काठमाडौँ । देशका २६ सार्वजनिक संस्थान नाफामा गएको देखिएको छ ।
अर्थ मन्त्रालयले आइतबार संसद्मा प्रस्तुत गरेको सार्वजनिक संस्थानको वार्षिक स्थिति समीक्षा अनुसार २६ सार्बजनिक संस्थान नाफामा गएका छन् भने १५ संस्थान नोक्सानीमा गएका छन् । त्यस्तै तीन संस्थानको कारोबार शुन्य छ । कुल सार्बजनिक संस्थानको संख्या ४४ रहेको छ ।
अघिल्लो आर्थिक वर्षमा सञ्चालनमा रहेका सार्वजनिक संस्थानमध्ये २५ नाफामा र १७ नोक्सानीमा सञ्चालित थिए । अत्याधिक नाफा आर्जन गर्ने सार्बजनिक संस्थानमा नेपाल आयल निगम, नेपाल विद्युत प्राधिकरण, नेपाल दूरसञ्चार कम्पनि लिमिटेड, नागरिक लगानी कोषलगायत रहेका छन् ।
त्यस्तै आव २०७९-८० मा नोक्सानीमा गएका संस्थानमा नेपाल वायुसेवा निगम, नेपाल खानेपानी संस्थान, दुग्ध विकास संस्थान, उदयपुर सिमेन्ट र नेपाल टेलिभिजन रहेका छन् । न्युज कारखाना
काठमाडौँ । चक्रवात रामलले गति लिएपछि बंगलादेशको तटीय क्षेत्रसँग जोडिएका धेरै गाउँहरू खाली गरिँदै छन् । हजारौं मानिसहरु सुरक्षित स्थानको खोजीमा गाउँमा घरबार छाडिरहेका छन् ।
चक्रवात रेमाल आइतबार साँझ ठूलो चक्रवाती आँधीमा परिणत हुने अनुमान गरिएको छ ।
तटीय क्षेत्रका माछा मार्नेहरूलाई समुन्द्रमा नजान आग्रह गरिएको छ । समुन्द्रतर्फ गएकाहरुलाई जतिसक्दो चाँडो फर्किन भनिएको छ ।
यो चक्रवात २६ मेको मध्यरातमा बंगलादेश र पश्चिम बंगालको तटमा पुग्न सक्ने बताइएको छ । भारतीय मौसम विज्ञान विभागले सागर टापुबाट करिब ४२० किलोमिटर दक्षिणमा रहेको पूर्वी–मध्य बंगालको खाडीमा रहेको भारी न्यून चापीय रेखा रहेको जनाएको छ ।
पश्चिम बंगालको दक्षिण २४ परगना र उत्तर २४ परगना जिल्लाहरूमा पनि चेतावनी जारी गरिएको छ र मानिसहरूलाई कमजोर भवनहरू खाली गर्न भनिएको छ।
हावाहुरीका कारण धेरै ठाउँमा बाढी आउन सक्ने तथा बिजुली तथा सञ्चार सम्पर्कमा क्षति पुग्न सक्ने मौसम पूर्वानुमान महाशाखाले चेतावनी दिएको छ ।न्युज कारखाना
काठमाडौं । आइसीसी टी-२० विश्व कप अघिका वार्म अप खेल आजदेखि शुरु हुदै छन् । आज नेपालले वार्म अप खेलमा क्यानडाको सामना गर्दै छ ।
अमेरिकाको डल्लासस्थित क्रिकेट मैदानमा हुने यो खेल नेपाली समय अनुसार राति ९: १५ बजेदेखि शुरु हुदै छ ।
नेपाल र क्यानडावीच अहिलेसम्म एक मात्र टी-२० अन्तर्राष्ट्रिय खेल भएको छ । २०२२ को फेब्रुअरी २१ मा भएको सो खेल नेपालले जितेको थियो ।
आइसीसीको टी-२० वरियतामा नेपाल १७औं स्थानमा छ भने क्यानडा २३औं स्थानमा रहेको छ ।
नेपालले यो खेलपछि मे ३० मा डलासमै अमेरिकाविरुद्ध खेल्ने तालिका रहेको छ । न्युज कारखाना
काठमाडौँ । कोलकोता नाइट राइडर्सले इण्डियन प्रिमियर लिग (आइपिएल) को उपाधि जितेको छ ।
आइतबार सम्पन्न फाइनल खेलमा कोलकोताले सनराइजर्स हैदरावादलाई ८ विकेटले पराजित गर्दै तेस्रो पटक आइपिएलको उपाधि जितेको हो ।
सनराइजर्सले दिएको ११४ रनको लक्ष्य पछाएको कोलकोताले १०.३ ओभरमा २ विकेट गुमाएर लक्ष्य पुरा गरेको हो । कोलकोताका लागि बेंकटेश अय्यरले सर्बाधिक ५२ रन बनाए भने रह्मनुल्लाह गुरबाजले ३९ रन बनाएका थिए ।
यसअघि टस जितेर पहिला ब्याटिंग गरेको सनराइजर्सले १८.३ ओभरमा अल आउट हुदै ११३ रन बनाएको थियो ।
सनराइजर्सका लागि कप्तान पाट कमिन्सले सर्बाधिक २४ रन बनाएका थिए भने एडन मार्क्रमले २० रन बनाएका थिए । त्यस्तै कोलकोताका बलर आन्द्रे रसेलले सर्बाधिक ३ विकेट लिए भने हर्षित राना र मिचेल स्टार्कले २-२ विकेट लिएका थिए ।
यो जितसँगै कोलकोताले २०१२ र २०१४ पछि तेस्रो पटक आइपिएलको उपाधि जितेको छ । कोलकोता २०२१ मा फाइनलमा पुगेर पराजित भएको थियो ।न्युज कारखाना
राैतहट,१३ गते जेठ । नेकपा एमाले कोशी प्रदेशका प्रदेश सभा सदस्य मिना श्रेष्ठले जब सम्म महिला र पुरुष बीचको समानता कायम नभए सम्म महिला माथि हुने हिंसा विभेदको अन्त्य नहुने बताएका छन्। रौतहट जिल्लाको चन्द्रनिगाहपुरमा पत्रकार संग कुरा गर्दै पुर्ब प्रधानमन्त्री केपी शर्मा ओलीका स्वकीय सचिव रुपमा काम गरेकी प्रदेश सांसद श्रेष्ठले महिला संग गर्भ देखी नै विभेद हुने गरेको बताए। इटहरी उप महानगर पालिका वडा नम्बर ६ घर भएकी प्रदेश सांसद श्रेष्ठ २०४६ साल देखी राजनीतिक क्षेत्रमा लागेको बताइन। महिला जुन सुकै चुनौतीको सामना गर्न सक्षम रहेको बताउदै अवसर नपाएर महिला पछाडी परेको जिकिर गरे। राजनीतिक क्षेत्रमा आउदा घर परिवार समाजको तिखो आलोचनाको शिकार हुनु पर्ने उल्लेख गर्दै विभेद हटाउन महिला शिक्षित र आत्मनिर्भर हुनु पर्ने धारणा राखे। नेकपा एमाले को बर्गीय संगठन जनसंस्कृतिक मंचको सदस्य बाट राजनीतिक यात्रा शुरु गरेकी श्रेष्ठ वडा कमिटि, नगर कमिटि, क्षेत्रीय कमिटि हुदै जिल्ला कमिटि देखी केन्द्रिय बिभाग सम्मको जिम्मेवारी निर्वाह गरेको बताए। नेपालमा बिभिन्न कालमा भएको संघर्ष, आन्दोलनले सत्ता परिवर्तन भएपनि महिला प्रति हेर्ने दृष्टिकोणमा अहिले सम्म चाहे जतिको परिवर्तन हुन नसकेको भनाइ उहाको रहेको छ। पितृ सतात्मक सोचले जरो गाडेको समाजमा महिला प्रति बिभिन्न बहानामा दमन शोषण विभेद गर्ने कार्य जारी नै रहेको उल्लेख गरे। राजनीतिकमा महिलालाइ धेरै नै समस्याको चुनौतीको सामना गर्नु पर्ने बताउदै प्रदेस सांसद श्रेष्ठले अवसर पाए महिलाले पुरुष जस्तै कार्य गरेर देखाउन सकिने दावी गरे। बुबाको क्रियामा बसेको बेला रौतहट आएकी सांसद श्रेष्ठले विभेद, हिंसा अन्त्य गर्न महिलाले पूर्ण रुपमा सक्षम हुनु पर्ने जरुरी रहेको बताए। कोशी प्रदेश सरकारले महिलालाइ कानुनी रुपमा अधिकार सुनिश्चित गर्नको लागी दलित, मुस्लिम, आदिबासी जनजाती लगायत बिभिन्न जातीय आधारमा आरक्षणको कानुन बनाउन लागिएको जानकारी गराए। प्रदेश सांसद श्रेष्ठले भने आफु राजनीतिकमा आउदा पारिवारिक, सामाजिक आलोचनाको समाना गर्नु परेको थियो महिला हुदैमा यो गर्न पाउदैन त्यो गर्न पाउदैन भन्न नमिल्ने बताए। भनाइमा महिलालाइ सबै क्षेत्रमा सहभागिता हुनु पर्ने भने पनि व्यवहारिक रुपमा कुनै राजनीतिक दलले पूर्ण रुपमा लागु गर्न नसकेको टिप्पणी गरे। राजनीतिक, आर्थिक सामाजिक रुपमा महिला सबल सक्षम र साशक्त नभए सम्म महिला प्रति गरिने विभेदको अन्त्य नहुने तर्क उहाको रहेको छ।
सप्तरी,जेठ १३ गते । सप्तरीको बोदे बर्साईन नगरपालिकाले विभिन्न वडामा सञ्चालित स्वरोजगार कार्यक्रमको अनुगमन गरेको छ। नगरपालिकाका नगर प्रमुख आतेश कुमार सिंह लगायतको प्राविधिक टोलीले अनुगमन गरेको हो। टोलीले विभिन्न समस्या बारे सहभागी कामदारसँग छलफलसमेत गरेको छ। छलफलको क्रममा नगर प्रमुख सिंहले आफ्नो पालिकामा ठुलो उद्योग, कलकारखाना नरहेका कारण युवाले रोजगारी पाउन नसकिरहेको बताउनुभयो। उहाँले प्रधानमन्त्री स्वरोजगार कार्यक्रम अन्तर्गत पनि बजेट अनुसार रोजगारी दिनुपर्ने बाध्यताका कारण सबैलाई यस कार्यमा समेट्न नसकिरहेको उल्लेख गर्नुभयो। यसैबिच, नगरपालिकाको रोजगार सेवा केन्द्रले यस वर्ष धेरै जसो महिला र केहि मात्रामा पुरुष गरी रोजगारी दिएको छ। रोजगार सेवा केन्द्रका शाखाका संयोजक ब्रहम देव यादवका अनुसार पाँच वर्षमा सयौं जनाले रोजगारी पाइसके छन्। पछिल्ला वर्षमा रोजगारी पाउनेको सङ्ख्या घट्दै गएको छ। रोजगार सेवा केन्द्रलाई प्राप्त हुने बजेट घट्दै गएकाले रोजगारी पाउनेको सङ्ख्या घटाउनुपरेको बोदे बर्साईन नगरपालिकाका रोजगार प्रमुख यादवले बताउनुभयो।
राैतहट,१३ गते जेठ । नेकपा एमाले कोशी प्रदेशका प्रदेश सभा सदस्य मिना श्रेष्ठले जब सम्म महिला र पुरुष बीचको समानता कायम नभए सम्म महिला माथि हुने हिंसा विभेदको अन्त्य नहुने बताएका छन्। रौतहट जिल्लाको चन्द्रनिगाहपुरमा पत्रकार संग कुरा गर्दै पुर्ब प्रधानमन्त्री केपी शर्मा ओलीका स्वकीय सचिव रुपमा काम गरेकी प्रदेश सांसद श्रेष्ठले महिला संग गर्भ देखी नै विभेद हुने गरेको बताए। इटहरी उप महानगर पालिका वडा नम्बर ६ घर भएकी प्रदेश सांसद श्रेष्ठ २०४६ साल देखी राजनीतिक क्षेत्रमा लागेको बताइन। महिला जुन सुकै चुनौतीको सामना गर्न सक्षम रहेको बताउदै अवसर नपाएर महिला पछाडी परेको जिकिर गरे। राजनीतिक क्षेत्रमा आउदा घर परिवार समाजको तिखो आलोचनाको शिकार हुनु पर्ने उल्लेख गर्दै विभेद हटाउन महिला शिक्षित र आत्मनिर्भर हुनु पर्ने धारणा राखे। नेकपा एमाले को बर्गीय संगठन जनसंस्कृतिक मंचको सदस्य बाट राजनीतिक यात्रा शुरु गरेकी श्रेष्ठ वडा कमिटि, नगर कमिटि, क्षेत्रीय कमिटि हुदै जिल्ला कमिटि देखी केन्द्रिय बिभाग सम्मको जिम्मेवारी निर्वाह गरेको बताए। नेपालमा बिभिन्न कालमा भएको संघर्ष, आन्दोलनले सत्ता परिवर्तन भएपनि महिला प्रति हेर्ने दृष्टिकोणमा अहिले सम्म चाहे जतिको परिवर्तन हुन नसकेको भनाइ उहाको रहेको छ। पितृ सतात्मक सोचले जरो गाडेको समाजमा महिला प्रति बिभिन्न बहानामा दमन शोषण विभेद गर्ने कार्य जारी नै रहेको उल्लेख गरे। राजनीतिकमा महिलालाइ धेरै नै समस्याको चुनौतीको सामना गर्नु पर्ने बताउदै प्रदेस सांसद श्रेष्ठले अवसर पाए महिलाले पुरुष जस्तै कार्य गरेर देखाउन सकिने दावी गरे। बुबाको क्रियामा बसेको बेला रौतहट आएकी सांसद श्रेष्ठले विभेद, हिंसा अन्त्य गर्न महिलाले पूर्ण रुपमा सक्षम हुनु पर्ने जरुरी रहेको बताए। कोशी प्रदेश सरकारले महिलालाइ कानुनी रुपमा अधिकार सुनिश्चित गर्नको लागी दलित, मुस्लिम, आदिबासी जनजाती लगायत बिभिन्न जातीय आधारमा आरक्षणको कानुन बनाउन लागिएको जानकारी गराए। प्रदेश सांसद श्रेष्ठले भने आफु राजनीतिकमा आउदा पारिवारिक, सामाजिक आलोचनाको समाना गर्नु परेको थियो महिला हुदैमा यो गर्न पाउदैन त्यो गर्न पाउदैन भन्न नमिल्ने बताए। भनाइमा महिलालाइ सबै क्षेत्रमा सहभागिता हुनु पर्ने भने पनि व्यवहारिक रुपमा कुनै राजनीतिक दलले पूर्ण रुपमा लागु गर्न नसकेको टिप्पणी गरे। राजनीतिक, आर्थिक सामाजिक रुपमा महिला सबल सक्षम र साशक्त नभए सम्म महिला प्रति गरिने विभेदको अन्त्य नहुने तर्क उहाको रहेको छ।
सर्लाही,१३ गते जेठ । पछिल्लो समय खुला सिमानाकाको फाईदा उठाउँदै भन्सार छल गरि भित्र्याउने समानलाई प्रहरीले पक्राउ गर्न थालेको छ । सर्लाहीमा बिभिन्न बाटो प्रयोग गर्दै भन्सार छल गरेर भित्र्याउँदै गरेको करिव ६ लाख मुल्य बराबरको समान प्रहरीले आईतबार बरामद गरेको छ । प्रहरीले जिल्लाका बिभिन्न स्थानबाट भन्सार छलेर ल्याउँदै गरेको अवस्थामा लत्ताकपडा, ब्याग, सुटकेश, पेय पदार्थ र किरानाका समानहरु बरामद गरेको हो । २ ओटा भारतिय नम्बरको मोटरसाईकलसहित बरामद समानको मुल्य करिव ५ लाख ९९ हजार ९६५ रुपैँया रहेको जिल्ला प्रहरी कार्यालय सर्लाहीका प्रवक्ता, प्रहरी नायव उपरिक्षक दिपक श्रेष्ठले जानकारी दिए । बरामद समान आवश्यक कारवाहिका लागी भन्सार कार्यालय मलंगवामा बुझाईएको प्रवक्ता डिएसपी श्रेष्ठले बताए । ३ दिन अघि पनि सर्लाही प्रहरीले करिव साँढे २१ लाख मुल्य बराबरको भन्सार छलिका समान बरामद गरि भन्सार कार्यालय मलंगवामा बुझाएको थियो । जिल्लाका बिभिन्न स्थानमा खटिएको प्रहरीले लत्ता कपडा, कस्मेटिक र किरानाका समानहरु सवारी साधनसहित बरामद गरेको थियो । जिल्ला प्रहरी कार्यालयका अनुसार ५ ओटा मोटरसाईकल र २ ओटा जिपसमेत बरामद गरि करिव २१ लाख ४६ हजार २९५ रुपैँया बराबरको समान भन्सार कार्यालयमा बुझाएको जिल्ला प्रहरी कार्यालयका प्रवक्ता डिएसपी श्रेष्ठले जानकारी दिए ।
काठमाडौँ । नेपालमा स्थानीय वायु तथा भारतको उत्तर प्रदेश आसपास रहेको न्यून चापीय प्रणालीको आंशिक प्रभाव रहेको छ ।
हाल गण्डकी र लुम्बिनी प्रदेश लगायत आंशिक देखि साधारणतया बदली रही बाँकी भू-भागमा आंशिक देखि मौसम मुख्यतया सफा रहेको छ । गण्डकी प्रदेशको पहाडी भू-भागका थोरै स्थानहरुमा, लुम्बिनी प्रदेशको तराई भू-भागका एक-दुई स्थानमा मेघगर्जन/चट्याङ्ग सहित हल्का देखि मध्यम वर्षा भैरहेको छ ।
आज दिउँसो कोशी, मधेश, बागमती र गण्डकी प्रदेश लगायत देशको पहाडी भू-भागमा साधारणतया बदली रही बाँकी भू-भागमा मौसम आंशिक बदली रहने छ। कोशी, मधेश र बागमती प्रदेशका केही स्थानहरूमा, गण्डकी र लुम्बिनी प्रदेशका थोरै स्थानहरूमा तथा बाँकी पहाडी भू-भागका एक-दुई स्थानमा मेघगर्जन/चट्याङ्ग/हावा हुरी सहित हल्का देखि मध्यम वर्षाको सम्भावना रहेको छ। कोशी प्रदेशको उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ।
त्यस्तै आज राती कोशी प्रदेशमा पूर्ण बदली, मधेश, बागमती र गण्डकी प्रदेश लगायत बाँकी पहाडी भू-भागमा आंशिक देखि साधारणतया बदली रही बाँकी भू-भागमा मौसम आंशिक बदली रहने छ। कोशी प्रदेशका केही स्थानहरूमा, गण्डकी प्रदेशका थोरै स्थानहरूमा मेघगर्जन/चट्याङ्ग/हावा हुरी सहित हल्का देखि मध्यम बर्षा तथा मधेश प्रदेश लगायत बाँकी पहाडी भू-भागका एक-दुई स्थानमा मेघगर्जन/चट्याङ्ग/हावा हुरी सहित हल्का वर्षाको सम्भावना रहेको छ। कोशी प्रदेशको उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ ।न्युज कारखाना
