काठमाडौँ । पेरिस ओलम्पिकको पहिलो मेडल काजकिस्तानले जितेको छ ।
काजकिस्तानले १० मिटर एयर राइफल मिक्स टिममा तेस्रो स्थान हासिल गरेसँगै काश्य पदक जितेको हो । यो काजकिस्तानको १९९६ को ओलम्पिकपछि पहिलो ओलम्पिक पदक हो ।न्युज कारखाना
काठमाडौं । अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढी, पहिरो लगायतका विपद्मा परी शुक्रबार दिउँसोसम्म १ सय ३९ जनाको मृत्यु भएको छ ।
बाढी, पहिरो लगायतका विपद्मा परी काठमाडौं उपत्यकामा २ जना, कोशी प्रदेशमा २२ जना, मधेश प्रदेशमा ६ जना, बागमती प्रदेशमा २९ जना, गण्डकी प्रदेशमा ३८ जना, लुम्बिनी प्रदेशमा २४ जना, कर्णाली प्रदेशमा ८ जना र सुदूरपश्चिम प्रदेशमा १० जना गरी जम्मा १ सय ३९ जनाको मृत्यु भएको हो ।
साथै काठमाडौं उपत्यकामा ९ जना, कोशी प्रदेशमा ३४ जना, मधेश प्रदेशमा ९ जना, बागमती प्रदेशमा ९ जना, गण्डकी प्रदेशमा २९ जना, लुम्बिनी प्रदेशमा ९ जना, कर्णाली प्रदेशमा ४३ जना र सुदूरपश्चिम प्रदेशमा १४ जना गरी जम्मा १ सय ५६ जना घाइते भएका छन् । घाइतेहरूलाई उपचारको लागि स्थानीय अस्पताल लगिएको छ । साथै काठमाडौं उपत्यकामा ३ जना, कोशी प्रदेशमा ४९ जना, गण्डकी प्रदेशमा १२ जना, कर्णाली प्रदेशमा २ जना र सुदूरपश्चिम प्रदेशमा ५ जना गरी जम्मा ७१ जनाको उद्दार गरिएको छ । बाढी पहिरोमा परी कोशी प्रदेशमा २ जना, बागमती प्रदेशमा २ जना, गण्डकी प्रदेशमा १ जना र कर्णाली प्रदेशमा १ जना गरी ६ जना वेपत्ता भएका छन् । वेपत्ताको खोजी कार्य जारी छ ।
बाढीको कारण जम्मा १ सय ८४ घर डुबानमा परेका छन् । २ सय ३८ वटा घर, ८६ वटा गोठ, ४३ वटा पुल, २ वटा विद्यालय र २ वटा सरकारी कार्यालयमा क्षति पुगेको छ । ६ सय ३ वटा पशु चौपायको मृत्यु भएको छ । उक्त अवधिमा विपद्का घटनाबाट ४ हजार ३० घर परिवार विस्थापित भएका छन् ।
साथै बाढी पहिरोको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, पहिरोमा पुरिएका धनमाल निकालेर सुरक्षा गर्ने काम समेत विभिन्न निकाय र स्थानीयबासीको समन्वय र सहयोगमा गर्नुका साथै विभिन्न स्थानमा भएको बाटो अवरोध हटाउने कार्य समेत प्रहरीले गरिरहेको छ ।न्युज कारखाना
काठमाडौं । चलचित्र “नमेटिने घाउ’’ मा अभिनय गरेका पूर्वप्रधानमन्त्री माधव कुमार नेपालले आफ्नो भागको दृश्यको डबिङ गरेका छन् । शुक्रबार रेडियो नेपालको स्टुडियोमा उपस्थिति भएर नेपालले चलचित्रको आफुले अभिनय गरेको संवादको डबिङ गरेका हुन् ।
अभिनेता रमित ढुङ्गानाले निर्देशन तथा निर्माण रहेको सत्य घटनामा आधारित चलचित्र “नमेटिने घाउ’’ मा सम्माननीय प्रधानमन्त्री केपी शर्मा ओलीको समेत अभिनय रहेको हुदा केहि दिनमा उहाले पनि आफुले अभिनय गरेको दृश्यको डबिङ गर्ने निर्देशक रमित ढुङ्गानाले जानकारी दिए ।
प्रदर्शनको तयारीमा रहेको चलचित्र “नमेटिने घाउ’’ एसिड सर्भाइभरहरुको बास्तविक जीवनीमा आधारित छ ।चलचित्रमा एसिड आक्रमणमा परेका ३३ जना पीडितहरुको कथालाई समेटेर बनाईएको छ । फिल्ममा शिवम् अधिकारीको कथा रहेको छ । लेखक अधिकारीले पटकथा साढे दुई वर्ष लगाएर फिल्म लेखेका हुन् ।
चलचित्रमा मुस्कान खातुन, प्राप्ति पौडेल ,इभा गिरी, कमल देबकोटा,सन्दीपबाबु लोहनी, रचना गौतम, प्रभात पाल ठकुरी, आरती आचार्य, अखिल बजगाईं, उपेक्षा न्यौपाने, क्रान्ति शाह, वीरेन्द्र सिंह कुसुहा,लालना चिमोरिया,स्वस्तीमा कार्की, लिजा कोरानी,एलिसा गुरुङ,बिशाल देबकोटा ,आरजु अधिकारी ,आरजु लेखक लगायतको अभिनय रहेको छ ।चलचित्रमा सुरवीर पण्डित, सुनील कटुवाल पुराना अनुहार रहने छ भने मुख्य भूमिकामा अधिकांश नयाँ अनुहारहरुको अभिनय रहेको छ।
रमित ढुंगाना फिल्म प्रोडक्शनको ब्यानरमा निर्माण गरिएको यस चलचित्रमा प्रहरी उपरीक्षकद्वय बाल नर्सिहॅ राणा र कुमुद ढुगेल, प्रहरी निरीक्षक जे,आर शर्मा लगायत दुई सय भन्दा बढी प्रहरीको अभिनय रहेको छ। ‘नमेटिने घाउ’मार्फत सासॅदद्वय देवेन्द्र पौडेल र ज्ञानेन्द्र शाहीको समेत अभिनय रहेको छ ।
चलचित्रमा निरज कंडेलको छायांकन ,बनिश शाहको सम्पादन ,ओम सुनारको संगीत र किरण ढकालको एक्शन रहेको छ । न्युज कारखाना
१२ साउन, महोत्तरी
महोत्तरीको बर्दिवासमा अख्तियार दुरुपयोग अनुसन्धान आयोगले माग गरेको जग्गा विवादित वनेको छ ।
आयोगले आवासका लागी माग गरेको थप ६ कठ्ठा जग्गाको विषयमा स्थानियहरुले अवरोध गरेपछि विवादित वनेको हो ।
बर्दिवास-३ स्थित गौरिडाडामा अख्तियार दुरुपयोग अनुसन्धान आयोगको कार्यालयसँगै जोडिएको उक्त सार्वजनिक जग्गा स्थानियहरुले नदिने र जवर्जस्त गरे प्रतिरोधमा उत्रने चेतावनी दिएपछि आयोगलाई दिने वा स्थानीय सरकारको स्वामित्वमा राख्ने भन्ने विषयमा मत बाझिएको छ ।
वडा नं.३ का वडा अध्यक्ष विराट बिष्टले जनभावनाको कदर गर्दै उक्त जग्गा आयोगलाई दिन नसकिने अडान लिएका छन भने नगरप्रमुख प्रल्हाद कुमार क्षेत्री भने सरकारको जग्गा सरकारको नै संवैधानिक अंगलाई दिन समस्या सिर्जना गर्न नहुने जिकिर गर्दै आएका छन ।
नगरप्रमुख क्षेत्रीले जग्गा सिफारिस समितिको बैठकमा गएर आयोगले माग गरेको उक्त जग्गा स्थानीय सरकारको सहमति रहनेमा ऐक्यवद्वता जनाएको पाईएको छ । तर नगरप्रमुखले भने उपस्थितिमा हस्ताक्षर गरेको तर निर्णयमा हस्ताक्षर नगरेको दावी गर्दै आएका छन । उनको भनाईलाई नै गलत सावित गर्ने निर्णयमा हस्ताक्षर भएका पुस्तिका नै सार्वजनिक गरेका छन ।
‘यो सरकारी जग्गा हो, याँहा स्थानीय सरकारले रोक्न सक्ने कुनैपनि आधारहरु देखिदैन । हामीले नदिने भनेतापनि माथीवाट नै नापी भएर अख्तियारको नाममा आउने रहेछ ।’ नगरप्रमुख क्षेत्रीले भने ।’तर हामी जनताको पक्षमा छौ, जनभावना विपरित केहीपनि हुँदैन तपाईहरु ढुक्क भए हुन्छ ।’
नगरले उक्त जग्गाको बिषयमा औपचारिक सहमति दिएपछि नापीले नाँपजाँचको लागि १५ दिने सुचना समेत सार्वजनिक गरेको वताएको छ । नापी कार्यालयका कार्यालय प्रमुख धर्मानन्द ठाकुरले आफुहरुले निर्देशन मात्र पालना गरेको र प्रक्रियाअनुसार काम गरिरहेको वताए ।
बाक्लै जनघनत्व रहेको गौरिडाडामा सामान्य एस्मवली पोइन्ट समेत नभएको वताउदै उक्त जग्गा स्थानीय सरकारको संरक्षणमा राखेर अख्तियारलाई दिन नहुने स्थानियहरुले वताउदै आएका छन । ‘प्राकृतिक प्रकोपको समयमा जम्मा हुने ठाँउ समेत छैन, हाम्रा सन्ततिहरुले खेल्नका लागि सामान्य खेल मैदान पनि छैन ।’ स्थानीय ललित बुढाथोकीले भने ।’अख्तियारको कार्यालय र व्यवस्थापनको लागि प्रसस्त जग्गा छ त्यसैले आयोगले उक्त जग्गा प्राप्तिको लागि जवर्जस्त नगरोस ।’
स्थानियहरुले वडा कार्यालयले दिन नसक्ने भनिएको सिफारिस र सामुहिक निर्णयको गरेको हस्ताक्षर सहित सरोकारवाला कार्यालयहरुलाई ज्ञापनपत्र बुझाएका छन । जग्गा सिफारिस समितिका अध्यक्ष समेत रहेका प्रमुख जिल्ला अधिकारी, मालपोत कार्यालय, नापी कार्यालय र नगर कार्यापालिकाको कार्यालयलाई ज्ञापनपत्र बुझाएको स्थानियहरुले वताए ।
यता वडा अध्यक्ष बिष्टले स्थानियहरुको अडानमा आफु सहमत भएको र अख्तियारलाई दिने भनिएको जग्गामा वडाको खेलमैदान वनाउन बजेट समेत बिनियोजन गरिएको जानकारी दिए । ‘सरकारले एक वडा एक खेल मैदान वनाउने नीति नै बनाएको छ । हामीले सोही ठाँउमा वनाउने योजना वनाउदै गर्दा अख्तियारले भित्र-भित्रै नापजाँचको प्रक्रिया अगाडी वढाएछ ।’ अध्यक्ष बिष्टले भने । ‘ यसमा नगरप्रमुखको समेत मिलोमतो भएको प्रष्ट देखियो ।न्युज कारखाना
काठमाडौँ । जुलाई २१ आइतवार बिहान, अमेरिकी उपराष्ट्रपति कमला ह्यारिसले आफ्ना नजिकका व्यक्तिहरू र सल्लाहकारहरूलाई आफ्नो घर, नेभल अब्जर्भेटरीमा बोलाइन् । सबैलाई कुनै जानकारी नदिई छोटो सूचनामा आउन भनियो ।
राष्ट्रपति बाइडेनले बिहान कमला ह्यारिसलाई राष्ट्रपतिको दौडबाट आफ्नो नाम फिर्ता लिएको बताएका थिए । ह्यारिसले आफ्नो टोली तयार पारेकी थिइन् । बाइडेनले आधिकारिक रूपमा स्थानीय समय अनुसार जुलाई २१ को दिउँसो १: ४६ मा आफ्नो फिर्ताको घोषणा गर्ने बित्तिकै, कमला ह्यारिस र उनको टोली आफ्नो मिशनको लागि तयार थिए । ती ४८ घण्टाको कथा जसमा कमलाले आफ्नो पक्षमा सिंगो डेमोक्रेटिक पार्टीलाई नियन्त्रणमा लिएकी थिइन् ।
न्यूयोर्क टाइम्सका अनुसार कमला ह्यारिसको टोलीले बोलाइने प्रमुख प्रजातान्त्रिक नेताहरूको सूची तयार गरेको थियो । स्नीकर्स र स्वेटसर्ट लगाएकी कमला ह्यारिसले डेमोक्रेटिक पार्टीका शक्तिशाली नेताहरूलाई एक एक गरेर बोलाउन थालिन् । फोनमा कुरा गर्दागर्दै ह्यारिसको दिनदेखि रातमा परिणत भइन् ।
कमलाले मिशिगनका गभर्नर ग्रेचेन ह्वाइटमर, इलिनोइसका गभर्नर जेबी प्रिट्जकर र पेन्सिलभेनियाका जोश शापिरोलगायत पार्टीका पूर्व अध्यक्षहरू र उनका प्रतिद्वन्द्वीहरूसँग फोनमा कुरा गरेकी थिइन् । यिनीहरू बाहेक उनले कांग्रेस डेमोक्रेटिक पार्टीका धेरै सदस्यहरूलाई पनि बोलाएकी थिइन् ।
पार्टीलाई आफ्नो पक्षमा ल्याउने कमलाको उत्साह हेर्न लायक थियो । बाइडेनका कारण पार्टीमा त्यो उत्साहको कमी थियो । डोनाल्ड ट्रम्पसँग पहिलो राष्ट्रपतिको बहस हारेपछि बाइडेनको उम्मेदवारी सन्तुलनमा झुण्डिएको थियो, यद्यपि उनले पहिलो १० दिनमा केवल २० कांग्रेसका डेमोक्र्याटहरूलाई बोलाए । अर्कोतर्फ कमला ह्यारिसले १० घण्टामा १०० भन्दा बढी कल गरेकी थिइन् ।
ह्यारिस फोन कल गर्दै गर्दा, अर्को टोली गठन गरियो । कमलाका नजिकका साथीहरू र बाइडेन-ह्यारिसको चुनावी अभियान हेरिरहेका प्रतिनिधिमण्डल यस टोलीमा थिए । यसको उद्देश्य राष्ट्रपतिको उम्मेदवार छनोट गर्न लागेका मानिसहरूलाई शिक्षित गर्नु थियो । ४८ घण्टामै कमला ह्यारिसले आफ्ना प्रतिद्वन्द्वीलाई मैदानबाट हटाइन् । पार्टीबाट उम्मेदवारीका लागि आवश्यक प्रतिनिधिको समर्थन पनि प्राप्त गरेको छ । यसले १०० मिलियन डलरभन्दा बढीको चन्दा पनि उठाइन्, जुन उठाउन बाइडेनलाई महिनौं लाग्यो ।
यो सम्पूर्ण घटनाले कमला ह्यारिसको जोश र उर्जा देखाएको छ । यसले डेमोक्र्याटिक पार्टीमा नयाँ जीवन सास फेर्यो, जुन बाइडेनले राष्ट्रपतिको बहस गुमाएदेखि अभाव थियो । यसले पार्टीका नेताहरुलाई पनि राहतको सास फेर्न मौका दिएको छ ।
डेमोक्र्याटिक नेशनल कमिटीका पूर्व अध्यक्षले न्यूयोर्क टाइम्सलाई यो पूर्ण रूपमा सोचेको योजनाको हिस्सा नभएको र यो सबै यति छिटो कसरी भइरहेको थियो भनेर म आफैं अचम्ममा परेको कुरा आफुले स्वीकार गर्नुपर्ने बताए ।
बाइडेन राष्ट्रपतिको दौडबाट बाहिरिएपछि कमला ह्यारिस सुरुदेखि नै सबैभन्दा बलियो उम्मेदवार थिइन् । कमला ह्यारिसलाई उम्मेदवारी अस्वीकार गर्नुको अर्थ डेमोक्रेटिक पार्टीको सबैभन्दा बलियो भोट बैंक अर्थात् अश्वेत महिलाहरूको समर्थन गुमाउनु हो ।
२०१६ मा हिलारी क्लिन्टनको चुनावी अभियानको व्यवस्थापन गर्ने रोबी मुकले कमलाको दाबीको श्रेय बाइडेन दौडबाट बाहिरिएको ४८ घण्टा पछि दिन्छन् । यस अवधिमा कमलाले पार्टीको पूर्ण नियन्त्रण आफ्नो हातमा लिएकी थिइन् । डेमोक्र्याटिक पार्टीका शीर्ष नेताहरूले ह्यारिससँग सम्बन्धित चिन्ताहरू सम्बोधन गर्ने निर्णय गरे । रिपब्लिकन पार्टीका नेताहरूले उनको धेरै पुराना क्लिपहरू भाइरल गर्न थाले । जसका कारण उनलाई राष्ट्रपति चुनावमा समस्या पर्न सक्ने हुनसक्छ । यी मध्ये, कमला ह्यारिसले अवैध आप्रवासीहरूलाई अपराधी भन्न अस्वीकार गरेको थियो ।
कमला ह्यारिसका सम्भावित प्रतिद्वन्द्वीहरूसँग जम्मा २७ मिनेट थियो जसमा उनीहरूले आफ्नो दाबी प्रस्तुत गर्न सक्थे । दिउँसो १:४६ मा बाइडेनले आफ्नो पद फिर्ता लिने घोषणा गरेका थिए। २७ मिनेटपछि दिउँसो २: १३ बजे उनले कमला ह्यारिसको नामलाई समर्थन गरे ।
कमला ह्यारिसलाई बाइडेनको समर्थन उनको लागि धेरै सहयोगी साबित भयो । यसले कमला ह्यारिसलाई बाइडेन-ह्यारिस अभियानका लागि ९६ मिलियन डलर प्राप्त गर्ने बाटो पनि सफा गर्यो । उनले १३ सय जनाको टोली पनि लिएका छन् । जबकि उनका कुनै पनि प्रतिद्वन्द्वीसँग अभियानको व्यवस्थापन गर्न त्यति ठूलो टोली थिएन । सङ्घीय निर्वाचन आयोगको अभिलेखअनुसार सङ्क्रमणका लागि कागजी प्रक्रियाको पहिलो कार्य अपराह्न ४: ४८ बजे सम्पन्न भएको थियो ।
बाइडेनको मानसिक अवस्था, पार्टीभित्रको आन्तरिक कलह र अराजकताबारे तीन सातादेखि प्रश्न उठेपछि डेमोक्र्याट पार्टीले कमलाको नाममा पुनः एकताको प्रयास थालेको हो । कमला ह्यारिस डेमोक्र्याटहरूका लागि ट्रम्पमा ध्यान केन्द्रित गर्ने एक मात्र तरिका थियो ।
बिल र हिलारीको समर्थन
न्युयोर्क टाइम्सका अनुसार बाइडेनले आफ्नो पद फिर्ता लिनुअघि पूर्व राष्ट्रपति बिल क्लिन्टन र पूर्व विदेशमन्त्री हिलारी क्लिन्टनसँग निजी कुराकानी गरेका थिए । उक्त कुराकानीमा पार्टी एकता कायम राख्नमा जोड दिइएको थियो । यस कुराकानीमा क्लिन्टन दम्पतीले पार्टीमा जति छिटो एकता हुन्छ, ट्रम्पविरुद्ध जित्ने सम्भावना त्यति नै राम्रो हुन्छ भन्ने सल्लाह दिएको न्यूयोर्क टाइम्सले उल्लेख गरेको छ ।
कमला ह्यारिसले बाइडेनको समर्थन पाएको एक घण्टा भित्र क्लिन्टन दम्पतीले संयुक्त विज्ञप्ति जारी गर्दै पार्टीलाई एकताबद्ध हुन आग्रह गरेका थिए । त्यसपछि पार्टीमा कमला ह्यारिसलाई समर्थनको बाढी आएको थियो । यद्यपि, धेरै प्रमुख डेमोक्रेटिक नेताहरूले अझै कमला ह्यारिसलाई समर्थन गरेका छैनन् । तर विस्तारै ह्यारिसको पक्षमा खुल्दै आएका छन् ।
पार्टीमा कमलाको समर्थन यति फराकिलो भयो कि विपक्षी रिपब्लिकन पार्टीले पनि आफ्नो रणनीति परिवर्तन गर्नुपर्यो । ट्रम्पको पार्टीले पहिले कमलालाई समर्थन गर्ने व्यक्तिको खोजी गरिरहेको थियो, तर उनीहरुको संख्या बढ्दै गएपछि रिपब्लिकन पार्टीले कमलाको समर्थन नगर्नेहरुको सूची बनाउन थालेको छ । कमला ह्यारिसको नाम सार्वजनिक भएपछि उनले अहिलेसम्म १६२ मिलियन डलर चन्दा सङ्कलन गरिसकेका छन् ।
न्युयोर्क टाइम्सका अनुसार ह्वाइट हाउसमा काम गर्ने र ह्यारिसको अभियानसँग सम्बन्धित धेरै व्यक्तिहरूले उनको नामको घोषणाले पार्टीलाई चुनावी अभियानमा प्रभाव पार्ने विश्वास गर्छन् । ह्यारिस चुनावी अभियानको नेतृत्वमा कुनै परिवर्तन गर्न चाहँदैनन् । यद्यपि, उनले आफ्नो एक सल्लाहकारलाई अभियानको शीर्ष निकायमा समावेश गर्न सक्ने बताइएको छ ।
कमला ह्यारिसको टोली रातभर उनको निवासमा काम गरिरहे । टोलीका सदस्यहरूले राति स्थानीय फूड चेनबाट पिज्जा र सलाद अर्डर गरे । बाइडेन फिर्ता भएको ३६ घण्टापछिको भोलिपल्ट रातिसम्म कमला ह्यारिसले पार्टीका ४ हजार प्रतिनिधिमध्ये ३१ सयको समर्थन प्राप्त गरिसकेकी थिइन् । बाइडेनको बिदाइ भएको ४८ घण्टा अघि कमला ह्यारिसले पार्टीमा आफ्नो वर्चस्व कायम गरेकी थिइन् ।
ओबामाले पनि गरे ह्यारिसलाई समर्थन
जो बाइडेन अमेरिकी राष्ट्रपतिको दौडबाट बाहिरिएपछि कमला ह्यारिस डेमोक्र्याटिक उम्मेदवार बन्ने पक्का छ । अहिलेसम्म धेरै डेमोक्रेटिक नेताहरूले कमला ह्यारिसलाई पार्टीको राष्ट्रपतिको उम्मेदवारको रूपमा समर्थन गरेका छन् । तर, पूर्व अमेरिकी राष्ट्रपति बाराक ओबामाले शुक्रबार मात्र ह्यारिसलाई समर्थन गरेका छन् । ओबामाले ह्यारिसले नोभेम्बरमा हुने राष्ट्रपति निर्वाचनमा जित हासिल गर्ने विश्वास व्यक्त गर्दै आफु र श्रीमती मिचेल ओबामाले पूर्ण सहयोग गर्ने बताएका छन् । न्युज कारखाना
काठमाडौँ । सन् १९७८ जुलाई २५ रातको करिब ११: ३० बजे इंग्ल्याण्डको म्यानचेस्टर जिल्ला अस्पताल बाहिर भीड जम्मा भएको थियो । यो भीडमा बिरामी र तिनका परिवार होइन डाक्टर र पत्रकार थिए । लेबर रुमबाट बालिका जन्मिएको खबर आयो । सबैजना खुशीले उफ्रिए । भोलिपल्ट संसारभरका पत्रपत्रिकाको हेडलाइन थियो– ‘विश्वको पहिलो टेस्ट ट्युब बेबीको जन्म ।
त्यसयता यही दिन अर्थात् जुलाई २५ लाई विश्व भ्रूणविज्ञान दिवसका रूपमा मनाइन्छ ।
यो चिकित्सा र विज्ञान को दुनिया मा एक ठूलो उपलब्धि थियो । यो अद्भुत उपलब्धि स्त्री रोग विशेषज्ञ प्याट्रिक स्टेप्टो र वैज्ञानिक रोबर्ट एडवर्ड्सले गरेका थिए । उनले १० वर्षमा २८२ असफलतापछि यो सफलता पाएका थिए । ति बालिकाको नाम लुइस ब्राउन थियो ।
एक दिन थियो र आज हरेक वर्ष ५ लाखभन्दा बढी टेस्ट ट्युब उत्पादन हुन्छ । विश्व स्वास्थ्य संगठनका अनुसार सन् २०१८ सम्ममा विश्वमा ८० लाखभन्दा बढी टेस्ट ट्युब बेबीको जन्म भइसकेको छ । यो प्रवृत्ति तीव्र गतिमा बढिरहेको छ ।
विज्ञानले अनगिन्ती मानिसहरूलाई आमाबाबु बन्ने खुशी दिएको छ, जसको लागि प्राकृतिक सीमाहरूका कारण यो सम्भव थिएन । यहाँ ध्यान दिनु पर्ने कुरा के हो भने हाम्रो बानी र खराब जीवनशैली विश्वभरि नै घट्दो प्रजनन दरको लागि धेरै हदसम्म जिम्मेवार छ ।
पछिल्लो समय प्रजननमा समस्या भएपछि बच्चा जन्माउन आइभीएफको प्रयोग निकै बढेको देखिएको छ ।
आइभिएफ व्यवसायको तीव्र वृद्धिको कारण हाम्रो खराब जीवनशैली, खराब खानपान, कम शारीरिक गतिविधि र रक्सी र चुरोटको लत हो । यसका अलावा सचेतना पनि ठूलो कारण हो । यसअघि बाँझोपन भएमा यसको उपचारबारे मानिसहरूलाई जानकारी थिएन । यसअघि आइभिएफमार्फत बच्चा जन्माउनु परम्परा र धर्मको विरुद्धमा रहेको बताइन्थ्यो । समयसँगै मानिसहरूमा चेतना बढ्दै गएको छ र उनीहरू उपचारका लागि अगाडि बढिरहेका छन् ।
पुरुष र महिला दुवैमा बाँझोपनको विभिन्न कारणहरू छन् । यदि महिला वा पुरुष दुवैमा बाँझोपनको समस्या छ भने प्राकृतिक रूपमा बच्चा जन्माउन सम्भव हुँदैन । यस्तो अवस्थामा आइभिएफ प्रविधिको सहारा लिनुपर्छ ।
एलाइड मार्केट रिसर्चको एक रिपोर्टमा, २०२३ सम्म, विश्वव्यापी आइभीएफ सेवा बजारको व्यापार २.५६ लाख करोड रुपैयाँ बराबरको रहेको उल्लेख छ । सन् २०३३ सम्ममा यो बढेर ६.४ लाख करोड रुपैयाँ पुग्ने अनुमान गरिएको छ ।
यसको मतलब यो अवधिमा यो व्यवसाय ९.३ प्रतिशतको चक्रवृद्धि वार्षिक वृद्धि दरमा बढ्नेछ । यस प्रतिवेदनमा आइभीएफ सेवाको व्यापार बढ्नुको पछाडि धेरै कारणहरू पनि उल्लेख गरिएको छ, जसका कारण मानिसहरूमा बाँझोपन बढिरहेको छ ।
पुरुष र महिला दुवैमा बाँझोपनको विभिन्न कारणहरू छन् । यदि महिला वा पुरुष दुवैमा बाँझोपनको समस्या छ भने प्राकृतिक रूपमा बच्चा जन्माउन सम्भव हुँदैन । यस्तो अवस्थामा आइभिएफ प्रविधिको सहारा लिने गरिएको छ ।न्युज कारखाना
काठमाडौँ । विश्वका प्रत्येक ११औं व्यक्ति भोकसँग संघर्ष गरिरहेका छन् । सन् २०२३ को तथ्यांकअनुसार विश्वभर ७३.३ करोड मानिसले पर्याप्त खाना पाउन सकेका छैनन् । एकै समयमा, २०१९ को तुलनामा, तिनीहरूको संख्या १५.२ करोडले बढेको छ ।
त्यस्तै अफ्रिकाको अवस्था भने अझ खराब छ । अफ्रिकामा प्रत्येक पाँचौं व्यक्तिले खानाको समस्या सामना गर्दछ ।
विश्वमा खाद्य सुरक्षा र पोषणको अवस्थाबारे हालै सार्वजनिक गरिएको प्रतिवेदनमा यो जानकारी आएको हो । प्रतिवेदनका अनुसार विश्वभर २३३ करोड मानिसलाई नियमित रूपमा पर्याप्त खाना पाउन संघर्ष गर्नुपरेको छ । विश्वव्यापी खाद्य असुरक्षा अझै पनि प्रि-कोभिड स्तर भन्दा उच्च छ । योसँगै विश्व पोषणका हिसाबले १५ वर्ष पछाडि गएको छ र कुपोषणको स्तर २००८–२००९ को स्तरमा पुगेको छ । ‘द स्टेट अफ फूड सेक्युरिटी एन्ड न्यूट्रिशन इन द वर्ल्ड २०२४’ प्रतिवेदन संयुक्त राष्ट्रसंघीय खाद्य तथा कृषि सङ्गठन, कृषि विकासका लागि अन्तर्राष्ट्रिय कोष, युनिसेफ, विश्व खाद्य कार्यक्रम र विश्व स्वास्थ्य संगठनले संयुक्त रुपमा प्रकाशित गरेको हो ।
वर्तमान अवस्था यस्तै रहेमा सन् २०३० सम्म करिब ५८ करोड २० लाख मानिस दीर्घकालीन कुपोषणबाट ग्रस्त हुने प्रतिवेदनले चेतावनी दिएको छ । यो अवस्था अफ्रिकाका लागि झन् चिन्ताजनक छ, किनभने यीमध्ये आधा मानिस अफ्रिकी महादेशका हुनेछन् ।
खाद्य तथा कृषि सङ्गठनका प्रमुख अर्थशास्त्री म्याक्सिमो टोरेरोका अनुसार विश्वलाई भोकमरी, खाद्य असुरक्षा र कुपोषणबाट मुक्त गर्ने लक्ष्यबाट हामी अझै धेरै पछाडि रहेका छौं । हाल, अफ्रिकाको २० प्रतिशतभन्दा बढी जनसंख्या खाद्य अभावबाट ग्रस्त छ ।
रिपोर्टका अनुसार दक्षिण अमेरिकामा यस दिशामा स्थिति केही सुधार भएको छ । त्यहाँ ६.२ प्रतिशत जनता खाद्यान्न अभावबाट पीडित छन् । यदि हामीले २०२२-२३ बीचको अवधिलाई हेर्दा पश्चिम एसिया, क्यारेबियन देशहरू र अफ्रिकाका धेरैजसो भागको अवस्था पहिले नै बिग्रिएको छ । अफ्रिकाको ५८ प्रतिशत जनसंख्या कुनै न कुनै रूपमा खाद्य असुरक्षाबाट प्रभावित छ ।
२०२२ मा, २८० करोडभन्दा बढी मानिसहरू पौष्टिक खाना किन्न असमर्थ थिएका थिए । यो समस्या कमजोर देशहरूमा अझ गम्भीर छ, जहाँ ७१.५ प्रतिशत जनसंख्या स्वस्थ पौष्टिक आहार खर्च गर्न असमर्थ रहेको थियो ।
प्रतिवेदनका अनुसार विश्वका १५ प्रतिशत बालबालिका अझै पनि कम तौलको समस्याबाट ग्रसित छन् । त्यस्तै २२.३ प्रतिशत पाँच वर्ष मुनिका बालबालिकाको उचाइ उनीहरूको उमेरको लागि कम छ । महिलामा रक्तअल्पताको समस्या पहिलेभन्दा झनै बढेको छ भने कमजोरीबाट पीडित बालबालिकाको सङ्ख्यामा खासै सुधार आएको छैन ।न्युज कारखाना
काठमाडौँ ।
श्रीलंका जारी महिला एशिया कपको फाइनलमा पुगेको छ । शुक्रबार राती सम्पन्न दोस्रो सेमिफाइनल खेलमा श्रीलंकाले पाकिस्तानलाई ३ विकेटले पराजित गर्दै प्रतियोगिताको फाइनलमा पुगेको हो ।
पाकिस्तानले दिएको १४१ रनको लक्ष्य पछाएको श्रीलंकाले १९.५ ओभरमा ७ विकेट गुमाउदै लक्ष्य पुरा गरेको थियो ।
यस अघि पाकिस्तानले पहिला ब्याटिंग गर्दै २० ओभरमा ४ विकेट गुमाउदै १४० रन बनाएको थियो ।
योजितपछि श्रीलंकाले फाइनलमा भारतको सामना गर्ने छ । शुक्रबार नै सम्पन्न पहिलो सेमिफाइनल खेलमा भारतले बंगलादेशलाई १० विकेटले पराजित गर्दै फाइनलमा पुगेको थियो । अब फाइनल खेल आइतबार हुने छ ।
यो हारसँगै पाकिस्तानको एशिया कप यात्रा टुंगिएको छ ।
न्युज कारखाना
काठमाडौँ । हाल देशभर मनसुनी वायुको प्रभाव रहेको छ। मनसुनको न्यून चापीय रेखा सरदर स्थानको आसपास अवस्थित छ ।
हाल देशभर आंशिक देखि साधारणतया बदली रहेको छ । बागमती, गण्डकी, लुम्बिनी र सुदूरपश्चिम प्रदेशका केही स्थानहरूमा तथा बाँकी प्रदेशका एक दुई स्थानमा हल्का देखि मध्यम वर्षा भइरहेको छ ।
आज दिउँसो देशभर साधारणतया बदली रहने छ। देशका केही स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। बागमती र सुदूरपश्चिम प्रदेशका एक-दुई स्थानमा भारी वर्षाको सम्भावना रहेको छ ।
त्यस्तै आज राती देशभर आंशिक देखि साधारणतया बदली रहने छ । कोशी, बागमती, गण्डकी, कर्णाली र सुदूरपश्चिम प्रदेशका केही स्थानहरूमा तथा बाँकी प्रदेशका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ। बागमती, गण्डकी, लुम्बिनी र सुदूरपश्चिम प्रदेशका एक दुई स्थानमा भारी वर्षाको सम्भावना रहेको छ ।
न्युज कारखाना
आजको राशिफल बि.सं.२०८१ साउन १२ गते शनिबार ई.सं.२०२४ जुलाई २७ नेपाल सम्बत ११४४ दिल्लागा सप्तमी, पिङगल नाम संवत्सर सूर्य उत्तरायणं ग्रीष्म ऋतु, श्रावण कृष्ण सप्तमी, चन्द्रमा मीन राशिमा, रेवती नक्षत्र, धृति योग, विष्टि करण । आज नेपालमा सूर्योदय बिहान ०५: २४ बजे, सूर्यास्त साँझ ०६: ५६ बजे हुनेछ । आज जन्म लिने बच्चा मीन राशीको हुनेछ ।
आज कुनै महत्वपूर्ण कार्यका लागि बाहिर निस्कनु पर्दा तिल मुखमा राखेर जुनसुकै दिशाको यात्रा गरेपनि शुभ फल प्राप्त हुनेछ । आज कुनै महत्वपूर्ण कार्यको शुरुवात वा शुभ यात्रामा निस्कदा आजका लागि शुभ समय बिहान ०७ बजेर ०५ मिनेट देखि ०८ बजेर ४७ मिनेट सम्म छ । यो समय नेपालको राष्ट्रिय समयमा आधारित छ । ठाउँ अनुसार समय, तिथि, नक्षत्र, ईत्यादीमा पनि अन्तर हुनेछ ।
मेष (चु, चे, चो, ला, लि, लु, ले, लो, अ) –
अवरोध र बाधा सिर्जना हुने तथा अनावश्यक खर्च बढ्ने समय छ, त्यसैले कुनै पनि जोखिमयुक्त काममा सहभागिता नजनाउनु नै बेस हुनेछ । लगानी गर्दा जोखिम र सङ्कटका बारेमा चिन्तन गर्नुहोला, व्यवसाय तर्फ मार्केटिङ, यातायात व्यवसायी र ढुवानीको क्षेत्रमा लाभ लिन सक्नुहुन्छ । तालसाँचो बलियो बनाउनु होला, सानो भुलचुकमा ठूलो नोक्सानी हुनसक्छ । अनावश्यक खर्चको योग भएकाले किनमेल गर्दा पनि सजग रहनुपर्छ । आजका लागि शुभअङ्क ३, शुभ रङ सेतो र शुभ दिशा उत्तर हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ महाकालाय नमः यस मन्त्रलाई कम्तीमा २१ पटक जाप गरी प्रारम्भ गर्नुहोला, पक्कै पनि लाभ हुनेछ ।
बृष (इ, उ, ए, ओ, बा, बि, बु, बे, बो) –
रिजल्टको प्रतीक्षामा हुनुहुन्छ भने आशाअनुरूप परिणाम प्राप्त हुनेछ । आशावादी बनेर लक्ष्यप्रति केन्द्रित भएमा हाँके÷ताकेका काम पूरा गर्न सजिलो हुनेछ । दाजुभाइको सरसहयोगमा केही समय बिताउनुपर्ने हुन्छ, त्यस्तै परिवारजनको आवश्यकता वा छोराछोरीको उन्नतिप्रगतिका निमित्त पनि खट्नुपर्ने समय छ । राज्यपक्ष वा प्रशासनिक कामका साथै प्रतिष्ठा जोडिएको काममा सफलता मिल्नेछ । सिनियर्सलाई रिझाउन नसके पनि सहकर्मी साथीहरूको सहयोगले कुनै महत्त्वपूर्ण काम सम्पादन हुनेछ । सोखका निमित्त दैनिक खर्चमा बृद्धि हुनसक्छ । आजका लागि शुभअङ्क २, शुभ रङ कलेजी र शुभ दिशा पश्चिम हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ हिरण्यगर्भाय नमः यस मन्त्रलाई कम्तीमा ०७ पटक जाप गरी प्रारम्भ गर्नुहोला, पक्कै पनि लाभ हुनेछ ।
मिथुन (का, कि, कु, घ, ङ, छ, के, को, ह) –
व्यवसायिक कामको चाप बढ्नसक्छ अथवा कुनै कामका लागि टाढा जानुपर्ने बाध्यता हुनेछ, यद्यपि एकआपसमा अपेक्षित माया एवं समझदारी कायम रहनेछ । कुटनैतिक क्षमताको उपयोग गर्नाले सम्मान र प्रशंसा पाइने छ, अझ मौखिक अभिव्यक्ति वा कलात्मक कामका माध्यमबाट धनरकमसमेत जुटाउन सक्नुहुन्छ । लेखन÷प्रकाशनको काम, परामर्श सेवा, लेखा सेवा, कन्सल्टेन्सी, वकालत, शेयर मार्केट, कम्प्यूटरसम्बद्ध काम वा वाणीप्रधान कामबाट फाइदा लिने दिन हो । आजका लागि शुभअङ्क १, शुभ रङ कलेजी÷गाढा रातो र शुभ दिशा दक्षिण हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ घृणि सूर्याय नमः यस मन्त्रलाई कम्तीमा ०७ पटक जाप गरी प्रारम्भ गर्नुहोला, पक्कै पनि लाभ हुनेछ ।
कर्कट (हि, हु, हे, हो, डा, डि, डु, डे, डो) –
धार्मिक÷सामाजिक काममा खट्नुपर्दा घरायसी कामको बोझ बढ्ने दिन हो, तर पनि सबैको प्रशंसा बटुल्न पाउँदा आनन्दित र सन्तुष्ट बन्ने समय छ । प्रशस्त सम्भावना र उपलब्धिहरू भएको राम्रो दिन छ, सानो प्रयासले राम्रो नतिजाका साथै सम्मान र जस पाउन सकिने छ । घरपरिवार, आफन्त र साथीभाइको सहयोग गर्न तत्परता देखाउने समय हो, तर पनि आफू त्यत्ति हलुका बन्नुहुँदैन, जसबाट उनीहरूले तपाईंको कमजोरी र उदार स्वभावको अनावश्यक फाइदा उठाउन सकून्। । आजका लागि शुभअङ्क ९, शुभ रङ पहेंलो÷सुन्तले र शुभ दिशा पूर्व हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ बृं बृहस्पतये नमः यस मन्त्रलाई कम्तीमा १९ पटक जाप गरी प्रारम्भ गर्नुहोला, पक्कै पनि लाभ हुनेछ ।
सिंह (मा, मि, मु, मे, मो, टा, टि, टु, टे) –
पुराना समस्या बल्झिनाले वा कुनै गोप्य दस्ताबेज बाहिरिनाले तनाव बढ्नसक्ने दिन छ, त्यसैले सचेत र संयम भएर काम गर्नु ठीक हुन्छ । मनमा चिन्ता र निराशा बढ्ने दिन हो, त्यस्ता चालचलन र व्यवहारप्रति आफूलाई सजग राख्नुपर्छ, जसले लवमेटको गुनासो बढ्ने गर्दछ । गुप्त र गोपनीय काम वा सीपबाट धनार्जन गर्ने समय हो । अनुसन्धान, गुप्तचर, कुटनीति आदि क्षेत्रमा रहेकाले राम्रो उन्नति गर्नसक्ने समय छ । आजका लागि शुभअङ्क ८, शुभ रङ गुलाबी वा सिन्दुरे र शुभ दिशा उत्तर हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ ह्रां ह्रीं ह्रौं सः सूर्याय नमः यस मन्त्रलाई कम्तीमा ०७ पटक जाप गरी प्रारम्भ गर्नुहोला, पक्कै पनि लाभ हुनेछ ।
कन्या (टो, प, पि, पु, ष, ण, ठ, पे, पो) –
इच्छाअनुरूप एकान्तमा बस्न पाउने अवसर मिल्नेछ, यस अवसरमा मनमा जरो गाडेर बसेको कुनै कुरा छ भने साथीलाई बताउनु होला । आज राम्रा र नयाँ डिजाइनका लुगाफाटा पहिरने सौख जाग्नेछ, आफ्नै लागि वा जीवनसाथीका लागि वस्त्र वा आभूषणादि खरीद गर्ने मनसाय बन्नसक्छ । भौतिक उपकरण वा सुखसुविधाको वस्तु खरिद गर्ने समय हो, नयाँ लगानी गर्नु छ भने जीवनसाथीको नाममा सुरु गर्नुहोस्, फाइदा हुनेछ । आजका लागि शुभअङ्क ७, शुभ रङ रातो र शुभ दिशा पश्चिम हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ लक्ष्मीनारायणाभ्यां नमः यस मन्त्रलाई कम्तीमा ११ पटक जाप गरी प्रारम्भ गर्नुहोला, पक्कै पनि लाभ हुनेछ ।
तुला (र, रि, रु, रे, रो, ता, ति, तु, ते) –
निराशा र कुण्ठा बढ्ने समय हो, नबुझेको कुनै कुरा छ भने एकान्तमा बसेर दोहोर्याएर प्रयत्न गर्नुपर्छ, नयाँ बाटो पहिल्याउन सकिन्छ । आफूलाई अरुभन्दा फरक साबित गर्न प्रयास गर्ने दिन हो, मनोद्वेग र रिसराग बढ्ने समय भएकाले घरव्यवहारमा आफूलाई संयमित ढंगले प्रस्तुत गनुपर्छ, तर्क वा बहसमा विजय प्राप्त हुनेछ । कामको बोझ बढ्नेछ, तथापि हरेक क्रियाकलापमा हतार गर्नुहुँदैन । जुनसुकै काममा प्रशासनिक समस्या र कानुनी पक्षबारे चिन्तन गर्नु ठीक हुन्छ । आजका लागि शुभअङ्क ६, शुभ रङ पहेंलो र शुभ दिशा दक्षिण हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ धन्वन्तरीदेवाय नमः यस मन्त्रलाई कम्तीमा ११ पटक जाप गरी प्रारम्भ गर्नुहोला, पक्कै पनि लाभ हुनेछ ।
बृश्चिक (तो, ना, नि, नु, ने, नो, या, यि, यु) –
दार्शनिकताप्रति झुकाव बढ्नेछ र स्वभावमा गम्भीरता प्राप्त हुनेछ । रहस्यात्मक विषय र गूढ विज्ञानमा रुचि जाग्ने समय हो । आत्मविश्वासमा बृद्धि हुनाले थप सफलता प्राप्त हुनेछ । शिक्षाक्षेत्र, आर्थिक कारोबार, सुनचाँदी जस्ता गहनागुरियाका व्यापारीका लागि राम्रो दिन देखिन्छ । मन फुरुङ्ग हुनुका साथै सृजनात्मक क्षमताको प्रस्फुटन हुनेछ, टाढा रहेका आफन्त वा छोराछोरीबाट राम्रो समाचार सुन्न पाइने छ । आजका लागि शुभअङ्क ५, शुभ रङ कलेजी÷गाढा रातो र शुभ दिशा पूर्व हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ भास्कराय नमः यस मन्त्रलाई कम्तीमा ०७ पटक जाप गरी प्रारम्भ गर्नुहोला, पक्कै पनि लाभ हुनेछ ।
धनु (ये, यो, भ, भि, भु, ध, फा, ढ, भे) –
व्यवहारिक कारणले कारोबारमा बाधा हुनसक्छ, तर सागपात, फलफूल, रत्नमाणिक्य, फोटोग्राफी वा भिडियोमिक्सिङ आदिको कारोबारमा मनग्ये लाभ पाउने समय हो । कुनै कुरालाई लिएर दाम्पत्य जीवनमा वैचारिक मतभेद देखा पर्नेछ, जुनसुकै कुरामा धैर्य र सकारात्मक रहनु कल्याणकारी र लाभदायक ठहरिने छ । गुरुजनको मार्गदर्शन अवलम्बन गर्दा अनुभवलाई तिखार्ने अवसर मिल्नेछ, सुखको चाहनाले लक्ष्यमा बिलम्ब हुनसक्छ, अनि आमाको आशीर्वादले हरेक काममा सफलता दिलाउनेछ । आजका लागि शुभअङ्क ४, शुभ रङ सिम्रिक रातो र शुभ दिशा उत्तर हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ नमश्चण्डिकायै यस मन्त्रलाई कम्तीमा ०९ पटक जाप गरी प्रारम्भ गर्नुहोला, पक्कै पनि लाभ हुनेछ ।
मकर (भो, ज, जि, खि, खु, खे, खो, गा, गि) –
धार्मिक र सामाजिक प्रयोजनका काममा चासो बढ्ने समय छ, रमाइला गतिविधिमा आजको दिन व्यतीत हुनेछ, प्रतिभा र सीपको कदर हुनेछ । महत्वपूर्ण कार्य सम्पन्न हुनाले आत्मविश्वास बढ्नेछ । सहकर्मी वा मित्रको सहयोगबाट कुनै महत्त्वपूर्ण काम सम्पन्न हुनाले मन प्रसन्न रहने छ । बहुप्रतीक्षित आकाङ्क्षाले पूर्णता पाउने समय हो । साथीसंगीसित रमाइलो भेटघाट हुनेछ, एकआपसका गुनासा सुन्ने दिन हो, देखिएका चुनौती पन्छाएर पनि परिस्थिति अनुकूल बनाउन सकिने छ । आजका लागि शुभअङ्क ३, शुभ रङ गुलाबी वा सिन्दुरे र शुभ दिशा पश्चिम हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ विघ्नविनाशिने नमः यस मन्त्रलाई कम्तीमा २१ पटक जाप गरी प्रारम्भ गर्नुहोला, पक्कै पनि लाभ हुनेछ ।
कुम्भ (गु, गे, गो, सा, सि, सु, से, सो, द) –
आफ्नो शब्द र वचनले कसैको मन नदुखोस् भन्ने कुरामा ख्याल राख्ने समय हो, किनकि राम्रो वचनको मूल्य धेरै हुन्छ, तर दुर्वचन मूल्यहीन हुन्छ, तर यसबाट अमूल्य सम्बन्धमा आघात पुग्नसक्छ । कार्यक्षमताको प्रदर्शन गर्दै धन, मान र प्रतिष्ठा कमाउने समय हो, नयाँ प्रविधि वा सामाजिक सञ्जालको प्रयोग गरेमासमेत फाइदा लिन सकिने छ । व्यक्तिगत खुसीका लागि कुनै कुरामा खर्च बढ्ने समय हो, आर्थिक पक्ष कमजोर भएमा पार्टनरको सहायता लिन सकिने छ । आजका लागि शुभअङ्क २, शुभ रङ सेतो÷उज्यालो र शुभ दिशा दक्षिण हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ महालक्ष्म्यै नमः यस मन्त्रलाई कम्तीमा ११ पटक जाप गरी प्रारम्भ गर्नुहोला, पक्कै पनि लाभ हुनेछ ।
मीन (दि, दु, थ, झ, ञ, दे, दो, च, चि) –
कार्यस्थल र घरपरिवारमा खुसी र उमङ्गको वातारवरण रहेको छ । आर्थिक मन्दी चल्दैछ भने नयाँ रणनीति कार्यान्वयन गर्नुहोस्, सफलता पाउन सक्नुहुन्छ । नयाँ ठाउँमा घुम्न जाने वा कुनै नयाँ काम प्रारम्भ गर्ने समय छ, घरैमा बसे पनि भविष्यमा चाहिने वस्तुको जोहो गरिने छ । नयाँ कुरा पढ्ने वा सिक्ने रहर जागेर आउने छ । नजानेको विषयवस्तुप्रति केन्द्रित हुन सकेमा उपलब्धि लिन सक्नुहुन्छ । आजका लागि शुभअङ्क १, शुभ रङ पहेंलो÷सुन्तले र शुभ दिशा पूर्व हो । त्यस्तै कुनै नगरी नहुने काम छ वा अचानक यात्रामा जानुछ भने आज ॐ गुं गुरवे नमः यस मन्त्रलाई कम्तीमा १९ पटक जाप गरी प्रारम्भ गर्नुहोला, पक्कै पनि लाभ हुनेछ ।
(ज्यो.पं – हरिप्रसाद भण्डारी बरिष्ठ ज्योतिष एवं वास्तुविद सम्पर्क नं ९७७– ९८४२२१९७३५)
न्युज कारखाना
