प्रेमचन्द्र झा,राैतहट,पुस १९ गते २०८१ ।
सुरेन्द्र ढकाल प्रतिष्ठानका अध्यक्ष सुरेन्द्र ढकालले राजनीति सेवा हाे पेशा नरहे बताएका छन् । राष्ट्रिय मातृभूमि पार्टि नेपालकाे अनुराेधमा गढिमाई नगरपालिकाको समनपुरमा आयोजित न्यानो कपडा वितरण कार्यक्रममा बोल्दै आफुले कुनै राजनितिक पद पाए,निशुल्क सेवा गर्ने छु । सेवा बापत कुनै सुबिधा नलिने घाेषणा समेत गर्नु भयो ।
सो अवसरमा महासचिव गाेविन्द गिरि, काेषाध्यक्ष केशव भट्टराई, केन्द्रीय सदस्य सविता झा ,जिल्ला अध्यक्ष रन्जित पटेल, नग, अध्यक्ष शम्भु साह,दायाँ देवी सहितले वाेलेका थिए । साे प्रतिष्ठानले गढिमाई नपा १,८ र ९ नम्बर वडाको विभिन्न स्थानमा कार्यक्रम गरि ३ सय जना भन्दा बढि विपन्न परिवारका ब्यक्तिलाई कम्बल बाडेका छन् ।
कार्यवाहक नगर प्रमुख अम्बेया खातुन र वडा अध्यक्ष सतिश कुमार यादवले संयुक्त रूपमा उक्त विद्यालय भवनको शिलान्यास गरेका हुन् ।
शिलान्यास कार्यक्रममा उक्त पालिकाको वडा नं ४ का स्थानियहरुको धेरै संख्यामा मानिसहरूकाे उपस्थिती रहेका थियाे । साथै उक्त विधालयका शिक्षकहरुको, सुरक्षाकर्मी, भद्रभलादमी र पत्रकारहरुको विशेष उपस्थितिमा विधालयमा नयाँ चार कोठ्ठे भवनको शिलान्यास भएको हाे ।
बज्जिकाञ्चल संवाददाता,सिरहा,१८ गते पुस २०८१ ।
लहान । आमसञ्चार प्राधिकरण मधेश प्रदेशद्वारा सिरहाको लहानमा २०८१ पुस १६ गते पत्रकारहरुहरुको सहभागितामा साइबर सुरक्षा र एआइ सम्बन्धी कार्यक्रम मङ्गलबार आयोजना गरिएकाे हाे ।
कार्यक्रम उद्घाटन गर्नुहुँदै मधेश प्रदेशका गृह सञ्चार तथा कानूनमन्त्री राजकुमार लेखीले इच्छा शक्ति भएपछि काम गर्न सकिने बताउनुभयो । छ वर्षमा नबनेको शिक्षा नीति आफू मन्त्री भएको दुई महिनामा बनाएको पछि शिक्षा मन्त्रीबाट गृह, सञ्चार तथा कानुन मन्त्रीको जिम्मेवारी सम्हालेपछि ६ महिनामा मधेश प्रदेशको पत्रकारलाई स्वास्थ्य तथा दुर्घटना बीमा शुरुवात, विपद् मा पर्ने परिवारलाई एक लाखको दरले सहयोग, प्रदेश प्रहरी भवन निर्माणका लागि २३ करोड प्रदान, आगलागी परिवारलाई दश हजारको दरले सहयोग, विभिन्न प्रहरी एकाइ भवन निर्माणका लागि १९ करोड विनियोजन,सहिद परिवारलाई स्वास्थ्य–दुर्घटना बीमा सुरुवात, प्रदेश सुरक्षा नीति निर्माण सम्पन्न लगायत दुई दर्जन कार्य सुरु गरिसकेको उहाँले बताउनुभयो ।
अब काम गर्नेबेला आएको हो गफ गर्ने र काम गर्नेलाई जनताले पहिचान गरिरहेको बताउनुहुँदै उहाँले पत्रकारहरुलाई जिम्मेवार भएर सही सत्य तथ्यलाई बाहिर ल्याउन आग्रह गर्नुभयो । मन्त्री लेखीले आफ्नो मन्त्रालयले पत्रकारिता गरिरहेका र पत्रकारितामा लामो समय बिताएका पत्रकारका लागि विभिन्न योजनाहरू बनाइरहेको भनी जानकारी दिनुभयो । पत्रकारलाई बिमा गर्ने, पढ्न छात्रवृत्ति दिने, राम्रो गर्ने पत्रकारलाई आर्थिक सहयोग गरेर हौसला प्रदान गर्ने लगायतका योजनाहरूमा काम भइरहेको उहाँले चर्चा गर्नुभयो ।
कार्यक्रममा प्रदेश सभा सदस्यत्रय राजेन्द्र प्रसाद चौधरी, जिबछी यादव, ललिता दास, गृह, सञ्चार तथा कानुन मन्त्रालयका महाशाखा प्रमुख दिपेन्द्र प्रसाद यादव लगायतले पत्रकारहरुको हकहितका लागि प्रदेश सरकारले समुचित बजेट व्यवस्थापन गर्नुपर्नेमा जोड दिनुभयो । पत्रकार र पत्रकारिता क्षेत्र सबल भए मात्र सङ्घीय लोकतान्त्रिक गणतन्त्र मजबुत हुने बताउनुभयो । प्राधिकरणले गर्दैआएका गतिविधिहरु प्रशंसनीय रहेकोले यसलाई आगामी दिनमा समेत निरन्तरता दिनुपर्नेमा उहाँहरुले जोड दिनुभयो ।
एक दिवसीय साइबर तथा एआई प्रविधिको सकारात्मक नकारात्मक पक्षबारे पत्रकार जीवन भण्डारी र प्रकाश मैनालीले प्रशिक्षण दिनुभयो । अभिमुखीकरण कार्यक्रमको समापनमा नेपाल पत्रकार महासङ्घ मधेश प्रदेशका उपाध्यक्ष अम्बिका दाहालले मधेशमा शिक्षा, स्वास्थ्य, कृषि र पर्यटन क्षेत्रलाई प्राथमिकतामा राख्नुको साथै सामाजिक न्यायको विषयलाई समेत ध्यानमा राखेर सामाचार सम्प्रेषण गर्नुपर्नेमा जोड दिनुभयो । वर्तमान अवस्थामा पत्रकारहरुलाई साइबर सुरक्षा र आएई प्रविधिको ज्ञान हुन आवश्यक रहेको अवस्थामा प्राधिकरणले आठओटै जिल्लामा सञ्चालन गर्न लागेको अभिमुखिकरण कार्यक्रम प्रभावकारी हुने विश्वास व्यक्त गर्नुभयो ।
आमसञ्चार प्राधिकरण मधेश प्रदेशले पत्रकाररिता तालिम, पत्रकारहरुको वृति विकास, बीमा कार्यक्रम र जिम्मेवार पत्रकारिताका लागि उपलब्ध स्रोत साधनबाट निरन्तर कार्य गरिरहेको प्राधिकरणका अध्यक्ष श्यामसुन्दर यादवले बताउनुभयो ।
एआइ सम्बन्धी अभिमुखिकरण कार्यक्रमले पत्रकारहरुलाई सीप तथा क्षमता विकासमा मदत मिलेको नेपाल पत्रकार महासङ्घ सिराहा शाखाका अध्यक्ष मनोज कुमार बनैताले धन्यवाद ज्ञापन गर्नुभयो । कार्यक्रम सञ्चालन प्राधिकरणका निमित्त प्रशासकीय प्रमुख प्रशन्नराज कर्णले गर्नुभयो । कार्यक्रममा सिरहा जिल्लाका ८५ जना पत्रकारहरूको सहभागिता थियो ।
आम सञ्चार प्राधिकरण मधेस प्रदेशका अध्यक्ष श्याम सुन्दर यादवले उत्साहजनक सहभागिता र सहयोगका लागि नेपाल पत्रकार महासंघ सिरहा शाखाका अध्यक्ष मनोज बनैता सहित सम्पूर्ण सहभागीहरुलाई हार्दिक आभार सहित धन्यवाद ज्ञापन गर्नु भएको छ ।
रौतहट।
लाखौं मूल्य बराबरको अबैध किराना सामान लोड रहेको नेपाली नम्बरको पिकअप भ्यान सहित चालकलाई रौतहट प्रहरीले पक्राउ गरेको छ।
सीमावर्ती बजार बैरगनिया बाट २ लाख ७१ हजार ९०० मूल्य बराबरको भन्सार छलेर ल्याएको चीनी, मैदा, धनिया , रिफाईन तेल, सेवई सुपारी बोकेको प्रदेश २ ००१ च ४००० नम्बरको पिक अप भ्यान प्रहरीले बरामद गरेको हो। जिल्ला प्रहरी कार्यालय रौतहटबाट गएको गस्ती टोलीले बुधवार गौरस्थित बसपार्क नजिकै चेकजाँचको क्रममा अबैध सामानसहितको उक्त पिक अप गाडी नियन्त्रणमा लिएको जिल्ला प्रहरी प्रवक्ता डीएसपी दीपक कुमार रायले बताएका छन्।
बरामद गाडी र सामानको कुल ९ लाख ७१ हजार ९०० रुपैयाँ मूल्याङकन गरी चालक गौर नगरपालिका ८ का दिनेश राउत बरैसमेत आवश्यक कारवाहीको लागि बुधवार जिल्ला भन्सार कार्यालय गौरमा बुझाईएको जिल्ला प्रहरी कार्यालयको सूचनामा उल्लेख गरिएको छ।रौतहट प्रहरी प्रमुख एसपी दिलीप घिमिरेको निर्देशनमा जिल्ला स्थित तस्करी नियन्त्रण गर्न प्रहरीले पूर्ण सक्रियता देखाएको छ । डिसी नेपाल
बुधबारको राती करिब १२ बजेको समयमा सुरुङ बनाई घरमा प्रवेश गरेर पाँच वटा मोबाइल गरगहना र नगद २ लाख गरी करिब ५ लाख बराबरको चोरी भएको पीडित अच्छेलाल साहको भतिज राजकिशोर साहले बताएका छन्।
घरमा चोरी भएपछि पीडित परिवारले इलाका प्रहरी कार्यालय सन्तपुरमा जानकारी गराउँदा पनि कुनै वास्ता नगरेपछि गाउँको युवाहरूले चोरी भएको मोबाइलको लोकेसनको आधारमा खोजी गर्दै जाँदा फतुवा गाउँको मठको नजिक चारवटा चोर फेला परेको र चोरी भएको मोबाइलहरू र गरगहना र पैसा त्यहीबाट बरामद भएपछि युवाहरूले इलाका प्रहरी कार्यालय विजयपुरमा जानकारी गराएपछि त्यहाँबाट आएको टोली चारैजना चोरलाई समातेर इलाका प्रहरी कार्यालय विजयपुरमा लगेको स्थानीयहरूले बताएका छन्। समातिएको चारैजना चोर गाउँ गाउँमा घुमेर खेला हेराउदै मागेर खाँदै आएको कलैया रहेको फतुवा गाउँका मान्छेहरू बताएका छन्।बज्जिकाञ्चल संवाददाता,राैतहट,१७ गते पुस ।
नेपाल आयल निगमले पेट्रोलियम पदार्थको मूल्य बढाएको छ । निगमले आज एक विज्ञप्ति जारी गर्दै पेट्रोलियम पदार्थको मूल्य बढाएको जानकारी दिएको छ ।
इण्डियन आयल कर्पोशनबाट पेट्रोल, डिजेलको मूल्य बढेर आएको र हवाई इन्धनको मूल्य भने घटेर आएकाले मूल्य समायोजन गरिएको निगमले जनाएको छ ।
अब पेट्रोल प्रतिलिटर पहिलो वर्गमा १६०.५०, दोस्रोमा १६२ र तेस्रोमा १६३ रुपैयाँ भएको छ भने डिजेल पहिलो वर्गमा १५०, दोस्रोमा १५२ र तेस्रोमा १५३ रुपैयाँ भएको छ । -अर्थ ससार
आरके श्रीवास्तव,राैतहट,१७ गते पुस ।
अंग्रेजी नयाँ वर्ष सन् २०२५ आजदेखि सुरू भएको छ । सन् २०२४ लाई गएकाे मध्यराति विदाइ गरेसँगै नयाँ वर्ष २०२५ लाई हर्षाेउल्लासका साथ स्वागत गरिएको छ ।
आज जनवरी १ तारिक हाे । ग्रेगोरियन पात्रोअनुसार आजदेखि इस्वी संवतको नयाँ वर्ष २०२५ सुरु भएको छ ।
न्यू इयर २०२५ काे अवसरमा राैतहटकाे पर्यटकीय स्थलहरू भरिभराउ छन् । चन्द्रनिगाहपुरमा रहेका हाेटेलहरू रातिदेखि देखिनै प्याक छन् । प्रसिद्ध पर्यटकीय स्थल नुनथरमा नयाँ वर्ष मनाउन आउनेहरूकाे यहाँ भिड छ ।
त्यस्तै जिल्लाकाे प्रमुख पिकनिक पार्कहरू माैलापुर पिकनिक पार्क,सिमरी लगायतका अन्य पार्कहरूमा एकाबिहानै देखिनै भिड लागन थालेको छ ।
यी ठाउँहरूमा राैतहट,बारा,पर्सा लगायत छिमेकी मुलुक भारत बिहारका पनि धेरै मानिसहरू नयाँ वर्ष मनाउन आउने गरेका छन् । मङ्गलबार बेलुकीदेखि नै यी ठाउँहरू विशेष चहलपहल देखिएको छ ।
जनकपुरधाम, १६ गते पुस ।
मधेश प्रदेश सरकारले मधेश प्रदेशका आठ जिल्लामा क्रियाशील रहेका पत्रकारहरूको स्वास्थ्य तथा दुर्घटना बीमा गर्नका लागि शुक्रवार औपचारिक रुपमा सम्झौता गरिएको छ । मधेश प्रदेश सरकारको गृह, सञ्चार तथा कानून मन्त्रालय मातहतको आम सञ्चार प्राधिकरणले मधेश प्रदेशमा रहेका सबै क्रियाशील पत्रकारहरूको १ लाखको स्वास्थ्य बीमा तथा ७ लाखको दुर्घटना बीमा गर्ने भएको हो । जनकपुरधाम स्थित मधेश प्रदेशको भौतिक पूर्वाधार विकास मन्त्रालयमा आयोजित कार्यक्रममा पत्रकारहरूको स्वास्थ्य तथा दुर्घटना बीमा सम्बन्धि सम्झौता मधेश प्रदेशका गृह तथा सञ्चार मन्त्री राजकुमार लेखीको रोहबरमा सम्झौता गरिएको छ ।
राष्ट्रिय बीमा कम्पनीका व्यवस्थापक देवराज घिमिरेले कम्पनीको तर्फबाट तथा प्राधिकरणको तर्फबाट निमित प्रशासकीय प्रमुख प्रसन्नराज कर्णले हस्ताक्षर गर्नुभएको छ । कार्यक्रममा मधेश प्रदेशका गृह, सञ्चार तथा कानून मन्त्री लेखीले मधेश प्रदेश सरकार सञ्चारमैत्री सरकार भएको उल्लेख गर्नुहुँदै पत्रकारहरूको स्वास्थ्य तथा दुर्घटना बीमा निःशुल्क रुपमा गरेर प्रमाणित गरेको बताउनुभयो । उहाँले पत्रकारहरूको समस्याप्रति प्रदेश सरकार पूर्ण रुपमा जानकार भएको बताउनुभयो ।
मन्त्री लेखीले पत्रकारहरूलाई लोककल्याणकारी विज्ञापन समानुपातिक रुपमा प्रदान गरिने जानकारी दिनुहुँदै निकट भविष्यमा नै मधेश प्रदेशका सबै शहिद परिवारलाई एक लाखको स्वास्थ्य विमा निःशुल्क रुपमा गर्ने तयारी प्रदेश सरकारले गरेको बताउनुभयो । जनता समाजवादी पार्टीका मधेश प्रदेशका प्रमुख सचेतक रामअशिष यादवले लोकतन्त्र तथा गणतन्त्रको पहरेदारको रुपमा रहेको पत्रकारिता क्षेत्रको विकास तथा पत्रकार सुरक्षाको लागि प्रदेश सरकारले चालेको कदमको सराहना गर्नुभयो । आमसञ्चार प्राधिकरणका अध्यक्ष श्यामसुन्दर यादवले मधेश प्रदेशमा तीन वर्षदेखि निरन्तर रुपमा पत्रकारिता क्षेत्रमा क्रियाशील रहेका सबै पत्रकारहरूको १ लाखसम्मको स्वास्थ्य तथा ७ लाखसम्मको दुर्घटना बीमा सरकारको स्वामित्वमा रहेको राष्ट्रिय बीमा कम्पनी लिमिटेडसँ सम्झौता गर्न लागेको बताउनुभयो । यसअघि महिलाहरूको स्वास्थ्य बीमा गर्दै आएको भए पनि यसपटक करिब ८ सय पत्रकारहरूको बीमा नेपाल पत्रकार महासंघको सिफारिसमा वा मिडियाको सिफारिसमा गरिने जानकारी दिनुभयो ।
नेपाल पत्रकार महासंघ धनुषाका अध्यक्ष पुरन साहले पत्रकारहरूको स्वास्थ्य तथा सुरक्षाका लागि प्रदेश सरकारले शुरु गरेको स्वास्थ्य तथा दुर्घटना बीमा गर्ने नीति स्वागत योग्य भएको बताउँदै यसको निरन्तरतामा ध्यान दिनका लागि आग्रह गर्नुभयो । राष्ट्रिय विमा कम्पनीका व्यवस्थापक देवराज घिमिरेको अध्यक्षतामा भएको सो कार्यक्रममा बीमा कम्पनीसँग विमितले गर्नुपर्ने दाबी भुक्तानी सहितको विषयमा कम्पनीका अधिकारी निरञ्जन आचार्यले जानकारी गराउनुभयो । कार्यक्रममा प्रदेश सांसद रामप्रसाद चौधरी, गृह, सञ्चार तथा कानुन मन्त्रालयका सचिव उद्धव रिजाल, मिडिया काउन्सिलका कार्यवाहक अध्यक्ष कैलाश दास, नेपाल पत्रकार महासंघ मधेश प्रदेशका महासचिव शैलेन्द्र क्रान्ति लगायतका व्यक्तित्वहरुको उपस्थिति थियो ।
पत्रकारहरूको विमाका लागि मधेश प्रदेश सरकारले कुल ३० लाख रुपैयाँ बजेट विनियोजन चालु आर्थिक वर्षको बजेटमा नै गरेको छ ।
