प्रकाश सिलवाल,काठमाडौँ, ३० कात्तिक :
बेइजिङ, ३० कार्तिक ।
चीनमा आगलागीमा परी हालसम्म ११ जनाको मृत्यु भएको छ ।
चीनको लुलियाङ प्रान्तको शान्सी प्रान्तमा रहेको एक कोइला कम्पनीको भवनमा आगलागी हुँदा ११ जनाको मृत्यु भएको हो ।
यो घटना स्थानिय समय अनुसार बिहान करिब ७ बजेको हो।
उक्त घटनापछि हालसम्म भवनबाट ६३ जनालाई बाहिर निकालिएको छ, जसमध्ये ५१ जनाको स्थानीय अस्पतालमा उपचार भइरहेको छ ।
घटनास्थल नजिकै उद्धार कार्य जारी छ । आगलागीको कारणबारे अनुसन्धान भइरहेको छ ।
मुम्बई, ३० कार्तिक ।
सलमान खानको टाइगर ३ बक्स अफिसमा धुम मच्चिरहेको छ ।
सलमान खान, कट्रिना कैफ र इमरान हाश्मी अभिनित स्पाइ थ्रिलर फिल्मले रिलिजको पहिलो तीन दिनमै दर्शकको राम्रो प्रतिक्रिया पाएको छ । तर अहिले टाइगरको चमक अलि घटेको देखिन्छ । जस अनुसार यो फिल्मले अपेक्षित ब्यापार नगरेको जनाइएको छ ।
रिपोर्टमा विश्वास गर्ने हो भने टाइगर ३ को चौथो दिनको कमाई पहिलो तीन दिनको तुलनामा आधाले घटेको छ ।
सकनिल्कको रिपोर्ट अनुसार सलमान खान र कट्रिना कैफको फिल्मले चौथो दिन २२ करोड कमाएको छ । यद्यपि यो प्रारम्भिक रिपोर्ट अनुमान हो र यसमा केही तथ्याङ्कहरू थोरै फरक हुन सक्छन् । रिपोर्टका अनुसार टाइगर ३ ले पहिलो तीन दिनमा सबै भाषा मिलेर १४७.५० करोड कमाएको थियो । अर्थात् अहिलेसम्म फिल्मको कुल कलेक्सन १६९.८० करोड भइसकेको छ ।
सलमान खान, कट्रिना कैफ र इमरान हाश्मीको फिल्म टाइगर ३ ले सनी देओलको गदर २ लाई कमाईको मामिलामा कडा टक्कर दिइरहेको छ । सक्कनिल्कको रिपोर्ट अनुसार गदर २ ले पनि पहिलो दिन ४० करोडभन्दा बढी कमाई गरेको थियो भने चार दिनमा १७४.३ करोड कमाएको थियो । योसँगै टाइगर ३ को तथ्यांक पनि गदर २ सँग मिल्ने देखिन्छ । टाइगर फ्रेन्चाइजीको तेस्रो किस्ता मनिष शर्माले निर्देशन गरेका हुन् ।
फिल्ममा सलमान खानसँगै कट्रिना कैफ र इमरान हाश्मी मुख्य भूमिकामा छन् । यस बाहेक शाहरुख खान र ऋतिक रोशनको क्यामियो रोल देख्न सकिन्छ ।
तेल अहिब, ३० कार्तिक ।
युनिसेफका कार्यकारी निर्देशक क्याथरिन रसेलले गाजा पट्टी र इजरायलको भ्रमण पुर्व दुर्घटनामा परेकी छिन ।
जुुन दुर्घटनाका कारण उनले आफ्नो इजरायल भ्रमण रद्द गर्नुपरेको छ ।
बुधबार युनिसेफका मिडिया प्रमुख कर्टिस कुपरले भने, ‘रफाह जाने बाटोमा कारले ठूलो खाल्डोमा ठक्कर दिएको वा पल्टने प्रयास गरेको हामी विश्वास गर्छौं, जसले गर्दा कार खाल्डोमा पुग्यो र पल्टियो।’
उनले रसेललाई चोट लागेको र धेरै पीडामा रहेको तर उनको चोट भने खासै गम्भीर नभएको बताए । उनले भने कि रसेलले गाजाको आफ्नो यात्रा जारी राखे र त्यस पछि डाक्टरहरूले निर्णय गरे कि उसलाई थप हेरचाह चाहिन्छ, त्यसैले रसेलले आफ्नो बाँकी क्षेत्रको यात्रा रद्द गरे।
तर, गाजा बाहेक उनी इजरायल पनि जान लागेकी थिइन् । उनले गाजा र इजरायलमा भएको आक्रमणमा मारिएका बालबालिकाका परिवारलाई भेट्ने कार्यक्रम रहेको थियो ।
वासिगटन डिसी, ३० कार्तिक ।
अमेरिकी राष्ट्रपति जो बाइडेनले आफना चिनियाँ समकक्षी सि जिनपिङ ‘तानाशाह’ भएको पुनः टिप्पणी गरेका छन् ।
अमेरिकामा समकक्षी जिनपिङसँग भेटबार्ता पछि पत्रकारहरुसँग कुराकानी गर्दै वाइडेनले जिनपिङलाइ ‘तानाशाह’ भनि टिप्पणी गरेका हुन् ।
सिएनएनका अनुसार वाइडेनले आफ्नो अघिल्लो टिप्पणी ‘तानाशाह’ लाई दोहोरयाएका छन । उसका अनुसार वाइडेनले चिनियाँ राष्ट्रपति सी जिनपिङलाई पुनः ‘तानाशाह’ भनेका छन, त्यो पनि दुई नेताले शिखर सम्मेलनको लागि भेटेको केही घण्टा पछि नै । यद्धपी, वाइडनेले दुई देश बिचको बार्तालाई ‘सबैभन्दा फलदायी वार्ता’को रूपमा वर्णन भने गरेका छन् ।
सीएनएनको एमजे लीले सोधेका थिए, ‘यदि राष्ट्रपतिले सीलाई विगतमा जस्तै ‘तानाशाह’को रूपमा वर्णन गर्नुहुन्छ ?’ जवाफमा बाइडेनले भने, ‘हेर्नुहोस्, उहाँ हुनुहुन्छ ।’
उनले अगाडी भने, ‘उनी यस अर्थमा तानाशाह हुन् कि उनी कम्युनिस्ट भएको देश चलाउने नेता हुन् र त चिनियाँ सरकार हाम्रो भन्दा पूर्ण रूपमा फरक छ।’
बाइडेनले यसअघि क्यालिफोर्नियामा भएको एक कार्यक्रममा चिनियाँ राष्ट्रपति सीलाई पहिलाे पटक ‘तानाशाह’ सँग तुलना गरेका थिए किनभने उनले फेब्रुअरीमा चिनियाँ बेलुनलाई अमेरिकी लडाकु विमानहरू खसालेको भन्ने बिबाद बाहिरिएको बेला यस्तो टिप्पणी गरेका थिए ।
वासिंगटन डिसी, ३० कार्तिक ।
अमेरिकी राष्ट्रपति जो वाइडेनले बाइडेनले चिनियाँ समकक्षी सि जिनपिङसँगको भेटबार्ता पछि इजरायल बारे टिप्पणी गरेका छन् ।
राष्ट्रपति वाइडेनले इजरायली प्रधानमन्त्रीलाई गाजालाई कब्जा गर्न वा पुनः कब्जा गर्ने तथा यसलाई नियन्त्रणमा राख्ने प्रयास गर्नु गल्ती हुने बताएका छन ।
उनले जारी युद्धको एक मात्र अन्तिम समाधान दुई राज्यको नीति भएको पनि प्रस्ट पारेका छन् ।
इजरायली प्रधानमन्त्रीलाई पनि वाइडेनले भनेका छन कि इजरायलको कर्तव्य हो कि तिनीहरूको अपरेशनमा सर्वसाधारणलाई चोटपटक लाग्नु हुन्न, उनीहरुलाई युद्धको नाममा अपराध गरिनु हुन्न् ।
उनले हमासद्वारा बन्धक बनाएकाहरूलाई मद्दत गर्ने सन्दर्भमा उल्लेख गर्दै भनेका छन कि, ‘यो लक्ष्य हासिल गर्नको लागि उसले आफ्नो शक्तिमा सबै गरिरहेको छ ।’ सोही क्रममा उनले भने, उनले इजरायली सेना गाजा भित्र जान र बन्दीहरूलाई मुक्त गर्न पूर्ण रूपमा असफल भएको बताएका छन ।
सान फ्रासिन्सिको, ३० कार्तिक ।
अमेरिकी राष्ट्रपति जो बाइडेन र चीनियाँ राष्ट्रपति सी जिनपिङ बिचमा भेटबार्ता भएको छ ।
सो क्रममा अमेरिकी राष्ट्रपति वाइडेनले दुई देश बिचको सम्बन्धको अवस्थालाई रचनात्मक र फलदायी बैठकको रूपमा वर्णन गरेका छन ।
उनले सीसँगको वार्ता पछि भने, ‘हामीले केही रचनात्मक र फलदायी छलफलहरू गरेका छौं तर हामी सधैं सहमत सबै बिषयमा भएका त छैनौं ।’ उनका अनुसार राष्ट्रपति सीसँगको उनको वार्ता सधैं प्रस्ट रुपमा हुने गरेको छ ।
‘मेरो जिम्मेवारी यसलाई तर्कसंगत र व्यवस्थित बनाउनु हो ताकि यसले द्वन्द्वमा नलैजाओस, अमेरिकाले सबैको बारेमा सोच्ने र गर्ने पनि यही हो। अब पनि एक ठाउँ खोज्न जहाँ हामी सँगै आउन सक्छौं र जहाँ हामी पारस्परिक चासो पाउन सक्छौं र सबैभन्दा महत्त्वपूर्ण अमेरिकी जनताको हितमा मैले काम गर्नुपर्ने हुन्छ’ सो भेट पछि राष्ट्रपति वाइडेनले भने ।
बाइडेनले उपराष्ट्रपतिको रूपमा आफ्नो समयमा सीसँग गहिरो सम्बन्ध बनाएका थिए तर जुन पछि बिग्रँदै गयो। तैपनि उनले सीसँग सीधा सिधा बार्ता गरेका छन् ।
‘म मानिसलाई चाँडो चिन्दछु, मलाई उहाँको मोडस अपरेन्डी थाहा छ, मैले उहाँको आँखामा हेरे,’ उनले भने, ‘हो हामी बिचमा धेरै नै असहमति छ। उहाँसँग धेरै चीजहरूमा मेरो भन्दा फरक दृष्टिकोण छ तर उहाँ सीधा हुनुहुन्छ।’
उनका अनुसार दुई नेता बिचमा कुनै समस्या भएमा फोन बार्तामार्फत समस्या समाधान गर्नका लागि सहमत भएका छन ताकी दुवै देश अगाडि बढ्ने कुरा गर्न चाहन्छन्।
चार घण्टा लामो शिखर वार्तामा दुई नेताले फेन्टानिलको प्रवाहलाई रोक्न, सैन्य सञ्चार पुनर्स्थापना र आर्टिफिसियल इन्टेलिजेन्समा सँगै काम गर्ने विषयमा सहमति जनाएका बाइडेनले बताएका छन् ।
बिडेनले भने कि फेन्टानिलका लागि अग्रसर रसायनहरू कम गर्ने चीनको सम्झौताले जीवन बचाउने र यस विषयमा सीको प्रतिबद्धताको कदर गरेकोसमेत बताएका छन् ।
राैतहट,कार्तिक २९ गते ।
रौतहटको मौलापुर नगरपालिका वाड नं. १ मर्यादपुरमा अवस्थित श्री माध्यमिक बिद्यालयमा अध्ययनरत बिद्यार्थीहरुलाई विद्यालय पोशाक बितरण गरिएको छ । मौलापुर नगरपालिकाका नगर प्रमुख रिना कुमारी साह उपमेयर नागेन्द्र प्रसाद यादव प्रमुख प्रशासकीय अधिकृत रामबाबु साह तथा वडा अध्यक्ष जयनाथ कुशवाहाको उपस्थितीमा विद्यार्थीलाई विद्यालय पोशाक वितरण गरिएको हो ।
श्री माध्यमिक बिद्यालयका १ सय जना बिद्यार्थीहरुलाइ स्कुल ड्रेस हस्तान्तरण गरेको सोही बिद्यालयका प्रधानाध्यापक दिनदयाल साहले जानकारी दिनुभयो । यस बिद्यालयमा प्राय दलित,बिपन्न तथा गरिब बिद्यार्थी अध्ययन गदै आएको उहाँले बताउनुभयो । विद्यालय पोशाक पाएपछि विद्यार्थीहरु भने हर्षित भएका थिए । कार्यक्रममा मौलापुर नगरपालिका वडा न.१ का वडा सदस्य नवलकिशोर प्रसाद यादव ,राजेन्द्र मुखिया कार्यपालिका सदस्य बैधनाथ प्रसाद जैसवाल समाजसेवी बुद्धिजीवी भोला पाण्डेय ,उपेन्द्र मुखिया , शम्भु यादव , सुरेन्द्र यादव ,ब्रजमोहनलाल कर्ण,ओमनारायण महतो,अवधलाल यादव , बिधानन्द यादव ,बालाशंकर कुशवाहा ,अरबिन्द यादव , बिजय यादव ,विद्यालयका प्रधानाध्यापक, शिक्षक, अभिभावक लगायतको सहभागिता रहेको थियोे ।
तेल अहिब, ३० कार्तिक ।
इजरायली सेनाले गाजास्थित अल शिफा अस्पताल भित्रको भिडियो मेटाएको छ ।
इजरायली प्रकाशन हारेट्जका अनुसार इजरायली सेनाले बिहीबार टविटर (एक्स) मा अपलोड गरिएको एक सोशल मिडिया पोस्ट हटाएको थियो, जसले गाजाको अल शिफा अस्पताल भित्र हतियार राखिएको केही प्रमाणको रुपमा देखाईएको थियो ।
समाचारमा भनिएको छ कि इजरायली सेनाले पोस्ट हटाउनको लागि कुनै स्पष्टीकरण प्रकाशित गरेको छैन, जे होस हतास हटाईएको छ ।
अनलाइन टिप्पणीकर्ताहरूले इजरायली सेना र फक्स न्यूज संवाददाताले पोस्ट गरेका तस्बिरहरूको केही असंगतिलाई पनि औंल्याए पछि अल शिफा अस्पताल भित्र छापा मार्दा एम्बेड गरिएको जनाईएको थियो।
इजरायली सेनाका प्रवक्ता लेफ्टिनेन्ट कर्नल जोनाथन कोनरिकस देखाइएको भिडियोलाई इजरायली सेनाले पछि पोस्ट गरेको थियो, जसको केही अंश पहिले नै धमिलो पारिएको थियो, जसले क्लिपमा प्रस्तुत गरिएका प्रमाणहरूको प्रामाणिकतामा प्रश्न खडा गरेको थियो।
कार्तिक २९ गते, रौतहट ।
रौतहटको गरुडा नगरपालिकाका मेयर कन्थमनी प्रसाद जयसवालले छठ पर्वको उपलक्ष्यमा गरुडा नगरपालिका-२ मा छठ ब्रतालुहरुलाई साडी एवं पुजाका लागि आवश्यक पर्ने सामाग्री वितरण गरेका छन् ।
सहयोगी मनका धनी, सधै गरिव असहायलाई सहयोग गरिरहने तथा समाजसेवा गर्नेमा विशाल हृदय भएका मेयर जयसवालले पालिकाका अति गरिव एवं विपन्न समुदायका छठ ब्रत गर्ने महिलाहरुलाई केही दिन देखि खोजी खोजी दउरा, सुपली र साडी सेट बितरण गरिरहेका छन् ।
तेस्रो दिन आज नगर प्रमुख जय स्वालले गेडहिगुठिका अति गरिब तथ बिपन्न १५१ जना छठ ब्रतालु महिलालाइ प्रती महिला एक एक सेट दउरा, सुपली र साडी सेट बितरण गरेका हुन ।
एस अघि उनले पोठियाही र जिङगडियामा गरि कुल ३ सय २ जना परिवारलाई छठ पुजा सामाग्री बितरण गरिसकेका छन ।
नगर प्रमुख जयसवालले नगरपालिकाका प्रत्येक वडाका गरिव, असहाय एवं अति विपन्न परिवारका छठ पर्व गर्ने ब्रतालु महिलाहरुलाई दउरा, सुपली र साडी सेट वितरण गर्ने उदेश्यले छठ सामाग्री बितरण गर्न थालेको बताएका छन ।
छठको ब्रत गर्ने आर्थिक रुपले पछाडि परेका अति गरिव, विपन्न, असहाय एवं दलित महिलाहरुलाई केही सहयोग हुने उद्देश्यले पालिकाको तर्फबाट प्रति महिला एक,एक थान दउरा, सुपली र साडी सेट वितरण गरेका छन् ।
आर्थिक रुपमा कमजोर भएका महिलाहरुले छठ पर्वको सामाग्री किन्न नसक्ने भएको हुँदा पर्वमा पैसाको अभावमा छठको सामाग्री जोहो गर्नबाट कसैले बञ्चित नहोस र आफुले पर्वमा केही न केही सहयोग गर्ने उद्देश्यले उक्त सामाग्रीहरु वितरण शुरु गरेको उनले बताए ।
हरेक वर्ष झै यस वर्ष पनि गरिब असहाय छठ व्रतालुहरुलाई साड़ी र दउरा सुपली वितरण गरिएको मेयर जयसवालले बताए ।
हिन्दु धर्म संस्कृतिमा छठपर्वका बेला ब्रतालुले सम्भव भए नयाँ चोखो पहिरण लगाएर ब्रत गर्नुपर्ने हो । सोही अभिलाशालाई पुर्ण गर्न हरेक वर्ष झै यसवर्षपनि आवश्यक्ता हेरेर दिन दुःखीलाई छठपुजाका लागी साडी सेट तथा दउरा, सुपली वितरण गरेको उनले बताए ।
सो क्रममा छठपर्वको शुभकामना दिदै उनले आफ्नो पालिकाको प्रत्येक जनताको सुख दुःखमा आफु सरिक हुन पाउँदा आफुलाई निकै गर्ववान्वित महशुस हुने गरेको बताए ।
निकै सुद्ध र आस्थाका साथ मनाईने यस पर्वको विशेष महत्व रहेकोले आफुले गरेको सहयोगबाट विपन्न र असहाय व्रतालुहरुलाई ठुलो राहत हुने र उनिहरु खÞुशीका साथ पर्व मनाउन सक्ने उनले विश्वास व्यक्त गरे ।
मेयर जयसवालले यस अघि पनि प्रत्येक वर्ष छठ पर्व गर्ने हजारौ ब्रतालुहरुलाई छठ पुजाका लागि आवश्यक पर्ने सामाग्री र साडी सेट एक अभियान नै सञ्चालन गरी वितरण गर्दै आएका छन् ।
मेयर जयसवाल मेयरमा निर्वाचित हुनुभन्दा अघि पनि आफनै व्यक्तिगत लगानीमा प्रत्येक वर्ष दिन दुखी गरिव ब्रतालुहरुलाई लाखौंको छठ पुजा सामाग्री वितरण गर्ने गरेका थिए ।
