काठमाडौं । नेपाल राष्ट्र बैंकले आज बिहीबार २०८३ मंसिर ३ गतेका लागि विदेशी मुद्राको विनिमयदर सार्वजनिक गरेको छ ।
राष्ट्र बैंकले सार्वजनिक गरेको नयाँ विनिमयदरअनुसार अमेरिकी डलर एकको खरिददर १४९ रुपैयाँ २१ पैसा र बिक्रीदर १४९ रुपैयाँ ८१ पैसा कायम भएको छ ।
यस्तै, युरोपियन युरो एकको खरिददर १६३ रुपैयाँ ७५ पैसा र बिक्रीदर १६४ रुपैयाँ ४१ पैसा रहेको छ । बेलायती पाउन्ड एकको खरिददर १९६ रुपैयाँ ५३ पैसा र बिक्रीदर १९७ रुपैयाँ ३२ पैसा निर्धारण गरिएको छ ।
स्वीस फ्र्याङ्क एकको खरिददर १७७ रुपैयाँ २२ पैसा र बिक्रीदर १७७ रुपैयाँ ९३ पैसा रहेको छ । अस्ट्रेलियन डलर एकको खरिददर १०० रुपैयाँ ४० पैसा र बिक्रीदर १०० रुपैयाँ ८० पैसा तथा क्यानेडियन डलर एकको खरिददर १०४ रुपैयाँ २२ पैसा र बिक्रीदर १०४ रुपैयाँ ६४ पैसा कायम गरिएको छ ।
त्यस्तै, सिंगापुर डलर एकको खरिददर ११५ रुपैयाँ ७१ पैसा र बिक्रीदर ११६ रुपैयाँ १८ पैसा रहेको छ । जापानी येन १० को खरिददर ९ रुपैयाँ ३७ पैसा र बिक्रीदर ९ रुपैयाँ ४१ पैसा तथा चिनियाँ युआन एकको खरिददर २२ रुपैयाँ ३९ पैसा र बिक्रीदर २२ रुपैयाँ ४८ पैसा निर्धारण गरिएको छ ।
साउदी अरेबियन रियाल एकको खरिददर ३९ रुपैयाँ ७७ पैसा र बिक्रीदर ३९ रुपैयाँ ९३ पैसा तथा कतारी रियाल एकको खरिददर ४० रुपैयाँ ९४ पैसा र बिक्रीदर ४१ रुपैयाँ १० पैसा रहेको छ । संयुक्त अरब इमिरेट्सको दिराम एकको खरिददर ४० रुपैयाँ ६३ पैसा र बिक्रीदर ४० रुपैयाँ ७९ पैसा कायम भएको छ ।
थाई भाट एकको खरिददर ४ रुपैयाँ ३९ पैसा र बिक्रीदर ४ रुपैयाँ ४१ पैसा रहेको छ। मलेसियन रिंगेट एकको खरिददर ३६ रुपैयाँ २५ पैसा र बिक्रीदर ३६ रुपैयाँ ४० पैसा तथा दक्षिण कोरियाली वन १०० को खरिददर ११ रुपैयाँ २० पैसा र बिक्रीदर ११ रुपैयाँ २५ पैसा निर्धारण गरिएको छ ।
यसैगरी, स्विडिस क्रोनर एकको खरिददर १४ रुपैयाँ ७० पैसा र बिक्रीदर १४ रुपैयाँ ७६ पैसा रहेको छ। डेनिस क्रोनर एकको खरिददर २१ रुपैयाँ ९१ पैसा र बिक्रीदर २२ रुपैयाँ कायम भएको छ । हङकङ डलर एकको खरिददर १९ रुपैयाँ २ पैसा र बिक्रीदर १९ रुपैयाँ ९ पैसा रहेको छ ।
कुवेती दिनारको एकको खरिददर ४८३ रुपैयाँ ४ पैसा र बिक्रीदर ४८४ रुपैयाँ ९८ पैसा कायम गरिएको छ । बहराइन दिनार एकको खरिददर ३९५ रुपैयाँ ५२ पैसा र बिक्रीदर ३९७ रुपैयाँ ११ पैसा तथा ओमानी रियाल एकको खरिददर ३८७ रुपैयाँ ५५ पैसा र बिक्रीदर ३८९ रुपैयाँ ११ पैसा रहेको छ ।
भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा निर्धारण गरिएको छ ।
राष्ट्र बैंकले आवश्यकताअनुसार विनिमयदर जुनसुकै समयमा पनि संशोधन गर्न सकिने र वाणिज्य बैंकहरूले निर्धारण गर्ने विनिमयदरमा भने केही फरक हुन सक्ने जानकारी दिएको छ । एभरेष्ट न्यूज एजेन्सी,
काठमाडौँ । नेपाल प्रिमियर लिग (एनपीएल) को दोस्रो क्वालिफायरमा आज सुदूरपश्चिम रोयल्स र चितवन राइनोज आमने सामने हुदैछन् । टियु क्रिकेट मैदानमा यो खेल साँझ ५ बजेदेखि हुने तालिका छ ।
सुदूरपश्चिम रोयल्स पहिलो क्वालिफायरमा लुम्बिनी लायन्ससँग पराजित भएर दोस्रो क्वालिफायर खेल्न लागेको हो । त्यस्तै चितवन राइनोजले इलिमिनेटरमा काठमाडौँ गोर्खाजलाई पराजित गर्दै दोस्रो क्वालिफायर खेल्न लागेको छ ।
दोस्रो क्वालिफायरमा विजयी हुने टिमले फाइनलमा लुम्बिनी लायन्सको सामना गर्ने छ भने पराजित हुने टिम बाहिरिने छ ।
समुह चरण भएको सुदूरपश्चिम र चितवनबीचको खेलमा सुदूरपश्चिम ५ विकेटले विजयी भएको थियो । एभरेष्ट न्यूज एजेन्सी,
काठमाडौँ । अन्तर्राष्ट्रिय पुरुष दिवस आज नोभेम्बर १९ मा मनाइँदैछ । यस वर्ष दिवसको नारा ‘सबैको भविष्य’ रहेको छ । यसले स्वस्थ परिवार, कार्यस्थल र समाज निर्माणका लागि महिला तथा पुरुषबीच समानता, सहकार्य र साझा जिम्मेवारीमा जोड दिएको छ ।
अन्तर्राष्ट्रिय पुरुष दिवस सन् १९९९ मा त्रिनिडाड तथा टोबागोमा इतिहासका प्राध्यापक डा. जेरोम टिलक्सिङले सुरु गरेका थिए । उनले पुरुष तथा बालकका सकारात्मक भूमिकालाई सम्मान गर्ने, उनीहरूको स्वास्थ्य र कल्याणका विषयलाई प्राथमिकता दिने तथा समाजमा सकारात्मक पुरुष आदर्श स्थापित गर्ने उद्देश्यले यो दिवस सुरु गरेका थिए ।
यस दिवसले पुरुष तथा बालकको शारीरिक र मानसिक स्वास्थ्य, सामाजिक चुनौती, लैङ्गिक समानता, परिवारप्रतिको जिम्मेवारी तथा समाजमा उनीहरूको सकारात्मक योगदानलाई उजागर गर्ने लक्ष्य राख्छ । साथै, पुरुषहरूलाई स्वास्थ्य समस्याबारे खुलेर कुरा गर्न र आवश्यक उपचार लिन प्रोत्साहित गरिन्छ ।
अन्तर्राष्ट्रिय पुरुष दिवस महिला दिवसको प्रतिस्पर्धी नभई पुरुषका अनुभव, समस्या, योगदान र सम्भावनालाई सम्मान गर्ने अवसरका रूपमा मनाइन्छ । यस वर्षको अभियानले अन्तर्राष्ट्रिय पुरुष दिवसलाई संयुक्त राष्ट्रसंघबाट औपचारिक मान्यता दिलाउनेदेखि महिला तथा पुरुषबीच सम्मान, सहकार्य र समानतामा आधारित समाज निर्माण गर्नु रहेको छ । एभरेष्ट न्यूज एजेन्सी,
काठमाडौं । मौसम पूर्वानुमान महाशाखाले आज विहिबार हाल नेपालमा पश्चिमी वायुको साथै ‘अक्वान’ चक्रवातको आंशिक प्रभाव रहेको जानकारी दिएको छ ।
हाल कोशी प्रदेशमा तथा गण्डकी, कर्णाली र सुदूरपश्चिम प्रदेशको हिमाली भू-भागमा आंशिक बादल लागेको छ र तराई भू-भाग, उपत्यका तथा खोँचहरूका धेरै स्थानमा तुवाँलो/हुस्सु लागेको छ ।
आज दिउँसो कोशी र मधेश प्रदेश लगायत बागमती र गण्डकी प्रदेशको हिमाली भू-भागमा आंशिक बादल लाग्नेछ तथा बाँकी भू-भागमा मौसम मूख्यतया सफा रहनेछ ।
त्यस्तै आज राति कोशी र मधेश प्रदेशमा आंशिक बादल लाग्नेछ तथा बाँकी भू-भागमा मौसम मूख्यतया सफा रहनेछ। तराई भू-भाग, उपत्यका तथा खोँचहरूमा बिहानपख थोरै स्थानमा हुस्सु/कुहिरो लाग्नेछ । एभरेष्ट न्यूज एजेन्सी,
आजको राशिफल बिस २०८३ मङ्सिर ३ गते विहिबार ईस २०२६ नोभेम्बर १९ नेपाल सम्बत ११४७ कछलाथ्व दशमी-१०, रौद्र नाम संवत्सर सूर्य दक्षिणायन, हेमन्त ऋतु, कार्तिक शुक्ल पक्ष दशमी, चन्द्रमा कुम्भ राशिमा, पूर्वभाद्रपदा नक्षत्र, व्याघात योग, कौलव करण । आज नेपालमा सुर्योदय बिहान ६ बजेर २८ मिनेटमा र सूर्यास्त साँझ ५ बजेर ११ बजे हुनेछ । आज जन्म लिने बच्चा कुम्भ राशीको हुनेछ ।
मेष (चु, चे, चो, ला, लि, लु, ले, लो, अ)
आज आफ्नो क्षमता देखाउने अवसर मिल्न सक्छ। कार्यक्षेत्रमा नयाँ जिम्मेवारी प्राप्त हुने वा रोकिएको विषयमा छलफल अघि बढ्ने सम्भावना छ। व्यापारमा ग्राहकसँगको सम्बन्ध सुधारिँदा कारोबार विस्तार गर्न सहज हुनेछ। आर्थिक निर्णय गर्दा तत्कालको फाइदाभन्दा भविष्यको स्थायित्वलाई प्राथमिकता दिनुहोला। परिवारमा आफ्नो कुरा राख्दा अरूको भावना पनि बुझ्ने प्रयास गर्नु राम्रो हुनेछ ।
वृष (इ, उ, ए, ओ, वा, वि, वु, वे, वो)
आर्थिक तथा पारिवारिक विषयमा आज महत्वपूर्ण निर्णय लिनुपर्ने अवस्था आउन सक्छ। आम्दानीको नयाँ बाटो खोजिरहेका व्यक्तिका लागि उपयोगी सुझाव प्राप्त हुन सक्छ। काममा निरन्तरता र धैर्यले राम्रो नतिजा दिनेछ। अनावश्यक खर्च र अरूको प्रभावमा परेर गरिने लगानीबाट बच्नुहोला। घरपरिवारका सदस्यसँग समय बिताउँदा मनमा रहेको तनाव कम हुन सक्छ ।
मिथुन (का, कि, कु, घ, ङ, छ, के, को, ह)
आज विचार र अभिव्यक्तिमा स्पष्टता रहनेछ। अध्ययन, लेखन, सञ्चार तथा सिर्जनात्मक क्षेत्रमा संलग्न व्यक्तिका लागि दिन उत्साहजनक हुन सक्छ। नयाँ योजना प्रस्तुत गर्ने वा महत्वपूर्ण व्यक्तिसँग भेटघाट गर्ने अवसर मिल्न सक्छ। व्यापारमा नयाँ सम्भावना देखिए पनि सम्झौता गर्नुअघि सबै पक्ष बुझ्नु आवश्यक छ। सम्बन्धमा अनावश्यक शंका नगरी खुलेर संवाद गर्नुहोला ।
कर्कट (हि, हु, हे, हो, डा, डि, डु, डे, डो)
आज भावनात्मक विषयले केही समय लिन सक्छ। विगतमा भएका घटनालाई सम्झेर निर्णय गर्नुभन्दा वर्तमान परिस्थितिको मूल्याङ्कन गर्नु राम्रो हुनेछ। कार्यक्षेत्रमा पर्दापछाडि रहेका काम पूरा गर्ने अवसर मिल्न सक्छ। आर्थिक रूपमा घरायसी आवश्यकतामा खर्च बढ्न सक्ने भएकाले बजेटमा ध्यान दिनुहोला। परिवारका ज्येष्ठ सदस्यको सुझाव उपयोगी हुन सक्छ ।
सिंह (मा, मि, मु, मे, मो, टा, टि, टु, टे)
सामाजिक सम्बन्ध र सहकार्यबाट लाभ लिन सकिने दिन छ। काममा आफ्नो नेतृत्व क्षमता देखाउने अवसर आउन सक्छ। नयाँ व्यक्तिसँगको चिनजानले भविष्यमा व्यावसायिक फाइदा पुर्याउन सक्छ। आम्दानी र खर्चबीच सन्तुलन कायम राख्न सके आर्थिक पक्ष सहज रहनेछ। साथीभाइसँगको भेटघाटले मन प्रसन्न बनाउन सक्छ। आफ्नो प्रतिष्ठा जोगाउन बोली र व्यवहारमा संयम राख्नुहोला ।
कन्या (टो, प, पि, पु, ष, ण, ठ, पे, पो)
व्यावसायिक क्षेत्रमा जिम्मेवारी बढ्न सक्छ। लामो समयदेखि तयारी गरिरहेको कामलाई निष्कर्षमा पुर्याउने प्रयास सफल हुन सक्छ। वरिष्ठ व्यक्तिसँगको छलफलबाट नयाँ बाटो खुल्ने सम्भावना छ। आर्थिक कारोबारमा हिसाबकिताब स्पष्ट राख्नुहोला। पारिवारिक जीवनमा सानातिना असमझदारी देखिए पनि संवादबाट समाधान निकाल्न सकिनेछ। कामको चापबीच आफ्नो आरामलाई पनि महत्व दिनुहोला ।
तुला (रा, रि, रु, रे, रो, ता, ति, तु, ते)
ज्ञान, सीप र अनुभव बढाउने काममा आज विशेष रुचि जाग्न सक्छ। उच्च शिक्षा, तालिम वा नयाँ विषयको अध्ययनमा लागेकालाई सकारात्मक परिणाम प्राप्त हुन सक्छ। व्यवसायमा नयाँ बजार वा साझेदारीबारे सोच्न सकिनेछ। आर्थिक क्षेत्रमा योजनाबद्ध ढङ्गले अघि बढ्दा भविष्यका लागि राम्रो आधार बन्नेछ। धार्मिक तथा सामाजिक गतिविधिमा सहभागी हुने अवसर पनि मिल्न सक्छ ।
वृश्चिक (तो, ना, नि, नु, ने, नो, या, यि, यु)
आज आर्थिक जिम्मेवारी र व्यक्तिगत सम्बन्धका विषयमा सचेत रहनुपर्नेछ। पुरानो हिसाब मिलाउने वा रोकिएको भुक्तानीका विषयमा छलफल हुन सक्छ। कार्यक्षेत्रमा अरूको जिम्मेवारीसमेत आफ्नो काँधमा आउन सक्ने भएकाले प्राथमिकता छुट्याउनुहोला। जोखिमपूर्ण आर्थिक निर्णयबाट टाढा रहनु उचित हुनेछ। नजिकका व्यक्तिसँग मनका कुरा साझा गर्दा सम्बन्धमा विश्वास बढ्नेछ ।
धनु (ये, यो, भ, भि, भु, ध, फा, ढ, भे)
आज साझेदारी र सहकार्यका काममा अनुकूलता देखिन्छ। नयाँ सम्झौता, व्यावसायिक छलफल वा सामूहिक योजनाले सकारात्मक दिशा लिन सक्छ। आफ्नो विचार स्पष्ट रूपमा राख्दा अरूको सहयोग प्राप्त हुनेछ। आर्थिक क्षेत्रमा दीर्घकालीन योजनाले महत्व पाउनेछ। दाम्पत्य तथा प्रेम सम्बन्धमा आपसी सम्मान र समझदारी बढाउन सके दिन सुखद बन्न सक्छ। अरूको जिम्मेवारी लिँदा आफ्नो क्षमताको पनि ख्याल गर्नुहोला ।
मकर (भो, ज, जि, खि, खु, खे, खो, गा, गि)
दैनिक कामकाजलाई व्यवस्थित बनाउने अवसर छ। कार्यक्षेत्रमा समयमै जिम्मेवारी पूरा गर्न सके विश्वास बढ्नेछ। सेवा, व्यवस्थापन तथा प्राविधिक काममा संलग्न व्यक्तिले नयाँ उपाय अपनाउन सक्नेछन्। सानातिना खर्च एकैपटक बढ्न सक्ने भएकाले आर्थिक अनुशासन आवश्यक छ। परिवारमा व्यावहारिक विषयमा छलफल हुन सक्छ। नियमित कामसँगै नयाँ सीप सिक्न समय निकाल्नुहोला ।
कुम्भ (गु, गे, गो, सा, सि, सु, से, सो, द)
सिर्जनात्मक सोच र नयाँ प्रयोगका लागि दिन उपयोगी हुन सक्छ। अध्ययन, कला, मनोरञ्जन तथा प्रतिस्पर्धात्मक क्षेत्रमा लागेकाले आफ्नो प्रतिभा प्रस्तुत गर्ने अवसर पाउन सक्छन्। व्यवसायमा नयाँ अवधारणाले गति लिन सक्छ, तर लगानी गर्दा पर्याप्त तयारी आवश्यक हुनेछ। प्रेम सम्बन्धमा आत्मीयता बढ्ने सम्भावना छ। सन्तान वा परिवारका सदस्यको रुचि र आवश्यकतामा ध्यान दिनुहोला ।
मीन (दि, दु, थ, झ, ञ, दे, दो, च, ची)
आज घरपरिवार र व्यक्तिगत योजनालाई प्राथमिकता दिनुपर्नेछ। घर, जग्गा वा पारिवारिक सम्पत्तिसँग सम्बन्धित विषयमा छलफल हुन सक्छ। कार्यक्षेत्रमा आफ्नो अनुभवको उपयोग गर्दै जटिल काम सहज बनाउन सकिनेछ। आर्थिक रूपमा नयाँ जिम्मेवारी थपिन सक्ने भएकाले खर्चको पूर्वयोजना बनाउनुहोला। आफन्तसँगको सम्बन्धमा पुराना असमझदारी हटाउने अवसर मिल्न सक्छ। भावनामा मात्र नभई व्यावहारिक पक्षलाई समेत ध्यान दिएर निर्णय लिनुहोला । एभरेष्ट न्यूज एजेन्सी,
(यो राशिफल परम्परागत ज्योतिषीय मान्यतामा आधारित सामान्य फलादेश हो। व्यक्तिगत जन्मकुण्डली र ग्रहस्थितिअनुसार फलादेश फरक हुन सक्छ ।)