काठमाडौँ ।
जुलाई १३, पेन्सिलभेनिया, संयुक्त राज्य अमेरिकाको बटलर शहर । पूर्व राष्ट्रपति डोनाल्ड ट्रम्प चुनावी र्यालीलाई सम्बोधन गर्दै थिए । गोली लाग्दा उनले १५ मिनेट मात्रै बोलेका थिए । केही समयपछि ट्रम्पले जारी गरेको विज्ञप्तिमा गोली उनको कानमा लागेको र उनी खतरामुक्त रहेको बताए ।
ट्रम्प पहिलो अमेरिकी राष्ट्रपति वा पूर्व राष्ट्रपति होइनन् जसलाई हत्याको प्रयास गरिएको छ । अमेरिकाको राजनीतिक इतिहासमा धेरै नामहरू छन् जसको या त हत्या भएको छ वा हत्या गर्ने प्रयास गरिएको छ । यस रिपोर्टमा यस बारेमा चर्चा गरिएको छ ।
अब्राहम लिंकन
१४ अप्रिल, १८६५ मा, अमेरिकाका १६औं राष्ट्रपति अब्राहम लिंकन वाशिंगटनको फोर्डको थिएटरमा ‘अवर अमेरिकन कजिन’ नाटक हेर्दै थिए । घटनाको समयमा बालकनीमा बसेका लिंकनका सुरक्षा गार्ड ‘जोन पार्कर’ उनीसँग थिएनन् । अन्तरालमै उनी त्यहाँबाट निस्किएका थिए । राति १०.१५ बजे मौका देखेर आक्रमणकारी जोन विक्स बुथले लिंकनको टाउकोको पछाडि गोली हानेका थिए । लिंकनलाई अस्पताल लगियो, जहाँ उनको भोलिपल्ट, अप्रिल १५ मा मृत्यु भयो । शूटर, जोन वाइक्स बुथ, एक पेशेवर अभिनेता थिए । लिंकनलाई गोली हानेका
जोन विक्स बूथले १० दिनपछि भर्जिनियामा अमेरिकी सेनाको सामना गरे । जहाँ उनको हत्या भएको थियो ।
जेम्स गारफिल्ड
जुलाई २, १८८१ मा, संयुक्त राज्य अमेरिकाका २०औं राष्ट्रपति जेम्स गारफिल्ड, वाशिंगटन, डीसीको बालमोर स्टेसन हुँदै न्यू इङ्गल्याण्डको लागि रेल चढ्दै थिए । त्यसपछि चार्ल्स गुइटु नामक व्यक्तिले उनलाई गोली हाने। त्यतिबेला उनी चार महिना मात्रै पदमा बसेका थिए । टेलिफोनका आविष्कारक ग्राहम बेलले विशेष मेसिन प्रयोग गरेर राष्ट्रपतिको छातीमा लागेको गोली हटाउन धेरै प्रयास गरे तर सफल भएनन् । साढे दुई महिनापछि १९ सेप्टेम्बरमा उनको निधन भयो । चार्ल्स गुइटुलाई गारफिल्डको हत्याको दोषी ठहर गरिएको थियो। गोली हानिएको एक वर्षपछि उनलाई फाँसी दिइएको थियो ।
विलियम म्याकिन्ले
सेप्टेम्बर ६, १९०१ मा, अमेरिकाको २५औं राष्ट्रपति विलियम म्याकिन्लीलाई गोली हानिएको थियो । भैंसीमा भाषण दिएर मानिसहरूसँग हात मिलाउँदै गर्दा एक व्यक्तिले छातीमा दुई गोली हानेका थिए । म्याककिन्ले निको हुनेमा डाक्टरहरू आशावादी थिए, तर गोलीको कारणले गर्दा उनको ग्याङ्ग्रीन विकास भयो र उनको सेप्टेम्बर १४, १९०१ मा मृत्यु भयो । २८ वर्षीय लियोन एफ जोल्गोजले गोली चलाएको स्वीकार गरे । उनी अधिनायकवाद विरोधी थिए । उनी परीक्षणमा दोषी पाइयो र अक्टोबर २९, १९०१ मा इलेक्ट्रिक कुर्सीमा मृत्युदण्डको सजाय सुनाइयो ।
जोन एफ केनेडी
नोभेम्बर २२, १९६३ मा, जोन एफ केनेडी, अमेरिकाको ३५औं राष्ट्रपतिको हत्या गरियो । उनी खुल्ला कारमा यात्रा गरिरहेका बेला गोली प्रहार भएको थियो । राष्ट्रपतिको सुरक्षामा खटिएका सिपाहीले उनलाई पार्कल्याण्ड मेमोरियल अस्पताल लगेका थिए । तर, दिउँसो १ बजे चिकित्सकले उनलाई मृत घोषणा गरेका थिए । केनेडीको कारमा यात्रा गरिरहेका गभर्नर कोनली पनि यस आक्रमणमा घाइते भए, तर उनी चाँडै निको भए ।
केनेडीलाई गोली हान्ने व्यक्ति पूर्व मरीन ली हार्वे ओसवाल्ड थिए । ओसवाल्डलाई पुलिसले गिरफ्तार गरेको थियो, तर दुई दिन पछि ओसवाल्डको पनि केनेडी समर्थकले हत्या गरेको थियो । यो घटनाले अमेरिका लगायत विश्वमा हलचल मच्चाएको छ । उनको हत्याको रहस्य भने अहिलेसम्म खुल्न सकेको छैन ।
रोनाल्ड रेगन
३० मार्च १९८१ तत्कालीन अमेरिकी राष्ट्रपति रोनाल्ड रेगन वासिङ्टन डिसीमा एक कार्यक्रममा भाग लिएपछि कडा सुरक्षाबीच कारमा बस्न लागेका थिए । उनको वरिपरि मिडिया र मानिसहरुको भीड थियो । त्यही भीडबाट अचानक एकजना व्यक्ति निस्किए र रेगनमाथि गोली चलाउन थालेका थिए । गोली चलाउने व्यक्तिको नाम जोन हिन्कले थियो । उनको एउटा गोली बुलेटप्रुफ कारको विन्डशिल्डमा लागेको थियो र रेगनको छातीमा पसेको थियो। केही समय अस्पतालमा बसेपछि रेगनलाई बचाइएको थियो । यस घटनामा रेगनका तीन सहयोगीलाई पनि गोली लागेको थियो। तर, गोली लागेका चारैजना बाँच्न सफल भएका छन् ।
हिन्क्लीले अदालतलाई भने, उनी त्यस समयकी चर्चित अभिनेत्री जोडी फोस्टरलाई प्रभावित गर्न चाहन्छन् । फोस्टर फिल्म ‘ट्याक्सी ड्राइभर’ मा अभिनय गरेर चर्चित भइन् । अदालतमा हिन्क्लेका वकिलहरूले उनलाई ‘पागल’ घोषित गरे जसका कारण उनले मृत्युदण्ड भएन र २०२२ मा, अदालतले हिन्क्लेलाई पूर्ण रूपमा सफाइ दियो ।न्युज कारखाना
काठमाडौँ ।
भारतले जिम्बाबेविरुद्धको टी-२० सिरिज ४-१ ले जितेको छ । आइतबार सम्पन्न सिरिजको अन्तिम तथा पाँचौं खेलमा भारतले जिम्बाबेलाई ४२ रनले पराजित गरेको हो ।
भारतले दिएको १६८ रनको लक्ष्य पछाएको जिम्बाबे १८.३ ओभरमा १२५ रन बनाएर अल आउट भएको थियो । यस अघि भारतले पहिला ब्याटिंग गर्दै ६ विकेट गुमाएर १६७ रन बनाएको थियो ।
यस सिरिजमा पहिलो खेल जिम्बाबेले जितेको थियो भने त्यसपछिका चारै खेल भारतले जितेको थियो ।
यससँगै यस सिरिजको प्लेयर अफ द सिरिज भारतका वाशिंगटन सुन्दर बनेका छन् ।न्युज कारखाना
काठमाडौँ । प्रधानमन्त्री केपी शर्मा ओलीले आज शपथ लिदै छन् । राष्ट्रपति कार्यालय शीतल निवासमा आयोजित एक कार्यक्रममा राष्ट्रपति रामचन्द्र पौडेलले प्रधानमन्त्री ओलीलाई बिहान ११ बजे पद तथा गोपनियताको शपथ गराउने कार्यक्रम तय गरिएको छ । आजै नवनियुक्त मन्त्रीहरुले पनि शपथ दिलाउने तयारी गरिएको छ ।
आइतबार राष्ट्रपति पौडेलले संबिधानको धारा ७६ को उपधारा २ अनुसार ओलीलाई प्रधानमन्त्रीमा नियुक्त्त गरेका थिए ।
ओली चौथो पटक प्रधानमन्त्री बनेका हुन् । उनी पहिलो पटक २०७२ असोज २५ गते प्रधानमन्त्री बनेका थिए भने दोस्रो पटक २०७४ फागुन ३ गते प्रधानमन्त्री नियुक्त भएका थिए । त्यस्तै उनी तेस्रो पटक २०७८ बैशाख ३० गते प्रधानमन्त्रीमा नियुक्त भएका थिए ।
यस अघि शुक्रबार राति नेपाली कांग्रेसको समर्थनमा ओलीले प्रधानमन्त्रीमा आफ्नो दाबेदारी पेश गरेका थिए । कांग्रेस र एमालेका १६६ सांसदको हस्ताक्षरसहित ओलीले प्रधानमन्त्रीमा दाबि पेश गरेका थिए ।
तत्कालिन पुष्पकमल दाहाल प्रचण्ड नेतृत्वको सरकारले शुक्रबार नै संसदमा विश्वासको मत प्राप्त गर्न नसकेपछि सरकार ढलेको थियो । त्यसपछि राष्ट्रपति पौडेलले संबिधानको धारा ७६ को उपधारा २ अनुसार दुई वा दुईभन्दा बढी दलको समर्थन लिएर सरकार बनाउन दाबि पेश गर्न आइतबार ५ बजेसम्मको समय दिएका थिए ।
ओली प्रधानमन्त्रीमा नियुक्त भएपछि कांग्रेस र एमाले सोमबार बिहाननै मन्त्रीहरुको पनि शपथ गराउने तयारीमा रहेका छन् । अहिलेसम्म कांग्रेस-एमालेले मन्त्रीहरुको छनौट गर्ने क्रममा रहेका छन् । अहिलेसम्म कांग्रेसबाट प्रकाशमान सिंह, रमेश लेखक, आरजु राणा, प्रदीप पौडेल लगायतको मन्त्री बन्ने चर्चा छ भने एमालेबाट विष्णु पौडेल, योगेश भट्टराई, छबिलाल विश्वकर्मा, विद्या भट्टराई, सुनिता बराल, पदम गिरीलगायत मन्त्री बन्ने चर्चा रहेको छ ।
त्यस्तै कांग्रेस र एमालेबीच मन्त्रालयको बाँडफाँड भएको छ । जस अनुसार नेपाली काँग्रेसले गृह मन्त्रालय, परराष्ट्र, ऊर्जा, जलस्रोत तथा सिँचाइ, सहरी विकास, स्वास्थ्य, पर्यटन तथा नागरिक उड्डयन, कानुन, न्याय तथा संसदीय व्यवस्था मन्त्रालय पाउने बताइएको छ ।
त्यस्तै नेकपा एमालेले अर्थ मन्त्रालय, रक्षा, भौतिक पूर्वाधार, संघीय मामिला तथा सामान्य प्रशासन, शिक्षा, विज्ञान तथा प्रविधि, भूमि व्यवस्था सञ्चार तथा सूचना प्रविधि र उद्योग वाणिज्य तथा आपूर्ति मन्त्रालय पाउने भएको छ ।न्युज कारखाना
काठमाडौँ । अर्जेन्टिना र कोलम्बियाबीचको कोपा अमेरिका फाइनल खेल निर्धारित समयमा शुरु हुन सकेको छैन ।
अमेरिकाको मियामीस्थित हार्ड रक स्टेडियममा नेपाली समय अनुसार बिहान ५: ४५ बजेदेखि शुरु हुनुपर्ने खेल अब नेपाली समय अनुसार ७ बजेदेखि शुरु हुने बताइएको छ ।
स्टेडियममा फ्यानहरुको भिड र टिकट नलिएका फ्यानहरु जबर्जस्ती घुस्न खोजेपछि स्थिति नियन्त्रण बाहिर गएको थियो । आयोजकहरुले टिकट नभएका फ्यानहरुलाई पनि स्टेडियममा जान दिने भने पनि अवस्था नियन्त्रणमा आउन नसकेपछि खेल एक घण्टा १५ मिनेट ढिलो भएको छ । मिडिया रिपोर्टका अनुसार प्रहरीले केहि समर्थकहरुलाई हिरासतमा समेत लिएको छ ।
अत्याधिक गर्मीका कारण कैयौं समर्थकहरु बेहोस समेत भएको र उनीहरुलाई उपचार गरिएको दृश्य समत सार्बजनिक भएका छन् ।न्युज कारखाना
काठमाडौँ । स्पेनका कार्लोस अल्काराजले यस बर्षको विम्बल्डन पुरुष सिंगलको उपाधि जितेका छन् ।
अल्काराजले सर्बियाका नेभाक जोकोभिचलाई सोझो तीन सेटमा पराजति गर्दै लगातार दोस्रो बर्ष विम्बल्डनको उपाधि जितेका छन् । २१ बर्षिय अल्काराजले ६-२, ६-२, र ७-६ को सोझो सेटमा जोकोभिचलाई पराजित गरेका हुन् । उनले २०२३ को फाइनलमा पनि जोकोभिचलाई पराजित गर्दै उपाधि जितेका थिए ।
युवा खेलाडी अल्कारेजको यो चौथो ग्राण्ड स्लाम उपाधि हो । उनले दुई विम्बल्डनसहित यसै बर्ष फ्रेन्च ओपन र २०२२ मा युएस ओपन जितेका थिए ।
त्यस्तै यस अघि सात पटक विम्बल्डन जितेका जोकोभिच लगातार दोस्रो बर्ष उपविजेता बनेका छन् । २०२३ मा अस्ट्रेलियन, फ्रेन्च र युएस ओपन जितेका जोकोभिच यस बर्ष भने उपाधि विहिन बनेका छन् । न्युज कारखाना
रौतहट, असार ३० गते । रौतहटको देवाही नगरपालिकामा नव निर्मित राधाकृष्ण मन्दिरमा हुने प्राण-प्रतिष्ठाको बिशाल कलश यात्रा निकालिएको छ । देवाही नगरपालिका-९ धरहरीमा रहेको राधाकृष्ण मन्दिरको प्राङगढबाट करिब २५१ कुमारी कन्या द्रारा बाजागाजासहित निकालिएको साे कलश यात्रा गरुडा नगरपालिकाकाे पाेठियाही हुदै शिवनगर स्थित चान्दी खोलामा जलभरेर मन्दिरमा स्थापित गरिएकाे मन्दिरका पुजारी रामनाथ राय यादवले बताए ।
हिन्दुहरुको अस्थाकाे केन्द्र राधाकृष्ण मन्दिरमा भगवान श्री कृष्णा र राधाकाे मुर्तिलाई प्राण-प्रतिष्ठा गर्न कलश यात्रा निकालिएकाे मन्दिर समितिले जनाएको छ । मन्दिरमा प्राण-प्रतिष्ठा भएपछि प्रतिमाको रुपमा रहेको भगवान श्री राधाकृष्णकाे पुजाआजा गर्ने पुजारी यादवले बताएका छन । असार ३० गते शुरु भएको यज्ञमा पहिलो दिन कलश यात्रा दाेस्राे दिन असार ३१ गते प्राण-प्रतिष्ठा र तेस्रो दिन श्रावण १ गते भणडारा तथा यज्ञ पुर्णाहुति गरिने पुजा समितिले जनाएको छ ।२०६४ साल मंसिर १६ गते स्थापना भएको साे मन्दिर आर्थिक अभावका कारण अधुरो रहेको थियोे ।
लामो समयदेखि अधुरो रहेको मन्दिरलाई देवाही गाेनाही नगरपालिका वडा नम्बर ३”का वडा अध्यक्ष संजय पटेलकाे सहयाेगबाट सम्पन भएको छ । करिब १७ वर्ष देखि अधुरो मन्दिरलाई स्थानीय रामनाथ यादवले आफ्नो दुई कठ्ठा जग्गा धितोमा राखी शिलान्यास गराएका थिए ।धार्मिक आस्थाकाे रुपमा रहेको राधा कृष्ण मंदिरलाई स्थानीय स्तरबाट चन्दा संकलन गरि छत ढलान सम्म पुर्याएका थिए ।त्यसपछि स्थानीय तहकाे स्थापना भएपछि वडामा निर्वाचित तत्कालीन वडा अध्यक्ष राजेश साहले २०७८ सालमा वडा स्तरीय याेजनाबाट २ लाख रुपैयाँ छुट्टयाई अधुरो मन्दिरको छत ढलान कार्य सम्पन गराएका थिए ।
तरपनि मन्दिर अधुराे नै रहे २०७८ देखि नै पलास्टर र रंग राेधन बिना अधुरो मन्दिरमा यता आएर वडा अध्यक्ष पटेलले आफ्नो निजी खल्तीबाट ३ लाख रुपैया सहयोग गरि अधुरो मन्दिरको निर्माणकार्य संम्पन गराएपछि प्राण-प्रतिष्ठा हुन लागिएको पुजा समितिले जानकारी दए । मन्दिरमा स्थापना हुन लागिएकाे मर्तीकाे सम्पूर्ण खर्च स्थानिय जाेहन राय यादवले दिएको मन्दिरका पुजारी यादवले बताए ।
पुजारी यादवले याे भन्दा पहिलापनि ठाउँ ठाउँमा पिपलकाे रुख राेपेर समाजमा आफ्नो नाम स्थापित गरि चर्चा कमाएको छ ।कलश यात्रामा देवाही गाेनाही नगरपालिकाका मेयर प्रेमलाल साह वडा अध्यक्ष वीर बहादुर साह,पुर्व वडा अध्यक्ष राजेश साह युवा नेता नन्दकिशोर यादव विवेक यादव,नागेन्द्र यादव,पनिलाल यादव,रामनरेश ठाकुर स्थानीय भद्रभलादमी बुद्धिजीवी ईलाका प्रहरी कार्यालय देवाही गाेनाहीका सुरक्षाकर्मी पत्रकार लगाएत महिला तथा पुरुष गरि करिब पाँच सयकाे संख्यामा स्थानीयहरुकाे सहभागीता रहेको थियोे ।
राैतहट,३० गते असार । माध्यमिक शिक्षा परिक्षा ( एस.ई.ई) मा उत्कृष्ट नतिजा ल्याउने विद्यार्थीलाई सम्मान गरिएको छ । 
रौतहटको कटहरिया नगरपालिका भरीमा सञ्चालित सामुदायिक बिधालयहरु मध्ये बाट एसईईमा उत्कृष्ट नतिजा ल्याउने विद्यार्थीलाइ सम्मान तथा पुरस्कार वितरण गरिएको छ । सो नगरपालिकाको वडा नम्बर ४ का वडा अध्यक्ष चन्दन कुशवाहाले आज एक कार्यक्रमका बिच ३.६० जिपिए भन्दा माथि जिपिए ल्याउने बिधार्थीहरुलाइ सम्मान गर्नु भएको हो ।
आइतवार सम्मान तथा पुरस्कार पाउनेमा ४ जना छात्र र १ जना छात्रा रहेका छन् । कटहरिया नगरपालिका भरिको सामुदायिक बिधालयहरु मध्ये बाट उत्कृष्ट अंक ल्याउनेहरु अनिरुद्ध यादव,धर्मेन्द्र यादव,मधु शाह,बादशाह कुशवाहा र सन्धया कुुमारी कुशवाहा रहेका छन् । 
उनीहरुलाइ वडा अध्यक्ष कुशवाहाले स्कूल ब्याग,कलम र डायरी उपलब्ध गराइएको छ । भने खादा ओढाएर सम्मान पनि गरिएको छ । 
बिधार्थीहरुको मनोबल उच्च बनाउने अभिप्रायले यस वर्ष देखि वडा अध्यक्ष कुशवाहाले एसईईमा उत्कृष्ट अंक ल्याउनेलाई सम्मान गर्ने थालनी गरेका छन् । 
कार्यक्रममा वडा अध्यक्ष कुशवाहाले विद्यार्थीले प्राप्त गरेका सफलता परिवार, आफन्त, समाज, जिल्ला र राष्ट्रको नै भएको भन्दै भोलीको पुस्ताको असल नेतृत्व गर्न सक्ने बन्न सक्नुपर्ने तर्क गरे ।
उनले भने बिधार्थीहरुलाइ प्रदान गरिएको स्कूल ब्याग मात्र नभइ समाजको भरोसा,बुवा आमाको आशा,गुरुहरुको मिहिनेत र परिश्रमको फल रहेकोले यो उपलब्धीलाइ निरन्तरता दिन आग्रह गर्दै उज्जवल भविष्यको कामना गर्नुु भयो । 
यस वर्ष रौतहट जिल्लाभरी बाट ३.६० देखि ४ जिपिए ल्याउनेको संख्या ६ सय ५८ रहेको जिल्ला शिक्ष समन्वय इकाइ रौतहटका प्रमुख रामविनय कुमार सिंहले जानकारी गराएका हुुन् ।
राैतहट,३० गते असार । माध्यमिक शिक्षा परिक्षा ( एस.ई.ई) मा उत्कृष्ट नतिजा ल्याउने विद्यार्थीलाई सम्मान गरिएको छ । रौतहटको कटहरिया नगरपालिका भरीमा सञ्चालित सामुदायिक बिधालयहरु मध्ये बाट एसईईमा उत्कृष्ट नतिजा ल्याउने विद्यार्थीलाइ सम्मान तथा पुरस्कार वितरण गरिएको छ । सो नगरपालिकाको वडा नम्बर ४ का वडा अध्यक्ष चन्दन कुशवाहाले आज एक कार्यक्रमका बिच ३.६० जिपिए भन्दा माथि जिपिए ल्याउने बिधार्थीहरुलाइ सम्मान गर्नु भएको हो । आइतवार सम्मान तथा पुरस्कार पाउनेमा ४ जना छात्र र १ जना छात्रा रहेका छन् । कटहरिया नगरपालिका भरिको सामुदायिक बिधालयहरु मध्ये बाट उत्कृष्ट अंक ल्याउनेहरु अनिरुद्ध यादव,धर्मेन्द्र यादव,मधु शाह,बादशाह कुशवाहा र सन्धया कुुमारी कुशवाहा रहेका छन् । उनीहरुलाइ वडा अध्यक्ष कुशवाहाले स्कूल ब्याग,कलम र डायरी उपलब्ध गराइएको छ । भने खादा ओढाएर सम्मान पनि गरिएको छ । बिधार्थीहरुको मनोबल उच्च बनाउने अभिप्रायले यस वर्ष देखि वडा अध्यक्ष कुशवाहाले एसईईमा उत्कृष्ट अंक ल्याउनेलाई सम्मान गर्ने थालनी गरेका छन् । कार्यक्रममा वडा अध्यक्ष कुशवाहाले विद्यार्थीले प्राप्त गरेका सफलता परिवार, आफन्त, समाज, जिल्ला र राष्ट्रको नै भएको भन्दै भोलीको पुस्ताको असल नेतृत्व गर्न सक्ने बन्न सक्नुपर्ने तर्क गरे । उनले भने बिधार्थीहरुलाइ प्रदान गरिएको स्कूल ब्याग मात्र नभइ समाजको भरोसा,बुवा आमाको आशा,गुरुहरुको मिहिनेत र परिश्रमको फल रहेकोले यो उपलब्धीलाइ निरन्तरता दिन आग्रह गर्दै उज्जवल भविष्यको कामना गर्नुु भयो । यस वर्ष रौतहट जिल्लाभरी बाट ३.६० देखि ४ जिपिए ल्याउनेको संख्या ६ सय ५८ रहेको जिल्ला शिक्ष समन्वय इकाइ रौतहटका प्रमुख रामविनय कुमार सिंहले जानकारी गराएका हुुन् ।
राैतहट,३० गते असार । एकै गाउँमा चार पदक ल्याउने कुस्ती खेलाडीलाई सम्मान गरिएको छ । राैतहटकाे गरूडा नगरपालिका वडा नम्बर ५ का वडा अध्यक्ष रामबिनाेद जयसवालले नगद सहित सम्मान गरेका छन् ।
काहीं कतैको सहयोग बिना आफ्नै तरिकाले कुस्तीको अभ्यास गर्ने रौतहटका युवाहरुको समूहमध्ये एकै गाउँका चार जनाले पदक ल्याएका थिए । हालै सम्पन्न मधेश प्रदेशस्तरीय कुस्ती प्रतियोगितामा रौतहटमा आएको ६ पदकमध्ये एकै टोलमा चारओटा पदक भित्रिएको छ । रौतहटको गरुडा नगरपालिका ५ लक्ष्मीपुर टोलका चार जना कुस्ती खेलाडीले एकैपटक चारओटा पदक जित्दै इतिहास रचेका छन् ।
कुस्ती खेलाडीहरुले एउटा रजत पदक र तीनओटा काँस्य पदक जितेका हुन् । पदक विजेतामध्ये दुई जना साख्खै दाजुभाइ हुन् । एकै दिन जन्मेका जुम्ल्याहा दाजुभाइले प्रदेशस्तरीय कुस्ती प्रतियोगितामा दोस्रो र तेस्रो स्थान ग्रहण गरेपछि अहिले जिल्लामा चर्चाको विषय बनेको छ ।
सम्मान पाउने खेलाडीहरूमा ५७ केजी समूहमा रजत पदक विजेता कृष्णनन्दन यादव,६५ केजी समूहमा प्रदेशमा तेस्रो स्थान प्राप्त गरेका शिवनन्दन यादव,९७ केजी समूहमा काँस्य पदक विजेता होसनारायण यादव र ८६ केजी समूहमा काँस्य पदक विजेता उमाशंकर यादव पनि लक्ष्मीपुर टोलकै छन् ।
राैतहट, ३० गते असार । पहिरोले त्रिशूलीमा गायब भएका रौतहट जिल्लाको परोहा नगरपालिकाका तीन जनाका परिवारलाइ नगर प्रमुखले नगद सहित खाद्यान्न सामाग्री सहयोग सहयोग गरेका छन ।
आषाढ़ २८ गते काठमाण्डूबाट गौर आउदै गरेको गणपति बसमा सवार रहेका परोहा नगरपालिकाका तीन जनाको परिवारलाइ नगरपालिकाको तरफ़ राहत स्वरुप सहयोग उपलब्ध गराइएको हो । भरतपुर महानगरपालिका २९ नारायणगढ़ मुगलिंग सड़क खण्डको सिमलतालमा काठमाडौबाट गौर आउदै गरेको गणपति डीलक्स त्रिशूली नदीमा खस्दा परोहा नगरपालिका वड़ा नम्बर ४ लौकहा पोखरिया निवासी ओमराज कुमार साह ,वड़ा नम्बर ६ बसंतपट्टी निवासी ऋषि कुमार सिंह र वड़ा नम्बर ९ रामपुर खाप निवासी सिकिन्दर दासको मृत्यु भएकोले मृतक परिवारलाइ तत्काल नगद सहित चेक र खाद्यान्न सामाग्री उपलब्ध गराइएको नगर प्रमुख शेख वकीलले जानकारी दिएका छन ।
बस दुर्घटनामा ज्यान गुमाएका तिनै जनाको परिवारलाइ जनहि ११ हजार नगद , ५० हजारको चेक तथा खाद्यान्न सामाग्री दिइएको निमित प्रमुख प्रशासकीय अधिकृत मोहम्मद महफूज आलमले जानकारी दिएका छन ।
राहत सामाग्री चेक तथा नगद हस्तांतरण गर्ने क्रममा नगर प्रमुख शेख वकील , निमित प्रमुख प्रशासकीय अधिकृत ,इंजिनियर दीपेन्द्र यादव , वड़ा अध्यक्ष जवाहर प्रसाद यादव , बिलाश पटेल , कफील अंजुम ,लेखापाल शिवपूजन मंडलको उपस्थति रहेको थियो । बस दुर्घटनामा परी ज्यान गुमाएका प्रति श्रन्दांजलि अर्पण तथा घाइतेको शीघ्र स्वास्थ्यलाभको कामना गर्दै खोजी कार्यलाइ निरंतरता दिन सरकार संग मांग समेत गरेका छन । मृतकको परिवारलाइ क्षतिपूर्ति समेत उपलब्ध गराउन नेपाल सरकारसंग मांग गरेका हुन ।
