बज्जिकाञ्चल,वैशाख ०७ गते
रौतहटको फतुवा बिजयपुर नगरपालिकाको वडा नम्बर ८ स्थित श्री माँ सरस्वती प्राबि बिजयपुर पिपलबोटमा नयाँ भर्ना अभियान सुरु भएको छ । शैक्षिक सत्र सुरु भएसँगै सरकारले यसवर्ष ‘हामी सबैको इच्छा, समयमा भर्ना समयमा ज्ञान गुणस्तरिय शिक्षा सबैको अभियान ’ भन्ने मुल नाराका साथ गाउँको परिक्रमा गरिदै भर्ना अभियान अगाडि बढाएको प्रधानाध्यापक सुबोध कुमार यादवले बताएका छन ।

विद्यालय बाहिर रहेका बालबालिकालाई शिक्षाको मूल प्रवाहमा ल्याउन भर्ना अभियान सुरु गरेको बताउँदै उहाँले भर्ना अभियान सफल तुल्याउनका लागि सबैको सहयोग आवश्यक रहेको बताए ।

सो भर्ना अभियानको घरदैलो कार्यक्रममा प्रधानाध्यापक सुबोध यादव सँगै शिक्षक प्रमोद यादव , लगायतका शिक्षक शिक्षिकाहरू र बिधार्थीहरू र संचारकर्मीहरूको सहभागीता रहेको थियो ।

मुकेशकुमार यदव 
सिरहा, ७ वैशाख । सिरहाको मिर्चैया नगरपालिकाले सडक विस्तारका लागि घर तथा पसलहरु भत्काएको विरोधमा बजारका सुकुम्बासी र व्यापारीहरू आन्दोलनमा उत्रिएका छन् ।

बजारमा झन्डै सात दशकदेखि घर बनाएर बसोवास तथा व्यापार–व्यवसाय गर्दै आएका सुकुम्बासी र व्यापारी नगरपालिकाले घर भत्काइदिएपछि आन्दोलनमा उत्रिएका हुन्।

संघर्ष समितिले बिहीबार नगरपालिका घेराउ कार्यक्रम राखेको थियो । सयौंको संख्यामा आएका आन्दोलनकारीहरुले नगरपालिका भवनमा तोडफोडसँगै नगर प्रमुख चढने गाडीमा समेत तोडफोड गरेका छन् ।

उनीहरूले आफूहरूले उठाएका विषयहरूको जवाफ मेयर श्रवणकुमार यादवले दिनुपर्ने माग गरी प्रदर्शन गरहेका थिए । तर, मेयर यादव बाहिर नआएपछि प्रदर्शनकारी नगरपालिकाभित्र प्रवेश गर्न खोज्दा प्रहरीले रोकेपछि स्थानीयले नगरपालिका कार्यालयमा ढुंगामुढा गर्न थालेपछि स्थिति तनावग्रस्त बनेको छ ।

आक्रोशित स्थानीयहरुले मिर्चैया नगरपालिकाको गेट तोडफोड गर्न थालेपछि प्रहरीले आन्दोलनकारिलाइ तितरबितर पार्न १० सेल अश्रुग्याँस र ७ राउन्ड  हवाई फायरिङ गरेका छन् ।

प्रहरी र आन्दोलनकारीबीच  भएको झडपमा ५ जना प्रहरी घाइते भएको र उनीहरुको अवस्था समान्य रहेको जिल्ला प्रहरी कार्यालय सिरहाका प्रवक्ता रविन्द्रराज पाण्डेकले जनाएको छ । उनले भने, ‘घाइते प्रहरीहरुको स्थानीय अस्पतालमा उपचार भइरहेको र अहिले अबस्था समान्य छ ।’

मिर्चैया नगरपालिकाले संरचना निर्माण र नगर सुन्दर बनाउने नाममा बजार क्षेत्रका घर भत्काएपछि स्थानीयहरु आक्रोशित भएका छन्।
 

इन्दीप कोइराला

बारा, ७ वैशाख । 

बारा–२ को उपनिर्वाचनमा उम्मेदवारहरुबीच रोचक प्रतिस्पर्धा हुने देखिएको छ । जसपा अध्यक्ष उपेन्द्र यादव ५ दलीय गठबन्धबाट उम्मेदवार बनेपछि यहाँको प्रतिस्पर्धा रोचक बनेको हो ।

नेकपा एमालेका पुरुषोत्तम पौडेलले जसपा अध्यक्ष यादवलाई कडा टक्कर दिएका छन् भने जनमत पार्टीका शिवचन्द्र कुशवाहा, राष्ट्रिय स्वतन्त्र पार्टीका रमेश खरेल र आमजनता पार्टीका अरुण ज्ञावाली पनि प्रतिस्पर्धामा सँगै छन् ।

जसपा अध्यक्ष यादव र जनमतका कुशवाहाबीच मुख्य प्रतिस्पर्धा हुने ठानिएको यो क्षेत्रमा पौडेलले उम्मेदवारी दिएपछि चुनावी माहोल फेरिएको हो । ‘सुरुमा जसपा र जनमतबीच प्रतिस्पर्धा हुने आंकलन गरिएको थियो, पचरौता नगरपालिका पिपरपातीका भरत साहले भने, अब जनमत फेरिएको छ र एमालेका पौडेल ह्वात्तै अगाडि आएका छन ।’

उनले यसपटकको निर्वाचनमा मुख्य प्रतिस्पर्धा यादव र पौडेलबीच नै हुने बताए । जसपा र नेपाली काग्रेसको बलियो जनाधार रहेको यस क्षेत्रमा पौडेलले पनि पकड बढाउदै लगेका छन । गत मंसिरमा भएको आम निर्वाचनमा सो क्षेत्रबाट जसपाका रामसहायप्रसाद यादव विजयी बनेका थिए ।  उनले एमालेको सहयोगमा माओवादीका कुशवाहालाई ३५४ ले पराजित गरेका थिए ।

चुनावताका दल परिवर्तन गरिहने चरित्रको कारण मतदातामा कुशवाहा विवादास्पद समेत बनेका छन । माओवादीबाट २०६४ को संविधान सभामा त्यसै क्षेत्रबाट जितेका कुशवाहा २०७० को चुनावमा पार्टीबाट टिकट नपाएपछि राजेन्द्र महतोको तत्कालीन सद्भावना पार्टीमा प्रवेश गरी उम्मेदवार बन्दा न्यून मत पाएर पराजित हुनुपरेको थियो । ०७४ सालमा नेकपाको तर्फबाट टिकट पाएपछि उनी फेरि माओवादीमा नै सक्रिय थिए । उक्त निर्वाचनमा जसपाका रामसहाय यादवले चुनाव जित्दा कुशवाह तेस्रो नम्बरमा पुगेका थिए ।

यादव समुदायको बाहुल्य रहेको यस क्षेत्रमा जातीय समीकरणले विगतमा चुनाव जित्दै आएकाले त्यो समूदायको मत तान्न उम्मेदवारहरु कसरतमा छन् । जसपा अध्यक्ष उपेन्द्र यादव समुदायको अधिकांश मत आफ्नो पक्षमा पर्ने र चुनाव जित्नेमा आशावादी देखिन्छन तर उनी आफू यादव समुदायको मात्रै भर परेर चुनाव नलडेको उनको भनाई छ । यसपटक अत्याधिक मतका साथ चुनाव जित्ने उनको दाबी छ । तर दाबी विपरित प्रचारको क्रममा उनले समुदायका अगुवा र सर्वसाधारणसंगको भेटघाटलाई तीव्र पार्दै आएका छन् ।

त्यसैगरी उनलाई जिताउन सप्तरी, सिराह, मोरङ्ग, सुनसरी र धनुषा लगायतका जिल्लाबाट आएका दर्जनौं अगुवाहरु अहिले क्षेत्र नम्बर २ मा  देखिन्छन् । जसले गर्दा अन्य समुदायका मतदाता जसपा अध्यक्ष यादवसँग टाढिने खतरा छ र गैह्यादव समुदायको मत पौडेलतर्फ जान सक्ने देखिन्छ ।  जसपा अध्यक्ष यादवले पनि आफ्नो निकटतम प्रतिस्पर्धिमा एमालेका पौडेल नै हुनसक्ने बताएका छन ।

०५१ सालमा क्षेत्र नम्बर बारा ३ बाट चुनाव जितेका पौडेल अहिले पनि यस क्षेत्रमा लोकप्रिय छन । ०४८, ०५१, ०५४ को संसदीय निर्वाचनमा ३ नम्बर ३ बाट चुनाव लड्दा साविकको पिप्राढी, बडकीफुलबरिया, दक्षिण झिटकैया र पिपरपाती जब्दी गाविस हाल क्षेत्र नम्बर २ को देवताल गाउँपालिका र ३ नम्बरमै रहेको साविकको मझरिया, हर्दिया र सनफुलवा गाविसहरु पनि अहिले २ नम्बर क्षेत्रमा परेका छन ।

३ वटै निर्वाचनमा लोकप्रिय मत पाए पनि पौडेल एकपटक मात्रै संसदमा निर्वाचित भएका थिए । संविधान सभाको निर्वाचनमा भने पौडेल क्षेत्र नम्बर ६ बाट विजयी बनेका थिए ।

इन्दीप कोइराला,

बारा, ७ वैशाख । 

नेकपा एमालेका बरिष्ठ उपाध्यक्ष एवम् पूर्वउपप्रधानमन्त्री ईश्वर पोखरेलले बारा क्षेत्र नं. २ मा एमालेको जित सुनिश्चित रहेको बताएका छन् । चुनावी अभियानका क्रममा बारा आएका नेता पोखरेलले चुनाव जित्ने थुप्रै आधार रहेकाले उम्मेदवार पुरुषोत्तम पौडलको बिजय निश्चित रहेको बताएका हुन् ।

१० वैशाखमा हुने निर्वाचनका लागि एमालेको ठूलो शक्ति एकताबद्ध ढंगले परिचालित हुनु र विकासप्रेमी नेता उम्मेदवारका रुपमा मैदान हुनुनै एमालेले चुनाव जित्ने मुख्य आधार रहेको पोखरेलको भनाई थियो ।

नेता पोखरेलले फिरंगी र पार्टी चाहार्दै हिड्नेलाई भन्दा जनतासँग बसेर काम गर्ने भूमिपुत्रलाई जिताउन बारा-२ का मतदाता उत्साहित देखिएको बताए । लामो समयदेखि बाराको भूगोलमा बसेर जनता पक्षमा काम गरेका व्यक्तिलाई एमालेले उम्मेदवारका रुपमा अघि सारेको भन्दै नेता पोखरेलले यसको मूल्यांकन जनताले नै गर्ने प्रतिक्रिया दिए ।

अन्य पार्टीका उम्मेदवार र एमालेको उम्मेदवारलाई तुलना गरेर जनताले मतदान गर्ने नेता पोखरेलको भनाइ थियो । नेता पोखरेलले बारा क्षेत्र नं. २ को विकासका लागि पनि एमाले उम्मेदवार पौडेलको जित आवश्यक रहेको बताए ।

नेता पोखरेलले करैयामाई गाउँपालिकाको नरहीमा रहेको सहिद मुखलाल महतोको शालिकमा माल्यार्पण गरेका थिए । उनले उम्मेदवार पौडेलसँगै मतदाताको घरमा पुगेर एमालेको पक्षमा मतदान गर्न आह्वान गरेका थिए ।

महोत्तरी, ६ वैशाख

सवारी दुर्घटनामा परी महोत्तरीमा नवविवाहिता दम्पतीको मृत्यु भएको छ । बुधबार दिउँसो महोत्तरीको गौशालास्थित जंगलमा भएको सवारी दुर्घटनामा परी श्रीमान, श्रीमती र एक बालिकाको मृत्यु भएको हो ।

मृत्यु हुनेमा सिरहा कल्याणपुर नगरपालिका-१० का २६ वर्षीय अमृत मण्डल, उनकी श्रीमती २४ वर्षीया अन्जु मण्डल र भतिजी ६ वर्षीया अंशु मण्डल छन् । अमृत र अन्जु श्रीमान श्रीमती रहेको प्रहरीले हुन् । विवाह भएको दुई महिनामै उनीहरूको मृत्यु भएको हो ।

आज दिउँसो अमृतले (ससुराली)बाट श्रीमतीलाई लिएर घरतर्फ गइरहेकोमा जंगलमा रहेको रेल्वे टयाक नजिकको मोडमा मोटरसाइकल बससँग ठोक्किदा तीनै जना गम्भीर रूपमा घाइते भएका थिए ।

अमृत र अंशुको बर्दिवासस्थित शुभस्वस्तिक हस्पिटलमा उपचारको क्रममा ज्यान गएको जिल्ला प्रहरी कार्यालय महोत्तरीले जनाएको छ । त्यस्तै अन्जुको वर्दिवास ट्रमा सेन्टरमा उपचारको क्रममा ज्यान गएको प्रहरीको भनाइ छ ।

महोत्तरी प्रहरीले गौशालाबाट बर्दिबासतर्फ गईरहेको मधेस प्रदेश ०१ ०१-००४ प ६८१९ नम्बरको मोटरसाइकल गौशालातर्फ आइरहेका बा३ख २३९६ नम्बर बसमा ठोकिएको थियो ।

चञ्चल झा,गौर, बैशाख ५ गते
रौतहट जिल्लामा संचालनमा रहेको आरम्भ परियोजना अन्र्तगत ३ दिने कार्यशाला मंगलवार देखि गौरमा सुरु भएको छ ।
गौरमा रहेको सिया पैलैसको सभा हलमा सकारात्मक सामाजिक मान्यताहरू विकास र प्रवद्र्धन गर्न धार्मिक,सामाजिक आगुवाहरू र परिवर्तन सम्बाहकहरूसँग ३ दिनको कार्यशाला आज देखि सुरु भइ बिहिवार सम्म चल्नेछ ।
कार्यक्रममा आरम्भ परियोजनाको बारेमा जानकारी गराइएको थियो साथै आरम्भ परियोजनाले नगरपालिका स्तर संचालन गरेको क्रियाकलाकहरुको बारेमा जानकारी गराइएको थियो ।
शिक्षा,स्वास्थ्य,जिविकोपार्जन,बालविवाह लगायतको क्षेत्रमा काम गर्दै आएका गैर सरकारी संस्था आसमान नेपालले आरम्भ परियोजना अन्तरगत शिक्षाबाट बञ्चित रहेका १० देखि १९ बर्षको विवाहित तथा अविवाहित किशोरीहरुलाइ शिक्षामा पहुँच पु¥याउने तथा शिपमुलक तालिम दिएर आत्मनिर्भर बनाउदै आएको परियोजनाका शिक्षा अधिकृत अरविन्द कुमार साहले बताउनु भयो ।

पहिलो बर्षमा आरम्भ परियोजना रौतहटको दुर्गा भगवती र यमुनामाइ गाउँपालिकामा कार्यक्रम संचालन गरेको थियो । दोस्रो बर्षमा कटहरिया र मौलापुर नगरपालिकामा संचालन भएको कार्यक्रम तेस्रो बर्षमा राजपुर र माधवनारायण नगरपालिकामा संचालन भएको थियो । भने चौथौ बर्षमा गरुडा,गढीमाइ,परोहा र बौद्धीमाइ नगरपालिकामा संचालनमा रहेको छ ।
एफसिडिओको आर्थिक सहयोग पिपुल इन निड,समाजिका संस्था जिल्ला समन्वय समिती, आसमान नेपाल तथा सम्बन्धित पालिकाको सहकार्यमा रौतहटमा संचालन रहेको आरमभ परियोजना ४ प्रतिफलमा कार्यक्रम गर्दै आएको परियोजना संरक्षण अधिकृत सपना सेन्चुरीले बताउनु भयो ।
प्रतिफल १ विद्यालय छोडेका किशोरीहरुको साक्षरता र गणित कक्षाको सुधारात्मक हाजिरी।
प्रतिफल २ विद्यालय छोडेका किशोरीहरुको संज्ञात्मक तथा असंज्ञात्मक सीपहरु विकास गर्ने एवमं भविष्यका लागि योजना बनाउने।

प्रतिफल ३ विद्यार्थीका लागि विद्यालयमा सिक्नका लागि अनुकूल वातावरण सिर्जना गर्ने र विवाहित, विद्यालय छोडेका किशोरीहरुका लागि भावी योजना बनाउनका लागि सहयोग गर्ने,
प्रतिफल ४ उमेर पुगी मात्रै विवाह गर्न, समुदाय र सम्बन्धित निकायलाई सकरात्मक समाजिक मान्यताका लागि प्रोत्साहन गर्ने र विवाहित, विद्यालय छोडेका किशोरीहरुको भावी योजनाका निम्ति बोध गराउने।
कार्यक्रमको प्रस्तुतिको क्रममा १४१८ किशोरी माध्ये १०७१ जना किशोरीहरु बिधालय भर्ना गर्ने लक्ष्य लिएको साथै बिधालय भर्ना हुन नसकेको किशोरीहरुलाई बिभिन्न किसिमको व्यवसायिक तालिम दिने शिक्षा अधिकृत साहले बताउनु भएको थियो ।

आरएन पटेल,वैशाख ०५ गते
ईप्रका कोपवाको प्रहरी गस्ती टोलीद्वारा अवैध कुखुरा नष्ट गरिएको छ । रौतहटको बौधिमाई नगरपालिका वडा नं. ५ अन्तर्गत पर्ने ईलाका प्रहरी कार्यालय कोपवा पिपरियाको प्रहरी वरिष्ट नायब निरिक्षक प्रमानन्द प्रसाद यादवको नेतृत्वमा गएको प्रहरी गस्ती टोलीद्वारा नगरपालिकाको कोपवा नजदीकमा भारतबाट ल्याउँदै गरेको अवैध कुखुरा पक्राउ गरि नष्ट गरिएको हो ।
मंगलबार दिउँसो करिब ११ बजेको समयमा प्रहरीको टोली गस्ती गर्दै जाँदा कोपवा स्थित अवैध कुखुरा साईकलमा राखी भारतबाट नेपाल तर्फ ल्याउने क्रममा गस्ती टोलीलाई देखेर तस्करले साईकल र कुखुरा छाडी फरार भएका थिए । प्रहरीले तस्करलाई समात्न खोज्दा निज व्यक्ति फरार भई साईकल (१ थान र कुखुरा १६ पिस फेला पारी कार्यालयमा ल्याई स्थानिय भद्रभलादमी, समाजसेवी, जनप्रतिनिधि र पत्रकार लगायत बौधीमाई न।पा।(५ का स्थानीय उदय चन्द्र यादव, राकेश साह सोनार, नागेन्द्र ठाकुर हजाम, रामअयोध्या यादव, मेधन दास, वडा नं। ६ को वडा सदस्य अरविन्द कुमार साह समेतको रोहबरमा खाल्डो खनी सबै कुखुरा नष्ट गरिएको हो ।

आरके श्रीवास्तव,गरुडा,वैशाख ०४ गते
रौतहटको फतुवा बिजयपुर नगरपालिकामा भूमि वर्गीकरणका लागि नगर स्तरीय छलफल सम्पन्न भएको छ । आज भू–उपयोग वर्गिकरणको प्रारम्भिक मस्यौदा प्रतिवेदन माथि छलफल तथा प्रस्तुती गरिएको छ ।
सो नगरपालिकाको लागि वडा नम्बर ८ स्थित रहेको श्री माध्यमिक बिधालय बिजयपुर भूमि वर्गीकरणका लागि छलफल गरिएको थियो । इन्स्च्यिूट अफ हिमालयन रिसर्च एण्ड इन्टिग्रेड डेभलपमेन्ट प्रा.लि. नागार्जुन,काठमाण्डौंको प्रविधिक सहयोगमा फतुवा बिजयपुर नगरपालिकाले १० वटै क्षेत्रमा जग्गा वर्गीकरण गरिरहेको छ ।

भू–उपयोग वर्गिकरणको प्रारम्भिक मस्यौदा प्रतिवेदनबारे प्रस्तुती प्राविधिक संस्था संस्थाका डा.राजु राइले प्रस्तुतीकरण गर्नु भएको थियो । तत्पश्चात सहभागीहरुले आ–आफनो राय सुझाव दिएका थिए ।
सो अवसरमा कार्यवाहक नगर प्रमुख अम्बेया खातुन,नि.प्रमुख प्रशासकिय अधिकृत शम्भु कुमार यादव, वडा नम्बर ३ का वडा अध्यक्ष रामइश्वर राय यादव,वडा नम्बर ४ का वडा अध्यक्ष सतिश कुमार यादव,वडा नम्बर ८ का वडा अध्यक्ष नितेश चौधरी,वडा नम्बर ९ का वडा अध्यक्ष राकेश कुमार यादव लगायत सबै वडाका वडा अध्यक्ष,कार्यपालिका सदस्य,कर्मचारीहरुको उपस्थित रहेको थियो ।

फतुवा बिजयपुरमा जग्गाको वर्गीकरण नहुँदा अंशबन्डा, जग्गा कारोबार र कित्ताकाट लगायतमा समस्या परेको छ । जग्गाको वर्गीकरण को कार्य छिट्टै गरिने नि.प्रमुख प्रशासकिय अधिकृत यादवले बताएका छन् ।

बज्जिकाञ्चल,गरुडा,वैशाख ०५ गते
कोलोपत्र निर्माणमा आश्रय निर्माaण सेवाको बदमासी देखिएको छ । रौतहटको गरुडा नगरपालिका अन्तर्गत तीन वटा वडा जोड्ने सकडमा एकातिर बाट कालोपत्र हुँदैछ भने अर्को तर्फ बाट उप्कीन सुरु भएको छ । सो नगरपालिकाको वडा नम्बर ५,६ र ७ जोड्ने दुधियाभार देखि पोठीयाही हुँदै शिवनगर सम्म अहिले कालोपत्र र ढलान,नाला निर्माणको काम भइरहेको छ । सो काम गुणस्तरहीन भइरहेको स्थानिय गुडु यादव लगायतका व्यक्तीहरुले आरोप लगाएका छन् ।

नेपाल सरकार शहरी विकास मन्त्रालयको आर्थिक वर्षको २०७८–०३–२१ गतेदेखि काम सुरु गर्न समझौता गरिएको थियो । सम्झौतामा अनुसार १२ महिना सम्ममा काम सम्मपन्न गर्नु पर्ने हो । तर सो काम सम्मपन्न गर्ने समझौता मिति समाप्त भएको करिब एक वर्ष पुग्न लागेको छ र अहिले सम्म आधा अधूरा काम छाडेर आश्रय निर्माण सेवा प्रा।लि। बेपता भएको छ ।

आश्रय निमार्ण सेवा प्रा।लि।बसुन्धाराका ठेक्दारले कतै नाला, कतै सडक तथा कतै गुणस्तरहीन कालोपत्र सडक ढलान कार्य गरिरहेको स्थानीयबासिले जनाएको छ । नाला निर्माण आधा अधूरा नै रहेको छ । धेरै ठाउँमा स्लैब राखिएको छैन् । सडक चौडा गर्न वडा कार्यालयको भवन भत्काइएको छ । तर गाउँको अन्य ठाउँमा भने खाली गराइएको छैन् ।
सो सडकलाई कालोपत्र तथा नाला निर्माण गर्नका लागि लागि ८ करोड १९ लाख ३२ हजार २४ रुपैयाँ २२ पैँसामा ठेक्का पट्टा लिइएको हो । तर, बजेटको हिसाबमा काम नगरि बजेट पचाउने दाउमा निर्माण कम्पनी रहेको स्थानीयबासिले आरोप समेत लगाएका छन् । यता निर्माण सेवा कम्पनी आश्रय निमार्ण सेवाका ठेकेदार सँग सम्पर्क गर्न खोज्दा सम्पर्क हुन सकेको छैन् ।

निर्माण कम्पनीको यती सम्मको लापारवाही हुँदा स्थानिय सरकारको ध्यान जान सकेको छैन् । यस तर्फ स्थानियहरुले ध्यानाकर्षण गराउन खोजेको छन् । तत्कालिन शहरी विकास मन्त्री प्रभु साहले वि.स. २०७८ ुाल वैशाख १० गते उक्त आयोजनाको शिलान्यास गर्नु भएको थियो ।

आरके श्रीवास्तव,गरुडा,वैशाख ०४ गते
रौतहट जिल्लाको फतुवा बिजयपुर नगरपालिकाको एक वार्डमा आज मन्दिरको शिलान्यास गरिएको छ । सो नगरपालिकाको वडा नम्बर ४ टेंग्राहा स्थित रहेको श्री राजदेवी माताको मन्दिरको निर्माणको लागि शिलान्यास गरिएको हो ।

सोमबार एक कार्यक्रमका बिच सो वडाका वडा अध्यक्ष सतिश कुमार यादव उर्फ गौरवले शिलान्यास गर्नु भएको हो । प्रदेश सरकार बाट प्राप्त २० लाख बजेटमा मन्दिर बन्न लागेको हो । वर्षौदेखि सो ठाउँमा मन्दिर निर्माण हुन सकेको थिएन् । वडा अध्यक्षमा निर्वाचित भएपछि मन्दिर निर्माण गराउने वडावासी सँग वाचा गरेका थिए । सोही वाचा अनुरुप उनले मन्दिर निर्माण गराउन लागेका हुन् ।

शिलान्यास पछि पत्रकारहरु सँग कुराकानी गर्दै वडा अध्यक्ष यादवले मन्दिरमा आउन जानको लागि बाटोको समस्या छ । त्यो पनि आगामी आ.व.मा बजेट छुट्टयाएर बाटो निर्माण गराउने बताए ।
सो अवसरमा राजदेवी मन्दिर निर्माण समितिका अध्यक्ष सुनिल कुमार यादव,किसुनदेव यादव,पुजारी विदयानन्द यादव,अशोक यादव,प्रमेन्द्र यादव,जगयानन्द यादव,दिनेश यादव लगायतका व्यक्तीहरुको सहभागिता रहेको थियो ।