८ साउन, महोत्तरी 

जर्मन नागरिक गुड्रन कर्विन्सले महोत्तरीमा फेला पारेको मध्यपाषण युगको हतियार कारखानाको बिषयमा मधेश प्रदेश सरकारले चासो देखाएको छ  ।

जिल्लाको बर्दिवासस्थित पाटुमा रहेको यस ठाँउको थप अध्यन गरी पुरातात्विक पर्यटन केन्द्रकोरुपमा विकास गर्न गुरुयोजना वनाउने मुख्यमन्त्री सतिश कुमार सिंहले वताए ।

होटल तथा पर्यटन व्यवसायी माहासंघ मधेश प्रदेशले सोमवार आयोजना गरेको घुमौ मधेश, बुझौ मधेश भन्ने कार्यक्रममा स्थलगत अनुगमनको क्रममा मुख्यमन्त्री सिंहले १० हजार बर्ष पहिला मानवको चहलपहल रहेको बिषय निक्कै रोचक रहेको प्रतिक्रिया दिए ।

पुरातात्विक महत्वका  हिसावले महत्वपूर्ण भएको बताउदै यसलाई संरक्षण गर्न स्थानीय सरकारले समेत योजना वनाउनुपर्नेमा  मुख्यमन्त्री सिंहले जोड दिए ।

सन् १९८५ को दशकमा १० वर्ष लगाएर पाटुको अध्ययन गरेकी थिइ कर्विन्सले  रातो माटोले पुरिएको अवस्थामा हजारौं मध्य पाषण युगका हतियारहरु भेटिएपछि यो नै मध्यपाषण युगको हतियार कारखाना भएको निष्कर्ष निकालेकी थिइन । जुन युग १० देखि १२ हजार बर्ष पहिलाको मानिन्छ ।

उन्ले  आफ्नो किताब (प्रिहिज्टोरिक कल्चर्स इन नेपाल भोलम १, पुष्ट २३९, सन २००७) मा  अहिलेको पाटु र रातु नदी वरपरको मानव सभ्यता भियतनामको सभ्यतासँग मिल्दोजुल्दो भएको र भारतिय सभ्यतासँग कुनै मेल नखाएको पुष्टि गरेकी थिइन ।

कार्विन्सले किताबमा उल्लेख गरेअनुसार ढुंगा, हड्डी वा काठबाट एकातिरको भाग धारिलो बनाएर बनाइएको साना हतियार, ढुंगाका टुक्राहरु हजारौ संख्यामा भेटिएका थिए । तिनीहरुलाइ ३० देखि ७० सेन्टिमिटर मुनि राता माटामा उत्खनन् गर्दा सजिलै भेटिए । अर्को रहस्य त के थियो भने हतियारहरुको स्वरूप भारतमा मध्य पाषण युगमा पाइएका जस्ता थिएनन् । यिनीहरु भियतनाममा पाइएजस्ता भएको हुनाले यांहाका मानवहरु भारततर्फबाट आएको दावी गरे पनि दक्षिणपूर्व तर्फबाट आएका थिए भन्ने संकेत गर्ने पनि उल्लेख गरिएको छ ।

पर्यटकीय गन्तव्यहरुको खोजी गर्ने उदेश्यले होटल तथा पर्यटन व्यवसायी संघ मधेश प्रदेशले आयोजना गरेको स्थलगत अनुगमनमा उद्योग, वाणिज्य तथा पर्यटन मन्त्री सकिल अलि मियाँले पनि पाटुको पुरानो मानव सभ्यताको बिषयमा चासो देखाएका छन । नेपालमा पहिलो पटक रेकर्ड भएको १२५५ को शक्तिशाली भूकम्पले समेत  यस क्षेत्रको चुरे पहाड १० फिट माथी उठेको तथ्यहरु फेला परेका छन । यी विवध कारणले पनि यस ठाँउलाई मधेश कै पुरातात्विक केन्द्रकोरुपमा विकास गर्न प्रयास गर्ने मन्त्री मियाँले वताए  ।न्युज कारखाना

गाैर,३ गते साउन । रौतहट जिल्ला अदालत बार एसोशिएसनको अध्यक्ष पदमा २ जनाको उम्मेदवार बीच प्रतिस्पर्धा हुने भएको छ। नया कार्य समितिको लागि हुने जिल्ला कार्य समितिको चयनको लागि मंगलवार भएको मनोयन पत्र दर्तामा बिभिन्न पदमा १५ जनाको उम्मेदवारी परेकोमा अध्यक्ष पदमा मनोनयन पत्र राघो राय यादवले बुधवार आफ्नो उम्मेदवारी फिर्ता लिए पछि अध्यक्ष पदमा २ जना बीच प्रतिस्पर्धा हुने भएको हो। अध्यक्ष १, उपाध्यक्ष १, सचिब १, कोषाध्यक्ष १, सदस्य ५र पार्शद ३ गरी १२ पदको लागि १५ जनाले उम्मेदवारी दिएकोमा उपाध्यक्ष, कोषाध्यक्ष, सदस्य र पार्शद गरी १० जना निर्बिरोध निर्वाचित भएको प्रमुख निर्वाचन अधिकृत अधिबक्ता मोह्म्मद मजरूल हकले जानकारी दिएका छन्। अध्यक्ष पदमा २ र सचिव पदमा २ जनाको उम्मेदवारी परेकोले दुवै पदमा निर्वाचन हुने उहाले बताए। अध्यक्ष पदमा अधिबक्ता हेमचन्द्र लाल कर्ण, सोनेलाल प्रसाद पटेल र राघो राय यादव उम्मेदवारी दिएका पनि राघो राय यादवले आफ्नो उम्मेदवारी फर्ता लिएका छन् भने सचिब पदमा अधिबक्ता हरिशचन्द्र पंडित र सोनेलाल पासवानको उम्मेदवारी कायम नै रहेका छन्। ६२ जना मतदाता रहेको रौतहट बारको मतदान साउन ५ गते हुने निर्वाचन समितिले जनाएको छ। उपाध्यक्ष, कोषाध्यक्ष, सदस्य र पार्शदमा एक एक जनाको उम्मेदवारी परेकोले सो पदमा निर्बिरोध भएको हो।

साउन ३ गते, रौतहट । रौतहटको फतुवा विजयपुर नगरपालिकाका शिक्षक र कर्मचारीहरु विगत १२ महिनादेखी तलव पाउन नसकेका कारण समस्यामा परेका छन् । नगरपालिकाका प्रमुख प्रशासकीय अधिकृत सुरेन्द्र प्रधानले गएको यहि असार मसान्तमा तलव खुवाउने आश्वासन शिक्षक र कर्मचारीहरुलाई दिएका थिए । नगरपालिकाका कार्यालय प्रमुखले नै तलवभत्ता निकासा गर्ने आश्वाशन दिएपछि गत १२ महिनादेखी तलवभत्ता पाउन नसकेका नगरका शिक्षक कर्मचारीहरुले असार मसान्तमा आफुहरुले तलवभत्ता पाउने भन्दै ढुक्क भएर बसेका थिए तर असार मसान्त वितेर्पान प्रमुख प्रशासकीय अधिकृत प्रधान र लेखापाल उमेश यादवले तलव निकासा नगरेपछि फतुवा विजयपुर नगरपालिकाका सयौ शिक्षक र कर्मचारीहरु तलव वापतको रकम पाउन नसकेर निराश भएका छन् । कार्यालय प्रमुख प्रधान र लेखापाल यादवको बदमासी एवं चरम लापरवाहीका कारण फतुवा विजयपुर नगर क्षेत्रका ३२ सामुदायीक विद्यालयका झण्डै २ सय ५० शिक्षक र अन्य कर्मचारी गरी करिव ३ सयको हाराहारीमा शिक्षक, कर्मचारीहरु आर्थिक वर्ष २०८०/०८१ को आर्थिक मसान्तको अन्त्य असारमा पनि तलवभत्ता पाउनबाट बञ्चित भएका छन् । नगरपालिकाका प्रशासकीय अधिकृत सुरेन्द्र प्रधान र लेखापाल उमेश यादवले आर्थिक चलखेल र कमिश्नमा लिप्त रहेका कारण यस पालिकाका २ सय ५० भन्दा बढी शिक्षक तथा कर्मचारीहरु विगत १२ महिना भन्दा बढी दिनको तलव भत्ता पाउन नसकेको एकिकृत अखिल नेपाल शिक्षक संगठन रौतहटका अध्यक्ष एवं माध्यमिक विद्यालय शितलपुरका प्रधानाध्यापक बुनिलाल प्रसाद यादवले बताएका छन् । प्रधानाध्यापक यादवले आज बिहीबार नगरपालिकाको कार्यालय विजयपुरमा पत्रकार सम्मेलनको आयोजना गरी प्रशासकीय अधिकृत प्रधान र लेखापाल यादवको बदमासीका कारण नगरका शिक्षक र कर्मचारीहरु तलव भत्ता पाउनबाट बञ्चित भएको बताएका हुन । अधिकृत यादवले पटक पटक तलव निकासा गर्ने आश्वासन दिएपनि तलव भत्ता निकास नगरेका कारण विगत १२ महिनाको तलव पाउन नसकेका शिक्षक र कर्मचारीहरुलाई घर व्यवहार चलाउन ठुलो समस्या भएको प्रधानाध्यापक यादवले बताए । हाकिम र लेखापालले कमिश्न दिने कन्ट्रक्सन, सप्लायर्स, होटल, प्रेस आदिको चेक काटनेतिर नै ध्यान केन्द्रित गरेको र आफुहरुको तलव सुविधा दिनेतर्फ कुनै चासो नदेखाएका कारण शिक्षक र कर्मचारीहरुको तलव निकासा हुन नसकेको प्रधानाध्यापक यादवले बताए । आफुहरुको तलव नै नकासा नगरी कार्यालय प्रमुख प्रधान र लेखापाल यादवले मोवाइल स्वीच अफ गरी सम्पर्क विहीन भएपछि आफुहरु झन चिन्तित भएको उनले बताए । प्रधान र यादव विगत एक महिनादेखी कार्यालयमा आउन सकेका छैनन । उनिहरुले कार्यालय भन्दा बाहिर चन्द्रनिगाहपुरको गोप्य स्थानमा बसेर कार्यालय सञ्चालन गर्दा अब उनिहरुलाई कहाँ खोज्ने र आफनो तलवको समस्या कसलाई सुनाउने भनी शिक्षक र कर्मचारीहरुलाई चिन्ता लागेको छ । हाकिम प्रधान र लेखापालको गैर जिम्मेवारीपूर्ण रवैया र बदमासी विरुद्ध शिक्षक तथा कर्मचारीहरु कडा आन्दोलन गर्ने तयारी गरेको यादवले बताए । प्रशासकीय अधिकृत प्रधान र लेखापाल यादवले असार पहिलो सातादेखी नै कार्यालय आउन छाडेको र कार्यालय भन्दा बाहिर चन्द्रनिगाहपुर स्थित गोप्य ठाउँमा बसेर उनिहरुको कमिश्नको भरमा खरिद नै नभएका सामान खरिद भएको कागजमै जनाएर नक्कली विल भर्पाईको आधारमा विभिन्न कन्ट्रक्सन, सप्लायर्स, होटल, प्रेस आदिलाई गरी ९३ लाख भन्दा बढी अवैध रकम निकासा गरी ठुलो आर्थिक अनियमितता गरेको श्रोतको दाबी छ । कार्यालयमा कमिश्न लिन सहज नहुने देखेपछि कार्यालय प्रमुख प्रधान र लेखापाल यादवले कार्यालय भन्दा बाहिर बसेर चेक काटेको र अहिले कमिश्न लिएर धमाधम चेक बाड़ने काम गरिरहेको श्रोतको भनाई छ । हाकिम प्रधान र लेखापाल यादवले पालिकालाई भ्रष्टाचारको अखडा बनाएको र भ्रष्टाचार तथा आर्थिक अनियमिततामा चुर्लम हुवेको श्रोतको दाबी छ । कार्यालय प्रमुख प्रधान र लेखापाल यादव लामो समय देखि मोबाइल स्विच अफ गरि सम्पर्क बिहिन छन । उनिहरुले कार्यालयमा न आउदा आम नागरिकको कामकाज प्रभावित भइरहेको छ तर लामो समय देखि कार्यालय प्रमुख र लेखापाल जस्तो जिम्मेवार कर्मचारी कार्यालय न आउँदा पनि सम्बन्धित निकायले उनीहरुमाथी कार्यवाही गर्न कुनै चासो लिएको छैन ।

बारा- जिल्ला प्रहरी कार्यालय बाराले आर्थिक वर्ष २०८०/०८१ को कार्य प्रगति विवरण सार्वजनिक गरेको छ।

जिल्ला प्रहरी कार्यालय बाराका प्रमुख एसपी महेन्द्र खड्का र जिल्ला प्रहरी प्रवक्ता डिएसपी दधिराम न्यौपानेले संयुक्त रुपमा वार्षिक प्रगति विवरण सार्वजनिक गरेका हुन्।

अवैध सामान बरामद, राजश्व संकलन

गत आर्थिक वर्षको साउन १ देखि २०८१ असार मसान्तसम्ममा जिल्ला प्रहरी तथा मातहतका युनिटहरूबाट विभिन्न किसिमका भन्सार छलीका सामानहरू बरामद गरी कुल ५७ करोड ४० लाख ३५ हजार छ सय ५१ रुपैयाँ राजस्व संकलन गरेको एसपी खड्काले बताएका छन्।

उक्त भन्सार छलीका समान ओसार-पसार गर्न प्रयोग गरिएको ट्रक लगायतका सवारीसाधनहरू भन्सार कार्यालय वीरगन्ज र आन्तरिक राजश्व कार्यालय पथलैयामा दाखिला गरिएको उनले बताए।

हुण्डी कारोबार

उक्त आर्थिक वर्षमा हुण्डी कारोबारका चार वटा मुद्दा दर्ता भएका छन्। यसमा ८ जनालाई पक्राउ गरिएको र ३८ लाख ९ हजार रुपैयाँ बरामद भएको खड्काले बताए।

मुद्दा दर्ता मानिस पक्राउ

त्यस्तै, गत आर्थिक वर्षमा एक हजार तीन सय २२ वटा विभिन्न किसिमका मुद्दा दर्ता भएको छ भने एक हजार ३१ जना आरोपी पक्राउ परेका थिए।

त्यस्तै, एक हजार ९ सय ३६ उजुरीमा एक हजार ७ सय ५० मिलापत्र भएको र दुई हजार आठ सय ५९ ठाडो उजुरीमा दुई हजार पाँच सय ८४ वटा उजुरीको मिलापत्र भएको जानकारी खड्काले दिए।

लागुऔषध बरामद र कारबाही

सोही अवधिमा ९२ वटा लागुऔषधका मुद्दा दर्ता भएका थिए। त्यसमध्ये एक सय ३७ जना पक्राउ परेका थिए।

त्यस्तै, प्रहरी गस्ती टोलीले दुई हजार ५४ किलो लागुऔषध गाँजा, ४५ किलो २३ ग्राम चरेस र ५७०  ग्राम ब्राउन सुगर बरामद गरेको प्रवक्ता डिएसपी दधिराम न्यौपानेले बताए।

फरार प्रतिवादी पक्राउ

त्यस्तै, जिल्ला अदालत बाराबाट विभिन्न मुद्दामा कैद जरिवाना तोकिएर फरार रहेका तीन सय १९ जना प्रतिवादी पक्राउ परेका छन्। फरार प्रतिवादीबाट ७९ वर्ष तीन महिना तीन दिन कैद र एक करोड ५४ लाख ५६ हजार दुई सय ८८ रुपैयाँ जरिवाना असुल भएको छ।

अबैध हातहतियार बरामद

एक वर्षको अवधिमा बारा प्रहरीले अबैध हातहतियारतर्फ एक थान भरुवा बन्दुक, एक थान स्वचालित रिभल्वर, पाँच थान कटुवा पेस्तोल २० राउण्ड गोली प्रहरीले बरामद गरेको छ।

मोबाइल बरामद

विभिन्न स्थानबाट नागरिकका हराएका तथा चोरिएका ९६ थान मोबाईल बरामद गरी सम्बन्धित धनीलाई बुझाइएको छ।

ट्राफिक कारबाहीमा दुई करोड ९७ लाख असुल

वर्षभरिमा सवारी नियम विपरीत चलेका ३४ हजार २ सय ८५ सवारीलाई ट्राफिक कारबाही गरिएको छ।  कारबाहीबाट दुई करोड ९७ लाख ३१ हजार पाँच सय रुपैयाँ राजश्व संकलन भएको न्यौपानेले बताए।

अबैध मदिरा र भट्टी नष्ट

जिल्लाभरिमा अबैध रुपमा सञ्चालित एक सय ५२ रक्सी भट्टी नष्ट गरिएको छ। यस्तै, तयारी मदिरा ४९ हजार १४५ लिटर, कच्चापदार्थ ३ लाख २३ हजार ९५ लिटर नष्ट गरिएको छ।

रक्सी उत्पादनमा संलग्न १० जना मानिस पक्राउ परेका छन्। रक्सी उत्पादन गर्ने मेसिन ७४ थान, भाडावर्तन ४३४ र सात वटा सवारी साधन बरामद भएको छ।

मिटरब्याजमा कारबाही

बारामा गत आवमा अनुचित लेनदेन मिटरब्याजमा एक हजार ४३ मेलमिलापबाट २१ करोड ५६ लाख २७ हजार ६ सय ६ रुपैयाँ नगद र ३० बिगाहा १७ कठा १७ धुर जग्गा फिर्ता गराइएको प्रवक्ता तथा डिएसपी न्यौपानेले जानकारी दिए।

सोही अवधिमा प्रहरीले तीन हजार ८८ वटा सामुदायिक कार्यक्रम सञ्चालन गरेकोमा एक लाख २२ हजार  १५७ जना मानिस लभान्वित भएको प्रहरीले जारी गरेको प्रेस विज्ञप्तिमा उल्लेख छ।न्युज कारखाना

रौतहट- रौतहटमा जथाभावी रूपमा अरूको खेत हुँदै विद्युतीय तार लगाएका दुई जनामाथि ज्यान सम्बन्धी मुद्दा दायर गरिएको छ।

स्थानीय देवाही गोनाही नगरपालिका-७ गोनाही टोलका रामदरेश राय यादव र गुल्टेन राय यादवमाथि इलाका प्रहरी कार्यालय गरुडाले ज्यान सम्बन्धी मुद्दा दायर गरेको हो।

आरोपीहरूले विद्युतको पोलबाट जथाभावी आफ्नो खेतमा लगेको मोटरको तारबाट करेन्ट लागेर गत सोमबार दिउँसो देवाही गोनाही-७ का ४५ वर्षीय चुनिलाल पासवानको आफ्नै खेतमा काम गरिरहेको अवस्थामा करेन्ट लागेर मृत्यु भएको थियो।

पासवानको मृत्युपछि उनका आफन्तले दिएको लिखित किटानी जाहेरीको आधारमा मंगलबार रामदरेश र गुल्टेनमाथि कर्तव्य ज्यान मुद्दा दर्ता भएको रौतहट प्रहरी प्रमुख एसपी दिलीप घिमिरेले बताएका छन्।

गत सोमबार दिउँसो १ बजेर २० मिनेटमा करेन्ट लागेलगत्तै प्रहरीले पासवानलाई उद्धार गरी तत्काल उपचारको लागि शिवनगरस्थित एक निजी अस्पतालमा लगेकोमा उपचारको क्रममा मुत्यु भएको थियो।

इलाका प्रहरी कार्यालय गरुडाका प्रमुख डिएसपी रामेश्वर त्वातीले घटनालगत्तै पासवानको खेत हुँदै विद्युतको तार लगेका रामदरेश राय यादव, गुल्टेन राय यादव फरार रहेकाले उनको खोजी तथा घटना सम्बन्धी थप अनुसन्धान भइरहेको जानकारी दिएका छन्।

रौतहटमा आफ्नो खेतमा पानी पताउन जथाभावी रुपमा विद्युत पोलबाट लागेको तारबाट करेन्ट लागेर वर्षेनी कैयौं मानिसको मृत्यु हुने गरेको पाइएको छ।न्युज कारखाना

वीरगन्ज- वीरगन्जमा सशस्त्र प्रहरी, नेपाल प्रहरी र भन्सारको टोलीको सक्रियतामा एकै दिनमा झण्डै १५ लाख रुपैयाँको भन्सार छलीको सामान बरामद गरिएको छ।

प्रस्तावित सशस्त्र प्रहरी सीमा सुरक्षा गुल्मका प्रमुख डिएसपी सुरज रिजालको कमाण्डमा गएको गस्ती टोलीले भन्सार क्षेत्रबाट भारतीय नम्बरको स्कुटीमा लोड गरी नेपालतर्फ ल्याउँदै गरेको १ लाख ४३ हजार बराबरको अबैध सामान मंगलबार बरामद गरेको छ।

त्यस्तै, बिशेष सूचनाको आधारमा डिएसपी रिजाल, वीरगन्ज भन्सार कार्यालयका नायब सुब्बा विष्णुप्रसाद चौधरी, जिल्ला प्रहरी कार्यालय पर्साका इन्स्पेक्टर विजय चौहानलगायत सशस्त्र प्रहरीको विभिन्न युनिटबाट गएको टोलीले वीरगन्ज-१६ स्थित रिमा अग्रवालको घरको दोस्रो तलामा भगवान यादवको  गोदाममा छापा मारेको थियो।

गोदाममा अवैध रुपमा भण्डारण गरिएको तीन लाख, १८ हजार ८०० बराबरको मल, सिलाउने मेसिन २ थान बरामद गरेको छ।

संयुक्त टोलीले मंगलबार साँझ वीरगन्ज-२ छपकैयामा भण्डारण गरिराखेको १० लाख बराबरको कपडा बरामद गरेको सशस्त्र प्रहरीका डिएसपी सुरज रिजालले जानकारी दिएका छन्।

झण्डै १५ लाख बराबरको बरामद अबैध सामानहरू मंगलबार अबेर साँझ वीरगन्ज भन्सार कार्यालयमा बुझाइएको सशस्त्र प्रहरी प्रस्तावित गुल्मले जनाएको छ।न्युज कारखाना

३१ असार, महोत्तरी 

रौतहट चन्द्रपुरका लक्षमण अधिकारी पहिलेदेखि नै होटल सम्बन्धि  सिप सिकेर आत्मनिर्भर वन्न चाहन्थे । युवाअवस्थामा  कुक सिकेर नेपाल कै कुनै ठुलो होटलमा काम गर्ने रहर वनाएतापनी अधिकारीको सपना पारिवारिक जिम्मेवारीका कारण पुरा हुन सकेको थिएँन  ।

तर न्याथम कलेजको सम्पर्कमा आएपछि उमेरले ४० काटेपनि अधिकारीका रहर र सपनाहरु पुन: जीवित वनेका छन  । कलेजले प्रदान गरेको ३ महिने तालिमपछि उन्ले कुक सम्बन्धी सैद्वान्तिक ज्ञान मात्र सिकेनन यथेष्ठ प्रयोगात्मक प्रयोगको कारण पूर्ण कुक वनेका छन ।

अधिकारीलाई अहिले आफ्नै होटल खोलेर आत्मनिर्भर वन्ने मात्र हैन नेपालका कुनैपनि होटलमा अवसर प्राप्त भए प्राप्त सिप र दक्षतालाई उत्कृष्ट पर्दशन गर्ने आत्मविश्वास समेत वढेको छ । ‘न्याथम कलेजको प्रयोगशालासँगै दिईने तालिमले जोकोहीलाई आत्मविश्वास मात्र हैन केही गर्ने हुटहुटी जगाउछ ।’ अधिकारीले भने ।’न्याथम कलेज होटल समबन्धि सिप सिक्नेहरुको लागि देश कै उत्कृष्ट सिक्षालय रहेछ ।’

४० बर्ष उमेर पुगेपछि पुराना रहर र सपनाहरुलाई पुन:जिवित वनाएका अधिकारीको कथा मात्र हैन कलेजले ३ महिना अगाडी सुरु गरेको ६ वटा तालिम लिएपछि यस्मा सहभागी १३१ जनामा उस्तै आत्मविश्वास भरिएको छ  ।

रहर भएतापनि विविध वाध्यताका कारण पुरा गर्न नसकेका, भबिष्यको अन्यौलताका कारण दुविधाले उदेश्य निर्धारण नभएका, सिप सिकेर प्रदेश जान चाहने र स्वदेशमा नै वसेर आत्मनिर्भर वन्न चाहनेहरुको लागि यो अवधी सवैको लागि सर्वाधिक उर्वर वनेको छ ।

५ बर्ष अगाडी कोरियावाट फर्किएपछी मिथिला धनुषाका चन्देश्वर क्यापछाकीलाई पनि स्वदेशमा के गर्ने होला भन्ने उत्तिकै दुविधा थियो । केहि पैसा कमाएर ल्याएतापनि स्वदेशमा कुनै सम्भावना नदेखेपछि पुन: प्रदेश नै फर्कने योजना वनाईरहेका क्यापछाकीको योजनामा अहिले पूर्णविराम लागेको छ । ‘धेरै शिप सिकियो तर यत्तिको प्रोगात्मक शिप लिएर पहिलो पटक तालिम लिईसक्दा नै दक्ष भएको महसुस गरेको छु ।’ उन्ले भने । ‘याँहा कुक सिक्दासिक्दै आफै केही गरौ भन्ने हुटहुटी जागेको छ ।’

१ दशकसम्म कतार र मलेशियामा रोजगारी गर्दै आएका वारा कलैया उपमाहानगरपालिकाका फैज आलम अन्सारीलाई पनि ३ महिने तालिम लिएपछि पूर्ण स्वरोजगार वनेको महसुस भएको छ । शिप समबन्धि तालिमको नाममा स्थानीय सरकारले करौडौ खर्च भएको वताउदै न्याथमले दिने तालिमवाट केही सिक्न उन्ले सुझाव दिए ।

‘अव विदेश जानै पर्दैन मलाई । याँहा सिकेपछि सिक्दा-सिक्दै अफरहरु आउदो रहेछ । यो संस्थामा जोडिएर सिक्न पाउदा गर्व महसुस गरेको छु ।’ उन्ले भने । ‘अव मधेशका केही ठुला होटलवाट अफर आएको छ काम गर्छु ।’

राज्यले करौडौ खर्च गरेर शिप सिकाउने तर उक्त शिपको प्रयोग नहुने संस्कार वनिरहेको वेला नेपाल पर्यटन  तथा होटल व्यवस्थापन प्रतिष्ठानले दिने हरेक शिपहरु त्यस्को विपरित रहेको होटल व्यवसायी गुन्ज वहादुर कार्की वताउछन ।

आईतवार ३ महिने तालिमपछि समापन कार्यक्रममा बोल्दै अथितिहरुले होटल तथा पर्यटन क्षेत्रमा न्याथम नेपाल कै अग्रणी सिक्षालय भएको वताए । होटल तथा पर्यटन व्यवसायी संघ मधेश प्रदेशका अध्यक्ष हिरा गौतमले न्याथम कलेजको महत्व थाहा नपाउदा अझै ओझेलमा परेको गुनासो गरे ।

याँहा पढेका विध्यार्थीहरु अहिले पनि मध्यपूर्वी देश र युरोपियन देशहरुमा प्रयोगात्मक सिकाईका लागि जाने गर्छन । ‘पढ्दै कमाउदै भन्ने उदेश्यलाई न्याथमले जहिल्यै आत्मासाथ गरेको वताउदै न्याथम कलेज बर्दिवासका प्रमुख सिवेन्द्र मल्लिकले याँहा पढेका विद्यार्थीहरु कोहीपनि वेरोजगार नहुने दावी गरे ।

होटल म्यानेजमेन्टको लागि देश कै उत्कृष्ट मानिएको यो कलेज संस्कृति, पर्यटन तथा उडयन  मन्त्रालय अन्तर्गत संचालित छ । मधेश प्रदेशमा नै पहिलोपटक  ५ वर्ष अगाडी मात्र संचालनमा आएको यो कलेजले होटल तथा पर्यटनका क्षेत्रमा विभिन्न शिपमुलक तालिमका साथै शैक्षिक पाठयक्रम तयार गरेर ब्याचलर अफ होटल म्यानेजमेन्ट समेत पठनपाठन गराउदै आएको छ ।

श्रम तथा यातायात मन्त्रालय, मधेश प्रदेश सरकारसँगको सहकार्यमा संचालित शिपमुलक तालिममा आधारभूत खाना तयारी(कुक), वेटर, बारिश्टा, बेकरी, हाउस किपिंङ्ग, स्थानीय पर्यटक पथपर्दशक गरी ६ वटा तालिम संचालम भएको थियो ।न्युज कारखाना

मानव अधिकार एलाईन्स बाराले बारामा मानव अधिकारको अवस्था विषयमा शनिबार अन्तरक्रिया कार्यक्रम आयोजना गरेको छ । संस्थाले आफ्नो २५औँ स्थापना दिवसको अवसर पारेर बाराको निजगढमा अन्तरक्रिया कार्यक्रमको आयोजना गरेको हो ।

निजगढस्थित सगरमाथा बचत तथा ऋण सहकारी संस्थाको सभाहलमा भएको कार्यक्रमका सहभागीहरुहले बारा जिल्लामा मानव अधिकार हननका घटना व्यापक रुपमा बढेको बताएका थिए ।

पछिलो समय जिल्ला सदरमुकामनजिकै भएको हत्याको घटना र अन्य हिंसाका घटना भएको आधारमा सहभागीहरुले जिल्लामा मानव अधिकार हननका घटना बढेको बताएका हुन ।

संविधान सभाका सदस्य एवंम नेकपा एमालेका केन्द्रीय सदस्य बलवीर चौधरीको विशेष उपस्थितिमा भएको सो कार्यक्रम नेकपा एमाले मधेस प्रदेश कमिटीका सचिव मनोज पौडेलको प्रमुख आतिथ्यता सम्पन्न भएको हो ।

कार्यक्रममा मानव अधिकार एलाईन्सका केन्द्रीय सदस्य कृष्ण लामा, एमालेकी नेता टिना सुवेदीलगायतको उपस्थिति रहेको थियो । मानव अधिकार एलाईन्स बाराका अध्यक्ष अनिल तिवारीको अध्यक्षतामा सम्पन्न सो कार्यक्रमको सहजीकरण श्रीराम साहले गरेका थिए भने स्वागत मन्तव्य संस्थाका उपाध्यक्ष तिर्थराज गौतमले गरेका थिए ।न्युज कारखाना

रौतहट,२९ असार । राष्ट्रिय वन क्षेत्रमै धमाधम पक्की संरचनाभन्दा समेत डिभिजन वन कार्यालय रौतहटको ध्यानाकर्षण हुनसकेको छैन । पूर्व पश्चिम महेन्द्र राजमार्गको बागमती, पौराही स्थित ब्रह्मस्थान जाने बाटो र चन्द्रनिगाहपुरबाट जुडिबेला जाने बाटोको राष्ट्रिय वन क्षेत्रमा शौचालयको नाममा धमाधम पक्की संरचना भन्दा समेत डिभिजन वन कार्यालयले कुनै चासो नलिएको स्थानीय बासिन्दाको भनाइ रहेको छ ।

जङ्गल क्षेत्रमा पक्की शौचालय बनाउनका लागि कहाँबाट बजेट आयो भन्ने कुरा समेत सर्वसाधारणले थाहा पाउन सकेका छैनन् ।

राष्ट्रिय वन क्षेत्रमा पक्की संरचना बनेको विषयमा डिभिजन वन कार्यालय रौतहटका प्रमुख शैलेन्द्र मिश्रले आफूले सो विषयमा बुझ्ने बताएका छन् ।

स्थानीयका अनुसार डिभिजन वन कार्यालय अन्तर्गत डिभिजन वन कार्यालयका प्रमुख अनिल महतोकै मिलो मलेमतो राष्ट्रिय वन क्षेत्रमा पक्की संरचना बनेको स्थानीय बासिन्दाको भनाइ रहेको छ ।

राष्ट्रिय वन क्षेत्रमै पक्की संरचना बनाउँदा समेत डिभिजन वन कार्यालयले त्यसलाई रोक्ने तर्फ ध्यान नदिएका कारण शौचालय बनाउने उपभोक्ता समितिले शौचालयको आधा काम पनि नगरी भुक्तानी लिइसकेको स्थानीयको दाबी छ ।

चन्द्रनिगाहपुर , पौराही र बागमतीमा बनेको शौचालयको उपभोक्ता समिति एउटै रहेको छ ।

शौचालय निर्माण उपभोक्ता समितिका अध्यक्ष दिनेश पण्डितले सो शौचालय निर्माणको बजेट प्रदेश सरकारको भएपनि कुन मन्त्रालय मार्फतको बजेट हो भन्ने कुरा आफूलाई थाहा नभएको बताएका छन् । स्थानीयले भने चन्द्रपुर नगरपालिका वडा नम्बर १ का वडा अध्यक्ष बलराम राउतले बजेट ल्याएर उपभोक्ता समिति बनाएर काम गरिरहेको बताएका छन् । सो विषयमा बुझ्नका लागि वडा अध्यक्ष राउतलाई पटकपटक सम्पर्क गर्दा उनको फोन उठेन । सर्वसाधारणले छिसरिक्क काँचो दाउरा ल्याउँदा मुद्दा चलाउने डिभिजन वन कार्यालयले आफ्नै कार्यालय अगाडि राष्ट्रिय वन क्षेत्रमा पक्की संरचना बनाउँदा समेत कानमा तेल हालेर बस्नु गम्भीर विषय भएको स्थानीय बासिन्दाको बुझाइ रहेको छ । पौराइमा रहेको सबडिभिजन वन कार्यालयको छेउमा र चुडीबेला स्थित सबडिभिजन कार्यालयकै अगाडि राष्ट्रिय वन क्षेत्रमा पक्की संरचना बनाइरहँदा समेत सहायक वन अधिकृत अनिल महत्वले देखेको नदेखे झैँ गर्नुले समेत वन कर्मचारीकै मिलोमतोमा राष्ट्रिय वन क्षेत्रमा पक्की संरचना बनेको सर्वसाधारणको बुझाइ रहेको छ ।

सो विषयमा डिभिजन वन कार्यालय रौतहटका प्रमुख शैलेन्द्र मिश्रले समाचार नलेखिदिन र आफूले काम रोक्नका लागि पत्र काटेको भए पनि उपभोक्ता समिति र जनप्रतिनिधिले अटेर गरेको जानकारी दिए ।

रौतहटको राष्ट्रिय वन क्षेत्रमा विभिन्न बहानामा पक्की संरचना बनाउँदै जाने र वन मासेर खेतीयोग्य जमिन बनाउने क्रम बढ्दै गएको भएपनि डिभिजन वन कार्यालय रौतहटले त्यसतर्फ खासै चासो नदिँदा रौतहटको राष्ट्रिय वन दिन प्रतिदिन मासिँदै जान थालेको छ ।

न्युज कारखाना

सिरहा, २९ असार। सिरहाको चोहर्वामा सर्पको टोकाईबाट एक महिलाको मृत्यु भएको छ। सर्लाहीको पर्सा गाउँपालिका संग्रामपुर घर भई सिरहाको गोलबजार नगरपालिका ८ चोहर्वामा डेरागरी वस्ने ३० वर्षिय रोशिना खातुनको मृत्यु भएको हो।

चुल्होबाट खरानी निकाल्ने क्रममा सर्पले टोकेका खातुनलाई उपचारको लागि कर्जन्हास्थित फूलकुमारी महतो मेमोरियल अस्पताल पुर्याएपनि उपचार सम्भव नभएको स्थानीय शिव यादवले जानकारी दिए।

खरानी निकाल्ने क्रममा सर्पले टोकेका खातुनलाई केहीवेरपछि असहज महसुस भएपछि चुल्होमा हेर्दा गोमन सर्प भेटिएको थियो।

जानकारी पाएलगदै जोवहा सैनिक गण परिसरमा रहेको जयकाली शर्पदंश उपचार केन्द्रमा पुर्याएपनि त्यहाँ उपचार सम्भव नभएको बताए।  लगतै कर्जन्हा पुर्याएपनि उनको उपचार हुन सकेन।

खातुनको तीन छोरा र एक पाँच महिनाको छोरी छ। उनी चोहर्वामा बसेर विडी बनाउने काम गर्दै आएका थिए।न्युज कारखाना