काठमाडौँ । फ्रान्सका फुटबल सुपरस्टार किलीयन एमबाप्पे क्लबका मालिक बन्ने तयारीमा रहेका छन् । मिडिया रिपोर्टका अनुसार एम्बाप्पेले फ्रान्सको दोस्रो डिभिजन क्लब केनको बहुमत शेयर किन्ने तयारी गरेका हुन् ।
फ्रेन्च क्लब पिएसजी छोडेर स्पेनिस महारथी रियल म्याड्रिड पुगेका २५ बर्षिय एम्बाप्पेले अमेरिकी लगानीकर्ता ओक्ट्रीबाट नर्मन्डी आउटफिटमा ८० प्रतिशत सेयर किन्न २० मिलियन युरो खर्च गर्ने बताइएको छ ।
एम्बाप्पे आफ्नो क्यारियरको शुरुवातमा मोनाको क्लबमा हस्ताक्षर गर्नु अघि किशोरावस्थामा केनसँग लगभग आवद्ध भएका थिए ।
केन गत सिजन लिग २ मा छैटौं स्थानमा रहेको थियो । यस क्लबका पुर्व खेलाडीमा एम्बाप्पेकै सहकर्मी एनगोलो कान्टे र पूर्वखेलाडी डिफेन्डर विलियम गालास जस्ता खेलाडी रहेका छन् ।
सन् १९१३ मा स्थापित केन क्लब दुई पटकको लिग २ च्याम्पियन समेत बनेको छ ।न्युन कारखाना
काठमाडौँ । गत वर्षको सुपरहिट फिल्म ‘परदेशी २’बाट अभिनेताको रुपमा डेब्यु गरेका चर्चित गायक प्रकाश सपूतले आफ्नो दोस्रो फिल्म ‘पूर्ण बहादुरको सारङ्गी’ को छायांकन सकाएका छन् ।
ओखलढुङ्गाको रुम्जाटार क्षेत्रमा ३६ दिन र काठमाडौंमा ४ दिन गरी ४० दिनमा फिल्म ‘प्याकअप’ भएको हो । अब पोस्ट प्रोडक्सनको काम सुरु गरेर अर्को वर्षभित्र रिलिज गरिने निर्माता विनोद पौडेलले बताए ।
यो फिल्ममा प्रकाशसँगै माओत्से गुरुङ, देशभक्त खनाल, अञ्जना बराइली, मुकुन भुसाल, बुद्धि तामाङ, विजय बराल, भोलाराज सापकोटा, विनोद न्यौपाने, जान्भि पौडेल, स्वायम् केसी आदिको अभिनय रहेको छ ।
फिल्मलाई सरोज पौडेलले निर्देशन गरेका हुन् । निर्देशक पौडेल स्वयंको कथा रहेको फिल्ममा महेश दवाडीको पटकथा र संवाद लेखन छ ।
नेपाली फिल्मलाई अन्तर्राष्ट्रिय बजारमा वितरण गर्दै आइरहेको कम्पनी सेभेन सिज इन्टरटन्मेन्टको निर्माण रहेको फिल्मको निर्माता विनोद पौडेल र प्याट्रिक सुवेदी तथा कार्यकारी निर्माता रमेश चौलागाईं र हरि श्रेष्ठ हुन् । यसले गन्धर्व परिवारको कथा उठाएको छ । न्युन कारखाना
काठमाडौं । कथाकार गोपी मैनालीको कथा संग्रह विशृंखलित सपना लोकार्पित भएको छ। नेपाल प्रज्ञा प्रतिष्ठानका पूर्वकुलपति वैरागी काइँलाले साहित्यकार एवं प्रशासकको बाक्लो उपस्थिति रहेको कार्यक्रममा शनिबार विशृंखलित सपना लोकार्पण गरेका हुन्।
प्राज्ञ काइँलाले कथाकारबाट विशृंखलित सपनामा समाजका विषयबस्तुलाई सरल ढंगबाट प्रस्तुत गरेको बताउँदै आउँदा दिनमा अझै गहकिला कथा प्राप्त होस भन्ने शुभकामना दिए। गुरुप्रसाद मैनालीपछि अर्को मैनालीले सोही स्तरको कथा पस्किएकोमा उनले खुसी व्यक्त गरे।
समालोचक प्रा. डा. लेखप्रसाद निरौलाले कृतिमाथि समीक्षा गर्दै शब्द, संरचना, प्रस्तुति र कथाबस्तुका आधारमा मैलालीका कथा उच्च कोटिको भएको बताए। प्रत्येक कथा मानवीय संवेदना र अनुभूतिको विशिष्ट प्रस्तुति रहेको उनको भनाइ छ। मैनालीको समालोचनाको कृति समीक्षा गरेको प्रसंग उल्लेख गर्दै उनका अभिव्यक्ति परिस्कृत घनत्वतर्फ रहेको उनको बुझाइ छ। 
अर्का समीक्षक अनिता कोइरालाले कथा मानवीय संवदना, मनोविज्ञान, सामाजिक परिवेश, माया, बात्सल्यका आधारमा निकै उच्च श्रेणीको भएको विचार व्यक्त गरिन्।
पूर्वमहालेखा परीक्षक टंकमणि शर्माले इमान्दारी र सदाचारका उदाहरणीय पूर्वप्रशासककाट मैनालीबाट यति राम्रा कथा सिर्जना भएकोमा बधाइ दिँदै सबै पूर्वप्रशासकलाई आफूले भोगे-देखेको कुरा लेखेर राष्ट्रसेवा गर्न अनुरोध गरे।
वरिष्ठ कथाकार विजय चालिसेले आफू मैनालीका सबै विधाका सबै रचनाको पाठक भएको बताउँदै उनका प्रस्तुतिमा नवीनता र विशिष्ट अभिव्यक्ति रहने उल्लेख गरे। मैनालीका कथामा पनि उनको निबन्धकीय व्यक्तित्वको छाप रहेको प्रसंग उनले कोट्याए।
प्राज्ञ दिनेशराज पन्तले पनि मैनालीका कथा प्रवृत्तिका विविध कोणबाट प्रकाश पार्दै गुरुप्रसाद मैनालीपछि अर्का जाजल्व कथा प्रतिभा पाएको उल्लेख गरे।
नायक सरोज खानालले राम्रा कथा लेखेर चलचित्र र नाटकको स्तर उकास्न मैनालीजस्तै अरुले पनि योगदन दिनुपर्ने आवश्यकता औंल्याए।
सुरभि साहित्य प्रतिष्ठानका संरक्षक वेदमणि घिमिरे, साहित्यिक पत्रकार संघका अध्यक्ष राधेश्याम लेकाली, अन्तराष्ट्रिय नेपाली साहित्य समाजका तर्फबाट राजेन्द्र केसीले कथाकार मैनालीले समाजमा रहेका पात्रलाई उठाएर आफ्नै समय, समाज र पात्रको अनुभूतिमा कथा लेखेको उल्लेख गरेका थिए।
लोकसेवा आयोगका पूर्वअध्यक्ष उमेशप्रसाद मैनालीले आफ्नो परिवारका विषयमा बोल्न असजिलो हुने भए पनि दार्शनिक र साहित्यिक सन्दर्भ उल्लेख गरे। सुरभि साहित्य प्रतिगठानका अध्यक्ष वरिष्ठ आख्यानकार बाजुराम पौडेलले मन्तव्य दिँदै नेपाली निबन्धमा लक्ष्मीप्रसाद देवकोटा र शंकर लामिछानेपछि शीर्ष स्थान लिएका मैनालीले कथा क्षेत्रमा पनि अलग्गै पहिचान दिएको बताए। 
कार्यक्रममा संवैधानिक निकायका पूर्वप्रमुखहरू, पूर्वगभर्नरहरू, पूर्वप्रहरी प्रमुखहरू, समाजसेवी, चालीस दशकदेखि साहित्यमा कलम चलाउने पुरानो पुस्ता र नवीन पुस्ताका सर्जक, साहित्यानुरागीलगायतको उपस्थिति थियो।न्युन कारखाना
काठमाडौँ । इजरायली सिमानाबाट ५० किलोमिटर टाढा रहेको लेबनानको हाइफा विश्वविद्यालयका मानिसहरु कुनै पनि जोखिम लिन तयार छैनन् । शनिबार इजरायलको कब्जामा रहेको गोलना हाइट्सको फुटबल मैदानमा रकेट खस्दा १२ बालबालिका र किशोरकिशोरीको मृत्यु भएको थियो । यसपछि विश्वविद्यालय प्रशासनले ३० तले भवनको पाँचौं तला माथिका सबै कर्मचारीले अब घरबाटै काम गर्ने घोषणा गरेको छ ।
अब तिनीहरू लेबनानी चरमपन्थी समूह हिजबुल्लाहसँग इजरायलको युद्धको बीचमा छन् भन्ने डर बढ्दै गएको छ।
गत अक्टोबर ८ देखि, इजरायल र लेबनान बीच सीमापार गोलीबारी तीव्र गतिमा बढेको छ । हमासले इजरायलमा आक्रमण गरेको एक दिनपछि हिजबुल्लाहले इजरायलतर्फ रकेट र गोला प्रहार गरेको छ । दुवै समूह इजरायली राष्ट्रलाई नष्ट गर्ने लक्ष्य राख्छन्।
हिजबुल्लाहले उत्तरी इजरायल र गोलान हाइट्समा लगातार आक्रमण गरिरहेको छ। इजरायलले यो क्षेत्र सन् १९६७ मा सिरियाबाट कब्जा गरेको थियो र सन् १९८१ देखि कब्जामा छ । शनिबार रकेट हमलापछि इजरायलले दक्षिणी लेबनान र त्यसभन्दा बाहिरका क्षेत्रहरूमा हवाई आक्रमण र मिसाइलहरू प्रहार गरेको थियो ।
अक्टोबरदेखि लेबनानमा ४५० जनाको ज्यान गएको छ जसमध्ये १०० जना सर्वसाधारण रहेका छन् । इजरायलले आफ्ना २३ नागरिक र १७ सैनिकको मृत्यु भएको जनाएको छ । हालसम्म भएका झडपहरू तुलनात्मक रूपमा नियन्त्रणमा रहेका छन्, जसले दुवै पक्ष आमनेसामने टकरावबाट बच्न चाहेको देखाउँछ ।
तर अब प्रश्न यो छ कि इजरायल शनिबारको त्रासदीको बारेमा कति टाढा जान्छ। अक्टोबरमा सुरु भएको युद्धपछि शनिबार इजरायली सीमा पार भएको यो सबैभन्दा ठूलो हमला हो ।
सडक छेउमा उभिएका हजारौं मानिसले हातमा फूल लिएर मृतकलाई अन्तिम पटक साना सेतो कफिनमा बोकेर बिदाइ गरेका थिए । हिजबुल्लाहले उनीहरूलाई मार्ने रकेट प्रहार नगरेको बताएको छ । तर इजरायलले हिजबुल्लाहको दाबी गलत भएको बताएको छ ।
रकेट आक्रमणपछि लेबनानी चरमपन्थीहरूले आफ्ना धेरै लुकेका ठाउँहरू खाली गरेका थिए। तिनीहरू डराए कि इजरायलले कारबाही गर्नेछ। इजरायलका प्रधानमन्त्री बेन्जामिन नेतन्याहु आफ्नो अमेरिका भ्रमण सकेर समय अगावै स्वदेश फर्किएका छन् । र इजरायल पुगेपछि उनले मन्त्रिपरिषद् बैठकको अध्यक्षता गरेका छन् ।
नेतान्याहुले हिजबुल्लाहले यस आक्रमणको मूल्य चुकाउनु पर्ने वाचा गरेका छन् । तर इजरायललाई थाहा छ कि हिजबुल्लाहसँगको कुनै पनि युद्धले दुबै पक्षलाई खर्च गर्नुपर्नेछ ।
हिजबुल्लाह सम्पूर्ण मध्यपूर्वमा सबैभन्दा शक्तिशाली सशस्त्र समूह हो । तिनीहरूसँग एक लाख ५० हजार रकेट र मिसाइलहरू रहेको बताइन्छ । यो क्षेत्रमा इरानको सबैभन्दा महत्त्वपूर्ण प्रोक्सी हो । यदि इजरायलले यस समूहलाई आक्रमण गरेमा इरान यसमा सामेल हुन सक्ने बताइन्छ ।
इरानले इजरायललाई लेबनानमा कुनै पनि इजरायली साहसिक कार्यले अप्रत्याशित नतिजा निम्त्याउन सक्ने चेतावनी दिएको छ । अर्कोतर्फ, लेबनानसँगको इजरायली सीमामा बसोबास गर्ने ६० हजार मानिस विगत केही महिनामा विस्थापित भएका छन् । तिनीहरूमध्ये धेरैले इजरायलले आफ्नो विस्थापनको कारणको समाधान खोज्न माग गरेका छन् ।
इजरायलमा आफ्नो घट्दो लोकप्रियतासँग संघर्ष गरिरहेका नेतान्याहुले आफ्नो राजनीतिक अस्तित्व बचाउन जे पनि गरिरहेका छन् ।
नेतान्याहुका आलोचकहरूले उनी गाजा युद्धलाई लम्ब्याउन चाहन्छन् भनी भनिरहेका छन् । यसका लागि उनीहरूले हमासको अगाडि युद्धविरामको कडा माग राखिरहेका छन् । युद्ध रोकिनेबित्तिकै इजरायलमा चुनाव हुनैपर्छ र त्यसपछि उनको राजनीतिक करियर समाप्त हुन सक्छ भन्ने उनलाई थाहा छ ।
नेतान्याहु अति दक्षिणपन्थी मन्त्रीहरूको कारण धेरै दबाबमा छन् र देशमा उनको पकड पनि कमजोर हुँदैछ । यस कारणले गर्दा, अब उनीहरूले लेबनानको सीमामा अर्को मोर्चा खोल्न सक्छन् ताकि उनीहरूले घरेलु राजनीतिमा आफ्नो स्वार्थ पूरा गर्न प्रयास गर्न सक्छन् । यो एक जोखिमपूर्ण क्षण हो । अन्तर्राष्ट्रिय स्तरमा दुवै पक्षलाई संयमता अपनाउन आग्रह गरिएको छ । न्युन कारखाना
काठमाडौँ । प्रतिनिधि सभाको बैठक आज पनि बस्दै छ । संघीय संसद सचिवालयका अनुसार बैठक अपराहन्न १ बजेदेखि शुरु हुदै छ ।
आजको बैठकमा राष्ट्रपतिको कार्यालयको पत्र पढ्ने, संयुक्त समिति गठन गर्ने र व्यवस्थापन कार्य लगायतको कार्यसूची रहेको संसद सचिवालयले जनाएको छ ।
आजको बैठकमा सभामुख देवराज घिमिरेले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्रको व्यहोरा पढेर सुनाउने कार्यसूची रहेको छ ।
त्यस्तै सभामुख घिमिरेले संघीय संसदको संयुक्त बैठक र संयुक्त समिति (कार्यसञ्चालन) नियमावली, २०८० को नियम २८ को उपनियम (२) बमोजिमको राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिमा रहने सदस्यहरुको नाम प्रस्ताव गर्ने कार्यसूची रहेको छ ।
त्यस्तै व्यवस्थापन कार्य अन्तर्गत उपप्रधानमन्त्री तथा अर्थमन्त्री विष्णुप्रसाद पौडेलले राष्ट्रिय सभामा उत्पत्ति भएको “सुरक्षित कारोबार (पहिलो संशोधन) विधेयक, २०८१ लाई दफावार छलफलको लागि सम्बन्धित समितिमा पठाईयोस्” भनी प्रस्ताव प्रस्तुत गर्ने तालिका रहेको छ ।न्युन कारखाना
काठमाडौँ । सरकारले तीन प्रदेशका प्रदेश प्रमुख हटाउने सिफारिस गरेको छ ।
सोमबार बसेको मन्त्रिपरिषद्को बैठकले संविधानको धारा १६५ को उपधारा १ बमोजिम बागमती प्रदेशका प्रमुख यादवचन्द्र शर्मा, लुम्बिनी प्रदेशका प्रमुख अमिक शेरचन र कर्णाली प्रदेश प्रमुख तिलक परियारलाई पदमुक्त गर्न सिफारिस गरेको हो ।
साथै मन्त्रिपरिषदको बैठकले तीनै प्रदेशमा नयाँ प्रदेश प्रमुख सिफारिस गरेको छ । जसमा बागमती प्रदेश प्रमुखमा दीपकप्रसाद देवकोटा र लुम्बिनी प्रदेश प्रमुखमा श्रीकृष्ण बहादुर घर्ती मगर र कर्णाली प्रदेशको प्रदेश प्रमुखमा यज्ञराज जोशी सिफारिस भएका छन् ।न्युन कारखाना
काठमाडौँ । सरकारले नेपाली सेनाको कामु प्रधानसेनापतिमा बलाधिकृत रथी अशोकराज सिग्देललाई नियुक्त गर्ने निर्णय गरेको छ ।
सोमबार बसेको मन्त्रिपरिषदको बैठकले सिग्देललाई नेपाली सेनाको कामु प्रधानसेनापतिमा नियुक्त गर्ने निर्णय गरेको हो ।
प्रधानसेनापति प्रभुराम शर्माको सिफारिसमा सरकारले सिग्देललाई नेपाली सेनाको कामु प्रधानसेनापतिमा नियुक्त गर्ने निर्णय गरेको हो ।
प्रधानमन्त्री शर्माको कार्यकाल आगामी भदौं २४ गते सकिने हुनाले त्यो भन्दा एक महिना अगाडी साउन २५ देखि विदा बस्ने प्रचलन अनुसार सरकारले सिग्देललाई कामु प्रधानसेनापति नियुक्त गरेको हो ।न्युज कारखाना
काठमाडौँ । नेपालका प्रिन्स दाहालले जारी पेरिस ओलम्पिकमा लगातार दोस्रो हार बेहोरेका छन् ।
समूह ‘पी’ अन्तर्गतको खेलमा प्रिन्सलाई आयरल्यान्डका हात गुएनले २१–७ र २१–५ को सोझो सेटमा पराजित गरेका हुन् ।
प्रिन्सको यस ओलम्पिकमा यो लगातार दोस्रो हार हो । समूह चरणको पहिलो खेलमा उनी डेनमार्कका भिक्टर एक्सेल्सेनसँग २१–८ र २१–६ को सोझो सेटमा पराजित भएका थिए ।
अब समूह चरणको अन्तिम खेलमा प्रिन्सले इजरायलका मिसा जिल्बरम्यानसँग बुधबार प्रतिस्पर्धा गर्ने तालिका रहेको छ । न्युज कारखाना
काठमाडौँ । नेपालका प्रिन्स दाहालले जारी पेरिस ओलम्पिकमा लगातार दोस्रो हार बेहोरेका छन् ।
समूह ‘पी’ अन्तर्गतको खेलमा प्रिन्सलाई आयरल्यान्डका हात गुएनले २१–७ र २१–५ को सोझो सेटमा पराजित गरेका हुन् ।
प्रिन्सको यस ओलम्पिकमा यो लगातार दोस्रो हार हो । समूह चरणको पहिलो खेलमा उनी डेनमार्कका भिक्टर एक्सेल्सेनसँग २१–८ र २१–६ को सोझो सेटमा पराजित भएका थिए ।
अब समूह चरणको अन्तिम खेलमा प्रिन्सले इजरायलका मिसा जिल्बरम्यानसँग बुधबार प्रतिस्पर्धा गर्ने तालिका रहेको छ । न्युज कारखाना
