बज्जिकाञ्चल,भदौ २९ गते ।
बालबालिकामा लगानी ः सुनिचित भविष्यको थालनीे भन्ने मुल नाराका साथ रौतहटमा आसमान नेपालले भदौ २९ गतेका दिन ५९ औँ राष्ट्रिय वाल दिवस—२०८० विविध कार्यक्रम गरी मनाईयो । यू।के।ऐडको आर्थिक सहयोग र पिपुल इन निड नेपालको प्राविधिक सहयोगमा क्इम्ऋऋ पर्साको समन्वयमा आसमान नेपालद्धारा संचालित आरम्भ परियोजना अन्र्तगत रौतहट जिल्लाको विभिन्न स्थानीय सरकारहरुको आयोजनमा आसमान नेपालले सहकार्य गरी राष्ट्रिय बाल दिवस २०८० मनाएको छ । परोहा नगरपालि र गढीमाई नगरपालिकाको आयोजनामा प्रभातफेरी ९¥याली० कार्यक्रम, मौलापुर र कटहरीया नगरपाकिलाको आयोजनामा हाजिरी जवाफ प्रतियोिगता, राजपुर नगरपालिकाको आयोजनामा वक्तित्वकला प्रतियोगिता र श्री माध्यमिक विद्यालय गहडी गुटी, गरुडा नगरपालिकाको आयोजनामा नृत्य प्रतियोगिता, वक्तित्वकला र हाजिरीजवाफ प्रतियोगिता आसमान नेपालले सहकार्य गर्दै यो ५९ औँ राष्ट्रिय बाल दिवस २०८० दिवस मनाएको छ ।
गढीमाई नगरपालिकाले आयोजना गरेको प्रभातफेरी कार्यक्रमा श्री गुदर माध्यमिक विद्यालय समनपुर र आसमान नेपालले सहकार्य गर्दै गढीमाई नगरपालिकामा ५९ औँ राष्ट्रिय बाल दिवस २०८० मनाएको थियो । श्री गुदर माध्यमिक विद्यालय समनपुरको ३०० भन्दा बढी विद्यार्थीहरुको उपस्थितीमा गढीमाई नगरपालिकाले नेतृत्व गरेकोे यो प्रभातफेरी कार्यक्रममा आसमान नेपालको आरम्भ परियोजना र जेम्स परियोजनाको प्रतिनिधिहरुको सहभागीतामा गढीमाई नगरपालिकामा परिक्रमण गरी बाल अधिकार सुनिचितको नारा लगाई प्रभातफेरी कार्यक्रम कोण साभामा परिणत भई यो कार्यक्रम मनाएकोे थियो । साथै पालिका, विद्यालय र आसमान नेपालको तर्पmबाट बाल अधिकार सुनिचित गर्न प्रतिबद्धता कार्यक्रम समेत गरिएको थियो ।
यसैगरी परोहा नगरपालिकाको आयोजनामा तथा श्री ब्रहमजोती माध्यमिक विद्यालय, लौकहा र आसमान नेपालको सहकार्यमा परोहा नगरपालिकामा प्रभातफेरी कार्यक्रम गरी ५९ औँ राष्ट्रिय बाल दिवस २०८० मनाएको थियो । श्री ब्रहमज्योति माध्यमिक विद्यालय, लौकहाको २५० भन्दा बढी विद्यार्थीहरुको उपस्थितीमा परोहा नगरपालिकाले नेतृत्व गरेकोे यो प्रभातफेरी कार्यक्रममा आसमान नेपालको आरम्भ परियोजनाको प्रतिनिधिहरुको सहभागीतामा परोहा नगरपालिका परिक्रमण गरी बाल अधिकार सुनिचित गरी वालवालिकाको विकासमा टेवा पुगोस भन्ने नाराका साथ प्रभातफेरी कार्यक्रम कोण साभामा परिणत भई यो कार्यक्रम समापन भएको थियो । साथै पालिका, विद्यालय र आसमान नेपालको तर्पmबाट बाल अधिकार सुनिचि गर्न प्रतिबद्धता कार्यक्रम समेत गरिएको थियो ।

मौलापुर नगरपालिकाको आयोजनामा र आसमान नेपालको सहकार्यमा नगरस्तरीय हाजरी जवाफ प्रतियोगिता गराई ५९ औँ राष्ट्रिय बाल दिवस २०८० मौलापुर नगरपालिकामा मनाएको थियो । उक्त कार्यक्रमा मौलापुर नगरपालिकाको उपमेयर श्री नागेन्द्र प्र।यादव ज्यु को अध्यक्षतामा संचालन भएको नगरस्तरीय हाजिरी जवाफ प्रतियोगतामा, प्रमुख प्रसाशकीय अधिकृत श्री रामबाबु साह ज्यु, शिक्षा संयोजक श्री राजेन्द्र साह, वार्ड न।१ को वडा अध्यक्ष श्री जैनाथ प्र।कुशवाहा ज्यु, पुर्व वडा अध्यक्ष तथा प्रत्यासी मेयर रामप्रवेश राय यादव ज्यु, वार्ड न १ वडाका सद्स्य श्री ओमप्रकाश कुसवाहा, कार्यापालिका सद्स्य श्री बैजु कुशवाहा अतिथिहरु रहेको थियो । यो नगरस्तरीय हाजिरी जवाफ प्रतियोगता कार्यक्रममा गम्हरिया माध्यमिक। विद्यालय, लक्ष्मिनिया माध्यमिक विद्यालय र मर्यादपुर माध्यमिक विद्यालयका शिक्षक शिक्षिकाहरु र विद्यार्थीहरुको सहभागितामा हाजरी जवाफ प्रतियोगिता गराई ५९ औँ राष्ट्रिय बाल दिवस २०८० मनाएको थियो । जसमा १६ जना ३ ओटा विद्यालयबाट हाजिरी जवाफ प्रतियोगितामा भाग लिएको थियो ।
कटहरीया नगरपालिकाको वडा नं। ६ कोे श्री आधारभूत विद्यालय भतेपुरको आयोजनामा र आसमान नेपालको सहकार्यमा हाजरी जवाफ प्रतियोगिता गराई ५९ औँ राष्ट्रिय बाल दिवस २०८० कटहरिया नगरपालिकामा मनाएको थियो । जुन हाजिरी जवाफ प्रतियोगतामा जम्मा २७ जनाले सहभागी भएको थियो । भने सोही विद्यालयको ४०० जना जति विद्यार्थी भाईवहिनीहरुको उपस्थिती रहेको थियो । जुन कार्यक्रममा कटहरीया नगरपालिकाको वडा नं। ६ को वडा अध्यक्ष श्री जयराम चौधरीको अध्यक्षतामा भएको कार्यक्रममा श्री आधारभूत विद्यालय भतेपुरको शिक्षक शिक्षिका, समाजसेवी, बुद्धिजिवी र विद्यार्थीभाई वहिनीहरुको सहभागीता रहेको थियो ।

यसैगरी श्री माध्यमिक विद्यालय गहडी गुटी, गरुडा नगरपालिकाको आयोजनामा र आसमान नेपालको सहकार्यमा नृत्य प्रतियोगता, वक्तित्वकला र हाजिरीजवाफ प्रतियोगिता गराई ५९ औँ राष्ट्रिय बाल दिवस २०८० दिवस मनाएको छ । जसमा यो विद्यालयको कक्षा ६ देखि १० कक्षा सम्मको ४० जना विद्यार्थीहरु नृत्य प्रतियोगता, वक्तित्वकला र हाजिरीजवाफ प्रतियोगितामा सहभागी थियो भनो ९०० विद्यार्थी भाई वहिनीहरु कार्यक्रममा सहभागीता रहेको थियो ।
राजपुर नगरपालिकाले, आसमान नेपाल र क्इम्ऋऋ पर्साको सहकार्यमा नगरस्तरीय वक्तित्वकला प्रतियोगिता आयोेजना गरी ५९ औँ राष्ट्रिय बाल दिवस २०८० राजपुर नगरपालिकामा मनाएको थियो । जुन प्रतियोगितामा नगरपालिकामा रहेको सबै माध्यमिक विद्यालयहरुकोहरुको उपस्थिति रहेको थियो । यस प्रतियोगतामा जम्मा १४ जना छात्र र छात्राहरुको सहभागीता रहेको थियो । पालिकाको मेयर श्री डा। मो। राजिक आलम ज्यूको अध्यक्षतामा मनाएको ५९ औँ बाल दिवस कार्यक्रममा आसमान नेपाल, क्इम्ऋऋ पर्सा, आर।डि।सी।नेपाल, नगरपालिकाको जनप्रतिनिधि, शिक्षा प्रेमी, बुद्धिजिवी र कर्मचारीहरुको सहभागीता रहेको थियो ।

सिरहा, ३ असोज। नेकपा (माओवादीकेन्द्र)का स्थायि समिति सदस्य लिलामणि पोखरेलले बर्तमान संविधान सम्झौताको दस्तावेज भएको बताएको छ।

संविधान दिवसको अवसर पारेर पार्टीको धनगढीमाई नगर कमिटीले आयोजना गरेको ‘वर्तमान संविधान र हाम्रो दृष्टिकोण’ विषयक अभिमुखिकरण कार्यक्रममा नेता पोखरेलले आफ्नो पार्टीले चाहेजस्तो नबने पनि सबैको सहमतिमा संविधान जारी भएको बताएको हो।

‘संविधानसभाबाट जारी संविधान पूर्ण नभए पनि यसका राम्रा पक्षहरुको संरक्षण गर्दै थप अधिकारको लागि अगाडी बढ्नु जरुरी छ; नेता पोखरेलले भने, ‘हाम्रै पार्टीले चाहेजस्तो संविधान यो होइन्, तर, यसले संघियता, धर्मनिरपेक्षता तथा महिला, दलित, पछाडी पारिएका समुदायको अधिकारको रक्षा गरेको छ, त्यसलाई बचाउँदै थप अधिकार लिन आवश्यक छ।’

यो संविधान पुरै खराव पनि होइन, यसलाई धेरै उत्कृष्ट पनि भन्न नसकिने नेता पोखरेलले बताए। त्यसैले कमि कमोजरीका बावजुत अहिले यसको रक्षा गर्दै अगाढी बढ्नुपर्ने आवश्यकता रहेको उनले औंल्याए । मन्तव्यकै क्रमम नेता पोखरेलले यो संसदीय व्यवस्थाका कारण देशमा भ्रष्टचार मौलाएको भन्दै यसमा संशोधन खाँचो रहेको बताए।

उनले भने, ‘महगो चुनावी प्रणालीले भ्रष्टचार मौलाएको छ। एकजना संसद जित्न १५ करोडसम्म खर्च गरेको छ। जसले १५ करोड लगाएर चुनाव जितेको छ। उसले देश र जनताको हितको कुरा गर्छ कि १५ कारोड असुल्ने र आउने चुनावको खर्च जोहो गर्छ।’

यो प्रणालिले व्यक्ति मात्र हैन पार्टीहरुलाई नै भ्रष्ट बनाएको नेता पोखरेलले जिकिर गरेका छन् । उनले भने, ‘प्रत्यक चुनावमा पार्टीले जित्ने उम्मेदवार खोज्ने, जित्न पैसा भएको व्यक्ति हुनुपर्ने अनि बर्षाै देश, जनता र पार्टी भनेर हिडेकाहरु उनको झोले भएर हिड्नु परेपछि पार्टी कहाँ पुग्छ?’

‘त्यसैले पनि हामीले संविधानका राम्रा पक्षको रक्षा गर्दै थप अधिकार प्राप्तिको लागि लड्नुपर्ने जरुरी भएको छ,’ नेता पोखरेलले भने।

अहिले हिन्दुधर्मको नाममा प्राप्त अधिकारहरुलाई ओझेलमा पार्ने प्रपञ्च भईरहेको नेता पोखरेलले बताए। उनले भारत तर्फ इसारा गर्दै यो दक्षिणको इसारामा यस्तो कार्यहरु भईरकेको पनि दावी गरे। सोही क्रममा नेकपा (माओवादीकेन्द्र) का केन्द्रिय सदस्य प्रकाश पोखरेलले वर्तमान संविधानका राम्रा कुराको संरक्षण गर्दै थप अधिकारको लागि नयाँ ढङ्गले सोच्नु पर्ने बताए। उनले यो संविधानमा केही राम्रा कुरा भएपनि पूर्ण नभएको बताए।

उनले संसदिय व्यवस्थालाई देशले खेप्न नसक्ने बताए। उनले सधै सरकार बनाउने र ढाल्ने खेल चलिरहने यो व्यवस्था देश अनुकुल भनएको भन्दै आफ्नो पार्टी अझैपनि प्रत्यक्ष निर्वाचित राष्ट्रपतिय प्रणालिको पक्षमा रहेको बताए। धनगढीमाई नगर अध्यक्ष प्रकाश योञ्जनको अध्यक्षतामा सम्पन्न कार्यक्रममा केन्द्रिय सदस्य रुवी कर्ण, प्रदेश सदस्य प्रवेश लामा लगायतको उपस्थिति थियो।

आरके श्रीवास्तव,रौतहट, असोज ०३ गते
गरुडा नगर उधोग वाणिज्य संघको नव निर्वाचित अध्यक्ष तथा सदस्यहरुको सपथ ग्रहण कार्यक्रम आज सम्पन्न भएको छ । नव निर्वाचित अध्यक्ष एवं सदस्यहरुले पद तथा गोपनियताको सपथ लिएका छन् । गत भदौ १९ गते सम्पन्न निर्वाचनमा अध्यक्ष पदमा सतिश साह निर्वाचित भएका थिए ।
निवर्तमान अध्यक्ष हरेन्द्र प्रसाद चौधरीको अध्यक्षतामा भएको सपथग्रहण कार्यक्रममा निर्वाचन समिती संयोजक एवं रौतहट उद्योग वाणिज्य संघका अध्यक्ष पंण्डित प्रसाद जयसवालले सपथ गराएका थिए ।
एक जना अध्यक्ष सहित १३ जना सदस्य पदका लागि भएको निर्वाचन साहले चार सय ८८ मत प्राप्त गरि निर्वाचित हुदाँ चौधरी १ सय ३९ मतान्तरले पराजित भएका थिए ।
कुल ९ सय ५२ जना मतदाता रहेको संघमा भएको मतदानमा ८ सय ४४ मत खसेको थियो । संघको सदस्यहरुमा रामबाबु साह तेलीले ४ सय ६, बिनोद साह बनियाले ३ सय ८०, सुशिल कुमार साहले ३ सय ७८, उपेन्द्र कुमार चौधरीले ३ सय ७३, चुनचुन प्रसाद यादवले ३ सय ६५, मनोज प्रसाद गुप्ताले ३ सय ५८, शिवजी प्रसाद चौधरीले ३ सय ५८ मत प्राप्त गरी सदस्य पदमा विजयी भएका थिए ।

त्यस्तै सदस्यहरुमा गजेन्द्र महतो कोइरीले ३ सय ५७, रामइश्वर साहले ३ सय ५५, छठुप्रसाद साहले ३ सय ५४, सुशिला देवीले ३ सय ५४, महाशक्ती साह निरालाले ३ सय ४५ र रमेश कुमार रौनियरले ३ सय ४४ मत प्राप्त गरि सदस्य पदमा विजयी भएका थिए ।
अध्यक्षमा विजयी उम्मेदवार सतिश साहको प्यानल बाट ७ जना सदस्य चौधरीको प्यानल बाट ६ जना सदस्य निर्वाचिन भएका थिए । सपथग्रहण पछि प्रतिक्रिया दिदै नव निर्वाचित अध्यक्ष साहले अबको केही दिनमै संघको पदाधिकारी चयनको प्रक्रिया अगाडी बढ्ने बताउनु भयो ।

आरके श्रीवास्तव,रौतहट,०३ गते असोज
संविधान दिवस २०८० को अवसरमा देशैभरीको कैदीहरूको कैद मिनहा हुने क्रममा रौतहट कारागारमा रहेका कैदी बन्दीहरूको कैद मिनहा गरिएको हो । हरेक वर्ष रिहा भए झैँ यस वर्ष पनि केही कैदी बन्दी छुटेका छन् ।

राष्ट्रपति रामचन्द्र पौडेलबाट संविधान दिवसको अवसरमा बाँकि कैद मिनहा भएपछि उनीहरू छुटेका हुन् । रौतहटका सहायक प्रमुख जिल्ला अधिकारी एवम् कारागार कार्यालय गौर रौतहटका प्रमुख मनिभूषण साहले दिएको जानकारी अनुसार रिहा हुने ८ जनाले ५० प्रतिशत कैद भुक्तान गरेका छन् भने २ जनाले ४० प्रतिशत कैद भुक्तान गरी छुटेका हुन् ।

प्रमुख साहका अनुसार जिल्लाको वृन्दावन नगरपालिका वडा नम्बर ४ निवासी सवारी ज्यान मुद्दाका दिपेश प्रसाद साह , मौलापुर नगरपालिका ७ निवासी सवारी ज्यान मुद्दाका लालमोहर शर्मा,चन्द्रपुर नगरपालिका वडा नम्बर ३ निवासी
कर्तब्य ज्यान मुद्दाका राजन कुमार,चन्द्रपुर नगरपालिका वडा नम्बर ४ निवासी चोरी मुद्दाका दिपेश भन्ने खर्क बहादुर पीठाकोटे रहेका छन् ।

त्यस्तै चन्द्रपुर नगरपालिका वडा नम्बर ६ निवासी बहुविवाह मुद्दाका जीतबहादुर भुलन, बहु विवाह कबिता भन्ने पूर्णकुमारी फुयाँल , गा‌ैर नगरपालिका वडा नम्बर १ निवासी सवारी ज्यान मुद्दाका ओमप्रकार कुमार महतो भनिने सोनु कुमार महतो,
गौर नगरपालिका वडा नम्बर ९ निवासी डाँका मुद्दाका प्रेमशंकर यादव रहेका छन् ।
यसैगरी कुटपिट अङ्गभङ्ग मुद्दाका सर्लाही, बलरा ३ निवासी प्रदीप मिश्र र कर्तब्य ज्यान मुद्दाका महोत्तरी गाउँपालिका निवासी ५ की सुमित्रा देवी रिहा भएको साहले जानकारी गराए ।
गौर कारागारमा अहिले कैदीबन्दीहरुको विवरण पुरुष कैदीहरूको सङ्ख्या १८८ जना ,पुरुष थुनुवाको सङ्ख्या १७० जना,महिला कैदीहरुको सङ्ख्या १४ जना ,महिला थुनवाको सङ्ख्या ५ जना, आश्रित बालबालिका २ जना
छुट सङ्ख्या २ जना गरि जम्मा ३७९ जना जेल सजाय काटिरहेको कारागार प्रमुख साहले जानकारी दिए ।

रौतहट,०३ गते असोज ।
रौतहट जिल्लाको इशनाथ नगरपालिकामा नेपाल स्वयम सेवक संघको नगर कमिटि गठन भएको छ ।
नेपाल स्वयम सेवक संको मधेश प्रदेश फोकल पर्सन पुजा पाठक तिमल्सिनाको प्रमुख आत्थ्यि तथा राकेश कुमार यादव रौतहट जिल्ला फोकल पर्सनको विशिष्ठ आत्थ्यि एवम् प्रेस मंच नेपालको जिल्ला अध्यक्ष किशोरी यादवको आत्थ्यिमा नगर कार्य समितिको गठन भएको हो ।
नब गठित इशनाथ नगरपालिकाको नगर अध्यक्ष राकेश पटेलको अध्यक्षतामा ११ सदसिय नगर कमिटि सर्ब सहमतिबाट चयन गरिएको छ ।
समितिको उपाध्यक्षमा रुबी कुमारी फकिर, सचिबमा सरोज साह, सह सचिबमा दिपक सराफ, कोषाध्यक्षमा प्रियंका सिंह, सदस्यमा हसम तारा खातुन,कौशल पासवान, रास्दा खातुन, सिमा देवी राम,बिरेन्द्र साह,राजिव कुमार साह सर्ब सहमति बाट चयन गरिएको छ ।
सामाजिक कार्य गर्ने उदेश्यको लागि दर्ता भएको सस्था नेपाल स्वयम सेवक संघको संगठन विस्तारको क्रममा नगर कार्य समितिको गठनको कार्यको तिब्रता दिएको प्रमुख आतिथि तिमिल्सिनाले बताए । सस्थाको उदेश्य अनुरुप कार्य गर्न सुझाव दिदै तिमल्सिनाले सामाजिक कार्यमा आफ्नो लगानी गर्न सुझाब समेत दिएका छन् ।

विशाल बस्नेत ,महोत्तरी, ३ असोज ।

नेकपा एमाले मधेशमा मिसन २०८४ को अभियानमा जुटेको छ । २०७९ को निर्वाचनमा अप्रत्याशित नतिजासहित ह्याट्रिक गरेको नेकपा एमाले यही विरासतलाई जोगाएर थप कसरी बलियो बन्ने भन्ने अभियानअन्तर्गत रणनीतिक योजनामा जुटेको हो ।

मधेशमा एमालेले अहिले तल्लोस्तरका कमिटीहरुलाई चलायमान बनाउन केन्द्रीय सदस्यहरु आएर प्रशिक्षण दिएकाक छन् । आफूलाई मधेशको मसिहा भनेर दाबी गर्ने मधेशवादी दलहरुलाई समेत पछाडी पार्दै नेकपा एमालेले २०७९ सालको निर्वाचनमा पहिलो पार्टी बन्यो ।

मधेशमा प्रत्यक्षमा १५ र समानुपातिकमा ८ गरि २३ सिट जितर पहिलो पार्टी बनेको एमालेले सोही विरासत जोगाउँदै थप उपलब्धि हासिल गर्ने उद्देश्यसहित मिसन २०८४ को अभियानमा छ । मधेशमा आफूलाई बलियो र सशक्त बनाउन एमालेले ईश्वर पोखरेलदेखि योगेश भट्टराईसम्मलाई मधेश दौडाहामा पठाएको छ । अध्यक्ष केपी शर्मा ओली, ईश्वर पोखरेल, प्रदीप ज्ञवाली, योगेश भट्टराईलगायत शीर्षस्त नेताहरु मधेशमा आएर प्रशिक्षण दिएका छन् । यसले एमाले मधेशलाई प्राथमिकतामा राखेर चुनावी रणनीति बनाइरहेको देखाउँछ ।

मिसन ग्रासरुट अभियानमा कर्णालीको जिम्मेवारी पाएका योगेश भट्टराई मधेश दौडाहामा पुगे । उनी मधेशमा यसरी आक्रामक रुपले सक्रिय भए । पार्टी सचिवसममेत रहेका भट्टराईले एक महिनामा ४८ वटा त बैठक नै गराएको मधेश प्रचार विभाग प्रमुख सोमप्रसाद शर्माले जानकारी दिए ।

नेकपा एमालेले पछिल्लो समय प्रदेश अधिवेशनको गृहकार्यलाई पनि तीव्र बनाएको छ । पटक–पटक मिति तोक्दै नेताहरुको आन्तरिक कलहले बिथोलिँदै आएको अधिवेशन मिति फेरि साार्दै असोज २५ र २६ लाई तय गरिएको छ ।

यसअघि असोज ५ र ६ लाई निर्धारण गरिएको थियो  । महोत्तरीमा १९ र २० असोज, त्यसपछि  रौतहटमा २२ र २३ असोजमा हुने भनिएको अधिवेशन समेत रोकिएको छ ।

बारा र महोत्तरीमा आन्तरिक विवाद कै कारण हुन नसके पनि रौतहटमा भने प्रभु साह एमालेबाट बाहिरिएपछि पुनः अधिवेशन हुने भएको हो । यसअघि साहले रौतहटको जिम्मेवारी समालेका थिए ।

तर, अधिवेशन भएका ठाउँहरुमा पनि एमालेले पुनः अधिवेशनको तयारी गरेको छ । मधेशका १३६ पालिका, १ हजार २७१ वडा र ११ हजार ४३९ टोलहरुमा अधिवेशन पुनः गरिने एमालेले जनाएको छ ।

सदस्यतामा ३० प्रतिशत कमि

नेकपा एमाले मधेशमा उत्साहित भए पनि पार्टी सदस्यतामा ३० प्रतिशतले कमि आएको छ । तर, यो प्रतिशतलाइ एमालेले स्वाभाविक रुपमा लिएको पार्टीका प्रवक्ता सोमप्रसाद शर्माले बताए । ‘धेरैजसो विदेशमा छन । कतिपयले पछि गरौँला भन्ने पनि छन्,’ उनले भने, ‘नयाँ सदस्यता भने आक्रामक ढंगले बढेको छ ।’

मधेशमा यसअघि ७१ हजार सदस्य भएको दावी गर्दै १ लाख सदस्य पु¥याउने गृहकार्य भइरहेको प्रबक्ता शर्माले वताए ।

मिसन २०८४ के हो ?

नेकपा एमालेले बनाएको मिसन २०८४ निर्वाचनलाई लक्षित अभियान हो । एमाले सचिव योगेश भट्टराईका अनुसार संघ, प्रदेश र स्थानिय तहमा एकल सरकार बनाउने अभियानमा अगाडि बढेको र यो उदेश्य प्राप्ति गरेरै छाडने योजना छ ।

‘५ वटा दलसँग त एक्लै लडेर त्यत्रो सिट ल्यायाँै भने २०८४ मा बहुमत ल्याउँछौँ,’ उनले सार्वजनिक कार्यक्रममै भनेका छन् ।

एकीकृत समाजवादीमा गएकाहरुलाई फर्काउने अभियान

एमालेबाट अन्य पार्टीमा गएकाहरुलाई फर्काउने उद्देश्य पनि मिसन ८४ को उद्देश्य रहेको सचिव योगेश भट्टराईले बताए । एमालेबाट गएर एकीकृत समाजवादीका केन्द्रीय सदस्य बनेका डिल्ली उप्रेतीको नेतृत्वमा १५० जना नेता कार्यकर्तालाई एमालेमा फर्काइएको छ । सर्लाहीमा सर्लाहीबाट उनीहरुलाई एमालेमा नै भित्र्याइएको हो ।

विशाल बस्नेत ,महोत्तरी, ३ असोज ।

संविधान दिवसको अवसरमा बुधबार महोत्तरीमा हर्षाेल्लासका साथ स्थानीय तहले प्रभातफेरि कार्यक्रम गरेका छन् ।नागरिक समाज, संघ संस्थाहरु, राजनीतिक दलहरुलाई सहभागी भएर निकालिएको प्रभातफेरि कार्यक्रममा उत्साहजनक उपस्थिति थियो ।

प्रभातफेरिपछी भएको कोणसभामा बोल्दै वक्ताहरुले जनताको लोकतान्त्रिक अधिकार स्थापित गर्न यो संविधान नै उत्कृष्ट भएको विचार व्यक्त गरे । बर्दिवास नगरपालिकाका नगरप्रमुख प्रल्हादकुमार क्षेत्रीले कोणसभालाई सम्बोधन गर्दै संविधान दिवसलाई कालो दिवसकोरुपमा मनाउन उक्साउने केही मधेशवादी दलहरुप्रति कटाक्ष समेत गरे ।

‘जनताको हकअधिकार सुनिश्चित गर्नका लागि यही संविधान उत्कृष्ट भएको र संशोधन गरेर पनि थप परिमार्जन गर्न सकिने बाटोहरु खुल्ला छन्,’ उनले भने ।

संविधान दिवस जस्तो महत्त्वपूर्ण दिनमा विदाका नाममा घरमा नै बस्ने कर्मचारीहरुप्रति नगरप्रमुख क्षेत्रीले असन्तुष्टि समेत व्यक्त गरे ।

संविधान दिवस मनाउन दिएको विदालाई दुरुपयोग गर्दै घरमा बसेर कार्यक्रममा सहभागी नहुनु दुखद् भएको उनको भनाइ छ ।

आन्दोलन र बलिदानबाट प्राप्त भएको संविधानको रक्षार्थ सबैजना एकजुट हुनुपर्ने उनको भनाइ छ ।

विशाल बस्नेत/ न्युज कारखाना ,३१ भदौ, महोत्तरी ।

पहाडको फेदिमा खयरले छाएका फुसका घरहरु छन । आकाशमा बाक्लै लोपोन्मुख जातको चरा गिद्व र चिलहरु घुमिरहेका छन  । पाखाहरुमा बाख्राहरु चरिरहेको छन । गोठालाहरु सुस्केरा हालेर स्थानिय गीत गाईरहेको सुनिन्छ । त्यस माथी चराचुरुङ्गीहरुको संगीतमय चिरविरले यहाँ पुगेपछी जो कोहीले छुट्टै आनन्द लिन सक्छन ।

प्राकृतिक छट्टाले अनेकौ तरहले सिंगारिएको यो  मनमोहक दृश्य हो, महोत्तरीको उत्तरवर्ती क्षेत्र राई मन्डलको ।

बर्दिवास नगरपालिकाको समथर भु-भाग छाडेर झन्डै ७ किलोमीटर माथी उक्लेपछी राईमन्डल पुगिन्छ । यही राईमन्डलमा रहेका भिम डाँडा र सोली घोप्टे नामक अजंग पहाडका दुई टाकुरालाई देखेपछि मधेशको समथर भु-भाग नियालिरहेको जस्तो महसुस हुन्छ ।

समुन्द्री सतहवाट झण्डै ३६२ फिट अग्ला यी पहाडहरु तराईका गहना हुन भने बर्दिवासको समृद्धिको आधार पनि । पहिचान, परिचय र पर्यटकीय अवसरको पर्खाईमा रहेका यी डाँडाहरु देख्दा जति मनोरम छन, त्यतिकै प्राचीन र आध्यात्मिक विरासत समेत बोकेका छन । स्थानियका अनुसार शान्ति र देवत्व प्राप्तिका लागी लामा र अध्यात्मिक व्यक्तिहरु यहाँ आएर तपस्या समेत गर्ने गरेका छन ।

प्रचारप्रसारको अभावमा ओझेलमा रहेको यी डाँडाहरु मधेशका पाकृतिक भ्यू टावर समेत मानिन्छ । स्थानिय युवा विजय पोखरेल यी डाँडामा उक्लिएपछि भारतको सिमाना देखि जनकपुर सहर समेत दृश्यावोलकन गर्न सकिने बताए । `यहाँका सम्भावनाका बिषयमा हामीले सरोकारवालाहरुलाई निक्कै झकझक्याएका छौ तर सुनुवाई हुन सकेको छैन,´ उनले भने, `महोत्तरीको उत्तरवर्ती क्षेत्र बर्दिवासको समृद्धिको मुख्य आधार पनि पर्यटन नै हो ।´ बर्दिवास नगर क्षेत्रमा रिसोर्ट देखि हाेटलसम्म ७० भन्दा बढी छन ।

निक्कै ठुलो लगानी गरेका होटलहरु दिन्हु धरासयी बन्दा व्यापारीहरुमा चिन्ता बढदै गएको छ । होटल तथा पर्यटन व्यवसायी संघ महोत्तरीका अध्यक्ष गुन्ज कार्की बर्दिवासमा भएका प्राकृतिक दृश्य र यस्को व्यवस्थापन गर्न नसक्दा पर्यटकहरुलाई एकदिन पनि नबस्ने गरेको गुनासो गर्छन । राइ मण्डलसम्म जाने गरी पर्यटकलाइ लैजान सके बर्दिबासकाे हाेटल ब्यावसाय उकासिने उनकाे तर्क छ ।

अझ राई मन्डलको वरपर मध्यपाषण युगको हतियार कारखाना भएको जर्मनी नागरिक गुड्रन कर्विन्सले आफ्नो किताब ‘प्रि हिस्टोरिक कल्चर इन नेपाल’मा उल्लेख गरेपछि यस्को महत्व थप चुलिएको छ । कार्विन्सले उक्त किताबको भोलम १, पृष्ठ २३९ मा अहिलेको राईमन्डल अर्थात पाटु  र रातु नदी वरपरको मानव सभ्यता १० हजार वर्ष पूरानो भएको उल्लेख गरेकी छन् । यसका लागि उनले सन् १९८५ को दशकमा १० वर्ष लगाएर पाटुको अध्ययन गरेकी थिइन् । रातो माटोले पुरिएको अवस्थामा हजारौ मध्य पाषण युगका हतियारहरु भेटिए पछि यो नै सबैभन्दा पुरानो मानव सभ्यता भएको उनले आफ्नो किताबमा वर्णन गरेकी छिन् ।

मध्यपाषण १२ देखि १२ हजार बर्ष अघिको अवधि र ६ देखि १०  हजार वर्ष अघिको नवपाषणको अवधिलाई भनिन्छ । यसरी गुड्रन कार्विन्सले गरेको अध्ययनअनुसार यो ठाउँ  १० हजार वर्ष अघिको अर्थात् मध्य पाषण युगको सभ्यता रहेको निष्कर्ष निकालिएको छ ।

पहिले त कर्विन्सले नेपालमा ढुंगे युगमा मानव चहलपहल थियो भन्ने तथ्य विश्वलाई बताएकी छन् ।  कर्विन्स राइमन्डल आसपास र पाटुमा  नै किन आइन् ? भन्ने विषय अझै रहस्यमय छ । तर, १० वर्ष लगाएर गरिएको अनुसन्धान पछि उनले निकालेको निष्कर्षको विषयमा भने धेरै मानिसहरु बेखवर छन ।

राईमन्डलका अग्ला डाडाहरुमा जिपलाइनका सम्भावना र कर्विन्सले भनेको यस्को फेदीमा थप खोजी गरि नविन पर्यटकिय गन्तव्य बनाउन सकिने आधारहरु देखिएका छन ।

 रौतहट,भदौ ३० गते ।

रौतहट प्रहरीले पटाका बरामद गरेको छ । बेवारिसे अवस्थामा राखिएको पटाका बरामतद गरेको हो ।

इलाका प्रहरी कार्यलय मौलापुरबाट खटिएका प्रहरी सहाय निरीक्षक प्रकाश चौहान नेतृत्वको टोलीले मौलापुर बसपार्कबाट बेवारिसे अवस्थामा पटाका बरामद गरेको हो । बोरामा लुकाइछिपाइ ल्याइ राखेको अवस्थामा पटाका ५० पाता (२० बंडल) नियन्त्रणमा लिइएको प्रहरी सहायक निरीक्षक चौहानले जानकारी दिए ।

भारतबाट भन्सार छली गरेर बंकुल नाका हुँदै मौलापुरमा ल्याइ राखेको अवस्थामा उक्त पटाका बरामद गरिएको हो । बरामद गरिएको पटका जिल्ला भन्सार कार्यलय गौरमा पठाइएको र पटाका ल्याउने मानिसको खोजी कार्य जारी रहेको इलाका प्रहरी कार्यलय मौलापुरले जानकारी दिएको हो ।