि मनाइएको छ।

बुधबार रविदास समाज सेवा नेपालको आयोजनामा शंत शिरोमनि रविदास महराजको ६४८ औं जन्म ज्यन्तीको अवसरमा रौतहटको मध्यभागमा रहेको गरुडा बजारमा शोभा यात्रा निकालेर गरुडा चौक तथा बजार भरि परिक्रमा गर्दै,अन्त्यमा श्री राम सुगर मिल्स गरुडाको प्राङ्गणमा आयोजित रविदास महराजको ६४८ औं जन्म ज्यन्तीको    समारोहमा समावेश भएका थिए ।

समारोहको अध्यक्षता रविदास समाजका अगुवा सत्यनरायण महरा, ले गरेको थियोे भने सो सोभा यात्रा दलित संघर्ष समितिका संयोजक  सोनालाल रामको संयोजकत्वमा निकालिएको थियो। त्यसैगरी सो कार्यक्रमको प्रमुख अतिथिमा  राजपुर नगरपालिका वडा नम्बर -५ का वडा अध्यक्ष कृष्नन्दन महरा,विशिष्ट अतिथिमा मटुक पासवान तथा अथितिहरु  मा उदय नारायण राम,लगायत जिल्ला भरिकै रविदास समाजका व्यक्तित्व तथा दलित अधिकार कर्मी हरुको व्यक्तिहरुको उपस्थिति रहेको थियो ।

प्रमुख अतिथि रामले दलित बहुजनको गुरु परमज्ञानी शंत शिरोमनि रविदास महराजको वाणी सुनाउदै समाजमा एकता, समानता, जातिवादको अन्तय र सबैले ज्ञान प्राप्त गर्नको लागि गुरु रविदासले संघर्ष गरेको बताए । उनलेे रविदासको आश्रम र जन्म जयन्तीको दिन स्थानीय सरकारले विदा दिनुपर्ने मन्तब्य राखेका थिए ।

 

रामले शंत रविदासले चाहेको समनता, विभेदमुक्त समाज र उनको ज्ञानको चर्चा समाजमा गर्नको लागि नै शंत शिरोमणि रविदास महराजको जन्म ज्यन्ती मनाउन सरकारी स्तरबाट पहल गरिनु पर्ने बताए ।

 

विगत २ बर्ष देखि नै रौतहटमा पनि रविदास जन्मजयन्ती मनाइँदै आएको छ । शंत शिरोमनि रविदास महराजको ६४८ औं जन्म ज्यन्तीको उपलक्ष्यमा सबै जनाले ज्ञान प्राप्ति, सुख, शान्ति, समृद्धिको कामना गरेका छन्।

आरके श्रीवास्तव,राैतहट,३० गते माघ ।
राैतहट । मध्य राैतहटकाे गरूडामा रहेको ईलाका प्रहरी कार्यालयमा आजदेखि नागरिक सहायता कक्ष सुरू गरिएको छ । आम नागरिककाे गुनासो सुन्न ईप्रका भित्र रहेको गाेलघरमा ‘नागरिक सहायता कक्ष’ स्थापना गरिएकाे छ ।
जहाँ असहाय गरिब नागरिकहरुको लागि प्रहरी द्वारा नि:शुल्क निवेदन लेखन कार्य सुरुवात गरिएको ईलाका प्रहरी कार्यालय गरूडाका प्रमुख डिएसपी राजन कार्कीले जानकारी गराउनु भएको हाे ।
समुदाय–प्रहरी साझेदारी कार्यक्रम अन्तर्गत सुरु भएको सहायता कक्ष बाट बुधबारदेखि नै सेवा प्रवाह गरिएको उनले बताएका हुन् ।
सहायता कक्षबाट आम नागरिकहरूलाई सहजहुने विश्वास व्यक्त गरिएको छ । सहायता कक्षबाट नागरिकका गुनासाहरूको सुनुवाइ गरिने प्रहरीकाे भनाइ छ ।
स्मरणीयहाेस् गरिबको लागी निःशुल्क निवेदन लेख्न राैतहट प्रहरी प्रमुख एसपी दिलिप घिमिरेले निर्देशन दिएपछि प्रहरीले विना शुल्क निवेदन लेख्न सुविधा मिलाएकाे हाे ।
एसपी दिलीप घिमिरेकाे निर्देशनमा निःशुल्क उजुरी ठाडो निवेदन लेख्ने फर्मेट जिल्लाकाे प्रत्येक थाना चौकीमा पुगेपछि नागरिकलाई अब सहज भएको छ ।
रौतहटमा घरायसी तथा सामान्य बादविवाद हुँदा पनि प्रहरी कार्यालयमा जाँदा बाहिरबाट सानो ठाडो उजुरी लेखाएर ल्याउन ५०० रुपैयाँ लेखाई दिनुपर्ने बाध्यता रहेको थियो । प्रहरीले नै निवेदन लेखिदिएपछि आम नागरिक लाई सहज भएको छ । एसपी दिलीप घिमिरेको यस पहलको जानकारहरुले खुलेरै सराहना गरेका थिए ।

बज्जिकाञ्चल संवाददाता,गाैर,२९ गते माघ २०८१ । मधेशी शहीदहरूको सालिक स्थापनाको माग गर्दै समाजवादी विद्यार्थी युनियन नेपालका केन्द्रीय सचिव तथा युवा नेता ललन यादव नेतृत्वको टोलीले गौर नगरपालिकाका नगर प्रमुख सम्भु साहलाई ज्ञापन पत्र बुझाएका छ्न ।

रौतहटको गौर नगरपालिका-३ स्थित मधेसी क्रान्ति चौकमा नवनिर्मित घन्टाघर चौतारा क्षेत्रमा मधेसी जनताको हक अधिकारका लागि आफ्नो प्राण आहुति दिने शहीदहरूको सालिक स्थापनाको माग गर्दै मधेसबादी नेताहरू असन्तुष्टि व्यक्त गर्दै आइरहेको अवस्था युवाहरूले गौर नगरपालिकाको नगर प्रमुखको ध्यानाकर्षण गराएका हुन् ।

यादवले मधेसी बलिदानीहरूका योगदानलाई सम्मान गर्दै उनीहरूको स्मरणका लागि गौर नगरपालिकाले विशेष पहल गर्नुपर्ने बताएका छन् । उनले मधेश आन्दोलनमा वीरगति प्राप्त गरेका योद्धाहरूको सम्झनामा स्थायी स्मारक निर्माण आवश्यक रहेको उल्लेख गर्दै, शहीदहरूको सम्मान नगरपालिकाको दायित्व भएको बताएका छन् ।

नगर प्रमुख साहले ज्ञापन पत्र ग्रहण गर्दै यस विषयमा गम्भीर छलफल गरी आवश्यक कदम चाल्ने प्रतिबद्धता व्यक्त गरेका छन् । उनले गौर नगरपालिकालाई ऐतिहासिक र गौरवशाली बनाउन शहीदहरूको योगदानलाई उजागर गर्ने कार्यमा आफ्नो सहयोग रहने आश्वासन समेत दिएका छन् ।

ज्ञापन पत्र बुझाउने क्रममा विभिन्न युवा नेता, विद्यार्थी तथा स्थानीय सामाजिक अभियन्ताहरूको उपस्थिति रहेको थियो । स्थानीय युवाहरूले शहीदहरूको सम्मानमा यथाशीघ्र सालिक स्थापनाका लागि पहल गर्नुपर्ने माग गर्दै नगरपालिकालाई दवाव दिएको बताएका छन् ।

बज्जिकाञ्चल संवाददाता,गाैर,२९ गते माघ २०८१ । 

मिडिया काउन्सिल र सामाजिक सञ्जाल विधेयक खारेजीको माग गर्दै श्रमजीवी पत्रकार संघ, रौतहट शाखाको आयोजनामा मौन जुलुस प्रदर्शन तथा ज्ञापन पत्र बुझाउने कार्यक्रम सम्पन्न भएको छ ।

मधेसी क्रान्ति विपी चौक, गौरमा जिल्लाका सम्पूर्ण श्रमजीवी पत्रकारहरूको सहभागितामा सरकारको प्रेस दमन नीति विरुद्ध आवाज उठाइएको थियो । पत्रकारहरूले “मलाई लेख्न र बोल्न दे सरकार” भन्ने नारासहित मौन जुलुस प्रदर्शन गर्दै प्रमुख जिल्ला अधिकारी (सीडीओ) मार्फत सम्बन्धित निकायलाई ज्ञापन पत्र बुझाएका छन् ।

पत्रकार तथा सामाजिक सञ्जाल प्रयोगकर्तामाथि अंकुश लगाउने नियतले ल्याइएको विधेयक प्रेस तथा अभिव्यक्ति स्वतन्त्रताविरुद्धको कदम भएकाले तुरुन्त फिर्ता लिनुपर्ने श्रमजीवी पत्रकार संघका जिल्ला अध्यक्ष संतोष पौडेले माग गरेका छन् ।

कार्यक्रममा विभिन्न सञ्चारमाध्यमका प्रतिनिधि, स्वतन्त्र पत्रकार तथा समाजिक अभियन्ताहरूको उल्लेखनीय उपस्थिति रहेको थियो । सहभागीहरूले विधेयक खारेज नभएसम्म चरणबद्ध संघर्ष जारी राख्ने चेतावनी समेत दिएका छन् ।

 

काठमाडौं ।
आम जनता पार्टी (आजपा)का अध्यक्ष एवं पूर्वमन्त्री प्रभु साहले शान्तिपूर्ण विरोध सभा गर्नका लागि नागरिकको हकमाथि सरकारले प्रतिबन्ध लगाएको आरोप लगाएका छन् । संविधानमा भएको मौलिक हक अनुसार नै आफ्ना कुरा राख्न पाईने, शान्तिपूर्ण सभा, विरोध गर्न पाउँने भए पनि अहिले त्यस्तो अभिव्यक्ति व्यक्ति गर्नका लागि काठमाण्ड़ौमा ठाउँ नै नभएको उनले गुनासो गरेका छन् ।

प्रतिनिधि सभाको आजको बैठकमा साहले ‘नेपालमा लोकतन्त्र छ की निरंकुशता छ ?’ भन्ने प्रश्न गर्दै लोकतन्त्रमा सरकारले अभिव्यक्ति स्वतन्त्रता किन हनन गर्न खोजेको भनेर सरकारसंग जवाफ माग गरेका छन् ।

‘नेपालमा लोकतन्त्र छ कि निरंकुशता छ ? निरंकुश भनिएको राजतन्त्रको बेलामा उफ्रिउफ्री विरोध र सभाहरु गर्ने नेता आज सत्तामा पुगेपछि आफैं निरंकुश बन्नु भएको छ । नेपाली जनताले विरोध गर्न खोज्दा विरोध गर्न पाउँने ठाउँ कहाँ छ ?’, सरकारसंग प्रश्न गर्दै साहले भने, ‘हामी निर्वाचित सांसद भएकाले त ठाउँ पाउँदैनौं भने सर्वसधारणको हालत के होला ? यस बारेमा यो संसदले सरकारलाई निर्देश गरोस् ।’

प्रधानमन्त्री केपी शर्मा ओली र उनको दल नेकपा (एमाले)ले व्यस्त सडकमै मञ्च बनाएर कार्यक्रम गर्ने छुट पाएपनि आम नागरिकले विरोध गर्ने ठाउँ कहीँ कतै नपाएको उनले बताए । आजपा अध्यक्ष साहले सरकारले जनतालाई रून, हाँस्नसमेत नदिएको टिप्पणी गरे ।

‘ठूला–ठूला नेता, प्रधानमन्त्रीज्यूहरुले सडकमै मञ्च लगाउनुहुन्छ । व्यवस्त सडकमा मञ्च बनाउनुहुन्छ, त्यो आम जनताले पाउँछ कि पाउँदैन । जो शासक छ, उही सडकमा सभा गर्छ । जनताले कहाँ सभा गर्ने ? कुनै ठाउँ दिँदैन’, आजपा अध्यक्ष साहले भने, ‘अरु पनि देशमा लोकतन्त्र छ, लोकतान्त्रिक व्यवस्था छ । सबै देशहरुमा सभा सम्मेलन गर्ने ठाउँ दिइएको हुन्छ । हिजो राजतन्त्र हुँदा सभा सम्मेलन गर्ने ठाउँ खुल्ला थिए । त्यतिबेला निरंकुश राजा भन्नेहरु आजको सिस्टमलाई के भन्ने ? आजको सिस्टमलाई लोकतन्त्र भन्ने ? जनतालाई रुन पनि नदिने, हाँस्न पनि नदिने ?’

राजतन्त्रको समयमा उफ्रिउफ्रि सभा गर्ने, भाषण गर्ने नेताहरुले आज ति ठाउँमा ताल्चा लगाइएको किन नदेखेका होलान भन्दै उनले सरकार राजाभन्दा पनि बढी निरंकुश बनेको टिप्पणी गरे ।

यस्तै आजपा अध्यक्ष साहले सरकारले संसदीय समितिको बैठकहरुमा सरकारले सुराकी पठाएको गम्भिर आरोप लगाएका छन् । उनले सरकारले समिति र सदनमा सांसदहरुले के बोल्छन् भनेर सुराकीको रुपमा केही प्रहरी खटाएको गम्भिर आरोप लगाएका हुन् । उनले प्रधानमन्त्री ओली नेतृत्वको सरकार राजाको शासन कालभन्दा पनि निरंकुश भएको टिप्पणी गरे ।

‘यतिसम्म कि अब मोबाइल (सामाजिक सञ्जाल) मा पनि विरोध गर्न बन्द गर्ने । संसदमा पनि कुन दिन अभिव्यक्ति स्वतन्त्रतामाथि प्रतिबन्ध हुन्छ । हामी सुन्छौं, सरकारका प्रहरीहरु सुराकीको काम गर्दैछन्, समितिमा के बोल्छन् सांसदहरु ? संसदमा सांसदहरु कसरी प्रस्तुत भइरहेको छ ? यतिसम्म त राजाले पनि गर्दैन थियो’ साहले भने ।

प्रेमचन्द्र झा,राैतहट,माघ २९ गते
राैतहट । नेकपा एमालेका उपमहासचिव प्रदिप ज्ञवालीले नेपाली काग्रेस र नेकपा एमाले सतासाझेदार मात्र हाेईन एक अर्काेकाे प्रतिस्पर्धि समेत रहेकाे कुरा बताएका छन।
। नेकपा एमाले जिल्ला कमिटी राैतहटको आयोजनामा “तीन महिने वडा वा जरा केन्द्रीत अभियान” सम्बन्धी अभिमुखीकरण कार्यक्रममा प्रमुख अतिथिको रुपमा बाेल्दै उपमहासचिव ज्ञवालीले काग्रेस – एमालेको सहकार्यले आयाराम गयाराको निन्द हराम भएको बताए । काग्रेससंगको हाम्रो सहकार्यले प्रचन्डको जादुई नम्बर ३२जना सांसद भएको पाट्रीको प्रधानमन्त्री हुने सिष्टम फेल भएको नेता ज्ञावलीले बताए । सता सहकार्यसगै देशमा स्थिर सरकार आएको छ ।

आया राम गया रामको काम छैन ।पुजिगत खर्च बढेको छ । आयात निर्यातमा सुधार भएका छन ।
सरकार आएपछी सत्य निरुपण तथा मेलमिलाप आयोग सर्वसहमतिले पारीत भएका छन । सास छ न लास छ पिडित परिवार वेहालको अवस्था थियाे । अब उनि न्याय पाउने भएका छन ।भारत र चिन दुबैका पक्षधर न बिरोधि हो हामी नेपाल पक्षधर हाै । नेपालको विकास दुबै संग मिलेर हुन्छ ।

सो कार्यक्रममा स्थायी कमिटी सदस्य तथा संगठन बिभाग प्रमुख काशीनाथ अधिकारी,स्थायी कमिटी सदस्य तथा मधेस प्रदेश कमिटी इन्चार्ज ।लीलानाथ श्रेष्ठ,केन्द्रीय सदस्य तथा राैतहट जिल्ला इन्चार्ज अजय कुमार गुप्ता , मधेस प्रदेश कमिटी अध्यक्ष चन्देश्वर मण्डल सहितका वक्ताले संगठनलाई सदृढ गरेर आगाडी बढाउनु पर्ने कुरामा जाेड दिएका थिए । सो अवसरमा केन्द्रीय रेखा झा, उधव रेग्मी र कुन्दन कुशवाहा,मधेस प्रदेस का सचिव आरती भण्डारी सहितका नेतावहरुको उपस्थिति रहेको थियो ।

नेकपा (एमाले) जिल्ला कमिटी,सर्लाही अध्यक्ष सचितानन्द साहकाे अध्यक्षतामा तुलसीलाल स्मृति सभा भवन गरुडामा भएको कार्यक्रममा जिल्लाका सवै वडा, नगर क्षेत्र र जिल्ला स्तरीय करिब ५ सय कार्यकर्ताको सहभागिता रहेको थियो।

सागर संगम ठाकुर,रौतहट,माघ २८ गते
रौतहटको देवाही गोनाही नगरपालिकाको धरहरीमा सडक ढलानको शिलान्यास गरिएको छ ।देवाही गोनाही नगरपालिकाका मेयर प्रेमलाल साहले वडा नं.९ धरहरीमा सडक ढलान कार्यको शिलान्यास गर्नु भएको हो ।
नगरपालिकाको नगर स्तरिय बजेट कुल ८ लाखको लागतमा निर्माण हुने उक्त सडकको मेयर साहले सोमबार एक कार्यक्रमका बिच शिलान्यास गर्नु भएको छ ।

उपभोक्ता समिती मार्फत हुने उक्त सडक ढलान कार्यको अध्यक्षमा स्थानिय कमलकान्त मिश्र उपाध्यक्ष रेनु कुमारी बैठा र सचिवमा नन्दकिशोर यादव रहेको छ ।
वडा अध्यक्ष वीर बहादुर साहको अध्यक्षतामा भएको शिलान्यास कार्यक्रममा नेकपा एमालेका प्रदेश कमिटी सदस्य रामजी साह,वडा सदस्यहरु खुबलाल दास,महिला सदस्य प्रमिला देवी साह,संजोगिया देवी दास,श्री जय किसान माध्यमिक बिद्यालय धरहरीका पुर्व प्रधानाध्यापक राजकिशोर प्रसाद यादव,शिक्षक रामचन्द्र राय यादव,युवा नेता नन्दकिशोर यादव,हरिश्चन्द्र यादव,लगाएत स्थानीयहरुको उपस्थिति रहेको थियोे ।

आरएन पटेल,राैतहट,माघ २८ गते ।
स्थानीय तहको वितरणमुखी कार्यक्रमले समाजमा मुडभेड़को अवस्था सृजना भएको देखिन्छ। सस्तो लोकप्रियता कमाउन जिल्लाका विभिन्न पालिकाका नगर प्रमुखहरुले नगर स्तरीय बजेटबाट वितरणमुखी कार्यक्रमको आयोजन गरि समाजमा मुडभेड़को अवस्था सृजना गरेको देख्न पाइन्छ।

उदाहरणका लागि गरुडा नगरपालिकाको वडा नम्बर ६ अमरपट्टी गाउँमा भएको सिरक वितरण कार्यक्रममा हालै भएको विवादले प्रष्ट पारेको छ।
मध्य राैतहटकाे गरूडा नगरपालिका वडा नम्बर ६ अमरपट्टी गाउँमा मेयर कन्थमनी जयसवालले आइतबार गरिब,विपन्नकाे सट्टा हुनेखानेलाई सिरक/कम्बल वितरण गर्न थालेपछि स्थानीयले विराेध गर्दै मेयर जयसवाललाई घेरेका थिए। सुखी सम्पन्न तथा आफ्ना आसेपासे परिवारलाई सिरक बाँड्न थालेपछि स्थानीय आक्राेशित भई करिब २/३ घण्टा सम्म उनलाई स्थानीयहरुले घेरेका थिए। गरीब निमुखा तथा विपन्न परिवारलाई बाईपास गरि एउटै घरका ५ जनालाई दिन थालेपछि थप विवाद उत्पन्न भएको स्थानीय सुरेश जयसवालले जानकारी गराएका हुन् ।

केही बेरसम्म त्यहाँ अवस्था तनावग्रस्त बनेकाे थियोे । पछि ईलाका प्रहरी कार्यालय शिवनगरबाट गएको टाेली स्थिति साम्य पारेकाे थियोे । सिरकहरू नबाँडीकन नगरपालिकामा फिर्ता लानेभएपछि मात्र स्थानीयहरू शान्त बनेका थिए ।
जनताकाे भिडबाट पछि प्रहरीले नगर प्रमुख जयसवाललाई स्कटिङ्ग गरेर त्यहाँ बाट निकालेका थिए । बाक्लो संख्यामा नेपाल प्रहरी र नगर प्रहरी परिचालन पनि गरिएको थियोे ।
त्यहाँका स्थानीयहरूले वास्तविक पीडित,गरिब, विपन्न, एक घर एक सिरक बाड्न भनिरहेका थिए । तर मेयर जयसवालले त्यसाे नगरि गाउँमा झैझगडा गराउन खाेज्दा जनताले विरोध गरि सम्पूर्ण दलित, गरिब तथा विपन्न परिवारलाई वितरण नगरेकाले उक्त वितरण कार्यलाई अवरोध गरेको स्थानियहरुले बताएका छन।

यस अघि पनि सिरक तथा दाउरा वितरण कार्यमा गरूडाकाे दलित बस्तीलाई बाईपास गरि मेयर जयसवालले वितरण गरेकाे दलित बस्तीका पीड़ित परिवारहरुले आराेप लगाईएकाे थियोे । नगरप्रमुख कन्थमनी जयसवालले कम्बल र सिरक वितरणमा काखापाखा गरेकाे तथा आफ्ना आसेपासे लगायतका व्यक्तिहरुलाई उच्च प्राथमिकतामा राखेर वितरणमुखी कार्यक्रमहरु सञ्चालन गर्दै आएको पीडितहरुको भनाई रहेको छ।
साथै आइतबार गरुडाको अमरपट्टीमा सिरक वितरण कार्यक्रममा भएको विवाद विस्तार हुदै सोमबार पनि विवाद बढेर अमरपट्टीमा केही बेरसम्म अवस्था तनावग्रस्त बनेकाे थियोे। अवस्थालाई नियन्त्रण गर्न ठुलो संख्यामा प्रहरी परिचालन गरि स्थिति साम्य पारेकाे थियोे ।

रौतहटको गरुडा नगरपालिका मात्र नभएर अन्य अधिकांश पालिकाहरुले त्यस्ता विभिन्न वितरणमुखी कार्यक्रम सञ्चालन गरि आफ्ना नजदीकी तथा आसेपासे लगायतका व्यक्तिहरुलाई ग्रस्ता दिएर वितरण कार्य सञ्चालन गर्दा समाजका सचेत नागरिकद्वारा विरोध जनाउदा समाजमा द्वन्द समेत सृजना भइरहेको जानकारहरुको बुझाई रहेको छ।

जनता सचेत भएपछी जनप्रतिनिधिले जे मन लाग्यो त्यही गर्न त्यति सजिलो नहुने तथा अहिलेको जनप्रतिनिधिहरुलाई मनपर्दी कार्य गर्न अपठ्यारो भैरहेकाले दिनप्रतिदिन स्थानीय स्तरमा विवाद बढ्दै गएको बुद्धिजीवीहरुको भनाई रहेको छ।

बज्जिकाञ्चल संवाददाता,राैतहट,२८ गते माघ । 

गृहमन्त्री रमेश लेखकको राजीनामाको माग गर्दै  रौतहटका दलित अभियन्ताहरूले प्रमुख जिल्ला अधिकारी मार्फत प्रधानमन्त्री तथा मन्त्रि परिषदको कार्यालय काठमाडौँ र मुख्यमन्त्री तथा मन्त्रि परिषद् कार्यालय जनकपुरलाई ज्ञापन पत्र बुझाएको छ।

गृहमन्त्री लेखकले अन्तरजातीय बिहे गर्ने दलित युवामाथि अत्याचार गरेको भन्ने घटना बाहिर आए लगत्तै सोको विरुद्धमा हरेक जिल्ला- हरुबाट बिरोध,प्रदर्शन तथा हरेक जिल्लाका प्रमुखलाई ज्ञापन पत्र बुझाएर सरकारलाई चेतावनी दिने कार्य भइरहेको छ।

सोही क्रममा सोमबार रौतहटका दलित अधिकारकर्मीहरुले जिल्ला प्रसाशन कार्यालय पुगी, प्रमुख जिल्ला अधिकारीलाई सो ज्ञापन पत्र बुझाएका हुन्। ज्ञापन पत्रमा अन्तरजातीय विवाह गर्नेलाई प्रोत्साहन गर्ने सरकारको नीति  रहेता पनि व्यवहारमा लागू न भएको भन्दै, सर्लाहीको बरहथवा नगरपालिका– ४ का सत्येन्द्रकुमार राम (चमार) र बरहथवा- ५ की नेहा रौनियारलाई अन्तरजातीय प्रेमविवाह गरेकै कारण गृहमन्त्री र उच्च प्रहरी अधिकारीकै संलग्नतामा ज्यादती गरिएको र विवाह दर्तासमेत गरिसकेका उनीहरूको सम्बन्ध तोड्न राज्य शक्तिको दुरुपयोग भएको  उल्लेख छ।

ज्ञापनपत्र बुझाउनु भन्दा अगाडि अभियन्ताहरुले दलित नागरिक माथि हुने जातीय भेदभावको अन्त्य गर्न सरकार गम्भीर बनोस्, अन्तरजातीय विवाह गर्नेहरूमाथि सबै खालको भेदभाव बन्द गरियोस्,दलित हिंसा गर्ने गृहमन्त्रीलाइ कारवाही गर,दलित हिंसा गर्ने गृहमन्त्री राजीनामा दे,जस्ता नारावाजीका साथ गौर परिक्रमा गर्दै, अभियन्ताहरु जिल्ला प्रसाशन कार्यालय पुगेका थिए।

उक्त कार्यक्रमको संयोजकत्व दलित सङ्घर्ष समिति रौतहट संयोजक सोनालाल रामले गरेका थिए भने,सो ज्ञापन पत्र बुझाउने क्रममा वरिष्ठ दलित अधिकार कर्मी मटुक पासवान,अवधनरायण राम,उदयनरायण राम,जयमंगल पासवान,सुब्बा साहेब हजारी,दलित महिला अधिकारकर्मी किरण पासवान र विवेक पासवान लगायत सयौं दलित अभियन्ताहरुको उपस्थिति रहेको थियोे।

आरके श्रीवास्तव,रौतहट,२७ गते माघ ।
रौतहटको गरुडा नगरपालिकामा सुरक्षित नागरिक आवास कार्यक्रममा लाभग्राही सँग पाँच हजारका दरले रकम वसुल गरिएको कुरा बाहिर आएको छ । गरिब विपन्नको नाममा आएको रकममा एजेन्ट लगाएर पैसा उठाइएको पिडितहरुले बताएका छन् ।
सुरक्षित नागरिक आवास कार्यक्रम मार्फत नागरिकको खरको छाना भएका घर विस्थापित गर्न ७५ हजार रूपैयाँ पाउने व्यवस्था छ  । त्यही व्यवस्था अनुसार नै गरिब,विपन्नको नाममा गरुडामा गत आर्थिक वर्षमै आएको रकममा कमिसन स्वरुप पाँच पाच हजारको दरले प्रतिपरिवार पैसा वसुुल गरिएको पिडितहरुको भनाइ छ ।
वडा सचिवले आफूहरुसँग पाँच हजारका दरले पैसा लिएको गरुडा नगरपालिका वडा नम्बर ४ का रवि साहले बताएका छन् । बैंकको खाता खोल्नुपर्ने भन्दै पैसा उठाएको उनी बताउँछन् । पैसा लिएको १० महिना बित्दा पनि आफूहले पाउनुुपर्ने रकम पाउन नसकेको उनको भनाइ छ ।
त्यस्तै अर्का स्थानिय दिपेन्द्र साह भन्छन् – नागरिकको लागि आएको रकममा कुनै किसिमको पैसा नउठाउनु पर्ने हो तर हामीहरु सँग फ्रड गरिएको छ । लाभग्राहीले पाउनुुपर्ने सुविधा नगरपालिकाले छिटो भन्दा छिटो उपलब्ध गराइ दिन माग गरेका छन् । यसरी गरिब सँग पैसा उठाउनेलाइ कार्यवाही गर्न पनि सम्बन्धित निकायलाइ ध्यानाकर्षण गराएका छन् ।
सोही वडाका सियाराम साहले फर्मको नाममा आफूहरु सँग वडा सचिवले पाँच हजार लिएको बताएका छन् । पाँच हजार रुपैया उठाइएको एउटा अडियो संवाद पनि बाहिर आएको छ । गरुडा नगरपालिका वडा नम्बर ५ का स्थानिय शैलेन्द्र यादव सँग भएको उक्त संवादमा श्रीसाह नाम गरेका व्यक्ती पैसा उठाएको स्विकार पनि गरेका छन् ।
यता वडा नम्बर ४ का वडा सविव सँग सम्पर्क गर्न खोज्दा सम्पर्क हुन सकेको छैन् । यसै विषयमा गरुडा नगरपालिकाका प्रमुख प्रशासकिय अधिकृत मुस्ताक आलम सँग बुुझदा उनले भने गत आर्थिक वर्ष २०८०।८१ मा नै सुरक्षित नागरिक आवासको लागि रकम आएको थियो । पहिलो किस्ताको रकम ४५ हजार भने सम्बन्धित व्यक्तीको खातामा गइसकेको जानकारी गराएका छन् ।
दोस्रो किस्ताको रकम चालुु आर्थिक वर्षमा पैसा आएपछि पठाइने उनको भनाइ छ । पैसा कसले उठायो भने यसबारे आफूलाइ केही जानकारी नभएको कार्यकारी आलमले बताउँछन् ।
गरुडा नगरपालिकामा कति सँख्यामा सुरक्षित नागरिक आवास रकम आएको हो यसबारे आफूले बुुझेर बताउने बताए । नगरपालिकाले पहिलो किस्ताको रकम खातामा गइसकेको भनिरहेका छन् भने लाभग्राहीहरुले पैसा नपाएको भनिरहेका छन् । पाँच हजार रुपैयाँ भने आफूहरु सँग उठाइएको उनीहरुले भनिरहेका छन् । सुक्षम तरिकाले यसबारे अनुसंधान गर्नुुपर्ने अहिलेको आवश्यकता देखिएको छ ।
गरुडा नगरपालिकाका मेयर प्रत्यासी दिपक यादवले गरिब सँग ठगिएको रकम फिर्ता गर्नुपर्ने र लाभग्राहीले पाउनुपर्ने सुविधा अविलम्ब उपलब्ध गराउन नगरपालिका सँग अनुरोध गरेका छन् । साथै लाभग्राहीहरुको लिस्ट सार्वजनिक गर्न पनि उनले माग गरेका छन् ।
स्मरणियहोस् आव २०७५÷७६ को बजेट वक्तव्यमार्फत पराल तथा खरका छाना भएका घरलाई जस्ताको पातामा रूपान्तरण गर्ने उद्देश्यबाट सुरक्षित नागरिक आवास कार्यक्रम सुरुवात गरिएको थियो । उक्त कार्यक्रम अन्तर्गत जस्तापाता, काठलगायत सामग्री खरिद गर्न प्रतिघरपरिवार ५० हजार अनुदान दिन थालिएको थियो । तर पछि आव २०७८÷७९ देखि भने प्रतिघरपरिवार अनुदान रकम बढाएर ७५ हजार रूपैयाँ पु¥याइएको थियो ।

काठमाडौं ।
आम जनता पार्टी (आजपा)का अध्यक्ष एवं पूर्वमन्त्री प्रभु साहले कार्यालय सहयोगी, ड्राइभर, स्विपर, माली लगायत श्रेणीविहीन कर्मचारीहरुको जागिर सुनिश्चित्ताको ग्यारेन्टी गर्नुपर्ने माग सरकारसंग गरेका छन् । लोक सेवा आयोगले उनीहरुलाई स्थाई पदपुर्ति गरेर रोजगारीको सुनिश्चितता गर्नुपर्ने माग उनले गरेका छन् ।

आईतबार बसेको प्रतिनिधि सभाको बैठकमा बोल्दै साहले नेता र हाकिम कर्मचारीको चाकडी गरेर श्रेणीविहीन कर्मचारीले काम गरेर कहिलेसम्म बाच्न पर्ने भन्दै स्थायी गरेरै उनीहरुको रोजगारीको सुनिश्चितता गर्नुपर्ने सुझाव दिए ।

‘सरकारी निकायमा तल्लोस्तरमा काम गर्ने कार्यालय सहयोगी, ड्राइभर, सुरक्षागार्ड, माली र स्विपरलगायतका तल्लो तह र श्रेणीविहीनहरुको जीवन एकदमै कष्टकर भैरहेको छ । जागिर नै पूरै असुरक्षित छ, जागिर कन्टिन्यूको लागि शासक र नेताहरुलाई गुहारिरहनुपर्ने, चाकडी गर्नुपर्ने बाध्यता छ,’ साहले भने, ‘म यो सरकारलाई सोध्न चाहन्छु कि ती पोष्टहरुमा स्थायी भ्याकेन्सी गरेर पदपुर्तिको काम के ले रोक्यो ? आजभोलि लोकसेवा आयोगले जतिपनि विज्ञापन गरिरहेको छ, कक्षा १२ भन्दा माथिको मात्रै भैरहेको छ, के ती श्रेणीविहीन पोष्टहरु सरकारी निकायबाट हटाईएको हो ? ती पोष्टहरुको जरुरी छैन् ? सरकारी निकायमा गाडीको जरुरी छ भने ड्राइभरको किन विज्ञापन हुँदैन ? के चालकहरु नेपाली नागरिक होईनन ? के गरिवहरु नेपाली नागरिक होईनन ?’

तल्लो तहमा काम गर्ने कर्मचारीहरुले राज्यमा कुनै एप्रोच नपाउने र जहिल्यैपनि उनीहरुले चाकडीमात्रै गर्नुपर्ने हो र ? भन्दै साहले प्रश्न उठाए । तल्लो तहका मान्छेले जहिल्यैपनि अरुकै निगाहमा जीवन बाँच्नुपर्ने हो ? र यस्तै अवस्थाको लागि नेपाली नागरिकले लडेर गणतन्त्र ल्याएको हो ? भन्दै साहले प्रश्न गरे ।

‘हिजो राजतन्त्रमा त यी पोष्टमा स्थायी भ्याकेन्सी हुन्थे । उनीहरुले पनि पेन्सन पाउँथे । उनीहरुपनि सम्मानित भएर मानव जीवन बाँच्थे, तर आज जसरी नारकीय र दासताको जीवन बाँच्नुपर्ने स्थिति छ, यसको अन्त्य होस भन्न चाहन्छु,’ साहले भने ।

उनले निजामती ऐनमार्फत अहिले नारकीय जीवनयापन गर्न बाध्य भएका तल्लो तह र श्रेणीविहीन कर्मचारीको भावना र माग सम्बोधन होस भन्ने माग गरे । कतिपय शासकहरुले तल्लो तहका कर्मचारीलाई स्थायी गरियो भने आफ्नो टाउकोमा नै टेक्छन् भन्नेगरि बहस गरेको पनि साहको आरोप छ ।

आजपा अध्यक्ष साहले गरिबमारा कानून आफूहरुलाई नचाहिएको चेतावनी दिदै भने, ‘हिजो पञ्चायतकालमा न्याय पाउने तर आज गणतन्त्रमा कम्युनिष्टहरुको सरकार हुँदापनि यसरी अन्याय भैराख्दा आम मान्छेले स्वभाविक मानेको छैन् । यतातिर म सरकारको ध्यानाकार्षण गराउन चाहन्छु ।’

आरके श्रीवास्तव,रौतहट,२४ गते माघ २०८१ ।

रौतहटको कटहरिया नगरपालिकामा जारी एचपिभी खोप अभियानमा ८९ प्रतिशतलाइ लगाइ सकिएको छ । यो अभियानको पाँचौ दिन लक्ष्यित समूहका २ हजार २४ जना किशोरीहरूलाई एचपिभी खोप लगाइएको स्वास्थ्य संयोजक दिनेश प्रसाद यादवले जानकारी गराएका हुन् ।
संयोजक यादवको अनुसार अब कटहरिया नगरपालिकाभरी ११ प्रतिशत अर्थात् २ सय ६९ जना किशोरीहरुलाइ मात्र खोप लगाउन बाँकी रहेको छ । कटहरिया नगरपालिका भरि कुल २ हजार ४ सय १३ जना किशोरीलाई एचपिभी खोप लगाउने लक्ष्य रहेको छ ।
गत मंगलबार देशैभर स्वास्थ्य तथा जनसंख्या मन्त्रालयले पाठेघरको मुखको क्यान्सरविरुद्धको निःशुल्क ‘एचपीभी खोप’अभियान सञ्चालन गरिहेको छ ।
रौतहटमा भने माघ २३ गतेदेखि कटहरिया नगरपालिका सहित जिल्लाको १८ वटै पालिकामा यो एचपिभी खोप अभियान सञ्चालन भईरहेको छ । पहिलो चरणमा ९ वटा पालिकामा यो अभियान चलिरहेको छ भने माघ ३० गते देखि दोस्रो चरण खोप अभियान सञ्चालन हुने छ । एचपिभी खोप अनिवार्य रूपमा लगाउन आग्रह गरिएको छ ।

आरके श्रीवास्तव,राैतहट,२७ गते माघ ।
जनता सचेत भएपछी जनप्रतिनिधिलाई मनलाग्दी गर्न त्यति सजिलो कहाँ छ र? राैतहटकाे मध्य भाग गरूडा नगरपालिकामा आज यस्तै घटना घटेको छ । गरिब,विपन्नकाे सट्टा हुनेखानेलाई सिरक/कम्बल वितरण गर्न थालेपछि स्थानीयले विराेध गरेका छन् ।

गरूडा नगरपालिका वडा नम्बर ६ अमरपट्टी गाउँमा मेयर कन्थमनी जयसवाललाई स्थानीयले घेरेका छन् । करिब २/३ घण्टा सम्म उनलाई स्थानीयले घेरेका थिए । सुखी सम्पन्न परिवारलाई सिरक बाँड्न थालेपछि स्थानीय आक्राेशित बनेका थिए । एउटै घरमा ५ जनालाई दिन थालेपछि थप विवाद उत्पन्न भएको स्थानीय सुरेश जयसवालले जानकारी गराएका हुन् ।

जनताकाे भिडबाट पछि प्रहरीले नगर प्रमुख जयसवाललाई स्कटिङ्ग गरेर त्यहाँ बाट निकालेका थिए । बाक्लो संख्यामा नेपाल प्रहरी र नगर प्रहरी परिचालन पनि गरिएको थियोे ।

त्यहाँका स्थानीयहरूले वास्तविक पीडित,गरिब विपन्न, एक घर एक सिरक बाड्न भनिरहेका थिए । तर मेयर जयसवालले त्यसाे नगरि गाउँमा झैझगडा गराउन खाेज्दा जनताले उनलाई लखेटेका हुन् ।

यस अघि गरूडाकाे दलित बस्तीलाई बाईपास गरि मेयर जयसवालले कम्बल र सिरक वितरण गरिरहेकाे आराेप लगाईएकाे थियोे । नगरप्रमुख कन्थमनी जयसवालले कम्बल र सिरक वितरणमा काखापाखा गरेकाे आराेप लगाएका थिए ।

आरके श्रीवास्तव,रौतहट,२७ गते माघ ।
रौतहटको गुजरा नगरपालिकामा एचपिभि खोप अभियान सम्बन्धि नगर स्तरीय खोप समन्वय समिति तथा सञ्चारकर्मीहरुको अभिमूखिकरण बैठक सम्पन्न भएको छ । स्वास्थ्य शाखाको अयोजनामा नगरपालिकाको सभाहल सो बैठक बसेको थियो ।

खोप कार्यक्रमको लक्ष्य,उदेश्य,उपलब्धी,अवस्थाबारे जानकारी गराउने,पाठेघरको मुखको क्यान्सर निवारण,रणनिती,एच.पि.भि.खोप अभियानको औचित्य र सञ्चालन प्रक्रिया बारे जानकारी गराउने,खोप समन्वय समिति संचार क्षेत्र र सरोकारवालाहरुको भूमिका र जिम्मेवारी बारे जानकारी गराउने उदेश्यलेले बैठक बसेको थियो ।

साथै अभियान संचालन योजना,तयारी अवस्था बारे जानकारी गराइ अभियान सफल बनाउन स्थानिय स्तरबाट आवश्यक थप सहयोग बारे छलफल,श्रोतको पहिचान,परिचालन र जिम्मेवारी बाँडफाँडको योजना बनाउने लगायतको विषयमा छलफल गर्न बैठक बसेको थियो ।

गुजरा नगरभरिमा आगामी माघ ३० गतेदेखि फागुन ०६ गते सम्म सञ्चालन हुने एच.पि.भि. खोप अभियानमा २ हजार ८ सय ९७ छात्रा र किशोरीहरुलाइ खोप दिने लक्ष्य राखिएको स्वास्थ्य संयोजक विजय चौधरीले जानकारी गराएका हुन् । यो लक्ष्यमा ९० प्रतिशत अनिवार्य खोप लगाउनुु पर्ने उनको भनाइ छ ।

औसतमा प्रत्येक दिन ४ जना महिलाहरुको पाठेघरको मुखको क्यान्सरबाट मृत्य हुने गरेको भन्ने अनुमान गरिएकोले १० वर्ष देखि १४ वर्ष मुनिमा किशोरीहरु कोही पनि नछुटाउन हुनेमा उनको जोड थियो ।
अभिमूखिकरण कार्यक्रममा गुजरा नगरपालिका वडा नम्बर २ का वडा अध्यक्ष अशोक खाँ थारु,वडा नम्बर ४ का वडा अध्यक्ष झमक चौलागाइ,वडा नम्बर ९ का वडा अध्यक्ष प्रेम चौधरी,शिक्षा शाखा प्रमुख शिवमंगल साह,विभिन्न बिधालयका प्रधानाध्यापकहरु ,सञ्चारकर्मीहरु लगायतका व्यक्तीहरुको सहभागिता रहेको थियो ।

रौतहट २७ माघ।
जिल्ला प्रहरी कार्यालय रौतहटले सञ्चालन गरेको अभियान अन्तर्गत दण्ड सजाय तोकिएर लामो समय देखि फरार रहेका ४६५ जना प्रतिवादीलाई पक्राउ गरेको छ।

जिल्ला प्रहरी प्रमुख एसपी दिलीप घिमिरेको निर्देशनमा फैसला कार्वान्यनको लागी जिल्लामा संचालित फरार प्रतिवादी पक्राउ अभियान अन्तर्गत उक्त प्रतिबादीहरु लाई पक्राउ गरी कारबाहीको दायरामा ल्याईएको हो।

जिल्ला अदालत रौतहटबाट गाली बेइज्जती मुद्दामा ५ रुपैयाँ जरिबाना तोकिएका शेख टईट सहित बिभिन्न मुद्दामा सजाय तोकिएका ११ जना प्रतिवादी लाई जिल्लाको बिभिन्न स्थानबाट प्रहरीले पक्राउ गरेको हो।

अन्य पक्राउ पर्नेमा किर्ते जालसाजी मुद्दाका कैलाश माझी , धुनिया मुसहरनी, बाबुलाल माझी, जागा माझी, शेख अजीज मियाँ, जमील अख्तर, जमिला शेखिन, शेख बनु र कुटपिट मुद्दाका रामविलास पटेल,
रहेको प्रहरीले जनाएको छ।

पक्राउ परेका सबैजना लाई फैसला कार्वान्यनको लागी जिल्ला अदालत गौरमा उपस्थित गराइएको जिल्ला प्रहरी कार्यालय रौतहटका सहप्रवक्ता इन्स्पेक्टर उमाशंकर प्रसादले बताएका छन्।

यस अघि एसपी दिलीप घिमिरेको बिशेष सक्रियतामा सञ्चालन गरिएको अभियान अन्तर्गत जिल्ला अदालत, जिल्ला प्रशासन कार्यालय लगायतका निकायबाट दण्ड सजाय तोकिएर लामो समय देखि फरार रहेका ३७८ जना प्रतिवादीलाई पक्राउ गरी कारबाहीको दायरामा ल्याईएको छ। त्यसैगरी जिल्ला अदालत रौतहट लगायत निकायमा चालु मुद्दाको फरार ८७ जना प्रतिवादीलाई पक्राउ गरी कानुनी कारबाहीको दायरामा ल्याईएको जिल्ला प्रहरी कार्यालय रौतहटले उपलब्ध गराएको सूचनामा उल्लेख गरिएको छ।

 

एसपी घिमिरेले रौतहटको कमाण्ड सम्हाले देखी फरार प्रतिवादी पक्राउ संगै तस्करी नियन्त्रणमा प्रहरीले बिशेष सक्रियता देखाएको छ।न्युज कारखाना

काठमाडौँ, २७ माघ ।

प्रधानमन्त्री केपी शर्मा ओलीका अध्यक्षतामा राष्ट्रिय प्रजातन्त्र दिवस, २०८१ मूल समारोह समिति गठन भएको  छ ।

प्रधानमन्त्री तथा मन्त्रिपरिषद्को कार्यालय , सिंहदरबारमा आज भएको बैठकमा गृह मन्त्रालयको प्रस्तावबमोजिम मूल समारोह समिति, विभिन्न उपसमिति गठन र विभिन्न कार्यक्रमहरुको प्रस्ताव छलफलसहित पारित गरी भव्यताका दिवस साथ मनाउने निर्णय भएको हो ।

प्रधानमन्त्रीका अध्यक्षतामा गठित मूल समारोह समितिमा उपप्रधानमन्त्रीहरु, मन्त्रीहरु एवं राज्यमन्त्रीहरु, काठमाडौँ महानगरपालिकाका प्रमुख, नेपाल सरकारका मुख्यसचिव, प्रधानसेनापति, ललितपुर महाहनगरपालिकाका प्रमुख, नेपाल सरकारका सचिव तथा विशिष्ट श्रेणीका राजपत्राङ्कित अधिकृतहरु, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका प्रमुखहरु, काठमाडौँ उपत्यकाका नगरपालिकाका प्रमुखहरु रहेका छन् ।

 

यसैगरी, सम्बन्धित निकाय र पक्षको सहभागिता हुने गरी प्रचारप्रसार, मञ्च सजावट, ग्राउण्ड कवाज तथा व्यायम व्यवस्थापन, सांस्कृतिक झाँकी व्यवस्थापन, सांस्कृतिक विविधता प्रदर्शन व्यवस्थापन उपसमिति गठन गरिएको छ ।

 

यसैगरी सातै प्रदेशमा मुख्यमन्त्रीका अध्यक्षतामा प्रदेशस्तरीय समारोह समिति गठन गरी विभिन्न कार्यक्रम गरी दिवस मनाउने निर्णय भएको छ ।
विसं. २००७ फागुन ७ गते प्रजातन्त्र स्थापना भएको ऐतिहासिक दिनको स्मरणमा प्रत्येक फागुन ७ गते यो दिवस मनाउने गरिन्छ ।

यस वर्ष फागुन ६, ७ र ८ गते तीन दिनसम्म नेपाल र विदेशस्थित नेपाल राजदूतावास, कूटनीतिक नियोग एवं वाणिज्य दूतावासहरुमा समेत दीपावली गर्ने तथा फागुन ७ गते नेपाली सैनिक मञ्च, टुँडिखेलमा मूल कार्यक्रम आयोजना हुनेछ ।

बैठकलाई सम्बोधन गर्दै प्रधानमन्त्री ओलीले जनतामाथि दमन गर्ने, नाङ्गो र हेपाहा खालको प्रवृत्ति देखाउने निरङ्कुशतन्त्र र प्रतिगमनलाई नेपाली जनताको बलिदानी सङ्घर्षले परास्त गरेको ऐतिहासिक दिनलाई जनस्तारमा समेत मनाउन आग्रह गरे ।

 

“यो दिवसलाई केवल हमाथिको आदेश–निर्देशका भरमा मनाउने औपचारिक दिवस मनाउनु हुँदैन । यसलाई जनताको कार्यक्रम बनाउने गरी तयारी गर्नुपर्छ ।”, प्रधानमन्त्री ओलीले भने, “मुलुकका लागि यो सबैभन्दा ठुलो परिवर्तन ल्याउने दिने हो । यहाँ हिंसालाई जनयुद्ध दिवस भन्न रुचाउनेहरु छन् तर त्यत्रो परिवर्तनलाई मान्न नरुचाउने तत्वहरु छँदैछन् । प्रजातन्त्र दिवसलाई नमान्ने कुरा लोकतान्त्रिक हुन सक्दैन । यस दिवसलाई भव्यताका साथ मनाउनुपर्छ ।”न्युज कारखाना

बज्जिकाञ्चल संवाददाता,राैतहट,२५ गते माघ ।
रौतहटको धरहरी घटनाका दोषीलाई जिल्ला अदालत रौतहटले सफाइ दिएपछि पीडित परिवार न्यायका लागि उच्च अदालत जनकपुरका अस्थाई इजलाश विरगंज पुगेका छन ।
अदालतले दोषीहरुलाई निर्दोष सावित गर्दै सफाइ दिएपनि जिल्ला अदालत गौरको उक्त फैसला प्रति चित नबुझेको भन्दै पीडित परिवार न्यायका लागि उच्च अदालत जनकपुरका अस्थाई इजलाश विरगंजमा रिट गरेका छन् ।
२०७७ सालमा देवाही गोनाही नगरपालिका वडा नं. ९ धरहरीमा दुई पक्षबीच झगडा भई कुटाकुट भएको थियो ।
सो झगडामा देवाही गोनाही नगरपालिकाका मेयर प्रेमलाल साह, धरहरीका वडा अध्यक्ष विरबहादुर साह लगाएतका व्यक्तिले धारिलो हतियार प्रहार गर्दा स्थानीय लखिन्द्र यादव र लालबाबु यादव गम्भीर घाइते भएका थिए भने अरु केहि व्यक्तिहरु सामान्य घाइते भएका थिए ।
ज्यान मार्ने उद्देश्यले मेयर साह, वडा अध्यक्ष विरबहादुर साह सहितका व्यक्तिले लखिन्द्र र लालबाबु यादवमाथी संघातिक हमला गरेको लखिन्द्र यादवका दाई सिकिन्दर राय यादव बताउँछन ।
संघातिक हमला गरी गम्भीर घाइते बनाउने उनिहरुमाथी कार्यवाही गर्न लखिन्द्रको दाई सिकिन्दर राय यादवले हुलाक मार्फत ज्यान मार्ने उद्योग मुद्दा जिल्ला अदालत गौरमा दिएका थिए ।
पीडित सिकिन्दर राय यादवले घटनामा संलग्न मेयर प्रेमलाल साह, वडा अध्यक्ष विरबहादुर साह सहित १३ जनामाथी जिल्ला अदालत रौतहटमा ज्यान मार्ने उद्योग मुद्दा दिएका थिए ।
अदालतमा उनिहरुमाथी मुद्दा दर्ता भएपछि पीडित सिकिन्दरले अब दोषीहरुलाई अदालतले कार्यवाही गर्छन र आफुहरुलाई न्याय दिलाउँछ भनी आश गरेर बसेका थिए । तर अदालतले दोषीहरुलाई निर्दोष सावित गर्दै सफाई दिएपछि सिकिन्दर निकै चिन्तामा परेका थिए ।
राजनीतिक पहुच, शक्ति, पावर र पैसाको बलमा दोषीहरुलाई अदालतले निर्दोष सावित गरी सफाइ दिएको भन्दै पीडित सिकिन्दर राय यादवले भाईको न्यायका लागि उच्च अदालत विरगंजमा रिट दिए ।
अदालतले दोषीलाई कार्यवाही गर्नुको सटा सफाई दिएर उन्मुक्ति दिएको भनी सिकिन्दर राय यादवले अदालतको उक्त फैसलाप्रति चरम असन्तुष्टि जनाउँदै न्यायका लागि आजभन्दा डेर वर्षअघि उनीहरुमाथी उच्च अदालत विरगंजमा रिट दिएका थिए ।
बिहीवार पत्रकारहरुसंग कुरा गर्दै सिकिन्दरले उच्च अदालत विरगंजले अब पीडितलाई न्याय दिने भन्ने कुरामा आफु पूर्ण रुपमा विश्वस्त रहेको बताएका छन् ।
घटनामा संलग्न दोषी देवाहीका मेयर प्रेमलाल साह, वडा अध्यक्ष विरबहादुर साह सहित सबैजनालाई कडा भन्दा कडा कार्यवाही गर्नुपर्ने आफनो माग रहेको उनले बताए ।

उच्च अदालत विरगंजले दोषीलाई कुनै पनि हालतमा उन्मुक्ति नदिइ कार्यवाही गर्ने र पीडितलाई न्याय दिलाउने भन्ने कुरामा आफु पूर्ण आशावादी रहेको उनले बताए ।

उच्च अदालत विरगंजले गर्ने निर्णय अर्थात फैसलाको पखाईमा आफुहरु रहेको उनले सुनाए ।

१० लाख रुपैयाँ लिएर ज्यान मार्ने उद्योग मुद्दा फिर्ता लिन मेयर प्रेमलाल साहले आफुसंग प्रस्ताव गरेको पीडित सिकिनदर राय यादवले खुलासा गरेका छन्।

सुरुमै मेयर प्रेमलाल साहले मुद्दा मिलापत्र गर्न आफूलाई दश लाख रुपैयाँ प्रस्ताव गरेको तर उनको उक्त प्रस्ताव आफूले अस्वीकार गरेको समेत उनले बताए।

आफूले भाइको न्याय मागेको रिसिइबी साधन विपक्षीले केही महिना अघि आफूलाई लागू औषध मुद्दामा फसाएको सिकिनदर राय यादवको आरोप छ।

भाइको न्यायको लागि अदालतमा ज्यान मार्ने उद्योग मुद्दा दर्ता गराएको रिसिबी साधन आफ्नो कोठामा लागू औषध गाँजा राखेर उनीहरूले आफूलाई लागू औषध मुद्दामा फसाउन खोजेको उनले बताए।

लागू औषध मुद्दामा पक्राउ परेको केहीदिन मै सिकिन्दर राय यादव धरौटी रकम बुझाएर थुनामुक्त भएका थिए।
यता देवाहीगाेनाहीका मेयर प्रेमलाल साह सँग सम्पर्क गर्न खाेज्दा सम्पर्क हुन सकेको छैन् ।

काठमाडौं । आम जनता पार्टी (आजपा) निकटको आम ट्रेड युनियन फेडरेशनले श्रमिकका हकअधिकार सहित बिभिन्न माग गर्दै श्रम तथा रोजगार मन्त्री शरतसिंह भण्डारीलाई ध्यानाकर्षण पत्र बुझाएको छ ।

सिंहदरबारमा आज फेडरेशनका पदाधिकारीहरु पुगेर श्रममन्त्री भण्डारीलाई ध्यानाकर्षण पत्र बुझाएको हो । श्रमिकको हकअधिकारका लागि संघर्ष गरिरहेको फेडरेशनले बिभिन्न कार्यक्रम सहित संघर्षका कार्यक्रम जारी राखेको छ ।

फेडरेशनले श्रमिकको न्यूनतम तलब २८ हजार हुनुपर्ने, घरेलु श्रमिकको लागि ऐन निर्माण गर्नुपर्ने, नेपाली उधोगमा बिदेशी कामदारको अन्त्य र नेपाली श्रमिकले काम पाउने ब्यवस्था गर्नुपर्ने, बिदेशमा कामका लागि जाने श्रमिकलाई ट्रेड युनियन अधिकार र समाजिक सुरक्षाको ग्यारेन्टी गर्नुपर्ने, पिस रेट ठेक्का तथा अनौपचारिक क्षेत्रमा सामजिक सुक्षा ऐन कार्यनयन गर्नुपर्ने लगायतका माग श्रम मन्त्रीसंग गरेको छ ।

‘माननीय मन्त्री ज्यु श्रमिकहरुको अवस्था दैनिय छ । बिध्यमानमा रहेको तलब भत्ता बाट दैनिक जीवन निर्वाहा गर्न संभब छैन् । श्रम ऐन नियम कार्यान्वयन हुन सकेको छैन् । घरेलु श्रमिकको अवस्था झन नाजुक छ । बैदेशिक रोजगारमा जाने श्रमिकको ट्रेड युनियन अधिकार नहुँदा नर्किय जीवन बिताउन बाध्य छ । सिमित मात्रमा संचालनमा रहेको उधोगहरुमा समेत बिदेशीले काम पाउने नेपालीले नपाउने अवस्था छ,’ श्रममन्त्रीलाई बुझाइएको ध्यानाकर्षण पत्रमा उल्लेख गरिएको छ ।

फेडरेशनका इन्चार्ज धनकुमारी मगर, अध्यक्ष शिव थापा, सचिवालय सदस्य प्रेम थापा, लक्ष्मी राई, विमल गौली, प्रमोद शर्मा लगायतका नेताहरु ध्यानाकर्षण पत्र बुझाउन सिंहदरबार पुगेका थिए ।

यसैगरी आजपाले सरकारको मनपरी कर आतंकको बारेमा काठमाडौंमा शनिबार अन्तरक्रिया कार्यक्रम गर्दैछ । शनिबार रिपोर्टर्स क्लब भृकुटीमण्डमा आजपाले अर्थ बिज्ञसहितको सहभागितामा ‘कर आतंक कहिलेसम्म ?’ भन्ने बिषयमा अन्तरक्रिया कार्यक्रम गर्दै छ ।

काठमाडौं, २४ माघ । आम जनता पार्टीका अध्यक्ष तथा पूर्वमन्त्री प्रभु साहले न्यायालयको सुधारको लागि आवाज उठाउनु कसरी अदालतको अवहेलना हुन्छ भन्दै प्रश्न तेर्साएका छन् ।

प्रतिनिधिसभाको आजको बैठकको विशेष समयमा बोल्दै सांसद साहले आफू कानूनमन्त्री भैसकेको र न्याय परिषदमा बसेर काम गरिसकेको व्यक्ति भएकोले अदालतको अवहेलनाबारे राम्रोसँग जानकार रहेको बताए ।

उनले भने,‘अदालत सक्षम हुनुपर्छ । न्याय निश्पक्ष हुनुपर्छ । न्यायालयमा सुधार हुनुपर्छ भन्नु गलत हो ? म सरकारलाई सोधन चाहन्छु–न्यायलयबाट विकृति र विसंगति हटाउनुपर्छ भन्नु अपराध हो ? म माननीय कानूनमन्त्रीलाई सोध्न चाहन्छु–न्यायाधीशको नियुक्ती, बढुवा र सरुवामा राजनीतिक हस्तक्षेप बन्द गर्नुपर्छ भन्नु अपराध हो ? दलीय प्रभावमा न्यायालय राख्नुहुँदैन भन्नु अपराध हो ? यदि होईन भने ममाथि अदालतको अवहेलना मुद्दा दर्ता कसरी भयो ? म सरकारको जवाफ चाहन्छु । दुनियाँले हेरेको छ–न्यायाधीहरुले नियुक्ती लिएकै दिन दलको कार्यालय पुगेको हामीले बिर्सिएका छैनौं । नेताहरुको कोठा कोठामा पुगेर सरुवा, बढुवा र उन्नती खोज्ने दृश्यहरुपनि हामीले देखेकै छौं । यो कुरा उठाउनु अपराध हो ? यसलाई सुधार गर्नुपर्छ र रोक्नुपर्छ भन्ने अपराध हो ?’

रौतहटको जिल्ला अदालतमा धर्ना र विरोध चलिरहेको प्रसंग उठाउँदै साहले किन रौतहटको अदालतप्रति जनआक्रोश बढेको र नियमित धर्ना भैरहेको छ भनेर प्रश्न गरे । उनले भने,‘रौतहट जिल्ला अदालतमा प्रत्येक महिना तमाशा हुन्छ । देशमा अरु जिल्लामा अदालतप्रति जनताको सम्मान हुन्छ । जनताले अदालतप्रति आदरको भावनाले हेर्छन । तर, रौतहटमा अदालतकोविरुद्ध धर्ना जारी छ । यो तमाशा गर्ने गराउनेहरु अदालतको सम्मान गरिरहेका छन् कि अपमान गरिरहेका छन् भन्ने प्रश्न गर्न चाहन्छु । रौतहट हरेक आन्दोलनमा अग्रणी भूमिका खेलेको र गौरवपूण इतिहास बोकेको जिल्ला हो, तर आज बदनाम भैरहेको छ । यसलाई रोक्नुपर्छ भन्नु अपराध हो ? यो विषयमा प्रधानन्यायधीशलाई ध्यानाकार्षण गराउनु गल्ती हो ? होईन भने कसरी अवहेलना भयो ? न्यायालय विकृतिले भरिएको छ । यसलाई सुधार गर्नुपर्छ भन्नु कसरी अपराध हुन्छ ? प्रभु साह कानूनमन्त्री भएर न्यायपरिषदको सदस्य भएर काम गरेको व्यक्ति हो । मलाई अदालतको अवहेलनाबारे राम्रोसँग थाहा छ ।’ साहले आफूले सुरुदेखि नै अदालतको सुधारको लागि आवाज उठाएको भन्दै संविधानसभामा खेलेको भूमिकाको पनि स्मरण गर्न सुझाए ।

आरके श्रीवास्तव,रौतहट,२४ गते माघ २०८१ । 

राैतहटकाे कटहरिया नगरपालिकामा एचपिभी खाेप अभियान सुरु भएको छ । याे अभियानकाे पहिलोदिन लक्ष्यित समूहका ४ सय ६० जना किशाेरीहरूलाई एचपिभी खाेप लगाइएको स्वास्थ्य संयाेजक दिनेश प्रसाद यादवले जानकारी गराएका हुन् ।

संयाेजक यादवकाे अनुसार भसेढवा स्वास्थ्य चाैकीमा १ सय ३२,हथियाही स्वास्थ्य चाैकीमा ७७,बिर्ति प्रष्टाेका स्वास्थ्य चाैकीमा ३,आधारभूत स्वास्थ्य केन्द्र टाेलापुरमा २८,प्राथमिक स्वास्थ्य केन्द्र कटहरियामा ७७,आधारभूत स्वास्थ्य केन्द्र फतेपुरमा ३८ जना किशोरीलाई खाेप दिइएको छ ।

त्यस्तै स्वास्थ्य चाैकी बगहीमा ५७ जना,आधारभूत स्वास्थ्य केन्द्र पिप्रा पाेखरियामा ७ र स्वास्थ्य चाैकी डुमरियामा ४१ गरी  कटहरिया नगरपालिका भरि कुल ४ सय ६० जना किशोरीलाई एचपिभी खाेप लगाइएको उनले जनाएका छन् ।

मंगलबार देशैभरी विश्व क्यान्सर दिवसको अवसर पारेर स्वास्थ्य तथा जनसंख्या मन्त्रालयले पाठेघरको मुखको क्यान्सरविरुद्धको निःशुल्क ‘एचपीभी खोप’अभियान सञ्चालन गरिसकेको छ ।

सरस्वती पुजाकाे कारण एक दिन ढिलाे गरि माघ २३ गतेदेखि  कटहरिया नगरपालिका सहित राैतहटकाे १८ वटै पालिकामा याे एचपिभी खाेप अभियान सञ्चालन भईरहेकाे छ । कटहरिया नगरपालिका भरिका १० देखि १४ वर्ष मुनिका २ हजार ४ सय १३  किशोरीलाई एचपिभी खाेप दिँदैछ । एचपिभी खाेप अनिवार्य रूपमा लगाउन आग्रह गरिएको छ ।

आरके श्रीवास्तव,रौतहट,२३ गते माघ २०८१ । 

राैतहटकाे फतुवा बिजयपुर नगरपालिकामा आजदेखि एचपिभी खाेप अभियान सञ्चालन भएको स्वास्थ्य संयाेजक रमेश प्रसाद यादवले जानकारी गराएका हुन् । फतुवा बिजयपुर नगरपालिकामा पनि एचपिभि खोप अभियान सुरू भएको छ ।

मंगलबार देशैभरी विश्व क्यान्सर दिवसको अवसर पारेर स्वास्थ्य तथा जनसंख्या मन्त्रालयले पाठेघरको मुखको क्यान्सरविरुद्धको निःशुल्क ‘एचपीभी खोप’अभियान सञ्चालन गरिसकेको छ ।

सरस्वती पुजाकाे कारण एक दिन ढिलाे गरि माघ २३ गते अर्थात् आजदेखि फतुवा बिजयपुर नगरपालिका सहित राैतहटकाे १८ वटै पालिकामा याे एचपिभी खाेप अभियान सञ्चालन भईरहेकाे छ ।

मावि बिजयपुरमा एचपिभी खाेप अभियानकाे उदघाटनसत्र कार्यक्रम राखिएको थियो । उदघाटन सत्र कार्यक्रममा बाेल्दै फतुवा बिजयपुर नगरपालिका वडा नम्बर ९ का वडा अध्यक्ष राकेश यादव उर्फ पप्पुले एचपिभी खाेप सबै किशोरीलाई अनिवार्य लगाउन आग्रह गरेका छन् । स्वास्थ्य मन्त्रालयकाे याे अभियानकाे सराहना गर्दै उनले पाठेघरकाे मुखकाे क्यान्सरबाट बच्न याे खाेप अनिवार्य रूपमा लगाउन सबै आ-आफनाे तर्फ बाट प्रचारप्रसार गरि खाेप लगाउन उत्साहित गर्नुपर्नेमा जाेड दिए ।

फतुवा बिजयपुर नगरपालिका भरिका १० देखि १४ वर्ष मुनिका २ हजार ३ सय ८०  किशोरीलाई एचपिभी खाेप दिँदैछ ।

आरके श्रीवास्तव,राैतहट,२४ गते माघ २०८१ ।

छाेराकाे उत्कृष्ट कार्यबाट आमाबुबा समुदाय द्वारा सम्मानित भएका छन् । राैतहटकाे फतुवा बिजयपुर नगरपालिका वडा नम्बर ११ स्थित रहेको श्री आधारभूत बिद्यालयका प्रधानाध्यापक बिजय कुमार कुशवाहाकाे आमाबुबालाई सरस्वती पुजाकाे दिन आयाेजित एक कार्यक्रमका बिच समुदायले नै सम्मान गरेको छ ।

प्रधानाध्यापककाे जिम्मेवारी सम्हालेकाे करिब दुई वर्ष भित्रै २५ जना बिद्यार्थी बाट बढार २ सय जना पुर्याएकाे र भाैतीक अवस्थामा पनि उल्लेखनीय सुधार गरेकाे भन्दै अभिभावक उनीप्रति हाैसिएका हुन् ।

साथै बिद्यालयमा सुन्दर सरस्वती माताकाे मन्दिर स्थापना गराई बिद्यालयलाई पालिकामै शुन्दर र उत्कृष्ट आधारभूत बिद्यालय बनाउन सफल भएकाेले सम्पूर्ण अभिभावक,समाजसेवी,शिक्षाप्रेमी जनप्रतिनिधिहरूले प्रधानाध्यापक कुशवाहाकाे कार्यबाट खुशी र संतुष्ट भई उनकाे  बुवा चन्द्रदेव कुशवाहा र आमा अन्हिया देवी कुशवाहालाई दाेसल्ला र खादा सहित फूलमाला लगाएर उच्च सम्मान गरेका हुन् ।

प्रधानाध्यापक कुशवाहाकाे उदाहरणीय कार्यबाट प्रभावित भई पालिका भरिकै शिक्षक,कर्मचारी,जनप्रतिनिधि, शिक्षाप्रेमी,समाजसेवी लगायत सम्बन्धित सम्पूर्ण समुदाय खुशी भएको साे बिद्यालयका बिद्यालय व्यवस्थापन समिति  अध्यक्ष सिताराम चाैधरीकाे भनाइ छ ।

प्रधानाध्यापक कुशवाहाकाे आमाबुबाले सम्मान ग्रहण गरेपछि  कुशवाहा अत्यन्त भावुक भएका थिए । भावुक भएर कुशवाहाले संक्षिप्त मन्तव्य राख्दै भने – विद्यालयलाई अझ बढी प्रगतिकाे बाटाेमा लैजाने प्रतिबद्धता जाहेर गरेका थिए ।

बज्जिकाञ्चल संवाददाता,राैतहट,२३ गते माघ २०८१

राैतहट । रौतहटको मौलापुर नगरपालिका स्थित धार्मिक, सांस्कृतिक, पर्यटकीय एवं ऐतिहासिक पतौरा पुरातात्विक महादेव मन्दिरलाई विश्वसम्पदा सूचिमा सूचिकृत गर्न माग गरिएको छ । मौलापुर नगरपालिकाका मेयर रिनाकुमारी साहले पतरौ पुरातात्विक महादेव मन्दिरलाई विश्वसम्पदा सूचिमा सूचिकृत गर्न सरकारसंग गरेकी छन् ।

मधानी महायज्ञको बारेमा जानकारी गराउँनका लागि आज मौलापुरमा आयोजित पत्रकार सम्मेलनमा उनले यस्तो माग गरेकी हुन् । पतौरा स्थित महादेव मन्दिर एवं महायज्ञ सरकारले वेवास्ता गरेको गुनासो समेत उनले गरिन् ।

‘पतौरा स्थित पुरातात्विक महादेव मन्दिरलाई विश्वसम्पदा सूचिमा सूचिकृत गर्न सरकारसंग हाम्रो जोडदार माग गर्दछौं । यो धार्मिक, सांस्कृतिक, पर्यटकीय एवं ऐतिहासिक महादेव मन्दिरलाई विश्वसम्पदा सूचिमा सूचिकृत गर्न सरकारले ध्यान देओस,’ मेयर साहले भनिन्, ‘यो पुरातात्विक मन्दिरको उत्खननको केन्द्र सरकारले गरिरहेको छ तर उसको काम ठिक छैन् । कहिले खन्ने कहिले छोड्ने काम गरेर बर्बाद गर्दैछ । सही तरिकाले काम गर्न हामी सरकारसंग आग्रह समेत गर्न चाहन्छौं ।’

मधानी महायज्ञ प्राचिन यज्ञ भएको बताउदै उनले यहाँ ब्राह्मण बिना नै मन्त्रको जप हुने गरेको बताईन् । आउँदो फागुन ११ गतेदेखी सुरु हुन लागेको मधानी महायज्ञ पाँच दिनसम्म चल्ने छ ।

मेयर साहका अनुसार ११ फागुनमा उदघाटन समारोह, १२ फागुनमा शिव वारात यात्रा, १३ गते मधानी विशेष पुजा समारोह, १४ गते मधानी विशेष सांस्कृतिक समारोह र १५ गते मधानी विशेष दंगल कार्यक्रम रहेको छ ।

‘यो मन्दिर नेपाल सरकारको १०० वटा प्रमुख पर्यटकीय गन्तव्यमा समावेस भईसकेको छ । हजारौं बर्ष पुरानो प्राचिन ईतिहास बोकेको पुरातात्विक महादेव मन्दिरको अनौठो किसिमको महिमा र विशेषता छ । यहाँ गरिने भगवान शिवको पुजा अनुष्ठान पनि विश्वकै एक पृथक एवं मौलिक शैलिको रहेको छ,’ मेयर साहले भनिन्, ‘यस धर्तिमा लोक एवं मौलिक शैलिमा गरिने भगवान शिव पार्वतिको वैवाहिक उत्सवको रुपमा मनाइने धार्मिक अनुष्ठान मधानी हो । जसलाई यस धर्ति र क्षेत्रको विशेष अनुपम शिव अनुष्ठानको रुपमा लिईन्छ ।’

मधानी महायज्ञ आम जनता पार्टी (आजपा)का अध्यक्ष, संघीय सांसद तथा पूर्वमन्त्री प्रभु साहको प्रमुख आतिथ्यमा हुने आयोजकले जनाएको छ । यस अघि महायज्ञमा पूर्वराष्ट्रपति विद्यादेवी भण्डारी देखी लिएर पशुपतिनाथका मुल भट्ट पुजारीद्धारा बिधिपुर्वक पुजा आराधना भएको थियो । प्रत्येक बर्ष बिभिन्न बिशिष्ट व्यक्तित्वको सहभागिता हुदै आएको छ ।

यस बर्षको मधानी महायज्ञमा नेपाल र भारतका चर्चिक कलाकारहरुको समेत सहभागिता हुदैछ । हिन्दी, भोजपुरी सिने जगतका चर्चित कलाकार एवं सांसद रवि किशन, भोजपुरी सिने जगतका लेखक, निर्माता तथा विधायक बिनय बिहारी, भोजपुरीका चर्चित गायक एवं अभिनेता रितेश पाण्डेको महायज्ञमा विशेष प्रस्तुती रहने आयोजकले जनाएको छ ।

यसैगरी महायज्ञमा मिंटुवा भोजपुरीया (कलाकार), सुनील पंडित (गायक), अनु चौधरी (गायिका), सदाम हुसेन (कलाकार), रचना सिवाकोटी ( कलाकार), रुद्र नारायण तिवारी (गायक), प्रीति आर्या पासवान (कलाकार), प्रिया सुहानी (कलाकार), रोसनी राज (कलाकार), सरिता साह (कलाकार), अर्जुन बीसी (कलाकार), मनीषा राई (कलाकार), मोनालिसा सहितका राष्ट्रिय एवं अन्तर्राष्ट्रिय कलाकारहरु सहभागिता हुदैछ ।

मधानी महायज्ञको तयारीका लागि बिभिन्न समितिहरु गठन गरी तिब्रगतिमा काम भईरहेको छ ।

आरके श्रीवास्तव,रौतहट,२३ गते माघ २०८१ । 

राैतहटकाे कटहरिया नगरपालिकामा आजदेखि सञ्चालन हुने एचपिभी खाेप अभियानकाे सम्पूर्ण तयारी पूरा भएको स्वास्थ्य संयाेजक दिनेश प्रसाद यादवले जानकारी गराएका हुन् । कटहरिया नगरपालिकामा पनि एचपिभि खोप अभियान आजदेखि सुरू हुँदैछ । जसकाे लागि सम्पूर्ण तयारी पूरा भएको स्वास्थ्य संयाेजक यादवले जानकारी गराउनु भएको हाे ।

मंगलबार देशैभरी विश्व क्यान्सर दिवसको अवसर पारेर स्वास्थ्य तथा जनसंख्या मन्त्रालयले पाठेघरको मुखको क्यान्सरविरुद्धको निःशुल्क ‘एचपीभी खोप’अभियान सञ्चालन गरिसकेको छ ।

सरस्वती पुजाकाे कारण एक दिन ढिलाे गरि माघ २३ गते अर्थात् आजदेखि कटहरिया नगरपालिका सहित राैतहटकाे १८ वटै पालिकामा याे एचपिभी खाेप अभियान सञ्चालन हुन गईरहेकाे छ ।

कटहरियामा आज दिउँसो एचपिभी खाेप अभियानकाे उदघाटनसत्र पनि राखिएको संयाेजक यादवले बताएका छन् । स्वास्थ्य संयाेजक यादवका अनुसार कटहरिया नगरपालिका भरिका १० देखि १४ वर्ष मुनिका २ हजार ४ सय १३  किशोरीलाई एचपिभी खाेप दिँदैछ । यसबाट काेही पनि बञ्चित हुन नहुने यादवकाे भनाइ छ ।

लक्ष्यमा ९० प्रतिशत अनिवार्य खोप लगाउनुु पर्ने भएकोले सम्पूर्ण कटहरिया नगरवासी लाई खाेप बाट बञ्चित हुन नदिन सबैलाई सहयोग गर्न आग्रह समेत गरेका छन् । औसतमा प्रत्येक दिन ४ जना महिलाहरुको पाठेघरको मुखको क्यान्सरबाट मृत्य हुने गरेको भन्ने अनुमान गरिएकोले बेलैमा सचेत हुनुपर्ने उनकाे आग्रह छ ।

आरके श्रीवास्तव,रौतहट,२३ गते माघ २०८१ । 

रौतहटको फतुवा बिजयपुर नगरपालिकामा एचपिभि खोप अभियान आजदेखि सुरू हुँदैछ । जसकाे लागि सम्पूर्ण तयारी पूरा भएको स्वास्थ्य संयाेजक रमेश प्रसाद यादवले जानकारी गराउनु भएको हाे ।

मंगलबार देशैभरी विश्व क्यान्सर दिवसको अवसर पारेर स्वास्थ्य तथा जनसंख्या मन्त्रालयले पाठेघरको मुखको क्यान्सरविरुद्धको निःशुल्क ‘एचपीभी खोप’अभियान सञ्चालन गरिसकेको छ ।

बसन्त पञ्चमी सरस्वती पुजाकाे कारण एक दिन ढिलाे माघ २३ गते अर्थात् आजदेखि फतुवा बिजयपुर सहित राैतहटकाे १८ वटै पालिकामा याे एचपिभी खाेप अभियान सञ्चालन हुन गईरहेकाे छ ।

फतुवा बिजयपुरमा आज दिउँसो एचपिभी खाेप अभियानकाे उदघाटनसत्र पनि राखिएको संयाेजक यादवले बताएका छन् । स्वास्थ्य संयाेजक यादवका अनुसार फतुवा बिजयपुर नगरपालिका भरिका १० देखि १४ वर्ष मुनिका २ हजार ३ सय ८०  किशोरीलाई एचपिभी खाेप दिँदैछ । यसबाट काेही पनि बञ्चित हुन नहुने यादवकाे भनाइ छ ।

लक्ष्यमा ९० प्रतिशत अनिवार्य खोप लगाउनुु पर्ने भएकोले सम्पूर्ण फतुवा बिजयपुर नगरवासी लाई खाेप बाट बञ्चित हुन नदिन सबैलाई सहयोग गर्न आग्रह समेत गरेका छन् । औसतमा प्रत्येक दिन ४ जना महिलाहरुको पाठेघरको मुखको क्यान्सरबाट मृत्य हुने गरेको भन्ने अनुमान गरिएकोले बेलैमा सचेत हुनुपर्ने उनकाे जाेड छ ।

आरके श्रीवास्तव,राैतहट,२२ गते माघ । 

राैतहटकाे वृन्दावन नगरपालिकाकाे ७ मा रहेको श्री रूपा नेपाली पाल माध्यमिक बिद्यालयमा सरस्वती मन्दिर निर्माणका लागि नगर प्रमुख बिनाेद प्रसाद कुर्मी र वडा अध्यक्ष जगरनाथ प्रसाद भेडिहरले संयुक्तरूपमा प्रतिबद्धता जनाएका छन् ।

साेमबार वसन्त पञ्चमी(सरस्वती पुजा)काे अवसरमा आयाेजित कार्यक्रमलाई सम्बाेधन गर्दै वहाँहरू आ-आफ्नो प्रतिबद्धता जाहेर गरेका हुन् । नगर प्रमुख कुर्मीले बिद्यालयमा अधुरो रहेको भवन प्लास्टर,रंगरोगन,झ्यालढाेका निर्माणका लागि नगरबाट रू २५ लाख तथा सरस्वती मन्दिर निर्माणका लागि रू ५ लाख सहयोग गर्ने प्रतिबद्धता व्यक्त गर्नु भएको प्रधानाध्यापक धर्मेन्द्र कुमार सिंहले जानकारी गराउनु भएको हाे ।

उक्त कार्यक्रममा बाेल्दै मेयर कुर्मीले शिक्षककाे लगन,मिहिनेत,प्रयत्नले बिद्यालयकाे प्रगति प्रति खुशी व्यक्त गर्दै शिक्षक कर्मचारी वृत्तिकालागि रू ५१ हजार पुरस्कार प्रदान गर्ने प्रतिबद्धता समेत व्यक्त गर्नु भयाे ।

साथै कार्यक्रममा वडा नम्बर ७ का वडा अध्यक्ष जगरनाथ प्रसाद भेडिहरले सरस्वती मन्दिर निर्माणका लागि वडाबाट रू १ लाख ११ हजार सहयोग गर्ने प्रतिबद्धता जनाउनु भयो ।

साेही क्रममा मेयर कुर्मीले संघिय सरकारबाट नगरपालिका मार्फत प्राप्त अनुदानबाट बिद्यालयमा निर्मित विज्ञान प्रयाेगशालाकाे उदघाटन,बालबालिकाकाे अक्षरारम्भ,नव निर्मित शिक्षक कर्मचारीकाे कक्ष र प्रधानाध्यापककाे कक्षकाे अवलाेकन गर्नु ।

उक्त कार्यक्रम सम्पन्न गर्न बिद्यालयकाे निमन्त्रणा स्विकार गरि आईदिनु हुने सम्पूर्ण प्रति प्रधानाध्यापक सिंहले जानकारी गराएका हुन् ।

रौतहट ,२०८१ माघ २१– वृन्दावन नगरपालिकाका कार्यपालिका सदस्य तथा राष्ट्रिय दलित पत्रकार संघ, नेपाल, रौतहटका अध्यक्ष राजेश पासवान (निर्माणी) विरुद्ध लगाइएको झूटा मुद्दाको विरोध गर्दै देशै भरिको विभिन्न दलित संघ-संगठनहरुले घोर भर्त्सना गरेको छ।

भर्त्सना तथा विरोधको क्रममा राष्ट्रिय दलित आयोग काठमाडौं ,दलित विकास समिति मधेस प्रदेश,दलित सरोकार मञ्च,राष्ट्रिय पत्रकार संघ नेपाल काठमाडौं र विभिन्न जिल्ला शाखाहरु,मधेसी दलित गैर सरकारी संस्था महासंघ काठमाडौं, दलित सामुदायिक विकास केन्द्र नेपाल,रौतहट लगायत दर्जनौं संघ संस्थाले विज्ञप्ति जारी गर्दै घोर भर्त्सना गरेको छ।

जारी भएको प्रेस विज्ञप्तिहरुमा जातीय भेदभावविरुद्ध संघर्षरत एक अभियन्तामाथि झूटा आरोप लगाएर फसाउन खोजिएको गम्भीर षड्यन्त्र भएको उल्लेख गरिएको छ।

बहुभाषिक,बहुजातीय,बहुधार्मिक र समावेशी प्रतिनिधित्व भएको धर्म निर्पेक्ष सार्वभौमसत्ता देश नेपालमा,नेपालको संविधान २०७२ को बमोजिम यहाँ सबै भासी र धर्मावलम्बीको सम्मान अधिकार रहेको तथा संविधान बमोजिम आफ्ना काम कर्तव्य गर्नुपर्ने व्यवस्था हुदा पनि रौतहट जिल्लाको वृन्दावन नगरपालिकाको कार्यपालिका सदस्य तथा राष्ट्रिय दलित पत्रकार संघ नेपाल रौतहटको जिल्ला अध्यक्ष समेत रहेका राजेश पासवान (निर्माणी) माथि लगाइएको झुठा मुदा गम्भीर सड्यन्त्रको संकेत हो।समाज भइरहेको जातीय भेदभाव विरुद्ध न्यायको लागि लडिरहेका एक दलित युवा अभियन्ता र समाजसेवीलाई यसरी एकतर्फी रुपमा झुठा आरोप लगाई मुद्दा दर्ता गरिनु दु:खद रहेको विज्ञप्तिहरुमा उल्लेख छ।।

२०८० सालको छठ पर्वमा राजेश पासवानमाथि भएको जातीय दुर्व्यवहार र आक्रमणका दोषीहरू अझै पनि कानूनी कारबाहीबाहिर रहेका बेला, उनीहरूकै दबाबमा प्रहरीले पीडितलाई नै अपराधी बनाउन खोजेको सरोकार मञ्चले जनाएको छ। गत २०८१ मंसिर १६ गते वृन्दावन ८, बहुअरी गाउँमा पोखरी विवादका क्रममा पुनः आक्रमणमा परेका पासवानमाथि झूटा मुद्दा लगाइनु गम्भीर अन्याय भएको दलित अगुवाहरूको भनाइ छ।

प्रहरी भूमिकामाथि प्रश्न, निष्पक्ष छानबिनको माग गर्दै संघ-संगठनहरुले प्रहरी प्रशासनको भूमिकामाथि गम्भीर प्रश्न उठाउँदै झूटा मुद्दा तत्काल खारेज गर्न माग गरेको छ। साथै, जातीय भेदभाव तथा छुवाछूत मुद्दाका दोषीहरूलाई कानूनी कठघरामा ल्याई कडाभन्दा कडा सजाय दिनुपर्ने माग गरिएको छ।

विज्ञप्तिमा न्याय सुनिश्चित नभएमा दलित समुदाय र मानव अधिकारकर्मीहरू सशक्त आन्दोलन गर्न बाध्य हुने चेतावनी दिइएको छ। साथै, सम्पूर्ण न्यायप्रेमी नागरिक, अधिकारकर्मी, सामाजिक अभियन्ता तथा सरोकारवालाहरूसँग ऐक्यबद्धता जनाउन आह्वान गरिएको छ।

दुईदिन अघि सामाजिक सञ्जाल मार्फत एउटा भिडियो सार्वजनिक भएको थियो। भिडियोमा हाल मुदालय बनेर झुठा मुदा दर्ता गराएका पसिन्द्र महतोले, पासवानको जाति स्तर देखाउदै भनेको छ,म त त्यो दुसदालाई टार्गेटमा राखेको छु र उलाई मार्न गएको थिए,तर त्यो दुसदालाई बचाउन केही व्यक्तिहरु आएर मलाई हस्तक्षेप गरिरहेको थिए त्यसैले म त्यो दुसदा  र उनको बचावमा आउने सबै लाई कुट पिट गर्दा गर्दै मेरो हात आफै भांचेको हो, भनेर बोलेको भिडियो प्रष्ट संग हेर्न र सुन्न सकिन्छ ।

आरके श्रीवास्तव,रौतहट,२१ गते माघ ।
प्रत्येक वर्ष झै यस वर्ष पनि रौतहटमा देशकै सबभन्दा ठुलो काठको फर्निचर मेला आज साेमबार देखी शुरु भएको छ ।

श्रीपञ्चमीको अवसरमा नेपाल विश्वकर्मा बजार समिति र नेपाल विश्वकर्मा लाेहार संघकाे आयोजनामा जिल्लाको मध्य भाग जयनगरमा काठको ठुलो फर्निचर मेला लागेको हो ।

गरुडा नगरपालिका–१ जयनगरमा प्रत्येक वर्ष श्रीपञ्चमी देखी शुरु भई झण्डै दुई महिना सम्म लागदै आएको फर्निचर मेला यस वर्ष पनि लागेको नेपाल विश्वकर्मा लाेहार संघका अध्यक्ष विवेक शर्माले जानकारी गराएका छन् ।

रौतहटको ग्रामीण क्षेत्र जयनगरमा लागेको फर्निचर मेला सम्भवतः देशकै ठूलो ग्रामीण फर्निचर मेला हो ।
मेलामा घरायसी प्रयोजनका साथै कृषिसित सम्बन्धित विभिन्न फर्निचर र फलामका विभिन्न सामग्री बिक्रीका लागि राखिएको छ ।
मेलामा रौतहट, सर्लाही, महोतरी, बारा, पर्सा लगाएत जिल्लाका फर्निचर व्यवसायीहरुले अत्याधिक मात्रामा फर्निचर र फलामका सामग्रि बिक्रीका लागि ल्याएका छन् ।
पलङ, डाइनिङ सेट, कुर्सी, खाट, खटिया, चारपाई, बे्रन्च, ढोका, टेबल, ड्रेसिङ टेबल, झ्याल, दराज, बालबालिकाका खेलौनालगायत घरायसी प्रयोजनका करीब सबै काठका फर्निचर सामग्रि मेलामा ल्याइएको छ भने फलामको कोदालो, हँसिया, कुटो, बञ्चरो, खुकुरी लगातका सामग्री पनि बिक्रीका लागि राखिएको छ ।
मेलामा फर्निचर आउने क्रम अझै जारी नै रहेको छ ।
मेलामा देशको विभन्न ठाउँका साथै भारत विहारबाट पनि आएर कतिपयले आफना घरायसी प्रयोजनका लागि फर्निचर किनिरहेका छन भने कतिपयले खरिद बिक्रीका लागि पनि फर्निचरका सामग्रीहरु किनिरहेको देखिएको छ ।
हरेक वर्ष फर्निचर मेलामा व्यापार बढ्दै जाँदा फर्निचर व्यवसायी पनि उत्साहित हुदै गएका छन् ।
अनुमानित पाँच सयभन्दा बढी व्यवसायीले हरेक वर्ष मेलामा फर्निचर ल्याउने गरेका छन् । मेलामा फर्निचर सस्तो पाउने गरेका कारण हरेक वर्ष व्यापार बढ्दै गएको छ ।
अन्य ठाउँमा सामान किनेको भन्दा जयनगर फर्निचर मेलामा २५ प्रतिशतभन्दा बढी सस्तो हुने गरेको पाइएको छ । आफ्नै काठ र आफैले फर्निचर बनाउने हुनाले तुलनात्मकरूपमा फर्निचर सस्तो हुने गरेको व्यवसायीहरू बताउँछन् ।
मेलाबाट देशका विभिन्न भागका साथै भारततर्फ पनि फर्निचर लैजाने गरिएको छ । मुख्य गरी बिहेमा दाइजो दिनेहरूका लागि फर्निचर मेला पहिलो रोजाइ हुने गरेको छ भने सस्तो रोज्नेहरूले पनि मेलाबाटै फर्निचर लैजाने गरेका छन् ।

यो मेलामा बिक्री गर्नको लागि विश्वकर्मा लोहार जातीले २/३ महिना अघिदेखी नै फर्निचरका सामग्रीहरु बनाउने कार्य शुरु गर्ने गर्छन ।
अहोरात सम्म खटेर मिहनतका साथै लोहार जातीले बनाएको फर्निचरका सामग्री अहिले मेलामा ल्याएर बिक्री गरेर राम्रो आम्दानि गर्ने गर्छन् ।
हरेक वर्ष मेलाको विस्तार भइरहेकोले मेलालाई थप व्यवस्थित पार्ने प्रयास भइरहेको समितिको भनाइ छ ।
मेलाबाट नेपालको रौतहट, सर्लाही, बारा, पर्सा, धनुषा, काठमाडौँ, पोखरा, विराटनगर, जनकपुर र भारतको बिहार प्रान्तका सीतामढी, पूर्वी चम्पारण, मुजफ्फरपुर र पटनासम्म फर्निचर जाने गरेको मेला समितिले जनाएको छ ।

गत वर्षको तुलनामा यस वर्ष फर्निचर व्यावसायीको संख्या बढेको र अवलोकनकर्ताको संख्यासमेत बढ्ने देखिएको पूर्व अनुमान गरिएको छ ।
२०६५ सालदेखी नै प्रत्येक वर्ष लाग्दै आइरहेको मेलाको प्रत्येक वर्ष विस्तार हुँदै गएकोले कारोवार पनि बढदै गएको अध्यक्ष शर्माले बताए । याे मेला प्रसिद्ध धार्मिक स्थल शिवनगरमा वि.स.२०२५ सालदेखि लाग्दै आएकोमा पछि आएर जयनगरमा लाग्दै आएको छ ।
यातायातको सुविधा भएको र तुलनात्मकरुपमा फर्निचर सस्तो पर्ने हुनाले धेरै ग्राहकले जयनगरको फर्निचर मेलाबाट लाभ उठाइरहेको शर्माको दाबी छ ।

दिपेन्द्र रजक,राैतहट,२१ गते माघ ।
राैतहट । रौतहट जिल्लाको फतुवा बिजयपुर नगरपालिका -६ पेटभर्वामा रहेको श्री माध्यमिक विद्यालयको प्राङ्गणमा नवनिर्मित सरस्वति मन्दिरको उद्घाटन एवम सरस्वति मूर्तिको प्राणप्रतिष्ठा गरिएको छ । आज सोमबार सरस्वती पूजाको अवसर पारेर विद्यालयको प्राङ्गणमा नवनिर्मित सरस्वति मन्दिरको वडा न ६ को वडा अध्यक्ष रामएकवाल राय यादव उद्घाटन गरे पछि आजैको दिन बिधिपुर्वक सरस्वति मूर्तिको प्राणप्रतिष्ठा पनि गरिएको छ । बिधालयको प्रधानाध्यापक रामकिशोर यादवको विशेष सक्रियतामा श्री माध्यमिक विद्यालय पेटभर्वामा बिभिन्न शीर्षक बाट आएको करिब ५ लाखको लागतमा नवनिर्मित सरस्वती मन्दिर बनेको बिधालय ब्यवस्थापन समितिको अध्यक्ष प्रतिमा देवी यादवले जानकारी दिइन् ।
विद्यालयले स्थापना गरिएको मन्दिरमा वडा स्तरीय बजेट बाट एक लाखको लागतमा मुर्ति ल्याएर विधिपूर्वक प्राणप्रतिष्ण गरिएको बिधालयको शिक्षक मोतिलाल यादव जानकारी दिएका छ्न। सो अवसरमा बिधालय ब्यवस्थापन समितिको अध्यक्ष प्रतिमा देवी यादव, वडा सदस्य रुदल साह कानु , पूर्व बिधालय व्यवस्थापन समितिको अध्यक्ष हरदेव राय यादव, अजय यादव , राकेश यादव ,सञ्चारकर्मी, गाउँको अभिभावक, शिक्षक शिक्षिका तथा विद्यार्थीहरुको सहभागीता थियो ।

बज्जिकाञ्चल संवाददाता,राैतहट,२१ गते माघ २०८१ । 

तराई वैदेशिक रोजगार व्यवसायी फाेरमकाे आज बसेको बैठक बाट सर्वसम्मत हृदयनारायण दासकाे अध्यक्षतामा २१ सदस्यीय कार्यसमिति पुर्नगठन गरिएको छ।

कार्यसमितिको प्रथम उपाध्यक्षमा संजय चौधरी,द्वितीय उपाध्यक्षमा खातुन राईन,तृतीय उपाध्यक्षमा निर्मल राय आमात,महासचिवमा बिरेन्द्र कुमार यादब, सचिवमा हाकिम राय,कोषाध्यक्षमा अंजु कुमारी रहेका छन् ।

त्यस्तै सदस्यहरूमा उपेन्द्र शाह, दिगम्बर ठाकुर ,शिवहरी गाेइत, मंजु कार्की , मोहम्मद मंमताज मिया,मोहम्मद असरफ अलि शाहा चयन हुनु भएको छ ।

नव निर्वाचित अध्यक्ष हृदयनारायण दासकाे नेतृत्वमा याे फाेरमले व्यवसायीहरूको हक हितका लागि प्रभावकारी कार्य गर्दै उल्लेखनीय उपलब्धि हासिल गर्ने अपेक्षा गरिएको छ ।

त्यसैगरी बैठकले ४ सदस्यीय  सल्लाहकार समिति पनि गठन गरेको छ । जसमा सितल प्रसाद यादव,माे. जैलुन राईन,रविन्द्र यादव र हिरालाल शाह रहका छन् ।

आरके श्रीवास्तव,रौतहट,२१ गते माघ ।
रौतहटको फतुवा बिजयपुर नगरपालिकाको वडा नम्बर १० मा जनता समाजवादी पार्टी नेपालको वडा कमिटि गठन भएको छ । आइतवार सो वडामा भएको वडा स्तरीय विस्तारित बैठक बाट नयाँ कमिटि गठन गरिएको हो ।
आईतवार जनता सँग जनता समाजवादी पार्टी नेपाल आधारभूत संगठन निर्माण अभियान अन्तर्गत अहिले सो नगरपालिकामा धमाधम वडा कमिटिहरु गठन भइरहेको छ । जसपा नेपाल फतुवा बिजयपुर नगर कमिटिको आयोजनामा दुधिअवामा भएको बैठक बाट प्रभुु नारायण चौधरीको अध्यक्षतामा २३ सदसीय वडा कमिटि गठन गरिएको जसपा नेपालका मधेश प्रदेश कमिटि सदस्य विजय चौधरीले जानकारी गराउनु भएको हो ।
गठित कमिटिको उपाध्यक्षमा मतेश चौधरी,सचिवमा प्रेम चौधरी,सह सचिवमा रुपेश चौधरी र कोषध्यक्षमा गिरिजा देवी रहेका छन् ।
त्यस्तै सदस्यमा इन्दु चौधरी,सुनिता चौधरी,रमेश चौधरी लगायतका व्यक्तीहरु रहेका छन् । वडास्तरी विस्तारित बैठकमा जसपा नेपालका केन्द्रिय सदस्य विन्देश्वर यादव,जिल्ला उपाध्यक्ष अमृतलाल चौधरी लगायत जसपा नेपालका नेता कार्यकर्ताहरुको उपस्थिती रहेको थियो ।

आरके श्रीवास्तव,रौतहट,२० गते माघ ।
रौतहटको कटहरिया नगरपालिकामा एचपिभि खोप अभियान सम्बन्धि नगर स्तरीय खोप समन्वय समिति तथा सञ्चारकर्मीहरुको अभिमूखिकरण बैठक सम्पन्न भएको छ । स्वास्थ्य शाखाको अयोजनामा नगरपालिकाको सभाहल सो बैठक बसेको थियो ।
खोप कार्यक्रमको लक्ष्य,उदेश्य,उपलब्धी,अवस्थाबारे जानकारी गराउने,पाठेघरको मुखको क्यान्सर निवारण,रणनिती,एच.पि.भि.खोप अभियानको औचित्य र सञ्चालन प्रक्रिया बारे जानकारी गराउने,खोप समन्वय समिति संचार क्षेत्र र सरोकारवालाहरुको भूमिका र जिम्मेवारी बारे जानकारी गराउने उदेश्यलेले बैठक बसेको थियो ।
साथै अभियान संचालन योजना,तयारी अवस्था बारे जानकारी गराइ अभियान सफल बनाउन स्थानिय स्तरबाट आवश्यक थप सहयोग बारे छलफल,श्रोतको पहिचान,परिचालन र जिम्मेवारी बाँडफाँडको योजना बनाउने लगायतको विषयमा छलफल गर्न बैठक बसेको थियो ।
कटहरिया नगरभरिमा आगामी माघ २३ गतेदेखि २६ गते सम्म सञ्चालन हुने एच.पि.भि. खोप अभियानमा २ हजार ४ सय १३ छात्रा र किशोरीहरुलाइ खोप दिने लक्ष्य राखिएको स्वास्थ्य संयोजक दिनेश यादवले जानकारी गराएका हुन् । यो लक्ष्यमा ९० प्रतिशत अनिवार्य खोप लगाउनुु पर्ने उनको भनाइ छ ।
औसतमा प्रत्येक दिन ४ जना महिलाहरुको पाठेघरको मुखको क्यान्सरबाट मृत्य हुने गरेको भन्ने अनुमान गरिएकोले १० वर्ष देखि १४ वर्ष मुनिमा किशोरीहरु कोही पनि नछुटाउन हुनेमा उनको जोड थियो ।
अभिमूखिकरण कार्यक्रममा कटहरिया वडा नम्बर ८ का वडा अध्यक्ष समिश बिक्रम शाह,कार्यपालिका सदस्य दिलिप सा,मनोज जयसवाल,जामुन ठाकुर,जनस्वास्थ्य निरिक्षक संतोष कुमार साह,सशस्त्र प्रहरी बल नेपाल सुरक्षा वेश दुधियाभारका प्रहरी निरिक्षक चुनराज थापा,इप्रका कटहरियाका इन्चार्ज मुकेश कुमार सिंह,सञ्चारकर्मीहरु लगायतका व्यक्तीहरुको सहभागिता रहेको थियो ।
यस्तै परिवार पोषण लेखाजोखा पद्धति परिवार मुुआक अवधारण कार्यक्रम अन्तर्गत पालिका स्तरीय समन्वय बैठक पनि बसेको थियो । सो बैठकमा कटहरिया नगरभरि रहेका कुपोषित बालबालिकाहरुको सर्वेक्षण गर्ने जानकारी गराइएको थियो ।

आरएन पटेल,रौतहट,माघ २० गते ।

राैतहट । बौधिमाई-१ अजगैबीमा जसपा नेपालको वडा स्तरीय विस्तारित बैठक सम्पन्न भएको छ। रौतहटको बौधिमाई नगरपालिकाको वडा नं. १ बौधा अजगैबीमा जनता समाजवादी पार्टी नेपालको वडा स्तरीय विस्तारित बैठकबाट ३१ सदस्यीय वडा कमिटी गठन कार्य सम्पन्न गरिएको हो।

पालिकाको वडा नं.१ अजगैबी स्थित माईस्थानमा नगर कमिटि अध्यक्ष हृदय नारायण राय यादवको अध्यक्षतामा वडा नं.१ अजगैबीमा जसपा नेपालको वडा कमिटिको विस्तारित बैठकबाट रामजोधी राउत कुर्मीको अध्यक्षतामा ३१ सदस्यीय वडा कमिटि गठन गरिएको नगर अध्यक्ष यादवले जानकारी गराएका हुन। कार्यक्रमको प्रमुख वक्ता बौधिमाई नगरपालिकाको पूर्व मेयर राजीव रंजन यादवले नव गठित जसपा नेपालको बौधिमाई नपा-१ बौधा अजगैबीको सम्पुर्ण वडा कमिटीका पदाधिकारीहरुलाई हार्दिक बधाई तथा सफल कार्यकालको शुभकामना दिनुभएको छ।

साथै कार्यक्रमलाई सम्बोधन गर्दै समाजवादी युवा संघ नेपालको केन्द्रीय महासचिव दिलीप कुमार पटेलले सयौ वर्ष देखी देश चलाएका नेपाली कांग्रेस र नेकपा एमालेले मधेश र मधेशीको लागि एक पटक पनि आवाज नउठाएको तर समग्र मधेश र मधेशीको हकअधिकारको लागि अगाडी बढ़ने एक मात्र माननीय उपेन्द्र यादव नेतृत्वको जनता समाजवादी पार्टी नेपाल रहेको बताए।

देश निर्माण तथा विभिन्न मधेशी आन्दोलनमा लगायत मधेश र मधेशीको अधिकार प्राप्तिमा युवा वर्गको ठुलो भूमिका रहेकोले बौधिमाईमा गठन भएको समाजवादी युवा संघ नेपालको नगर स्तरीय युवा कमिटीले असल विचार तथा जोस जागर सहित संगठन निर्माण गरि पार्टी तथा देश निर्माणमा सहयोग गर्न अपिल गरेका छन।

कार्यक्रममा समाजवादी युवा संघ नेपालको केन्द्रीय महासचिव दिलीप कुमार पटेल, जसपा रौतहट जिल्ला राजकुमार पटेल, वडा नं.१ को वडा अध्यक्ष रामजोधी राउत, वडा नं.३ को वडा अध्यक्ष मणिभूषण प्रसाद साह,वडा नं.७ को वडा अध्यक्ष नरेन्द्र प्रसाद सिन्हा, वडा सदस्य लगायत समाजवादी युवा संघ नेपाल रौतहटको कार्यवाहक जिल्ला अध्यक्ष अजय यादव, नगर उपाध्यक्ष मोतिम हासमी, नगर सचिव रामाकान्त कुमार पटेल, वडा नं.६ पिपरिया निवासी युवा नेता गजाधर राय यादव, युवा नेता असेशर राय यादव लगायत वडा नं.१ बौधा अजगैबीका नेता तथा कार्यकर्ताहरुको उपस्थिती रहेको थियो।

 सप्तरी, २०८१ माघ २० –

वृन्दावन नगरपालिकाका कार्यपालिका सदस्य तथा राष्ट्रिय दलित पत्रकार संघ, नेपाल, रौतहटका अध्यक्ष राजेश पासवान ९निर्माणी० विरुद्ध लगाइएको झूटा मुद्दाको विरोध गर्दै दलित सरोकार मञ्च नेपालले भर्त्सना गरेको छ।

मञ्चका कार्यकारी निर्देशक भोला पासवानले प्रेस विज्ञप्ति जारी गर्दै जातीय भेदभावविरुद्ध संघर्षरत एक अभियन्तामाथि झूटा आरोप लगाएर फसाउन खोजिएको गम्भीर षड्यन्त्र भएको बताएका छन्। २०७९ सालको छठ पर्वमा राजेश पासवानमाथि भएको जातीय दुर्व्यवहार र आक्रमणका दोषीहरू अझै पनि कानूनी कारबाहीबाहिर रहेका बेला, उनीहरूकै दबाबमा प्रहरीले पीडितलाई नै अपराधी बनाउन खोजेको सरोकार मञ्चले जनाएको छ।

गत २०८१ मंसिर १९ गते वृन्दावन८, बहुअरी गाउँमा पोखरी विवादका क्रममा पुनः आक्रमणमा परेका पासवानमाथि झूटा मुद्दा लगाइनु गम्भीर अन्याय भएको दलित अगुवाहरूको भनाइ छ। प्रहरी भूमिकामाथि प्रश्न, निष्पक्ष छानबिनको माग दलित सरोकार मञ्च नेपालले प्रहरी प्रशासनको भूमिकामाथि गम्भीर प्रश्न उठाउँदै झूटा मुद्दा तत्काल खारेज गर्न माग गरेको छ।

साथै, जातीय भेदभाव तथा छुवाछूत मुद्दाका दोषीहरूलाई कानूनी कठघरामा ल्याई कडाभन्दा कडा सजाय दिनुपर्ने माग गरिएको छ। विज्ञप्तिमा न्याय सुनिश्चित नभएमा दलित समुदाय र मानव अधिकारकर्मीहरू सशक्त आन्दोलन गर्न बाध्य हुने चेतावनी दिइएको छ। साथै, सम्पूर्ण न्यायप्रेमी नागरिक, अधिकारकर्मी, सामाजिक अभियन्ता तथा सरोकारवालाहरूसँग ऐक्यबद्धता जनाउन आह्वान गरिएको छ।

बज्जिकाञ्चल संवाददाता, काठमाण्डौं, २० गते माघ २०८१ ।

रौतहट जिल्ला अदालतले प्रतिनिधि सभा सदस्य प्रभु साहसहित दुई जनाविरुद्ध कारण देखाउ आदेश जारी गरेको छ ।

आम जनता पार्टीका अध्यक्षसमेत रहेका साहले केही दिनअघि आफ्नो फेसबुकमा ‘रौतहट जिल्ला अदालतका झोले न्यायाधीश’ भनेर लेखेका थिए । अदालतको अपमान गरेको भन्दै सांसद साह उपर बौधिमाई नगरपालिकाका मेयर प्रदिपकुमार यादवले गत शुक्रबार मुद्दा दर्ता गराएका हुन् ।

उक्त मुद्दामा आइतबार भएको सुनुवाईपछि प्रतिनिधि सभा सदस्यसमेत रहेका साह र आजपाका महासचिव त्रिभुवन साहविरुद्ध रौतहट जिल्ला अदालतले कारण देखाउ आदेश जारी गरेको हो ।

रौतहट  जिल्ला अदालतको ६ नम्वर न्यायाधीश शम्भुप्रसाद रेग्मीको इजलाशमा मुद्दाको सुनुवाइ भएको श्रेष्तेदार उद्धव ढोडारीले बताए ।

उनका अनुसार कारण देखाउ आदेश जारी भइसकेको भएपनि पूर्णपाठ आउन समय लाग्नेछ । इजलाशबाट पूर्णपाठको विवरण आएपछि मात्रै जानकारी गराउने उनले बताए । आम जनता पार्टीका अध्यक्ष साह रौतहट क्षेत्र नम्बर ३ बाट निर्वाचित सांसद हुन ।

सभार ः फरकधार

आरएन पटेल,रौतहट, २० गते माघ ।

राैतहट । मधेशी लगायत विभिन्न आरक्षण कोटा उपलब्धिमा जसपा नेपालको ठुलो भूमिका रहेको बौधिमाई नगरपालिकाको पूर्व मेयर राजीव रंजन उर्फ राजू यादवले दाबी गरेका छन। रौतहटको बौधिमाई नगरपालिका वडा नं. २ इनर्वामा जनता समाजवादी पार्टी नेपालको वडा कमिटी गठन तथा समाजवादी युवा संघ नेपालको नगर स्तरीय भेलालाई सम्बोधन गर्दै कार्यक्रमको प्रमुख वक्ता बौधिमाई नगरपालिकाको पूर्व मेयर राजीव रंजन यादवले समग्र मधेश र मधेशी समुदायको भविष्य सुनिश्चितता तथा हक अधिकार प्राप्तिको लागि जसपा नेपाल बाहेक अन्य केहि विकल्प नरहेको बताएका छन।

पालिकाको नगर कमिटि अध्यक्ष हृदय नारायण राय यादवको अध्यक्षतामा शनिबार वडा नं.२ मा जसपा नेपालको वडा कमिटिको तथा समाजवादी युवा संघ नेपालको विस्तारित बैठकबाट बौधिमाई नपा २ ईनवामा आदेश प्रसाद पटेलको अध्यक्षतामा ४१ सदस्यीय जसपा नेपालको वडा कमिटी तथा बैनाथ प्रसाद पटेलको अध्यक्षतामा ५१ सदस्यीय युवा संघको नगर कमिटी गठन कार्यक्रममा नव गठित जसपा नेपालको वडा कमिटी पदाधिकारी लगायत युवा संघ नेपालको नगर कमिटिका सम्पुर्ण पदाधिकारीहरुलाई हार्दिक बधाई तथा सफल कार्यकालको शुभकामना समेत दिनुभएको छ।

सो कार्यक्रमलाई सम्बोधन गर्दै प्रमुख अतिथि पूर्व नगर प्रमुख यादवले समग्र गाउँ विकासका मधेसको विकासका लागि जनता समाजवादी पार्टी नेपाल बाहेक विकल्प नरहेको बताएका छन। हाल बौधीमाई नगरपालिकाका नगर प्रमुख प्रदिप कुमार यादव जन निर्वाचित भएपछि अहिलेसम्म विकासको नाममा भ्रष्ट्रचार बाहेक अन्य केही गर्न नसकेको जिकिर गरेका छन।

बौधीमाई नगरपालिकाका अधिकाँश निर्वाचित जनप्रतिनिधिहरु बजेटको भागभण्डाका कारण ३ वर्ष बितिसक्दा पनि हेर्न लायक कुनै ठोस विकास गर्न नसकेको उनले आरोप लगाए। जसपा नेपालको राष्ट्रिय अध्यक्ष माननीय उपेन्द्र यादवले मधेसीहरुको लागि विभिन्न आरक्षण कोटा समेत उपलब्ध गराएको एवं समग्र मधेश तथा मधेशीको हकहितको लागि मधेश आन्दोलन समेत गरि अधिकार प्राप्तिमा ठुलो भूमिका खेलेको स्पष्ट पारेका छन।

वास्तवमा रौतहटको क्षेत्र नम्बर दुईका सांसद,प्रदेश सांसद तथा नगर प्रमुख विकासको नाममा भ्रष्ट्रचार बाहेक अन्य केही नगरेको उनले बताए। बौधीमाई नगरपालिकाका नगर प्रमुख प्रदिप कुमार यादवले ३ वर्षको कार्यकालमा विद्यार्थी देखि जनप्रतिनिधिहरुलाई कसरी मुद्दा मामिलामा भसाउने सड्यन्त्र चाल्ने बाहेक अरु केहि गर्न नसकेको उनले बताए।

आफ्नो कार्यकालमा आफुले कसैलाई बनाउन नभयाएको खण्डमा उसलाई बिगार्न समेत कुनै पहल नगरेको बताउदै, आउने दिनमा समाजमा भाईचरा कायम राख्ने, मेलमिलाप गराउने जस्ता क्रियाकलाप एवं गतिविधि गर्ने जनप्रतिनिधिलाई मात्र अवसर दिन उनले सम्पूर्ण जनसमुदायलाई आग्रह गरेका छन। कार्यक्रमलाई सम्बोधन गरिदै समाजवादी युवा संघ नेपालको केन्द्रीय महासचिव दिलीप कुमार पटेलले सयौ वर्ष देखी देश चलाएका नेपाली कांग्रेस र नेकपा एमालेले मधेश र मधेशीको लागि एक पटक पनि आवाज नउठाएको तर समग्र मधेश र मधेशीको हकअधिकारको लागि एक मात्र माननीय उपेन्द्र यादव नेतृत्वको जनता समाजवादी पार्टी नेपाल रहेको बताए।

देश निर्माण तथा विभिन्न मधेशी आन्दोलनमा लगायत मधेश र मधेशीको अधिकार प्राप्तिमा युवा वर्गको ठुलो भूमिका रहेकोले आज गठन हुने समाजवादी युवा संघ नेपालको नगर स्तरीय युवा कमिटीले असल विचार तथा जोस जागर सहित संगठन निर्माण गरि पार्टी तथा देश निर्माणमा सहयोग गर्न अपिल गरेका छन। अहिलेको जननिर्वाचित जनप्रतिनिधिहरुले विकासको नाउमा खुद्रा बिकास गरेर भ्रष्टाचार बाहेक अरु केहि गर्न नसकेको आरोप लगाएका छन।

नगर क्षेत्र लगायत वडा नं.२ इनर्वामा पूर्व मेयर राजीव रंजन यादवको कार्यकालमा भएको सम्पूर्ण बिकास निर्माणको कार्य ठोस रहेको तथा आफु मन्त्रालयमा कार्यरत हुदा आफुले गरेको सम्पूर्ण बिकास निर्माणको कार्य पनि अविष्मरणीय रहेको दाबी गरेका छन। अहिलेको जनप्रतिनिधिले गरेको बिकास निर्माणको कार्य मात्र प्रचार प्रसारमा सीमित रहेको उनले बताए।

बज्जिकाञ्चल संवाददाता,चन्द्रपुर,२० गते माघ ।

रौतहटको चन्द्रपुर नगर क्षेत्रमा चौथो चन्द्रपुर महोत्सव २०८१ हुने भएको छ । मधेस प्रदेश सरकार उद्योग बाणिज्य तथा पर्यटन मन्त्रालय जनकपुरको मुख्य सहयोगमा र नेपाल पर्यटन बोर्डको प्रवर्धकमा र नेपाल उद्योग बाणिज्य महासंघको सह आयोजना तथा चन्द्रपुर उद्योग बाणिज्य संघको आयोजनामा हुने भएको हो ।

चौथो चन्द्रपुर महोत्सव यहि फाल्गुन ५ गतेदेखि १७ गतेसम्म चन्द्रपुर नगर क्षेत्रमा हुने चन्द्रपुर उद्योग बाणिज्य संघका अध्यक्ष उदय नारायण सापकोटाले बताए । उनका अनुसार लामो समयपछी चन्द्रपुरमा महोत्सव हुन लागेको हो ।

उक्त महोत्सवको मुख्य नारा कृषि पर्यटन उद्योग ब्यापार , समृद्धिको मुख्य आधार तय भएको उनलेे जानकारी दिए । प्रादेशिक औधोगिक मेलाको रूपमा चन्द्रपुर महोत्सव रहने आयोजक संघका अध्यक्ष सापकोटाले बताए ।

महोत्सवमा कृषि , पर्यटन , उद्योग , ब्यापारका स्टल समेत रहने उनको भनाइ छ ।अहिले सचिवालय स्थापना गरी स्टल बुकिङ लगायतको काम भै रहेको उनले उल्लेख गरेका छन ।महोत्सवमा ख्याति प्राप्त कलाकारहरुले मनोरञ्जन दिने आयोजक संस्था चन्द्रपुर उद्योग बाणिज्य संघले जनाएको छ ।

 

संघका अनुसार फाल्गुन ९ गते गिनिज बुकमा रेकर्ड दर्ज गराउन सफल चर्चित जादुगर बलराम सरकार,१० गते चर्चित गायिका रचना रिमाल ,१३ गते चर्चित गायिका/ ब्याटल प्रीति आले , १३ र १४ गते गायिका तथा कुशल कार्यक्रम प्रस्तोता मञ्जु पौडेल , १६ गते गायक दुर्गेश थापा र मोडल तथा नृत्यांगना रचना शिवाकोटीको प्रस्तुति रहने छ ।

 बज्जिकाञ्चल संवाददाता,गाैर,२० गते माघ ।

रौतहटको गौरमा रहेको यातायात व्यवस्था कार्यालय विभिन्न शिर्षकमा ४ करोड ६६ लाख ९७ हजार ३ सय ४७ राजश्व संकलन गरेको छ । यातायात व्यवस्था कार्यालय गौरले २०८१ साल श्रावण १ गते देखि माघ १८ गते सम्मको राजश्व विवरण सार्वजनिक गरेको हो ।

विवरण अनुसार यातयात क्षेत्रको आम्दानी १३ लाख ६१ हजार ३ सय १८, सवारी साधन कर २ करोड ९९ लाख ५२ हजार २ सय ३३ , चालक अनुमति पत्र सवारी दर्ता किताव सम्वन्धी दस्तुर १ करोड ५३ लाख ८३ हजार ७ सय १६ राजश्व संकलन भएको छ । यस अवधीमा अन्य प्रशासनिक सेवा शुल्क , अन्य राजश्व, बेरुजु, व्यवसायिक रजिष्टेशन दस्तुरको शिर्षकबाट राजश्व संकलन नभएको कार्यालयले सार्वजनिक गरेको विवरणमा उल्लेख छ ।२०७९ साल फागुन १८ गते यातायात व्यवस्था कार्यालय गौरबाट सवारी चालक अनुमती पत्र दिन थालेको हो ।

कार्यालयबाट सवारी चालक अनुमति पत्र जारी तथा नवीकरण, सवारी किताब दर्ता तथा नवीकरणका लगायतका सेवा प्रदान गर्दै आएको छ । विशेष गरी सवारी चालक अनुमति पत्र (लाईसेन्स) लिनका लागि बर्दिबास, जनकपुर, वीरगञ्ज लगायत ठाउँमा जानुपर्ने बाध्यता रहेको थियो । गौरमा नै यातायात व्यवस्था कार्यालय खुलेपछि सहज भएको स्थानियहरु बताउँछन् । यातयात व्यवस्था कार्यालय गौरका प्रमुख जितेन्द्र किशोर गुप्ताका अनुसार सवारी चालक अनुमति पत्रका लागि कार्यालयले नियामनुसार नै लिखित तथा प्रयोगात्मक परीक्षा संचालन गर्दै आएको छ ।

प्राय ः सवारी चालक अनुमति पत्र नविकरण वा नयाँ बनाउनका लागि आउने सेवाग्राहीको कार्यालयमा भिड रहने गरेको उनको भनाई छ ।गौरमा यातायात व्यवस्था कार्यालय स्थापना भएपछि उल्लेखनियले सेवा पाउनुका साथै राजश्वमा समेत वृद्धि भएको जनाएको छ । मधेस प्रदेशका प्राय सवै जिल्लामा यातायात व्यवस्था कार्यालय स्थापना भएको छ ।

१९ माघ, रौतहट ।

स्रोत नखुलेको १६ लाख भन्दा बढी रकमसहित दुई जनालाई सशस्त्र प्रहरीले पक्राउ गरेको छ ।

पक्राउ पर्नेमा राजपुर नगरपालिका– ४ का शिवमंगल साह र प्रवेज आलम रहेको सशस्त्र प्रहरी बल नम्बर ११ गणका उपरीक्षक विक्रम हुमागाईंले जानकारी दिए ।

भारतबाट नेपालतर्फ आउँदै गरेको मधेश प्रदेश ०३३ प ९३०८ नम्बरको मोटरसाइकललाई चेकजाँच गर्दा उनीहरू पक्राउ परेको एसपी हुमागाईंले जानकारी दिए ।

 

सत्येन्द्र प्रताप सिंह,गाैर,माघ १९ गते २०८१ । 

रौतहट । स्राेत नखुलेको १६ लाख भन्दा बढी रकम सहित २ जनालाई भारतबाट नेपाल तर्फ आउँदै गरेको मधेस प्रदेश ०३३ प ९३०८ नम्बरको मोटरसाइकललाई चेकजाँच गर्ने क्रममा १६ लाख ४९ हजार २०० रुपैयाँ सहित २ जनालाई पक्राउ गरेको हो ।
नगद सहित राजपुर नगरपालिका ४ का शिव कुमार साह, मो. प्रवेज आलमलाई पक्राउ गरेको सशस्त्र प्रहरी बल नम्बर ११ गणका उपरीक्षक विक्रम हुमागाइले बताए ।बरामद गरिएको नगद, मोटरसाइकल सहित दुवै जनालाई आवश्यक कारवाहीका लागि गौर भंन्सार कार्यालय पठाइएको उपरीक्षक हुंमागाइले बताए ।

आरएन पटेल,बाैधीमाई,१९ गते माघ २०८१ । 

रौतहटको बौधिमाई नगरपालिकाको वडा नम्बर २ मा जनता समाजवादी पार्टी नेपालको वडा कमिटी गठन तथा समाजवादी युवा संघ नेपालको नगर कमिटी गठन कार्य वडा नम्बर २ इनर्वा स्थित दिलीप कुमार पटेलको निवास स्थानमा सम्पन्न गरिएको हो।

पालिकाको नगर कमिटि अध्यक्ष हृदय नारायण राय यादवको अध्यक्षतामा शनिबार पालिकाको वडा नं.२ मा जसपा नेपालको वडा कमिटिको तथा समाजवादी युवा संघ नेपालको विस्तारित बैठक सम्पन्न भएको हो। जसपा नेपालको यस बौधिमाई नपा २ ईनवामा भएको जसपाको वडा कमिटी गठन कार्यमा आदेश प्रसाद पटेलको अध्यक्षतामा ४१ सदस्यीय वडा कमिटि तथा बैनाथ प्रसाद पटेलको अध्यक्षतामा ५१ सदस्यीय युवा संघको बौधिमाई नगर कमिटी गठन गरिएको सामाजवादी युवा संघ नेपालका महासचिव दिलीप कुमार पटेलले जानकारी गराएका हुन।

पोखरा,१९ गते माघ २०८१ । 
आम जनता पार्टी (आजपा)का अध्यक्ष एवं पूर्वमन्त्री प्रभु साहले मुलुकको पर्यटकीय राजधानी पोखराको विकासका लागि सरकारले कर्मकाण्डी काम मात्रै गरेको टिप्पणी गरेका छन् । प्रधानमन्त्री केपी शर्मा ओलीसंग उनले पर्यटकीय राजधानी पोखराको पर्यटकीय पूर्वाधारको विकासका लागि के गरेको भन्दै प्रश्न गरेका छन् ।

‘सरकारको मनपरी कर आतंकको बिरोध गरौं, भ्रष्टाचार विरुद्धको संघर्षमा अघि बढौं’ भन्ने मुल नारासहित आज पोखरामा आजपाद्धारा आयोजित गण्डकी प्रदेश स्तरीय ‘कर आतंक विरुद्धको बृहत भेला’लाई सम्बोधन गर्दै अध्यक्ष साहले पोखराका उधोगी व्यवसायीबाट कर लिने तर पोखराको पर्यटकीय विकासका लागि सरकारले चासो नदिएको आरोप लगाए ।

‘सरकारले पोखरालाई पर्यटकीय राजधानी घोषणा गरेको छ । तर पोखराको पर्यटकीय विकासका लागि सरकारले के–के गरेको छ ? प्रधानमन्त्री केपी शर्मा ओलीसंग मेरो प्रश्न छ, पोखराका उधोगी, व्यवसायीसंग कर लिने तर पोखराको पर्यटकीय विकासमा चासो नदिने ?’ अध्यक्ष साहले भने, ‘पर्यटकीय राजधानी पोखराको विकासका लागि सरकारले गरेको काम के हो ?, सरकारको योजना के छ ?, रणनीति के बनाएको छ ? किन पोखराको बिकास भएन् ? यसको बारेमा प्रधानमन्त्रीले पोखरावासीलाई जवाफ दिनुपर्छ ।’

पोखराका उधोगी, व्यवसायीसंग सरकारले मनोमानी कर लिईरहेको भए पनि यहाको पर्यटकीय सम्पदाको जर्गेना समेत गर्न नसकेको उनले बताए । विकासमा ध्यान नदिएको सरकारले कुन नैतिकताले कर लिईरहेको भन्दै उनले प्रश्न उठाए ।

पोखरामा पर्यटकीय प्रहरी न्यून मात्रामा रहेको बताउदै ति पर्यटकीय प्रहरीकै बेहाल रहेको साहले बताए । पर्यटकीय प्रहरीकै अवस्था कहालिलाग्दो रहेको बताउदै उनले पर्यटकको शान्ति, सुरक्षाको काम कसरी प्रभावकारी हन्छ भन्ने बारेमा उनले सरकारसंग प्रश्न गरेका छन् । साथै बैदेशिक पर्यटकलाई भित्रयाउनका लागि सरकारसंग कुनै योजना नै नभएको र झण्डै दुई तिहाई बहुमतको सरकार हचुवाको भरमा मनोमानी अध्यादेशमार्फत चलिरहेकाले जनताले यो सरकार फाल्न खोजिरहेको बताए ।

नेपाली कांग्रेस र नेकपा (एमाले)को शक्तिशाली सरकारले ठुला भ्रष्टाचारका काण्डको फाईलका पाना नै पल्टाउन डराएको आरोप उनले लगाए । प्रधानमन्त्री ओलीले भ्रष्टाचार गर्दिन र अरुलाई गर्न पनि नदिने भन्ने गरेको तर आफै भ्रष्टाचारीलाई संरक्षण गरेको आरोप उनले लगाए ।

‘प्रधानमन्त्रीले भ्रष्टाचार गर्दिन र अरुलाई पनि गर्न दिईन भन्नुहुन्छ । उहाँ दुधले नुहाएको हो भने मन्त्रिपरिषदले गर्ने निर्णयमा पनि छानविन गर्ने नीतिगत निर्णयबाट किन पछि हटनुहुन्छ ? यदी उहाँ साच्चै नै भ्रष्टाचारीलाई कारवाही गर्न चाहनुभएको हो भने सम्बन्धित निकायले मन्त्रिपरिषदको निर्णयमा पनि छानबिन गर्न दिनुपर्छ,’ आजपा अध्यक्ष साहले भने, ‘गफ गरेर मुलुक बन्दै । ठुलाठुला गफ गर्ने तर ठुल्ला भ्रष्टाचारको पाना नै नपल्टाउने । भ्रष्टाचारीलाई कारवाही गर्नबाट पछाडी हटेर प्रधानमन्त्रीले कसरी सुशासन कायम गर्न चाहेको हो ?’

अहिले सरकार भ्रष्टाचार काण्डका ठुला फाईलहरुको पाना पल्टाउन समेत डराएको उनले बताए । गिरी बन्धु टिस्टेट, वाइडबडी, नक्कली भुटानी शरणार्थी, यतीओमन्नी लगायतका ठुला भ्रष्टाचारहरुमा दलाल दलतन्त्रका ठेकेदार नेता नै संलग्न रहेकाले सरकार यि भ्रष्टाचार काण्डको छानबिन गर्न नचाहेको साहले बताए ।

अहिलेको दलाल दलतन्त्रले भ्रष्टाचार बढाएको र राष्ट्रिय सम्पती लुटेर विदेशमा थुपार्ने काम उच्चओहोदामा बस्ने नेता र सरकार लुटेराबाट भईरहेको उनले गम्भिर आरोप लगाए । राष्ट्रिय ढुकुटी लुटेर विदेशमा थुपार्ने, नेपाली नागरिकता त्यागेर विदेशी नागरिकता लिईसकेकाले यहाँको सम्पती विदेशमा लैजाने काम गरिरहेको भए पनि सरकार मुकदर्शक बनेको टिप्पणी उनले गरे ।

राज्यको ढुकुटी सिध्याइसकेको सरकारले नेपाली जनतामाथि मनोमानी कर थुपार्दै कर आतंक मचाएकाले मनोमानी कर आतंकका विरुद्ध अब सडकमा आउँनुको बिकल्प नभएको उनले बताए । बिदेशी ऋण लिएर सरकारले मनोमानी मोजमस्तीमा खर्चिरहेको बताउदै उनले विदेशबाट लिइएको ऋण कहा खर्च भईरहेको छ भन्दे सरकारसंग प्रश्न गरे ।

आजपा गण्डकी प्रदेश अध्यक्ष भोजराज त्रिपाठीको अध्यक्षतामा भएको कार्यक्रममा आजपा वरिष्ठ उपाध्यक्ष तिलक थापामगर, त्रिभुवन साह लगायतका नेताहरुको विशेष सहभागिता रहेको थियो ।

हनुमत यादव,राजदेवी,१९ गते माघ २०८१ । 
रौतहट । जिल्लाको राजदेवी नगरपालिका वड़ा नम्बर ७ मा सञ्चालित रहेको नेमधारी बासुदेव नमूना माध्यमिक विद्यालयले शनिवार बिभिन्न कार्यक्रम आयोजना गरी ६५ औ बार्सिकोत्सव भव्यताका साथ मनाएका छन । बासुदेव चौधरीले २०१७ साल माघ १९ गते प्राथमिक विद्यालयको रुपमा स्थापना गरेका विद्यालयले नमूना विद्यालयको रुपमा पहिचान बनाएर ६५ औ स्थापना दिवस मनाएका हुन ।

पूर्व संविधान सभा सदस्य श्रीमती रम्भा देवी यादवको प्रमुख आतिथ्यमा भएको बार्षिकोत्सव समारोहमा विद्यालयका प्राध्यानध्यापक रविशंकर यादवले विद्यालयका स्थापनाको कारन र आवधिक कार्ययोजना तथा प्रगति विबरण प्रस्तुत गरेका छन । पंचायतिकालमा शिक्षाको ज्ञान फैलाउने, समाज विकास शिक्षित समाज निर्माणको उदेश्यले स्वर्गीय बासुदेव चौधरी सानो छाप्रो हालेर आफ्नो निजी जग्गामा विद्यालय स्थापना गरी पठन पाठन शुरू गरेको प्रगति विबरणमा उल्लेख गरिएको छ ।

प्राथमिक तहबाट शुरू भएको विद्यालय निम्न माध्यमिक हुदै माध्यमिक तह बाट नमूना विद्यालयको रुपमा परिचित भएको सर्वादितै छ । बिद्यालयमा २०७० साल देखि प्रबिधिक तह र अंग्रेजी माध्यमको अध्यापन हुदै छ ।
बार्षिकोत्सव समारोहमा पूर्व बिद्यालय व्यवस्थापन समितिका अध्यक्ष राजमंगल प्रसाद यादवले शिक्षाको विकासको लागि पूर्वजले गरेको कार्य इतिहासिक र गर्वानवित रहेको बताएका छन । जून बेला बिद्यालयको संख्या न्यून रहेको र अध्यन गर्न छिमेकी मुलुक भारतको पटना, सितामढी लगायतका विभिन्न ठाउँ बाहिर जानू पर्ने अवस्थाको विध्यमानता रहेको समयमा स्थापना गरिएको विद्यालय आज नमूना विद्यालय रुपमा स्थापित भएको देखिदा हर्षित भएको उनले बताए ।

कार्यक्रममा विद्यालय व्यवस्थापन समितिका अध्यक्ष रामेश्वर प्रसाद यादवले शिक्षित समाजको निर्माणमा बिद्यालयले महत्वपूर्ण भूमिका निर्वाह गरेको जिकिर गरे । आफुले सञ्चालन गरेको विद्यालयमा समाजका छोरा छोरी शिक्षा हासिल गरी विभिन्न तह तपकामा सहभागिता जनाएको देखेर मन गदगद भएको सुनाए । शुरूमा विद्यार्थीको सहभागिता नगण्य भएपनि हाल विद्यालयमा अध्यन गर्ने बालबालिकाको संख्या उल्लेख्यनीय रहेकोले शिक्षामा गरिएको लगानी सार्थक भएको दावी गरे ।

उक्त कार्यक्रमा विधालयको सुरुवाती समय देखि शिक्षा दिइ आइरहनु भएका बरिष्ठ शिक्षक जितेन्द्र प्रसाद यादवले विधालय र विधार्थीहरुका लागि आफु र विधालयले गरेको सहयोग दु:ख सुख भोगदै अगाडि बढेको कुराहरु भावुक हुदै राखेका छन । बालबालिकालाइ शिक्षा दीक्षा दिनु पर्नेमाँ अभिभावकहरु सचेत भएको संकेत विद्यालयमा अध्यन गर्ने विद्यार्थी हरुको संख्याले प्रस्ट परेको बताए । शिक्षा विनाको जीवन अंधकार हुने हुने भएकोले बाल बालिकाको शिक्षामा लगानी गर्नु पर्ने धरना राखे ।

कार्यक्रममा पूर्व प्राध्यानध्यापक ,शिक्षक ,शिक्षिका, पूर्व बिद्यार्थी , समाजसेवी ,बुद्धिजीवीहरुलाई सम्मानित गरिएको विद्यालय प्रशासनले जनाएको छ । वार्षिकोत्सव समारोहमा विभिन्न समयको कार्यक्रममा सफल भएका विद्यार्थीहरुलाई पुरस्कृत समेत गरिएको थियो ।

 

प्रेमचन्द्र झा,गाैर,माघ १८ गते २०८१ । 
राैतहट । नेकपा एसका केन्द्रीय अध्यक्ष एवं पुर्व प्रधानमन्त्री माधव कुमार नेपालले निजगढ अन्तर्राष्ट्रिय विमान स्थलकाे रुटमा अवराेध खडा नगरी निर्माण कार्यमा सहयाेग गर्न भारत सरकारसंग अनुराेघ गरेका छन ।

नेपाल र भारतका पत्रकारको संस्था मिडिया फोर बोडर हार्मोनीले राैतहट सदरमुकाम गाैरमा शनिवार आयोजना गरेको नेपाल भारत मैत्री सम्वादमा प्रमुख अतिथिको आसनबाट बोल्दै उक्त आग्रह गर्दै पुर्व प्रधानमन्त्री नेपालले भारतले सम्बन्धका लागि जनकपुरधाम -अयाेध्या र लुम्बिनी -बाेधगयाका लागि नया रुट बनाउनु पर्ने हुन्छ भने । निजगढ अन्तर्राष्ट्रिय विमानस्थल निर्माणले पनि नेपाल भारतका जनतालाई आवागमन समेत सहज हुने भएकोले एयर रुटको कुरा लिएर भारतलाई झमेला खडा नगर्न अनुराेध गरेका छन ।

निजगढमा अन्तर्राष्ट्रिय विमानस्थल वनाउन आफु प्रधानमन्त्री भएको बेला २००९ मा निर्णय गरेको उनले बताए । कुनै कुरा गफ गरेर हुदैन काम गरे मात्र सम्भव हुन्छ । निजगढ अन्तर्राष्ट्रिय विमानस्थललाई जोडनका लागि २०१०मा आफु प्रधानमन्त्री रहेको बेला शिलान्यास गरेको फास्ट्रायक सडक १५ बर्ष वितन लागदा पनि काम सम्पन नहुनु हाम्रै कमिकमजोरी रहेको बताउदै सो दुबैबकाम तिब्र गतिमा बढाई दिन नेपाल सरकारको ध्यानाकषर्ण समेत उनले गराए ।

त्रिभुवन अन्तर्राष्ट्रिय विमानस्थल काठमाडौमा देश विदेका विमानको निकै चाप हुने गरेका कारणले निजगढमा अन्तर्राष्ट्रिय विमानस्थल अपरिहार्य भएको पुर्वप्रधानमन्त्री नेपालले दाबी गरेका छन । फास्ट्राएकको काममा तिब्रता ल्याउन आफुले पुर्व प्रधानमन्त्री देखि संसदिय समिति मार्फत पटक पटक अनुगमन गराए पनि काममा चाहे जतिको प्रगति हुन नसकेको बताउदै आफुले भनेको काम सरकारले सकारात्मक रुपमा नलिए पनि समन्वय सहकार्य गर्न नछोडेको उनले बताए ।

नेपाल भारतको बोडर छेउको जनताले भोग्ने समस्या केही सरकारी र केही व्यवहारिक रुपमा समाधान हुने भएकोले नेपालका बोडरका जिल्लाको सिडियो – एसपि र भारतका जिल्ला जोडिएका डिएम र एसपि तहमा दुबै देशका बोडर क्षेत्रका सांसद र विधायक स्तरबाट सामाधानका लागि पहल भए परिणाम भने जस्तो चाहे जस्तो हुने कुरामा नेता नेपालले विश्वास व्यक्त गरेका छन ।

हार्माेनिका मधेस प्रदेश अध्यक्ष किशोरी यादवकाे अध्यक्षतामा भएको कार्यक्रममा भारत विहार विधानसभामा रिगाबाट निर्वाचित विधायक माेतिलाल प्रसाद, मधेस प्रदेश सभामा राैतहट १( क)बाट निर्वाचित प्रदेस सभा सदस्य नागेन्द्र साह ,मधेस सरकारका पुर्वमन्त्री योगेन्द्र यादव,वाैधीमाई नगरपालिकाका नगरप्रमुख प्रदिप कुमार यादव, बैरगनियाका पुर्व मेयर बसिर अन्सारी ,नेकपा एसका नेता रेवन्त झा लोसपाका नेता अनिल कुमार सिंह भारत नागरिक समाज रामअशिश पटेल,राष्ट्रिय एकता अभियान नेपालका अध्यक्ष विनय यादव, सहितका व्क्ताले वाेडरका जनताले दुबै देशमा भोग्नु परेको समस्याका कारण पारस्परिक पाैराणीक धार्मिक परिवारिक सम्बन्धमा हुने तिक्तता कम गर्न दुबै देशका नागरिक जनप्रतिनिधि र सरकार स्तरबाट सामाधान खाेज्न आवश्यक रहेको बोलेका थिए ।

आरके श्रीवास्तव,रौतहट,१९ गते माघ २०८१ ।
मिटर ब्याज पिडित तथा बैंक पिडितहरु दुुइ कितामा विभाजित भएका छन् । आज रौतहटको कटहरिया ५ स्थित रहेको विवाह मण्डप भवनमा मिटर ब्याज संघर्ष समिति बाट असंतुुष्ट पक्षले अर्को नयाँ समिति बनाएका छन् । उनीहरुले अनुचित लेनदेन तथा सम्पूर्ण ठगी विरुद्धको महाअभियान नामक समिति गठन गरेका हुन् ।
शेष अवासको अध्यक्षतामा भएको कार्यक्रममा जिल्लाभरीको मिटर ब्याज पिडित एवम् बैंक पिडितहरु बैठकमा सहभागि भएका थिए । शनिवार भएको बैठकबाट इद महम्द अंसारीको अध्यक्षतामा नयाँ समिति निर्माण गरिएको हो ।

जसको उपाध्यक्षमा रामनाथ माझी,नगिया देवी,प्रेमदेवी दास,हेमनारायण चौधरी,सचिवमा नागेन्द्र महतो,सह सचिवमा बलराम महतो,गायत्री देवी विन,कोषाध्यक्षमा विरेन्द्र साह सोनार रहेका छन् ।

त्यस्तै सदस्यहरुमा शम्भु साह कानुु,हरिनारायण साह तेली,रामएकवाल राय यादव,शेष इब्राहम लगायतका व्यक्तीहरु रहेका छन् । यस अघि अस्थायी कमिटि गठन गरि सञ्चालनमा रहेको समितिले आज पूर्णता पाएको अनुचित लेनदेन तथा सम्पूर्ण ठगी विरुद्धको महाअभियानका मधेश प्रदेश अध्यक्ष नागेन्द्र यादवले जानकारी गराएका हुन् ।

पिडितहरुको अवाज उठाउन र बुलन्द गर्नका लागि नयाँ समिति गठन गरिएको यादवले बताएका हुन् । साहु पिडित र बैकं बाट पिडितहरुको हकहितको लागि यो समितिले काम गर्ने उनको भनाइ छ ।

हामी मिटर ब्याजी पिडित दुइ भागमा विभाजित भएका हौं । पहिलाको समितिले पिडितको पक्षमा काम नगरेको,साहु महाजन सँग मिलेर पिडितलाइ नै थप पिडा दिन थालेपछि आफूहरु बाध्य भइ नयाँ समिति बनाएको । र यो समितिले साहु पिडित र बैंक पिडितहरुको पक्षमा सशक्त रुपमा काम गर्ने प्रतिबद्धता समेत जनाएका छन् ।
रौतहटमा आफूहरुले केही दिन भित्रमा मात्रै १५ जनाको समस्या समाधान गराउन सफल भएको दाबी समेत उनले गरेका छन् । अनुचित लेनदेन तथा सम्पूर्ण ठगी विरुद्धको महाअभियान रौहतटका नवनियुक्त अध्यक्ष इद महम्द अंसारीले बिगत चार वर्षदेखि हामी मिटर ब्याज संघर्ष समितिमा थियौं । यता आएर पाँच महिनादेखि हामी अलगीएर काम गरिरहको बताए ।

दुइ गुटमा रहेर काम गर्ने आफूहरुको सोचभएपनि पुरानो समितिले दादागिरी,एकलौटी शासन चलाउन खोजेपछि बाध्य भएर नयाँ समति बनाउनु परेको खुलासा समेत गरेका छन् । पिडितको पक्षमा काम नगर्ने गरेको पुरानो समितिमाथि उनले अरोप समेत लगाएका छन् ।
पिडितहरुलाइ दुःख दिने मनसाय बनाएपछि आफूहरु नयाँ समिति खोल्ने निष्कर्षमा पुगेको र फलस्वरुप आज नयाँ समिति गठन गरेको प्रष्ट पारेका छन् । लघुवित पिडितहरुको पक्षमा पनि आवाज उठाउन आफूहरुले यस्तै समिति गठन गर्ने अन्सारी जानकारी गराएका हुन् ।

 

राकेश दास,

रौतहट, माघ १९ गते २०८१ ।

रौतहटमा भन्सार छली गरी ल्याउँदै गरेको सामानहरु बरामद गरिएको छ ।

शुक्रवारको दिन जिल्ला प्रहरी कार्यालय रौतहट कार्यालय मातहत भन्सार सुरक्षा गार्डबाट खटिएको प्रहरी चेकिङ्ग टोलीले जिल्ला रौतहट गौर न.पा वडा नं.१ स्थितमा विभिन्न सवारी साधनहरुलाई रोकी चेक जाँच गर्ने क्रममा अबैध रुपमा भारतबाट भन्सार छली चोरी पैठारी गरी ल्याउँदै गरेको समान बरामद भएको प्रहरीले जनाएको छ ।

सो समानहरु अन्दाजि मुल्य रु. एक लाख बिसहजार पाँच सय तिन रुपैया बराबरको विभिन्न किसिमको किराना, कपडार कस्मेटिक लगायतका सर–समानहरु नियन्त्रणमा लिई आवश्यक कारवाहीको लागि गौर भन्सार कार्यालयमा बुझाईएको जिल्ला प्रहरी कार्यालय प्रवक्ता तथा सूचना अधिकारी प्रहरी नायव उपरीक्षक दिपक कुमार रायले बताएका हुन् ।

 

आरके श्रीवास्तव,राैतहट,१८ गते माघ २०८१ । 

राष्ट्रिय दलित पत्रकार संघ राैतहटका अध्यक्ष एवम् वृन्दावन नगरपालिकाका कार्यपालिका सदस्य राजेश पासवान निर्माणी माथि चलाइएको झुठा मुद्दा बारेमा जिल्लाभरीका दलित अभियन्ताहरूले आज राैतहट प्रहरी प्रमुख प्रहरी उपरीक्षक दिलिप घिमिरेलाई ध्यानाकर्षण गराएका छन् ।

गत २०८१ मंसिर १९ गते वृन्दावन नगरपालिकाकाे बहुअरी गाउँमा एउटा पोखरीको विवाद लिएर पासवानमाथि ईलाका प्रहरी कार्यालय गरूडाले कुटपिट अंगभंगको मुद्दा चलाएकाे बुझिएको छ । मुद्दा गर्ने पक्षले एउटा भिडियोमा मेराे हात आफै भाँचिएको भन्ने स्विकार गरेका छन् ।

साेही भिडियोलाई लिएर एसपि घिमिरेलाई उनीहरूले देखाएका थिए । र मुद्दा खारेजीकाे माग पनि गरेका थिए ।  जवाफमा एसपि घिमिरेले यस विषयलाई आफूले गम्भीरतापूर्वक लिएकाे र यसबारे छिट्टै अनुसंधान गरेर जानकारी गराउने प्रतिबद्धता जनाएका छन् । तत्काल धरपक्ड नर्गन पनि निर्देशन दिने बताएका छन् ।

स्मरणीयहाेस् गतवर्ष छठ पर्वकाे बेला पासवानमाथि तल्लो जातकाे मान्छे भएर पण्डालमा किन प्रवेश गरेकाे भन्दै गाली,बेईज्जती कुटपिट गरेकाे घटना घटेको थियोे । जाहेरवाला व्यक्तीहरू माथी नै अध्यक्ष पासवानले जातीय भेदभावको मुदा दर्ता गराई अहिले एक वर्ष देखी निरन्तर रूपले सो मुदा लड्दै आइरहेका छन् ।

साेही रिसिबिलाई लिएर उनलाई याे झुठा मुद्दामा फसाइएकाे भन्दै मुद्दा खारिज हुनुपर्ने माग गरिएका छ ।

एसपि घिमिरेसँगकाे भेट पश्चात् गाैर स्थित ब्यारेक फिल्डमा जिल्लाकाे दलित अगुवा,बुद्धिजीवी,अभियन्ता,सञ्चारकर्मी एवम् विभिन्न संगठनका प्रतिनिधिहरूकाे संयुक्त बैठक बसेकाे थियो । बैठकमा राैतहट प्रहरी प्रमुख सँग छलफल गर्न,ध्यानाकर्षण पत्र बुझाउने,२१ मार्चमा छुवाछूत दिवस मनाउने लगायतकाे विषयमा छलफल गरिएको थियाे ।

बैठकमा दलित अभियन्ताहरू धर्मेन्द्र पासवान,मुटुक पासवान,रामविनय पासवान,पुनित राम,साेनेलाल राम,उदयनारायण राम,रामविश्वास पासवान लगायत जिल्लाभरीका दलित अभियन्ताहरूकाे उपस्थिति रहेको थियो ।

 

बज्जिकाञ्चल संवाददाता,१८ गते माघ २०८१ । 
काठमाडौं । आम जनता पार्टी (आजपा)का अध्यक्ष तथा पूर्वमन्त्री प्रभु साहले प्रधानमन्त्री केपी शर्मा ओलीले दुई तिहाईको बलमा संसदको हुर्मत लिएको टिप्पणी गरेका छन् । ओलीलाई संसदमाथि विश्वास नभएको बताउदै उनले अध्यादेशमार्फत मुलुक अगाडी बढन नसक्ने बताए ।

आजबाट शुरु भएको संसदको हिउँदे अधिवेशन अन्तर्गत प्रतिनिधिसभाको पहिलो बैठकलाई सम्बोधन गर्दै वर्तमान सरकार जनादेश विपरित काम गरिहेको बताए । लोकतन्त्र र जनताको हितविपरित काम गरिरहेको सरकार पूर्णरुपमा असफल भएको उनले बताए ।

‘प्रधानमन्त्रीले भन्नुभयो यो संसद्ले कामै गरेन । म सोध्न चाहन्छु–संसद्को सबै पद त तपाईंहरुले बाँडफाँट गर्नुभयो, तपाईंहरुले आफ्नो पकेटबाट सभामुख, उपसभामुख बनाउनुभयो, सांसदहरुको भागबण्डा पनि तपाईंहरुले लगाउनुभयो, दुई तिहाईको उपस्थिति पनि तपाईंहरुकै छ, अनि संसद्ले काम गरेन भनेर यहाँ आएर संसद्को हुर्मत लिनुहुन्छ ? यो मिल्छ कि मिल्दैन नैतिकताले ? म सोध्न चाहन्छु’ आजपा अध्यक्ष साहले भने ।

अहिलेको सरकारको जन्म नै मध्यरातमा भएकोले अहिले नेपाली समाज अन्धकारमा परेको टिप्पणी समेत साहले गरे । उनले अहिलेको सरकारले अँध्यारो सुरूङमार्गमा देशलाई छिराउने काम गरेको आरोप लगाए ।

उनले विपरित पक्षहरु मिलेर बनेको सरकारलाई लोकतन्त्र भन्छ ? भन्दै प्रधानमन्त्रीलाई प्रश्न सोधे । उनले भने, ‘विधि र विधानलाई नमान्ने सरकारलाई लोकतन्त्र भन्न मिल्छ ? संसद्बाट डराउनेलाई लोकतन्त्र भन्छ ? अध्यादेशको बाटोबाट हिँड्नेलाई लोकतन्त्र भन्छ ? तपाईं कस्तो लोकतन्त्रको अभ्यास गर्दै हुनुहुन्छ ?’ उनले प्रधानमन्त्री ओलीलाई क्याविनेटका निर्णयमाथि भ्रष्टाचारको छानबिनको लागि किन तयार नभएको भनेरपनि प्रश्न गरे ।

उनले अहिले भ्रष्टाचार दिनदिनै बढिरहेको बताए । प्रधानमन्त्री ओलीको नाम जोडिएका विभिन्न भ्रष्टाचारका काण्डको छानबिन गर्नपनि उनले माग गरे । उनले अहिलेको सरकार बलियो भएको भए प्रधानमन्त्रीले किन सरकार ढल्दैन भनेर हप्तैपिच्छे भाषण गर्नुपर्यो र यति महिनापछि सरकार छोड्छु भन्नुपर्यो भन्दै प्रश्न गरे । उनले यो सरकार गठन भएपछि अन्तर्राष्ट्रिय सम्बन्ध पुरै विथोलिएको आरोप लगाए ।

भ्रष्टाचार बढदै गईरहको बताउदै उनल गिरीबन्दु टि–स्टिेट, वाईडवडी, नक्कली भटानी शरणार्थी लगायतका भ्रष्टाचारमा प्रधानमन्त्रीकै नाम जोडिए पनि छानबिन किन भएको भन्दै उनले प्रश्न गरे ।

आरके श्रीवास्तव,रौतहट,१७ गते माघ २०८१ ।
भाडाको कोठामा सञ्चालन हुँदै आएको फतुवा बिजयपुर वडा नम्बर ११ को आफनै भवन बनिरहेको छ । आफनै प्रशासनिक भवन नहुँदा भाडामा वस्दै आएका सो वडाले चालुु आर्थिक वर्ष भित्रमा नै आफनै प्रशासनिक भवन पाउने भएको छ ।
बजार समितिको भवनको माथि पहिल्लो तल्ला वडा कार्यालयको लागि बनिरहेको छ । बजार व्यवस्थापन समितिको सहमतीमा नै वडा कार्यालयको भवन निर्माण हुन लागेको हो ।

सो वडाका वडा अध्यक्ष ज्ञानेन्द्र चौधरीले जनसरोकारका काम हुने प्रशासनिक भवन सुविधायुक्त बनिरहेको बताएका छन् । उनले भने–अब छिटै नै निर्माण कार्य सम्पन्न गरि सोही ठाँउबाट जनताका कामलाई सहज र सरलरुपमा सेवा प्रदान गर्ने बताए ।

यसमा सवै राजनितीक दल,नागरिक समाज, बुद्धिजिवीको सहयोग रहेको प्रष्ट पारेका छन् । वडा अध्यक्ष चौधरीका अनुसार वडा स्तरीय योजना बाट १४ लाखको लागतमा सो वडा कार्यालयको भवन बनिरहेको जानकारी गराएका हुन् । यस अघि आर्थिक वर्ष २०८०।८१ मा १० लाखको लागतमा छत ढलानको काम भएको थियो । अहिले पर्खाल,पलास्टर,वायरिङ्ग लगायतका कामहरु भइरहेको बताएका हुन् ।
फतुवा बिजयपुर नगरपालिकाको अधिकांश वडाहरु भाडाको कोठामा सञ्चालन भइरहेको अवस्थामा यो वडाले अब आफनै भवन पाउने भएको छ । त्यस नगरपालिकामा वडा नम्बर १,३,६ र १० नम्बरको वडा कार्यालय भाडामा सञ्चालनमा छ । स्थानिय सरकार आएको ७ वर्ष वित्न लाग्दा पनि भाडामा सञ्चालनमा रहेको वडा कार्यालयहरु बनाउन तर्फ कार्यावाहक नगर प्रमुख अम्बेया खातुनले कुनै चासो नै लिएका छैन्न् ।

चन्दन यादव, रौतहट, १७ गते माघ २०८१ ।

रौतहटमा १८ जना फरार प्रतिवादीहरुलाई प्रहरीले पक्राउ गरेको छ । २०८१ माघ १५ गते मंगरवारका दिन उनीहरुलाई जिल्ला अदालतले कैद तथा जरिवाना सजाय तोकिएको थिए । सजाए पाएपछि उनीहरु फरार भएका थिए ।

जिल्ला प्रहरी कार्यालय तथा मातहतबाट खटिएको प्रहरी टोलीले खोज तलास गरी उक्त फरार प्रतिवादीहरुलाई पक्राउ गरेको हो । फरार प्रतिवादीहरुलाई पक्राउ गरी आवश्यक कारवाहीको लागि सम्मानित रौतहट जिल्ला अदालतमा पठाईएको प्रहरीले बताएको हो ।

फरार रहेको प्रतिवादीहरु गरीश महरा चमार अपराध किर्ते जालसाजी तथा जरिवाना रु. १ सय रेहको हो । त्यस्तै शेख जाकीर अपराध शिर्षक लुटपिट गाली बेईज्जती रहेको प्रहरीले बताएको हो । त्यस्तै जरिवाना रु.७३ रहेको प्रहरीले जानकारी गराएको छ ।

यसैगरी सगीरा खातुनले पनि लुटपिट गाली बेईज्जती गरेको हो । यसको जरिवाना रु.६ रहेको हो । अर्को अपराधी जितन राय यादव अपराध गाली बेईज्जती र जरिवाना रु.१२ रहेको प्रहरीले जनाएका हो । अर्का अपराधीहरु रहेको छन् उमापती देवी र रूदल सहनी यि दुबै जनाको अपराध शिर्षक कुटपिट रहेको हो र जरिवाना शुल्क रु.१ रहेको प्रहरीले विज्ञप्ती मार्फत जनाएको हो ।

अर्का पाँच जना अपराधीले जालसाजी अपराध गरेका छन् र उनीहरुको नाम कोशिला देवी कल्वार जरिवाना रु.१, संतोष कुमार जरिवाना रु.१, आशा देवी जरिवाना रु.६, रामसिहासन जरिवाना रु.१० साह र साहेबलाल साह रहेका छन् । उसको जरिवाना शुल्क रु. १० रहेको प्रहरीले जनाएको हो ।
त्यस्तै गंगाजली देवी रहेकी छिन अपराध किर्ते रहेको हो तथा जरिवाना रु. पचाँस रहेको छ । त्यसैगरी ललिता देवी दास अपराध कुटपिट लुटपिट र जरिवाना रु.५० रहेको हो । प्रभा देवी गाली अपराध बेईज्जती तथा जरिवाना रु.२ सय पचाँस रहेको प्रहरीले बताएका हुन् ।

यसैगरी अर्को अपाधी महेन्द्र राय यादव रहेको छ, यसले कुटपिट जस्ता अपराध गरेका हुन् । उहाको जरिवाना शुल्क रु. १ सय २५ रहेको छ । अर्काे र अन्तिम अपराधीहरु गेनालाल साह, सियाराम साह जग्गा र रामनाथ साह छन् । उनीहरुले जग्गा खिचोला जस्तो अपराध गरेका छन् । उनीहरुको जरिवाना शुल्क रु. ५ सय रहेको प्रवक्ता तथा सूचना अधिकारी प्रहरी नायव उपरीक्षक दिपक कुमार रायले जनाएका हुन् ।

आरके श्रीवास्तव,रौतहट,१६ गते माघ ।
रौतहटको फतुुवा विजयपुर नगरपालिकामा मिसन ८४ सफल पार्न जनता समाजवादी पार्टीले धमाधम संगठन निर्माणको काम गरिहेको छ । जनता समाजवादीको पार्टीको गढ मानिएको फतुवा विजयपुर वडा नम्बर ११ मा आज वडा स्तरीय बैठकमा सहभागी जसपाका नेताहरुले आगामी चुनावको तयारी स्वरुप अहिले देखिनै कसरत थालेको बताएका हुन् ।

जनता सँग जनता समाजवादी पार्टी,नेपाल अधारभूत संगठन निर्माण अभियान अन्र्तगत मंगलवार वडा नम्बर ५ सोनालाल कुशवाहाको अध्यक्षतामा २५ सदस्य वडा कमिटि गठन गरिएको थियो भने बुधवार वडा नम्बर ११ मा सिताराम चौधरीको अध्यक्षतामा २५ सदसीय वडा कमिटि गठन गरिएको छ ।

नगर कमिटि अध्यक्ष जयमंगल यादवको अध्यक्षतामा भएको बैठकबाट गठित कमिटिको उपाध्यक्षमा पूर्ण बहादुर खापाङ्गी,महिला उपाध्यक्षमा रविना मगर लुुङ्गेली,कोषाध्यक्षमा नविन अधिकारी,सचिवमा पाडव किरिङ,सह सचिवमा तेजनारायण चौधरी,उपेन्द्र पटेल रहेका छन् ।

त्यस्तै सदस्यहरुमा हेमनारायण चौधरी,सन्तलाल चौधरी लगायतका व्यक्तीहरु रहेको जसपा मधेश प्रदेश कमिटि सदस्य विजय चौधरीले जानकारी गराएका हुन् । संगठन निर्माणको काम अन्य वडामा पनि लगातार गर्ने उनले बताएका हुन् ।
कार्यक्रममा सम्बोधन गर्दै जसपाका केन्द्रिय सदस्य विन्देश्वर यादवले यहाँको स्थानिय सरकारको अनुुभूती जनताले गर्न नसकेको बताए । भागबण्डा गर्नमा नै व्यस्त रहेका जनप्रतिनिधीहरुले कुनै काम गर्न नसकेको अरोप लगाएका छन् । त्यसैले आगामी मिसन ८४ मा जसपा बाहेक अन्य कुनै विकलप नरहेको उनको दाबी थियो ।
त्यस्तै अर्का वक्ता प्रदेश कमिटि सदस्य विजय चौधरीले मिसन ८४ मा जसपालाइ फतुवा विजयपुरमा मजबुुत बनाउनु पर्नेमा जोड दिएका थिए । जबसम्म परिवर्तन हुँदैन तबसम्म विकास हुन सक्दैन् । त्यसैले जसपालाइ हरेक टोल टोलमा बलियो बनाउनुु पर्ने अहिलेको आवश्यकता रहेको बताए ।
जसपा बाट दुुइचोटी निर्वाचित सो वडाका वडा अध्यक्ष ज्ञानेन्द्र चौधरी अगामी चुनावमा पनि जसपाले दोहोर्याउनेमा आफू आशावादी रहेको बताएका हुन् । यस्तै जसपाका जिल्ला उपाध्यक्ष अमृतलाल चौधरीले मिसन ८४ मा जसरी भएपनि जसपालाइ मेयर,उपमेयर सहित वडाहरुमा जिताउने हाम्रो अभियान रहेको प्रष्ट पारेका थिए ।
संगठन निर्माण कार्याक्रममा जसपाका केन्द्रिय सदस्य रामअश्रे चौधरी,प्रदेश कमिटि सदस्य पुनित राम लगायतका नेताहरुले पनि कार्यक्रमका वक्ताको भूमिका निर्वाह गरेका थिए । सो अवसरमा जसपाका नेता कार्यकर्ताहरुको उपस्थिती रहेको थियो ।

आरके श्रीवास्तव,राैतहट,१५ गते माघ २०८१ ।

राैतहट । राैतहटकाे मध्य भाग गरूडामा चलिरहेको प्रथम गरूडा व्यापार महाेत्सव २०८१ बन्द भएको छ । गरूडा नगर उधाेग वाणिज्य संघका अध्यक्ष सतिश साहकाे कमीकमजोरीले गर्दा महाेत्सव बन्द हुन पुगेको हाे । दर्शकले नरूचाएकाे,व्यापारीहरूले स्टल नराखेको र माैसमले नसाथ दिएको कारण महाेत्सव बन्द गर्नु परेकाे अध्यक्ष साहले बताएका छन् ।

समृद्ध उधाेगकाे लागि,आर्थिक समृद्धि भन्ने नाराका साथ सुरू भएको महाेत्सवमा प्रवेश शुल्क राखेपछि दर्शकहरूले ताेडफाेड समेत गरेकाे घटना घटेकाे थियो । आगामी माघ २३ गतेसम्म सञ्चालन हुने भनिएको महोत्सवमा बिचैमा राेक्नु परेको हाे ।

व्यापारीहरू बिच कुरा मिलाउन नसक्दा पनि महाेत्सव बन्द हुन पुगेको कतिपय व्यापारीहरूकाे भनाइ छ । निकै तामझामकाे साथ सुरु भएको महाेत्सव बिचैमा बन्द हुन पुग्दा व्यापारीहरू भएका निराश छन् । वर्तमान अध्यक्ष साहकाे कार्यकालकाे ऐतिहासिक कार्य भनिएपनि अन्ततोगत्वा फलप हुन पुगेकाे छ ।

बिना तयारीकाे महाेत्सव आयाेजन गर्न नहुने जानकारहरूकाे भनाइ छ । फितलो व्यवस्थापनका कारण महाेत्सव बिचैमा राेक्नु परेको हाे ।

आरके श्रीवास्तव,राैतहट,१५ गते माघ २०८१ । 

राैतहट । राैतहटकाे गरूडा नगरपालिकाका चिसो प्रभावितहरूले स्थानीय सरकारबाट कुनै राहत नपाएको गुनासो गरेका छन् ।

चिसाेका कारण गरूडा नगरपालिका वडा नम्बर ४ दलित टाेलका मानिसहरूले आफूहरूलाई नगरप्रमुख कन्थमनी जयसवालले कम्बल र सिरक वितरणमा काखापाखा गरेकाे आराेप लगाएका छन् ।

गरूडा नगरपालिकाले ठूलाे संख्यामा कम्बल र सिरक वितरण गरेकाे दाबी गरिरहेकाे बेला गरूडा गाउँकाे दलित टाेलका मानिसहरू भने कम्बल र सिरक पाउन बाट बञ्चित भएकाे बताएका छन् । आफनाे नगरपालिकाका कुनै पनि नागरिकले चिसोका कारण दुःख नपाउन भन्ने अभिप्रायले कम्बल र सिरक वितरण अभियान चलाएको नगरप्रमुख जयसवालले बताएका थिए ।

तर सिंगै दलित टाेलका मानिसहरू राहत बाट बञ्चित भइरहँदा मेयर जयसवाललाई भने कुनै प्रवाह छैन् ।  गरूडा नगरपालिका वडा नम्बर ४ कि नैन देवी रामले भनिन्-हामीलाई नगरपालिकाबाट आउने सुविधाहरू बाट सधैं बञ्चित गरिन्छ । आफनाे आसेपासेहरूलाई कम्बल र सिरक वितरण गर्ने गरेको उनी गुणासाे गर्छिन् । हुनेखानेहरूलाई मात्र मेयर जयसवालले यसअघि पनि दाउरा उपलब्ध गराएकाे र दलित बस्तीलाई नजर अन्दाज गरेकाे आराेप लगाएकी हुन् ।

दलित तथा विपन्न परिवारकाे नामले सस्तो लाेकप्रियता कमाउँदै, बाँडिरहेकाे राहत स्वरूप कम्बल,सिरक तथा दाउरा वितरण कार्यमा दलित तथा विपन्नलाई नै बाईपास गरि बाँडेको तथा प्रचारप्रसार समेत गराएकाे गरूडा नम्बर ४ कि एक अर्की दलित महिला सुगान्धी देवी रामले बताएकी हुन् ।

अत्यधिक चिसो र घाम अभावका कारण ग्रामीण जनजीवन ठप्प रहेको छ । दैनिक ज्याला, मजदूरी गर्नेहरू मारमा परेका छन् । मधेशको जनजीवन १० बजे बिहानसम्म ठप्प हुने गरेको छ । साे टाेलमा चिसोबाट गरिब विपन्नहरूलाई धेरै समस्या भएको छ । दलित टाेलका स्थानीय बासिन्दाले आगो तापेर तथा ग्रामीण भेगमा पराल बालेर चिसो छल्ने गरेका छन् । यस विषयमा मेयर जयसवालकाे नम्बरमा फाेन गर्दा सम्पर्क हुनसकेको छैन् ।

 

आरके श्रीवास्तव,राैतहट,१५ गते माघ २०८१ । 

राैतहटकाे गरूडा नगरपालिकाका नगरप्रमुख कन्थमनी जयसवालले वैदेशिक रोजगार बोर्डबाट प्राप्त सहयोग रकम हस्तान्तरण गरेका छन् । साउदी अरबमा मृत्यु भएका गरुडा नगरपालिका वडा नम्बर  ६ निवासी स्वर्गीय मिस्टर लेहेरिको परिवारलाई चेक हस्तान्तरण गरिएकाे हाे ।

उनकाे गत पुस २२ मा असामाजिक निधन भएको थियोे ।

मंगलबार स्वर्गीय लेहेरिको श्रीमती हिरजा खातुनलाई वैदेशिक रोजगार बोर्डबाट प्राप्त रु १० लाख सहयोग रकम बराबरको चेक हस्तान्तरण गरिएकाे हाे ।

श्रम स्वीकृतिको म्याद सकेर एक वर्ष भित्र मृत्यु भएमा क्षतिपूर्ति रकम पाइने प्रावधान अनुसार यो प्रक्रिया पूरा भएको हो । तर, बीमाको म्याद सकेको हुँदा थप रु १४ लाख पाउन नसकिने भएकोले,वैदेशिक रोजगारीमा जाने सबैलाई श्रम स्वीकृति लिएर जान र समयमै म्याद नवीकरण गर्न आग्रह गरिएकाे छ ।

साथै नगरपालिकाको तर्फबाट मृतक परिवारलाई आवश्यक सहयोग समेत गर्ने प्रतिबद्धता नगरप्रमुख जयसवालले व्यक्त गर्नु भएको छ ।

बज्जिकाञ्चल संवाददाता,राैतहट,१४ गते माघ २०८१ । 

प्रेस चाैतारी राैतहटकाे अधिवेशन बारे छलफल गरिएको छ । सदरमुकाम गाैरमा बसेकाे बैठकमा यसबारे छलफल गरिएको छ । बैठकमा आठाै जिल्ला अधिवेशन माघ २३ गते गर्ने जनाइएको छ ।

साेमबार राैतहटकाे गाैर स्थित प्रेस चाैतारीकाे कार्यालयमा बसेकाे बैठकले अगामी माघ २३ गते चन्द्रपुरमा आठाै अधिवेशन सम्पन्न गर्ने निर्णय गरिएको सचिव मुकेश कुमार साहले बताएका हुन् ।

बैठकमा सदस्यता नविकरण र नयाँ सदस्यता लिनकाे लागि माघ १९ गतेभित्र सदस्यता शुल्क तथा आवेदन  दिनु पर्ने  जनाइएकाे छ । साे अधिवेशनलाई भव्य रुपमा सम्पन्न गर्न आवश्यक तयारी गर्ने निर्णय समेत गरिएको  सचिव साहकाे भनाइ छ ।

बज्जिकाञ्चल संवाददाता,राैतहट,१४ गते माघ २०८१ । 

राैतहटकाे दक्षिणी भेग ईशनाथ नगरपालिकामा बिद्यालय भवन निर्माणका लागि शिलान्यास गरिएको छ । ईशनाथ नगरपालिका वडा नम्बर ६ जोकहा टाेलमा रहेको मोतीगन्ज प्राथमिक बिद्यालयमा आज नगर प्रमुख कौशल्या देवी सिन्हा द्वारा चार कोठे भवन बिद्यालय भवनको शिलान्यास गरिएको छ ।

शिलान्यास पछि आयाेजित कार्यक्रममा बाेल्दै मेयर नगर सिन्हाले विद्यालयमा पठन पाठन व्यवस्थीत गराउने उद्देश्यले भवन निर्माण कार्य सुरु गरिएको छ । भवनको अभाव झेलिरहेको आफ्नो नगरका  विद्यालयहरुको अब छिट्टै कायापलट हुने बताएका छिन् ।

 शिक्षा क्षेत्रमा पालिकाले महत्वपूर्ण कार्यहरु गर्दै आएको बताउँदै उनले शिक्षामा नगरपालिकाले कुनै कमी नराख्ने बताएकी हुन् ।

 

त्यस्तै विद्यालय भवन निर्माण कार्य गुणस्तरीय एवं फलदायी बनाउनका लागि विद्यालय प्रशासन,नगरवासी,नगरपालिका लगायत सबै पक्षले निर्माण कार्यबारे चासो लिनु पर्ने प्रमुख प्रशासकीय अधिकृत नन्दकिशोरले बताउनु भयो ।

सो शिलान्यासमा उप प्रमुख मो.परवेज आलम, वडावासी समाजसेवी बुद्धिजीवीहरुकाे उपस्थिती रहेको थियोे ।

 

चन्दन कुमार महताे,गाैर,१४ गते माघ २०८१ । 

रौतहट जिल्लाको गौर नगरपालिकाले गृह मन्त्रालयद्वारा सञ्चालित केन्द्रीकृत नागरिकता सूचना व्यवस्थापन प्रणाली नागरिकता सिफारिस सेवा अनलाइनमार्फत सुरु गरेको छ । सेवा सुरु गर्ने गौर नगरपालिका रौतहट जिल्लाको पहिलो नगरपालिका बनेको छ । गौर नगरपालिकाको वडा नं. ६ र ९ बाट यो सेवा सुरु गरिएको हो । प्रणालीमार्फत वडाहरूले अनलाइनमार्फत नागरिकता सिफारिस गर्ने प्रक्रियालाई छरितो, सरल, र प्रभावकारी बनाउन मद्दत गर्नेछ । नागरिकहरूले यसबाट लामो प्रक्रियालाई छोट्याउँदै डिजिटल प्रविधिको फाइदा लिन सक्नेछन् ।

कार्यक्रममा पहिलो अनलाइन सिफारिस वडा नं. ६ निवासी सिमा कुमारीलाई प्रदान गरिएको छ । गौर नगरपालिकालाई डिजिटल युगतर्फ उन्मुख गराउँदै नागरिक सेवा सरल बनाउन सहयोग पुर्याएका छन् । यस प्रणालीले सबै नागरिकका विवरणहरू व्यवस्थित रूपमा राख्न, अद्यावधिक गर्न र आवश्यक परेमा छिटो उपलब्ध गराउन विशेष योगदान पुर्याउने छ । रौतहट जिल्लाको जिल्ला प्रशासन कार्यालयसम्म सिफारिस पुर्याउने प्रक्रिया अब डिजिटल माध्यमबाट हुनेछ । यसले लामो प्रशासनिक झन्झट हटाउँदै, नागरिकलाई सहज र छिटो सेवा प्राप्त हुने सुनिश्चित गरिने छ ।

गौर नगरपालिकाको वडा नं. ९ का वडा अध्यक्ष अर्जुन सिंहले उद्घाटन समारोहको नेतृत्व गर्दै अनलाइन सिफारिस प्रणालीको औपचारिक सुरुवात गरेका थिए । उनले यो प्रणालीले नागरिकता प्राप्तिको जटिलतालाई हटाउँदै नागरिकलाई थप सहजता दिने उल्लेख गरे । साथै, यो सेवा सञ्चालनमा ल्याउन गौर नगरपालिकाका कर्मचारीहरूको अथक प्रयास रहेको उनले बताए ।
कार्यक्रममा निमित्त प्रमुख प्रशासकीय अधिकृत सुभाष ठाकुर, सूचना प्राविधि अधिकृत रौशन श्रीवास्तव, र कानुन अधिकृत धीरज कुमार लाल दासको विशेष भूमिका रहेको थियो । उनीहरूले यस प्रणालीको प्रभावकारिता र यसको दीर्घकालीन महत्त्वबारे आफ्नो विचार प्रस्तुत गरे ।

गौर नगरपालिकाले यो कदममार्फत प्रशासनिक प्रक्रियालाई डिजिटल रूपान्तरणतर्फ अघि बढाउँदैछ । अनलाइन प्रणाली लागू भएपछि नागरिकहरूले वडामा गई कागजी प्रक्रिया पुरा गर्नुपर्ने झन्झटबाट मुक्ति पाउने छन् । यसले समय, स्रोत र श्रमको बचत हुने छ । साथै, नागरिकता सिफारिसमा पारदर्शिता र विश्वसनीयता सुनिश्चित हुने छ । स्थानीय नागरिकहरूले सेवाप्रति उत्साह देखाएका छन् । अनलाइन प्रणालीमार्फत सेवा लिन सजिलो हुने, प्रशासनिक भ्रष्टाचार न्यूनीकरण हुने, र आफ्नो काम समयमै हुने आशा उनीहरूले व्यक्त गरेका छन् ।

गौर नगरपालिकाले प्रणालीका अतिरिक्त अन्य डिजिटल सेवाहरू पनि थप गर्दै लैजाने योजना बनाएको छ । नगरपालिकाका सबै वडाहरूलाई क्रमश प्रणालीमा समेट्ने र सेवाको दायरा विस्तार गर्ने तयारी भइरहेको जानकारी निमित्त प्रमुख प्रशासकीय अधिकृत सुभाष ठाकुरले दिए । गौर नगरपालिकाको यो डिजिटल कदमले स्थानीय प्रशासनलाई थप प्रभावकारी बनाउँदै नागरिकहरूका लागि अत्यावश्यक सेवा छिटो र पारदर्शी बनाउने विश्वास गरिएको छ ।

बज्जिकाञ्चल संवाददाता,राैतहट,१२ गते माघ २०८१ । 

राैतहट प्रहरी इकाईहरूमा नि:शुल्क निवेदन लेख्न सुरु गरिएको छ । गरिबको लागी निःशुल्क निबेदन लेख्न राैतहट राैतहट प्रहरी प्रमुख एसपी दिलिप घिमिरेले निर्देशन दिए लगत्तै राैतहट प्रहरीले विना शुल्क निवेदन लेख्न सुविधा मिलाएकाे हाे ।

एसपी दिलीप घिमिरेकाे निर्देशनमा निःशुल्क उजुरी ठाडो निवेदन लेख्ने फर्मेट जिल्लाकाे प्रत्येक थाना चौकीमा पुगेपछि पहिलाे चाेटी कटहरिया नगरपालिका ४ का रामकृपाल दासले आफनाे घरायसी बिवाद भएपछि स्वंय ईलाका प्रहरी कार्यालय कटहरियाकाे प्राङ्गणमा प्रहरी जवान होमेन्द्र यादवकाे सहयोग निवेदन लेखेकाे दृश्य अहिले सामाजिक संजालहरूमा भाईरहल बनेकाे छ ।

कटहरियामा बरिस्ठ पत्रकार संजय मिश्रले आफनाे सामाजिक संजाल मार्फत प्रहरी युनिट अगाडि पैसा लिएर निवेदन लेख्ने काम भईरहेकाे भन्दै राैतहट प्रहरीलाई ध्यानाकर्षण गराएका थिए ।

लगत्तै एसपी घिमिरेले नि:शुल्क निवेदन लेख्न निर्देशन दिएका थिए । निर्देशन पछि प्रहरीले त्यसलाई कार्यान्वयनमा पनि ल्याएकाे छ ।

जिल्ला प्रहरी कार्यालय रौतहटका सहप्रवक्ता इन्स्पेक्टर उमाशंकर प्रसादका अनुसार एसपी घिमिरेको निर्देशनमा ठाडो उजुरी निवेदनको लागी एउटा फर्मेटको ढाँचा तयार गरेर जिल्लाको सम्पूर्ण प्रहरी कार्यालयहरुमा पठाई सकिएको छ। उक्त फर्मेट प्रिन्ट गराएर प्रहरीले पीडितलाई दिन्छ, पढेलेखेका भएमा आफै भरेर बुझाउँछ, नभए उक्त फर्मेट प्रहरीले नै भरेर दिन्छ। फर्मेट ठाडो उजुरी निवेदन सरह हुने इन्स्पेक्टर उमाशंकरप्रसादले जानकारी दिएका छन्।

यसरी लेखिने निवेदनकै आधारमा प्रहरीले प्रारम्भिक कार्वाही सुरुगर्ने जिल्ला प्रहरी कार्यालय रौतहटले जनाएको छ। रौतहटमा घरायसी तथा सामान्य बादविवाद हुँदा पनि प्रहरी कार्यालयमा जाँदा बाहिरबाट सानो ठाडो उजुरी लेखाएर ल्याउन ५०० रुपैयाँ लेखाई दिनुपर्ने बाध्यता रहेको थियो। एसपी दिलीप घिमिरेको यस पहलको जानकारहरुले खुलेरै सराहना गरेका छन्।

यस्ताे छ निवेदनकाे ढाँचा 

बज्जिकाञ्चल संवाददाता,राैतहट,१२ गते माघ २०८१ । 

रौतहट । राैतहट प्रहरीले १७ फरार प्रतिवादीलाई पक्राउ गरेको छ । जिल्ला प्रहरी कार्यालय रौतहट तथा मातहतका युनिटहरुले एकैदिनमा उनीहरूलाई पक्राउ गरेको छ।

जिल्ला अदालत बाट दोषी ठहर भएर दण्ड सजाय समेत तोकिएर लामो समय देखि फरार रहेका ति प्रतिवादीलाई जिल्लाको बिभिन्न स्थानबाट प्रहरीले पक्राउ गरेको हो ।  बिभिन्न मुद्दामा उनीहरुलाई ८ लाख ७८ हजार रुपैयाँ भन्दा बढी जिल्ला अदालत रौतहटले जरिबाना समेत गरेको जिल्ला प्रहरी प्रवक्ता डिएसपी दीपक कुमार रायले बताएका छन्।

पक्राउ पर्नेहरुमा नागरिकता मुद्दामा नन्दलाल सिन्हा, जयमंगल यादव, देवकी लाल यादव, विरेन्द्र यादव, तेज नारायण यादव, कुटपिट अङ्गभङ्ग मुद्दामा सरिता देवी, प्रभा देवी, लड़ाई यादव, रामाप्रवेश ठाकुर, ठगी मुद्दामा शेख चाँद अलि, कुटपिट मुद्दामा शेख रोस्तम, शहनाज खातुन, जौबुन खातुन, शेख ईस्लाम र किशोरी ठाकुर रहेको प्रवक्ता डिएसपी दीपक कुमार रायले बताएका छन्।

जिल्ला प्रहरी प्रमुख एसपी दिलीप घिमिरेको निर्देशनमा संचालित फरार प्रतिवादी पक्राउ अभियान अन्तर्गत प्रहरीले यस आर्थिक वर्षभित्र झण्डै तीनसय जना लाई पक्राउ गरिएको प्रहरी स्रोतले जनाएको छ।

बज्जिकाञ्चल संवाददाता,राैतहट,१२ गते माघ २०८१ ।

रौतहट । रौतहटको बौद्धिमाई नगरपालिकाको वडा नं. ८ र ९ सरमुजवामा प्रहरीद्धारा स्थानीयको घर तोडफोड र आगजनी गरिएको छ । मेयर प्रदिप यादव र प्रहरीले जबरजस्ती स्थानीयको घरमा तोडफोड गर्नुका साथै आगजनी गरेको र विरोध गर्नेलाई घरमै पसेर कुटपिट गरेको स्थानीयले जनाएका छन् ।

मेयर यादवले मापदण्ड र छलफल नगरी मनोमानी तरिकाले सडक फराकिलो बनाउँने र डोजर चलाउँने गरेको स्थानीयले जनाएका छन् । यस बिषयमा पछिल्लो एक महिनादेखी विवाद हुदै आएको छ । तर आज मेयर यादवले प्रहरीको सहयोगमा स्थानीयको घर तोडफोड, आगजनी एवं कुटपिटमा उत्रेको स्थानीय एवं पूर्व वडा अध्यक्ष श्रीभगवान पटेलले जनाएका छन् ।

सरमुजवामा दुई सय भन्दा बढी प्रहरी परिचालन गरिएको छ । प्रहरीको कुटपिटबाट २५ भन्दा बढी स्थानीय घाईते भएका छन् । स्थानीयको घरका साथै, घर नजिकै राखिएको पराल, थ्रेसरमा आगजनी गरिएको पटेलले जनाएका छन् ।

यस अघि बौद्धिमाई नगरपालिकाका मेयर यादवका बिरुद्धमा स्थानीयले नाराजुलुश गरेका थिए । बौद्धिमाई नगरपालिकाको बंकुल बजार स्थित कार्यालय अगाडी स्थानीयले मेयरको बिरुद्धमा कडा नारा लगाउँदै घेराउ समेत गरेका थिए ।

भ्रष्टाचारी मेयर मुर्दाबाद, भ्रष्टाचारीलाई कारवाही गर, दोषीलाई कारवाही गर लगायतका नारा लगाउँदै उनीहरुले मेयरको कार्यशैलीको बिरोध गरेपछि मेयर यादवले प्रहरीको सहयोगमा स्थानीयलाई कुटपिट एवं आगजनी गर्न थालेको बताइएको छ । मापदण्ड नबनाई मनोमानी रुपमा मेयर यादवले बिपक्षीको घर भत्काउने र सडक बिस्तारको नाममा दुख दिएपछि स्थानीय आक्रोशित भएका छन् ।

मेयर यादवले सरमुजवा गाउँमा मनोमानी रुपमा उपद्रो मचाएको आरोप आन्दोलनकारी स्थानीयले जनाएका छन् । स्थानीय अगुवा एवं पूर्व वडा अध्यक्ष श्रीभगवान पटेलले मापदण्ड बनाएर सडक बिस्तार गर्नुको साटो मेयरले मनोमानी रुपमा बिपक्षीको घर भत्काउने र दुख दिने गरेको आरोप लगाए ।
‘मेयरले प्रहरी, प्रशासन, न्यायाधीश मेरो मुठीमा रहेकोले तिमीहरुले केही पनि गर्न नसक्ने र मलाई जे मन लाग्छ त्यो गर्छु तिमीहरुको आन्दोलनले केही पनि नहुने भन्दै तर्साउदै हिडने गरेका छन्’ स्थानीय पटेलले भने ।

मेयर यादवको मनोमानी कार्यको बिरोध गरेकै कारण स्थानीय गंगाराम बैठकलाई रौतहट अदालतले पूर्वपक्षका लागि थुनामा पठाउँने निर्णय गरेपछि मेयरले मेरो मुठीमा न्यायाधीश, प्रहरी, प्रशासन रहेको भन्दै मान्छेलाई धमक्याउने गरेको स्थानीय पटेलले बताए ।

यसैबीच आम जनता पार्टी (आजपा)का अध्यक्ष प्रभु साहले सरमुजवा घटनाको विरोध गर्दै प्रधानमन्त्री केपी शर्मा ओलीसंग घटनामा संलग्न प्रहरीलाई कारवाही गर्न माग गरेका छन् । एकातिर भोग चलनको आधारमा जनतालाई लालपुर्जा दिनका लागि भूमी आयाग गठन गर्ने अर्कोतर्फ जनताको उठीवास नै लगाईदिने काम दोहोरो चरित्रको भएको टिप्पणी साहले गरेकाक छन् ।

‘प्रधानमन्त्रीज्यु, अब तपाई जनताको घर तोड़फोड़, लुटपाट तथा आगलगी गर्ने स्तरमा पुग्नुभो ? आखिर रौतहटको जनताले तपाईको के बिगारेको छ ? एकातिर भोग चलनको आधारमा जनतालाई लालपुर्जा दिने कुरा गर्नुहुन्छ, यहाँ त जनताको उठीवास नै लगाई दिनुभो । हैन भन्ने बौद्धीमाईको सरमुजवामा भएको यस अपराधिक कार्यमा संलग्न बिकाऊ प्रहरी प्रशासनको दोषीहरूलाई कारवाही गर्नुस्,’ आजपा अध्यक्ष साहले सामाजिक सञ्जाल फेसबुकमा लेखेका छन् ।

यसैबीच सरमुजवा घटनाको बारेमा आम जनता पार्टी (आजपा)ले आपती जनाएको छ । आजपा प्रवक्ता चन्द्रभुषण साहले यथाशिघ्र सुधार गरी पीडित जनताहरुलाई न्यायको प्रत्याभूती दिलाउन तथा उदण्ड मेयर यादवलाई कानुनको दायारामा ल्याउन सरकारसंग माग गरेका छन् ।

‘केही दिन अगाडि बौद्धिमाई नपाका मेयर प्रदिप यादवले सडक निर्माणको कुनै ठोस मापदण्ड र योजना बिना नै अपराधिक उपद्रोशैलीमा पूर्वाग्रही एवं पक्षपातपूर्ण तवरले स्थानीय जनतालाई उठीवास एवं आतंकित गर्ने गलत मनसुवाका साथ स्थानीयहरुको घरहरू भत्काउने दुस्प्रयास गर्दा आम जनता आन्दोलित भएका थिए’ प्रवक्ता साहले जारी गरेको बिज्ञप्तीमा उल्लेख गरिएको छ, ‘सोही घटनाको आडमा प्रहरीप्रशासन र न्यायलय सबै मेरो पकेटमा छ भन्दै सनकको भरमा शासन गरिरहेका उदण्ड एवं अपराधिक चरित्रका मेयर तथा मेयरकै ईशारा र अमुक शक्ति केन्द्रको आडमा आज सरमुजवाका आम जनतासंग दुरव्यवहार गर्नुको साथै दर्जनौं घर र संरचनाहरु सयकडौं प्रहरी प्रशासन लगाएर आगजनी एवं तोडफोड गरेको घटनाप्रति गम्भीर ध्यानाकर्षण भएको छ ।’

यस घटनामा पीडित आमजनसमुदायको माग सम्बोधन गरी न्याय दिनुकोसट्टा उल्टै एकजना स्थानीय समाजसेवी गंगाराम बैठामाथि झुठ्ठा अपराधिक उपद्रो मुद्दा समेत चलिरहेकोछ तर सत्ता र शक्तिको आडमा मुख्य दोषी मेयर बिना कुनै कारबाही खुलेआम घुमिरहेको र पावर आतंक मच्चाई आजपाले जनाएको छ ।

बज्जिकाञ्चल संवाददाता,राैतहट,१२ गते माघ २०८१ । 
अनुगमनको नाममा उद्योगी ब्यवसायीलाई त्रसित पार्ने, ब्यवसायीको समस्याप्रति उद्योग बाणिज्य संघ रौतहटको बैठक सम्पन्न भएको छ। शनिबार दिनको ११ बजे रौतहट उद्योग बाणिज्य संघ गौर रौतहटको महासचिब रबिन्द्र नाथ गोपालीको अध्यक्षतामा बृहत बैठक बसी अनुगमन को नाममा उद्योगी ब्यवसायी त्रसित पार्ने, ब्यवसायीको समस्या तथा सम सामयिक विषयका विभिन्न प्रस्ताव माथि छलफल गरि सर्व सहमतिले विभिन्न निर्णयहरु गरिएको हो ।
बैठकमा हाल अनुगमन को नाममा ब्यवसायी त्रसित भइ व्यापार गर्ने वातावरणमा प्रतिकुल असर परेको तथा राजस्व समेत गुमी रहेकोले सो सम्बन्धमा श्री प्रमुख जिल्ला अधिकारीलाई ज्ञापन पत्र दिने निर्णय गरिएको छ ।

त्यस्तै बितेको पौष २० गते कार्यसमितिको बसेको बैठक ले ३ महिना भित्र संस्था नविकरण , संस्थाको अडिट, साधारण सभा तथा निर्वाचन गराउने निर्णय हुदा समेत त्यस सम्बन्धमा कुनै प्रक्रिया अगाडी नबढेकोले वर्तमान कार्य समिति तथा अध्यक्षलाई खबरदारी गर्ने,बिगत आर्थिक वर्षहरुमा साधारण सदस्य नविकरण नभएकाहरुको लागि २०० रुपैया शुल्क लिई पुरानो सम्पूर्ण नविकरण गर्ने तथा नया साधारण सदस्य दर्ताको हकमा ३०० रुपैया लिने गरि दर्ता नविकरण गर्ने वर्तमान महासचिब मार्फत कार्यसमिति लाई जानकारी गराउने निर्णय गरिएको हो ।

आरके श्रीवास्तव,रौतहट, १२ गते माघ २०८१ ।

लाेकतन्त्रमा स्वतन्त्र पत्रकारकाे भूमिका भन्ने मूल मर्मका साथ गठन भएको श्रमजीवी पत्रकार संघ नेपालकाे आज राैतहट कार्यसमिति गठन भएको छ । संघकाे प्रथम जिल्ला अधिवेशन बाट समिति चयन गरिएको हाे ।

अधिवेशनका लागि कर्मचारी मिलन केन्द्र गाैरमा जिल्लाका पत्रकारहरू जम्मा भएका थिए । पत्रकार सन्तोष पौडेलको अध्यक्षयतामा १५ सदस्यीय श्रमजीवी पत्रकार संघ नेपालकाे रौतहट शाखाकाे नयाँ कार्यसमिति गठन भएकाे हाे ।

शनिबार भएको अधिवेशनमा मधेस प्रदेश सभा सदस्य शोभा देवी साहको प्रमुख आतिथ्यतामा कार्यसमिति घोषणा गरिएकाे हाे ।

समितिकाे उपाध्यक्षमा राकेश यादव,महिला उपाध्यक्षमा  पुजा जयसवाल ,सचिवमा अभिमनु पटेल ,सहसचिवमा मो. मोजिबुल्ला रहेका छन् ।

त्यस्तै समावेशी सहसचिवमा सोनु महतो र कोषाध्यक्षमा  जितेन्द्र दास चयन भएका छन् ।

त्यसैगरी सदस्यमा राधेश्याम साह ,दिलिप पान्डे ,सत्येन्द्र प्रताप सिंह ,अरमान उपाधाय,दिवेन्द्र साह र रौशन साह रहेका छन् ।

समितिकाे सल्लाहकारमा नेपाल पत्रकार महासंघ राैतहट शाखाका पूर्व अध्यक्ष रविन्द्र साह,मोहम्द तन्बिर आलम, दिपक श्रीवास्तव,त्रिभुवन ओझा,शेख समिउल्ला,विश्वनाथ राम,समीर आलम,रमेश सिंह,सुमित यादव,मोहमद अफताब हास्मी ,प्रवीण कुमार सिंह,मो. ओजिर आलम,अरबिन्द कुमार यादव,चन्दन कुमार महतो चयन भएका हुन।

 

कार्यक्रममा प्रमुख अतिथिले साहले कार्यक्रमलाई सम्बोधन गर्दै सत्यतथ्य जनसमक्ष ल्याउन,जनताको सवाल उठाउन र अधिकारको पक्षमा खडा हुन पत्रकारहरूकाे भूमिका अतुलनीय रहेकाे भन्दै आफनाे कर्तव्य बाट नडगमगाई काम गर्न अनुराेध गरेकी हुन् ।

कार्यक्रममा सम्बाेधन गर्दै विशिष्ट अतिथि श्रमजीवी पत्रकार संघ नेपालका केन्द्रिय अध्यक्ष जन्मदेव जैसीले श्रमजीवी पत्रकारको हकहित र अधिकारका लागि बृहत् सञ्चार आन्दोलन गर्ने बताएका छन् ।

सबै सञ्चारगृहमा कार्यरत पत्रकार, कर्मचारी र कामदारका हातमा अनिवार्यरुपमा नियुक्तिपत्र, नियमित न्यूनतम पारिश्रमिक र श्रमजीवी पत्रकार ऐन पूर्ण कार्यान्वयनका लागि निर्णायक आन्दोलन गर्ने बताए । यसका लागि केन्द्र,प्रदेश र जिल्ला सबै शाखाका नेतृत्वले आ-आफ्ना स्थानबाट दबाब अभियानको नेतृत्व गर्ने उनकाे भनाइ छ  ।

अधिवेशनमा नेपाली काङ्ग्रेस रौतहटबाट चिरञ्जीवी प्रताप सिंह ,नेपाल पत्रकार महासंघका पूर्व अध्यक्ष रविन्द्र साह,प्रेस मञ्चका रौतहट अध्यक्ष किशोरी यादव लगायत विभिन्न मिडियाका संचालक,पत्रकार,सम्पादकहरुको उपस्थिति रहेको थियोे ।

 

बिरगंज,माघ, ११ गते २०८१ ।

आम जनता पार्टी (आजपा)ले बिरगंजमा आज सडक पत्रकार सम्मेलन गरेको छ । बिरगंजको घण्टाघरमा आयोजित सो पत्रकार सम्मेलनमा पर्साबाट संघीय मन्त्री भएकासंग आजपाले प्रश्नै प्रश्न गरेको छ ।

पर्साबाट नेकपा (एमाले)का नेता राजकुमार गुप्ता संघीय मामिला तथा सामान्य प्रशासन मन्त्री छन् भने नेपाली कांग्रेसका अजय चौरसिया कानून मन्त्री र प्रदिप यादव खानेपानी मन्त्री रहेका छन् । पर्साबाट संघीय सरकारमा तीन जना मन्त्री भए पनि पर्साको बिकासका लागि यि मन्त्रीले केही पनि नगरेको गम्भिर आरोप आजपाले लगाएको छ ।

आजपा मधेस प्रदेश कमिटीका अध्यक्ष उमेश कुशवाहाले पर्साबाट तीन जना नेता संघीय सरकारमा मन्त्री भए पनि बिरगंजको बिकासका लागि के–के काम गरेको भन्दै गम्भिर प्रश्न उठाएका छन् । समृद्ध बिरगंज उजाड बनाइएको बताउदै उनले बिरगंजलाई देशको आर्थिक राजधानी बनाउँन माग गरे ।

‘बिरगंज सहित तराई मधेसमा खानेपानीको समस्या दिनदिनै बढदै गईरहेको छ । खानेपानीको हाहाकार छ । तर पर्साबाट खानेपानी मन्त्री भएका मन्त्री ज्यूलाई कुनै चिन्ता र चासो छैन्,’ कुशवाहाले भने, ‘यहाँ जती बिकास भएको छ पहिला नै भएको हो । अहिले तीन तीन जना नेता संघीय सरकारमा मन्त्री हुनुभएको छ । उहाँहरुले बिरगंजको बिकासका लागि के के गर्नुभयो जनता जान्न चाहन्छ ।’

बिरगंजलाई आर्थिक राजधानी घोषणा गराउन र भ्रष्टाचार बिरुद्ध खबरदारीसभा बिरगंजमा हालैसम्पन्न गरेको आजपाले त्यसअघि भ्रष्टाचार बिरुद्ध मधेस यात्रा अभियान सञ्चालन गरेको थियो । बिरगंजलाई देशकै आर्थिक राजधानी घोषणा गराउँनका लागि आजपाले बिभिन्न समितिहरु गठन गरेर काम गरिरहेको जानकारी उनले दिए ।

सडकमै पत्रकार सम्मेलन गरेको आजपाले पर्साबाट केन्द्रमा मन्त्री भएकालाई बिभिन्न प्रश्न गर्दै बिरगंजको बिकासका लागि के के गरेको भन्ने बारेमा पर्साका नागरिकलाई जानकारी गराउन माग गरेको छ । आजपा केन्द्रीय सदस्य एवं पर्सा इन्चार्ज लखिन्द्र साहले मन्त्रीहरुले पर्साबासीलाई ढाटने बाहेक अरु केही काम नगरेको आरोप लगाए ।

‘नारायणी अस्पताललाई मेडिकल कलेज किन नबनाएको ? जिर्णअवस्थामा रहेको नारायणी रंगशालाको सुधार कहिले हुने ? स्तरोन्नती कहिले हुने ? ठाकुरराम बहुमुखी क्याम्पसलाई बिश्वबिद्यालय कहिले बनाउँने ? बिरगंजको चिनीमिल कहिले सञ्चालन हुने ?’ साहले प्रश्न गरे, ‘भ्रदगोल बस्तीलाई आधुनिक पूर्वाधारसंग कहिले जोडने ? समृद्धि बिरगंज उजाड किन भयो ?’

बिरगंजमा देखिएको बिकास पञ्चायतकाल र गणतन्त्र अघि नै भएको बताउदै उनले पर्साका मन्त्रीहरुले बिरगंजको बिकासमा ध्यान नदिएको आरोप लगाए । यस्तै आजपाले भ्रष्टाचार बिरुद्ध गरिरहेको बिभिन्न कार्यक्रमको बारेमा समेत जानकारी गराएको छ । आजपा पर्साका अध्यक्ष विश्वराज पटेलले बिरगंजको बिकासका लागि मन्त्री भएकाहरुले बेइमानी गरेको टिप्पणी गरे । यस्तै सिमावती क्षेत्रमा भन्सारको नाममा भईरहेको छिनाझपटीको अन्त्य गर्न उनीहरुले माग गरे । सर्वसधारण नागरिकलाई सिमावती क्षेत्रमा प्रहरीले मनोमानी गरिरहेको भए पनि पर्साका मन्त्रीहरु के पनि नगर्नु लाजमर्दो बिषय भएको पटेलले जनाएका छन् ।

नूर आलम बादशाह, माघ 11 गते शुक्रबार

बारा जिल्लाको पचरौता नगरपालिका–७ मा शुक्रबार पालिका हुलाक सेवा कार्यालयको स्थापना गरिएको छ । नेपाल सरकारको एक पालिका एक हुलाक कार्यालय स्थापना गरिने नीति अन्तर्गत पचरौता नगरपालिकामा हुलाक सेवा कार्यालयको उद्घाटन गरिएको हो ।

जिल्ला हुलाक कार्यालय बाराले आयोजना गरेको कार्यक्रममा नगरप्रमुख जलंधर सिंहले कार्यालयको उद्घाटन गरेका हुन्। कार्यक्रमलाई सम्बोधन गर्दै नगरप्रमुख सिंहले जनतालाइ छिटो छरितो सेवा प्रवाह गर्नका लागि नेपाल सरकारले सबै पालिकामा हुलाक सेवा कार्यालय स्थापना गरेकोले सेवाको उपयोग गर्न स्थानीयलाई आग्रह गरे ।

कार्यालय उद्घाटन कार्यक्रममा वडा अध्यक्ष तथा पालिका प्रवक्ता लक्ष्मी यादव, गगनदेव प्रसाद यादव, जिल्ला हुलाक कार्यालय प्रमुख सहित स्थानीयको सहभागिता रहेको थियो ।

आरके श्रीवास्तव,राैतहट,१० गते माघ ।
राैतहट । राैतहटकाे मध्य भाग गरूडामा प्रथम गरूडा व्यापार महाेत्सव २०८१ सुरू भएको छ । समृद्ध उधाेगकाे लागि,आर्थिक समृद्धि भन्ने नाराका साथ आजदेखि साे महाेत्सव सुरू भएको हाे ।
गरूडा नगर उधाेग वाणिज्य संघकाे आयाेजनामा सुरू भएको महोत्सवको समुदघाटन प्रतिनिधित्व सभा सदस्य विणा देवी साहले गरेकी हुन् ।

गरूडा स्थित चिनिमिलकाे प्रांगणमा महोत्सव आयोजना गरिएको गरूडा नगर उधाेग वाणिज्य संघका सदस्य महाशक्ति निरालाले बताएका हुन् ।
आर्थिक मन्दीबाट गुज्रिरहेका व्यवसायीहरूलाई सहयाेग पुग्ने र अर्थतन्त्र चलायमान बनाउने उदेश्यले व्यापार महोत्सवको आयोजना गरिएको उनको भनाइ छ ।
जसमा उपभोक्ताले एकै ठाउँमा व्यापार प्रदर्शनी,कृषि प्रदर्शनी अवलोकन गर्न पाउने छन् ।

कार्यक्रममा बाेल्दै प्रमुख अतिथि साहले महाेत्सवले व्यापारीक हबकाे रूपमा परिचित गरूडाकाे विकासमा सहयोग पुग्ने धारणा राखेकी थिईन् । यसले व्यापार प्रवर्द्धनमा टेवा पुग्ने विश्वास व्यक्त गरेकी हुन् ।
क्यूरी मसाला मुख्य प्रायाेजक रहेको गरूडा महाेत्सव २०८१ माघ २३ गते सम्म चल्ने गरूडा नगर उधाेग वाणिज्य संघका अध्यक्ष सतिश साहले जानकारी गराउनु भएको हाे । महाेत्सवमा दर्जनौं स्टलहरू राखिएका छन् ।
आगामी माघ २३ गतेसम्म सञ्चालन हुने महोत्सवमा हजारौं
उपभोक्ताले मेलाको अवलोकन गरी सेवा प्राप्त गर्ने अनुमान आयोजकले गरेको छ ।

हरेक दिन मनोरञ्जनात्मक कार्यक्रम समेत आयोजना गरिने जनाइएको छ । महाेत्सव उदघाटन समाराेहमा गरूडा नगरपालिकाकी उपप्रमुख पुनम चाैधरी,गढिमाई नगरपालिकाका नगरप्रमुख श्याम यादव,मेयर प्रत्यासी ब्रिजकिशाेर यादव,वृन्दावन नगरपालिकाका पूर्व नगरप्रमुख रामस्नेही यादव लगायतका अतिथिहरू,व्यापारीहरूकाे भव्य उपस्थिति रहेको थियोे ।

आरके श्रीवास्तव,राैतहट,१० गते माघ २०८१ ।
राैतहटकाे कटहरिया नगरपालिकामा लामाे समयदेखिकाे तालाबन्दी आज खुलेको छ । दिउँसो देखिनै तालाबन्दी यथावत् राख्ने र खुलाउने पक्ष आमनेसामने हुँदा कटहरिया तनावग्रस्त बनेको थियोे । पछि नगरप्रमुख अजय प्रकाश जयसवाल र असंतुष्ट वडा अध्यक्षहरू पक्ष बिच लामाे कसरत पछि ताला खाेल्ने सहमति गरिएको थियोे ।

मिति २०८१ मंसिर २० गते कार्यपालिका बैठकमा गरिएको निर्णयमा पुनः छलफल गर्ने र असंतुष्ट पक्षकाे माग कार्यपालिका बैठकमा लैजाने सहमति गर्दै एक महिनादेखि गरिएको तालाबन्दी खुलेकाे हाे ।

बिहीबार बसेकाे सर्वपक्षीय बैठकमा नयाँ प्रमुख प्रशासकीय अधिकृत हाजिर भएको भोलिपल्ट कार्यपालिका बोर्डकाे बैठकका लागि आह्वान गरिने र मंसिर २० गतेको निर्णयमाथी पुनः छलफल गर्ने सर्तमा नगरपालिकामा लागाएको ताला खोल्न सर्वसहमतिले निर्णय गरिएकाे थियो ।

असंतुष्ट पक्षकाे मागलाई वेवास्ता गरिए पुनश्च तालाबन्दी गरिने सर्त अगाडि सारिएको हाे । नगर प्रमुख अजय प्रकाश जयसवाल र प्रमुख प्रशासकीय अधिकृत रामजी जोशीको कार्यशैली प्रति असंतुुष्टी जनाउँदै जनप्रतिनिधीले नै नगरप्रमुख र प्रमुख प्रशासकीय अधिकृतकाे काेठामा ताल्चा लगाइ दिएका थिए ।
उनीहरुले एकलौटी गर्ने गरेको उनीहरूले आराेप लगाउँदै आएका थिए । कटहरिया नगरपालिकामा लागेको ताला खुलेपछि नागरिकलाई सहज भएको छ ।

आज भएको छलफलकाे क्रममा उपप्रमुख रिता देवी यादव सहित कटहरिया वडा नम्बर १ का वडा अध्यक्ष भूपेन्द्र महतो, वडा नम्बर २ का वडा अध्यक्ष हरिन्द्र साह,वडा नम्बर ३ का वडा अध्यक्ष श्यामाकान्त यादव,वडा नम्बर ४ का वडा अध्यक्ष चन्दन कुशवाहा,वडा नम्बर ५ का वडा अध्यक्ष सर्फलाल गुप्ता,वडा नम्बर ६ का वडा अध्यक्ष जयराम चाैधरी,वडा नम्बर ७ का वडा अध्यक्ष सहिद आलम,वड नम्बर ८ का वडा अध्यक्ष समिश बिक्रम शाह, कार्यपालिका सदस्य मनाेज जयसवाल जनप्रतिनिधि,सुरक्षाकर्मी र पत्रकारहरू सहभागीता रहेकाे थियाे ।

जनकपुर, माघ ९ गते २०८१ ।
मधेश प्रदेश सभा सदस्य किशोरी देवी दासले दलित सशक्तिकरण ऐन २०७६ पारित भएको ६ वर्ष बितिसक्दा यसको कार्यान्वयनका लागि सरकारका कदमहरू अस्पष्ट भएको भन्दै जवाफ मागेकी छिन्।

मंगलबार मधेश प्रदेश सभाको चौथो अधिवेशनको ९औं बैठकमा बोल्दै दासले मधेश प्रदेश सरकारले ऐन कार्यान्वयन गर्न चालु आर्थिक वर्षमा कति बजेट विनियोजन गरेको छ भन्ने विषयमा जानकारी दिन आग्रह गरिन्। उनले ऐन पारित भए पनि दलित समुदायको अवस्था दयनीय रहेको र ऐनको प्रभावकारी कार्यान्वयनमा सरकार गम्भीर नदेखिएको बताइन्।

नेपाल सरकारद्वारा २०७६ सालमा पारित दलित सशक्तिकरण ऐन दलित समुदायको अधिकार सुनिश्चित गर्न तथा उनीहरूमाथि हुने जातीय विभेद, हिंसा, र अन्याय अन्त्य गर्न कानूनी व्यवस्था गर्नका लागि तयार गरिएको हो। ऐनले दलितहरूको राजनीतिक, आर्थिक, सामाजिक, र सांस्कृतिक अधिकार संरक्षण गर्न आवश्यक आधार प्रदान गरेको छ।

तर, ऐन लागू भए पनि यसको कार्यान्वयनमा कमजोर व्यवस्थापन, बजेट अभाव, र राजनीतिक इच्छाशक्तिको कमीले गर्दा अपेक्षित परिणाम प्राप्त हुन सकेको छैन।

प्रदेश सभा सदस्य दासले आफ्नो सम्बोधनमा मधेश प्रदेशमा दलित समुदायमाथि दैनिक रूपमा हत्या, हिंसा, र जातीय भेदभावका घटनाहरू भइरहेका बताए। तर, यस्ता घटनाहरूमा दोषीलाई कानूनी कारबाही नहुनु दुखद भएको उनको भनाइ छ। उनले सरकारको गैरजिम्मेवारीपनले दलित समुदायलाई अन्याय सहन बाध्य बनाएको र उनीहरूको बाँच्ने अधिकारसमेत कुण्ठित भएको बताइन्।

दासले मधेश प्रदेश सरकारसँग ऐन कार्यान्वयनका लागि चालु आर्थिक वर्षमा कति बजेट छुट्याइएको छ भन्ने स्पष्ट पार्न पनि आग्रह गरिन्।

दलित सशक्तिकरण ऐन २०७६ पारित भए पनि यसको कार्यान्वयनका लागि प्रदेश सरकारका ठोस कदमहरूको अभावले दलित समुदायले अझै पनि अन्याय, भेदभाव, र हिंसा सहनुपरेको छ। यसै सन्दर्भमा, प्रदेश सभा सदस्य किशोरी दासले उठाएको मुद्दा दलित समुदायको अवस्था सुधार गर्न आवश्यक सरकारी प्रतिबद्धताको माग हो। यो मुद्दालाई तत्काल सम्बोधन गर्न सरकारले कदम चाल्नुपर्ने आवश्यकता छ।

आरेक श्रीवास्तव,राैतहट,०९ गते माघ २०८१ ।
राैतहट । पुलहरू अधुरै छाेड्ने ठेकेदारहरूलाई कडाइसाथ नियमन गर्न प्रदेश सांसद केशव रायले जाेडदार रूपमा माग गरेका छन् । मधेश प्रदेश सभाकाे चौथो अधिवेशनकाे दशौं बैठकमा बाेल्दै राैतहट निर्वाचन क्षेत्र नम्बर ३ ‘क’ का प्रदेश सांसद एवम् मधेस प्रदेश सरकारका पूर्व राज्यमन्त्री समेत रहेका रायले आफनाे निर्वाचन क्षेत्रमा बनिरहेका थुप्रै पुलहरू अलपत्र अवस्थामा छाडने ठेकेदारहरू लाई कानुनी दायरा ल्याइ ती पुलहरूलाई चाँडोभन्दा चाँडो निर्माण सम्पन्नहाेस् भन्ने धारणा राख्नु भयाे ।

मधेस प्रदेश सरकारका हालका भाैतीक पूर्वाधार मन्त्रीले ल्याउनु भएको एक क्षेत्र एक पुलकाे अवधारणा सराहनीय गर्नु भयाे । साथै उनले मदरासा शिक्षाकाे विधेयक लाई नियमन गर्न माग गर्नु भएको हाे ।
सांसद रायले, ‘मलखादकाे समस्या सधैं यस्तै विकराल हुने हाे की? यसलाई समाधान पनि गर्न सकिन्छ ।´भन्दै सदनमा प्रश्न गरे । अब आउने दिनहरूमा मलखादकाे समस्या नहाेस् भन्ने म चाहन्छु!

साथसाथै उनले कर्मचारीकाे कमीले गर्दा स्वास्थ्य सेवा दिन समस्या भइरहेको अवगत गराउनु भयाे । प्रदेश लाेक सेवा आयाेगका अध्यक्षलाई स्वास्थ्यका कर्मचारी भर्ना गर्ने प्रक्रिया अविलम्ब अपनाउन आग्रह समेत गर्नु भयाे ।
प्रदेश सांसद रायले पछिल्लो आर्थिक वर्षमा बनेको बर्थिङ्ग सेन्टरहरूलाई समेत व्यवस्थित गर्न माग गर्नु भयाे । स्वास्थ्य क्षेत्रकाे समस्याहरू तत्काल निराकरणकाे प्रयास गरियोस् भन्ने उनकाे चाहना रहेको उल्लेख गर्नुभयाे ।
पछिल्लो समय वन जंगलमा जंगली जनावरकाे आक्रमण बढेकाे प्रति चिन्ता व्यक्त गर्दै यसतर्फ वनमन्त्रीकाे ध्यानाकर्षण गराउनु भयाे । सांसद रायले-अहिले जाडाेमा जनजिवन कष्टकर छ । स्थानीयलाई आगाे ताप्नका दाउरा लिन जंगलमा जानुपर्ने बाध्यता छ । जंगलमा जानेक्रममा नै स्थानीयहरू जंगली जनावरकाे सिकार बन्नुपरेकाे छ । यसबाट स्थानीयलाई जाेगाउन जरुरी छ ।
यसका लागि वन मन्त्रीलाई प्रत्येक पालिकामा दाउरा उपलब्ध गराउन अनुराेध समेत गर्नुभयाे । जंगलकाे काठ दाउरालाई सदुपयोग गर्न सुझाव दिएका छन् ।

चन्दन यादव, रौहतट, ०९ गते माघ २०८१ ।

रौहतटमा एक जना नक्कली पेस्तोल देखाई ठगी गर्ने मानिसलाई प्रहरीले पक्राउ गरेको छ । पक्राउ पर्नेमा भारतिय नागरिक जिल्ला मोतिहारी ग्राम पञ्चायत खरोही वडा नम्बर ४ मा बस्ने मो. जाविर आलमको छोरा अन्दाजी बर्ष २०को अब्दुल कलाम रहेको प्रहरीले जनाएको हो ।

जिल्ला प्रहरी कार्यालय रौतहटका निमित्त सुचना अधिकारी तथा प्रहरी निरीक्षक राम कुमार महतोले दिएको जानकारी अनुसार जिल्ला रौतहट ईशनाथ नगरपालिका वडा नम्बर ४ मठिया स्थित सिमावर्ती ईलाकामा नक्कली चाईनिज पेस्तोल (खेलौना) देखाईसिमा क्षेत्रमा हिलडुल गर्ने व्यक्तिहरुलाई डर त्रास देखाई पैसा मांगदै थियो ।

२०८१ माघ ०७ गते अन्दाजी ७ बजेर ३० मिनटको समयमा नक्कली पेस्तोल देखाई ठगी गरिरेहको सुचना प्राप्त भएपछि प्रहरी चौकी मठिया महुलिया रौतहटबाट खटिएको प्रहरी टोलीले अब्दुल कलाम भन्ने व्यक्तिलाई प्रहरीले पक्राउ गरेको थियो ।

प्रहरीले पक्राउ गरेर कार्यालयमा ल्याई म्याद थपगरी अनुसन्धान कार्य भईरहेको निमित्त सुचना अधिकारी तथा प्रहरी निरिक्षक राम कुमार महतोले जनाएको छ । अहिले चोरी तथा ठगी गर्ने व्यक्तिको सक्रियता बढेकोले सर्वसाधारनलाई आफु सचेत भई बस्नको लागी यस समाचारबाट अनुरोध गरिएको छ ।

आरके श्रीवास्तव,रौतहट,०८ गते माघ २०८१ ।
रौतहटको फतुवा विजयपुर नगरपालिका वडा नम्बर २ सितलपुरमा रहेको सातोबहिनिकोे मन्दिरमा ओहोरदोहोर गर्न समस्या भएपछि बाटो निर्माण कार्य भइरेको छ । वर्षौदेखि बाटो विहिन रहेको सो मन्दिरमा आउजाउ गर्न सहजहोस् भन्ने उदेश्यले बाटो निर्माण हुन लागेको हो ।

उक्त वडाका वडा अध्यक्ष अनिरुद्ध प्रसाद यादव संजयले नयाँ बाटो निर्माण गराइरहेका छन् । त्यस वडामा सधैं सो बाटो चुनावी एजेण्डा बन्दै आएको थियो । तर बाटो भने निर्माण भइरहेको थिएन् । वडा अध्यक्ष यादवले चुनावको बेला गरेको वाचा पुरा गर्दै बाटो निर्माण धमाधम गराइरहेका छन् ।

मन्दिर आसपासको जमिन समेत केही स्थानियहरुले अतिक्रमण गरि राखेका थिए । भने केहीले आफनै जग्गा दिएर भए पनि सो काममा सघाइरहेका छन् । स्थानियको सहयोग पनि त्यतीकै छ । अहिले धेरै जसो जनप्रतिनिधी आफूसँग बजेट नै नभएपछि कसरी काम गर्ने भने गुणासो गरिरहेका हुनछन् ।

तर नागरिकका समस्या समाधान गर्नका लागि सबै ठाउँमा बजेट र पैसा नै चाहिन्छ भन्ने पनि होइन् । यसको उदाहरण पात्र हुन् वडा अध्यक्ष अनिरुद्ध प्रसाद यादव । उनको नगरपालिकामा अन्य दलको बहुमत छ । अलपमतमा रहेका वडा अध्यक्ष यादवले आफनो वडाको कमै बजेट पनि यस्ता सराहनिय कामहरु गरेर सर्वत्र चर्चामा छन् ।

सो मन्दिरमा जाने बाटो निर्माण हुन थालेपछि स्थानिय ब्रहमदेव यादव भन्छन्–‘विगत ५ वर्ष स्थानिय सरकारको कार्यकाल बित्यो तर हाम्रो समस्या सुन्न कोही आएन् । अहिलेका वडा अध्यक्षले सामान्य पहल मात्र गरिदिदाँ हाम्रो वर्षौदेखि रहँदै आएको समस्या समाधान भएको छ । ’

अर्का स्थानिय जयमंगल पटेलले भने–‘सधैं आलीको बाटो भएर ओहोरदोहोर गर्न हामी बाध्य थियौं । अब उपरान्त सो समस्या हटेको छ । ’