आरके श्रीवास्तव,रौतहट,जेठ १२ गते

रौतहट , गौर नगरपालिकामा नगर प्रमुख शम्भु साहले कार्यभार सम्हाल्नुभएको एक वर्षको प्रगति विवरण सार्वजनिक गर्नुभएको छ । २०७९ वैशाख ३० गते भएको स्थानीय तहको निर्वाचनमा नेकपा एकिकृत समाजवादीका शम्भु साह प्रमुखमा निर्वाचित हुनुभएको थियो ।

नगर प्रमुख शाहले शुक्रबार प्रगति विवरण सार्वजनिक गर्दै नगरपालिकाबाट सञ्चालित क्षेत्रगत योजनाहरु भौतिक पूर्वाधार तर्फ एक वर्ष देखि अलपत्र रहेके गौर नपा २ अन्तर्गत पर्ने शिवराज मुखियाको घरदेखि शान्ता चलचित्र मन्दिरसम्मको सडक तथा नाला निर्माण गरिएको,

कृषि विकास बैंकदेखि शिवालय मन्दिरसम्म सडक तथा नाला निर्माण, गौर न.पा. वडान ४ मा वर्षौंदेखि अतिक्रमण गरी राखेको लाल बकैया नदी टतबन्धको अधिकार क्षेत्रको जग्गा अतिक्रमण मुक्त गराई गौर न. पा. वडान २ को महादेव स्थानदेखि गौर न.पा. बडान ४ को सावणांमाई मन्दिरसम्म वैकल्पिक बाटोको रुपमा निर्माण कार्य गराईएको ,टि.भी. एस.यू. ÷

हेल्भिटासबाट ब्लैक लिस्टेड योजनाको रूपमा रहेको गौर बरहवा खोलामा फेब्रिकेटेड झलुङ्गे पुलको यसै आर्थिक वर्षमा काम सुचारु गर्न लगाई निर्माण सम्पन्न पश्चात उद्घाटन गरी समुदायलाई हस्तान्तरण गरिएकी ६. गौर न. पा.

वडान २ वानेश्वरनाथ मन्दिर नजिक लाल बकैया नदीमा रु ४ करोड २९ लाखको लागतमा झुलुड़े पुलको निर्माणको लागि बोलपत्रका माध्यमबाट ठेक्का सम्झौता तथा शिलान्यासको काम सम्पन्न भई निर्माण कार्य सञ्चालन हुन लागेको, गौर न.पा वडान २ मा विवाह मण्डप सहितको सामुदायिक भवन निर्माणको कार्य अगाडि बढाईएको प्रगति प्रतिवेदनमा उल्लेख छ ।

त्यसैगरी हिंसा पिडित महिलाहरुको व्यवस्थापनका लागि गौर न.पा. वडानं. १ मा आश्रय स्थल निर्माण कार्य अगाडि बढाईएको,गौर न.पा. वडानं. ८ र ९ जोड्ने तथा कृषी क्षेत्रमा समेत टेवा पुग्ने उदेश्य राखी काली मन्दिरदेखि सेना क्याम्पसम्म सडक ढलानको कार्य सम्पन्न गरी समुदायलाई हस्तान्तरण गरिएको,

वर्षौदेखि कच्ची सडककै रुपमा रहेको तथा नालाको अभावमा वर्षातमा दुबान जस्तै हुने गौर न.पा. वडानं. ५ को कोईरी टोल अन्तर्गत पर्ने ब्रह्मदेव महतोको घरदेखि सिकिन्द्र कुशवाहाको घर हुँदै शोभाकान्त ठाकुरको घरसम्म रु ४६ लाख ७१ हजारको लागतमा सडक ढलान तथा नाला निर्माण गरिएको ,संघ, प्रदेश तथा स्थानीय सरकारबाट वेवास्ता गरिदै आएको गौर न.पा. वडानं ४ गढवा टोलको चित्रगुप्त नगरदेखि गढ़वा उतरी सीमाना सम्म सडक ढलान र नाला निर्माणको कार्य प्रारम्भ गरी अन्तिम चरणको अवस्थामा रहेको ।

१२. ऐतिहासिक महत्व बोकेको देशकै पुरानो कलाकुञ्ज पुस्तकालयको अधुरो भवन निर्माणको काम अगाडि बढाईएको । १३. गौर नगरपालिका तथा राजदेवी नगरपालिका जोड्न गौर बरहवा खोलामा पुल कल्भर्ट निर्माणको काम अगाडि बढाईएको उल्लेख छ ।

त्यस्तै आधारभुत विधालय महादेवपट्टीमा विधालय भवनको निर्माण कार्य सम्पन्न गरिएको ,गौर न.पा. वडानं. ९ मा मुस्लीम समुदायको कब्रगाह जाने पक्की बाटो निर्माण गरिएको ,गौर न.पा. वडानं. ३ मा चन्देश्वर राउतको घरदेखि पोखरिया टोला जाने सडकसम्म सडक तथा नाला निर्माणको काम सम्पन्न गराईएको ,

गौर र टिकुलिया जोड्ने पुरानो अतिक्रमित बाटोलाई अतिक्रमण मुक्त गराई सडक निर्माणको काम सम्पन्न गरिएको लगायतको विभिन्न योजनाहरुबारे उल्लेख रहेको छ । एक वर्षे कार्यकालमा नगर भरीमा ३ किलोमिटर आरसिसि सडक ढलान ,३ किलो मिटर नाला ,१ किलो मिटर सडक ग्रावेल र १ किलो मिटर नया सडक ट्रायक खोलेको बताए ।

नगरप्रमुख साहले टाउन हल, विवाह मन्डप, स्मार्ट सिटि अन्तरगत विभित्र बाटो बन्दै गरेको बताए ।झुलुङ्गे पुल , कलाकुन्ज पुस्तकालय , क्भर्ट नाला , विधुत पोल ,वानेश्वर मन्दिर राम जानकि मन्दिर, विभिन्न विधालयमा तल्ला थप समेत गराउने काम गरेको बताए ।

मधेस प्रदेशमा न्युनतम सर्त मापन कार्यमा मधेस प्रदेसको १ सय छतिसमा पहिलो भएको जानकारी समेत उनले गराए । सो अवसरमा नगर उपप्रमुख शैलदेवी , निमित प्रमुख प्रशासकीय अधिकृत सुभाष ठाकुर , नगर प्रवक्ता अर्जुन सिह सहितका वडा अध्यक्षहररुको उपस्थिति रहेको थियो ।

रन्धिर साह, रौतहट, जेठ १२ ।

कटहरियामा आज भूमिहीन र सुकुम्बासीहरुलाई लालपूर्जा वितरण गर्नको लागि निस्सा प्रदान कार्य सुरु भएको छ । दिगो समाधान चरन तीन कार्यक्रमको अन्तरगत सामुदायीक आत्म निरभर सेवा केन्द्र काठमाण्डौँ र पिपुल इन लिडको सहजिकरणमा संचालित कार्यक्रमद्धारा आज शुक्रबार रौतहटको कटहरिया नगरपालिकाको भूमिहीन सुकुम्बासीहरुलाई निस्सा प्रदान गरिएको हो ।

कटहरिया नगरपालिकाका नगर प्रमुख अजयप्रकास जयसवालले आज आफ्नो चुनाबी प्रतिवद्धतालाई पुरा गर्दै वडा नम्बर ५ का भूमिहीन र सुकुम्बासीहरुलाई निस्सा बितरण गरिएको हो । कटहरिया नगरपालिकाका मेयर जयसवालका अनुसार पालिकाका सबै वडामा रहेका भूमिहीन तथा सुकुम्बासीहरुलाई लालपूर्जा वितरण गर्नका लागि आज वडा नम्बर ५ बाट सुरु गरिएको तथा आइतबारदेखि वडा नम्बर १ देखि ९ सम्म निस्सा वितरण गरिने बताएका छन् ।

आज मात्र ५१ जना भूमिहीन सुकुम्बासी ५१ जनालाई निस्सा कटहरिया नगरपालिकाका प्रमुख अजयप्रकास जयसवाल र सोही पालिकाका उप प्रमुख रिता देबि यादवको संयुक्तामा निस्सा सुकुम्बासिहरुलाई वितरण गरिएको हो । हालसम्म पालिकाका सबै वडाहरुमा ४ सय २६ जना भूमिहीन दलित र ३ सय ३ जना भूमिहीन सुकुम्बासीहरु रहेका छन् ।

सबै जनाले छिटै निस्सा पाउँने भएका छन् । यस्तै कटहरिया नगरपालिकाका उप प्रमुख रिता देवी यादवले कार्यक्रमलाइ सम्बोधन गर्दै उनले दलित तथा सुकुम्बासीहरुको लालपूर्जा वितरणको काम पनि चाँडो हुने बताएकी छिन् । ‘यो जग्गा प्राप्ती होइन । जग्गा नाप्ने समयमा यही निस्सा देखाउनुपर्छ ।’ निस्सा पाएपछि तपाईंहरुको एउटा चरण पूरा भयो ।

अब थप अनुगमन गरेर जग्गा वितरणका लागि प्रक्रिया अघि बढिने छ ।’ विभिन्न कागजपत्र र तीनपुस्ते विवरण भर्न छुट भई निस्सा नपाएका लाभग्राहीहरुलाई पनि प्रक्रिया पूरा गरेर निस्सा वितरण गरिने उनको भनाइ छ। निस्सा पाएका लाभग्राहीहरुको अब थप अनुगमन गरेर जग्गा वितरणका लागि नाँपजाँच गर्ने कार्य अगाडि बढेपछि छिट्टै लालपूर्जा वितरण हुने उप प्रमुख यादवले बताए ।

निस्सा प्राप्त गर्दै गरेका वडा नम्बर ५ का सुकुम्बासी ८० वर्षीय शेख ठागा भन्छन् ‘हामी धेरै वर्षदेखि अव्यवस्थित बसोबास गर्दै आएका थियौँ, अब हामी चाँडै लालपुर्जा पाउँने आशामा बसेका छौँ । हामी लामो समयदेखि नेताहरुको भासनमा लाज पुर्जा पाउँने भाषण मात्रै सुन्दै आएका थियौँ,,’ तर अब हाम्रो मेयर अजयप्रकास जयसवालको सक्रियतामा हामीहरुले लाल पुर्जा पाउँने आशा पलाएको छ । आज हामी धेरै खुःशी छम् ।

यस्तै सोही वाडका अब साना खातुन भन्छन्, धेरै लामो समयसम्म जग्गा नपाएका हामीहरु आज निस्सा प्राप्त गरेसँगै अब लालपुर्जा पाउने बाटो खुलेको आश पलाएको छ । अब हाम्रो पनि निश्चित र व्यवस्थित घर हुन्छ । उले कटहरिया नगरपालिकाका प्रमुख तथा उप प्रमुखसहित भूमि आयोगलाइ समेत धन्यावद ज्ञापन गरेकी छिन् ।

सो कार्यक्रममा कटहरिया नगरपालिका वडा नम्बर ७ का वडा अध्यक्ष सहिद मिया धोबी, जिल्ला भूमि संस्थाका अनुप माझी, कार्यपालिका सदस्य जामुन ठाकुर, कटहरिया नगरपालिकाका भूमिहीन शखााका प्रमुख अधिकृत ओमप्रकास राम, जनप्रतिनिधि तथा वडा नम्बर ५ का सुकुम्बासीहरु लगायतको सहभागिता रहेको थियो ।

आरके श्रीवास्तव,रौतहट,जेठ १२ गते रौतहट ।

मलेसियामा मृत्यु भएका रौतहटका एक यूवकको परिवारलाइ आज जिएस समाजसेवा युवा कल्व मलेसियाले आर्थिक सहयोग गरेको छ । छातीको समस्याका कारण गत मार्च २९ तारीखमा मृत्यु भएका रौतहटको यमुनामाई गाउँपालिका ४ सरुअठाका नरेश रामको परिवारलाई संगै काम गर्ने सहकर्मी नेपालीहरुले मृतक परिवार लाई आर्थिक सहायता गरेका छन् ।

मृतकको परिवारलाई जीवन यापनका लागि सहयोग होस् भन्ने उदेश्यले मलेसियामा बस्ने नेपालीहरुले चन्दा संकलन गरी नेपाली रुपैयाँ ११ लाख ४५ हजार ८ सय ८० रुपैयाँ जिएस समाजसेवा युवा कल्व मलेसिया मार्फत सहयोग रकम पठाएका थिए । सो रकम मृतकका बुवा माधो राम र आमा मिना देवी रामलाई नेपाल पत्रकार महासंघ रौतहट सभापती प्रेमचन्द्र झाको प्रमुख आतिथ्यमा हस्तान्तरण गरिएको छ ।

रकम हस्तान्तरण कार्यक्रमलाइ सम्बोधन गर्दै प्रमुख अतिथी महासंघ रौतहट सभापती झाले संगठनमा नै शक्ति हुन्छ जुन आज देखनको लागि मिल्यो । थोरै थोरै भएपनि रकम संकलन गरेर मृत्क नरेश रामको परिवारको लागि सहाराको रुपमा जिएस समाजसेवा युवा कल्व खडा भएको भन्दै सराहना गरेका थिए ।

ज–जसले रकम संकलन गरेर रकम पठाइ पिडित परिवारको पिडामा मलहम लगाउने काम गर्नु भयो ती सबै महान आत्माहरु लाइ धन्यवाद ज्ञापन गर्दै अभार प्रकट गर्नु भयो ।

यसको जति प्रशंसा गरेपनि कमै हुने झाले बताउनु भयो । कार्यक्रमलाइ समापन गर्दै कल्बका बरिष्ट उपाध्यक्ष मिथुन विराजी यादवले अहिले सम्म जिएस समाजसेवा युवा कल्व मलेसियाले यस्तै परिवारहरुलाइ १ करोडको हाराहारीमा आर्थिक सहयोग गरि सकेको जानकारी गराए ।

रकम हस्तान्तरण कार्यक्रमा सो वडाका वडा अध्यक्ष अश्विनी कुमार यादव,सहयोग पठाउने आयोजक संस्थाका उपाध्यक्ष विजय जयसवाल, मिथुन विराजी यादव ,

दिनेस जयसवाल भुवन कार्की, नेपाल पत्रकार महासंघका प्रदेश सदस्य शैलेन्द्र झा सहितका पत्रकार स्थानीय भद्रभलामीहरुको उपस्थिति रहेको थियो । मुकेश यादवले सञ्चालन गरेको कार्यक्रममा कल्बका उपाध्यक्ष बिजय यादवले स्वागत मन्तव्य राखेका थिए ।

मुकेशकुमार यादव,सिरहा, ११ जेठ ।

भगवानपुर गाउँपालिका अध्यक्ष उग्रनारायण यादवको कार्यकर्ताले  छलफलमा बोलाएर ‘भोजको उजुरी हाल्ने यही मान्छे हो’ भन्दै दलितमाथि कुटपिट गरेका छन् ।

अध्यक्ष उग्रनारायण यादवको कार्यकर्ताले  छलफलमा बोलाएर भोजको विषयमा मुद्दा हाल्ने यही हो भन्दै सिरहाको भगवानपुर गाउँपालिका १ का विणुदेव पासवानमाथि कुटपिट भएको हो ।

गाउँमा बनाएको मन्दिरको भुक्तानीको विषयमा छलफल गर्ने बाहनामा बोलाएर पासवानलाई नेकपा एमालेका गाउँ कमिटीका पदाधिकारी सूर्यनारायणप्रसाद यादव,  नन्दी यादव, घुरण यादव, देवन यादव, जीवछ यादवसहितले पासमानलाई सामूहिक रुपमा घेराबन्दीमा पारी कुटपिट गरेका छन् ।

गाउँमा बनेको मन्दिरको भुक्तानीको विषयमा छलफल गर्नुछ, हामी दुई÷तीनजना बसेर छलफल गरौं भन्दै जीवछ साफीमार्फत योजनाबद्ध तरिकाले बोलाउन लगाएर आफूमाथि सार्वजनिक स्थलमा गाली गलौज र कुटपिट गरेको पासवानले बताए ।

‘मलाई जीवछ साफीमार्फत योजनाबद्ध तरिकाले भगवानपुर १ मुख्य चोकको प्राथमिक स्वास्थ्य केन्द्रमा बोलाएर अनावश्यक रुपले निहुँ खोज्दै गालीगलौज गर्दै यही हो भोजको विषयमा मुद्दा हाल्ने ? यलाई बाधेर थुन भन्दै कुटपीट गरे,’ पासवानले भने, ‘पहिला दुई÷तीन जना बसेर छलफल गरौं भने पनि पछि उनीहरु सबै एक्कासि जम्मा भएर ममाथि साङ्घातिक आक्रमण गरे ।’

पसवानको अध्यक्षतामा रहेको उपभोक्ता समितिले गत आर्थिक वर्षमा गाउँकै मन्दिर निर्माण गरेको थियो । चुनाव नजिकिएकाले त्यसबेला भुक्तानी हुन नसकेका उनले गाउँ पालिकाबाट अझै भुक्तानी नपाएको बताए । त्यसको विषयमा छलफलमा बोलाएकाले आफू गएको पासवानले बताए ।

भगवानपुर गाउँपालिकाका अध्यक्ष उग्र नारायण यादवकी आमाको गत २२ फागुनमा भएको शुद्धि भोजमा जातीय आधारमा दलित, मुस्लिम र गैरदलित समुदायलाई छुट्टाछुट्टै ठाउँमा ब्यानर, प्लेकार्ड नै राखेर जातीय विभेद हुनेगरी भोज खुवाएको भन्दै  पासवानसहितका दलित अगुवाहरुले गत ५ चैतमा दिएको  उजुरी १४ गते जिल्ला प्रहरी कार्यालय सिरहामा दर्ता भएको थियो ।

उजुरी हाल्ने क्रममा पनि गाउँपालिका अध्यक्ष यादव पक्षबाट पीडितहरुलाई धम्की दिएका थिए । त्यही मुद्दाको साक्षी बयानको लागि जिल्ला प्रहरी कार्यालय जानलाई ठिक परेका बेला नियोजित ढंगले बोलाएर आफूमाथि आक्रमण भएको पासवानको भनाइ छ ।

सोही मुद्दा दर्ता गराएको भन्दै पासवानमाथि अध्यक्ष यादवका निकट व्यक्तिहरुले पासवानलाई कुटपिट गरेका हुन् ।  कुटपिटबाट उनको अनुहारसहित शरीरको विभिन्न  भागमा चोटपटक लागेको छ । चोटका कारण उनको ढाडमा समस्या भएको प्रादेशिक अस्पताल लहानले जनाएको छ।

बिहीबार बिहान छलफलमा बसेका बेला विवाद भएको भन्ने जानकारी पाएपछि प्रहरीको टोली पठाएको जिल्ला प्रहरी कार्यालयका प्रवक्ता रवीन्द्र राज पाण्डेले जनाएको छ । उनले भने, ‘बिहानी छलफलको क्रममा विवाद भएको भन्ने जानकारी पाएपछि प्रहरी टोलीपुग्दा साम्य भइसकेको थियो। त्यसपछि हामीले विशेष जानकारी लिएनौं ।’

रौतहट, जेठ १० ।

रौतहटको एक विधालयमा आज छात्रावृत्ति वितरण भएको छ । जिल्लाको फतुवा विजयपुर नगरपालिका वडा नम्बर ३ स्थित रहेको श्री आधारभुत विधालय मेवामा एक सहयोगि संस्थाले वडा अध्यक्ष रामइश्वर राय यादवको रोहवरमा छात्रावृत्ति वितरण गरेको हो । सो विधालयमा अध्ययनरत रहेको १० जना छात्राहरुलाई छात्रावृत्ति वितरण भएको प्राधानाध्यापक (प्रअ) प्रमोदकुमार साहले बताएका छन् ।

आज (बुधबार) को एक कार्यक्रमकोबीच गण्डकी ल्यान्स कल्व अफ पोखराले १० जना छात्राहरुलाई छात्रावृत्ति गरेको हो । सो संस्थाले विधालयमा छात्राहरुको सहभागिता बढाउन तथा शैक्षिक क्षेत्रमा छात्राको उतशुक्ता बढाउनका निम्ति छात्रावृत्ति वितरण गर्दै आएको संस्थाले जनाएको छ ।

सो संस्थाले १० जना छात्राहरुलाई रु.५ हजारको दरले छात्राहरुलाई वितरण गरेको प्रअ साहले जनाएको छ । छात्रावृत्तिद्धारा छात्राहरुको जीवनमा साकारात्मक प्रभाव परेको तथा शैक्षीक समाग्री खरिद गर्न ठूलो सहयोग पुगेको छात्राहरुले बताएका छन् ।

साथै छात्राहरुले गण्डकी ल्यान्स कल्व अफ पोखरालाई धन्यवाद समेत ज्ञापन गरेका छन् । सो अवसरमा विधालयका शिक्षक शिक्षिकाहरु, छात्र छात्राहरु, स्थानीयहरु तथा भद्रभलादमीहरुको उपस्थिति रहेको थियो ।

मँजय राम,कटहरिया, जेठ ९ ।

रौतहटको कटहरिया नगरपालिका वडा नम्बर ८ स्थित रहेको पिपरापोखरियामा आम जनता पार्टी (आजपा) को वडा कमिटि गठन भएको छ । आज एक कार्यक्रमकाबीच पिपरापोखरिया गाउँमा वडा भेला भएको हो । प्रदुषण विरुधमा आम जनता पार्टीद्धारा भेलाबाट रामप्रसाद जैसवाल अध्यक्षता पदमा सर्व सहमत चयन भएको हो ।

साथै उपाध्यक्षमा उपेन्द्र जयसवाल, बन्द राय यादव, सचिवमा जैसी राय यादव र सह सचिवमा जियालाल राम र रामाशंकर ठाकुर सर्व सहमत चयन भएका छन् । साथै सदस्यहरुमा तारा चन्द्र साह, नन्दकिशोर बैठा, आशा राम, महदेव दास, मनोज साह, छविलाल साह, हरिन्द्र साह सहित ३५ सदस्यीय वडा कमिटीबाट गठन भएको हो ।

सो वडा कमिटिबाट प्रदुषण विरुद्ध लडन तथा गाउँलाई स्वक्ष वातावरणमा ढालनका लागि प्रस्ताव सहित वडा कमिटि गठन भएको आइटि आर्मीको केन्द्रिय सदस्य उमेश दासले बताएका छन् । आम जनता पार्टीद्धारा भएको वडा भेला कार्यक्रम अविवादित नयाँ नेतृत्व गठन भएकोमा सम्पुर्णलाई हार्दिक बधाई तथा सफलताको शुभकामना समेत दासले ज्ञापन गरेका हुँन् ।

सो कार्यक्रममा आम जनता पार्टीका स्थायी कमिटी सदस्य कटहरिया नगरपालिकाको पुर्व मेयर सियारामप्रसाद कुशवाहा, केन्द्रिय सदस्य नरेश साह तुरहा, जिल्ला कमिटी सदस्य वीरबहादुर साह, महेश यादव तथा स्थानीयहरु लगायतको उपस्थिति रहेको थियो ।

रौतहट, जेठ १० ।

रौतहटको माधवनारायण नगरपालिकामा पालिकाको भवन निमार्णका लागि जग्गाको सहयोग भएको छ । जिल्लाको माधवनारायण नगरपालिकाको नगर प्रमुख बैजनाथप्रसाद यादवले नगरपालिका भवन निर्माणका लागि आफ्नो ५ कठा जग्गा निःशुल्क पालिकालाई सहयोग गरेका छन् ।

उनले स्थानीय सरकारको यो ६ वर्ष नाघन लागदा समेत हाम्रो पालिकाले आफ्नो भवन पाउँन नसकनु दुःखद कुरा रहेको तथा जग्गाका कारण अवरोध सृजना भएकाले मैले आफ्नो ५ कठा रहेको जग्गा नगरपाकिलाको भवन निमार्णका लागि सहयोग गरेको उनले बताए ।

नगरप्रमुख यादवले नगरपालिका भवन निर्माणका लागि आफ्ना करोडौं मूल्य बराबरको ५ कठा जग्गा निःशुल्क दान गरेका छन्।

माधवनारायण नगरपालिकाको प्रशासनिक भवन निर्माणका लागि नगर प्रमुख बैजनाथप्रसाद यादवले आफ्ना करिब १ करोडको जग्गा निःशुल्क दान गरेपछि नगरवासी निकै हर्षित भएका छन। माधोपुरमा अब नगरपालिकाको आफ्नै भवन पनि चाँडै निर्माण हुने मेयर यादवले बताएका छन् ।

रौतहट, जेठ १० ।

रौतहटको वृन्दावन नगरपालिकामा योजनाहरुको अनुगमन तथा निरीक्षण गरिएको छ । वृन्दावन नगरपालिकाको नगरप्रमुख बिनोदप्रसाद कुर्मीले आज नगर स्तरीय बजेटबाट निर्माण भइरहेको योजनाहरुको स्थलगत अनुगमन तथा निरीक्षण गरेका छन ।

आज वृन्दावन नगरपलिकाको वडा नम्बर ९ स्थित रहेको टोल भुसाहामा नगर स्तरीय ५५ लाख बराबरको बजेटबाट निर्माण भइरहेको ईदगाह निर्माणकार्यको कार्यलाई के कस्तो भैरहेको छ भन्ने कुरा थाह पाउनका लागि मेयर कुर्मीले स्थलगत अनुगमन तथा निरीक्षण गरेका छन ।

साथै सोही अवसर पारी पालिकाको वडा नम्बर ८ स्थित रहेको बहुअरी टोलमा १० लाखको लागतमा निमार्ण भैरहेको सडक ढलान कार्यको पनि वृन्दावन नगरपालिका नगर प्रमुख कुर्मीले स्थलगत निरीक्षण गरेका छन् ।

उनले भने नगरका प्रत्येक योजनाहरुको कामकाज गुणस्तरीय र पारदर्शी रूपमा निमार्ण गर्न नगरप्रमुख कुर्मीले उपभोक्ता समितिलाई आग्रह समेत गरेका छन् । पछिल्लो समय नगरप्रमुख कुर्मीले विकास निर्माणका कार्यलाई तिब्रता दिएका छन् । सो अवसरमा वृन्दावन नगरपालिकाका प्रमुख प्रशासकिय अधिकृत, कर्मचारीहरु तथा स्थानीयहरु लगायत सद्रभलादमिहरुको उपस्थिति रहेको थियो ।

रौतहट, जेठ १० ।

रौतहटमा बाल विकास विद्यालयको लागि भवनको शिलान्यास भएको छ । मधेश प्रदेश सरकारका भौतिक पुर्वाधार विकास मन्त्री कृष्णप्रसाद यादवले रौतहटको माधव नारायण नगरपालिका वडा नम्बर ४ बिसुनपुर्वा मानपुर स्थित बाल विकास विद्यालयको दुई कोठे भवन निर्माणका लागि आज एक कार्यक्रमका बीच शिलान्यास भएको हो ।

बुधबार एक समारोहका बिच मन्त्री यादव र माधव नारायण नगरपाकिलाका नगरप्रमुख बैजनाथप्रसाद यादवले संयुक्त रूपमा सो शिलान्यास गरिएको मन्त्री निकट नितेशकुमारले जनाएको हो।

त्यस्तै सोही नगरपालिकाको वडा नम्बर ३ स्थित रहेको सखुअवामा मुख्य सचिव सन्तुप्रासाद यादवको पहलमा झाझ नदिको छेउमा आर्यघाट निर्माणका लागि पनि मन्त्री यादवले शिलान्यास गरेका छन् ।

हिजो मंगलबार नै सपथ लिएका नव नियुक्त मन्त्री यादवले विकास निर्माणकार्य लगायत आफ्नो जिम्मेवारी अहम भूमिकाका साथ निर्वाह गरि मधेश सरकारले गर्ने कार्यहरुमा सहकार्य गरेर कामकाजलाई विशेष प्राथमिकतामा राखी अगाडि बढाउने मन्त्री यादवले बताए ।