आरके श्रीवास्तव,रौतहट,साउन ०८ गते ।
रौतहट प्रहरीले फरार प्रतिवादीलाइ पक्राउ गरेको छ । सम्मानित अदालतको फैसला कार्यान्वयन अन्तर्गत अदालतबाट कैद तथा जरिवाना सजाय भई हाल सम्म फरार रहेका प्रतिवादीहरुलाई प्रहरीले पक्रेको हो । जिल्ला प्रहरी कार्यालय तथा मातहत समेतबाट खटिएको प्रहरी गस्ती टोलीले गस्ती गर्ने क्रममा बिभिन्न मुद्दा शिर्षकका फरार प्रतिवादीहरुलाई पक्राउ गरी आवश्यक कारवाहीको लागी सम्मानि रौतहट जिल्ला अदालत गौर रौतहटमा बुझाईएको जिल्ला प्रहरी कार्यालय रौतहटले जनाएको छ ।

पक्राउ पर्नेहरुमा बृन्दाबन नगरपालिका वडा नम्बर१ रमौली बैरियाका कर्तब्य ज्यान मुद्धाका जयकरण सहनी,कटहरिया नगरपालिका वडा नम्बर १ भसेडवाका राजकिशोर तत्मा र कटहरिया नगरपालिका वडा नम्बर ५ का जबरजस्ति करणि मुद्धाका फरार प्रतिवादी असलम मिया रहेका छन् । उनीहरुलाइ सम्मानित रौतहट जिल्ला अदालतबाट म्याद थप भई अनुसन्धान कार्य भइरहेको प्रहरीले जनाएको छ ।

विशाल बस्नेत,महोत्तरी, ८ साउन ।

महोत्तरीका पूवशिक्षक केदार कोइराला रातु नदीको सभ्यता र यसका भित्री पाटाहरूका विषयमा गहन अनुसन्धान गरिरहेका थिए । उनले एक दिन आफुले रातु नदी सभ्यताको अध्ययन गरिरहेको जानकारी पूर्व शिक्षा, विज्ञान तथा  प्रविधिमन्त्री गिरिराजमणि पोखरेललाई गराए । यसबारे धेरै जानकारी जर्मनी नागरिकसँग भएको बताउँदै उनलाई भेट्न पूर्वमन्त्री पोखरेलले सुझाए । त्यसपछि कोइरालाले जर्मन अनुसन्धानकर्ता गुड्रन कार्विन्सले लेखेको  प्रिहिज्टोरिक कल्चर्स इन नेपाल’ किताब फेला पारे ।  जहाँ रातु नदीको मानव सभ्यता र जिल्लामा रहेको पाटु गाउँको भित्री रहस्य उल्लेख गरिएको थियो ।

अहिले कोइराला  कार्विन्सले अनुसन्धान गरेको ठाउँको थप अनुसन्धानमा जुटेका छन् । कार्विन्सले  उक्त किताबको भोलम १, पृष्ठ २३९ मा अहिलेको पाटु र रातु नदी वरपरको मानव सभ्यता १० हजार वर्ष पूरानो भएको उल्लेख गरेकी छन् । यसका लागि उनले सन् १९८५ को दशकमा १० वर्ष लगाएर पाटुको अध्ययन गरेकी थिइन् । रातो माटोले पुरिएको अवस्थामा हजारौ मध्य पाषण युगका हतियारहरु भेटिएपछि यो नै सबैभन्दा पुरानो मानव सभ्यता भएको उनले आफ्नो किताबमा वर्णन गरिन्  ।

मध्यपाषण १२ देखि १२ हजार बर्ष अघिको अवधि र ६ देखि १०  हजार वर्ष अघिको नवपाषणको अवधिलाई भनिन्छ । यसरी गुड्रन कार्विन्सले गरेको अध्ययनअनुसार पाटुको  १० हजार वर्ष अघिको अर्थात् मध्य पाषण युगको सभ्यता रहेको निष्कर्ष निकालिएको छ । पहिले त कर्विन्सले नेपालमा ढुंगे युगमा मानव चहलपहल थियो भन्ने तथ्य विश्वलाई बताएकी छन् ।  कर्विन्स पाटुमा नै किन आइन् भन्ने विषय अझै रहस्यमय छ । तर, १० वर्ष लगाएर गरिएको अनुसन्धानपछि उनले निकालेको निष्कर्षको विषयमा भने धेरै मानिसहरु बेखवर छन् ।

शिवालिक पहाडको फेदीमा रहेको पाटु हतियार कारखानाको अवशेष जनवरी १९८५ मा पत्ता लगाएको उनले आफ्नो किताब (प्रिहिज्टोरिक कल्चर्स इन नेपालझ भोलम १, पुष्ट २३९, सन २००७) मा उल्लेख गरेकी छन् ।लेखक कमल मादेनले पनि पाटुमा नै आएर यसको थप अनुसन्धान गरेको पाइएको छ । उनले एउटा लेखमा भनेका छन्, ‘महोत्तरीमा फेला परेको पाटु कारखाना, रातु खोलाको पाटु कारखाना भनिदो रहेछ ।’

कार्विन्सले किताबमा उल्लेख गरेअनुसार ढुंगा, हड्डी वा काठबाट एकातिरको भाग धारिलो बनाएर बनाइएको साना हतियार, ढुंगाका टुक्राहरु हजारौ संख्यामा भेटिएका थिए । तिनीहरुलाइ ३० देखि ७० सेन्टिमिटर मुनि राता माटामा उत्खनन् गर्दा सजिलै भेटिए । अर्को रहस्य त के थियो भने हतियारहरुको स्वरूप भारतमा मध्य पाषण युगमा पाइएका जस्ता थिएनन् । यिनीहरु भियतनाममा पाइएजस्ता भएको हुनाले महोत्तरीमा मानवहरु भारततर्फबाट आएको दावी गरे पनि दक्षिणपूर्व तर्फबाट आएका थिए भन्ने संकेत गर्ने पनि उल्लेख गरिएको छ ।

कर्विन्स सबैभन्दा पहिला १९८१ मा नेपाल आएकी थिइन् । त्यसयता नेपालको प्रागऐतिहासिक जानकारी शून्य भइरहेको बेला उनले नै खोजको सुरुवात गरेकी हुन् ।यसअघि पुरानो मानवसभ्यताको खोज अनुसन्धान गर्ने क्रममा अफ्रिकी मुलुकमा दशकौँ बिताएकी थिइन् । दाङ–देउखुरी उत्पत्यका र पाटुमा उनले १० वर्ष लगाएर उक्त मानवसभ्यताको विषयमा अनुसन्धान गरेकी हुन् । अहिले पनि पाटु र राइमण्डलका स्थानीयहरु पुराना ढुंगाका बन्चरा जस्ता आकार भएका बस्तु तथा मानव सभ्यताका अवशेष पाइने बताउँछन् ।

पाटुका स्थानीय शंकर खडका आफूहरु सानोमा गाईवस्तु चराउन जाँदा अनौठा –अनौठा आकारका बस्तुहरु फेला पार्ने गरेको वताए । ‘ती बस्तुहरु हामी केटाकेटी हुँदा खेल्थौँ अनि फ्याँकिदिन्थ्यौँ,’ उनले भने । अहिले पनि जंगलमा गयो भने प्रागऐतिहासिक कालका किताब पढेजस्ता विभिन्न बस्तुहरु देख्न सकिने थापाको भनाइ छ ।

पाटुको विषयमा विश्वविद्याललयका प्रध्यापकहरु समेत निकै चासो व्यक्त गर्छन् । केदार कोइरालाका अनुसार कतिपय प्रध्यापकहरुले विद्यार्थीहरु कार्विन्सले खोजी गरेको हतियार कारखाना देखाउन ल्याए पनि ठाउँ एकीन गर्न नसक्दा अन्य ठाउँहरु पुग्ने गरेका छन् ।

के भन्छ स्थानीय सरकार ?

नगरप्रमुख प्रल्हाद कुमार क्षेत्रीले पनि यो महत्वपूर्ण विषयलाइ छिट्टै छलफल गरेर उचित योजना बनाएर अगाडि बढ्ने वताए । बर्दिबास पर्यटन बोर्डको बैठक राखेर यस विषयमा थप खोजी गर्ने र प्रागऐतिहासिक वस्तुहरुको संकलन गर्ने मेयरका सचिवालय सदस्य विनोद ढुंगेलले बताए । ‘यसको विषयमा हामी लागि परेका छौँ । थप आन्तरिक छलफल गरेर युद्धस्तरमा काम गर्छौँ,’ उनले भने ।

जनकपुर,साउन ०६ गते ।

दलित कार्यपालिका सदस्य र अगुवाहरुको प्रदेश स्तरीय सम्मेलन सम्पन्न भएको छ। कार्यक्रममा दलित अधिकार संरक्षणमा दलित आयोग र दलित भातृ संगठनको भुमिका विषय विशेष छलफल भएको थियो। छलफलको क्रममा राष्ट्रिय दलित आयोगका अध्यक्ष देवराज विश्वकर्माले आयोगले मधेस प्रदेशका दलितको हितका लागि सरकार समक्ष दुईवटा महत्वपूर्ण प्रस्ताव राखेको बताएका छन् ।

मधेस प्रदेशको मानव विकास सूचकाङ्क कर्णाली प्रदेशको भन्दा पनि कम भएकाले यहाँका दलित समुदायलाई सम्पूर्ण क्षेत्रमा अघि बढाउन सम्पूर्ण राज्य संयन्त्र प्रयोग गर्न ध्यानाकर्षण गराएको जानकारी गराएका छन्।

त्यसैगरी मधेसमा बाढी, आगलागी र चिसोका कारण दलित समुदाय एकदमै सताइएकाले उनीहरूका समस्या समाधान गर्न पनि प्रभावकारी भूमिका निर्वाह गर्न प्रस्ताव गरेको उनले बताए ।

दलित अधिकार मञ्च, नेपालले जनकपुरमा आयोजना गरेको ’दलित अधिकार सबैको सरोकार’ विषयमा केन्द्रित भइ विभिन्न विषयमा आयोजित ३ दिने कार्यक्रमका क्रममा विश्वकर्माले यस्तो जानकारी दिएका हुन ।

त्यसैगरी उनले राष्ट्रिय दलित आयोगले उठाउनुपर्ने विषयमा घच्घाइरहन मधेसीवासीसँग अनुरोध पनि गर्दै अध्यक्ष विश्वकरले आयोग मधेसी दलितका पीडामा मलमलगाउन हातेमालो गरेर अघि बढ्न त्यार रहेको बताउनुभयो ।

त्यसैगरि सो कार्यक्रमको आयोजक संस्था दलित सरोकार मञ्च नेपालका कार्यकारी निर्देशक भोला पासवानले मधेसमा अहिले पनि दलितलाई हेर्ने नजरमा समस्या भएकाले छलफल गरी एउटा निष्कर्षमा पुग्नका लागि यस्तो कार्यक्रम आवश्यक भएको बताए।

उनले यो कार्यक्रमको मुख्य उद्देश्य विभिन्न दलसँग सम्बन्धित मधेस प्रदेशस्तरीय समितिका प्रमुखहरू,भातृसङ्गठनका प्रमुखहरू र अगुवाहरू एकै थलोमा भेला भइ दलितका समस्या समाधानमा लागिपरुन् भन्ने भएको उल्लेख गरे ।

दलित अधिकारका लागि भएका व्यवस्था,कानुनी विषय तथा विभेद निमिट्यान्न पार्ने उपायहरूबारे छलफल गरी दबाब दिने, पीडकलाई कानुनी दायरामा ल्याउने तथा दलितमाथिका उत्पीडन समाधान गर्न यस्तो थलो उपयोगी हुने उनको धारणा थियो ।

कार्यक्रममा दलित अगुवा मुन्नी दासले पीडामा परेका दलितहरूको पीडा मर्का राख्ने पोख्ने चौतारी उपलब्ध गराउँछ दलित सरोकार मञ्चले भन्दै त्यसैले यो कार्यक्रम निकै प्रसंशनीय भएको बताइन् । दलितहरू विभिन्न दलका भातृ सङ्गठनमा छन् तर उनीहरू कहिल्यै पनि दलितका कुरा आफ्नो दलमा उठाउन्नन् भन्दै उनले कुनै पनि दलले दलितलाई अघि बढाउन नचाहेको उल्लेख गरिन् ।

कार्यक्रममा दलित कार्यपालिका सदस्यहरूको सञ्जालका सजिना बिक, पुनमदेवी राम, सन्तबहादुर बिक, सुमित्रादेवी दास, राजेश सक्सेना, टीका विश्वकर्मा र अशोक रामले एक वर्षे अवधिमा दलित समुदायका कार्यपालिका सदस्यहरूले भोगेका अनुभव, चुनौती तथा सम्भावनाबारे धारणा राखेका थिए ।

त्यसैगरी सप्तरीको शम्भुनाथ नगरपालिकाका कार्यपालिका सदस्य शिवशङ्कर रामले आफूहरूले आफ्नो पालिकामा जातीय विभेद तथा छुवाछूत अनुगमन समिति गठन गर्न तथा त्यसका लागि बजेट छुट्याउन र अन्य काम गर्न गर्नुपरेको सङ्घर्ष सुनाएका थिए । उनको भनाइ थियो– गर्न चाह्यो र बुझेर अघि बढ्यो भने कार्यपालिका सदस्यले पनि धेरै काम गर्न सक्छ ।

उक्त कार्यक्रममा पूर्वप्रदेश सभा सदस्य चमेलीदेवी दास, नेपाल उत्पीडित जातीय मुक्ति समाजका पञ्चदेव खङ्ग, समाजवादी दलित मुक्ति सङ्गठनका रामो महरा, नेपाल दलित मुक्ति मोर्चाका लवकुश बैठा, नेपाल दलित सङ्घका रामऐकवाल पासवान, नेपाल दलित मुक्ति सङ्गठनका रामाशीष दास, दलित सङ्घका श्यामपरी पासवान, दलित अभियन्ता चन्देश्वर दास, समाजवादी प्रेस सङ्गठनका वृजलाल पासवान, बहुजन एकता पार्टीका राजाराम पासवान, नेपाल राष्ट्रिय दलित मुक्ति मोर्चाका विनोद महरालगायतले आआफ्ना दलले दलितका लागि गरेका काम उल्लेख गरेका थिए ।

उनीहरूमध्ये प्राय को निष्कर्ष थियो कि दलित समुदायले भोग्नुपरेका समस्या समाधानका लागि सबै दलित समुदाय दल भन्दा माथि उठ्नु आवश्यक छ ।

कार्यक्रममा पत्रकार रघुनाथ लामिछानेले ‘दलित कार्यपालिका सदस्य व्यवस्था र अवस्था’ विषयमा प्रस्तुतीकरण गरेका थिए । स्वागत भाषण सुनिल सरबरियाले गरेका थिए ।कार्यक्रम साउन ६, ७ र ८ तीन दिन चल्ने मञ्चका कार्यकारी निर्देशक भोला पासवानले जानकारी दिए ।

रामप्रवेश बैठा,कटहरिया,साउन ०६ गते ।
कटहरिया । रौतहटको कटहरिया नगरपालिका वडा नगरपालिका वडा नम्बर ६ फतेपुरमा अहिले नाला निर्माणको काम चलिरहेको छ । नाला निर्माणमा भने लापरबाही भएको पाइएको छ ।
सो टोलको सफरुदिनको घरदेखि मठ सम्म नाला निर्माणको काम भइरहेको छ । स्टिमेट अनुसार काम नभएको स्थानियहरुले गुणासो गरेका छन् । १५ सेन्टीमा गर्नुपर्नेमा सो अनुसार काम नगरेको गुणासो छन् ।
स्टिमेट अनुसार नाला नबनाइएको भन्दै स्थानीयले विरोध जनाएका छन् । यो नाला निर्माणको ठेक्का सडक डिभिजन रौतहट बाट मुना कन्सट्रक्सनले लिएको छ ।

यस विषयमा इ. विरेन्द्र महतो सँग बुझदा उनी भन्छन्, ‘स्थानीयको खबरदारीलाई सकारात्मक रूपमा लिएका छौँ, प्राविधिकलाई फिल्डमा खटाएर काम सुधार गराउने छु ।’

आरके श्रीवास्तव,रौतहट,साउन ०६ गते ।
रौतहट । नेपाली किसानले उत्पादन गरेको ब्रोइलर कुखुरा विक्री हुन सकेको छैन् । रौतहटको सिमानाका बाट भारतीय कुखुराको तस्करी हुँदा यहाँ उत्पादन गरिएको कुखुरा बिक्री हुन नपाएको किसानहरुले गुणासो गरेका छन् । भारतीय कुखुराको तस्करी बढ्दा नेपाली कुखुरा उत्पादक किसान मारमा परेका छन् ।
जिल्लाको फतुवा बिजयपुर २ शितलपुरका कुखुरा उत्पादक किसान अनिरुद्ध यादव भन्छन् नेपालमा भारतीय कुखुरा खुलेआम रूपमा प्रवेश पाउँदा मैले उत्पादन गरेको करिब ८ सय कुखुरा फार्ममै यस्तै बसिरहेको छ । बिक्री हुन सकेको छैन् । दैनिक लाखौं मूल्य बराबरको दाना खुवाउनु परेको छ । सम्बन्धित निकायको यस तर्फ ध्यान छैन् ।
भारतबाट नेपाल भित्र्याउन रोक लगाईए पनि सीमा क्षेत्रमा कुखुराको अवैध कारोबारमा वृद्धि भएको छ । नेपाल भन्दा भारती बजारमा कुखुरा सस्ता पर्छ । त्यहाँको कुखुरा नेपाली बजार अहिले छ्यापछ्याप्ती पाईरहेको छ । जसकारण नेपाली किसानले उत्पादन गरेको कुखुरा बिक्री हुन सकेको छैन् ।

सीमानाकामा प्रहरी तैनाथ छ । तैपनी कुखुरा तस्करी भइरहको छ । यस प्रति किसानहरुले गुणासो गरेका छन् । यस विषयमा कुखुरा व्यवसायी संघ रौतहटका अध्यक्ष हरिशंकर साह भन्छन् हामी पटक पटक जिल्लाको सुरक्षा निकायको प्रमुखहरु लाइ ध्यानाकर्षण गराउँदा कुनै सुनुवाइ हुन सकेको छैन् । भातीय कुखुराको तस्करी कम हुनु भन्दा दैनिक रुपमा बढिरहेको छ ।

आरके श्रीवास्तव,रौतहट,साउन ०६ गते ।
प्रभु साहको आम जनता पार्टी सँग मेरो कुनै सम्बन्ध नरहेको देवाहीगोनाही नगरपालिकाका नगर प्रमुख प्रेमलाल साहले बताउनु भएको छ । आज उनले आफनो निजी निवामा पत्रकारहरु सँग कुराकानी गर्दै यस्तो बताउनु भएको हो ।
आफू गत स्थानिय तहको निर्वाचनमा नेकपा एमाले पार्टी बाट नगर प्रमुखमा निर्वाचित भएको र नेकपा एमाले पार्टीमै रहेको स्पष्टोक्क्ती दिनु भएको छ । आफू एमाले पार्टीको कार्यबर्ता हुँ । अन्य कुनै पार्टी सँग मेरो कुनै सम्बन्ध छैन् । एमालेमै रहेर काम गर्नेमा प्रतिबद्ध छु । पत्रकारले मेयर साह सँग तपाइ आजपा तिर लाग्नु भएको हो भनि हल्ला छ नि ! भन्ने प्रश्नको जवाफमा उनले यस्तो बताएका हुन् ।
आजपा तिर आफू लागेको भनि गरिएको प्रचार भ्रामक र तथ्यहीन रहेको रहेको बताउनु भयो । राजनितीक माहौल बिगार्ने उदेश्यले यस्तो गलत प्रचार गरिएको प्रष्ट पारे । बदनाम गर्ने बदनियपूर्ण तरिका हल्ला फैलाएको हो । त्यस्तो हल्लाको पछाडी नलाग्न आग्रह गर्नु भयो । आफू अन्य पार्टीमा गएको भनि गरिएको प्रचारमा कुनै सच्चाइ नरहेको बताउनु भयो ।
आजपाका केही कार्यकर्ताहरुले नै यस्तो प्रोपगण्डा रचेको आरोप लगाएका छन् । कसैको नाम उचित नरहेको बताए । पछिल्लो समय पार्टी प्रशिक्षण कार्यक्रम,प्रदेश कमिटी बैठक,जिल्ला कमिटी बैठक लगायतको पार्टीको कार्यक्रममा लगनशिल र सक्रिय रहेको बताए ।
बिगतमा केही गतल प्रवृतिका व्यक्तीहरुको कारण नगरपालिका केही लथालिंग अस्तव्यस्त अवस्थामा भएपनि अहिले आएर सुधार भएको जानकारी गराए । यसमा सबै दलको सहयोग छ । नगरसभाको बन्दसत्र सम्पन्न गरिसकेका छौ । नगरपालिकाको विकास निर्माणको काम अब द्रुत गतिमा अगाडी बढनेमा विश्वास व्यक्त गर्नु भयो ।

आरके श्रीवास्तव,रौतहट,साउन ०६ गते ।
रौतहट । देवाहीगोनाही नगरपालिकामा कृषकहरूलाई अनुदानमा कृषि सामाग्री वितरण गरिएको छ । प्रधानमन्त्री कृषि आधुनिकिकरण परियोजना अन्तर्गत तरकारीको साना व्यवसायीक कृषि उत्पादन केन्द्र पकेट विकास कार्यक्रम अन्तर्गत कृषक समूह मार्फत कृषकहरूलाई सामाग्री वितरण गरिएकोे हो ।
सो नगरपालिकाको वडा नम्बर ७ उचिडिह टोलमा कृषकहरूलाई सामाग्री वितरण गरिएको हो । देवाहीगोनाही नगरपालिका प्रेमपुर गोनाहीको सहयोग र श्री रामसखी कृषक समूह देवाहीगोनाही नगरपालिका वडा नम्बर ७ को आयोजनामा सामाग्री वितरण कार्यक्रम राखिएको थियो ।

कृषकहरुलाइ सहयोग पुर्याउने उद्देश्यले मोटर,स्प्रे टंकी र जाइम वितरण गरिएको हो । नगर प्रमुख प्रेमलाल साह र उपप्रमुख परनिया देवी पटेलले एक कार्यक्रमका बिच ती सामाग्रीहरु वितरण गर्नु भएको हो । ७५ प्रतिशत अनुदानमा मोटर,५० प्रतिशत अनुदानमा स्प्रे टंकी र ८० प्रतिशत अनुदानमा जाइम वितरण गरिएको संस्थापक अध्यक्ष रुपेश पटेलले जानकारी दिनु भयो । पटेलले दिएको जानकारी अनुसार मोटर ५० थान, स्प्रे टंकी १०० थान र जाइम ५ कविन्टल वितरण गरिएको बताए ।

प्रधानमन्त्री कृषि आधुनिकिकरण परियोजना अन्तर्गत तरकारीको साना व्यवसायीक कृषि उत्पादन केन्द्र पकेट विकास कार्यक्रम अन्तर्गत १२ लाख बजेटबाट उक्त कृषिसामाग्री नगरपालिकाले श्री रामसखी कृषक समूह मार्फत वितरण गरेको अध्यक्ष रामएकवाल प्रसाद सिंहले बताए ।
सो अवसरमा नि.प्रमुख प्रशासकीय अधिकृत नागेन्द्र कुशवाहा,वडा नम्बर ४ का वडा अध्यक्ष संजय प्रसाद पटेल ,वडा नम्बर ७ का वडा अध्यक्ष उपेन्द्र यादव,वडा नम्बर ८ का वडा अध्यक्ष विजय पटेल,वडा नम्बर ६ का वडा अध्यक्ष विष्णु दास,समाजसेवी भरत पटेल सहित स्थनिय भद्रभलादमीहरुको उपस्थिती रहेको थियो ।

सागर ठाकुर,मौलापुर,साउन ०५ गते ।
मौलापुरको पथरामा विवादित रहेकोे सडक विस्तार भएको छ । आम जनता पार्टीको राष्ट्रिय अध्यक्ष एवम रौतहट क्षेत्र नम्बर ३ का निर्वाचित संघिय सांसद समेत रहेका प्रभु साह आफ्नो गृह नगरपालिका अन्तर्गत पर्ने मौलापुर नगरपालिका वडा नम्बर ६ पथरा बुधराम बौधा सडक विस्तार गराएका हुन् ।

आम जनसमुदायको सहभागितामा दुवै पक्षलाई समझदारी गराई शान्तिपूर्ण तरिकाबाट सडक कार्यको काम भईरहेको प्रमुख प्रशासकिय अधिकृत रामबाबु साहले बताए । केही वर्ष देखि त्यो सडक सिमांकनको विवादले रोकिएको थिए तर त्यो विवाद सांसद साहको पहल कदमीमा सम्पन्न भएको नगर प्रमुख रिना कुमारी साहले बताएकी हुन् ।

त्यो सडक विस्तार कार्यले त्यहाँको आम जनता हर्षित भएका छन् । विवादित संरचना भत्काई सडक विस्तारको काम भएको नगर प्रमुख साहले बताए । नगर प्रमुख साह संगै उप प्रमुख नागेन्द्र यादवको उपस्थित समेत रहेको थियो ।

आरके श्रीवास्तव,रौतहट,साउन ०५ गते ।
रौतहटको राजपुर नगरपालिकाको एउटा वडामा एउटै छत मुनि दुइ वटा सेवा प्रवाह हुने भएको छ । जनताको प्रत्येक कामको सेवा प्रवाह एउटै छत मुनिबाट प्रदान हुने भएको छ । सो नगरपालिकाका नगर प्रमुख डा.मो.राजीक आलमले आज नव निर्मित भवनको समुद्धघाटन गर्नु भएको हो

राजपुर नगरपालिका वडा नम्बर ६ को जनताहरुको सहुलियत तरिकाले सिफारिस देखि स्वास्थ्यको सम्पुर्ण कामकाज एउटै छतमुनीबाट सेवा प्रवाह हुने उदेश्यले उक्त भवन निर्माण गरि आज देखि सञ्चालानमा ल्याएका हुन् ।
नव निर्मित भवनमा ६ नम्बर वडा कार्यालय र स्वास्थ्य चौकी समेत सञ्चालन हुने कुरा नगर प्रमुख डा.मो.आलाम, नगर उपप्रमुख जमिला असगरी र प्रमुख प्रशासकिय अधिकृत बैजु ठाकुरको भनाइ रहेको छ । सो भवन वडा स्तरीय योजना बाट आ.व.२०७९।८० मा निर्माण पश्चात शुक्रवार उद्धघाटन गरिएको हो ।

पवन घिमिरे,चन्द्रपुर साउन ०५ गते ।
रौतहट स्थित चन्द्रपुर नगरपालिका ८ मेनुका सिमसार प्राथमिक बिद्यालयमा शुक्रवार बिद्यार्थीलाई बिद्यालय पोशाक बितरण गरिएको छ । उक्त बिधालयमा अध्ययन गर्ने ८० जना बिधार्थीहरुलाई सोही बिद्यालयकी प्रधानाध्यापक गोमा तिमल्सिनाले निजि खर्चमा करिब बिस हजार बराबरको बिद्यालय पोशाक बितरण गर्नु भएको हो ।
पहिलो त्रैमासिक परिक्षा सकिएर बिद्यालय बिदा भइ भदौ बाट मात्र कक्षा संचालन हुने समयलाई ध्यानमा राखी बिद्यालय सुचारु हुँदा सबै बिद्यार्थी स्कुलको पोशाकमा आउन भन्ने उदेश्यका साथ आफुले बिद्यार्थीलाई पोशाक बितर्ण गरेको प्रधानाध्यापक तिमल्सिनाले जानकारी दिनुभयो ।
बिद्यार्थीलाई पोशाक वितरण बारे आफ्नो धारणा राख्नु हुँदै बिद्यालय ब्यवस्थापन समिती अध्यक्ष बिद्या सापकोटाल यस्ता कार्य बाट बिद्यार्थी , अभिभावकको मनोबल उच्च हुने हुँदा उनीहरुमा थप प्रोत्साहन मिल्ने भन्दै प्रधानाध्यापक गोमा तिमल्सिनालाइ धन्यवाद समेत दिनुभइ आफुले पनि यस कार्यमा समन्वय गरेको उल्लेख गर्नुभयो ।
पोशाक लिनका लागि मेनुका सिमसार बिद्यालय पुगेका बिधार्थीका अभिभावकले समेत खुसी ब्यक्त गरेका छन् ।
उक्त कार्यक्रममा बिद्यालय जग्गादाता वसन्त सापकोटा सहित शिक्षक , बिधार्थी , अभिभावक गरि सयौंको उपस्थित रहेको शिक्षक शेख जैहर अलिले जानकारी दिनुभयो ।