काठमाडौं । जारी आइपिएलमा आज एक खेल हुदैछ । आज कोलकोता नाइट राइडर्स र लखनउ सुपर जाईन्टबीच खेल हुदैछ । इडेन गार्डेनमा हुने यो खेल नेपाली समय अनुसार साँझ ७: ४५ बजेदेखि शुरु हुदैछ । जारी आइपिएलमा कोलकोताले ३ खेलमा २ खेलमा हार बेहोरेको छ भने एक खेल बर्षाले रद्ध भएको थियो ।

पछिल्लो पञ्जावविरुद्धको खेल वर्षाले हुन नसक्दा दुवैले एक एक अंक बाँडेका थिए । त्यसअघि कोलकोता सनराइजर्स हैदरावाद र मुम्बई इण्डियन्ससँग हार बेहोरेको थियो । त्यस्तै लखनउ सुपर जाईन्टले खेलेका दुई खेलमा एक जित र एक हार बेहोरेको छ । लखनउले सनराइजर्स हैदरावादसँगको खेल जितेको छ भने दिल्ली क्यापिटल्सविरुद्धको पहिलो खेल हारेको थियो ।

सम्भावित प्लेइङ ११ कोलकाता नाइट राइडर्स: अजिंक्य रहाणे (कप्तान), फिन एलेन, क्यामरुन ग्रीन, अङ्क्रिश रघुवंशी रिंकु सिंह, रमनदीप सिंह, सुनिल नारायण, अनुकुल रोय, नवदीप सैनी, वैभव अरोरा, कार्तिक त्यागि र ब्लेसिंग मुजराबानी ।लखनऊ सुपर जायन्ट्स  ऋषभ पन्त (कप्तान), मिचेल मार्श, एडेन मार्क्रम, निकोलस पूरन, आयुष बडोनी, अब्दुल समद, मुकुल चौधरी, एम सिद्धार्थ, आवेश खान, मोहम्मद शमी, दिग्वेष राठी र प्रिन्स यादव । एभरेष्ट न्यूज एजेन्सी

बज्जिकाञ्चल संवाददाता,रौतहट,चैत २५ गते ।

रौतहट जिल्लाको माधव नारायण नगरपालिका–५ मिठुअवास्थित श्री राधा कृष्ण माध्यमिक विद्यालयमा ६ कोठे नयाँ भवन निर्माण कार्य सम्पन्न भएको छ । उक्त भवन च्वाईस नेपालको आर्थिक सहयोगमा निर्माण गरिएको हो । निर्माण सम्पन्न भवनको नगर प्रमुख बैजनाथ प्रसाद यादव, प्रमुख प्रशासकीय अधिकृत नगेन्द्र प्रसाद यादव तथा संस्थाका प्रमुख प्रदिक शर्मा लगायतको उपस्थितिमा एक कार्यक्रमबीच औपचारिक रूपमा उद्घाटन तथा विद्यालयलाई हस्तान्तरण गरिएको छ ।

यसैबीच, सोही वडामा अत्याधुनिक सुविधा सम्पन्न ८ कोठे दुई तले बर्थिङ सेन्टर भवन निर्माणका लागि पनि आजै शिलान्यास गरिएको छ। स्थानीय स्वास्थ्य सेवामा सुधार ल्याउने उद्देश्यसहित उक्त भवन निर्माण गर्न लागिएको जनाइएको छ । स्थानीय तह र सहकार्य संस्थाहरूको संयुक्त पहलमा भइरहेको यस्ता पूर्वाधार विकासका कामले शिक्षा तथा स्वास्थ्य क्षेत्रमा सकारात्मक प्रभाव पार्ने विश्वास लिइएको छ । साथै, समुदायको समग्र विकासका लागि यस्ता कार्यक्रमहरू आगामी दिनमा पनि निरन्तर अघि बढाइने जनाइएको छ ।

बज्जिकाञ्चल संवाददाता,रौतहट,चैत २५ गते ।

रौतहट मौलापुर नगरपालिकाकी नगरप्रमुख रीना कुमारी साह ‘नेपालका ५० प्रभावशाली महिला २०८२’ को सूचीमा पहिलो स्थान हासिल गरेपछि उनलाई आज बिरगंजमा विशेष समारोहबीच सम्मान गरिएको छ । ओम पार्टी प्यालेसमा आयोजित उक्त कार्यक्रममा विभिन्न क्षेत्रका व्यक्तित्वहरूको उल्लेखनीय उपस्थिति रहेको थियो ।

कार्यक्रममा वक्ताहरूले मेयर साहले महिला सशक्तिकरण, पारदर्शिता र सुशासन प्रवद्र्धनमा पु¥याएको योगदानको उच्च प्रशंसा गर्दै मौलापुरलाई विकासको नमुना नगरका रूपमा स्थापित गर्न खेलेको भूमिकालाई सराहना गरे । सम्मान कार्यक्रममा सहभागीहरूले उनको नेतृत्व, दूरदर्शिता र समर्पणले स्थानीय तहमा सकारात्मक परिवर्तन सम्भव भएको उल्लेख गर्दै आगामी दिनमा पनि यस्तै उदाहरणीय कार्यको अपेक्षा व्यक्त गरेका छन् ।

बज्जिकाञ्चल संवाददाता,रौतहट,चैत २५ ।

रौतहट जिल्लाको कटहरिया नगरपालिका स्वास्थ्य शाखाको आयोजनामा आज कटहरिया नपा ३ बिर्तीप्रष्टोका स्वास्थ्य चौकीमा पाठेघरको क्यान्सर पहिचानसम्बन्धी विशेष शिविर सञ्चालन गरिएको छ । एचपीभी डीएनए विधिमार्फत गरिएको उक्त स्क्रिनिङ कार्यक्रममा ३० देखि ४९ वर्ष उमेर समूहका महिलाहरूको सक्रिय सहभागिता देखिएको थियो । शिविरमा कुल १५२ जना महिलाले सेवा लिएको स्वास्थ्य शाखाले जनाएको छ ।

महिलाहरूमा पाठेघरको क्यान्सर समयमै पहिचान गरी जोखिम न्यूनीकरण गर्ने उद्देश्यले आयोजना गरिएको यस कार्यक्रमले स्थानीय स्तरमा स्वास्थ्य सचेतना अभिवृद्धि गर्न महत्वपूर्ण योगदान पु¥याएको विश्वास लिइएको छ । साथै, यस्ता जनस्वास्थ्य केन्द्रित कार्यक्रमहरू आगामी दिनमा पनि निरन्तर सञ्चालन गरिने जनाइएको छ ।

प्रदिप दास,रौतहट,२५ गते चैत ।

रौतहट । जिल्ला प्रशासन कार्यालय रौतहटमा पछिल्लो समय सेवाग्राहीको अत्यधिक चाप बढेपछि सेवा प्रवाहलाई प्रभावकारी बनाउन प्रमुख जिल्ला अधिकारी (प्रजिअ) दिनेश सागर भुसाल स्वयं सक्रिय रुपमा फाँटमै खटिएका छन् । नागरिकता, राहदानी, सिफारिस लगायत अत्यावश्यक प्रशासनिक सेवा लिन आउने सेवाग्राहीको संख्या उल्लेख्य रूपमा बढेपछि कार्यालयमा भीड व्यवस्थापन र सेवा छिटोछरितो बनाउने उद्देश्यले प्रजिअ भुसाल प्रत्यक्ष रुपमा सेवामा सहभागी भएका हुन् ।

कार्यालय परिसरमा बिहानैदेखि लामो लाइन लाग्ने अवस्था देखिएपछि सेवाग्राहीलाई अनावश्यक झन्झट नहोस् भन्ने हेतुले प्रजिअ भुसालले आफैं कागजात जाँच गर्ने, आवश्यक निर्देशन दिने तथा कर्मचारीलाई समन्वय गर्दै सेवा प्रवाहलाई व्यवस्थित बनाउने काम गरिरहेका छन् । उनको यस सक्रियताले सेवाग्राहीमा सकारात्मक सन्देश गएको छ ।

सागर संगम ठाकुर, रौतहट, चैत २५ गते ।

रौतहटको देवाही गोनाही नगरपालिका–६ कर्कच कर्मैयामा नाला निर्माण कार्यको शिलान्यास गरिएको छ । नगर प्रमुख प्रेमलाल साहले उक्त योजनाको भूमि पूजन गर्दै औपचारिक रूपमा निर्माण कार्यको शुभारम्भ गरेका हुन् । वडा अध्यक्ष पदका प्रत्यासी पवन ठाकुरको पहलमा शिलान्यास सम्पन्न भएको हो ।

अध्यक्ष प्रत्यासी ठाकुरका अनुसार करिब ९ लाख रुपैयाँको लागतमा झण्डै १५० मिटर लामो नाला निर्माण गरिने छ । उपभोक्त समिति मार्फत हुने नालाको निर्माणकार्य समितिमा स्थानीय रामबाबु पंडित रहनु भएको छ । स्थानीय तह स्थापना भएको करिब ८ वर्ष बितिसक्दा पनि काम हुन नसकेपछि स्थानीयहरु वर्षातको समयमा निकै सास्ती भोगिनु पर्ने बाध्यता रहदै आएको थियोे ।

साबिक गाबिस कर्कच कर्मैया वडा नम्बर( १ का स्थानीयहरुले टोलको समस्यालाई लिएर नगर प्रमुख साहलाई ताकेता गरेपछि त्यहाँ सडकको दुवै तिर नाला निर्माणकार्य शुरु गरिएको स्थानीयहरु बताए । शिलान्यास कार्यक्रममा वडा नम्बर–५ का वडा अध्यक्ष उपेन्द्र साह, इलाका प्रहरी कार्यालय देवाही गोनाहीका प्रहरी निरीक्षक तेजप्रसाद भट्टराई, सञ्चारकर्मी तथा स्थानीय भद्रभलादमीहरूको उल्लेखनीय उपस्थिति रहेको थियो ।

काठमाडौँ । गुजरात टाइटन्सले जारी आइपिएल अन्तर्गत दिल्ली क्यापिटल्सलाई पराजित गरेको छ । गएराती सम्पन्न खेलमा गुजरातले दिल्लीमाथि एक रनको रोमाञ्चक जित हासिल गरेको हो ।गुजरातले दिएको २११ रनको लक्ष्य पछाएको दिल्लीले २० ओभरमा ८ विकेट गुमाउदै २०९ रन बनाएको थियो ।

दिल्लीका लागि केएल राहुलले ९२ रन बनाएका थिए भने डेभिड मिलर र पाथुम निसान्काले ४१-४१ रन बनाएका थिए ।त्यस्तै गुजरातका बलर राशिद खानले ३ विकेट लिए भने प्रसिद्ध कृष्णले २ विकेट लिएका थिए ।

यस अघि टस हारेर पहिला ब्याटिंग गरेको गुजरातले २० ओभरमा ४ विकेट गुमाउदै २१० रन बनाएको थियो । गुजरातका लागि शुभमन गिलले सर्बाधिक ७० रन बनाए भने वाशिंटन सुन्दरले ५५ र जोस बटलरले ५२ रन बनाएका थिए ।यस अघि लगातार दुई खेलमा हार बेहोरेको गुजरातको यो पहिलो जित हो ।

त्यस्तै दिल्लीको तेस्रो खेलमा यो पहिलो हार हो ।आइपिएल अन्तर्गत आज कोलकोता नाइट राइडर्स र लखनउ सुपर जाइन्टबीच खेल हुदैछ । एभरेष्ट न्यूज एजेन्सी

काठमाडौँ । जल तथा मौसम विज्ञान विभागले हाल नेपालमा पश्चिमी न्यून चापीय प्रणाली र स्थानीय वायुको प्रभाव रहेको जानकारी दिएको छ ।हाल देशभर साधारणतया बादल लागेको छ । बागमती, गण्डकी र लुम्बिनी प्रदेशका केही स्थानहरूमा, कोशी प्रदेशका पहाडी भू-भाग सहित कर्णाली र सुदूरपश्चिम प्रदेशका थोरै स्थानहरूमा मेघगर्जन/चट्याङ्ग सहित हल्का देखि मध्यम वर्षा भईरहेको छ ।

आज दिउँसो कोशी प्रदेश लगायत देशको पहाडी र हिमाली भू-भागमा साधारणतया बादल लाग्ने तथा बाँकी भू-भागमा आंशिक बादल लाग्नेछ। कोशी प्रदेश लगायत देशका पहाडी तथा हिमाली भू-भागका केही स्थानहरूमा तथा मधेश प्रदेशका थोरै स्थानहरूमा मेघगर्जन/चट्याङ्ग सहित मध्यम वर्षा/हिमपातको सम्भावना रहेको छ ।

त्यस्तै आज राती कोशी प्रदेश लगायत देशको हिमाली भू-भागमा साधारणतया बादल लाग्ने, बाँकी पहाडी भू-भागमा आंशिक बादल लाग्ने तथा तराई भू-भागमा मौसम मूख्यतया सफा रहनेछ । कोशी प्रदेश र गण्डकी प्रदेशको पहाडी र हिमाली भू-भागका थोरै स्थानहरुमा तथा बाँकी हिमाली भू-भागका एक-दुई स्थानमा मेघगर्जन/चट्याङ्ग सहित हल्का वर्षा/हिमपातको सम्भावना रहेको छ। एभरेष्ट न्यूज एजेन्सी

२०८२ चैत २६ गते विहिबार: आजको राशिफल

आजको राशिफल बिस २०८२ चैत २६ गते विहिबार ईस २०२६ अप्रिल ९ नेपाल सम्बत ११४६ चौलाथ्व सप्तमी, सिद्धार्थि नाम संवत्सर सूर्य उत्तरायण, वसन्त ऋतु, चैत शुक्ल सप्तमी, चन्द्रमा धनु राशिमा, मूल नक्षत्र, परिघ योग, विष्टि करण । आज नेपालमा सुर्योदय बिहान ५ बजेर ४८ मिनेटमा र सूर्यास्त साँझ ६ बजेर २६ मिनेटमा हुनेछ । आज जन्म लिने बच्चा धनु राशीको हुनेछ ।

मेष (चु, चे, चो, ला, लि, लु, ले, लो, अ)आफ्नो इच्छानुरूप कार्य गर्न पाउँदा मन प्रसन्न रहनेछ । घरायसी र व्यवहारिक काममा खट्दासमेत फुर्ती जाग्न गई तन पनि स्वस्थ रहनेछ । स्वनिणर्यमा गरेका काममा सफलता मिल्ने दिन भए पनि कुनै महत्त्वकाङ्क्षी काम गर्दै हुनुहुन्छ भने जानकार व्यक्तिको सुझाव ग्रहण गर्नुहोला । नयाँ अनुभवका साथ कसरी अघि बढ्ने भन्ने चिन्तामा केन्द्रित भइने छ, हिसाबकिताबको लेखाजोखा र व्यवस्थापकीय जिम्मेबारीका लागि समय छुट्याउनु पर्ने हुन्छ ।

बृष (इ, उ, ए, ओ, बा, बि, बु, बे, बो) खर्चमा बृद्धि हुनाले बजेट डगमगाउने समय हो, आर्थिक तनावले पतिपत्नीका बीचमा सुलह नहुने गरी विवाद चुलिन सक्छ, सचेत भएर व्यवहार गर्नुहोला । महत्त्वहीन र बेकारका काममा समय नबिताउनु होला, बरु मन स्थिर छैन भने एकछिन आराम गरेर फेरि पठनपाठनमा जुट्नु ठीक हुनेछ । अवसर प्राप्तिका निमित्त दौडधूप र परिश्रम गर्नुपर्ने समय हो, तर आफ्ना भावनालाई नियन्त्रणमा राखी व्यवहार गर्नु समुचित हुन्छ, नत्र यसबाट अरुलाई मात्र होइन, आफू स्वयंलाई समेत हानी पुग्नसक्छ ।

मिथुन (का, कि, कु, घ, ङ, छ, के, को, ह) कुनै पुरानो समस्यामा घोत्लिनुपर्ने तथा असमझदारी बढ्नाले कार्यक्षेत्र प्रभावित बन्नसक्ने दिन छ । तर पनि सहकर्मी र सिनियर्सको सहयोग पाउने दिन हो । भावना साटासाट गर्न पाइने र एकान्तमा रमाउन पाउँदा प्रेमसम्बन्ध अझ प्रगाढ बन्दै जाने समय देखिन्छ, प्रेमीबाट कुनै उपहार प्राप्त हुनेछ । दाजुभाइ अथवा घनिष्ठ मित्रका बारेमा कुनै शुभ समाचार प्राप्त हुनेछ । हरेक क्षेत्रबाट खुसियालीको वातावरण प्राप्त हुने सम्भावना छ ।

कर्कट (हि, हु, हे, हो, डा, डि, डु, डे, डो) कारोबारबाट राम्रै फाइदा हुने दिन छ, फलाम, कोइला, पेट्रोलियम पदार्थ आदि नै तपाईंको व्यापार हो भने अझ राम्रो प्रतिफल पाइने छ । निकै धपेडी गर्ने वेला छ, काम गर्दा अनेकानेक बाधा हुनसक्छन्, तथापि दोहोर्याएर प्रयास गरेमा सबै काम सम्पन्न हुने दिन हो । करियर र भविष्यको सोच सलबलाउनेछ, कोसिस गरेमा कला, वाणिज्य, व्यवस्थापन र शिक्षाशास्त्रका उच्च तहका विद्यार्थीले कुनै अवसरसमेत पाउन सक्नुहुन्छ ।

सिंह (मा, मि, मु, मे, मो, टा, टि, टु, टे) कार्यक्षेत्रबाट कुनै राम्रो समाचार आउनसक्छ । अभिभावक र बुजुर्ग व्यक्तिको सल्लाह मानेमा लक्ष्यप्राप्तिको मार्गमा सफल भइनेछ । याद गर्नुहोला, आजको दिन राम्रो बनाउन स्वयं आफ्ना लागि समय निकाल्न सक्नुपर्छ । मान्यजन वा उच्चपदस्थ अधिकारीहरूले हृदयदेखि नै प्रशंसा गर्नेछन्, त्यस्तै अर्काको सहयोग गर्न पाउँदा सन्तोषको अनुभूति हुने समय छ । रोमान्टिक जीवनभन्दा पनि यतिवेला घरपरिवार र अभिभावक महत्त्वपूर्ण बन्नसक्छन्, भावनालाई नियन्त्रण गरी कुराकानी गर्ने र पार्टनरलाई फकाउने प्रयास गर्नुहोला । आजका लागि शुभअङ्क ९, शुभ रङ गुलाबी र शुभ दिशा पूर्व हो । त्यस्तै कुनै नगरी नहुने काम छ वा 

कन्या (टो, प, पि, पु, ष, ण, ठ, पे, पो) यन्त्र वा उपकरणको प्रयोगमा सावधान हुनुपर्छ, विवाद वा लफडामा पनि पछि हट्नुहोला, समस्या परेमा सिनियर कर्मचारीको सहयोग लिनु बेस हुनेछ । पार्टनरसँग कुनै नौलो र रमणीय ठाउँको यात्रा गर्ने तिर्सना जाग्नसक्छ, तर परिबन्दमा खुम्चनु पर्दा मन निराश बन्ने समय हो । दिमाग बोझिलो बन्ने भएकाले ससाना कुरामा समेत विवादको परिस्थिति बन्नसक्छ, त्यसैले महत्त्वहीन र बेकारका काममा शक्ति र समय खर्च गर्नुहुँदैन ।

तुला (र, रि, रु, रे, रो, ता, ति, तु, ते) गृहस्थी जीवन र पारिवारिक सुखको आत्मिक अनुभूति प्राप्त हुनेछ । पतिपत्नीले एकआपसमा एउटा सुखद अनुभूति साझा गर्ने दिन हो । तपाईंलाई गुरुवर्ग र अभिभावकले निकै भरोसा र विश्वास राखेको देखिन्छ, अतः लक्ष्यप्रति सचेत भई टुप्पी कसेर मिहिनेत गर्ने समय छ । व्यक्तित्वमा निखार आउने छ, धेरैको मन लोभ्याउन सकिने र प्रेमिल भावना विकसित हुने दिन हो । तर आत्मकेन्द्रित भइदिनु र आफ्ना बारेमा मात्र सोच्नुले नजिकका आफन्तहरू टाढिने परिस्थिति बन्नसक्छ ।

बृश्चिक (तो, ना, नि, नु, ने, नो, या, यि, यु) प्रेमीको स्वास्थ्यस्थिति वा कार्यक्षेत्रमा समस्या उत्पन्न हुनाले मन निराश बन्नसक्छ, तर पनि मौका मिलाएर भावना साटासाट गर्न पाउँदा शान्तिको अनुभूति हुनेछ । बढी खर्च हुने तथा व्यर्थका काममा अल्मलिएर दिन बित्ने परिस्थिति छ । झगडाको योगसमेत बनेको हुँदा मुखलाई कन्ट्रोलमा राखी काममा खटेको जाती हुन्छ । खेलकुद, उपहार सामाग्री, स्वास्थ्य र सरसफाइको व्यवसायमा राम्रै देखिन्छ, तर सँगीसाथी र साझेदारको क्रियाकलाप चित्तबुझ्दो नलाग्न सक्छ ।

धनु (ये, यो, भ, भि, भु, ध, फा, ढ, भे) मन प्रेमिल बन्ने समय हो । नयाँरनयाँ विषय र काम प्रति जागरुकता बढ्नुका साथै रचनात्मक र सीपमूलक काममा सफलता मिल्नेछ । सानो प्रयत्नले हैसियतमा बृद्धि हुनेछ, क्षमता र बुद्धिको उपयोग गर्दा कारोबारले गति समात्न थाल्नेछ, साथै अड्किएका काम पनि पुनः प्रारम्भ हुनेछन् । पारिवारिक वातावरण ठीकै छ, तर छोराछोरीको इच्छा बुझेर काम गर्ने हुँदा बजेट डगमगाउने तथा पारिवारिक जीवनमा मनोमालिन्य बढ्नसक्ने समय छ ।

मकर (भो, ज, जि, खि, खु, खे, खो, गा, गि) पारिवारिक समस्याले खिन्न बनाउनेछ, तर आज लापरबाही गर्ने वा भुलिने दिन होइन किनभने आज गरेको मिहिनेतले राम्रो रिजल्ट दिनसक्छ । निणर्यात्मक काममा ध्यान केन्द्रित हुँदैन, घरायसी समस्या र सुखका बारेमा चिन्तन गर्ने दिन हो । विशेष काम गर्नुछ भने अभिभावक, पत्नी वा छोराछोरीका इच्छा बुझेर अघि बढ्नु ठीक हुन्छ । पेसागत र व्यवसायिक परिस्थिति राम्रै देखिन्छ, तर आज घरपरिवारलाई पनि केही समय छुट्याउनु होला, नत्र आपसी विचाररविमर्शमा खाडल सिर्जना हुनेछ ।

कुम्भ (गु, गे, गो, सा, सि, सु, से, सो, द) नजानेको वा नसुल्झिएको विषयवस्तुमा सहपाठीको सहयोग लिनुहोला, किनकि जब तपाईंको उद्देश्य सुदृढ हुन्छ, कडा परिश्रम विकल्प होइन आवश्यकता बन्ने गर्दछ । बन्धुवान्धव र छरछिमेकका काममा सघाउनुपर्ने परिस्थिति छ, त्यस्तै खाँचो परेमा उनीहरूबाट सहयोग लिन पनि सकिने छ । आध्यात्मिक मनोभावको विकास हुनेछ, साथै मन्दिर वा स्मारकको भ्रमणबाट शान्तिको अनुभूति हुनेछ । कडा परिश्रमको उत्कृष्ट नतिजा प्राप्त हुनेछ, सहकर्मीहरूले तपाईंको क्षमतामाथि विश्वास गर्न थाल्नेछन्, जुनियर स्टाफ र सहयोगीका भावनालाई बुझ्ने प्रयास गर्नुहोला ।

मीन (दि, दु, थ, झ, ञ, दे, दो, च, चि) अभिव्यक्तिगत कलात्मकता एवं आन्तरिक प्रतिभा प्रस्फुटन हुने राम्रो समय छ, वौद्धिक क्षेत्र, प्रकाशन वा एजेन्सीसम्बद्ध काम गर्नेले फाइदा लिने र इज्जत कमाउने दिन हो । अठोट र निणर्यहरूमा सफलता मिल्नेछ । अचानक कुनै यात्राको योजना पनि बन्नसक्छ, तर त्यसबाट पनि लाभ उठाउन सकिने दिन हो । जीवनसाथी र परिवारका सदस्यहरूबाट अपेक्षित सहयोग एवं सद्भाव मिल्नेछ, कुनै आर्थिक समस्या छ भने प्रयास गरेमा हल हुने समय हो । एभरेष्ट न्यूज एजेन्सी