मञ्जय राम,कटहरिया,साउन ३१ गते ।
रौतहटमा एक जना ब्यक्तिको मृत अबस्थामा शव फेला परेको जिल्ला प्रहरी कार्यालय रौतहटले जनाएको छ । जिल्लामा एक हप्ता नपुग्दै अर्को एउटा शव गाउँकै झाडीमा फेला परेको हो ।
जिल्लाको उत्तरी भेग कटहरिया नगरपालिकाको वडा नम्बर ९ डुमरियाका बुनिलाल माझीका छोरा अन्दाजी वर्ष २० का टिमन भनिने रामआन्नदी माझी रहेको प्रहरीले जानकारी दिए । माझीको शव आज बिहान बलुवा गाउँको नजिकै रहेको झाडीमा फेला परे पछि स्थानियले प्रहरीलाई खबर गरेको थियो ।
त्यस पछि इलाका प्रहरी कार्यालय गरुडाका प्रहरी नायव उपरिक्षक ओमप्रकाश खनाल नेर्ततवको टोली घटना स्थलमा पुगी जाचँमुचुल्का उठाएको थियो । शवको प्राकृतिक हेर्दा समान्य चोट पटक लागेको हुनाले पोष्मार्टमको लागि प्रादेशिक अस्पताल गौरमा पठाईएको र घटना बारे अनुसन्धान भईरहेको खनालले बताउनु भयो ।
यस घटनाको सम्बन्धमा अनुसन्धान जारिरहेकाले थप विवरण आउन बाकी रहेको जिल्ला प्रहरी कार्यालय रौतहटले जनाएको छ । यो भन्दा पहिला गौर नगरपालिकाको वडा नम्बर ८ पुरेन्वाका अन्दाजी ३५ बर्षिय प्रहरी हवलदार सुशील राउतको शव गौर पुलमुनिबाट मृत अबस्थामा फेला परेको थियो ।
आरके श्रीवास्तव,रौतहट,साउन ३१ गते ।
जिल्ला कारागार गौर रौतहटको अवस्था छिट्टै समाधान गराउने गौर नगरपालिकाका नगर प्रमुख शम्भु शाहले बताउनु भएको छ । आज पत्रकारहरु सँग कुराकानी गर्नु हुँदै वहाँले यस्तो प्रतिबद्धता जनाउनु भएको हो । करागारलाइ कसरी सुरक्षित गर्ने विषयमा आफूपनि संवेदनशिल रहेको वहाँले बताउनु भयो । कारागारको पुनः निर्माण कसरी होस् र यसको राम्रो कसरी हुन्छ यसता तर्फ आफू लागी परेको उनको भनाइ छ ।
आफू निर्वाचित हुने वितिकै त्यसबेलाका तत्कालीन मधेश प्रदेश सरकारका गृहमन्त्री लाइ गौर कारागारको अनुगमन पनि गराएको जानकारी गराए । यसमा आफूले बारम्बार पहल गरी नै रहेको जनाए । कारागारको जग्गा केही व्यक्तीहरुले अतिक्रमण गरेर राखेका छन् । यसबारे मैले सम्बन्धित मन्त्रालयमा परिपत्र पनि गरेको बताए । त्यहाँ बाट जग्गा अतिक्रमण मुक्त गराउन परिपत्र नआएकोले यसमा अगाडी काम बढाउन नसकेको बताउनु भयो ।
आफू पनि यसको प्रतिक्षामा रहेको बताए । सर्वप्रथम कारागारको जग्गा अतिक्रमण मुक्त गराउन पर्दछ । त्यसको लागि प्रहरी प्रशासनको सहयोगको पनि आवश्यकता पर्नेछ । दोस्रो कुरा चाँही प्रदेश समन्वय परिषदको बैठकमा गृहमन्त्री आउनु भएको थियो । कारागारको अवस्थाको बारेमा आफूले वहाँलाइ सबै कुरा अवगत गराएको बताउनु भयो । गृह मन्त्रालयको लगानी गर्न मैले वहाँलाइ आग्रह पनि गरेको छु । कारागार लगायत भन्सार सुरक्षा गार्ड सहित दुइ ठाउँमा सहयोग गरि दिनु हुन वहाँ सँग आग्रह गरेको उनको भनाइ छ । साथै वहाँले गौर नगरपालिकाको विकास निर्माणको विषयमा प्रतिक्रिया दिनु हुँदै । जिल्लाको सबैभन्दा पुरानो नगरपालिका भएतापनि पिछडीएको नगरपालिका रहेको बताउनु भयो । यसको तिव्र विकासको लागि आफू लागि परेको बताउनु भयो ।
गौर नगरपालिकालाइ सुखी,समृद्ध र विकसीत बनाउनका लागि आफू लागी परेको बताउनु भयो । जसको लागि यहाँ घण्टाघर निर्माणको काम भइरहेको,टाउन हलको पनि निर्माण कार्य अगाडी बढेको बताए । त्यस्तै गौरको कबिर चौकमा पनि विवाह मण्डपको काम पनि अगाडी बढाइसकेको जानकारी गराउनु भयो । करिब चार वर्ष देखि अलपत्र अवस्थामा रहेको र पैसा निकासा गराएर झुलुङ्गे पुलको काम त्यस्तै छोडेकोलाइ काम सम्पन्न गरायौं ।
अर्को गौर नगरपालिका र इशनाथ नगरपालिकालाइ जोड्नका निमित बानेश्वर स्थानमा झुलुङ्गे पुलका स्थापना गराएका छौं । तीन ठाउँमा सूर्य मन्दिर निर्माण,श्री जुद्ध माविमा डिजिटल प्रविधि बाट पढने व्यवस्था पनि गराएका छौं । त्यस्तै शिक्षकको कमीलाइ पुरा गर्ने प्रयास गरेका छौ । गौर नगरपालिकाको सिसवामा प्रवेश द्धार पनि निर्माण गराउने बताउनु भयो । सिर्सियामा पुल निर्माण गर्नुका साथै गौर नगरपालिकामा थुप्रै कामहरु भएको उनको भनाइ छ । काम गर्दाखेरी दिर्घकालीन रुपमा हेरेर काम गराउने गरेको उनको भनाइ छ ।
गौर नगरपालिकालाइ ग्रिन सिटिको रुपमा बनाउने आफनो सोच रहेको बताउनु भयो । र पडके हिसासबले पनि नगरपालिकालाइ लैजाने उनको भनाइ छ । जसको लागि आफूले काम गरिरहेको बताउनु भयो । त्यसको लागि मन्त्रालय र विभागहरुमा सहकार्य जारीराखेको बताउनु हुन्छ । ऐतिहासिक ठाउँहरुको सौन्दर्यिकरण गराउन तर्फ लागि परेको उनी बताउँछन् । नगरपालिकाको विकास निर्माणको कार्य लाइ द्रुत गतिमा बढाउन अर्थको अभाव रहेकोले प्रदेश सरकार र संघ सरकार सँग यसको लागि पहल गरिरहेको बताउनु भयो ।
नगरपालिकालाइ अगाडी बढाउन धेरै चुनौतीहरु पनि रहेको उनी बताउँछन् । जनप्रतिनिहरु बाट विकास निर्माणको काममा सहयोग भएको हो तर केही असामाजिक तत्वहरु र इष्र्या, डाहा गर्ने व्यक्तीहरु अगाडी बढिरहेका छन् । उदाहरणको लागि भेपर लाइटहरुमा ढुंगाले फोर्ने,वृक्षारोपण लाइ उखालेर फाँल्ने लगायत मनोबल गिराउने कामहरु चाँही भइरहेको उनले बताए । तर पनि आफू अगाडी बढि नै रहेको बताए । अन्तयमा उनले वर्षयाम भएको सर्तकता अपनाउन र सुरक्षित साथ बस्न सबै नगरवासीहरु लाइ अपिल गर्नु भयो ।
आरके श्रीवास्तव,रौतहट,साउन २९ गते ।
रौतहटको गढिमाइ नगरपालिकाले बजेट ल्याएको छ । सोमबार गढिमाइ नगरपालिकाले यस वर्ष जनमुखी योजना ल्याएको छ । समनपुर स्थित नगरपालिकाको सभाकक्षमा बजेट अधिवेशन बोलाईएको थियो । नगरपालिकाले नवौं नगरसभा बाट जनमुखी नीती र कार्यक्रम ल्याएको छ । नगरपालिका नगर कार्यपालिकाबाट पास गरेको निती तथा कार्यक्रम कार्यान्यवन गर्न ५३ करोड भन्दा बढी बजेट विनियोजन गरेको हो ।
हरेक वर्ष असार १० गते बजेट ल्याउनु पर्ने प्रावधान रहेको छ । विभिन्न कारणबस ढिलै भएपनि नगरसभा शान्तिपूर्ण रूपमा सम्पन्न भएको नगर प्रमुख श्याम यादवले जानकारी गराउनु भयो । धेरै उत्साहका साथ सम्पन्न भएको नवौं नगरसभा बाट गढिमाइ नगरपालिकाको जनताको मन जितने किसिमको निती तथा कार्यक्रम पारित गरेको हो । नगरप्रमुख यादवले बजेट वक्तव्य पढेर सुनाउनु भएको थियो ।
आगामी आर्थिक वर्षका लागि ५३ करोड १५ लाख ८४ हजार ४ सय रुपैयाँ बराबरको बजेट प्रस्तुत गरिएको हो । बजेटमा चालु तर्फ ३७ करोड़ ७२ लाख ४७ हजार चार सय रुपैयाँ र पुँजीगत तर्फ १५ करोड ४३ लाख ३७ हजार बजेट प्रक्षेपण गरिएको गढीमाई नगरपालिकाका निमित प्रमुख प्रशासकीय अधिकृत नागेन्द्र राय यादवले जानकारी दिनु भयो ।
अघिल्लो वर्षको तुलनामा यस वर्ष १२ करोड ५० लाख कम बजेट प्रस्तुत गरिएको उनको भनाइ छ । नगरसभामा विभिन्न वडाका वडा अध्यक्षहरू,जनप्रतिनिधिहरू,पत्रकार, सुरक्षाकर्मी,नगरपालिकाका कर्मचारीहरू सहितका व्यक्तिहरूको उपस्थिति रहेको थियो ।
यता रौतहटका १८ स्थानिय तह मध्ये दुइ वटा नगरपालिका र दुइ वटा गाउँपालिकाले अझै बजेट ल्याउन सकेको छैन् । जिल्लाको माधवनारायण नगरपालिका र फतुवा बिजयपुर नगरपालिकाले बजेट ल्याउन सकेको छैन् । भने जिल्लामा रहेको दुइ वटै गाउँपालिका यमुनामाइ गाउँपालिका र दुर्गाभगवती गाउँपालिकाले बजेट ल्याउन सकेको छैन् ।
आर एन पटेल,साउन २९ गते
बौधिमाइ नपा २ इनर्वा नदिपारीमा स्वास्थ्य सेवा इकाई उदघाटन कार्य सम्पन्न भएको छ ।
रौतहट जिल्लाको बौंधीमाई नगरपालिका वडा नं । २ इनर्वाटोल लाल बकैया खोला पारीमा स्वास्थ्य सेवा इकाई कार्यालयको उद्दघाटन कार्य नगर प्रमुख प्रदीप कुमार यादव तथा वडा अध्यक्ष धर्मेन्द्र प्रसाद पटेलद्धारा आज सोमबार विधिवत रुपमा सम्पन्न भएको छ । कार्यक्रम वडा अध्यक्ष धर्मेन्द्र प्रसाद पटेलको अध्यक्षतामा सम्पन्न भएको छ । वडा अध्यक्ष पटेलको अथक प्रयास पछि स्वास्थ्य सेवा इकाई स्थापना भएको स्थानियहरु बताएका छन् । वडा नं २ को नदिपारी अति विकट ठाउँ भएकोले स्वास्थ्य सेवा बाट वञ्चित भएका स्थानिय बासीहरुले गाउँमै स्वास्थ्य सेवा स्थापना भएको हुँदा खुशी व्यक्त गर्दै वडा अध्यक्ष पटेललाई धन्यबाद ज्ञापन गरेका छन् ।
साथै यस स्वास्थ्य सेवा इकाईबाट सेवा लिई थप लाभ लिनका लागि उद्दघाटन सँगै वडा अध्यक्ष पटेलले गर्भवती सुत्केरी महिलालाई प्रत्येक पटक चेकजाँच वापत पौष्टिक आहारको लागि १० वाट अण्डा र सुत्केरी किट दिइने घोषणा गर्नु भएको छ ।
कार्यक्रममा निमित्त प्रमुख प्रशासकीय अधिकृत प्रमोद राय यादव, स्वास्थ्य संयोजक तारकेश्वर प्रसाद पटेल, सहायक स्वास्थ्य संयोजक राकेश यादव, लेखा प्रमुख अरविन्द कुमार यादव, वडा नं १ को वडा अध्यक्ष रामजोधी राउत, वडा नं ४ को वडा अध्यक्ष तुरन्त नारायण यादव, नपाका स्वास्थ्यकर्मी, महिला स्वास्थ्य सवयंसेविका, कर्मचारीवर्ग, बुद्धिजीवी, नेता कार्यकर्ता, प्रहरी प्रसासन लगायत सर्व साधारणको उपस्थिति रहेको थियो ।
रौतहट साउन २९ ।
रौतहट जिल्लाको परोहा नगरपालिका अन्तर्गत संचालित प्राथमिक स्वास्थ्य केन्द्रमा बृहत रक्तदान कार्यक्रम सम्पन्न भएको छ । उक्त रक्तदान कार्यक्रम परोहा नगरपालिका आयोजना र सामुदायिक तथा बाल विकास केन्द्र, परोहा न.पा. ६, रौतहटको सहयोगमा सम्पन्न भएको छ ।
सामुदायिक तथा बाल विकास केन्द्र, परोहा न.पा. ६, रौतहटका अध्यक्ष कृष्णा कान्तको विशेष पहलमा लगभग सयौं जना भन्दा बढिको संख्यामा व्यक्तिहरुको रक्तदान गर्न तयार रहेको थियो । नेपाल रेडक्रस गौरबाट खटिएका टिमहरुलाई भ्याई नभ्याई समस्या उत्पन्न भएको थियो ।
उक्त कार्यक्रममा आज कृष्णा कान्तको पहलमा लगभग ६३ जनाले स्वईच्छा रक्तदान गरेका छन् । नेपाल रेडक्रस सोसाईटिसँग मात्र ६३ वटा मात्र पोका रहेको कारणले ६३ जना नै रक्तदान पाएका छन् । रक्तदान जिवन दान भन्ने उद्देश्यका साथ हर्षित भई रक्तदान गर्न आएका व्यक्तिहरु रक्तदान गर्न नपाए पछि नाराश भई फिर्ता भएको कुरा सामुदायिक तथा बालविकास केन्द्रका अध्यक्ष कृष्णा कान्त पटेलले जानकारी गराउनु भएका छन् ।
सरिता श्रीवास्तव,कटहरिया, साउन २९ गते
साउन महिनाको अन्तिम सोमबारको दिन रौतहट सहति देशै भरिको शिवालय मन्दिरहरुमा दर्शनार्थीको भिडभाड देखिएको छ । जिल्लाको प्रसिद्ध शिवनगर महादेव मन्दिरमा दर्शनार्थीको घुुँईचो लागेको देखिएको छ । जिल्लाको गरुडा नगरपालिका वडा नम्बर ५ मा अवस्थित भोलेबाबाको मन्दिरमा कमरथुवा दर्शनार्थीहरुको भिड लागेको हो । साउन महिनाको अन्तिम सोमवारीको अवसर पारेर यति ठुलो संख्यामा मानिसहरुको भिडभाड देखिएको हो ।
धार्मिक तथा ऐतिहासिक स्थलको रुपमा रहेको शिवनगर महादेव मन्दिरमा सोमबार दर्शनार्थीको घुुँईचो लागेको देखिएको हो ।
शिवनगर मन्दिरमा प्रत्येक आईतवार नियमित जल चढाउन दर्शनार्थीहरु त्यहाँ पुग्ने गर्दछन् । सो अवसर पारेर शिवनगरमा रौतहट , सर्लाही,पर्सा,बारा मधेश प्रदेश भरिका साथै सीमावर्ती भारत बाट भक्तजनहरु आउने गर्दछन् ।
मुकेशकुमार यादव, सिरहा २९ भदाै ।
सिरहामा नेपाल प्रहरी श्रीमती संघद्वारा आयोजित रक्तदान कार्यक्रम सम्पन्न भएको छ । नेपाल प्रहरी श्रीमती संघको ३९ औं वार्षिक उत्सवको अवसरमा गोलबजारमा आयोजित रक्तदान कार्यक्रम सम्पन्न भएको हो ।
नेपाल प्रहरी श्रीमती संघका आयोजना तथा स्थानिय लाइफलङ्ग हेल्थ केयर प्रालि र नेपाल रेडक्रस सोसाइटीको सहयोगमा कार्यक्रममा २१ जना नेपाल प्रहरी र २३ जना सर्वसाधारण गरी जम्मा ४४ जनाले रक्तदान गरेको इलाका प्रहरी कार्यालयका प्रहरी निरीक्षक डुपेन्द्र वुढाथोकीले जनाएको छ।
“रक्तदान जीवन दान” मुलनाराका साथ नेपाल प्रहरी श्रीमती संघद्वारा इलाका प्रहरी कार्यालय गोलवजारले आयोजना गरिएको रक्तदान कार्यक्रममा स्थानिय वुद्धिजिवि,व्यापारी,नागरीक समाज र संचारर्मीहरुको उस्थिति रहेको प्रहरी निरीक्षक बुढाथोकीले जनाए ।
मञ्जय राम,कटहरिया,साउन २८ गते ।
जिल्लामा नेपाल शिक्षक महासंघले आन्दोलनको कार्यक्रम सुरु गरेको छ । विद्यालय शिक्षा ऐन २०८० ले शिक्षकको पेशागत सुरक्षा र स्वाभिमानको खिलापमा रहेको भन्दै आन्दोलन थालेको हो । आइतबार जिल्लाका सबै स्थानीय तहमा शिक्षकहरुले धर्ना दिएका छन् ।
भने पालिकाको कार्यालय प्रमुख प्रशासकिय अधिकृतलाइ ज्ञापनपत्र समेत बुझाएका थिए । कार्यक्रम अनुसार ११ बजेदेखि २ बजेसम्म पालिकामा धर्ना दिइएको र त्यसपछि महासंघले रौतहटका स्थानीय तहका प्रमुख प्रशासकीयलाई ज्ञापनपत्र समेत बुझाइएको नेपाल शिक्षक महासंघका राष्ट्रिय समिति सदस्य मनिशंकर निधीले जानकारी गराउनुु भयो ।
उनका अनुसार अहिले ल्याउन थालिएको विद्यालय शिक्षा ऐन २०८० राम्रो आउला भनेको झन नराम्रो आएकोले हितविपरितका त्यस्ता बुँदा तत्काल हटाउनुपर्ने बताए ।
महासंघले साउन ३० गते शिक्षा विकास तथा समन्वय इकाईमा धर्ना बस्ने साथै साउन ३२ गते प्रदेशको सामाजिक बिकास मन्त्रालयमा धर्ना दिने कार्यक्रम रहेको उनले जानकारी दिए । भदौ १ गते प्रदेश सांसद र संघीय सांसदलाई जानकारी गराउने कार्यक्रम महासंघले बनाएको छ ।
