इन्दीप कोइराला,बारा, २६ साउन ।
बाबुको हत्या गरेको आरोपमा छोरा पक्राउ परेका छन्। बाराको जितपुरसिमरा उपमाहनगरपालिका-१६, टांगिया वस्तीमा घरायासी विवाद हुँदा छोराले बाबुको हत्या गरेको आरोप सम्बन्धमा छानबिन गर्न प्रहरीले ६० वर्षीय छोरालाई पक्राउ गरेको हो।
शुक्रबार दिउँसो करिब १२ः४५ बजेतिर छोराले रिसको आबेगमा ९० वर्षीय माइत सिंह घलानको हत्या भएको इलाका प्रहरी कार्यालय निजगढका प्रमुख तथा प्रहरी निरीक्षक घनश्याम श्रेष्ठले जानकारी दिए।
घटना लगत्तै स्थानीय बासिन्दाले खबर गरेपछि घटनाको इलाका प्रहरी कार्यालय निजगढका प्रहरी टोलीले अनुसन्धान थालेको छ। घटनामा संलग्न ६० वर्षीय छोरा दिलबहादुर घलानलाई नियन्त्रणमा लिएर अनुसन्धान सुरु गरेको प्रहरी निरीक्षक श्रेष्ठको भनाइ छ। न्युज कारखाना
आरके श्रीवास्तव,रौतहट,साउन २६ गते ।
रौतहट । जिल्लाको मौलापुर नगरपालिकामा रहेको नेपाल बिधुत प्रधिकरण मौलापुर वितरण केन्द्रमा अहिले १६ एमभिएको ट्रान्सफर्मर सफलतापूर्वक जडान भएको छ । पछिल्लो केही दिनदेखि मौलापुर वितरण केन्द्र आसपासका क्षेत्रमा अनियमति रुपमा बिद्युत कटौती हुन थालेपछि स्थानीयहरु आक्रोशित बनेका थिए । केहीदिनयता बढेको अत्याधिक गर्मी र अनियमित विद्युत कटौतिका कारण स्थानीय आर्जित बनेका थिए ।
तर अब सो समस्या समाधान हुने भएको छ । यस अघि वितरण केन्द्रमा रहेको ८ एमभिएको ट्रान्सफर्मर बदलेर १६ एमभिएको ट्रान्सफर्मर जडान भएको मौलापुर वितरण केन्द्रका प्रमुख दिनेश राय यादवले जानकारी गराउनु भयो । उक्त ट्रन्सफर्मर जडान भएपछि फल्ट बाहेक बक्ती नजाने बताए । झयाप झयाप बक्ति जाने समस्या समाधान हुने उनले जानकारी समेत गराए ।
८ एमभिएको ट्रन्सफर्मर हुँदा ओभरलोड भइ लाइ ट्रिप हुने समस्या थियो । अब उपरान्त उक्त समस्या हटने भएको छ । वितरण केन्द्रमा बारम्बार उक्त समस्या उत्पन्न भएपछि नेपाल बिधुत प्राधिकरण केन्द्रिय कार्यालयले १६ एमभिएको नयाँ ट्रान्सफर्मर उपलब्ध गराएको प्रमुख यादवले बताएका छन् । अब उपरान्त वितरण केन्द्र अन्तर्गतका २५ हजार भन्दा बढी रहेका उपभोक्ताले राहत पाउने भएका छन् ।
मौलापुर वितरण केन्द्र अन्तर्गत हुकिङ्ग धेरै छ । विधुत चुहावट अत्यधिक मात्रामा छ । जबकी यस केन्द्र अन्तर्गतका पालिकाहरुले कृषि मिटर निःशुल्क गरेका छन् । भने बिधुत महसुलमा पनि सहुलियत दिदै आएको छ । तर पनि बिधुत चुहावट रुकन सकेको छैन् । साथै बिधुत महसुल पनि वसुली हुन सकेको छैन् । महसुल संकल्न नहुँदा शाखा चलाउन मुश्किल भइरहेको कार्यालय प्रमुख यादवले बताए ।
रौतहट,साउन २६ गते ।
रौतहटको सबभन्दा ठुलो व्यापारिक केन्द्रको रुपमा रहेको गरुडा नगर उद्योग वाणिज्य संघको नयाँ नेतृत्व चएनका लागि आउँदो भदौ १५ गते निर्वाचन हुने भएको छ ।
संघको विधानअनुसार तिन तिन वर्षमा संघको निर्वाचन गर्नुपर्ने प्रावधान छ तर विभिन्न कारणले विगत पाँच वर्षदेखी हुन नसकेको नगर उद्योग वाणिज्य संघ गरुडाको निर्वाचन भदौ १५ गते हुन लागेको छ ।
संघको निर्वाचनको मिति तोकिएपछि अहिले अध्यक्ष सहित विभिन्न पदमा चुनाव लड्न चाहने इच्छुक व्यक्तिहरुले धमाधम आ–आफना उम्मेदवारी घोष्णा गर्न थालेका छन् ।
अध्यक्ष पदका आकांक्षीहरुले आ–आफना उम्मेदवारी घोष्णा गर्दै अहिले देखी नै आफना पक्षमा माहौल बनाउन अर्थात आफना पक्षमा मतदातालाई पार्न व्यस्त भएका छन् ।
सन्तोष कोल्ड स्टोर्स गरुडाका सञ्चालक समेत रहेका गरुडाका व्यापारी सन्तोष कुमार चौधरीले गरुडा नगर उद्योग वाणिज्य संघको अध्यक्ष पदमा चुनाव लड्ने घोष्णा गरेका छन् ।
अध्यक्ष पदमा चुनाव लड्ने घोष्णा गरेका चौधरी ग्यास बिक्रेता महासंघ मधेश प्रदेशका उपाध्यक्ष, रौतहट ग्यास बिक्रेता संघका महासचिव एवं नगर उधोग वाणिज्य संघ गरुडाका सदस्य समेत रहेका छन् ।
सम्पूर्ण उद्योगी, व्यापारीको साथ, सहयोग र समर्थनमा आफु अध्यक्ष पदमा चुनाव लड्न लागेको चौधरीले बताएका छन् ।
गरुडा नगर क्षेत्र भित्रका अधिकांश उद्योगी एंव व्यापारीहरुले यस पटक अध्यक्ष पदमा आफुलाई नै सार्न खोजेकोले सम्पुर्ण व्यवसायीहरुको इच्छा, चाहना, आपार साथ, सहयोग, समर्थन, सुझाव र सल्लाहको आधारमा आफु चुनाव लड्न लागेकोले आफनो जित कसैले रोक्न नसक्ने चौधरीले दावी गरे ।
आफु चुनाव जितेपछि सर्वप्रथम संघको हाल रहेको एकतल्ले भवनलाई दुई तल्ले बनाउने, मुख्य सडकबाट संघको कार्यालयसम्म जाने करिव २ सय मिटर कच्ची सडकलाई पक्की बनाउने, हालसम्म केन्द्र र प्रदेशको उद्योग वाणिज्य महासंघमा दर्ता नरहेको नगर उद्योग वाणिज्य संघ गरुडालाई केन्द्र र प्रदेशमा दर्ता गराउने आफनो प्रमुख एजेण्डा एवं चाहना रहेको चौधरीले बताए ।
त्यस्तै गरुडाबाट घरेलु तथा साना उद्योग कार्यालय गौर २२ किलोमिटर टाढा रहेकोले उद्योग सम्बन्धी कामका लागि व्यवसायीहरु लाई समस्या हुँदै आएको अवस्थालाई मध्य नजर गर्दै व्यवसायीहरुको सहजताका लागि घरेलु तथा साना उद्योग कार्यालयको सेवा केन्द्र गरुडामै स्थापना गराउन पहलकदमी लिने र करदाता सेवा कार्यालय समेत गरुडाबाट धेरै टाढा चन्द्रनिगाहपुरमा रहेकोले त्याँहा गएर काम गराउन व्यापारीहरु अनावश्यक दुख भोग्दै आएको हुँदा उनिहरुको सहजताका लागि करदाता सेवा कार्यालयको काउण्टर गरुडामै खोल्नका लागि सक्दो प्रयास गर्ने उनले बताए ।
व्यापारीहरुको सबैखाले सुख दुखमा आफु साथ दिन तयार रहेको बताउँदै चौधरीले अध्यक्ष पदमा आफुलाई सघाउन सबै उद्योगी, व्यापारीहरुलाई आग्रह गरेका छन् ।
कैलाली, २६ साउन ।
गर्भपतन गराउन आएकी एक महिलाको मृत्यु भएको छ ।
धनगढी उपमहानगरपालिकामा रहेको एक क्लिनिकमा गर्भपतन गराउन पुगेकी महिलाको अनावश्यक औषधी सेवनवाट मृत्यु भएको हो ।
धनगढीस्थित मेरी स्टोप सामुदायिक क्लिनिकमा गर्भपतन गराउन पुगेकी धनगढी–१२ जुगेडाकी ३५ वर्षीया महिलाको मृत्यु भएको हो। उनका आफान्तजनले अनावश्यक औषधी दिए पछि उनको सोही औषधीका कारण मृत्यु हुन पुगेको आरोप लगाएका छन् ।
जिल्ला प्रहरी कार्यालय, कैलालीका अनुसार बिहीबार बिहान गर्भपतन गर्न गएकी ती महिलालाई क्लिनिकका स्वास्थ्यकर्मीले सेवनका लागि औषधि दिएको थियो । औषधि सेवन गरे पछि अचानक उच्च रक्तस्राव भए पछि तुरुन्तै ती महिलालाई सेती अस्पताल लगिएको थियो । प्रहरीका अनुसार केही समय पछि उनको उपचारकै क्रममा मृत्यु हुन पुगेको हाे ।
ती महिलाको मृत्यु भए पछि क्लिनिक सञ्चालक विनोद जोशी र उनकी पत्नी आशिका ओझा फरार रहेका छन् । प्रहरीले उनीहरुको खोजी गरिरहेको छ ।
रौतहट,गते २५ साउन ।
जिल्लाको राजदेवी नगरपालिका वडा नम्बर ९ ब्रह्मपुरी स्थित काली मन्दिरकाे छेउमा बागमती नदिले गरिरहेकाे कटानलाई नियन्त्रणकाे लागि प्रयास कार्य सुरु गरेक छन् । केही दिन देखि लगातार भईरहेको वर्षाका कारण आएको बाढीको पानीको जल स्तर घटे पछी पानीको बहाव तेज गति भए संगै कटान भईरहेको थियो ।
कटान वारे जनकारी भए लगतै राजदेवी नगरपालिकाका नगर प्रमुख भिखारी प्रसाद यादव, जिल्ला प्रशासन कार्यालय रौतहट गौरका प्रमुख धर्मेन्द्र कुमार मिश्रा, लगायतका टोली निरिक्षण गरी रोकथामको लागि संबंधित निकाय संग पहल गरेका थिए । नदि नियन्त्रण कार्यालयले टोलीको पहलमा प्रारम्भिक रूपमा कटान राेक्नकाे लागि बाँसका झ्याङ्गहरू राखेर पानीको वेगलाई नियन्त्रण गर्ने प्रयास भई रहेकाे छ ।
नदि नियन्त्रण कार्यालयबाट बाेरा र जाली पनि ल्याइएको छ । बाेरामा बालुवा हाली भाेली बिहानैबाट जालीमा हालेर कटान नियन्त्रणकाे लागि काम सुरु हुने स्थानीय वडा अध्यक्ष प्रत्याशी अनिल कुमार पटेलले बताएका छन् । कटान नियन्त्रणकाे लागि सहयोग गर्ने कार्यालय र सम्बन्धि सराेकारवालामा उनले हार्दिक धन्यबाद समेत गरेका छन् । तर याे चाहिँ स्थायी उपाय पक्कै पनि हाेइन । कटान राेक्न स्थायी काम गर्न सम्बन्धित सबैकाे पहल हाेस् भने उनले आग्रह समेत गरेका छन् ।
आरके श्रीवास्तव,रौतहट,साउन २५ गते ।
गरुडा चिनी मिल बचाउनका लागि उँखु उत्पादक संघ रौतहटले आगामी भदौ २ गते किसान भेला गर्ने भएको छ । आज एक सूचना जारी संघले सो सम्बन्धि जानकारी गराएको हो ।
उँखु उत्पादक संघ रौतहटका अध्यक्ष अशोक प्रसाद यादव द्धारा हस्ताक्षरित सूचनामा श्री राम सुगर मिल्सलाइ अनाधिकृत रुपमा गरिएको लिलामी प्रक्रिया विरुद्धमा आउँदो साउन २७ गते शनिवारका दिन श्री राम सुगर मिल्स महम्दपुर गरुडा रौतहटको मैदानमा गरिने किसान भेला प्रतिकूल मौसमको कारण मैदानमा वर्षाको पानी जमेको हुँदा सो दिनको किसान भेला स्थगन गरीएको उल्लेख छ ।
सूचनामा भनिएको छ,‘आउँदो भदौ २ गते शनिवारका दिन सो मैदानमा किसान भेला आयोजन हुने जानकारी गराइएको छ । ’ संघको आयोजनामा हुने सो किसान भेलामा उल्लेख्य संख्यामा किसान,जनप्रतिनिधिहरु,व्यापारीहरु,समाजका अगुवाहरुको उपस्थितीका लागि संघका अध्यक्ष यादवले सादर अनुरोध गरेका छन् ।
गरुडाको चिनी मिल बचाउन सिडियो मार्फत प्रधानमन्त्रीलाई बुझाइएको थियो ज्ञापनपत्र
गरुडाको चिनी मिल बचाउन प्रर्दशन सहित ज्ञापनपत्र बुझाइएको थियो । श्रीराम सुगर मिलको उपकरण लिलाम भएछि उखु उत्पादक संघको अगुवाईमा गौरमा प्रदर्शन भएको थियो । साथै प्रमुख जिल्ला अधिकारी धर्मेन्द्र कुमार मिश्र मार्फत प्रधानमन्त्रीलाई ज्ञापनपत्र बुझाइएको थियो ।
रौतहटका प्रमुख जिल्ला अधिकारी मिश्रले उखु उत्पादक संघद्धारा ज्ञापन पत्र बुझाएको र सम्बन्धीत निकायमा पठाइसकेको जानकारी दिएका थिए ।
हनुमत कुमार यादव,गाैर,गते २५ साउन ।
रौतहट जिल्लाको गौर नगरपालिका वडा नं ८ पुरेनमा रहेको गाैर आँखा अस्पताल पुरेनवामा आज सम्पन्न साधारण सभा र जिल्ला अधिवेशनबाट विजय कुमार सिंह दाेश्राे कार्यकालकालागि पुनः निर्वाचित भएका छन् । नेपाल नेत्र ज्याेती सङ्घ राैतहटकाे सभापतिमा सिंह दाेश्राे कार्यकालकालागि पुन: निर्वाचित हुनुभएकाे छ । गाैर आँखा अस्पताल पुरेनवामा आज सम्पन्न साधारण सभा र जिल्ला अधिवेशनबाट वहाँ दाेश्राे कार्यकालकालागि निर्वाचित हुनु भएकाे हाे । अधिवेशनमा सभापतिकाेलागि सहमति जुटाउने प्रयास असफल भएपछि निर्वाचन प्रक्रिया गराइएको थियाे ।
२ जनाकाे उम्मेदवारी परेकाे सभापतिमा ७० मत प्राप्तगरी सिंह निर्वाचित भएकाे हाे । भने वहाँकाे प्रतिस्पर्धी ज्ञानी राय यादवले २८ मत प्राप्त गरेका थिए भने १ मत बदर भएकाे निर्वाचन अधिकृत तथा सङ्घकाे केन्द्रीय वरिष्ठ उपाध्यक्ष श्याम कुमार पाेखरेलले जानकारी गराउनु भयो । सङ्घकाे जिल्ला कार्य समितिकाे सदस्यहरूमा बच्चा प्रसाद यादव , नवीन कुमार केसरी,शिव मङ्गल साह, , रामेश्वर सिंह राजपुत, अयुद मिया कवारी, राजेन्द्र प्रसाद साह, सुरेन्द्र कुमार यादव,नवल किशोर पंडित, उमेश प्रसाद पटेल, संजिव कुमार मल्लिक र महिला सदस्यमा भुवनी गिरी श्रेष्ठ, निर्माला श्रेष्ठ उप्रेती लगायतका चुनिएका छन् । यसभन्दा अघि आजै एक कार्यक्रम मार्फत साधारणसभा तथा जिल्ला अधिवेशनकाे उद्घाटन गरिएको थियाे ।
नेपाल नेत्र ज्याेति सङ्घ राैतहटकाे सभापति विजय कुमार सिंहकाे सभापतित्व तथा गाैर नगरपालिकाकाे नगर प्रमुख शम्भु साहकाे प्रमुख आतिथ्यतामा भएकाे कार्यक्रम मार्फत उद्घाटन गरिएको थियाे । राैतहट एफ एमकाे समाचार प्रमुख राम विश्वास मुखियाले सञ्चालन गरेकाे साे कार्यक्रममा सङ्घकाे केन्द्रीय वरिष्ठ उपाध्यक्ष श्याम कुमार पाेखरेल, सङ्घकाे पूर्व जिल्ला सभापति दुर्गा प्रसाद यादव, गाैर न पा ५ काे वडाध्यक्ष शिव शंकर यादव, वडा नम्बर ८ काे अध्यक्ष जनार्दन साह,राैतहट एफ एमकाे अध्यक्ष रेवन्त झा, नेपाल पत्रकार महासङ्घ राैतहटकाे सभापति प्रेम चन्द्र झा, माेहन कुमार यादव, पत्रकार शैलेन्द्र गुप्ता तथा आजिवन सदस्यहरूकाे सहभागीता रहेकाे थियाे ।
प्रदिप दास,राैतहट,साउन २५ गते
रौतहटको चन्द्रपुर नगरपालिकामा अवस्थित हिमालय होटलको सभाहलमा वृन्दावन नगरपालिकाका निर्वाचित महिला जनप्रतिनिधिहरुलाई मध्यवर्ती तालिम सम्पन्न भएको छ । माण्डवी रौतहटको आयोजना तथा आईएफईएस को सहकार्यमा सँचालित रौतहट जिल्ला अन्तर्गत वृन्दावन नगरपालिकाका निर्वाचित महिला जनप्रतिनिधिहरुलाई नैतिकवान नेतृत्वमा हुनु पर्ने गुणहरु, महिला जनप्रतिनिधिहरुलाई आईपर्ने समस्याहरुको विशलेषण तथा त्यसका सामाधान गर्ने र आउन सक्ने सम्भावित परिणामहरुको बारेमा छलफल , वडा अन्तर्गत रहेका विभिन्न किसिमका तथ्याँक सँकलन आवधिक तथा व्यवस्थापन गर्नु पर्ने आवश्यकता तथा त्यसको महत्वपूर्ण फाईदाहरु बारे छलफल र महिला जनप्रतिनिधिहरु प्रति हुने सामाजिक,साँस्कृतिक दुस्प्रचार तथा द्धेषपूर्ण अभिव्यक्तिहरु तथा त्यसलाई कसरी सामना गर्न सकिन्छ सो बारेमा छलफल गरीएको थियो ।
यस कार्यक्रम अन्तर्गत वृन्दावन नगरपालिकाका निर्वाचित महिला जनप्रतिनिधिहरुलाई पहिलो, दोस्रो, तेस्रो तथा चौथो सत्र गरी तालिमहरु दिई सकेको माण्डवीका अनुगमन तथा मुल्याँकन अधिकृत सुविन्द्र कुमार दासले जानकारी गराउनु भएको थियो । महिलाहरूलाई लैङ्गिक समानता प्रवद्र्धन गर्न तथा आफ्नो समुदायका अन्य महिला र किशोरीहरूका लागि , प्रेरणा स्रोतका रूपमा कार्य गर्न प्रोत्साहित गर्न, स्थानीय सरकारमा प्रभावकारी ढंगले आफ्नो भूमिका निर्वाह गर्नका लागि निर्वाचित महिला जनप्रतिनिधिहरूलाई चाहिने सीप र ज्ञान प्रदान गर्नुका साथै राजनीतिक संवादमा सहभागी हुनका लागि निर्वाचित महिला प्रतिनिधिहरू र अन्य नेतृत्व भूमिकामा भएका महिलाहरूको आत्मविश्वास बढाउने उदेश्यले माण्डवीले यो कार्यक्रम सँचालन गर्दै आईरहेको छ ।
मध्यवर्ती तालिममा वृन्दावन नगरपालिकाको १६ जना निर्वाचित महिला जनप्रतिनिधहरुको सहभागिताको साथै माण्डवीका अनुगमन अधिकृत सुविन्द्र दास, प्रशिकद्धय पुनम ठाकुर र सँजय कुमार यादव, सामाजिक परिचालक सुरेन्द्र यादवको समेत उपस्थिति रहेको थियो
आरके श्रीवास्तव,राैतहट,साउन २४ गते ।
शिक्षक हकहित मंच राैतहट कार्यसमितिको गठन भएको छ । आज मिति २०८० श्रावण २४ गते बुधबारका दिन श्री मावि महम्दपुरको प्रांगणमा एक कार्यक्रमका बिच साे कमिटी गठन गरिएको छ ।
विभिन्न संचार माध्यमबाट प्राप्त जानकारीअनुसार प्रास्तावित शिक्षा ऐन-२०८० को मस्यौदाको धेरै दफाहरु शिक्षक हकहित विपरीत भएको, शिक्षा ऐन-२०२८ ले प्रदान गरेको सेवा सुविधा कटौती गर्न लागेको त्यसमा पनि २०७५ चैत्र ४ गते पछि स्थायी भएका शिक्षकहरूलाई पेन्सनबाट समेत बन्चित गराउने असहनीय र अमानवीय प्रस्ताव राखेकोले यसको बिरूद्ध आवाज बुलन्द पार्न, सरकार एवं संबंधित निकाय,संघ संस्था तथा व्यक्तिहरूलाई दबाब दिन साथै शिक्षक हकहितको संरक्षण गर्न आई परे क्रान्तिको बिगुल फुकेर भए पनि शिक्षकहरूको जायज मागलाई सम्बोधन गर्न सरकार र संवन्धित निकायहरुलाई बाध्य पार्न २०७५ साल चैत ४ गते पछि स्थायी भएका रौतहट जिल्लाका शिक्षकहरूको वृहत भेलाले साे कमिटी गठन गरेको हाे । शिक्षक रामाश्रय राय यादवको अध्यक्षतामा २१ सदस्यीय शिक्षक हकहित मंच जिल्ला कार्यसमिति रौतहटको गठन गर्नुकाे साथै सोही भेलाले प्रदेश प्रतिनिधि, केन्द्रीय प्रतिनिधि, वरिष्ठ सल्लाहकार र पालिकागत फाेकल पर्सन समेत चयन गरेको छ।
हनुमत कुमार यादव,गाैर,२४ गते साउन ।
रौतहट जिल्लाको दुर्गा भगवती गाउँपालिकामा बाढी बाट प्रभावित ७५ घर परिवारलाई जिल्ला प्रशासन कार्यालय रौतहट गौर द्वारा राहत सामग्री वितरण गरिएको छ ।केही दिन देखि अविरल रुपमा भईरहेको भारी वर्षाका
कारण लालबकैया, बागमती लगायतका अन्य स-साना नदीहरुमा बाढी आएको छ । बाढी बाट जिल्लाका सयौ घर परिवार प्रभावित भएका छन् । प्रभावित हुने घर परिवार लाई जिल्ला प्रशासन कार्यालयले राहत वितरण कार्य सुरु गरेका छन् । बाढीबाट प्रभावित घर परिवारलाई राैतहटका प्रमुख जिल्ला अधिकारी धर्मेन्द्र कुमार मिश्रकाे निर्देशनमा तुरुन्त आवश्यक राहत सामाग्री वितरण गरिएकाे छ ।
जिल्लाको दुर्गा भगवती गाउँपालिका वडा नं० ५ बडहर्वामा विपद व्यवस्थापन समिति राैतहटले बागमती नदीकाे बाढीले पिडित ७५ घर परिवारलाई २५ किलाे चामल,५ किलाे दाल,५ किलाे आलु,२ लिटर खाने तेल, २ किलाे नुन,५ किलाे चिउरा, १ किलाे चिनी वितरण गरिएको जिल्ला प्रशासन कार्यालय रौतहटका नायब सुब्बा राम नरेश साहले बताउनु भएका छन् ।
साथै पिडित परिवारलाई मेडिकेटेड झुल र फाेम म्याट समेत वितरण गरिएको साहले बताउनु भएको छ । बाकी बाढी बाट प्रभावित रहेका जिल्लाका विभिन्न ठाउँमा भोली राहत हुने उनले बताएका छन् । साथै बागमती नदी र लालबकैया को तटिय क्षेत्रमा बसोबास गर्ने सहित जिल्लाका बासिन्दालाई सतर्क रहन आग्रह समेत गरेका छन् ।
