रौतहट,०६ गते
रौतहटमा धारिलो हतियार प्रहारबाट एक जनाको मृत्यु भएको छ। रौतहटको गौर नगरपालिकाको वडा नम्बर ७ सिसवा टोलका यार महम्मद खानलाई छिमेकीले धारिलो हतियार छुरा प्रहार गरेको स्थानीयले बताएका छन् ।
छुरा खानको मुटुमै प्रहार भएकाले गम्भीर घाइते भएका थिए। खानलाई प्रादेशिक अस्पताल गौरमा उपचारका लैजाँदै गर्दा बाटोमा निधन भएको पारिवारिक स्रोतको भनाइ छ। यस घटनाबारे छानबिन भइरहेकाले विस्तृत विवरण आउन बाँकी रहेको प्रहरीले जनाएको छ ।
रौतहट, जेठ ५ ।
रौतहट प्रहरीले आज विभिन्न कार्यक्रमको आयोजना गरि समुदाय प्रहरी साझेदारी कार्यक्रम मनाएको छ । सो कार्यक्रम अन्तरगत समुदायीक प्रहरी वडा समिति नं।५ गरुडा नगरपालिकाको आयोजना र ईलाका प्रहरी कार्यालय शिवनगरको सहयोगमा बुधबार बिहान ११ बजेको समयमा गरुडा नगरपालिका वडा नम्बर ५ स्थित रहेको श्री माध्यमिक विद्दालय महमदपुरमा विधार्थीहरुलाई लैङगिक हिंसा न्यूनिकरण सम्बन्धी जनचेतनामूलक कार्यक्रम गरेको हो ।
सो कार्यक्रममा करिब २० जना मानिसहरुको सहभागितामा रहेको जिल्ला प्रहरी कार्याल रौतहटले जनाएको छ । यसरी नै समुदायीक प्रहरीले विधालय सम्पर्क समिति नं। ११ फतुवा विजयपुर नगरपालिकाको आयोजना र प्रहरी चौकी दुधिआवाको सहयोगमा आज ९शुक्रबार० विहान फतुवाबिजयपुर नगरपालिका वडा नम्बर ११ स्थित रहेको श्री हिमाली जनता मा।वि।मा अध्यनरत रहेका कक्षा ९ र १० का छात्रछात्राहरुलाई आत्महत्या न्यूनिकरण सम्बन्धी जनचेतनामूलक कार्यक्रम गरिएको हो । सो कार्यक्रममा करिब ५४ जना छात्रछात्रा तथा शिक्षक शिक्षिका ४ जना सहभागि रहेको प्रहरीले जनाएको छ ।
यस्तै गढीमाई नगरपालिका वडा नम्बर ७ स्थित रहेको श्री माध्यमिक विधालय धनाडीमा बालबिबाह न्यूनिकरण, आगोलागी तथा बाढी दुवान विपद् न्यूनिकरण सम्बन्धी जनचेतनामूलक कार्यक्रमको आयोजना गरिएको थियो ।
साथै गढीमाई नगरपालिका वडा नम्बर २ स्थित रहेको समनपुर बजारमा पनि विपद् सम्बन्धी बाढी, डुवान सम्बन्धी जनचेतनामूलक कार्यक्रम गरेको छ । स्थानीयहरुको सहभागिमा सो कार्यक्रम भएको ईलाका प्रहरी कार्यालय समनपुरले जनाएको छ । प्रहरीले विभिन्न कार्यक्रम गरि समुदायीक प्रहरी साझेदारी कार्याक्रम मनाएको जिल्ला प्रहरी कार्यालय रौतहटले जनाएको छ
रौतहट, जेठ ५ ।
रौतहटको कटहरिया नगरपालिकामा आज शुक्रबार बिधालय भवनको शिलान्यास भएको छ । सो नगरपालिकाको वडा नम्बर ५ स्थित बलिरामपुरमा रहेको बलिरामपुर माध्यमिक विद्यालयको दुई कोठे भवन निर्माणको लागी शिलान्यास भएको हो । कटहरिया नगरपालिकाको नगरप्रमुख अजय प्रकाश जयसवाल र वडा अध्यक्ष सर्फलाल गुप्ताले आज एक कार्यक्रमकाबीच संयुक्त रुपमा विधालय भवनको शिलान्यास गरेका हुन्।
राष्ट्रपति शैक्षिक सुधार कार्यक्रम अन्तर्गत सो बिधालयमा २ कोठे भवन निर्माण हुँन लागेकोे बिधालयका प्रधानाध्यापक देबेन्द्रकुमार जयसवालले जनाएका छन् । सो भवन निर्माणको लागि २२ लाख ५० हजार रुपैयाँको लागतमा निर्माण हुँन लागेको बिधालयका प्रधानाध्यापक जयसवालले बताए ।
शिलान्यास पछि छिट्टै भवन निर्माणको काम अगाडी बढाइने प्रधानाध्यापक जयसवालले बताए । मेयर जयसवालले निर्वाचित भए देखिनै आफ्नो नगर भरि रहेको विद्यालयहरुमा पठन पाठनको ब्यवस्थापन गर्दै आईरह्नु भएको छ भने शिक्षा क्षेत्रलाइ विशेष प्राथमिकतामा राखेर काम गर्दै आइरह्नु भएको छ ।
शिलान्यास कार्यक्रममा ब्यवस्थापन समितिका अध्यक्ष शशि कपुर कुशवाहा , विशिष्ट अतिथी वडा नम्बर ५ का वडा अध्यक्ष सर्फलाल गुप्ता, वडा नम्बर ४ का वडा सदस्य मेराजुल हक, जदुन्न दास तथा रामपुकार कुशवाह लगायत स्थानीयहरुको सहभागिता रहेको थियो ।
आरके श्रीवास्तव,राैतहट,जेठ ०५ गते
राैतहटकाे फतुवा बिजयपुर नगरपालिकामा आत्महत्या न्यूनिकरण “सम्बन्धी प्रशिक्षण दिईएकाे छ । “समुदाय-प्रहरी साझेदार”कार्यक्रम अन्तर्गत समुदाय-प्रहरी विद्दालय सम्पर्क समिति ११ नमवर वडा फतुवाबिजयपुर नगरपालिकाको आयोजना र जिल्ला प्रहरी कार्यालय मातहत प्रहरी चौकी दुधिआवा रौतहटको सहयोगमा एक दिने प्रशिक्षण कार्यक्रम गरिएको हाे ।
शुक्रबार बिहान ०८:०० बजेको समयमा जिल्ला रौतहट फतुवाबिजयपुर नगरपालिका वडा नं.११ स्थित रहेको श्री हिमाली जनता मा.वि.मा अध्यनरत रहेका कक्षा-९ र १० का छात्र-२० जना,छात्रा-३० जना, शिक्षक/शिक्षिका ४ जना जम्मा गरी ५४ जनाको सहभागिता रहेकाे थियाे । कार्यक्रममा सहभागी बिद्यार्थीहरूलाई आत्महत्या न्यूनिकरण “सम्बन्धी प्रशिक्षण दिईएकाे थियाे ।
इन्दीप कोइराला,बारा, ५ वैशााख ।
मधेश प्रदेशको पर्यटन र तेक्वान्दो खेलको विकासमा टेवा पुर्याउने उद्देश्यले बाराको निजगढमा सुरु भएको प्रथम गढीमाई अन्तर्राष्ट्रिय तेक्वान्दो प्रतियोगितामा मधेश प्रदेशले पहिलो दिनको खेलमा अग्रता बनाएको छ ।
पहिलो दिनको पाँचवटा तौल समुहको सम्पन्न प्रतियोगितामा मधेश प्रदेशले दुई स्वर्ण, दुई काश्य र एक रजत पदक हासिल गरी पहिलो दिन टिम प्रथम बनेको हो । पुरुष ४० किलो तौल समूहमा नादिम हुसैन र ४३ किलो तौल समुहमा सिद्धार्थ प्रजापतिले स्वर्ण पदक हात पारेका हुन ।
त्यसैगरी पुरुष ४८ किलो तौल समूहमा लुम्बिनीका जस्मिन चौधरी, महिला ४० किलोतर्फ कर्णालीकी ललिता बुढा र महिला ४३ किलोमा बागमतीकी सदीक्षा कार्कीले स्वर्ण पदक हात पारेका हुन ।
प्रतियोगितामा नेपालका ७ प्रदेश सहित भारत, बंगलादेश, कोरिया, जापानका खेलाडीहरुको सहभागिता रहेको प्रतियोगिताको उद्धघाटन महागढीमाई नगरपालिकाका नगरप्रमुख उपेन्द्र यादबले गर्नु भएको थियो ।
आयोजक मधेश प्रदेश तेक्वान्द्यो संघका अध्यक्ष पेमासिद्धी लामाको अध्यक्षतामा भएको उद्धघाटन कार्यक्रममा नेपाल तेक्वान्दो संघका महासचिब दिपराज गुरुङ, राष्ट्रिय खेलकुद परिषदका पूर्वसदस्य सचिव एवं सितेरियो कराते महासंघका अध्यक्ष युवराज लामा, निजगढ नगरपालिकाका पूर्व नगरप्रमुख सुरेश खनाल, पूर्व उपप्रमुख लिलादेवी लामिछाने, संघका महासचिव राजकुमार लामा लगायतले शुभकामना मन्तव्य दिएका थिए ।
५९ लाख कुल लागत रहेको प्रतियोगिताको मुख्य निर्णायकमा राखेपका तालिम तथा प्रशिक्षण विभागका उपनिर्देशक टार्जन सुब्बा रहेका छन् भने निर्णायकहरुमा अन्तर्राष्टिय निर्णायक रवीन्द्र मल्ल, नारायण बुढाथोकी, कुमार लामा घिसिङ, बब्लु शिवाकोटी, नविना बुढाथोकी मगर लगायतका रहेका छन् ।
जिरोगीतर्फ पुरुष ७ र महिला ६ गरी १३ तौल समूह र पुम्सेतर्फ जुनियर १० वर्षको सिगल, १२ बर्ष डबल र १४ वर्षको ग्रुप गरी तीन तथा सिनियर पुम्सेतर्फ १८ वर्ष तल र माथि महिला पुरुष गरी चार टिम गरी २० ईभेन्टमा प्रतियोगिता भइरहेको छ ।
काठमाडौं, ५ बैशाख ।
राष्ट्रपति रामचन्द्र पौडेलले सरकारको नीति तथा कार्यक्रमम प्रस्तुत गर्ने भएका छन ।
स्वास्थ्यका कारण नीति तथा कार्यक्रम प्रस्तुत नगर्ने भन्ने संशयका बिचमा अन्तत: राष्ट्रपति पौडलले आज आफै प्रस्तुत गर्ने भएका हुन ।
‘स्वास्थ्यका कारण राष्ट्रपतिज्यूले सरकारको नीति तथा कार्यक्रम पेश नगर्ने भन्ने बाहिर कुरहरु आएका थिए तर राष्ट्रपतिले आफै प्रस्तुत गर्ने निधो भएको छ,’ राष्ट्रपतिका प्रेस सल्लाहकार किरण पोखरेलले भने । उनका अनुसार राष्ट्रपतिको स्वास्थ्यमा सुधार आएकाले नीति तथा कार्यक्रम प्रस्तुत गर्न कुनै समस्या रहेको छैन ।
पुष्पकमल दाहाल नेतृत्वको सरकारले आर्थिक बर्ष २०८०/८१ का लागि सरकारले नीति तथा कार्यक्रम ल्याउन लागेको हाे ।
प्रधानमन्त्री प्रचण्डले सरकारले सो नीति तथा कार्यक्रम ल्याउने भए पछि यसअघि नै प्रतिनिधि सभाका सभामुख देवराज घिमिरेलाई संसदको तयारी गर्नका लागि यसअघि नै अनुरोध गरिसकेका छन ।
भ्रष्टचारीलाई कारबाही गर्ने प्रमुख अजेन्डासमावेश गरेर सरकारले नीति तथा कार्यक्रम ल्याउन लागेको प्रधानमन्त्रीको सचिवालयले जनाएको छ ।
राष्ट्रपतिले स्वास्थ्यका कारण असम्भव भएमा प्रधानमन्त्री दाहालले नै सरकारको नीति तथा कार्यक्रम प्रस्तुत गर्ने यसअघि चर्चा भएको थियो । तर, राष्ट्रपति पौडेलले नै प्रस्तुत गर्ने टुंगो भएको हो । राष्ट्रपतिमा निर्वाचित भए पछि पहिलो पटक पौडेलले सरकारको नीति तथा कार्यक्रम प्रस्तुत गर्न लागेका हुन ।
पौडेलले २०८० साल जेठ ५ गते शुक्रबार १६:०० बजे संघीय संसदको दुवै सदनको संयुक्त बैठकलाई सम्बोधन गर्ने ससद सचिवालयले जनाएकाे छ ।
राैतहट,जेष्ठ ०४ गते राैतहट ।
जिल्लामा खाेज र खाेप कार्यक्रमले तिब्रता पाएका छन । अषाढ मसान्तसम्म राैतहटलाई पुर्ण खोप जिल्लाको रुपमा घाेषणा गराउने उदेश्यका साथ खाेजाै र खाैपाै कार्यक्रम चलिरहेको हाे । नेपाल सरकारकाे पहिलो प्राथमिकतामा रहेका खाेप कार्यक्रम संचालन गर्ने जिम्मेवारी स्थानीय सरकारलाई छ ।
स्थानीयकाे व्यवस्थापनमा प्रत्येक वडाकाे ४ देखि ५ स्थानमा गाउँ घर खाेप क्लिनिक सञ्चालन भई रहेका छन । सो खोप केन्द्रमा वेलैमा खोप नलिई छुटेका वालवालिकाका लागि खाेज र खाेप दिन कार्यक्रम संचालनमा रहेका छन ।
खाेप लिन छुटेका १६ महिना देखि ५९ महिना उमेर समुहका वालवालिकाहरुलाई खोप दिदैछ । वालवालिकाहरुले पाउनु पर्ने सबै खोप केन्द्र मार्फत दिई रहेको जिल्ला स्वास्थ्य कार्यालय राैतहटका प्रमुख सुरेश प्रसाद यादवले वताए ।
जसका लागि स्थानिय तहले सुलभ सर्वेक्षण लगायत कार्यक्रम समेत संचालनमा ल्याएको प्रमुख यादवले बताए । नियमित खोपको अलावा यो कार्यक्रम भएको हाे । पुर्ण खाेप सुनिश्चितता बाैधीमाई ,देवाही गोनाही ,पराेहा ,माधवनारायण, गरुडा चन्द्रपुर ,फतुबा बिजयपुर र गाैर नगरपालिका रहेका छन ।
खाेज र खाेप अभियानमा जिल्लाका सबै वालवालिका खाेप पाएको देखाई सकेपछि मात्र राैतहट पुर्ण खाेप घोषणा हुने प्रमुख यादवले बताए । जन्म देखि १५ महिना भित्र सेडुल अनुसारकाे खाेप लिनु पर्ने हुन्छ । जिल्लाको आठ स्थानीय तहमा खोप सुनिश्चितता भएको अवस्था छ । सुनिश्चितता भएको ठाउमा पुर्णखाेप दिगाेपना कार्यक्रम सञ्चालन गरि रहनु पर्दछ। खाेज र खाेप अभियानले अषाढ सम्म राैतहटलाई खाेप सुनिश्चितताको लेवलमा पुर्याउ छन ।
बच्चालाई स्वस्थ्य रहने पुर्ण अधिकार हाे । बच्चा जन्मने वितिकै विसिजि दिनु पर्ने हुन्छ । ६ हप्तामा राेटा , पाेलियाे,पिसिभि,डिपिटि ,हेपबि ,हिबको खोप १० हप्तामा राेटा, पाेलियाे, पिसिभि,डिपिटि,हेप वि , हिप खोप लगाई सक्नु पर्दछ ।
वालवालिकालाई १४ हप्तामा पाेलियाे एफ आई पिभि, डिपिटी, हेपबि ,हिबखोप दिने हो । ९ महिनामा एफ आई पिभि,पिसिभी,दादुरा- रुवेला,१२ महिनामा जापानिज ईन्सेफलाईटिस र १५ महिनामा दादुरा- रुवेला , टाईफाईट रोग विरुद्वको खोप नजिकको खोप केन्द्र वा स्वास्थ्य संस्था मार्फत निशुल्क रुपमा नियमित खोप दिई रहेका छन ।
२०३४ सालमा विफर उन्मुलन भएपछि रुपन्देही ,सिन्धुपाल्चोक र धनुषा जिल्लावाट खाेप कार्यक्रम शुरु भएको थियो । हाल ७७ वटै जिल्लामा १३ राेग विरुद्व १३ खाेप चलि रहेका छन । स्वास्थ्यकर्मी र भ्याक्सीन कमि छैन ।
खोप लिई सकेपछि वालवालिकामा हुने समान्य अषर खोपाएको ठाउमा दुख्ने ,ज्वराे आउने हुन्छ । त्यसका कारण ड्रप आउट हुने मुख्य समस्याको रुपमा रहेको प्रमुख यादवले वताए।
राैतहट,जेष्ठ ०४ गते राैतहट ।
डोम समुदाय बिकाश केन्द्र (DCDC) रौतहटले डोम जातिका वालवालिकालाई विधालय भर्ना गराउन शुरु गरेका छन । आआफ्ना वालवालिकालाई शिक्षाका लागि विधालय पठाउन लागेका हुन । मधेसमा अन्य जात जातिकाे तुलनामा डाेम निकै पछाडी रहेका छन ।
आर्थिक समाजिक राजनैतिक रुपमा पछाडी रहे पनि मानविय आधारभुत कुराको रुपमा रहेको शिक्षा स्वास्थ्य र सरसफाइमा पनि निकै पछाडी रहेको डोम समुदाय विकास समितिका अध्यक्ष विजय मलि डाेमले वताए ।
आफनो जातिय समुदायको न्युनतम आधारभुत आवश्यकता पूरा गराउन आगाडी बढेको छु यसमा सबैको सहयोगको अपेक्षा गरेकाे अध्यक्ष डाेमले बताए ।
परोहा नगरपालिका अन्तर्गत बसन्तपटीका डोम बस्तिमा शिक्षा सरसफाइ तथा आय आर्जन सम्बन्धि अन्तरक्रिया कार्यक्रम गर्नुको साथै कक्षा (१-५) सम्म अध्यनरत 7 जना डोम बालबालिकाहरुलाइ प्रोत्साहित गरि र बिधालय बाहिर बाल बालिकाहरुलाइ बिधालय भर्ना गर्नुको लागि केही शैक्षिक सामग्रीहरु बितरन गरेकाे वताए ।
डोम समुदाय लाई सहयोग गर्नुको लागि स्थानिय सरकार, प्रदेश सरकार, केन्द्र सरकार तथा समाजसेबी र कर्मचारीहरुलाई समेत उनले अनुरोध गरेका छन।
आरके श्रीवास्तव,गरुडा,जेठ ०४ गते रौतहट ।
जिल्लाको मध्य भाग गरुडा नगरपालिका–६ मा सडक ढलान तथा नाला निर्माण हुने भएको छ । जसको लागि अनुगमन तथा योजनाको संचालन समिति गठन गरिएको छ । आज सो वडाको अमरपट्टीमा टोलमा वडा अध्यक्ष रामबाबु चौधरीको अध्यक्षतामा बैठक बसेको थियो ।
बैठक बाट शहरी विकास मन्त्रालय बाट ठेक्का भइ आएको २० करोडको बजेट बाट सडक ढलान तथा नाला निर्माण गर्न सर्वसहमती बाट निर्णय गरिएको छ ।
अमरपट्टीमा शिवपूजन राय यादवको घरदेखि मन्दिर सम्म र मन्दिर देखि गौर हाइवे सम्म सडक र नाला निर्माणको लागि १८ फिट बाटो खाली गराइ सडक ढलान र नाला निर्माण कार्य हुने नगर प्रमुख कन्थमनी जयसवालले बताए ।
वर्षाका कारण सो वडाको धेरै स्थानमा सडक जलमग्न हुँदा सवारी चालक र यात्रुलाई आवतजावत गर्न गाह्रो हुने गरेको थियो ।
त्यसकै मध्य नजर गरी सडक ढलान र नाला निर्माण काम सुरु हुने भएपछि अमरपट्टीका स्थानीयवासी खुसी भएका छन् ।
गरुडा नगरपालिकामा विकास निर्माणका कार्य गति लिएको छ । नगर प्रमुख (मेयर) जयसवालले सबै पक्षलाई समेटेर नगरमा विकास निर्माणका कामलाई निकै जोरसोरले अगाडि बढाइ रहेका छन् ।
वर्षौदेखी पक्की सडक नहुँदा खासगरी वर्षाको समयमा हिलोको कारण स्थानीयहरुलाई आवतजावत गर्न निकै कठिनाई हुँदै आएकोले आफुले स्थानीहरुको आवतजावतमा कुनै समस्या नहोस भन्ने उद्देश्यका साथ सडक ढलान कार्यलाई तिव्र गतिमा अगाडि बढाएको उनले बताए ।
सो अवसरमा इन्जिरनियर मणिष कुमार सिंह,समाजसेवी दुर्गा राय यादव,गिरधारी राय यादव,सिकिन्द्र राय यादव सहित स्थानिय भद्रभलादमीहरुको उपस्थिती रहेको थियो ।
सर्लाही,जेष्ठ ०३ गते
लालबन्दी । सर्लाहीको लालबन्दीमा मेची महाकाली बुहारी संयुक्त आवाजले आयोजना गरेको महिला लक्षित उद्घोषण तालीमको मंगलबार प्रमाणपत्र वितरण गर्दैै समापन गरिएको छ । मेची महाकाली बुहारी संयुक्त आवाजकी सर्लाही जिल्ला संयोजक सानु पाख्रिनको अध्यक्षता तथा लालबन्दी नगर उपप्रमुख कल्पनामाया पाख्रिनको प्रमुख आतिथ्यतामा तालीमको समापन गरिएको हो । लालबन्दी नगरपालिकाको आर्थीक सहयोग तथा मेची महाकाली बुहारी संयुक्त आवाजको आयोजनामा भएको तालीम ५ दिनसम्म चलेको थियो । लालबन्दी नगरप्रमुख वासुदेब अधिकारीले गएको बैशाख ३० गत्ते उद्घाटन गर्नुभएको तालीममा मेची महाकाली बुहारी संयुक्त आवाजका सदस्य तथा अन्य केहिको सहभागीता रहेको थियो ।
तालिममा मकवानपुरबाट आएका प्रशिक्षक नवराज खनाल र पत्रकार क्षितिज विश्वकर्माले सहभागीहरुलाई मञ्चीय उद्घोषण र भाषण कलाका बिषयमा प्रशिक्षण दिनुभएको थियो । तालिम समापन कार्यक्रममा आफ्नो भनाई राख्दै प्रशिक्षार्थीहरुले आफुहरुले तालिमबाट धेरै कुरा सिक्ने अवशर पाएको बताएका थिए । कार्यक्रममा आफ्नो भनाई राख्दै प्रशिक्षार्थी रेणुका खड्काले आफुले तालिमबाट बोल्ने, सम्बोधन गर्ने र मञ्चमा पुगेपछि गर्नुहुने र नहुने कुराहरु सिकेको बताउनुभयो । त्यसैगरि अर्का सहभागी सुरेश श्रेष्ठले आफुले अतिथीहरुलाई कसरी क्रमसंगत ढंगबाट मञ्चमा आसन ग्रहण गराउने र कस्लाई, कतिबेला मन्तब्य राख्न बोलाउने भन्ने महत्वपुर्ण कुरा जानेको भनाई राख्नुभयो । कार्यक्रमलाई सम्बोधन गर्दै प्रशिक्षक क्षितिज विश्वकर्माले आफुहरुले सहभागीलाई बोल्न नभई बोल्ने तरीका र शैलिको बारेमा जानकारी गराएको बताउनुभएको थियो ।
उहाँले ५ दिनको कार्यक्रममा धेरै कुराको जानकारी गराउन सम्भव नभएपनि मञ्चीय उद्घोषण तथा भाषणकलाको बारेमा धेरै कुरा सिकाएको बताउनुभयो । त्यस्तै अर्का प्रशिक्षक नवराज खनालले यहाँका महिला दिदि बहिनीहरुको उत्साह र जोस देखेर आफु दंग परेको बताउनुभयो । उहाँले ५ दिनको कार्यक्रममा सिकेका कुरालाई साँच्चिकै ब्यवहारमा देखाउनका लागी धेरै भन्दा धेरै अभ्यास गर्नु जरुरी रहेको बताउनुभयो । कार्यक्रमलाई सम्बोधन गदै कार्यक्रमका अतिथी एवं लालबन्दी नगरपालिकाका प्रमुख प्रशासकिय अधिकृत तारानाथ लुँईंटेलले सहभागीहरुले ५ दिनमा धेरै कुरा सिकेको आफुले अनुभव गरेको भताउनुभयो । उहाँले बोल्ने मात्रै नभई मिठो बोल्ने र कसरी शालिन, सभ्य र सहि तरीकाले बोल्ने भन्ने कुरामा पनि सहभागीले ख्याल गर्नुपर्ने बताउनुभयो ।
कार्यक्रमका प्रमुख अतिथी एवं लालबन्दी नगरपालिकाकी उपप्रमुख कल्पनामाया पाख्रिनले महिलाहरुले आयोजना गरेको कार्यक्रम धेरै नै राम्रो भएको र आगामि दिनमा पनि नगरपालिकाको तर्फबाट यस्ता कार्यक्रमलाई सहयोग गर्ने आफ्नो चाहना रहेको बताउनुभएको थियो । मेची महाकाली बुहारी संयुक्त आवाजकी मधेश प्रदेश सह–संयोजक रमा काफ्लेले संयोजन गर्नुभएको तालीमको समापन कार्यक्रम तालीमकी सहभागी रिता ब्लोनले संचालन गर्नुभएको थियो भने बर्षा लामाले स्वागत मन्तब्य राख्नुभएको थियो ।
