आरके श्रीवास्तव,गरुडा,वैशाख ०९ गते

रौतहटको गरुडा नगर उद्योग वाणिज्य संघको साधारण सभा आगामी वैशाख २२ गते हुन गइरहेको छ । धेरैदिन देखि साधारणसभा बोलाउन माग गरिदै आएको थियो । तर सधारणसभा बोलाइएको थिएन् । वर्तमान अध्यक्ष हरेन्द्र जयसवालको कार्यकाल समाप्त भएको १ वर्षभन्दा बढी समय बित्दा पनि साधारण सभा नबोलाइएपछि व्यापारीहरु आक्रोशित बनेका थिए । उनीहरुले साधारणसभा बोलाउन बारम्बार माग गर्दै आएका थिए । गरुडा नगर उद्योग वाणिज्य संघका अध्यक्ष जयसवालले पत्रकारहरुसँग कुराकानी गर्दै आउँदो वैशाख २२ गते शुक्रवार संघको नव निर्मित भवनको उद्धघाटन र साधारणसभा एकै दिन बोलाइएको जानकारी गराए । संघको विधान अनुसार कार्यकाल समाप्त भइसकेपछि नयाँ कार्यसमिति चयनका लागि बन्दसत्र बोलाउने प्रावधान छ । सहमती नभएको खण्डमा चुनावी प्रक्रियाले नयाँ समिति चयन गर्ने गरिन्छ । समयमै नयाँ नेतृत्व चयन भए व्यापारीहरुको हकहितका लागि राम्रो हुने व्यापारीहरुको भनाइ छ । बारम्बार साधारण सभा बोलाउन माग गरेपनि आफूहरुले कुनै ठोस् जवाफ नपाएको उनीहरुले गुणासो गर्दै आएका थिए । अन्नतः यसै महिना साधारण सभा हुने भएको छ ।

आरके श्रीवास्तव,गरुडा,वैशाख ०९ गते

रौतहटको बौद्धीमाइ नगरपालिका ४ नम्बर वडाको इनरवारी स्थित उतर–पूर्व चौरतिर ग्रामिण कृषि सडक विस्तार गरिएको छ । वडा स्तरीय योजना बाट करिब १६ लाखको लागतमा सो नयाँ सडक विस्तर गरिएको हो । वर्षौदेखि सो सडक नहुँदा स्थानियहरुलाइ समस्या हुने गरेको थियो ।

किसानहरुलाइ धानबाली,मकै,गहुँ लगायत अन्नपात ढुवानी गर्न समस्या भइरहेको थियो । त्यसकै मध्यनजर गरी सो सडक निकालिएको हो । सो वडाका वडा अध्यक्ष तुरन्तनारायण यादवले ग्रामीण कृषि सडक निर्माणलाई प्राथमिकता दिएका छन् । स्थानिय विसेश्वर यादवको घरदेखि झगरु राय यादवको घरसम्म कालेपत्र सडक सम्म १६ लाख रुपैयाँको लगानीमा ग्रामिण कृषि सडकको निर्माण भएको छ । सडक निर्माण भएपछि स्थानीयहरुलाई कृषिबस्तुको ढुवानी गर्न सहज हुनेछ । आफनो लक्ष्य अनुसार वडामा सडक निर्माण लगायतको कामलाई तिब्रता दिएको वडा अध्यक्ष यादवले बताए । सडक निर्माण भएपछि किसानहरुलाइ आ–आफ्नो खेती योग्य जमिनमा पुग्न सहजै पहुँच हुनेछ । सडक निर्माण भएपछि स्थानिय किसानहरु हर्षित भएका छन् ।

इन्दीप कोइराला, बारा

बारा, ९ बैशाख । बारा क्षेत्र नम्बर २ को उपनिर्वाचनको क्रममा जनमत पार्टीका कार्यकर्ताहरुले मौन अवधिमा निर्वाचन आचारसंहिता वितपरित सूर्य चिन्ह बिनाको नमुना मतपत्र सर्वसाधारण मतदातालाई बाढेको पाइएपछि नेकपा एमालेले निर्वाचन अधिकृतको कार्यालय कलैयामा उजुरी दिएको छ ।

नेकपा एमालेका उम्मेदवार पुरुषोत्तम पौडेलका प्रतिनिधि मनोज पौडेलेले जनमत पार्टीका उम्मेदवार शिवचन्द्र कुशवाहाले आफ्नो पार्टीको चुनाव चिन्ह सूर्य नभएको नमुना मतपत्र मतदाताको घरघरमा बाढेको पाइए पछि उम्मेदवार कुशवाहा माथि कारबाहीको माग गर्दै उजुरी दर्ता गराएका हुन । एमालेले कुशवाहाका कार्यकर्ताहरुले वितरण गरेको नक्कली नमुना मतपत्रसहित उल्लेख गरेर उजुरी गरेका हुन ।

कुशवाहाले सूर्य चिन्ह नभएको मतपत्र बाढेर मतदातालाई भ्रमित पार्न खोजिएको भन्दै पौडेलले कारबाहीको माग गरिएको बताए । उनका अनुसार चुनाव प्रचारको मौन अवधि सुरु भएपछि जनमत पार्टीका कार्यकर्ताहरुले हिजो विभिन्न पालिकामा सूर्य चिन्ह नभएको नक्कली नमुना मतपत्र छापेर बाडेका थिए ।

त्यसमाथी, एमाले उम्मेदवार पुरुषोत्तम पौडेलले आफूलाई समर्थन गरेको भन्दै कुशवाहाले एमालेको चुनाव चिन्ह नभएको नक्कली नमुना पतपत्र बाढेकाे खुल्न अाएकाे एमालेले जनाएकाे छ । कुशवाहाले यसअघि पनि एमालेका उम्मेदवार पौडेलले आफूलाई समर्थन गरेको भन्दै भ्रमपूर्ण प्रचार गराएका थिए ।

निर्वाचनमा पराजित हुने देखेपछि जनमतका कार्यकर्ता र उम्मेदवार कुशवाहाले निर्वाचतलाई प्रभावित पार्न भ्रमको खेति थालेको र यसबाट बिचलित नभइ सूर्य चिन्हमा मतदान गर्न मतदातसंग एमालेले मतदातासंग आग्रह गरेको उम्मेदवार पाैडेलले जानकारी दिए ।

जिल्ला निर्वाचन कार्यालयका प्रमुख सरोज चौधरीले जनमत पार्टीका उम्मेदवार र कार्यकर्तांबाट भएको आचारसंहिता विपरितको कार्य बारे परेको उजुरीमाथि छानविन गरी कारबाही गरिने बताए ।

रमेश कुमार यादब,बैशाख ०७
रौतहट जिल्लाको बृन्दावन नगरपालिकामा नगर प्रमुख बिनोद राउत कुर्मिले भ्रष्टाचार गरेको बिरोधमा बसेको रिले अनसनको ३० औँ दिन भएको छ ।नगर प्रमुख कुर्मिको बिरोधमा उत्रिएका पाँच दलिय राजनितिक दलका नेताहरु बुधबार पुगेको ३० औँ दिनलाई कालो दिनको रुपमा मनाएका थिए ।वृन्दावन नगरपालिकामा मेयर कुर्मीले प्रतिबद्धता जनाए अनुसारको काम कारवाही नगरेपछि पाँच राजनीतिक दलहरुले नगरपालिकाको कार्यालय विश्रामपुरमा गत चैत ६ गते देखि रिले अनसन सुरु गरेका थिए ।नगरप्रमुख कुर्मीले छलफलको लागी गौरमा प्रहरी उपरिक्षक ९एसपि० ,बिभिन्न राजनेतिकदलका नेता ,प्रमुख जिल्ला अधिकारी समक्ष प्रतिबद्धता जनाए अनुसार नगरपालिकाको काम कारवाही एवं विकास निर्माणको कार्य पूर्ण पार्दर्शी गर्ने र हिसावकिताव सार्वजनिक गर्ने भनिएको महिनौ दिन वितिसक्दा पनि प्रतिबद्धता अनुसार काम नगरेपछि पाँच दलिय राजनीतिक पार्टीहरु नेपाली काँग्रस, नेकपा एमाले, नेकपा माओवादी, आम जनता पार्टी र जनता समाजवादी पार्टीले गत चैतको पहिलो दिन देखि नगर कार्यपालिकाको कार्यालय विश्रामपुरमा रिले अनसन सुरु गरेका थिए । पाँच दलियद्धारा १४ बुन्देँ मागहरु राखि गत चैत महिनाको मंगलबारदेखि रिलेअनसन सुरु गरेको थिाये । बुधबार ३० औँ दिनको रिले अनसनलाई सम्बोधन गर्दै बृन्दावन नगरपालिकाको वार्ड नं।४ को वडाअध्यक्ष श्यामनन्दन यादबले भने यो नगर प्रमुख कुर्मि निर्वाचित भएदेखि नै चरम भ्रष्टाचारमा लिप्त रहेको आरोप समेत लगाउनु भयो ।वडाअध्यक्ष यादबले भने आज हामिले रिले अनसन बसेको ३० दिन हुँदा पनि यो नगर प्रमुख कुर्मिले आज सम्म रिलेअनसन कर्ताहरुसंग आएर भेट गर्नु त परकै कुरो हो वहाँले यस रिले अनसनको सम्बन्धमा कुनै प्रतिक्रिया समेत दिएको छैन ।नगर प्रमुख कुर्मिको यो गैर जिम्मेवारी पनाको हामि पाँच राजनितिक दलहरुले घोरभत्सना गर्दछौ ।वडाअध्यक्ष यादबले भने नगरपालिका प्रमुख कुर्मिले अनियमितता गरेको र विभिन्न शीर्षकमा भएका खर्च, कामको सूचना माग्दा नदिएको भन्दै हामिहरु अनशनमा बसेको वडाअध्यक्ष यादबले बताए ।सूचनाको हक प्रयोग गरेर पनि कतिपय सूचना दिन नमानेको र नगरपालिकामा कुन काम भएको छ र के–के काम भइरहेको छ भन्ने नगरबासीले थाहा पाउनुपर्नेमा सूचना लुकाएर अनियमितता गरेको हुनाले हामिहरुले बाध्य भई अनशन बस्नु परेको यादवको दाबी थियो ।‘मैले सूचना मागेर कुनै गलत गरेको छैन ।नगरपालिकाभित्र धेरै अनियमितता भएको छ,’ उनले भने,‘राम्रो काम गरेका छ भने सूचना माग्दा किन नगर प्रशासन दिन मान्दैन ।नगरप्रमुख किन भागेर हिँड्छन् । जबसम्म सूचनाको मागको सम्बोधन हुँदैन तबसम्म अनशन जारी रहन्छ ।’वहाँले भने यो अनसन आज ३० दिन भयो हाम्रो १४ बुन्देँ माग सम्बोधन नभएसम्म ६ महिना बस्नु पर्यो भने हामि आतिदैनौ,यो रिले अनसन जारी नै रहने साथै आवश्यकता अनुसार थप आन्दोलन गर्दै जाने र उक्त आन्दोलनबाट हुने सम्पुर्ण क्षति नगर प्रमुखले लिने वडाअध्यक्ष यादबले भने ।बृन्दावन नगरपालिकाको नगर प्रमुख कुर्मि र प्रमुख प्रशासकिय अधिकृत खिमबहादुर भुजेल मिली नगरपालिकालाई खोख्ला बनाएका आरोप समेत लगाएका थिए ।वडाअध्यक्ष यादबले भने कि नगर प्रमुख कुर्मिले हामि जस्तो राजनेतिककर्ताको कुनै वास्ता गरिरहेको छै्रन भने सर्वसाधारणको के हाल हुने त्यस कारण आमसर्वसाधारणहरुलाई बुझने कुरा भएको बताउनु भयो ।
त्यसतै बृन्दावन नगरपालिकाको वार्ड नं।२ को वडाअध्यक्ष सिकेन्द्र राउत कुर्मिले नगर प्रमुख कुर्मिको गैरजिम्मेवारी पनाको पनि हद पार गरिसकेको भन्दै ३० औं दिनको रिले अनसनलाई कालो दिनको रुपमा मनाईएको बताउनु भयो । १४ बुन्दें माग लगायतको पालिकामा काम गर्ने कर्मचारीहरुको बिवरण सहितको जानकारी दिन अनुरोध गर्दै हामि रिले अनसनमा बसेका वडाअध्यक्ष कुर्मिले बताउनु भयो ।साथै यस पालिकामा काम गर्ने कर्मचारी हर्षाहामा नगई बृन्दावनमा आएर काम गर्दा त्यस कर्मचारीलाई स्पष्टिकरण माग्ने तलब रोक्का गर्ने जस्ता निन्दनिय कार्यलाई घोरभत्सना गर्दछु ।साथै नयाँ हाकिम आउने भनि सुन्दैँ छु उक्त हाकिमसंग हाम्रो अनुरोध छ कि बिश्रामपुर स्थित रहेको बृन्दावन नगरपालिकामा आएर हाजिर हुन र मागलाई सम्बोधन गर्ने आशा राखेको वडाअध्यक्ष कुर्मिले भने ।
त्यसतै चरम भ्रष्टारमा लिप्त रहेको नगर प्रमुख कुर्मि बिरुद्ध हामिले चारै तिर उजुरी दिईसकेको बृन्दावन नगरपालिकाको वार्ड नं।३ को वडाअध्यक्ष हरिनरायण साहले बताउनु भयो ।वहाँले भने नगर प्रमुख कुर्मिले दादागिरी पराले नियम कानुनको धज्जिया उडाउदैँ नगरपालिकामा नाङ्गो उदण्डता देखाएको प्रष्ट देखिन्छ ।हाम्रो रिले अनसनको ३० दिन हुँदा जिल्लाको प्रमुख सिडियो झा एकदिन आए त्यसपिछ एक पल्ट पनि हामिलाई केहि सम्झेन त्यस कारण हामिलाई लाग्छ कि यस कार्यमा सिडियो र एसपिको समेत संलग्नता रहेको देखिन्छ ।वडाअध्यक्ष साहले भने कि हामि अहिले सम्म कानुन हिसाबले चल्दै आईरहेको छु ।हामिले अहिले यस भ्रष्टाचारको बिरोधमा राष्ट्रिय सुचना आयोग र उच्च अदालतमा पनि निदेबन दियौ तर त्यहाँबाट चिठि आउँदा नगर प्रमुख कुर्मिले उक्त चिठि नबुझि कानुनलाई पनि बेवास्ता गरेको देखिन्छ । त्यस कारण अव हामिले रिले अनसनको रुप बदल्ने र त्यसबाट हुने क्षतिपुर्ति स्वयम नगरपालिकाले लिने चेतावनी समेत दिनु भयो ।साथसाथै हामिले मागेको मागहरु आव २०७९÷०८० मा भएको नगर सभा देखी हालसम्म भएको नगर सभा देखी हाल २०७९ चैत ०५ गते सम्मको निर्णय प्रतिलिपिहरु शिक्षा क्षेत्रमा खर्च गरिएको विवरण तथा उपलब्धीहरु ,स्वास्थय क्षेत्रमा खर्च गरिएको विवरण तथा उपलब्धीहरु ,करारका कर्मचारीहरु नियुक्तिपत्र र हाजरी रजिष्टरको प्रतिलिपि साथै तलब कर्मचारी पेश्किको विवरण तथा डोर हाजरीमा राखिएको कर्मचारीको विवरण ,अमानतमा बागमति खोलामा उठाईएको कर दाखिल विवरण र बैकं भौचर विवरण ,पद पुर्ति समितिको निर्णय र छनौट प्रकृयाको प्रतिलिपि ,२०७९ जेष्ठ महिना देखी हाल सम्म गाडीहरु राखेको डिजल पेट्रोलको लगबुक सहित विवरण सहित विभिन्न माग राख्दै अनसनमा बसिरहेका छन् ।

बारा, ८ बैशाख । नक्कली विवरण बनाएर नागरिकताका लागि सिफारिस गर्ने वडाध्यक्षसहित ३ जना पक्राउ परेका छन् ।

मावली हजुरबुवावाट बंशजको आधारमा नागरिकता दिलाउनका लागि सिफारिस गरेको आरोपमा कलैया उपमहानगरपालिका– १० का वडाध्यक्ष महम्मद साबिरसहित ३ जनालाई पक्राउ गरिएको हो ।

वडा अध्यक्ष साबिरसहित नागरिकता लिइसकेका नक्कली बाबु छोरा गरी तीन जनालाई प्रहरीले पक्राउ गरेको प्रहरी नायव उपरीक्षक पुरुषोत्तम पाण्डेले जानकारी दिए । उनका अनुसार कलैया उपमहानगरपालिका १० मटिअर्वा गाउँका नक्कली बाबु ७५ वर्षीय जोधन साह तुराहा र नक्कली छोरा बनेका २१ वर्षीय रमेश साह तुराहा पक्राउ परेका हुन् । रमेशले मावलीका हजुरबुबा जोधनलाई बाबु बनाएर ६ महिनाअघि वंशजको आधारमा नागरिकता लिएको खुले पछि उनीहरु पक्राउ परेका हुन ।

गोप्य उजुरीको आधारमा उनीहरु पक्राउ गरी जिल्ला प्रहरी कार्यालयमा हिरासतमा राखेर अनुसन्धान अघि बढाइएको प्रहरी नायव उपरीक्षक पुरुषोत्तम पाण्डेले बताए ।

उनका अनुसार नागरिकता लिन सिफारिस गरेका वडाध्यक्ष साबिरलाई बुधबार नियन्त्रण लिई अदालतबाट ५ दिनको म्याद थपेर हिरासतमा राखी अनुसन्धान सुरु भइसकेको छ ।

बारा, ८ चैत । वैशाख १० हुन गईरहेको प्रतिनिधिसभा सदस्य उपनिर्वाचनका लागि आजवाट नेपाल भारत सिमा बन्द गरिने भएको छ ।

जिल्ला प्रशासन कार्यालय बाराले एक सूचना जारी गर्दै शुक्रबार राति १२ बजेदेखि १० गते आइतबार राति १२ बजसम्म जिल्लाका नेपाल–भारत सिमाना बन्द रहने जनाएको हो

यसैगरी, मंगलबार राति १२ बजेदेखि मतदानको कार्य सम्पन्न नभएसम्म जिल्लाभरी सबै प्रकारका मादक पदार्थ ओसारपसार, बिक्री वितरण र सेवनमा समेत रोक लगाईएको बाराका प्रमुख जिल्ला अधिकारी नवराज सापकोटाले जानकारी दिए ।

गाैर,बैशाख ७ गते

रौतहट जिल्लामा संचालनमा रहको आरम्भ परियोजना अन्र्तगत कार्यशाला मंगलवार देखि सुरु भइ आज सम्पन भएको छ । गैरमा रहेको होटेल सिया पैलैसको सभा हलमा सकारात्मक सामाजिक मान्यताहरू विकास र प्रवद्र्धन गर्न धार्मिक,सामाजिक आगुवाहरू र परिवर्तन सम्बाहकहरूसँग ३ दिनको कार्यशाला २०८० बैसाख ५ गते देखि सुरु भइ ७ गते सम्पन भएको छ । कार्यक्रममा स्थानीय तहको योजना तर्जुमा प्रक्रिया, सथानीय सरकारले पाउने अनुदान, योजना छनौट गर्ने प्रक्रिया र छनौट भएको योजना लाइ प्राथिमिकिकरण गर्ने आधारहरुको बारेमा प्रस्तुति गर्दै शिक्षा अधिकृत अरविन्द कुमार साहले तेस्रो चरणको योजना प्रक्रिया ९बस्ति स्तरको योजना तर्जुमा ० मा स्थानीय नागरिक समाज, सामाजिक अगुवा,महिला, बालबालिका,अपांगता भएको व्यक्ति, बिधालय,आमा समुह, तथा गैर सकारी संस्थाको अर्थपूर्ण सहभागिता सुनिश्चित हुनु पर्ने तथा स्थानीय आवश्यकताको आधारमा योजना छनौटमा सबैको भूमिका हुनु पर्छ साथै बालिका शिक्षा प्रबर्धन तथा हानिकारक सामाजिक मूल्यमान्यता न्यूनीकरण गर्न आवश्यक क्रियाकलापको बारेमा छलफनल भएको थियो शिक्षा,स्वास्थ्य,जिविकोपार्जन,बालविवाह लगायतको क्षेत्रमा काम गर्द आएको गैर सरकारी संस्था आसमान नेपालले आरम्भ परियोजना अन्तरगत शिक्षाबाट बञ्चित रहेका १० दखि १९ बर्षको विवाहित तथा अविवाहित किशोरीहरुलाइ शिक्षामा पहुँच पुयाउने तथा शिपमुलक तालिम दिएर आत्मनिर्भर बनाउदै आएको परियोजनाका शिक्षा अधिकृत साहले बताउनु भयो । पहिलो बर्षमा आरम्भ परियोजना रौतहटको दुर्गा भगवती र यमुनामाइ गाउँपालिकामा कार्यक्रम संचालन गरेको थियो ।

दोस्रो बर्षमा कटहरिया र मौलापुर नगरपालिकामा संचालन भएको कार्यक्रम तेस्रो बर्षमा राजपुर र माधवनारायण नगरपालिकामा संचालन भएको थियो । भने चौथौ बर्षमा गरुडा,गढीमाइ,परोहा र बौद्धीमाइ नगरपालिकामा संचालनमा रहेको छ । एफसिडिओको आर्थिक सहयोग पिपुल इन निड,समाजिका संस्था जिल्ला समन्वय समिती, आसमान नेपाल तथा सम्बन्धित पालिकाको सहकार्यमा रौतहटमा संचालन रहेको आरमभ परियोजनाले ४ वटा प्रतिफलमा कार्यक्रम गर्दै आएको छ प्रतिफल १ विद्यालय छोडेका किशोरीहरुको साक्षरता र गणित कक्षाको सुधारात्मक हाजिरी। प्रतिफल २ विद्यालय छोडेका किशोरीहरुको संज्ञात्मक तथा असंज्ञात्मक सीपहरु विकास गर्ने एवमं भविष्यका लागि योजना बनाउने। प्रतिफल ३ विद्यार्थीका लागि विद्यालयमा सिक्नका लागि अनुकूल वातावरण सिर्जना गर्ने र विवाहित, विद्यालय छोडेका किशोरीहरुका लागि भावी योजना बनाउनका लागि सहयोग गर्ने। प्रतिफल ४ उमेर पुगी मात्रै विवाह गर्न, समुदाय र सम्बन्धित निकायलाई सकरात्मक समाजिक मान्यताका लागि प्रोत्साहन गर्ने र विवाहित, विद्यालय छोडेका किशोरीहरुको भावी योजनाका निम्ति बोध गराउने रहेको थियो । गरुडा वडा नम्बर १ का चेंज च्याम्पियन शेख साविर हुसैनले आरम्भ परियोजनाको सराहना गर्दै शिक्षाको पहुँचबाट टाढा रहेका बालिकाहरुलाइ किशोरी सिकाइ केन्द्रमा सहभागी गराउन लागि परेको बताए । अगामी दिनहरुमा पनि किशोरीहरुलाइ शिक्षामा पहुँच पु¥याउन सक्दो सहयोग गर्ने प्रतिबद्धता जनाउदै कुनै पनि बालबालिकालाइ शिक्षाबाट बञ्चित हुन न दिने बताए । यस्तै कार्यक्रममा सहभागी बौद्धिमाइ नगरपालिका का महिला,बालबालिका ज्येष्ठ नागरिक शाखाका प्रमेश कुमार रजकले आरम्भ परियोजनाले गाउँ घरमा धेरै परिवर्तन गर्न सफल भएको धारणा राख्दै रजकले आफ्नो अनुभव सुनाउदै २० वर्ष भन्दा मुनीको बालबाालिकाहरुको हुने बालविवाह रोक्नमा आफु पनि लागि परेको बताए । रजकले आफ्नै भतिजीको १८ वर्षको उमेरमा हुन लागेको विवाह रोक्न सफल भएको बताए । अगामी दिनहरुमा पनि यस्तै सक्रियताका साथ लागि रहने प्रतिबद्धता गर्नु भएको छ । गरुडा नगरपालिका महिला,बालबालिका ज्येष्ठ नागरिक शाखाका प्रमुख अस्मिता यादबले आरम्भ परयोजना एकदम प्रभावकारी रहेको बताए । समाजका विपन्न दलित पिछिडिएका समुदायका शिक्षाको पहुँचबाट टाढा रहेका बालिकाहरु शिक्षामा पहुँच गराएर मुलधारमा ल्याउन सफल भएके बताउदै यस्ता कार्यक्रमलाइ नगरपालिकाले निरन्तरता दिने प्रतिबद्धता व्यक्त गरे । परोहा नगरपालिकाका महिला,बालबालिका ज्येष्ठ नागरिक शाखाका आयसा हसनले आफ्नो पालिकाको वडामा बालविवाह रोक्न सफल भएको अनुभव सुनाउदै आरम्भ परयोजनाले जुन तरिका समाजमा प्रभाव पारेको छ यसले निरन्तरता पायो भने अझै धेरै सुधार हुदै जाने बताए । हामीले हमेसा बालविाह,लैंिगक हिंसा,दाइजो प्रथा सहति गाउँघरमा विद्यमान रहेका कुरितीहरुलाइ न्युनिकरण गदैै शिक्षाको पहुँचबाट टाढा रहेका बालिकाहरुलाइ विद्यालय सम्म पु¥याउन अहम भुमिका खेल्ने बताए । कार्यक्रमको प्रस्तुतिको क्रममा १४१८ किशोरी माध्ये १०७१ जना किशोरीहरु बिधालय भर्ना गर्ने लक्ष्य लिएको साथै बिधालय भर्ना हुन नसकेको किशोरीहरुलाई बिभिन्न किसिमको व्यवसायिक तालिम दिने शिक्षा अधिकृत साहले बताउनु भएको थियो कार्यक्रममा खास गरि हाम्रो समुदायमा रहेको हानिकारक सामाजिक मुल्य मान्यता जस्त्तै बाल बिवाह,दाइजो प्रथा,लिंगको आधारमा बिभिन्न किसिमको हिंसा लाइ न्यूनीकरण गर्न क्रियाकला छनौट गरि न्युनिकरणको लागि रणनीतिक योजना तयारी भएको र सोहि अनुसार अगाडी बढ्ने बाल संरक्षण संयोजक सपना सेन्चुरीले बताउनु भयो कार्यक्रममा निलु झाले प्रशिक्षण गर्नु भएको थियो भने कार्यक्रमा परोहा नगरपालिका वडा नं २ का वडा अध्यक्ष,गरुडा महिला सेलका फुलमाया गुरौ,गरुडा,बौधिमाई र परोहा नगरपालिकाका महिला बालबालिका शाखा प्रमुखहरु सममिक धार्मिक अगुवा,पत्रकार लगाएत आसमान नेपाल संस्थाको क्रमचारिको उपस्थिति रहको थियो ।

आरके श्रीवास्तव,गरुडा,वैशाख ०७ गते

रौतहटको वृन्दावन नगरपालिकामा कार्यालय प्रमुख परिवर्तन भएको छ । जिल्लाको पुर्वी उतरी भेगमा रहेको बृन्दावन नगरपालिकामा नयाँ हाकिमको आगमन भएको हो । सो नगरपालिकाको नयाँ कार्यालय प्रमुख प्रशासकीय अधिकृतको रुपमा उपसचिव ओम प्रकाश पाण्डे बिहीबार हाजिर भए भएपश्चात हाकिम पाण्डेलाई नगर प्रमुख बिनोद प्रसाद कुर्मीले फुलमाला तथा अबिरको टिका लगाई र दोसल्ला ओढाई भव्य स्वागत गरेर कार्यालयमा हाजिर गराएका हुन् । बृन्दावन नगरपालिकाको कार्यालय विश्रामपुरमा पुगेका हाकिम पाण्डेलाई नगर प्रमुख कुर्मी सहित त्यहाँ निर्वाचित जनप्रतिनिधि हरुले तथा अन्य व्यतीहरुले पनि भव्य स्वागत गरेका छन् । बृन्दावन नगरपालिकाको यस भन्दा अघिको प्रमुख प्रशासकीय अधिकृत खिम बहादुर भुजेलको सरुवा भएको करिब दुई हप्ता पछि आज नयाँ हाकिमको रुपमा पहिलो पटक उपसचिव ओम प्रकाश पाण्डेको आगमन भएको छ। यस भन्दा अघिका कार्यालय प्रमुख भुजेलको ठाउँमा पाण्डे आएपछि स्थानिय जनतामा कौतुहलता रहे पनि जनताको सेवामा कुनै कमिकमजोरी नहोस भनि नगरवासीले अपेक्षा राखेका छन् ।

रुपेश यादव,फतुवा बिजयपुर,वैशाख ०७ गते

रौतहटको फतुवा बिजयपुर नगरपालिकामा वडा नम्बर ४ स्थित श्री माध्यमिक बिधालय टेंग्राहामा नयाँ भर्ना अभियान सुरु भएको हो । शैक्षिक सत्र सुरु भएसँगै सरकारले यसवर्ष ‘हामी सबैको इच्छा, समयमा भर्ना समयमा ज्ञान गुणस्तरिय शिक्षा सबैको अभियान ’ भन्ने मुल नाराका साथ गाउँको परिक्रमा गरिदै भर्ना अभियान अगाडि बढाएको प्रधानाध्यापक अनिल कुमार यादवले बताएका छन् ।

विद्यालय बाहिर रहेका बालबालिकालाई शिक्षाको मूल प्रवाहमा ल्याउन भर्ना अभियान सुरु गरेको बताउँदै उहाँले भर्ना अभियान सफल तुल्याउनका लागि सबैको सहयोग आवश्यक रहेको बताए । सो भर्ना अभियानको घरदैलो कार्यक्रममा सोहि वडाका वडा अध्यक्ष सतिश यादव (गौरव) ,बिधालय व्यवस्थापन समितिका अध्यक्ष जयमंगल यादव ,लेखापाल प्रविन यादव,शिक्षक राजेश यादव लगायतका शिक्षक शिक्षिकाहरू र बिधार्थीहरूको सहभागीता रहेको थियो ।