काठमाडौँ । भारतको गोवामा जारी साफ महिला च्याम्पियनसिपको सेमिफाइनलका खेल आज हुदैछन् ।
आज पहिलो सेमिफाइनलमा नेपालले बंगलादेशको सामना गर्दैछ । यो खेल नेपाली समय अनुसार अपराहन्न सवा ४ बजेदेखि हुदैछ ।
समुह ए बाट नेपालले दुवै खेल जितेर समुह बिजेताको रुपमा सेमिफाइनलमा पुगेको छ भने बंगलादेश समुह बी मा २ खेलमा एक जित र एक हारसहित उपविजेता बनेर सेमिफाइनलमा पुगेको हो ।
त्यस्तै आजै दोस्रो सेमिफाइनलमा भारत र भुटान पनि खेल्दैछन् । यो खेल राति सवा ८ बजेदेखि शुरु हुने छ ।
समुह ए बाट भुटान २ खेलमा एक जित र एक हारसहित उपविजेता हुदै सेमिफाइनलमा पुगेको हो भने समुह बी बाट भारतले दुवै खेल जितेर समुह विजेता हुदै सेमिफाइनलमा पुगेको हो ।
त्यस्तै प्रतियोगिताको फाइनल खेल आगामी शुक्रबार हुने तालिका रहेको छ ।एभरेष्ट न्यूज एजेन्सी
काठमाडौँ । गुजरात टाइटन्स जारी आइपिएलको फाइनलमा पुगेको छ । गएराती सम्पन्न दोस्रो क्वालिफायर खेलमा गुजरातले राजस्थान रोयल्सलाई ७ विकेटले पराजित गर्दै फाइनलमा पुगेको हो ।
राजस्थानले दिएको २१५ रनको लक्ष्य पछाएको गुजरातले १८.४ ओभरमा ३ विकेट गुमाउदै लक्ष्य पुरा गरेको थियो । गुजरातको जितमा कप्तान शुभमन गिलले १०४ रनको शतकीय पारी खेलेका थिए भने साइ सुदर्शनले ५८ रन बनाएका थिए ।
यस अघि टस जितेर पहिला ब्याटिंग गरेको राजस्थानले २० ओभरमा ६ विकेट गुमाउदै २१४ रन बनाएको थियो । राजस्थानका लागि वैभव सुर्यबंशीले ९६ रन बनाए भने रविन्द्र जडेजाले ४५ र डोनोभान फरेराले ३८ रन बनाएका थिए ।
यो जितपछि गुजरात फाइनलमा पुगेको छ र अब उपाधिका लागि रोयल च्यालेन्जर्स बैंगलुरुसँग आइतबार खेल्ने छ । त्यस्तै हारसँगै राजस्थान रोयल्स भने बाहिरिएको छ ।एभरेष्ट न्यूज एजेन्सी
काठमाडौँ । जारी काभा महिला भलिबल च्याम्पियनसिपको फाइनल खेल आज हुदैछ ।
काठमाडौँको त्रिपुरेश्वरस्थित राष्ट्रिय खेलकुद परिषद्को कभर्डहलमा हुने फाइनल खेलमा इरान र काजकिस्तान खेल्दैछन् । फाइनल खेल अपराहन्न साढे ४ बजेदेखि शुरु हुने छ ।
इरानले नेपाललाई र काजकिस्तानले सेमिफाइनलमा भारतलाई पराजित गरेर फाइनलमा पुगेका हुन् । त्यस्तै तेस्रो स्थानका लागि आजै नेपाल र भारतबीच खेल हुदैछ । यो खेल दिउसो १ बजे हुनेछ ।एभरेष्ट न्यूज एजेन्सी
काठमाडौँ । जारी आइपिएलको दोस्रो क्वालिफायरमा आज गुजरात टाइटन्स र राजस्थान रोयल्सबीच प्रतिस्पर्धा हुँदैछ ।
मुल्लानपुरस्थित महाराजा यादविन्द्र सिंह अन्तर्राष्ट्रिय क्रिकेट मैदानमा हुने यो खेल आज साँझ ७: ४५ बजेदेखि शुरु हुदैछ । दोस्रो क्वालिफायरको विजेता टोली फाइनलमा प्रवेश गर्नेछ भने पराजित हुने टिमको यस सिजनको आइपिएल यात्रा समाप्त हुने छ ।
लिग चरणमा राजस्थानले अहमदाबादमा भएको अवे खेल जितेको थियो भने गुजरातले जयपुरमा त्यसको बदला लिएको थियो ।
गुजरात पहिलो क्वालिफायरमा साविक विजेता रोयल च्यालेन्जर्स बेङ्गलुरुसँग ९२ रनले पराजित हुँदै दोस्रो क्वालिफायर खेल्न लागेको हो । उता राजस्थानले इलिमिनेटरमा सनराइजर्स हैदराबादलाई ४७ रनले हराउँदै दोस्रो क्वालिफायरमा पुगेको हो ।
यस सिजन नयाँ चण्डीगढमा भएका पाँच खेलमा पहिलो इनिङ्सको औसत योग २२० रन रहेको छ । २२३ रनको लक्ष्य समेत सहज रूपमा पछ्याइएको छ । तर नकआउट चरणको दबाबपूर्ण खेल भएकाले टस जितेर पहिले ब्याटिङ गर्नु फाइदाजनक हुन सक्ने अनुमान गरिएको छ ।
गुजरात टाइटन्स टोलीमा साई सुदर्शन, शुभमन गिल (कप्तान), जोस बटलर, वासिङ्टन सुन्दर, निशान्त सिन्धु, जेसन होल्डर, राशिद खान, अर्शद खान, कागिसो रबाडा, मोहम्मद सिराज र प्रसिद्ध कृष्णा रहेका छन् । राहुल तेवतियालाई प्रभाव खेलाडीका रूपमा राखिएको छ । त्यस्तै राजस्थान रोयल्स टोलीमा यशस्वी जैसवाल, वैभव सूर्यवंशी, ध्रुव जुरेल, रियान पराग (कप्तान), डोनोभान फरेरा, दासुन शनाका, रविन्द्र जडेजा, जोफ्रा आर्चर, नान्द्रे बर्गर, बृजेश शर्मा र यशराज पुञ्जा रहेका छन् ।
खेलअघि दुवै टोली उपाधिनजिक पुग्ने लक्ष्यसहित मैदानमा उत्रिने भएकाले प्रतिस्पर्धा निकै रोमाञ्चक हुने अपेक्षा गरिएको छ ।एभरेष्ट न्यूज एजेन्सी
काठमाडौँ । राजस्थान रोयल्स जारी आइपिएलको दोस्रो क्वालिफायरमा पुगेको छ । गएराती सम्पन्न खेलमा राजस्थानले सनराइजर्स हैदरावादलाई ४७ रनले पराजित गरेर दोस्रो क्वालिफायरमा पुगेको हो ।
राजस्थान रोयल्सले दिएको २४४ रनको लक्ष्य पछाएको सनराइजर्सले १९.२ ओभरमा अल आउट हुदै १९६ रन बनाएको थियो ।
सनराइजर्सका लागि नितिश रेड्डीले ३८, सलिल अरोराले ३५ र इशान किशनले ३३ र शिभांग कुमारले २७ रन बनाएका थिए । त्यस्तै राजस्थानका बलर जोफ्रा आर्चरले ३ विकेट लिएका थिए भने नान्द्रे बर्गर, सुशान्त मिश्रा र रविन्द्र जडेजाले २-२ विकेट लिएका थिए ।
यसअघि टस हारेर पहिला ब्याटिंग गरेको राजस्थानले २० ओभरमा ८ विकेट गुमाउदै २४३ रन बनाएको थियो । राजस्थानका लागि वैभव सुर्यबंशीले २९ बलमा ९७ रन बनाएका थिए । उनले आफ्नो इनिंगमा १२ छक्का र ५ चौका प्रहार गरेका थिए । त्यस्तै ध्रुव जुरेलले २१ बलमा ५० रन बनाएका थिए भने यशश्वी जैसवालले २९ र कप्तान रियान परागले २६ रन बनाएका थिए ।
अब राजस्थानले दोस्रो क्वालिफायरमा गुजरात टाइटन्ससँग शुक्रबार खेल्ने छ । यस खेलको विजेताले आइतबार हुने फाइनल खेलमा रोयल च्यालेन्जर्स बैंगलुरुसँग खेल्ने छ ।एभरेष्ट न्यूज एजेन्सी
काठमाडौँ । टेस्ट क्रिकेटमा चाँडै ठूलो परिवर्तन देखिन सक्ने संकेत देखिएको छ । अब दिनको समयमा खेलिने टेस्ट खेलमा पनि गुलाबी बल प्रयोग गर्ने विषयमा अन्तर्राष्ट्रिय क्रिकेट परिषद्ले छलफल सुरु गरेको छ।
हालसम्म गुलाबी बल केवल दिन-रात टेस्ट खेलमा मात्र प्रयोग हुँदै आएको थियो । तर हालै जिम्बाब्वेको हरारेमा बसेको आईसीसी क्रिकेट समितिको बैठकमा दिनको टेस्ट खेलमा रातो बलको सट्टा गुलाबी बल प्रयोग गर्न सकिने प्रस्तावमाथि छलफल भएको बताइएको छ ।
प्रतिवेदनअनुसार खराब प्रकाश वा वर्षाका बेला रातो बल स्पष्ट नदेखिने समस्या खेलाडी र अम्पायरले झेल्दै आएका छन् । यस्तो अवस्थामा गुलाबी बल बढी स्पष्ट देखिने भएकाले यसको प्रयोग विस्तार गर्ने सुझाव आएको हो ।
आईसीसी बैठक मे २१ मा बसेको थियो भने अब फेरी मे ३०- ३१ मा अहमदावादमा सकिएको थियो । त्यसपछि आगामी अक्टोबर १ देखि नयाँ नियम लागू हुन सक्ने चर्चा सुरु भएको छ । यद्यपि अन्तिम निर्णय भने आईसीसी बोर्डको स्वीकृतिपछि मात्रै हुने बताइएको छ ।
क्रिकेट समितिले गुलाबी बल प्रयोग गर्नुअघि दुवै टोलीको सहमति आवश्यक हुने धारणा राखेको छ । रातो र गुलाबी बलको व्यवहार फरक हुने भएकाले त्यसले ब्याटिङ र बलिङ दुवैमा असर पार्न सक्ने बताइएको छ । यदि यो नियम लागू भएमा टेस्ट क्रिकेटको परम्परागत स्वरूपमै ठूलो परिवर्तन आउने विश्वास गरिएको छ। साथै खराब प्रकाशका कारण खेल रोक्नुपर्ने समस्या पनि कम हुन सक्ने अपेक्षा गरिएको छ।एभरेष्ट न्यूज एजेन्सी
काठमाडौँ । जर्मनीले फिफा विश्वकप फुटबल प्रतियोगिताका लागि आफ्नो टिमको घोषणा गरेको छ । अमेरिका, मेक्सिको र क्यानडामा संयुक्त रूपमा आयोजना हुने विश्वकप सुरु हुन तीन सातामात्र बाँकी रहँदा मुख्य प्रशिक्षक युलियन नागेल्समानले बिहीबार अन्तिम टोली सार्वजनिक गरेका हुन् ।
घाइते भएका कारण सर्ज ग्नाब्री र मार्क आन्द्रे टर स्टेगन टोलीमा परेका छैनन् । यसअघि टोलीमा पर्ने चर्चा चलेका कोलोनका सइद एल माला पनि अन्तिम सूचीमा अटाउन सकेनन् ।
बायर्न म्युनिखका अनुभवी गोलरक्षक मानुएल नोयर अन्तर्राष्ट्रिय फुटबलबाट संन्यास फिर्ता गर्दै टोलीमा समावेश भएका छन् ।
जर्मनीको विश्वकप टोलीः
गोलरक्षकः ओलिभर बाउमान, मानुएल नेउएर, अलेक्जान्डर न्युबेल ।
डिफेन्डर: जोसुआ किमिच, निको श्लोटरबेक, नाथानिएल ब्राउन, डेभिड राउम, वाल्डेमार एन्टोन, एन्टोनियो रुडिगर, जोनाथन टा, र मलिक थियाउ ।
मिडफिल्डर: जमाल मुसियाला, जेमी लेवेलिङ, अलेक्जान्डार पाभ्लोभिच, नादिम अमिरी, लियोन गोरेट्स्का, पास्कल ग्रोस, लेनार्ट कार्ल, फेलिक्स नमेचा, लिरोय साने, एन्जेलो स्टिलर र फ्लोरियन भिर्ट्ज ।
फरवार्ड: काइ हाभर्ट्ज, डेनिज उन्डाभ, म्याक्सिमिलियन बाएर र निक वोल्टेमाडे ।
जर्मनी विश्वकपमा समुह इ मा कुराकाओ, आइभरी कोष्ट र इक्वेडरसँग रहेको छ । जर्मनीले विश्वकपमा आफ्नो पहिलो खेल जुन १४ मा कुरकाओसँग खेल्ने छ भने दोस्रो खेल जुन २० मा आइभरी कोष्टसँग र तेस्रो खेल इक्वेडरसँग जुन २५ मा खेल्ने तालिका रहेको छ ।एभरेष्ट न्यूज एजेन्सी
काठमाडौं । स्वीजरल्याण्डले फिफा विश्वकप २०२६ का लागि आफ्नो अन्तिम २६ सदस्यीय टोली सार्वजनिक गरेको छ । १३औँ पटक विश्वकपमा सहभागिता जनाउने तयारीमा रहेको स्वीजरल्याण्डको सबैभन्दा राम्रो उपलब्धि सन् १९३४, १९३८ र १९५४ मा पुगेको क्वार्टरफाइनल नै हो ।
मुख्य प्रशिक्षक याकिनले अनुभवी खेलाडी र युवा प्रतिभालाई समेट्दै सन्तुलित टोली तयार गरेका छन् । लामो समयदेखि चोटका कारण कम खेलिरहेका फरवार्ड जेकी आम्दोनी पनि अन्तिम टोलीमा परेका छन् । उनको घुँडामा गम्भीर चोट लागेको थियो तर उनी पुनः टोलीमा फर्किएका छन् ।
टोलीको नेतृत्व ३३ वर्षीय मिडफिल्डर ग्रानिट जाकाले गर्नेछन् । उनले योसँगै लगातार चौथो विश्वकपमा कप्तानी गर्दै आफ्नो राष्ट्रिय कीर्तिमान १४४ क्याप पनि विस्तार गरेका छन् ।
याकिनको छनोटमा केही अप्रत्याशित नाम पनि परेका छन् । क्रिस्टियन फास्नाख्ट र सेड्रिक इत्तेन पछिल्ला वर्षमा धेरै कम खेल्ने भए पनि उनीहरूलाई टोलीमा समावेश गरिएको छ। फास्नाख्टले भने यस सिजन घरेलु लिगमा १८ गोल गर्दै उत्कृष्ट प्रदर्शन गरेका छन्।
स्विस क्लबबाट भने सीमित खेलाडी मात्र समावेश भएका छन्। फास्नाख्ट र गोलकिपर मार्विन केलर मात्र घरेलु क्लबबाट टोलीमा परेका हुन्।
स्विट्जरल्यान्डलाई अन्तर्राष्ट्रिय प्रतियोगितामा सधैं अन्डरडग टोलीका रूपमा हेरिन्छ। तर उनीहरूले ठूला टोलीविरुद्ध पनि महत्वपूर्ण जित निकाल्दै आश्चर्यजनक प्रदर्शन गर्ने गरेका छन्। यस पटक पनि उनीहरू प्रतियोगितामा प्रभाव छोड्ने लक्ष्यमा छन्।
विश्वकप खेल्ने टिम:
गोलकिपर: ग्रेगर कोबेल, योभोन म्भोगो । मार्विन केलर
डिफेन्डर: म्यानुएल अकान्जी, निको एलभेदी, रिकार्डो रोड्रिगेज, सिल्भान विडमर, मिरो मुहाइम, अरेल आमेन्दा, एराय कोमर्ट र लुका याकेज ।
मिडफिल्डर: ग्रानित झाका, जोहान मान्जाम्बी, रेमो फ्रुलर, डेनिस जाकारिया, आर्डोन जाशारी, द्जिब्रिल सोउ, क्रिस्टियन फास्नाख्ट, मिशेल आबिशेर, फाबियन रिडर र रुबेन वर्गास ।
फरवार्ड; ब्रिल एम्बोलो, नोआ ओकाफोर, डान न्दोये, जेकी आम्दोनी र सेड्रिक इत्तेन ।
विश्वकपमा स्विट्जरल्यान्डले जुन १३ मा कतारसँग, जुन १८ मा बोस्निया र हर्जगोभिनासँग र जुन २४ मा क्यानडासँग खेल्ने छ ।एभरेष्ट न्यूज एजेन्सी
काठमाडौँ । रोयल च्यालेंजन्स बैंगलुरुले जारी आइपिएलमा पञ्जाव किंग्सलाई पराजित गरेको छ । आइतबार सम्पन्न खेलमा बैंगलुरुले पञ्जावलाई २३ रनले पराजित गर्दै प्लेअफमा आफ्नो स्थान सुरक्षित गरेको छ ।
बैंगलुरुले दिएको २२३ रनको लक्ष्य पछाएको पञ्जावले २० ओभरमा ८ विकेट गुमाउदै १९९ रन बनाएको थियो ।
पञ्जावका लागि शशांक सिंहले सर्बाधिक ५६ रन बनाए भने कूपर कोन्नोलीले ३७, मार्कस स्टोइनिसले ३७ र सुर्यांश शेडजेले ३५ रन बनाएका थिए ।
त्यस्तै बैंगलुरुका बलर रसिख सलामले ३ विकेट लिए भने भुवनेश्वर कुमारले २ विकेट लिएका थिए ।
यसअघि पहिला ब्याटिंग गरेको बैंगलुरुले वेंकटेस अय्यरको अविजित ७३, विराट कोहलीको ५८ र देवदत्त पाडिकलको ४५ रनको मद्धतले २० ओभरमा ४ विकेट गुमाएर २२२ रन बनाएको थियो ।
यो जितपछि रोयल च्यालेन्जर्स बैंगलुरुको १३ खेलमा १८ अंक भएको छ र प्लेअफमा आफ्नो स्थान सुरक्षित गरेको छ । त्यस्तै पञ्जावको भने १३ खेलमा १३ अंक रहेको छ र हाल चौथो स्थानमा रहेको छ ।एभरेष्ट न्यूज एजेन्सी
काठमाडौँ । एफए कपको उपाधि म्यानचेस्टर सिटीले जितेको छ । गएराती सम्पन्न फाइनल खेलमा म्यानचेस्टर सिटीले चेल्सीलाई १-० गोल अन्तरले पराजित गर्दै उपाधि जितेको हो ।
म्यानचेस्टर सिटीको जितमा खेलको ७१औं मिनेटमा एन्टोनी सेमेन्योले गरेको गोल नै खेलको निर्णायक गोल बनेको थियो ।
यो म्यानचेस्टर सिटीले जितेको आठौ एफए कप उपाधि हो । एफए कपको उपाधि सबै भन्दा बढी पटक जित्ने किर्तिमान भने आर्सनलको नाममा रहेको छ । आर्सनलले १४ पटक यो उपाधि जितेको छ । त्यस्तै म्यानचेस्टर युनाईटेडले १३ पटक एफए कपको उपाधि जितेको छ ।
त्यस्तै चेल्सीले पनि आठ पटक यो उपाधि जितेको छ । पछिल्लो पटक चेल्सीले २०१८ मा यो उपाधि जितेको थियो ।एभरेष्ट न्यूज एजेन्सी
