रौतहट , जेठ १ गते ।
रौतहटको अधिकांश पालिकामा जनप्रतिनिधिबीचको विवादका कारण विकास निर्माणको काम प्रभावित भएपनि गरुडा नगरपालिकामा विकास निर्माणका कार्य गति लिएको छ । जिल्लाका अधिकांश पालिकामा यतिखेर जनप्रतिनिधिहरु अर्थात मेयर, उपमेयर र वडा अध्यक्षहरुबीच बजेट भागबण्डामा सहमति हुन नसक्दा विकास निर्माणका कामहरु अगाडि बढ्न सकिरहेका छैनन तर गरुडा नगरपालिकाका नगर प्रमुख (मेयर) कन्थमनी प्रसाद जयसवालले सबै पक्षलाई समेटेर नगरमा विकास निर्माणका कामलाई निकै जोरसोरले अगाडि बढाएका छन् ।
मेयर जयसवालले गरुडा नगरपालिका वडा नं. १ जयनगर, वडा नं. ६ पोठियाही लगाएतका विभिन्न वडामा यतिखेर सडक ढलान कार्यलाई तिव्रता दिएका छन् । नगरपालिकाको १२ लाख रुपैँयाको लागतमा वडा नं. १ जयनगरमा १४ सय १४ फिट चौडाइ, १ सय २८ मिटर लम्बाई तथा ८ ईन्च मोटाई ढलान हुने उक्त सडक ढलान कार्यको सोमवार आयोजित एक कार्यक्रमकाबीच मेयर जयसवालले शिलान्यास गर्दै शुभारम्भ गरेका हुन ।
मेयर जयसवालले वडा नं ६ पोठियाहीमा समेत २ सय २ मिटर लामो पक्की सडक ढलान कार्य शुरु गरेका हुन् । नगरस्तरीय विकास कोषबाट १५ लाख रुपैंयाको लागतमा पोठियाहीमा तन्की साह कानुको घरदेखि विरेन्द्र साह कानुको खेतसम्म १२ फिट चौडाई र ८ इन्च मोटाई सडक ढलान कार्य भइरहेको नगर प्रमुख जयसवालले बताए ।
वर्षौदेखी पक्की सडक नहुँदा खासगरी वर्षाको समयमा हिलोको कारण स्थानीयहरुलाई आवतजावत गर्न निकै कठिनाई हुँदै आएकोले आफुले स्थानीहरुको आवतजावतमा कुनै समस्या नहोस भन्ने उद्देश्यका साथ सडक ढलान कार्यलाई तिव्र गतिमा अगाडि बढाएको उनले बताए ।सडक ढलान भएपछि आम नागरिकलाई हिड्डुल गर्न तथा आवतजावत गर्न सहज हुने उनले बताए । पक्की सड्क ढलानले गाउँको वर्षौदेखिको समस्या समाधान हुने भन्दै स्थानीय निकै हर्षित हुँदै मेयर जयसवाललाई धन्यवाद दिएका छन् ।
प्रेमचन्द्र झा,जेष्ठ ०१ गते रौतहट ।
गौर भन्सार कार्यालयको प्रमुख वासु नेपाल जागिरको अन्तिम समयमा पैसाका लागि जे सुकै जस्तोसुकै हरक्त गर्न तयार रहेको कुरा मल लिलामीले पुष्टि गरेकोछ । भन्सार प्रमुख नेपालले व्यापारीसंग सेटिड्ग गरेका कारण पनि राजश्व कम उठने गरेको पुरानो आरोप समेत आज भएको मल लिलामीले पुष्टि गरेको हो ।
सोमवार दिउसो ४स्३० बजे सम्म कार्यालयमा थिएन कार्यालय प्रमुख नेपाल । जागिर अवधि थौरै रहेका कारणले पनि उनी बढि सयम व्यक्तिगत लाभ र एसमौजमा बढि समय बिताउने गर्दछन ।मल लिलामीको लागि तस्करसंग सेटीङ्ग चन्द्रनिगाहपुरमा भएको हो ।उनी कार्यालयमा नभएका कारण शिबहरि निरौलालाई निमित तोकिएका थिए ।हाकिम साहेव चपुर जानू भएको भन्सार कर्मचारीहरुले एक स्वरमा बोलेका थिए ।
अवैधरुपमा भित्रिएको रासायनिक मल गौर भन्सार कार्यालयले व्यवसायीको मिलेमतोमा न्युन दर रेट कायम गरी सोमबार लिलाम गरेका छन । गौर भन्सार कार्यालयमा दाखिला रहेको मल भन्सार प्रमुख नेपालले आर्थिक चलखेलका कारण हतारमा लिलाम गरी तस्करलाई नै जिम्मा लगाएको आरोप छ ।
बजार मूल्य भन्दा आधा मूल्याङ्कन गरी भन्सार प्रमुखले लिलाम प्रकृया गरी भन्सार एजेन्टमार्फत तस्करलाई जिम्मा लगाएको स्थानीयको आरोप लगाएका छन । जिल्ला प्रहरी कार्यालय रौतहटले राजपुर नगरपालिका–५ स्थित घरबाट १ हजार ३ सय बोरा मल बरामद गरेको थियो । युद्व लडे झै ज्यान जोखिममा लिएर प्रहरीले सो मल उठाएका थिए ।मल आइतबार गौर भन्सार कार्यालयमा दाखिला गरिएको थियो ।
भन्सार दाखिला भएको मलको बजार मूल्य करिब २० लाख रुपैयाँको रहे पनि गौर भन्सार कार्यालयका प्रमुख वासु नेपाल, नायब सुब्बा रेवती रोक्कालगायतले आर्थिक चलखेल गरी १० लाख रुपैयाँमै चन्द्रपुरका व्यवसायीमार्फत मल तस्करलाई नै जिम्मा लगाएको हो। अवैध चोरीपैठारीको माध्यमबाट भित्रिएको अन्य समानलाई सुरक्षाकर्मीले बरामद गरी भन्सार दाखिला गर्दा लिलाम गर्न महिनौँ लगाउने भन्सारले हतारमा मल लिलाम किन गरे व्यवसायीहरुको आरोप छ ।
सुरक्षाकर्मीले विवादका बीच अवैध चोरी निकासीको समान बरामद गरी भन्सार दाखिला गर्दा अन्य वस्तुमा समेत न्युन भन्सार दर राखेर लिलाम प्रक्रिया गर्ने गरेकाले उनीहरुको मनोबल हतोत्साहित हुँदै गएको देखिन्छ ।
अत्यधिक न्युन रकम राखेर भन्सारले मल लिलाम गरेको प्रहरी स्रोतले बताए। गौर भन्सार कार्यालयका निमिय प्रमुख शिवहरी निरौलाले मल लिलाम भएको बताए । आफूहरुले कुनै तस्करसँग साठगाठ गरी लिलाम नगरेको उनले बताए । कार्यालय प्रमुख वासु नेपाल र सुचना अधिकारी रेवती रोक्कासंग पटक पटक सम्पर्क गर्दा हुन सकेन ।
प्रेमचन्द्र झा,जेष्ठ ०१ गते रौतहट ।
धार्मिक अगुवा सरोकारवाला र अपाङ्गता भएका व्यक्ति विच सम्वाद भएकोछ ।
जिल्ला समन्वय समितिका प्रमुख रामअयोध्या यादवको प्रमुख उपस्थितिमा आपाङ्गता भएका व्यक्तिसंग संवाद भएको हो ।
अन्तर धार्मिक सञ्जालका अध्यक्ष अनिसु रहमानको अध्यक्षतामा भएको समवादमा जनकी घिमिरे साह ,रिता कुमारी ,दिपक श्रेष्ठ सहितले हिन्दु ,मुस्लिम र ईसाई धर्मका मानिसले मिलेर बस्न सबैले सिक्नु पर्छ प्रतिवद्वता गरेका छन ।
उमेर पुगेपछि बिना दाइजो (विना ढेउआ के )विवाह गर्ने रामलाल पासवान ,ओम प्रकाश पासवान सहितकालाई सम्मान गरिएको थियो ।कार्यक्रममा वल्ड भिजन र चिरन नेपालले आर्थिक तथा प्राविधिक सहयोग गरेका थिए ।
आरके श्रीवास्तव,गरुडा,जेठ ०१ गते ।
रौतहटको फतुवा बिजयपुरमा हैण्डपाइप जडानमा द्धिवेदी निर्माण सेवाको बदमासी गरेको पाइएको छ । सो नगरपालिकाको वडा नम्बर २ मा द्धिवेदी निर्माण सेवाले चापाकल गाडने जिम्मा पाएको हो । तर उसले आफनो मनलाग्दी तरिकाले कल जडान गरिरहेको स्थानियहरुले गुणासो गरेका छन् । सो नगरपालिकाको वडा नम्बर २ मा स्थानिय मन्जुर सोनार,मंगर मुखियाको घरमा चापाकल १ सय २० फिट मात्रै चापाकल जडान भएको पाइएको छ ।
स्थानिय तहलाइ जानकारी नै नदिइ आफनो मनलाग्दी जथाभावी तरिकाले हैण्डपाइप जडान गरिरहेको पाइएको छ । सो वडाका वडा अध्यक्ष अनिरुद्ध प्रसाद यादव उर्फ संजय सँग बुझदा आफूलाइ यस बारे जानकारी नै नदिइ २ सय फिट सम्म जडान गनृुपर्ने कल १ सय २० फिट सम्म नै कल जडान गरि रहेको स्थानियहरुले आफू समक्ष गुणासो गरेको सुुनाए । उनले समन्वयकारी भूमिका निर्वाह नहुँदा चापाकल जडानमा लापारवाही भएको बताए ।
उनले स्थानीय निकायसँग समन्वय नगरिएको कारण यस्तो दुरुपयोग भइरहेको बताएका छन् । चापाकल जडानमा चरम दुरुपयोग भइरहेको पाइएको छ । क–कसको नाममा चापाकल आएको हो त्यसको नामावली समेत सार्वजनिक गरिएको छैन् । गुपचुप तरिकाले उक्त निर्माण सेवाले कल गाड्ने काम गरिरहेको बुझिएको छ । संघिय सरकार खानेपानी मन्त्रालय बाट जडान हुने चापाकलको दुरुपयोग भइरहेको स्रोतले जनाएको छ ।
चापाकल जडान गर्दा उद्देश्यअनुरूप नगरी आर्थिक लाभ हुने गरी काम गरिरहेको देखिन आएको छ । यस विषयमा निर्माण सेवाका सञ्चालक दिलिप चौरसिया सँग बुझदा कागज देखाउन मानेका छैन्न् । भने पेटी ठेकेदार सुनिल कुमार साहले जवाफ दिन भाग्न खोजिरहेका छन् ।
उनले कागज देखाउन नमान्दा स्थानियहरुले बजेट पचाउने मनसायले दिन नमानेको आरोप लगाएका छन् । स्थानियहरुले सम्बन्धित निकायलाइ यता तर्फ ध्यानकर्षण गराउन खोजेका छन् ।
रौतहट १ जेठ ।
रौतहटमा सडक दुर्घटना न्यूनीकरणका लागि रौतहट जिल्ला ट्राफिक प्रहरी कार्यालयले सडक सुरक्षा सप्ताह संचालन गरेको छ । रौतहट जिल्लाका प्रमुख जिल्ला अधिकारी धर्मेन्द्र कुमार मिश्रले सप्ताह को उद्घाटन गरेका छन । प्रजिअ मिश्रले सडक दुर्घटना न्यूनीकरण र सडक व्यवस्थापनमा टेवा यस्ता कार्यक्रमले पुग्ने बताए ।
सडक नियम कानुनको पालना गर्ने दायित्व हरेक नागरिकको रहेको समेत उनको भनाइ छ । रौतहट मा सवारी साधनको बढ्दो चापसँगै दुर्घटना पनि बढिरहेको ले सडक सुरक्षा सप्ताहले दुर्घटनामा न्यूनीकरणमा सहयोग पुग्ने प्रहरी उपरीक्षक बिरबहादुर बुढामगरले बिश्वास ब्यक्त गरेका छन ।
सडक सुरक्षा सप्ताहको पहिलो दिन आइतबार गौर नगरपालिकाको बसपार्क देखि भन्सारसम्म प्रभातफेरी कार्यक्रमको आयोजना गरिएको छ ।
रौतहट,१ जेठ ।
गएराती भएको मोटर साईकल दुर्घटनामा एकजना विद्युत कर्मचारीको ज्यान गएको छ । नेपाल विद्युत प्राधिकरण चन्द्रनिगाहपुर शाखामा कार्यरत रहेका ४१ बर्षका गोपाल कुमार यादवको राती ९ बजेको समयमा चन्द्रनिगाहपुरबाट सर्लाही स्थित घर जाने क्रममा पुर्व पश्चिम राजमार्गको चन्द्रनिगाहपुर –बागमती सडक खण्डको लच्का नजिकै मोटर साईकल र ट्रेक्टर ठोक्कीदा ज्यान गएको हो ।
पश्चिमबाट पुर्व जादै गरेको प्रदेश २०३०२० प २१९४ नम्बरको मोटर साईकल पुर्वबाट पश्चिम तिर आँउदै गरेको ना २ त २९८३ नम्बरको ट्रेक्टरमा ठक्कर लागेको थियो । मृतक यादवको शव चन्द्रनिगाहपुर स्थित सरकारी अस्पतालमा रहेको र ठक्कर दिने ट्रेक्टरका चालक र ट्रेक्टरलाई नियन्त्रणमा लिएर अनुसन्धान थालिएको ईलाका प्रहरी कार्यालय चन्द्रनिगाहपुरका प्रहरी निरीक्षक ठाकुर प्रसाद सापकोटाले जानकारी दिएका छन् ।
रातीको हावाहुरी र बर्षाका बेला दुर्घटना भएको थियो । मृतक यादव नेपाल विद्युत प्राधिकरण चन्द्रनिगाहपुर शाखामा मिटर रिडर पदमा कार्यरत रहेका थिए ।
रौतहट, १ जेठ ।
नेपाल ट्रेड युनियन काँग्रेस रौतहटको सम्पर्ण सातौं जिल्ला अधिवेशनले राम सोगारथ यादवको अध्यक्षमा १९ सदस्यीय जिल्ला कार्य समिति गठन गरिएका छन् । रौतहटको गरुडामा सम्पन्न भएको जिल्ला अधिवेशनबाट सर्वसहमतीको आधारमा जिल्ला कार्य समितिले गठन गरेर पूर्णता दिएका हुन् ।
सर्व सहमतीबाट पूर्णता पाएका जिल्ला समितिको उपाध्यक्षमा खुला तर्फ प्रभातकुमार झा, उपाध्यक्ष (महिला) संजु बैठा, उपाध्यक्ष (सेवा) तर्फबाट अमरेन्द्र कुमार सिंह, उपाध्यक्ष (अनौपचारिक) तर्फ अमरेन्द्र कुमार यादव, उपाध्यक्ष (उपदान) तर्फ सत्येन्द्र यादव चयन हुनु भएका छन् ।
सचिवमा महम्मद अब्दुला, सह सचिवद्धय श्रीमती सपना पासवान र किशोरी चौधरी, कोषाध्यक्षमा अंजु चौधरी र सह कोषाध्यक्षमा रामेश्वर ठाकुर लाई चयन गरिएको प्रेषित विज्ञप्तीमा उल्लेख गरिएको छ । सदस्यहरुमा नरेश चौधरी, प्रदीप जयसवाल, शिवनाथ महतो, ब्रम्ह्देव ठाकुर र लाल बाबु महतो रहनु भएका छन् ।
महिला सदस्यहरुमा इन्दुदेवी राम, श्रीमती नितु जयसवाल र श्रीमती विणा महतोलाई चयन गरिएको जिल्ला अध्यक्ष रामसोगार यादवद्धारा हस्ताक्षरित विज्ञप्तीमा उल्लेख गरिएको छ । तराइ टप
मँजय राम,कटहरिया, जेठ ०१ गते ।
रौतहट जिल्लाको कटहरिया नगरपालिकामा सोमबार बिधालय भवनको शिलान्यास गरिएको छ । सो नगरपालिकाको वडा नम्बर २ हथियाहीमा रहेको श्री अधारभुत विद्यालयमा दुई कोठे भवन निर्माणको लागी शिलान्यास गरिएको हो ।
कटहरिया नगरपालिकाको नगरप्रमुख अजय प्रकाश जयसवालले सोमबार एक कार्यक्रमका बिच शिलान्यास गर्नु भएको हो । राष्ट्रपति शैक्षिक सुधार कार्यक्रम अन्तर्गत सो बिधालयमा २ कोठे भवन निर्माण हुन लागेकोे बिधालयका प्रधानाध्यापक चुनचुन प्रसाद यादवले जानकारी गराउनु भयो । भवन निर्माणको लागि १८ लाख बजेट रहेको उनले बताए ।
शिलान्यास पछि छिट्टै भवन निर्माणको काम अगाडी बढाइने प्रधानाध्यापक यादवले बताए । मेयर जयसवालले निर्वाचित भए देखिनै आफनो नगर भरि रहेको विद्यालयहरुमा पठन पाठनको ब्यवस्थापन गर्दै आईरह्नु भएको छ भने शिक्षा क्षेत्रलाइ विशेष प्राथमिकतामा राखेर काम गर्दै आइरह्नु भएको छ ।शिलान्यास कार्यक्रममा ब्यवस्थापन समितिका अध्यक्ष मनोज यादव, वडा नं. ५ का वडा अध्यक्ष सर्फलाल गुप्ता, वडा नम्बर ८ का वडा अध्यक्ष समिश बिक्रम साह लगायत स्थानीय भद्रभलादमी,शिक्षा प्रेमी बुद्धिजीवीहरूको उपस्थिति रहेको थियो ।
आरके श्रीवास्तव,गरुडा,जेठ ०१ गते ।
रौतहट जिल्लाको दक्षिणी भेग परोहा नगरपालिकामा संयुक्त अनुगमन भ्रमण सम्पन्न भएको छ ।
आरम्भ परियोजना द्वारा परोहा नगरपालिकाको श्री माध्यमिक विद्यालय जिंग्डवा बेलबिछवा, रौतहटमा परोहा नगरपालिका, पिपुल. इन. निड नेपाल, शिक्षा विकास तथा समन्वय ईकाई, सामाजिक संस्था जिल्ला समन्वय समिति र आसामान नेपालको प्रतिनिधिहरुद्धारा संयुक्त अनुगमन भ्रमण गरिएको छ ।
आरम्भ परियोजनाले बिगत ४ बर्ष देखि रौतहट जिल्लामा काम गर्दै आईरहेको खण्डमा परोहा नगरपालिकामा पनि बिगत १ बर्षदेखि काम गर्ने शिलशिलामा १९ वटा सामुदायिक सिकाई केन्द्रद्धारा परोहा पालिकाको विद्यालय बाहिर रहेको ४२६ जना विवाहित र अविवाहित किशोरीहरुलाई शिक्षाको मुल प्रवाहकरणमा ल्याउने उद्देश्यका साथ काम गरिरहेको छ ।
आरम्भ परियोजनाले परोहा नगरपालिकाको ४२६ जना विवाहित तथा अविाहित किशोरीहरु सामुदायिक सिकाई केन्द्रको कोर्ष पुरा गर्नको साथै विद्यालयमा भर्ना हुनको लागि सहजिकरण गरिएको छ ।
यसै क्रममा परोहा ना.पा.को विभिन्न ६ वटा सामुदायिक विद्यालमा ३१६ जना किशोरीहरुलाई भर्ना हुनको लागि आसामान नेपालले आरम्भ परियोजना अन्र्तगत सहजिकरण गरिएको छ भने सो मध्ये परोहा नगरपालिकाको श्री माध्यमिक विद्यालय जिंग्डवा बेलबिछवा, रौतहटमा बिभिन्न कक्षागत रुपमा जम्मा ५८ जना किशोरीहरुलाई भर्ना गर्नमा सहजिकरण गरिएको छ ।
आसमान नेपालको सहजिकरणमा आजको संचालित संयुक्त अनुगमन भ्रमणमा परोहा नगरपालिका प्रमुख प्रशासकिय मो. महफुज अहमद, योजना शाखा प्रमुख अब्दुल रब अंसारी, शिक्षा शाखाको प्रमुख कृष्णा प्रसाद कलवार र जलेन्द्र प्रसाद पटेल, सामाजिक विकास शाखा प्रमुख श्री संदीप कुमार साह,
महिला तथा बाल बालिका विकास शाखा प्रमुख श्री आयसा हसन, परोहा ना.पा. को २ नं. को वडा अध्यक्ष सेराजुदीन तथा वडा जन प्रतिनिधिहरु, शिक्षा विकास तथा समन्वय ईकाईको प्रमुख रामविनय सिहं, श्री माध्यमिक विद्यालय जिंग्डवा बेलबिछवाको व्यवस्थापन समितिको अध्यक्ष तथा प्र.अ. इन्द्रदेव पंडित र शिक्षक शिक्षिकाहरु,
पिपुल इन निड नेपालको कार्यक्रम संयोजक सुरमिला चौधरी लगायत आसामान नेपाल र सामाजिक संस्था जिल्ला समन्वय समितिको कर्मचारीहरुको संयुक्त उपस्थितीमा यो अनुगमन भ्रमण संचालन भएको छ ।
साथ साथै आरम्भ परियोजनाले परोहा ना.पा.को विद्यालय बिचैमा छोडेका एवंम कहिले पनि विद्यालय नगएका विवाहित तथा अविवाहित किशोरीहरु, किशोरीका अभिभावकहरु,
समाजका अगुवा व्यक्तिहरु तथा विभिन्न धर्मका धार्मिक गुरुहरुसंग काम गरेको कुराहरु साह्रायिन रहेको अनुगमन समुहका भनाई रहेको थियो भने सामुदायिक सिकाई केन्द्रको कोर्ष पुरा गरी विद्यालयमा भर्ना भएको किशोरीहरुमा साक्षरता र गणितीय सीप तथा जीवन उपयोगी सीप राम्रो रहको कुरा परोहा नगरपालिका प्रमुख प्रसाकिय मो. महफुज अहमद र विद्यायको प्र.अ. इन्द्रदेव पंडितले व्यक्त गरेको छ ।
यसैगरी सामुदायिक सिकाई केन्द्रबाट आएको किशोरीहरु भविष्यमा पढाईलाई निरन्रता लाने कुराको ढ्ढता व्यक्त गरेको थियो भने विभिन्न सरोकारवालाहरु ना.पा., बि.व्य.स.,
विद्यालय, आसामान नेपाल, एस.ओ.डि.सि.सि. र पिपुल इन निड नेपालको जनप्रतिनिधिहरुले भविष्यमा विद्यालयमा सामावेशि सिकाई वातावरण निमार्ण गर्नको प्रतिवद्धता समेत जाहेर गरिएको आसमान नेपालका शिक्षा अधिकृत अरविन्द कुमार साहले जानकारी दिनु भएको थियो ।
इन्दीप कोइराला,बारा, १ जेठ ।
बाराको आदर्श कोतवाल गाउँपालिका-१ च्युटाहास्थित एक घरमा आइतबार राती आगलागी हुँदा एकै परिवारका चार जना जलेर घाईते भएका छन् । घाइते हुनेमा पतीपत्नी र दुई छोरा रहेका छन् ।
लामखुट्टे भगाउन बालिएको घुरबाट आगो सल्किएर घरमा आगलागी हुँदा ३५ वर्षीय मनोज यादव, उनकी पत्नी ३० वर्षीया चेतरीदेवी, चार वर्षीय छोटु यादव र तीन वर्षीय सन्दीप यादव जलेर घाइते भएका हुन् । उनिहरुको वीरगन्जस्थित नारायणी अस्पतालमा उपचार भईरहेको छ ।
जिल्ला प्रहरी कार्यालय बाराका प्रवक्ता पुरुषोत्तम पाण्डेका अनुसार घाइतेमध्ये चेतरीदेवीको अवस्था गम्भिर रहेको छ । सुतिरहेको बेला अचानक घरमा आगलागी भएपछि स्थानीयले उद्धार गरी उनिहरुलाई अस्पताल लगेका थिए ।
आगलागीबाट घर पूर्णरुपमा जलेर नष्ट भएको छ । घरमा आगलागी हुँदा सामान, लत्ताकपडा, अन्न जलेर नष्ट भएको छ भने पशुचौपाया समेत जलेर घाइते भएका छन् ।
जिल्ला प्रहरी कार्यालय बाराका प्रवक्ता पाण्डेका अनुसार आगलागीबाट चार लाख १० हजार बराबरको क्षती भएको छ ।
