खड्क सुनार ,मुगु २१ साउन ।
मुगुको छायाँनाथ रारा नगरपालिका–१० घट्टलेखकी उब्जी सेजुवाल सदरमुकाम गमगढी बजारमा रहेको खाद्य व्यवस्था तथा व्यापार कम्पनी लिमिटेडमा पगिन् । तर, चामल नपाएपछि रित्तो हात घर फकिइन् ।
कर्णालीका हिमाली जिल्लाहरुमा खाद्यान्नको अभाव सुरु भएको छ । साविकका कर्णालीका जिल्लाहरुमा पर्याप्त मात्रामा खाद्यान्न मौज्दात नहँुदा अभाव सुरु भएको हो । मुगुमा भने चामल नहुँदा खाद्य कार्यालयको गोदाम नै बन्द भएको छ ।
कर्णालीका जिल्लाहरुमा पछिल्लो समय बाढीपहिरोको उच्च जोखिममा रहेका छन् भने किसानले लगाएका बालीनालीहरु बाढीपहिरोले बगाएपछि खाद्यान्नको झनै सास्ती भएको छ । एकातिर खाद्यान्न डिपोमा चामल सकिएको छ भने अर्कोतिर चाडबाड नजिकिँदै छ । बहुसंख्यक स्थानीय बजारको महंगो चामल किनेर खान सक्ने अवस्थामा छैनन् । बजारबाट महंगोमा चामल किनेर खान सक्ने अवस्था नरहेको छायाँनाथ रारा नगरपालिका–७ पिनाका आशा साहनीले बताउँछिन् ।
मुगुमा गत आर्थिक वर्षको खाद्यान्न ढुवानी कोटा सकिएको छ । अहिले ६८० क्विन्टल मात्र चामल कार्यालयमा मौज्दात रहेको छ भने डिपो कार्यालय सबै रित्तो भएका छन् । कार्यालयमा खाद्यान्न अभाव सुरु हुने भएपछि कार्यालयले साउन १० गतेसम्म मात्र बिक्री गरेको थियो भने ११ गतेबाटै खाद्यान्न बिक्री वितरणमा बन्द गरेको छ । मौज्दात रहेको े ६८० क्विन्टल चामल विपदको लागि राखिएको खाद्य व्यवस्था तथा व्यापार कम्पनी लिमिटेड शाखा कार्यालय मुगुका कार्यालय प्रमुख पुष्कर भामले बताए ।
कर्णालीका मुगु, हुम्ला, डोल्पामा प्राय चाडबाडको समयमा खाद्यान्न अभाव हुने गरेको छ । डोल्पामा भने अहिले सदरमुकाम दुनै र जुफाल गोदाममा ३ हजार ३०० क्विन्टल मात्र चामल मौज्दात छ । त्यही चामल पनि दुईदेखि तीन महिनासम्म मात्र धान्ने अवस्था रहेको खाद्य व्यवस्था तथा व्यापार कम्पनी लिमिटेड शाखा कार्यालय डोल्पाका कार्यालय प्रमुख विष्णुप्रसाद घिमिरेले जानकारी दिए ।
राष्ट्रिय सडक सञ्जालसँग नजोडिएको हुम्लामा खाद्यान्नको अभाव देखिने अवस्था छ । अहिले हुम्लाका ताजाकोटमा ९००, अदानचुलीमा ८००, सलिसल्ला ३ हजार, सर्केगाडमा १ हजार, चंखेलीमा ६५० र शाखा कार्यालय सिमकोट हुम्लामा १ हजार ६०० क्विन्टल चामल मौज्दात छ ।
हुम्लामा भने जिल्ला खाद्य सुरक्षा समितिको निर्णय नै गरी शुक्रबार मात्र आपतविपदमा परेकालाई प्रमुख जिल्ला अधिकारीको समन्वयमा चामल दिने गरिएको खाद्य व्यवस्था तथा व्यापार कम्पनी लिमिटेड शाखा कार्यालय हुम्लाका प्रमुख कृष्णप्रसाद अधिकारीले जानकारी दिए ।
जुम्लामा १ हजार ५८ क्विन्टल चामल मौज्दात छ । ३ वडा डिपो कार्यालय र १ बिक्री केन्द्र रहेको कालिकोटमा ६४८ क्विन्टल चामल मौज्दात छ । उक्त चामल विपद व्यवस्थापनको लागि मौज्दात राखिएको खाद्य व्यवस्था तथा व्यापार कम्पनी लिमिटेड शाखा कार्यालय कालिकोटका प्रमुख कमल राज पाण्डेले जानकारी दिए ।
कर्णालीमा अहिले १२ हजार ६०० क्विन्टल मात्र चामल मौज्दात छ । अघिल्लो आर्थिक वर्षमा टेण्डर गरिएका कोटाको चामल सकिएको छ । नयाँ टेण्डर अह्वानका लागि प्रक्रिया अगाडि बढेको र निश्चित समयमा कर्मचारी अभाव, मूल्यवृद्धि र खाद्यान्नमा चाप बढेकाले कर्णालीमा खाद्यान्न अभाव हुने गरेको खाद्य व्यवस्था तथा व्यापार कम्पनी लिमिटेड कर्णाली प्रादेशिक कार्यालय सुर्खेतका प्रमुख महादेव मिश्रले बताए ।
इन्दीप कोइराला,बारा, २१ साउन ।
उद्याेग वाणिज्य तथा आपूर्ति मन्त्री रमेश रिजालले बारा र पर्सामा स्थानीय तहले लगाएको करको विरोध गरेका छन् । जीतपुरसिमरा नगर उद्याेग वाणिज्यसँगको छैटाैँ स्थापना दिवस समारोहलाई सम्बोधन गर्दै मन्त्री रिजालले जीतपुरसिमरा उपमहानगरपालिका र वीरगन्ज महानगरपालिकाले लगाएको कवाडी तथा सम्पत्ति करको विरोध गरेका हुन् ।
मन्त्री रिजालले कवाडीको नाममा कच्चापदार्थबाट समेत कर उठाउनु अनधिकृत रहेको बताएका छन् । स्थानीय तहले संकलन गरिरहेको कर अनधिकृत रहेको भन्दै मन्त्री रिजालले उक्त कार्य रोक्न आग्रह गरेका छन् । यस्तो कार्य नरोकिए संघीय सरकारले हस्तक्षेप गर्ने संकेत समेत मन्त्री रिजालले गरेका छन् ।
स्थानीय तहले आयकर र सम्पत्ति कर दुवै कर लिइरहेको भन्दै त्यस्तो गर्न नपाइने बताएका छन् । उनले त्यस किसिमका कर फिर्ता लिन समेत आग्रह गरेका छन् । स्थानीय तहले संकलन गरिरहेको करका विषयमा छलफल गरेर अघि बढ्ने बताए ।
मन्त्री रिजालले बारा र पर्साका उद्याेगबाट हुने प्रदूषण नियन्त्रणका लागि पहल भइरहेको बताए । उनले सिमरास्थित विषेश आर्थिक क्षेत्रमा लगानी आकर्षित गर्नका लागि जग्गाको राजस्व दर कम गर्ने प्रयास भइरहेको समेत बताए ।
कार्यक्रममा उद्याेग वाणिज्य संघका केन्द्रीय सदस्य डा. सुबोध गुप्ता, मधेस प्रदेशका अध्यक्ष अशोक टेमानी, बाराका प्रमुख जिल्ला अधिकारी नवराज सापकोटा, उद्याेग वाणिज्यसँग वीरगन्जका अध्यक्ष अनिल अग्रवाल, वरिष्ठ उपाध्यक्ष हरि गौतम, नेपाल भारत सहयोग मन्चका केन्द्रीय अध्यक्ष अशोक वैध, सुरक्षा निकायका प्रमुख, राजनीतिक दलका प्रतिनिधिलगायतको उपस्थिति रहेको थियो ।
संघले यस क्षेत्रबाट संघ, प्रदेश र स्थानीय तहमा निर्वाचित जनप्रतिनिधि, राजनीतिक दलका प्रतिनिधि, उद्याेगी, व्यवसायीलाई सल्लाहकारको रुपमा मनोनीत गरेको छ ।
संघका अध्यक्ष मोहन शर्मा लामिछानेको अध्यक्षतामा सम्पन्न कार्यक्रमको सहजीकरण महासचिव प्रकाश गिरीले गरेका थिए ।
इन्दीप कोइराला,बारा, २१ साउन ।
समयमै पर्याप्त पानी नपरेकाले बारामा हालसम्म ८० प्रतिशत क्षेत्रमा मात्र रोपाइँ भएको छ । बारा कृषि ज्ञान केन्द्रका प्रमुख जीतेन्द्रप्रसाद यादवका अनुसार यो वर्ष जिल्लामा वर्षे भदैया, अगहनी गरी कूल ४६ हजार २० हेक्टर जमिनमा धान रोपाइँ गर्ने लक्ष्य लिएकोमा खडेरीले लक्ष्यअनुसार रोपाइँ गर्न नभ्याइएको बताए ।
वर्षा नभएपछि किसानले भूमिगत सिँचाइ, गण्डक नहर, दमकल र पैनीको पानी प्रयोग गरेर रोपाइँ गर्दैआएको र यही साउन मसान्तसम्म शतप्रतिशत धान रोपाइँ हुने सम्भावना रहेको उनले बताए ।
कृषि ज्ञान केन्द्रका बाली संरक्षण अधिकृत राजनाराणप्रसाद साहले यस वर्ष भदैया धान ११ हजार ९०५ हेक्टर र अगहनी धान ३४ हजार हेक्टर जमिनमा गरी कूल ४६ हजार २० हेक्टर जमिनमा वर्षे धान रोपाई हुनुपर्नेमा जिल्लाको निजगढ लगायत उत्तरी क्षेत्रमा रोपाइँ सम्पन्न भइसकेको छ भने दक्षिणी क्षेत्रमा केही मात्रामा धान रोपाइँ हुन बाँकी रहेको भएको बताए ।
आर्थिक वर्ष २०७९/०८० मा भदैया ११ हजार ९०५ हेक्टर, अगहनी ३४ हजार ११२ हेक्टरसमेत गरी ४६ हजार २० हेक्टर जमिनमा वर्षे धानखेती गरिएको थियो ।
विशाल बस्नेत,२० साउन, महोत्तरी ।
महोत्तरीमा आँखा पाक्ने रोग फैलिएको छ । जिल्लाभर २० हजार भन्दा बढी यो रोगवाट प्रभावित भएको जिल्ला स्वास्थ्य कार्यालयले जनाएको छ ।
सुरुमा एउटा वा दुवै आँखा सुन्निने र चिलाउन सुरु हुने यो रोग विशेषगरी विद्यालयमा अध्ययनरत विध्यार्थीहरुको बढी देखिएको स्वास्थ्यकर्मीहरुले बताएका छन । उनका अनुसार आँखा रातो हुने, कचेरा लाग्ने, टासिने, आँशु बगिरहने र घाम वा उज्यालोमा हेर्न अफ्ठ्यारो हुने यो रोगको लक्षण भएको चिकित्सकहरुको भनाइ छ ।
यो रोगको प्रकोप तिव्ररुपमा फैलिए पछी निको नहुन्जेल रोग लागेका विद्यार्थीहरुलाइ घरमा राख्न अभिभावकहरुलाइ अनुरोध गरेको एभरेस्ट बोर्डिङ्ग बर्दिबासका संचालक अरुण कार्कीले जानकारी दिए । साे रोग फैलने क्रम तिव्र भएको छ । जिल्लाको दक्षिणी क्षेत्रमा अझ यो रोग फैलने क्रममा रहेको चिकित्सकहरुले वताएका छन ।
अहिले जिल्लाका किल्निक र अस्पतालहरु आँखा उपचार गराउन आउनेले भरिने गरेको छ । बर्दिबास सरकारी अस्पतालमा मात्र यो रोग उपचार गराउनेको संख्या दोब्बरले बृदी भएको अस्पतालले जनाएको छ ।
यस रोगवाट बच्न के गर्न सकिन्छ ?
यो रोग प्रकोपको रुपमा भयावह भएर फैलिएता पनी सामान्य भएको चिकित्सकहरुले सल्लाह दिएका छन ।
उनीहरुको अनुसार सामान्य बिषयहरुमा ध्यान दिएता पनी रोग निको हुन सक्दछ । जथाभावी रुपमा आँखा नछुने, आँखा छुनु भन्दा पहिले राम्ररी साबुन पानीले हात सफा गर्ने, सफा पानीले आँखा सफा गर्ने संक्रमितहरुले प्रयोग गरेका तौलिया, रुमाल प्रयोग नगर्ने, व्यक्तिगत सरसफाइमा ध्यान दिने जस्ता उनिहरुको सुझाव रहेको छ ।
रोग लागि हालेमा पनि नडराउन चिकित्सकहरुले सचेत गराएका छन । राेग लागि हालेमा पटक पटक सफा चिसो पानीले आँखा सफा गर्ने, आँखा छोइ सकेपछी हरेक पटक साबुन पानीले हात सफा गर्ने, आफूले प्रयोग गर्ने रुमाल, तौलिया, कपडा छुट्टाछुट्टै राख्ने र अरुलाई प्रयोग गर्न वा छुन नदिने, कालो चस्माको प्रयोग गर्ने, आफुले प्रयोग गरेको सिरानीको खोल, तन्ना हरेक दिन सफा गर्ने, जथाभावी रुपमा आँखामा औषधिको प्रयोग नगर्ने कुराहरुमा उनिहरुले सचेत गराएका छन । न्युज कारखाना
विशाल बस्नेत,महोत्तरी, २० साउन ।
एकीकृत समाजवादी पाटीका सर्लाहीबाट झण्डै १५० जना भन्दा बढी नेकपा एमाले फर्किएका छन् ।
प्रदेशसभाका पूर्वसंसद डिल्ली उप्रेतीसहित ठूलो संख्यामा एमाले फर्किएका एमाले मधेश प्रदेशका प्रचारप्रसार विभाग प्रमुख सोमप्रसाद शर्माले जानकारी दिए।
नेकपा एसका केन्द्रीय सदस्यसमेत रहेका डिल्ली उप्रेतीले व्यक्तिगत इगोलाइ लिएर विभाजित हुँदा गलत विषयले पश्रय पाएको र एसमा समेत गलत पवृत्ति बढेकाले आफ्नै घर फर्किएको बताए।
नेकपा एमाले सर्लाहीले आयोजना गरेको पुनर्मिलन कार्यक्रममा जिल्लास्तरिय नेतासमेत फर्किएका छन् । नेकपा एसवाट ११३ जना र वाकि माओवादी केन्द्र, काङ्ग्रेसबाट प्रवेश गरेका नेकपा एमालेले जनाएको छ।
सचिव योगेश भट्टराईले एमाले फर्किएका उक्त नेकपा एस, माओवादी र काङ्ग्रेसका नेता, कार्यकर्ताहरुलाइ स्वागत गर्दै कम्युनिष्ट आन्दोलन अभियानमा जोडिएकोमा खुसी ब्यक्त गरे।
देशैभरीबाट एमालेमा जोडिनेको संख्या ह्वात्तै बढेको वताउदै आज नै सिन्धुपाल्चोकवाट पनि १४७ जना भन्दा बढी नेताहरु फर्किएका सचिव भट्टराईले बताए। न्युज कारखाना
कृष्ण तिवारी,रौतहट, २० साउन
बारा जिल्लाको निजगढ नगरपालिका वड़ा नम्बर ८ निवासी महेश्वर अधिकारीलाइ पक्राउ गर्न जिल्ला प्रहरी कार्यालय रौतहटले पक्राउ पुर्जी जारी गरेको छ ।
सामाजिक संजाल फेशबुकको मैसेंजर र वाटसअपको प्रयोग गर्दै अश्लील तस्वीर र धमकियुक्त मैसेज पठाएपछि महिलाले दिएको साइबर अपराधको उजुरीको आधारमा अनुसन्धानको लागि प्रहरीले पक्राउ पुर्जी जारी गरेको हो ।
सामाजिक संजाल फेशबुकमा आफ्नो नामको आईडीबाट फरक नेपाल ऑनलाइन न्यूज पोर्टलका संचालक समेत रहेका अधिकारीले उक्त महिलालाइ यौन दुर्व्यवहार गर्ने उदेश्यले आफ्नो अश्लील तस्वीर र अश्लील धमकीपूर्ण प्रयोग गारी मैसेज पठाएपछि महिलाले क़ानूनी कार्यवाहिको लागि जिल्ला प्रहरी कार्यालय रौतहटमाँ बिधुतीय अपराधको मुद्दा दर्ता गराएको छ । मुद्दा दर्ता गराएको जानकारी पाएपछि अधिकारीले पीड़ित महिलालाइ फोन मार्फत फिर्ता नलिए बच्चालाइ अपहरण तथा सूटर बोलाएर हत्या गराउने धमकी दिदै आएको दावी पीड़ितको रहेको छ १
रौतहटको चन्द्रपुर नगरपालिका स्थित महिलाको घरमा प्रबेश गरेर १० महीनाको छोरालाइ समातेर फोटो खोचेर मैसेन्जरमा पठाउदै यस्तो धमकी दिएको हो १ घरमा नभएको अवस्थामा प्रबेश गरी बच्चालाइ आफ्नो काखमा राखेर फोटो खीचेका अधिकारीले सामाजिक संजालको प्रयोग गर्दै आफ्नो आईडीबाट फोटो पठाएको महिलाले जानकारी दिएकी छीन ।
घरको भिडिओ बनाएर घरमै सुसाइड गर्ने तथा बच्चालाइ कुनै पनि बेला कब्ज़ा गर्ने संकेत दिएको पीड़ित महिला बताएकी छीन ।
सामाजिक संजाल मैसेन्जर ,वाटस अप प्रयोग गर्दै नेपाल पत्रकार महासंघ प्रदेश समिति मधेश प्रदेशका सदस्य समेत रहेका अधिकारीले अश्लील तस्वीर तथा शव्द पठाएकोमा त्यस माथि साइबर अपराधको मुद्दा दर्ताको लागि जिल्ला प्रहरी कार्यालयमा जाहेरी दरखास्त दिए पछि यस्तो धमकी दिन लागेको उहाले बताए ।
घरमा कुनै लोग्ने मानिस नभएको मौका छोपेर अधिकारीले पटक पटक हत्या तथा अपहरण गराउने धमकी दिदै आएको र प्रहरीलाइ खबर गर्दा पनि प्रहरीले कुनै वास्ता नगरेको पीड़ितको भनाइ रहेको छ । आफु सुरक्षा थ्रेटको सामना गरिरहेको बताउँदै मेरो छोरा छोरी समेतको खतरा रहेकोले सुरक्षाको प्रत्याभूति गराउन स्थानीय प्रहरी प्रशासन संग आग्रह समेत गरेको छ ।
उहाले पटक पटक म संग रकम लिएको र सो रकम मांग गर्दा नदिने र बढ़ी हल्ला खल्ला गरे चरित्र हत्या गर्ने कार्य गरेको उल्लेख गर्दै यस्ता कार्य गर्नेलाइ क़ानूनी दायरामाँ ल्याउन मांग समेत गरे ।
पीड़ित महिलाले विधुतीय अपराध अंतर्गत दिएको जाहेरी प्रक्रियामा अगाडी बढ़ी सकेको र छिटै आरोपित पक्राउ पर्ने जिल्ला प्रहरी कार्यालय रौतहटका प्रहरी उपरीक्षक बीर बहादुर बूढ़ा मगरले बताएका छन ।
रौतहटका प्रहरी आफ्नो मुठ्ठीमा रहेकोले लिएको रकम कुनै पनि हालतमाँ फिर्ता नगर्ने , झूठो अफवाह फैलाएर आत्महत्या सम्म गर्ने बातावरण सृजना गरी दिने शव्द अधिकारीले प्रयोग गर्दै पीड़ित महिलालाइ धम्क्याउने गरेको पाइएको छ । पत्रकार भएकोले प्रहरीले कुनै कार्यवाही गर्न नसकिने भनाइ अधिकारीको रहेको छ १ बिधुतीय अपराध कसूर येनमा कुनै पनि महिलालाइ चरित्र हत्या ,ब्लैकमेलिंग गर्ने उदेश्यले मैसेज , तस्वीर पठाएमा बिधुतीय अपराध हुने भनी क़ानूनी व्यवस्था रहेकोमाँ अधिकारीले जानी जानी कसूर गरेको हुदा क़ानूनी कार्यवाही हुने अवस्था रहेको कानून व्यवसायी रतीश झाले बताएका छन ।
सामाजिक संजालको दुरूपयोग गर्दै अधिकारीले महिलाहरुलाइ हनीट्रैपमा पार्ने कार्य गर्दै आएको बुझिएको छ । शुरूमा हाई हेलो गर्ने त्यपछि आफ्नो तस्वीर पठाउने र पछि महिलालाई सिंगल सेल्फी बाला तस्वीर मांगने गरेको बुझिएको छ १ एक जना महिलाले अधिकारीले आफ्नो फोटो मैसेंजरको माध्यमबाट पठाएको समेत बताएकी छीन । मोबाइल नंबर समेत पठाएका अधिकारीले समाचार पक्षमा लेखेर सहयोग गर्ने आश्वासन दिएको महिलाले बताए ।मुद्दा फिर्ता नलिएर हत्या र अपहरण गर्ने धमकी दिने अधिकारीको नाउमा पक्राउ पुर्जी
कृष्ण तिवारी,रौतहट, २० साउन
बारा जिल्लाको निजगढ नगरपालिका वड़ा नम्बर ८ निवासी महेश्वर अधिकारीलाइ पक्राउ गर्न जिल्ला प्रहरी कार्यालय रौतहटले पक्राउ पुर्जी जारी गरेको छ ।
सामाजिक संजाल फेशबुकको मैसेंजर र वाटसअपको प्रयोग गर्दै अश्लील तस्वीर र धमकियुक्त मैसेज पठाएपछि महिलाले दिएको साइबर अपराधको उजुरीको आधारमा अनुसन्धानको लागि प्रहरीले पक्राउ पुर्जी जारी गरेको हो ।
सामाजिक संजाल फेशबुकमा आफ्नो नामको आईडीबाट फरक नेपाल ऑनलाइन न्यूज पोर्टलका संचालक समेत रहेका अधिकारीले उक्त महिलालाइ यौन दुर्व्यवहार गर्ने उदेश्यले आफ्नो अश्लील तस्वीर र अश्लील धमकीपूर्ण प्रयोग गारी मैसेज पठाएपछि महिलाले क़ानूनी कार्यवाहिको लागि जिल्ला प्रहरी कार्यालय रौतहटमाँ बिधुतीय अपराधको मुद्दा दर्ता गराएको छ । मुद्दा दर्ता गराएको जानकारी पाएपछि अधिकारीले पीड़ित महिलालाइ फोन मार्फत फिर्ता नलिए बच्चालाइ अपहरण तथा सूटर बोलाएर हत्या गराउने धमकी दिदै आएको दावी पीड़ितको रहेको छ १
रौतहटको चन्द्रपुर नगरपालिका स्थित महिलाको घरमा प्रबेश गरेर १० महीनाको छोरालाइ समातेर फोटो खोचेर मैसेन्जरमा पठाउदै यस्तो धमकी दिएको हो १ घरमा नभएको अवस्थामा प्रबेश गरी बच्चालाइ आफ्नो काखमा राखेर फोटो खीचेका अधिकारीले सामाजिक संजालको प्रयोग गर्दै आफ्नो आईडीबाट फोटो पठाएको महिलाले जानकारी दिएकी छीन ।
घरको भिडिओ बनाएर घरमै सुसाइड गर्ने तथा बच्चालाइ कुनै पनि बेला कब्ज़ा गर्ने संकेत दिएको पीड़ित महिला बताएकी छीन ।
सामाजिक संजाल मैसेन्जर ,वाटस अप प्रयोग गर्दै नेपाल पत्रकार महासंघ प्रदेश समिति मधेश प्रदेशका सदस्य समेत रहेका अधिकारीले अश्लील तस्वीर तथा शव्द पठाएकोमा त्यस माथि साइबर अपराधको मुद्दा दर्ताको लागि जिल्ला प्रहरी कार्यालयमा जाहेरी दरखास्त दिए पछि यस्तो धमकी दिन लागेको उहाले बताए ।
घरमा कुनै लोग्ने मानिस नभएको मौका छोपेर अधिकारीले पटक पटक हत्या तथा अपहरण गराउने धमकी दिदै आएको र प्रहरीलाइ खबर गर्दा पनि प्रहरीले कुनै वास्ता नगरेको पीड़ितको भनाइ रहेको छ । आफु सुरक्षा थ्रेटको सामना गरिरहेको बताउँदै मेरो छोरा छोरी समेतको खतरा रहेकोले सुरक्षाको प्रत्याभूति गराउन स्थानीय प्रहरी प्रशासन संग आग्रह समेत गरेको छ ।
उहाले पटक पटक म संग रकम लिएको र सो रकम मांग गर्दा नदिने र बढ़ी हल्ला खल्ला गरे चरित्र हत्या गर्ने कार्य गरेको उल्लेख गर्दै यस्ता कार्य गर्नेलाइ क़ानूनी दायरामाँ ल्याउन मांग समेत गरे ।
पीड़ित महिलाले विधुतीय अपराध अंतर्गत दिएको जाहेरी प्रक्रियामा अगाडी बढ़ी सकेको र छिटै आरोपित पक्राउ पर्ने जिल्ला प्रहरी कार्यालय रौतहटका प्रहरी उपरीक्षक बीर बहादुर बूढ़ा मगरले बताएका छन ।
रौतहटका प्रहरी आफ्नो मुठ्ठीमा रहेकोले लिएको रकम कुनै पनि हालतमाँ फिर्ता नगर्ने , झूठो अफवाह फैलाएर आत्महत्या सम्म गर्ने बातावरण सृजना गरी दिने शव्द अधिकारीले प्रयोग गर्दै पीड़ित महिलालाइ धम्क्याउने गरेको पाइएको छ । पत्रकार भएकोले प्रहरीले कुनै कार्यवाही गर्न नसकिने भनाइ अधिकारीको रहेको छ १ बिधुतीय अपराध कसूर येनमा कुनै पनि महिलालाइ चरित्र हत्या ,ब्लैकमेलिंग गर्ने उदेश्यले मैसेज , तस्वीर पठाएमा बिधुतीय अपराध हुने भनी क़ानूनी व्यवस्था रहेकोमाँ अधिकारीले जानी जानी कसूर गरेको हुदा क़ानूनी कार्यवाही हुने अवस्था रहेको कानून व्यवसायी रतीश झाले बताएका छन ।
सामाजिक संजालको दुरूपयोग गर्दै अधिकारीले महिलाहरुलाइ हनीट्रैपमा पार्ने कार्य गर्दै आएको बुझिएको छ । शुरूमा हाई हेलो गर्ने त्यपछि आफ्नो तस्वीर पठाउने र पछि महिलालाई सिंगल सेल्फी बाला तस्वीर मांगने गरेको बुझिएको छ १ एक जना महिलाले अधिकारीले आफ्नो फोटो मैसेंजरको माध्यमबाट पठाएको समेत बताएकी छीन । मोबाइल नंबर समेत पठाएका अधिकारीले समाचार पक्षमा लेखेर सहयोग गर्ने आश्वासन दिएको महिलाले बताए ।
आरके श्रीवास्तव,रौतहट,साउन २० गते
नेपाल अडिटर्स एशोसिएसन (अडान) रौतहटले स्थापना कालको १८ औं बर्ष मनाएको छ । अडानले विविध कार्यक्रम गरी आफ्नो स्थापना दिवस मनाएको हो । जिल्लाको गुजरा नगरपालिका स्थित सिमरा भवानीपुरमा स्थापना दिवसको अवसरमा गोष्ठी तथा अन्तरक्रिया कार्यक्रम गरेको छ ।
अडान रौतहटको १८ औं बार्षिक उत्सव कार्यक्रममा गुजरा नगरपालिकाका नगरप्रमुख सन्तलाल चौधरीले पानसमा दिप प्रज्ज्वलन गरी उद्घाटन गर्नु भएको थियो ।
निकैनै भव्य तरिकाले सम्पन्न भएको उक्त कार्यक्रममा विभिन्न संघ संस्थाका प्रतिनिधी,शिक्षक,व्यवसायीहरुको सहभागिता रहेको थियो । कार्यक्रम गुजरा नगरपालिकाको सभाहलमा सम्पन्न भएको थियो ।
कार्यक्रममा बोल्दै अडान रौतहटका अध्यक्ष लक्षमण चौधरीले आफुहरु सधैंनै ब्यवसायिक हक हितका लागि परेको बताएका थिए । अडानसंग सम्भावना र चुनौती दुवै भएको बताउंदै उनले अडान निकै नै प्रगति गरेको र आउँदा दिनहरुमा धेरै संस्थाहरुसँग सहकार्य गरी बढने बताए ।
कार्यक्रममा बोल्दै प्रमुख अतिथी समेत रहनु भएका गुजराका मेयर चौधरीले अडानलाइ १८ औं स्थापना कालको अवसरमा बधाई तथा शुभकामना दिएका थिए । अडानले आफ्नो स्थापना दिवसको अवसरमा हरेक बर्ष यस्तै कायक्रम गर्दै आएको छ ।
गुजरा नगरपालिकाका कर्मचारी जित बहादुर चौधरीले सञ्चालन गर्नु भएको कार्याक्रममा अडान रौतहटका उपाध्यक्ष दुर्गा प्रसाद यादवले स्वागत मन्तव्य राख्नु भएको थियो । सो अवसरमा गुजरा नगरपालिकाकी उपमेयर रत्ना लामा,विभिन्न वडाका वडा अध्ययक्ष तथा उल्लेखनिय रुपमा लेखापरीक्षकहरुको उपस्थिति रहेको थियो ।
आरके श्रीवास्तव,रौतहट,साउन २० गते ।
स्थानिय सरकार आफूलाइ स्थापित गर्नमा सफल भएको राजपुर नगरपालिकाका नगरप्रमुख मो.डा.राजिक आलमले बताउनु भएको छ । श्री मावि बैरियाको बिधालय नव निर्मित भवनको समुद्धघाटन गर्ने क्रमममा वहाँले यस्तो बताउनु भएको हो । देशमा संघ,प्रदेश र स्थानिय गरी तीन तहको सरकार छ । कुरा सब सरकारको आउँछ,तपाइहरुले देख्न सक्नु हुन्छ एक स्थानिय सरकारले कति काम चलिरहेको छ ।
प्रदेश सरकारले त्यती काम गरेको देखिदैन् । एउटा पालिकाले टेण्डर गरेर करोडौंको विकास निर्माण गरिरहेको छ । तर प्रदेश सरकारको कुनै ठूलो योजना देखिएको छैन् । अहिले प्रदेश सरकारको अहिले अवस्था पुरानो जिविस जस्तो भएको आरोप लगाउनु भयो । सानो सानो विकास निर्माण गर्छ,१० लाखको ढलान गर्छ त कतै गेट बनाउँछ ।
प्रदेश सरकार सँग कुनै भिजन र उदेश्य नरहेको बताउनु भयो । स्थानिय तहको सरकारको २०७२ सालको संविधानमा जुन परिकल्पना गरिएको थियो । स्थानिय सरकार आफूलाइ स्थापित गर्नमा सफल भएको बताउनु भयो । स्थानिय सरकार जति मजबुत भयो त्यती नै हरघरमा सिंह दरबार आएको महसुस हुनेमा ठोकुवा गर्नु भयो ।
राजपुर नगरपालिका विकास निर्माणको क्रममा बिधालय भवनको निर्माण हुनु १२ कक्षा सञ्चालनको लागि सहज हुनु रहेको बताउनु भयो । सामुदायिक बिधालयको शिक्षाको अवस्था सुधार गर्न आफूले बिधार्थीसँग मेयर कार्यक्रम सञ्चालमा पनि ल्याएको जानकारी गराउनु भयो । यसलाइ निरन्तरता दिने प्रतिबद्धता जनाउनु भयो ।
साथै उनले एसइइमा राम्रो अंक ल्याउने बिधार्थीहरुको प्रोत्साहन गर्नको लागि छात्रवृतिको व्यवस्थापन गर्ने जानकारी गराउनु भयो । नगरपालिकामा टेक्निकल इन्सटीच्यूटको स्थापना गर्ने प्रतिबद्धता जनाउनु भयो । यस वर्ष कृषि क्षेत्रलाइ विशेष प्राथमितामा राखेर काम गर्ने बताउनु भयो । कृषि क्षेत्रमा बिगत वर्षमा केही काम मात्रै भएको बताउँदै यसपाली मूल उदेश्य सिंचाइको व्यवस्थापन गर्ने रहेको बताउनु भयो । कृषि पोलतार विस्तार गर्ने वहाँको प्रतिबद्धता रहेको थियो ।
बारा, २० साउन ।
पूर्वपश्चिम राजमार्ग अन्तर्गत निजगढ पूर्वको धन्सार पुल नजिकबाट बेवारिसे अवस्थामा फेला परेकी भारतीय महिला छोटीकुमारी र शिुशुलाई आफन्तको जिम्मा लगाइएको छ ।
जिल्ला प्रहरी कार्यालय कलैयाले भारतीय महिला छोटीकुमारी र उनको सवा २ महिनाको छोरालाई माइतितर्फबाट आएकी दिदी रितु देवीसहित आफन्तको जिम्मा लगाएर पठाएको हो ।
महिला र शिशुलाई भारतको मोतिहारी पिपरागाउँ स्थित माइतिघरमा पठाइएको जिल्ला प्रहरी कार्यालयका बालबालिका तथा महिला सेलका प्रहरी सहायक निरीक्षक सन्जय यादबले जानकारी दिए । उनका अनुसार श्रीमती र शिशुलाई बेवारिसे अवस्थामा निजगढको जंगलमा ल्याएर छोडने पती गुड्डु सिंहमाथि कानुनी कारबाहीको लागि जिल्ला प्रहरी कार्यालयको तर्फबाट मोतिहारीको हारना थानाको प्रहरी कार्यालयमा पत्राचार गरेको पनि जनकारी दिए ।
प्रहरीका अनुसार गुड्डुले छोटीकुमारीलाई डेढ वर्षअघि भगाएर दोस्रो बिबाह गरेका थिए । त्यसपछि दुबै जना भारतको जयपुरमा बस्दै आएकोमा बच्चा जन्मिएपछि गुड्डुले मोतिहारी घरमा लैजान्छु भनेर आमा र शिशु दुबैलाई नेपालमा ल्याएर बेहोस पारेर जंगलमा छोडेको पाइएको प्रहरी सहायक निरीक्षक यादवले जानकारी दिए ।
गत मंगलवार निजगढ पूर्वको धन्सार पुल नजिक सडक किनारामा बेवारिसे अवस्थामा शिशु फेला पारेको निजगढ प्रहरीले भोलिपल्ट आमालाई पनि बेवारिसे अवस्थामा नै फेला पारेपछि दुबैलाई जिल्ला प्रहरी कार्यालयमा बुझाएको र उनीहरुलाई प्रादेशिक अस्पताल कलैयामा चिकित्सकको निगरानीमा राखिएको थियो ।
