कटहरियामा व्यक्तीगत घटना दर्ता शिविर सम्पन्न

मँजय राम,कटहरिया,चैत ०२ गते

नागरिकको व्यक्तिगत घटना दर्ता तथा सामाजिक सुरक्षा नेपाल सरकारको दर्ता शिविर मार्फत प्राथमिकता कार्यक्रम अन्तर्गत व्यक्तिगत घटना दर्ता शिविर कटहरिया नगरपालिका ९ डुमरियामा सम्पन्न भएको छ ।

आरडिसि नेपालको आयोजनामा बिहिवार एक दिने दर्ता शिविर सम्पन्न भएको हो । आज कटहरिया नगरपालिकाको डुमरिया टोलमा पुगि दर्ता शिविर सम्पन्न भएको वडा अध्यक्ष रुपेश यादवले जानकारी दिनु भयो । जसमा जन्म दर्ता २३, विवाह दर्ता २ र मृत्यु दर्ता १ गरिजम्मा २६ जनाले सेवा लिएका थिए ।

शिविर कार्यक्रम वडा सदस्यहरू सुरेन्द्र ठाकुर, बुधनी देवी लगायत वडा सचिव सुरेन्द्र कुमार यादव,वडाका कर्मचारीहरु लगायतको सहयोगमा कार्यक्रम सम्पन्न भएको थियो । वडा अध्यक्ष रुपेश कुमार यादवको विशेष पहलमा जनचेतनाको कमी जस्ता विभिन्न कारणले वडा कार्यालय सम्म पुग्न सक्दैनन् उनीहरुको लागि लक्षित गरि व्यक्तीगत घटना शिविर आयोजना गरिएको थियो । सो टोलको मुसहर बस्तीमा दर्ता शिविर सञ्चालन गरिएको वडा अध्यक्ष यादवले जानकारी दिनु भयो ।