आरके श्रीवास्तव,राैतहट,०२ गते फाल्गुन ।
रौतहट । आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै जनता समाजवादी पार्टी, नेपाल (जसपा नेपाल) का उम्मेदवार गोविन्द चौधरीले रौतहट क्षेत्र नम्बर ३ अन्तर्गत फतुवा विजयपुर नगरपालिकाका विभिन्न गाउँमा चुनावी प्रचारप्रसार तथा मतदाता भेटघाट कार्यक्रम सञ्चालन गरेका छन् ।
पूर्व मन्त्री तथा संविधानसभा सदस्य समेत रहेका चौधरीले आज फतुवा विजयपुर नगरपालिकाको फतुआ, हर्षाहा, विजयपुर, खैरा र बुनियाद गाउँमा घरदैलो कार्यक्रम गर्दै मतदातासँग प्रत्यक्ष संवाद गरेका हुन् । भेटघाटका क्रममा उनले आफूलाई “छाता” चुनाव चिन्हमा मतदान गरी विजयी गराउन आग्रह गरे ।
कार्यक्रमलाई सम्बोधन गर्दै चौधरीले भने, “यो मेरो अन्तिम चुनाव हो । मैले विगतमा जस्तै आगामी दिनमा पनि रौतहट क्षेत्र नम्बर ३ को विकास, समृद्धि र जनताको अधिकारका लागि निरन्तर काम गर्नेछु । एकपटक फेरि अवसर दिनुहोस्।”
उनले शिक्षा, स्वास्थ्य, सडक पूर्वाधार, रोजगारी सिर्जना तथा सामाजिक सद्भावलाई प्राथमिकतामा राखेर काम गर्ने प्रतिबद्धता व्यक्त गरेका छन् ।
यस क्रममा स्थानीय मतदाताहरूले चौधरीप्रति सकारात्मक प्रतिक्रिया जनाउँदै क्षेत्रको विकास र परिवर्तनका लागि सक्षम नेतृत्व आवश्यक रहेको बताए । “परिवर्तनको एक मात्र विकल्प गोविन्द चौधरी नै हुन्,” भन्दै उनीहरू विश्वस्त रहेको प्रतिक्रिया दिएका थिए ।
फतुवा विजयपुर क्षेत्रमा चौधरीको चुनावी अभियान दिनप्रतिदिन सक्रिय बन्दै गएको र विभिन्न समुदायबाट उल्लेखनीय समर्थन प्राप्त भइरहेको निर्वाचन जन परिचालन समितिका संयाेजक रामप्रवेश दासले जानकारी गराएका हुन् ।
काठमाडौं, १ फागुन । आम जनता पार्टी (आजपा)ले प्रतिनिधिसभा सदस्य निर्वाचन २०८२ को घोषणापत्र आज (शुक्रबार) सार्वजनिक गरेको छ । काठमाडौंको भृकुटीमण्डपमा पत्रकार सम्मेलन गर्दै आजपा अध्यक्ष एवं पूर्वमन्त्री प्रभु साह, वरिष्ठ पत्रकार एवं नेता ऋषिराज धमला, सहअध्यक्ष तिलक थापामगर लगायतका नेताहरुले घोषणापत्र सार्वजनिक गरेका हुन् ।
घोषणापत्रमा पार्टीले प्रत्यक्ष निर्वाचित कार्यकारी प्रणाली, कर सीमा र निःशुल्क आधारभुत सेवासहित व्यापक सुधारका एजेन्डा अघि सारेको छ । यस्तै, शासन प्रणालीदेखि अर्थतन्त्र, शिक्षा, स्वास्थ्य, पूर्वाधार, कृषि, ऊर्जा र वैदेशिक नीतिसम्मका संरचनागत परिवर्तनका लागि प्रतिबद्धता जनाएको छ ।
प्रत्यक्ष कार्यकारी र पूर्ण समानुपातिक निर्वाचन प्रणाली
घोषणापत्रमा प्रधानमन्त्री र मुख्यमन्त्री प्रत्यक्ष निर्वाचित हुने व्यवस्था, संघ र प्रदेशमा पूर्ण समानुपातिक निर्वाचन प्रणाली, निर्वाचित जनप्रतिनिधिले काम नगरेमा कार्यकालमै जनताले फिर्ता बोलाउन पाउने ‘राइट टु रिकल’ को अधिकार सुनिश्चित गर्ने प्रतिबद्धता गरेको छ । पार्टीले सरकारले कुल गार्हस्थ उत्पादनको २० प्रतिशतभन्दा बढी कर लगाउन नपाउने संवैधानिक व्यवस्था गर्ने प्रस्ताव गरेको छ । पार्टीले गैरआवासीय र विदेशीलाई नागरिकता दिने विद्यमान प्रावधानको पुनरावलोकन गर्ने एजेण्डा अघि सारेको छ ।
भ्रष्टाचार नियन्त्रणमा विशेष कानूनी संरचना र न्यायालयको पूर्ण डिजिटलीकरण
पार्टीले भ्रष्टाचारमाथि जनताको प्रत्यक्ष निगरानी रहने विशेष कानुनी संरचना बनाउने प्रतिबद्धता जनाएको छ । मुलुकमा पारदर्शीता कायम गर्न सरकारी खर्च र विकास आयोजनाको विवरण अनलाइनमार्फत सार्वजनिक गरिने, नीतिगत भ्रष्टाचारमा संलग्न राजनीतिक नेता वा व्यक्तिको सम्पत्ति जफत गरी कडा कारबाही, न्यायालयको पूर्ण डिजिटलीकरण र पारदर्शी नियुक्ति प्रणालीमार्फत न्यायिक सुधार गर्ने योजना पार्टीले अघि सारेको छ ।
रोजगारीको ग्यारेन्टी
पार्टीले ‘एक घर, एक रोजगारी’ कार्यक्रम लागू गर्ने र बेरोजगारलाई बेरोजगारी भत्ता दिने घोषणा गरेको छ । नेपाललाई ‘ग्लोबल आईटी हब’ बनाउने लक्ष्यसहित युवा उद्यमीलाई १० लाखदेखि २५ लाख रुपैयाँसम्म बीउ पुँजी (सीड मनी) उपलब्ध गराउने योजना सार्वजनिक गरेको छ । हरेक विद्यार्थीले अनिवार्य रूपमा कम्तीमा एक उच्च प्राविधिक सीप सिक्नुपर्ने व्यवस्थाको ग्यारेन्टी गर्ने सार्वजनिक घोषणापत्रका उल्लेख छ ।
शिक्षा, स्वास्थ्य र आधारभुत सेवा निःशुल्क
पार्टीले पूर्ण साक्षर राष्ट्र, स्मार्ट कक्षाकोठा र ‘एक स्थानीय तह, एक खेलमैदान’ कार्यक्रम लागू गर्ने प्रतिबद्धता जनाएको छ । स्वास्थ्य क्षेत्रमा डिजिटल हेल्थ कार्ड, गम्भीर रोगको पूर्ण निःशुल्क उपचार र प्रत्येक पालिकामा विशेषज्ञ अस्पताल स्थापना गर्ने योजना सार्वजनिक गरेको छ । त्यस्तै, शिक्षा, स्वास्थ्य, खानेपानी र विद्युत् आधारभूत रूपमा निःशुल्क उपलब्ध गराउने प्रतिबद्धता आम जनता पार्टीले जनाएको छ ।
पूर्वाधार, ऊर्जा र आवास
पार्टीले मुख्य राजमार्गको स्तरोन्नति, सडक सुरक्षामा उच्च प्रविधिको निगरानी प्रणाली र ठूला सहरमा व्यवस्थित सार्वजनिक पार्किङको व्यवस्था गर्ने एजेण्डा अघि सारेको छ । राजमार्गमा अप्टिकल फाइबर विस्तारसहित डिजिटल करिडोर विकास गर्ने योजना घोषणापत्रमा समावेश छ । विद्युत् उत्पादन र निर्यात वृद्धि गर्दै ‘हिमालयन ओरिजिन’ ब्राण्डमार्फत बोतलको पानी अन्तर्राष्ट्रिय बजारमा प्रवद्र्धन गर्ने दाबी आम जनता पार्टीको छ । पार्टीले भूमिहीनका लागि ‘भर्टिकल हाउजिङ’ निर्माण र योजनाबद्ध नयाँ सहर विकास गर्ने प्रतिबद्धता पनि जनाएको छ ।
आरके श्रीवास्तव,राैतहट,०१ गते फाल्गुन ।
रौतहट । आगामी फागुन २१ गते तय गरिएको प्रतिनिधि सभा निर्वाचनलाई केन्द्रमा राख्दै रौतहट क्षेत्र नम्बर–३ मा राजनीतिक गतिविधि तीव्र बन्दै गइरहेको छ । यसै सन्दर्भमा (जसपा नेपाल) का प्रतिनिधि सभा सदस्य उम्मेदवार ले गुजरा नगरपालिका–३ सिमरामा मतदाता भेटघाट तथा पार्टी प्रवेश कार्यक्रम आयोजना गर्नुभएको छ ।
कार्यक्रमका क्रममा सिमराका आम जनता पार्टीका नेता तथा वडा प्रत्याशी उमाशंकर प्रसाद तिवारी आफ्ना सयौँ समर्थकसहित जसपा नेपालमा प्रवेश गर्नुभएको छ । त्यस्तै, गुजरा नगरपालिकाको मेयर पदकी प्रत्याशी रहेकी नेतृ राजेश्वरी बन्ठा पनि दर्जनौँ महिलासहित जसपा नेपालमा समाहित हुनुभएको बताइएको छ ।
नवप्रवेशीहरूलाई उम्मेदवार गोविन्द चौधरी तथा पूजा चौधरीले माला, टीका र खादा लगाएर स्वागत गर्नुभएको थियो । स्वागत मन्तव्यका क्रममा नेताहरूले नवआगन्तुकहरूलाई बधाई दिँदै आगामी निर्वाचनमा पार्टीलाई विजयी बनाउन एकताबद्ध भएर लाग्न आग्रह गर्नुभयो ।
कार्यक्रममा जसपा नेपालका केन्द्रीय सदस्य चुल्हाई राय यादव, गुजरा नगरपालिकाका नगर प्रमुख सन्तलाल चौधरी, जननिर्वाचन परिचालन समितिका संयोजक रामप्रवेश दास ,रामदरेश दास लगायतका नेताहरूको उपस्थिति रहेको थियो । वक्ताहरूले क्षेत्रीय विकास, सुशासन र समावेशी राजनीतिलाई प्राथमिकता दिने प्रतिबद्धता व्यक्त गर्दै छाता चुनाव चिन्हमा मतदान गर्न मतदातालाई आह्वान गरेका थिए ।
रौतहट–३ मा विभिन्न राजनीतिक दलका नेता तथा कार्यकर्ताहरू जसपा नेपालमा प्रवेश गर्न थालेसँगै चुनावी वातावरण झन् सक्रिय र उत्साहपूर्ण बन्दै गएको स्थानीयहरूले बताएका छन् ।
बज्जिकाञ्चल संवाददाता,बारा,फाल्गुन १ गते ।
आम जनता पार्टी (आजपा) का बारा निर्वाचन क्षेत्र नं १का प्रतिनिधि सभा सदस्य उम्मेदवार विजय यादव ‘निर्विज’ले गरिब, दलित तथा भूमिहीन समुदायको जीवनस्तर सुधार गर्ने स्पष्ट एजेन्डासहित चुनावी अभियानलाई तीव्रता दिएका छन्।
आज शुक्रबार बारा गढी गाउँपालिकाको मलाही र दौर्वा गाउँमा आयोजित घरदैलो तथा मतदाता भेटघाट कार्यक्रममा सहभागी हुँदै उनले जनताको वास्तविक समस्या बुझ्दै आफ्नो प्रतिबद्धता सार्वजनिक गरेका हुन्।
उम्मेदवार यादवले भने, “गरिबलाई आवास र भूमिहीनलाई जमिन दिनु हाम्रो प्राथमिकता हो। जबसम्म जनताको आधारभूत अधिकार सुनिश्चित हुँदैन, तबसम्म समृद्धि र विकास सम्भव हुँदैन। आम जनता पार्टी जनताको अधिकारका लागि संघर्ष गर्ने पार्टी हो।” उनले शिक्षा, स्वास्थ्य, रोजगारी, कृषि उत्पादन, सिंचाइ, सडक, युवा स्वरोजगार तथा स्थानीय विकासलाई प्राथमिकतामा राखेर जनमुखी सरकार निर्माण गर्ने प्रतिबद्धता पनि व्यक्त गरे।
कार्यक्रमका क्रममा स्थानीय नागरिकहरूसँग प्रत्यक्ष संवाद गर्दै उनले स्थानीय समस्या, किसानका पीडा, बेरोजगारी र गरिबीका मुद्दा संसदमा उठाउने दृढ संकल्प व्यक्त गरे।
स्थानीय मतदाताले पनि घरदैलो कार्यक्रमलाई सकारात्मक रूपमा लिँदै जनताको मुद्दा उठाउने उम्मेदवारलाई समर्थन गर्ने प्रतिक्रिया दिएका छन्। आजपा उम्मेदवार यादवले बारा निर्वाचन क्षेत्र नं. १ मा “अबकी बार जनता सरकार” नारासहित परिवर्तनको राजनीतिक अभियानलाई जनस्तरसम्म पुर्याउँदै जनसमर्थन विस्तार गर्ने अभियान जारी रहेको बताए।
बज्जिकाञ्चल संवाददाता,राैतहट,०१ गते फाल्गुन ।
राैतहटकाे ईशनाथ नगरपालिकास्थित श्री जनता माध्यमिक विद्यालय औरैयाकाे प्रधानाध्यापक भीखर प्रसादलाई आज सम्मान तथा बिदाई गरिएकाे छ । शिक्षण पेशाबाट अनिवार्य अवकाश हुनु भएकाे प्रधानाध्यापक प्रसादलाई आज एक कार्यक्रमकाे बिच सम्मान तथा बिदाई गरिएकाे हाे ।
ईशनाथ नगरपालिकाकी नगर प्रमुख काैशल्या देवीकाे प्रमुख आतिथ्यमा विद्यालय प्राङ्गणमा आज सम्पन्न कार्यक्रम मार्फत वहाँकाे सम्मान तथा बिदाई गरिएकाे विद्यालयकाे शिक्षक संजय कुमार यादवले जानकारी दिनु भयाे । माध्यमिक तहकाे गणित शिक्षककाे रूपमा शिक्षण सेवामा प्रवेश गर्नु भएकाे वहाँ अस्थायी र स्थाथी गरी झण्डै २९ वर्ष सेवा गरी अनिवार्य अवकाश हुनु भएकाे हाे ।
विद्यालयकाे माध्यमिक तहकाे सामाजिक शिक्षक राम विश्वास मुखियाले सञ्चालन गर्नु भएकाे साे कार्यक्रममा ईशनाथ नगरपालिकाकाे याेजना शाखा प्रमुख इशराजुल खान, शिक्षा शाखाकाे निरंजन सिन्हा, स्थानीय समाजसेवी डा• निरज सिन्हा, प्रमोद कुमार यादव, विद्यालय व्यवस्थापन समितिकाे अध्यक्ष लालबाबु प्रसाद यादव, पूर्व अध्यक्ष रामवचन साह, वि व्य स सदस्य नारायण महताे, चन्दा देवी, मा वि डुमरियाकाे प्रधानाध्यापक दिपक मेहता, मा वि घिउराकाे प्रधानाध्यापक चन्देश्वर यादव, मा वि मठियाकाे प्रधानाध्यापक अरविन्द साह, मा वि बन्जरहाकाे प्रधानाध्यापक नारायण साह लगायतकाे विशेष उपस्थित रहेकाे थियाे ।
अवकाश हुनु भएकाे प्रधानाध्यापक प्रसादकाे याेगदानकाे कदर गर्दै विद्यालय परिवार र विद्यार्थीहरूले अबिर, फूलमाला र गम्छा ओढाएर सम्मान गरेकाे थियाे । विद्यालयकाे माध्यमिक तहकाे विज्ञान शिक्षक खुर्शिद आलममे स्वागत् मन्तव्य राख्नु भएकाे साे कार्यक्रममा बाेल्ने बक्ताहरूले प्रधानाध्यापक भीखर प्रसादकाे शिक्षा र विद्यालयप्रतिकाे याेगदान तथा सेवा भागकाे खुलेर प्रशंसा गरेकाे थियाे।
कार्यक्रमकाे समापन पछि वहाँलाई विद्यालयकाे शिक्षक तथा विद्यार्थीहरूले स- सम्मान घरसम्मै पुर्याएकाे थियाे ।
आरके श्रीवास्तव, रौतहट,०१ गते फाल्गुन ।
राैतहट । आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै रौतहट क्षेत्र नम्बर ३ मा चुनावी गतिविधि तीव्र बनेको छ । यसैक्रममा जनता समाजवादी पार्टी (जसपा) नेपालका प्रतिनिधि सभा सदस्य पदका उम्मेदवार गोविन्द चौधरी (छाता छाप) ले आज गरूडा नगरपालिका–५ महम्मदपुरमा मतदाता भेटघाट तथा घरदैलो कार्यक्रम सम्पन्न गरेका छन् ।
मेयर प्रत्यासी अनिल यादवको नेतृत्वमा आयोजित घरदैलो कार्यक्रममा स्थानीय बासिन्दाको उल्लेखनीय सहभागिता देखिएको थियो । घरदैलोका क्रममा मतदाताहरूले “तपाईं चुनावमा नहुँदा हामी अलगअलग थियौं, तपाईं आएपछि फेरि एकजुट हुन थालेका छौं” भन्दै समर्थन व्यक्त गरेका थिए ।
कार्यक्रमलाई सम्बोधन गर्दै उम्मेदवार चौधरीले आफू ३५ वर्षअघि ‘आम छाप’ बाट चुनाव जितेको स्मरण गर्दै अहिले ‘छाता’ चुनाव चिन्ह लिएर जनताको सेवामा पुनः आएको बताए । “विगतमा जस्तै अहिले पनि जनताको भरोसा र एकताले नै जित सुनिश्चित गर्छ,” उनले भने ।
उक्त कार्यक्रममा जसपा नेपालका नेता चुल्हाई राय यादव सहित स्थानीय नेता तथा कार्यकर्ताहरूको उपस्थिति रहेको थियो । त्यस्तै गुजरा नगरपालिकाकाे वडा नम्बर ३ बलुआ टाेलमा उम्मेदवार चाैधरी मतदाताहरू सँग भेटघाट गरेका छन् ।
रौतहट–३ मा चौधरीको सक्रियता बढेसँगै चुनावी माहोल थप तातेको स्थानीयहरू बताउँछन् ।
काठमाडौं, २९ गते माघ ।
आम जनता पार्टी (आजपा)ले शुक्रबार चुनावी घोषणापत्र सार्वजनिक गर्दैछ । प्रतिनिधिसभा सदस्य निर्वाचन २०८२ का लागि घोषणापत्र लेखनकार्य सम्पन्न भएकाले पत्रकार सम्मेलन गर्दै घोषणापत्र सार्वजनिक गर्न लागिएको हो ।
काठमाडौंको भृकुटीमण्डप स्थित रिपोर्टर्स क्लबमा शुक्रबार बिहान ११ बजे पत्रकार सम्मेलन गर्दै घोषणापत्र सार्वजनि गर्ने कार्यक्रम रहेको आजपा कार्यालय सदस्य रविन्द्र सिंहले जनाएका छन् ।
आजपा अध्यक्ष प्रभु साह, नेता ऋषी धमला लगायतको विशेष उपस्थितिमा घोषणापत्र सार्वजनिक गर्न लागिएको छ । लुटकारी व्यवस्था, दलाल दलतन्त्र, भ्रष्टाचार, सरकारपिच्छेको कर आतंक बिरुद्धमा संघर्ष गर्दै आएको आजपाले शासन व्यवस्थामा आम जनताको सहभागिताका लागि आन्दोलन गर्दै आएको पार्टी हो ।
अहिलेको व्यवस्था नै खराब भएकाले मुलुकको अवस्थामा पनि खराब भएको निष्कर्ष सहित आजपाले भ्रष्ट, दलाल एवं लुटकारी व्यवस्थाको आन्दोलन गर्दै आएको छ । जेनजी आन्दोलनलाई खुलेर समर्थन गर्ने र सो आन्दोलनलाई संस्थागत गर्नुपर्ने आवाज उठाउदै आएका आजपा अध्यक्ष साहले जेनजी आन्दोलनका हत्यारा, भ्रष्टाचारीलाई कारवाही हुनुपर्ने बताउदै आएका छन् ।
उनले जेनजी आन्दोलन हाईज्याक भएको बताउदै जेनजी आन्दोलनका हत्यारा, भ्रष्टाचारी, हाईज्याकरका बिरुद्धमा आवाज उठाउदै जेनजी आन्दोलनलाई संस्थागत गर्न खोज्ने आजपाका उम्मेदवारलाई मतदान गर्नुपर्ने चुनावी भेटघाट, छलफलमा भन्दै आएका छन् । २१ फागुनमा हुन गइरहेको प्रतिनिधिसभा निर्वाचनका लागि सार्वजनिक हुने आजपाको घोषणापत्र कस्तो आउँने भन्ने चर्चाको बिषय बनेको छ ।
‘अब की बार जनता सरकार’ भन्दै साहले दलतन्त्र बिरुद्धको संघर्षलाई सफल बनाउन, जनतालाई देशको मालिक बनाउन र आधुनिक नेपाल निर्माण गर्ने अभियानमा सहभागि हुनका लागि सबैलाई मोवाईलमा मतदान गर्न अपिल समेत यसअघि गरेका छन् ।
स्थिरता, सुशासन, बदलाव र विकास, जनउत्तरदायी–लोकतान्त्रिक अभ्यास, सिस्टम सुधार, सुशासनको आधार, दलतन्त्र विरुद्ध आम जनताको सरकार हुनुपर्नेमा साहले जोड गर्दै आएका छन् ।
बज्जिकाञ्चल संवाददाता,राैतहट,२९ गते माघ ।
रौतहट । आसन्न फागुन २१ गतेको प्रतिनिधि सभा चुनावले विस्तारै गाउँ शहर तातिदै गएको छ । चुनावी प्रचार र घदैलो कार्यक्रममा अहिल रौतहटका उम्मेवादरहरु व्यस्त रहेको देखिन्छ । सोही क्रममा रौतहट क्षेत्र नं. १ बाट कुनै वेला आफनै पार्टीको संविधान सभा सदस्य रहेकी नेतृ रम्भा देवि संग आफ्नो पक्षमा मतदान गर्ने गौर उहाँकै निवासमा पुग्दै जनता समाजवादी पार्टी नेपालका रौतहट क्षेत्र नं. १ का उम्मेदवार योगेन्द्र राय यादवले अनुरोध गरेको हो ।
मधेश र मधेशी अधिकारको मुदा स्थापीत गराउनमा तपाईको पनि अहम योग्दान भएकोले त्यस मुदालाई स्थायीत्व र प्रभावकारीता गराउने छाता छापमा मतदान गर्न उम्मेदवार योगेन्द्र राय यादवले आग्रह गरे ।
मधेश आन्दोलको उपलब्ध र अधिकारको पुर्ण प्राप्तीको लागि हामी अगाडी बढीरहेकोले यसपालीको चुनाव मधेशी स्तीत्व जोगाउँने लडाईमा रहेकोले कुनै पनि हालतमा मधेशी जनताले जसपा नेपाललाई भुलाउने छैन भन्ने मेरो विश्वासा रहेको उम्मदवार यादवले घरदैलो गर्ने क्रममा संचारकर्मीहरु संग बताए । आफु र आफ्ना पार्टीले सधै मधेशी अधिकार प्राप्तीको लागि लडिरहने मधेशी जनताको एक मात्र भरोसा र अस्थाके केन्द्र रहेकोले हामी यस पाली बहुमतले संसदमा पसने बताए ।
उम्मेदवार यादवले, आज विहिवार गौर सदरमुकामको मुख्या बजारमा आम सर्वसधारण सहित व्यपारी वर्गमा जसपाको नेता बाबुलाल साह, अनिल सिंह, किरण ठाकुर, पुर्व मेयर विरेन्द्र यादव, पुर्व जिल्ला अध्यक्ष श्यामविहारी यादव, गौर नपा वार्ड नं. १का पुर्व अध्यक्ष भरत साह गौर नपा अध्यक्ष संजिव केसरी लगायत आफ्न सकडौ समर्थकका साथ आफ्ना एजेन्डा सहित घर घर पुगेर आफ्नो पक्षमा मतदान गर्ने आग्रह गरेका छन् । यस पालीको चुनावमा रौतहट क्षेत्र न.. १ मा नेकपाका माधवकुमार नेपाल, नेपाली काग्रेस अनिल कुमार झा, नेकपा एमालेका अजय कुमार गुप्ता, जसपा नेपालका योगन्द्र राय यादव र राष्ट्रिय स्वतन्त्र पार्टीका राजेश चौधरी गरि पाँच जना विच कडा प्रतिशप्रधा हुने देखिन्छ ।
आरके श्रीवास्तव,राैतहट,२९ गते माघ ।
आगामी फाल्गुन २१ गते हुने प्रतिनिधि सभा निर्वाचनलाई लक्षित गर्दै जनता समाजवादी पार्टी (जसपा) नेपालको चुनावी अभियान रौतहट क्षेत्र नम्बर ३ मा थप सक्रिय बन्दै गएको छ । यसैक्रममा मधेस प्रदेश अध्यक्ष बालकिशोर यादवको विशेष उपस्थितिमा गुजरा नगरपालिकाकाे जंगलसहिया र सिमरीमा चुनाव विशेष प्रचारप्रसार तथा मतदाता भेटघाट कार्यक्रम सम्पन्न भएको छ ।
साे क्रममा प्रदेश अध्यक्ष यादवले रौतहट–३ का उम्मेदवार गोविन्द चौधरी (छाता छाप) लाई विजयी गराउन सबै समुदाय एकजुट हुन आग्रह गर्नुभयो । उहाँले विकास, सुशासन र जनअधिकारको सुनिश्चितताका लागि जसपाको उम्मेदवारी आवश्यक रहेको बताउँदै संगठनलाई तल्लो तहसम्म सुदृढ बनाउने प्रतिबद्धता व्यक्त गर्नुभयो ।
उक्त कार्यक्रममा प्रतिनिधि सभा सदस्य पदका उम्मेदवार गोविन्द चौधरीले पनि मतदातासँग प्रत्यक्ष संवाद गर्दै विगतका अनुभव र आगामी योजनाबारे धारणा राख्नुभयो । उहाँले क्षेत्रको समग्र विकास, शिक्षा, स्वास्थ्य र पूर्वाधार विस्तारलाई प्राथमिकतामा राख्ने प्रतिबद्धता जनाउनुभयो ।
विशेषगरी सिमरीस्थित पहाडी समुदायमा समेत उत्साहजनक सहभागिता देखिएको थियो । विभिन्न समुदायका स्थानीय बासिन्दाहरूले कार्यक्रममार्फत आफ्ना सुझाव तथा अपेक्षाहरू व्यक्त गरेका थिए । कार्यक्रममा सहभागीहरूले “छाता छाप”मा मतदान गरी गोविन्द चौधरीलाई विजयी गराउने प्रतिबद्धता जनाएका थिए ।
जसपा नेपालले रौतहट–३ मा आफ्नो संगठन विस्तार र जनसमर्थन सुदृढ पार्दै चुनावी अभियानलाई तीव्र बनाएको जनाएको छ ।
वीरगंज, २८ माघ । आम जनता पार्टी (आजपा)का अध्यक्ष तथा पूर्वमन्त्री प्रभु साहले सत्ता जोगाउन जेनजी युवाहरुको हत्या गर्ने केपी ओली र आरजु देउवाहरू अनि सत्ता पाउनको लागि युवाहरुलाई उक्साउने रवि लामिछाने र बालेन शाहजस्ता दुवै अतिवादीहरुबाट देशलाई जोगाउनुपर्ने बताएका छन् ।
उनले भने, ‘जेनजी पुस्ताले देशमा सुशासन कायम गर्न, भ्रष्टाचारीलाई कारबाही गर्नको लागि सचेततापूर्वक आन्दोलन गरे, तर सत्ता जोगाउन केपी ओलीहरुले गोलीको वर्षा गराए, युवाहरुको हत्या गराए, अनि उता युवाहरुलाई बलिको बोको बनाएर सत्तारोहण गर्ने रवि लामिछाने र बालेन शाहहरुबाट यो देशलाई बचाउनुपर्छ । दुवै अतिवादीलाई कारबाही हुनुपर्छ ।’
उनले भदो २३ र भदौ २४ गतेको जेनजी आन्दोलनपछिको घटनाको छानबिन गर्न गठित जाँचबुझ आयोगको औचित्यमाथि पनि प्रश्न उठाए । सुशीला कार्की नेतृत्वको सरकारको आयु नै सकिने बेला भईसक्दापनि सो सरकारले बनाएको जाँचबुझ आयोगले काम गर्न नसक्नु भनेको आयोगको असफलता भएको साहको आरोप छ ।
आज (बुधबार) वीरगंजको छपकैयामा आयोजित चुनावी कार्यक्रमलाई सम्बोधन गर्ने क्रममा पूर्वमन्त्री साहले आयोग जेनजी आन्दोलनका हत्यारा केपी ओलीहरूसँग डराएको प्रमाणित भइसकेको पनि स्मरण गराए । उनले भने, ‘आयोगले तत्कालिन सरकारको नेतृत्वमा बसेका र युवाहरुलाई ताकि ताकि गोली हान्न आदेश दिनेहरुसँग बयान लिनपनि डरायो, घरघरमा गएर चाकरी गरेको देखियो, प्रेमी–प्रेमिकाबीचको पत्राचारजस्तो गरियो, यताबाट प्रश्न सोध्ने र उताबाट उत्तर दिने काम गरियो, यो जेनजी आन्दोलनमा शहादत प्राप्त गरेका शहीदहरुको अपमान हो । यो आयोग निकम्मा भइसकेको छ । जेनजी आन्दोलनका हाईज्याकर सुशीला कार्कीहरुको सेवामा लागेको छ । जेनजी पुस्तालाई हत्या गरेर भएपनि सत्ता जोगाउन चाहने ओली प्रवृत्ति र जेनजीलाई मर्न उक्साएर सत्ता प्राप्तिको भोक जागेका रवि र बालेनहरुबाट देशलाई जोगाउनुपर्छ । यो सुशीला सरकार दुवै अतिवादीहरुको सेवामा खटिएको छ ।’
सुशीला सरकारको आयु नै जम्मा ६ महिना तोकिएर चुनावको मिति आईसक्दापनि जाँचबुझ आयोगले प्रतिवेदन बाहिर ल्याउन नसक्नु आन्दोलनमा ज्यान गुमाएका शहीदहरुको अपमान भएको साहको आरोप छ । उनले भने, ‘म यही मञ्चबाट सुशीला कार्कीलाई भन्न चाहन्छु–तपाईंको नेतृत्वको सरकारको आयु नै सकिने बेला भईसक्यो, तर तपाईंले गठन गरेको आयोगको म्याद चाहीँ लम्बिएको लम्बिएछ, किन यस्तो कुकर्म गर्नुहुन्छ । आयोगले प्रतिवेदन तयार भईसक्यो भनेर यसका पदाधिकारीले सार्वजनिक रुपमा बोलिसकेका छन्, अनि त्यो प्रतिवेदन सार्वजनिक गर्न के को समय चाहिन्छ ? सार्वजनिक गर्नुहोस ।’
साहले अहिलेको चुनाव जेनजी आन्दोलनको आलोकमा हुन गईरहेकोले नेपाली जनताले भदौ २३ र भदौ २४ गतेको यथार्थ जान्न चाहेको भन्दै तत्कालै जाँचबुझ आयोगको प्रतिवेदन सार्वजनिक गर्न माग गरे ।
उनले अहिलेको निर्वाचनमा जनताले असल नेताको खोजी गरेको भन्दै नक्कली नायकको भ्रम फिजाएर जनमत लिने कोशिस भएको भन्दै न्यायप्रेमी जनताले आफ्नो विवेक सही तवरले प्रयोग गर्नेमा आफू विश्वस्त रहेको बताए । उनले गरिव, निमुखा, भुईंमान्छेको न्यायको लागि लड्ने पार्टीलाई नै जनताले माया गर्ने भन्दै यो निर्वाचनमा अतिवादी, लोकप्रियतावादी र नक्कलीहरु पराजित हुने दाबी गरे । उनले भने, ‘अहिले लडाईं सत्यवादी र शक्तिवादीहरुबीच भईरहेको छ । हामी संख्यामा होईन, सत्यमा विश्वास गर्छौं । जनताले न्याय दिनुहुनेछ भन्ने विश्वास छ ।’
