काठमाडौँ, १३ फागुन ।

मह सञ्चारमा करिब डेढ दशक काम गरेपछि फिल्म ‘जात्रा’मार्फत् निर्देशनमा डेब्यु गरेका प्रदीप भट्टराईले ‘शत्रु गते’, ‘जात्रै जात्रा’ र ‘महापुरुष’को निर्देशन गरिसकेका छन् । लगातार हरेक फिल्ममा दर्शक र समीक्षकको विश्वास जित्न सफल निर्देशक भट्टराई स्टारडम भएका निर्देशकमा पर्छन् । अर्थात् निर्देशककै नामले नेपालमा कमै दर्शक हलसम्म पुग्ने गरेका छन् । ती मध्येका एक हुन् निर्देशक भट्टराई ।

उनले आफ्ना काममार्फत दर्शकको विश्वास घट्न दिएका छैनन्, बढाएका छन् । नेपालमा सिक्वेल फिल्मले प्रायः दर्शक तथा समीक्षकबाट तारिफ नपाइरहेको अवस्थामा निर्देशक भट्टराईकै लेखन रहेको ‘जात्रै जात्रा’ले सिक्वेल फिल्म पनि राम्रो बन्छ भन्ने प्रमाणित ग¥यो । पहिलो फिल्ममार्फत् विश्वास बनाउन सफल निर्देशक भट्टराईल दोस्रो फिल्ममार्फत आफुलाई बक्सअफिसमा प्रमाणित गरे । तेस्रो फिल्ममार्फत ह्याट्रिक गरे । चौथो फिल्म ‘महापुरुष’ मार्फत उनले गुरू अभिनेता हरिवंश आचार्यलाई राष्ट्रिय चलचित्र पुरस्कारका हकदार बनाउन सफल भए ।

उनी अहिले जात्राको तेस्रो शृङ्खला ‘महाजात्रा’ लिएर दर्शकसमक्ष आउदैछन् । यसको प्रचारप्रसारको सुरुआत गर्दै उनले विपिन कार्की, रवीन्द्रसिंह बानियाँ, रवीन्द्र झा, वर्षा राउत, अरविन खड्का, राजाराम पौडेलसहितको टिजर सार्वजनिक गरिसकेका छन् ।

‘हामीले फिल्म निर्माणको सुरुआत गर्दा नै विदेश राइट्स विक्री हुनु, नेपालमा वितरकको प्रतिक्रियाले गर्दा यो शृङ्खलाको प्रतीक्षालाई बुझिसकेका थियौँ । महाजात्रा भएकाले कथा, प्रस्तुतीकरणमा झनै मेहनत गरेका छौं । हामी दर्शकको वर्ड अफ माउथ अघिल्ला शृङ्खला भन्दा यसपटक झनै बलियो होस् भनेर काम गरिरहेका छौँ’,निर्देशक भट्टराईले भने ।

उनले आफ्नो सफलतालाई टिमको मेहनतको रुपमा वर्णन गर्छन् । किनकि स्क्रिप्ट लेख्नकै क्रममा हुने छलफल र मेहनतले दर्शकलाई हलबाट खुशी बनाएर निकाल्न सकिएको उनको बुझाइ छ । ‘मैले फिल्म दर्शकका लागि तयार गर्ने गरेको छु । बजारमा यो चलिरहेको छ वा यस्तो डिमाण्ड छ भनेर काम गरिएको छैन । हाम्रो शैलीमै काम गर्ने गरेका छौं, दर्शक खुशी हुनुभएकै कारण एकपछि अर्को फिल्मको बक्सअफिसमा व्यापार बढिरहेको छ’, निर्देशक भट्टराईले भने ।

जीवन समृद्ध तुल्याउने सपना र आपतकालीन रुपमा  प्राप्त हुने पैसा व्यवस्थापन गर्ने अवसरले गर्दा आइपर्ने समस्यालाई रोचक रुपले प्रस्तुत गरिने फिल्ममा हाँसो र रोदनको मिश्रण छ । अर्गानिक र यथार्थलाई प्रस्तुत गरिएकै कारण यो शृङखला दर्शकको प्रिय बनेको छ । यसले नेपाली फिल्मले अन्तर्राष्ट्रिय बजारमार्फत पाउने सर्वाधिक रकम पाईसकेको छ ।

कथा लेखनकै क्रममा ‘महाजात्रा’ को बनेको ब्राण्डको कारण भारत बाहेकको विदेश प्रदर्शन अधिकार एमएसएम इन्टरटेनमेन्टका लागि छत्र थापाले खरिद गरिसकेका छन् । उनले नेपालसँगै विदेशमा पनि चैत ९ गते प्रदर्शन हुने बताए ।

‘हाम्रो कम्पनिले अधिकाँस देशमा प्रदर्शन अधिकार बिक्री गरिसकेको छ । यसलाई हेर्न परिवार नै दर्शक बनेर आउने हुँदा हाम्रो लगानी सुरक्षित हुनुका साथै मुनाफा नै हुन्छ’, वितरक थापाले भने,‘हामीले यसले प्राप्त गर्ने रकम दिएका छौं । सम्भवत यो अहिलेसम्म विदेश अधिकारका लागि बिक्री भएको मध्ये बढी हो । यसबाट म मात्र नभई स्थानीय वा सहर–सहरमा प्रदर्शन गर्ने पनि लाभान्वित हुनेछौँ ।’

फिल्ममा हरिवंश आचार्य, विपिन कार्की, रविन्द्रसिंह बानियाँ, रविन्द्र झा, वर्षा राउत, अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको अभिनय रहेको छ । फिल्ममा म्याक्स दीपेश खत्री र यज्ञश्वर पौडेल निर्माता छन् ।

यसमा जित बहादुर रुवाली एसोसियट निर्देशक, पुरुषोत्तम प्रधान छायाँकार, कुमार महर्जन द्वन्द्व निर्देशन, कविराज गहतराज नृत्य निर्देशक, आशिष अविरल सङ्गीतकार, शमशेर लामा शृङ्गार, रूपकप्रताप अधिकारी प्रोडक्सन डिजाइनर, अनिल खड्का मुख्य सहायक निर्देशक रहेका छन् ।न्युज कारखाना

काठमाडौं, ११ फागुन ।

यसवर्षको प्रतिक्षित नेपाली फिल्म ‘महाजात्रा’ निर्माण समुहले ‘महाकमेडी यात्रा’ गर्ने भएको छ । निर्माण समुहले यसबारे जानकारी दिदै उक्त फागुन २१ देखि दुई चरणमा हुने जानकारी दिएको छ ।

‘हामीले फिल्मको प्रदर्शन अगाडि मोफसलका विभिन्न सहरमा पुगेर दर्शक भेटघाट गर्न लागेका हौँ । दर्शकसँग साक्षात्कार गर्दा हामीसँग रियालिटी शोमार्फत उदाउनुभएका कमेडियनसँगै हाम्रो फिल्मका कलाकारहरू हुनुहुनेछ’, निर्माता म्याक्स दीपेश खत्रीले बताए । उनका अनुसार फिल्मका तर्फबाट अभिनेता हरिवंश आचार्य, विपिन कार्की, रवीन्द्रसिंह बानियाँ, रवीन्द्र झा, राजाराम पौडेल, अभिनेत्री वर्षा राउत उक्त भ्रमणमा हुनेछन ।

‘महाकमेडी यात्रा’ २१ गते पोखराबाट सुरु भई २२ गते बुटवल, २५ गते धनगढीमा हुनेछ । यसको दोस्रो चरण फागुन ३० गते विर्तामोडबाट सुरू भई १ गते इटहरी, ३ गते हेटौडा र ४ गते नारायणगढमा विभिन्न प्रस्तुती हुनेछ ।

भ्रमणमा अभिनेत्री दीपाश्री निरौला, कमेडियन सुमन कार्की, मेक्सम गौडेल, कैलाश कार्की, सजन श्रेष्ठ, सुमन कोइराला, प्रभात लामा, सन्तोष थापासँगै कमेडी च्याम्पियनको तेस्रो सिजनका प्रतियोगीले तयार गरेका विभिन्न प्रस्तुतीमार्फत रोड शोमा दर्शकलाई मनोरञ्जन दिनेछन् ।

‘हामीले फिल्मको प्रचारप्रसारका लागि काठमाडौँ झैँ मोफसलमा पनि उत्तिकै गतिविधि गर्ने गरेका छौँ । त्यसैले यसपटक हामीसँगै दर्शक माँझ लोकप्रिय पछिल्लो पुस्ताका कमेडियनलाई लिएर दर्शकलाई भेट्न उहाँकै सहरमा पुग्दैछौँ’, निर्माता खत्रीले भने ।

निर्देशक प्रदीप भट्टराईले लेखन तथा निर्देशनमा ‘जात्रा’ र ‘जात्रै जात्रा’ को व्यावसायिक र समीक्षात्मक सफलतापछि तयार भएको तेस्रो शृङ्खला ‘महाजात्रा’ हो । ‘जात्रा’ शृङ्खलाकै कलाकारहरू विपिन कार्की, रवीन्द्रसिंह बानियाँ, रवीन्द्र झा, वर्षा राउत, अरविन खड्का, राजाराम पौडेलसँगै यसपटक अभिनेता हरिवंश आचार्य थपिएका छन् ।

यसपटक पैसा व्यवस्थापन गर्दा आइपर्ने समस्यानै फिल्मको कथा रहेको छ । तीन पात्रले पैसालाई लुकाउन खोज्दा विभिन्न परिस्थितिको सामना गर्छन् । जीवन समृद्ध तुल्याउने सपना र आपतकालीन रुपमा प्राप्त हुने अवसर व्यवस्थापन गर्दा आइपर्ने समस्यालाई रोचक रुपले प्रस्तुत गरिने फिल्ममा हासो र रोदनको मिश्रण छ । अर्गानिक र यथार्थलाई प्रस्तुत गरिएकै कारण यो शृङ्खला दर्शकको प्रिय बनेको छ ।

यसले नेपाली फिल्मले अन्तर्राष्ट्रिय बजारमार्फत पाउने सर्वाधिक रकम पाईसकेको छ । कथा लेखनकै क्रममा ‘महाजात्रा’ को बनेको ब्राण्डको कारण भारत बाहेकको विदेश प्रदर्शन अधिकार एमएसएम इन्टरटेनमेन्टका लागि छत्र थापाले खरिद गरिसकेका छन् । उनले नेपालसँगै फिल्म आगामी चैत ९ गते नेपालसँगै विश्वभर एकसाथ प्रदर्शन हुने बताए ।

फिल्ममा हरिवंश आचार्य, विपिन कार्की, रविन्द्रसिंह बानियाँ, रविन्द्र झा, वर्षा राउत, अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको अभिनय रहने छ । फिल्ममा म्याक्स दीपेश खत्री र यज्ञश्वर पौडेल निर्माता छन् ।

यसमा जित बहादुर रुवाली एसोसियट निर्देशक, पुरुषोत्तम प्रधान छायाँकार, कुमार महर्जन द्वन्द्व निर्देशन, कविराज गहतराज नृत्य निर्देशक, आशिष अविरल सङ्गीतकार, शमशेर लामा शृङ्गार, रूपकप्रताप अधिकारी प्रोडक्सन डिजाइनर, अनिल खड्का मुख्य सहायक निर्देशक रहेका छन् ।न्युज कारखाना

मुम्बइ, ११ फागुन ।

केही चलचित्र राम्रा छन्, कोही धेरै राम्रा छन् र कोही त्योभन्दा परका छन्, यो तेस्रो प्रकार हो।

यो फिल्ममा यामी गौतम देख्दा रमाइलो लाग्यो । यो उत्कृष्ट पुनरागमन हो। यसअघि कश्मीरमाथि धेरै फिल्म बनेका छन् तर  ‘आर्टिकल ३७०’ अचम्मको छ । फिल्ममा एक्सन र इमोसनलाई राम्रोसँग सन्तुलनमा राखिएको छ । हेर्नै पर्ने फिल्मकाे रूपमा भारतीय मिडियाले लेखेका छन् ।

बलिउडमा यस्ता धेरै फिल्म बनेका छन् जसले देशको इतिहास बताउँछन् तर  ‘आर्टिकल ३७०’ ती फिल्ममध्ये एक हो जसको लामो समयदेखि प्रतिक्षा थियो । यामी गौतमको कामले फिल्ममा आकर्षण थपेको छ । फिल्ममा  ‘आर्टिकल ३७०’ कसरी हटाइयो र सरकारले कस्ता कठिनाइबाट गुज्रनु परेको देखाइएको छ । यस फिल्ममा यामी गौतम कश्मीरी स्टाइलमा देखिएकी छिन् । फिल्म कश्मीरको सुन्दर उपत्यकाबाट सुरु हुन्छ र त्यसपछि कथा राम्रो गतिमा अगाडि बढ्छ।

‘आर्टिकल ३७०’ लाई वास्तविक अर्थमा बुझ्ने र त्यस समयको परिस्थिति जान्न चाहनेहरूका लागि यो फिल्म हो। फिल्ममा प्रधानमन्त्री नरेन्द्र मोदीको भूमिकामा अरुण गोविल निकै राम्रो देखिएका छन् । साथै, जब तपाइँ फिल्म हेर्नुहुन्छ, तपाइँ कश्मीर र  ‘आर्टिकल ३७०’ लाई राम्रो तरिकाले थाहा पाउन सक्नु हुनेछ।

यामी गौतमले उत्कृष्ट काम गरेकी छिन्, उनले फिल्मभर आफ्नो अभिनयले सबैलाई व्यस्त राखेकी छिन् । यामीको यो एक्सन मोडले तपाईको दिमागमा फरक छाप छोड्नेछ। जहाँ अरुण गोविलले प्रधानमन्त्रीको भूमिका निर्वाह गरेका छन् र उनी आफैंमा प्रशंसनीय छन् । साथै, प्रियमणी, वैभव तत्ववादी, किरण कर्माकर र राज जुत्शीले सहायक भूमिकामा राम्रो काम गरेका छन्। यो फिल्मको हरेक पात्र आफैमा उत्कृष्ट छ ।

फिल्म ‘आर्टिकल ३७०’ लाई आदित्य जांभळेले निर्देशन गरेका हुन् र उनले फिल्म मार्फत के भन्न चाहेका कुरा पनि राम्ररी बुझाइएको छ । फिल्ममा उनको पकड देखिन्छ र यो फिल्म पछिल्लो समयको उत्कृष्ट फिल्ममा गनिनेछ र यसको कारण पनि अद्भूत निर्देशन नै हो । न्युज कारखाना

हैदाराबाद, ११ फागुन ।

आरआरआर र बाहुबली जस्ता फिल्म बनाएका निर्देशक एसएस राजामौलीले आफ्नो अर्को फिल्मको तयारी सुरु गरेका छन् ।

फिल्मको छायांकन भव्य रुपमा गरिने भएको छ, जसका लागि सेटदेखि कथासम्म सबै हिसाबले भव्य राखिने छ । त्यसपछि राजामौलीका फिल्महरू कथा देखि सेटसम्म बिल्कुलै फरक हुनेछन्।

उनका फिल्मका कलाकारहरुको लुक्स पनि बिल्कुलै फरक छ । अब उनी तेलुगु सुपरस्टार महेश बाबुसँग अर्को फिल्म बनाउन लागिरहेका छन् । तर आफ्नो फिल्मसँग सम्बन्धित कुनै पनि कुरा मिडियामा नआओस् भन्ने सुनिश्चितताका लागि उनले आफ्नो फिल्मका नायकमाथि प्रतिबन्ध लगाएको जनाइएको छ ।

यसरी राजामौलीको फिल्मलाई लिएर रोचक वातावरण बनिरहेको छ ।

हो, तपाईंले सहि सुन्नुभयो। भारतीय मिडियाका अनुसार आरआरआर र बाहुबली निर्देशक एसएस राजामौलीले महेश बाबुलाई दर्शक र मिडियाको नजरबाट टाढा रहन भनेका छन्। जसका कारण महेश बाबु दर्शक र मिडियाबाट अब केही समय टाढा रहने छन् ।

जसको कारण उनको नयाँ लुक नै रहेको बताइएको छ । फिल्ममा ‘गुन्टुर करम’ फेम अभिनेता महेश बाबु एकदमै फरक देखिने लगभग पक्का भएको छ । जसका कारण यो निर्णय गरिएको हो । यो लुकका लागि महेश बाबुले निकै मेहनत गरेको बताइएको छ । यसरी महेश बाबुका फ्यानले आफ्नो मनपर्ने कलाकारलाई केही दिन हेर्न पाउने छैनन् ।

महेश बाबुको बारेमा भनिएको छ कि उनलाई हलिउड ट्रेनर मार्फत नयाँ लुकको लागि तयार गरिदैँछ । जसका कारण एसएस राजामौलीको फिल्ममा महेशबाबु यस्तो क्यारेक्टर र लुक्समा देखिने छन्, जुन पहिले कहिल्यै कसैले देखेको थिएन । राजामौलीको यो फिल्म एडभेन्चर थ्रिलर रहेको बताइएको छ ।

यसको नामलाई लिएर पनि मिडियामा धेरै समाचार आइरहेका छन् । तर उनको अर्को फिल्मको बारेमा आधिकारिक रुपमा अहिलेसम्म मिडियालाई जानकारी दिइएको छैन ।

एसएस राजामौली एक निर्देशक हुन् जो लार्जर द लाइफ स्टोरीहरू भन्नका लागि परिचित छन्। चाहे त्यो उनको फिल्म बाहुबली होस् वा आरआरआर। यी फिल्मको लुक्स बिल्कुलै फरक थियो । कथाहरू सुनाउने शैली पनि दुर्लभ छ। बाहुबली फिल्मले प्रभासको करियरको अवस्था र दिशा बदलिदिएको थियो ।

प्रभासले आफ्नो करियरको पाँच वर्ष बाहुबलीका लागि दिएका थिए । यसबाट राजामौलीको निर्देशन र उनले कुन स्तरको काम गर्छन् भन्ने कुरा बुझ्न सकिन्छ । यति मात्र होइन, राजामौलीले यसअघि मक्की जस्ता फिल्म पनि बनाएका छन् । यस्तो अवस्थामा उनको नयाँ फिल्मबाट फ्यानहरुले ठूलो अपेक्षा गरेका छन् । अब हामी राजामौलीको बाकस खुल्ने पर्खाइमा छौं।न्युज कारखाना

मुम्बइ, ११ फागुन ।

कश्मीरको परिस्थितिमा आधारित फिल्म ‘आर्टिकल ३७०’ आज अर्थात २३ फेब्रुअरीमा रिलिज हुँदैछ ।

यामी गौतमको यो फिल्मलाई भारतीय प्रधानमन्त्री नरेन्द्र मोदी स्वयंले पनि उल्लेख गरेका छन् । त्यसपछि फिल्मको कलेक्शनमा उल्लेख्य उछाल आएको भारतीय सञ्चारमाध्यमले जनाएका छन । अवस्था यस्तो छ कि रिलिज अगावै फिल्मले करोडौं रुपैयाँ कमाइसकेको छ । र, यो संख्या चाँडै करोड पुग्न सक्छ।

तपाईलाई बताउन दिनुहोस् कि फिल्म जम्मू कश्मीरको स्थितिमा आधारित छ। र, यसले भारतको संबिधानको सबैभन्दा चर्चित धारा ३७० अघिको अवस्थाको बारेमा पनि बताउँछ। यो फिल्मले रिलिज अगावै कति कमाइ गरेको छ त, थाहा पाउनुहोस् ।

पीएम मोदीको उल्लेख गरिदिए पछि फिल्मको कमाई बढेको देखिन्छ । यसका साथै देशभर चलचित्रको टिकट मूल्य ९९ रुपैयाँ मात्रै राख्ने निर्णय गरिएको छ । यस पछि, पहिलो दिनको संग्रह आफैंमा धेरै जबरदस्त देखिन्छ। फ्रेबअरी २१ सम्म धारा ३७० को ११ हजार टिकट बिक्री भइसकेको छ ।

सबै टिकटहरू बिभिआर इनबक्सका हुन्। बक्स अफिस अड्डाका अनुसार फिल्मको अहिलेसम्म ३५ हजार १५६ टिकट बिक्री भइसकेको छ । जसपछि फिल्मको कमाई ३९.६८ लाख पुगेको छ । पिंकभिलाका अनुसार यस फिल्मले सुरूवातीमा नैं ४ देखि ५ करोड भारु कमाउने अनुमान गरेको छ ।

यो फिल्ममा यामी गौतमको महत्वपूर्ण भूमिका छ । जसले इन्टेलिजेन्स अफिसरको भूमिका निर्वाह गरेकी छिन् । फिल्मको कथा जम्मू कश्मीरमा अनुच्छेद ३७० हटाएको र आतंकवादको वरिपरि घुमेको छ। फिल्ममा यामी गौतमले आतंककारीहरूसँग व्यवहार गर्ने र उनीहरूलाई समाप्त गर्ने जिम्मा लिएकी छिन । फिल्ममा उनको कश्मीर भारतको हिस्सा हो र रहिरहन्छ भन्ने संवाद पनि निकै हिट भएको छ ।न्युज कारखाना

मुम्बइ, ११ फागुन ।

भारतीय कमेडियन कपिल शर्मा र सुनिल ग्रोवरले फेरि एकपटक धमाका गर्ने भएका छन् ।

अर्का कमेडियन सुनिल ग्रोवरले आफैले यस्तो संकेत दिएका छन् । सुनिलले पनि आफू र कपिलको एकसाथ आउने बारे ठूलो कुरा भनेका छन् । सुनिलले पहिले आफू अलिकति डिस्टर्ब भएको तर अहिले नभएकोसमेत बताएका छन् ।

चर्चित गुलाटी फेम पात्र सुनील ग्रोवरले इन्डियन एक्सप्रेससँगको कुराकानीमा आफ्नो र कपिलको सम्बन्धको बारेमा खुलेर बताएका छन्  । सुनिलले भने, ‘मलाई सत्य थाहा छ, त्यसैले अरूले के भन्छन् र के सोच्छन् त्यो उनीहरूको समस्या हो, मेरो होइन।’ कमेडियन कपिल र सुनिल ७ वर्षको झगडा पछि सँगै आउन लागेका हुन ।

कमेडियन सुनिल ग्रोवरले सुरुमा आफू अलिकति डिस्टर्ब भएको तर अब नरहेको बताए । प्रश्न उठाउने माथि सुनिलले भने,  ‘यस्तो गर्नेलाई मैले किन जवाफ दिनु पर्छ ? म केहि प्रश्नहरूको जवाफ दिन चाहन्छु, म गर्नेछु, तर मैले कसैलाई स्पष्टीकरण दिन आवश्यक छैन।’

सुनीलले अगाडी यो पनि भने कि यो सम्पूर्ण मामिलामा दर्शकलाई थाहा छैन। तिनीहरूसँग कुनै तथ्य छैन। ती मानिसहरू जे पनि बोल्छन् किनभने त्यो उनीहरूको काम हो। कमेडियनले थप अगाडी भने,  ‘नकारात्मक कुराले बढी ध्यान दिन्छ । यी सबै मानिसहरूले पनि पछि सबै कुरा बुझ्ने छन्।’

सन् २०१७ मा सुनिल ग्रोवर र कपिल शर्माबीच झगडा भएको थियो । उनीहरु दुवै आफ्नो टोलीसँग अष्ट्रेलिया भ्रमणमा गएका बेला उनीहरुबीच कुनै न कुनै विषयमा झगडा भएको थियो । यसपछि सुनिल ग्रोवरले कपिल शर्मासँग काम गर्न छाडेका थिए । कपिलले सुनिलसँग सार्वजनिक रूपमा माफीसमेत मागेका थिए तर सुनिल भने कपिलको शोमा फर्केका थिएनन ।

अब ७ वर्षपछि यी दुई साथी सँगै आउन लागेका हुन् । शोको बारेमा थप जानकारी चाँडै सार्वजनिक गरिने सुनिलले बताए ।न्युज कारखाना

काठमाडाैं, १० फागुन । 

अभिनेत्री रेखा थापा पाँच वर्षपछि फिल्म ‘उपहार’मार्फत दर्शकमाझ आउँदैछिन् । रेखा पहिलो सन्तानलाई जन्मदिन परिवारसँग अमेरिकामा रहे पनि यही फागुन २५ गतेबाट रिलिज हुने फिल्म ‘उपहार’को प्रचारप्रसार अमेरिकामै बसेर गरिरहेकी छन् । उनले त्यहीँबाट विभिन्न सञ्चारमाध्यममा अन्तर्वार्ता दिइरहेकी छन् ।

रेखाले निर्देशन र अभिनय गरेको फिल्म ‘मालिका’ पाँच वर्षअघि दर्शकमाझ आएको थियो । पाँच वर्षपछि दर्शकमाझ आउन पाउँदा उनी उत्साहित छिन् । ‘मालिकापछि मैले अभिनेत्रीकै रुपमा फिल्ममा त काम गरिनँ । तर, एक दुईवटा फिल्मका गीतमा केमियो गरें’, उनी भन्छिन्, ‘फिल्ममा काम गर्ने सोच त थियो, तर बीचमा कोभिड महामारीको लकडाउनले त्यो सम्भव भएन ।’

रेखाको बुझाइमा ‘उपहार’ अमूल्य विषय हो । उनको भनाइमा ‘उपहार’ दर्शकको मन मस्तिस्कमा बस्ने गरी लेखिएको र बनाइएको छ । ‘नेपाली फिल्म नियमित हेरिरहने र कहिल्यै नेपाली फिल्म नहेर्ने दर्शकले पनि ‘उपहार’लाई हेर्नुहुनेछ भन्नेमा हामी ढुक्क छौं । यो फिल्म हेर्दा आमदर्शकले नयाँ ऊर्जा पाउनुहुनेछ ।’

रेखाका अनुसार ‘उपहार’ले सामाजिक विषयवस्तुलाई मनोरञ्जनपूर्ण हिसाबले प्रस्तुत गरेको छ । नेपाली फिल्ममा एउटै विषयवस्तु भयो भन्ने आरोप आफूले पनि सुनिरहेको बताउने उनले त्यो आरोपलाई ‘उपहार’ले गलत साबित गर्ने दाबी गरिन् । ‘हाम्रो फिल्म आँखालाई शितल दिने किसिमको छ । फिल्ममा हरेक मान्छेको यात्रामा भेटिने सफलता र असफलता तथा प्रेम र विछोडका कुरा दर्शकले पाउनुहुनेछ’, रेखा भन्छिन् ।

रेखाले ‘उपहार’मा समाज रुपान्तरणका कुरादेखि लिएर हरेक दिन समाजमा भइरहने घटनाका कुरा पनि उठान भएको बताइन् । फिल्ममा नारीमात्र होइन, पुरुष पनि पीडित छन्न् भन्ने कुरा देखाइएको उनले सुनाइन् ।

‘५–१० वर्ष यता नेपाली फिल्ममा देखिँदै आएका कथा भन्दा ‘उपहार’को कथा फरक छ । हामीले ‘हिट’ भन्दा पनि दर्शकले मनपराउने कथामा फिल्म बनाएका छौं । फिल्मको कथा, छायांकन, सम्पादन, संगीतलगायत सबै कुराले दर्शकलाई मनोरञ्जन दिन्छ भन्नेमा ढुक्क छौं । दर्शकले तनाव मुक्त भएर ‘उपहार’ हेर्नुहुनेछ’, उनले भनिन् ।

रेखाले नयाँ कलाकारसँगको सहकार्यले आफू खुशी भएको बताइन्। ‘फिल्मको प्रमोसनमा नयाँदेखि पुराना कलाकारहरुले उत्तिकै साथ दिइरहनुभएको छ । मेला, महोत्सव होस् या मिडिया अन्तरवार्तामा उहाँहरु सक्रिय हुनुहुन्छ’, रेखा भन्छिन् ।

ज्ञानेन्द्र देउजा निर्देशित फिल्ममा रेखा थापा, पुजा शर्मा, मुकुन भुषाल, बेनिशा हमाल, तेज गिरी, समर्पणजंग कार्की, सुष्मा कार्की, शिशिर राणा, राजाराम पौडेल, किरण केसी, अंशु महर्जन, विनोद पौडेल, आशा भुुषाल, शोभारस घिमिरे, मन्जु श्रेष्ठ, कमल भट्ट, राइडर प्रशान्त र सरिता राजोपाध्यायलगायतको पनि अभिनय छ ।न्युज कारखाना

मुम्बइ, १० फागुन ।

सिनेमामा कुनै समय यस्तो थियो, जब फिल्मका कलाकारलाई केही हजार रुपैयाँ मात्रै फिल्मको पारिश्रमिक दिइन्थ्यो । त्यसपछि करिब तीस वर्षअघि सुपरस्टारले हरेक फिल्मका लागि करोडभन्दा बढी पारिश्रमिक लिन थालेका थिए ।

त्यसयता कलाकारको पारिश्रमिक ह्वात्तै बढेको छ र आजकल सुपरस्टारहरूलाई एउटा फिल्मका लागि १०० करोड रुपैयाँसम्म पारिश्रमिक लिन्छन् ।

तर के तपाईलाई थाहा छ आजको सबैभन्दा धेरै पारिश्रमिक लिने अभिनेता को हुन् ? जसले क्यामियो रोलका लागि प्रति मिनेट ४.५० करोड भारुमा सम्झौता गर्न सफल भएका छन् । शाहरुख खान, सलमान खानदेखि रणबीरसम्मको नाम तपाईको दिमागमा आउन सक्छ, तर सफलताको नयाँ कहानी रच्ने स्टार अरु कोही होइन, अजय देवगन हुन् ।

कमाईको मामिलामा आमिर खान, शाहरुख खान, प्रभास, रजनीकान्त, सलमान खान र थालापथी विजय जस्ता नामहरू शीर्षमा छन्। यी सबै कलाकारको कमाई हरेक फिल्मबाट १०० करोडभन्दा बढी छ । कतिपयले आफ्ना ठूला हिट फिल्महरूबाट नाफा बाँडेर २०० करोडभन्दा बढी कमाएका छन्।

तर पनि उनको प्रतिमिनेट कमाई २–३ करोड रुपैयाँ पुग्छ । अजय देवगनले ती सबैलाई २०२१ मा छोड्न सफल भए। एसएस राजामौलीको आरआरआरमा एउटा सानो भूमिकाका लागि उनलाई ३५ करोड रुपैयाँ दिइएको थियो। अजय फिल्ममा ८ मिनेट मात्र पर्दामा थिए, जसको मतलब फिल्मको लागि उनको प्रति मिनेट शुल्क ४.५ करोडभन्दा बढी थियो।

अजय देवगन आरआरआरमा श्रिया सरनसँग एक फ्ल्यासब्याक दृश्यमा देखिएका थिए। यो ठूलो बजेटको फिल्मका लागि अजयले ठूलो रकम लिन सफल भए । अजय देवगनको पारिश्रमिक ३५ करोड रुपैयाँ छ । उनले फिल्ममा नायकको भूमिका निर्वाह गरेमा नाफाको ५० प्रतिशत हिस्सा पनि लिने गरेका छन् । यसको मतलब तानाजी र दृश्यम २ जस्ता फिल्मका लागि उनको पारिश्रमिक १०० करोड रहेको छ ।

यो वर्ष अजय आफ्नो सुपरहिट फिल्म सिंघम, सिंघम अगेनको सिक्वेलमा सुपरकप बाजीराव सिंघमको भूमिकामा पर्दामा फर्कने भएका छन् । यो फिल्म रोहित शेट्टीको कप ब्रह्माण्डको एक हिस्सा हो र यसमा अजय बाहेक अक्षय कुमार, रणवीर सिंह, अर्जुन कपूर, दीपिका पादुकोण, करीना कपूर, टाइगर श्राफ र ज्याकी श्राफ जस्ता स्टारहरू काम गरिरहेका छन्। यो फिल्म अगस्ट १५ मा रिलिज हुँदैछ ।

यसअघि अजय मनोवैज्ञानिक थ्रिलर शैतानमा देखिनेछन्, जसमा उनीसँग ज्योतिका र आर माधवन काम गरिरहेका छन्।

न्युज कारखाना

हेटौंडा, ९ फागुन ।

चलचित्र पत्रकार संघ नेपालको प्रथम राष्ट्रिय भेला १३ बुँदे घोषणापत्र जारी भएसँगै सकिएको छ । गत शनिबारदेखि सुरु भएको भेला मंगलबार घोषणापत्र जारी सँगै सकिएको हो । बागमती प्रदेशको राजधानी हेटौँडामा सुरु भएको भेलामा विभिन्न विषयमा अन्तरसंवादका साथै कार्यशाला गरी सम्पन्न भएको हो ।

कार्यक्रममा सहभागी हुन देशभरबाट करिब दुई सय  चलचित्र पत्रकार र कलाकारहरूको उपस्थिती रहेको थियो । संस्था स्थापनाको २५ वर्ष पूरा भएको अवसरमा संघको आयोजनामा भएको भेलामा सिनेमा र पर्यटन संवाद, अन्तक्र्रिया, कार्यशाला, गोष्ठी, कार्यपत्र प्रस्तुतलगायत विषयका सेसन सञ्चालन भएका थिए ।

भेलाको उद्घाटन कार्यक्रम हेटौंडा उपमहानगरपालिकाका नगरप्रमुख  मीनाकुमारी लामाले गरेकी थिईन् भने समापन कार्यक्रम प्रदेश सरकारका मुख्यमन्त्री शालिकराम जम्कट्टेलको प्रमुख आतिथ्यतामा भएको थियो । कार्यक्रम संघका केन्द्रीय अध्यक्ष समीर बलामीको सभाध्यक्षतामा भएको थियो । कार्यक्रमलाई चलचित्र पत्रकार संघ नेपाल मकवानपुर शाखाले समन्वय र व्यवस्थापन गरेको थियो ।

भेलामा विभिन्न विषयका सेसन सञ्चालन गरिएको थियो । कार्यक्रमको सुरुवातमै संघका पूर्व अध्यक्ष शान्तिप्रियले चलचित्र पत्रकारिताको ईतिहास र वर्तमान अवस्थाबारे कार्यपत्र प्रस्तुत गरिनुका साथै उक्त कार्यपत्रमा पत्रकार एंव नेपाल टेलिभिजनका महाप्रवन्धक फुलमान बलले टिप्पणी गरेका थिए । त्यस्तै बागमती प्रदेशको सञ्चार रजिष्ट्रार रेवती प्रसाद सापकोटाले प्रदेश सरकारले निर्माण गर्दै गरेको चलचित्र विधेयक मस्यौदाबारे कार्यपत्र प्रस्तुत गरिनुका साथै उक्त कार्यपत्रका विषयमा पत्रकार विजयरत्न तुलाधार र सञ्जु राई, निर्माता नरेन्द्र महर्जन र आकाश अधिकारी, चलचित्र विकास बोर्डका अध्यक्ष भूवन केसीले आफ्नो राय सहितको सुझावका राखेका थिए ।

यसैगरी भेलामा पत्रकार ध्रव लम्सालले नेपाली चलचित्र उद्योगको अवस्था (हिजो, आज र भोली) भन्ने विषयमा कार्यपत्र प्रस्तुत गरेका थिए भने उक्त कार्यपत्रमा पत्रकार विदुर गिरीले टिप्पणी गरेका थिए ।  आजको चलचित्र पत्रकारिता र आचारसंहिताको सवालमा प्रेस काउन्सिलका सदस्य ठाकुर वेलबासेले आफ्नो भनाईसँगै टेलिभिजनका महाप्रवन्धक फुलमान बलले आचारसंहिताको कसीमा अबको चलचित्र पत्रकारिता विषयमा आफ्नो कार्यपत्र प्रस्तुत गरी बृहत छलफल गरिएको थियो । यस विषयमा उठेका सवालको जवाफ प्रेस काउन्सिलका अध्यक्ष बालकृष्ण बस्नेतले दिएका थिए ।

यस्तै, विज्ञापन बोर्डका कार्यकारी अध्यक्ष लक्ष्मण हुमागाईले चलचित्र पत्रकारिता, विज्ञापन रहित नीति र अनलाईन बजार व्यवास्थापन विषयमा कार्यपत्र प्रस्तुत गरी बृहत छलफल समेत गरिएको थियो ।

कार्यक्रमको विशेष संवादमा  चलचित्र सेन्सर की ग्रेडिङ? भन्ने विषयमा निर्देशक मनोज पण्डित, निर्देशक दयाराम दाहाल, चलचित्र विकास बोर्डका सदस्य रवि अधिकारी, सेन्सर बोर्डका सदस्य ऋषिराज आचार्यबीच संजोक बत्स्यालले छलफल गराएका थिए । त्यस्तै, मिडिया प्रमोशन र कर्पोरेट लगानीको विषयमा भने निर्माता संघका निवर्तमान अध्यक्ष आकाश अधिकारी, निर्माता रवीन्द्रसिंह बानियाँ, नेपाल टेलिभिजनका महाप्रवन्धक फुलमान बल, निर्देशक निश्चल बस्नेतबीच छलफल गराइएको थियो । उक्त छलफललाई पत्रकार अशोकप्यासी राईले सहजीकरण गरेका थिए । यसैगरी चलचित्र वितरक नरेन्द्र महर्जन, नायिका स्वस्तिमा खड्का, चलचित्र विकास बोर्ड सदस्य राजु केसी, हाइलाईट्स नेपालका प्रवन्धक जनक तामाङलाई पत्रकार सुव्रत आचार्यले सिनेमा बजार (राष्ट्रिय अन्तरराष्ट्रिय र ओटीटी) विषयमा छलफल गराएका थिए ।

कार्यक्रममा विशेष संवाद अन्तरगत सिनेमा र पर्यटन संवादमा सञ्चारकर्मी दिनेश डिसीले  चलचित्र बोर्ड सदस्य भूवन केसी, निर्देशक दयाराम दाहाल, नायिकका केकी अधिकारी र पर्यटन बोर्डका सदस्य सूर्य थपलियालाई सिनेमा र पर्यटन विषयक बृहत छलफल गराइएको थियो । कार्यक्रममा चलचित्र पत्रकारिताको फिचर लेखनका साथै पत्रकारिता केहो ? भन्ने विषयमा प्रशिक्षक अरुण बराल र चिरन्जीवी पौडेलले प्रशिक्षण दिएका थिए ।

हेटौँडामा भएको चार दिने राष्ट्रिय भेलाले १३ बुँदे घोषणा पत्र २०८० जारी गरेको छ ।  उक्त जारी घोषणा पत्रमा यी कुरा उल्लेख गरीएको छ । डब्बु क्षेत्रीको संयोजकत्वको पाँच सदस्यीय टोलीले उक्त घोषणापत्र जारी हो ।

यस्तो छ १३ बुँदे जारी घोषणा पत्र

१. भीमफेदी कुलेखानी सुरुङ मार्ग निर्माण गरी हेटौँडासहित समग्र मकवानपुरलाई फिल्म हवको रुपमा विकास गर्न चलचित्र पत्रकार संघ नेपाल सम्बन्धित सरोकारवाला निकायसँग माग गर्दछ ।
२. केन्द्रीय सरकार, प्रदेश सरकार र स्थानीय सरकारले स्थानीय पर्यटकीय ठाउँको पर्यटन प्रवद्र्धनका लागि सिनेमा पर्यटनलाई जोड दिँदै विभिन्न कार्यक्रमहरु तय गर्न तीनै तहको सरकारसँग यो भेला माग गर्दछ ।
३. हेटौँडाको विभिन्न आसपासका क्षेत्र र मकवनपुरको चित्लाङ, कुलेखानी, दामन, थाहा, मकवानपुरगढीलगायतका ठाउँमा सिनेमा पर्यटनलाई जोड दिई आवश्यक पुर्वाधार निर्माणका लागि प्रदेश र स्थानीय  तहका दुबै सरकारसँग यो भेला माग गर्दछ ।
४. नेपाली सिनेमा बजारको अध्ययन, अनुसन्धान, व्यवस्थापन र विस्तारका लागि विभिन्न कार्यक्रमहरु संचालन गर्न र नेपाली सिनेमा बजारको विस्तारका लागि निरन्तर योगदान गरिरहेका व्यक्ती तथा सस्थाहरुसँग सहकार्य समन्वय गरी प्रोत्साहन र प्रवद्र्धन गर्न यो भेला सम्बन्धित पक्षसँग माग गर्दछ ।
५. विट पत्रकारिताको समस्या सम्बोधन गरी यसको संरक्षण  र प्रवद्र्धनका लागि विशेष योजना बनाउन सम्बन्धित निकायसँग यो भेला माग गर्दछ ।
६. अनलाईन पत्रिका तथा बिट पत्रकारितालाई पनि लोक कल्याणकारी विज्ञापनले समेट्न यो भेला माग गर्दछ ।
७. स्वायत्त चलचित्र उद्योगका लागि समयानुकुल र नेपाली चलचित्रको विकासका लागि प्रभावकारी रुपमा चलचित्र ऐन यथाशक्य संशोधन गर्न यो भेला माग गर्दछ ।
८. नेपाली सिनेमाको माध्यमबाट पर्यटन प्रवद्र्धनका लागि प्रभावकारी कार्यक्रमहरु तय गर्न यो भेला तीनै तहका सरकार र सम्बन्धीत निकायसँग जोडदार माग गर्दछ ।
९. कला, संस्कृति र पहिचानसहितको मौलिक चलचित्र तथा अन्तर्राष्ट्रिय रुपमा प्रतिनिधित्व गर्ने नेपाली चलचित्र वा चलचित्रकर्मी र महोत्सवहरुमा जाने चलचित्र तथा चलचित्रकर्मीलाई प्रोत्साहन तथा प्रवद्र्धन प्रचार प्रसार गर्न यो भेला सम्बन्धीत निकायसँग माग गर्दछ ।
१०. श्रमजीवी पत्रकार ऐनको पूणर् कार्यान्वयनको लागि यो भेला माग गर्दछ ।
११. सरकारले पत्रकार सम्बद्ध संघ संस्थालाई दिइँदै आएको सहुलियत अनुदान रकम निकै न्यून छ । चलचित्र पत्रकार संघ नेपालले सो अनुदान समेत प्राप्त गर्न सकेको छैन । चलचित्र पत्रकार संघ नेपाललाई हरेक आर्थिक वर्षमा सहुलियत अनुदान रकम उपलब्ध गराउन केन्द्रीय, प्रदेश तथा स्थानीय सरकारलाई यो भेला माग गर्दछ ।
१२. हेटौँडाको मकवानपुरगढी, शहिद स्मारक, कुष्माण्ड सरोवर त्रिवेणी धाम, वनस्खण्डी, भुटनदेवी मन्दिर, पाथिभरा, पुष्पलाल पार्क, चिप्लेटी गाउँ, हर्नामाडी मुर्तिपार्क लगायतका ठाउँहरुलाई प्रवद्र्धनका लागि सिनेमामार्फत प्रस्तुत गर्न र त्यसको लागि स्थानीय सरकारले समन्वय र सहुलियतको व्यवस्था गर्न यो भेला माग गर्दछ ।
१३. संघको प्रथम राष्ट्रिय भेला सम्पन्न गर्न सहयोग गर्नुहुने बागमती प्रदेश सरकारको आन्तरिक मामिला तथा कानुन मन्त्रालय र सञ्चार रजिष्ट्रार कार्यालय, बागमती प्रदेश सरकारको संस्कृती तथा पर्यटन मन्त्रालय, चलचित्र विकास बोर्ड, प्रेस काउन्सिल नेपाल, विज्ञापन बोर्ड, नेपाल पर्यटन बोर्ड, नेपाल टेलिभिजन, चलचित्र पत्रकार संघ नेपाल मकवानपुर शाखा लगायत सम्पूणर् संघ संस्था र प्रत्यक्ष अप्रत्यक्ष रुपमा सहयोग गर्नुहुने सबैमा यो भेला हार्दिक धन्यवाद ज्ञापन गर्दछ ।न्युज कारखाना

मुम्बइ, ९ फागुन ।

बलिउडमा बेलाबेलामा नातावादलाई लिएर विवाद हुने गरेको छ । प्रायः  बलिउड सिताराहरु पनि यस विषयमा आफ्नो राय दिइरहेका देखिन्छन् ।

यसै सन्दर्भमा अभिनेता इमरान हाशमीले पनि नातावादको बारेमा खुलेर कुरा गरेका छन् । उनले नातावादको विरुद्धमा बोल्नेहरुका लागि कक्षाको आयोजना गरेको र यो प्रवृत्ति हो भनेर मानिसहरु बहस ल्याइरहेको बताए ।

इन्डियन एक्सप्रेससँग कुरा गर्दै इमरान हाश्मीले भने कि मानिसहरूले ‘नेपोटिज्म’ शब्दलाई यसको सूक्ष्मताहरू पूर्णतया नबुझेर समातेका छन्। उनले भने, ‘मानिसहरूले देखे र चाँडै यो चलन बन्यो। मानिसहरू यसमा उफ्रिए, आफ्नो राय दिए यद्यपि यो सम्भवतः उनीहरूको आफ्नै विचार थिएन। उसले वातावरणमा के थियो देख्यो र त्यसमा आफ्नो राय राख्न थाल्यो।’

फिल्मी पृष्ठभूमिबाट आएका इमरान हाश्मीले आफू फिल्मी पृष्ठभूमिबाट आएको र फिल्मी क्षेत्रमा आउनु आफ्नो सौभाग्य भएको बताए । तर तिनीहरूले यसको लागि माफी माग्न सक्दैनन् किनभने तिनीहरूले यो विरासतमा पाएका छन्। फिल्म अफिसमा बाहिरका मान्छे पस्न साँच्चै गाह्रो भएको उनले स्वीकार भने गरेका छन।

‘अडिसनको कुरा बिर्सनुहोस्,’ इमरानले भने, ‘उनीहरूलाइ सहायक निर्देशकसँग भेटघाट पनि गर्न दिदैनन, यो गाह्रो छ तर असम्भव भने छैन। यो ध्यान दिनु पर्छ कि यसको विरोध गर्नु राम्रो कुरा हो तर एक निश्चित सीमा नाघेको विरोध भनेको बहाना मात्रै बन्न जान्छ ।’

‘टाइगर-३’ का स्टार थप भन्छन्, ‘तपाईंलाई लाग्छ कि तपाईंले केही पाएको छैन किनभने अर्को व्यक्तिले आफ्नो फिल्म जडानको कारण पाएको छ। यो सत्यबाट टाढा छ। त्यसमा अगाडि आएर प्रवेश लिनेहरु पनि छन् । नातावाद कदापि जाने छैन । तपाईंसँग आफ्नै कुलका मानिसहरूलाई बढावा दिन चाहने मानिसहरू नै हुनेछन्। तिनीहरूले एकअर्काको हेरचाह गर्नेछन्, यो हाम्रो डिएनएमा निहित छ। तर यो एक उद्योग हो, जहाँ अरू अरू पनि मिलेर हामी सँगै बस्न सक्छौं।’न्युज कारखाना