<
काठमाडौैं,७ मंसिर ।
शैक्षिक योग्यताको नक्कली प्रमाणपत्र पेश गरेर जागिर खाएको आरोपमा एक शिक्षकमाथि मुद्दा दायर गरिएको छ ।
रुपन्देहीको मुक्तिधाम आधारभूत विद्यालयकी शिक्षक डिलमाया कुमारी कडेलले राहत कोटाको शिक्षक दरबन्दीमा नियुक्ति पाउन नक्कली शैक्षिक प्रमाण पत्र पेश गरेको भन्दै विशेष अदालतमा मुद्दा दर्ता भएको हो ।
अख्तियार दुरुपयोग अनुसन्धान आयोगले भारतबाट जारी भएको हाई स्कूल परीक्षा तहको झुट्टा शैक्षिक योग्यताको प्रमाणपत्र पेश गरेको भन्दै मुद्दा दर्ता गरेको हो ।
उनीमाथि शिक्षक पदमा कार्यरत रही लाभ लिई भ्रष्टाचार गरेको आरोप लगाइएको छ । भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुरमा ऐनको दफा १६ को उपदफा (१) वमोजिमको सजाय हुन मागदावीसमेत गरिएको छ ।
नेपाल भ्युज
यो खबर पढेर तपाईलाई कस्तो महसुस भयो ?
+1
+1
+1
+1
+1
