काठमाडौं । काठमाडौंका विभिन्न स्थानमा आइतबारदेखि सात दिनसम्म बिजुली अवरूद्ध हुने भएको छ। विद्युत् प्राधिकरणअन्तर्गतको काठमाडौं उपत्यका पश्चिम वितरण प्रणाली सुदृढीकरण आयोजनाले सूचना जारी गर्दै काठमाडौंका विभिन्न वितरण केन्द्रअन्तर्गतका विभिन्न स्थानमा दैनिक ४ घन्टा बिजुली अवरूद्ध हुने जनाएको हो।
आयोजनाले विद्युतीय लाइन भूमिगत गर्ने कार्यका लागि विभिन्न स्थानमा बिहान ११ बजेदेखि दिउँसो ३ बजेसम्म विद्युत आपूर्ति बन्द हुने जनाएको छ।
आइतबार जोरपाटी वितरण केन्द्रको डाँची फिडर अन्तर्गत मूलपानी पीपलबोटदेखि बाबा चोकसम्मको क्षेत्रमा विद्युत् अवरूद्ध हुनेछ।
सोमबार कुलेश्वर वितरण केन्द्रको कालीमाटी फिडर अन्तर्गत रविभवनदेखि कलंकी मन्दिरसम्मको क्षेत्रमा विद्युत् अवरूद्ध हुनेछ।
मंगलबार वानेश्वर वितरण केन्द्रको कोटेश्वर फिडर अन्तर्गत तीनकुने पुलदेखि महादेव खोला पुलसम्मको क्षेत्रमा विद्युत् अवरूद्ध हुनेछ।
बुधबार कीर्तिपुर वितरण केन्द्रको कीर्तिपुर फिडर अन्तर्गतका पाँगा सडक क्षेत्रमा विद्युत् अवरूद्ध हुनेछ।
बिहीबार कुलेश्वर वितरण केन्द्रको ताहाचल फिडर अन्तर्गतका कालीमाटी चोक क्षेत्रमा विद्युत् अवरूद्ध हुनेछ।
शुक्रबार वानेश्वर वितरण केन्द्रको बौद्ध क्षेत्रमा महाकाल फिडर अन्तर्गत पर्ने स्थानमा विद्युत् अवरूद्ध हुनेछ।
शनिबार कीर्तिपुर वितरण केन्द्रको रोपवे र मच्छेगाउँ फिडर अन्तर्गतका नगाउँ क्षेत्रमा विद्युत अवरूद्ध हुने आयोजनाले जनाएको छ।
मौसम प्रतिकूल भएको अवस्थामा भने विद्युत् आपूर्ति बन्द नहुने आयोजनाले जनाएको छ। ती क्षेत्रमा हाइटेन्सन लाइन मर्मत र कन्डक्टर स्तरोन्नतिका लागि फिडर सटडाउनमा राख्नुपर्ने भएकाले विद्युत आपूर्ति बन्द रहने प्राधिकरणले जनाएको छ।
समय अगाडि नै काम सकिएको अवस्थामा ५ बजेभन्दा अगाडि नै विद्युत् आपूर्ति सूरू गरिने प्राधिकरणले जनाएको छ।न्युज कारखाना
काठमाडौँ । स्पेनले युरोकप अन्तर्गत क्रोसियामाथि शानदार जित हासिल गरेको छ ।
गएराती सम्पन्न समुह बी अन्तर्गतको खेलमा स्पेनले क्रोसियालाई ३-० गोल अन्तरले पराजित गरेको हो ।
स्पेनको जितमा अल्भारो मोराटा, फबियान रुइज र डानी कारभाजलले एक एक गोल गरेका थिए । स्पेनले तिनै गोल खेलको पहिलो हाफमा गरेको थियो । खेलमा क्रोसियाले धेरै अवसर पाएपनि गोलमा परिणत गर्न भने सकेन । क्रोसियाले खेलको ८०औ मिनेटमा पाएको पेनाल्टी ब्रुनो पेटकोभिकले मिस गरेका थिए ।
यो जितपछि स्पेनले युरोकपमा शानदार शुरुवात गर्दै समुह बी मा महत्वपूर्ण ३ अंक हासिल गरेको छ ।
अब स्पेनले दोस्रो खेलमा इटालीसँग जुन २१ मा खेल्ने छ । त्यस्तै क्रोसियाले भने अर्को खेल जुन १९ मा अल्बानियासँग खेल्ने तालिका छ ।न्युज कारखाना
धनगढी । नेपाल–भारत सीमा नजिकबाट हराएका दुई बालकको उद्धार गरी नेपाल ल्याइएको छ।
कञ्चनपुरको दोधारा चाँदनी नगरपालिका-४ का दुई बालक जेठ ७ गते स्कुलबाट घर नफर्किएपछि खोजी थालिएको थियो। सहयात्री नेपाल संस्थाले विभिन्न निकायसँग समन्वय गरी बालकहरूलाई शुक्रबार नेपाल ल्याएर परिवारको जिम्मा लगाएको हो।
उनीहरूलाई भारतको राजकीय बाल गृह, शाहजहांपुरले आश्रय दिएर राखेको थियो। उक्त सूचना पाएपछि भारत पुगेर बालकलाई फर्काइएको सहयात्री नेपालका अध्यक्ष ऋतिक शाहीले बताए।
भारतस्थित नेपाली दूतावासको कार्यालय, मानव वेचबिखन अनुसन्धान ब्यूरो, दोधारा चाँदनी नगरपालिका र वडा कार्यालय, जिल्ला प्रहरी कार्यालय कञ्चनपुर र इलाका प्रहरी कार्यालय दोधारासँगको समन्वयमा उनीहरूको उद्धार गरिएको हो।न्युज कारखाना
काठमाडौँ । स्वीजरल्याण्डले युरोकप अन्तर्गत विजयी शुरुवात गरेको छ ।
शनिबार सम्पन्न समुह ए अन्तर्गतको खेलमा स्वीजरल्याण्डले हंगेरीलाई ३ -१ गोल अन्तरले पराजित गरेको हो ।
स्वीजरल्याण्डको जितमा क्वाडवो दुआह, माइकल अबिचेर र बरील एम्बोलोले एक एक गोल गरेका थिए । स्वीजरल्याण्डले २ गोल पहिलो हाफमा गरेको थियो भने तेस्रो गोल दोस्रो हाफमा गरेको थियो । त्यस्तै हंगेरीले एक गोल खेलको ६६औ मिनेटमा फर्काएको थियो । हंगेरीका लागि बार्नाबास भार्गाले गोल गरेका थिए ।
यो जितपछि स्वीजरल्याण्डले पहिलो खेलमा जित हासिल गरेर महत्वपूर्ण ३ अंक हसिल गरेको छ । समुह ए मा आयोजक जर्मनीले पनि पहिलो खेल जितेर ३ अंक हासिल गरेको छ ।
अब स्वीजरल्याण्डले दोस्रो खेल जुन २० मा स्कटल्याण्डसँग खेल्ने छ भने हंगेरीले जर्मनीसँग जुन १९ मा खेल्ने तालिका रहेको छ ।
काठमाडौँ । जारी आइसीसी टी-२० विश्वकप अन्तर्गत आज दुई खेल हुदै छन् । आज समुह बी अन्तर्गत अस्ट्रेलिया र स्कटल्याण्डबीच खेल हुदै छ ।
सेन्ट लुसियास्थित डारेन समी नेशनल स्टेडियममा हुने यो खेल नेपाली समय अनुसार बिहान ६: १५ बजेदेखि शुरु हुने छ ।
जारी विश्वकपमा अस्ट्रेलिया लगातार तीन खेलमा जित हासिल गर्दै सुपर आठमा पुगिसकेको छ । त्यस्तै यस खेलको नतिजाले सुपर आठमा समुह बी बाट पुग्ने दोस्रो देशको टुंगो लाग्ने छ । यो खेल स्कटल्याण्डले जितेका स्कटल्याण्ड सुपर आठमा पुग्ने छ । त्यस्तै अस्ट्रेलियाले जितेमा भने इङल्यान्डको सम्भावना बन्ने छ ।
स्कटल्याण्डको ३ खेलमा २ खेल र एक खेल बर्षाले रद्ध हुदा ५ अंक रहेको छ र अहिले दोस्रो स्थानमा रहेको छ ।
अस्ट्रेलिया र स्कटल्याण्डबीच अहिलेसम्म टी-२० अन्तर्राष्टिय खेल भएको छैन र दुवै देशबीच यो पहिलो पटक खेल हुदै छ ।
त्यस्तै आज दोस्रो खेल समुह ए अन्तर्गत पाकिस्तान र आयरल्याण्डबीच हुदै छ । दुवै देश सुपर आठको दौडबाट बाहिरिएकाले यस खेलको नतिजाले कुनै अर्थ भने राख्दैन । समुह ए बाट भारत र अमेरिका सुपर आठमा पुगिसकेका छन् । पाकिस्तानले अहिलेसम्म ३ खेलमा एक जित र २ हार बेहोरेको छ भने आयरल्याण्डले ३ खेलमा २ हार बेहोरेको छ भने एक खेल बर्षाले रद्ध भएको छ ।
न्युज कारखाना
रौतहट,०१ गते असार ।
रौतहटको परोहा नगरपालिका वडा नम्बर ६ मा रहेको श्री प्राथमिक बिधालय बसन्तपट्टीमा आज बिधालय व्यवस्थापन समिति गठन गरिएको छ । सो बिधालयका अभिभावकहरुको एक भेलाले सर्वसहमती रुपमा नयाँ बिधालय व्यवस्थापन समिति चयन गरेको हो । बिधालयको नयाँ अध्यक्षको रुपमा स्थानिय रामपुुकार पटेललाइ सर्वसहमतीले चुनिएको परोहा नगरपालिकाका शिक्षा शाखा प्रमुख संतोष पटेलले जानकारी गराएका हुन् । शनिवारका दिन नयाँ समिति चयनका लागि अभिभावक भेला बोलाइएको थियो । भेला बाट अध्यक्ष बाहेक सदस्य पदमा चयन हुनेहरुमा विन्दु देवी,कोमल कुुमारी पटेल ,संजय पटेल र सुुबोध पटेल रहेको प्रधानाध्यापक रिता देवी पटेलको बताइन् । सो अवसरमा वडा अध्यक्ष रामविलास राउत कुर्मी लगायत बिधालयका अभिभावकहरु ,स्थानिय भद्रभलादमी, सुरक्षाकर्मी,पत्रकारको उपस्थिती रहेको स्थानिय पत्रकार कमल यादवले जानकारी गराएका हुन् । परोहा नगरपालिकामा धार्मिक र सामुदायिक गरि कुल २२ वटा वटा बिधालय रहेकोमा १० वटामा विधालय व्यवस्थापन समिति चयन भइसकेको शिक्षा शाखा प्रमुख पटेलको भनाइ छ । बाँकी रहेका बिधालयहरुमा विव्यस गठन गर्ने प्रक्रिया जारी रहेको बताए । सो नगरपालिकामा ४ वटा धार्मिक बिधालय रहेका छन् ।
काठमाडौं,०१ गते असार ।
आम जनता पार्टी (आजपा)ले भोली (२ असार) देखी काठमाडौंमा छुटाछुटै माग सहितका दुईटा संघर्षका कार्यक्रम एकैसाथ सुरु गर्दैछ । आजपा निकटको आईटी आर्मीले वैदेशिक रोजगारी क्षेत्रका पीडितहरुलाई न्याय दिलाउन भोली (आईतवार)देखी काठमाडौंको ताहाचल स्थित वैदेशिक रोजगार विभाग घेराउ गर्दैछ ।
उता आजपाले कबाड व्यवसायीहरुको शान्ति, सुरक्षा, समृद्धि र सम्मानका लागि भोली देखी नै काठमाडौंको माईतिघर मण्डलामा धर्ना एवं प्रदर्शन कार्यक्रम गर्दैछ । यसैबीच आजपाको केन्द्रीय कार्यालय कोटेश्वरमा शनिबार बसेको काठमाडौं उपत्यका विशेष कमिटीको बैठकले दुवै आन्दोलनलाई सफल बनाउँने निर्णय गरेको छ । आईटी आर्मीका केन्द्रिय सदस्य रामशरण यादवले बताए ।उपत्यका विशेष कमिटीका अध्यक्ष देवी पण्डितको अध्यक्षतामा बसेको बैठकमा आजपा अध्यक्ष एवं पूर्वमन्त्री प्रभु साहको विशेष सहभागिता रहेको थियो । बैठकलाई सम्बोधन गर्दै अध्यक्ष साहले दलाल दलतन्त्रको अन्त्य नभएसम्म भ्रष्टाचार, कुशासन एवं अनियमितताको अन्त्य नहुने भएकाले आन्दोलनका कार्यक्रम गर्नुपरेको बताए । छुटाछुटै माग सहित हुने दुवै आन्दोलनलाई सफल बनाउँन सबै एकजुट भएर लाग्नुपर्ने निर्देशन उनले दिए । यस अघि पनि आजपा निकटको आम सम्पर्क मञ्चले बिभिन्न माग गर्दै काठमाडौंको त्रिपुरेश्वर स्थित भन्सार विभाग महिनौं दिनसम्म घेराउ तथा धर्ना दिएको थियो । भन्सार विभाग र आन्दोलनरत पक्षका बीचमा सहमती भएपछि सो आन्दोलनका कार्यक्रम स्थगित भएको थियो । आईटी आर्मीले वैदेशिक रोजगारीमा जाने कामदारसँग लिएको अबैध रकम फिर्ता गराउन तथा यस क्षेत्रका विविध समस्याहरु समाधान गर्नमाग गर्दै आन्दोलनका कार्यक्रम घोषणा गरेको हो । आईटी आर्मीका अध्यक्ष चन्द्रभुषण साहले विदेश जाने कामदारसँग अवैध ढंगले लिएको रकम फिर्ता गर्नुपर्ने, ठग मेनपावर र ऐजेंटलाई कारवाही गर्नुपर्ने, बेरोजगार युवाहरुलाई नेपालमै रोजगारी दिनुपर्ने, वैदेशिक रोजगार पीडितहरूलाई न्याय दिनुपर्ने, विदेशमा अल्पत्र परेकाहरुको उद्दार गर्नुपर्ने, असुरक्षित रोजगारीमा पठाउने अधिकारीलाई कारवाई गर्नुपर्ने, फ्री – भिसा फ्री – टिकट व्यवहारतः लागू गर्नुपर्ने, नीजी मेनपावरहरु खारेज गरी विदेशमा कामदार पठाउने जिम्मा राज्यले लिनुपर्ने लगायतका माग सरकारले सम्बोधन नगरेकाले आन्दोलन गर्नुपरेको बताए । उता कवाड व्यवसायी संघर्ष समितिले काठमाडौं उपत्यकाभित्र कबाड व्यवसायीहरुको सुरक्षा, समृद्धि र सम्मानका लागि भोलीदेखी नै माईतिघर मण्डलामा शान्तिपुर्ण धर्ना एवं प्रदर्शन गर्दैछ ।
पछिल्लो समय काठमाडौं महानगरका मेयर बालेन (बालेन्द) शाहले कानून तथा अदालतको अन्तरिम आदेश विपरित दुख दिन थालेपछि आन्दोलनमा उत्रिन बाध्य भएको कबाड व्यवसायीहरुले जनाएका छन् । माईतिघरमा धर्ना एवं प्रदर्शन गर्ने कार्यक्रम बनाएका कबाड व्यवसायीहरुले ४ असारमा काठमाडौं महानगरपालिका समेत घेराउ गर्ने जनाएका छन् ।
रौतहट,०१ गते असार ।
रौतहटमा एक जना प्रधानाध्यापकले आफ्नो निजी पैसाले जमिन किनेर विद्यालयलाई दान दिएका छन् । रौतहटको देवाही गोनाही नगरपालिकाको वडा नम्बर ७ उचिडिह गाउँमा संचालनमा रहेको आधारभूत माध्यमिक विद्यालयका प्रधानाध्यापक मुक्ति कुशवाहाले लाखौँ रुपैयाको जमिन किनेर विद्यालयलाई दान दिएका हुन् । प्रअ कुशवाहाले आठ लाख रुपैयामा एक कट्ठा जमिन किनेर विद्यालयलाई दान किनेका हुन् । विद्यालयमा जमिनको अभावमा कक्षा कोठा निर्माण भइ नरहेको तथा राष्ट्रपति शैक्षिक सुधार कार्यक्रमको बजेट रोकिएर बसेको अवस्थामा प्रअ कुशवाहाले आठ लाख रुपैयामा जमिन किनेर विद्यालयलाई दान दिएका हुन् । रौतहटको कटहरिया नगरपालिका वडा नम्बर १ भसेढवाका स्थायी निबासी प्रअ कुशवाहाले आफ्नो निजी पैसाले जमिन किनेर विद्यालयलाई जमिन हस्तान्तरण गरेपछि देवाही गोनाही नगरपालिकाले सम्मानित गरेको छ । नगर प्रमुख प्रेमलाल साहसहित नगरपालिकाको टोलीले प्रअ कुशवाहाको योगदानको कदर गर्दै सम्मानित गरेको हो । विद्यालयसँगै जोडिएको जमिन प्रअ कुशवाहाले किनेर विद्यालयलाई दानमा दिएका हुन् । विद्यालयमा जमिनको अभाव रहेको तथा जमिन किन्न विद्यालयमा आन्तरिक स्रोतको अभाव रहेको अवस्थामा प्रअ कुशवाहाले आठ लाख रुपैया लगानी गरेका हुन् । प्रअ कुशवाहाले उपलब्ध गराएको जमिनमा विद्यालयको भवन निर्माण हुन थालेको छ । राष्ट्रपति शैक्षिक सुधार कार्यक्रमबाट ३६ लाख रुपैयामा विद्यालयको लागि ४ कोठे भवन निर्माणको काम अगाडि बढेको छ । यसै गरी नगरपालिकाले पनि दुई कोठे भवन निर्माणको काम अगाडि बढाएको छ । नगरपालिकाको १५ लाखको लगानीमा अर्को दुई कोठे भवन निर्माण हुन थालेको हो । विद्यालयमा भवनको अभाव रहेको छ । जमिनको अभाव पूरा भएसँगै निर्माण भइरहेका दुवै भवनको निर्माण सम्पन्न भएपछि विद्यालयमा कक्षाकोठाको समस्या धेरै हदसम्म समाधान हुने प्रअ कुशवाहाको भनाइ छ । विद्यालय भवनको अभावमा विद्यार्थीलाई धेरै समस्या भइरहेको अवस्थामा अबको केही दिनमा भवन र कक्षाकोठाको समस्या समाधान हुने विश्वास आफूले लिएको प्रअ कुशवाहाको भनाइ छ । प्रअ कुशवाहाले विद्यालयलाई आफ्नो निजी लगानीमा जमिन किनेर उपलब्ध गराएपछि सबैले प्रशंसा गरेका छन् । प्रअ कुशवाहाको नेतृत्वमा विद्यालयले अझै प्रगति गर्ने विश्वास स्थानीयवासीले लिएका छन् ।
राैतहट,१ गते असार ।
रौतहट जिल्लाको गौर नगरपालिका वार्ड न.४ टिकुलिया स्थित केराघारीमा हत्या गरी फालिएको अवस्थामा एक युवकको शब फेला परेको छ हत्या गरी एक युवकको लाश फालिएको भनि प्राप्त भएको सुचनाको आधारमा गएको प्रहरीको टोलीले उक्त युवकको शब बारामद गरेको हो। हत्या गरिएको अवस्थामा बारामद भएको युवकको शब स्थानीय टिकुलिया निवासी शुभनारायण सहनीको २० बर्सिय छोरा रोहित सहनीको रुपमा पहिचान गरिएको जिल्ला प्रहरी कार्यालय रौतहटका प्रबक्ता प्रहरी नायब उपरिक्षक एलिजा गिरिले जानकारी दिएका छन्। निर्मम तरिकाले कुटपिट गरि हत्या गरेर फालेको अवस्थामा बारामद भएको युवकको शबको बारेमा थप अनुसन्धान भई रहेको र शब परिक्षणको लागि प्रादेशिक अस्पताल गौरमा राखिएको प्रहरी नायब उपरिक्षक गिरीले जनाएको हो। त्यसै गरी राजदेवी नगरपालिका वडा नम्बर ५ स्थित बागमती नदीमा पहिचान नखुलेको अवस्थामा एक युवकको शब फेला परेको छ। बागमती नदीमा तैरिदै गरेको अवस्थामा फेला परेको युवकको पहिचान हुन नसकेको र शब परिक्षणको लागि प्रादेशिक अस्पताल गौरमा राखिएको जिल्ला प्रहरी कार्यालयले जनाएको छ। यस अघि रौतहटको राजपुर नगरपालिका वडा नम्बर १ स्थित हुलाकी राजमार्ग सडक खण्ड नजिक हत्या गरिएको अवस्थामा एक भारतीय नागरिकको शब फेला परेको थियो
सर्लाही,०१ गते असार ।
राष्ट्रिय लोक तथा दोहोरी गीत प्रतिष्ठान मधेस प्रदेशको अध्यक्षमा लोकप्रिय गायक रुद्रसेन विश्वकर्मा चयन भएका छन् । प्रतिष्ठानको केन्द्रीय नेतृत्वको उपस्थितिमा बर्दिवासमा आयोजना भएको कलाकर्मीको भेलाबाट अध्यक्षमा विश्वकर्मा सहित १३ सदस्यीय कार्यसमिति सर्वसम्मत चयन भएको हो । भेलाले उपाध्यक्षमा सुनिता बराल, सचिवमा विनोद ढुङ्गेल, कोषाध्यक्षमा राधा गौतम र सदस्यहरुमा रुवि झा, सरोज कुमार सन्त, शर्मिला रमौली, दीपक शर्मा, तेज नारायण शर्मा, सारथि लामा, नीर कुमारी विश्वकर्मा(सविना), अरुणा चौधरी, राधा शर्मा र सरोज सन्तलाई चयन गरेको छ l कार्यसमितिको चयनपछि माइनट र संस्थाको बिधान अध्यक्षलाई हस्तान्तरण गर्दै केन्द्रीय अध्यक्ष रिता थापाले बिधान अनुसार मधेस प्रतिष्ठान चलाउन आग्रह गरिन् । सो समारोमा मधेसमा लोक तथा दोहोरी गीत प्रतिष्ठानको शाखा गठन गर्नुलाई ऐतिहासिक उपलब्धी भन्दै प्रतिष्ठानकी केन्द्रीय अध्यक्ष थापाले कलाकर्मीको हित र भलाईका लागि केन्द्र संधै साथमा छ भन्ने विश्वास सहित अघि बढ्न सुझाव दिएकी थिईन् । मधेसमा प्रतिष्ठानको बीउ रोपिएकाले अब कलाको बिरुवा हुर्कने, फुल्ने, फक्रने र फल्ने आशा एवं विश्वास रहेको अध्यक्ष थापाले बताइन् । भेलामा सङ्गठन विभाग प्रमुख सुवास केसीले प्रतिष्ठानको साङ्गठनिक इतिहास र अवस्थाबारे जानकारी गराएका थिए भने उपमहासचिव शिरीष देवकोटाले प्रतिष्ठान लोक तथा दोहोरी गाउनेको मात्र नभएर सबै कलाकर्मीको संस्था भएको बताए । महोत्तरी जिल्लाबाट केन्द्रिय समितिमा नेतृत्व गरिरहेका कृष्ण प्रसाद गौतमको पहलमा आयोजना भएको सो भेलामा कृष्ण प्रसाद गौतमले कार्यक्रम सहजीकरण गरेका थिए । सो भेलामा अतिथिको रुपमा सहभागी होटल तथा पर्यटन व्यावसायी महासङ्घ मधेस प्रदेश अध्यक्ष हिरा गौतमले मधेसमा कलाकर्मीको कमी नभएको तर खोजी गर्ने र उजागर गर्ने नेतृत्वको कमी रहेको भेलाले महसुस गराएको बताए ।
