रौतहट,०८ गते पुस ।
रौतहटको देवाही गोनाही नगरपालिका–७ उचिडिहका आधारभुत विद्यालयका प्रधानाध्यापक मुक्ति प्रसाद कुश्वाहाले आफना बारेमा केहि व्यक्तिहरुले गलत प्रचारबाजी गरी भ्रम फैलाएको बताएका छन् ।
विद्यालयमा भएको प्रगति हेर्न नचाहने केहि आफना केहि विरोधीहरुले विद्यालय भवन निर्माणमा गुणस्तरहीण सामग्रि प्रयोग गरेको, व्यक्तिगत जग्गामा विद्यालय भवन निर्माण गर्न लागेको र गैरकानुनी तरिकाले कर्मचारी नियुक्त गरेको जस्ता वहियात, कपोकल्पित, भ्रामक एवं भुठा आरोप लगाई आफुलाई बदनाम गर्ने षडयन्त्र रचेको प्रधानाध्यापक कुश्वाहाले आरोप लगाएका छन् ।
राष्ट्रपति शैक्षिक सुधार कार्यक्रम अन्तर्गत लाखौको लागतमा सो विद्यालयमा निर्माण भइरहेको विद्यालय भवनमा कहिकतै गुणस्तरहीन वा कमसल सामग्रि प्रयोग नगरिएको कुश्वाहाले दावी गरेका छन् । तर विपक्षीले भ्रष्टाचार गर्ने नियतले गुणस्तरहीन सामग्रि प्रयोग गरेको भनी आफना बारे गलत प्रचारबाजी गरी जनतालाई भ्रमित गर्न खोजेको भन्दै उनले दुख व्यक्त गरे ।
गलत प्रचारबाजीको पछि नपर्न आग्रह गर्दै उनले सम्बन्धित ठाउँमा आएर वास्तविकता हेरेर बुझेर मात्र केहि लख्न उनिहरुलाई सुझाव दिए ।
कक्षा ८ सम्म पढाइ हुने उक्त विद्यालयमा लामो समयदेखी रहेको भवनको अभावमा बालबालिकाको पठनपाठनमा समस्या हुँदै आएकोले राष्ट्रपति शैक्षिक सुधार कार्यक्रम अन्तर्गत चार कोठे एक तल्ले भवन निर्माणको काम अगाडि बढाइएको विद्यालयका प्रधानाध्यापक मुक्ति प्रसाद कुश्वाहाले बताएका छन् ।
३६ लाख रुपैयाँको लागतमा अत्याधुनिक शौचालय सहितको सुविधा सम्पन्न विद्यालय भवन निर्माणको काम दु्रत गतिमा अगाडि बढेको प्रधानाध्यापक कुश्वाहाले बताए ।
चलु आर्थिक वर्षको मसान्तसम्म निर्माण कार्य पुरा गर्ने लक्ष्यका साथ भवन निर्माण कार्य भइरहेको बताउँदै उनले भवन निर्माणपछि वर्षौदेखी रहेको भवन अभावको समस्या समाधान हुने बताए ।
विद्यालय भवन निर्माणका लागि स्थानीय भैरोलाल महतोसंग खरिद गरिएको जग्गामा उक्त भवन निर्माण भइरहेको उनले बताए ।
महतोसंग जग्गा खरिद गरिएपनि उक्त जग्गा अझै विद्यालयको नाममा पास हुन सकेको छैन । विद्यालयको लागि स्थानीय सरकारले मात्र जग्गा खरिद गर्ने र पालिकाले विद्यालयको नाममा हस्तान्त्रण गर्ने प्रावधान रहेको हुँदा उक्त जग्गा पालिका मार्फत हुँदै यसै चालु आर्थिक वर्ष भित्रमा विद्यालयको नाममा हस्तान्त्रण भइसक्ने उनले बताए ।
तर विपक्षीले प्रधानाध्यापक कुश्वाहाले अरुको निजी जग्गामा विद्यालय भवन निर्माण गराइरहेको भनी लगाएको आरोपमा कुनै सत्यता नरहेको उनले बताए ।
त्यस्तै सो विद्यालय भवन निर्माणका लागि पालिकाले पनि ३० लाख रुपैयाँ दिने कुरा आफुले सुनेको तर अहिलेसम्म विद्यालयको खातामा नआएको समेत उनले बताए ।
भवन निर्माणपछि एउटै कोठामा बढी विद्यार्थीलाई राखेर पढाउनुपर्ने बाध्याता अन्त्य हुने र बालबालिकालाई पठनपाठन गर्न पनि निकै सहज हुने छन् ।
त्यस्तै आफुले नियमसंगत नै विद्यालयमा अपुग रहेको केहि कर्मचारी आफुले नियुक्त गरेको भएपनि विपक्षीले प्रधानाध्यापक कुश्वाहा गैरकानुनी तरिकाले कर्मचारी नियुक्त गरेको भन्दै भ्रम फैलाएको उनले बताए ।
आफुले नेपाल सरकारको नियम र कानुनको परिधि भित्र नै रहेर शिक्षा नियमावलीमा रहेको प्रावधान एवं दायराको भित्र नै रहेर कर्मचारी नियुक्त गरेको प्रधानाध्यापक कुश्वाहाको दावी छ ।
यसअघि देवाही गोनाही नगरपालिकामा प्रअ कुशवहाले विभिन्न शिर्षकमा अनियमितता गरेको भन्दै कार्यवाही गर्न ज्ञापनपत्र बुझाईएको थियो ।
