राैतहट,११ गते माघ ।

राैतहटकाे मौलापुर नगरपालिका-५ स्थित ब्रह्म माई मन्दिर निर्माणका लागि ब्रह्म स्थानमै भेला भएर पारदर्शी रूपमा आम भेलाबाट ९ सदस्यीय उपभोक्ता समिति र ५ सदस्यीय अनुगमन समिति गठन गरिएको छ ।

वडा नम्बर ५ का वडाध्यक्ष चन्द्रशेखर प्रसाद साहको अध्यक्षतामा भएको उक्त भेलामा कार्यपालिका सदस्य सुनिल साह, वडा सदस्य जितलाल साह, शिक्षक रामविनय साह लगायत पतौरा टोलका आम जनसमुदायको उपस्थिति रहेको थियो ।

५ दिन भित्र निर्माण कार्य शुरु गरिने र निर्माण पश्चात् योजनाको वास्तविक खर्च आम भेला मार्फत सार्वजनिकिकरण गर्ने निर्णय समेत भएको माैलापुर नगरपालिकाका प्रमुख प्रशासकीय अधिकृत रामबाबु साहले जानकारी गराएका हुन् ।

 राैतहट,माघ ११ गते ।

रौतहटका बोर्डिङग् स्कुलमा बालबालिकालाई पढाए भविष्य नै खराव हुने भन्दै यहाँका अभिभावकहरु आ–आफना बालिबालिकालाई राम्रो शिक्षाका लागि काठमाडौं, विरगंज, हेटौरा, भरतपुर, जनकपुर लगाएतका शहरमा पढाउन पठाउने गरेका छन् ।

रौतहटमा अग्रेंजी माध्यममा पढाउने राम्रो निजी विद्यालय नभएको भन्दै आफना बालबालिका तथा सन्ततीको उज्वल्ल भविष्य बनाउन भन्दै जिल्लाका अधिकांश अभिभावकहरुले आ–आफना छोरा छोरीलाई नजिकका स्कुलमा नपढाई जिल्ला भन्दा बाहिरका विद्यालयमा अध्याापन गराउन पठाउने होडबाजी नै चलेको छ ।

तर रौतहटको ग्रामिण क्षेत्रमा रहेको सुकदेव चोक स्थित हिमालयण पब्लीक बोर्डिङग् स्कुलमा काठमाडौं, विरगंज, हेटौरा, भरतपुर, जनकपुरको पढाई हुने गरेको कुरा गर्दा धेरैलाई आश्चर्य लाग्न सक्छ तर यो कुरा यथार्त र साचो हो । आफनै गाउँ ठाउमा रहेको बोर्डिङग् स्कुलमा जति राम्रो पढाई हुने गरेको भएपनि यहाँको पढाईमाथी विश्वास नगरी बाहिरको स्कुलमा जति नराम्रो पढाइ भएपनि त्यही पढाउने मानसिकता अझै हटन सकेको छैन ।

बाहिरको विद्यालयमा महंगो शुल्क तिरेर पढाउने अभिभावकहरु आफनै गाउँ ठाउँका नजिकका विद्यालयमा राम्रो पढाई हुने गरेको भएपनि आ–आफना छोरा छोरीलाई पढाउन मान्दैनन । आफनै गाउँ ठाउँका निजी विद्यालयमाथी विश्वास गर्न नसक्दा अभिभावकहरु बाहिरको स्कुलमा महंगो शुल्क तिरेर बालबालिकालाई पढाउन बाध्य छन् । रौतहटको यमुनामाई गाउँपालिका वडा नं. १ सुकदेव चोकमा रहेको हिमालयण पब्लीक बोर्डिङग् स्कुल ग्रामिण क्षेत्रमा भएपनि त्यहाँ अग्रेंजी माध्यममा रामा्रे पढाई हुने गरेको पाइएको छ ।

कक्षा १० सम्म पढाई हुने हिमालयण पब्लीक बोर्डिङग् स्कुलमा ३४ जना शिक्षक शिक्षिका अध्यापन गराउने गरेका छन् । सो विद्यालयमा कुल ९ सय जति विद्यार्थी अध्ययनरत रहेका छन् । जिल्लाको अन्य विद्यालय भन्दा हिमालयण पब्लीक बोर्डिङग् स्कुल सुकदेव चोकमा फरक किसिमले अध्यापन गराउने गरिएको प्रिन्सिपल हरेन्द्र यादवले बताएका छन् । विद्यार्थीलाई सान्त, मनोरम र भयरहित वातावरणमा अध्ययन अध्याापन गराउन विशेष छुट सहित सुविधा सम्पन्न प्रर्याप्त कक्षा कोठाको व्यवस्था गरिएको प्रिन्सिपल यादवले बताए ।

विद्यार्थीलाई टयालेन्ट बनाउन तथा देशको कुनै कुनामा गएर ईंगलिस टु ईंगसिलमा बोल्न सक्ने खालको शिक्षा प्रदान गर्न दश र अनुभवि शिक्षक शिक्षिकाद्धारा अध्ययन अध्यापन गराउने गरिएको उनले बताए । आफना विद्यालयमा नाम एडमिसन गराएको केहि दिन भित्रमै बालबालिका ईंगलिस टु ईंगसिलमा कुरा गर्न सक्ने र लेख्न सक्ने उनले दावी गरे । ईंगलिस टु ईंगसिलमा कुरा गर्न सक्ने र लेख्न सक्ने खालको शिक्षा प्रदान गर्ने क्षमता भएका क्षमतावान शिक्षक शिक्षिकाहरुलाई राखेको दावी गर्दै उनले आफना विद्यालयमा अध्ययन गर्ने सबैजसो विद्यार्थीहरु ईंगलिस राम्ररी बोल्ने र लेख्ने गरेको बताए ।

रामो अध्यापन गराउने गरेकै कारणले गर्दा टाढा टाढाबाट विद्यार्थीहरु आफना विद्यालयमा पढन आउने गरेको उनले बताए । जिल्लाको वृन्दावन, गरुडा, गढिमाई, माधवनारयण, यमुनामाई, दुर्गाभगवति, देवाही गोनाही, परोहा लगाएत पालिकाको गरी ६२ वटा गाउँका विद्यार्थीहरु अध्ययन गर्न आफना विद्यालयमा आउने गरेको उनले बताए । विद्यार्थीहरुर्ला पढन आउन जान सजिलो होस भन्ने उद्देश्यले गाउँ गाउँमा यातायातको सुविधा उपलब्ध गराएकोले विद्यार्थीहरुको संख्या वर्षेणी बढने क्रममा रहेको उनले बताए ।

बाहिरका विद्यार्थीहरुलाई बस्नका लागि होस्टलको समेत व्यवस्था गरेको बताउँदै उनले होस्टलमा रौतहटको गौर, चन्द्रनिगाहपुर लगाएत ठाउँ सहित बारा, पर्सा, सर्लाहीका विद्यार्थीहरु बसेर पढने गरेको उनले बताए । अन्य विद्यालय भन्दा विद्यार्थीबाट कम शुल्क लिने गरेको र कम शुल्कमा पनि सेवा सुविधा बढी उपलब्ध गराउने गरेको उनले सुनाए ।

आर्थिक अवस्था कमजोर भएका विद्यार्थीहरु काठमाडौं, विरगंज, हेटौरा लगाएत ठाउँमा गएर पढन नसक्ने अवस्था रहेको हुँदा त्यस्ता विद्यार्थीलाई मध्य नजर गर्दै काठमाडौं, विरगंज, हेटौरा लगाएत ठाउँको पढाई अब आफनै गाउँ ठाउँमा गराउने उद्देश्यले आफुले जिल्लाकै ग्रामिण क्षेत्रमा स्कुल सञ्चालन गरेको उनले बताए । बाहिर पढदा बढी पैसा खर्च हुने र आफना गाउँ ठाउँका विद्यालयमा पढदा निकै कम खर्च लाग्ने र पढाई पनि राम्रो हुने भएको हुँदा आ–आफना बालबालिकालाई हिमालयण पब्लीक बोर्डिङग् स्कुल सुकदेव चोकमा पढाउन उनले सुझाव दिए ।

विद्यार्थीले जसरी बुझछ र सिक्छ त्यसरी नै आफुहरुले बुझाउने तथा सिकाउने गरेको उनले बताए । विद्यालयमा प्रर्याप्त कक्षा कोठा र मैदानको व्यवस्था रहेको छ भने कार्यक्रम गर्न स्टेजको समेत व्यवस्था गरिएको छ । आफुले विद्यार्थीलाई गुणस्तरीय शिक्षा हासिल गराउन कुनै कसर बाँकी नराख्ने गरेको उनले बताए । उनले भने, राम्रो ज्ञान हासिल गर्नु छ भने डटेर अध्ययनको साधनामा लाग्नु पर्दछ ।

सानो–तिनो ज्ञान प्राप्तिले समाजलाई बदल्न असम्भव नै हुन्छ ।, उनि भन्छन राम्रो शिक्षा वा ज्ञान प्राप्त गर्न पढ्दै, लेख्दै गरी विषयलाई बुझ्ने प्रयत्न गर्दा त्यो शिक्षा दीर्घकालीन रहन्छ । भविष्यमा समाजको परिवर्तन र विकासमा उल्लेखनीय योगदान पुर्याउनु छ भने असल शिक्षा लिन अभिरूचि, लगाव र झुकाव हुनुपर्दछ । विद्यार्थीहरुलाई पाठ्यक्रममा मात्र लगाम लगाउनुको साटो उनीहरुको ब्यवहार, सोचाई, स्वभाव र सृजनात्मकतामा सकारात्मक परिवर्तन ल्याइ जीवन उपयोगी नैतिक र व्यावसायिक शिक्षा दिनुनै गुणस्तरीय शिक्षा हो भन्ने कुरा भन्न सकिन्छ ।

तर, नेपालको परिप्रेक्षमा हेर्ने हो भने यहाँका अधिकांश विद्यालयहरुबाट दिइने शिक्षा गुणस्तरी छ भन्ने अवस्था छैन । असल शिक्षा एउटा प्रतिस्पर्धाको परीक्षा हो । यो जहीँ कहीँ नमिल्न सक्छ । त्यसैले आफ्नो क्षमतालाई बुझेर दक्ष ज्ञान हासिल गर्न लागि पर्नु पर्दछ । जुन आफ्नो जीवन र समाजको विकासका लागि प्रयोगमा आउन स

रौतहट ११ माघ  ।

प्रभु साह नेतृत्वको आमजनता पार्टीले आव्हान गरेको एकदिने मधेश प्रदेश बन्दको आंशिक प्रभाव परेको छ।

राष्ट्रीयसभाको निर्वाचन लक्षित गरी आव्हान गरिएको बन्दको आंशिक प्रभाव परेको हो।

बैंक तथा वित्तिय संस्थाको ब्याज फिर्ता गर्न, लघुबित्त सहकारीको ऋण मिनाहा गर्न तथा आमजनता लाई सुलभ तरिकाले कर्जा उपलब्ध गराउनु पर्ने माग सहित आव्हान गरिएको बन्द लाई पूर्ण प्रभावकारी बनाउन आमजनता पार्टीका कार्यकर्ताहरु प्रदेशको राजधानी जनकपुर लगायत प्रदेशको सबै जिल्लाहरुमा आज बिहानै देखि टायर बालेर प्रदर्शन गरेका छन।  पार्टी निकट आईटी आर्मीका केन्द्रिय अध्यक्ष चन्द्रभुषण साहको नेतृत्वमा जनकपुरमा आज बिहान प्रदर्शन गरिएको थियो।

जनकपुर बाट चल्ने लामो तथा छोटो दूरीका सवारीसाधन बिगतको तुलनामा कम चलेको छ। पसल ब्यापारिक प्रतिष्ठानहरु पूर्ववत चलेको मधेश प्रदेश प्रहरी प्रवक्ता एसएसपी श्याम कुमार कुशवाहाले बताएका छन्। प्रदेशको अन्य जिल्लाका मुख्य सहर तथा बजार हरुमा पनि साना ठूला पसलहरु सञ्चालनमा रहेको छ।

हाल चिसोको कारण पनि पसल तथा ब्यापारिक प्रतिष्ठानहरु अलि ढिलो खुल्ने भएकाले बन्द जस्तो देखिएपनि बन्दको खासै प्रभाव नपरेको प्रवक्ता कुशवाहाले दाबी गरेका छन। पूर्व पश्चिम राजमार्गमा चल्ने सवारीसाधनको सुरक्षार्थ ठाउँ ठाउँमा प्रहरी परिचालन गरिएको छ। जनकपुर लगायत प्रदेशको अन्य जिल्लाहरुमा पनि टायर बालेर प्रदर्शन गर्ने प्रदर्शनकरूहरु पक्राउ परेका छन् तर संख्या यकिन नभएको उनले बताए। बन्दको कारण प्रदेशको कुनै पनि जिल्लामा अहिले सम्म कुनै अप्रिय घटना नभएको प्रवक्ता कुशवाहाले जानकारी दिएका छन।

उता रौतहटको कटहरिया चल्ने लामो तथा छोटो दूरीका सवारीसाधन चलेको कटहरिया बाट आज बिहान एउटा टाटासुमो काठमाडौंको लागि खुलेको छ भने नारायणघात, हेटौंडा, बिरगंज जाने बसहरू नचलेको काउन्टर ईन्चार्ज बसरुदिन अन्सारीले बताएका छन।

जिल्ला ट्राफिक प्रहरी कार्यालय चन्द्रनिगापुरका प्रमुख इन्स्पेक्टर सुशील आचार्यका अनुसार पूर्व पश्चिम राजमार्गमा बिगतको तुलनामा कम सवारीसाधन चलेको छ भने गौर चन्द्रपुर सडकखण्डमा पनि चल्ने गाडीको संख्या कम देखिएको छ।
यसैबीच मधेश बन्द सफल पार्न आजपा कार्यकर्ताहरु बिहानै जनकपुर , लालबन्दी,गौर , कलैया , बिरगंज, चन्द्रनिगाहपुर लगायत विभिन्न ठाउँमा टायर बालेर प्रदर्शन गरेका छन।

आईटी आर्मीका केन्द्रिय अध्यक्ष चन्द्रभुषण साहले आजको बन्दी पूर्ण रुपमा सफल भएको दाबी गरेका छन। प्रदेशको राजधानी जनकपुरमा ई रिक्सा बाहेक सार्वजनिक सवारीसाधन चलेका छैन भने सरकारी गाडीलाई प्रहरीले स्काटीङ गरेर चलाएको छ। प्रदेशको सबै जिल्लाको अवस्था उस्तै छ, सबै जिल्लामा सवारीसाधन न्यून संख्यामा चलेको छभने पसलहरु पनि विगतको तुलनामा निकै कम खुलेको अध्यक्ष साहले बताएका छन। जनकपुर बाट मात्रै प्रहरीले आजपाका २०० बढी कार्यकर्ता नियन्त्रणमा लिएको छ भने अन्य जिल्लाको रिपोर्ट आउन बाँकी रहेको उनको भनाई छ।

बन्दलाई पूर्ण प्रभावकारी बनाउन आजपा कार्यकर्ताहरुले बुधवार साँझ जनकपुर लगायत प्रदेशको सबै जिल्लाहरुमा मसाल जुलुस प्रर्दशन गरेका थिए। बैंक तथा वित्तिय संस्थाको ब्याज फिर्ता गर्न, लघुबित्त सहकारीको ऋण मिनाहा गर्न तथा आमजनता लाई सुलभ तरिकाले कर्जा उपलब्ध गराउनु पर्ने माग सहित आजपाले लामो समय देखि बिभिन्न खाले आन्दोलन गर्दै आएको छ ।

मधेश बन्दको क्रममा पक्राऊ परेका आजपाका शिर्ष नेताहरुः

१. जनकपुरको रामानन्दचौकबाट आजपा उपाध्यक्ष एवं सभासद तिलक थापा, महासचिव उपेन्द्र साह, प्रवक्ता एवं आईटी आर्मीको अध्यक्ष चन्द्रभुषण साह लगायत दर्जनौलाई धनुषा प्रहरी कार्यालयमा राखेको

२. आजपा उपाध्यक्ष रीता देवी साह, उपमहासचिव अरुण घिसिंग, सचिव एवं पुर्वसांसद समीना हुसैन, आईटी आर्मीको उपाध्यक्ष सुमन यादव, प्रदेश सचिव ममता शर्मालाई लगायत सयजनालाई प्रहरी प्रदेश कार्यालयमा

३. आम महिला मोर्चाको केन्द्रीय अध्यक्ष कुमारी बबिता र इंचार्य सिमल साहलाई प्रहरीद्वारा दुर्व्यवहार सहित गिरफ़्तार

४. प्रदेश अध्यक्ष उमेश कुशवाहा र मा। प्रभु साहको स्वकीय सचिव बिजय यादव लगायत दर्जनौलाई बीरगंज जिल्ला प्रहरीमा

५. रौतहट जिल्ला ईन्चार्ज त्रिभुवन साह र आम मुस्लिम मोर्चाको केन्द्रीय अध्यक्ष लालबाबु मंसूरी लगायत दर्जनौ प्रदर्शनकारीलाई चपूर प्रहरीमा   न्युजकारखाना

काठमाडौं, ११ माघ ।

सप्तरीको रुपनी गाउँपालिकाका तत्कालीन प्रशासकीय अधिकृत अरविन्दकुमार चौधरीसहित चारजनाविरुद्ध भ्रष्टाचार मुद्दा दायर भएको छ ।

अख्तियार दुरुपयोग अनुसन्धान आयोगले निःशुल्क सेनिटरी प्याड वितरणको बजेटमा अनियमितताको आरोपमा तत्कालीन प्रमुख प्रशासकीय अधिकृत अरविन्दकुमार चौधरी, लेखा अधिकृत श्यामसुन्दर यादव, माध्यमिक तह शिक्षक श्यामप्रसाद यादव, नायब सुब्बा सुजन दाहालविरुद्ध विशेष अदालत काठमाडौंमा भ्रष्टाचार मुद्दा दर्ता गरेको हो ।

सामुदायिक विद्यालयका छात्राहरूका लागि आर्थिक वर्ष २०७७÷०७८ मा सेनिटरी प्याड वितरण गर्न गाउँपालिकामा विनियोजित बजेटबाट ९ लाख ११ हजार ९२५ रूपैयाँ पर्ने सेनिटिरी प्याड लक्ष्मी ट्रेडर्स एण्ड सप्लायर्स राजविराजकी प्रोप्राइटर ललिताकुमारी साहसमेतको मिलेमतोमा १७ लाख ८५ हजार ९ सय २८ रूपैयाँमा खरिद गरेर अस्वाभाविक रूपमा बढी मूल्य तिरी लाभ लिएको अख्तियारले दायर गरेको रिटमा उल्लेख छ । न्युजकारखाना

जनकपुर, ११ माघ ।

राष्ट्रियसभा निर्वाचनमा मधेस प्रदेशमा एकजना सांसद अनुपस्थित भएका छन् ।

जारी मतदान प्रक्रियामा पालिकातर्फका मतदाताहरू मध्ये २ सय ६७ जनाले नै मतदान गरेका छन भन प्रदेशतर्फ १०७ जना मध्य १०६ जनाले मतदान गरिसकेका छन ।

जारी मतदानमा लोकतान्त्रिक समाजवादी पार्टीका सांसद अभिराम शर्मा अनुपस्थित भएका छन ।

अदालतबाट दाेषी ठहर भएकाले उनी मतदान प्रकियामा सामेल  हुन नसकेका हुन । थमन विक हत्यामा महाेत्तरी अदालतले उनलाइ जन्मकैदकाे फैसाला सुनाएकाे छ । न्युजकारखाना

रौतहट, ११ माघ ।

भारतमा उत्पादन भएका सुर्तीजन्य भित्र्याएर खुलेआम नेपाली बजारमा बिक्री वितरण हुने गरेको छ । सुर्तीजन्य पदार्थ आयातमा रोक लगाइएका कारण त्यसको भन्सार नकाटिने भए पनि सुरक्षाकर्मीकै मिलोमतोमा तस्करहरुले ल्याउने सुर्तीजन्य पदार्थ रौतहटका सबै बजारमा पुग्ने गरेको छ ।

खुला सीमाका कारण रौतटका विभिन्न नाका हुँदै सुर्तीजन्य पदार्थहरू रौतहट भित्रिने गरेको छ । सीमामा तैनाथ सशस्त्र प्रहरी र नेपाल प्रहरीकै मिलोमतोमा सुर्तीजन्य पदार्थ रौतहटका बजारमा आउने गरेको सम्बन्धित व्यापारीहरूको भनाइ रहेको छ ।

भारतको बिहारबाट लुकीछिपी प्रहरी प्रशासनकै मिलोमतोमा रजनीगन्दा तुलसी लगायतका सुर्तीजन्य पदार्थ रौतहट जिल्लाका विभिन्न स्थानसम्म पुग्ने गरेको छ । रजनीगन्धा तुलसी पान मसला र भारतीय सुर्ती प्रहरी प्रशासनकै सेटिङमा रौतहटको विभिन्न नाका भएर छिर्ने गरेको छ ।  क्यारियर मार्फत व्यापारीहरूले यसरी अवैध रूपमा आयात गरिएको सुर्तीजन्य पदार्थ रौतहटका सबैजसो मुख्य बजारहरूमा पुग्ने गरेको छ ।

रौतहटको विभिन्न नाका हुँदै अवैध रूपमा ल्याइएको रजनीभन्दा तुलसी तथा पान मसलाहरू रौतहट हुँदै काठमाडौँ नारायणघाट पोखरा र हेटौडासम्म पुग्ने गरेको छ । नेपाल सरकारले भारतबाट सुर्तीजन्य पदार्थ आयातमा रोक लगाएपछि त्यसको भन्सार काट्ने सिस्टम नभएका कारण व्यापारीहरुले लुकी छिपी यसको व्यापार गर्दै आएका छन् ।

रौतड सहित मधेश प्रदेश र देशकै विभिन्न स्थानमा बिक्री वितरण हुने रजनीगन्दा तुलसी र पान मसला भारतबाट अवैध रूपमा आयात हुने गरेको छ । पान मसला र सुर्तीजन्य पदार्थको भन्सार नकाटिने भएपछि व्यापारीहरूले सीमामा तैरत सशस्त्र प्रहरी र नेपाल प्रहरीलाई मिलाएर सीमा पार गराउँदै यसको व्यापार व्यवसाय गर्दै आएका छन् ।

रौतहट प्रहरी र सशस्त्र प्रहरीले भन्सार छलेका विभिन्न सामानहरू बरामद गरेर सार्वजनिक गर्ने गरेको भएपनि सुर्तीजन्य पदार्थ अहिलेसम्म बरामद गरेर सार्वजनिक नगर्नुले पनि शङ्का उत्पन्न भएको गौरका स्थानीय बासिन्दा पुष्पराज यादवको भनाइ रहेको छ ।

यसका औलामा भारतबाट अवैध रूपमा पानमा हालिने मसला र पानको पत्ता समेत प्रहरी प्रशासनकै सेटिङमा भन्सार तपाईँले गरिएको छ। गौर बाहेकका अन्य छोटी भन्सार हुँदै खैनी समेत सशस्त्र र नेपाल प्रहरीको मिलोमतोमा रौतहट छिर्ने गरेको समाचार स्रोतले बताएको    छ । रौतहट सहित मधेश प्रदेशका जिल्लामा बिक्री वितरण हुने कालो खैनी समेत अवैध बाटो भएर नेपाल छिर्ने गरेको छ ।

आम सर्वसाधारणको स्वास्थ्यमा असर गर्ने रजनी भन्दा तुलसी लगायतका सुर्तिजन्य पदार्थ प्रहरी प्रशासनकै मिलोमतोमा रौतहटका विभिन्न नाका भएर छिर्ने गरेको स्थानीय व्यापारीहरूको भनाई रहेको छ ।

मधेस प्रदेशका हरेक पान दुकानका बाहिर झुण्ड्याएर राखिएका यस्ता गुट्खाजन्य पदार्थहरू नेपाल भित्रार्याउन नेपाल सरकारले प्रतिबन्ध लगाएको भएपनि खुलेआम रुपमा नेपाल आउने यस्ता वस्तुको बिक्री वितरण हुने गरेको छ ।न्युजकारखाना

रौतहट ११ माघ ।
करिब एक सातापछि रौतहटको सदरमुकाम गौरस्थित प्रादेशिक अस्पतालको सेवा सुचारु भएको छ। यही ७ माघदेखि आन्दोलनरत स्वास्थ्यकर्मी डाक्टरको टोली र मधेस प्रदेश सरकारका स्वास्थ्य मन्त्रीबीच बिहीवार भएको सहमतिपछि अस्पतालको नियमित अपिडी लगायतको सेवा सुचारु भएको हो। अस्पतालको तर्फ बाट ल्याब टेक्निसियण अनुठा राय यादवले एक सूचना जारिगर्दै सेवा सञ्चालन बारे सार्वजनिक गरेको छ।
तलबको माग गर्दै डाक्टर आन्दोलित भएपछि एक सातादेखि अस्पतालको इमर्जेन्सी बाहेकको सम्पूर्ण सेवा बन्द रहेको थियो।

अस्पतालमा राजनीतिक हस्ताक्षेपको कारण लामो समयदेखि तलब भत्ता समेत नपाएको भन्दै गौर अस्पतालमा कार्यरत स्वास्थ्यकर्मीहरूले इमर्जी बाहेकका सम्पूर्ण सेवा ठप्प पारेका थिए । ६  माघ अस्पताल सञ्चालन तथाव्यवस्थापन समितिका अध्यक्ष अनवर हासमिले पत्रकार सम्मेलन मार्फत नेपाली कांग्रेस मधेश प्रदेशका सभापति तथा मन्त्री कृष्णप्रसाद यादव लगायतको हस्तक्षेपका कारण अस्पतालको अवस्था दयनिय भएको सार्वजनिक गरेका थिए।
प्रदेशका कांग्रेस निकट मन्त्री र सांसदको राजनीतिक चलखेलको कारण विगत ६ महिनादेखि अस्पतालले विभिन्न समस्या भोग्दै आएको अध्यक्ष हासमिले बताएका थिए।

प्रादेशिक अस्पताल गौरमा कार्यरत ११ जना डाक्टरले  विगत ७  महिनादेखि अन्य सुबिधा भत्ता र तीन महिनादेखिको तलब पाउन नसकेको कारण अस्पतालको इमर्जेन्सीबाहेकका सबै सेवा बन्द गरेको एकजना डाक्टर चन्दन सहनीले बताएका छन्। मन्त्री तथा नेताहरुको राजनीतिक हस्तक्षेपका कारण बाध्य भएर अस्पतालको इमर्जेन्सी बाहेकको सेवा बन्द गर्नुपरेको डाक्टर  सहनीले जानकारी दिएका छन्।

रौतहट क्षेत्र नं १ ‘ख’ का प्रदेश सांसद एवं प्रदेशका भौतिक पूर्वाधार विकास मन्त्री कृष्ण प्रसाद यादव, कांग्रेसकै स्वास्थ्य मन्त्री विरेन्द्र सिंह र रौतहट क्षेत्र नं १ ‘क’ का कांग्रेसका प्रदेश सांसद नागेन्द्र साहले अस्पतालमा राजनीति करण गरिरहेको कारण यस्तो अवस्था भएको अध्यक्ष हासमिले बताएका छन्।

अस्पतालको मेडिकल सुपरिटेन्डेण्ट संजीव कुमार सिंह हुँदा हुँदै  मन्त्री कृष्ण यादव र प्रदेश सांसद नागेन्द्र साहको दबावमा स्वास्थ्य मन्त्री विरेन्द्र सिंहले पहिलाका मेडिकल सुपरिटेन्डेण्ट कृष्ण प्रसाद साहलाई पठाएर अनावश्यक विवाद गराएको गत ६ गतेको पत्रकार सम्मेलनमा हासमिले प्रस्ट पारेका थिए।

अहिले मेडिकल सुपरिटेन्डेण्ट संजीव र कृष्ण गरी दुई जना कार्यालय प्रमुख कार्यरत छन् र दुवैबीच चर्को विवाद रहेको छ । मेडिकल सुपरिटेन्डेण्ट कृष्ण  साहलाई फिर्ता गर्न स्वास्थ्य मन्त्री सिंहलाई पटक पटक आग्रह गरे पनि मन्त्री यादव र प्रदेश सांसद साहको दबावका कारण उनले फिर्ता पठाउन नमानेको अध्यक्ष हासमीले बताए ।

संजीव सिंह एघारौ तह र कृष्ण साह दशौ तहका कर्मचारी हुन् ।  सिंह सिनियर कर्मचारी रहेकोले मेडिकल सुपरिटेन्डेण्टको अख्तियारी दिनुपर्ने अध्यक्ष हासमीको माग छ ।न्युजकारखाना

काठमाडौं, ११ माघ । मधेश प्रदेशमा राष्ट्रियसभा निर्वाचनमा सत्तारुढ गठबन्धनका दुवै जना उम्मेदवार विजयी भएका छन्।

मतपरिणामअनुसार नेपाली कांग्रेसका आनन्दप्रसाद ढुंगाना र जनता समाजवादी पार्टी (जसपा) की पूजा चौधरी निर्वाचित भएका हुन्।

ढुंगानाले प्रदेशसभा सदस्यहरूको ३५५१ मतभार र स्थानीय तहका पदाधिकारीहरूको ३८१९ मतभार पाएका छन्। महिलातर्फ चौधरीले प्रदेशसभाको ४०२८ मतभार र स्थानीय तहका पदाधिकारीहरुको ३८९५ मतभार पाएका हुन्।न्युजकारखाना

काठमाडौं, १० माघ ।

माघ ९ गते मंगलबार बसेको मन्त्रिपरिषद बैठकले चलचित्र (निर्माण, प्रदर्शन तथा वितरण) सम्बन्धी विधेयक तर्जुमा गर्न सैद्धान्तिक स्वीकृति प्रदान गर्ने निर्णय गरेको छ। बैठकका निर्णयहरू सार्वजनिक गर्न बुधबार आयोजित पत्रकार सम्मेलनमा नेपाल सरकारकी प्रवक्ता तथा सञ्चार तथा सूचना प्रविधि मन्त्री रेखा शर्माले यसबारेमा जानकारी दिइन्।

सरकारको स्वीकृतिसँगै चलचित्र विधेयकको मस्यौदालाई अन्तिम रूप दिन सञ्चार तथा सूचना प्रविधि मन्त्रालयलाई बाटो खुलेको छ। विधेयकको विषयमा माघ ४ गते चलचित्र विकास बोर्डले चलचित्र सम्बन्धी कानुनलाई संशोधन र एकीकरण गर्न बनेको विधेयकको मस्यौदामा प्राप्त राय सुझाव सम्बन्धमा सरोकारवालाहरूसँग छलफल गरेको थियो।

नेपाली चलचित्र क्षेत्रसँग सम्बन्धित सङ्घ संस्थाहरूका प्रतिनिधिहरू तथा चलचित्रकर्मीहरूसँग माग र सम्बोधनका विषयमा केन्द्रित रही छलफल गरेको थियो। करिब तीन महिना पहिले बोर्डले आवश्यक राय सुझाव एवं पृष्ठपोषणका लागि मस्यौदा सार्वजनिक गरेको थियो। सोही मस्यौदामा आधारित रही सबै सङ्घ संस्थाहरूले परिमार्जनको माग गरेकोमा राय सुझाव लिखित रूपमा माग गरी त्यसबारेमा छलफल गरिएको थियो।

यसरी अगाडी बढ्नेछ चलचित्र विधेयक:

चलचित्र विकास बोर्डले प्राप्त गरेका राय सुझावका आधारमा तयार भएको मस्यौदा सञ्चार तथा सूचना प्रविधि मन्त्रालयमा जानेछ। सो मस्यौदालाई सञ्चारले अर्थ मन्त्रालयमा सहमतिको लागि पठाउनेछ। अर्थ मन्त्रालयबाट सहमति प्राप्त भएपछि विधेयक तर्जुमा सहमतिको लागि कानुन मन्त्रालयमा जानेछ।

कानुन मन्त्रालयबाट सहमति आएपछि संसद पठाउनु अघिको स्वीकृतिको लागि पुनः मन्त्रीपरिषदमा मस्यौदा जानेछ। यसका बारेमा मन्त्रिपरिषदको विधायन समितिमा छलफल हुन्छ। त्यहाँ स्वीकृत भएपछि कानुन मन्त्रालयमार्फत संसदमा दर्ता हुन्छ। विधेयकले अन्तिम रूप लिन संसदमा दफावार छलफल हुनेछ। संसदबाट पास भएपछि राष्ट्रपतिबाट प्रमाणीकरण हुन्छ। राष्ट्रपतिबाट प्रमाणीकरण भएपछि त्यो ऐन बन्छ र कानूनको रुप लिन्छ।

बोर्डका कार्यकारी अध्यक्ष भुवन केसीले नयाँ चलचित्र ऐन पारित गराउन चलचित्रकर्मीहरूले धेरै वर्ष देखी गरेको प्रयास सफलताको चरणमा प्रवेश गर्न लागेकोमा खुसी व्यक्त गरे। उनले नेपालको राष्ट्रिय चलचित्रको हितमा हुने गरी सबैको साझा सहमतिमा चाँडै विधेयक पारित हुनेमा आशा लिएको बताए।न्युजकारखाना