बज्जिकाञ्चल संवाददाता,रौतहट,असोज १२ गते ।
रौतहट जिल्लाको चर्चित बजार कटहरियामा भव्यताका साथ दुर्गा पूजा मनाइँदैछ । असोज महिनाको दशहराकाे विशेष पूजा-अर्चना, झाँकी प्रदर्शनी र बेलनेवतन यात्राले धार्मिक उत्सवलाई थप रौनक दिएको छ ।
यस वर्षको दुर्गा पूजामा कटहरियामा निकालिएको बेलनेवतन विशेष आकर्षणको केन्द्र बनेको छ । स्थानीय युवाहरू, महिलाहरू र वृद्धहरूले बाजागाजासहित बेलको गाभा बोकेर नगर परिक्रमा गरेका थिए ।
बेलनयात्रा देवीको प्रतीकस्वरूप शुद्धता र पवित्रताको प्रतीक मानिन्छ । पुजास्थलमा सिंगारिएका दुर्गा माताको मूर्ति, रातभर नाचगान, भक्तजनहरूको भिड, धार्मिक झाँकी र रंगीन बत्तीहरूले बजारलाई उज्यालो बनाएका छन् ।
पूजा समितिका सदस्यहरूका अनुसार यस वर्षको दुर्गा पूजा विगत वर्षहरूभन्दा भव्य र व्यवस्थापनका हिसाबले सुदृढ रहेको छ ।तस्बिर:अरबिन्द सर्राफ
