आरके श्रीवास्तव,रौतहट,साउन ०३ गते ।
रौतहट– जिल्ला ट्राफिक प्रहरी कार्यालय रौतहटले आफनो कार्य प्रगती विवरण सार्वजनिक गरेको छ । विवरणमा उल्लेख गरिए अनुसार जिल्ला ट्राफिक प्रहरी कार्यालय रौतहटले चालु आर्थिक वर्ष २०७९÷८० को एक वर्षको अवधिमा रु ३ करोड १० लाख ४ हजार राजस्व संकलन गरेको छ ।
गत आ.व.वर्ष २०७८÷७९ मा १ करोड ७८ लाख ७० हजार ५ सय राजस्व सङ्कलन गरेको थियो । गत वर्षको तुलनामा यस वर्ष १ करोड २२ लाख ३३ हजार ५ सय बढी राजस्व संकलन भएको छ । आ.व.२०७९÷८०मा ट्राफिक नियमको उल्लङ्घन गर्ने ३८ हजार ५ सय ८२ सवारीसाधन उपर कार्यवाही गरिएको जिल्ला ट्राफिक प्रहरी कार्यालय रौतहटका प्रमुख प्रहरी निरीक्षक बिमला कुमारी कठायतले जानकारी दिइन् ।
गत वर्ष भने १९ हजार ६०० नियम विपरीत सञ्चालित सवारी साधनलाइ कार्यवाही गरिएको थियो । यस्तै आ.व. २०७९÷८० मा रौतहट जिल्लामा भएको ७ सय १३ वटा सवारी दुर्घटनामा परी ७२ जनाको मृत्यु भएको छ । जबकी ११ सय ७१ जना घाइते भएका छन् । गत वर्ष ६ सय ४५ वटा सवारी दुर्घटनामा परी ५० जनाको मृत्यु भएको थियो । भने १ हजार ४७ जना घाइते भएका थिए ।
जिल्लाको मुख्य सडक तथा विभिन्न सहायक सडकमा भएको सवारी दुर्घटनामा त्यती संख्यामा व्यक्तीहरु परेको जिल्ला ट्राफिक प्रहरी कार्यालय रौतहटले जनाएको छ । त्यस्तै जिल्ला ट्राफिक प्रहरी कार्यालय रौतहट द्धारा आ.व.२०७९÷८० मा ७ सय ७४ कार्यक्रम भएकोमा ४५ हजार ६ सय ३७ जना सहभागी भएको प्रगती विवरणमा उल्लेख छ । गत आ.व.२०७८/७९ मा २ सय ३४ कार्यक्रम भएकोमा २० हजार ७३ जना मानिसहरु सहभागी भएको जनाइएको छ । आ.व.२०७९/८० मा मा.प.से.मा ४ सय जना लाइ कार्यवाही गरि ४ लाख राजस्व संकलन गरिएको छ । भने क्षमता भन्दा बढी बोक्ने सवारी साधनहरुलाइ यातायात कार्यालय मार्फत ११ वटा सावारी साधनलाइ कार्यवाही गरि २ लाख ११ हजार २ सय ३६ राजस्व संकलन गरिएको छ ।
जुन गत वर्षको तुलनामा १५३.९८ प्रतिशतले बढी हो । गत वर्ष २ वटा सवारी साधन लाइ कार्यवाही गरि ८३ हजार ४ सय ९८ रुपैया राजस्व संकलन गरिएको थियो । जिल्ला ट्राफिक प्रहरी कार्यालय रौतहटले आ.व.२०७९÷८० मा केही नविनतम् कार्यहरुपनि गरेको जनाएको छ ।
उसले १८ बुँदे कार्यहरु गरेको विवरणमा उल्लेख छ । जसमा राजस्वमा बृद्धि,चोरीको २ थान मोटरसाइकिल पक्राउ गरी सम्बन्धित धनिलाइ बुझाइएको,चोरीको ६ थान मोटरसाइकिल पक्राउ गरी कार्यालयमा राखिएको,क्षमता भन्दा बढी बोक्ने ११ वटा भारतिय र नेपाली मालवाहक सवारी साधन पक्राउ गरी जरिवाना गराइएको,सरोकारवाला निकायहरु सँग समन्वय गरी विभिन्न ५ सय थान ट्राफिक सचेतनामूलक बोर्ड राखिएको
,चन्द्रनिगाहपुर र गरुडामा सडक कार्यालय सँग समन्वय गरी फुटपाथ हटाइ सडक विस्तारमा सहयोग गरेको,मौलापुरमा १ थान ट्राफिक आइलेण्ड राखिएको,यातायात व्यवस्था कार्यालयमा नयाँ सचाहप वितरणको लागि पहल गरी हाल सुचारु भएको,विभिन्न सरसरफाइ तथा अन्तक्रिया कार्याक्रममा सहभागिता जनाइ ट्राफिक प्रहरी र जनसमुदाय सँग सहभागिता जनाइएको,भित्री गाउँ स्तारमा समेत नगरपालिका सँग समन्वय गरी जनचेतना मुकल कार्यक्रम संचालन,मा.प.से. चेकिंङलाइ तिव्रता दिएको,
ट्राफिक प्रहरी कार्यालय गौरको लागि जग्गा र भवनको लागि स्थानिय संग समन्वय गरीएको,गौर र डुमरियामा ७ थान ट्राफिक डमी राखिएको,सुकदेव चोक,गौरको भन्सार कार्यालय अगाडी र बसपार्कमा ट्राफिक बिट राखिएको,गौरमा चल्ने कर नतिरेको ६० वटा टेम्पो लाइ कर तिर्न लगाइएको,उखुका ट्रक तथा टेक्टरहरुमा रेफलेकटेड ब्यानर राखिएको २ सय भन्दा बढी,बृक्षारोपण,सरसफाइ तथा रक्तदान कार्यक्रममा सहभागिता भएको उल्लेख छ ।
रन्धिर साह, रौतहट, साउन २ गते ।
नेपाल सरकारले गरेको हुलाक कार्यालय खारेजको निर्णयलाई सर्वोच अदालतले खारेज गरि पुन हुलाक कार्यालय रहने घोषणा गरेसंगै हुलाकी कर्मचारीहरु खुशी भएका छन् । उनीहरु खुशीका साथ पुर्ण आ आफ्नो काममा जुटेको जिल्ला हुलाक कार्यालय रौतहटका देवाही गोनाही नगरपालिका वडा नम्बर ६ का पत्र वितरक भाग्यनाराएन झाले बताएक छन् । उनका अनुसार सरकारको आदेश अनुचिर रहेको र सर्वोचले हामी करिब १० हजार भन्दा बढी हुलाकका कर्मचारीहरुलाई संरक्षण दिएकोमा अदालत प्रति विशेष धन्यवाद दिदै पुण खुशीका साथ आफ्नो काममा लागेको बताए ।
सो पालिकाको हुलाक कार्यालय कर्कचका प्रमुख अनुपा महतोले भने सरकारले बजेट भाषण मार्फत देशभरका अतिरिक्त हुलाक खारेज गर्ने घोषणा गरेसँगै हामी वितेको असार २१ गतेदेखिनै देशभरी एकै साथ आन्दोलनमा उत्रेका थियौँ । सरकारले आगामी आर्थिक वर्ष २०८०र०८१ को बजेट वक्तव्यको बुदा नं। ३७४ मा उल्लेखित अतिरिक्त हुलाक खारेज गर्ने भन्ने निर्णयप्रति अतिरिक्त हुलाक एशोशीएसनले सरकारको ध्यानाकर्षण कराएको थियो ।
समय सापेक्ष अतिरिक्त हुलाक स्तरोन्नती र आधुनिक व्यवस्थापन गर्नुको सट्टा खारेजीको निर्णयले कर्मचारीलाई आन्दोलित बनाएको कार्यालय प्रमुख महतोले बताए । अतिरिक्त हुलाक कार्यालयमा हुलाक प्रतिनिधि, हुलाकपत्र वितरक र डाक वाहक भन्ने तीन तहका कर्मचारी छन् । हुलाक प्रतिनिधिले आठ हजार तीन सय १० रुपैँया तलव पाउँछन् भने वितरक र डाकवाहकले मासिक सात हजार दुई सय ७५ रूपैयाँ तलव पाउँछन् ।
राज्यले अहिले ती कर्मचारीहरूलाई घर न घाट बनाउन लागेको थियो तर, अहिले असार ३१ गते सर्वोच अदालतले गरेको फैसलाबाट हामीले पुर्ण बाचन पाएको भन्दै अदालतलाई धन्यवाद समेत ज्ञापन गरेका छन् । सो गाउँमा देवाही गोनाही नगरपालिका वडा नम्ब्र ६ का कार्यालय प्रमुख अनुपा महतो, डाकिया चुनचुन झा र पत्र वितरक भाग्यनारायएन भाm सहित तीन जना हुलाक कर्मचारीहरु रहेका छन् । आइतबार कार्यालय सुरु भएसंगै वडा नम्बर ६ का लागि मात्र ५० भन्दा बढी चिट्री आएको उनले बताए ।
रन्धिर साह, रौतहट, साउन २ गते ।
रौतहटको देवाहीगोनाही नगरपालिका वडा नम्बर ६ स्थित रहेको कर्कच गाउँमा एकैदिन तीन वटा घरमा चोरी भएको छ । गएको सोमबार राती करिब ०१ः०० बजेको समयमा ती घरहरुमा चोरी भएको जिल्ला प्रहरी कार्यालय रौतहटका प्रहरी प्रवक्ता नायव उपरिक्षक प्रहरी उमाशंकर यादवले बताएका छन् ।
उनका अनुसार एइनुल मिया, रामअन्नदी महतो र जदुन्द दासको घरमा एकै रात र एउटै तरिकाले चोरी भएको हो । प्रहरीका अनुसार रामअन्नदी महतो र जदुन्द दासको घरमा सामान्य चोरी भएको छ भने मियाको घरमा करिब ५ लाख मुल्उ बराबरको चोरी भएको हो ।
चोरी गृहहरुले सुरक्षाकर्मीहरुलाई ठाडो चुनौती दिदै गरेको घटनाबाट स्थानीय बासिन्दाहरु त्रसित भएका छन् । क रहनु होला । देवाही देवाहिगोनाही नगरपालिका वडा नम्बर ६ कर्कच गाउँमा चोर गृह प्रवेश गरेकोछ । आज मंगलबार एकै दिनमा तीन जनाको घरमा चोरी ।
आरके श्रीवास्तव,रौतहट,साउन ०२ गते
रौतहट जिल्लाकमा अनुमती नै नलिइ सञ्चालनमा रहेका अस्पतालहरु धमाधम बन्द हुन थालेका छन् । अबैध रुपमा सञ्चालित नेपाल लाईफ हस्पिटलको चरम लापरवाही एवं बदमासीका कारण केही दिन अघि मात्र एक जना सुत्केरीको ज्यान गएपछि उनीहरु अस्पताल बन्द गरेर नै फरार भएका छन् । जिल्लाको देवाहिगोनाही नगरपालिका वडा नम्बर ९ धरहरीमा सञ्चालनमा रहेको उक्त हस्पिटलका सञ्चालक अहिले फरार छन् ।
त्यसै सँग रहेको रौतहट कान्ति बाल मेमोरीयल हस्पिटल प्रा.लि. गरुडा न.पा. १ जयनगरमा रहेको हस्पिटललाइ पनि सञ्चालकले बन्द गरेर फरार छन् । यसरी अनुमति नै नलिई विगत केही वर्षदेखी गौरकानुनी तरिकाले सो हस्पिटलहरु सञ्चालनमा रहेको भेटिएको हो । त्यस्ता ज्यान मारा अस्पतालहरुले उपचार नै सम्भव हुन नसकेको अवस्थामा अन्यत्र रेफर गर्नुको सट्टा सो अस्पतालले पैसाको लोभमा बलजबरजस्ती राखेर विरामीलाइ मार्ने गरेको श्रोतको दावी छ । बिना अनुमतीका अस्पतालले मानवको स्वास्थ्य जिवनसंग यसरी दिनदहाडै खेलवाड गरिरहँदा समेत नियमनकारी निकायले कुनै ध्यान दिन सकेको छैन् ।
यी अस्पतालहरु उदाहरणमात्र हुन जिल्लामा यस्ता कैयौं अस्पतालहरु छन् । जुन बिना अनुमतीको नै सञ्चालनमा छन् । मानवको स्वास्थ्य जिवनसंग खेलवाड गर्ने त्यस्ता सञ्चालकहरुलाई पक्राउ गरी हदैसम्मको कार्यवाही गर्न स्थानीयहरुले माग गरेका छन् । पैसा कमाउने प्रलोभनमा विरामीको जिवनसंग नै खेलवाड गर्ने काम गरिरहेको भन्दै स्थानीयहरुले अस्पताल सञ्चालकलाई कार्यवाही गर्न सम्बन्धीत निकायसंग जोडदार माग गरेका छन् ।
यता यस विषयमा सामाजिक विकास मन्त्रालय मधेश प्रदेश सरकारका वरिष्ठ जनस्वास्थ्य प्रशासक(प्रवक्ता) डा.मुक्ति नारायण साह सँग बुझदा मधेश प्रदेश भरीको सबै पालिकाहरुमा कती अस्पतालहरु दर्ता गरेको र कतिले नगरेको,नविकरण गरेको या नगरेको यी सबै तथ्यांकहरु मंगाउँदै छौं । यदि कोइ पनि कानुन विपरीत सञ्चालन भएको पाइएमा कार्यवाही गरिने बताए ।
इन्दीप कोइराला,बारा, २ साउन ।
बकैया खोलाबाट अवैध रुपमा गिटी बालुवा उत्खनन गर्दैगरेको अवस्थामा निजगढबाट प्रहरीले नियन्त्रणमा लिएको एउटा जेसिबी र दुईवटा टिप्परलाई जिल्ला समन्वय समिति बाराले १ लाख रुपैया जरिवाना तिराएको छ ।
निजगढ काठमाण्डौं द्रूतमार्ग निर्माणको ठेक्का लिएको चिनियाँ कम्पनीले निजगढ ४ स्थित बकैया खोलाबाट अवैध रुपमा नदीजन्य पदार्थ उत्खनन गर्दैगरेको अवस्थामा इलाका प्रहरी कार्यालय निजगढले नम्बर नभएको एउटा अनटेष्ट जेसिबी, प्रदेश २–०३–००१ ख २८३२ र प्रदेश २–०३–००१ ख ४९५७ नम्बरको दुईवटा टिप्परका चालक निजगढ नगरपािलका वडा नम्बर ४ बस्ने वर्ष ४३ का रोहित चौधरी र वर्ष ४४ का वीरवल थारुलाई सोमबार बिहान २ बजे नियन्त्रणमा लिएर जिल्ला समन्वय समिति बारामा बुझाएको थियो ।
जेसिबी चालक अन्दाजी वर्ष ४७ का चीनिया नागरिकको भने नाम थर खुल्न नसकेको निजगढ प्रहरीले जानकारी दिएको छ । फास्टट्याक निर्माणको ठेक्का लिएको चीनिया कम्पनीले निषेधित अवधिमा अवैध रुपमा राति उत्खनन गरेको पाइएपछि साधन र त्यसका चालकलाई नियन्त्रणमा लिएर जिल्ला समन्वय समितिमा बुझाएको इलाका प्रहरी कार्यालय निजगढका प्रहरी निरीक्षक घनश्याम श्रेष्ठले जानकारी दिए ।
चिनियाँ कम्पनीले भने फास्टट्याकको सर्भिस लेनमा भएको हिलो पुर्न खोलाबाट गिटीबालुवा निकालिएको दाबी गरेको प्रहरीले बताएको छ । वर्षायाममा गरिने उत्खननले बाढी पहिरोको जोखिम बढने भन्दै सरकारले केही वर्ष अघिदेखि असार १ गतेदेखि भदौ मसान्तसम्म खोलाबाट नदीजन्य पदार्थको उत्खनन गर्न रोक लगाउदै आएको छ ।
इन्दीप कोइराला,बारा, २ साउन ।
सिम्रौनगढ नगर अस्पतालका स्वास्थ्यकर्मी र कर्मचारीहरू आन्दोलित हुँदा सोमबारदेखि स्वास्थ्य सेवा ठप्प भएको छ ।
अस्पतालमा कार्यरत करार र ज्यालादारीमा भर्ना गरिएका स्वास्थ्यकर्मी र कर्मचारीहरुले तलबसहित विभिन्न माग राखेर नगर अस्पतालको मुख्य गेटमा तालाबन्दी गरी धर्नामा बसेका छन् ।
सिम्रौनगढ नगर अस्पताल प्रमुख डा. जितेन्द्र यादव, श्यामसुन्दर कुशवाहा, रविन हुसेन, पवन पटेल, अयुब मिया अन्सारी, ललिता यादव, नितु गुप्ता, रन्जु कुशवाहा, सन्तोषकुमार कुशवाहा लगायतका २४ जना कर्मचारीहरुले सोमबार बिहान ११ः४५ बजे अस्पतालको मुल ढोकामा ताला लगाएका हुन् ।
तलब, भत्ता, अतिरिक्त काममा थप भत्ता, चाड पर्वभत्ता र सेवा अवधि थप लगायतका मागहरु यथाशीघ्र पूरा गर्नुपर्ने मागसहित कर्मचारीहरूले अस्पतालमा तालाबन्दी गरेका हुन् ।
आफ्ना माग पूरा नभए थप आन्दोलनको कार्यक्रम घोषणा गर्ने उनीहरुले चेतावनी दिएका छन् । यसअघि नगरपालिकाका वडा कार्यालयमा कार्यरत करार सेवाका कर्मचारीहरुले आइतबारबाट वडा कार्यालयमा तालाबन्दी गरेर सेवा ठप्प पार्दै आएका छन् ।
विशाल बस्नेत,महोत्तरी, २ साउन ।
बर्दिबास नगरपालिकाले नगरवासीलाई निःशुल्क रगत प्रदान गर्ने नीति तथा कार्यक्रम पारित गरेको छ । तर, यसको कार्यान्वयनको पक्षलाई लिएर आशंका उब्जिएको थियो । नगपालिकाको उक्त नीतिले कोही रगतको अभावमा मर्ने त कोही रगत भए पनि पैसाको अभावमा मर्नुपर्ने अवस्था अन्त्य हुने अपेक्षा बर्दिबास रेडक्रस सोसाईटीका पूर्वसभापति मुकुन्द पौडेलको छ । कार्यान्वयनको पक्षलाई लिएर भने उनी सशंकित थिए ।
गत सोमबार बेलुका नगरप्रमुख प्रल्हादकुमार क्षेत्रीले बर्दिबास–४ स्थित वरडाडा बस्ने बिरामी कृष्णबहादुर माझीलाई रेडक्रसमा पुगेर रगत हस्तान्तरण गरेपछि पौडेल ढुक्क भए कि अब पैसा नभएर कोही पनि नगरवासीहरु रगत नपाएर मर्नुपर्दैन ।
निःशुल्क रगत प्रदान गर्ने नगरको नीतिलाई औपचारिक रुपमा कार्यान्वयन गरेको नगरप्रमुख क्षेत्रीले बताए । रेडक्रस सोसाईटीका सभापति सुदिप कार्कीको अनुसार बर्दिबासमा मात्र अहिले मासिक दुई सयभन्दा बढी बिरामीहरुलाई रगतको अभाव हुने गरेको छ । ‘संस्थागत हो सहयोग गर्न पनि नसकिने रहेछ । व्यक्तिगत सहयोग त गर्छौं, तर त्यो पनि सधैभरि सम्भव नहुने रहेछ,’ उनले भने ।
रेडक्रस सोसाईटीका अर्का सदस्य गोपाल बरालले भन्छन्, ‘रगत सहज ढंगले पाए पनि पैसाको अभावमा रगत किन्न नसक्ने धेरै नगरवासीहरुको नगरप्रमुखले ज्यान बचाएका छन् ।’
कतिपय बिरामीलाइ महिनामा चारपटकसम्म रगत लिन रेडक्रस आउनुपर्ने हुन्छ । एक युनिट रगतको १४ सय रुपैयाँ तिर्नुपर्ने हुँदा विपन्न र गरिब समुदायको लागि मासिक ५ हजार रगतमा नै खर्च गर्नुपर्ने बाध्यात्मक अवस्था छ ।
यस्तै कठिन अवस्थाको अनुभव गरेकी छन बर्दिबास–८ खजुरियाकी अर्पणा लुङगेलीले । बर्दिबासस्थित डिएनवी अस्पतालका डा. प्रविन मिश्रसँग उपचार गराउँदा उनको आन्द्रा फुटेको र मुखवाट अत्याधिक रगत बगेको हुनाले पटक–पटक रगत चाहिराख्ने चिकित्सकले सुझाएका थिए ।
आर्थिक स्थिति कमजोर भएकी लुङ्गेलीले जेनतेन उपचार गराइरहे पनि रगत कसरी ल्याउने होला भन्ने पिरलो थियो । लुङ्गेलीले रेडक्रसवाट विपन्न राहत कोषका माध्यमबाट रगत दिइरहेको त थाहा पाइँन, तर प्रक्रियाको झन्झटिलोले उनलाई थप तनाव सृजना भयो ।
सम्बन्धित् वडावाट आर्थिक स्थिती कमजोर भएको प्रमाणित गराउनुदेखि रेडक्रसलाई रगत प्रदान गर्न दिने सिफारिस लिन नै उनले दिनहुँ समस्या झेलिन् । तर, नगरपालिकाले पास गरेको नीति तथा कार्यक्रमले भने अब त्यो झन्झटबाट मुक्त भएको महसुस गराएको छ ।
नगरवासी भएको प्रमाण मात्र पेस गरेपछि रगत पाउने नगरले नीति बनाएको सुनेपछी लुङ्गेली निकै खुसी भएकी छन्। ‘अब मजस्ता गरिब कागज बनाउन अल्मल्लिनुनपर्ने रहेछ खुसी लाग्यो,’ उनले भनिन् ।
रन्धिर साह, रौतहट, साउन १ गते ।
रौतहटको कटहरिया नगरपालिका वडा नम्बर ४ स्थित रहेको हर्षाहामा विपद जोखिम न्यूनीकरण, परिक्षण तथा बाढि सम्बन्धि कृतिम घटना अभ्यास कार्यक्रम सम्पन्न भएको छ । आज एक विशेष कार्यक्रमका बीच कटहरिया नगरपालिकाकी उप प्रमुख रिता देवि यादवको प्रमुख आतिथ्यता तथा जिल्ला समन्वय समिती रौतहटका अध्यक्ष रामअयोध्या राय यादवको विशिष्ट अतिथिमा सो कार्यक्रम सम्पन्न भएको हो ।
सो कार्यक्रमा बाढी आएको समयमा तथा बाढीमा फसेका लागि कसरी बचाउने, आफु बचने लगायतको विषयमा भन्दै सो कार्यक्रममा क्रियाकलाप गरि समापन्न गरेको थियो । कार्यक्रममा कटहरिया नगरपालिकाका प्रमुख प्रशासकीय अधिकृत राम प्रकाश साह, वडा नम्बर ४ का वडाध्यक्ष चन्दन कुशवाहा तथा नगरपालिकाका सम्पुर्ण सहयोगी कर्मचारीहरु लगायतको उपस्थितिमा कार्यक्रम भएको थियो ।
रौतहट, १ साउन। गौर हत्याकाण्ड पीडित संघर्ष समितिले दोषीलाई कारबाहीको माग गर्दै अनिश्चितकालीन रौतहट बन्दसहितको आन्दोलनका कार्यक्रम गर्ने चेतावनी दिएको छ ।
घटनापछि जाहेरी दर्ता गरेको १७ वर्षसम्म दोषीउपर कानुनी कारबाही नभएको भन्दै समितिले सोमबार प्रमुख जिल्ला अधिकारीलाई ज्ञापनपत्र बुझाउँदै संघर्षका कार्यक्रमबारे पनि जानकारी दिएको छ ।
७ चैत २०६३ मा रौतहटको गौरस्थित राइसमिल चौरमा तत्कालीन नेकप माओवादी र तत्कालीन मधेशी जनअधिकार फोरमले कार्यक्रम गर्न लाग्दा भएको घटनामा २८ जनाको मृत्यु भएको थियो । सो घटनापछि २८ चैत २०६४ मा रौतहट जिल्ला प्रहरी कार्यालयमा जाहेरी दर्ता भएको सोमबार १७ वर्ष वितिसक्दा पनि कारबाही प्रक्रिया नथालेको भन्दै समितिले आन्दोलित भएको हो ।
सोमबार समितिले प्रदर्शनसमेत गरेको छ । ‘अमानवीय र विभत्य हत्या गर्ने गौर हत्याकाण्डका हत्यारा अपराधीहरुलाई वर्षों वर्षसम्म पनि अनुसन्धानको दायरामा ल्याई कारवाही नगर्नाले हामी पीडितहरुको आँखा अगाडि नै अपराधिहरु खुलेआम घुमी रहेको देख्नु पर्दा हामीलाई अझ बढी पीडा बोध हुन गएको छ । घटना घटेको अमानवीय र विभत्स हत्याकाण्डका दोषीलाई कानुन बमोजीम अविलम्ब कारबाही गरी हामी पीडितहरुलाई अपराध पीडितको हक प्रचलन गराई न्यायको प्रत्याभूति दिलाउन विनम्र अनुरोध गर्दछौं,’ समिति संयोजक रुपसागर देवीले हस्ताक्षर गरेर प्रमुख जिल्ला अधिकारीलाई बुझाएको ज्ञापनपत्रमा उल्लेख छ ।
कारबाही नगरेमा आन्दोलनमा उत्रिने घोषणा गर्दै संघर्षका कार्यक्रमबारे पनि प्रजिअलाई जानकारी गराएका छन् ।
जसअनुसार साउन२–१२ गतेसम्म पलिकाहरूमा गौर हत्याकाण्डको जानकारी एवं अन्तरक्रिया गर्ने, साउन १३ गते शहीद परिवार एवं पीड़तिहरूद्वारा धर्ना दिने, साउन १४ गते मोटरसाइकल ¥याली गर्ने र साउन १५ देखि अनिश्चितकालीन रौतहट बन्द गर्नेछ ।
मितिः २०८०/०४/०१
श्रीमान् प्रमुख जिल्ला अधिकारी ज्यू, जिल्ला प्रसाशन कार्यालय गौर, रौतहट
विषयः ज्ञापन पत्र
२०६३ साल चैत्र ७ गते रौतहटको गौर स्थित राइसमिल चौरमा दिउसो १ः४५ बजे तत्कालिन नेकपा माओवादीको मञ्च बनाई सभा गर्न लाग्दा सो कार्यक्रममा उपस्थित नेकपा माओवादी समर्थकहरु निर्दोष एवं निहता नागरिकहरु उपर उपेन्द्र यादवको नेतृत्वमा रहेको तत्कालीन मधेशी जनअधिकार फोरमले ठूलो संख्यामा अफ्नो कार्यकतालाई मानव ढाल बनाइ केही पेशेवर आपराधिक समूहको जत्थाले सुनियोजित रुपमा भिषण एंव अमानवीक अमानुषिक एंव नरसंहारकारी, पाशविक रुपमा गरेको कुरुर आक्रमणवाट २७ जना सर्वसधारणको घटना स्थलमै र एक जनाको उपचारका क्रममा मृत्यु र सयौँको संख्यामा निर्दोष नागरिकहरु घाइते भएका थिए ।
भिषण आक्रमणवाट मारिएकाहरु मध्ये अधिकांस स्वचालित बन्दुक हतियारले गोली हानी मारिएको र साथै बाँसको फट्टा, ढुङ्ग÷इट्टाले टाउको र मुखमा थिचेर धारीलो हतियार प्रहार गरेर मारेका थिए । महिलाहरुलाई बाँसको भाटाले सम्वेदनशील अंगहरुमा घोचेर, बलात्कार गरी स्तन काटेर छटपटीरहेको अवस्थामा जिउदै आगो लगाएर हत्या गरिएको थियो । घटना स्थलवाट ज्यान बचाउन भाग्दै गरेका निराष नागरिकहरुलाई अपराधिहरुले गौरभन्दा सात आठ किलोमिटर टाढासम्म गौंडा कुरेर तथा लखेटी लखेटी हत्या गरेका थिए । यसलाई गौर हत्याकाण्डको नामले समेत चिनिन्छ ।
उपरोक्त माहोल र पृष्ठभुमिमा तत्कालिन अवस्थामा नेपालमा मात्र नभइ विश्वमानै चर्चामा र शान्ति प्रक्रियामा रहेको नेकपा माओवादीको हत्या गरेमा आफुलाई अझ बढी उत्कृष्ट एंव शाक्तिशाली बन्ने अभिष्ट लालसाको साथ उपेन्द्र यादव नेतृत्वको जत्थाले यस्तो जघन्य अपराध गरेको हो । यो घटना प्रचालित नेपाल कानुन बमोजिम मात्र अपराध नभइ नेपाल पक्ष रहेको टरचर कन्भेन्सन लगायतका अन्य अन्तराष्ट्रिय महासंधी समेतले यस्ता प्रकारको जघन्य अपराधलाई अन्तर्राष्ट्रिय अपराधको रुपमा स्वीकार गरेको अवस्था छ । घटनाको भोलीपल्ट तत्कालिन गृहमन्त्री कृष्णप्रसाद सिटौला, सञ्चार मन्त्रि कृष्णबहादुर महरा र राष्ट्रसंघीय मिसन अनमिनका प्रतिनिधि पनि घटना स्थल पुगी घटनाको निरिक्षण गर्नुभएको थियो । घटनाको वास्तविक तथ्य पतालगाउनको लागी नेपाल सरकारले तत्कालिन पुनरावेदन अदालतका मा. न्यायधिश श्री हरि प्रसाद शर्माको संयोजकत्वमा गठन गरेको छानविन आयोगले नेपाल सरकारलाई बुझाएको प्रतिवेदनमा राष्ट्रिय मानव अधिकार आयोग समेतको प्रतिवेदनले यस घटनालाई राजनैतिक झडप नभइ जघन्य एंव अमानुषिक र अमानवीय अपराध गरेको भनी तथ्यगत बुंदा पुष्टिहुने गरी निष्कर्ष सहितको प्रतिवेदन पेश गर्दा पनि नेपाल सरकारले यस्ता जघन्य अपराधमा संलग्न अपराधिहरुलाई कानुनी दायरामा ल्याई कार्वाही नगरेकोले रौतहट जिल्ला प्रहरी कार्यालयमा मिति २०६४ चैत्र २८ गते जाहेरी दर्ता भएको आज १७ वर्ष वितिसक्दा पनि कार्वाहीको प्रारम्भिक चरणको काम पनि भएको छैन ।
नेपालको संविधानको धारा २१ बमोजिम अपराध पिडितको हक मौलिक हक हो उपधाग (१) अनुसार अपराध पिडितलाई आफु पिडित भएको मुद्धाको अनुसन्धान तथा कार्वाही सम्बन्धी जानकारी पाउने हक हुनेछ र उपधारा (२) अनुसार अपराध पिडितलाई कानुन बमोजीम समाजिक पुनःस्थापना र क्षतिपुर्ति सहितको न्याय पाउने हक समेतको अनुसन्धान उल्लङ्घन भएको छ । न्याय इन्साफ पाउनलाई सम्मानित सर्वोच अदालत प्रक्रियालाई अगाडि बढाउन मात्र परमादेशको माग सहितको निवेदन दर्ता भएको अवस्था रहेको छ ।
तसर्थ अमानवीय र विभत्य हत्या गर्ने गौर हत्याकाण्डका हत्यारा अपराधीहरुलाई वर्षों वर्षसम्म पनि अनुसन्धानको दायरामा ल्याई कारवाही नगर्नाले हामी पिडितहरुको आँखा अगाडि नै अपराधीहरु खुल्याम घुमी रहेको देख्नु पर्दा हामीलाई अझ बढी पिडा बोध हुन गएको छ । घटना घटेको अमानवीय र विभत्प हतयाकाण्डका दोषीलाई कानुन बमोजीम अविलम्ब कार्वाही गरी हामी पिडितहरुलाई अपराध पिडितको हक प्रचलन गराई न्यायको प्रत्याभुति दिलाउन विनम्र अनुरोध गर्दछौ ।
अन्तः गौर हत्याकाण्डका अपराधीहरुलई कवांही नगरेमा हामी पिडितहरु विभिन्न संघर्षका कार्यक्रमहरु अगाडी बढाउने छौ ।
संघर्षका कार्यक्रमहरू :
श्रावण १ गते : सीडीओलाई ज्ञापन पत्र
श्रावण २–१२ गते सम्म पलिकाहरूमा गौर हत्याकाण्डको जानकारी एवं अन्तरक्रिया श्रावण १३ गते ः शहीदपरिवार एवं पीड़तिहरूद्वारा धर्ना
श्रावण १४ गते : मोटरसाइकल ¥याली
श्रावण १५ गतेदेखि अनिश्चितकालीन रौतहट बन्द
बोधार्थ :
प्रधानमन्त्री तथा मन्त्रिपरिषदको कार्यालय
मानव अधिकार आयोग
सर्वोच्च अदालत
रुपसागर देवी
संयोजक, गौर हत्याकाण्ड पीडित संघर्ष समिति
आरके श्रीवास्तव,रौतहट,साउन १ गते ।
रौतहट–रौतहटको गढिमाइमा राष्ट्रिय सेवादलले जिल्लाका ३६ जना विद्यार्थीलाई एनसिसि तालिम दिन सुरु गरेको छ । श्री माध्यमिक औपचारीक रुपमा तालिमको उद्धघाटन गरेर सोमबार देखि १ सय दिने तालिम दिन सुरु गरेको हो ।
श्री माबी समनपुरका ३६ जना छात्र र छात्रालाई १ सय दिने तालिममा सहभागी गराएको जानकारी गराइएको छ । तालिमको पहिलो दिनमा प्रथम प्रवचन र पोशाकहरु वितरण गरी तालिमको सुरु गरेको श्री बिरदल गणका प्रमुख सेनानी गंगा बहादुर विष्टले बताए ।
युवामा ब्यक्तित्व विकास तथा क्षमता अभिबृद्धी गरि विभिन्न समयमा आउने विपद्का बेला सहयोग गर्ने उदेश्यले जिल्ला भरीमा १०८ जना विद्यार्थीहरुलाई तालिममा सहभागी गराईएको बिरदल गणका सेनानी विष्टले बताए । बिधालयमा अध्ययनरत विद्यार्थीहरुलाई एनसिसि जुनियर सिनियर तालिम दिन सुरु गरे पछि विद्यार्थीका अबिभावकहरु समेत खुसी भएका छन् ।
तालिममा विद्यार्थीहरुलाई अनुशासन,शारिरिक तालिम , सैनिक ज्ञान , विपद ब्याबस्थापन, लगायत विभिन्न विषयवस्तु सम्बन्धी ज्ञान दिईने छ । एनसिसि तालिम जिल्लाको तीन वटा बिधालयमा सञ्चालन भैरहेको छ । प्रहरी स्कूल जिंगडिया,श्री शंकर गुदर मावि समनपुर,श्री मावि टिकुलियामा चलिरहेको बुझिएको छ ।
