आरके श्रीवास्तव,राैतहट,२७ गते पुस २०८१ ।
राैतहटकाे फतुवा विजयपुर नगरपालिकाले शिक्षा क्षेत्रकाे भाैतिक संरचनाहरू तिव्र रूपमा विकास गरिरहेकाे छ ।
कार्यवाहक नगरप्रमुख अम्बेया खातुन र शिक्षा सह संयाेजक अनिल यादवको शिक्षा प्रतिको गम्भीरता र विकास प्रतीको लगावको कारण फतुवा विजयपुर नगरपालिकाले शिक्षा क्षेत्रमा दिनप्रतिदिन नयाँ नयाँ उपलब्धिहरू हासिल गर्दै गईरहेकाे छ ।
यसअघि एकैदिन तीन वटा बिधालयमा भवन निर्माणका शिलान्यास गरिएको थियोे । शनिबार साे नगरपालिकाकाे वडा नम्बर ५ मा रहेको श्री आधारभूत विधालय डुमरियाकाे विद्यालय भवनको उद्घाटन गरिएको छ । कार्यवाहक नगरप्रमुख खातुनले एक कार्यक्रमका बिच भवनको उद्घाटन गरेकी हुन् ।
आर्थिक वर्ष २०७९/०८० मा राष्ट्रपति शैक्षिक सुधार कार्यक्रम अन्तर्गत २२ लाख ५० हजारकाे लागतमा दुई काेठे भवन निर्माण पश्चात् भवन समुदघाटन भएको प्रधानाध्यापक संताेष कुमार जयसवालले जानकारी गराउनु भएको हाे ।
भवन उद्घाटन कार्यक्रममा जग्गादाता स्वर्गीय नरसिंह बहादुर बस्नेतका छाेरा यज्ञबहादुर बस्नेतलाई दाेसल्ला र सम्मानपत्र सहित सम्मान गरिएको प्रअ जयसवालले बताएका हुन् ।
साथै हालका प्रधानाध्यापक संताेष कुमार जयसवाल भन्दा अघिका पूर्व प्रअहरूलाई प्रशंसा पत्र सहित सम्मान गरिएको थियोे । सम्मानित हुनेहरूमा संस्थापक प्रअ सुरेश लामिछाने,ब्रहमदेव पटेल,जयराम प्रसाद साेनार,रामानन्द साह साेनार,राअश्रे राय यादव रहेका छन् । त्यस्तै रामबचन ठाकुर लाई विदाई सहित प्रशंसा पत्र प्रदान गरिएको थियोे ।
त्यसैगरी बिधालय व्यवस्थापन समितिका संस्थापक अध्यक्ष भाेला महताे,गगनदेव महताे,रघुवंश राय यादव,शम्भु महताे काेईरीलाई पनि सम्मान गरिएको थियोे । वहाँहरूले बिधालयमा गरेको कार्यकाे उच्च मूल्यांकनगरि प्रशंसापत्र सहित सम्मान गरिएको प्रअ जयसवालकाे भनाइ छ ।
भवन उद्घाटनकाे अवसरमा साे वडाका वडा अध्यक्ष शेष ऐजाज,वडा नम्बर ९ का वडा राकेश यादव,शिक्षा सह संयाेजक अनिल यादव लगायत स्थानीय भद्रभलादमीहरूकाे उपस्थिति रहेको थियाे ।
गुडु यादव,राैतहट,२७ गते पुस २०८१ ।
मधेस प्रदेश सरकारका अर्थमन्त्री सुनिल कुमार यादव उर्फ जितेन्द्रले पाेठियाही स्वास्थ्य चाैकीमा ३२ प्रकारका औषधि सहयोग गरेका छन् । गरूडा नगरपालिका वडा नम्बर ६ मा रहेको साे स्वास्थ्य चाैकीमा आज एक कार्यक्रमका बिच मन्त्री यादवले औषधि हस्तान्तरण गरेका हुन् ।
नेपाली कांग्रेसको तर्फबाट गरूडा नगरपालिकाकाे मेयर प्रत्यासी रहेका सुनिल यादवको पहलमा अर्थमन्त्री यादवले आफनाे संसदीय कोषबाट १५ लाख मूल्य बराबरको औषधि उपलब्ध गराएका हुन् ।
साे औषधि पोठियाही बर्थिङ सेन्टरका सहायक इन्चार्ज डाक्टर रोशन चौधरी लाई हस्तान्तरण गरिएको हाे ।
राैतहट निर्वाचन क्षेत्र नम्बर ३ ख बाट निर्वाचित प्रदेश सांसद समेत रहेका मन्त्री यादवले जनताकाे स्वास्थ्य प्रति संवेदनशील भई काम गरिरहेका छन् । यस अघि पनि उनले फतुवा विजयपुर नगरपालिकाकाे स्वास्थ्य चाैकीहरूमा औषधि सहयोग गरेका थिए ।
शनिबार स्थानीय जोगिन्द्र प्रसाद यादव र वडा अध्यक्ष रामबाबु प्रसाद चौधरीकाे नेतृत्वमा औषधि हस्तान्तरण कार्यक्रम आयाेजन गरिएको थियोे ।
साे कार्यक्रममा प्रधानाध्यापक उमेश यादव, जयप्रकाश शाह देवकान्त यादव, ई.उमेश चौधरी तथा स्थानीय भद्रभलादमीकाे उपस्थितिमा उक्त औषधि हस्तान्तरण गरिएको हाे ।
बज्जिकाञ्चल संवाददाता,रौतहट,२७ गते पुस ।
रौतहट । उपाध्यक्षले गाउँपालिकाको लेटर प्याड दुरुपयोग गरेको प्रति गाउँपालिका अध्यक्षले आपती जनाएका छन् । रौतहटको दुर्गाभगवती गाउँपालिकाकी उपाध्यक्ष शिला देवीले कार्यालयको लेटरप्याड दुरुपयोग गरेको भन्दै अध्यक्ष शम्भु सिंहले विज्ञप्ती जारी गर्दै आपती जनाएका छन् । दुर्गाभगवती गाउँपालिका कार्यालयको मिति २०८१।०९।१८ गतेको पत्र संख्या २०८१र०८२ चलानी नं. ६८२ को पत्र श्री संघिय मामिला तथा समान्य प्रशासन मन्त्रालय सिंशदरबार ,काठमांर्डौंलाइ विषयः अनुमति तथा राय परामर्श सम्बन्धमा लेखि पठाएको तथा चलानी नं. ६८३ श्री मुख्यमन्त्री तथा मन्त्रिपरिषद्को कार्यालय जनकपुरधाम,धनुषामधेस प्रदेश विषयः कर्मचारी सम्बन्धमा लेखि पठाएकोले त्यही मिती र चलानी नं. राखी उपाध्यक्षले लेटरप्याड दुरुपयोग गर्दै त्यही कार्यालयमा तथा नेपाल सरकारको विभिन्न निकायमा पत्राचार गरेको प्रति गाउँपालिका अध्यक्षले आपती जनाएका छन् ।
गाउँपालिका अध्यक्ष शम्भु सिंह द्धारा जारी विज्ञप्तीमा लेखिएको छ , गाउँपालिकाको हैसियतले विभिन्न बैठकमा उपस्थित भइ आफैबाट हुने गरेको निर्णय विरुद हुने गरि गाउँ कार्यपालिका कार्यालयका प्रमुख प्रशासकीय अधिकृत सहित नियमित रुपमा कार्यालयको कामकाज गर्दै आएको कर्मचारीहरुको मनोबल कमजोर हुने गरि विभिन्न आरोप प्रत्यारोप लगाइ गाउँ कार्यपालिकाको मासिकरुपले अनिवार्य बस्नु पर्ने बैठकमा उपस्थित नभइ कार्यपालकिा सदस्यहरुलाइ समेत कार्यपालिका बैठकमा उपश्थित हुन अबरोध गरी गराइ गाउँपालिकाको निर्णय बमोजिम नियमित सेवा प्रवाहमा प्रत्यक्ष अबरोध सृजना गरि गाउँपालिका अध्यक्षको पदीय मान सम्मानमा नै असर पर्ने गरी र कानुन बमोजिम सम्पादन गर्नु पर्ने आफ्नो पदीय जिम्मेवारी अनुसार कार्य समेत न गरी कुनै व्यक्ती विशेषको ईर्षया द्धवेष राखी कार्यालयको कर्मचारीहरु प्रति नै अवान्छिनिय गतिविधी प्रस्तुत गरी कार्यालयको दैनिक सेवा प्रवाहमा नै अबरोध गरेकोमा मेरो ध्यानाकर्षण भएको उल्लेख रहेको छ । गाउँ कार्यपालिकाको पदाधिकारी एवंं सदस्यहरुलाइ कानुन विपरित कुनै काम गर्न गराउन छुट न रहेको र प्रचलित कानुन बमोजिम अनिवार्यरुपले सम्पादन गर्नु पर्ने अध्यक्ष सिंहको तर्क रहेको छ ।
विज्ञपति मार्फत गाउँपालिका उपाध्यक्ष र सदस्यहरुबाट प्रयोग गरिएको गाउँकार्यपालिकाको लेटरप्याड गैर कानूनी रहेकोले मान्यता नदिन सम्वन्धित निकायलाइ आग्रह गरिएको छ । गाउँपालिका अध्यक्ष सिंहले बाढि़ बाट क्षति भएको किसानलाइ राहत दिनु पर्ने , हिउँदे अधिबेशन गर्नु पर्ने कार्यमा समेत उपाध्यक्ष र केहि कार्यपालिका सदस्यहरुले बाधा अवरोध पुर्याउने गरेको आरोप समेत लगाएका छन ।
सरिता कुमारी श्रीवास्तव,रौतहट,२७ गते पुस ।
भन्सार छली गरी ल्याउँदै गरेको सामानहरु रौतहट प्रहरी बरामद गरेको छ । बिहिवार बिहान ईलाका प्रहरी कार्यालय राजपुरबाट खटिएको प्रहरी चेकिङ टोलीले परोहा नगरपालिका वडा नम्बर ६ बसन्पट्टी स्थितमा विभिन्न सवारी साधनहरु चेकजाँच गर्ने क्रममा विभिन्न सामानहरु बरामद गरेको हो ।
बिआर ३० बि ८०९४,बिआर ०५ क्यू ४२५७ र ना १४ प ८७३३ नम्बरको मोटसाइकिलहरु हरुलाई रोकी चेकजाँच गर्दा सो मोटरसाईकलहरुमा अबैध रुपमा भारतबाट भन्सार छली चोरी पैठारी गरी ल्याउँदै गरेको कपडा,किराना सर–सामानहरु बरामद गरिएको हो ।
सो सामानहरुको अन्दाजी मूल्य एकहतर हजार चार सय पचास बराबरको चिनी, दाल र कपडाहरु फेला परेको हुँदा, कपडा,किराना सर–सामानहरु र अन्दाजी मुल्य रु.एक लाख पन्ध्र हजार बरावरको ३ वटा मोटरसाइकिल गरि जम्मा मुल्य रु.एक लाख छयासी हजार चार सय पचास बरावरको कपडा,किराना सर–सामानहरु, मोटरसाइकिल र मोटरसाइकिल चालक जिल्ला रौतहट देवाही गोनाही नगरपालिका वडा नम्बर ३ बस्ने अन्दाजी बर्ष ३० को बैजु प्रसाद साह समेतलाई नियन्त्रणमा लिई आवश्यक कारवाहीको लागि गौर भन्सार कार्यालयमा बुझाईएको जिल्ला प्रहरी प्रवक्ता एवम् प्रहरी निरीक्षक निमित्त सूचना अधिकारी उमाशंकर प्रसादले जानकारी गराएका हुन् ।
आरके श्रीवास्तव,रौतहट,२६ गते पुस २०८१ ।
रौतहटको फतुवा विजयपुर नगरपालिको एक विधालयमा प्रधानाध्यापक फेरिएको छ । नयाँ हेडसर आज हाजिर भएका हुन् । सो नगरपालिको वडा नम्बर २ मा रहेको माध्यमिक विधालय शितलपुरमा नयाँ प्रधानाध्यापकको रुपमा मुकेश कुमार यादव हाजिर भएको फतुवा विजयपुर नगरपालिकाका शिक्षा सह संयोजक अनिल यादवले जानकारी गराएका हुन् ।
यस अघिका प्रधानाध्यापक बुनिलाल प्रसाद यादवलाइ माध्यमिक बिधालय हिमालीबाँसको जिम्मेवारीमा पठाइएपछि बिधालय हेडसर बिहिन बनेको थियो । शुक्रवारदेखि बिधालयले नयाँ हेडसर पाएको छ ।
हेडसरको जिम्मेवारी पाएपछि यादवले आफूले पाएको जिम्मेवारी राम्रो सँग निर्वाह गर्ने प्रतिबद्धता जनाएका छन् । आफनो पालामा गुणस्तरीय शिक्षा दिन पछाडी नहटने बताएका छन् । मावि दुधिअवामा निमावि सामाजिक शिक्षकको रुपमा कार्यरत यादवलाइ नगरपालिकाले मावि शितलपुरको हेडसर बनाएको हो ।
नयाँ हेडरसर हाजिरहुने अवसरमा फतुवा विजयपुर नगरवपालिकाका पूर्व शिक्षा संयोजक तेजनारायण यादव,पूर्व शिक्षा सह संयोजक सुुबोध प्रसाद यादव लगायत शिक्षक शिक्षिका,अभिावकहरुको पनि उपस्थिती रहेको थियो । फाेटाे फिचर:
बज्जिकाञ्चल संवाददाता,पर्सा,२५ गते पुस २०८१ ।बिरगंज । आम जनता पार्टी (आजपा) का अध्यक्ष एवं पूर्वमन्त्री प्रभु साहले बिरगंजको बिकासमा राजनीतिक दल र नेताहरुले बेइमानी गरेको टिप्पणी गरेका छन् । नेताहरुको दोहोरो चरित्रका कारण बिरगंजको बिकास ओझेलमा परेको उनले बताए ।
बिरगंज स्थित नारायणी रंगशालाको आज निरक्षण गर्दै आजपा अध्यक्ष साहले सरकारको दोहोरो चरित्रका कारण नारायणी रंगशाला जिर्ण बनेको बताए । केही चोर नेताहरुका कारण नारायणी रंगशाला जिर्ण भएको र विभेदको शिकार बनेको बताउँदै अब प्रभु साह चुप लागेर नबस्ने चेतावनी समेत उनले दिए ।
‘केपी ओली प्रधानमन्त्री हुनुहुन्छ । उहाँ भर्खर बिरगंज आउँनुभएको थियो । के उहाँको नजरमा यो नारायणी रंशाला परेन ? के ठाकुरराम बहुमुखी क्याम्पस, नारायणी अस्पताल, चिनी मिल, कृषी औजार कारखाना उहाँको नजर परेन ? यहाँको घण्टाघर पञ्चायतकालमा बन्यो के उहाँको योग्दान केही हुनुपरेन ?’, बिरगंजको बिकासको बारेमा प्रश्न गर्दै आजपा अध्यक्ष साहले भने, ‘यहाँ आएर लम्बालम्बा भाषण गर्ने ? यहाँको बिकासको बारेमा केही नसोच्ने ? उहाँको अगाडीपछाडी गर्नेलाई सोध्ने बेला भएको छ । की त्यो पार्टी छोड या यहाँको बिकासको बारेमा केही गर । बिरगंजमा लुटने काम मात्रै उनीहरुले गरे ।’
बिरगंजबाट राजस्व लिने तर बिरगंजको बिकासका लागि सरकारले केही नगर्ने हो भने अब हामी चुप लागेर बस्ने बेला होईन यसको हिसाब किताब गर्नुपर्ने साहले भने । यहाँबाट ट्रक आउँजाउँ गर्दा त्यसको धुलोधुवा बीरगंजबासीले खानुपर्ने तर सरकारले बिकास नै नगरेपछि अब हामीले कर किन तिर्ने त्यसबारेमा सोच्ने बेला भएको उनले बताए ।
‘बिरगंजबाट चारगुणा बढी टयाक्स लिने तर सोही परिणाममा यहाँको बिकास किन नगरेको भन्ने बारेमा हामीले प्रश्न गर्नुपर्छ । जब यहाँबाट सरकारले बढीभन्दा बढी टयाक्स लिन्छ भने बढी भन्दा बढी बिकास गर्नुपर्छ’ आजपा अध्यक्ष साहले भने, ‘२१औं शताब्दीमा बिरगंजसंग जुन अन्याय, अत्याचार, विभेद भईरहेको छ हामी चुप लागेर बस्दैनौं । बिरगंजको मानसम्मान, बिकास, गौरबका लागि प्रभु साह चुप लागेर बस्दैन । हामी यसको हिसाबकिताब गर्छौं ।’
मधेस बिभिन्न खेलकुदमा मधेस अगाडी रहेको ईतिहास रहेको बताउँदै उनले मधेसलाई पछाडी पार्न खोज्नु दुर्भाग्य भएको बताए । क्रिकेट, कुस्ती, फुटवल, भलिवल लगायतका बिभिन्न खेलमा मधेस जहिले पनि अगाडी भएको बताउँदै उनले यहाँको रंगशालाको पुनर्निमाण गर्नुपर्ने, थप रंगशाला निर्माण गर्दै खेलकुदको बिकासका लागि आफूले योग्दान उनले बताए ।
पर्साका नेताहरु दलालीमा उत्रेको र यस्ता योजनालाई छोडेको प्रति उनले आक्रोश व्यक्त गर्दै प्रभु साहले यस्ता योजनालाई पुरा गर्नका लागि योगदान गर्ने प्रतिबद्धता व्यक्त गरे । मधेससंग विभेद, अत्याचार र सौताको व्यवहार सरकारले गरेको आरोप लगाउँदै उनले बिरगंजको बिकासका लागि आजपाले हरेक किसिमको सहयोग गर्न तयार रहेको बताए ।
बिरगंजको गौरवको रूपमा रहेको नारायणी रंगशालाको निरीक्षण पश्चात आजपा अध्यक्ष साहले सामाजिक सञ्जाल फेसबुकमा लेखेका छन्, ‘नारायणी रंगशालाको हाल बेहाल हेर्दा सरकारसंग केही प्रश्न गर्न मन लाग्यो । गौरवशाली इतिहास बोकेको यो रंगशालाप्रति विभेद किन ? रंगशालाको बिकास सरकारको प्राथमिकतामा किन परेन ? के यहाँको बालबालिकालाई खेलकुदको अधिकार छैन ? देश बदलावमा अग्रणी भुमिका खेलेको बिरगंजलाई यस्तो उजाड़ किन बनाउनु भो ? के बीरगंज प्रयोग गर्ने र फ्याक्ने ठाऊँ हो ? के कर तिर्ने बिरगंजले रिटर्न पाउने अधिकार राख्दैन ? सरकारै सरकार भएको देशमा बीरगंजको लागी सरकार बिहिनता किन ? अहिलेको २१ औ शताब्दीको लोकतान्त्रिक युगमा के यस्तो अत्याचार सहन सकिन्छ ? हेक्का राखनु चोरहरू, अब बिरगंज चुप लागेर बसदैन ।’
आरके श्रीवास्तव,रौतहट,२५ गते पुस ।
रौतहट । जिल्लाको गुजरा नगरपालिकाको दयालपुरमा ग्रामीण सडक धमाधम ढलान कार्य भइरहेको छ । चन्द्रनिगाहपुर जाने र नगरपालिकाको कार्यालय रहेको सिमराभवानीपुर लाई जोड्ने मुख्य ग्रामीण सडक अहिले पक्किरण भइरहँदा स्थानिय हर्षित भएका छन् ।
गुजरा नगरपालिका वडा नम्बर ९ दयालपुर स्थित रहेको दलित बस्ती भएर जाने सो सडकको ढलान कार्य अहिले अन्तिम चरणमा रहेको वडा अध्यक्ष प्रेम चौधरीले जानकारी गराएका हुन् ।
वडा स्तरीय योजना बाट जियालाल माझीको घरदेखि पुकार माझिको घरसम्म करिब ३ सय ८० मिटर लामो ढलान कार्य भइरहेको वडा चौधरीले बताएका हुन् । उक्त सडक निर्माण गर्न वडाको सेलिङ्ग बाट चालु आर्थिक वर्ष २०८१।०८२ मा ४० लाख बजेट विनियोजन गरिएको थियो । अहिले सोही बजेट बाट सडक ढलान भइहरेको छ ।
८ इन्च मोटाइ र ५ मिटर चौडाइ पिसिसि सडकको ढलान कार्य वडा अध्यक्ष चौधरीले उपभोक्ता समिति मार्फत गराइरहेका छन् । सडकमा ढलान गर्न सुरु गरेसँगै वडा अध्यक्ष चौधरी आफनै रोहबरमा गुणस्तरिय ढलान गराइ रहेका छन् ।
सडक ढलान भएसँगै हिलोका कारण आवतजावतमा भोग्नुपरेको सास्ती अन्त्य हुनुका साथै यातायात सञ्चालनमा सहज भएपछि स्थानीयवासीहरु खुशी भएका छन् । स्थानियहरुले भोग्दै आएको समस्याको मध्यनजर गरी नै वडामा सडक पक्किरणको कामलाइ प्राथमिकतामा राखेर काम गराइरहेको वडा अध्यक्ष चौधरीको भनाइ छ । आफनो वडामा करिब ९० प्रतिशत सडक ढलान र कालोपत्र गर्ने कार्य भइसकेको वडा चौधरीको दाबी छ । मुख्य सडकको केही भाग मात्रै बाँकि छ । त्यसलाइ पनि कालेपत्र अथवा ढलान गर्न पहल गरिरहेको उनी बताउँछन् ।
यसअघि सोही वडाको अमतवामा १० लाख र दयालपुरमा १० लाखको सडक ढलान कार्य गरिसकेको उनले बताएका छन् । वडा बाट अर्को सडक ढलान गर्ने योजना पनि बनाएको वडा चौधरीले बताए । वडालाई ५ वर्षभित्र हिलोमुक्त बनाउने अभियानअन्तर्गत धमाधम स्थानीय सडक निर्माण गर्ने कार्यलाई तीव्रता दिएको वडा अध्यक्ष प्रेम चौधरीले जानकारी दिनुभयो ।
सडक ढलान कार्यका उपभोक्ता समिति अध्यक्ष सुजित चौधरीले वडा अध्यक्ष चौधरीको पहलमा र वहाँकै बजेटमा दलित बस्तीका सडक ढलान भइरहेका छन् । जो एकदमै सराहनिय हो । सडक ढलान भएपछि वर्षात्को समय धेरै नै अप्ठ्यारो हुँदै आएको थियो । सो कठिनाइ अब हटने भएको छ ।
यता गुजरा नगरपालिकाका पूर्व वडा सदस्य बलिराम चौधरीले देशमा संघियता आएपछि मात्र सडक ढलान पक्किरणको काम हुन सम्भव भएको ठोकुवा गरे । स्थानिय सरकार नभएको भए यो सबै सम्भव थिएन् । उक्त ढलान कार्यमा समाजसेवी अनुठा चौधरी,नागेन्द्र माझी लगायतको स्थानियहरुले सहयोगी भूमिका खेलिरहेका छन् ।
फाेटाे फिचर
नूर आलम बादशाह, २४ गते पुस २०८१ ।
नेपाल प्रिमियर लिग (एनपीएल) प्रथम संस्करणका च्याम्पियन जनकपुर बोल्ट्सका खेलाडीहरूलाई आज पचरौतामा भव्य स्वागत तथा सम्मान सहित पचास पचास हजार नगद पुरस्कार प्रदान गरिएको छ ।
जनकपुर बोल्ट्सका क्याप्टेन समेत रहेका क्रिकेटर अनिल साह र सोही टीमका अर्का खेलाडी अरनिको यादवलाई पचरौता नगर प्रमुख जलन्धर सिंहले आज एक समारोहका बीच उक्त नगद राशी सहित दोसल्ला ओढाई सम्मान गरेका हुन्।
जीतको खुशीमा बुधबार पचरौताका जनप्रतिनिधि, नागरिक समाज, स्थानीय खेलप्रेमीहरुले एनपीएलको ट्रफी र खेलाडीलाई गाडीमा राखेर नगरपरिक्रमा गराउन विजयी यात्रा समेत निकालेका हुन् ।
विजय यात्रा कोतवालीको नहर चौकबाट सुरू भएर बेनौली चोक, बेनौली गाउँ हुँदै पालिका परिसरमा स्वागत तथा सम्मान कार्यक्रम गरी समापन गरिएको छ ।
सो अवरमा नगर प्रमुख सिंहले एनपीएलको प्रथम संस्करणमा ट्रफी हात पार्न सफल भएका जनकपुर बोल्टस टिमलाई बधाई र स्वागत गर्न पाउँदा आफू गौरवान्वित भएको बताए ।
‘विजेता टोलीलाई स्वागत गर्न पाउनु पचरौतावासीका लागि गर्वको कुरा हो’ उनले भने।
नेपाल प्रिमयर लिगले क्रिकेट खेलको विकासका साथै युवाहरुलाई प्रेरणा, राष्ट्रिय एकता तथा सकारात्मक बाटोमा हिड्ने प्रेरणा र उर्जा समेत प्रदान गरेको नगर प्रमुख सिंहको भनाइ छ ।
कार्यभार सम्हालेको आर्थिक बर्ष देखि नै पचरौता नगरका खेलाडीहरुलाई तालिम, प्रतियोगिता तथा खेल सामग्रीका लागि नगद राशी सहयोग गर्दै आइरहेको र अगामी दिनमा उक्त किसिमको सहयोग निरन्तर रहने प्रतिबद्धता पुनः दोहोरयाउनु भयो।
पचरौता पालिकाले एनपीएल विजेता जनकपुर बोल्ट्सका खेलाडीहरूलाई अभिनन्दन कार्यक्रम आयोजना गरेको थियो ।
पुस ६ गते शनिबार त्रिवि क्रिकेट मैदानमा सुदूरपश्चिम रोयल्सलाई ५ विकेटले हराउँदै जनकपुर बोल्ट्स च्यापियन्स बन्न सफल भएको हो।
खेलाडीहरुको स्वागत तथा सम्मानका लागि आयोजित कार्यक्रम वडा नम्बर ७ का वडा अध्यक्ष बनारसी बिनको अध्यक्षता तथा प्रमुख आतिथ्यता नगर प्रमुख जलन्धर सिंहको रहेको थियो भने विशिष्ट अतिथिमा प्रमुख प्रशासकीय अधिकृत गौरी साह, वडा नम्बर ५ का वडा अध्यक्ष तथा पालिका प्रवक्ता लक्ष्मी यादव, वडा नम्बर ३ का वडा अध्यक्ष धेनुक राउत कुर्मी, ६ का मकबुल मियाँ अन्सारी, ८ का प्रेम चौधरी, ९ का गगनदेव यादव, अतिथिमा शिक्षा संयोजक पण्डित त्रिपाठी, शिक्षा सहायक मुकेश कुमार सिंह, स्थानीय समाजसेवी भैया राम सहनी, विजय पटेल, कलामुद्दीन अन्सारी, भोला अन्सारी, अच्छेलाल प्रसाद यादव, प्रभु ठाकुर, नरेश प्रसाद कुर्मी, उमेश सिंह, प्रमोद सिंह, बिनोद पटेल, सियाराम मुखिया, सकल मुखिया, अवध किशोर प्रसाद यादव, पोषण हजरा, जवाहर साह रौनियार, सोनालाल साह, अमिन मियाँ अन्सारी, इम्तियाज अन्सारी, रोशन अली, जिना खातुन, जगरनाथ मुखिया बिन, शम्भु कुशवाहा, मुन्ना अन्सारी, गोकुल पण्डित, खेलाडीहरु बुधराम मुखिया, मनिर अन्सारी, अरविन्द अकेला, लालु, नगर प्रहरी, सुरक्षाकर्मी लगायत पत्रकारका साथै ठूलो संख्यामा सर्वसाधारण उपस्थित भएका थिए।
कार्यक्रम सन्चालन सबिन्दर सहनीले गरेका थिए।
बज्जिकाञ्चल संवाददाता,राैतहट,२४ गते पुस ।
राैतहट । रौतहटको माधवनारायण नगरपालिकाका मेयर बैजनाथ प्रसाद यादवले एक वडामा ३० वटा डिप बोरिङ जडान गरेका छन्।
किसानहरुलाई सहज रुपमा सिँचाइको सुविधा उपलब्ध गराउने उद्देश्यले मेयर यादवले माधवनारायण नगरपालिका -८ पिप्रा रजवडामा ३० जना किसानको खेतमा डिप बोरिङ जडान गरेका हुन्।
च्वाइस नेपालको सहयोगमा जडान भएको उक्त बोरिङहरुको मेयर यादवले उद्घाटन गरेका छन्।
मंगलवार अबेर साझ आयोजित एक कार्यक्रमका बीच माधव नारायण नगर प्रमुख बैजनाथ प्रसाद यादव र सहयोगी संस्था च्वाइस नेपालका कार्यकारी निर्देशक प्रतीक शर्मा दुवैजनाले संयुक्त रूपमा बोरिङको उद्घाटन गरेका थिए।
बागमती नदी पारी जडान भएको ३० वटा डिप बोरिङले करिव २ सय भन्दा बढी बिघा खेतमा सिँचाइ सुविधा पुर्याउने र यस परियोजनाबाट हजारौं किसान लाभान्वित हुने मेयर यादवले विश्वास व्यक्त गरेका छन्।
त्यस्तै डिप बोरिङ जडान भएको ठाउँमा गाउँ बस्ती नहुँदा रातिको समयमा निल गाई, स्याल, बँदेल लगाएतको जनावरको आक्रमण तथा वर्षा, हुरीबतास, चिसो, घाम पानी आदिबाट किसानलाई जोगाउन मेयर यादवले पाँच वटा किचन बाथरूम, शौचालय सहितको एक तले पक्की भवन समेत निर्माण कार्य थालेका छन्।
यो भवन निर्माण भएपछि नदिपारी खेतिबारी गर्न जाने किसानहरुलाई जनावर, चोर, डाँका र प्राकृतिक प्रकोपबाट जोगाउन ठूलो टेवा पुर्याउने उनले बताए।
किसानहरुलाई बस्न बागमती नदी पारी पक्की घर निर्माण गर्ने पहिलो मेयर बैजनाथ प्रसाद यादव हुन् । यो नयाँ कार्यको सुरुवात पनि हो । यस्तो काम अहिलेसम्म रौतहटका कुनै पनि जनप्रतिनिधिले गर्न सकेका छैनन्।
बोरिङ जडान भएपछि अब आफूहरुले चाहेका बेला नै बाली लगाउन पाइने र बालिबाट मनग्य आम्दानी लिन सक्ने भन्दै किसानहरुमा ठूलो आशा जागेको छ।
बोरिङ गाडिएपछि समयमै खेती गर्न प्रयाप्त पानीको व्यवस्था हुने छन् ।
बोरिङ सञ्चालनमा आएपछि सो क्षेत्रका किसानले पहिले हिउँदे र बर्खेबाली लगाउने गरेकोमा अब बाह्रैमास फरक खेती गर्न पाउनेछन् ।
माधवनारायण नगर प्रमुख यादवको प्रमुख आतिथ्य तथा वडा नं ८ का वडा अध्यक्ष योगेन्द्र प्रसाद कुशवाहाको अध्यक्षतामा भएको बोरिङ उद्घाटन कार्यक्रममा च्वाइस नेपालका कार्यकारी निर्देशक प्रतीक शर्मा, फिल्ड संयोजक जिसी, नगर उप प्रमुख निर्मला देवी, माधव नारायण नगरपालिकाका प्रमुख प्रशासकीय अधिकृत श्रीदेव यादव, इन्जिनियर नागेन्द्र यादव, कृषि शाखा प्रमुख अर्जुन दास, नेपाली कांग्रेसका युवा नेता नितेश कुमार गुप्ता, किसानहरू लगाएतका व्यक्तिहरूको उपस्थिति रहेको थियो।
प्रेमचन्द्र झा,राैतहट,२४ गते पुस २०८१ ।
राैतहट । माधव नारायण नगरपालिकाका नगर प्रमुख वैधनाथ प्रसाद यादवको कुसल नेतृत्वका कारण प्रधानाध्यापक विरुद्धको आन्दोलन विधार्थीहरुले स्थगित गरेका छन् । देवी माध्यमिक विद्यालय सखुअवाका विद्यार्थीहरूले प्रधानाध्यापक लखिन्द्र यादवलाई सरुवा गर्नुपर्ने मांग गर्दै आएको तीन दिन देखिको आन्दोलन स्थगित गरेको हो ।
सो आन्दोलन नगर प्रमुख यादवको आग्रहमा बुधवार देखी विद्यार्थी हरूले स्थगित गरेका छन् ।
सो समस्याको समधान माधव नारायण नगरपालिका नगर प्रमुख यादवले विद्यार्थीहरु बिच बसेर वार्ता गरी समस्यालाई समयमै हल गरि दिएका छन्। प्रधानाध्यापक यादवले गरेको भ्रष्टाचार लगातयका अनियमितता विरुद्ध कार्यवाही स्वरुप सरुवाको माग गर्दै आन्दोलित भएका थिए ।
