Breaking News

खेर्सनमा युक्रेनी हमलामा २३ रुसी सेनाको मृत्यु, दर्जनौँ घाइते

मस्को,११ कात्तिक

रुसी राष्ट्रपति भ्लादिमिर पुटिनका नजिकका सहयोगी चेचेन नेता रमजान कादिरोभले बिहीबार भनेका छन् कि यस हप्ता युक्रेनी हमलामा  २३ रुसी सैनिक मारिएका  र अन्य ५८ जना घाइते भएका छन् ।

कादिरोभको टिप्पणी असामान्य थियो किनभने युद्ध सुरु भएदेखि नै मस्को समर्थक सेनाहरूले युद्धभूमि आफूतर्फ भएको क्षति स्वीकार गरेका छैनन्। टेलिग्राममा जारी विज्ञप्तिमा कादिरोभले उक्त घटना दक्षिणी खेरसन क्षेत्रमा भएको बताए ।

“स्थलमा सबै उद्धार कार्यहरू पूरा भइसकेका छन् र मृतक र घाइतेहरूको अन्तिम सूची छ – २३ सैनिकहरू मारिएकबा छन् र ५८ घाइते छन्,“ उनले भने।
रुसको दक्षिणी मुस्लिम बाहुल्य क्षेत्र चेचन्याको नेतृत्व गर्ने कादिरोभले आफूलाई पुटिनको सिपाहीको रूपमा वर्णन गर्दै युद्धमा लड्न हजारौं मानिसहरू पठाएको बताए।एजेन्सी

Leave a Reply

Your email address will not be published. Required fields are marked *

*

Bajjikanchal Khabar