कास्की- कास्कीमा पहिरोमा परी दुई जना बालबालिकाको मृत्यु भएको छ।
मृत्यु हुनेमा मादी गाउँपालिका-५ चितेपानीकी १३ वर्षीया आयुस्मा रानाभाट र पोखरा महानगरपालिका-२७ आरुपाटाका २ वर्षीय अनमोल सुनार रहेका छन्।
रानाभाटको बुधबार बिहान सवा २ र सुनारको शव ३ बजे मृत अवस्थामा फेला पारिएको कास्की प्रहरीले जनाएको छ।
वर्षाका कारण ब्लक र टिनले बनेको तीन कोठे घरपछाडि माटोको ढिस्को खस्दा कोठामा सुतेका दुई जनामध्ये १३ वर्षीया आयुस्मा पहिरोले पुरिएकी थिइन्।
उनकी हजुरआमा ७० वर्षीया लालमाया बन्जारीलाई सकुशल उद्धार गरिएको प्रहरीले जनाएको छ।
त्यस्तै, आरुपाटामा दुई कोठाको कच्ची घर पहिरो आएर भत्किँदा तीन वर्षीय बालक पुरिएका थिए। २७ वर्षीय रितु सुनारलाई उपचारको लागि गण्डकी मेडिकल कलेज पठाइएको छ। उनको अवस्था चिन्ताजनक छ। अन्य दुई जनालाई सकुशल उद्धार गरिएको छ।
यस्तै, लमजुङमा पहिरोमा पुरिएर दुई जनाको मृत्यु भएको छ।
मृत्यु हुनेमा बेसीसहर नगरपालिका-११ चितिका १६ वर्षीय विकल सुनार र क्व्होलासोथार गाउँपालिका-३ बगुमका रुद्रमान गुरुङ रहेका छन्।न्युज कारखाना
काठमाडौं- कैलालीमा चट्याङ लागेर दुई जनाको मृत्यु भएको छ।
मृत्यु हुनेमा जोशीपुर-३ भितरियाका ३१ वर्षीय जयराम डगौरा र धनगढी उपमहानगरपालिका-१८ का २७ वर्षीय शालिम चौधरी रहेका छन्।
बुधबार बिहान चट्याङ पर्दा खेतमा काम गरिरहेका डगौरा र चौधरीको चट्याङ लागेर मृत्यु भएको कैलाली प्रहरी प्रवक्ता प्रहरी नायब उपरीक्षक कविन्द्रसिंह बोहराले बताए।
डगौरालाई बुधबार बिहान साढे ७ बजे खेतमा आली लगाइरहँदा चट्याङ लागेको थियो। आफन्तले स्थानीय महापार्वती क्लिनिकमा पुर्याउँदा उनको मृत्यु भएको बोहराले बताए।
त्यस्तै, चौधरीलाई बिहान ८ बजे आफ्नै घरनजिक खेतमा रोपाइँ गर्ने क्रममा चट्याङ लागेको थियो। उनलाई सेती प्रादेशिक अस्पताल धनगढीमा लगिएकोमा उपचारको क्रममा १० बजे मृत्यु भएको प्रहरीले जनाएको छ।
चट्याङ लागेर अन्य ६ जना घाइते रहेका छन्।
घाइते हुनेमा कैलाली जानकी गाउँपालिका-४ बेलपुरकी २९ वर्षीया रिता कठरिया, २३ वर्षीया सुस्मा डगौरा, भजनी गाउँपालिका-६ का ५५ वर्षीय रामबहादुर चौधरी, घोडाघोडी नगरपालिका-९ बुदेनीकी ९ वर्षीया सरस्वती भुल, ७ वर्षीया पारु कठायत र २० वर्षीया खिमा कडायत रहेका छन्।
कसरी पर्छ चट्याङ?
विज्ञानशास्त्रका प्राध्यापकका अनुसार चट्याङ ‘इलेक्ट्रिक चार्ज’ हो। बादलका विपरीत दिशा आपसमा जुधेपछि त्यहाँ करेन्ट उत्पन्न हुन्छ र त्यसबाट ठूलो आगोको मुस्लो निस्किन्छ। यसैलाई ‘बिजुली चम्केको’ भन्ने गरिन्छ। तिनै बादल जुधेपछि ठूलो आवाज निस्किने गरेको हो।
‘एकपटक बिजुली चम्किँदा १२ करोड, ५० लाख भोल्टको करेन्ट उत्पन्न हुन्छ,’ प्राध्यापक रामचन्द्र अधिकारी भन्छन्, ‘३० हजार डिग्री सेन्ट्रीग्रेटसम्म तापक्रम फाल्छ, यो तापक्रम सूर्यको भन्दा बढी हो।’
यो तापक्रम र आगोको मुस्लो जमिनबाट दस किलोमिटर माथिसम्म हुन्छ। उनका अनुसार यो जमिनसम्म आउने हो भने सारा सखाप हुन्छ। ‘कुमोलो निम्बस’ नामको बादलबाट उत्पन्न हुने चट्याङ भने यदाकदा जमिनसम्म आउने गर्छ र यसैले गर्ने हो भौतिक र मानवीय क्षति।
‘त्यो आगोको मुस्लो आएर घरहरू सल्किन्छन्,’ अधिकारी भन्छन्, ‘त्यो पानीले निभाउन सकिन्न।’
चट्याङबाट मृत्यु हुने गरेका अधिकांश मानिसहरू कोही गाईभैंसी चराउन खुला ठाउँमा भएको बखत, कोही खेतबारीमा काम गरिरहेको र खुला ठाउँमा हिँडिरहेको बखत थिए भन्ने विवरण आउने गरेको छ। विशेषगरी चट्याङले खुला ठाउँमै आक्रमण गर्छ। ठूला रूख छेउछाउ, अग्ला टावरहरूमा आक्रमण गर्छ।
चट्याङबाट बच्न के गर्ने?
प्राध्यापक अधिकारीका अनुसार चट्याङबाट बच्ने उपाय सावधानी हो। चट्याङबाट बच्न घरको वायरिङमा विशेष ध्यान दिनुपर्छ। यसका लागि ‘अर्थिङ’ उपयुक्त माध्यम हो, जसले बाहिरबाट आउने करेन्टलाई परै फाल्दिन्छ। अर्थिङमा एक प्रकारको इलेक्ट्रिक यन्त्र जडान गरिएको हुन्छ।
बिजुली चम्किएका बखत घरबाहिर वा खुला ठाउँमा नहिँड्नु चट्याङबाट बच्नु हो। ठूला रूखका फेदमा नबसेको राम्रो हुने अधिकारी बताउँछन्। ‘बिजुली चम्केका बेला इलेक्ट्रिकल यन्त्रहरू प्रयोग गर्नुहुँदैन,’ अधिकारी भन्छन्, ‘घरमा जडित सर्किटहरू बेला-बेला जाँच गरिरहनुपर्छ, कतै सर्किट लिक भएको छ भने चट्याङले हान्छ।’
त्यसैगरी, अग्ला टावरहरू चट्याङका सिकार हुन्। चट्याङबाट जोगाउन ती टावरमा विशेष किसिमले ‘अर्थिङ’ जोडिएको हुन्छ। तैपनि कुनै-कुनै बेला टावरमा क्षति गरिरहेकै हुन्छ चट्याङले। यस्ता टावरको वरपर रहने बस्ती बढी जोखिमपूर्ण हुन्छन्।न्युज कारखाना
११ असार, महोत्तरी
सडक मानवहरुको आश्रयको लागि महोत्तरीमा हाम्रो माया घर भवन निर्माण प्रक्रिया अगाडी बढाईएको छ ।
भवन निर्माणार्थ पारम्भिक चरणमा शिव पुराण माहा
यज्ञको आयोजना गरिएको माहायज्ञ मुल समितिका संयोजक हिरालाल गौतमले जानकारी दिए ।
दाताहरुले प्रदान गरेको ५ कठ्ठा जग्गा समेत भवन निर्माणार्थ घेरावार भैइसकेको छ । भवन निर्माणको आधारहरु तयार भएसगैँ २१ साउनदेखि २९ साउनसम्म माहायज्ञ पुराण आयोजना गरिएको आयोजक पक्षले जनाएको छ ।
पुराणको माध्यमवाट आयोजकले १ करोड ५० लाख भन्दा बढी चन्दा संकलन गर्ने लक्ष्य लिएका छन । व्यवस्थापकिय पाटोवाट झण्डै २५ लाख खर्च हुने अनुमान गरिएको उक्त माहायज्ञ मानव सेवासगँ जोडिएको अभियान भएको हुनाले यथेष्ट मानिसहरु सहभागी हुने बिस्वास लिईएको छ ।
माहायज्ञलाई सफल वनाउन विभिन्न उपसमिति समेत वनाईएको छ । भवन निर्माण सम्पन्न हुँदासम्म ११ करोड लागत अनुमान गरिएको छ भने वजेटको सुनिश्चितताको लागि स्थानिय, प्रदेश र संघ सरकारलाई अनुरोध गरिने संयोजक गौतमले जानकारी दिए ।
देशैभरीका सडक वालवालिका, सडक मानव र सहाराविहिनहरुको लागि महत्वपूर्ण कोशेढुंगा सावित हुने स्थानियहरुले बिस्वास लिएका छन ।
न्युज कारखाना
सिरहा, ११ असार। सिरहामा वनको जग्गा अतिक्रमण गरी बनाईएको घरमा डिभिजन वन कार्यालयले डोजर चलाएको छ। करिव २ वर्ष अगाडी पुर्व पश्चिम राजमार्ग संगै टासिएको करिव ४ कठ्ठा वनको जग्गा अतिक्रमण गरी बनाएको चार कोठे घरमा जडिभिजन वन कर्यालय लहानले आज डोजर लगाएर घर भत्काएको हो । 
जिल्लाको गोलबजार नगरपालिका ९ चोहर्वा व्यारेक नजीक स्थानीय सत्यदेव यादवले वनको करिव करोडौंको जग्गा अतिक्रमणगरी बनाएको चारकोठे भवन वनकार्यालयले भत्काएका छन्। 
निर्माणाधिन अवस्थामै वन कार्यालयले निर्माणकार्य रोक्न मौखिक तथा लिखित अनुरोध गर्दागर्दै निर्माण गरेको भन्दै वनको अतिक्रमण नियन्त्रण गर्ने योजना अनुसार आज घर भत्काएको डिभिजनल वनकार्यालय लाहानका अधिकृत सुजीत कुमार झाले जानकारी दिए।
उनले वनको जमिनमा घर निर्माणकै क्रममा हामीले पटक पटक मौखिक तथा लिखित जानकारी गराउँदा–गराउँदै २०७९ को निर्वाचनको समय पारेर घर निर्माण गरेको बताए। 
वन अधिकृत झाले भने, ‘हामीले निर्माणकै क्रममा पटक पटक मौखिक तथा लिखित सूचना गरेकै हो। उहाँले कर्मचारी निर्वाचनमा खटिएको मौका छोपेर, मतदानको दिनपारेर छत ढलान गर्नुभयो। आज हामीले सवै प्रकृया पुरा गरेर घर भत्काएका हौं।’
उनले कार्यालयबाट १५ दिने सूचना काटेर आज नेपाल प्रहरी, सशस्त्रप्रहरीको सहयोगमा जग्गा खाली गराएको जानकारी दिए। 
सोही वडाका वडा अध्यक्ष सुरेन्द्र कुमार सिंहले पनि निर्माणको क्रममा आफूले लिखित र मौखिक रुपमा घर नवनाउन भनेपनि उनले अटेर गरेर घर बनाएको बताए। 
यादवको वनसँगै जोडिएको घरमा तीन तल्ले भवन रहेको छ। उनीहरुले आफ्नो अगाडीको सरकारी जमिन भएकोले आफूहरुले प्रयोग गरेको दावी गरे। उनीहरुले भने, ‘हाम्रो अगाडीको जमिन हो, अन्यले पनि प्रयोग गरिरहेका छन्, मारुती सिमेन्ट उद्योगले प्रयोग गरिरहेको छ। हामीले पनि घर बनायौं।’
उनीहरुलाई तपाईहरुको घर हो भन्नु हुन्छ, किन भत्कायो? भनि सोध्दा ‘मैले बोलेर घर फर्किन्छ र?’ भन्दै प्रतिकृया दिन चाहेनन्। सिरहामा भु–माफियाहरुले रानितिक प्रभावमा व्यापक रुपमा वनको जग्गाहरु अतिक्रमण गरेको स्थानिहरुको भनाई छ। अतिक्रमित जग्गाहरु संरक्षण गर्नुपर्न स्थानियहरुको माँग छ।न्युज कारखाना
सिरहा, ११ असार। सिरहाको धनगढीमाई नगरपालिका १० स्थित धनगढीमाई होटल एण्ड लजमा आज अपरान्ह एक युवकको शंकास्पद मृत्यु भएको छ। मृत्यु हुनेमा धनगढीमाई नगरपालिका ३ का करिव ३२ वर्षीय प्रमोद कुमार कामती रहेको प्रहरीले जनाएको छ।
होटल संचालक धर्मा महतोका अनुसार विहान ९.३० बजे एक जना महिलासँगै आएका कामती होटलमा प्रवेश गरेको जानकारी थिए। धेरै समय भइसक्दा समेत होटल चेक आउट नभएपछि ढोका खोल्दा कामती मृत अवस्थामा देखिएपछि प्रहरीलाई खबर गरेको होटल संचालक महतोले जानकारी दिए।
मृतक कामती वैदेशिक रोजगारीबाट आज विहानमात्र घर आईपुगेको परिवारजनले जानकारी दिए। मृतका बुवा रामनारायण कामतीले विदेशबाट आउने वितिकै कसैलाई केही नभनी छोरा घरबाट निस्किएको बताए। मृतक कामतीको श्रीमतीसहित तीन छोरा र दुई छोरी छन्।
कामतीको मृत्यु शंकास्पद रहेको जनाउँदै मृतक कामतीसँग प्रवेश गरेकी अपरिचित महिला फरार रहेको वताउँदै घटनाको अनुसन्धान भइरहेको प्रहरीले जानकारी दिएको छ।
प्रहरीले घटनास्थमो प्रकृति मुचुलका उठाउने काम भईरहेकोले तत्काल केही बताउन नसकिने जनाएकोछ। न्युज कारखाना
जीतपुरसिमरा उपमहानगरपालिकाको दसौं नगरसभाको तेस्रो बैठक सोमबार तनावपूर्ण अवस्थापछि अवरुद्ध भएको छ । अवैधानिक ढंगबाट सभा सम्पन्न गर्न खोजिएको भन्दै अधिकांश नगरसभा सदस्य तोडफोडमा उत्रिएपछि बैठक अवरुद्ध भएको हो ।
जीतपुरस्थित प्राइम पार्टी प्यालेसमा आयोजित बैठकमा नगर प्रमुख राजन पौडेलले नीति तथा कार्यक्रम प्रस्तुत गर्न थालेपछि विरोध सुरु भएको थियो । अवैध ढंगले नगरसभा गर्न लागिएको भन्दै यसअघिका दुई बैठक बहिष्कार गरेका नगर उपप्रमुख भोलाप्रसाद अधिकारीसहितका अधिकांश सदस्य विरोधमा उत्रिएका थिए ।
बैठकको विरोध गर्दै सभास्थल प्रवेश गरेका नगरसभा सदस्यले कुर्सी भाच्न थालेपछि स्थिती तनावपूर्ण बनेको थियो । उनिहरुले नगर प्रमुख पौडेललाई नीति तथा कार्यक्रम प्रस्तुत गर्न दिएनन् । आक्रोशित नगरसभा सदस्यको विरोध र तोडफोडपछि नेपाल प्रहरी, सशस्त्र प्रहरी र नगर प्रहरीले नगर प्रमुख पौडेललाई सुरक्षा दिएर स्टेजमै राखेका थिए ।
कडा सुरक्षा घेराबीच बैठक स्थल प्रवेश गरेका नगर प्रमुखले नगरसभा संचालन नियमावली २०७५ को दफा ५ को उपदफा (३) बमोजिम २५ प्रतिशत सदस्यको उपस्थिती नहुँदै नीति तथा कार्यक्रम वाचन गर्न थालेका थिए । उपदफा (१) र (२) बमोजिम असार ५ र ८ गतेको बैठक स्थगित भएपछि उपदफा (३) बमोजिम २५ प्रतिशतको उपस्थितीमा बैठक बस्न सक्ने नियमावलीमा व्यवस्था छ ।
तर नगर प्रमुख पौडेलले हाल कायम सदस्यको २५ प्रतिशत अर्थात ३१ जना सदस्यको उपस्थिती नहुँदै नीति तथा कार्यक्रम प्रस्तुत गर्न थालेपछि नगरसभा सदस्यले विरोध गरेका हुन् । नगर प्रमुख पौडेल बैठक स्थलमा प्रवेश गर्दा २७ जना नगरसभा सदस्यले मात्रै उपस्थिती जनाएका थिए । आफू समेत हाजिरी पुस्तिकामा उपस्थिती नजनाई बैठक स्थल प्रवेश गरेका पौडेलले राष्ट्रिय धुन बजेलगत्तै नीति तथा कार्यक्रम वाचन गर्न थालेपछि बैठक विरोधमा रहेका ९४ जना सदस्य बैठकस्थल प्रवेश गरेपछि सभा बिथोलिएको थियो ।
उपप्रमुख अधिकारीसहित नगरसभा सदस्यलाई बैठक स्थलमा प्रवेश गर्ने क्रममा सुरक्षाकर्मीले रोक्दा केहीबेर घम्साघम्सी समेत भएको थियो । बैठकस्थल प्रवेश गर्न लागेका जनप्रतिनिधिलाई रोक्न सुरक्षाकर्मीले अनावश्यक बल प्रयोग गरेपछि स्थिती थप बिग्रिन पुगेको थियो ।
यसरी विथोलिन पुग्यो नगरसभा बैठक
नगरसभा संचालन नियमावली २०७५ को ५ उपदफा (१) बमोजिम नगर प्रमुख पौडेलले असार ५ गते पहिलो नगरसभा बैठक बोलाएका थिए । तर कार्यपालिका बैठकमा नीति तथा कार्यक्रम र बजेटका विषयमा छलफल नै नभएको भन्दै उपप्रमुखसहित वडाध्यक्ष र कार्यपालिका सदस्यले पहिलो बैठक बहिष्कार गरेका थिए ।
पहिलो बैठकमा नेकपा एमाले, नेपाली कांग्रेस, लोकतान्त्रिक समाजवादी पार्टी र नेकपा एकीकृत समाजवादी पार्टीबाट निर्वाचित नगरभासदस्य उपस्थित भएनन् । उपदफा (१) अनुसार बैठक संचालनका लागि ५० प्रतिशत भन्दा बढी सदस्यको उपस्थिती अनिवार्य छ ।
नियमावली अनुसार गणपूरक संख्या नपुगेपछि नगर प्रमुख पौडेलले तत्कालै उक्त बैठक स्थगन गरेर उपदफा (२) बमोजिम दोस्रो बैठक आहवान गरे । दोस्रो बैठकमा पनि ५० प्रतिशत भन्दा बढी सदस्य उपस्थित भएनन् । नगर प्रमुख पौडेलले दोस्रो बैठक पनि स्थगित गरेर उपदफा (३) बमोजिम तेस्रो बैठक असार १० गतेका लागि बोलाएका थिए । उपदफा (३) मा २५ प्रतिशतको उपस्थितीमा बैठक बस्न सक्ने प्रावधान छ ।
तर अधिकांश सदस्य विरोधमा रहेका कारण नगर प्रमुखलाई २५ प्रतिशत पुर्याउन सकस देखिन्थ्यो । उनले नेकपा माओवादी केन्द्रबाट निर्वाचित आफूसहित २० सदस्यमा थप ११ जनाको समर्थन खोजिरहेका थिए । त्यसका लागि एकीकृत समाजवादीबाट निर्वाचित चार र नेपाली कांग्रेसबाट वडा नं. २४ मा निर्वाचित तीन सदस्यको समर्थन अन्तिम समयमा प्राप्त गरेका थिए । तर उनले २५ प्रतिशत समर्थन प्राप्त गर्न सकेनन् ।
बिहान ११ बजेका लागि बोलाइएको बैठक दिउँसो २ बज्न लागिसक्दा पनि सुरु भएको थिएन । यसबीचमै नगर प्रमुख पौडेल सुरक्षा घेराबीच बैठक स्थल प्रवेश गरे । उनलाई नेपाल प्रहरी, सशस्त्र प्रहरी र नगर प्रहरीले सुरक्षा दिएर बैठक स्थल भित्र प्रवेश गराएका थिए ।
नगर प्रमुख पौडेल प्रवेश गरेलगत्तै राष्ट्रिय गान सुरु भयो । त्यसलगत्तै उनले नीति तथा कार्यक्रम वाचन गर्न थाले । उनले नीति तथा कार्यक्रम पढ्न सुरु गरेलगत्तै बैठकस्थलमा रहेका असन्तुष्ट नगरसभा सदस्यले अवरोध गरे । सो लगत्तै प्रहरीको सुरक्षा घेरा तोडेर उपप्रमुख अधिकारीसहितका नगरसभा सदस्य बैठक स्थल प्रवेश गरेपछि नगर प्रमुखले नीति तथा कार्यक्रम पढ्ने वातावरण बन्न सकेन ।
नीति तथा कार्यक्रम र बजेट पास भयोः प्रमुख
तनावपूर्ण अवस्था भएपछि बैठक बिथोलिएपनि नगर प्रमुख पौडेलले पौडेलले नीति तथा कार्यक्रम र बजेट पास भएको बताएका छन् । सुरक्षाकर्मीको घेराका बीच संचारकर्मीलाई प्रतिक्रिया दिदै पौडेलले नीति तथा कार्यक्रम र बजेट पास भएको दावी गरे । उनले पास भएको बजेटलाई स्विकारेर हिड्न आग्रह गरेका थिए ।
पौडेलले उक्त दावी गरिरहदा बैठक स्थलमा नीति तथा कार्यक्रम र बजेट भने प्रस्तुत भएको थिएन् । नगर प्रमुख पौडेलले बजेट वक्तव्य कार्यपालिका सदस्य रामप्रसाद लामिछानेले पढेको र उक्त बजेट सभाले पास भएको दावी गरिरहेका थिए । तर वडाध्यक्ष लामिछानेले भने बजेट प्रस्तुत नै हुन नपाएको बताएका छन् ।
नीति तथा कार्यक्रम र बजेट प्रस्तुत भएको छैनः उपप्रमुख
नगर उपप्रमुख अधिकारीले अवैधानिक रुपमा आयोजना गरिएको बैठकमा नीति तथा कार्यक्रम र बजेट प्रस्तुत नै नभएको बताएका छन् । बैठक स्थलमा संचारकर्मीलाई प्रतिक्रिया दिदै अधिकारीले नीति तथा कार्यक्रम र बजेट सभामा प्रस्तुत नभएको र पास पनि नभएको बताए ।
नगर प्रमुख पौडेलले सिमरामा बसेर अवैध ढंगले २५ प्रतिशतको उपस्थिती गराएर नगरसभामा आएको र सोही आधारमा नीति तथा कार्यक्रम र बजेट पारित भएको भन्ने आफूले सुनेपनि त्यस्तो कुरामा नलाग्न समेत अधिकारीले आग्रह गरेका छन् । अधिकांश नगरसभा सदस्यको भावना र चाहनाविपरित नगर प्रमुख एकलौटी ढंगबाट अघि बढ्न खोजे त्यसको प्रतिवाद गर्न आफूहरु समेत तयार रहेको अधिकारीको भनाई थियो ।
प्रहरीको गाडीमा राखेर नगर प्रमुख पौडेललाई भगाईयो
नगरसभा बैठक अवरुद्ध भएपछि नगर प्रमुख पौडेल स्टेजमै सुरक्षाकर्मीको घेरामा बसिरहेका थिए । उनलाई तीन तहमा नगर प्रहरी, नेपाल प्रहरी र सशस्त्र प्रहरीले सुरक्षा दिएका थिए ।
तोडफोडमा उत्रिएका नगरसभा सदस्यले बैठकस्थलबाट बाहिर निस्किन नदिएपछि प्रमुखलाई सुरक्षाकर्मीले सुरक्षा दिएको थियो । उनलाई बैठकस्थलबाट पटकपटक निकाल्ने प्रयास गरेपनि नगरसभा सदस्यले विरोध गरेपछि प्रहरीले पुनः स्टेजमै लगेर राखेका थिए ।
यसबीचमै प्रहरीले नगरसभा सदस्यलाई भुक्याउदै नगर प्रमुख पौडेललाई बैठक स्थलबाट भगाएको थियो । नगरसभा सदस्यलाई बैठक स्थलमै घेरेर राख्दै प्रहरीले अर्को ढोकाको प्रयोग गरेर नगर प्रमुखलाई लगेको थियो । सो क्रममा नगरसभा सदस्य र प्रहरीबीच निकै घम्साघम्सी समेत भएको थियो ।
नगर प्रहरी पौडेललाई बैठकस्थलबाट निकाल्ने क्रममा संयौको संख्यामा रहेका सुरक्षाकर्मीले महिला जनप्रतिनिधिलाई कुल्चिदै हिडेको थियो । सो क्रममा कार्यपालिका सदस्य बुद्धकुमारी अधिकारीको हातमा चोट लागेको छ ।
संवादविहिन अवस्थाले निम्त्याएको द्वन्द्ध
यसअघिका नगरसभामा पनि विवाद नदेखिएको होईन् । नगर प्रमुखमा राजन पौडेल निर्वाचित भएकै पहिलो नगरसभामा पनि ठूलै विवाद भएको थियो । त्यसबेला संवाद र छलफलबाटै समाधान निकालेर सफलरुपमा नगरसभा सम्पन्न भएका थियो ।
त्यसपछिका अन्य सभामा पनि विवाद नदेखिएका होईनन् । तर यसपटक तोडफोडनै हुने स्थिती उत्पन्न भयो । यसरी विवाद चुलिनुको मुख्य कारण भने संवाद र छलफल नहुँदाको परिणाम हो ।
नीति तथा कार्यक्रम र बजेट निर्माण गर्दा कार्यपालिका सदस्यकाबीच घनिभूत छलफल हुनुपथ्र्यो । तर कार्यपालिका बैठकमा यस विषयमा छलफल हुन सकेन । नीति तथा कार्यक्रम र बजेट निर्माण गर्ने बेलामा कार्यपालिकाका अधिकांश सदस्य अन्तरपालिका नाम दिइएको भ्रमणमा व्यस्त रहेका थिए ।
त्यसबेलामै नगर प्रमुख पौडेलले नगरसभाको तयारी गरे । भ्रमणमा जाने भनेर अन्तिम समयमा स्थगित गरेका पौडेल नगरसभाको तयारीमा जुटे । कार्यपालिकाका अधिकांश सदस्य भ्रमणमै रहेका बेला प्रमुख प्रशासकीय अधिकृत उर्मिला काफ्लेले नगरसभाको मिति तोकेर सूचना प्रवाह गरिन् । उक्त सूचनामा असार ५ गते नगरसभा बोलाइएको थियो ।
त्यतिबेला अन्तरपालिका भ्रमणका सदस्य फर्किएका थिएनन् । उनिहरु भ्रमणमै रहेका बेला नगर प्रमुख पौडेलले असार ४ गतेका लागि कार्यपालिका बैठक बोलाए । नगरसभाको अघिल्लो दिन बोलाइएको कार्यपालिका बैठक विवादरहित हुन सकेन ।
कार्यपालिकामा नीति तथा कार्यक्रम र बजेटका विषयमा छलफल नै नगरी नगरसभा बोलाएको भन्दै अधिकांश कार्यपालिका सदस्यले नगर प्रमुखमाथि असन्तुष्टी र आक्रोश व्यक्त गरे । उनिहरुले नगरसभाको मिति पछाडी सार्न र कार्यपालिकाबाट छलफल गरेर अघि बढ्न नगर प्रमुखलाई अनुरोध पनि गरे ।
तर नगर प्रमुखले आफ्नो अडान छाडेनन । उनले नगरसभाको मिति नसार्ने तर असार ५ गते बिहान ९ बजेका लागि बैठक बोलाए । उक्त बैठकमा नगर प्रमुख, उपप्रमुख उपस्थित भएनन् । सोही समयमा कार्यपालिका सदस्यले पत्रकार सम्मेलन समेत आयोजना गरेर असन्तुष्टी व्यक्त गरे ।
असार ५ गतेको बैठक गणपूरक संख्या स्थगित भएपछि नगरसभाको बैठक बस्न सकेन । नीति तथा कार्यक्रम बनाउने नगर प्रमुख र बजेट बनाउने उपप्रमुखबीच संवाद हुन सकेन । नगर प्रमुख नगरसभा संचालन नियमावली २०७५ को दफा ५ बमोजिम नगर सभा गर्ने तयारी गरेपछि उपप्रमुखसहित अन्य सदस्य सोही दफा बमोजिम नगर सभा हुन नदिने तयारीमा जुटे ।
दुवै पक्षबीच विषय केन्द्रीत औपचारिक छलफल हुन सकेन । वडाध्यक्ष र कार्यपालिकाका अधिकांश सदस्यले नीति तथा कार्यक्रम र बजेट कार्यपालिका बैठकमा छलफल गरेर अघि बढ्न नगर प्रमुखलाई प्रस्ताव गर्दा उनि भने कार्यपालिका बैठकले नीति तथा कार्यक्रम र बजेट पास भईसकेको बताउथे । तर कार्यपालिका बैठकमा नीति तथा कार्यक्रम र बजेटका विषयमा छलफल समेत नभएको उपप्रमुख अधिकारी बताउँछन् ।
यसबीचमा नगरसभा सफल बनाउने विषयमा केन्द्रीत रहेर छलफल र संवाद नहुँदा तेस्रो बैठक तनावपूर्ण र अनिर्णित बन्न पुग्यो ।न्युज कारखाना
वीरगञ्ज । वीरगञ्जमा रहेको प्रसिद्ध इन्स्टिच्युट संकल्प लोकसेवामा गएको राति करिब १२ बजे आगलगी हुँदा सम्पूर्ण कागजपत्रहरु, इलेक्ट्रिक बोर्ड, कंप्यूटर , ल्यापटप , पंखा, फ्रिज, बेन्च लगाएत इन्स्टिच्युट भित्र रहेका सबै सामानहरु जलेर ध्वस्त भएका छन ।
इन्स्टिच्युट भित्र रहेका सामानहरु के कति मुल्यका रहेका छन त्यो सार्वजनिक गरिएको छैन । जिल्ला प्रहरी कार्यालय नजिक नै रहेका संकल्प लोकसेवामा पर्सा , बारा , रौतहट , सर्लाही लगाएतका जिल्लाका विधार्तीहरु अध्यनरत रहेका थिए ।
आज बिहानै संकल्प लोकसेवाका संचालक अशोक साहले सामाजिक संजालमा एक स्टेटस लेख्दै प्राविधिक कारणले संकल्प लोकसेवाको सम्पूर्ण कक्षा अर्को सूचना नभए सम्मको लागि स्थगित गरीएको जनाउनु भएको छ । यसको बारेमा विस्तृत विवरण आउन बाँकी रहेको छ ।न्युज कारखाना
गोरखा- अजिरकोट गाउँपालिकाले आगामी आर्थिक वर्ष २०८१/८२ को नीति तथा कार्यक्रम सार्वजनिक गरेको छ । बुधवार भएको गाउँसभाको १५ औँ अधिवेशनमा अध्यक्ष दीपक देवकोटाले नीति तथा कार्यक्रम सार्वजनिक गरेका हुन् ।
‘दिगो विकास हाम्रो सोच, सुन्दर शान्त समृद्ध अजिरकोट’ को लक्ष्य हासिल गर्न ‘हाम्रो अजिरकोट राम्रो अजिरकोट’ भन्ने नाराका साथ नीति तथा कार्यक्रम ल्याएको छ । गाउँपालिका अध्यक्ष देवकोटाले तेस्रो कार्यकालका लागि अघिल्ला वर्षका केही योजनालाई समेट्दै केही नयाँ कार्यक्रम ल्याएका छन् ।
विकास निर्माणमा स्थानीय सिप र प्रविधिको प्रयोग गर्दै सार्वजनिक, निजी र सहकारीको साझेदारीको नीति अवलम्बन गर्ने, पर्यटन प्रवद्वधनका लागि संघ, प्रदेश र सम्बद्ध निकायसँगको समन्वय, सहकार्य र सह लगानीलाई प्राथमिकता दिई अजिरकोटलाई पर्यटकीय गन्तव्यको रूपमा विकास गर्ने नीति छ ।
स्थानीय रैथाने उत्पादनलाई प्राथमिकता दिदैं कृषि बीज भण्डार तथा इलेक्ट्रिक शीत भण्डार स्तरोन्नति गर्ने, बिउमा अनुदान उपलब्ध गराउने, कृषि एम्बुलेन्स सञ्चालन गर्ने, एक वडा एक व्यावसायिक कृषि उत्पादन कार्यक्रम, एक वडा एक नमुना गाउँ, दूध डेरी एवं दुग्ध उत्पादनमा आधारित उद्योग स्थापना गर्ने, बाहिरबाट आयतित फलफूल तरकारीलाई निरुत्साहित गर्दै आवश्यकता अनुसार क्वारेनटाइनकाे नीति अवलम्बन गर्ने, माटो परीक्षण गरि भूगोल सुहाउँदो खेतीपाती तथा भूगोल अनुकूल आहार उत्पादन गर्ने अजिरकाेटकाे नीति छ ।
चिया, कफी, अलैँची खेती प्रवर्धन गर्दै फलफूल र घाँसको स्रोत केन्द्र स्थापना स्थानीय तहमा नै निर्माण गर्ने महत्वकाक्षी योजना अजिरकाेटकाे छ । गत वर्षकै नीति तथा कार्यक्रममा रहेको घर उद्योगका नामा परिचित गर्न खोजिएको कोदाको रक्सी उत्पादन र स्तर निर्धारण गरी ब्राण्डिङ गर्ने अजिरकाेट क्षेत्र कोदोको रक्सी उमेर समूह अनुसार प्रयोगमा प्राथमिकता दिने अजिरकाेटकाे छ । यो कार्यक्रम अघिल्ला वर्षमा पनि आएका कार्यक्रम हो । अन्य बाहिरबाट गएका बाह्य अल्काेहिक पर्दाथबारे छुटै नीति बनाइ व्यवस्थित गर्ने योजना पनि अजिरकाेटकाे छ । अजिरकाेटका वडा न ४, २ र ३ वडामा धेरै मात्रामा साथै सिरानचाेक गाउँपालिकाको वडा न ८ र १ का समेत सिजनवल फलका रूपमा रहेको खुर्पानीबाट जुस तथा वाइन उद्योग सञ्चालनको सम्भाव्यता अध्ययनले गरी चर्चा पाएको छ । अजिरकाेटकाे सिरानडाँडा तथा नम्कि क्षेत्रमा चालु आर्थिक वर्षमा खुर्पानीबाट वाइन निर्माण गरिएको थियो ।
वाइन उत्पादन अध्ययन अनुसन्धानका जनजङ्गलमा उत्पादन भई खेर गइरहेका वनजन्य फलफूल पानी अमला, काफल, ऐसेलु, चुत्रोलाई उद्योगसँग जोड्ने अजिरकाेटकाे नयाँ कार्यक्रम हो । पालिकाको उत्पादन पालिकामै, हिमालबाट बगेको शुद्ध खानेपानी बाेटलिङ् गरी राष्ट्रिय एवं अन्ताराष्ट्रिय बजारमा निर्यात गर्न आवश्यक नीति तर्जुमा गर्न अख्तियार गरी संरचना निर्माणको अध्ययन गर्न स्रोत जुटाउने नीति आगामी वर्षमा समेत रहेको छ ।
अजिरकाेटमा २०७९ मा अध्यक्षमा निर्वाचित भएका देवकोटाले लगातार तिन वर्षसम्म यो कार्यक्रम अघि बढाउका छन् । पशु बिमा गर्दा लाग्ने प्रिमियममा ५० प्रतिशत अनुदान दिने, बसाइसराइ रोक्न गाउँ फर्कन प्रेरित गर्न सहुलियत प्रदान गर्ने, सेवा शुल्क निर्धारण गर्दा सामाजिक न्यायका आधारमा गर्ने, डोको, नाङ्लो, मान्द्रो, भकारी, राडी, बक्खु जस्ता स्थानीय कच्चा सामग्रीको प्रयोग गरी उत्पादन हुने स्थानीय बस्तुको उत्पादन, प्रवर्द्धन र बजारीकरण गर्ने, रोजगार सेवा केन्द्रलाई श्रम बैंककाे रूपमा विकास गर्ने, बैंक तथा वित्तीय संस्थाहरूको कर्जा प्रवाहमा भएको चर्को व्याजका कारण उठिबास हुने कहालीलाग्दो अवस्थालाई अन्त्य गर्न सहुलियतपूर्ण कर्जा प्रवाहको नीतिका लागि बैंक तथा वित्तीय संस्थासंग समन्वय । सहकार्य गर्ने नीति समेत पालिकाले लिएको छ ।
गोठ होमस्टे प्रभावकारी बनाउने, नागेपाेखरी-दुधपाेखरी-नारदपाेखरी पदमार्ग निर्माण सम्पन्न गर्ने तथा थप स्रोतको खोजी गर्ने, बुद्ध हिमालचुली ग्रेट लेक सर्किट निर्माणको सुरुवात गर्ने, नागेपाेखरी डार्कु हाइ अल्टिच्युट साइक्लिङ रुट निर्माणलाई निरन्तरता दिने, वलाङ र खिम्पुमा रहेको टाउट माछा पालनलाई पर्यटनसँग जोड्ने, भच्चेक-दुधपाेखरी र तपी-सिरानखाेला पर्यटन साइनेजको व्यवस्थापन गर्ने, भच्चेक-सिरानडाँडा-ध्याच्चाेक-बारपाक जोड्ने पर्यटन पदमार्ग निर्माण गर्ने, हातिसुढेँ गुफा-चामे छहरा भिरमाैरी पर्यटनको संरक्षण विकास र प्रवर्धनमा आवश्यक योजना निर्माण गर्ने अजिरकाेटकाे नीति रहेको छ।न्युज कारखाना
बारा। बारा जिल्लाको महागढीमाई नगरपालिकाको ८औं नगर सभा सफलतापूर्वक सम्पन्न भएको छ। यस नगर सभामा आगामी आर्थिक वर्षका लागि नीति तथा कार्यक्रम प्रस्तुत गरिएको छ। कुल ७७ करोड ५४ लाख ९८ हजार ५०० रुपैयाँको बजेट प्रस्ताव गरिएको छ ।
नगर सभाको उद्घाटन नगर प्रमुख उपेन्द्र प्रसाद यादवले गरेका थिए, जसमा नगरपालिकाका प्रमुख प्रशासकीय अधिकृत विजय प्रसाद कुसवाहा , उप प्रमुख तारा देवी कानु , नगर सभाका सदस्यहरू, विभिन्न विभागका प्रमुख तथा आम नागरिकको उपस्थिति रहेको थियो। नगर प्रमुखले विगतका उपलब्धिहरू, चुनौतीहरू र आगामी वर्षका योजना तथा प्राथमिकताहरू बारेमा सम्बोधन गरे। उनले नगरपालिकाले शिक्षा, स्वास्थ्य, पूर्वाधार, कृषि, पर्यटन र समाज कल्याण जस्ता विभिन्न क्षेत्रहरूलाई विशेष प्राथमिकता दिएको जानकारी दिए।
प्रस्तुत बजेटमा शिक्षाका लागि विद्यालय भवनहरूको निर्माण तथा पुनर्निर्माण, शैक्षिक सामग्रीको व्यवस्था र डिजिटल शिक्षा प्रवर्द्धनका लागि विशेष बजेट विनियोजन गरिएको छ। स्वास्थ्य क्षेत्रका लागि नयाँ स्वास्थ्य चौकीहरूको स्थापना, मौजुदा स्वास्थ्य संस्थाहरूको स्तरोन्नति तथा निःशुल्क औषधि वितरण कार्यक्रमलाई निरन्तरता दिने योजना समावेश गरिएको छ।
पूर्वाधार विकासका लागि सडक, पुल तथा खानेपानी आयोजनामा विशेष ध्यान दिइएको छ। नगरपालिकाले दुरदराजका क्षेत्रहरूमा आवागमन सहज बनाउन नयाँ सडक निर्माण तथा पुराना सडकहरूको मर्मत सम्भार गर्ने योजना प्रस्तुत गरेको छ। साथै, खानेपानी र सरसफाइका कार्यक्रमहरूलाई प्रभावकारी बनाउन विभिन्न योजनाहरू अघि सारिएको छ।
कृषि क्षेत्रको प्रवर्द्धनका लागि सिँचाइ सुविधा, कृषि उपकरणहरू, तथा कृषकहरूलाई तालिम प्रदान गर्ने कार्यक्रमहरूमा बजेट छुट्याइएको छ। पर्यटन प्रवर्द्धनका लागि नगरपालिकाका ऐतिहासिक, धार्मिक तथा प्राकृतिक स्थलहरूको संरक्षण र प्रवर्द्धन गर्न विशेष कार्यक्रमहरू प्रस्तुत गरिएको छ। समाज कल्याणका क्षेत्रमा वृद्धवृद्धा, महिला, बालबालिका तथा अपाङ्गता भएका व्यक्तिहरूको हितका लागि विभिन्न योजना समावेश गरिएको छ।
नगर प्रमुखले बजेटको सदुपयोग र पारदर्शिता सुनिश्चित गर्न नागरिक सहभागितालाई प्रोत्साहित गर्ने प्रतिबद्धता व्यक्त गरे। उनले नगरपालिकाका सम्पूर्ण नागरिकहरूलाई सहकार्य गर्न आह्वान गर्दै नगरको समग्र विकासका लागि सबैको साथ र सहयोग आवश्यक रहेको बताए।
नगर सभाका सदस्यहरूले आ-आफ्ना विचार तथा सुझाव प्रस्तुत गरे। अधिकांश सदस्यहरूले प्रस्तुत बजेट तथा कार्यक्रमलाई सराहना गर्दै यसलाई सफल बनाउन सहकार्य गर्ने प्रतिबद्धता जनाए। केही सदस्यहरूले भने केही क्षेत्रमा थप ध्यान दिनुपर्ने आवश्यकता औंल्याए।
समग्रमा, महागढीमाई नगरपालिकाको ८औं नगर सभा सफलतापूर्वक सम्पन्न भएको छ र प्रस्तुत गरिएको बजेट तथा कार्यक्रमहरू नगरको समग्र विकासका लागि सकारात्मक कदम भएको धारणा प्रकट गरिएको छ। नगर सभाको समापनमा नगर प्रमुखले आगामी वर्षको लागि निर्धारित लक्ष्यहरू प्राप्त गर्न सबैको सहभागिता र समर्पण आवश्यक रहेकोमा जोड दिए। सभाको समापन गर्दै, नगर प्रमुखले उपस्थित सबैलाई धन्यवाद ज्ञापन गरे र नगरको समृद्धिका लागि सबैले आफ्नो भूमिका निभाउन आग्रह गरे।न्युज कारखाना
आरके श्रीवास्तव,राैतहट,०५ गते असार ।
रौतहटकाे कटहरिया नगरपालिकाले बजेट ल्याएको छ । बुधबार कटहरिया नगरपालिकाले यस वर्ष जनमुखी योजना ल्याएकाे छ । कटहरिया स्थित नगरपालिकाकाे प्रांगणमा बजेट अधिवेशन बाेलाईएकाे थियाे । नगर प्रमुख अजय प्रकाश प्रकाश जयवालकाे अध्यक्षतामा साे नगरसभा सम्पन्न भएको हाे ।
नगरसभाकाे १० अाैं अधिवेशन बाट जनमुखी नीती र कार्यक्रम ल्याएकाे छ । नगरपालिका नगर कार्यपालिकाबाट पास गरेकाे निती तथा कार्यक्रम कार्यान्यवन गर्न ४६ करोड भन्दा बढी बजेट विनियोजन गरेकाे हाे ।
हरेक वर्ष असार १० गते बजेट ल्याउनु पर्ने प्रावधान रहेकाे छ । तर कटहरिया नगरपालिकाले साे समयअवधी आगावै नगरसभा शान्तिपूर्ण रूपमा सम्पन्न भएको छ । धेरै उत्साहका साथ सम्पन्न भएकाे नगरसभा बाट कटहरिया नगरपालिकाकाे जनताकाे मन जितने किसिमकाे निती तथा कार्यक्रम पारित गरेको हाे । नगर प्रमुख जयसवाल र प्रमुख प्रशाकिय अधिकृत सुरेन्द्र प्रधानले निति तथा कार्यक्रम वाचन गरेर सुनाएका थिए ।
नगरकाे चौतर्फि विकासकाे लागि यसै आगामी आर्थिक वर्ष २०८१/८२ का लागि ४६ करोड ६२ लाख ५४ हजार रुपैयाँकाे बजेट पारित गरिएकाे नगर प्रमुख जयसवालले जानकारी गराउनु भयाे । यस वर्ष शिक्षा, स्वास्थ्य, खेलकुद, कृषि, भौतिक पुर्वाधार निर्माण कार्य, पर्यटन तथा संस्कृति, लगायतकाे विशेष प्राथमिकतामा राखी उक्त बजेट प्रस्तुत गरिएको जयसवालले बताए ।
साे नगरपालिकाकाे संघिय वितिय समानीकरण अनुदान ११ कराेड ५२ लाख,संघिय राजश्व बाँडफाँड १० कराेड ११ लाख ,संघिय सशर्त अनुदान चालु १८ कराेड ४३ लाख २९ हजार,संघिय सरकार सशर्त पुँजिगत ३ कराेड ६६ लाख २५ हजार,संघिय सरकार समपुरकमा अनुमानित ५० लाख,वित्तीय समानिकरण प्रदेश सरकार ९० लाख,विशेष अनुदान प्रदेश सरकार २० लाख र आन्तरिक राजस्व १ कराेड
गरि कुल ४६ कराेड ६२ लाख ५४ हजार बजेटकाे आयकाे प्रक्षेपण गरिएको छ ।
कार्यक्रम सञ्चालन अनिल निधिले गर्नु भएको थियाे । साे अवसरमा वडा नम्बर १ का वडा अध्यक्ष भूपेन्द्र महताे काेईरी,वडा नम्बर ३ का वडा अध्यक्ष श्याकान्त यादव,वडा नम्बर ६ का वडा अध्यक्ष जयराम चाैधरी,वडा नम्बर ८ का वडा अध्यक्ष समिश बिक्रम शाह,वडा नम्बर ९ का वडा अध्यक्ष रूपेश यादव,कार्यपालिका सदस्य मनाेज कुमार जयसवाल सहित जनप्रतिनिधिहरू,पत्रकार,सुरक्षाकर्मी,कर्मचारीहरू सहितका व्यक्तिहरूकाे उपस्थिति रहेकाे थियाे ।
