आरके श्रीवास्तव,गरुडा,वैशाख १६ गते
जिल्ला हुलाक कार्यालय रौतहटले पोस्टल इन्टरनल ट्र्याकिङ सिस्टम जडान गरेको छ । आज जिल्लाको दुर्गाभगवतीमा रहेको इलाका हुलाक कार्यालय मा नयाँ सहित होडेक्स जडान तथा गरुडा नगरपालिकामा रहेको इलाका हुलाक कार्यालय शिवनगरमा गोडेक्स जडान कार्य सम्पन्न भएको छ । यस उप्रान्त अब रौतहट जिल्लामा जिल्ला हुलाक कार्यालय, इलाका हुलाक कार्यालय चन्द्रपु, इलाका हुलाक कार्यालय तथा इलाका हुलाक कार्यालय शिवनगर बाट पि.आइ.टि.एस.( पोस्टल इन्टरनल ट्र्याकिङ सिस्टम ) को प्रयोग हुने भएको जिल्ला हुलाक कार्यालय रौतहटका प्रमुख देवनाथ यादवले बताउनु भयो । यादवले भने,यो जडान भएछि तपाईं हामीले दर्ता गरेको पत्र धधध।नउय।नयख।लउ मा गएर पत्रको वर्तमान अवस्था कहाँ पुगेछ अनलाइन बाट हेर्न मिल्नेछ । हुलाक सेवा लाइ प्रविधिमैत्री बनाउन यो कार्यको थालनी गरिएको उनले बताए । गाउँघरमा हामीहरूलाई सानैदेखि हुलाकको सेवा गाउँघरमा पुगेको सम्झना छ । चिठीपत्र बोकेर गाउँ–गाउँमा हुलाकीहरू पुग्थे । हुलाक सेवामा काम गर्नेहरूलाई छुट्टै पोशाक हुने हुनाले टाढैबाट चिन्न सकिन्थ्यो । तर अहिले हुलाक सेवामा समयानुकूल परिवर्तन हुन नसकेको गुणासोहरु पनि आउन थालेको छ । त्यसैले हुलाक सेवा प्रभावकारी कसरी बनाउन सकिन्छ भने यतातर्फ पनि ध्यान दिन आवश्यक छ ।
आरके श्रीवास्तव,गरुडा,वैशाख १६ गते
नेपाली सेना वीर दल गण रौतहटले आयोजना गरेको स्वास्थ्य शिविर सयौंले निःशुल्क उपचार पाएका छन् । सो स्वास्थ्य शिविरमा ७ सय १४ जनाले निःशुल्क रुपमा उपचार पाएको नेपाली सेना वीर दल गण रौतहटका गणपति प्रमुख सेनानी गंगा बहादुर बिष्टले बताए ।
जिल्लाको उतरी भेगका चन्द्रपुर नगरपालिका वडा नम्बर ८ स्थित शिवशक्ती आधारभुत विधालय मोतिपुरमा सो स्वास्थ्य शिविर चलेको थियो । जसमा बिभिन्न रोगका बिरामीको निःशुल्क उपचार तथा आवश्यक औषधि बितरण गरिएको बिष्टले बताए ।
शिविरमा ५६ जना बालवालिका , ५९ महिला , २ सय ९६ आँखा रोगी र २ सय ३ जना जेनरल ओ।पि।डी। विरामी चेकजाँच गरिएको हो । शिविरको उदघाटन कार्यक्रमको अवसरमा नेपाली सेनाको २८ नम्बर वाहिनीपति सानू काजी थापा ,चन्द्रपुर नगरपालिकाका प्रमुख संजय कुमार काप्ले , प्रमुख जिल्ला अधिकारी धर्मेन्द्र कुमार मिश्र ,रौतहट प्रहरी प्रमुख वीर बहादुर बुढामगर, सशस्त्र प्रहरी उपरीक्षक माधव घिमिरे ,राष्ट्रिय अनुषन्धानका प्रहरी प्रमुख चन्दन झा सहितका कार्यालय प्रमुख तथा स्थानीय जनप्रतिनिधिहरुको उपस्थिति रहेको गणपति बिष्टले बताए ।
विहान ०७ बजे देखि शिविर सुरु भई सांझ ०५ बजे सम्म संञ्चालन भएको थियो । सो स्वास्थ्य शिविरमा चन्द्रपुर नगरपालिका , प्रादेशिक अस्पताल गौर , रेडक्रस सोसाइटी , औषधी व्यवसायी संघ, प्रभु बैक, ग्रामीण विकास केन्द्र सहितको सहयोग रहेको गणपति प्रमुख सेनानी विष्टले बताए ।
रौतहट, १५ बैशाख ।
बृन्दावन नगरपालिकामा दलित सामुदायिक भवनको शिलान्यास कार्य गरिएको छ । बृन्दावन नगरपालिका वडा नम्बर ८ बहुवरी टोलमा बिहीबार एक कार्यक्रम बिच दलित सामुदायिक भवनको शिलान्यास गरिएको हो ।
समाजलाई एकढिकामा बाध्न चौतर्फी विकास कार्यलाई मुल्यांकन गरि भौतिक संरचना निर्माण सहित धमाधम भौतिक संरचना अगाडि बढिरहेको छ ।
बृन्दावन नगरपालिकाका मेयर बिनोद प्रसाद कुर्मीले वडा नं. ८ बहुवरीमा ३० लाखको लगानीमा निर्माण हुने सामुदायिक भवन शिलान्यास गरेका हुन । समय अवधि भित्र निर्माण कार्य सम्पन गर्ने गरि शिलान्यास कार्य गरिएको मेयर कुर्मीले जानकारी दिनु भएको छ । मेयर कुर्मीले सामुदायिक भवन बनेपछि त्यस घना दलित बस्तीमा विवाह, ब्रतबन्ध, उत्सवमा वा कुनै कार्य गर्न भवनको अभाव भईरहेको महसुस गरी सामुदायिक भवन निर्माण गर्न लागेको उनले बताए ।
मधेश प्रदेश सरकारको प्राप्त योजनाबाट २ कोठे भवन सुविधा सम्पन्न निर्माण हुन लागेको उहाँले बताए ।
बृन्दावन नगरपालिका वडा नम्बर ८ का वडाअध्यक्ष रवीन्द्र कुमार साहको अध्यक्षता र नगरपालिकाका मेयर कुर्मीको प्रमुख आतिथ्यमा सम्पन्न शिलान्यास कार्यक्रममा कार्यपालिका सदस्य राजेश पासवान, वडा सदस्य, बुद्धिजिवी, स्थानीय, राजनितिककर्मी लगायत स्थानीयबासीहरुको सहभागिता रहेको थियो ।
आरके श्रीवास्तव,गरूडा,वैशाख १४ गते
राैतहटकाे वृन्दावन नगरपालिकामा सूचनाकाे माग गर्दै रिले अनशनमा बसेकाहरूकाे १४ वटा माग मध्ये एउटा माग पूरा भएपछि रिले अनसन ताेडिएकाे हाे । अनसनकारीहरूकाे माग मध्ये बैंक स्टेटमेन्ट उपलब्ध गराएकाे र पछि बाँकी मागहरू क्रमश:पूरा गर्दै जाने सर्तमा रिले अनसन ताेडिएकाे हाे ।
कार्यक्रममा बाेल्दै वक्ताहरूले प्रमुख प्रशासकीय अधिकृत ओमप्रसाद पाण्डेलाई रिले अनसन ताेडन महत्त्वपूर्ण भूमिका खेल्नु भएकोमा धन्यवाद ज्ञापन गरेका थिए ।
कार्यक्रममा अधिकृत पाण्डेले सुशासन कायम गर्ने उदेश्यले भएको रिले अनसनमा सहमति भएको छ । जुन सराहनीय छ । बृन्दावन नगरपालिकालाई समृद्ध नगर बनाउन सबैकाे सहयोग गर्नुपर्नेमा जाेड दिनु भयाे ।
नगरपालिका पक्ष र अनसनकारी पक्ष बिच विभिन्न पाँच बुँदे सहमति पनि भएको छ । रिलेअन बस्ने पक्षबाट माग भए बमोजिमका सूचनाहरू कानुन सम्वत् रूपमा कार्यालयले उपलब्ध गराउने,रिले अनसनमा नगरपालिकाका जिम्मेवार वडा अध्यक्षहरू समेत सहभागी हुनु भएकोले सूचना प्राप्त गर्न वहाँहरू बाट कार्यालय सँग समन्वय गरि सूचना प्राप्त गर्ने,सुशासन कायम गर्नकाे लागि कार्यालयकाे तर्फबाट यथा समयमा सार्वजनिक सुनवाइकाे आयाेजना गर्ने,कार्यालयकाे तर्फबाट माग बमाेजिम आर्थिक वर्ष २०७८/७९ काे जेष्ठ १ गते देखि हालसम्मकाे संचित काेष,चालू र पुँजीगत तर्फकाे बैंक स्टेटमेन्ट उपलब्ध गराउने,नगरकाे विकास र समृद्धिकाे लागि आम नगरवासी,राजनीतिक दल तथा जनप्रतिनिधि बिच आपसी सहकार्य तथा समन्वय कायम राख्ने सहमति भएको छ ।
नगर प्रमुख विनाेद पटेल कुर्मिले थाेरै समयमा धेरै भ्रष्टाचार गरेको आरोप समेत लगाउँदै उनीहरू रिले अनसनमा बसेका थिए । नगरप्रमुख प्रत्यासीहरु र केही निर्वाचित वडाका अध्यक्षहरु एकजुट भई रिले अनसन बसेका थिए ।
नगरप्रमुख प्रत्यासि तथा नेपाली कांग्रेसका नेता राम स्नेही यादव , नगर प्रमुख प्रत्यासी तथा नेकपा एमालेका नेता प्रेम शंकर प्रसाद यादव, नगर प्रमुख प्रत्यासी तथा नेकपा माओवादी केन्द्रका नेता राम प्रसाद पटेल , नगर प्रमुख प्रत्यासि तथा जनता समाजवादी पार्टीका नेता शेख हकिम, आजपा नेता अशाेक साह , रिले अनसन बसेका थिए । वडा नम्बर २का अध्यक्ष सिकिन्द्र पटेल ,वडा नम्बर ३ का अध्यक्ष हरिनारायण साह , वडा नम्बर ४ का अध्यक्ष श्याम नन्दन प्रसाद यादव र वडा नम्बर ५ का अध्यक्ष फेकन दास सहितका निर्वाचित वडा सदस्यहरु रिले अनसन बसि रहेका थिए ।
उनीहरूले आ.व. २०७९/०८० मा भएको नगर सभा देखी हालसम्म भएको नगर सभा देखी हाल २०७९ चैत ०५ गते सम्मको निर्णय प्रतिलिपिहरु,शिक्षा क्षेत्रमा खर्च गरिएको विवरण तथा उपलब्धीहरु ,स्वास्थ्य क्षेत्रमा खर्च गरिएको विवरण तथा उपलब्धीहरु ,करारका कर्मचारीहरु नियुक्तिपत्र र हाजरी रजिष्टरको प्रतिलिपि साथै तलब कर्मचारी पेश्किको विवरण तथा डोर हाजरीमा राखिएको कर्मचारीको विवरण ,अमानतमा बागमति खोलामा उठाईएको कर दाखिल विवरण र बैकं भौचर विवरण ,पद पुर्ति समितिको निर्णय र छनौट प्रकृयाको प्रतिलिपि ,२०७९ जेष्ठ महिना देखी हाल सम्म गाडीहरु राखेको डिजल पेट्रोलको लगबुक सहित विवरण,नगरपालिकाको भित्रको सम्पूर्ण बैक खाताहरुको हाल सम्मको विवरण ,दर्ता चलानी किताबमा दर्ता चलानी भएको पत्रहरुको प्रतिलिपि, विकास कार्यका सम्पूर्ण योजनाको विवरणहरु र भुक्तानी गरेको सम्पूर्ण कगजातहरुको प्रतिलिपि ,हाल सम्म भएको खर्च रकमको शिर्षक सहितको प्रति महिना विवरणको प्रतिलिपिहरु,कोरोना पिडितहरुलाई दिएको रकमको विवरणको प्रतिलिपि ,यथा सिघ्र भूमि वार्गीकरणको निर्णय पठाउने ,नगरवासीको उपस्तिथीमा नपा कार्यालय भित्र सार्वजनिक सुनवाई अभिलम्ब गर्ने सहितका मागहरु राखि रिले अनसनमा बसेका थिए ।
आरके श्रीवास्तव,गरूडा,वैशाख १४ गते
रौतहटको कटहरिया नगरपालिका वडा नम्बर १ मा रहेको श्री कोपिला प्राथमिक बिधालय भसेढवामा चार कोठे भवन शिलान्यास भएको छ ।
राष्ट्रपति शैक्षिक सुधार कार्यक्रम अन्तर्गत परेको ४५ लाख रुपैयाँको लागतमा निर्माण गरिने भवनको बिहिवार एक कार्यक्रमका बीच शिलान्यास गरिएको प्रधानाध्यापक सुशीला कुमारी कुशवाहाले जानकारी गराउनु भयो ।
सो नगरपालिकाका नगर प्रमुख अजय प्राकाश जयसवाल र उप प्रमुख रिता देवि यादवले संयुक्तरूपमा शिलान्यास गर्नु भएको हो । वडा अध्यक्ष भूपेन्द्र महतो कोईरीको विशेष पहल र प्रधानाध्यापक कुशवाहाको सक्रियतामा सो भवन निर्माण हुन लागेको हो ।
भवन निर्माण भएपछि विद्यार्थीहरुको कक्षाकोठाको अभावमा केही समाधान हुने भएको छ । कटहरिया नगरपालिकाले शिक्षा क्षेत्रलाई विशेष प्राथमिकतामा राखेर काम गरिरहेको मेयर जयसवालले बताउनु भयो ।
सो अवसरमा नि.प्रमुख प्रशासकीय अधिकृत रामप्रकाश साह,वडा नम्बर ३ का वडा अध्यक्ष श्यामाकान्त यादव,वडा नम्बर ५ का वडा अध्यक्ष सर्फलाल गुप्ता,वडा नम्बर ७ का वडा अध्यक्ष सहिद आलम,शिक्षा सह संयोजक सुरेन्द्र ठाकुर,समाजसेवी जवाहर प्रसाद यादव ,श्री माबि भसेढवाका प्रअ राममंगल यादव,श्री आबि उचिडिहका प्रधानाध्यापक मुक्ति कुश्वाहा,श्री प्राबि रांगीका प्रअ विजय कुशवाहा,ईन्जिनियर राजेश साह,योजना शाखा प्रमुख रामनरेश यादव लगायत शिक्षक शिक्षिका,स्थानीय भद्रभलादमी, बुद्धिजीवी,शिक्षाप्रेमीहरूको उपस्थिति रहेको श्री कोपिला प्राबिका सहायक प्रधानाध्यापक कुणाल कुशवाहाले जानकारी गराउनु भएको हो ।
काठमाडौँ । काठमाडौँ उपत्यकामा मापदण्डभन्दा बढी धुँवा फाल्ने १५ वटा सवारी साधनलाई कारबाही गरिएको छ । वातावरण विभाग र काठमाडौँ उपत्यका ट्राफिक प्रहरी कार्यालयले तोकिएको भन्दा बढी धुवाँ फाल्ने सावारीसाधनका चालकलाई कारबाही गरेको हो ।
काठमाडौँको बबरमहलमा गरिएको प्रदूषण जाँचका क्रममा मापदण्डभन्दा बढी धुवाँ फाल्ने सात सार्वजनिक बस, पाँच माइक्रोबस, दुई पिकअप भ्यान र ट्रक एकगरी १५ वटा सवारीसाधनका चालक कारबाहीमा परेका उपत्यका ट्राफिक प्रहरी कार्यालयका प्रवक्ता तथा प्रहरी वरिष्ठ उपरीक्षक राजेन्द्रप्रसाद भट्टले जानकारी दिए ।
चन्द्रपुर १४ बैसाख । रौतहटमा पुराना दल छाडेर नयाँ दल रोज्नेहरुको संख्या दिनप्रतिदिन बढदै गएको छ ।
गत निर्वाचनमा छोटो समयमा सफलता हासिल गरेको रबि लामिछानेले नेतृत्व गरेको राष्ट्रिय स्वतन्त्र पार्टी (रास्पा) प्रति युवाहरु आशावादी हुँदै प्रबेश गरिरहेका छन् ।
हालसम्म रौतहट क्षेत्र नम्बर ४ मा २६ सय भन्दा बढी जनाले रास्वपाको सदस्यता लिएको रास्वपा केन्द्रिय कार्यालयले जानकारी दिएको छ । यो संख्या दिनानुदिन बढ्दै गएको रास्वापाका सदस्य उदय नारायण सापकोटाले बताए ।
पुराना दलहरु कांग्रेस,एमाले र माओवादीका कार्यकर्ता पार्टीपंक्तिको काम देखेर दिक्क मान्दै विकल्प खोज्न बाध्य भएको रास्वपा प्रवेश गरेका व्यक्तिहरु बताउछन ।
रास्वपा नेपाली जनतामा निहीत राष्ट्रिय सार्वभौमिकतालाई आत्मसात् गर्दै, नेपालको राष्ट्रिय हितलाई सर्वोपरि मानी जनउत्तरदायी, जनसहभागितामूलक लोकतान्त्रिक राज्य शासन व्यवस्था प्रवर्द्धन गर्दै नेपालको संविधानले परिकल्पना गरेअनुसार दिगो शान्ति, सुशासन, विकास र समृद्धिको आकांक्षा पूरा गरी नेपाली जनताले महसुस गर्ने गरी जीवनस्तरमा सुधार ल्याउने प्रतिबद्धतासहित राष्ट्रिय स्वतन्त्र पार्टीको गठन गरी, असार ७, २०७९ मा सार्वजनिक घोषणा गरेसँगै, असार १७, २०७९ मा राष्ट्रिय स्वतन्त्र पार्टी निर्वाचन आयोगमा दर्ता भएको नेपाली राजनीतिक दल हो ।
रौतहट १४ बैसाख ।
देश क्रमशः भ्रष्टाचार, बेथिति, कुशासन, आर्थिक, सामाजिक र राजनीतिक रुपमा संकटग्रस्त बन्दै गएको भन्दै आम जनता पार्टीले जागरण यात्रा गर्ने भएको छ ।
विषम परिस्थितिलाई आत्मसात गर्दै “देशलाई संकटबाट जोगाउन जागरण यात्रा” जेठ १८ गतेदेखि पश्चिम नेपालको महेन्द्रनगरबाट शुभारम्भ गर्ने आजपाले जनाएको छ ।
आम जनता पार्टीको काठमाडौं स्थित केन्द्रीय कार्यालयमा पार्टी अध्यक्ष प्रभु साहको अध्यक्षतामा बसेको केन्द्रीय पदाधिकारीहरुको बैठकले विभिन्न निर्णय समेत गरेको छ ।
उपनिर्वाचनमा घोषित अघोषित गठबंन्धन एवं राष्ट्रिय तथा अन्तर्राष्ट्रीय सत्ता र शक्तिको प्रत्यक्ष टकरावको बाबजूद पनि बिना कुनै गठबन्धन एक्लै निर्भिकता पूर्वक चुनाव लडेर सहाशिक प्रदर्शन गरी संगठनको विजारोपन गर्न सफल हुनु सराहनीय विषय रहेको ठहर गर्दै यस्तो विषमरसंवेदनशील परिस्थितिमा आजपाप्रति विश्वास गरी मतदान गर्नुहुने सम्पूर्ण मतदाताहरुप्रति आभार व्यक्त गरेको छ ।
१८ मे मा अन्तर्राष्ट्रीय मजदूर दिवसलाई पार्टीको केन्द्रीय कार्यालयमा एक औपचारिक कार्यक्रम गरि मनाउने निर्णय गरेको छ । पार्टी र जनसंगठनका कार्यहरुलाई व्यवस्थित गर्ने, निर्णय भएको आजपा केन्द्रीय कार्यालयले जनाएको छ ।
रविन्द्र प्रजापती,वैशाख १३ गते
रौतहटमा करेन्ट लागेर एक जनाको मृत्यु भएको छ । जिल्लाको कटहरिया नगरपालिका वडा नम्बर ९ डुमरियामा बुधबार करेन्ट लाग्दा एक यूवकको ज्यान गएको प्रहरीले जनाको छ ।
डुमरीया बस्ने राम विश्वास पासवानको छोरा अ. वर्ष १५ को चन्दन कुमार पासवानको करेन्ट लागेर मृत्यु भएको ईलाका प्रहरी कार्यालय कटहरियाले जनाएको छ ।
दुईसो आफ्नो खेतमा मोटरबाट पानी पटाउने क्रममा अचानक उनलाई दाहिने हातमा करेन्ट लागेको र उपचारको लागी प्राथमिक स्वास्थ्य केन्द्र कटहरियामा लगिएकोमा चिकित्सकले मृत घोषणा गरेको ईलाका प्रहरी कार्यालय कटहरियाका सई अशोक कुमार महतोले जानकारी दिए ।
आरके श्रीवास्तव,गरूडा,वैशाख १३ गते
रौतहट फतुवा बिजयपुर नगरपालिकाको वडा नम्बर २ भित्र रहेका सार्वजनिक तथा ऐलानी जग्गा खाली गराउने निर्णय गरिएको छ । सार्वजनिक तथा ऐलानी जग्गा अतिक्रण गरी निजी प्रयोजनमा प्रयोग गर्दै आएको जग्गा खाली गराउन सूचनाजारी गरेको छ ।
मिति २०८० वैशाख १३ गते बुधबार जारी भएको सूचनामा १५ दिन भित्र वडा अन्तर्गत ऐलानी जग्गामा रहेको घर टहरा हटाउन भनिएको छ ।
आज बुधबार वडा कार्यालयमा सो वडामा वडा अध्यक्ष अनिरूद्व प्रसाद यादव उर्फ संजयको अध्यक्षतामा बसेको बैठकले वडाभित्रको ऐलानी जग्गा खाली गराउने निर्णय गरेको हो ।
स्थानीयहरुले नै कब्जा गरेको सार्वजनिक जग्गा छुट्याउन वडाले अभियानको रूपमा थालनी गर्ने भएको हो । स्थानियहरुले अतिक्रमण गरेर भोगचलन गर्दै आएको ऐलानी वडा क्षेत्र भित्र रहेका सार्वजनिक जग्गा पहिचान गरी वडा मातहतमा ल्याउन सो निर्णय भएको हो । अहिले वडासँग आफ्नो क्षेत्रमा रहेका सार्वजनिक जग्गा कति छ भन्ने कुनै पनि तथ्यांक छैन् ।
तथ्यांक नहुँदा काम गर्न कठिनाई भएकाले वडाले आफ्नो सीमा भित्र रहेका सार्वजनिक सम्पत्ति संरक्षण गर्न जग्गा खोजि अभियान अघि बढाइएको वडा अध्यक्ष यादवले बताउनुभयो ।
वडामा रहेका सार्वजनिक जग्गा तथा सम्पत्तिको अभिलेखिकरण गरेर राख्न र आवश्यकता अनुसार प्रयोग गर्न वडाले खोजी अभियान अघि बढाएको पनि वडा अध्यक्ष यादवले बताउनुभयो । नेपाल सरकारको स्वामित्वमा रहेको एलानी जग्गाहरु दिनप्रतिदिन अतिक्रमण हुँदै व्यक्ती व्यक्तीगत रुपमा निजिकरण गरिदै गइरहेकोले सो जग्गाहरुको संरक्षण सम्बन्धी छलफल गर्न वडा समितिको प्रतिनिधी,गाउँका भद्रभलादमी,राजनितीक दलका प्रतिनिधी,कर्मचारी पत्रकार लगायतको व्यक्तीहरुको बैठकमा एलानी जग्गा खाली गर्ने गराउने,सम्बन्धीत निकायमा बोधार्थ गर्ने,छठ घाट निरको पोखरि तथा अन्य सार्वजनिक ठाउँमा रहेको पोखरि खाली गराउने र व्यवस्थापन गर्ने सहितका विषयमा छलफल गरिएको थियो । सो अवसरमा वडा सदस्य प्यारेलाल यादव,शेरबहादुर पटेल,राजकुमारी देवी,नैनपती देवी,वडा सचिव अजय राय यादव,अच्छेलाल राय यादव,रविन्द्र कुमार निधी,कन्हैया यादव सहित गाउँभरीका स्थानिय भद्रभलादमीहरुको उपस्थिती रहेको थियो ।
