पर्व नजिकिए सँगै मधेसकाे गाउँगाउँमा देखिन थाल्यो दुलदुल घाेडा

पर्व नजिकिए सँगै मधेसकाे गाउँगाउँमा दुलदुल घाेडा देखिन थालेको छ । तराई मधेसमा लाेप हुँदै गएको दुलदुल घाेडा नाच अहिले गाउँघर तिर आउन थालेका छन् । काठले बनाएको घोडालाई रंगिन कागजले रङ्गीचङ्गी बनाई कम्मरमा बाँधेर नाच्ने नाचलाई दुलदुल घोेडा भन्ने गरिन्छ । तराई मधेसका भाँट समुदायले पेशागत रूपमा गर्दै आएपनि अहिले यहाँका ती समुदायले याे पेशा छाेडेपछि छिमेकी देश भारत बाट आएका दुलदुल घाेडा बालाहरू याे नाच देखाउने गरेका छन् ।

नाचेर माग्ने भएकाले ती युवाहरू यसप्रति आकर्षित छैनन् । र उनीहरूकाे रुचि पनि यसमा देखिदैन । भारत बिहारकाे माेतिहारी जिल्ला घर भएका माेमताज भाँट भन्छन् यूवाहरू यस प्रति आकर्षित नभएकै कारण लाेप हुँदै गएको छ । उनले चिन्तापनि व्यक्त गरे । हामीले अहिलेसम्म याे पेशालाई जाेगाइ राखेका छाैं ।

सदियाैंदेखि चलि आएको याे परम्परा जाेगाउन अहिले धाैधाै भईरहेकाे छ । यसरी नाच देखाए बापत किसानहरू दिएकाे चामल दैनिक करिब ५० किलाे सम्म पुग्ने गरेको भाँटकाे भनाइ छ । धान बाली लगाएर किसान फुर्सदमा भएको बेला उनीहरू आउने गरेका छन् । उनीहरू असाेज,कार्तिक,मंसिर, पुस महिनामा नाच नाचेर कमाउने गरेको बताए । पारिवारिक समूहमा आएका उनीहरू मध्ये कसैले मादल बजाउँछन् भने कसैले चामल,रूपैयाँ माग्ने गर्छन् । साथमा उनीहरू गितपनि गाउने गर्छन् । जसले स्थानीयहरू आनन्द उठाउँछन् ।

बालबालिकालाई खेलाउन तथा मनोरञ्जन गराउन मादलको सुरतालमा कृत्रिम घोडा बनेका मानिसले गीत गाउँने तथा नाच देखाउने गर्छन् । बालबालिका पनि घोडामा बस्न पाएर रमाउने गर्छन् ।